PAWNGSUALTU A PUH CHAMPHAI SPECIAL COURT IN A HREM

Hmeichhe naupang kum 4 leh thla 10 chauha upa pawngsualtu a puh Lalrawngbawla S/o Thakulha, Vangchhe khua chu Champhai Special Court Judge Pu. R. Vanlalena chuan kum 7 chhung hrehawm taka jail tang tur leh pawisa pawh Rs. 5000/- chawi turin a hrem.

He thubuai hi kum 2014 May thla chawhnu lama thil thleng tawh kha a ni a. Lalrawngbawla hian he hmeichhe naupang hi zan thim hlimah thlanmual mawngah hruaiin pawngsual a tum ngei niin a lang a. He thil hi Champhai Police ten an hriat veleh an umzui nghal vat a. Sub-Inspector RLH. Dingzela chuan thilsualtitu hi a man nghal a, hmeichhe naupang pawh chu pawngsual ani ngei em tih finfiah theih nan Champhai Hospital ah hruai nghalin Doctor thiam ten an lo endik a. Danin a phut angin Lalrawngbawla ngei pawh hi lock-up leh jail chhungah te dah turin a taksa a fit tawk em tih hre turin Doctor hnenah a hruai bawk. Thubuai chhui hna hi zawh fel anih hnuah report kimchang chu Champhai Court ah theh luh a ni. A hnu deuhah Aizawl lamah thawn thlak zet nimahsela Champhai Special court-in a rel turin rawn thawn chhoh leh a ni. Thubuai rel hun chhung hi a rei phah ta hle a ni.

Special Court chuan hmeichhe naupang leh a pa chu an chunga thil thlen dan sawi turin a kova, hei bakah hian case I.O leh thuhretu dang te pawh koh an ni. Lalrawngbawla erawh hi chuan he hmeichhe naupang hi a pawngsual loh thu leh engtin mah a tihnat loh thu a sawi ve ngar ngar thung. Doctor report in a tarlan dan chuan pawngsual tak tak chu a thleng hman lo niin a lang. Nimahsela, hmeichhe naupang kap bawr ah vunchhia pem hlek chu a awm ngei a ni tih chu finfiah a ni. Tin, thuhretu dang te thusawiin a tarlan dan chuan Lalrawngbawla hian he hmeichhe naupang hi pawngsual ta chiah lo mahse, pawngsual tumna neiin thlanmual mawngah zan thimah a hruai thla ngei kha a ni a. Tin, a kap bawra pem tenau awm pawh khan thil thui tak chu a hril a ni.

Heng te avang hian he thil thleng hi court chuan a ngai thutak hle mai a, Lalrawngbawla hi kum 7 chhung jail tang tur leh pawisa pawh Rs. 5000/- chawi turin a hrem ta a ni.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s