Zoramthanga’n NEC leh DoNER ministry aṭangin sum tam zawk dil

Chief Minister Pu Zoramthanga chuan sorkar laipui chu hmarchhak state hmasawnna ruhrel siamna atan North Eastern Council (NEC) leh DoNER Ministry tana sum tam zawk ruahman leh turin a ngen.

Vawiina Guwahati-a NEC Plenary Session 68-naah thu sawiin Pu Zoramthanga chuan India state dangte aia hnufum, hmarchhak state-te’n hmasawnna hna an thawh ve theihna atana Ministry tinin an sum ruahman aṭanga za zela 10 an thawh khawm ṭhin tlingkhawm Non-Lapsable Central Pool of Resources (NLCPR) chu hman ṭangkai a nih tehlul nen a titlem zawnga a kal chu pawi a tih thu a sawi a. NEC chairman, Union Home Minister Amit Shah chu tuaithar leh tur leh NEC sum pawh tam zawk ruahman turin a ngen a. Tuna hna kallai atan chauhva sum pek a ni chu pawi a tih thu a sawi a. NLCPR atana cheng vaibelchhe 50,000 tlingkhawm tawh si DoNER kuta hlan a la ni lo chu hlan vat ni se a duh thu a sawi bawk. DoNER leh NEC sum hi hmarchhak state hnufualte tana hmasawnna hna thawhna bulpui ber a nih lai a a titlem zawnga sorkar laipui a kal chu pawi a tih thu sawiin pawisa tam zawk ruahman turin a ngen a ni.

Chief Minister chuan tlangramah chuan engkim mai hi a siam man a to tih sawiin phaizawla hnathawh man nena pawngpaw hrut rual ngawt hi a dik thei lo a ni a ti a. Hmar chhak bial, a bikin tlang rama thil siam man leh hnathawh man hi a hranpa bituk ni sela, chutiang taka NITI Aayog a rawtna siam tur chuan Amit Shah chu a ngen a ni. Mizoram tan bik chuan kawngpui siamna atana sum tam zawk mamawh a nih dante, inbiakpawhna lam hmasawnna atana nasa zawka ruahmanna siam a pawimawh dante a tarlang a. Mipui tana tui pekna chungchangah sum tam zawk mamawh a nih dante a sawi lang bawk.

Sorkar laipuiin Look East Policy/Act East Policy a lo duan chu ṭha hle-in a lan lai leh hmarchhak mipuite’n beiseina sang tak nena an lo thlir laiin kum 20 liam hnu-ah pawh engmah a taka thawh hmuh tur a awm lo ni a sawiin helam hi ngai pawimawh turin sorkar laipui a phut a. Ministry of DoNER leh NEC hnathawh chu a inthuah ṭhin ni a sawiin an tihtur hi felfai zawk a thliar hran ni se tiin rawtna a thlen bawk a ni.

About Mizo Archive

I'm the one who collect the best writings of Mizos
Aside | This entry was posted in mizo archive. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s