Housing for All hnuaia ṭanpuina Sorkarin pek chhuah a remti lo

Mizoram sorkar chuan Pradhan Mantri Awas Yojana (PMAY) – Housing for All hnuaia ṭanpuina pek chhuah chu a titawp rih. First instalment dawng tawhte hnenah pawh second instalment pe rih lo turin sorkar official-te a hriattir.

Thu dawn danin, Housing for All hnuaiah hian mi eng emaw zat chu first instalment Rs. 60,000 pek an ni tawh a, mahse, first instalment sum hmang tawhte chu second instalment pek chhunzawm sorkar thuneitute chuan an remti rih lo.

Housing for All hnuaia ṭanpuina dawng turte chu Rs. 1,50,000 pek tur an ni a, first instalment-ah Rs. 60,000, second instalment-ah Rs. 60,000 leh thirrd instalment-ah Rs. 30,000 pek tur a ni.

Housing for All dawng tura thlan, in sakna tur hmun la enfiahsak lohte (geo tagging la tih loh) chu an bank account-ah sum lut tawh mah se, an lak chhuah phal a ni dawn rih lo. Geo tagging la tih loh vanga ṭanpuina sum la dawng lo mi eng emaw zat an awm a, ṭhenkhat chuan an in hmun ngaia in an sak dawn avangin an inte an ṭhiat tawh.

Sum dawng tawh zingah pawh in sak hna thawk ṭan tawh eng emaw zat an awm a, mahse, pawisa an dawn chhunzawm loh chuan an sa zo thei dawn loa ngaih a ni.

Housing for All hnuaiah hian in sak ṭanpuina hi dawng turin mi eng emaw zat thlan an ni a, a tahtawla ṭanpuina pek tur a ni. Kolasib district bikah chuan in sak ṭanpuina dawng turin mi 960 thlan an ni a, chu’ng zinga mi 260-te chu in sak ṭanpuina dawng hmasa tura thlan an ni.

Mi 260 zinga ṭhenkhat chuan first instalment an dawng tawh a, ṭhenkhat erawh chu an bank account-ah sum lut tawh mah se, geo tagging la tih loh vangin sum an la la chhuak hman lo thung.

Zawhna chhangin UDPA department hotute chuan, Housing for All kalpui zel dan tur an hriat loh thu an sawi a, “Sorkar aṭanga thu kan hmuh angin ṭanpuina sum kan pe chhuak rih lo a, sorkarin a thar a thlang dawn nge, thlan tawh sate hi a ring tlang dawn kan hre lo,” an ti.

Sorkar hmasaa UDPA Minister-in March 2018-a Assembly session-a a sawi danin, PMAY – Housing for All hi Aizawl bakah census town 22-ah kalpui tura tih a ni a, kum khata Rs. 3,00,000 la lut pha lote chiah ṭanpuina pek tur a ni.

About Mizo Archive

I'm the one who collect the best writings of Mizos
Aside | This entry was posted in Zoram Politics and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s