Great Economic Reformer Vajpayee kan chân ta!

India PM 11-na Atal Bihari Vajpayee-a (25.12.1924-16.8.2018) vawiin tlai dâr 5.05pm-a AIIMS-a boral khân a ram tân hnuhma ropui a hnutchhiah bîk!

1) USA leh India inkâr ṭha lo tak, US Prez Jimmy Carter-a’n 1978 India a tlawh hnua US Prez-in India a tlawh leh hmasak ber (Bill Clinton) hun a thleng.
2) India leh Pakistan ram inhal tak inlaichînna siam ṭhat nân Delhi-Lahore bus service hawn a ni a, Pak Prez Nawaz Sherif-a nen ‘Lahore Declaration’ an siam.
3) He declaration hi hlawhchhamin May 1999-ah Kargil Indona a thleng a, India chu dinhmun ṭha zâwka dinga ngaih a ni.
4) Liberalisation leh Privatisation kalpui niin sumdâwngte zalên takin an sumdâwng a, sawrkâr suih têt a ni.
5) Gulf Indona te, tuialhthei tlakchhiatna te, 9/11 vanga khawvêl buaina te, firfiak dona te vanga ei leh bâr a tlâkchhiat lâi mah ni se India ei leh bâr dinhmun 6%-8% ah a chho.
6) Nuclear râlthuam neia India siamin Pokhran-ah test a ni. Hei vang hian USA leh Europe ramten India an hrêk na a, tâl buai loin India a damkhawchhuahpui.
7) SSA kan tih mai hi siamin India rampumah zirnain hmâ a sâwn.
8)PMGSY duangin la kal pawh loh thingtlâng khaw tam tak kawng laih pawh a ni.
9) India khawpui lian Chennai, Kolkata, Delhi leh Mumbai inkalpawhna kawng sial tlang a ni.

Morarji Desai-a India PM a nih lai khân Exter Affairs Minister niin UN Gen Assembly-ah a hmasa atân hindi-in thu a sawi a. BJP dintu a ni bawk.

Vajpayee-a hi 1996-ah ni 13; 1998-1999-ah thla 11 leh 1999-2004 chhûng India PM a ni a, India tân hna a thawk nasain ‘hmathlîr thui ram hruaitu’ tih leh ‘ei leh bâr dinhmun siam ṭhatu ropui’ tia koh tlâk a ni hman!

Pu Ch Chhunga’n Assam nêna kan ramri humhalh a tumna te; Pu Laldenga’n khawvêl hriata Zofate min vawrh chhuah te, Mizo hnama harh tharna a chawh chhuah vang leh a CM hun reilotea Aizâwl khawpui kawngpui a zauh te; Brig Ṭhenphunga hmathlîr thui tak chhunzawmsak loh vanga kan hnufum phah te leh Pu C Pahlira vanga Aizâwl kawng sial tam tak te hi ṭhangtharten kan theihnghilh tawh ngai lo ang.

Ṭhangtharte hriatzui reng tur ram hruaitu ṭha kan va mamawh leh tawh tehreng êm!

Author : Lalrinzuala Chawngthuᅠ

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s