Australia Open Womans Champion Naomi Osaka

Tunge Australia Open Womans Champion Naomi Osaka hi ?
By Lalremliana Pachuau

Haiti tlangval leh Japanese nula inkârah kum 1997 khan naute hmai sîn zet hmel puin Osaka-i a lo piang a.

Kum 3 mi lek a la nih laiin a nu hian USA lamah pempuiin naupang tê a nih lai aţangin Tenni khelh a tui chho ta a.

Kum 14 a tlin aţanga inkhel ţanin hlawhtlinna tlang chhipah a chuangkai nghal bik hauh lo. Mahse, a pianphung fit tak leh chak tak, 201km/h laia nâ-a a service erawh chuan ngaihven a hlawh ţan viau a.

Tournament lian tham khel chhoin hlawhtlinna a chang mai thei bik lo. Kum 2018 a rawn her chhuak a, Osaka-i pawhin kum 21 a rawn kai kum tawpa Grand Slam hnuhnung ber, US Open chu a khel ve leh ta a.

Round hmasa ber aţangin mi enthlak a ni nghal a. Quarter-final a rawn in vuak kai hnu phei chuan mi mit fûkna ber pakhat a ni der tawh a. Rin loh taka final a thlen tak hial hnu pawhin a tum pui tur en champion êm chu ngaihtuah ngam a la har leh ta zel a.

Tennis a khelh tirh ata a Icon, khelpui a châk êm êm Serena Williams meuh a hneh ring an tam lo! Osaka-i kum zat deuh thaw tawnhriat lo nei tawh Serena-i chu a vawi khat nân a nungchang hial hlohtir khawpa khel ţhain Serena-i hian $ tam tak a chawi phah ta hial zawk a!

Tichuan, kum 21 mi lek, tleirawl zakzum tak chuan a hmasa berna tur leh Japanese zinga Tennis inelna lian, Grandslam-ah hnehna a rawn chang ta hlawl mai a ni.

He nulain Tennis khwvel a ngam dan chu sawi hlawh tak a ni tlat. A vanneih vang ni lovin a thiam vang, a inrintawk vang leh inelna boruak sângah pawh naupang tê ni si, puitling taka inkhel a hmachhawn thei leh Serena-i vanglai meuh pawh a hneh thei chu a ni.

Kum 2019 a lo nih meuh chuan nakin zelah pawh Tennis khawvel ngamtu a la nih turzia lantirin Grand Slam hmasa ber, Australia Open finalah, tawnhriat ngah tak, Grand Slam pawh vawi hnih la tawh Kvitova-i a rawn hneh a. A zawnin Gran Slam la thei naupang ber zinga mi a nih bakah Womans world no 1 naupang ber pahnihna a rawn ni chho ta a ni.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s