Australia open champion Djokovic

AUSTRALIAN OPEN ‘LAL THAR’ NOVAK DJOKOVIC
Tetea Khiangte

Australian Open mipa singles final chu Top seed Novak Djokovic leh Second seed Rafael Nadal te`n an khel zo ta.

Novak Djokovic chuan harsa lo takin 6-3 in first set a la a, speed leh movement-ah a that zawk avang leh Nadal forehand sual zeuh chu chungnun phahna`n a hmang zui ta a ni.

Set hnihna an tan leh a, Djokovic bawk a chungnung zui leh. A forehand tha tak leh Ace a siam zeuh zeuh chuan hmalam pan tir zelin, Nadal hian back hand leh forehand tha tak takin khel mahse Novak hian a aia tha zawkin a chhulet zui zel si a, Nadal service a laksak hnuah ace tum 3 siamin 6-2 in Novak hian hnehna a chang zui leh a ni.

Set thumnaah pawh Djokovic a khel tha zawk a, set khat a laksak hnuah 3-1 in hma a hruai a, mahse Djokovic hian unforced error tum 4 a neih chu Nadal hian chhawr tangkaiin a service tha tak leh a forehand smash pui tak hmanga game la ve lehin, 3-2 a ni. Djokovic hian a khel tha zui zel a, Grand Slam final-a a chetthat ber tum niin, hemi hnu hian a service ve ve lain, 4-3 a ni chho leh. Djokovic khel a that em avangin Nadal hian a dal zo ngang lova, 5-3 a ni chho leh ta a, a service zui leh nghal bawk nen, championship point tum 2 a neih chu chhawrin forehand winner tum 34 hmangin 6-3 in a chak zui ta a ni.

Nadal hi Grand Slam final-ah straight set-in a la tlawm miah lova, tun hi straight set-a a tlawmna hmasaber a ni.

Tihian, Djokovic hian 6-3, 6-2, 6-3, a hnehna changin, Grand Slam title tum 15 a lakna a ni a, Australian Open bikah men’s singles title tum 7 a lakna niin, he title tum 6 la a record a lo siampui tawh – Roy Emerson leh Roger Federer te khumin record thar a siam zui ta a ni.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s