ONLY 15 SECOND ! Pu Hawla thusawi tawi

Thusawi tawi hmingthang tak tak hi a awm nual mai. 1994 kuma World Cup Opening Ceremony huna thusawi pawh kha a tawi viau nia sawi a ni. Chutiang bawkin ‘ Tryst with Desnity ‘ tia lar ta zawk – Aug 15 1947 zanlai-a Indian Constituent Assembly hmuna Nehru thusawi pawh a lar viau mai. Chutiang zelin US President Abraham Lincoln-a’n 19 Nov 1863 a Gettysburg hmuna a thusawi te pawh minute 3 chauh niin thumal 246 chiah a ni. George Washington thusawi pawha tawi ve viau mai – thumal 135 chiah a ni. Neil Amstrong thusawi te President and CEO of Coca-Cola Enterprises – Brain G. Dyson-a’n 6 Sept 1996 a a thusawi pawh an lar viau mai. Pathian thu thiam zingah pawh Bishop John Albrecht ( Lake Orion, Michigan-a Episcopal Kohhran a mi) thusawi pawh a thui lem lo viau mai a ‘ Love ‘ tih chiah a ni. Nimahsela, tun thleng hian sawizui an la hlawh thung.Chutiang zelin, Saitual hmuna Saitual leh an chhehvel mipui leh School naupang ten kawng dunga intlar hiala an lo hmuahKan Chief Minister – Lalthanhawla chuan thusawi tawi fel tak neiin thu a han sawi ta a, mipui tam tak hmaah chuan
“ Mipui leh thian duh takte, duh nei phut welcome in lo siam avangin ka lawm a, kan awm rei theih dawn loh avangin ka kalna turah kan kal mai anga min hrethiam dawn nia, ka lawm e “
tih chiah sawiin thu khawmuang loin an kal lehnghal ta a nih kha. He thu sawi tur hian Second 15 chiah a hmang a ni. He thusawi hian zoram mai niloin Khawvel a deng chhuak nghal a, hriat reng a hlawh tawh bawk ang. Saitual leh an chhehvel khaw mipui tan chuan Chief Minister thusawi hi theihnghilh chi a ni hauh lo mai. A ṭhen chuan ‘a hmanhmawh deuha a sawi mumal hman lo a ni ‘ an ti ang a, a then chuan ‘CM meuhthusawi chu leh’ an ti ang a, a then chuan ‘ a zahthlak lutuk ‘ an ti bawk ang a, chi hrang hrangin an sawizui tawh ngei ang.

Advertisements
Aside | Posted on by | Tagged , | Leave a comment

BIATE IN ASIA A SMALL TOWN FAI BER NIH AN TUM-Zonunsanga Khiangte

Mizoram khawpui fai ber intihsiaka lawmman pakhatna dawngtu Biate chuan Faina kawngah hma la chhunzawm zelin, India ram mai ni lo Asia khawmualpuia small town zinga fai ber nih tumin theihtawp chhuahin tan an la chho mek.

Biate khawtlang hian tunah hian cleanliness week an hmang mek a, kum danga an lo tih thin angin Biate a Veng hrang hrang 14 te chuan Veng fai ber nih tumin inelna an buatsaih leh mek a, Veng fai lawmman te hi UD&PA Department, Champhai ten an tumsak leh dawn a ni.

Mizoram khawfai ber an nihna turah pawh khan Biate khawtlang hi an tangrual hle a, tualchhung miten theihtawpa sum leh pai leh tha tam tak an sen bakah, Biate Welfare Society, Aizawl hmalaknain sum tam tak nuai chuang lai an thawhkhawm a, hengte hi Biate Town Faina Committee ten khawtlang faina atana a ṭula an hman turin Biate Town Faina Committee te hnenah an hlan a ni. Aizawl mai bakah Mizoram hmun hrang hrang leh Zoram pawn thlenga Biate mi leh sa ten sum leh pai hi hnatlan nan an thawh hlawm a ni.

VC kaihhruaina hnuaia din, Biate Town Faina Committee te chuan theihtawpin hma an la chho mek zel a. Biate chu Mizoram khawpui fai ber an nih chu duh tawk mai lovin India rama Town fai ber mai bakah Asia khawmuala Small Town Fai ber nih tumin hma an la chho mek a, Asia khawmuala Small Town fai ber ni tur hian Mizoram sorkar chuan ruahmanna a neihpui mek bawk. Faina week an hman mekahBiate a Veng hrang hrangte chuan veng fai ber nih tumin mahni veng chhung theuhah theihtawp chhuahin hma an la a, hnatlang an ngawrh thei hle. Biate a veng hrang hrang te chuan mahni veng chhung theuhah kawngpui, kopang, side drain leh kawrpui thenfai tawh sate chu chan insemin an enkawl zui mek hlawm a. Khawchhung kawng mai bakah kawrpui zawng zawngah pawh bawlhhlawh hmuh tur a awm tawh lo. Mahni veng theuhah faina mai bakah a cheimawi hna leh pangpar huan siamin an in-el mek hlawm a, Vengfai intihsiakna hi tukin zing atang hian endik hna thawh tan a ni nghe nghe a ni.

Mizoram hmun hrang hrang atangin Mizoram Khawpui fai ber Biate hi tlawhtu an awm chho mek a, Biate khaw mipuite chuan an khua tlawh duh te chu lawm takin an lo mikhual theih thu Biate Branch YMA President Pu R. Lalremkunga chuan kan palai a hrilh a ni.

Aside | Posted on by | Tagged , , | Leave a comment

Bilkhawthlir khuain Kuhva atangin Nuai 380 aia tam lei chhuah beisei

Bilkhawthlir khua chuan nikum chhung khan Kuhva atangin nuaih 380 an leichhuak a, kumin hian nikum aia tam leichhuah an beisei.

Bilkhawthlir Kuhva Society hruaituten Zalen palai an hrilh danin Chemphai-a Mizoram sawrkar (NLUP Implementing Board)-in kuhva skop siamna hmun a dinsak chu an chhawr tangkai hle tih an sawi a. Kuhva skop chu a hlawkin a hralhnaah harsatna an tawk lo mai ni lovin an indaihlo zawk niin an sawi. Kuhva chu pum 1 Rs. 1.50-a leiin thla 2 vel an chiah skop hnuah pumkhat Rs. 2.80-in an hralh chhawng leh a, skop siamna atang ringawt pawhin nuaih 35 an hmuchhuak tih an sawi. Society hruaitute chuan skop siamna hmunah hian tum khatah kuhva pum nuaih 21 a dah theih nia sawiin hei hi an indaih loh avangin tihlen ni thei se an duh hle niin an sawi bawk.

Bilkhawthlir Kuhva Society hruaitute chuan an kuhva skop chu a pum a lianin a tha hle niin an sawi a. “Kuhva lian leh tha chauh a skop atan hian kan hmang a, a tha lo ho chu hnamdang hnenah kan hralh leh a, kan hlawkpui hle,” tiin Zalen an hrilh.

Zawhna chhangin kuhva uih leh a skop tha mang lo a awm chhan chu hnamdang (vai) ten a rah thalo an hman thin avang leh tui thianghlim lo ah an chiah thin vang nia an hriat thu an sawi.

Source: Zalen

Aside | Posted on by | Tagged , | Leave a comment

Awmtea 7 October zan thusawi report. by Lana Ldo Street Dog

He flag leh milim hal tur hi…Lalpan a hriattir hnuin a hun thlen hma chu a sawichhuah loh thu sawi….Lalpan ti tura order a rawn pe ta a, a pek vekin Lalpa a hmanhmawh zia Sept chhunga tichhuak hman turin a hriattir te…hmanhmawh reng2 a an inbuatsaih te…an tlankual dan te…a tirtu hi Pathian aw ngei a ni em tia a fiah a, a kar dan te sawiin, Pathian aw ngei a nih a hriat chianna te Awmtea chuan a sawi..

Bualpui V a Lalpan lungphum a phawrh tir atanga he hun hi khawih tura thupek a dawn te..Bualpui v thalaite hi…zoram hmun tin ah harhna hmahruai hlang thalai awm chhun an ni hi…Pathianin a thlante an nih a chianna chu a ni…

Thalaiten krista aiawh a Ram leh hnam an chhan tur a lo hmuh tawh te…tin Aigupta ralhrat leh ralrelthiam te an pawimawh thalaite nen kan thawkho dawn a ni tih te a sawi..

Pathianin…Mizoramah a thuthlung ahun tur ang a hung fel tawh a, mizoram pawn Lalpan hnam te tan a khin tawh tur a hriattir a…tun a flag hal leh milim hal hi…mizo te lalpan a beilova…ram pawnlam a ni a khin ni a ti…

Jail chhung ah mihuaisen…tawlhlo tur…mi rum tak2 lo awm te pasaltha tur a zuk hmuh te…chung mite chuan…an thiltih hi an suport zia engkim a tul anga an inhuamzia an lo hrilh te a sawi bawk…chungmi te chu khawvel thila an rumna chu…krista tan mihuaisen tur an ni dawn a ti.

Sawrkar lamin, an thil tih hi a diklo, thilpawi tak a nih an hriattir te, Thil phalloh an ti a nih an hriat thu leh Pathianin a tirh miau avanga tawlhlohpuan bata ti an nih te a sawi..

“Kan thil tih hi ram dan ah hrem theih kan ni, sawrkar min man hi ..a dik a ni…Pathian in min tirhna kan chian avangin kan tih a ngai si a, kan rui silo…harhfim a ti kan ni si a…a hreawm ve khawp mai” a ti.

“Kan thil tih hi, jail a khung te, hreawm tam tak kan tuar te hi…kan tawhtur tih kan inhria a…min tirtu Krista hming avang zawkin tuar huamin kan ti a ni zawk e”

“Lalpan mitha leh mi inphal a lo ngah em2 a…mipui tawngtaina avang te, mittui tla te Lalpan kan bengah min ngaihthlak tir thin a…kan hrehawm laiin chu chuan min tihlim a…kan chak thar leh thin. Mipuite tanlakna avanga…Lalpan jail atanga min hruai chhuak chauh kan ni” a ti bawk..

‘Inpumkhatna a pawimawh zia leh kal hrang nuaih² hman kan ni tawh loh te, tan rual a hun zia’ a sawi uar hle a.

“Keini hi chu…
tirh mai kan ni a…
mipui hi in ropui ber, inhlu ber a, chawimawina tur in ni zawk” ati..

“Sawrkar hi dem tur a awmlo, a tih tur diktak tiin kan chungah rorelna an keng mai a ni zawk. Man ngei tlak sawrkar phalloh khawihtu. Hremzia reng kan ni kan thil tih man chauh hmu kan ni” tiin.

“Krista aia ding a Ram leh hnam chhan turin…chakna nilovin.. Thlarau zawk in kan ti tur a ni” a ti.

Aside | Posted on by | Tagged , , , | Leave a comment

RILRU-A ȚHANLEN KAN MAMAWH by M. Lalmanzuala

• MPSC member leh chairman inruat dan hi a tha tawk em.

Hmanni deuh tawha he thu ka post kha newspaper-a chhuah tha tite an awm avangin ka han ennawn a, ka han post leh a ni e.

Rilru-a țhanlen kan mamawh thu hi kan sawi zing ta malh malh hle a. Țhanlen lam chu kan pan chuang lêm hlei lo va, a mamawh ber ni-a kan ngaih, kan hruaitute țhan phei hi chu a kin tawh emaw ni tih theih a ni a. Mizoram Public Service Commission Chairman/Member kan ruat țhin dan hi chutiang lansarhna ber pakhat chu a ni.
Sawrkar hnathawkte hi a taka sawrkar hna kalpuitu an nih avangin an pawimawh em em a. Sawrkar hnathawk a hna thiam takin rinawm tak leh huai taka a hna a kalpui chuan sawrkar kalphung a fel țhin a. A corrupt erawh chuan thil a kal fel thei țhin lo thung a ni.

Inthlan kalphung neihna ramah chuan hruaitu ni-a kan aiawha kan thlan turte hian inthlan dawnin bial mipuite tana an tih tur an rawn auchhuahpui țhin a. Chu’ng zingah chuan mimal thila ințanpuina tur a tel ve ngei țhin a. Prime Minister/Chief Minister/Minister te chu tu pawh ni se, an bial chhunga mi, anmahni vote-tuten mimal thil an dilin thil ‘fair’ lo deuh pawh ni se, hnar harsa an ti țhin a. Chutianga tih chu a dik si lo va.

Chuvang chuan sawrkar hnathawk lakna lama politician-te an inrawlh ve loh nan Public Service Commission din a lo ni ta a. Sawrkar hnathawh tha taka a kal theih nan a thawktu tur lakna lamah a latu tur Chairman/Member-te chu mi thiam an nih bakah mi corrupt lo leh hleih nei lo ni tura ngaih an ni a. Chutiang mi ni lo Chairman/Member-a an awm chuan Constitution-ina Public Service Commission a din chhan chu awmze nei lova chantirna a ni ang.

Public Service Commission te hi Constitutional Body an nih avangin an pawimawh em em a, zahawmna an nei bawk a. Chu an pawimawhna kengkawh tur leh humhalh tur chuan Chairman/Member te chu an mihring mihrinna-ah pawh mi zahawm chin an nih a ngai a. Hetiang hna pawimawh tak chelh tura ruattu Sawrkar phei chu rilru puitling tak pu-a thiamna lamah te, rinawmna leh fairness kawngah te a nih dan tur taka hna thawk thei tur leh Public Service Commission zahawmna pawh humhalh thei tura thutlûkna siam thei tura ngaih a ni.
Mizoram Public Service Commission neih țan ațanga kan kalpui dan erawh chuan duhthu a sam lo hle a. Rilru-a țhanlen kan mamawhzia tilangtu tak a ni.

Ngunthluk taka kan ram mamawh ngaihtuahin MPSC-ah hian Chairman tiamin Member 3 awm tura tih a ni a. Chairman hmasa ber Pu S.R.Vala khan Pu M. Lalmanzualan Member ni-a a zawm ve hma khan thla thum dawnlai a malthlur hman a. Pu F. Lalremsiaman rei lo tê Member a nih ve zawk tih thu-ah lo chuan anni pahnih hian kum li chhung an thawk dun a ni.

Pu M. Lalmanzuala Chairman a’n nih pawh khan Pu H. Liansailova leh Dr Kenneth Chawngliana Member ni-a an rawn zawm hmain thla thum dawn lai a malthlur bawk a. A hun tawp dawn hnaihah Member 3 awmna Commission chu Member 4 awm theihna-a siamin Dr Lalruanga dah belh a ni a. Pu M. Lalmanzuala hun a tawpin a senior zawkte ngaihthahin a rawn zawm hlim hlawt zawk Dr Lalruanga chu Chairman-a dah a ni ta a. Dan dinglaiah Member senior apiang Chairman-a ruat tur tih a awm lo nain thiamna inang rau rauah chuan a senior zawkte ruat chu tihdan phung pangngaia ngaih a nih bakah vantlang ngaihah pawh a thangmawi a ni. A junior ber Chairman-a ruat a nih a, chutiang mi chu Sawrkara thuneitute nena inhnaih tak an nih phei chuan Public Service Commission kalphung tihhmingliauna tluka ngaih theih a ni.

Tun hma leh tun dinhmuna Member 1 chauh awm țhin te hi thil inhmeh lo tak a ni bawk. Member pakhat chauhina promotion/interview meeting an neih chuan a hnathawh takah sawisel tur awm lo mahse, mipui vantlang ngaih(public opinon)-ah a ‘fair’ lo a ni. Chairman/Member dah(belh) nak kum election boruak thlir paha tihkhawtlai a nih phei chuan a bawlhhlawh khawp ang.
Chairman ni țhin Pu Riachho hun a tawp khan Chairman thar dah nghal mai lovin Acting/Interim Chairman atan Pu Andrew Lalherliana an dah a. Chairman nghet tur atana an hual Pu P.C. Lawmkunga chu Manipur Sawrkara Chief Secretary a nih avangin a pension hun an nghâk tawp mai a. Kum chanve zet an nghah hnu-ah pension-a a lo chhuah khan an dah ta a ni.

MPSC Chairman hi kan sawi tak ang khian Constitutional Body Chairman a nih avangin sawrkar hnathawk, Chief Secretary te ai chuan pawimawh zawka ngaih a ni a. Hna pawimawh zawk thawk tura hna pawimawh lo zawk thawk lai pension lo nghah ngawt chu a dik chiah lo phawt a. Chuti chunga an nghah tâk tlat si kha chuan, Mizo zingah he hna chelh tur dang an awm miah lo a nih bawk si loh chuan, induhsakna uchuak a ni tih loh theih a ni lo va. Chu chu a dik chuan Public Service Commission awm chhan ber awmze nei lova siamna a nih avangin a pawi a ni.

Pu Lawmkunga Chairman-a an dah ni khan a chhuah hun tur pawh chiang taka hriat sâ a ni a. A chhuah ni-a Chairman thar an dah nghal lo hi administration thila tlin lohna lian tak a ni. An duhsak zawng zawn nan leh nghah nana hun an hmang leh te a nih phei chuan ‘good governance’ thila an puitlin lohzia tilangtu a ni ang.

Chairman chhuak turin press conference a neih țuma thu chuangtlai a sawi nual kha a mak viau bawk. Staff Nurse lak chungchanga MPSC recommendation sawrkarin an pawm loh chhan chu Chairman/Member-ten an recommend zingah an chhungkhat hnai an awm leh awm loh ‘declaration’ sign tur an sign loh vang niin a sawi a. Sawrkar guideline-in tih tur a tih an tih loh chuan sawrkar thiam loh ni lovin an thiam loh zawk niawm tak a ni a, sawrkar mawhpuhna chi a ni lo vang.

MPSC recommendation Sawrkarin a pawm loh chuan a chhan ziaka Assembly House-a pharh tur tih Sawrkarin a la pharh loh thu a sawi bawk a. MPSC thiltih pawimawh chin chu Annual Report-a tihlan a ni a, chu chu Assembly House-a pharh tur chu a ni a. Recommendation pawm loh pakhat Assembly-a pharh tur tih a awm kan hre lo.
Kan Sawrkarin MPSC a kalpui dan hi a tîr phat ațang khan a fuh lo nghal a. Constitution-in sawrkar hna lak tur zawng zawng chu, eng emaw rîau bîk thil(provided that…)-ah lo chuan Public Service Commission kutah a awm ang, a tih laiin a bul kan țan kha chuan Group A ‘direct recruitment’ chin chiah min pe a, chu chu sawrkar hna zawng zawng 5% vel a ni a, 95% vel chu an kutah an la dah ta a ni. Kerala Sawkarin Group A atanga IV Grade hna lak thleng an Public Service Commission kuta an dah nen chuan a inang lo hle. Literacy rate-a kan el ber leh khûm kan tum nen chuan kan “lehkhathiam” dan a inang lo niawm tak a ni!!

Kum thum hnu-a Group B hna lak MPSC kuta an dah hlim lawkah High Scool Teacher 78 lâk tur MPSC-in written exam a tihfel vek hnu, interview a ruahman țan tawhah, Ruling Party meeting liana, “High School zirtirtute hi khaw hrang hranga kan mi rinzawng leh kan țangkaipui theih kan remkhawm țhin an ni a. Pu SR Vala leh Pu Manzuala biak chu lungbang tawn ang a ni tih kan hria a. Kan mi duhzawng tu mah kan dah thei dawn lo chu kan ngaingam dawn em ni?” tih zawhna chang tak mai chuan nghawng a nei nghal a. Chumi ni tlai lam la la-ah chuan Group B hna lak theihna dan chu tidanglamin zirtirtu lakna tur paper zawng zawng chu MPSC ațangin an la a.

Sawrkar thil tihdan hi a dik loh em avanga an thu tidanglam leh tura MPSC-in a ngenna chuan rah țha a thlen tak lohah chuan, Chairman mangang leh thinrimin CM chu D/O letter a thawn a, a tlangkawm nana, “If you don’t change your decision, you will go down in Mizoram history as a perpetrator of abuse of power,” a tih pawh chuan danglamna a siam ta chuang lo a ni. Zirtirtu an lak fel meuh chuan hotu liante biala mi an tam uchuak avangin an phun ta nuaih nuaih mai a ni.

Hetiang deuh chiah hian kum 1998 khan HSSC zirtirtu lak hna chu MPSC an chhuhsak leh a. Hemi duh lohna thawm hi a ring hle a. College & High School Teachers’ Federation meeting phei chuan Sawrkarin he hna lak hi MPSC kutah pe let leh rawh se, tiin resolution an pass a. Chu chu mahni college leh school țheuha pass-zuia chak taka hma lazui turin an ti a. Mahse, Minister i/c thawh țhat azarah tu mahin an kalzuipui ta lo va. Tihțhaihna chi hrang hrang an ngaihngam loh vang a ni.

YMA President leh a thawhpuite ka hnena lo kal thil awmdan dik tak ka hrilhte chu Minister hnenah an kal nghal a. Ani’n țawngkam nêm diai maia, “MPSC hian hna a thawk țha em em a, sawiselna tur engmah kan nei lo. Mahse, an hah ema chhâwk zangkhai kan duh a ni mai e,” a lo tih chu ‘gospel truth’ anga ngaiin chu thu puangzartu-ah an țang ta daih thung a. Chumi tlai la la chuan AIR-in top news-ah a rawn puang ta bawk si a.

MZP-in chak taka hma la a, exam pe turte chu zing kar ațanga dang tura an inruahmanna pawh chu a tihnual hman deuh a. MZP hruaituten an hriat hmaa exam turte chu exam-na hmun tura an lo riah luh hman avang leh security khauh tak a awm avangin Sawrkar duh angin thil chu a kal ta a. Zirtirtu lakte pawh 100% a nih em loh pawhin Bhavan list deuh vek nia hriat an ni ta a ni.
Hei vang hian alawm Teachers’ Day te hi han hmang ve ngialin Education Commission te pawh han din ve rup țhin mah ila party line-a zirtirtu ber kan lak leh si chuan darbenthek ri ang lekfang a ni kan tih țhin hi. Kan rilru a la țhang lian thei tlat si lo va.
Hemi chungchangah hian Synod Social Front Secretary pawhin min rawn phone a. Thil chinchang hrechiang tura ka office-a lo kal a tum thu a sawi chu a tawpna a ni nghal ta bawk.

Tun kum 25 chhung vela kan Sawrkarin MPSC a kalpui dan hian Constitution beisena chu a pha lo hle a. Chairman/Member ruat chungchangah a tam zawk chu, ‘political, personal, regional consideration’-a tih ni-a ngaih theih a ni a. MPSC member atana ruat a nih chungchanga Rev Zosangliana Colney-an, Pathian rawngbawlna kalsan a MPSC member ni ta-ah inngai lo va, “Synod hotute remtihpuina-a thawk tur ka nih vangin rawngbawlna hmun ka sawn ni maiah ka ngai,” a tih miau vang hian leh “Rev” title chu a la humhim zel avangin “religious consideration”-a ruat a ni pawh kan ti thei ang chu.

Public Service Commission chungchang Constituent Assembly-a an ngaihtuah lai khan Member țhenkhat chuan ram changkanga an tih anga Public Service Recommendation pawm ngei ngei tur(mandatory) ti-a an rawtna chu, “Democracy ber pawh a bul kan țan dawn chauh a ni a. Sawrkar tluk thawthanga thuneitu sang(parallel govt) kan din nghal mai chuan kan zo lovang. Kum 20/30 hnu-ah kan lo puitling ve deuh tawh turah ngai ila, i khêk rih ang u, an recommendation chu ‘advisory’”-ah i ngai rih ang u, an ti a. Tuna kan dinhmun en hi chuan kum 70 dawn hnu-ah pawh puitlin chu sawi loh, a hnungtawlh zawngin kan kal a ni zawk a, a beidawn thlak khawp mai.

Public Service Commission bâkah Constitutional Body dang Chairman/Member ruat thu-ah te pawh kan Sawrkar tan fimkhur a țulzia kan hmu chho mêk a. Belh chian dawla thil tih hi zir ve lul tawh teh se.
Thu dang deuh han sawikai hram ila. Kan CM te, kan MP pahnih te, BJP te, Zirlai hruatuten theihtawp an chhuah chung pawha MZU Vice Chancellor kan nei thei chuang rih lo hi chu ngaih pawimawh tlâk leh ngaih pawimawh tham kan nih lohzia lanchianna a ni leh deuh ngawt mai a, Hûhang nei lo(weightless) State/hnam kan nihzia lanchianna a ni bawk a, a zahthlak lam deuh chu a ni e.

Hetiang kan nih avanga Governor leh nihna pawimawh dang kan aia hnam tenau tê tête pawhina an neih fir fer tawh a la nei thei ve miah loh kan nih thu te pawh sawikai zel ila. A tu a te mahin tihdan kawng țha zawn tum chu sawi loh, zah nachang tak ngial pawh kan la hre chuang lo hi chu a manganthlak a ni e.

Kan sawi tawh ang khian rilru-a țhanlen hi kan mamawh tlang hle zawng a ni e.

Aside | Posted on by | Tagged , , | Leave a comment

SEXUAL DEMONS chungchang by Chester Ralte

Mizo te hi Supernatural leh Paranormal lamah hian kan la sâng lo in, kan khawhawi ala zîm hle a, ‘ Pathian leh Setana’ tih hun ah hian kan tang nghet bur a, engkim kan kristianna thu leh hla lo chu Setana thil tiin, kan hlau zawk nge kan serh hrang leh lutuk zawk, khawinge tunlai khawvel thalai ten a an buaipui leh talchhuah theih tawh loh an tih hial hi in bihchiang ve reng reng teh ang..

A tawi thei ang berin sawi han tum ila, Demons- ah hian mihring nen a sex hmang thin an awm a, Underworld (netherworld) Demons- annih na angin Fallen Angels (van atanga Lucifer- aruala an rawn paihthlak angel) thenkhat anni bawk.

Heng ho hi Sexual Demons- te chu anni. Ritual (inthawina) puitling neih a kohchhuah theih an ni a, Demons nen a relationship (inzawmna) ni tho mahse, Sakhua (church of setan) ang erawh ani lova, Heng Setanism pawl (setanism religion) hrang hrang, Luciferianism, Theistic Setanist, Atheistic Setanist, Beast of Satan leh Setanist pawlh hrang hrang te nen hi chuan inzawmna anei chuang lo..

He sexual demons ah hian Inccubus leh Succubus an awm a, an hotu leh kaihruaitu chu Lillith-i ani, Lillith-i hi Fallen Angel nula, hmeltha leh zûn ngah em em mai ani a, Bible ah chuan Genesis bung 1:27,28 leh Isaia bung 34:14 hi Lillith-i sawina ani e anti. A hming awmzia hi Hebrew chuan Liyil ani a, Arabic chuan Night (zan) tihna ani bawk, NKJV leh NRSV ah leh Hebrew lehkhabu Talmudic leh Yiddish ah chuan Lillith tih in a awm bawk, heng bak ah hian Kabbalah leh mesopotamian mythology- ah chiang takin a inziak bawk. Tin, Summoner ho hian Setanic Ritual hmangin an ko chhuak bawk thin.

Demons- ah hian mipa leh hmeichhia an awm a, Succubus hi Female Demons- ani a, Succubus hi an hming ani, Female Sexual Demons- tamtak in telkhawm hming ani a, mipa tan chuan nula hmeltha leh duhthusam an ni.

Tin Inccubus hi Male Demons- anni a, hmeichhia te duhthusam ramhuai tlangval hmeltha tak an ni. A thenah chuan mumang tih dawna ni chiah silo, atak tih dawn a ni chiah silo hian mihring an awm tir a, mangpui nei ang a awm in sex an hmanpui thin. Ațhen ah chuan ahring ahrana an inlarna te pawh a awm a, kan mi duhzawng kan mitthla ang pawn a in lar tir theih bawk. Zan lamah an inlar tlangpui a, an in lar hun chat chat ah zan dang ah pawh an inlar chhunzawm thin.

A tir ah chuan nuam viau in lang thin mahse, a rapthlak a, a hlauhawm bawk ani, heng Demons nena inzawmna neih chuan kan mihring puite nen a sex hman chakna te a reh a, tin, ei leh in an ngaihsak lovin, an nun a ngui ru tlat a, rei lo te ah an thihpui mai thin.

Heng Demons nena inzawmna atang hian talchhuah dan a vang em em a, Archangel pakhat hnena Ritual(inthawina) puitling neih a hnawhbo theih a ni, mahse hei pawh hi hun leh darkar, timing in mil chiah a neih a ngai a, tih sual chuan Atna leh thihna thlen tu mai ani..

He’ng Sexual Demons- nena Relationship neih hi a hlauhawm in, tihloh tawp tur ani a, tunlai thalaite tichhe tu hlauhawm berte zinga mi ani. Mizo te hi thil inti hre si, hrechiang tak tak mang silo leh thil thar engemaw tih chhin chak tlat mi kan ni, chuvangin engthil pawh kan ti dawn anih chuan a awmzia hriatchian i tum hmasa zel ang u.

He thu hi inhruai sualna leh kalsualna atan ani lova, sawisel leh hnawl tawp lova i Knowledge tihzauh na’n i lo hmang anih chuan, chu chu a ziaktu in a duh ber chu a ni.

Aside | Posted on by | Tagged , , , | 1 Comment

C.D. Vanlalfamkima (Dulte khua) a ramhuai hmuh thu.

• Dulte khuaa ramhuai hmuh chu.
• Ramhuaiin mi nunna an la thei em ni?

He ka ramhuai hmuh hi a tak tak a ni a, hemi vang hian ka piansual phah nghe nghe a ni.

Kum 1951 vel kum 5 mi vel ka ni tawh a,,, khawlai ah pawh duh duhin ka leng ve thei tawh a. Kan khua dulte veng chhak, Kawnzawla kan awm lai ani a. Kan veng chu a hrâng ang reng khawp a, zantin hi thawm kan hre thin.

Tlai khat chu, Pi Zachhingi tui chawi turin, Pa pakhat Palian pui, mikhual hi a tawk a, khawi a awm nge inih a, Khawnge i kal dawn?? A ti a…. Ani chuan, “Helai ah hian naupang damlo kan ka tum a, ka awmna chu khinglai Bevuak tlang pang vela awm khi ka ni a,” a ti a, an inkalsan mai a.. Chutih lai tak chuan kei ka pum alo na a, chhuatah ka tal ka tal a,zanah kan han mu chule, zanlai velah chuan ka lu ah min rawn khawih harh ta a. Ka te thawt a, Ka Nu leh Pa chu an harh nghal vat a,
Engti zia nge Mambawih?? Min ti a. Kei chuan ka Nu, ka Pa ka hlau emai! ka ti a. Enge ni i hlauh min ti a?? Kei chuan khum mawnglam ka kawk a. Chutih lai tak chuan ka Pa in mei a chhem eng hluah a, (heng hunlai chuan khawnvar te kan la nei silo va, chubakah keini chu kan la rethei em em a) Ramhuai ka hmu, kan khum mawnga hi a thu run mai ka ti a. An hmu ve thei silova, ka kutin ka hmai ka hup a, ka nu in puan kawp chhah tawk thlepin ka hmai a rawn hup ve leh a, chuti chung pawhin kung zung karah ka la hmu ta thova, ka Nu chu a tawngtai nasa hle.

Ramhuai awmdan chu Palian pui, khuma a thu chu liang a tawng a, puandum hi a âr chempai a, mi boxing tumin mi tin zuau zuau mai a. Chutih lai tak chuan Kawlkulh a ka Pa Lianthiauva silai kan kawl lai a ni a, “Ka Pa, Phuai e Phung ti rawh”?? Ka ti thin a, silai chu an la ve bawk thin a, mahse a hmu ve silova, kah ngaihna a hre silo.
Khawvar dawnin min tin san a.

Chutiang chuan zan thum min bei thin a. A zan thumna ah chuan, ka pa in khawi nge, ti reng reng mai tiin, Pi/Puten pawnchhe muhin len vel ila a zia awm ngai e an tih kha maw, tiin pawnchhia chu lian tawkin a mut a, a rin len vel a, a chhuak ta a. Kei naupang la tawng fiah lo ta chuan, a pa in a dep hlawk hlawk a, seh hlawk a ti a. Kan in a chhuah hnu in kan kawmchhak ah Sisu kung 2 a awm a, a zung hlir rapin leh a zung zawnah hlir a rap a, kan kawmchhakte naute, Upa Neihmuka te fa chu a la a, daipawn lamah a liampui a, ka hmu zel a. Ramhnuai an thlenin ka hmu ta lo chauh a ni. Tichuan Upa Neihmuka te fa chu a thi ta a ni.

Tin, hetih lai hian kan veng ar chu zan thum an khuanglo reng reng a, kan Arpa phei chu a chhuang a duk vek a, a thi tawp mai bawk a. Tichuan heta tang hian khawsikpuiin ka na ta char char a, ka thi mai dawn emaw min ti hial a. Mahse Pathian Khawngaihna zarah ka damchhuak leh hram a, ka piansual phah ta thung a, ka beng a chhet phah a ni, tun thlengin.

Tin, ka nu in a hmain a mumang ah a lo hmu lawk bawk a, a hmuh dan chuan “mi pakhat Pa Lianpui kan bangah a lo bet thlawp mai a. Ka lo hlau em em a, ka harh hlawl mai” a ti bawk a a ni.
—————————–
• Heta ramhuai hmuh hi hun kal tawh ami a ni a. A hmutu pawh hi a boral tawh niin an sawi. Hmanlai deuh kha chuan ramhuaite hian a rapthlak zawnga inlar leh mihring tihbuai hi an ching hle a. Thangthar zelah an sim tawh a, mizote hi sum leh pai, ruihhlo leh sex, nun thlahdah hmanga mi tihchhiat an tum ta thung a ni.

Aside | Posted on by | Tagged , , | Leave a comment

Dr. Lalsawivela rawngbawlnaah Pathian hnathawh a thleng nasa tulh tulh

Evan Dr Lalsawivela’n UPC Biak In, Bawngkawn-a rawngbawlna a neihah chuan damna mak taka chang an pung nasa tulh tulh.

Niminah khan naupang kum 8 mi thisen cancer avanga hmundanga beidawng tawh, Kevin Lalrintluanga, Ramhlun North chu an rawn pawm lut a, a mutna tura siam sakah mut a ni chungin a nat tawh em avangin sermon lai leh a hnuah pawh a tap char char a, a ke nate chu khawih sak ngam loh khawpin na a ti tawh a.
Evan Dr Lalsawivelan a khawih veleh he naupang tap hi a bang nghal hmiah a. Reiloteah amahin a kal nghal a, “Pathianin min tidam” a rawn ti chhuak reuh a, damlo pantu dang pawh an mittui a lo tla ve phung mai a ni.

Nimin vekah khan Lunglei Dist Chithar khuaa nu pakhat, fa 3 nei tawh, thin cancer vanga zangthal zawnga thla hnih chhung mu thei tawh lo, a zawna an zawn luh bawk pawh Lalpan a tidam a, amahin zang vahin damlo room a chhuahsan a, damna thu, tap zawih zawihin a puang a ni.

Evan Dr Lalsawivela rawngbawlnaah hian Pathian thiltihmak a thleng nasa hle a. A room chhung an luh chiah a dam nghal te an awm a. Bengngawng, a khuma an thut ruala beng var nghal nia insawi ringawt pawh mi 10 chuang an awm tawh.

Record atanga a lan danin, a sermon atanga an natna dam nghal nia insawi pawh mi 30 chuang an awm tawh a. Phai lam Doctor a beidawng tawh cancer leh natna dang dam ta nia insawi pawh an awm nual tawh.

Tun thleng hian chawplehchilha dam nghal nia insawi hi 80% chuang an la ni a. An dam nghal leh nghal loh hriat loh nausen leh fa nei theilo an tam em avangin dam percentage hi a sang thei lo zawk a ni.

Evan Dr Lalsawivelan ralkhat atanga mobile phone kaltlanga a tawngtai avanga dam nghal nia insawi leh damlo, a mut dawna a tawngtai sak avanga dam nia insawi pawh an thahnem tawh hle. A mut dawn hian damlo mi 20 chuang tawngtai sak tur list a nei zan tin thin. Zan tin dar 11 velah damlo a khawih zo thin a. Tunah hian ni 5/6 kal zawn te a khawih thei tan a ni.

Aside | Posted on by | Tagged , , | Leave a comment

MPSC CHAIRMAN ATAN REV. ZOSANGLIANA COLNEY RUAT

Department of Personnel & Administrative Reforms (General Service Wing) thuchhuah, dt.29.9.2017 chuan Mizoram Public Service Commission (MPSC) Member Rev. Zosangliana Colney chu MPSC Chairman mawhphurhna chelh turin October ni 2, 2017 atang khan ruat a ni tih a tarlang.

Mizoram Presbyterian Kohhrana minister thawk lai, Rev. Zosangliana Colney hi Mizoram sorkar chuan kum 2015 khan MPSC member turin a sawm a. Sawmna hi Rev. Zosangliana Colney pawhin pawmin, Synod-ah voluntary retirement a dil a, Synod Officers’ Meeting (OM)-in a phalsak tawh bawk.

Rev Zosangliana chuan Sorkar atanga sawmna a dawn hnuah Synod Officers Meeting-ah a thlen tih sawiin, Synod-a thawk chungin MPSC member nih a rem loh avangin, Synod hruaitute thurawn angin chawlh a dil a; April 1, 2015 atangin voluntary retirement-in a chhuak ta a ni.

Rev. Zosangliana Colney hian Synod Multipurpose Training Centre-ah programme director hna a chelh a, Synod executive secretary term hnih lo chelh tawh a ni. Thiamna lamah M.A (political science) leh master of theology a ni a; MPSC member-ah hian kum li chuang a awm thei dawn ni a sawi a ni.

MPSC member atana ruat a nih chungchangah hian hian Rev Zosangliana Colney chuan, Pathian rawngbawlna kalsan a MPSC member ni ta ah a in ngailo tih sawiin, “Synod hotute remtihpuina a thawk tur ka nih vangin rawngbawlna hmun ka sawn ni mai ah ka ngai,” a ti a, damchhung atana puithiam atana nemngheh a nih tawh avangin ‘Reverened’ tih pawh synod in nemngheh a nihna an sut leh a nih loh chuan a hmingbul ah dah chhunzawm zel a tum niin a sawi bawk.

March ni 31, 2015-a sorkar thuchhuah (notification)-a a lan danin, Rev. Zosangliana Colney hian hlawh thla khatah Rs.75, 000/- a la ang a, allownces hrang hrang a la thei bawk ang.

BIO DATA OF REV ZOSANGLIANA COLNEY

1 Name Zosangliana Colney
2 Fathers’s Name R. Lungruala
3 Date of Birth November 10, 1957
4 Present Address SMTC, Mission Vengthlang, PIN-796005
5 Edn Qualification M.A, (NEHU), BD (UTC), M. Theology (Hong Kong)
6 Name of spouse Lalrinpuii
7 Names of children Zorinkimi (25), Zorintluangi (22), Zorinmawia Colney (18)

MINISTERIAL EXPERIENCE:

A Lecturer, Aizawl,Theological College (1988)
B Pro Pastor, Lawngtlai Pastorate (1989-1991)
C Pastor, Zawlnuam Pastorate (1992 till June)
D College Chaplain, Union Christian College (1992-93)
E Pastor, Lunglei Chanmari Pastorate (1995-1997)
F Administrative Secretary, Barak Area Presbyterian Church (1998-2000)
G Secretary, Synod Mission Board (2001-2006)
H Executive Secretary, Mizoram Synod (2007-2009)
I Executive Secretary & Finance Officer, Mizoram Synod (2010-2012)
J Prog Director, SMTC (2013-March 2015)
K Secretary, Chhim Prebytery (1990-91)
L Moderator, Chhim Presbytery (1997)
M Moderator, Barak Presbytery (2000)
N Vice Chairman, Interserve (India) (2004-2005)
O Vice Chirman, India Mission Association (2006-2008)
P Council Member, CMC&H, Vellore (2007-2012)
Q Council Member, UBS Pune (2006-2009)
R Member, Ecumenical Church Relations, Senate of Serampore College
S Secretary, Assembly of the Presbyterian Church of India, (2012-2014)
T Vice President, North East India Christian Council (NEICC (2012-2014)
U President, NEICC (2014-2016)

COUNTRIES VISITED

1 USA
2 England
3 Wales
4 Australia
5 Jamaica
6 South Africa
7 Qatar
8 Jordan
9 China
10 Singapore
11 Hong Kong
12 Thailand
13 Macau
14 Indonesia
15 Malaysia
16 Nepal
17 Myanmar
18 Cambodia

Aside | Posted on by | Tagged , | Leave a comment

INDIA FLAG LEH HNAMDANG PATHIAN LIM HAL TU LALRINAWMA ROPUI TAKA HMUAH A NI

India hnam puanzar leh hnamdang Pathian lim hal tute zing ami Lalrinawma(Awmtea) chu Vawiin tlai hian an khua Samlukhai ah an haw a. Sawiseltu leh hawtu tam tak karah an lo hmuak hluai.
Hlado nen, Khuallam nen lo hmuakin, an kalna turah Hnam puan lo phah bawk in ropui taka lo hmuah ani.

Aside | Posted on by | Tagged , , | Leave a comment