I SUM CHU NAWMCHEN NAN NI LOVIN, I NUNGCHANG SIAM NAN HMANG RAWH

  • Rick Warren (Sept 28, 2018)

“Kan Lalpa leh Chhandamtu Isua Krista khawngaihna leh hriatnaah chuan lo țhanglian rawh u. Tunah leh chatuan thlengin ama hnenah chuan ropuina awm rawh se, Amen.” (2 Pet 3:18).

Pathian chuan Isua Krista anga țhanglian zel turin a duh che a. Chumi turin engtin nge i tih ang? Nangmah ngei chu i sum/ pawisa hmangin, i mimal nun țhanlenna turin i inbuatsaih anga, i inchâwm (investing) lian ang. Bible chuan, “Kan Lalpa leh Chhandamtu Isua Krista khawngaihna leh hriatnaah chuan lo țhanglian rawh u. Tunah leh chatuan thlengin…” a ti a ni.

Thlarau nuna i lo țhanlen a, i sum/ pawisate chu i thiamna (skills) leh hriatna tipung tura i siam a, nangmah ngei chu i inzir fin chuan hruaitu fel leh țha zawk, thusawimi (speaker) țha zawk, couselor țha zawk, țawngțaimi țha zawk leh kawng engkimin mi țha zawkah i awm thei a ni.

I blog link kha titawi la, Net aṭangin pawisa hlawh rawh.

He thil hi i hnena sawi nuam ka ti lo, mahse, i car te leh incheina thawmhnaw man to leh smartphone man to tak tak te chu vanramah i chhawmlut thei lo. I building ropui (condonium) te leh Company siam thil țha leh man to tinreng i neihte chu vanah i keng dawn hauh lo.

Mahse, i mizia leh nungchang (character) kha chu i chhawm zel dawn a ni. I sum leh pai, hausaknate chuan nuam tâwl zawng leh thlamuang (comfort) taka awm turin a thlêm che a ni thei e, mahse, Pathian erawh chuan i sum hmanga Vanrama i luh pui tur “nungchang” ngei chu siam țhaa din țha turin a ti che a ni.

Chumi awmzia chu i sum te chu Kristian lehkhabu țha, rinna leh thlarau nuna i lo țhanlen zel theihna tur leh i hriatna leh thiamna belhchhah theitu lei nan hmang la. Chutianga sum hman ralna chu Pathian duhzawnga țhanlenna tur “Growth Fund” tiin, ka phuah a ni.

Reseller Web Hosting

I nun atana țangkai leh mamawh tak neihna tur ang chi- retreat emaw, crusade emaw, Bible study emaw, salvation/revival camping leh discipleship training, etc. emaw buatsaih nana i sum neihte i lo hman khan Pathian duhzawng leh lawm zawng a ni a, i tan pawh thlarau nun țhanlenna pawimawh tak a ni. Chutianga i pawisa hman ralna te chu “Growth Fund”-ah i dah pung (invested) tihna a ni. Eng hunah pawh Pathian duh dana chutianga sum i hman ralna chu țangkai leh dik a nih chuan, Pathian pawh a lawmin, a nui (smiles) ngei ang.

Rawlthar (teenager) ka nih lai a ka Bible lei hmasak ber chu ka theihnghilh thei lo. Naupang tê ka la ni a, “He lehkhabu hi ka tana lehkhabu hlu leh țha, țangkai tak a ni a, chuvangin ka tana țha ber chu ka hmu a, aman to hle mahse ka pawisa neih chhun chhunin ka lei anga, ka nei tur a ni,” tiin ka ngaihtuah rilru neuh neuh va. Chutianga ka en kualna leh zirchian hnuah, “Thompson Reference Bible” an tih chu ka pawisa neih zawng zawngin ka lei ta tawp mai a ni. A kâwm pawh a țha ber chi, savun țha chi ngata siam chu ka lei ta a ni. Chutiang Bible lei chu ka tan a to hle mai a, ka thla hnih hlawh man zet a ni. Chu Bible ka leina avangin thla 2 chhunga cinema ka enna te, puar leh fãnna ni lutuk lova ka thil ei (snacks) țhin te chu ka bânsan vek a ni. Mahse, chutiang Bible țha zet ka nei chu ka lawmin, ka dam chhungin țangkai takin ka hmang thei dawn a ni, tiin ka hlim rilru veng veng mai a ni.

Vawiin thlengin chu Bible, ka tleirawl laia ka lei chu ka la nei reng a. Ka tan a hluin vawi tam tak ka chhiar chhuakin, a châng (verses) tam tak chu a hnuiahte rînin, marker rawngin ka thai țial nasa hle bawk a ni.

Bible chuan, “Chaw ni si lovah engvangin nge tangka in sên? Puar leh fânna ni si lovah engvangin nge in tha leh zung in sên? Ka thu lo ngaithla ula, thil țha chu ei rawh u, in nunna chu thil țha leh thauvah chuan hlim rawh se,” (Isaia 55:2) a ti a ni.

I pawisa te chu zûk leh hmuam atan te, puar leh fânna tak tak ni lo (junk food) atan leh thlarau chaw (soul food) lei nan i hmang thei a ni. Chuvangin i thlarau chawm a, tițhanglian thei lei nan hman țangkai tum ang che.

Ngaihtuah teh!

Kan hnam kalphung (society) chuan, nungchang aia nawmsipbawlna leh nuam tawlna thilah engangin nge i nun a hneh țhin?

Engvangin nge “kamram” (junk food) aia “thlarau chaw” (soul food)-in kan nun leh thlarau a châwm a, a tih puar bik?

Eng thilte nge i “nungchang” siamna tura i duhzawng lei leh nuam tihzawng kalsan tur leh bânsan tur i neih le?

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s