CHHIMBIAL VOLLEY BALL CHAMPIONSHIP 1971 TRUE STORY

A ziaktu hi ka Pa Nen Nute unau an nia, ka lo copy ve a ni e.
C.ZAIREMTHANGA

Dt.21.11.1971 Saturday Daily news paper Jupiter Editor Pu H.Kiautuma Chanchinbu ka chhiar ah chuan chhimbial volley ball champion zawn na competition a awm tur thu ka hmu a, zawt fiah turin rahsivengah ka leng phei nghal a,Bunghmun khua ka nih ka hrilh a competition a kan tel ve ka dil a,chutihlai chuan Lunglei Sport Association(LSA) President Pu H.Kiautuma ani. Lehkha a ziak a chutih lai a LSA secretary Pu LP.Chawiruma zuk pe turin min ti a,ka zu pe a lehkha a ziak ve a,Pu Kiauva han pe rawh ati ve leh a,ka pe ta a thu tam sawi lovin in tel thei dawn anih hi min ti a zangkhai tak in ka haw phei ta a. He mi kum hi Rev.Dr. PL.Lianzuala te in a ka awm kum ani.kan unaupa PC.Lalthanga tuna UPC pastor pension ta ka sawm a “Lala kan khua te volleyball khel turin i zu ko ang” ka ti a, ani pawh chuan” ni e mawle” ati a,he mi ni chhun dar 11 velah Lunglei kan chhuah san a, de kam thuampui thlawhhma thlamah kan riak a —
A ni khat na chu….

Dt. 22.11.71 sunday ah kan khaw pan in kan chhuak ve leh ta a,heng hun lai hi hruai khawm lai ani a,Lunglei leh kan khaw in kar ah khua a awm lo va kawng achhia in a hnim em em a ahah thlak ang reng hle mai. Tlai ni tlak dawn laiin kan khua Bunghmun kan thleng a.Kan hawn chhan te min zawt nak nak a kan sawi a—

A ni hnih na chu….

Atuk Dt. 23.11.71 monday ah infiam mi thalai rual ten rel ho na kan nei a,buh pui seng lai ani a Lungleia inkhel a kal lo tur ten akal te buh seng sak tha tho tak a rel in,kal ngei rel thluk ani ta a,kal tur a thlan chhuah te:—
1.Pu Daniela—Dropper
2.Pu PC.Chhawnthanga —Upper(C)
3.Tv.C.Zairemthanga —Center
4.Pu Chuauhranga — Wing
5.Pu J.Lalchhawna — Back
6.Tv.Lalzova —Service man.

A ni thum na chu….

Dt.24.11.71 tuesday chuan tha tho taka kal tura in buatsaih te Pu Lalsapan Tlangtlir naah tawngtaina a thlahna hun aneih zawh in kan in bye bye liam ta a.Kan theihnghilh loh tur chu Pu Khawnghing a’n in inkhel en turin ka lo kal dawn ati a, alo kal ve bawk a. He mi ni hian khan thlangah kan riak a. Kan kal dawn hian kan champion anih chuan kan lo hawn lamah khan tlangah meipui kan chhep anga kan hal ang. Meipui alh eng in hmuh chuan kan champion tih in lo hre dawn nia kan ti a ni. Chulo in hriattir na tur engmah kan nei lo.
A ni li na chu……..

Dt. 25.11.71 wednesday hian khan tlang atangin kan kal leh ta a, tluang takin Lunglei tlai ni tlak hma deuh in kan thleng a.

A ni nga na chu…….

Dt.26.11.71 thursday hi kan in khelh ni tur chu alo ni ta a nih chu(h). Zinglam dar 8:30 ah college mual ah inkhelh tan ani ta…1st round ah rahsiveng kan khel a hahdam takin kan hneh mai a,2nd round ah zohnuai kan khel leh a tha a tho dawn chauh a game hnih kan la zawn ve leh mai a,chawlh awm lova khelh zel ani a, semi final ah bazar kan khel ve leh ta a, tlem chuan tran angai ve deuh ta. Buai lutuk lovin kan chak ve leh ta a.

FINAL CHU LEE……..
Tlai lam dar 4 ah zotlang CRP nen final kan khel ta —Tham lo tak a min hneh in ring in min khel a,sipai zawng zawng an lo kal ta emaw tih turin mual sir ah an in tlar zui mai.Motor tam tawk nen an lo thawk a CRP ho zet chu khelh tak tak deuh an lo ngai a(h) kan point hmuh dan pawh in um pha deuh rual rual in kan bei chho ta a, special rajput india ramah pawh tlang in ti kan khua a khel thang kan ni a,sipai an nih vanga tim na nei miah lova khel zel in…Game hnih a zawnin kan la veleh ta a. Englai maha kan la nih ngai loh Bunghmun khaw tan a dar ri mawi champion dar khawn rik a lo ni ta ani. CRP zotlang ami te kan khel hi an thiam in tawh an khirh ang reng khawp mai a hneh tu zawk kan nih na ah hian uang thei kan ni lutuk lovin ka hria.
He chhim bial volley ball champion kan nih theih na tura atul apianga thil engkim fel tak a hma min lo lak sak tu leh kan inkhelh chhung zawng a nihliap inzawn a min lo fuih reng tu,kan tran na lam apianga min din chilh zel tu leh LSA hruai tu te nen a kan ei ho tur, ama chenna in a ruai tui tak min buatsaih sak tu te :—Pu R.Biakmawia (L) Bunghmuna C.A hna thawk tu leh anupui Pi Biaknguri (L) te hi kan hriat reng tur te zing ami an ni in ka hria a,an chungah lawmthu ka sawi a.
Tin,Lunglei Sport Association (LSA) hruai tu ten an hun tiam ti danglam hial a inkhel ve tur a ka dil na ngai pawimawh a ka thiante ka koh chhung min nghak a phal taka volley ball competition a min tel tir avangin an chungah lawmthu ka sawi a, apawi mawh ber ah chuan Pathian in CHAMPION thei hial a min lo buatsaih avangin ama hnen ah ropuina leh chawmawina awm rawh se.

About Mizo Archive

I'm the one who collect the best writings of Mizos
Aside | This entry was posted in Thu Ngaihnawm and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s