HEROIN HAWNG 34 PHURTU ROLIANTHUAMA KUM 18 TANG DAWN

Champhai Special Court Judge Pu R. Vanlalena chuan Heroin Hawng 34 phurtu Rolianthuama chu kum 18 Lung In tang tur leh pawisa Cheng 90,000/- chawi turin a hrem.

Nikum June 2017 khan Rolianthuama kum 45, S/o Rokhuma, Seling khua nia inchhal leh Gindeihpianga kum 30, S/o Dopuia, Bukphir, Myanmar khua te chuan Maruti Gypsy hardtop No. MZ-01-A-2884 hmangin Bukphir, Myanmar atangin heroin gram 544 (Hawng 34) hi Aizawl panin an kalpui a. Champhai Police te chuan Khankawn Check gate ah an lo man ta a ni.

Heroin an man hi tualchhung rate-ah chuan Rs 17,00,000/- (Cheng Nuai sawmpasarih) hu nia chhut a ni. He thubuai hi ND&PS Act dan tlawhchhana ziahluh a ni a. Court in thubuai a rel chhung hian witness mi 4 koh an ni. An zingah hian Aizawl Forensic Science Laboratory-a Expert te, civilian witness pakhat leh Champhai Police Station a SI pahnih – case I.O. leh Seizing Officer te an ni.

Rolianthuama te hian an mahni lam tan zawnga thu sawi turin witness pakhat an nei ve bawk. Heroin phurtu pahnihte hi man an nih tirha jail an lut chu bail-a chhuah lailawk lovin Lung Inah dah an ni a. Vawin Dec. 3 khan Champhai Special Court chuan he thubuai hi rel zovin Rolianthuama chu hrehawm taka kum 18 chhung jail tang tur leh Rs. 90,000/- chawi bawk turin a hremna hi a puang ta a ni.

Gindeihpianga erawh chu he thubuaiah hian a inhnamhnawihna hmuh a nih ve loh avangin chhuah zalen a ni thung.

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s