ASSAM RIFLES SAWN CHHUAH HUN TUR SAWI THEIH LOH

BUILDING THENKHAT LEH KAWNG VANGIN AIZAWL KHAWPUI LAILI ATANGA ASSAM RIFLES SAWN CHHUAH HUN TUR SAWI THEIH A LA NI LO – Home Minister Pu Lalchamliana

28th June, 2019, Home Minister Pu Lalchamliana chuan Aizawl khawpui laili atanga Assam Rifles te insawnna tur Zokhawsanga Assam Rifles Complex sak hna chu building thenkhat pawimawh zual leh building panna kawng siam zawh ala nih loh vangin Assam Rifles te Zokhawsang ah anla insawn theilo tih House hrilhin, an insawn hun tur sawi theih ala nih loh tih a sawi.

Assembly Budget session-a ziaka zawhna chhan chi (Unstarred question) a Aizawl West II bialtu Pu VL Zaithanzama leh Aizawl South II bialtu Pu Lalchhuanthanga te zawhna intawm ziaka a chhan danin, Ministry of Home Affairs thuchhuak angin Assam Rifles te chu 31.5.2019 hmaa Zokhawsanga insawn tura tih an ni a, amaherawhchu Zokhawsanga Assam Rifles-te building pawimawh zualte an hnena hand over a la nih loh vangin an insawn hun tur sawi theih a la ni lo. Zokhawsanga Assam Rifles Complex sak hna chu Ministry of Home Affairs in EPIL (PSU) a thawh tir an nih thu leh an ni hian building thenkhat pawimawh zual leh heng building panna kawng an la zawh loh avangin an la insawn theilo tih Home Minister chhannaah chuan tarlan a ni bawk.

Zawhna danga Congress member Pu C. Ngunlianchunga zawhna ziaka Polical & Cabinet Department changtu Chief Minister ni bawk Pu Zoramthangan a chhannaah, Assam Rifles-te Zokhawsang atanga May, 2019 chhunga an chhuah hman loh thu chu Ministry of Home Affairs, Government of India-ah hriattir tawh niin, an ni lam hian a tul angin hma an la ang.

Chief Minister chhannaa a lan danin, Aizawl khawpui laili laia Assam Rifles hmunah LSC nei mi 61 an awm a, chung zinga mi 6 te chuan an LSC an surrendered tawh.

Assam Rifles Commandant Bangalow area-ah LSC nei mi 4 an awm a, Assam Rifles Commandant MC. Donald Hill area-ah LSC nei mi 3 awmin, midang zawngte chu Lammual Area chhunga LSC nei an ni a, a vaiin mi 54 an ni a, an zinga mi 6 te chuan an LSC an surrendered tawh a ni. Assam Rifles hmuna LSC nei zingah hian Ex. MLA pahnih an tel a, PHE department hminga LSC awm leh Village Council Court hminga LSC awm te pawh a tel.

Lammual area chhung bika LSC nei zingah hnam dang 5 an tel bawk a, chung mi 5 te chuan an address-ah Bethlehem veng hmang vekin, chung mite chu Ramprasad Upadhayaya LSC-ah hian Assam type In a awm a, hun rei tawh tak atangin ‘Puithiam In’ tia hriat thin a ni a, tun thlengin an la cheng a, dan kalh a LSC hi pek a ni. A ni baka hnamdang LSC awmte chu Ramprasad Upadhayaya fate hminga House pass/LSC dan kalha pek te an ni.

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s