SPANISH LA LIGA NGE PREMIER LEAGUE ROPUI I TIH ZAWK ?

Football khawvel ah eng league nge ropui ber tih chu, tun thlenga inhnialna chawkchuak tu lian ber te zing ami a la ni a, tam tak chuan Premier league a ropui ber an tih laiin, la liga tluka ropui a awmlo an ti bawk.
LEAGUE PAHNIH TE IN ANNA
*Team 20 ten an khel ve ve.
*Season khat ah team tin in, match 38 an khel.
*Khelmual ah vawi 19 chutiangin Khualmual ah vawi 19.
*Season tawp ah top 4 team ten champions league khel turin an qualify.
*Top 4 atangin team 3 in play-off khelh ngai lovin UCL automatic in an qualify ve ve.
*Palina dinhmun chelhtu team in UCL qualify turin play-off match hnih an khelh a ngai (2 legged).
*Tin, Season tawp a, a mawngphah a awm team pathum te relegate in Second division (England lamah Championship, spain lamah The Segunda Division) lam ah an chhuk thla thin a ni.

CHAMPIONS LEAGUE PERFORMANCE
League ropui tehna pakhat chu, club tha rual te in el thinna, ‘Champions league’ a an performance hian a hril thui hle a ni.
*UCL ah la liga club te vawi 13 an champion tawh, amaherawh chu la liga team atang hian ucl champion hi club pahnih chauh (Real Madrid leh Barcelona) an ni.
*Real Madrid hi ucl ah vawi 9 champion in Record ding lai a ni. Tin, Barcelona hian ucl nomawi vawi 4 an chawi tawh bawk.
*UCL ah English Premier league club te vawi 12 an champion tawh bawk.
*Premier league team atangin UCL champion club 5 an awm a, chungte chu :
*Liverpool (5), Manchester United (3), Nottingham Forest (2), Chelsea (1) leh Aston Villa (1) te an ni.

LA LIGA AH LEAGUE TITLE LA THEI CLUB PAHNIH CHIAH AN AWM
Real Madrid leh Barcelona an sang fal, hei hi la liga ka sawi nep tumna leh team dang te an nep fal bik lutuk e, ka tihna ni lovin, thudik a ni miau a ni!
Kum 2003-2004 season khan, Valencia chu League ah an champion a, mahse hemi hnu season 8 chhung hian R.Madrid leh Barca te elpha tu tur Club an awm meih lo a, R.Madrid leh Barca chu in um fal char char in, Barca vawi 5 champion tawh in, R.Madrid vawi 3 an champion tawh bawk.

Mi thenkhat in club lian tam tak chuan club ropui ni turin sum hmangin player tha tak tak an la lut a, mahse Barca erawh chuan sum hmang ve vak vak lovin, anmahni academy chhuak hi an chhawr nasa an ti a, dik pawh a dik reng a, amaherawh chu Barca pawh hian La Masia product bakah an hausakna hmanga player tha lei tam tak tak an nei a ni tih pawh hi theihnghilh loh a tha.

PREMIER LEAGUE CLUB AN INTUMTAWK, CHAMPION THEI TEAM AN TAM
La liga anglo tak in, Epl lamah chuan champion thei team hrang hrang 4/5 (Arsenal, Chelsea, Liverpool, Man City, Man Utd leh Spurs) lai an awm a ni. Heng club te hian Season tin, ropui ber nih tum in, an in um kual zak zak thin a ni.

LA LIGA A SUM LAMA INTHLAUHNA
La liga hi Epl ang lo tak in, a hausa fal an hausa em em a, a chhan hrang hrang a awm a, tlem te han sawi ila.
* Barca leh Madrid te kumkhat a, Domestic Tv deal atanga an sum lakluh zat chu £ 600 million ($868 million) a ni. Heta tang ringot pawh hian player lei nan sum tamtak an neih phah a, to uchuak tak tak in player lak an ching reng bawk a ni.
*Hetih lai hian club dang 18 te chuan barca leh real te sum hmuh zat ve pawh hi an chang lo. Abul ber ah chuan system felhlel/hleihnei a awm vang a ni.

Hei vang hian team dang ten player tha leina tur sum an ngah thei lova chu chuan barca leh real title chuhpui tur khawp in team tha leh chak zawk an siam theih loh phah, ni pakhat in a lang.

University of Barcelona a an Professor pakhat Jose Maria Gay sawi dan chuan, Kum 2009-10 season chhung khan, TV deal atangin Barcelona in £158 million an la lut a, chu chu 26% a ni. Tin, Real Madrid hian £136 million an la lut bawk a, chu chu 22% niin, Barca leh Madrid hian 48% lawih an pumbilh bik tihna a nih chu.
Tichuan a bak zawng 52% chu club 18 te chan a ni. Inthlau tak a ni!

PREMIER LEAGUE A SUM LAMA INTHLAUHNA
Premier league lamah Man Utd chuan Domestic Tv rights atang hian kum 2009-10 season chhung khan £64.5 million an la lut a, chu chu za zel a 5.8 (5.8% ) a ni. Club te zawk Wolverhampton chuan £43.8 million an la lut a wigan pawhin £42.8 million an la lut bawk a, club lian leh club te inthlauhna hi a tam lo khawp mai.
Hetiang system kalrual taka a awm avang hian epl club zing ah champion thei team an tam phah a ni, a tih theih awm e.

KHAWVEL HUAP AH TUNGE LAR ZAWK ANG ?
Kum 2011 report a,alan dan ah chuan,
*2010-11 season khan mihring 4.7 billion in Epl an en, mahni in lum atangin mihring 3.9 billion in en in, mahni in pawn atangin (Bar, club, public etc) mihring 777 million in epl an en.

Heta tang hian la liga aiin epl hian nasa takin entu a ngah zawk tih a hriat theih a ni.

Thupui a kan hman ang khian,khawi league nge ropui zawk a, tha zawk tih chu,nangma ngaihdan kha a pawimawh ber.

Keipawh epl fan ruhkawl ka ni a, tunge ropuia tunge tha zawk tih thu a, ka chhanna chu,
EPL hi a hmuhnawm ber a, a competitive ber a, La liga erawh a class a sang ber, tih hi.

Author : Unknown

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s