Bosnian War criminal Slobodan Praljak, 72, in court chhung ah tur a in.

Bosnian-Croatia indo laia a chet dikloh vanga thiamloh chang Slobodan Praljak, 72, chu 2013 khan thiamloh chantir niin kum 20 tang tura rel a ni a. vawiin khan The Hague ah a chungthu ngaihtuah ṭhat leh a ni a, thiam a chang chuang lo.
Hetia a thiamloh thu puan a nih veleh hian a ding a, Bottle te tak te a phawrh a, “Indonna thilsual titu War criminal ka ni lo” tiin a in ta hmiah a. “Ti khan tur ka in a ni. He thutlukna hi ka do a ni” a ti piap mai a.

image

Court tihtawp nghal a ni a. Ambilance nen an ri rum rum a, A thi nge a dam a chiang ta lo. Thu chhuah a inang lo nuai mai.

image

Amah ruala thiamloh chang a sira ṭhu Bruno Stojic leh Milivoj Petkovic ten makti takin tur a in lai an thlir.

To be update….

Advertisements
Aside | Posted on by | Tagged , | Leave a comment

Lunglei damdawiin ah Antivenom an pek theihnghilh em ni ?

Ka putea(sertlangpui khua) hman ni a rultuha in a chuk ka ron post kha. Kan fimkhur lehzual nan kan sawi nawn teh ang.

Rulin a chuk ni hi 23(nilai ni) kha a ni. A chuk tu hi a sat hlum nghal a, a sawi danin a leipui hnim sam, hnimbuk sahthluk tuma a zuk tham khawm kha a tham tel a, a kutzungpui hnuai kutphah lamah bei vaw vaw khawpin a tang a ni awm e.
Tichuan, a ngaihthat chiah loh avangin a haw a, health worker in eng eng emaw chu a lo pe ve a ni awm e..zan lamah a kut hi a vunga, thenawm leh thil hre deuh ten rultuha chuk chu a vunga, a reh ve mai an tih avangin ngaihtha lutuk lovin zan a mu a. Amaherawh chu na a tih tak em avangin zan dar 11 velah lunglei lamah an inphur chho ta a ni.

Lunglei Civil hospitalah zingdar 7 velah an in dah lut a, doctor ten damdawi leh antivenom lei turin an tir a, an tirh ang ang chu an lei kim. Hetih lai vel tak hian Nurse duty hi an inthlak a ni awm e..Ngaihtha takin na viau mahse jection vel an tih takah chuan an awm ta a..hetah hian ka pu leh a kalpui te chuan antivenom hian an jection ngei em tih hi vawihnih vel chu an zawt nawn a, jection ngeiin an insawi.mahse a na a reh thei mai silo a, a pum leh a awm chhunglamah a hnawh avangin Lunglei Serkawn dam dawiin lamah dar 10 velah an in phur chho leh ta a ni.

Serkawn damdawiin kan in dah luh fel hnu ah civil hospital ah khan  antivenom hian an jection lo tih kan hre ta chauh a ni.Civil hospitala kan in dah luh tirh leh serkawn damdawiin a kan dah inkar hi darkar 13 vel zet chu a liam hman a nih chu.xray te leh ultrasound te an han ti a, a pumpui a lo pawp tawh a, a kal engemaw zat a lo chhe hman a. A thisen a lo chhe hman viau bawk.

Chhiatna tawh hi chuan dem leh mawhpuh tur kan zawng thin na a, rilru chuan Civil hospital nurse duty te a hre vang vang mai.kan vanduai ai tih ring mah ila nurse duty khan rulchuk tih hre reng sia antivenom a jection a theihnghilh thei hi a mak hle bawk.(a jection lo tih kan hriat hian damdawiin ah antivenom kan leisa hi a lo la awma, serkawn hospital lama thawk te pawn mak an tih thu an sawi hial mai)

Tunah hian a dinhmun a tha lo hle mai..min lo tawngtai pui mawlh mawlh teh u.

Author: Zomama Rca Tuallawt

Aside | Posted on by | Tagged , , | Leave a comment

HA LEH KA CHHUNG HRISELNA – Dr. K. Lalhruaitluanga, Alpha Dental Care.

India mipui te hi kan dam rei tial tial a. Mihring dam chen a sei zel avang hian ka chhung vawnfai that leh hrisel hi a pawimawh chho telh telh dawn a ni. Ram thang mek India ram ang ah te hian ha nget, ha hni natna chi hrang hrang, ha to rual remlo leh ka chhung cancer te hian pun lam a pan zel a, ram changkang zawk ah chuan heng kan han sawi tak te hian kiam lam a pan hle a, inzirtirna dawn that avang te, ei leh in dan phung tih danglam leh fluoride hmanga ha nget ven hna te an tih nasat vang a ni a. Chhuan hnih thum kalta atang khan India ramah hian ha nget hi a hluar tial tial a, ha nget avanga harsatna tawk hi an tam tial tial a ni. Naupang 80% zet leh puitling 60% te hian ha nget an nei nia chhutchhuah a ni.

Hei hi a chhan ber ni a lang chu khawl atanga siam chhuah ei leh in lam chi-thil nem lam ei nasat vang – fibres tam na kan ei tlem tak vang leh ka chhung vawn fai tawk loh vang a ni thei awm e. Puitling tam tak ha bal leh ha nei lo a an awmna chhan chu hahni hrisel loh avang a ni. Naupang za a 30 zet te hi ha to rual rem lo leh khabe invuahdan rualrem lo an ni bawk a, chu chuan ka chhung leh khabe kual khawlohna chi hrang hrang a siam bawk a ni.

Ka chhung cancer hi mihring taksa a cancer awm thei atanga chhutin za a 30-40 lai a tling a ni.

A chhan chu zuk, hmuam kuhva, sahdah, pan khawr lam chi tih nasat vang a ni. India ramah hian kumtinin Dentist mi 7000 chuang in an zirchhuak ziah anga chhut a ni a, chuti chung chuan mi singthum zelah dentist pakhat zel awm anga chhut a ni, Dentist za zela 80 te chu khawpui lianah an awm avangin thingtlang leh khawte zawk ah te ha lam enkawltu an tlem hle a ni. Thingtlanga cheng tam zawk te hian ha leh ka chhung a harsatna an tawhin enkawl theitu leh enkawl thiam te enkawlna an dawng phak lo a, Primary health centre tam takah leh Community health centre tam takah chuan Dental Surgeon an awm loh avangin damdawiin awmna khuaa mite pawh hian harsatna an tawk ve tho a ni.

Hemi a nih avang hian Ha leh ka chhung vawnfai kawngah hian kan ram hi la hnufum viau rih mai a, mipuiten zirtirna tha an dawn theihna tur leh an lo hrisel theih nan India sorkar laipui chuan kum 1995 khan National Oral Health policy a duang chhuak ta a ni.

Ha chi hnih- ha hlam leh ha tak kan nei a ,ha hlam hi a za in 20 a ni a, hmui chung lam ruh ah sawm leh khabe ah sawm a awm a, ha hlam te hi an tangkai hle mai a -hmel lan dan a siam a, lan dan a tih mawi mai bakah nuih a ti mawi a, thil thial nan a tangkai hle. Tawng a pui a, tawng a ti fiah a, ha hmai te hian thu lam a ti fiah a, khabe than chhoh nan a pui hle a, ruh than a ti chak bawk a ni. Kan thil thial hian ruh insiam leh than nan a pui hle. Ha hlam te hian ha tak ngil leh rual taka a to theihna turin a pui bawk a ni. Ha hlam hi a tlangpui thu in thla 6 ah a to tan a, ha hmai hnuai lam hi a to hmasa ber thin, kum 2- 2 1/2 an lo nih meuh chuan ha 20 a ṭo kim tawh thin.

Kum 6 atanga kum 12 inkar ah chuan heng ha hlam te hi a thlak tu ha tak rawn ṭo na turin a khat tawkin a tla chho pheuh pheuh a, kum 12 chho ah chuan ha hlam a tla fai deuh thaw a, mi thenkhat ah chuan kum 13-14 an nih thleng pawhin ha hlam a tla kim lo ve bawk. Ha tak ha hmai hnuai lam a to hian lei hnaih lamah a rawn to chhuak ve fo a, ha hlam nghet taka a to bawk chuan ha hlam te hi a phawi a ngai thin. Nu leh pa thenkhat ten an hriatthiam loh ve thin chu ha tak lo to hun laia ha kar awng zau hi a ni a, ha kar zau hi ha tak a lo to in a hnawh chip tial tial a, a lo rual ve leh mai thin.

Ha nget hi a kum tel in a pung tial tial a, kum 1947 vel te kha chuan India mi za a 35 te hian ha nget an nei anga chhut a ni a, tunah hian mihring za a 60 te hian ha nget an nei a chhut a ni.

Ha nget hi a tirah chuan a na lem lo a, ha a lo nat tawh chinah chuan enkawl dam leh turin hun a duh rei a, a lo chhiat viau tawh chuan phawi a lo tul thin. Chuvangin ha enkawl that leh ha nget hmuhchhuah thuai hi tih makmawh a ni.

Ha nget thlentu thil pathum te chu- Ha fai lo, thil ei ningnawi chambang rei-sucrose leh glucose(fermentable carbohydrates) leh ha a bawlhhlawh tan duhna bik khuar leh ha mam tha lo.

Heng thil pathum inkawp te bakah hian chil ngah leh ngah loh in ha nget awm thu ah kawngro a su hle.

Ha nget hi ha khuar leh thil ningnawi tan duhna ah a awm duh deuh a, ha mam tha laiah pawh tihfai that loh chuan a awm thei tho bawk, ha leh ha inkar chip lai ah pawh a awm fo bawk,ha nawhfai that loh leh nawh uluk a nih loh chuan.

Ei leh in leh ha nget chungchang:
Bur hmanga nau hnute pek an nih in an ha nawh fai that sak an nih loh chuan ha nget a siam awlsam hle a. Ha insiam chhoh hun lai hian ei leh inah Calcium, Phosphate leh Vitamin D te tam se ha a tha duh bik a, nu in nau a pai lai ngei pawhin ei tam a tha a ni. Toffee, kurtai,chocolate, sweets leh ha a bet duh chi kamram leh ei leh in te hi ei tam loh tur a ni. Chithlum leh chini te, ha a bet chi lam te hi ei tlem a, ei lo thei loh anga kan ngai a nih chuan emaw, pe lo thei lo dawna kan in hriat chuan ei hun bik siama ei zawhah tihfai sak vat tur a ni. Chaw ei leh chaw ei inkar hunawlah hian kam ram lam chi emaw kan ei a nih pawhin Vaimim, thei, salad, cheese, badam lam chi te ei hi ha in a ngeih zawk a. Ha a to chinah chuan Naupang bura hnute hne thin ten zanah hnute mut hnan tur chuan pek loh tur. Hei bakah hian theitui siamsa -fruit juice leh a dangte pawh pek loh tur. Naupangin kum a tlin tawh chuan bura hnute pek tihtawp a tul ang. Ha nget venna atana hman lar leh tha tak chu Fluoride hi a ni.

Lui sa lam chi ah te, Thingpui sen ah te a awm tha a. Fluoride awm tamna lam hi ei tam pawh a tha a ni. Ei leh inah hian nitin 0.5-1.5gm tal Flouride hi tel thei se duhthusam a ni. Ha nawhna hlo kan hman pawhin Flouride awmna ngei hman a tha. Chawhmeh thlai hnah lam chi leh thei lam te-hi ei fo tur a ni a, ha tan a that bakah khabe tan pawh a tha. Ha nget ven nan hian uluk tak leh fai taka nitin Ha nawhna- Toothbrush hmanga ha nawh fai ngei ngei tur a ni a, Ha hi chhuk chho zawngin dim taka nawh thin tur a ni.

A lang lai leh lang lo laite poh uluk taka nawh a tul a. Hei bakah hian Kamthuahna damdawi tui hmanga kamthuah hian ha nget a veng tha hle bawk a, Chlorhexidine leh Fluoride telna ngei hmanga kamthuah thin hi a hrisel. Hemi bakah hian Ha kar tihfaina lazai sin-dental floss hmanga ha tihfai hi ha leh ha inkara ha nget ven nan a tha.

Ha nget ven nan Flouride hi a tha hle a, a hnawiha hnawih chi Flouride hman hi a sawt a, Fluoride varnish te pawh hman a tha.

Aside | Posted on by | Tagged , | Leave a comment

Sorkar hnathawk ten Mass casual leave la dawn

7th pay chungchanga vawiina Mizoram sorkar hnathawk in zawmkhawm ( FMGE&W) Executive Committee thuchhuak :

NGENNA/HRIATTIRNA
Dt 28.11.2017- a FMGE&W Executive Committee thukhawm chuan Mizoram sorkar hnuaia thawk te’n 7th RoP anga hlawhan lak ve ngei theihna atana hma an lak tawh dan te an thlirho a, Dec 2017 ral hma ngeia hman tir ve tura sorkar an ngenna ah te hmalakna lawmawm lam emaw hriat tur a awmloh avangin a hnuai ami ang hian hreh tak chungin hmalak mai ni se tiin an rel:

  1. FMGE&W hnuaia in affiliate Association member zawng zawng ten Dt 6-8/12/2017 chhungin Mass Casual Leave lak vek tur a ni.
  2. Mass Casual Leave lak chhunga duty tur te chu OB te’n an ruat ang.

  3. He Mass Casual Leave lak hian awmzia a la nei lo fo a nih chuan Dt 15.12.2017- ah General Council Meeting koh a ni ang a. Meetingin kal zel dan tur an rel ang.

Issued by FMGE&W

Aside | Posted on by | Tagged , , | Leave a comment

KUM 10 CHHUNG LEIHNUAIAH HREN NIIN,KUM 10 CHHUNG TEH MEUH SAWISAK LEH PAWNGSUAL A NI.

Italian police te chuan nu pakhat lei hnuai a hren beh chu an chhanchhuak. Kum 10 chhung pawngsual leh sawisak niin amah sawisa tu fa, pahnih hrin sakin, a fapa te pawh chu apa chuan an nu chu a sawisak tir thin.

Police lam chuan he nu hi a fa kum 9 mi mipa leh kum 3 mi hmeichhia nen Gizzeria, southern Italy ah an hmuh thu Nilaini khan an sawi. He Romanian nu a hming tarlan loh hi Italy ah kum upa tawh tak La Repubblica enkawl turin kum 19 mi a nihin a kal a. Amaherawhchu a enkawl nu ber chu thiin, afapa hian awmpui zuiin a hreng bet tlata,nasa tak takin sawisa thin in leihnuai tuma tlawhpawh theihloh ah a khungbo ta a ni.

Leihnuai a a awm hma hian apartment hrang hrang ah hna a thawk kualin ve thin.

Kum tam tak hnuah chuan he nu hian fa pahnih a hring a. A awmna hmunah chuan doctor te tel lo a nau neiin treatment pakhat te pawh dawng lo in nitin sawisak a tawk zawk a ni. Naupang te chuan sawisak a nih lai chuan an en thin a, amah man tu hian a fate chu an nu sawisa ve turin a ti lui thin ani.

Mipa naupang zawk hi school kalin apa hian ke in a hruai thin a. Hetia an kal vel na ah hian police te mit ala tan a. Naupang chu a balh theih em avangin a nu awmna leh a balh em em chhan te an zawt a,vawi khat an zawhna ah chuan a chhang mailo nidanga bal tak maia alo kal tak fo ah chuan police te chuan lo zawt nawn leh thinin ,a tawpah chuan anu awmna leh awmdan chu a sawi ta a,chu thu an hriat veleh chuan police lam chuan rang takin an bawhzui nghal thuai. Chu pa in chu police ten an va dap chuan leihnuai verk chu an hmu chhuak ta a, a chhungah chuan hmeichhia kum 29 mi kutthak hnawih nan leh nawmchen nana a hman thin hmeichia khawngaihthlak tak mai chu an hmu ta ani.
He pawikhawih tu nunrawng tak hi man nghal niin a chungthu ngaihtuah tura kawl mek a ni..

Posted in Weird News | Tagged , | Leave a comment

Thla thar atangin garage neilote ni khatah cheng 500 chawitir an ni ang

Aizawl khawpui chhungah lirthei nei zawng zawngin a hunna an nei tur a ni tih dan thar chu thla thar ni 1 atang khian hman tan a ni dawn a, Traffic Co-ordination Committee a working Group Committee rel dan chu dan lekkawh hnuah lirthei hunna neilo te chuan an neih hma chu ni khatah 500 chawitir an ni ang.

Traffic Co-ordination Committee a working Group Committee chu an Chairman, Pu Lalbiakzama, Addl.Secy., Home Dept hovin nimin khan an thukhawm a, Traffic Police hotute leh Transport Department Enforcement lam hotute nen Garage neilo hremna leh endikna chungchang hi an sawiho a, Mizoram Sawrkar thuchhuahin kum 1 leh thla 2 chhung motor neitute Garage neih vek tur thupek a chhuah chu tun thla ni 30 hian a tawp dawn tak avangin Garage neilote chu MV Act 179 hmangin cheng 500 an chawi zel dawn a, an neih hma chu nitin cheng 500 an chawi dawn a ni.

Hremna dan na zawk hi siam turin Law Department-ah tunah a awm mek a, chumi lo chhuah hunah chuan Garage nei lova motor neih chu thil buaithlak tak anih tur thu meeting-ah hian tarlan a ni.

Zan lama kawngpui sir a motor dah chingte chu vai thin an ni dawn a, Traffic Police leh Transport Department Enforcement Team hrang hranga siam a, endik tura tih an ni ang. Garage neilova motor dahte hi hnuh sawn an ni ang a, a hnuh man leh an dahna hmun man chawitir an ni dawn a, thla thar ni 1 zanah Garrage neilo vaina Team hrang hrangte Kick Off na hi Vanapa Hall kawtah neih tum a ni dawn a ni.

Puan tawh angin, Home Minister Pu R Lalzirliana chuan kan corr zawhna chhangin lirthei nei zawng zawngte a dahna garage nei vek tura sorkarin a tih chu khauh taka kenkawh a ni dawn a ti a, Lirthei neite’n Garage an neih ṭheuh theihna turin hriattir an nih hun chhung rei tak pek an ni a, mi tam tak siam an awm laiin la siam chuang lo pawh an awm tih hriat a ni, a ti.

Lirthei neite’n Garage nei tura tih a nih chhan chu sorkar tan ni lovin, mipuite tan a ni a ti a. Dan anga kal a ngaih tawh dawn avangin mipuite thu-awih a Aizawl Traffic Jam free siam thei turin mipuite a ngen tih a sawi a ni.

                 SOURCE: AIR

Posted in Zoram History | Tagged , | Leave a comment

KUM 10 CHHUNG LEIHNUAIAH HREN NIIN,KUM 10 CHHUNG TEH MEUH SAWISAK LEH PAWNGSUAL A NI.

Italian police te chuan nu pakhat lei hnuai a hren beh chu an chhanchhuak. Kum 10 chhung pawngsual leh sawisak niin amah sawisa tu fa, pahnih hrin sakin, a fapa te pawh chu apa chuan an nu chu a sawisak tir thin.

Police lam chuan he nu hi a fa kum 9 mi mipa leh kum 3 mi hmeichhia nen Gizzeria, southern Italy ah an hmuh thu Nilaini khan an sawi. He Romanian nu a hming tarlan loh hi Italy ah kum upa tawh tak La Repubblica enkawl turin kum 19 mi a nihin a kal a. Amaherawhchu a enkawl nu ber chu thiin, afapa hian awmpui zuiin a hreng bet tlata,nasa tak takin sawisa thin in leihnuai tuma tlawhpawh theihloh ah a khungbo ta a ni.

Leihnuai a a awm hma hian apartment hrang hrang ah hna a thawk kualin ve thin.

Kum tam tak hnuah chuan he nu hian fa pahnih a hring a. A awmna hmunah chuan doctor te tel lo a nau neiin treatment pakhat te pawh dawng lo in nitin sawisak a tawk zawk a ni. Naupang te chuan sawisak a nih lai chuan an en thin a, amah man tu hian a fate chu an nu sawisa ve turin a ti lui thin ani.

Mipa naupang zawk hi school kalin apa hian ke in a hruai thin a. Hetia an kal vel na ah hian police te mit ala tan a. Naupang chu a balh theih em avangin a nu awmna leh a balh em em chhan te an zawt a,vawi khat an zawhna ah chuan a chhang mailo nidanga bal tak maia alo kal tak fo ah chuan police te chuan lo zawt nawn leh thinin ,a tawpah chuan anu awmna leh awmdan chu a sawi ta a,chu thu an hriat veleh chuan police lam chuan rang takin an bawhzui nghal thuai. Chupa in chu police ten an va dap chuan leihnuai verk chu an hmu chhuak ta a, a chhungah chuan hmeichhia kum 29 mi kutthak hnawih nan leh nawmchen nana a hman thin hmeichia khawngaihthlak tak mai chu an hmu ta ani.he pawikhawih tu nunrawng takhi man nghal niin a chungthu ngaihtuah tura kawl mek a ni.

Aside | Posted on by | Tagged , , | Leave a comment

THLAI LEH THEI THENKHAT, A KAWR VEL LOH TUR TE

Mi thenkhat chuan thlai leh thei thenkhat a pil/kawr( peel) kheh/vel chi ho hi vel ngei ngei tur leh ,natna hrik awmna leh hriselna atana tangkai lovah kan ngai hmiah mai thin.Amaherawhchu a ni hauh lo thung, tun tumah hian thlai/thei a kawr(peel) vel miah lo va ei tha zawk,kan hriselna atan pawha tangkai em em leh sum kan save na pawh ni ve thei tho kan rawn tarlang dawn a ni.

1.APPLE : Apple hi thei hrisel tak a ni tih kan hre theuh ang ,mi tam zawk chuan a kawr(peel) khehin kan ei ngei ngei ang.Amaherawhchu,Apple kawrah hian mi thiam te chuan a tak pumpui nena khaikhina 50% a chakna pai chu a awm an ti mauh mai.Apple hrim hrim hian Vitamin ,A,Vitamin K leh potassium tam tak paiin kan taksa leh vun(skin) hrisel nan thei hrisel tak a ni.Tin ,a kawr(peel) bikah hian antioxidant chi khat ‘ quercetin’ an tih hi a pai tam em em a,hei hian chuap hnathawh nasa taka puiin ,thawhah leh thawkna dawt lam buaina nei tan damdawi tha tak a ni bawk.

2.ALU(POTATO) : Alu hi chawhmeh atana kan hman lar pawl tak chu a ni ang,mi tam zawk chuan a kawr a balh thin em avangin kan vel ngei ngei thin.Mithiamte chuan vel kher lo vin silfai(wash) hi a tawk mai an ti a,a kawr (peel) hian,Iron,Calcium,potassium,magnesium,Vitamin B6 leh Vitamin C a pai tam em avangin a tak ei ringawt aiin a hrisel zawk an ti.

3.CARROT :Carrot hrim hrim pawh a hrisel tawh em em laiin ,a kawr leh zel pawh chaw tha tak a lo ni.Carrot kawr(peel) ah hian heng chemical compound,anti-inflammatory,anti-bacterial leh anti-fungal te neiin Cancer natna lakah min veng thei a ,tin vun a tihrisel-in upat vanga hmel lang upa tur a lo veng thei reng a ni.

4.FANGHMA(CUCUMBER): A pil ei chi ho hi vun tan a lo hrisel tlangpui vek a nih hmel ,a bikin fanghma ‘ hi vun(skin) tan chaw tha tak a ni leh zual ,thenkhat chuan hmai chiah nan te kan hmang fo ang ,make up chhah tak taka inbel ai chuanthil tha tak a nih thu mithiam ten an sawi tlat.

A kawrah hian antioxidant chi hrang hrang awmin,vun tinunga ,timamtu atan a pawimawh hle.Tin,fibre,potassium leh Vitamin k’ a pai tam em em a ni.

5.LIMBU(LEMON) : Limbu kawrah hian Vitamin ‘ A,Vitamin C ,Magnesium,potassium ,Calcium leh folate a tam em em a,hengte hian hnute cancer leh vun cancer tur vengin ,ruh tichaktu atan an tha hle a ,tin,a kawr(peel) tui luma chhuan so tui in hi thisen sang tih hniam nan a tha hle bawk.

(Lalkrossmawia Khawlhring)

Aside | Posted on by | Tagged , , | Leave a comment

SAINIK SCHOOL IN ANNUAL DAY AN HMANG HMEICHHE NAUPANG TAN SAINIK SCHOOL AH LUH PHAL A NI DAWN

Sainik School Chhipchhip chuan Nov. 25 (inrinni) 2017 khan Annual Day hmasa ber an hmang a, Governor Lt. Gen. Nirbhay Sharma in a hmanpui.

Governor chuan Chhingchhipa Sainik School dinna tura ram petu chhungkaw 60 te chu chhuanawm a tih thu sawiin, ”Mizo khawtlang nun thatzia tilangtu an ni a ti a, India rama school awm tawh zinga Chhingchhipa Sainik School 26 -na a ni chu lawmawm a tih thu a sawi”
Larsap chuan Sainik School principal leh thawktu dangte chu fakin, zirlai naupangte nen bultantu annih angin hun pawimawh tak an hmang mek tih a hrilh a, midangte entawn tura nundan tha leh hriselna vawng tlat turin a chah. Sorkar laipuiin hmeiche naupangte Sainik School ah luh a phal dawn tih thu a sawi bawk. Chhingchhipa Sainik School ah hian hmeichhe naupangte an luh ve theihna turin Mizoram Chief Minister Pu Lal Thanhawla chuan Sainik lam thuneitute a lo sawipui tawh bawk a ni.

Lt. Gen. Nirbhay Sharma Mizoram Governor chuan Mizo sipai officer te chu, khawtlang tana tangkai an nih thin thu a sawi a, mahse Mizo zingah sipai officer an tlem tual tual thu sawiin, Sainik School Annual Day lawmnaa kalkhawmte chu ruihhlo leh zuk leh hmuam do tura chahin, ”Kan rilru leh khawhawi tih zauh angai a ni” a ti. Governor hian zirlai naupangte hnenah infiamna hmanrua pe in, school a thawk mi paruk hnenah proficiency certificate a hlan bawk.

Principal Lt. Col. Inderjit Singh pawhin Sainik School chanchin tlangpui sawiin, tunah hian zirlai naupang 60 an awm mek a, officer pahnih leh thawktu dang mi 21 in an enkawl tih a sawi a. School aiawhin inelna hrang hranga an fehchhuah thin thu leh India ram hmun thenkhat te an fankual tawh thu a sawi bawk.

Tarlan thin tawh angin Chhingchhipa Sainik School hi Congress sorkar Pu Lal Thanhawla kaihhruaiin a din a ni a, tunah hian zirna tha tak neiin tluang takin an kal tan mek a, he school atang hian zirlai tha leh Mizote tana chhuanawm tak ni chho tura beisei ten bul an tan chho mek a ni.

Aside | Posted on by | Tagged , | Leave a comment

FORENSIC FILES : SOILED PLAN by Bruce Kibby

Fa naupang te te pahnih nei, nu pakhat chu khawpui pawna an chenna In atangin chin hriat lovin a bo ta tlat mai. A hnu ni tlem a liam ang tihin a thian hnai tak leh a hnathawhpui ni bawk chu pakhat chu mak taka motor accident-naah a thi ve leh a. Mi thenkhat chuan chung thihna pahnih te chuan inkungkaihna an nei mai lo maw tih an ngaihtuah a. Kum 20 a ral hnuin ruang chu phawrh a ni a; Forensic Science chuan thu dik chu a rawn hailang ta.

Ohio ah chuan thlasik a ni mek a, Charles Mill Lake pawh a muanawm tan ta bawk. Nipuiah thung chuan engkim mai hi an phusa mur mur emaw tih tur a ni. A karthlaka Lawng khawl rum ri vut vut leh naupang tualchai hlim țe chel chul thawm hriattur a awm reng thin a ni.

LeRoy leh Melody Bruce te chuan chung huna an hlim lai ni te chu ngaiin an hre reng thin. Chung hun lai chuan lawngah chuangin lawng hmalam ah te chuan bathlar bawhin an hawi kual a, tui chunga thing hnah leh rannung te manin tu nge man tam ber tiin an in el thin a ni. Melody pahrawn Larry Bruce-a chu RoadWay Trucking te hnuaiah driver hnathawk a ni a. A nu Judy thung chuan in lam hna thawkin in lamah a awm thung a ni. Thian a kawm tam lova, achhan chu tawng lamah harsatna a neih vang a ni. Hun harsa tak a paltlang a, midangte’n a thusawi an hriat thiam theih nan theih tawp a chhuah a ngai a. Tawng a harsat chhan tak hi a dang a kak vang a ni a, chuvang chuan a inkiltawih em em a ni. Mahse, a dangkak zai that a nih hnuin a nunphung pawh a rawn danglam ve ta a. Diver License neiin ama pualin car pawh a nei ve ta a. General Hospitalah House Keeping hna a hmu a, chutah chuan thian thar a siam ve ta nual bawk.

Judy chuan Hospitala a hna chu nuam a ti zawng tak a ni a. Mahse, kum 1978, November ni 2 tuk chuan a hnathawhna a kal thei lo khawpin a dam lo a. A nuamsam lo tak zet a ni. A fanu Melodyi’n a school kai tur insiam tura a pindan atanga a lo chhuah chuan a nu leh pa te pindan kawngkhar inches 6 vela zaua inkau chu a hmu a. Chuta tang chuan Room chhung chu a hmu thei a, a nu Judyi khuma mu reng chu a hmu thei a ni.

Melody te unau chu school kai turin pawnah chhuakin bus stop lam an pan a. An rual chuan pa ber pawh a hnathawhna lam pan ve turin carin a rawn inkhalh chhuak ve bawk. School bana in an rawn haw chuan an nu chu inah a lo awm hauh lo mai. Melody nutapa chu in thleng hmasa zawk a ni a. Kawngka a Melody a lo luh rual chuan an nu awm lo thu sawiin pindan hran hranah chuan an han zawng a, mahse an hmu zo lo. A hnathawk bang rawn hawin an nu awm lo thu a hriat chuan Larrya pawh chuan ngaihthat lohna a nei ve nghal a. A nupui bo thu hrilhin Police te chu a call ta a ni.

Detective ten Larry-a te inchhung chu an han enkual a, a lan dan chuan chu inchhung atanga thil bo awm chhun chu Pi. Judy Bruce-i leh a thawmhnaw inbel te chaih chu a ni. A car a awm a, a purse pawh a awm bawk. A damdawi ei lai te pawh a awm thlap a ni. Tharum hmanga inchhunga luhna hnuhma emaw inchaina hnuhma ang chi engmah hmuh tur a awm lo va. Damdawi Inah admit a ni thei a, hnathawk turin a kal te a ni lo maw tiin hospital lam an han call a. Mahse, tuma’n an lo hmu tlat lo. A thian emaw chhungkhat laina tuman Judy lo hmu an awm lo a ni.

Zankhuaa Judyi an zawn hnuin Police te chuan thil lawmawm lo zet hmuh chhuah an nei ta. Police te chuan Pu. Larry te inah chuan kalin an nu, Judyi an hmuh thu an va hrilh a. Mahse, Judyi chu thiin an hmu a ni. Scout ten camp an neihna, hmun finrial tak mai, tuipui peng te tak te dungzuiah Judyi ruang chu an hmu a, a ruang awmna hi kawngpui sial thar atanga hla lo teah a lo awm a ni. Pyjamas a ha a, blanketin a lo intuam a ni. Pheikhawk a bun lova, a ke thiah te chu a fai han bawk. A ke fai dan atang chuan a ruang an hmuhna hmuna thah a ni lo tih a rin theih a ni.

Police ten Larry Bruce chu thu an han zawtfiah a. Larrya sawi danin a nawmsam vak loh avangin Judy chuan nilenga khuma mut a rilruk a; khawiah nge a kal tih rin dan a nei lo thu a sawi bawk a ni. An fa te chuan an nu bo tuk khan Larrya chuan an rualin In a chhuahsan ngei thu an sawi a. Larrya hnathawh hunbi inziahna (time sheet) atangin a hnathawhna hmunah a kal ding nghal ngei a ni tih a chiang a. Hemi ni a a hnathawh hunbi pakhat mah a hmaih lo va, dan pangai piahlam thil thleng engmah a awm lo bawk. A hnathawh hunbi atang chuan tual thah hmanna tur khawp hunawl a nei lo tih chiang takin a lang a ni.

Inchhung an han enfiah a. Police te chuan Larry pheikhawk hnuaia lei țhil kai chu an hmu a. Chu lei țhil chu Judy ruang an hmuhna lai vel a mi lei țhil a ni thei mai ang em tih an ngaihtuah a. Chuvang chuan Larrya pheikhawk leh ruang an hmuhna bul vela mi, lei țhil chu lain enfiah a tan FBI hnenah an thawn ta a ni. FBI te enfiahna result atang chuan chiang fakin thu tawp a siam thei tlat lo. Mahse, Judy autopsy chuan hnu thar tam tak a rawn hailang a, zawhna tam tak a rawn hring chhuak ta bawk a ni.

Judy Bruce ruang chu Cuyahoga County Coroner hnenah autopsy ti turin an thawn a. Medical Exminer chuan Judy thihna chu “Inthahna ngei a ni” tiin thu a titlu ta a. A thih chhan chu boruak tlachhama thi (asphyxiation) a ni a, thaw thei lova siamin thah a ni. A thih hun dik tak erawh science hmanga dik taka chhut chhuah thei a ni lo va. Mahse, Larry leh a fa ten in an chhuahsan hma emaw hnu lawka thleng niin an chhut a ni. Autopsy atangin Judy phing chu a ruak a ni tih a lang bawk. Mi tu emaw thawchhama a thih hian duh reng vang ni lovin phing chu a intiruak ta thin a ni. Investigatorte chuan Judyi ruang an hmuhna bul velah chuan zun tih tham an hmu lo va, chu chuan Judyi chu hmun danga thah ngei a ni tih entirna dang leh chu a ni.

Naupang te chuan Judy bo hnu lawkin an khum khuhna a bawlhhlawh kai avanga an pa phun nawi thu Police te an hrilh a. LeRoy sawi dan chuan a pa chuan bed sheet chu bawlhhlawh bawmah paihin a hal a, “Eng vanga hal nge a nih?” tia a zawh chuan a pa chuan “uiin a zunkhum a” tiin a lo chhang a ni. Chu thuthar an hriat ve leh Police te chuan Larry te nupa mutna pindana awngphah leh puanthuah la awm te chu an la ta nghal a ni.

Police te chuan awngphah leh puanthuah an lak te chu ngun takin an han enfiah a. Lukham pakhat zawkah chuan thisen a kai a, puanthuah ah chuan eng e ni chiah tih la hriat loh bawlhhlawh kai a awm bawk a ni. Mahse, vanduai thlak takin he thil thlen lai hi chuan Forensic Test hmangin tu thisen nge ni a tu zun nge tih finfiah thei a la ni lo va. Heng hun lai hi chuan ran thisen nge mihring thisen zawk tih finfiah thei turin thiamna a la awm lo a ni. Thiamna awm chhun chu eng ang blood type nge tih finfiah chauh a ni a. Dik tak chuan lukham atanga thisen sample an lak chu a tlem tham em avangin blood type hmanga finfiah pawh an ti thei lo a ni.

Larrya car chu an han belchiang leh ta a. Car hnung savawm bawmah chuan investigator te chuan sasua thing hnah tam vak lo an hmu a. Joel Moroney, Reporter, Mansfield Journal News sawi dan chuan Investigatorte chuan Evidence tih tham an nei lo va, an evidence neih chhun tlem te te lah Forensic Science thiamna a la san loh avangin an chhawr tangkai thei lo a ni.

Judyi ruang chhar a nih atanga ni tlem a liam leh hnuin Mansfield ah chuan thihna dang a thleng leh ta. Judy thawpui te zinga pakhat James Isaaca chu traffic accident na ah a thi a. Larry Brucea chuan thu ngialngan deuh puanchhuah a nei ta bawk. Policete a hrilh dan chuan Isaac leh a nupui Judy chu a rukin an inkawp a; Isaac-a chuan a nupui thatin amah pawh a intihlum ve ta a ni ang tiin a sawi a ni. Judy thihnaah chuan Isaaca chuan eng emaw kawng zawngin mawhphurhna a nei niin Larry chuan a sawi a, mahni inthiam lohna vangin a intihlum ta ah a ngai a ni. Mahse, Larrya thusawi chu a dik ngei a ni tih tuman an finfiah thei bik si lo a ni. An mi ngaihven bul ber chu Larry Brucea chu a la ni ta tho a. Tichuan Police te chuan Larry a lakah chuan dan pangai taka hekna siam lo turin thuthlukna an siam a, achhan chu a hun laia finfiahna an neih te chu thil thleng nena hmehbel thil vek a ni. Hun a liam zela Judy Bruce tualthihna chu unsolved case file mawngphah lamah a awm ta a ni.

Detective chuan,” Kha case kha ka theihnghilh ngai reng reng lo. An chenna in bul velah ka inkhalh chang a awm thin a. Roadway Trucking bul hnaia ka inkhal chang te hian chu laia hnathawk te chu ka zawt thin a,”Larry khan khami case chungchangah khan eng e sawi a neih?”tiin. Achhan chu Larrya khan a nupui thih hnu pawhin Roadway ah chuan hun rei tak a la thawk a ni. An hnen atang ahriat awmchhun chu Larrya chuan intihtheih nan a hmang zawk zamah emaw tih tur hi a ni.

Judy thah a ni atang kum khat leh a chanve ah chuan Larry Bruce chuan nupui a nei leh ta a. Tichuan an nupa chuan Mansfield-a an Inah chuan an khawsa chhunzawm ta zel a. Cold Case Unit ten Judy Bruce tualthihna chu chik lehzuala an enfiah hma zawng, kum 20 chhung chu Judy tual thihna Case chu chhuichhuah lovin a awm ta reng a ni.

Kum 2000 ah chuan Ohio a Mansfield Police te chuan an File zingah tual thahna case chhui chhuah theih loh 17 lai an nei a; tualchhung Official te chuan chutiang zat ngawt mai tual thahna chhui chhuah lova awm ta chu an pawmzam thei lo tan ta a ni. Khawtlang dangin an chin tan angin Prosecutor te chuan an han ti chho ve ta a. Prosecutor-te chuan County Commissioner hmuin Case la chhui chhuah loh te enfiah turin Homicide Unit din nan $.25000/- an dil ta a ni. Case an ennawn hmasak ber chu kum 20 aia rei chhui chhuah thei lova lo awm tawh Judy Bruce tualthihna Case a ni. Dan kengkawhtu thenkhat chuan pawi khawihtu chu Larrya ngei chu niin an ring a. Mahse, an finfiah thei mai si lo a ni. Tichuan, Cold Case Unit thar te chuan an hnuchhui hna chu a hma kum 20 liamta a Larry Bruce a motor savawm bawma an hmuh Sasua hnah atangin an tan ta a ni. Larry-an savawm bawm hawng a ruang a lak chhuah lai khan sasua hnah thenkhat chu savawm bawmah chuan a tla lut ta a ni tiin ngaihdan an nei a ni.

Forensic Files pakhatah chuan chutiang hnah them Test dan thar awm thu tarlan a ni a. Scott Reinbolt, Cold Case Detective chuan,”Zan khat chu Forensic Files episode ka en a, mithiam ten Plant DNA case chungchang an sawi a.” tiin Forensic Files atanga ngaihtuahna thar a neih dan a sawi a. Chu hnuchhuina a a pawimawh lai ber chu an mi rinhlelh ipte a seedpod (behlawi ang tak thingrah) awm chu a ni a. Chu Seedpod chu tualthi ta ruang awmna bula thingkung ding Palo Verde Plant DNA nen an inang tih an hmu chhuak a ni.

Scott Reinbolt, Cold Case Detective chuan Plant DNA Analysis lama sulsutu Scientist te chu be pawpin Larrya car savawm bawma an hmuh Sasua hnah te chu Judyi ruang bula Sasua thing a mi a ni em tih finfiah a Test ti turin a ngen ta a ni. Scientist te chuan Judy Bruce-i ruang an hmuhna bul hnaiah Sasua thing dum chi emaw a sen chi emaw a țo em tih hre turin Scout Camp ah chuan an kal ta a. Ruang an hmuhna bul velah chuan Sasua thing eng emaw zah a lo ding ngei a. Mahse, vanduai thlak takin kum tam a vei tawh a Scientist te chuan Sasua hnah atang chuan eng DNA mah an lachhuak thei lo a ni. Mahse, Police te chu an la beidawng duh mai lo, an va ngaihsanawm tak zet!.

Investigatorte chuan Judy Bruce-i te mut pindan a mut puana bawlhhlawh kai te chu Test tinawn turin thuthlukna an siam leh ta a. Chung bawlhhlawh kai te chu mipa chi ngei a ni e tih finfiah turin Kum 1978 kha chuan DNA Analysis hi a la awm lo a. Mahse, tunah chuan a finfiah thei tawh a. Tichuan, uluk takin an han enfiah a. Mut puana mipa chi kai hmun khat a mi chuan Judy pasal Larry Bruce-a DNA a mil a; hmun khat dang a mi chuan a mil lo thung. Judy-i thah a nih lai khan Larry Bruce-a chuan a nupui leh Judy thih tuk lawka rinhlelhawm taka Traffic accidenta thi ta, a hnathawh pui James Isaac te chu an inngaizawng niin a sawi a. Mut puana mipa chi awm chu Isaac a DNA a ni em tih hre turin Investigatorte chuan James Isaac-a ruang phawrh phalna Court atangin an la ta a ni. Tichuan, Isaac-a ruang chu an phawrh ta a. Isaac-a DNA leh puanthuaha DNA te an han khai khin chuan an inmil lo tih hmuh chhuah a ni. Puanthuah a mipa chi a DNA chu hriat chhuah lovin a awm hlen ta a. Investigatorte chuan Judy Bruce leh James Isaac te chu thian satliah an ni tih bak evidence dang an hmu zo ta lo a ni.

Tichuan, Dick Bisbing, Senior Research Microscopist chuan Evidence an la kawl that a mi, Bruce Larry-a pheikhawk chhuat hnuaia lei țhil kai chu enfiah turin an han ngen leh ta a. Chumi enfiah nan Bisbinga chuan Polarised Light Microscope a hmang a. Chumi hmanga enfiahna chu Polarised sun glasses hmanga en ang mai hi a ni a. Mahni duh ang zawng a Eng zung an han thunun chuan lei țhil a zia hrang hrang awm te chu an hmuh thei a, lei țhil a mineral awm te hmelhmang bik te te te chu a hriat hran theih vek a ni. An lan dan te, an rawng te leh an pian zia te atangin eng mineral nge an nih tih chiang takin a hriat theih a ni.

Larry Bruce-a pheikhawk hnuaia lei țhil kai te leh Judy Bruce-i ruang an hmuhna bul vela lei țhil te a han khai khin chuan an lo inmil ta hauh lo mai. Mahse, Polarised Light chuan a tira an lo hmuh hmaih tawh, hriat loh thil chhui chhuah theihna hmanrua pawimawh tak a rawn hai lang ta a. Chu chu lei țhil zinga mineral tle set set lo awm te chu a ni. Pheikhawk hnuai a lei țhil ah chuan Calcite a tel a, chu chu Calcium Carbbonate tihna a ni. Chinai lunga mi a ni ngei ang. Chutiang leilung chu kawng siam nan emaw kawng chhuat phah nana hman thin a ni. Judy-i ruang bul lawkah chuan Judy-i ruang paih a nih hma lawka chinai lung te hmanga kawng phah thar hi a awm a. Hei hi Larry Bruce leh Judy ruang an hmuhna hmun thlunzawmna ni thei tur thil hmuh chhuah an neih hmasak ber chu a ni ta a ni.

Tichuan, Investigatorte chuan Larry Bruce-a Cadillac (car model pakhat) hnung lam bawm tuamtu puan leh Judy ruang tuamna blanket te chu Forensic Analysis ti turin Cuyahoga County Coroner Office lamah an thawn leh ta a. Larry Bruce-a car chhungah khan Judy Bruce-i ruang emaw a ruang tuamna blanket emaw a inkhung ngei a ni tih finfiahna awm thei ang ang hmuh tumin uluk takin evidence an zawng ta a ni. Forensic Scientist, Curtiss Jones-a chuan Tape hmangin Judy ruang tuamna blanket a lazai tla hlang awm te chu a han lakhawm a. Tichuan Comparison Microscope hmangin Jones chuan Car hnunglam bawm tuamna lazai nen thuhmun an ni nge ni lo hriat tumin uluk takin a han enmil ta a. Car hnunglam bawm tuam nana hman la zai inang lo vek chi thum ang chu blanket ah chuan a bet ngei a ni tih a finfiah ta a ni. Mahse, Larry Car bawma lazai te leh Judy ruang tuam nana hman blanketa lazai an hmuh te chu thuhmun ngei an ni em?. Chumi hre thei tur chuan Jones-a chuan kum 1978 a Technology la awm lo Fourier Transform Infrared Spectroscopy (kan sawifiah tawh kha maw) chu a hmang a. FTIR hian Infrared Energy a hmang a, chu infrared chuan lazai emaw hmanrua enfiah lai mek chu a chhun tlang a, hmanrua enfiah a chemical awm chuan infrared energy chu a lo hip lut emaw hip lut lo in a awm ta thin a. Chu chuan eng zung dangdai bik tak (spectrum) a rawn ti chhuak ta a. Chumi hmang chuan lazai ah chuan eng chemical nge awm tih a finfiah theih a ni. Chutianga a han enfiah chuan blanket a lazai pathum awm te chu Synthetic Rayon an lo ni a, car bawm chhunga lazai pathum an hmuh te pawh Synthetic Rayon ngei an lo ni ve bawk tih a hmu chhuak ta a ni. A sawi dan chuan Evidence te hian dawt an sawi lo va; thawnthu inang lo pahnih awm ta se thawnthu dik dawt sawi lo zawk chu Evidence chauh hi a ni.

Judy thihna atanga țhang khat lian zet liam hnuin Larry Bruce-a chu man a ni a, Judy that a puh a ni ta. Prosecutor-te chuan an hnuchhuina atangin Judyi khan thuruk tui hnai lo zet mai zep ruk a nei tih an hre chhuak a; chu thil chu Larryan midang te hriat ve a tana a duh lo thil a ni.

Judy thih atanga kum 23 ral hnuin a pasal Larry Brucea tualthah thubuai chu ngaihtuah a ni a. Prosecutor lam witness hmasa ber chu an fapa LeRoy Bruce a ni. LeRoya sawi dan chuan a nu thih tuk khan school a mi tur Permission Slip sign tir turin a nu leh pa te mutna pindanah chuan a va lut a. A pa’n permission slip a sign lai chuan ani chu a bulah chuan a ding a, a nu Judy chuan eng thil nge thleng tiin a lo ngaihven ngei a ring a, mahse chechang hauh lovin anu chu khumah chuan a mu a ni. Prosecutor-te chuan LeRoyan Permission Slip a va sign tir lai khan Judy Bruce-i chu a thi daih tawh a nih an ring a. An rin dan chuan Larryan naupang te school kai tura a chhuah tir hnuin Judy ruang chu blanketa tuamin a car hnung kam bawmah chuah a khung ta a.

Hnathawhna hmun lam pana a kal kawnga Bus Stop a bus lo nghak mek a fate lam hawiin a ban a vai a, a fate te chuan a awmna chin an la sawi ngei dawn tih a beisei a ni. Tichuan, a hnathawh pangai chhunzawm turin a hnathawhna hmun chu a pan ding ta nghal a. Tlailam hnathawh ban chuan hmun fianrial tak, Scout te Camp-na ah chuan va inkhalhin a nupui ruang chu a theh thang ta a ni. Larry car bawma tuamna a mi synthetic rayon lazai chu Judy ruang tuamtu blanket ah chuan a kai a, Larry phei khawkah chuan kawng phah thar nana hman chinai lung țhil te chu a bei ta bawk, chung chinai lung te chu Forensic Scientist fimkhur tak te chuan kum 20 liam hnuin a hmuchhuak ta a ni.

Prosecutor Mayer-a chuan a witness zinga Jury te hmin thei ber tura a rin chu a hnuhnung berah a han ko ta a. Chu a witness chu tu dang ni lovin Melody a ni. Melody hi Larry-a fahrawn a ni a. Melody sawi dan chuan kum 5 a nih atanga kum 14 a tlin thlengin Larrya chuan Melodyi chu a lo khuaikhem thin a. A sawi zelnaah chuan a nu Judy chuan an chhungkuaa thil thleng chu a hria a, chuvang chuan a nu chu tawng chhuak lo tura thah duhna chhan tur Larryan a nei tiin a sawi bawk ni. A nu thah a nih hma, hmeichhe naupang te a nih laiin pindanah a pahrawnin a lo khuaikhem laiin a nu chuan tihpalh thil thuin pindan ah chuan a va lut a. Inkhuaikhemna chu a mit ngeiin a hmu a, a pasal Larry Brucea chungah chuan a thin a ur nasa hle a. Nasa takin an inhau zui nghal a, tawng bawlhhlawh hmangin ring tak takin an inankhum a. Chumi tum chuan Larry Bruce chuan Judy i hnek tumin a kut vai a, a kut vai thelh chuan bang a hnek a, a kut a tiulh nghe nghe a ni.

Larrya te lam ve thung chuan witness koh chhuah an nei lo va, mahse Prosecutor lamin case chu ‘rinhlelh tur awm hauh lovin an finfiah lo ve’ tiin an hnial a. Finfiah tur tak awm lovin thil thleng nen an hmehbel mai chauh zawk a ni tiin tan an khawh a ni.
Jury te chuan thubuai chu dar kar 2 aia tlem hret an ngaihtuah a. Larry Bruce chu a nupui Judy Bruce thah thubuaiah thiam loh chantir a ni ta. Kum 15 atanga damchhung lung bang zut tura hremna pek a ni.

Melody chuan, “Thiam loh an chantir avangin Ka lawm tak zet a ni. Mahse, chuti rualin hremna an pek laia lo awm ve erawh ka duh lo. Achhan chu heng thil te hi a thleng ngei a ni tih thudik tak hmachhawn kha ka duh lo a ni.” tiin Larry thiam loh chantir a nih tak avanga a lawm thu a sawi a ni.

Kum 20 aia tam a liam hnuin Old Fashioned Police te hnathawh leh Modern Forensic Science te hmangin a tawpah chuan Judy Bruce chhungte tan rorelna dik chu an hlenchhuah sak a ni ta. He case bikah hian Forensic Evidence te kha an pawimawh hle a. A chhan chu Forensic Evidence te kha awm lo se chuan Jury te khan Larry Bruce kha a thiam lohna hmu zo lovin a chhuah zalen thei tlat a ni. Hun liamta ah khan let leh theih nise, kum 1978 a Police te kha tunlai thiamna hmanga thil tih theih chin hrilh ni ta se, an ngaihtuah phak bak thil chu a ni ve ngei ang le.
************

Aside | Posted on by | Tagged , , | Leave a comment