Ramri buai ah sorkar chet nat tum

BORDER DISPUTE
Mizoram leh Assam ramri buai chungchang buaipui tura din Core Committee chuan Bairabi Zophai a Muslim biakin sak mek chu ṭhiat tura hriattir nawn ni se, ṭhiah a nih loh chuan na zawka kal ni se an ti.

Core Committee ṭhutkhawmnaa tel ve MZP President Pu L. Ramdinliana Renthlei hnen aṭanga thudawn danin Chief secretary Pu Lalnunmawia Chuaungo kaihhruai a Core Committee thurelah hian Environment, Forests and Climate Change department hotute’n Zophai hmuna Muslim biakin sak mek hi ṭhiat turin hrilh nawn leh se tih a ni a. Tunkar lo awm tur chhung ngei a hrilh tura ngaih a ni a. Hei hi an zawm lo a nih chuan Home Minister hova ṭhutkhawm kova Police leh Forest department lamte nen ṭangruala he Muslim biakin hi ṭhiah ngei a nih theihna atana na zawka chetlak ni se tiin an rel a. Muslim biakin sakna hmun hi Innerline Forest Reserved chhung, Assam sorkar leh Mizoram sorkar inremna a engmah kutthlak loh ni se an lo tihna hmun leh Mizoram chhung ngei a nih thu ṭhutkhawmnaah hian sawi chhuah a ni a. He biakin sakna atana kawngpui a pawisa khawn an awm thu leh hei hi dan kalh a nih thu sawi chhuah a ni bawk.

Nikum March thla khan Zophai hmuna Mizoram chief minister hmasa ber Pu Ch. Chhunga ram chhunga MZP-te’n Zofate Chawlhbuk sak an tum avangin tharum thawhna a chhuak tawh a. Hemi ṭum hian zirlaite leh Mizoram chanchinbumi engemawzatin Assam Police kut an tuar a, silai hial hmehpuah a ni. Hemi thilthleng avang hian sorkar laipui Ministry of Home Affairs chu inrawlhin state pahnih thuneitute hian ramri buaina hmunah hian hma thar engmah la lova thil a nih dang pangngai (status quo) chu khawih danglam loh ni se tih a ni a. Chutih lai chuan helai hmuna Muslim biakin hi mi tute’nemaw an bomb a, chu chu an sa ṭha leh mek a. Mizoram lam chuan he Muslim biakin sak ṭhat an duh loh thu hi sawiin Kolasib district bawrhsap leh Hailakandi district bawrhsapte pawh hemi chungchangah hian tunhnai khan an inbia a. Chuti chung chuan Muslim biakin sak hi chhunzawm zel a nih thu dawn a ni.

MNF SORKAR hian a engmah a tihngam a rinawm lo. Tunah hian chet a hun daih tawh. A ban an phun ṭhut tawh a, engmah a ti ngam zek zuk lovang.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s