NGO te sorkarin a bawl e

Boycott/Semi Boycott

Joint NGO Co-Ordination Committee ten Mizo mipuite Citizenship Amendment Bill 2016 duh loh vanga Republic Day Boycott tum tawh,chhan țha tawk awm mumal si lo va min țhulh pui leh tak si ah chuan,Mizo mipuiten Boycott awmzia kan hriat thiam dan hi kumin Republic Day ațang hian a dang nuaih tawh dawn nih hi.

25thJanuary,2016 a Joint NGO hruaitute leh NEDA member NDA nena inmawngzawm MNF sawrkar chuan a lo hmin der mai a,a hma zawnga BOYCOTT tuma kal ngar ngar kha chhan mumal awm si lova Boycott deuh reuh,semi boycott kan ti tawh mai niang chu,Mizo mipuiten Boycott kan hriatthiam dan inchen lohna lo chhuahna bul ni tur chuan,NDA member MNF Sawrkar CM kaihhruaina hnuaiah an tlawm ta duai duai mai si a le!!. Hetih mek lai hian social media hrang hrangah chuan NGO,a bikin Central YMA duhkhawp lohna a lianin sawi tam ber a ni a,Central YMA hruaitu ah hian sawrkar hnathawk awm tawh lo tura duhna a lian hle bawk.A chhan pawh hnam issue ah mitmei ven tur an ngah lutuk nia a lan țhin vang a ni.MZP hian hnam issue ah hi chuan hma hruai se,YMA hian thlawp mai se tih duhna a lian hle bawk a ni.National News Channel lamah Republic Day boycott tum anga kan inhrosak kuk kuk tawh laia heti hni hne a min țhulh pui leh si hi,Su kan ti leh se țhin mai zel dawn zawng a nih hi.He hnam hian hruaitu huaisen hi engtikah tak nei ang i maw???

 Chakma leh Tuikuk te chhiarpui neihna tura sum thawhkhawmte kha engatan a hman nge a nih tak,kha thil kha engvanga zuzi leh mai mai nge tihte hi Mizo mipuite rilru ah a dai tawh ngai hek lovang.Hnam huaisen tak nge kan nih a,hnam dawih tak...Nge hruaitu țha leh huaisen thlang chhuak thei lo khawpa hnam depde kan lo ni zo ta??


Chutih mek laiin NDA member sawrkar a Chief Minister NEDA a țhahnemngai taka thawk mek chuan,inthlan hma zawng zawng a NEDA/NDA nena inmawngzawm lo anga insawi chuan,a țul chuan BJP an thlawpna an hnuhdawh theih thu a rawn sawi hnuhnawh thuar tham vel bawk nen. Engtikah tak chuan ȚUL ti dawn maw??? Heti khawpa Joint NGO ten boycott an tum uaih uaih tawh lai a..a HUN tih hun hi Mipuite hian hriatthiampui ve tak ang maw???

Rahul Gandhi tweeted

I am disturbed by the growing violence & unrest in the N East where religion & ethnicity are being used as weapons by the BJP to polarise the region for political gain. This type of politics, that pitches brother against brother & fans hatred, is evil & must be stopped.

Hemanta Biswa Sarma replied

Dear @RahulGandhi~Perplexed by your anxiety. Are you aware how @INCIndia has strangulated NE for decades? Don’t give value judgements. We’re talking to people to address genuine concerns. Some fake protestors, with bare or no support, are withering away. Rest assured, NE is safe!

Hetih mek lai hian Hemanta Biswa Sarma chuan Mizo mipuite chu FAKE PROTESTORS min ti ta salh salh mai le,tih awm reng kan ni em??.NDA member sawrkarna hnuaiah leh NEDA tan thawkrim leh țhahnemngai em em CM kan thlang tlingin an sawrkarna hnuaiah kan kun mek miau a!!!

Chuan,Citizenship Amendment Bill 2016 vanga 2019 Republic Day Boycott deuh reuh ah chuan NDA member MNF sawrkar remtihna leh hriatpuina in, programme a tel tur leh tel lo tur te chu rel vel vek a ni a, Aizawl Sipai lammual ah a ropui emaw ropui lo emaw Republic Day chu hman a ni dawn tho tho. India Flag pawhpharh a nih hian a hlawhtling tihna. <strong>Gate pawnlamah Joint NGO ten Republic Day chu hlawhtling takin an lo boycott ve dawn nih chu. </strong>


Hetih mek lai hian Aizawl veng tam tak YMA Information ațang chuan Republic Day Boycott tura vanga mipuite ngenna leh hntlang tura inhriattirna puan dum dum a ni a,enge kan hnatlan hi a țulna he inlemchansiak Boycott/Semi boycott ah hian!!!!?????

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s