LAWNG CHESUALAH BCM MISSIONARY NUPA IN AN FANU NUNNA AN CHAN

Ngiautlanga BCM Missionary Pu K. Lalthanpuii leh Pi Ruthi Lalrinsiami te chuan an kohhran member thenkhat te nen nimin 11 august khan an bial chhung kohhran tlawha an zinna lamah an chuanna lawng a chesual a, an fanu Esther K. Lalhruaizeli an chan.

Lawng chesuala nunna chan ta Estheri ruang hi Thanzamasora bulah hmuh a ni a a. Pu Vanlalthuama Colney Headmaster BBS inah a ruang hi an lak niin Estheri pa te khua Hnahthial a vui tur a ni ang.

An accident dan chanchin tlangpui

Sedailui ‘L’ Chakma Kohhran tlawh turin an kal dawn a. An thawhna Ngiautlang ho in “In accident ang, kal lo mai rawh u” an lo ti a.

An Chakma Kristian nu pakhatin, “Kan thi lovang, kan thih leh vanram-ah kan kal hma dawn a ni mai a, țhulh ka duh lo,” a ti tlat mai a.

Chutia an enkawl Kohhrante an phur tak viauah chuan an rilru tih hnual an hreh si a. Kal chu an tum ta a, an han țhulh leh titih a, a tawpah an kal ta nge nge a.

An chuanna Speed boat driver hi Sedailui ‘L CBC upa, an bial Chairman Elect a ni a, nitin an zinna lui dunga service țhin a ni a.

Ruah sur avangin tui hi a khauh tawk lekin a lian a. An tlawh tur khua Sedailui ‘L’ khaw thlen hma deuh, suar ah chuan, tui han inchhawk deuh hlup chuan a chim pilh ta thut a ni.

Estheri pa hian a fanu hi a pawm a, a kut dinglam in a fanu chu boruak a hip tir a, a nupui Ruthi’n a pasal ban leh lam a chelh tlat a, an nupa chuan tui chhungah an awm a. Pu Puia hian a kut a thawh theih loh avangin suar khauh takah chuan a ke in a inchhek kang hram hram a. A tha in a tlin ta ngang lova, a fanu chu suar tui khauhin a la ta a ni. Tichuan, Chakma kristian ho chuan an ni nupa hi an rawn țanpui chhunzawm a.

Tin, an kal dawna kal rawt tlattu, _”Kan thih leh vanram-ah kan kal dawn a, engnge hlauhawm”_ ti tlattu, ‘Pi Hajali’ pawh chu a fanu pawmin a len thla ve a, a mo puiin a naute a va la hman a, amah erawh a tha in a tlin tawh bik loh avangin tuiin a len bo ta a, a ruang hi an la hmu lova, naktuk lamah zawn chhunzawm a ni ang.

Pi Hajali chuan a sawi ang ngeiin, Sedailui ‘L’ khua an panna kawngah Esther K. Lalhruaizeli nen Lalpan Vanramah a hruai ta a ni.

Pi Hajali pasal leh fate, Estheri nu leh pa Pu K. Lalthanpuia leh Pi Ruthi Lalrinsiami te an lainatawm hle mai.

Tin, an Lawng khalhtu pawh hrehawm a ti hle mai a, țawngțaipui a ngai hle.

Gilbert Renthlei

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s