MIZO INNEIH MAN LEH MUAL A ‘ṬHUTPHAH’ PAWIMAWHNA by Vena Tlau

Mizo innei man leh muala ka pu thu min hrilh hi ṭhangthar lehzelte tan pawh a pawimawhin ka hria a, hmun hran tlâng hran hranah a dik ber vek kher ang ka tihna ni lovin, a tlângpui chu a dik khat viau in ka ring.

Inneihna a Hmeichhe man hi Rs 420/- a ni a. (Hei hian Bungrua anga man neihna lam a kawk lova, chhûngkaw 2 te inchhûngkhatna thuthlung nemnghehna a entir a ni. Tunlaiin hmeichhe man sân rawt ching an awm. Mihring hi Bungraw hralh a hralh chi anni lo. Hlutna chhut chhuah theih loh khawpa hlu an ni. Inhralh satliah chi a ni lo.)

Ṭhutphah hei hi, tunlai tihdanah chuan ‘Rs20/- hi ṭhutphah atan kan kir leh e’ tiin man dawngtu ten palaite an kir ṭhin. Ṭhutphah hlutna leh an kir chhan hre lo hi a tam zawk kan nih ka ring. Kan Mizo Pi leh pute kha mifing, thuhnudâwn zet mai an lo ni a, an ngaihtuahna thui zia hi ka ngaihtuah fo ṭhin.

Ṭhutphah hian a tum diktak chu, Mi kan in ang lova, misual tak tak nupuite kutthlak ching te awm ṭhin a ni a. Nupuite, ‘Ka tâ a nia, a man ka pe a lawm’ ti a, sawisak leh sal chhawr a chhawr ching te awm theih a ni. ‘Ka nupui a nia, ka thu thu’ ti a ti rethei te an awm thei tih hria in hetiang laka inven nan hian mizo upa te chuan Ṭhutphah hi an lo pekir ṭhin a lo ni.

Mi in a chunga kan sawi ang khian a nupui lo ti rethei viau sela, ‘Ka nupui a nia, ka thu thu, in lo sawive tur a awm lo tiin Court-ah te hial ṭan lo khawh ta se, hmeichhe chhungten, ‘Ekhai! mai mai a! Aman i la tlâk hleinem. Ṭhutphah kan kir che a lawm, chuvangin kan nau hi, a thlavang kan hauh thei a, kan tâ a la ni ve e, tin ṭhutphah kan kir thlap che a lawm. Chuvangin hetianga i tih mai mai hi kan remti love.’ An la tih theih nan Ṭhutphah hi kir ṭhin a ni.

Ṭhutphah hi Rs 20/- kher tur tihna a ni lova, 400 bâka a chuang hi tunlaiah chuan a rem em a, an kir mai ṭhin a ni awm e.

Tin, man leh mual thu a Mizo dân lo ropui zia hi zirfe tham a awm. Mizo te tluka hmeichhe dinhmun dahpawimawh a, an derdepna leh chak lo zawk anni tih hria a, zahthiam hnam hi antam lo khawp ang. Hetia Ṭhutphah kirleh hi engtia tihzel tur nge tih laite hi a pawimawh a sin. Ṭhutphah hi neih hlen veng veng emaw, lo ngaihthah ngawt chi a ni lo. Nupa chu man leh mual inhlan felin fanau te an han nei a, fanu 2/3 te neiin a fanu te zawng zawngin pasal an neih zawh vek hnuah, Khai le! Ka nupui man bâ ka tlâk thei ta tiin, a puzawnte hnenah Ṭhutphah hi a kirleh ṭhin tur a ni. Fanu nei lovin man an tlâk thei ngai lo.

Mizo Inneih man leh muala, Ṭhutphah pawimawh zia hi hre lo hian kan lo inkir kual satliah mai mai ang tih a hlauhawm a, zirchiangin a hlutna te hria in, hmangtangkai thar leh a ṭha ngawt mai. Nupui te man bâ ral ta mai2 kan tam awm a sin mawle😚😊😊

Advertisements
Aside | Posted on by | Tagged , , | Leave a comment

Donald Trump : US Politics lamtluang by Ricky L. Colney

Khawvel Ram ropui ber an nih bakah an in relbawl na leh an hawi lam hian khawvel khawi hmun pawh min effect tel zel mai si a, chuvangin kan ram nilo mahse an chanchin, thukal lam leh haw lam hriat ve zel hi engemaw chen ah kan tan tangkai na a awm ve thin ani.

State of the Union address ah US President Donald Trump an thu a sawi a, chuta a thusawi te chu kimchang takin mizo tawnga Post a awm tawh avangin a thusawi te sawi that leh a ngai tawh lo turah ngai ila, mahse State of the Union a a thusawi laia thil thleng leh a nghawng te, tin eng boruak in nge an Politics chu chamchilh mek tih lam i han sawi leh dawn teh ang.

State of the Union a Donald Trump a thusawi kha khawvel mipui in nasa takin an urlawk a, beisei ang ngeiin boruak pawh a lian a, khata a thusawi atang khan Donald Trump a duhtu an pung hle a, Democrats tam zawk te chuan an huat ngaiin an la haw reng thung ani..Khatia thu a sawi lai kha TV a Live a pekchhuah reng ani a, US hmasawnna thu a sawi lai te chuan Kut beng leh thawm a tha thei hle a, mahse maktak maiin Democrats lam te chu an hmel ah hlimna a awmlo mai pawh nilovin President zahna an lantir ve duh lo a, Mobile te an khawih san a, thenkhat chuan Mobile Games Candy Crush an lo khel bawk a, Democrats congressman Luis Gutierrez a phei chu President Trump a lawmna ri ring lutuk leh “USA USA” ti a an au rual thup thup chu a ning lutuk insum theilo pawn lamah a tlan chhuak hial a ni.

Democrat hotute hmel.


Game khel, Twitter khawih.

Hetiang a Democrats Congressman te khawsak zia hi sawi zui a hlawh hle a,TV ah live a pek vek anih avangin american tamtak chuan tweeter leh social media hmangin an thinrimna an au chhuah pui a, Mi hang ho Unemployment hniam thu leh an dinhmun thatchhoh dan President in a sawi lai pawh a Congressional Black Caucus member te takngial pawh an thut hmun a tum hmun chunga an thu ngawi reng kha dem a hlawh a, heng mi te hian Mi hang te chanvo that leh that loh an ngai pawimawh taktak lova, an mahni Politic leh in haivur na bakah Trump a huat em em ringawt chu an thupui ber ani an ti. A lan dan ah chuan Democrats ho kha inlung rual takin Donald Trump a hma ah an NUAR ani ber mai..mahse an khawsak zia mawilo tak chu an mahni zing a mi ngei pawhin an sawisel a, Democratic Sen. Joe Manchin a chuan an awmdan chu mawilo a tih thu a sawichhuak a, Donald Trump a thusawi chu ani hian a fak hle a, a member pui ten awmdan mawilo taka an lantir kha a sawisel a ni.

FOX News in an kawm na ah Senator Manchin a chuan “West Virginia a sei lian ka ni a, kan in enkawl na ah chuan mi te an thatna ah zah turin kan in zirtir a, awmdan mawi hi a la awm a, hemi hmun ah pawh hian awmdan mawi hi a awm tur a ni a, Nizan thil thleng khachu a zahawmloh takzet a, inzahlohna thalo tak lantir na a ni” a ti. West Virginia ah hian an Governor(Democrats) pawh hman deuh lawk khan Democrats party a chhuahsan a, Republican ah a in let a ni.

State of the Union speech chu MEDIA hrang hrangin US mipuiin tha an ti em tih hriat na turin POLL anlo buatsaih ve bawk a, chutiang Poll ah chuan US President thusawi chu tha ti em em leh US mi te insuihkhawm tir duhna ani ti 75% chunglam an ni a, State of the Union lo thlir tu American zawng zawng 10 zel a 8 techuan President thusawi chu tha an ti a, mi leh sa insuihkhawm tir duhna speech a ni an ti.

Trump a thusawi duhlo lam hi 20% vel chiah an ni. Poll atang pawh chuan Trump a thusawi thlawp tu an tamzia a hmuhin Piers Morgan a chuan tihian a sawi a, Poll te hian dawt an sawilo a ni, American mipui te hian tunah chuan TRUMP a huat na a khat Celebrities te chu an hnuchhawn mek a, President Trump a American Dream ah rinna an nghat tawh a ni..chu tak chu Democrats ho tan chuan Mangchhia a ni bawk.” a ti. Tin Donald Trump a haw em em thin tu American political consultant, pollster,public opinion guru ni bawk Frank Luntz a chuan Tweet hmangin Donald Trump a hnen ah ngaihdam a dil a, “Zanin hian Donald Trump a hnen ah ngaihdam dil ka ba a ni, Zanin hian min hnehin min inspire em em a, zanin hian beiseina leh rinna chu America ah hian ka nei thar leh ta..” tiin a lo tweet ve bawk. Speaker hlui Newt Gingrich a chuan ” He Speech ah hian President Trump a chu TRUMP atangin FIGHTER ah a in siamchhuak a, Fighter atang chuan Winner ah a in siam leh a ni” a ti.

Bishop Leon Benjamin a chuan “He President hi chuan rinhlelh rual lovin Pathian tel lo chuan Ram hi engmah a nilo tih a hrechiang a ni” a ti bawk.

Democrats hovin an sawisel ber tak ni a lang chu State of the Union thusawi ah Trump a chuan USA tih a sawi ri ngun lutuk(vawi 80 a sawi ri)te, Pathian hming a lam ri te, America economy thang chho chu amah inchawimawi nan a hmang te..etc etc a ni.

State of the Union address kha entu an tam hle mai a, 47.7 million chuangin kha thusawi kha an thlir a, chu chu Donald Trump a beihna award show emaw tih mai tur Grammy Award show an neih zawh chiah ai khan a let in a tam a ni. Grammy kha 19.81 million chuangin an thlir ve bawk.

Donald Trump a pawh a lawm ve hle a,Tweet hmangin a thusawi thlir tu an tam chu lawmthu a sawi a, “The Highest number in History @FoxNews beat every other Network ” tih chu a tweet ah hian a tel a. Chu chu Liberal MEDIA hovin rawn la lian leh in TRUMP a beih nan an hmang leh ta a. Donald Trump a chuan a thusawi entu chu tamber record siam angin DAWT a sawi ani an ti a, ..State of the Union speech hi Obama leh Bill Clinton leh George W Bush a te khan Donald Trump a thusawi aiin en tu an ngah zawk vek a. Chu chu Media te chuan an rawn sawichhuak leh a, Trump a chu dawt hmanga insawi ropui ah an chhuah a, mahse White house lam pawh an rawn insawi fiah ve a, “Donald Trump a khan thlir tu hrim hrim a sawilo a, CABLE TV ah History a siam na kha ani a rawn sawi chu an ti a. FOX TV ah khan State of the Union lo thlir tu kha kum dang zawng zawng aia tam HISTORY siam in rating a sang a, Cable dang pakhat mahin FOX kha an tluk lo a, chuvangin FOX tih pawh kha tweet ah a mention kher a ni an ti a. Engpawh chu nise State of the Union ah thlir tu tam ber nilo mahse State of the union thusawi miten an Tweet tam ber record erawh a break a, Trump a thusawi kha 4.5 million in an tweets a, chu chuan record a break a ni.

Porn Star Stormy Daniels i leh Donald Trump a te chu tunhma 2006 khan an lo Mudun tawh/in ngaizawng thin tiin Media hovin nasa takin Trump a an bei a nih kha..khami thu ah khan Amah Stormy Daneils i ber a tawng that duh loh avang leh Trump a nen an mut dun thu engmah a sawi vel duh loh avang chuan Media te chuan Donald Trump a Ukil in pawisa in a lo thlem lungawi a,engmah sawi chhuak lo turin a lo ti vek a ni an ti leh a, tichuan thu a kal zel a, amah Stormy Daniels i ngei chuan Tuesday khan Statement a rawn chhuah ta a, chutah chuan an puhna zawng zawng chu a pha vek a,” hetiang an sawi ang hi pakhat te mah a diklo a, a thleng bawk hek lo a ti a. Pawisa pek avanga he thil pha hi ka ni lo” a ti bawk..

FISA MEMO chu kan sawilang ngun ta malh malh khawp mai a, Department of Justice leh FBI in Donald Trump a an lo phiarruk dan lanna memo a ni a, hemi avang hian FBI Deputy Director chu a bang/ a chawl tawh a..he MEMO hi MEDIA te chuan an puangzar duhlo hle mai a, Democrats leh FBI techuan tlangzarh a nih loh nan theihtawp an chhuah bawk a. FBI chuan MEMO a lang hming te chu thup turin President chu an duh a, tin hetiang MEMO puanzar a nih chuan an thil chhui lai a ti buai thei a ni an ti a. Mahse Donald Trump a chuan a tlangzarh dawn tho tho tih a sawi chiang tawh a, Friday ah hian a hming a sign hnan ang a, Congress ah tlangzarh turin a thawn ang a ti a, enge thu kal hnuhnung ber he chanchin kan ziah lai hian ka la hre bik lo a ni.

Awle, in thlen veleh post hi ka ziak a, ka edit hman lo a, ziah sual leh thu rem diklo a awm chuan min lo hrethiam mai dawn nia. Chhiar tui u.

Aside | Posted on by | Tagged , , | Leave a comment

US PRESIDENT DONALD J.TRUMP THUSAWI-Part 4

[President Donald Trump a thusawi chu CBS News Poll chuan entu/ thlirtu 75% laiin an pawm laiin, pawmlotu 25% an ni, a ti. A tla tha thawkhat viau a ni. Republican-42%, Independents-33%, Democrats-25%. Part-4 chhiar chhunzawm ang aw…]

“Otto Warmbier chu University of Virginia ah kalin, zirlai lehkha zir taima tak a ni. Asia rama a zirna a chhunzawmna lamah Otto chuan North Korea a zin pawl a zawm ve a. He tlangval fel tak mai hi sorkar laka thiltisual (crime) tia puhin man a ni. A chungchang rorelsakna zah pui awm tak an neih hnuah, kum 15 chhung tang turin leh hna hahthlak tak thawk turin an ti bawk a. Nikum June thlaa America a lo kir leh hmain hliam nasa tak (horribly injured) neiin, thih phahna khawp hial a ni. A lo thlen hnu lawkah a hliam chu tuar lovin, a boral zui ta nghe nghe a ni.

Zaninah hian Otto-a nu leh pa Fredy leh Cindy Warmbier te chu kan zingah an lo tel a, a unaupa leh a farnu Austin leh Greta pawh an lo tel bawk. Chutianga kan khawvel tih mangan duhtu a nihzia hriatpuina chuan leh, inchakna leh intuarna chuan kan zavaiin min chawk tho vek a ni. Zaninah hian, America-in a chinfelna chu Otto hriatrengna nen a awm ang tih ka tiam che u a ni.

A tawp berah chuan, chutianga sorkar nunrawng a nihzia hrechiangtu mi pakhat kan zingah a lo awm a. A hming chu Pu Ji Seong-ho a ni.

Seong-ho chu 1996-ah North Korea ah riltamin a awm a. Ni khat chu, Rel kawnga Car hmanga lungalhthei phur chu ruk tumin a kal a, chutah chuan chaw thing tlemte a lo awm a ni. Rel kawng a kal pelh hnu chuan riltamin a lo chau (exhausted). A han harh leh meuh chuan Rel chuan a taksa thenkhat a lo chil bung a, Na chhhawkna tel lovin kut leh ke lem (amputation) a vuah a. A unaupa leh farnu te chuan an ei ai te pe in, chaw tlem te te an pe a, a lo chak thar thuai an duh a ni. Chumi hnu reiloteah chuan, China atanga an ram a kir leh chu manin sawisak zui a ni ta. Amah sawisatute chuan “Kristian tute nge a hmuh” tihte an zawt nasa hle a ni.

Seong chuan China atangin mel sang tam tak South East Asia ram thenkhat chu zalenna zawngin a lo kal a. A chhungten an zui deuh vek a ni. A pa erawh chu tlanchhuah a tum ve laiin an man palh ta hlauh mai a, a thih thlenga sawisak a ni.

Vawiinah chuan Seoul khawpuiah chengin, North Korea atanga midang lo tlan chhuak ve (defectors) te chu tanpuiin, a chhanchhuak thin a ni. North Korea sorkar chuan chutiang thudik chu midangin an hriat a hlau hle a ni.

Vawiinah chuan Seong-ho chuan ke thar a nei ta. I tumna leh i lo kal hlat turzia te ka ngaihtuah a. I inpekna ropui tak chuan min khawih (inspire) tak meuh a ni.

Seong-ho chanchin chuan mihring mimal tin te thlarauvin zalenna neia nun hman kan thlakhlelhzia min hrilhin, min zirtir a ni.

Chutiang chuan, zalenna duhin kum 250 kalta khan hmun bik neih duhna a lo piang a, chu chu AMERICA tia koh tak ram hi a ni.

Colonies lian tak ni lem lo, tuifinriat ropui leh ram zau tak (wilderness) hual vel a ni. Chumi chu In a hmangin, mipui danglam hneh rual loh (incredible people)te zingah revolutionary ngaihdan neitute lo awmin, anmahni ngeiin an duhdan a rorelna kal pui theih an ring a. An tum ram (destiny) thleng turin ruahmanna an siam a. Chumi atangin, tangrualin, khawvel an ti eng thei ang, tiin.

Chutiang chu kan hriat thin dan chu a ni.
Chu chu Americans ten kan neih, kan din chhan fo chu a ni.

Capitol chungah chuan “Zalenna hriatrengna Lim” (Statue of Liberty) dingin, chhinchhiahna a awm a. Chu thil, sang taka ding luah chuan kan thlahtu (ancestors) ten an nunna tura an lo beih a, an lo thih phah chhan leh venhim an tumna a entir a ni.

Washington-Jefferson atanga Lincoln leh King a te hriatrengna lim (monuments) thlengin a lo awm a ni.

Yorktown leh Saratoga hmuna pasaltha-American thalai, Normandy tuipui kam (shores) a an thisen far tirtute hriatrengna nen, chumi hmun piah lam thlengin. Chu mai a ni lo, midang-Pacific tuifinriat thuk taka kal a, Asia ram thlenga kaltute thlengin kan hrereng a ni.

Zalenna chu hriatreng tlakin a ding reng a. He Capitol hi. Hei hi American mipuite hriatrengna nung (living monument) chu a ni.

Hun kal tawha pasalthate ni mai lovin, kan chheh velah leh min hual veltu beiseina, chhuan tlak leh American kawng venghim tute chu kan hrereng ang.

Sumdawnna kawng hrang hrangah an thawk a. An chhungkaw khai ding turin n an inhlan tawp mai a ni. In lamah kan fate an enkawl a. Nu tha leh chak tak naupang huaisen tak an ni. Firefighters, police officers, ramri vengtute leh damdawi thiam leh raldomi (marines)te an ni.

Heng zawng zawng piah lamah, Americans an ni vek a. He Capitol, he khawpui hi, he ram (nation) neitute an ni e.

Kan tihtur chu zah a ni a, an thu leh hla ngaihven a ngaihthlak sak a, an tana rawngbawl sak a, venhim (protect) a, englaipawha an phu ang pek chu kan tihtur a ni.

American chuan khawvel chu thilsiam (art) leh rimawi (music) hmangin a luah khat a. Science leh thil hmuchhuak turin an bei ngawrh a. Englaipawhin min hriat chhuah tir chu kan theihnghilh ngai tur a ni lo. He rama mipuiten an beisei-tum ram (dreamed) chu. Mipuite chuan he ram hi an din a. Chung mite ngei chuan a ni- America ropui chu siam thar leh dawn ni.

A theih chhung chu tute nge kan nih hi kan chhuang ang a, enge kan beih meka tih mek tih te, engmah hi kan neih theih loh tur thil a awm lo a ni.

A theih chin chinah ngaihhlut zawng (value), rinna (faith) leh khualehtuiah kan in nghah a;
Pathiana rinna kan neih a, amahah kan innghah chhung chuan, kan hlawhchham ngai lo vang.

Chhungkua kan din thar ang a.
Kan mipuite hmasawnin, rah duhawm an chhuah ang.

Kan hnam (nation) chu a lo him (safe) in a chak anga, chhuang takin kan chakna leh thiltihtheihna (mighty) zalenna chu kan chhuang ang.

Ka lawm e.
Pathianin America malsawm rawh se!” tiin.

Donald Trump thusawi lai hian kut bengin an ding leh suau thin a, mahse, Eptu pawl Democrats erawh an ding tha duh lovin kut pawh an beng tha duh meuh lo! Trump a thusawi (80min) zo chu thenkhatin “USA, USA, USA!” tiin aw rawl, ring takin an chhuah a, kut an beng hluah hluah mai a ni.

ᅠ ᅠ ᅠ ᅠ ᅠ By CT Lalrinawma

Aside | Posted on by | Tagged , , | Leave a comment

US PRESIDENT DONALD J. TRUMP THUSAWI-Part 3

[ 45th US President Donald J. Trump chuan “State of the Union” ah Jan 30 zana a thusawi chuan Americans rilru tlachhe lutuk tawh leh ram inrelbawlna fuh tawklo siam that duhin, mahni inring tawk takin “America a hmangaih thu” a sawi chiam a, America First rilru pua sawi a ni bawk a, a thusawi chu heilo liama “ram hmangaihna thuchah” tih mai tur a ni. Democrat-ho pawh an hawi hil lil lel!
Part-3na chhiar zawm ang aw…]

“Holets family ten New Nexico ah thudik an puan chhuah dan kan hriain kan hmu thei. Ryan Holets chu kum 27 a upa a ni a, Albuquaerque Police Dept ah officer a ni. Zanin hian an nupain a nupui Rebecca-i nen an lo tel ve a ni. Nikum khan Ryan chuan rai puar teuh mai, chenna in neilova kawtthlera tei raw lai vel mai mai, heroin hmanga inchiu tum a hmu a. Ryan chuan chutianga a inchiu chuan a naupai laiin a tuar tur thu a hrilh hnu chuan, chu hmeichhia chu insum zo lovin a tap ta hawm hawm mai a. Chu hmeichhia chuan engtia tur nge tih a hrelo tih a hrilhin, mahse, a naute tan chuan in tha leh him a mamawh thu a sawi a ni.

Chumi hun reiloteah chuan, Ryan-a sawi danin Pathianin a hnenah thu a rawn sawi ta. “I ti thei a ni-i ti thei a ni” tiin. A nupui leh a fate 4 thlalak chu a phawrh chhuak a. Tichuan, inah hruai hawin a nupui chu engkim a hrilh a. Chu naute chu fa atan lak (adoft) an remti dun a. Chumi hnu chuan naute lo piang chu an fa angin an enkawl zui a, The Holets chhungkua chuan chu hmeichhe naupangte hmingah chuan “Beiseii” (Hope) tih an phuah a ni.

Ryan leh Rebecca:
Kan Hnam (nation) tana inthatna leh lainatna ngahzia chu ava chhuanawmin, ava entawn tlak tak em. In chungah ka lawm e, kan lawmpui che u a ni.

America chu kan dinthara kan siam thar angin, in lamah pawh mahni inrintawkna kan nei a ni. Chutiang zelin ram dang (abroad) thlengin kan chakna (strength) chu kan siamthar leh ang.

He khawvelah hian sorkar thalo tak (rouge regime) te kan hmachhawn a, terrorists group leh China leh Russia atangin chona leh elna kan hmachhawn mek a, chu chuan kan economy leh kan ngaihlut zawng (values) te a khawih a ni. Hetiang ang thil hlauhawm kan hmachhawn (confronting) mek lai hian, chaklohna (weakness) chu chiang takin buaina kawng min zawh tirtu a ni tih kan hria. Chuvangin mahni lo invenna (defense) tha chu thiltihtheihna nen kan mamawh a ni.

Hengte avang hian Congress chu hlauhawm lo thleng thei tur titawp a, kan sipai (military) opui takte chu a tha thei ang bera thuam turin ka ngen a ni.

Defense lamah chuan kan ralthuamte kan tuaithar (modernize) in, nuclear ralthuam pawh kan siam thar anga, beiseina nasa tak nen kan hman loh erawh ka beisei, mahse, chak (strong) zawk leh thiltithei zawka kan lo awm erawh , chutianga beihna (aggression) eng ang pawh chu kan tudai thei ang. Engtikniah emaw mak tak mai (magic moment) a lo thleng a nih chuan, khawvel atangin an nuclear ralthuamte chu tihbo (eliminate)vek a ni ang. Vanduaithlak takin, chutiang hun erawh a la thlenglo deuh.

Nikumah khan kan thawhpui ramte nen tang tlangin ISIS te chu he Lei atangin kan umbo zo vang tih ka lo tiam tawh a. Kum khat hnuah meuh chuan Tangrual pawlten ISIS hoten Iraq leh Syria ram an luah leh an tan hmun atangin, 100% chu kan chhuhsak zo ta tih report pe theitu ka ni hi ka inchhuang hle a ni. Mahse, tih tur tam tak ala awm cheu. ISIS te chu hneha tihchhiat vek an nih thlengin kan bei zel dawn a ni.

Army Staff Sergeant Justin Peck chu zaninah hian kan zingah a lo tel ve a. November thla khan Raqqa (Syria) khaw bulah Justin leh a thawhpui (comrade) Chief Petty officer Kenton Stacy te thian dun chuan ISIS hoten puakthei hmanga civil mite nunna tam tak an lak theihna leh khawpui pawh a tihchhiat theihna chu titawpin, theihtawpin an lo thawk dun tawh a ni.

Hospital chhawng 2na chu lutin, an thenfaina lamah Kenton Stacy chuan bomb puak vangin hliam pui nasa tak a tawrh phah a. Justin chuan chutianga booby-trapped building ah chuan va hmuin, hliam nasa tak a tuar tih ava hmu a. A hliam hnuhma chu hupin, a thawk lak theih nan tube hmangin boruak hip tur a siam sak a. Tichuan CPR chu 20min chhunglekin ground tranportation tiin, siam chawp thawk lak tirna siamin, darkar 2 chhungin hmanhmawh taka zaiin buaipui a ni.

Kenton Stacy chu Justin a chuan mahni intheihnghilh vekin, tlawmngaihna nen chhanchhuak lo sela chuan a thi ngei ang. Zaninah hian, Kenton chu Texas ah a hliam dam chho mekin enkawl a ni. Raqqa chu hnehin lak a ni ta. Justin chuan Bronze Star thar chu a bel a, “V” chu a bel ta va mai. V tih chu “Valor” tihna a ni.

Staff Sergeant Peck:
America zawng zawngin zahna chibai (salute) a buk che a ni.

Civil mite tana siam hospital a bombs kamtu terrorist hote chu an sualin an chimawm tak meuh a ni. A remna apiangah kan nuai bo va. A tulna hmun chuan kan hrengin kan man a, thute kan zawt bawk a ni. Mahse, hei erawh kan chiang hle tur a ni: Terrorists te chu misual (criminal) an ni ringawt lova, dan pawisa lo leh dan lova hmelmate chet ching an ni. Tuipui ralah man an nih pawhin, an phu ang ngeiin terrorists an nih angin enkawl tur a ni.

Hun kal tawhah khan, atthlak deuh maiin terrorists mi hlauhawm pawisak nei lote chu, za rual zet kan man khawmte chu kan lo chhuah zalen leh ringawt mai a; chungho chu indona mualah bawk kan hmu leh a ni. Chung zingah chuan ISIS hruaitu Mohammed Bakr al-Baghdadi te pawh an tel a ni.

Chutichuan vawiin niah hian, thil dang vawn tur thutiam ka nei leh ta. Defense Secy Mattis chu Guantanamo Bay (Cuba) a kan military detention center chu ennawn a, hawng leh turin thupek ka siam a ni.

Congress chuan chiang takin hria sela ka duh a. ISIS leh al-Qaida kan beihna kawngah terrorists hote a tul anga zawnga man chhuah theihna leh kan sa pelhna kawngah theihtawp kan chhuah a ngai a ni tih hi.

Kan pasaltha raldomi Afghanistan rama awm mek te pawhin inkIhhruaina dan thar (new rules of engagement) an nei ta. An thawhpui Afghan pasalthate nen thawhonaah engmah kan hmelmate chu kan ruahmanna (plans) kan hrilh ngai tawh lo vang.

Thla kalta khan, Senate in lungrual taka a lo pawm tawh angin, Jerusalem chu Israelte khawpui atan kan pawm tih puangin, ka pawm ta a.

Chumi hnu reiloteah, UN General Assembly ah chuan ram engemaw zatin America-in ama duhdana thuneihna (sovereign right) a neihna hmanga Jerusalem ka pawmna chu an dodal a ni. Chungho chu American mipui chhiah petuten phal taka an pek sum tlingkhawm dollar tluklehdingawn tela kum tin kan tanpui ramte an ni.

Chuvang tak chuan a ni, Congress chu dan siam a ram dang kan tanpuina thin chu America hlawkna (interests) tel zawngin a ni tur a ni a; American thian nazawng hnena pek ringawta “thian in thei sem” ringawt zel chu a diklo a ni.

Khawvel puma kanin thian thatna ( friendships) chu kan tihngheh rualin, kan hmelma leh min dotu (adversaries) te chanchin pawh chiang takin kan hre thei ang.

Iran mipuiten an chunga diklo taka roreltu (dictator) an dodala an ghawh chhuah laiin, ka lo awm hle hle theiin ngawi reng thei hauh lo mai. America chu Iran mipuiten huaisen taka an zalenna tura an beih laiin, an hnungah a lo ding tlat a ni.

Congress chu mumal takin, a to bul atanga Iran nuclear deal chhe zet leh rapthlak tak chu ngaihtuah ngun turin ka ngen a ni.

Ka rorelna sorkar chuan Communist leh Socialist dictatorte lal hrawtna ram Cuba leh Venezuela ramte chu hremna khauh zet mai kan lek khum leh a ni. Mahse, North Korea dictator tluka nunrawng leh mahni khualehtuite chunga zahngaihna tel miah lova awpbet duhtu hi an awm lo. North Korea chuan nuclear ralthuam neih chakin, mawngvawmba ang sekin a hman hlel a, a engto va, chutiang chuan kan ram (homeland) himna hi a tiderthawng a ni.

Chutiang thil chu a thlen loh nan leh vau nan chuan nawrna sang ber kan pe mek a ni.

Hun kal tawh atanga kan tawn hriat danin, invauna leh intihthaina (aggression and provocation) chauh a hring chhuak a ni. Rorelna hmasaten he hlauhawm lo thleng thei dinhmuna min dintirna anga tihsual nawn (repeat the mistake) neih hi, kei chuan ka tum hauh lo a ni.

North Korea sorkar chuan nuclear hmanga America leh kan thawhpui ramte a vau fona hi a awmzia a hrechiang hle tur a ni…”

ᅠᅠᅠᅠᅠ ᅠ By CT Lalrinawma

Aside | Posted on by | Tagged , , | Leave a comment

US PRESIDENT DONALD J. TRUMP THUSAWI-Part 3

[ 45th US President Donald J. Trump chuan “State of the Union” ah Jan 30 zana a thusawi chuan Americans rilru tlachhe lutuk tawh leh ram inrelbawlna fuh tawklo siam that duhin, mahni inring tawk takin “America a hmangaih thu” a sawi chiam a, America First rilru pua sawi a ni bawk a, a thusawi chu heilo liama “ram hmangaihna thuchah” tih mai tur a ni. Democrat-ho pawh an hawi hil lil lel!
Part-3na chhiar zawm ang aw…]

“Holets family ten New Nexico ah thudik an puan chhuah dan kan hriain kan hmu thei. Ryan Holets chu kum 27 a upa a ni a, Albuquaerque Police Dept ah officer a ni. Zanin hian an nupain a nupui Rebecca-i nen an lo tel ve a ni. Nikum khan Ryan chuan rai puar teuh mai, chenna in neilova kawtthlera tei raw lai vel mai mai, heroin hmanga inchiu tum a hmu a. Ryan chuan chutianga a inchiu chuan a naupai laiin a tuar tur thu a hrilh hnu chuan, chu hmeichhia chu insum zo lovin a tap ta hawm hawm mai a. Chu hmeichhia chuan engtia tur nge tih a hrelo tih a hrilhin, mahse, a naute tan chuan in tha leh him a mamawh thu a sawi a ni.

Chumi hun reiloteah chuan, Ryan-a sawi danin Pathianin a hnenah thu a rawn sawi ta. “I ti thei a ni-i ti thei a ni” tiin. A nupui leh a fate 4 thlalak chu a phawrh chhuak a. Tichuan, inah hruai hawin a nupui chu engkim a hrilh a. Chu naute chu fa atan lak (adoft) an remti dun a. Chumi hnu chuan naute lo piang chu an fa angin an enkawl zui a, The Holets chhungkua chuan chu hmeichhe naupangte hmingah chuan “Beiseii” (Hope) tih an phuah a ni.

Ryan leh Rebecca:
Kan Hnam (nation) tana inthatna leh lainatna ngahzia chu ava chhuanawmin, ava entawn tlak tak em. In chungah ka lawm e, kan lawmpui che u a ni.

America chu kan dinthara kan siam thar angin, in lamah pawh mahni inrintawkna kan nei a ni. Chutiang zelin ram dang (abroad) thlengin kan chakna (strength) chu kan siamthar leh ang.

He khawvelah hian sorkar thalo tak (rouge regime) te kan hmachhawn a, terrorists group leh China leh Russia atangin chona leh elna kan hmachhawn mek a, chu chuan kan economy leh kan ngaihlut zawng (values) te a khawih a ni. Hetiang ang thil hlauhawm kan hmachhawn (confronting) mek lai hian, chaklohna (weakness) chu chiang takin buaina kawng min zawh tirtu a ni tih kan hria. Chuvangin mahni lo invenna (defense) tha chu thiltihtheihna nen kan mamawh a ni.

Hengte avang hian Congress chu hlauhawm lo thleng thei tur titawp a, kan sipai (military) opui takte chu a tha thei ang bera thuam turin ka ngen a ni.

Defense lamah chuan kan ralthuamte kan tuaithar (modernize) in, nuclear ralthuam pawh kan siam thar anga, beiseina nasa tak nen kan hman loh erawh ka beisei, mahse, chak (strong) zawk leh thiltithei zawka kan lo awm erawh , chutianga beihna (aggression) eng ang pawh chu kan tudai thei ang. Engtikniah emaw mak tak mai (magic moment) a lo thleng a nih chuan, khawvel atangin an nuclear ralthuamte chu tihbo (eliminate)vek a ni ang. Vanduaithlak takin, chutiang hun erawh a la thlenglo deuh.

Nikumah khan kan thawhpui ramte nen tang tlangin ISIS te chu he Lei atangin kan umbo zo vang tih ka lo tiam tawh a. Kum khat hnuah meuh chuan Tangrual pawlten ISIS hoten Iraq leh Syria ram an luah leh an tan hmun atangin, 100% chu kan chhuhsak zo ta tih report pe theitu ka ni hi ka inchhuang hle a ni. Mahse, tih tur tam tak ala awm cheu. ISIS te chu hneha tihchhiat vek an nih thlengin kan bei zel dawn a ni.

Army Staff Sergeant Justin Peck chu zaninah hian kan zingah a lo tel ve a. November thla khan Raqqa (Syria) khaw bulah Justin leh a thawhpui (comrade) Chief Petty officer Kenton Stacy te thian dun chuan ISIS hoten puakthei hmanga civil mite nunna tam tak an lak theihna leh khawpui pawh a tihchhiat theihna chu titawpin, theihtawpin an lo thawk dun tawh a ni.

Hospital chhawng 2na chu lutin, an thenfaina lamah Kenton Stacy chuan bomb puak vangin hliam pui nasa tak a tawrh phah a. Justin chuan chutianga booby-trapped building ah chuan va hmuin, hliam nasa tak a tuar tih ava hmu a. A hliam hnuhma chu hupin, a thawk lak theih nan tube hmangin boruak hip tur a siam sak a. Tichuan CPR chu 20min chhunglekin ground tranportation tiin, siam chawp thawk lak tirna siamin, darkar 2 chhungin hmanhmawh taka zaiin buaipui a ni.

Kenton Stacy chu Justin a chuan mahni intheihnghilh vekin, tlawmngaihna nen chhanchhuak lo sela chuan a thi ngei ang. Zaninah hian, Kenton chu Texas ah a hliam dam chho mekin enkawl a ni. Raqqa chu hnehin lak a ni ta. Justin chuan Bronze Star thar chu a bel a, “V” chu a bel ta va mai. V tih chu “Valor” tihna a ni.

Staff Sergeant Peck:
America zawng zawngin zahna chibai (salute) a buk che a ni.

Civil mite tana siam hospital a bombs kamtu terrorist hote chu an sualin an chimawm tak meuh a ni. A remna apiangah kan nuai bo va. A tulna hmun chuan kan hrengin kan man a, thute kan zawt bawk a ni. Mahse, hei erawh kan chiang hle tur a ni: Terrorists te chu misual (criminal) an ni ringawt lova, dan pawisa lo leh dan lova hmelmate chet ching an ni. Tuipui ralah man an nih pawhin, an phu ang ngeiin terrorists an nih angin enkawl tur a ni.

Hun kal tawhah khan, atthlak deuh maiin terrorists mi hlauhawm pawisak nei lote chu, za rual zet kan man khawmte chu kan lo chhuah zalen leh ringawt mai a; chungho chu indona mualah bawk kan hmu leh a ni. Chung zingah chuan ISIS hruaitu Mohammed Bakr al-Baghdadi te pawh an tel a ni.

Chutichuan vawiin niah hian, thil dang vawn tur thutiam ka nei leh ta. Defense Secy Mattis chu Guantanamo Bay (Cuba) a kan military detention center chu ennawn a, hawng leh turin thupek ka siam a ni.

Congress chuan chiang takin hria sela ka duh a. ISIS leh al-Qaida kan beihna kawngah terrorists hote a tul anga zawnga man chhuah theihna leh kan sa pelhna kawngah theihtawp kan chhuah a ngai a ni tih hi.

Kan pasaltha raldomi Afghanistan rama awm mek te pawhin inkIhhruaina dan thar (new rules of engagement) an nei ta. An thawhpui Afghan pasalthate nen thawhonaah engmah kan hmelmate chu kan ruahmanna (plans) kan hrilh ngai tawh lo vang.

Thla kalta khan, Senate in lungrual taka a lo pawm tawh angin, Jerusalem chu Israelte khawpui atan kan pawm tih puangin, ka pawm ta a.

Chumi hnu reiloteah, UN General Assembly ah chuan ram engemaw zatin America-in ama duhdana thuneihna (sovereign right) a neihna hmanga Jerusalem ka pawmna chu an dodal a ni. Chungho chu American mipui chhiah petuten phal taka an pek sum tlingkhawm dollar tluklehdingawn tela kum tin kan tanpui ramte an ni.

Chuvang tak chuan a ni, Congress chu dan siam a ram dang kan tanpuina thin chu America hlawkna (interests) tel zawngin a ni tur a ni a; American thian nazawng hnena pek ringawta “thian in thei sem” ringawt zel chu a diklo a ni.

Khawvel puma kanin thian thatna ( friendships) chu kan tihngheh rualin, kan hmelma leh min dotu (adversaries) te chanchin pawh chiang takin kan hre thei ang.

Iran mipuiten an chunga diklo taka roreltu (dictator) an dodala an ghawh chhuah laiin, ka lo awm hle hle theiin ngawi reng thei hauh lo mai. America chu Iran mipuiten huaisen taka an zalenna tura an beih laiin, an hnungah a lo ding tlat a ni.

Congress chu mumal takin, a to bul atanga Iran nuclear deal chhe zet leh rapthlak tak chu ngaihtuah ngun turin ka ngen a ni.

Ka rorelna sorkar chuan Communist leh Socialist dictatorte lal hrawtna ram Cuba leh Venezuela ramte chu hremna khauh zet mai kan lek khum leh a ni. Mahse, North Korea dictator tluka nunrawng leh mahni khualehtuite chunga zahngaihna tel miah lova awpbet duhtu hi an awm lo. North Korea chuan nuclear ralthuam neih chakin, mawngvawmba ang sekin a hman hlel a, a engto va, chutiang chuan kan ram (homeland) himna hi a tiderthawng a ni.

Chutiang thil chu a thlen loh nan leh vau nan chuan nawrna sang ber kan pe mek a ni.

Hun kal tawh atanga kan tawn hriat danin, invauna leh intihthaina (aggression and provocation) chauh a hring chhuak a ni. Rorelna hmasaten he hlauhawm lo thleng thei dinhmuna min dintirna anga tihsual nawn (repeat the mistake) neih hi, kei chuan ka tum hauh lo a ni.

North Korea sorkar chuan nuclear hmanga America leh kan thawhpui ramte a vau fona hi a awmzia a hrechiang hle tur a ni…”

ᅠᅠᅠᅠᅠ ᅠ By CT Lalrinawma

Aside | Posted on by | Tagged , , | Leave a comment

US PRESIDENT DONALD J. TRUMP THUSAWI-Part 2

[President Trump-an “State of the Union” a thusawi, Jan 30 zana mi chu lawm hlawhtu an tam hle laiin, Democrat African-American thenkhat chuan kawr dum hain an ngaithla a, mi tam takin ding chung (standing ovation) meuhva kut an ben hluah hluah laiin, an thu tum bur vel! Part-2na i chhiar zawm ang aw…]

“America chuan a chakna a siam thar leh angin, he rama remchanna (opportunity) chu khualehtui zawng zawng tana siam tur a ni. Chuvangin kan tan in (prison) te pawh a kal phung kan siamtha (reform) ang. Jail tang mekte pawh an nun phung tidanglam turin, hun tha kan pe tur a ni a, an tan hun tha dang (second chance) kan siam sak ang.

Harsatna nei hnam (struggle communities), a bik takin pem-hote tan immigration policies chu, American workers leh families tana tha ber tur thlir chungin siam kan tum a ni.

Thangkat liamta kum engemawzat kal tawh atangin kan ramri te chu misual leh ruihhlo zuar (drugs & gangs) lo luh theihna turin kan lo hawng thin a. Chungho maktaduai telte chuan hlawh hniam zawk atanga hna thawkin, Americans rethei berte chu an rawn dodal a. Chu thilin a hrin chhuah chu pawisawilo nunna tam tak channa a ni.

Zaninah hian nu pahnih leh pa pahnih:
Evelyn Rodriquiez, Freddy Cuevas, Elizabeth Elvarafo leh Robert Micken te pawh kan zingah an awm a. An fate pahnih- Kayla Cauevas leh Nisa Mickens te chu Long Islands hmuna thian inkawm ngei tak mai an ni. Mahse, Nisa chuan a kum 16 Birthday tum, kum 2016 Sept thla chuan hlim takin an chenna in lam panin an haw dun a. Heng fanu duhawm leh thilpek hlu tak pahnihte chu an vangkhaw pana hlim taka an kal laiin rapthlak taka thah an ni. Hemi chungchangah hian MS-13 gang member 6 te chu Kayla leh Nisa tualthahnaah hian man an ni. Heng gang hote hian kan ram chhung an lo luh theihna tura dan kimchanglo (glaring loopholes) lai chu remchangah lain, Kayla leh Nisa-i High schhol kal hun chu an tihtawp sak a ni.

Evelyn, Elizabeth, Freddy leh Robert:
Zaninah hian he hmuna awmte hian an tawngtai sak che u a ni. America rama cheng tute pawhin in lungngaihna leh mittui tlaknate chu an tawrh pui che u a ni. Mi maktaduai 320 thinlung te chu intan a kehchhia in, a phu rang a, a na ngawih ngawih a ni. In lungngaih nasat turzia chu kan suangtuah pha lo, mahse, in tuarna nasa tak ang hi inchhungkuaah leh chhungkaw dangah thlen nawn tir lovin, kan siam thei a ni.

Zaninah hian, Congress chu hetianga M-13 gang te leh misual dang lo luh theihna tura kawng tum tha lo (deadly loopholes) chu khar turin ka ti a ni. Kan immigration dan hman mek fel hlel leh thalo laite siamtha turin dan thar kan ruahman chu kan chhawp chhuak mek a ni. Kan ICE (Immigration & Custom Enforment tihna-CT) leh Border Patrol agents te thlawp turin ka ngen a, hetiang thil hi a thleng ngai tawh tur a ni lo.

United States chu mi hmangaiha lainat thei tak hnam (nation) a ni. He khawvelah hian keini aia mi tanpui ngaite tanpui a, an tawrhna te tawh pui a, an harsat laia tuar pui thin hnam an tam lo. Chutiang hnam kan ni chu chhuanawm kan ti hle. Mahse, United States President ka nih angin, rinawm taka ka tihtur leh ka lainatna ropui chu American naupangte leh hnathawktute harsatna nei te leh, America rama cheng ngaihthah pawl (forgotten communities) te chu thil ropui tak ti tur leh hlawhtling turin, an that lai hunte chu awmze neia hmang chho turin ka duhsak a ni. Kan miretheiten an hun tha neihte chu thanlen nan, than chhoh zel nan an hman ka duh tak meuh a ni.

Chutichuan zaninah hian, Party pahnih-Democrats leh Republican te chu thawh pui zel turin kut phar chhuakin ka awm mek a, ka inkuangkuah san lo a ni. Mi tu pawh mai, engmi pawh ni se kan khualehtuite an nih a, an vun rawng emaw, an sakhaw vawn emaw, an thuvawn leh rin (creed) lam thlir lovin venghim tlat turin ka duh a ni. Ka mawhphurhna angin, he hmun thianghlim leh ropui taka thlanchhuah official te pawh Americans te chu veng tlat a, an himna leh an chhungkaw tan, an communities tan leh American Dream an neih dikna tihlawhtling turin ka duh a ni. Anni pawh chu Americans tum ram nei (dreamers) tho an ni.

Zaninah hian kan ram venghimtute zinga hruaitu pakhat a awm: New Homeland Security Investigations Special agent Celestino Martinez a ni. CJ a ni. Kum 15 lai chu air force ah hnathawkin, chumi hnuah ICE ah hnathawk lehin kum 15 zet kan kawtthlera misualte vanga buaina tirem turin a thawk a ni. Vawikhat phei chu MS-13 gang hruaitupa chuan CJ chu that turin thupek a siam a chhuah hial a. Mahse, chutiang vauna mai mai chu a hlau der lo. May thla kal ta khan chung gang member te chu Long Islands ah vaikhawm a tingmit vek turin a che chhuak a. A team te chuan mi 400 dawn an man khawm a, chung zingah chuan MS-13 gang member 220 an tel a ni.

CJ: A hnathawh chu ava ropui em! Hawh u, tunah Congress chuan kan tan, a chakna siam thar turin i thlawpin, i tir ang u.

Kar thar dang lo awm turah, House leh Senate chuan “Immigration Reform” chungchangah thutlukna siamin, vote a la thuai ang.

Thla tam la ral lovah khan, immigration reform chungchangah ka kaihhruai rorelna hnuaiah Democrats leh Republicans te chuan immigration reform chungchangah inhmuhna leh inrawnkhawmna an nei deuh reng a, party pahnihte chuan tha taka inremsiamin, mi tumahin a duh ringawt engkim nei bik lovin, kan rama sawisel hlawh tak siam thatna (critical reform) chu duang chhuakin, chumi ang chuan Congress ah thu kan thlen a ni.

Chung atan chuan ban (pillar) pawimawh kan siam a:

Pakhatnaah chuan dan lova lo luta pem ten an naupan set teta an rawn hruai luh, mi maktaduai 1.8 zet mai te chu khualehtui atana pawmna a ni. Hei hian rorelna hmasaa mite tih aiin a let thum dawnin a huam zau zawk daih a ni. Kan ruahman ang chuan, chung mite chuan zirna leh hnathawhna tura bi tuk an phak a nih a, a rilru put hmangte a dik a, an nungchang a mawi anih phawt chuan United States citizen atan pawm theih an ni ang.

Pahnihnaah chuan:
Ramri vawn him tlat chu a ni. Chumi awmzia chu Chhim lama ramri hungna siam a ni; a nihna takah chuan CJ anga mihuaisen leh pasaltha kan hnam leh khawtlang venghimtu rawihbelhna tur a ni. Kan ruahman dan chuan, misual leh mi firfiakten duh thala an lo luh rukna thalo tak mai (terrible loophole) chu khar sak vek chu a ni- a tawpa “man chhuaha chhuah zalen” (catch and release) leh ringawt chu a hlauhawm em em a ni.

Pathumnaah chuan:
Visa lottery tihtawp a ni. Tute hnenah emaw thiamna nei mang si lova “Green card” chu duhsak vanga pek ang hi tihtawpa tihbona tur a ni; chu chu kan mipuite himna tur a ni. Immmigration system hmangin hmalam pana kal hun a ni e. Mi pakhat thiamna (skilled) bik nei kan lak luh chuan, chumi chuan hnathawh a duh chuan emaw, kan khawtlang tan engemaw a rawn thawh (contribute) theih chuan emaw, kan ram chu kan hmangaih anga a hmangaih a, a zah ve anih chuan lakluh a ni ang.

Palinaah:
A tawp berah chuan, “Nuclear family” tihtawp a ni. Tuna kan dan ding lai hman mek thalo takah chuan, mi pakhat rawn pem lutin a chhungte duh zat zat a rawn hruai thei hi tihtawp a tul a ni. Kan ruahman dan chuan, chhungkua anga midang leh kawppui (spouse)leh naupang thlengin bituk chin neih vat hi a ni. He siamthatna hi neih ngei ngei ngai a ni, kan ram economy tan chauh a ni lova, kan him tlanna (security) atan leh hun lo kal tur atan a ni.

Kar liamta rei vak lovah khan, New York chu “visa lottery” angaih theih tur vangin mi firfiak pahnihin an bei a, hetiang thil hi tun ang hunah chuan kan tan a hlauhawm (risk) lutuk a, tih zel chi niin alang lo.

Hetianga immigration dan hlui tawh (outdated) kan siam that chuan, kum zabi 21naah kan immigration system chuan him takin min vengin min hruai ang.

Heng lungphun/ ban pawimawh 4 te hi kan siam theih chuan, him zawkin min awm tir anga, tunlai zawkin “immigration system” tha zawk kan nei dawn a ni.

Kum 30 liamta khan Washington chuan hetiang harsatna hi sut kian tumin hma alo tawh a, a hlawhchham a ni. Tuna Congress hian he thil hi a tawpah a tawpah a siam thei ngei ang.

Thil pawimawh ber mai zinga mi chu, heng ban (pillar) te tihhlawhtlin a, dan anga kan hman theih chuan, thal fangchar ang maia ka lo thutiam tawh “America first” tih bill a lo awm ang. Hawh u, politics thila ngaihdan thuhmunlo chu dah thain, i thawkho teh ang. Chutichuan a tawpah hna chu thawh zawh a ni ang.

He “reforms” hian ruihhlo (opioid) vanga harsatna rapthlak tak leh ngawlveina te pawh a titawp thei ang.

Kum 2016ah ringawt khan American mi 64,000 zet drugs vanga thi (over-dosese) an awm a. Ni tin mi 147 thi leh darkar tin mi 7 thi ang an ni. Ruihhlo zuartute leh tawlhrutute tihtawpna tura kan beih nasat a ngai a ni.

Ka kaihhruai sorkar chuan ruihhlo ngawlveina hripui leng vel hi tihtawp a, chutianga mi tanpui ngaite tanpui chu a tum a ni. He harsatna (struggle) hi a reiin tihreh a harsa a ni thei e, mahse, Americans kan nih angin, hnehna changin, hnehtu kan ni ngei ang.

Zanina kan hmuh tawh angin, harsatna nasa ber ber te chuan America tha ber ber a hring chhuak asin….”

By CT Lalrinawma
(Part-3 ah China, Russia leh North Korea a vauna, a ngaihnawm chho zel dawn e)

Aside | Posted on by | Tagged , , | Leave a comment

US PRESIDENT DONALD J. TRUMP THUSAWI-Part-1

[45th US President Donald J. Trump chuan a vawikhatna atan January 30, 2018 zan 9pm (ET) [Indiaah tukin) ah “State of the Union” ah thusawiin, lawm a hlawh hle. Chutih laiin Democrats 20 chuangin House-ah an ngaithla duhlo thung!]

“Mr Speaker, Mr Vice President, member of Congress leh First Lady Melania of United States leh ka American pui duh tak te u,

Kum 1 awrh liamtaah khan he hmuna ka lo din hnuah tunah ka lo ding chhuak a, he hun danglam takah America mipui aiawhin an ngaihven zawng leh beiseina leh an tumna (concerns, hopes, dreams) sawi turin ka lo ding a ni. Chumi zan hnu atang chuan, kan ram rorelna sorkar thar chuan thil tam tak tiin, hna a thawk a. Thil tha zawnga thipui fawn fel chuan kan ram a tuam mek a nih hi.

Ni tinin, chumi hnuah, hmathlir chiang tak (clear vision) leh hnathawh dik (righteous mission) neiin, hmalam panin America ropui siam leh turin, Americans zawng zawng tan kan kal pui a ni.

Kum kalta khan hmasawnna nasa tak leh hlawhtlinna hlawk tak kan siam a. Kan beisei ang ngeiin, chona pawh kan hmachhawn nasa hle. Thenkhat phei chu kan suangtuah phak loh thilte an ni. Hnehna erawh kan thawhrimna avangin kan chang a. Thlipui leh tuilian leh meialh ten min hual vel a ni. Mahse, chungte chu kan paltlang a, America thlarau chan mawi tak chu kan hmu ta a ni.

Chung fiahna tam tak leh America thar pasalthate chuan tu nge kan nih leh, enge kan entir theih a, kan tihtheih hre turin min nawr lui a ni.

“Cajun Navy” atana mi inpe te kan hmu a, chungte chuan hurricane thlipui nasa takin a nuai sanghamantute an chhanchhuak a ni.

Las Vegas hmunah mikhualten silaimu leng vel kara midangte chhanhimna tura an hliah khuh (shielding) kan hmu bawk a ni.

Coast Guard Petty officer Ashlee Leppert chu, zaninah Gallery ah Melania nen an thu dun mek a, a chanchin kan hria. Ashlee chu helicopter thlawk hmasaberah Houston a “Hurricane Harvey” thlipui thaw vuk vuk karah chuangin a awm a. Darkar 18 teh meuh thlipui leh ruah pui sur karah Ashlee mihuaisen zet mai chuan, tui thuk tak leh electric hrui zam kara mi 40 zet nunna a chhan chhuak a ni. Ashlee, ka lawm e.

American kangthelhtu (firefighters) David Dahlberg chanchin kan hria. Ani pawh kan zingah a lo awm e. California nipui laia Camp neih laia kangmei rapthlak takin a kan hlum mai theih naupang 60 te chu meialh zuai zuai karah a chhan chhuak a ni.

Texas, Florida, Louisiana, Puerto Rico, he Virgin Islands leh California a that lam pana awm mek te u, in bulah kan awm tlat a ni, tih lo hre rawh u. Kan hmangaih che u a, inbulah awmin, inrualin kan tel ve zel ang.

Thil thenkhat erawh chu kum kalta khan he “chamber” ah hian mimal thil taka thleng a awm a. Kan tana he House a theih paling kawha tan khawh thintute zinga mi a ni a, chumi chuan silai mu a dawng a, a thi teuh hle a ni. Mahse, a hnu thla 3 leh a chanve hnuah hna thawk turin a lo kal leh thei ta. Chu chu Louisiana atangin a ni a, Congressman Steve Scalise a ni.

Capitol Police Officers huaisen takte hnathawh a angin kan lawm hle. Alexandria police, doctors, nurses, paramedics hoten a nunna an chhanhim chu kan chhuang hle, he room ah hian chutiang mite chu an awm a ni.

Chutianga inkahna rapthlak tak a thlen hnuah, kan tangrual a, mipuite aiawh kan nih avangin Democrats leh Republican kan sawi lo. Mahse, chhiatna leh harsatna lo thlen lai chauhva tanrual a tawk lo. Zaninah hian, kan vaiin kan duhdan leh ngaihdan in anlohna te chu dah thain, inpumkhatna tur zawngin, mipuite tan leh rawngbawl saktura thlan kan nih ang ngeiin, i thawkho zel ang u, tiin ka sawm che u a ni.

Kum liamtaah khan, kan hriat theuh angin khawvelin min hmu tawh a: chu chu he Lei (Earth) chung van hnuaiah hian America aia tum nei leh hlauh nei lo an awm lo a ni tih hi. Tlang a lo awm chuan kan lawn a, hmalam pana kal tur a niha kal a ngaih pawhin, hriat ngai loh ram pawh nise kan kal tlang mai a, chona a awm pawhin kan ngam zel a. Remchenna a lo awm pawhin, kan lei (seize) mai a ni.

Chutichuan hawh u, zaninah hian kan sorkar inzawmkhawmna Union hi a chak tawk a, a chhan chu an mipuite an chak tawk vang a ni, tih hi i pawm tlat ang u.

Kan za vaia kan himna tur chak takin kan siam mek a, America chu kan chhuang a ni.

Inthlan hnuah hna (jobs) maktaduai 2.4 zet kan siam a, thil siam chhuahna lamah ringawt pawh hna thar 200,000 kan siam a ni. Kum engemaw mu tan neia kan thuanawp hnuah, a tawpa tawpah hlawh pung “chiahpuam ang mai” kan hmu ta.

Unemployment pawh kum 45 chhunga hniam ber tum a thleng a ni. African-American ho hna hmulo pawh a hniam ber tum a ni ta. Hispanic-American hote paw hna hmulo an tlem ber history a thleng ta hial mai.

Sumdawnna tenau pawhin beiseina sang ber a nei chho ta. Stock market pawh a sang chho hle, dollar tluklehdingawn sangriat ($8 trillion) hlutna a nei ta dawrh mai. Chu chu Americans 400K tan, retirement, pension leh college a saving account nei tan chanchintha ropui tak a ni.

American mipuite chu he hmun atanga thla 11 kaltaa ka lo tiam angin, chhiah tihtlem (tax cuts) nasa ber leh reforms nasa ber American history ah kan siam a ni. Kan chhiah lak titlem chuan middle class leh small-businesses titute hnenah hahdamna leh chawlhna ropui tak a thlen sak a ni.

American hna thawk rimtute leh, mi tana tihtlawmna chu a letin kan ti a. Tunah chuan a hmasaberin nupa $24,000 hlawhte tan chhiah awl (tax free) kan ti a ni. Tin, naupange tan chhiah pek pawh kan ti lo.

Chungkuaa $75,000 hlawh tan an “tax bill” chu $2,000 in kum chanveah tihniam (reduce) sak an ni ang.

April thlaah dan hlui tha tawklo (old broken system) anga American maktaduai telten harsatna an tawh thin chu a reh tawh ang.

American $50,000 aia tlem khum khata la lutte tan sorkar thupek health plan an zawh loh avangin, Obamacare-thalo zual (core of distrous of Obamacare) chu mimal tan kan tibo ta bawk.

Business tax 35% thin chu 21% ah kan titlem a, tichuan American companies te chuan he khawvelah hnehna chang turin an i el thei tawh ang, He danglamna ringawt pawhin chhungkaw tin te chu $4,000 in an lakluh a tipung chho dawn a ni.

Zaninah Steve Staub leh Sandy Keplinger of The Staub Manufacturing (small business in) Ohio an lo tel a. Kum 20 chhunga an kum that ber tum an hmang zo chiah a ni. A chhan chu an chhiah pek dan siam that (tax reform) vang niin, sum an hmuh belh a, hnathawktu 14 an rawih belh a, an dawr te chu kawngka pui leh tukverh dang an hawn belh a ni.

Staub a thawktute zinga Corey dams pawh zaninah a lo tel a ni. High School a kal lai atanginamahin a inchawm a, 2008 ah sum dinhmun tlakchhiat (recession) vangin a hna a chan a, a hnuah Staub-in an ruai a, chutah chuan welder angin a thawk a ni, American hna thawktutam takte angin Corey chuan a tax-cut avanginIn thar lei nan a sum a khawl anga; a fanu 2 te tan zirna a siam ang. Corey lawmpuina turin, min tawmpui teh u.

Hei hi America thara thil thleng mek a ni. Tun ang renga “American Dream” thlen tir nana hun tha leh bul tanna tha a awm lo ve.

Zaninah khualehtuiten min lo thlir a- khawi laiah nge i lo awm emaw, khawi atanga lo kal nge tih lam a pawimawh lo ve, tun hun hi i tan hun a ni e. I thawkrim anih chuan, nangmahah rinna i nghat anih chuan emaw, America i ring a nih chuan emaw, eng pawh i duhthusam (dream) anih chuan, engkim i ni thei ta, kan tanrual chuan, engkim kan tihlawhtling thei a ni.

Zaninah, i hun lo kal turah eng thilte nge i neih leh, eng ang Hnam (Nation) nge i ni tih ka sawi duh a. Kan za vaiin, kan vaiin, team pakhat angin, mipui thuhmun (one people) angin leh America chhungkaw pakhat angin.

In leh lo te kan intawm tlang a, thinlung hmun khat puin, tun thuhmunin, America hnam puanzar ropui tak hnuaiah.

Kan thawk hovin, America kawng chu kan hmu chhuak leh mek a ni.

America ah chuan, chhungkua leh rinna, sorkar leh hnathawktute chauh ni lovin, American nung phung laimu chu, kan thupui angin, “Pathianah rinna kan nghat” (in God we trust) tih a ni.

Kan police, military leh Pasaltha te leh veteran hote chu kan thlawp tlat an phu ngawih ngawih a ni.

Ram hmangaihtu la naupang tak, Preston Sharp, Redding, California a mi, kum 12 mi lek ang te chuan Americans kan nih angin, kan mawhphurhna (civic duty) min zirtir a. Kan Hnam puanzar chibai zaha chibai kan buk chhan chung min zirtir a, engvangin nge kan kutte leh thinlung chu rinawm tura kan phar chhuah thin a, chhuang taka kan hnam hla (national anthem) kan sak thin. Preston chuan Veteran Day ah hnam pasalthate thlan chu hnam puanzar nei lovin a awm tih a hriat chuan, an phu ang ngeia hnam puanzar (flags) an dawn theih nan tiin a tuak a, flags 40,000 zet pasaltha ropuite tan a tuak chhuak thei a ni. Preston: i va ti tha teh lul em.

American chuan an ram an hmangaih a ni. Chutiang bawkin Sorkar pawhin a hmangaih leh an laka rinawm turin a beisei a ni.

Nikum khan kan khualehtuiten an sorkar chu inring tawn turin, kan siam thar (restore) leh ta a ni.

Senate nena thawk hovin, Judges te pawh Consitution anga letling (interprete)tu turin kan ruat a, Supremce Court Justice thar atan mi ropui tak chu. Chu mai a ni lo, Circuit Court, Judges leh rorelna thar atan kan ram history siamtute chu.

Kan Second Amendment chu kan vawnghim tlat a, hun lo kal tawha kan lo vawnhim thin “sakhaw thila zalenna” (religious liberty) chu vawnhim tlat a ni.

Kan veteran huaisente tan kan thawk a, an duhthusam angin kan veteran te chu an healthcare kan pe a ni. Nikumah Congress in bill a pass a, keiin hming ka lo ziak hnan a ni. Chu thil chu VA Accountability Act tih a ni. Chutianga kan tih hnuah ka rorelna chuan VA Employee 1500 chuang, kan veteran te an phu anga leh an talent neih anga tilotute kan dah kiang a ni. Tatented deuhte kan hmangaih anga hmangaih lotute chu.

Kan veteran te chu an phu anga enkawl an nih hma chuan kan titawp mai dawn lo. He khualzinna kawng ropui tak ka zawh tan tirh laia an hnena ka lo tiam ang ngeiin, tih ngei ka tum bur a ni.

Americans zawng zawngin an nih tura enkawl leh zan an phu a ni, chu chu kan pek mek a ni bawk. Chutichuan, zaninah hian, Congress chu Cabinet Secratery te reng reng tichak (empower) a, hna thawktu tha lawmman pe turin leh American mipui rin hlawhlo leh vantlang rinna hlohte chu dah kiang a, Federal employees te pawh dahsawn turin ka hrilh a ni.

Washington chuan thil kan ti mek a, history en pawhin rorelna lo awm tawhte ang lo takin, dan diklo te chu ka sorkar kum 1 chhungin kan tibo (eliminated) a ni.

American Energy dona kan titawp a, lungalhthei thianghlim dona kan titawp a. Tunah chuan khawvelah energy thawn chhuaktu kan ni ta a ni.

Detroit hmunah chuan, sorkarin America’s auto-workers tha beitute kan titawp a, tunah Motor City chu tihnun a niin, engine chu tihnun thar leh a ni.

Car companies tam takin US ah ruahmanna neiin, “Plants” an zauh belh a, thangkhat liamtaa kan hmuh ngai lohte hmuh tur a lo awm leh ta. Chryler chu Mexico atangin Machigan ah an lo lut a; Toyota leh Mazda te pawhin Alabama ah Plants an hung ta. Reiloteah ram pum huapin “plants” hawn thar a ni zel ang. Hei hi American zawng zawngte tan chakna thar a ni vek a. Kum tam tak chu Companies ah hna a awm lo. Mahse, tunah chuan hna tau a tet mekin, an lo kir leh mek a ni.

Ni tin maiin hun hlimawm leh hmasawnna chu a lo thleng a ni.

Natna enkawlna turin damdawite kan siam chhuak a, nikumah pawh FDA huan natna enkawlna damdawi thar (new and generic drugs, medical devices) thar an siam a, hei hi kan history a thleng ngai zen zen lo a ni.

Damlo chuan anmahni enkawlna tura enchhina chuan nunna a chhan thei ang tih kan ring bawk a ni.

Damlo nasa (terminally ill) chuan ram dang atanga ram dang aenkawlna zawng lovin, he hmun atanga damna an hmuh ka duh a ni. Congress tan pawh tun hun hi American mak tak nena “enchhinna dik” (right to try) pekna hunah ka ngai ni.

Ka thil tum hmasa zinga ropui ber chu damdawi man tihhniam, tihtlawm hi a ni. Ram tam takah chuan, heng damdawite hi US a kan pek aiin tlawm zawk daih an ni. Chuvangin ka sorkar (Administration) chuan hetianga diklo taka damdawi man sang tihhniam hi a tum a ni. Chuvangin damdawi man sang tihtlawm hi kan tih tur hmasa a ni. Aman a tlahniam ang.

America chuan kum tam liam taa sumdawnna dik tawklo (unfair deals) vanga kan rah chhuahna tur leh companies te, kan hna (jobs) leh hausakna phur botu chu titawpin a phek kan keu sawn ta a ni.

Economic thila tlawm taka inpumpekna (economic surrender) hun chu a zo ta.

Tun atang chuan, kan sumdawn pui thin ramte chuan dik takin thil an ti tawh ang, tih kan beisei tlat a ni.

Hna kan thawk anga,bad trade deals tibo turin kan inbe tha leh ang.

Kan Industries te kan dinthar angin, a diklo lai (crumbling infrastructure) kan siamtha leh ang.

American hna thawktute leh thil neih (intellectual properties) kan venghim anga, kan sumdawnna dan khauh takin kan lek kawh ang.

America chu hnam tungdingtu a ni Empire State Building chu kan sa a, kum 1 chhung lekin kan din a ni.

Party pahnihte chu thawkho tur leh kan him zawk a leh chak zawkna, dik zawkna leh tunlai a kan economy mamawh leh kan mipuite mamawh pe tura tangrual turin ka sawm a ni.

Zaninah hian Congress chu “new infrastructure investment” kan mamawh siam nan $ tluklehdingawn sangkhat leh tlunglehdingawn zanga ($1.5 trillion) chu bill siam nan ka dil a ni.

Federal dollar chu State leh Local sorkar inrelbawl nan anih tur ang taka hmangin, private sector investment thlenga hman tur a ni ang.

Kan thawhhona atangin kan rohlute kan din thar anga, kawngpui thar, lei thar, kawng thar, railways thar leh waterways te chu kan ram pumah kan siam tha ang. American rilruin kan ti anga. American kut leh ke leh American thil leh khawl (grit) ngeiin a ni ang.

American mi tinte chu, ni tin hna rim thawkin kan awm tur a ni tih hriattir ka duh a ni. Zan lamah naupangte pawh an in lamah him taka awm turin ka duh a. Khualehtui tin te chu he ram kan hmangaih hi chhuang (proud) turin ka duh a ni.

Kan khualehtuite chu hnathawhnathlenga tha taka enkawl turin kan duh a,retheihna atanga hmasawnna leh par vulna thlengin tha taka enkawl kan duh a ni.

Tax-cuts chuan hna thar a siam a, hawh u, hna siam turin leh job training atan i bei sauh sauh ang u. Vocational Schools ropui tak chu hun lo kal tur a hnathawktute tan hawng ila, chutah chuan crafts te zirin, an theihna zawng zawng chu a tak a ni tih an lo hria ang. Working family te chu tanpuiin, an family te chu i thlawp tlat ang u.

America chuan a chakna a siamthar leh angin, he remchanna hi khua leh tui zawng zawngte tan, remchanna tur siam tur a ni…”

CT LALRINAWMA
——————————

Aside | Posted on by | Tagged , , | Leave a comment

TIALDAWNGILUNG KHUA, VANLALRUATSANGA KAPHLUMTU NI A RINHLELH MAN A NI

Kar hmasa, January ni 26 zan a Tialdawngilung, Lawngtlai district khua, Vanlalruatsanga s/o Heinuaia ramvak, kaphlumtu ni a rinhlelh chu Feb 1 khan man a ni.

Kan thudawnna in a sawidanin Vanlalruatsanga kaphlumtu ni a rinhlelh, vawiina man hi Roluahpuia, Laltanpuia fapa, kum 25, Niawhtlang, Siaha district a ni a, Lawngtlai police leh Bualpui ‘Ng’ Police outpost te hmalakna a man niin Feb 1 vek khan Lawngtlai police station-ah rawn phurh thlak nghal a ni.

Post hmasa lama kan tarlan tawh ang in Vanlalruatsanga hi kar hmasa khan silai nen a ramchhuak tih a chhung ten an sawi a, January ni 26 Zirtawp zan khan Pu Ramcheua, Vawmbuk khua chu Niawhtlang khua atangin mi thenkhatin phone-a biain Tuipui kamah silai puak ri an hriat thu leh “min chhan ru” ti a au thawm an hriat thu an rawn hrilh a. Hemi hnu hian Vawmbuk leh Tialdawngilung khaw mipuite chu inpunkhawmin thawm an hriatna hmun chu an pan nghal a, ruang hi an va hmu ta a ni.

Mihring sulhnu leh thil awmdan atangin Vanlalruatsanga hi sapel midang kah ngei ni a ni a, a hnunglamah silai mu pariat lutin, a bek leh tukkhum pawh a sawp chhe vek a, a chal vei lamah silaimu luhna a awm bawk a, hengte avang hian a kaptu hian vawi 2 silaiin a kap ni a rin a ni.

Hetiang hi thil awmdan anih avangin Vanlalruatsanga chhungte hian Bualpui ‘Ng’ Police Outpost ah FIR an thehlut nghal a, a ruang hi January 29, (Pathianni) khan Siaha Civil Hospital-ah Postmortem niin, January 30 khan Tialdawngilung thlanmualah vuiliam nghal a ni.

Author : Kiddy Vanchhawng

Aside | Posted on by | Tagged , , , | Leave a comment

PATHIANIN KAN FALSE AFFIDAVIT CASE MAL A SAWM TAN E….

Kan Chief Minister ber chu a ram neih zep rua puhna leh a kum tih danglam chhen avangin Section 125 -A of the Representation of Peoples Act angin FALSE AFFIDAVIT case siamsakin , “thla 6 tal lungin a tang tur a ni”…tia Chief Minister ber bei hmasa chat kha kan ni reng a. Chu chuan rah tha a rawn chhuah tan dawn niin a lang ta.

Inthlan dawn a Affidavit thehluh te pawh kan incheck chian sak ta sap sap hlawm a. Kum upat zawng ( Age) mai nilo, Affidavit a eng thil pawh kan ziah te kha ….Election RO emaw officials te’n Affidavit anga theh luh a nih miau avangin an verify / check tawh ngai lova, Affidavit theh lut tu mawh liau liau a ni.

Congress party hruaitu fel tak tak te’n kan ram ah democracy felfai leh hrisel tak kan neih chuan kan ram leh hnam tan hmasawnna tluantling a thleng thei dawn ani tih hria a hma an han la tan ang hian party dangte pawhin la ve se…tih duh avanga he Pu Hawla False Affidavit case hi buaipui kha kan ni reng a. SUM PAI ( Moveable and Immovable assets ) ang chi te phei hi chu i incheck sak ngun leh zual ang u khai.

He case chungchang a Press Meet kan neihna video hi uluk takin, neutral takin lo en ve teh khai. Chunglamin he Mizoram leh hnam a khaichhuah tum dan hi a ropui teh asin. Mizo Kristian lawmin zuang tawh ta che. SUAL DO kawngah polite kual ve duh tawh lovang u aw. Kan Sawrkar sum eiruk leh mipuite hmuhsit ching ho te pawh an polite bik lemloh hi maw le….., Pathian ringtu intih avanga tawngpawng polite dui reng tur kan ni bik lo.
Jehova Jire..

Author : Hriata Chhangte on 25ᵗʰ Jan, 2018

Aside | Posted on by | Tagged , , , | Leave a comment

CHAKMA FOREIGNER ZIRLAITEN MIZORAM CHHUNGAH ZIRNA AN CHHUNZAWM LOH NAN MIZORAM CHHANTU PAWL CHUAN HMA A LA DAWN

Notification No :-MCP/Gen. Hq/02/07/2018
Dated Aizawl, The28th January 2018:

Mizoram Chhantu Pawl General Headquarters chuan Mizoram chhung a Chakma foreigner-te zirna chhuanlam a Mizoram chhung a zirna in hrang hrangah zirna an chhunzawm ṭhin hi ṭha lo kan ti hle a. An zirchhuah hnuah Mizote hmai ti bal zawng leh dik lo taka min chhuah mualphoṭhin hi a lo tawp theih nan hmalak hi thil ṭul leh tih makmawh ah Mizoram Chhantu Pawl chuan a ngai a ni.

Kumin Academic Session(2018-19) atang chuan Mizoram chhung ah Chakma foreigner zirlaiten High School, Higher Secondary School leh College khawi hmunah pawh lehkha anzir kan remti tawh dawn lo a. Zirna in neitu leh hotuten he kanthu chhuah hi ngai pawimawh a Chakma foreigner zirlaite admission lo pe lo turin kan ngenin kan hriattir a ni. He thil hi Mizoram Chhantu Pawl chuan a thlithlai chhunzawm zel dawn a, lo ti lui emaw chakma foreigner admission lo pe kan awm a nih chuan an chungah engpawh thleng se an sawisel thei lo ang. He thil hi ram leh hnam thil a ni tih hria a, kan thuchhuah min zah sak hram hram turin kan ngenin kan sàwm bawk a che u.

Chakma foreigner zirlaite chungchang hi Chakma NGO leh anzirlai pawlte dawhkan kila sawipui kan tum pawh a an duh lohavang leh vawi tam inbiakna neih pui tura kan sàwm chung pawh a chhuanlam ho te te hmang a pamtulin sawi pui theih an ni lo a. Chuvang chuan loh theih lohin hetiang a hma kan lak hi a ngai a, he thil hi Chakma-ten an cho chhuah ah Mizoram Chhantu Pawl chuan a ngai nghet tlat a ni.

Mizoram mipuite pawhin he kan hmalakna hi hrethiam a min support tlat turin kan ngenin kan sàwm bawk a che u.

Sd/-
Secretary
Mizoram Chhantu Pawl
General Headquarters
Aizawl Mizoram

Aside | Posted on by | Tagged , , | Leave a comment