ISIS AN TLAN DARH TAN TA : TAIVANG BU THAIDARH AN ANG MAI THEI

Tunlaiin Iraq leh Syria rama ISIS beih pui chhuahna kal mek zelah, Mosul (Iraq) leh Raqqa (Syria) khawpuia inkulh ISIS hote chan a chhe chho mek zel a; an tlandarh hi khawvel hmun hrang hrangah harsatna siamtu an nih an ring hlawm hle.

ISIS hotupa ber Abu Bakr al-Baghdadi tawm kuka sawi, Iraqhmun, Sinjar Tlangram bul thuta khaw awm Baa’j chu Shia milita ten an hual bet a, mahse, ni 4 kaltaah al-Baghdadi hian he khua hi a tlanchhiat san niin an ring. Baa’j khuaah hian ISIS hotupa hian chenna In 10 (safe house) a nei a, chutah chuan khawi berah nge a riah a, a chen an hre theilo. Chu khuaa awm te chuan al-Baghdadi chu khawi berah nge a riah ang tih zawhna leh sawiho pawh thihna a ni, an ti. Tuman a chungchang hi an sawi chhuak ngam lova. ISIS hruaitupa zawn chu mahni lu zawrhna a nih vangin a hlauhawmin, an tihbai hle a ni.

Shia militia hoten Baa’j an va luh chhuah chuan building thenkhatah bomb siamna te, suicide bomber kawng hren te leh assault rifles an hmu nual a, tin, an ransacked a silaimu inthun teuhte pawh an tlanchhiatsan a ni.

Baa’j khuaah hian Abu Bakr al-Baghdadi hi kum 2 dawn chu a tawmin a cheng niin an sawi. Tun kar liamtaa People Mobilization Front (PMF) sipaiten Baa’j an va luh chhuah dawn hian ISIS hote chuan Thihchilh pawl mi 6 chu PMF te dang turin an tir a, tin, kawng kamah bomb an kam nasa in, mihring ang pawhin suicide bombers ho chu “booby traps” anga awmin PMF sipaite hi tihbuai hle an tum a ni. PMF commander Abu Mehdi al Mohamed chuan, “Kan hma tawngte chu suicide bombers 6 vel rawn tirin min bei a, chutih lai chuan tlan chhuahna tur kawng chu Shawqat kawngah siamin, kawng an siamah ISIS hotute chu an tlanbo hman niin alang” a ti. Syria ram chhunga Mayedin leh Dishesa ah phei chuan ISIS hi an tlanchhe nasa tawh a. Baa’j khuaah chuan “booby traps” an tih thang hi 900 chuang, bomb sut thiamten an sut tawh a ni.

Raqqa lakna turah hian US-led forces te chuan ISIS beih nan bomb chi khat, Vietnam War ah pawh an hman “White Phosphorus” an hmangin an sawi. He bomb hi eng tak angin an kap chhuak a, mihring taksa ah a zung zam a luh khan thih pui theih niin an sawi

Author :    

Aside | Posted on by | Tagged , , | Leave a comment

ISIS AN TLAN DARH TAN TA : TAIVANG BU THAIDARH AN ANG MAI THEI

Tunlaiin Iraq leh Syria rama ISIS beih pui chhuahna kal mek zelah, Mosul (Iraq) leh Raqqa (Syria) khawpuia inkulh ISIS hote chan a chhe chho mek zel a; an tlandarh hi khawvel hmun hrang hrangah harsatna siamtu an nih an ring hlawm hle.

ISIS hotupa ber Abu Bakr al-Baghdadi tawm kuka sawi, Iraqhmun, Sinjar Tlangram bul thuta khaw awm Baa’j chu Shia milita ten an hual bet a, mahse, ni 4 kaltaah al-Baghdadi hian he khua hi a tlanchhiat san niin an ring. Baa’j khuaah hian ISIS hotupa hian chenna In 10 (safe house) a nei a, chutah chuan khawi berah nge a riah a, a chen an hre theilo. Chu khuaa awm te chuan al-Baghdadi chu khawi berah nge a riah ang tih zawhna leh sawiho pawh thihna a ni, an ti. Tuman a chungchang hi an sawi chhuak ngam lova. ISIS hruaitupa zawn chu mahni lu zawrhna a nih vangin a hlauhawmin, an tihbai hle a ni.

Shia militia hoten Baa’j an va luh chhuah chuan building thenkhatah bomb siamna te, suicide bomber kawng hren te leh assault rifles an hmu nual a, tin, an ransacked a silaimu inthun teuhte pawh an tlanchhiatsan a ni.

Baa’j khuaah hian Abu Bakr al-Baghdadi hi kum 2 dawn chu a tawmin a cheng niin an sawi. Tun kar liamtaa People Mobilization Front (PMF) sipaiten Baa’j an va luh chhuah dawn hian ISIS hote chuan Thihchilh pawl mi 6 chu PMF te dang turin an tir a, tin, kawng kamah bomb an kam nasa in, mihring ang pawhin suicide bombers ho chu “booby traps” anga awmin PMF sipaite hi tihbuai hle an tum a ni. PMF commander Abu Mehdi al Mohamed chuan, “Kan hma tawngte chu suicide bombers 6 vel rawn tirin min bei a, chutih lai chuan tlan chhuahna tur kawng chu Shawqat kawngah siamin, kawng an siamah ISIS hotute chu an tlanbo hman niin alang” a ti. Syria ram chhunga Mayedin leh Dishesa ah phei chuan ISIS hi an tlanchhe nasa tawh a. Baa’j khuaah chuan “booby traps” an tih thang hi 900 chuang, bomb sut thiamten an sut tawh a ni.

Raqqa lakna turah hian US-led forces te chuan ISIS beih nan bomb chi khat, Vietnam War ah pawh an hman “White Phosphorus” an hmangin an sawi. He bomb hi eng tak angin an kap chhuak a, mihring taksa ah a zung zam a luh khan thih pui theih niin an sawi

Author :    

Aside | Posted on by | Tagged , , | Leave a comment

IRAN-IN US CHU ISIS DINTU LEH MIDDLE EAST A BUAINA SIAMTUAH A PUH

Iranian Supreme leader Ayatollah Ali Khameini chuan niminah senior official hote hmaah, “US chu Middle East biala buaina siamtu niin, ISIS hote dintu leh thlawptu a ni a, “dawthei” tak a ni. ISIS leh firfiakte do angin a insawi hi dawt vek a ni. America ram chu terrorist ram leh thlawptu an ni e”, a ti. Tunlai US leh Iran ram dinhmun hi a tha lo zual hle.

Sunday khan Dy Chief of Iranian Armed Force Maj. Gen. Mostafa Izadi chuan, “US leh ISIS inzawmna hi fiahna kan nei a ni” a ti ve bawk.

Ali Larijani, Speaker of Parliament pawhin, US chu ISIS vulhliantu leh kum 2015 atanga US-in ISIS kal tlanga Middle East biala a inrawlhna kan hria a ni, a ti bawk.

Javed Zarif, Iran Foreign Minister chuan Oslo ah Norway Foreign Minister Borge Brende-a hmuhnaah, “US chuan ram 5 ten lungrual taka UN hriat puia Iran nuckear deal a lo siam tawh chu, thiah emaw, tihbuai a tum a ni” tiin a sawi.

Tehran khawpuia Iran Parliament leh Ayatollah Arullah Khomeini, Iran revolutionary leader phumna thlan terrorist hoten an beihnaah mi 17 thiin, thi te vuina inkhawmah “Down with Saudi Arabia”, “Down with America” (Saudi leh US ram tluchhe rawh se!) tiin, mipui an au nasa hle.

Author : Ct Lalrinawma    

Aside | Posted on by | Tagged , , | Leave a comment

Acidity enkawl dan

Pum thip enkawl dan.
Pumpui lawng enkawl dan.

Acidity hi engtik lai emaw chuan tute pawh hian kan nei vek niin mithiam ten an sawi. Acidity chu kan pum-a gastric glands-ah acid a tam lutuk vang a ni a, a nih dan tur aia acid a lo tam chuan thinthip (heartburn) kan nei ta thin a ni. Hei hi a tlangpui thuin hmuihmer ei nasat vang te a duh hle. Tun tumah hian Times of India health section-in mahni tawka acidity enkawl dan tha ni a an tarlan te kan rawn chhuah chhawng e.

1. Soft drinks- cocoa cola, pepsi, fanta, sprite, etc kan tih ang chi ho hi in loh tur. Coffee in loh tur a ni a, thingpui aiah herbal tea thlan zawk tur a ni.

2. Nitin balhla, dawnfawh leh fanghma ei theih a tha. Dawnfawh tui hi acidity tihrehna tha tak a ni.

3. Nitin bawnghnute no khat in a tha.

4. Mut dawn hnaiah thil ei loh tur a ni a, chaw ei kham atanga darkar 2-3 hmain mut loh tur.

5. Chaw ei hun inkar rei lutuk hi acidity siamtu pakhat a ni. Tum khatah ei teuh loin, tlem tlemin ei ngun deuh zawk tur a ni.

6. Pickle lam chi ei loh tum la, chawhmeh thak lutuk ei lo la, vinegar pawh ei loh a tha.

7. Pudina hnah t;em chhum so la, a tui chu no khat chaw ei kham in thin rawh.

8. Lawngpar pakhat hmuam la, sehsawm mai lovin fawp deuh dek dek rawh.

9. Meizuk leh zu in te pawhin acidity a tipunlun thei.

10. Chewing gum thial a tha. Chewing gum thial laia kan chil lo chhuakin kan chaw ei te chaw kawnga an kalna a tiawlsam a, thinthip a tiziaawm thei.

11. Sawhthing hian digestion a pui a, chawhmeh a telh a tha.

12. Chhunah thil ei hma darkar khat velah sertui leh chini chawhpawlh no khat vel in la.

13. Drumstick, bean, mai, zikhlum, carrot leh spring oinion te ei a tha.

14. Balhla, almond leh yogurt (dhoi) te hian acidity vanga awm nuam lo a chhawk thei.
*************”****”***************

Aside | Posted on by | Tagged , | Leave a comment

Rihna tihhniam dan

Rihna tihniam duhte tana ei chi
Rihna tihniam duhte tana ei chi – Intih cher leh rihna paih then duh tan chuan ei leh in bakah exercise lak that a pawimawh hle a, chuvangin i exercise lak piah lamah eitur leh ei loh tur te i thliar hran a pawimawh. Tun tumah hian Times of India health section-in rihna tihniam tumte tana ei tur ni a an tarlan te kan rawn chhuah chhawng e.

1. Hmarcha hian vitamin C a pai a, chu chuan kan taksa thau inchhekkhawl a tleuhfaih thei. Hei bakah hian a thak avangin puara inhriatna min neih hma tir thei bawk. Hmarcha gram 100-ah 20 calorie vel awm angin an chhut.

2. Apple hi exercise i lak hmaa han hmawh zauh atan te pawh a tha hle. Minerals leh dietary fibre a pai hnem a, hei bakah hian polyphenols a pai hnem bawk. Polyphenols chu compound hrisel chi niin kan taksain natna a do theihna tichaktu a ni bawk. Apple gram 100-ah 50 calories awm angin an chhut.

3. Spinach hian nutrient a pai hnem a, vitamins leh iron te pawh a pai hnem hle. Taksa atanga thil tha lo (toxins) paih chhuaktu tha tak a ni bawk. Spinach gram 100-ah 23 calories awm angin an chhut.

4. Zikhlumah hian vitamins leh minerals, kan taksa atanga thil tha lo (toxins) paih chhuah puitu a tam a, fibre a tam a, taksa atanga thau paihtu a ni bawk. Zikhlum gram 100-ah 25 calories awm angin an chhut.

5. Pa (mushroom)-ah hian fibre a tam hle a, mi a tipuar hma bawk. Pa i ei chuan thildang ei vak lo pawhin puar riaua inhriat a awl a, chuvangin chaw ei teuh teuh turte pawh a veng thei. Pa gram 100-ah 22 calories awm angin an chhut.

6. Theihmu hian nutrient leh anti-oxidant a pai hnem a, taksa atangina thil tha lo (toxins) paihchhuaktu a ni bawk. Natural sugar a nei a, hei vang hian thil thlum chak huam huamna (sugar-cravings) a tiziaawm thei. Theihmu gram 100-ah 57 calories awm angin an chhut.

7. Carrot hian beta-carotene leh dietary fibre a pai hnem hle. Beta-carotene hian kan taksa a free radicals a tibo a, toxins a paih chhuak thei bawk. Carrot gram 100-ah 40 calories awm angin an chhur.

8. Dark chocolate hi a nutritional value a sang hle. Dark chocolate siamna cocoa hian flavonoids leh polyphenols, nutrients a pai hnem a, dark chocolate chu BMI tihniam theitu a ni. Dark chocolate gram 100-ah 500 calories awm angin an chhut.

9. Kale hian vitamin leh fibre a pai hnem a, rihna tihhniam tum tan ei chi tak niin, chaw paitawihna lam a pui nasa hle bawk. Hei bakah hian taksa atanga bawlhhlawh paihchhuaktu tha tak a ni. Kale gram 100-ah 49 calories awm angin an chhut.

10. Quinoa hian protein leh fibre a pai hnem a, a dietry fibre pai hian kan taksain thau leh cholesterol a lo hip tur a tihniam thei. Hei bakah hian amino acids, vitamins leh minerals a pai hnem a, chu chu rihna paih tum tan a tha. Quinoa no khatah 200 calories awm angin an chhut.
****************************

Aside | Posted on by | Tagged , | Leave a comment

BCM KOHHRANIN SAKRAMEN ATAN MIZO SIAM HMANG TAN DAWN

Sacrament a hman tur grape zu.
Sacrament ah grape an hmang dawn
Champhai Grape Growers Society (CGGS) leh Baptist Church of Mizoram (BCM) ten inremna an lo siam tawh angin Grape atanga siam, Sacramental Wine chu hman theiha peihfel a ni a, inrinni khan Mizoram Baptist Kohhran hnenah hman turin pek chhuah tan a ni.

Sacramental Wine vailiamna hun hi Grape Winery, Tlangsam-ah hman a ni a. CGGS Assistant Secretary Pu C. Zohmingliana’n a kaihruai a. BCM Pastoral Ministry a Coordinator Rev. V. Vanlalchhunga’n hunserh hmangin Pu B. Remmawia, Chairman CGGS in welcome speech a nei a ni. He hunah hian Horticulture department Director Dr. Elizabeth Saipari leh BCM General Secretary Rev. F. Ramdinmawia ten thu an sawi a, Champhai DC Pu Vanlalngaihsaka’n vailiam-in thu a sawi bawk. BCM Choir ten zaiin rawng an bawl a, Lawngtlai Exacutive Secretary Rev. R. Lalbiakliana’n Malsawm tawngtaiin inkhawm a khar.

BCM Assembly Executive-in a lo passed tawh bawhzuiin, CGGS hruaitute leh BCM puipate chuan nikum November ni11 khan Sap Upa leh Pu Buanga Hall-ah inremna thuthlung an an lo ziak tawh a ni.

Author : Slchhunga Gooner    

Aside | Posted on by | Tagged , , | Leave a comment

KHAWVÊL THLÂK DANGLAMTU HMEICHHE ROPUITE by Samsona Hmar

Nun pangngai pûta nung mâwl ve mai mai an awm laiin an thiltihte a vanga khawvêl pum nghawr nghîng danglam rawih pawh an awm a. Îtsîkna, elrelna, huatna, chaponate hneh theitu chu pasal țha an ni zêl mai a ni. Khawvêl thlâk danglamtute zinga hmeichhe ropui panga chungchang sawi dawn ta ila a țha awm e.

1. Anne Frank-i
Germany ram, Frankfurt khawpuia Bank businessman Otto Frank-a leh Edit Frank-i te nupa karah June 12, 1929 khân a lo piang a. Juda hnam an ni. Amah aia kum 3-a û laizawn Margot Frank-i a nei a ni. 1932 kum a lo her chhuak a, Hitler-a kaihhruai Nazi party-in thuneihna an rawn pum hmawm chhoh khan (kan hriat țheuh angin) Juda huatin a hua a, a suat puk puk mai a, an chhungkaw nunnain a tawrh dawn a vangin Pu Otto Frank-a chuan a chhûngte chu Netherlands ram, Amsterdam khawpui lamah a pêmpui ta a. An vanduai a kal tluang zel a, May 10, 1940-ah Hitler-a’n Netherlands, Luxembourg, Belgium ramte kuk thluin a rawn la ta hmiah hmiah mai a, Netherlands-a Judate a vâi leh ta nghauh nghauh mai si a, Pu Frank-a chhungkaw nunna chu a ralmuang lo leh ta tho tho a. June 6, 1942 khân Pu Otto Frank-a chuan a chhûngte chu an him nan tiin pindan chungnungah a bihruktir a. Juda mi mtd 6 lai a that tawh tih a hriat phei chuan Anne Frank-i chuan a hlau êm êm țhin a ni.

Anne-i hian kum 13 a tlin piancham lawmpui nan a pain Diary bu a pêkah an bihruk laia an thlaphan leh hrehawm zia a ziak keuh keuh a. Informer-te kawhhmuhna a vangin August 4, 1944 khan Anne-i te chhungkua chu Nazi-hovin an rawn man a, Auschwitz Concentration Camp an tih Nazi-hovin Juda-ho an suatna hmunpuiah an thawn ta a. A diary erawh hi chu inah an hnutchhiah hlauh mai a.

Camp an han thleng chu chaw leh tui an dawng chaurau si, Typhoid natna a la lêng leh nghal a, he camp-ah hian chûngthilte tuar zo ta lovin 1945 kum khan Anne-i, a û leh a nu an thi ta a. Hitler-a a tlawm khan Anne-i pa Otto Frank-a chu an inah a haw ta hnak hnak a, a fanu Anne Frank-i diary bu chu a lo la awm bal a va hmu ta a. 1959 kuma Anne-i diary bu hi “The Diary of Anne Frank” tiin lehkhabua chhuah a nih chiah khan indona tichhuaktute leh indopuia tel ve sipaite mittui chu dan rual lohvin a luang ta a. He a Diary buah hian “Indona hian mihringte mittui chauh a siam” tih fiah êm êmin a ziak a, kum 13 mi lek hmeichhe naupang kut hnu chuan mite thinlung a tivar hial a ni.

2. Mother Teresa
Hmangaihnaa khat Mother Teresa hi hre lo kan awm a rinawm loh. Macedonia ram, Skopje khuaah August 6, 1910 khan a lo piang a. Macedonia-ah hian kum (18) chhung a awm a, Ireland-ah a awm leh a, a dam chhung hun tam ber leh hun hnuhnung chu India ramah a hmang ral ta a ni. 1950 kum khan India-ah “Missionaries of Charity” tih pawl a din a. India ram dung leh vânga phâr, AIDS natna vei, fahrah leh țanpui ngaite a piang enkawla țanpui nan a nun a hmang zo a ni ber mai. 1979 kum khan Peace Nobel Prize a dawng a, September 5, 1997 ni, a thih ni thleng khan dam lote a la enkawl a ni. “Mi za hnênah ei tur pêk tûr i nei daih lo a nih pawhin mi pakhat tal chu pe chhin ta che,” a tih țawngkam hian khawvêl a dêng chhuak a ni.

3. Aung San Su Kyi
Kan Myanmar mi mah ni se Khawvêl thlak danglamtu hmeichhe ropuite zinga sawi hmaih theih miah loh chu tuna Myanmar State Counselor Aung San Su Kyi-i hi a ni. General Aung San-a leh Pi Khin Kyi-i te nupa karah June 9, 1945 khan a lo piang a. 1960 kuma a nu Pi Khin Kyi-in Burma Ambassador to India-Nepal mawhphurhna laa a kal kha Su Kyi-i hian a zui ve a, 1964 kum khan Lady Shri Ram College ațangin political science subject-ah a graduate a ni. 1967 kum khan University of Oxford, St Hugh’s College ah philosophy, political science leh economic subjects tein BA a zo a, 1968 kumah political science subject in MA a zo leh a ni. Michael Aris-a nên an innei a, fapa 2 an nei. Hriselna țha tawk tawh lo a nu enkawl turin 1988 kum khan Burma-ah a lo kal a, chumi kum vêk September 27-ah National League for Democracy (NLD) party a din.

1988 kuma sipaiin Burma sawrkar thuneihna an pawng lak khan puhna tur hre miah si lovin Su Kyi-i chu inah an khung bet (house arrest) a. 1990 kum inthlanpuiah a chak lawr lak a, mahse, sipai tukkhum chhahho chuan an pawmsak duh lova, house arrest bawk chuan an dah leh ta ngar ngar a. A hmangaih a fate leh a pasal cancer natna vei pawh bawihsawm thei lovin a lunglenna, a lungngaihna leh a chhungkua a ngaihtuahnate zawng zawng chu a pianna ram Burma a hmangaihna thinlung chuan a thlakthleng ta zawk a.

Sipai rorelna rawngra tak mai chu remna kawng zawha hneh tumin a bei ta ngar ngar a, 1991 kum khan Peace Nobel Prize a hlawh chhuak ta a. 2010 kumah house arrest ata chhuah zalen a ni a, 2015 kum inthlanpuiah zahthlak khawpin a party NLD-in hnehna an chang a, State Counselor a lo ni ta a. Rawngra taka rorelna hi remna leh muannain a hneh theih a, mi dangte tana nun pe tura fuihna chu ama nun ngeiin khawvel hmuhah a lantir ta a ni.

4. Billie Jean King
American Tennis player Billie Jean King-i hian Wimbledon champion medal 20 tiamin medal 39 ngawt a dawng a ni. A hun lai hian Bobby Rigs-a pawh hi khawvel hriat thama Tennis Player lar tak a ni. Ni khat chu Bobby hian, “En teh, Billie, infiamnaah hi chuan nangni hmeichheho hi chuan mipate chu min hneh ngai lo ang” a ti vei awr awr a, 1973 kum, “The Battle of the Sexes” tih match-ah khan Billie Jean King-i hian Bobby Rigs-a hi 6-4, 6-3, 6-3 in a tudawl ta der mai a ni. Hmeichhiate hi mipate aiin an nêp bik lo tih khawvel hmuhah a lantir ta a ni.

5. Lady Diana
Kumpinu Elizabeth-i fa hming koh Prince Charles-a nupui Lady Diana-i hi kan hriat fur a rinawm. Diana-i hian a dam chhung nite chu țanpui ngaite țanpui nan a hmang ral a ni. Rah puah bomb donaah pawh a thawh hlawk hle. AIDS natna vei mi beidawngte tana a thusawi hi chhinchhiah tlaktak a ni. “Hmangaihna thianghlim nên enkawlin țanpui rawh u. Chutichuan AIDS veite hian an mahni an intina duh tawp lovang. Mite thinlung chhûng luahtu Lal Fanu nih hi ka duh a ni. Hringnuna pawi ber chu huatna kan pâi tel țhin hi a ni,” a ti.

Prince of Wales nupui hmêlțha Lady Diana-i thusawi a vang hian AIDS veite hi tiltîp ena en tawh lova țanpuitu tlawmngai pawl an lo chhuah phah ta țeuh a ni. Kum 37 mi a nihin a thi ta a, amah awm tawh lo mahse a hming leh a thiltihten khawvel mipui thinlung an la luah reng a ni.

Aside | Posted on by | Tagged , , , | Leave a comment

MBBS ZIRCHHUAK TE THINGTLANG-AH KUMHNIH AN AWM ZEL DAWN ..

Mizoram sorkar quota-a MBBS zir turte chu an zir chhuah veleh kum hnih chhung thingtlangah an thawhzui ngei ngeina tur bond sign tir vek an ni tawh dawn.

Health & Family Welfare Department (H&FWD) hotute atanga thudawn danin Mizoram sorkar quota a MBBS zir chhuak te chu Mizoram sorkar hnuaiah kum hnih tal thingtlangah an thawk zui tawh dawn a, hemi tur hian Mizoram quota-a MBBS an zir hmain an thawk ngei dawn ani tih intiamna (bond) sign tir vek an ni tawh dawn. H&FWD hotute chuan Mizoram quota a doctor zirchhuak te hian an zir chhuah veleh a thiltlanga hnathawh (rural posting) hi an thawk zui duh lo a nih chuan an zirna senso sorkarin a tumsak Rs. nuai 20 chuang chu an rulh let a ngai dawn niin an sawi.

H&FW hotute chuan technical zirna lam buaipuitu Higher & Technical Department nen pawh tha taka an inthlunzawm tawh thu sawiin rural posting kalpui tur hi nikum atanga tan a nih thu leh a tul anga hma lak zel a nih thu an sawi a. He dan hi siam thar chauh a la nih avangin he dan hmang hman tur leh rural posting ti tur MBBS zirchhuak an la awm rih loh thu an sawi.

Aside | Posted on by | Tagged , , | Leave a comment

REAL MADRID DUODECIMA CHHEHVEL by Mamuana YZgoal

Real Madrid in Cardiff-ah Juventus chu 4-1 in an hneha, European Cup atanga UEFA Champions League an tih hnua he Title humhim thei hmasaber niin, ‘Duodecima’ (European champion vawi 12-na) an tlin ta der mai. Goal tam zawk mahse, 1998 final (RM 1-0 Juv) kha a tluk lo emaw ni (??).

Khami tum han sawi takah chuan, star player duhawm tak takte leh an huhang bakah, tactical indona tih vel ai mahin, goal awmchhun thuntu, Montenegrin striker Pedrag ‘Pedja’ Mijatovic ka hrechhuak thin.

Pedja sawi takah chuan, R.Madrid tana Barcelona a hmachhawn hmasak ber tuma, a fapa Andrija thihna kotlanga a din lai pawha Club tana a inpekna ropuizia kha ka hrechhuak lo thei lova. Khatihlaia Vanglaini-a ‘Soccermania column’ a ka ziak leh, a hnua The Y2GOAL mags.a ka ziah lo chhiar fuhte pawh, tun hnuah hian ka tawng zauh zauh!!

Kum 32 (1966) lai an ban phak tawh loh hnua R.Madrid ho European Champion nih lehna hmasakber, 1998 kha an club history-a an huntawn pawimawhber pawl niin Ka ngai a. Khatihlai khan an crest-ah ‘Kraws’ chuang mahse ‘KrawsHnehna’ ah an puang kher lova, nimahsela ‘Modern day R.Madrid’ indin chhohna lungphum niin ka ngai!! (Kraws tihlan leh lan loh te hi Kristian or Muslim sakhua chungchang nen thuk taka inzawm a neih thu hi khawvel media lamah in lo hmu tawh bik em aw?).

‘Pedja’ MIJATOVIC???
Tribal (Cuce) rawlthar kum 18 Pedja hi 1987 FIFA World Youth Cup-a Yugoslavia an champion tum khan, goal 3 thunin an ramah a larin, club lian hovin an inchuh nasa hle a. Buducnost atangin an ram club lian Partizan in an la zui thuai a, 1993 khan Spain panin, Valencia a zawm. Heng lai hian Interior designer lar tak, Belgrade socialite Elena Karic nen an inkawpa, fapa Luka leh Andreja te neiin, an inthen a ni.

‘MODERN DAY’ REAL MADRID LUNGPHUM
Zoram buai tirh atanga kum 32 chhung khan R.Madrid chu European champion an ni miah lova. 1990s chawhma lamah an hmelma kumhlun Barcelona hnungah, club lian lem lo Dep.la Coruna, Betis etc. tenen an inchai tawk viau mai a, sum lamah pawh an pachhe hle. Kum 10 lai Club President Ramon Mendoza chu a hnuaia Director Lorenzo Sanz chuan Nov.’95 inthlan khan a paih a ni (Lorenzo te hi football chhungkua niin, a fapa Francisco leh Fernando (RM Academy chhuak, 1st team ah season 3) leh a fanu-pasal/makpa pawh Michel Salgado)Sanz chuan R.Madrid tungding leh turin theihtawpin a bei nghal a, a hova Summer transfer period hmasaber(1996-97 dawnah) ah Italian coach ropui Fabio Capello bakah, star player – Seedorf, Roberto Carlos, Panucci, Bodo Illgner etc.te an signa. Sanz hian (khatihlaia) “Ronaldo aia tha zawk” a tih Mijatovic leh WYC ’87 teammate Davor Suker te chu ama pawisa in a lalut bawk!! (an hmelma kumhlun Barca paw’n Ronaldo, Blanc, Couto etc.bakah tuna an coach kalchhuak ta Luis Enrique (R.Madrid atangin) te an la ve nual bawk).

SEASON BULTAN CHHIA
1996-97 season ah sumseng hnember R.Madrid hian bul tan chhe hle. Mahse reiloteah laktharte leh lo awmsa-Raúl, Hierro, Zamorano, Redondo etc. te boruak tha chhovin, hma an sawn hret hret a. Season chanve hma deuhin R.Madrid hian hmahruaitu niin, an lehpelh tak Barca chu Home-ah an mikhual dawn a, chak lo zawk tan Title banphak a har turzia te hriain, chakzawk nih ngei tumin an inpuahchah ngawrh dun hle.

MIJATOVIC CHHUNGKAW HARSATNA
Mijatovic hian Madrid a zawm tirhin (nupui then hnu) a fapa kum 2 mi lek Andreja chu hydrocephalus (thluaka tui awm) natna vei tih hriatchhuah a ni a. ‘El Classico’ a khelh hmasakber tur bakah, La Liga title a lak theihna hun remchang hmasaber tur (Pawisa ni lovin, Title duh vanga club lian zawm a ni) niin, inbuatsaihna hun vawrtawp a thlen laia, a fapa in zaipui a tawk tur chu lainat a hlawh hle!!

Pedja chuan damdawiinah a fapa chu zankhuain a awmpui ngat ngat a. A tuk khua a var a, hahchawlh tum reng reng lovin, Training centre-ah a va thleng hlawl!! Coach lar zingah rau rau pawh, strick em em, discipline ngai pawimawh rumruta lar Capello meuh paw’n “Hetah engatinge i rawn kal??..i fapa thihna kotlangah a awm a, (nupui nei lo/then)chhungkaw uap lum tur ber i ni lawm ni??? Va haw la, i chhungte va thlamuan ta che…” a ti hial a.

Nimahsela, Pedja chuan ngawi rengin a boot a bun a, thahnemngai takin a training zawk ta tauh tauh a. Hei hian supporters te beng thleng thuai a, an rilru a hneh tak zet zet a ni!!

Inkhelh hun a thleng ta… Capello paw’n Pedja chu First XI-ah a telh a, Suker nen goal thunin, 2-0 a chakin a khel tha tak zet zet a. Mins.12 a la awmin Pedja chu lakchhuah (sub) a ni a, khelmual a chhuahsan lai hian, Madridistas mipui nuaikhat chuangin “Andreja, Andreja…” tia au rualin, Santiago Bernabeu chhung leh chhehvel a thangkhawk rum rum a… Touchline-ah Capello chuan lo dawngsawngin, a lo chibai laiin Pedja’n a mittui a hru fap fap kha chu…a hmun leh TV-a hmutute mittui pawh a ti tla nasa ngei mai!!

Inkhel zawhah Dressing room-ah an captain chhuanvawr, vawiin thlenga Madrid a la awm mek Fernando Hierro chuan ama jersey no.4 ngei mai chu hlan pahin, inkhel zawhtak chu Andreja hnenah a dedicate thu bakah, “Andreja chu a lo len deuh hunah, he kawr hi i lo pe ang a, tun game chungchang hi i la hrilh dawn nia…” tiin a chah a, Dressing room boruak pawh a hnim nghulh niin an sawi. He season hian Pts.2 a Barca khumin, Primera div. ah Campiones an ni.

Andreja hian zai a nih hnu hian tha/harh chho mahse naupang hrisel lo tak a ni a. 2009 khan zai a tawh leh hnuin a boral thu Real Madrid website-a tarlan a ni!! Hierro thuchah kha tihlawhtling hman tak maw???

Sanz a lungphum hi 2000 a Prez. thar Florentino Perez chuan tuaihnumin, sum tam tak sengin “Los Galacticos” a din a. He ‘galaxy’ a player chhuanawm tak tak an lakluh theihte khawnkhawmin- Zidane, Ronaldo, Luís Figo, Beckham, Cannavaro te’n Raul, Roberto Carlos, Casillas etc.te an han chawih kha chu, an nep lovee!!

1998 UCL FINAL :
Kum 32 lai an banphak tawh loh European champion nih tumin R.Madrid hian UCL 97-98 chu an khela, an chetha chho hle. Final ah Juventus chu Amsterdam Arena-a entu mi singnga vel leh, TV atanga thlirtu khawvel mipui nuai sangnga vel hmaa sikhatin an hneha. Inkhel hmuhnawm taka goal hi, 2nd half ah Roberto Carlos-a pet chu Mark Iuliano chuan lo dang perin, Goal box kilah Pedja chuan nalh zeta goalie Peruzzi bumin a thun…
Chutah an Technical Box chu kung zungchala kawk-va chungin, 60 yards-a rawn tlan phei…thiante nen an inkuah… an chhungkaw boruak hre tan chuan an hlimawm dan a dangin, lungte pawh a tichhe hial a ni!!

Khatih laia, ‘Ka khawvel’ chu ‘Football’ hi a ni mai a. “Those few seconds after scoring were sheer happiness…I never felt such a feeling in my life, as a sportsman or as a person” titu Pedja aia, khatihlaia (memorable moment) dinhmun sang (it-awm) kha an awm bik kher lovang!!

Nimahsela, ‘Off the Pitch’ ah erawh chhungkaw harsatna lian tak an nei a. Mel sang chuang a hla, Spain ah a fapa kum 3 mi, Andreja chu hydrocephalus (thluaka tui awm) vangin natna khumah nikhaw hre lovin a mu mek a. European football ‘Biggest night’-a Greatest prize chu a pa kutah a awm tih pawh a hre si lo!! “The goal and the Cup are for my son, It is the most important day of my life” tih zui ngai hial khawpa dinhmun khirhkhan an tawk erawh chu, an lainatawm tak zet zet a ni.

HUN HNUHNUNG…
Pedja hian 2004 ah Football chawlhsanin, Player Agent a ni zuia. Personality tha leh sang tak niin, 2006 a RM President thlanthar Ramon Calderon chuan an club-a dinhmun sangber pawl- Sporting Director ah ruatin, kum 3 a chelh hnuah a bang a. Chelsea in Director of Football Frank Arnesen an ban khan, a aiawh turin an la dawn emaw tiin thuthang a awm hman. Football khawvel-a Transfer zinga mite barakhaih ber zinga sawi, striker turu Samuel Eto’o an Inter Milan atangin, khawvela footballer hlawh hnember ni tura FC Anzhi (Rus)-a pan tuma, an indawrnaah khan FC Anzhi aiawhin a tel ve tlat bawk!!

BULTAN THATE@1997
BALLON d’Or FIFA World Player of the Year (Ballon d’Or) thlanah, 1997 kha a danglam khawp maia, Top 3 te kha an Club thar tana an season khatna theuh zuk nia! Pakhatna Ronaldo kha Barcelona in PSV atanga an leithar niin, Valencia atang RM leithar Mijatovic chu pahnihna niin, Bordeaux atanga Juventus in an lak Zinadine Zidane chu pathumna a ni.

Aside | Posted on by | Tagged , | Leave a comment

GUJARAT A PAWL 9 ZIRLAIBU AH ISUA CHU RAMHUAI TIA ZIAK A NI

Tunhnaia Gujarat State School Textbook Board (GSSTB) in Pawl 9 Hindi (second language) zirlaibu a tihchhuah a, Isua, Ramhuai ti anga a ziak chuan ramchhungah inhnialna a ti tam hle. He zirlaibu ah hian Isua Krista a sawi dawnah thumal pakhat, ‘Havaan'(adj) Ramhuai (demon tihna) a hmang a ni.

He thil hi Christian te chuan thla hmasa lam daih tawh khan sorkar hnenah an lo hriattir tawh tih an sawi.

He zirlaibu Bung 16-na, ‘Bharatiya sanskriti mein guru-shishya sambandh’ (teacher-student relationship in Indian culture) tihah hian, “Is sambandh me hevaan Isa ka ek kathan sada smaraniya hai (In this context, one statement of demon Jesus is always memorable) tih leh Lal Isua chu, “My followers are much greater than me and I am not worthy enough to be even their shoes.” tih sawitir a ni bawk.

Catholic Church of Gujarat thupuangtu, Fr Vinayak Jhadav chuan he thil diklo hi thla hmasa lam daih tawhah khan GSSTB Chairman, Principal Secretary of Education leh National Commission for Minority Educational Institutions (NCMEI) Chairman hnenah kan thlen tawh a, “A landan in he thumal ‘hevaan’, Ramhuai emaw Sakawlh emaw tihna hi chhutsual palh pawh a ni thei e, tiin a rang thei ang bera a tihdikna siam turin kan ngen a ni. Textbook Board lam atanga thu engmah kan hriat tak loh avang in Gujarat United Christian Forum lamah thlenin he thil hi state education minister lamah sawifiahna, tihdikna leh a tul anga hremna (disciplinary action) la turin kan thlen ta a ni. Hei hi sakhaw thu hla mai a ni lova, quality education chungchang pawh a ni.” a ti.

Author : Kiddy Vanchhawng    

Aside | Posted on by | Tagged , , , | 1 Comment