Mizoram Din thar lehna beihpui (Operation Nehemia) Campaign khuhhawnna hun neih a ni.

OFFICE OF THE ZORAM PEOPLE’S MOVEMENT SOUTHERN HEADQUARTERS :LUNGLEI
Dated : 10th August, 2018

PRESS RELEASE

Vawiin ni 10th August 2018 hian Cultural Heritage Center, Venglai Lunglei-ah Tanrual pawl (ZPM) Southern Hqrs bul tumin “Hawh u sawichhiat kan nih tawh loh nan i din thar leh ang u” (Nehemia 2:17) tih thupui hmang in Mizoram Din thar lehna beihpui (Operation Nehemia) Campaign khuhhawnna hun neih a ni.

He hun a thusawitu Rev K Thanzauva Tangrual Pawl (ZPM) Hqrs Vice President chuan, Kan Ram hi Kristian ram kan nih avangin Pathian malsawmna nasa tak in kan dawng a, chuvang chuan hmanah chuan Kan thenawm state te chungah kan leng a, an entawn kan ni bawk thin a ni. Mahse Kan ram min lo hruai tawh tuten Pathian Tihna nei chung a, a thu ang a Ram min kaihhruai thin loh avang in Vawiin ah hian kan ram chu A tlu chhe mek a ni a ti.

Pu Zauva chuan, Ram hruaituten Pathian tihna nen a ro an rel loh avangin Kan Hnam hian Pathian kan hlat hret hret a, chu chuan Kan nun ah nghawng neiin Kan Hnam lungphum (Foundation) a ti che a, Zalenna dik loah min hruai luh bakah Thiangzau Culture Engkim thiang vek a ngaihna ah min hruai lut a ni. Eiruk, Sex, Nau tih tlak, mahni anpui kawp thlengin engmah pawi lo ah kan ngai tawh a. Chuvang chuan India rama state zing a eiruk hluarna ber, Hiv/Aids vei tam tamna ber kan nih tawh bakah , Rukruk tam lam ah pakhatna kan ni a. Awmpuite awm khawlohpui tamna ber dawttu kan ni ta bawk a ni. Heng te hian Kan ram leh hnam thawm a ti thang mawi lo a. Amah kan tih thin na avanga Pathian min pek kan ram leh hnam zahawmna chu kan hlauh mek a ni. Khawvel zau zawk a hnamdang te chu sawi loh Vai chhia kan tih te leh Tuikuk leh Chakma te tak ngial pawhin min zah tawh lo a ni, kan ram mi sahthlak then sak an tum a, ramri min chuhpui a kut te hial min thlak ngam ta a nih kha. Chu bakah Central hnenah dawt tin rengin min hek a, an duh duh an phut (demand) ngam ta hial a tih ngaihna pawh Kan hre ta lo a ni a ti.

Pu Zauva chuan, kawng thenkhatah hmasawnna nei angin lang mah i la, Central hnenah vawiin ni thlengin Kut kan zu dawt thin a ni. Kut dawh hnam Zahawm an awm ngai lo a. Kan Hnam kan lo zahawm leh theihnan a kan intodelh theih nan te, khawvel a Kan Hnam leh ram thawm thang ri a lo mawi leh theihnan te, kan hnam lungphum chim mek dinthar a nih leh theih nan te, Kan zahawmna kan neih let leh theihnan Hawh u I din thar leh ang u tiin tanrualpui ah Mizo mipui zawng zawng te a sawm a ni

Pu K Sapdanga Zpm Hqrs General Secretary pawhin thu sawiin, Kumin a Mizoram Assembly inthlanpui lo awm tur hi Sakhua Indo na tur a nih thu sawiin India ram pum Hindu ram a siam tumtu BJP leh an mahni thawhpui mai pawh hreh lo MNF leh Mizoram Congress te leh Kan Hnam leh sakhua venhim tumtu ZPM (Tangrual Pawl) te in beihna tur niin a sawi.

Pu Sapa chuan, Tangrual Pawl in kan ngaihpawimawh ber chu kan hnam, kan ram leh Kan sakhua Kristian na a him em tih hi a ni a. Pathian zar a kan lo sawrkar a nih pawh in kan ram, kan hnam leh Kan sakhua ti chhe thei tur chi hmasawnna reng reng chu kan do tlat dawn a ni a ti. Kan kawngpui pan chhan ber chu ram hruaitu ten nawm chen nan mipui sum an hman nasat lutuk vang a ni a, an enkawlte kan retheih tulh tulh lai a an ni an hausak thur thur chhan chu eiruk na lak a an fihlim loh vang a ni a. Tangrual Pawl MLA te chu mahni hmasialna leh Eiruk na lakah kan fihlim dawn bakah Sawrkar hnathawk te chu eiruk na hun siam sak kan tum lo a ni a ti bawk.

Sd /-

SL Chhunga
I/c Information & Publicity
ZPM, Southern Hqrs.
Lunglei, Mizoram

About Mizo Archive

I'm the one who collect the best writings of Mizos
Aside | This entry was posted in Zoram Politics and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s