“NUCLEAR FREE-WORLD” TURIN RAM 122-IN LUNGRUAL TAKA HMALAK AN REM TI TA

Nimin July 7, 2017 ah UN Hqrs, New York ah ram 122 palai kalkhawmte chuan kan chenna khawvel atanga “Nuclear ralthuam” paih bo vekna turin, lungrual takin khapna dan tur phek 10 zeta chhah chu an pawm tlang ta. He sawihona leh vote laknaah hian Netherland ram chiahin a duh lo zawngin vote a thlak a ni. Netherland hian a ram chhungah US Nuclear bomb a kawl vang a ni. UK erawh a tello hrim hrim thung a, lungrual taka thu tihtlukna chu kan thlawp, a ti thung.

Kum 70 liamtaah Atom bomb, Hydrogen bomb hna thawh dan leh a thawh nat dan, thil a khawi pawi theih dan chu USchuan Japan ram Hiroshima leh Nagasaki ah khawvel a lo entir tawh a, chumi hnuah atom leh hydrogen bombs ang hihman zui a ni ta lo. US-in Japan khawpui ber Tokyo a lo bomb thawr lo te hi a lehlam zawnga chhut chuan an zah ngaihzia leh Pathian hriatna an neih zia a tilang chiang hle (MSR a ziak tawh US-UK leh Soviet Union Nuclear bomb targets… tih ziak chhiar teh-CT).

Tun hnai July 4 ah North Korea chuan nuclear warhead vuah theihna tur Inter-Continental Ballistic Missile (ICBM) 933km pha a test a, nuclear ralthuam lah a rukin Iran nen an chher ru a puh niin, North Korea hian nuclear bomb hi 15-30 vel nei tawhin chhut a ni. Sairawkherh tha deuh neih a, saihlum tha deuh deuh hrual mum, chang tha pho ro, belmang a hrual mum dum tle hlarh neih hi chuan, mipa naupang tan sava veha ramhnuai vela chet tlat tlat chu nuam tak a ni thin. North Korea Dictator Kim Jong-un pawh thisen lum lai leh, a hmel en reng rengin leh a sam meh dan atang rengin a dawn a tawi tih a chiang reng mai si. ICBM (Sairawkherh) tha zet a neih chuan, a saihlum hrual mum (nuclear bomb) hmanga US leh a thawh pui ramte chu han perh zauh a chak et et ngei ang le!

Elayne Whyte Gomez, President of UN Conference chuan,”Khawvelin nuclear laka zalenna a duhzia a entirna a ni” tiin, ram 122 zetin nuclear ralthuam tihbo (ban) an thlawp chu lawmthu a sawi a ni. He thuthlung siam phek 10 zeta chhah hi Sept 20 khian New York a UN Annual Assembly ah pharhin pawm a ni ang.

Beatrice Finh, International Campaign to Abolish Nuclear Weapons, Geneva chuan, “Nuclear Programs kal puina awm tih tawp (ban) vek kan duh a ni. Kum 45 kaltaah khan Biological weapons neih khap a ni a, kum 25 kaltaah Chemical weapons khap leh a ni a, tunah chuan Nuclear weapons khap a ni dawn ta” tiin, an thutlukna chu a lawm hle. Kum 2 hnuah ram 50 zetin khap burna an pawm chhohzel theih chuan, International Law a ni thei dawn a ni.

Kum 1968 ah Nuclear chungchangah nei ve phal lohna/duh miahlohna “Non-Proliferation Treaty” (NPT) siam a lo ni tawh a, he Dan siam ang chuan UN Security Council member nghet US, China, Russia, France, UK tih lohte chuan nuclear program kal pui loh tur tih a ni. Mahse, India,Pakistan ten NPT hi an ziak ve duh lova. Israel lahin “Nuclear ka nei” a ti duh lo na in, a lo berah 100-120 chu a nei ngei niin Nuclear Watchdog te chuan an ring a ni. Gen. Colin Powell, Chairman of Joint Military Chief of Staff leh US Secy of State hlui chuan Diplomatic Cablewire ah, Israel hian nuclear a neih thu a lo sawi tawh a ni.

Iraqi President Saddam Hussein khan Biological weapons hmangin a laka rinawmlo leh amah dotute nia a ngaih mipuite chu a lo bei tawh a, tunah Syria President Bashar al-Assad chuan Chemical weapons hmangin amah dotute a bei tawh bawk a ni.

Author : Ct Lalrinawma    

Aside | Posted on by | Tagged , , , | Leave a comment

Mi rorum leh ropui Bear Grylls chanchin

Edward Michael “Bear” Grylls hi June 7, 1974 khan Donaghadee, County Down, Northern Ireland ah a lo piang a, kum 4 a nih thlengin helai hmunah hian a awm a. Chumi hnu chuan an chhungkua in Isle of Wight – a Bembridge hmunah an in sawn.

A pa Sir Michael Grylls hi Politician niin a nu hi Sarah Lady Grylls a ni a, a nu pawh hi Politician fanu ve tho a ni. Bear Grylls hian unau nu pakhat Lara Fawcett a nei a, a unau nu hian a hminga “Bear” tih hi karkhat leka upa anih laiin a phuahsak a ni.

Grylls hi Ludgrove School leh Eton College a in zirchhuak a ni a, mountaineering club ah te telin bul a tan a, chumi hnu kum 2002 ah Birkbeck, University of London ah part time in Hispanic lam zirna a graduate a. Hemi hnu hian University Of The West Of England ah a graduate a ni.

Kum naupang te a nih laiin, a pa hnen atangin tlang lâwn leh lawng khalh te a zir a, a pa hi Royal Yacht Squadron a member a ni. Tleirawl (teenager) a nih laiin skydive a zir a, Shotokan Karate ah pawh Second Dan Black Belt a dawng nghe nghe a ni. English, Spanish leh French tawng te a hmang thei a. Amah hi Anglican sakhua a ni a, hei hi a rinna kawngah a tân chuan a inghahna ber pawh a ni.

Kum 2000 ah Shara Cannings Knight nen inneiin fa pathum: Jesse, Marmaduke leh Huckleberry te an nei a ni.

School a kal hnu hian Himalaya tlang te a lâwn duh vangin Indian Army a zawm a, kum 1994 – 1997 inkar chhung hian British Army leh 21 SAS tan a thawk bawk a ni. Kum 1996 ah, Zambia ramah a parachute a parh theih loh avangin a chesual palh a, a hnungzang ruh pathum a ti tliaka ni! Kum 2004 ah Grylls hi Royal Naval Reserve ah Lieutenant Commander rank pek a ni a, kum 2013 ah RoyalMarines Reserve ah Lieutenant Colonel Rank pek leh a ni bawk a ni.


A CHANCHIN NGAIHNAWM ȚHENKHAT TE :

1. May 16,1998 ah Grylls chuan a naupan lai atanga alo châk êm êm Khawvela tlâng sâng ber Mount Everest chu a lâwn chhuak a, a accident -na a a hnungzang ruh 3 a tih tliah ațanga thla 18 naah a lâwn chhuak a ni! Kum 23 mi niin a lawnchhuak a, a hunlai kha chuan a lâwn chhuak theinaupang ber pâwl a ni nghe nghe.

2. Himalaya tlâng lâwn tura a inbuatsaih lai hian, kum 1997 ah Briton zinga Ama Dablam tlâng lâwn chhuak thei naupang ber a ni a, he tlâng hi Sir Edmund Hillary chuan “tlang lâwn theih loh” tih hiala a lo sawi țhin a ni.

3. Kum 2000 ah, a team te nen Royal National Lifeboat Institution tana sum tuak nan British Isles chu jet skis hmangin an fang kual a, ni 30 chhung hun an hmang a. Chu mai bakah a thianpa, tlâng lawnnaa a chetsuala vangake ruh ti tliak tan sum hmuhsak nan saruakin ama siam bathtub hmangin Thames luiah a in kar a ni!

4. Kum thum hnuah, a team a mi panga te bakah a naupan laia a thianpa, Mt.Everest a lawnpui ni bawk Mick Crosthwaithe te chu hruaiin North Atlantic Tuipui chu lawng hampuar theih chi hmangin an kân a ni!

5. Kum 2005 ah, balloonist leh tlang lawnmi ni bawk David Hempleman Adams leh Royal Navy Freefall Parachute Display Team an leader, Lieutenant Commander Alan Veal te kiangah Grylls chuan world record a siam a. Grylls chuan open-air dinner party nei sang ber record a siam a, he record siamna atan hian Grylls chuan meter 7,600 a sangah hot-air balloon (Balloon boruak lum hmanga thlawkthei) hnuaiah chaw a ei a ni. Hemi atana a inpuahchah naah hian parachute hmangin vawi 200 chuang a zuang a ni.

6. Kum 2007 ah, Grylls chuan Parajet Paramotor hmangin Himalaya, Mt.Everest bulah a zuang thla a, meter 4400 a sâng, a tlâng chhim lam mel 8 ah a zuang thla a. A zuan thlâk dawn hian Grylls chuan chu lai hmun chu -60°C (-76° F) a vawt niin a sawi! Oxygen a tam tâwk lova, a hmaa a record aiin meter 3000 laiin a sâng zawk a ni. He a thil ti lai hi Discovery leh UK a Channel 4 te chuan video an shoot sak a ni. Grylls chuan Everest paltlang a tum a, mahse Chinese Airspace ten Everest chhim lam chauh ti tura phalna an pêk avangin Everest zawn tak chu a paltlang ta lo a ni.

7. Kum 2008 ah, Grylls chuan a team a mi pali te nên khawvel a tlâng hla/awmna fâl ber zinga mi, tuma la lâwn chhuah loh, Antarctica ami chu lâwn chhuah an tum a. He thil hi Naupang tanpui ngaite tanpui nan leh mihring chakna neih tihlan nana hman an tum bawk a ni. Hemi pah hian a team te nên chuan lawng hampuar chi hmang leh jetski hmangin Antarctica tuipui kam vel chu fan kual pah an tum bawk a, chu bakah vûr ram thlaler zau tak te pawh chu fan kual an tum bawk a ni. Mahse vanduaithak takin Grylls chuan kite-skiing an tih laiin a dar ruh a ti tliak palh a, an tum ai hmaa an haw a ngaih phah ta a ni.

8. Kum 2008 ah, Grylls chuan a thian fu ke kim lo, Al Hodgson leh Scotsman Freddy MacDonald te nen thli chakna hmanga indoor a thlawk rei ber niin World Record an siam a. A hmaa record lo awm tawh te chu second tlem tê in an khûm a ni. He record pawh hi Global Angels tanpui nan a tih a ni.

9. Bear Grylls hian lehkhabu 18 vel bawr a ziak tawh a, a lehkhabu chhuah hmasak ber chu Facing Up (UK)/The Kid Who Climbed Everest (US) tih a ni a, he lehkhabu ah hian Mt.Everest a lâwn chungchang a ziak a, hemi hnu hian lehkhabu eng emaw zât tihchhuah belh lehin a autobiography pawh bu 3 lai a ziak tawh a. Hun khirhkhanadam khawchhuah nana beih dan tur lam hawi lehkhabu 9 ngawt mai a chhuah tawh bawk.

10. Grylls hian TV Show 12 vel bawr a nei tawh a, chung zinga mite hriat hlawh leh lâr ber chu Born Survivor, Man vs. Wild tia kan hriat lâr hi a ni a, kum 2006 a a chhuah tan kha a ni a, a hlawhtling êm êm a, season 7 lai mai a tichhuak thei a ni!

11. May 17, 2009 khan, The Scout Association chuan Chief Scout nihna kum 5 chhung lo chelh tawh Peter Duncan chu thlakin Grylls chu Chief Scout atan an ruat a. Gilwell 24 hmunah July 11, 2009 khan he nihna hi an hlân a. Chief Scout 10 na chiah a nih bakah Chief Scout ni thei naupang ber a ni bawk. April 9, 2015 ah chuan The Scout Association te chuan Grylls chu Chief Scout nihna chu 2018 thleng chelh turin an pawhsei sak a. Grylls chuan, “Khawvela Youth Movement lian berin UK Chief Scout nihna chelh zel tura min ti hi ka lâwmin ka inchhuang takzet a ni”, tiin a sawi.

12. Grylls hian mite tanpuina kawngah ke a pên nasa êm êm a, The Prince’s Trust tân ambassador a ni mêk a, an pawl hian United Kingdom ah kum naupang zawk te tan training tam tak an pe țhin a ni.

13. Global Angel, UK a pawl pakhat khawvel hmun hrang hranga naupang tana thawk thin an ni a, kum 2007 a din a ni a. He pawl tan hian Grylls hian sum a thawk chhuak hnem êm êm bawk a. Mount Everest a a lâwn te, World Record a siam te leh a tlâng lâwn thenkhat te atanga a sumhmuh te chu he pawl tana a tih vek a ni. Chu mai bakah Grylls hi Care For Children tan ambassador a ni bawk a ni.

A KAMCHHUAK ȚHENKHAT TE :

1. Inah hi chuan guitar leh piano ka tum tlangpui thin.

2. Eton College ka kal lai a ka teacher Mike Town hnenah hian lawmthu ka sawi duh a, ani hi tlang lawn lama min fuihtu leh min tiphur tu ber a ni.

3. London ah chuan taxi kan neih hmangin school naupangka hruai thin a ni.

4. Filming kan tih zawh hian, ka thiante nên ramhnuaia bar ah kan thu ho a, kan la dam avang hian ka lâwm thei hle a ni.

5. Ka thian, ka thawhpui te hi ka chakna hnar an ni.

6. Mi te hian inah rannung i ei thin em ti in min zawt fova, kachhanna chu, ka ei ngailo tih a ni.

7. Kan chhungkaw thlalak hi ka pheikhawk ah ka dah tha thin.

8. Wales ramah khuan thliarkar thuruk ka nei a ni!

8. Kar khatah hian ni 6, rei lo tê tê ka train thin a, mahse tihtakzetin minute 30 chhung ka train thin a ni.

9. Ka Kristianna hi ka chakna thuruk leh min tung dingtu ber a ni.

10. Nitinin ka nupui leh ka fate nen kan tawngtai ho thin.

11. Mt. Everest chhip ka thlen khan, naupang ang mai in ka tap tawp mai a ni!

12. Ka lehkhabu duh ber chu Laura Hillenbrand ziak, Unbroken a ni.

13. Ka Hero chu ka pa hi a ni a, ani hian tlâng lâwn min zirtirthin a ni.

14. Ka hero dang leh chu Roger Federer hi ni.

Aw le! Tun atan chuan tâwk rih phawt se, Bear Grylls show hlawhtling êm êm mai, Animal Planet channel vela kan lo hmuh thin, ‘MAN vs WILD’ chanchin ngaihnawm leh maksak tak tak i lo châng leh dawn nia. Chubakah a show pakhat ‘Running Wild with Bear Grylls’ pawh ilo chang dawn nia,he show-ah hian Celebrity ho a hruai thin a, ‘ Man vs Wild’ a a tih thin ang ho kha a tih pui thin a ni. I lo ngaichang reng dawn nia.

Author : FrEdy Lalrinmawia Renthlei    

Aside | Posted on by | Tagged , , | Leave a comment

US & UK LEH SOVIET UNION “NUCLEAR BOMB TARGET” HMUN A LO RAPTHLAK E! NORTH KOREA RAM TARGETS AN SIAM ZO TA

Kan chenna khawvel (Planet Earth) hi a Siamtu Pathian ni lovin, a siam Mihringte ngeiin kan la tichhe vek dawn niin alang. Pathianin khawvel a siam a, a nih tur ang taka a duan chhuah zawh khan Bible chuan,”Pathianin chu chu a en a, tha a ti hle a” (Gen 1:25) tih min hrilh a ni. He khawvel vawiin thlenga a la chhe lo hi “Lei chi” (salt) leh “Khawvel eng” (light) kristiante kan la awm vang chauh a ni. Ringtuten he khawvel hi Vanah kaisan vek ila, a nawmna leh hlutnate a bo vek ang! Rev. Dr. John MacArthur Jr., Grace to You Ministry leh Tele-Radio Preacher ropui leh hmingthang phei chuan, “Khawvelah hian Ringtute hi lak bovin awm ta ila, kum 7 chhungin khawvel hi amah leh amah a in tichhe vek ang” a ti bawk.

Mihring leh mihringte intihnat duhna avanga indona hmun, sang tam tak thisen luanna leh inthahna ram Cambodia, Vietnam leh Laos ram te chu chipchiar taka zir chungin ka fang tawh a. Vietnam rama bomb thlak vanga mihring piansualna tamzia leh, thing leh mau leh leilungin an tawrh nasat zia te, Laos rama bomb thlak vanga a zungzamin thing leh mau leh boruak a suasam dan te chu rapthlak tak a ni! Iraq, Syria leh Afghanistan ram hrehawm turzia te hi ka ngaihtuah fo va. Chutih rualin heng ram, thih hlauhawmna leh mihring nunnain hlutna a neih loh ramah te hian Pathian hmangaihna thuchah keng a, “Chanchin Tha hril” erawh ka chak hle.

Tunlaiin Nuclear ralthuam nei North Korea leh US-Japan-South Korea tangho indo se tih te, India leh China inkhuai nuai se tih te, India leh Pakistan chu nuclear ralthuamin in phin khum vel se tih te, Israel leh Iran indo tawh se, etc tihte kan sawi thin a, indo tak tak chiah sela chuan “A rapthlak turzia hi, aw ka sawi thei lo!” tih hla ang maiin, a khawih chhe turu buru rapthlak hlein a rinawm.

Pathian tihna leh hlauhna nei miah lo, a changa ramsa rilru ang lek pu a mahni mihring puite tihlum a, tihrehawmtu leh suat duhtu hi khawvelah an lo piang vein, rorelna pawh an ko kiah chuangin, thuneihna an kutah awmin an lo chelh tawh thin a; chung zingah chuan heng mihring- Galigula-The Schizophrenic Emperor, Nero-Fifth Emperor of Rome, Attila the Hun-The storm from the East, King John-Cold Hearted Monarch, Torquemada The Spanish Inquisitor, Prince Vlad Dragula, Francisco Pizarro-The Conqueror of the Incas, Bloody Mary-1: A Catholic Queen in Protestant Country, Ivan IV-The Terrible-Tsar of All Russias, Elizabeth, Countless Bathory-Countess Dragula, Rasputin the “Mask Monk”, Joseph Stalin-20th Century Tyrant, Adolf Hitler-Father of Final Solution, Islse Koch-Bitch of Buchenwald, IdiAmin-The Butcher of East Africa, Pol Pot-Architect of Genocide, Saddam Hussein of Iraq leh Bashar al-Assad of Syria ten an mipuite an sawisak dan te chu rapthlak tak a ni. Kim Jong-un of North Korea-Hermit Kingdom lalpa thiltih vel dan pawh hi, mihring nih phung piah lam daih a ni.

Cold War laia US-UK leh USSR inbeih tum dan
Thil hlauhawmzia hrechianglo apiang hi hun thim leh hlauhawm zual lai pawhin, khauphar thawven ching leh hirha deuh, mawl huaisen fu fu an ni fo mai! Thil thalo leh hlauhawmin a hnu lam a nghawng tur an ngaihtuah phak thin loh vang a ni.

US chuan a hmelma (arch-foe) bera ngaih, Soviet Union (USSR) chu kum 1948 daih tawh khan nuclear bomb hmanga bomb tumin ruahmanna a lo kal pui daih tawh a, chu ruahmanna thuruk chu a codename-ah “Half-moon” tih niin, Soviet Union ram chu Atom bomb 50 zetin a kah tur khawpui leh hmun a lo siam lawk diam a. Tunah pawh US hian North Korea hi bei turin target bik hmun a siam fel vek tawh a ni.

US chuan Soviet Union (tuna Russia) chu vawi 133 a kap ang a; chungah chuan khawpui (city) 70 a target a, Lenningrad (St Peterburgh) chu Atomb bomb 7 in a vawm khu luih anga; Moscow khawpuiah erawh Atomb bomb 8 a thlak thung ang. Hetianga US ruahmanna ‘America First Nuclear Plan-1948’ chu “Nation-Killing Concept” an ti a, hnam puma inthah puk theihna thil a ni.

He ruahmanna tihbaihawm tak, a huhova Hremhmun kawngkhar chhuih dawt theihna tur leh liam diak theihna hi Navy lam hotu Admirals rualte chuan tha an ti lova. US Air Force hotute thil kal pui tum dan chu an pawmpui thei lo. Admiral Arthur W. Redford chuan, “Indonaa tel ve lote thah chiam chu a tha lo a ni” a ti. Rear Admiral Raph A. Ofstie, Japan rama Atom bomb thlakna tura mawhphurtu meuh pawhin, “Zahngaihna tello leh nunrawng thiltih (ruthless & barbaric) a ni a, American value-ngaihsan zawng a tichhe vek a ni” tiin, a sawisel bawk. Mi tha leh Pathian ringtu nghet te vangin, khawvel hi a lo la chhe lo mai mai a ni ber e.1950 ah chuan US chuan a policy thlakin, military hmun puite chauh (counter forces-military facility) beih tur a ti ta a ni. Kum 1960 ah US chuan ruahmanna dang siam lehin,”Single Integrated Operation Plan” (SIOP) a ti a, US chuan UK thawhpuiin, US Forces leh UK Bomber Plan an siam ta. Chu tih hun lai chu President John F. Kennedy hun lai leh Cold War vanglai kha niin, SIOP targets ang chuan bi tum bik hmun 3,729 ah nuclear ralthuam 3,423 an thlak dawn a ni! Heng targets hmun te hi Soviet Union, China, North Korea leh Eastern Europe a Soviet awp beh ram leh military base te an ni. 80% chu military base a nih laiin, a dang zawng chu civilian chenna khawpui an ni. Soviet Union ramchhungah khawpui lian (urban industrial complex) 295, China-ah 78 an target a ni.

Heng bombs thlakte hian Soviet Union mihring 54% chu reiloteah ruhro leh vaivutah a chan tir ang a; China mipui 16% pawh an thi bawk ang. Chung thite belhkhawm chu maktaduai 220 an ni ang a, chawplehchilha vaivut a chan bakah, nuclear & atomb bomb zungzam vangin an thi teuh bawk ang.

1955 ah William Struth report chuan, UK’s Central War Plans ang chuan Hydrogen bombs 10 chu UK tuipui kamah thlak lo ni ta se, mihring 1/10 in an thih phah ang a, UK rama farm-land te chu economy tihchhiat nan an bomb an ring a ni. UK chuan hetiang a nih vangin Soviet Union nuclear hmunpui (nuclear arsenal) chu tihchhiat vek a tum tur a ni. He UK-in kum 1958 a Bomber Command-Emergency War Plan a siam ang chuan, Soviet khawpui 44 a tichhe vek anga, mihring maktaduai 38 in thih phah turin an ruahman a ni.

UK hydrogen bomb 1 zel chuan Soviet Union ram khawpui a deng ang a, Moscow ah erawh hydrogen bombs 4, Leningrad (St Petersburg) ah 2 thlak a ni ang. UK leh US chuan kum 1960’s chhovah indonaa tel dun turin inremna an nei a, US leh Soviet Union an indo chuan UK-in Soviet Union khawpui 25 te chu a lo bei ve ang, tih a ni.

Soviet Union pawh a muhil mai mai bik lo!
President Ronald Reagan khan USSR/ Soviet Union chu “Thim Lalpa rorelna ram” tiin a lo sawi tawh a, anni Soviet Union phei chuan mipui tawrhna tur an pawi ti vak hauh lo! USSR Joint Intelligent Committee chuan US leh UK ai daihin an duh chhe zawk a ni. “Probable Nuclear Targets in UK” tih an siamah chuan, London khawpui chu Hydrogen bombs 8 lawihin an bomb nghek ang a, Edinburgh khawpui chu Atomic bombs 2 a beiin, Glasgow khawpui chu Hydrogen bombs 4 laiin an bomb thawr bawk ang.

Scotch Whiskey tamna ram, Scotland tuipui kama tuihnuai lawng (submarine) Lawi tui cheng ang maia bawk dum fur mai te chu Hydrogen bombs 4 leh Atom bomb 4 hmangin an bomb pilin, an bomb alh zuai zuai ang. PM Winston Churchill phei kha chuan BBC ho hnenah, Hydrogen bomb thawh dan rapthlak dawn em avangin mipui a ti thlabar lutuk dawn a, chuvangin puang lo turin a hrilh a ni, an ti hial.

1959 ah UK’s Royal Air Force (RAF) ten Atomb bomb 71 an nei a, US-in 168 a nei tawh a ni. 1961 ah British-in Hydrogen bomb a nei tan tih a ni.

Jet Fighters-ten Nuclear Bomb an thlauh palh a hlauhawm !

India rama “Right To Information Act” (RTI) hi US- a”Freedom of Information” dan entawna siam a ni a, Mizo te pawhin RTI hi kan hmang tangkai sawt viau. Thil lawmawm tak a ni. Erics Cholossa chuan US-in Nuclear ralthuam a neih chhoh dan leh hman a lo tum dan hi Freedom of Information hmangin US thuneitute hnenah “Nuclear Arms Race, Command and Control” tih hi lo dil chhuak a, chumi atang chuan khawvelin nuclear hmanga inbeihna awm thei thuruk a lo hre ta a ni.

Nuclear-Hydrogen-Atomb bomb te hi Jet Fighters leh Bombers ten an lo phur kual fo tawh a, chung an phurh kualna lamah chuan chetsual pui palhin, khawvel chhiat vak theihna a lo thleng tep thin a lo nia! Keimahni mihring leh mihringte ngeiin kan chhiat rupna ni hi kan siam a rinawm. Kum 1950-1968 inkarah ringawt vawi 700 lai chu Nuclear ralthuam 1,250 zet an lo chetsual pui tep a, mahse, an puak darh hman thin lo a ni, an ti.

Lt. Gen. James M. Kowalski, US Air Force Global Strike Command, 20th Air Force “Around the Clock” hotu chuan, “Nuclear ralthuam te chu vawn him a ngaiin, uluk tak (save, secure & effective) a enkawl an ngai tak meuh a ni,” a ti.

Jan 23, 1961 khan Goldsboro, North Carolina state-ah B-52 strategic bomber chuan Hydrogen bomb a phurh chu a lo titla palh tawh a, mahse, amah tuamtu-phurtu Parachute chu inhawng tha hman lovin thing kungah a lo tang hman hlauh a ni awm e. Chumi tum chuan bombs chu 4 megatones, TNT bomb chak zet maktaduai 4 puak tluka thawk na a keng tel, an ti. Chutih lai chuan lo puak dur sela chuan Washington, Baltimore, Philadelphia khawpui bakah,New York City thenkhat pawhin a tuar hle ang, an ti a ni.

Hetiang taka thil hlauhawm mah ni se, US sorkar chuan a mipuite hnenah “Goldsboro thil thleng chu a hlauhawm lo,” tiin, a sawi tlat, an ti. He Goldsboro hmuna thil thleng hi John F. Kennedy chu US President atan lakluh hma ni 3 a thilthleng niin, Parke F. Jones chuan a sawi. He accident hi B-52 Strategic bomber thlawhna lian hrawl zet chuan Sreymour Johnson Air Forces Base-Goldboro ah dan pangngai (routine flight) angin thlawh velna neiin, East Coast lama a neih laia thil thleng a ni. Hydrogen bomb a phur hi a lo awm hrang palh a, palhat chu Faro, North Carolina-ah a tla a, a phurtu parachute chuan thing kungah a tan pui hlauhva, hei hi Big Daddy’s Road-ah a ni. Tlema tlemah mahni an in bomb hlum teuh tep a nih chu.

July 1956 khan Suffolk, England ah Royal Air Force (RAF) ten Atom bomb an lo tipuak palh teuh hle bawk. Jan 1987 ah pawh Wittshire hmunah Hydrogen bomb phurh pawh anbuai phah tep a, hei hi “top secret” an ti bawk.Khawvel hian Nuclear ralthuam hmanga indona a la hmachhawn lo na in, a rapthlak lutuk dawn avangin a hna thawh dan hrechiang tute chuan “Nuclear bomb” siam a, indona a chhuah palh hi an hlau tak meuh. Cold War laiin”Cuban Missile Crisis” ah nuclear ralthuam hmanga invaunaa lo awm tawh a, October 1983 pawh khan President Ronald Reagan a President kum 3na leh Iron Lady PM Margaret Thatcher-i term 2na hman mek lai te, British Spy zei leh hmingthang “James Bond” lar vang laite pawh khan “Nuclear ralthuama in epna” hi a lo nasa tawh thin a ni. Cuban Missile Crisis lai khan President John F.Kennedy chuan Soviet Union kha vauvin, darkar 48 chhunga Cuba hmuna an missile bun te chu inla chhuak turin a vauva, amah pawhin “Nuclear bomb kah chhuahna” hmet mai turin, “War Control Room” a thu tawh a ni, an ti thin.

Sept 20, 1983 a South Korean Airlines, Flight-007-Boeing 747 chi, passengers 300 phurin Soviet Union boruak a dai palh zauh an lo kahthlak tum te, US-in UK ah Cruise missile a dah tum te, West Germany ah Pershing-II missile a bun tum tein Nuclear hmanga indo tura invauna hi a lo awm tawh thin bawk.

October 22, 1983 phei chuan Hyde Park, London ah mipuiten nuclear ralthuam duh lovin an lo pungkhawm chiam tawh a ni. President Reagan kha America President ni tawh zinga rorum leh pa ber, Iran leh Soviet Union vau daitu tih a ni thin a, a hun laiin “Star War” program a kal pui chiam a, mahse, thenkhat chuan Star War kha conspiracy theory leh Soviet vau zam nana policy phuah chawp mai a ni, an ti bawk. Mahse, a hun laia siam Trident-D5 nuclear missile phur tura siam bik, nuclear bomb 8 zet phurtu te chu theuneulo tak a ni. He Trident-D5 hi US chu hmelmaten nuclear ralthuam hmanga beih a nih hun chauhva beihletna tur a ni. Soviet Union chu a tluchhe ta, Ronald Reagan leh Iron Lady Margaret Thatcher te pawh an awm ta lo. Mahse,Trident-D5 chuan a ralthuam phurh chu phur ning tawh hle mahse, hman hun tur hriat a nih tlat loh vangin, kum 2042 thlengin a la phur zel dawn a ni.

Reagan era-a ralthuam chher leh tuk thar 90% zet chu US leh Soviet Union inremna thuthlung vangin tihbo an ni zo ta.SIOP pawh “Operations Plan O Plan) 8010” tia thlak tawhin, hei hian Russia, China, North Korea, Iran leh Syria an tin zawn ber a; ram dang kah thut ngai a nih chuan last-minuteah ngaihtuah that tura tih a ni. Chuvangin US hian “NORTH KOREA” bei turin ruahmanna fel fai tak a nei dim diam sa ang tih hi, i ring ngam ang u. President Barack Obama khan”Nuclear Weapons Employment Strategy” a tichak a, US chuan military targets nei sa diam tawhin, “A tulah chauh nuclear ralthuam chu hman a ni ang” a ti

Author : C.T.Lalrinawma    

Aside | Posted on by | Tagged , , , , , | 1 Comment

MAHNI NUPUI VAWHLUM

Nimin (7.7.2017) zing dar 5:50 vel khan, Vanlalnuna kum 37 Tahan, Myanmar mi chuan a nupui Cheuzakimi kum 28 Suangdaw (Myanmar) chu a vawhlum a. Ruang hi post mortem tura kalpui mek a ni a, Tualthattu hi police ten an latawh bawk. Maubawk Branch YMA ten mitthi hi kuangah an dah a ni.

Tualthattupa sawi danin, a vuakhlum tak a nupui hi April ni 3 velah pawngsual tawk niin, a pawngsualtu hi a sawi duh lo a, uire a puhin a rilru na in a dawpna lam ah kut hi a thlak ta a ni. Fa kum 3 mi leh nausen thla 3 vel mi an nei a ni.


COMMENTS
Siamtei chawngthu Siami
_ _ A nupui hi saruakin a sawisa a. a ban ruh a vuak tliah sak hnuah a hliam hrep hnu a la chet theih siin “pawnfen feng rawh” tiin a la vau zui a ni awm e.
A nupui hi a nau neih atanga ni 4 naah dd in in entir turin a kal a. a haw lam ke a a kal miin an khawngaih in an phur a.chu chu a pasal hian i uire a ti ta tiin an thenawm ten an sawi.


A nupui fa kum 3 mi poh a naka tui sa a leihsakna.↑


A khup a tih pem sakna↑


A biang hi a pahrawn in chemtea a tai thler sakna a nih hi.↑

Author : Robert Pearson Varte    

Aside | Posted on by | Tagged , , , | Leave a comment

LAL ISUA’N “TI ȚHIN RAWH U” A TI CHIAH EMAW NI LE? by Dr John Hlychho

1. KOHHRAN-TE HIAN KAN TISUAL ELO??
Țumkhat chu Phaia lehkhazir, English Service-a inkhawm ţhin Mizo Țhian pakhat hian, tifuh inti takin, “Lalpa zanriah ţheh chungchangah hian Kohhran-te hian kan tisual lian khawp mai…” tiin, ka hriat theih ngei tur hian a sawi chhen mai a!!

Ka ngaih ţha lo chuan Restaurant-ah “Coffee tui tâwk ka khilai ang che…” tiin ka luhpui a, thil awmzia ka zawt ta chawt mai a.Thil awmzia a han sawi chuan ngaihtuah ti thui tak Bible châng, Kohhran serh leh sang nên-a inzawm pawimawh tak mai thu-ah a rilru a lo buai viau a, Kohhran-te chu ti dik lo min ti a, min lo dem viau mai chu lo niin…!!!

2. ENGLISH BIBLE-AH, “TI ŢHIN RAWH U” TIH A AWM LO MAW??
He Mizo Tlangval, lehkhathiam hian, eng Pathian thu zirtirna nge a lo dawnsawn sual chu a sawi duh lova. Amaherawhchu, a complaint tâk ber chu, “Mizo Bible-a Luka 22:19 thu, “Hei hi ka taksa, in aia pêk tura chu a ni, mi hriat rêng nân hei hi ti ţhin rawh u” tih laia “ti ţhin” tih ţawngkam tak hi English Bible-ah a awm lo. Mizo Bible Letlingtuten an belh-chawp leh an tih danglam a ni”, tiin ngaihdân a lo siam chu niin!!

English Bible-a Luka 22:19 thu hi kan han en chuan, “DO THIS IN REMEMBRANCE OF ME” tih chauh a lo in-ziak kher kher bawk nen…”ti ţhin” tih chu dik lova ngaih a awl hle dâwnin a lang ta a ni.

3. BIBLE BU DANG LEH CHÂNG DANGAH PAWH EN VE BAWK LA??
Bible hi Pathian thâwkkhum, nunna thu a nih avangin chiang fek fawka hriat-fiah leh hrilh-fiah a har a.A châng chuan ţawng danga a fiah zawk châng a awm a, a châng chuan mahni ţawng ngeia a fiah zawk châng a awmtho bawk. A châng chuan a kawppui, Bible bu dang leh Bung danga kan en chuan a lo fiah êm êm bawk.

Helai thu-ah pawh hian, Luka 22:19 chauh en chuan a buai theih viau mai thei. Mahse, hemi thu vêk hi Paulan 1Kor.11:24-25-ah chiang takin a târlang a.

Bible Scholar-te chuan, Paula ţawngkam hi en-in, a sawifiah chian fel-fai fek-fawk theih dân ațang hian, Paula hian Lalpa Zanriah chungchang hi Lal Isua hnên aţang ngeiin (êngin a chhûn thlûk lai vêl hunah emaw khân) a dawng niin an ngai hial a ni.A chhan chu, 1Kor.11:24-25 thu hi Luka 22:19 Sawifiahna ang deuhthaw a ni tlat a ni. Zawlnei Isaia chuan Pathian thu-in kawppui a nei vek a, kim lo a awm loh thu a lo sawi tawh bawk a nih kha (Isaia 34:16-17).

4. A ŢAWNGBUL LAMAH “TI ŢHIN RAWH U” TIH A NI RENG ALAWM LE!!
Sawi tâk ang khian, Luka 22:19-ah chuan, “ti ţhin” tih ţawngkam chiah hi English Bible-ah awm lo angin a lang naa, Bible bu/châng dangah, 1Kor.11:24-25 ah chuan chiang takin “TI ŢHIN” (THIS DO YE, AS OFTEN AS YE DRINK IT) tiin English Bible pawhin a ziak tho a ni.Mizo țawnga “TI ŢHIN” (Luka 22:19, 1Kor.11:24-25) tih hi Greek “POIEITE”, hman a ni a.

Greek “POIEITE” (do this/as often as/ti țhin) tih hi a grammatically chuan, “present imperative active” a ni a, “a prolonged form of an obsolete primary; to make or do in a very wide application (more or less)” tiin an hrilhfiah a ni.Hei hian “a khât tâwka tih-nawn fo” a kâwk. Chuvangin, Lal Isua khân, “HEI HI KA TAKSA, IN AIA PÊK TURA CHU A NI, MI HRIAT RÊNG NÂN HEI HI TI ŢHIN RAWH U” tiin a lo sawi chiang hle a ni.

Mizo ţawng hian Greek ţawng chiah chiah hi a lo la-chhawng zâwk a, English hi duhthu a lo sam lo lek lek zâwk chu lo niin!Lalpa Zanriah Sacrament chungchanga țawngkam pawimawh tak, “Mi hriat rêng nân hei hi ti ţhin rawh u” tih hi Mizo Bible-ah hian dik takin an lo letling a, hlauhthawn tur rêng rêng a lo awm lo.

Hetiang hian ngaihtuahna min pe hial, Mizo Bible Letlingtute kha ţhangthar-te aiin an zir sâng lo zawk naa, an lo va fingin, an lo va fakawm êm! Thlarau Thianghlim hruaina ngeiin Bible kha an lo letling a ni ngei ang, ka ti ta a ni!!

Chuvangin, ringhlel lovin, thlamuang tak leh lâwm tak leh châk takin, Lalpa Zanriah Sacrament hi i țheh fo ang u.

Aside | Posted on by | Tagged , | Leave a comment

CAG AUDIT REPORT TIH ARTICLE KHA~ Zoa Tlau

Vanglaini ni 23 June 2017 chhuak a article “CAG Audit Report” tih Dr Vanlaltanpuia, Pachhunga University College ziak kha ka lo hmu a. Mithiam leh puitling taka ngaihin party inchirhthehna lam tawngkam a hmang kha a mak ka ti deuh a. Thalaite a hruai sual ang tih a hlauhawm hle a ni. Zirna in zinga kan chhuanvawr PUC-a thawkte tan phei chuan fimkhur a ngai hle awm mang e ka ti deuh a, party politics-ah pawh tawngkam uluk tual tual a nih tawh lai hian. Kha a thu ziak ah khan thudik hlel deuh tak mipui pawh hruai kawi thei tur a awm nual avangin chhanna nilovin sawifiah ngai nia ka hriatte ka rawn ziak ve a ni e.

CAG report hi PAC-in a pawm nghal vek lo:
Comptroller and Auditor-General-in report a tichhuah reng reng ‘Public Account Committee leh Committee on Public Undertakingsten i he lovin an pawm thin’ ti hial in a ziaktu khan ropui tak main a rawn tarlang a ni. He a thuziak phei hi chu a uar mah mah zia chu chiang takin a lang nghal a, 2G spectrum allovation case-ah ngei pawh Public Account Committee nen nasa takin an ngaihdan a inang lo va. Public Account Committee Chairman MP K.V.Thomas meuh pawhin “the Comptroller and Auditor General should restrain from reporting notional losses and rather restrict itself to revealing financial impropriety” a ti hial a ni (link http://timesofindia.indiatimes.com/india/CAG-should-not-report-notional-losses-Public-Accounts-Committee-chairman-Thomas/articleshow/44954595.cms). Agusta Westland chopper deal te, Commonwealth Games scam te, leh NPA-te a CAG report hi Public Accounts Committee hian a sawisel a nih kha.

Article ziaktu khan CAG report te sawrkar laipui pawm thlap angin a ziak a, sawrkar laipuiin ‘scam’ lian a hmachhawn LPG subsidy leh thil dangte a hmachhawn mek a ni a. A pawm lo aniang an buai ve em mai.

CAG hian an huang lo nawra report an lo siam ve vak vak thin avangin inhnialna a hringchhuak thin niin a ngaih theih a, hei vang pawh hi a ni ang PAC Chairman khian CAG chu “national loss/hloh nia ngaih” tarlan vak vakte an tih tur a nih loh thu a sawi a. CAG Duties leh Power India Constitution Article 149 in a tarlan danah chuan Parliamentin a ruahman sak ang anga awm tur an ni a. Dawhkan atanga an chhut ve dan audit report a ziak vak lovin ‘financial impropriety / sawrkar sum diklo taka hman’ a awm leh awm loh en mai zawk chauh tur an nih hmel hle a ni.

NLUP PM Special Package a ni lo a tih kha:
Article ziaktu khian NLUP chu Prime Minister Special Package “a lo ni reng reng lo chu niin” a ti a. PIB Press Release 15 July 2010 kha kan enlet chuan, tun thlengin internet-ah en theih a ni. (link ah hian en rawh http://pib.nic.in/newsite/erelcontent.aspx?relid=63271). Hetah hian Cabinet Committee on Economics Affairs in NLUP a bik takin a pawm sak tih a lang chiang hle a, NLUP Management 3 tierstructure pawh an pawm tel nghal thu tarlan vek a ni bawk.

CCEA hi Prime Minister Dr Manmohan Singh a chair-na hnuai a neih a ni nghe nghe. Special Package nilo sela chuan Ministry emaw, Department emaw, Planning Commission level-a chinfel mai tur a nih hmel a, Prime Minister mai nilo Cabinet Committee meuh in a ‘approved’ a nih avangin ‘special package’ tih loh rual a nilo.Ziaktu khan NLUP chu ‘micro development’ anih avangin ‘growth’ tak tak petu a nilo tiin ‘Mico versus Macro Development’ tih chungchang a sawi naah a sawi bawk. Economic lam zir ve miah lo keini pawhin kan hriat vek chu macro development chu macro atanga tan lovin micro atanga tan tur niawm tak a ni a. Micro development infinkhawm khan macro development a siam mai tur a ni awm e. Micro ngaipawimawh hmasa lova macro development a direct nghal a nih chuan mirethei zuankhum policy a nih ngei a tul ang. Chutiang chu MNF policy thar SEDP-in a tum dante a nih hlauh chuan mirethei tahna thlentu policy a ni ngei mai dawn tihna a ni ang. Pu Tanpuia hi SEDP lam campaigner a nih bawk avangin SEDP hi miretheite tan a hlauhawm hle mai dawn a, mipuite a bik takin thingtlang lam mi te kan fimkhur a tha hle ang.

Per Capita Income pawimawhna leh Growth Driver Mizoram:
A mak lehzual ta ber erawh chu ram thanna chungchang a sawinaah kan Minister hming tha ber zinga mi Pu Zodintluanga’n Per Capita Income a san chhoh chungchang Varsity Platform 2017 a asawi a hnialna hi a ni. Pu Tanpuia hian Per Capita income tehfung rintlak loh leh technical lo mipui rilru dik lo zawnga kaihhruaina ang hialin a rawn sawi nghe nghe a ni! Chumi a sawi fiahna ah chuan Mizoram chu India ram State 29 zingah GSDP hniam ber a nih thu leh chu chuan kan economy than leh than loh a kawk mai e, tiin a sawi nghe nghe a ni! GSDP (actual size/amount) hi ram thanna tehfung atan an hmang ngai reng reng lova GSDP Growth Rate (kum hmasa khumna) zawk hi ram thanna tehfung atan an hmang thin a ni. Hei hi chu mimawl ber pawhin an hriat vek tur a ngaih a ni.

Entirnan, India hi ‘emerging economy / global growth drivers’ tih a ni a, ram dang (USA etc.) GDP chu a tam zawk si, GDP tam apiang ‘growth driver’ an ni tihna a ni silo! A chhan chu GDP growth rate (kum hmasa khumna) a san zawk avangin global growth chhutna ah kum hmasa khumna tisangtu chu kumin a growth rate sang ram te kha an ni ta tihna a ni. GDP sang ur mahse growth rate a hniam si chuan ram thanna tehna ah chuan USA chu growth rate a hniam avangin growth driver a ni ve ta lo a ni! Growth ratesang zawk India kha growth driver a ni thung. Chutiang chiah chuan Mizoram chu State dang aia growth rate a sanzawk fo avangin mimal tin thawhchuah chawhrual (per capita income) a lo sang chho ta a. India ram pum average a khum ta hial a (kum 2015-16 atang khan) chuvangin India Economy ah Mizoram chu Growth Driver dik tak a ni. Hetiang hi mi tupawhin kan hriatthiam vek a ni a. PUC Professor meuhin a hrethiam lo tlat mai hi a fel hlel hle a ni.

Ram changkan dan leh ram thanna tehfung technical lo a tih Per Capita Income hi ram hmasawnna tehna ber a ni zawk a, hei pawh hi a hre fuh chiah lo a ni. Entirnan, chhungkaw pahnih tehkhin nan hmang ta ila. Chhungkaw pakhat chu mi sawm (10) awmna a ni a. An chhungkua ah chuan hnathawk panga (5) zet awmin kum khata an sum lakluh pawh Rs 100000 theuh ni ta sela. Chumi chhungkua income pumpui (Gross Income) chu Rs 500000 lai tihna a nia. A tam khawp mai. An chhungkaw member sawm hnen a sem rual (Per Capita Income) erawh chu Rs 50000 tihna a ni ang. Chhungkaw dang leh ah thung chuan mi pahnih chiah an awm a. Hna an thawk ve ve a. An kumkhat lakluh pawh Rs 100000 ve ve tho a ni a. Chumi chhungkua income pumpui (Gross Income) chu Rs 200000 chauh tihna a ni a. A tam lo khawp mai. An chhungkaw member pahnih hnen a sem rual (Per Capita Income) erawh chu Rs 100000 lai a ni thung. Tu chhungkua nge changkang zawk anga awm nuamsa zawk ang le? Per Capita Income sang zawk apiang khi an awm nuamsa zawk dawn tihna a ni. A chhan chu chungkaw pahnihna khi chuan mimal tin tana sum hman theih (per capital purchasing power) chu Rs 100000 anih avangin Gross Income tam tlurh chungkaw member 10 awmna ai khian sum hman tur mimal tinah a let zet an nei bik dawn tihna a ni. Hei vang hian GDP (Gross Income) nilovin Per Capital Income hi ram changkanna tehfung pawimawh leh technical ber zawk chu a ni. Pu Tanpuia tehfung chu hmang ila a rethei zawk khi hausa zawk leh changkang zawk ah kan chhuah hlauh a ngai dawn tihna a ni. Kan Minister zahawm takin Per Capita Income pawimawh zia a rawn hre chat mai leh University zirlaite zingah hetiang fact leh figure rintlak thur chhuahna chang a hria hi alawmawm tak meuh meuh a, Per Capita Income en chat chat Minister te hi nei tam ila kan changkang chak fu ngei ang le.

He article hi inhnialna emaw Pu Tanpuia article chhanna emaw a nilova, mithiam zawka kan ngaih ten mipui diklo taka hruai kawi thei tur an rawn ziak tlat mai hi hriatthiam har ka ti a. Mimal in kheina lam nilovin, tun hnu zela mipui kan fimkhurna a nih hlauh takin tiin ka rawn tarlang ve a ni e.

Aside | Posted on by | Tagged , | Leave a comment

AFC General Secretary in Pu Manzuala a chhang let.

India ram leh Khawvel hriata Mizoram leh Mizo te kan thanmawi theih nan te, Mizo thalai te Football infiamna hmanga hma kan sawn zel theihna tura NECS kal tlanga Mizoram sawrkarin Aizawl Football Club a tanpui chung changa, Mizo parawn ni a kan hriat Pu M.Lalmanzuala’n Aizawl Football Club kaihhnawih thil a rinthu a rawn sawi chiam mai hi Aizawl Football Club chuan Aizawl Football Club leh Mizo thalaite min hmusitnaah kan ngai a. Club President zin chhuak leh, Mizoram leh Mizo thalaite tana a hnathawh mek pawh hrethiam duh lo a. Social Media lama rinthua I bei zui chiam mai hi Aizawl Football Club chuan kan hre thiam lova. Rinthua thil I sawi kual chiam chiam mai hi a tha lo kan ti a, Aizawl Football Club zahawmna humhim nan Open Letter ka han thawn ve che a ni e.

OPEN LETTER TO PU Michael Lalmanzuala
Pu M. Lalmanzuala
Chaltlang, Aizawl.

Ka pu, Aizawl Post-a I article leh Facebook group lama I open letter ziah kan lo chhiar a, Sawrkar hnuaia kum 40 zet hnathawk tawh inti siin, Aizawl Football Club tana NECS-in a chhiah pek tur eng emaw zat Mizoram sawrkarin a phalsak anga Aizawl FC te min pek chung changah thu chiang hriat pawh tum lova, mimal inbeihna leh mahni invawrh tumna ni awm hrim a rin thu-a I bawl phuan a, I phuahchawp kual vak mai hi awm ang lo kan tiin mi puitling tihawmah kan ngai lo a, he thilah hian club lam hian chanchinbu lam leh nangma hnen atang ngei pawhin zawhna engmah kan dawng lo hi a mak kan tihle a, I thu chhuah leh ziak duhdan hi mimal leh club tihhmingchhiat tumna diktakah kan ngai a ni.

Aizawl Football Club chungchanga thil thenkhat hi min rawn zawt lo mahla ka’n hrilh ve ang che.
1. Aizawl Football Club hian a dinthar leh 2011 atang khan hma lam panin, a thiltumte tihhlawhtlin ngei tumin theihtawpin a bei a, chuta tana sum leh pai kan mamawh huna kan ban ber chu NECS hi a ni. NECS hian hlawkna leh thil dang engmah beisei lovin Aizawl FC tan leh Mizo thalaite tan theihtawp a chhuah mek a ni.

2. Aizawl FC din thar leh tirh khan mi hrang hrang thahnem ngaihnain din thar a ni a. Sum leh paiah a harsat tak avangin Aizawl FC enkawlna hna chu NECS hnenah hlan a ni. Hei hi a chhan ber chu Aizawl FC thil tum tihlawhtling zui thei tura NECS Chief Managing Director, Pu Robert Romawia Royte chunga rinna board member ten an nghah vang a ni.

3. Aizawl Football Club hi Ministry of Corporate Affairs, Government of India hnuaia in register thlap kan ni a. Kan Company CIN chu – U92412MZ2015PTC008285 a ni. Hemi in a ken tel chu Entity hrang hlak, Accounting leh a kalphung engkim, Mizoram sawrkar mai ni lo, India ram sawrkar hriatpui. Kum tina CA Audit nei thin kan ni a, a hun taka engkim report – Government of India leh AIFF lama pe thin kan ni.

4. Mizo thalai leh naupang zawkte football hmanga hmasawnna; Zofate inpumkhatna; India ram mai ni lo, Asia Level competition thlenga Mizo thalaite vawrh chhuah tuma, thiltum mumal tak neia Aizawl Football Club hi din thar leh a ni a, chutianga kal chho mek chu a ni bawk.

5. Tunah hian Mizo thalai ten kan hriat chian; India ram top league khel mek Aizawl FC Senior team bakah, Age levela India top league/competition khel mek team pali(4) dang – Women’s Team, Under 18, Under 15 leh Under 13 team te an awm mek a. Anni hian tun dinhmunah chuan Aizawl FC mai ni lovin, Mizoram atanga I-League team awm chhun kan nih angin Mizoram ai an awh a ni. Tin, anni bakah hian Aizawl FC Junior Team(First Division Team) an la awm bawk.

6. Heng a chunga team kan sawite bakah hian Mizoram leh Mizoram pawn thlengin Academy mumal taka kal pui mek a ni bawk. Chungte chu – Khawzawl, Lengpui, Kawnpui, Zawlnuam, Zampui (Tripura) leh Tahan (Myanmar).

7. Mizoram Football Association, Tata Trust, Education Department(Mizoram) leh Aizawl FC tangkho chuan Mizoram hmun hrang hrang Sikul 60-ah naupang 3000 hnenah a thlawnin coaching an pe mek.

8. Heng bakah hian Football-a talent nei tha zualte zir bingna tur, Residential Academy( World Class) din ngei tumin hma a la mek a. Building sak zawh tawh a ni a. Hawn thuai theih beisei a ni.

9. Tunah hian Aizawl FC chuan coaching staff leh secretariat staff a ngheta thawk mi 27 kan nei mek a.

10. Player Professional Contract nei hi Senior team leh Junior team-ah thla tin hlawh la mi 56 kan nei mek bawk.

11. Professional Contract thlatina hlawh la te bakah hian Stipend leh lawmman pek – hmeichhe team leh age group hrang hrang atangin 120 kan nei mek bawk a ni.

12. Aizawl Football Club hi kum 2016-17 season-ah India ram champion kan nih avangin, kum 2017-18 season chhung India ram aiawhin Asia Level Competition kan khel ang.

13. Aizawl FC hian kum 2017-18 season-ah India ram league sang ber I-League chu Mizoram atanga Club awm chhun niin kan khel ang.

Khitiang khi kan club dinhmun a ni a. A hau tak tur zia leh hma kan lo lak nasat ve thin zia chu I hriatthiam ka ringin ka beisei a ni.

Kan hriat theuh angin Season liam ta, kum 2016-17 season-ah khan Aizawl FC te chuan India rama Football league sang ber I-League chu a tumhnih nan kan khel a, a tak taka hlawkpuitu chu Mizo thalai leh Mizo mipuite kan ni. Champion ngei tumin theihtawp kan chhuah a. Kan hma lo lak tawh zawng zawngte avang leh keimahni maia thiltih harsa a nih avangin mipui leh sawrkar tawiawmna pawh vawi tam kan ngen reng a. Nasa takin mipui leh sawrkar tawiawmna kan hmu a ni.

State rethei kan nih kan hria chuvangin state danga an state sawrkarin an hmalakna te chu entawn chi kan ni lo tih kan hria a, a hranpaa sum leh pai dil chi pawh a ni lo tih kan hria. Kawng hrang hrang kan dap a, sponsor lian kan hmuh bawk si loh avangin, Kan tihtheih chu Aizawl FC sum leh paia min enkawltu ber NECS kal tlanga Mizoram sawrkara dilna thlen chu a ni.

Mizoram leh Mizo te hmel a lo mawi a, a lo hmingthat theihnan, Mizo thalaite tan tiin sawrkarah kan hmalak tawhna te hma chhuanin NECS kal tlangin dilna thlen a ni a. NECS chuan a chhiah pek tur eng emaw zah chu Aizawl Football Club tana hman a dil ta a. Mizoram sawrkar pawhin pek awm takah ngaiin NECS kal tlangin Aizawl Football Club chu pek kan ni a. Aizawl Football Club account-ah cheng nuai 126 chu ni 19.5.2017 kan NECS chuan a rawn chhung lut ta a ni.
Dilna hi dan dik tak leh channel dik taka dil a nih angin Mizoram sawrkar pawhin dan hnuaiah vek, dan dik takin; MVAT ACT 2005, Section 47(1) hnuaiah he phalna hi, ngaihtuah dan chi hrang hranga an ngaihtuah hnuah pek tlakah ngaiin a pe a. Aizawl Football Club pawh kan pawisa dawn chung chang leh Mizoram sawrkar hnena lawmthu sawina hi sawrkarah kan thehlut tawh nghe nghe a ni.

Aizawl FC lam ten thil nih dan phung kan sawi chian hnu-ah leh, Political party hrang hrangte, NGO hrang hrangte pawhin a nihna hre chianga thil tihawm taka a ngai chunga; A hmanna, a dil dan phung leh dil chhan sawi chhuak duh mang si lo a. Mimal leh Club thanmawi loh theih dan tur ber a, thu I vawrh kual vak mai hi Aizawl Football Club chuan kan hre thiam lo a. Aizawl Football Club hi corruption-a inhnamhnawih leh chutiang ti ang hiala i rinthua min chhuah kual vel hi kan hrethiam lo a. I ngaihdam dilna kan phut a ni. Ngaihdam I dil lo a nih chuan, I thusawi zawng zawng hi Aizawl Football Club leh Mizo thalaite hmusitna tawpah kan ngai a. Midang rinna reng reng nei lo leh a thim zawng ringawt thlir, mi itsikna ringawt rilrua khatah kan ngai dawn che a ni.

VANLALNGHAKA CHHAWNCHHEK
General Secretary,
Aizawl Football Club.

Aside | Posted on by | Tagged , , | Leave a comment

Ailawng MHIP in nula tlawmngai an chawimawi.

Thla hnih vel kal ta khan “Nl. Lalrinpuii, D/o Biakthansanga, Ailawng” chu Reiek Sumo- ah chuangin Aizawl a kal a, lehlânga kal tum a ni a, chuang an tam lem loh avangin tluang takin an kal a.

Tlawng chhak Forest check gate bulah chuan an chuanna motor chu mi țhenkhatin an lo phar ding a, Electric current man tlangval pakhat, Dulte khua ami Tv. Pc. Lalhriltluanga, thichhawnga let reng tawh chu damdawiin thleng phur turin an lo ngen a.

Sumo-ah chuan an hlang ta a, He tlangval vanduai hi Aizawla lehkha zir, an chawlh remchan nia inhlawhfaa hnathawka liam a ni a, a hnathawhpui tlangval pakhat chuan a zui chho bawk a.

Damdawiin hnai ber Aizawl Hospital panpui a ni a. Casualty-ah zawn lutin, passenger dang te chuan anmahni hna țul avangin an tlansan/kalsan lo thei ta lova. Nl. Lalrinpuii pawh hian kalsan mai a han tum ûk nain, thichhawnga let reng, buaipuitu leh bawihsawmtu nei lo han kalsan mai chu thei lovin a țhiante hnenah chuan, “Kal ula, in hna țul te buaipui ula, kei zawng damlo hi kalsan harsa ka ti em mai, theih ang angin ka lo buaipui ang e”, a ti a.

Damdawite leiin, a țul ang ang a buaipui zui ta a ni. Chutiang chuan reilote an bawihsawm hman chauh tihah Doctor te chuan Tv. Lalhriltluanga (17) chu a thih thu an puang ta a ni.
Lalhriltluanga țhianpa, amah zui ve tu khan Tluanga phone hi a lo ak hlauh a, mahse, a hamhaih vang te pawh a ni ang, chet lak ngaihna hre lovin a uipui tuilian thlir ngawt ngawt mai a, a rilru a khawih êm vang leh thihnain a barakhaih êm vang te pawh a ni ang. A êk cheh țhutpui tlawk tlawk a ni ber mai.

Ailawng nula Rinpuii chuan phone chu lain a’n check kual zung zung a, pattern a lo dah avangin phone siamnaah te kalin phelhtir a tum a, an phelh theih loh avangin Nl. Rinpuii chuan sim card phawrhin ama phone ah a vuah a, Tluanga nu ramkal mêk chu thiam taka hrilhin, “Ka pi, In fapa a accident palh hlauh mai a, lo ațang khan haw vang vang la, i inbualfai hnuah min rawn phone dawn nia. Aizawl lokal turin rilru pu nghal bawk ula, hei kan awmpui mêk a, rilru hahdam takin awm phawt ang che u, in lo thlen hma chu ka lo awmpui reng ang,” tiin a hrilh ta a ni.

Hetih lai hian ruang dai, “Ka ui, ka ar” titu neilo chu Nl. Lalrinpuii hian a țhutpui ran a.
Damdawiin ah damlo dang an rawn hruai avangin Casualty khuma muttir reng a rem lova, hmelhriat ngailoh chhingkhual val fam chang tawh hnu chu mitthi dahna ina dah a nih hnu pawhin kan nula chhuanvawr hian a kalsan thei lo.

Puana khuhin a hmelhriat leh laina hnai ang maiin a țhutpui tlat a ni.
Nilengin a awmpui a, Dulte ațanga Tluanga chhungte lo thlen thleng țhakin a lo awmpui tlat a,
A tlawmngaihna avang liau liau in he tlangval hian dawmhlumtu a tawng hi a ropui a, hmelhriat ngailoh laka zonun ze mawi tak lantira, tha leh zung, sum leh pai senga, lainatna a lantir hi a ropui takzet a ni.

Chuvangin Ailawng MHIP Branch chuan chawimawi phu a ti a. MHIP Day zan (6.7.2017) zan dar 7:00 hian Khuangchera Hall, Ailawngah “Chawimawina thuchei (Citation) leh Pangparțhi” an hlan ta a ni.
Mi tam takin kan tih duh loh leh tih peih hauh loh tur thil nula hnahkhat ngatin amaha a sutlang hi a fakawm takzet.
Nl. Lalrinpuii, kan chhuang a che. Dam rei ang che. Duhsakna kan hlan a che.

Pic: Kawr dum ha hi amah chu a ni e.

TV. LALHRILTLUANGA NU LEH PA TE LAWMTHU SAWINA
Nl. Lalrinpuii
Ailawng

Dt. 29.5.17 a kan fapa Lalhriltluanga, electric man avanga boral i lo buaipuinaah kan lawm hle a, Aizawla kan chhungte hospitala an lo thlen khawmin hamhaih vang leh buai nuai avangin tunge i nih leh khawi a mi nge tih kan hre thei lo che a. Hriat chhuah che tumin Reiek lam te pawh kan lo phone a, nimin MHIP Day a Ailawngin an chawimawi thu che kan hriat atangin nangmah i ni tih kan hre ta a, biak pawh dan che kan zawng mek a, kan biak pawh theih hma che a he post hi ilo hmu hlauh a nih chuan khawngaihin min lo be thei la kan lawm ngawt ang.

PC Lalhriltluanga nu leh pa.
PC Rokunga te nupa
Dulte
Ph. 9615414380

Aside | Posted on by | Tagged , , , , , | Leave a comment

THAILAND ATANGA LO HAWTE HNA PEK TUM MAHSE RAM CHHUNGAH HNA AVANGA HLAWH A CHHE BAWK SI. ENGTIN TAK NI ZEL ANG MAW!

Thailand sipai sorkar chuan labour rule khauhtengtawng a siam thar tak avangin Thailand ram chhunga dan phal lohva hnathawka awm mi sing 6 chuang chuan Thailand ram an chhuahsan chum chum a, heng zingah hian Myanmar mi sing 3 chuanglai an awm ve bawk a ni.

Thailand rama awm myanmar mi insuihkhawm pawl pakhat MAT director U Kyaw Thaung a chuan ” Thailand sorkar leh Myanmar sorkar inbiakremnaah chuan Myanmar migrant workers te tan chuan he labour rule thar hian ni 120 chhung ngaihhna thiamna neih nise tih ni mahse Thai police te chuan Myanmar migrant workers te min la man reng thova, Tunah hian mi sang tam tak kan ram lama an haw tawh a, an haw mek bawk a ni” a ti. Thailand atanga Myanmar haw tur hian a tlem berah Baht 3500 atanga 4000 vel neih a ngai a, hawna tur sum nei mai lo tangkhang mi tam tak an awm bawk a, mi tlawmngaiten an puiin an zawng chhuak mek zel bawk a ni. Thailand chhim lama khawvel tourist ten an tlawh hmaih ngai loh Phoket lamah pawh myanmar mite chu an hnathawhna ten an awmna tura in an luahtir atangin chhuak turin an ti a, ei tur nei lo leh riahna tur nei lo tangkhang an tam hle niin irrawaddy news chuan report a dawng bawk a ni.

Thailand sipai sorkarin labour rule a siam tharah chuan danlova Thailand a hnathawk mante chu kum 5 thleng lungin tan leh Baht nuai 4 atanga nuai 5 thleng pawisa chawi theihna a awm a, hna thawka chhawrtu pawhin baht nuai 4 atanga nuai 8 thleng chawi theih a ni dawn a ni. Thailand sipai sorkar chuan he labour rule a siam thar chhan chu khawthlang sorkarin Thailand rama migrant workers te human right palzutna leh hlawh in pek that duh lohna a awm thin tih an tarlang thin vangin chumi sutkiang nan tih a nih thu an sawi a ni.

Thailand ramah hian migrant worker mi sing 6 chuang an awm a, heng zinga mi sing 3 vel chu myanmar mi an ni. a dang hi chu Laos, Cambodia leh India atangte kal a ni. Myanmar union Labour, immigration and popularion Minister chuan U Thein Shwe a chuan Thailand ramah hian Myanmar rammi mi maktaduai 3 vel an awm a, document feltaka awm chu mi maktaduai 2 leh nuai 2 vel awm angin a sawi a, mi thenkhat erawh thung chuan mi maktaduai 4 chuang lai awm angin an sawi a ni.

Thailand sorkarin labour rule thar a tih chhuah vang hian Thailand economics a chhiat phah ring an tam hle a.Tunah hian factories, livestock, constraction , huan thlai lamte thleng an hna thawhin a tuar phahin an buai hle niin an sawi a ni.

Myanmar union labour, immigration and population minister U Thein Shwe a chuan Thailand atanga migrant worker lo hawte hi an hna thawh tur a lo ngaihtuah sak hlawm dawn niin a sawi a. Mahse, Myanmar ramah hian thalaite tan hna thawh tur avangin hna awm chhunte pawhhlawh a chhe hle nia hriat a ni a, kan sorkar hian thalaite tan hnathar a siam sak teuh dawn tihna a lawmawm dawn khawp mai! Kan thalaite hna thawh tur hre lo mi sang tam tak ram dangah an inkap chhuak chur chur a, Myanmar currency nena chhut phei chuan ram chhunga hna thawh ai chuan a thlan awm fe zawk ngei ang. thenpa fate foreigna hna thawka awm pahnih pathum nei an awm chuan,, in thar, bike thar, car, motor thar an nei zung zungin kan ngawih ngawih thin kha a nia… i lo thlir zel phawt ang aw!

Aside | Posted on by | Tagged , , | Leave a comment

BJP Mizoram Pradesh chuan, CADC Chungchanga Governor Order BJP-in Cancell Phut

BJP Mizoram Pradesh chuan, CADC Chungchanga Governor Order BJP-in Cancell Phut thu an auchhuahpui.

Thuchhuah siamin, BJP Mizoram Pradesh hruaitute chuan July 5,2017 khan Mizoram Governor Lt Gen Nirbhay Sharma, AVSM (R) hnenah memorandum thehlut nawnin Chakma Autonomous District Council-a Floor test nei tura thupek a chhuah an duh loh thu leh he order hi a rang thei ang bera cancel-a, bye election neih a nih theihna tur atana hmala tura ngenna an thehlut.

Point hrang hrang sawiin BJP hruaitute chuan Ni 23rd May,2017 khan BJP District President, CADC Hqrs, Kama lanagar hmingin Governor zah awm tak hnenah CADC sorkar thiata, inthlan that buatsaih a tul thu thlen a ni a.BJP District President-in Governor zahawm tak hnena CADC thiah a tul thu an thehluh chungchanga Governor-in hma a lak dan zawtfiahin leh CADC-a thil thleng hrang hrang sawipuiin Governor hi ni 24th May, 2017 khan Dr JV Hluna, State President chuan a chenna-ah hmuin a sawipuileh a.

Hmasawnna a awm theih mai loh avang leh CADC rorel thei lova thlathum lai an awm tawh si avangin Pu Vanlalhmuaka, Gen Secy (org) leh BJP hruaitu pathum laiin Governor zahawm tak hi hmu nawn leh in CADC sorkara eirukna nasa tak awm leh councilor ten sum an tihchingpen dan chiang taka an thlen mai bakah Governor zahawm tak thupek bawhchhiaa CADC sorkar-in thil a tih dan zawng zawng a finfiahna nen pek leh a ni.

Hetiang a nih mek laia Governor zahawm takin CADC chungchanga order a tihchhuah ah CADC thiata, inthlan that rawt lova floor test nei tura a ti mai hi BJP Mizoram Pradesh chuan mak a tiin democracy palzutna lian takah a ngai a ni. Chuvangin Governor zahawm tak hian a order siam sa hi cancel a, CADC sorkar thiata, inthlan that buatsaih ngei a nih theih nana rang taka hmala turin BJP Mizoram Pradesh chuan a phut a ni an ti.

Aside | Posted on by | Tagged , , | Leave a comment