MZP PRESS RELEASE Foreigner dapchhuah belh zel

Assam-in khua leh tui chhinchhiaha National Register of Citizens (NRC) an siama hming lang lo foreigner-te Mizoramah an lut ang tih hlauva hmun thuma thawkchhuak MZP te’n foreigner an dapchhuah belh zel a, thuneitute’n ti tawh lo turin ngen mah se MZP chuan chawlhsan an la tum lo.August ni 22 kha Id a ni a, an sakhaw hun pawimawh a nih avangin NRC-a hming lang lote pawh an pawnchhuak lo deuh tura ngaih a ni chungin Mizorama luh tum foreigner 20 chuang manchhuah an ni. Tlaidar 3 thleng khan Vairengte-ah 12, Saiphai-ah pasarih, Bairabi-ah pali manchhuah an ni.

August ni 21 leh ni 22-ah he’ng khaw pathumah hian foreigner 235 manchhuah an ni a, a hmain Vairengte-ah 16, Aizawlah panga dapchhuah an ni tawh bawk. Foreigner 200 chuang dapchhuah a nih hnuah Mizoram sorkarin Vairengte, Bairabi leh Saiphai-ahte hian police a dah belh a, thuneitute’n lo chawl tawh turin MZP hi an ngen bawk a, mahse MZP chuan Mizoram sorkarin theihtawp chhuaha ram ven a tum tih a chiang a nih loh chuan chawlh mai hi tunah rih chuan thil ti chi-ah a ngai lo.

Assam hian July ni 31-ah khan NRC-a hming chuangte a puangchhuak a, MZP chuan kumin kum tirah khan NRC-a hming lang lo foreigner-te an rawn luh loh nana hmala turin Mizoram sorkar a ngen tawh bakah August ni 4 khan thuthar lakhawmtute kawmin Mizoram sorkar chu August ni 15 thleng ngaihchan a nih tur thu a puang leh bawk. Mizoram sorkar a mutthluk tlat avangin MZP hi a penchhuak ta a ni.

Assam atanga Mizorama lut tawh hnam dang zingah hian NRC-a hming lang lo foreigner pawh an awm ngei tih finfiah a ni tawh a, MZP chuan hei pawh hi umzui zel a tum a ni. Bairabi Railway Station-a ILP pekchhuahna tur counter pawh a hmingin awm ve mah se a ding mumal lo a, thawktu hmuh tur an awm loh avangin tun dinhmunah chuan he counter hi hman tlak lovah MZP chuan a ngai. Mizoram luhka pawimawhah pawh duh tawkin ILP tel lova hnam dang an vei tlang thei a nih chuan Mizo thalaite bawk an penchhuah leh a ngai dawn a ni.

Mizoram sorkar a muthlu tlat mai hi MZP chuan pawi a tiin vanduaithlak a ti a, foreigner laka ram leh hnam venhim hi sorkar hna pawimawh a ni tih hre turin Mizoram sorkar hi a beisei a ni. Mizo police te’n ram venhim an duh ang tih hi MZP chuan a ring a, thuneitute’n thuneihna an chan chhan an ngaihsak loh avangin che thei lovin police-te an awm ang tih hi MZP chuan a hlau a ni.

Sd/-
(JACOB LALMUANPUIA)
Secretary i/c information

.

About Mizo Archive

I'm the one who collect the best writings of Mizos
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s