CYMA HRUAITUTEN MNF PARTY HRUAITUTE AN KAWM

BRU REVOLUTIONARY ARMY HRUAITU LALTHAZUALA’N BRU KO KHAWMIN MNF VOTE TURIN A TI NIIN CYMA IN THU A DAWNG,

31st October, 2018 (MSR): Inthlanna thianghlim leh muanawm a awm theih nana an hmalakna kalzelah Central YMA hruaitute chuan nimin chawhma dar 11 khan MNF party Office Hnam runah MNF Party hotute an kawm.

Central YMA OB te hi MNF party aiawhin President Pu Zoramthanga, Vice President Pu R.Tlanghmingthanga leh Treasurer Pu Vanlalzawma bakah party hruaitu ten an lo dawng sawng a ni.

He inkawmhonaah hian Central YMA hmalakna leh hmalak an tum dante tarlangin Tv Lalhmachhuana CYMA General Secretary chuan inhmel hriattirna hun a hmanga. CYMA President Pu Vanlalruata chuan inthlanna thianghlim leh felfaitak a awm theih nana Central YMA chuan party lian zual Recognise party tin hotute kawm nise a tih angin October ni 15 khan lehkha pek chhuah a nih tawh thu a sawi a, BJP, MNF leh Congress atang chhanna an hmuh thu sawiin ZPM atanga chhanna an hmuh ve loh thu a sawi bawk.

Central YMA President chuan an ngenna ngai pawimawha party hruaitu te’n an lo dawngsawng chu lawmawm a tih thu a sawi a, “Kan duh ber chu Mizo mipui ten lungrualtak leh thlamuang taka kan ram hruaitu tur kan thlan chhuah hi a ni a, chutiang tur chuan Central YMA chuan hma a lo la tawh thin a, MPF awmhma atang tawh khan CYMA chuan hma a lo la tawh thin a ni” a ti.
Pu Vanlalruata chuan inthlanna muanawm a awm theih nan kum 2008 inthlan dawnah phei chuan hel pawl hruaitute thlenga an biak thu a sawi a, hetiang a nih lai hian kumin October ni 24 khan Kolasib bial Chhimluangah Bru Revolutionary Army hruaitu nia insawi, Lalthazuala chuan Tuikukte ko khawmin MNF candidate vote turin a ti nia an hriat thu leh hei hi a dik ngei em tih hriatchian an duh thu a sawi a.

Lalthazuala hi Bungtlang khaw mi Zarzokima kaphlumtu hel pawl zingah an hotupa a nih thu leh tute emaw avanga Jail pawh rei tang lo nia an hriat thu te a sawi bawk. Hetiang deuh tho hian khaw pakhatah hel pawl rimnamin vote tur bik sawipui an nei nia an hriat thu a sawi bawk.
MNF President Pu Zoramthanga chuan Mizoram inthlanah hmar lamah hel pawlin engemaw boruak an nei thin tih loh chu hmun dangah an la hriat ngai loh thu a sawi a. An party chuan hel pawl puihna an duh ngai loh thu sawiin “MNF General Hqrs chuan ralthuam chelekte atanga invauna emaw hi kan duh lova, puih kan duh ngai lo” a ti. “Party dangte pawhin hetiang hi nei lo se kan duh a, hei hi CYMA te nen pawh uluk zawka la sawi hova, sorkar laipui lamah pawh kan duh loh thu hi thlen kan duh. ‘Ramhnuai mi hian min pui suh se’ tih hi kan sawi duh a ni” a ti.
Pu Rama chuan ram thatna tur atan thawhpui theih loh an neih loh thu sawiin, inthlanna muanawm leh felfai a awmtheih nana theihtawp chhuah ho tul a tih thu a sawi a. Central YMA ten ngenna an siam anga hnam dang MLA candidate pek loh chungchangah pawh MNF chu a che hmasaber leh CYMA ngenna chhang hmasaber tu an nih zel thu a sawi a. Inthlanna-a an thutiam leh an manifestote chu uluk taka Party hotu ten an sawiho tawh hnua thil tih theih leh an tihhlawhtlin ngei theih tur chiah manifesto ah an dah thu a sawi bawk a ni.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s