MALDIVES IN A HELICOPTER TE HNUK KIR TURIN INDIA HRIATTIR.

Indian Ocean a thliarkar pawimawh tak mai Maldives chuan India chu Maldives ram chhunga a Helicopter te leh a hnathawk ṭhenkhatte chu hnuk kir turin tun hnaiah a hriattir.

India leh Maldives hi hunreitak chhung inṭhianṭha tak anlo nitawh ṭhin a,kumin kumtir lam khan Maldives hian Abdulla Yameen chu an ram president-ah nei tharin,ani hian India aiin China a support hle ani.Maldives ah China duhzawng sawrkar apian tak avang hian China chuan Maldives ah hian nasa taka ṭanla nghalin Kawng sial hna te,lei dawh leh Airport thlengin asiamsak chho ta a,Maldives ṭanpui ber ṭhintu India chu China hian anek chhuak ta ani.

India hian Maldives President nimek Yameen hi aduh lo hle a,kumin kumtir lama Maldives a Politics buaina a chhuah laivel pawh khan Yameen a duhlo lam te chuan India chu Maldives a Sipai thawnlut turin anlo ngen hial tawh ani.India leh Maldives hian tunhma chuan thawhdunna ṭhatak neiin he thliarkar tereuhte hi India chuan nasa takin alo tuam hlawm tawh ṭhin a,Maldives Economics Zone te chu ramdang lakah alo venhim sak hram hram ṭhin.President hlui Gayoom paihthlak tumna avangin kum 1988 ah khan India chuan Maldives ah hian a sipai te alo tir lut hial tawh ani.

India a Maldives Ambassador Ahmed Mohamed chuan India Helicopter pahnih leh sipai 50 vel la awm mek te chu India hian ala chhuak tawh tur ani ti a sawiin,India milehsa te Visa chu athi tawh niin a sawi bawk.Heng India helicopter te hi tunhma chuan ṭangkai taka hman anlo nitawh ṭhin a,tunah erawh chuan India thil te hi Maldives chuan amamawh tawhlo niin a sawi.Maldives Ambassador chuan India leh Maldives hian Joint Patrols anla neih zel tur thu pawh sawiin Maldives chu China leh Middle East lawng hmanga inkalpawhna pawimawh ber anih thu asawi bawk.

India Lawng Sipai thupuangtu pakhat chuan Indian Navy helicopter pahnih leh India mi leh sa Maldives ah hian an la awm ngei thu hi nilai ni khan alo sawi tawh bawk.

India GMR chuan Maldives sawrkar chu $511 million zet thawhdunna tur ziahfel pui tum mahse Maldives chuan China sum tamthak puk chu athlang zawk ta ani.Abhijit Singh Indian Naval Officer hlui chuan Maldives hian a thliarkar ṭhenkhat chu China hnena apek thu sawiin heng thliarkar China hnena ahlan te hnaih te te ah hian India Helicopter leh sipai te hi dah anni tiin alo sawi tawh bawk.

Maldives President Yameen hian China chu a rama lut tura sawmin hmasawnna engemaw tal siamsak tura a ngen thu Singh chuan sawiin India chuan Maldives hi a enthla reng dawn niin a Abhijit Singh chuan a sawi.

India leh a tuipui sipai ten Indian Ocean venhim chung changah Maldives hi India tan hmun pawimawh tak a ni a..India in a chan chhota hi Indian Navy tan chuan thil pawi tak a ni thei ngei ang.

Author: John Arsene Khawlhring

About Mizo Archive

I'm the one who collect the best writings of Mizos
Aside | This entry was posted in World News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s