PASTOR CHHAWNA HRIATRENG NAN A HMING CHAWIA TAWNGTAI IN SAK CHU HAWN A NI

Serchhip Heritage Society ten, Pastor Chhawna tu leh fa ten sum thawhkhawm Rs.4,00,000/- hmanga Serchhip Kawlri Tlanga Pastor Chhawna hriatreng nana Tawngtai In an sak chu Dt.27.7.2019(Inrinni) Dar 1:00pm khan Rev C.Ramnghinglova Councellor FG&CC Chuan a hawnga, he tawngtai In hi Pastor Chhawna Memorial Prayer Cabin tih hming vuah a ni. He Ni hi Mizo Christiante tan chuan ni pawimawh leh chhinchhiah tlak tak a ni.

He Prayer Cabin hawnna Prog.hi Pu Lalrinthuama Kawlni President Vengchung Br.YMA in kaihruaiin Pu Kaptluanga Ralte Secretary SEHSO hnen atangin, Heritage Society hmalakna hrang hrang leh Prayer Cabin sak a nih dan chungchangte report ngaihthlak a ni a, Pu Zohmangaiha Ralte VCP Serchhip-I in thusawina a nei bawk. Pastor Chhawna tu leh fate chhungkaw aiawhin, Pastor Chhawna fapa la dam awmchhun Pu H. Lalbiakzauva leh Upa Ricky Lalsangzuala te chuan thusawina hun an hmanga, heng bakah hian thusawi hrang hrang ngaihthlak a ni bawk.

Pastor Chhawna Memorial Prayer Cabin sak hna hi, Dt.27.5.19 khan bul tan niin Dt.27.7.2019 hian a hawnna hun hman a ni a, Aizawl leh hmun hrang hrang atangin Pastor Chhawna tu leh fate an kal tha hle a, Pastor Chhawn tute hnenah hian
Serchhip Vengchung Kohhran ten sumfai bakah lawmpuina thuziak mawitak an hlan a ni.

Pastor Chhawna Memorial Cabin hi, Tawngtaina hun hmangduh a piangte tana buatsaih a ni a, he hmun tlawhtu apiang ten Pathian malsawmna an dawn an beisei tlat a ni. Pastor Chhawna’n inlarna a hmuh zawng zawng hi Serchhip Kawlri Tlanga a hmuh leh dawn deuh vek a ni a, heng inlarna atanga a dawnte hi Zofate’n kan ngaihvenin leh kan buaipui em em a, Mizoramin kan huntawn chhohna kawngah pawh Pastor Chhawna Inlarna hi kan pawm hle hlawm a ni.

About Mizo Archive

I'm the one who collect the best writings of Mizos
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s