KOHHRAN ENTAWN TLAK

(Engatinge I Mit-a Khanchhuk awm chu hmu lova,I unau Mit-a hmawlhte awm chu i hmuh ni)

Tun Ningani khan Baktawng Tlangnuam a inkulh, tam takin Ziona pawl tia kan hriatlar ‘Lalpa Kohhran thar‘ ten an kohhran member fam tate puala hun an buatsaih ‘Pindan leh lama kalta te hun chan‘ tih chu ruai nen Vawk 5 lai talhin ropui takin an hmang a. Aizawl atangin kan han chhim ve a.

Ka rilru a awm ta reng chu an kawngpui Alkatra luan mam zui mai,uluk taka siam tih hriat taka dum hlarh mai KM engemawzah zawh tur awm kha ani. Ka han zawt chiang deuh a an Kohhran hoin hnatlang tha leh sum seng a an metal alo ni a, a nawr mamna tur nen lam khan anmahni kut kawih ngei maiin thirmum nawrlirh theih in an siam a,chumi hmang chuan Alkatra kawng mam tak anlo phahzui mai alo ni.

Ka han zawtchiang leh ta zel a,kawnga an lung phahte pawh chu an Kohhranin lunglakna ‘Kohhran Quary’ an nei a,chuta mi chu kawnga phah tur anla thin ani.

Anmahni invuah dana ‘Lalpa Kohhran thar’ Mi tamtakin Kristian pawh ni ve lo lek lek ang hiala an chhuah duhte nunah hian Kan Ram Kohhran lian leh ropui tak tak te hian entawn tur kan va ngah em.Khawmpui neih dawn a Khawmpui panna kawng Sawrkar siam tur emaw ti tlat pawlte hi kan kat nuk ta ve awm e.Chumi kawng siamna tur Budget Sum awmsa anih loh phei chuan Sawrkar khaipa tan chuan a luhai thlak duh viau ta ve ang.

Kohhran member tlemte,Sum lamah pawh Kohhran hausa leh ropui tia sawitur ni hauhlo ‘Lalpa Kohhran Thar’ ten mahni sum leh tha senga Kan Ram kawng siam tha tura an ke pen dan hi entawn theih atan ava tha em,Anni chuan Pulpit tlanga inham puara sawi vel mai mailo in Khawtlang siamthat hna thlan tui nen atakin anlo thawk thin alo ni.

Chumai ala nilo,an veng chhung tuiluankawr velah chuan pipe pawl hrawl tak tak an kham zui mai a,An zinga pakhat chu ka han zawt chiang leh a,’ekin tuichhe paihna Soak Pit’ anih thu min hrilh a,an veng chhunga ekin tuithli soakpit atanga lo chhuak chu pipe in la khawmin hmun khatah a paihna anlo siam hi alo ni a,chu hnathawk tute chu Kohhran Military antih te anni a,keini chuan Kohhran Pavalai kan tih ang hi ani.

An Kohhran inrelbawl danah pawh entawn tlak tak tak sawi tur ka hmu nual mai, a sei lutuk loh nan Lalpa Kohhran thar ten Ram leh Khawtlang tana an rawngbawlna chhuanawm tak hi sawidarh ka chak em a,ka han post ani e.

About Mizo Archive

I'm the one who collect the best writings of Mizos
Aside | This entry was posted in Hriatzauna, kohhran, Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s