MISS ZOFA INTERNATIONAL BUATSAIH DAWN

Lawmmanah Rs 3,00,000/-(nuai thuam) leh Car thar

A vawikhatna atana buatsaih tur khawvel pumpuia  Mizo  nula hmeltha ber thlanna Miss ZofaInternational  Contest  2018 chu Pu C.Dinthanga,  Editor Lelte leh a puibawmtute buatsaihin April ni 18 -27, 2018 chhungin Aizawl-ah neih a ni dawn ta.

Contest Organising Chairman Lalrinmawia Ralte,MLA, Political Adviser to Chief
Minister,Govt.of Mizo-ram  leh  Organsing member 18-te chuan tunlai hian chak takin hma an la mek a ni.Miss Zofa International-a  puan chuan  lawmman-ah  Rs  3,00,000/-(nuai thuam fai) leh Car thar a dawng anga, thilpek hrang hrang  a dawng bawk ang. Lawmman  pahnihna  leh pathumna hian Rs 1,00,000/- chuang an dawng ve ve ang a, thilpek eng emawzat an dawng bawk ang.

Sub-title chi 7 siam a ni dawn a, hei hian lawmman tha tawk a keng tel bawk ang.He  Contest-a  tel  theite  chu  a hmasa berah ZOFA dik tak a ni tur a nia, san zawngah feet 5:3-a sang, kum 18 -30 inkar, nula hnakhat a ni ngei tur a ni. Contest a tel tur hian Zofa anih phawt chuan khawi ram atang pawhin a tel thei ang.Miss Zofa Contest turte chuan Zotawng zinga eng emaw tal a thiam tur a ni a, sap tawng a thiam ngai kher lo.Contest  chhungin Mizo  (Duhlian)tawng hman tur a ni a, Duhlian tawng an hmang thei lo anih pawhin tawnglettu an ruai thei bawk ang.

Buatsaihtute’n  Mizo khawvel hmun hrang hranga tel tura a sawmte zingah  Myanmar  atangin  Yangon, Tahan leh Chin State atangin tel turte ruahmanna a awm mek a, Bangladesh, Tripura, Manipur, Haflong, Shillong leh Barak  Valley  Council  atangin State pawn lam atangin rawn tel tura beisei an  ni  a,  Mizoram District 8 atangin Contestant pahnih zel tel tura ruahman a ni bawk.

Miss Zofa International Contest buatsaihtu hian NGO pali (4) leh Cable TV pakhat thawhpui turin sawmna a siam a. Miss Zofa International Contest hian a tum ber chu khawvel hmun hrang hranga  Zofate nasa leh zuala inpawhna tha zawk leh hnam khat kan ni tih lannatura buatsaih a ni.

He Contest-a Chief Organiser C.Dinthanga  hian  kum  1985  atangin Mizo thalaite tan beauty contest a lo buatsaih  tawh  a,  a tirah  kumkhat danah  Miss  Aizawl  buatsaihin,  Miss Aizawl Contest hi vawi 6 a buatsaih hnuah,  MJA  phalnain  Miss Mizoram Contest  vawi  7  a lo buatsaih tawh bawk a, tun tumah erawh khawvel hmun hrang hranga Mizo nulate tan chance siam ve thungin Miss Zofa International Contest 2018 hi an lo buatsaih ta thung a ni.

-The Zozam times

Advertisements
Aside | Posted on by | Leave a comment

MIDDLE EAST-AH NUCLEAR RALTHUAM A INTLANSIAKNA A AWM MEK: IRAN VS SAUDI ARABIA

March 16, 2018
Saudi Arabia Crown Prince Mohammed bin Salman chuan Washington tlawh turin London a thleng a, chutah chuan Iran nuclear chungchang sawi chhuakin, “Iran ramin nuclear bomb nei tura hma a lak (developed) chuan, keini Saudi Arabia pawhin kan siam ve ang. Nuclear ralthuam neih hi kan duh a ni hran lo. Mahse, Iran-in a neih chuan kan neih a tulin, a pawimawh a ni” tiin, US hnenah phal dil a tum a ni.

Iran hi Shiite muslim ram niin, Saudi Arabia hi Sunni muslim ram a ni a, Ui leh Kel ang chiaha intai reng leh Middle East rama chak ber leh thu ber nih inchuh reng ram an ni.

Israel ang bawkin Saudi Arabia chuan Iran nuclear neih hi an duh lo bur mai. President Bush hun lai khan Saudi King chuan, “Rul chu a luah tan tur a ni” tiin, US chu Iran run turin a lo ngen tawh a ni. Israel lahin Saudi Arabia chu Iran nena inbei turin a fuih ve bawk.

Saudi Arabia chuan kum 20-25 lo awm turah oil hman tlemna turin civil nuclear stations 16 zet siam turin ruahmanna a nei mek a, hei hian Gigawats of nuclear energy 16 a pe chhuak thei dawn a ni.

Hetianga Saudi Crown Prince Salman thusawi hi Iran chuan chhangletin, Iran thupuangtu Bahram Ghanesim chuan, “Saudi Arabian chu an chi-ai zo tawh a, khakna leh huatna thu bak an chhak chhuak ngai lo ve” a tihkhum.

President Donald Trump chuan, EU ramte chu Iran nuclear deal, Barack Obama lo siam pui ennawn turin May 12 thlengin hun a pe a, US chuan he “Iran nuclear deal” atanga inhnuhdawh (pull out) a tum a ni. Mahse, UK, Germany leh France chuan Trump thiltum chuan rah thalo zawk a chhuah phah an hlau. Iran nuclear deal a thihsawn chuan, US leh Iran inkarah full-scale indona emaw, harsatna namenlo a thlen an ring a ni.

Nikum leh tun hnaiah Iran military te chuan Gulf of Tamuz vela US indo lawngte chu vawi tam tak chhaih buaiin, drones- hmangin 100ft leka hnaiah te an va thlawh hnaih thin a ni. Nikum khan US Navy mi leh sa 10 zet Iran Coast Guard-ten an lo man sak tawh bawk. Kum 1979 atanga Iran a Islamic Revolution awm atangin, America leh Iran hi an inngur chhur chhur reng mai a ni.

Russia, Japan, UK leh France chuan Saudi Arabia civil nuclear stations hi thawh an chakin an duh a, mahse, Saudi Arabia hian US tihlawm duh vangin, US sorkar chu thawk turin a ti dawn nia ngaih a ni.

           By CT Lalrinawma

Aside | Posted on by | Tagged , , , | Leave a comment

Assam-in Min Chuh Ram Hi

A Bulthum Aṭangin
(Pu Ch. Chhunga Fapa Kawmna)
— Rindika Mizo

Ka pu he ram in neih dan leh rambuai a nih chhan hi, a bulthum aṭangin chiang zawkin min hrilh theih em?

       Ni e, he thil hi rawn sawi fiah a ṭul ta khawp mai. . .Kan Home Minister-te pawh khan rinthu hi an rawn sawi mai mai a ni ber mai a.

       Inner Line Reserve hi 500 sq. km lai a ni a. District Council kan nih khan Assam state hnuaia awm kan nih angin, Assam state Forest Department khan Inner Line Reserve kha a enkawl nghal a; a chhan chu District Council-in Forest Department kan la nei ve theih loh avangin. Chutih lai chuan Mizoram hian, Assam-in min enkawlsakna man kha kum tin kan budget aṭangin 30% Assam sawrkar hnenah a chhung a ni.

       Chuti ang dinhmuna kan din lai aṭang daih tawh chuan Assam State hian min rawn nek ṭan tawh a ni. Chu vang chuan kan buai dawn tlat, kan ram hauh nan kutthlak angai e, tiin kan hruaitute’n ngaihtuahna an nei a. Tin, chutih lai chu mau tam ṭam tlak dawn hnaih kha a ni bawk nen, mau tam ṭam do nana leilet siam nan a ṭha ang, tiin Bairabi lam hruaitute khan min rawn kawhhmuh ve mek bawk a.

       Ti chuan, hruaitute kha a daidovah an intlar ta a. Tuna kan ram pawh khu, 1956 khan ka pu-in ngawpui a ṭhiah a ni. 1959-ah te chuan leilet buh kan ei fe tawh a, ṭam khan min tibuai ve meuh lo.

      David M. Thangliana te khan, “UT hnu-ah khu ram khu an zuk ta chei. . .” te kha a ti mai mai a. District Council Pass nei thlapin a ni khu ram khu kan enkawl ni.

       Sap (British)-hovin Inner Line Reserve min pek, Assam min enkawlsak hi, 500 sq. km chuang min rawn nek daih tawh zawk a ni a. Chu vang chuan, kan mit a men chhung chuan he ram hi tu mahin hralh lo ang u, kan ram chhan nan hrim hrim pawh, tiin kan inrawnkhawm nghe nghe a ni. Tin, kum tinin Mizoramah lei man chhiah kan pe ziah a ni, Assam hnenah ni lovin.

       Hman zan khan kan Home Minister hian, “Khu lai khu rambuai a ni,” a rawn ti rinawt a! Rambuai a nih kan hre lo a, rambuaiah kan ngai ngai lo. Kan HM khan rambuaiah a rawn puang ringawt ni-ah kan ngai. Tin, Assam lam pawhin rambuai tia an sawi kan hre ngai lo. Ti khuan an ram ang maiin an duh duh danin an rawn khawsa a, police post te siamin sikul te an rawn sa a, mandir thlengin an rawn hung rup a nih khu.

       LSC neitu, chhiah petu-in ‘Zofate Chawlhbuk’ sak kan remti a. . . “Mizoramin chhiah a lakna LSC chhung ngei hi eng vangin nge sawrkar hian a hauh ngam lo; sum chauh hi a duh a, ram hi a duh lo em ni?” tih hi kan chhungkaw zawhna pawh a ni.

       Khu, kan leilet lai takah khuan kawngpui a kal ruah mai a. Hmanah khan kan leilet buh leh ram an tihchhiatsak man (compensate) Mizoram sawrkarah kan dil a, “Mizoram PWD chuan Bairabi thleng chauh hi a ni kan thawh ni, Assam-ah dil rawh u,” tiin min lo chhang a.

      Assam hnenah kan dil chuan min pe ang a, kan ram hi Assam ram a ni daih tawh dawn tihna a ni a. Chu ai chuan, compensate dil lo mai ang u, tiin chhungkua-in thu thlukna kan siam ta ringawt a ni. Assam-ah nuai za chuang hmuh theihnaah khan, siki pawh dawng lovin ti hian kan awm ta a ni, ram hauh nan.

       Chu vang chuan, kan sawrkar hian ramri hi a ngaihsak tehchiam lo a ni ber mai. Ka pa CM lai khan thu an delhkilh a, “Sawi fel a nih hma chu Inner Line Reserve huam chhungah hian, heti hian a awm ngaiate hi awm se la, eng mah kutthlak belh ni suh se. Sawi fel a nih hunah erawh chuan, leilet neitute’n a awmna state apiangah chhiah an pe ang,” tih a ni.

       Pu Ṭhena khan a rawn chhunzawm leh dawn a; mahse, Pu Denga khan, “He tah hi chuan lo inrawlh suh u,” a ti ta mai a. Ti chuan Pu Denga khan a han sawi ta a, Ch. Chhunga boundary commission te kha a rawn lek chhuak a. Mahse, Central lam khan, “Ramri buai in nei lo. Hei hi commission a tling lo. Commission ding tur chuan, in inbei ang a, silai te pawh a puak hial maithei. Chutih hunah chuan Central min la rawn au tawn ang a, keini chu a laiah dingin in dikna in sawi tawn ve ve ang. Chutah chiah chuan boundary commission a tling chauh ang,” tiin Pu Denga hnenah chuan an lo sawi a ni.

        Chuti ang chu a ni daih tawh chung chuan, kan sawrkar hi a ngawi reng a, he lai ramri chingfel tur hian hma a la ngam ve lo a ni ber mai. Assam lam erawh chu an duh duhin an rawn che tawh daih a nih khu. Keini erawh chuan kut kuangkuahin kan lo thlir vel mai mai a ni ber e.

       Hman deuh khan Lalthanhawla hnenah hian ka nu a han kal a, “Khu lai khu kan ram pawh a ni chiah em mawni le?” a lo tih khum vel mai mai a. “Assam State CM mai mai be tur hian ka te tawk lo,” te a lo ti vel a ni awm e!

       Eng pawh nise, he ram chung changah hian kan chhungkua pawhin PR emaw rawn siam thuai kan tum. Mahse, tun anga chipchiar hi chuan rawn sawi a rem vek tawh lo ang. Chu vang chuan, he kan inkawmna hi i duh chuan post mah la pawi ka ti lo!

Aside | Posted on by | Tagged , , | Leave a comment

PAWL DAWIHZEP MZP by Apuia Tochhawng

Scottish pasalțha William Wallace khan Scottish khawnbawl ho thu kha zawm se Stirling ah  English ho a hneh lo ang. Indo a va thlang a, English ho an that chimit vek a nih kha.

Khawvelah hian huaisen avanga an tum tawh tum lui tlat te vang hian thil hi a țha zawngin a inher țhin a, MZP te huaisen țepna avangin Central sawrkar beng a thleng hial a, thir a den huna kan deng lo hian kan inpumkhatna a tichhe dawn.

He chawlhbuk sa tur hian silai nena inralring tam tak kan awm a, thingtlang ațangin mahni sum senga kal ho hi a bik takin MZP hian ngaihdam min dil rawh se. Mi huaisen hnung kan zui dawn emaw kan lo tia, mi dawihzep lek in lo nih hi, pawnfen feng rawh u, Hawla te kha engvanga sari kaih tura auel ngam ve ngawt nge in nih? Nangmahni khan kaih rawh u..

Thildangah hma la leh dawn pawh ni ula, tun ang em hian mi huaisen te thlawpna in dawng tawh lo ang…chawlhbuk pawh sak tum tawh lo ula, midang kutah dah tawh rawh u..A saseh hun tak taka in ngam leh si lo hian mi dawihzep in nih zia a tichiang mai..a ngam tak tak chuan silai kan hum mai. A tawp in thleng ngam lo law law a nih loh chuan engahmah hma la tawh suh u, CYMA nen in dawihzep dan a inang reng.

MZP President hi Chawlhbuk sak a nih hma loh chu lo haw a tum lo kha a ni a, a lo haw ta nge ta lo?

In țhulh chhan hi mi tam tak rilru ah Hawla hian sum a vawrh turah an ngai tih hi hre tel ula, in tisual lo ang. Thil thleng thei lo a ni hek lo. Hawla leh Zira te an thaw huai tur kan ngaihtuah hian kan mittui a tla asin.

MZP hruaitu hmasa te ang thoin politics ah in zuang lut ve ngeiin kan ring a, in game khelh dan hian mipui thin a ti ur a, mipui thinlung in chawk tho te te a, in țhulh san leh si amaw..pawnfen feng rawh u.
Kan țhiante Serkhan, Lungdai lo zuk thleng tawh an awm a, rilru na em emin an rawn haw a, keini pawh chhuak turin kan insiam a, ram tan tiin kan la hum ngai reng reng loh rifle hum chungin kan inring a, min thulhsan leh si amaw..sari kaih rawh u khai.

Kan ram hi  a hmangaihtu tur Assam kutah pe ila, an ram lo chin pawh an rawn humhalh em hi maw…ral vek law law teh ang u..

  MZP Zofate Chawlhbuk sakpui tur hian Lawngtlai lam atangin Member pariat leh Lai Student Association (LSA) Atangin member 6 vel Bairabi lam panin MZP pui turin ram leh hnam  tan an lo thawk chhuak a, an inseng thlawn.

Manipur kan zohnahthlak unaute pawhin MZP chawlhbuk sak pui turin naktuk hian lengpui airport anlo thleng dawn a, bairabi pan thlak nghal an tum ve bawk. Flight Ticket ah an inseng thlawn

Zak ngawih ngawih teh u khai

Aside | Posted on by | Tagged , , | Leave a comment

KHAWVELA ASTRO-PHYSICIST ROPUI DR. STEPHEN HAWKING KUM 76 MIIN A THI

March 14, 2018, Tukinah khawvela Astro-Physicist hmingthang leh ropui Dr. Stephen Hawking chu kum 76 mi niin, Cambridge, England a thi. He British Theoritical physicist hmingthang tak hi khawvela Galileo a pian hnu kum 300 nih kum tak Jan 8, 1942 ah Oxford ah a lo piang a, a pa pawh Physician niin tropical desease lam enkawl thiam a ni a, a nu erawh Liberal party a thawktu pakhat a ni thin.

Dr Stephen Hawking (76) hian kum 21 a nih atangin, tuna a natna Lou Gehrig natna an tih vangin harsatna a nei tan a ni. A aw te chu khawl hmanga rik chhuah tir a ni a. Amah hi pa ropui tak, HUN lo insiam tan dan lama mi thiam niin, Isaac Newton-an kum 300 kaltaa Professor a nihna hmun University of Cambridge ah professor hna thawkin, Lucasic Professor of Methamatics a ni.

Kum 1988 khan lehkhabu hmingthang tak “A Brief History of Time” tih a ziak chu a lar hle a, khawvela tawng lar chi 20 zetin lehlin a ni. Khawvel hmun hrang hrangah Chile atanga China thlengin a zin kual a, ram hruaitute an hmu nasa hle a ni. Kum 1991 khan a lehkhabu ziak chu documentary film in Errol Morris chuan a siam sak a, a lar zual phah hle.

Hawking chuan, “Ka tum chu hote mai a ni. Eternal prisons hi a awm lo. Chutiang hlauhna (black hole) chu chhuahsanna kawng dang a awm a ni” a ti mai thin!

Kum 1965 ah Jane Wide nen an innei a, kum 1966 ah Doctorate degree a hmu a ni.

Star Trek: The New Generation tihah leh The Simpson tih film-ah a tel a. A thupui sawi thin  “The Universe in a Nutshell” tih chuan mi beng a verh hle thin.

        By  CT Lalrinawma

Aside | Posted on by | Tagged , | Leave a comment

CYMA INRAWLHNA HNAM ISSUE AH MIPUI RIN AN HLAWH LO FO NA CHHAN TE.

1.Tuikuk eroll a paih chungchang kum 2014 ami, tun thlengin tihhlawh tlin ani lo.

2.Chakma MLA bang turin vawi 2 tih ani tawh a, An hlawhchham ve ve.

3.Chakma Census neih tumna chungchang ah, Branch tin a pawisa khawn tawh chu Home minister ngenna angin azu zi.

4.Chakma ADC thiah nise tih Conference in a pass tawh chu, Vawi khatnan kohkhawm a a thiahtheih dan report ngaihthlak ani tawh.

Hnam issue bik ah Chin Zofa te hnawhchhuah bak kha chu hlawhtling tak hriat tur a awm hrih lo anih hi.

CYMA te tun tum OB te hi chu mipui pawn beiseina sangtak kan nei che u a,theihtawpin hnam issue hi han buaipui ten u.

Aside | Posted on by | Tagged , | Leave a comment

Pi Liansangpuii thah a ni, tualthattu la man lo

Nimin 6th Mar. zing dar 2 bawr vel khan Kolasib RengtekawnGosen veng a cheng Pi Liansangpuii kum 62 chu a chenna in ah thi a hmuh a ni.

Pi Liansangpuii hi hmeithai mahnia cheng ei chawp zuar a ni a, nizan dar 2 bawr vel khan Gosen veng tlangval 2 leng haw in a chenna in, inhawng chu hmuin, an ko a, a chhan mai loh avangin thenawm hnai te hrilh in an va lut a, Pi Liansangpuii hi ama khum ah thi in an va hmu ta a ni. A lu ah vuakna hnu hmuh a ni a, Kolasib Police te hriattir nghal niin Pi Liansangpuii in hi an dap nghal a, Police te chuan pawisa cheng sing 5 vel a bo niin an hria a, Aizawl atangin Forensic te kal nghalin, In hi an endik a ni.

In hi a bang dap a ni a, hmar lamah mihring leng a thiah niin helai atang hian tualthattu hi a lut nia rin a ni.-DD News

Aside | Posted on by | Tagged , | Leave a comment

BAIRABI MSU HRUAITUTEN BAIRABI LUI BULA ASSAM POLICE CHECK POST SIAM AN THIAT

MSU Sub-Hqrs. Bairabi chuan Assam Police ten Bairabi lui bula check post an siam chu an ṭhiah sak.

MSU Bairabi in thuchhuah an siam danin nimin March ni 2 khan MZP General Headquarters tena Zofate Chawlhbuk an sakna hmunah Assam Police ten Duty Post siamin Bairabi Luibulah Police Check Post an siam bawk a. He thu hi MSU Sub-Headquarters : Bairabi in an hriat ve leh rang takin a hmunah President Laldinsanga leh Asst. Secretary Lalsangkimate kal nghalin, MSU President Laldinsanga leh Asst. Secretary Lalsangkima ten Assam Police te’n an siam, duty post leh check Post chu tha ti lovin an thiat darh nghal vek a ni.

MSU Sub-Headquarters : Bairabi President Pu Laldinsanga chuan, “MZP Issue a ni tih kan hria a, pawl chuan ri a nei a, ram leh hnamah erawh chuan pawlin ri a nei lo” a ti. “Zofate kutthlak Assam in an duh lo a nih chuan, Assam fate kutthlak Mizo faten kan duh bik tur a ni” lo a ti. Pu Laldinsanga chuan “Mizoram Sawrkar leh Assam Sawrkar an inrem hma chu Mizoram leh Assam lam atangin helai hmunah hian tuma’n kut thlak lovin, a phawvuakah buai lo ila, chutilo chuan a Affected Area te tan harsatna kan siam mai mai a ni” a ti.

Author: • Vanneihthanga Vanchhawng

Aside | Posted on by | Tagged , , | Leave a comment

KHAWVELIN “REV. DR. BILLY GRAHAM” A CHAN TA : SUNTU LEH UITU AN TAM HLE

“Krista pawmtu leh lo dawng sawngtute inchhir ka la hre ngailo”-Billy Graham

Rev. Dr Billy Graham, kum 99 mi thih thu hi an chhungkaw aiawha thupuangtu Mark f puangin, Feb. 21 zing (India ah zan 8pm vel) khan a chenna H suntu a ngah tak meuh a ni.

US President Donald Trump leh Vice President Mike Pence te chuan an uizia an sawi nghal a, khawvela thuhriltu milar tak tak Joel Osteen, Kenneth Copeland, Joyce Meyer leh Melania Trump, Rev. Jerry Falwell, House Speaker Paul Ryan, Russel Moore, Mitt Romney, Chief Judge Stephan Dillard, Barack Obama, Bill Clinton, George H.W Bush leh George W Bush Jr., Jesse Jackson, Jimmy Carter, etc ten an uizia an sawi chhuak hlawm a ni.

Billy Graham thih chhan hi prostate cancer, pneumonia leh Parkinson natna vang niin an sawi a, kum 1992 atangin Parkinson natna hi a vei niin an sawi.

President Trump chuan, “MI ROPUI Billy Graham a thi ta. Amah ang reng an awm lo! Kristiante leh sakhaw tin rengin an ngai ngei ang. Mi danglam bik, mi bik tak a ni” a ti. Vice President Mike Pence pawhin a uizia sawiin, “I ti tha e, rinawm leh taima taka rawngbawltu. Mi maktaduai telte nun tidanglamtu i ni” a ti.

Rev. Jesse Jackson, Civil Rights activist leh US President hialchuhtu chuan, “The Pope of evangelical movement” tiin a fak. President hlui Jimmy Carter chuan, “Mi maktaduai telte nun thlak lam tirtu, rilru zau, inngaitlawm taka midang entu leh chhiahhlawh rinawm, Krista nunzia entirtu a ni” a ti.

Church of England Archibishop of Canterbury Justin Welby chuan, “Tehchhin rual loh leh sawichhuah thiam loh min hnu chhiah a ni” tiin, Billy Graham a uithu a sawi bawk.

President Barack Obama chuan kum 2009 khan Billy Grahamtar chak tawhlo, kum 91 mi chu a chenna Montreat, North Carolina state ah a lo tlawh tawh a ni.

Kum 1955 khan Gallup Poll chuan, “American hote ngaihsan ber chu Billy Graham a ni”, a ti. Kum 2017 thlengin mi ngaihsan zingah awmin, kum 61 chhung zet mi ngaihsan zingah a tel pha a ni!

President hlui Jimmy Carter chuan, “Mi maktaduai tel zinga Billy Graham thuchah sawi vanga nun danglam nei ka ni” a ti bawk.

Russel Moore chuan, “Tirhkoh Paula tih lohva Krista chanchintha puang nasa ber leh puang tam ber a ni” a ti.

George W Bush chuan, “Billy Graham thuchah vanga nun danglam nei ka ni” a ti. Kum 2000 ah President tura a in candidate tumin Billy chuan, “Naupang ang chauhvin ka hria” a ti ve thung.

Billy hian a nupui Ruth Graham Bell chu June 2007 khan a lo sun tawh a ni.

Billy Graham chu kum Zabi 20 chhunga Krista ke bula midangte-thlaraubo hruai hnem ber tih a ni a, khawvel chuan “America’s Pastor” tiin an hre mai a, koh nan pawh an hmang zauh zauh thin.

A naupan laiin Baseball Player nih a tum ruh hle a, mahse, kum 15 a lo tlin chuan a nun chu rinloh a lamah kaih beha awmin, Krista tan a hlan a ni. Bob Jones University ah a lut a, Florida Bible Insitute ah lut lehin, Wheaton College ah a zir tawh bawk.

Indopui 2na hun laia American sipai rammu lo kir leh ta chu Pathian Thu a lo hrilh thin a, July 1945 ah Youth for Christ International ah Speaker a ni chho a ni. 1949 ah Los Angeles ah kar 8 tehmeuh Crusade neiin, miten an lo hmel tan chho a ni.

Billy Graham hian lehkhabu 30 chuang ziakin, miten an hlut hle. indona hmuna US sipaite tlawhin Pathian Thu a hrilh thin a, Washington pawhin chu Evangelist chu an lo hriat phah a ni. President Harry Truman atanga President Barack Obama thlengin US President thian tha, an thlarau nun kaihhruaitu ah an hmang a, National Breakfast ah pawh thuchah sawi fotu a ni bawk.

1952 ah Capitol Hill-ah Pathian thuchah a keng lut tan a, Washington ah kar 5 teh meuh Crusade a neih hnu chuan, official tam takin an hmelhriat phah ta a ni.

1957 ah New York City a Madison Square ah kar 16 zet a inzawm zatin Crusade a nei a, chutah chuan mi 100,000 chuang an tel a, mi tam takin Kristaah nun thar an neih phah a ni.

Kum 1947 khan North Korea Dictator thin Kim Il-sung pawhinPyongyang khawpuiah thuchah sawi turin a lo sawm ve tawh bawk.

Kum 15 a nihin a lak tlak hle tawh a! 1918 ah a lo pianthar a; 1939 ah Southern Baptist Convention rawngbawltu (clergy) tan nemngheh a ni. Mahse, 2005 ah a pension a ni. Thihna chungchangah chuan, “Thih chu ka hlau ang maw? Hlau lo ve. Pathian chu hmaichhana ka hmuh hun tur a ni asin” a ti mai thin.

Billy chuan, “Bible hi thudik tak (universal truth) a ni a, Krista chuan chhandamna kawng a siam a, chu chu kan duhthlanna hmangin thlan fel tur a ni. “Aw,” “Ni lo” tih leh “Lo nghak lawk rawh” tiin kan chhang liam satliah ngawt tur a ni lo. Tun aia hun remchang i hmu tawh ngai lo vang” tiin, a tawngtai sak hlawm thin a ni

Author : CT Lalrinawma

Aside | Posted on by | Tagged , | Leave a comment

Pu Lalhmingliana te chenna tur ngaihtuahsak hnuhnawh.

Chenna In ṭhiah sak a awm ta Pu. Lalhmingliana te chhungkua chu chenna in nei lo a an awm chu țha ti lo in Govt. J.Thankima College Zirlai Hruaitute , Staff welfare associationte leh Bawngkawn Branch Y.M.A leh LOCAL COUNCIL hruaitute chuan an chenna lailawk tur ngaihtuahsak in  Govt. J.Thankima college Students union room hman lai mek chu tiruak in an chen lailawkna atan hman tir an ni.

Pu. Lalhmingliana nupui Pi Ramfangzaui te chuan lawmthu an sawi bawk a ni.

Pu Lalhmingliana te chhungkua hian awmna tur nei heklo, an lawm emaw lawm lo emaw hetia an awm hi a ngai a. An lawm tak tak a rinawm miah lo bawk.
    BA zirlai rual in ṭhiah thiam rawih tur an awm nual a nih hi.

Aside | Posted on by | Tagged , | Leave a comment