Thusawm pek

Pathian Thu zir mite chuan, Bible ah hian Pathian Thupêk 613 a awmin an sawi ṭhin. Chu Thupêk laimu leh innghahna chu “Thupêk 10” te hi an ni. Heng Pathian Thupêk te hi kawng hrang hranga ṭhensawm an ni a.

  1. Thupêk 10 : Pathian kutzunga ziak. Mahse a Original kha Mosian a paihkeh vek a, a dang siam angaih phah a. Ex.32:19, 34:1. Deu.9:17, 10:1-5.
  2. Serhlehsâng dân (Ceremonial law) : Heng hi Pathianin Mosia a hriattir a, Mosian mipuite a zirtir chhâwng ve leh a, Lehkhabuah a ziak a. Ex.24:4, 34:27-28.

  3. Mihring chhûngril rilru lam dân (Moral law) : Heng te pawh hi ṭhensawm duh chuan ṭhensawm dân tur tam tak a la awm thei a ni..Mosia thih hnuah Joshua chuan a ziak ṭha nawn leh vek a. Jos.8:32. Joshuan Dân a ziak leh Lungpuiah kher a ziak te hi Thuthlung Thar hlimthla ropuitak a va ni em !

Lungphêk pahnihah khân panga ve ve in thupêk 10 te hi ziak an ni a, dân dangte chu lehkhbua ziah an ni. Lungphêk pahniha ziah len rual a ni lo. Pathianin Israel fate hnêna Sinai tlânga Dân a pêk, lungphêk pahniha ziak te chu “thu sawm” tia a sawi fo avângin; thupêk 10 a ṭhen ngei tur a ni tih a hriat thei a. Exo.34:27-28. Tin, LALPAN Mosia hnênah, “Heng thute hi ziak rawh khai: heng ang thute hian ania, i hnênah leh Israelte hnêna thu ka thlun ni,” Tin, chutah chuan LALPA hnênah ni sawmli leh zan sawmli a awm a; chaw reng reng a ei lo va, tui pawh a in hek lo. Tin, lungphêkahte chuan thuthlunna thu, thu sawm pêkte chu a ziak ta a. Thu sawm ni mai lovin, Thupêk sawm a ni tih chu kan hre thiam tho awm e.

Hei hi Thuthlung tia sawi a ni a, a dahna pawh Thuthlung Bâwm tih a ni ṭhin. Deu.4:12-14. Tin, LALPA chuan mei aṭang chuan a rawn bia che u a; a thu sawi chu in hria a, nimahsela riruang engmah in hmu lo va, aw chauh in hria a ni. A Thuthlung zawm tura thu a pêk che u, Thu sawm pêk chu in hnênah a puang a, lungphêk pahnihah a ziak a. Tin, chu mi lai chuan luah tura in va kaina rama in zawm turin dante leh rorêlte zirtir turin LALPAN thu mi pe a.

Thupêk 10 te hi hmun hnihah a lang a, a inang lo hret ve ve bawk a. A hmasa zâwk chu Ex.20:1-17 a ni a, a hnuhnung zawk chu Deu.5:6-21 ah kan hmu leh a. A inan lohna leh a danglamna chu :

  1. Exo-ah chuan, “Sabbath hi Pathianin Khawvêl a siam laia “ni 7 ni” a serh avâng niin a sawi a Ex.16:23, 20:11. Deu-ah thung chuan Pathianin Israel fate Aigupta sal ata a hruai chhuah hriat rengna atân niin a sawi a Deu.5: 15. Engpawh ni sela, Adama aṭanga Israel faten “Vân mana (Krista Isua) an dawn hma inkârah khan Pathianin, mihringte hnênah “Sabbath serh tura thupêk a pêk loh avangin, Sabbath serh an awm lo va, Pathianin a serh thu chauh kan hmu.
  • Exo-ah chuan, I ṭhenawmpa “in i awt” tur a ni lo va, i ṭhenawmpa “nupui i awt” tur a ni lo, a ti a (Ex.20:7. Covet). Deu-ah chuan, I ṭhenawmpa nupui “i ît” tur a ni lo va, i ṭhenawmpa “in i awt” tur a ni lo a ti ve thung a (Deu.5:21 Desire/Covet)

  • Judate chuan Ex.20:2 thu, “Kei hi LALPA i Pathian, Aigupta rama bawih ata hruai chhuaktu che ka ni” tih hi Thupêk 1-naah an chhiar a, tuna kan hriat dâna 1&2 -na hi an suih zawm ve thung a. Kohhran pate zingah Augustina (354-430 AD) chuan Judate kalpui loh dânin Deu-in min zirtir dân hi a zui thung a. Tuna Thupêk 1&2 Judate hman dân hi suih zawmin pakhatah a chhûng khâwm a, Thupêk 10-na hi 2-ah a ṭhen ta zawk a, a inhnerem phian mai. Hei hi Roman Catholic leh Lutheran kohhran pâwl kalpui dân a ni. Ṭhen dân 3-na hi khawchhak kohhran (Greek Orthodox) leh tunlaia Protestant kohhran pâwl hrang hrangte kalpui dân, kan rin puiber chu a ni.
    [2/26, 10:47 PM] ‪+91 96123 21639‬: Judate pawm dân :

  • Kei hi LALPA i Pathian, Aigupta rama bawi ata hruai chhuaktu che kha Ka ni.
  • Keimah lo chu Pathian dâng reng reng i nei tur a ni lova, milem i be tur a ni lo.
  • LALPA i Pathian hming chu i lam mai mai tur a ni lo.
  • Sabbath hi thianghlim taka serh tur a ni tih hre reng rawh.
  • I nu leh i pa chawimawi rawh.
  • Tual that suh.
  • Uire suh.
  • Englo ru suh.
  • I vêngte hêk suh.
  • I vêngte thawmhnaw awt suh.
  • Latin (Roman Catholic ṭhen dân :
    1. Keimah lo chu Pathian dâng reng reng i nei tur a ni lova, milem i be tur a ni lo.
    2. LALPA i Pathian hming chu i lam mai mai tur a ni lo.
    3. Sabbath hi thianghlim taka serh tur a ni tih hre reng rawh.
    4. I nu leh i pa chawimawi rawh.
    5. Tual that suh.
    6. Uire suh.
    7. Englo ru suh.
    8. I vêngte hêk suh.
    9. I vêngte thawmhnaw awt suh.
    10. I ṭhenawmpa nupui awt suh.

    Khawchhak kohhran (Greek Orthodox) leh Protestant kohhran pâwl hrang hrangte pawm dân :
    1. Keimah lo chu Pathian dâng reng reng i nei tur a ni lo.
    2. Milem i be tur a ni lo.
    3. LALPA i Pathian hming chu i lam mai mai tur a ni lo.
    4. Sabbath hi thianghlim taka serh tur a ni tih hre reng rawh.
    5. I nu leh i pa chawimawi rawh.
    6. Tual that suh.
    7. Uire suh.
    8. Englo ru suh.
    9. I vêngte hêk suh.
    10. I vêngte thawmhnaw awt suh.

    Thupêk 1-na khian Pathian dang neih a khap bur a, thupêk 2-na khian milem biak a khap bur bawk a. Thupêk 10-na hian “awhna lam chi tinreng” a khung len vek avângin, khing khiang “Thupêk 10 hi a funkim ber” a ngaih a ni.

    OT-a Thupêk 10 te leh, Ceremonial law len moral law an tih zawng zawng te hi, tisa taksa leh thisen, tha leh zung zawng zawng nêna tih dik hi Pathian laka mihring bat tlat a ni. Zawm chuan nunna leh malsawmna, zawm loh chuan thihna leh anchhe dawnna a ni. Dân hnuaia inbarhlût te tân dan hi tun thlengin a la nung (active) reng a ni. Thihna ata chhuaka nunnaa lût tawh te tân chauh Dân hi Thlarau lam thil a nih dân a fiah ṭhin.

    About Mizo Archive

    I'm the one who collect the best writings of Mizos
    Aside | This entry was posted in mizo archive. Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out /  Change )

    Google photo

    You are commenting using your Google account. Log Out /  Change )

    Twitter picture

    You are commenting using your Twitter account. Log Out /  Change )

    Facebook photo

    You are commenting using your Facebook account. Log Out /  Change )

    Connecting to %s