Congress sorkar eiruknaah a fihlim lo- MNF

Mizo National Front
Sub-Hqrs Lunglei

Date 10 August, 2018 a Congress Bhavan a Political Session a Chief Minister Pu Lal Thanhawla’n Opposition Party te hian tih tur an van hle a, eirukna chungchangah min mawhpuhna tur an hre lova, NLUP an sawisel a, mimal hming hawhin Court ah an hek a, Party dang te pawhin an hek ti a a sawi mai kha, a tar-at deuh tawh vanga sawi mai nge a nih a,Mizo mipuite a tham loh vang zawk tih hi MNF Sub Hqrs Lunglei zawhna a ni.

Chief Minister leh Congress hruaitu thenkhatte hian Congress sorkar corruption-a fihlim anga an sawi fo hi thu belhchian dâwl lo a ni. Congress sorkarah vai contractor liante’n thil an ti thei em em a, sorkar hian a hlau em em a ni. Heng vai ho nen hian puanhnuai thil an ti nasa tih a chiang a, kawng chhiat chhante pawh hi corruption vang liau liau a ni.

Mizo Carbon Products-in diklo taka Central Transport Subsidy (CTS) cheng vaibelchhe tam tak an lo fanghma no ei hmiah hmiah mai te,

Sunshine Overseas company ah MLA ni chunga Pu Lal Thanzara’n chanvo (share) 21% hlawkna a lo neih dan te, H.P Food Product-in ‘High Protein Biscuits’ cheng vaibelchhe 22.34/- man sawrkarah supply hna a lo thawh ruk dante,

NLUP ah cheng vaibelchhe 3000 chuang holam taka a riral dante,NLUP scandal” nasa lutuk, Motor lei zat sawi dan inanglo te, NLUP sum bank-a dah pundan (percentage) inmil lo lutuk te,CAG in he scheme hlawh chham zia a puang te,

Dik lo taka Mizoram Sorkarin Lottery a kalpui avangin cheng vaibelchhe 11808.77 lai Mizoram sorkar sum bawm a lut tur lut ta lo CAG in a a sawiah hian engzat chiah nge a mah CM Pu Hawla hian chanpual a neih ve ang? CM Pu Hawla hian Lottery Regulation Rules 2010 kaltlatin sum insiam nan a kalpui ngei ni a langte,

CADC a Congress sorkarna hnuaia eirukn thubuai avanga Congress MDC 13 zet eiruk thubuai awrh zui mai turte,

High power commitee Lunglei (HPC) a cheng vbc 2 chuang zet sum hman dik loh ACB a thubuai ziak luh tak te,Dawngzawl ram Serchhip Componsation uchhuak tak te,Dihmunzawl Building thiah hlawk lutuk te,Congress MLA/Minister te in leh lo ropui zia leh mi hminga Contract an thawh nasat hlawm zia te,leh thil dang tam tak sawisen loh te leh Kau Tlabung leh Tuipang lui Mini hydel Project a eirukna Case te kha Zoram mipui hian kan hai lo a ni. Mizoram Congress Sorkar hi eiruknaah an fihlim lo tih hi a chiang a. Heng a chunga kan tarlan tlem te chauh te khi sawifiah a, a chhanna min pe ngei turin Chief Minister leh Mizoram Congress Party hi MNF Sub Hqrs Lunglei chuan kan phut tlat a ni.

NLUP an sawisel a, mimal hming hawhin Court ah an hek a, Party dang te pawhin an hek a tih chungchangah NLUP hi Sawrkar Programme a ni a, Party mal in hamthat nan a an hman tur a ni lova, sawrkarin awmze nei a a kalpui tur a ni a,An kalpui danah dankalh a sem a nih vang te, MLA ten an hman dik tawk loh vangte, MLA ni miah lo, MLA Candidate a tla ten an sem vang te, Amah CM Lal Thanhawla’n congress party nilovin an sem ve tur a ni lo, NLUP sem duh chu Congress ah lo lut mai rawhse a tih vangte leh thil dik lo tam lutuk a vang leh,mipui sum(Public Money) Party invulh len nan a hman mai mai a nih a vanga mipui sumbawm venhim duhtu mi thahnem ngai pakhat hmalakna a ni tih MPCC President hian lo hria se, Court in NLUP a stay chung chang ah hian MNF Party a in rawlh lo a ni tih hi lo hre turin MNF Sub Hqrs Lunglei chuan kan hriattir a ni.

National Register of Citizens (NRC)avanga Assam-a mi nuai 40 chuang ram leilung fa nihna an hlih sak hnuah dan lo a an ram a an luh mai loh nan, Assam ramri a awm ve State dangte an inpuahchah mup mup laiin Mizoram Home Minister zahawm takin Mizoram ramri humhim tur a Vairengte mipuite kutah a dah ni awm hrim a Vairengte mipuite hnen a ngenna a siam hi zahthlak kan ti tak zet a. Thawkkhat laia Bairabi Zophai hmuna Zofate chawlhbuk sak tum MZP kal te Assam Police kut an tuar tum pawh khan Mizoram Sorkar chuan Mahni mi leh sa chhan ngam lovin a lo ngawihbo pui tawh a. Hetiang Sorkar mahni ram leh mahni chipui te venghim ngam lo hi a pawi in a zahthlak kan ti a Mizoram leh Hnam chhan ngam lo Congress sawrkar hi Mizo mipuite hian kumin 2018 inthlanah hian kan hnawl ngam ve a hun ta tak zet a ni.

Pathian leh kan ram tan.

Sd/-
(LALNUNZIRA PACHUAU)
General Secretary
Infor & Publicity Deptt.
MNF Sub Headquarters, Lunglei.

Copy to : 1. All Editor…………….. News Item anga min lo tarlan sak theih chuan, kan lawm hle ang
2. All Cable News Reader…. Chanchinthar a news item anga min lo puansak turin
3. Office Guard File.

Sd:-
(LALBIAKLAWMA)
Secretary
Infor & Publicity Deptt.
MNF Sub Headquarters, Lunglei.

Dated 11.8.2018
Lunglei.

About Mizo Archive

I'm the one who collect the best writings of Mizos
Aside | This entry was posted in Zoram Politics and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s