PAWL LEH SEN BÍK AN AWM LO

Stamford Bridge-ah Chelsea leh Liverpool chuan Premier League an match 7-na khelin, inkhel hmuhnawm tak min hmuhtir a, chak phù zawk awm lo vin an khelțha ve ve tih an point insemah hian a chiang a ni.

Chelsea chuan first half Eden Hazard goal an chakpui tawh dawn emaw tih laiin hun tawp dawn țepah Daniel Sturridge goal hmangin Liverpool hian an chhang let a, point khat ve ve insemin an țin. Team hnihte hian goal thunna hun țha an neih an hmang țangkai lo nual a, Willian leh Hazard chuan keeper chiah an hmachhawn hnuah an pet goal lo ve ve a, Salah pawhin keeper a bum hnuah a pet goal lo bawk. Inkhel hmuhnawm tak kan hmu a, mit khap uiawm tham a ni a, an chance hmuh hmang țangkai se goal kan hmu nual ngei ang.
~
TUTE NGE KHEL?
Manager pahnih te hian an duh angin team an rem a tih theih a, hliam tenâu nei ho pawh inkhel theiin an dam a ni.

Chelsea XI : Kepa/ Azpilicueta, David Luiz, Rudiger, Alonso/Jorginho, Kante, Kovacic/ Willian, Hazard, Giroud
Subs : Caballero, Cahill, Zappacosta, Moses, Fabregas, Barkley, Morata

Liverpool XI: Alisson/ Alexander-Arnold, Van Dijk, Gomez, Robertson/ Wijnaldum, Henderson, Milner/ Mane, Salah, Firmino
Subs: Mignolet, Fabinho, Keita, Sturridge, Moreno, Shaqiri, Matip.

Inkhel an țan a, attacking football kan hmu dawn tih a chiang nghal. Liverpool lam an pâwng hret a tih theih a, Chelsea goal lamah an tlângnel deuh.

Chelsea tlarhnung lam pawh an fimkhur dun viau. Mo Salah chuan a chance țha hmuh hmasa ber a chhawr țangkai lo va, Chelsea goal thunna hun țha hmasa ber minute 23-ah David Luiz long ball(40M) țha tak dawngtu Willian chuan Alisson chiah a hmachhawn hnu-ah Brazilian keeper hi a pet khum thei lo va țha takin a dansak.

Minute 25-ah goal kan hmu nghal a, tudang ni lovin Eden Hazard a ni. Hazard chuan mawi takin Midfield-ah ball pein, Jorginho leh Kovacic chuan ball an inpek tawn hnuah Kovacic chuan Eden Hazard tan ball pein box chhungah Hazard hian a tlanluhpui hnuah a ke veilamin a pet goal a, Alisson atan Hazard finishing țha lutuk hi dan ngaihna a awm lo. Minute 32-ah Mo Salah chuan Kepa thlenga a bum hnuah goalah pétin Rudiger an alo pet chhuak hman a, a goal teuh hle.

Inkhel a hmuhnawm a, Liverpool pawhin Anfield-ah Chelsea an tlângnel ang thoin Stamford Bridge Chelsea ta bìk a ni lo tih khelhah an lantir. Boruak a țang a, foul pawh kan hmu zeuh zeuh. Reds lam hian Alonso position lam ațangin an nawr a, hun tawp hma minute 2-ah Mane chuan overhead kick neiin goal kham chung lamah a kal hlauh a ni. First half hmuhnawm tak min hmuhtir a, hun chanve chawlh an hmang zui.

Second half an țan a, mualneitu lam pawng nghal mah se duhthusam goal thunna hun an insiam thei mai bik lo. Liverpool lam an hlauhawm leh a, Mane shoot țha tak chu Kepa chuan a dansak.

Darkar khat an khel vel tihin Willian chuan ball tlanluhpuiin Gomez an alo tibuai hman hlauh a ni. Minute 62-ah Eden Hazard chuan box chhungah ball a khalh luh hnuah Alisson chiah hmachawnin a pet goal lo a, Alisson chuan dansakin Hazard a fimkhur tawk lo a ni. Giroud aiah Morata lútin goal khung belh ngei an tum a, Salah aiah Klopp chuan Shaqiri a dah lut bawk.

Mahse Chelsea-in goal an chhuah teuh hlé, minute 69-ah Robertson siamsak țha tak chu Shaqiri chuan hnai tak ațangin a hlah a, Liverpool chuan nawr zelin minute 71-ah Firmino head chu David Luiz chuan a petchhuak hman a, Chelsea an vanei hlè. Sarri chuan Willian aiah Moses a dah lut a, Henderson aiah Keita a lut bawk.

Inkhel a țang a, Moses ball khalh tlang tur Milner chuan tithlu-in Card eng pek a ni a, Kovacic aiah Sarri chuan Barkley a dah lut leh bawk. Minute 85-ah Shaqiri free kick pet țha tak chu Kepa chuan a man sak a, goal thun ngei tumin Klopp chuan Milner aiah Sturridge a dah lut. Klopp an a tisual lo chiang hle!

Minute 89-ah Chelsea player hlui Sturridge chuan goal mawi tak khungin box pawn ațangin Kepa man phâk lo vin fing takin pet lút a ni. Minute 4 pekbelh a ni a, Chelsea lamin nawr viau mah se an khung thei bik lo.

Author: Tetea Bluessy

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s