PU JAMES DOKHUMA KAMCHHUAK -J Saia Hekte

Mizo pa ropui James Dokhuma kha vawi khat chu inneihnaah a kal a, fuihna thu sawi turin an ti a. A ding a, heti hian a sawi ta a..

Aw le, kei hi vawiina inneite fuihtu tur ber ka ni em tih phei chu ka inhre hauh lo. Amaherawhchu, a zawhte upata upa ve ta na na na chu, tawn leh pal hriatte a ngah e min tite pawh a ni fahmiang. Mahni mawhphurha tla na na na chu theihtâwpin kan han hlenchhuak ṭalh ṭalh tur lah ni.

Mizo in ‘innei’ kan tih hi a han fuh bikzia mai chuh! Vai ṭawnga sadi an tih hian a hril pha em tih phei chu ka hre hauh lo. Ka ṭawng thiam tâwk loh vâng lah ni maw? Sap ṭawnga married an tih hian a a hril pha em tih lah ka hre bik lo. A.. A hril pha a nih pawhin ka hre lo kei chu. Mizopa ṭawngina ‘innei’ kan tih chu lai leh laia intâwk ‘fifty fifty’ kha ‘hundred’ a channa a ni. Sawmnga note leh sawmnga note kha zain kan thleng tlang ta tihna a ni chauh.

Mizo hi kan mak khawp a, kan nupui tur chu kan fate rual lek pawh ni se, kel sam bak ṭo tawh pawhin nupuiah nei sela, Mizo nunah chuan mipa hi duat ngai zâwka inhre tlat hnam kan ni a, hmeichhiate hi in fin hle a ngai. Chumi in tihdân tur chu ka’n sawi ang e: bilât artui pakhat ṭheuh ṭheuh pawh hi in han chawi bûk lãk lãk ang a, ‘Hei hi a rit ṭha zâwkin ka hria, Matei pa’n ei rawh se,’ in han tih ringawtte hian kan thawh ngai loh hna hram pui puite hi kan cho uai uai zel a nih hi!

Vai dawra lukham bûk inang reng, a rih lam inang reng in lei a, leihka tlâng sângah in pho va, in han hem lum a, zân mut dâwnah nuin mutna a’n siam a, a’n bêng thawk thawk a, ‘Hei hi a lum nuam zâwk, Bawihtei pain kham rawh se,’ a’n tih ṭawngkam ṭha ringawtahte hian kan la fan ngai loh leh kan la tlawh ngai loh ram hi kan mang kal zut zut mai a ni.

Mizote’n kan thil chìna ṭha lo ka tih deuh pakhat chu, kan innei ta chèng a, kan inrîm laia, ‘Muante, Muante,’ inti ṭhin kha, intihpâ nan inneih tûk aṭangin ‘Lalmuanpui’ kan han inti ful ful hi chi tihchi a ni hauh lo. ‘Muante’ kan tih pawh kha ‘Muante’ ti phal tawh lovin, ‘Bawihte,’ han ti ila, chhûngril lamah hian hmuh theih lohvin lâwmna chibai kan inbûk tawr tawr zel ngai nia mawle.

Kha’ng ka sawi zawng zawng kha in lo ngaithla a, vawiina in innei hi inhmangaihna thu in sawi tam tawh em vânga innei in ni lo va, dam chhûnga hmangaih thu sawi zawm zel turin in innei ṭan chauh a ni zâwk. In nutei fate emaw, in kawmchhak naute emaw, in patea fate vânga in sawi loh bung rem rum kha sawi zawm char char turin in innei tihna a ni zâwk e. Kha’ng ka sawi anga in ti a nih ngat zawngin nuin an thingrem rawn chhawm luhte a rawn khawh hmaa chhîpchhuan chhuah lûk lûk chu a ngai hauh lovang. In thosilente in tlawh ṭeh hmaa ṭhiah rup rup lah a ngai hauh lovang tih hi ka tiam ngam khawp mai che u.

(Vawi khat pawh heti hian a ṭawngṭai e an tia lawm..)

Aw Lalpa, heti lai thlaler hmun ram ro aṭang hian kan rawn tâwngpâwng bengngawng ar mit ṭeh khuan ngawt lo va. Ṭuan leh mâng ata kan thil dîlte min pe tura min lo kamkeu tawh avângin kan rawn chhim ṭhâl bekang puah pawp pawp a nih pawhin a chhànna lâk lo thiam la. I ropuina arsi kemkawm tlâng chena sâng aṭang khan keini arbawm chhe luma lum mai mai Seifate hi min han chheu la, khuang châr ben erawh chuan min chheu lovang che. Aw.. Van khawpui mawi daingulah han ṭang tehreng ila. Keini Seifate hi independent min chhâwlṭhuai la. Ngurchuai val, i ngêng chhun meuh pawhin. Changkel mu tama tam thlang kawrvaite dichim la. Kan ram tân erawh duap kai ang che.

About Mizo Archive

I'm the one who collect the best writings of Mizos
Aside | This entry was posted in Thu leh Hla, Thu Ngaihnawm and tagged , . Bookmark the permalink.

1 Response to PU JAMES DOKHUMA KAMCHHUAK -J Saia Hekte

  1. Anonymous says:

    Pu James trawngkam hi ka duh zawng tak a ni.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s