PU DUHA’N PU HAWLA A KAP

Vawiin tualchhung Politics thlirna
PU DUHA’N PU HAWLA A KAP, PU THANZARA CAMPAIGN HAWNNA, CONGRESS HRUAITU ZPM TAN CAMPAIGN, INHNAWHCHHUAHNA, CONGRESS HRUAITU LAWK BANG TUR AN AWM LEH, BANNA LEH LAWMLUHNA by David Sailo
31st October

PU DUHA’N PU HAWLA A KÂP –
Vawiin chhuna ZPM Campaign Office, Serchhipa thusawina ah Pu Lalduhawma ZPM Chief Ministerial Candidate chuan “Mizo mipui Silchar pawh la pel lo zawng zawng ten kawngpui tha kan neih theih nan ZPM i Vote ang u” tiin mipui a sawm. He thu hi Pu Hawla tih elna niin Pu Hawla hian a hma lawk khan kan kawngpui a that thu leh Silchar pawh pel lovin kawng chhia kan sawi ve sek chu a dem thu a lo sawi tawh a ni. Hemi chhanna ni pah hian Pu Duha hian Silchar pawh pello tih tawngkam a hmang a ni.

PU LALTHANZARA CAMPAIGN HAWNNA –

Vawiin khan Aizawl North III bial Congress Candidate Pu Lalthanzara chuan Campaign hawnna Chanmary Campaign Office ah a nei a, BJP chu Kohhran te tan a la ngaihmawhawm thuai theih thu a sawi. He hunah hian mi an thahnem teh chiam lo.

CONGRESS HRUAITU ZPM TAN CAMPAIGN –

Tuirial bial ZPM Candidate Pu Andrew H.Thangliana hi Congress Media Cell a Secretary, Pu David M.Thangliana nau niin tunlai hian Congress hruaitu pa ber hi Tuirial Bialah ZPM tan a Campaign nasa hle niin an sawi.

INHNAWHCHHUAHNA
Luangpawn khaw VC House luaha khawsa, Pu Lalnuntluanga te chhungkua chu MNF ah an luh avangin Luangpawn Unit Congress chuan an inluah atangin an hnawt chhuak niin an sawi.

CONGRESS HRUAITU LAWK BANG LEH DAWN
Pu.Lalruatkima MLA(MNF) chuan vawiin khan Lungleiah thu sawiin Congress hruaitu lawk tak tak ban tum ten an biak thu a sawi a, tunkar chhung hian heng mite hi MNF ah lawmluh an nih dawn thu a sawi. Tute tak ni leh ang maw in rin siak teh ang?

BANNA LEH LAWMLUHNA –
Vawiin khan New Serchhip Congress Unit-I hruaitute, Jessy Tlanmawizuala hovin OB 6 leh Committee Member 3 te chuan Congress chhuahsanin ZPM an zawm a, Pu Lalduhawma chuan a lawm lut a ni.

Vawiin khan Vairengte Congress Unit III a an President Pi Chhingnghilhlovi hovin Unit OB 6 te chuan Congress atanga an banna ziakin an theh lut a, run dinhmunah Congress boruak chu awm rengna tlaka an ngaih loh thu an ziak. Serlui Congress Candidate hi Pu Lalhmachhuana a ni.

Khawhai ah chuan Congress Group leh Unit OB mi 4 leh Committee Member 15 te chuan ziakin Congress atanga an banna an thehlut a, MNF Party an zawm ni a hriat a ni.

Nimin khan Serlui biala Saipum khaw Congress Unit II OB pakhat leh Committee Member 3 bakah Block Committee Member pakhat chuan hming ziah hnanin Congress Party an chhuahsan thu an thlen bawk. Serlui hi kan sawi tawh angin Pu Lalhmachhuana Congress Candidate a ni a, Bial malkhaiah chuan Tuichang tih loh ah Congress hruaitu ban nasatna ber pawl bial an ni mek.

Pu Lalnuntluanga Hauzel Aizawl South III biala Congress Campaign Committee Secretary chuan MNF ah Member Fee pe in a lut bawk.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s