ACHILLES : Son Of Peleus….

Achilles-a nun hi hrilhlawkna ropui leh rapthlak, Hercules-a nen phei chuan mi khawngaihthlak tak an ni.

Greek ho te Pathian ropui leh chungnung ber Zeus-a hremna avangin rimawi leh thal kah lam Pathian Apollo-chuan tumahin a an tihchhiat theihloh tur Troy kulh chu asa a, sipai rual engzaha tam pawh in an tih nghin leh lawn liam theih loh tur khawp a nghet ani, he kulh avang hian tumah in troy hi anla hneh thei lova, a hunlaia khawvela khaw ropui leh lar ber ani.

He kulh hi tumah in an tichhe thei lova, an la hneh ngai bawk hek lo, mahse hrilhlawkna alo thleng a, chu chu tuipui Lasi Thetis-i fa Achilles-a chu Greek pasaltha zawng zawngah a huaisen leh ropui ber ala ni anga, Troy kulh chu abul chawp in ala kar phawk vek ang, Achilles-a lo tumahin Troy kulh hi anti chhe thei lovang tih hi ani.

Han kir leh lawk ila, Pathiante zinga chungnung ber Zeus-a leh Lui Pathian Asopus-a fanu Aegina-i te chuan fapa Aeacus an nei a, Aeacus-a chuan Pelion tlangram a nymph (lasi) Endeisk-i neiin fapa Telemona leh Peleus an nei leh a, Telemona chuan Salamis Lal Cychreus-a fanu Periboea-i neiin, an ni hian Ajax-a, (A film a Hector a nena insual Palian pui kha) an nei a, Peleus-a chuan Pathian te zinga hnuaihnung deuh Tuipui Pathian Nereus-a fanu tuipui lasi Thetis-i anei thung a, chuan fapa Achilles-a an nei leh ta ani.

Zeus-a hian Thetis-i fapa lo piang tur Pa hi Pathiante zing ami ani ang tih ahlau em em a, achhan chu Thetis-i fapa Achilles-a chu alo puitlin hun chuan achak in ala ropui dawn a, Chuvangin Thetis-i hian Pathiante zinga mi pasal aneih chuan A lalna chu ala chuh buai thei dawn tih ahria a, chuvangin Myrmidon Lal Peleus a nen a in neih tir a, he an inneihna hi a ropui hle a, khawvel inneihna ah chuan a ropui ber ani, Achilles-a nu leh pa inneih lawmna Ruai pawh hi Pathiante chenna Olympus tlangah an theh a, Pathian leh Lal, Pasaltha zawng zawng an kim vek a, Pathian te chauh ina an in thin Zu thlum ber thlengin a awm vek a.
tin Pathiannu Pakua Zaithiam, Pathiante hma chauh a zai thin leh mihringte hriat ve thianglo, Muse- ho te pawh in hla an remsak a, Pathiante ruaitheh pawh hei ai hian ala aropui ngailo ani. Tin, Tuipui Pathian Chungnung ber Poseidon-an inneih lawm nan sakawr thi thei lo pahnih, Balius leh Xanthus a pe bawk a, he sakawr te hi ahnu a Troy indo na a Achilles-an a hman te kha an ni.

Achilles-a nu Thetis-i hian a fapa chu Troy indo na ah la thi dawn tih chu a apian hma daih atang tawh a a hriatlawk avangin, Lui thianghlim Styx Lui ah abual a, Styx lui hi thiltihtheihna ruk leh danglam tak nei, Mei thianghlim nen a inzawm anih avangin, He luia an inbual chuan Pathiante angin an thi thei lo ve dawn ani.

Mahse Achilles-a luia a chiah pil laiin a ke artui ah avuan a, chulai te chu a huh kim loh avang in, a ke artui chauh a khawih fuh in athi thei ani, a hnu ah Troy lal fapa Paris-an thal in a kah fuh avangin athih phah ani.

Achilles-a chuan Centaur zing a lalber (a kawng achin hnuailam sakawr, chunglam mihring) Chiron-a (zeus a pa Cronos a leh tuipui Pathian Philyra-i te fa) hnenah ngat indo leh hriamhrei hman dan azir bawk a.

Tin khawvelah amah aia fei khawh thiam leh khawhna an awm lo a, he Trojan war, Troy indo na, khawvel History a indona lar leh ropui ber ah hian Pathiante pawh an in rawlh nasa a, Troy ho hi Ramsa leh ramhnuai Pathiannu Artemis in a tanpui a, greek sipai ho awmna ah Colchis sakeibaknei, bawng chal tiat, lu pahnih nei, a ngho pawh feet 2 dawnlai a sei, a vun pawh achhah em avang a Fei pawh ina akhawh nat zo loh chu achhuah a, he ramsa hi Achilles-a chuan bei in, alu pahnih chu a tansak hial a, hei vang hian, Pathiante pawh in an hlau a, mihring zingah khuti khawpa huaisen khu engtinnge an awm theih tiin Greek sipai an tihbuai avangin Achilles-a pawh an hlau hial ani.

Achilles-a indo thawmhnaw leh hmanrua hi Hmanraw siamthiam Pathian, Hephaestus-a, Pathian te pawn a hmanrua an siamtir thin,

Finna Pathiannu Palllas Athena-i fei pawh siam tu in a aia tha awm tawh lo tur a asiam sak ani a, A phaw hi rangkachak, dar, thir leh tangkarua a thuah li laia chhah a asiam ani.

He indo na ah hian Zeus-a leh, Hmangaihna Pathiannu Aphrodite-i te fapa Aeneus-a pawh a that tep a, mahse Pathianten Aeneus-a hi hun lo la kal lehzel tur a a fa te nenTroy khua a rorel tur a anlo ruat tawh anih avangin Tui Pathian Poseidon an Aeneas-a chu arawn humhim hman a, tin lui Pathian pathum ten an sual rawn laiin, Pathian Hephaestus an a rawn pui bawk.

Hector a athah dawn hian, a thuruk a sawi a, hei hi Pathian Apollo chuan lo hre ru in Paris-a a hrilh leh a, Achilles-a Troy Kulh a alawn lai chu Troy lal fapa Paris-a chuan alo kap a, Apollo an a thal mu tih ngil sak in, Achilles-a ke artui ah tak a kap fuh a, chuan Pathian te pawn a an hlauh leh greek pasaltha ropui ber chu a thi ta ani, tin Achilles-a hian hlauh anei a chu chu, kum sangkhat ral hnu a a chanchin thangthar ten an rawn hre lo ang tih chauh hi ani.

The end

Advertisements
Aside | Posted on by | Tagged , , | Leave a comment

Sudden Law of the Lariat (Mizo Version) 16

SUDDEN LAW O’THE LARIAT – 16
Rukru ho chu va um darh vek mah se an Pi Phili ber chu an va hmuh tak loh avangin Lazy M cowboy ho chuan nuam lo an ti hle a. An zinga a va tel ve theih tak bawk siloh avang khan Larrya chuan hrehawm a ti leh zual a, tunah chuan duh duh in a vak vel thei tawh a, mahse a kut na lam chu puanin a la awrh tho a. Severna pawh chuan larrya lungawi lohna chu thawi dam tumin a hnenah chuan, “theihtawp tak meuh kan va chhuah tawh a, tih ngaihna dang a awm tawh chuang lo a ni. Tunah hi chuan va kal ka tum tawh lo, Hope khuaah ka va kal dawn, nula bual at ban lehlam na lehnghal phei chu kalpui ka duh bawk hek lo,” a han ti a.

Hope chu chhun lai velah severna chuan a va thleng a, ni a sa in, khua a lum bawk a, mihring vak chhuak hmuh tu an vang hle a, Bank chu a lo inhawng leh tawh tih a hmuh veleh sakawr atangin a chhuk a, bank chhungah chuan a lut ta a, chauh hmel tak leh hmai dang fe chungin Rapsona chuan Bank chu a lo nghak a, severna a hmuh veleh hmelhriat han hmu ta chu, za mang lo fe chung hian a lo nui deuh sak a.

Severna chuan “A va lawmawm ve, i lo dam leh tawh a ni maw? I hna i chhunzawm leh nghal mai dawn em ni? a han ti nual a. Rapsona chuan “Bank hi hawn leh chu ka han tum phawt zawng a ni a, mi an lo tha em a, pawisa ka hloh sak avang khan tuman ka thiamloh ah an puh chuang lova, Barta ngei pawh khan Banka an rawk hma ni chiah khan Dollar 5000 zet a rawn dah lut a, dik tak chuan a apawisa ka bat sak tluk chiah a ni, mahse mi pawh thing duh chuang lovin, I pawisa bo chu i hmuh leh hunah min la rul mai dawn nia,’ a ti mai a. midang pawhin chutiang chuan an ti ta ve zel mai a ni” a han ti a.

Severna chuan a va han ti lawmawm ve, Rapsona hnenah chuan a han ti phawt a, mahse hriat tham loh khawpa zawiin, “a fing kher mai” a han ti zui a. Chanchin dang an sawi zawm ta zel a, rei deuh hnuah severna chuan “Khawngaih takin pawisa min thleng nawi sak tak che, pawisa nawi pek chhuah a tul dawn a”, a han ti a. Chutia tih pawh chuan za nawt hlir panga hi Rapsona chu a han pe a, Rapsona chuan nawt chu a la a, a han en thuak thuak a, a kutte chu a khur deuh dar dar a, “ka thleng sak thei ngei ang che, mahse thil tih tur pawimawh tak a awm avangin ka clerk hi ka han tir phawt ang a, lo nghak hram ta che,” tiin severna chu a han zawt leh rih a, “ani chuan a hmanhmawh thlak love” a lo tih san mai a.

Rapsona chuan Clerk hnenah chuan tih tur zawi te hian a hrilh ru a, clerk chu a chhuak ta thuai a. A chhuah hnu chuan Rapsona chuan pawisa nawi chu muangchangin a han chhiar chhuak a, pawisa chhiar zawnga a kut te chu a khurh nasat em avang leh a chhiar nawn zin em avangin severna chuan ‘a zam tawh hle a nih dawn hi tih leh a demawm vak bik love’ a lo ti ril ru a. Rapsona hnenah chuan “pawisa bo chu hmuh chhuah leh i inbeisei emaw chu?” tiin a zawt chhuak ta a.
Rapsona chuan “vawiin chawhma lam thleng kha chuan hmuh leh pawh ka lo inbeisei tawh lo hle a, mahse tunah hi chuan hmu chhuak leh mai dawn nia inrinna ka nei ta”, a han ti a, A tawngka chhuak atang te leh a han chet vel dan atang chuan rapsona chu a zam ta lo hle ni hian severna chuan a hria a. A hnunglama ke per ri a hriat avangin a han lehhawi a, sheriff leh a hote pahnih bank chhunga lo lut lai chu a va hmu ta a.

kawngkhar bul velah te chuan mi thenkhatte chu an awm ve a, an lo thlen belh zel bawk a, severna chuan buaina engemaw tak lo thleng tur a awm a ni tih chu a hrethiam nghal a.

Sheriff leh a hote pahnih chuan severna chu an rawn pan hnai zel a, ani pawh chu saisir zawng deuh hian a ding a, anni ho chu a lo en reng a, sheriff chuan hlawhtling inti awm tak hmel hi a pu a, an pathum chuan puakruk kawm an vuan sa ringawt mai bawk a.

Severna pawh chuan a kutzungpui chu a puakruk paina kawnghren karah chuan a han rawlh lut ve a, nui chungin, ”Sheriff, lo kal rawh khai, ka chhuak tep tawh ania’ alo ti a.
Sheriff chuan,”I la chhuak mai rih dawn lo, za nawt i thleng darh tak kha khawi atangin nge i neih?” a rawn ti ta a. Severna chuan,”I hriat ve a tulna chhan kher chu ka hre lo hle a, mahse ka hrilh tho ang che – Bank an rawk hma chiah khan zingah Bank atang vek hian pawisa ka la chhuak a, chumi zinga lo tel chu a ni – chu chu a dik a ni lawm ni, Rapson?” tiin Rapson a chu a han zawt ve nghal a.
Rapsona chuan lu thin pahin,”Tun lawka za nawt min pekte kha pawisa ruk zinga tel ve chiah a ni,” a lo ti ta mai a.

Severna chuan makti tak maiin Rapsona chu a han en a, mitmengte pawh chu en ngam loh khawp hiain a nelawm tawh lova, awki hniam tak, ban fe mai hian, “Ka pu, i ti sual palh a ni ngei ang chu maw? tiin Rapsona chu a han zawt ta a. Rapsona chu a zam em em a, severna thinrim zia pawh chu a hani bik lova, mahse hmui khur hlawk hlawk chungin, “ka tisual palh lovang, Bank an rawk hnu khan pawisa rukbo zinga nawt lian deuh deuh number chu ka la vek a, sheriff hi a copy ka pe ve bawk a, i duh phawt chuan nangmah ngeiin i endik ve thei ang chu,” a lo ti leh a. Number a lo chhinchhiahna lehkha leh severna za nawt rawn kente chu a han lek chhuak a, severna pawh chuan a han endik ve nghal a. Rapsona sawi ang chiah chu a lo ni si a. Rapsona chuan a lehkhabu atangin number dang a rawn ziak chhuak a, chu chu severna pek pahin, hengte hi Bank atang i pawisa lak chhuah number te chu ani, a han ti leh a.

Severna chuan lehkha chu en pahin ngun takin a han ngaihtuah a, a chunga thil lo thleng chu a hre thiam lo hle a, mahse a dinhmun derthawn zia erawh chu a hre chiang em em thung a. Sheriff lam chu a hawi a, lehkha chu a iptea ah luh pahin ring fe hian a han nui phawt a, sheriff hnenah chuan, “sheriff engti ti thei nge i nih chiah zawng ka hre lo, mahse min hmehbel i tum tih erawh chu ka ka hria, bank rawk tute zinga tel veah khan min puh i tum a ni ngei ang maw?” a han ti a.

Sheriff chuan “tum chiang e, chu bakah Rapsona kaptu ah pawh hian puh che ka tum a sin”, a la ti ta deuh deuh a. Severn chuan pawi ti hle niawm tak in, Rapsona chu a han en a, a hnenah chuan “Rapson, ka lo kap che a ni maw? ka tihpalh der a nih chu !!” a han ti a. Sheriff bawk chuan “Mastersa thattu i ni bawk,” a la rawn ti ta fo a. Severna chu za fe hian a han nui leh rih a, sheriff hnenah chuan “Tyler, i la hre kim lo anih zawk chu, President Lincoln a kaphlumtu pawh kha ka nia sin,” a han ti a. pawn lama mite chu anlo nui ham ham a. Chu chuan sheriff chu a ti sa phat mai a, a thinrim lutuk chuan puakruk phawi mai a han tum a, mahse Severna phawi ran zia chu a han ngaihtuah chhuak a, a inbeng dai leh ta a, mahse a thil tih tur chu a hmutute chuan an lo hai awzawng lo mai, sheriff chu nuihzat fahran hian, “Sheriff, lehkhaden thar i duh a nih zawngin ka rawn la vat mai ang,” a hnunglam atangin mi pakhat hian a rawn ti el a. Severna’n lehkhaden pawh huai siaka a cho kha an la hre reng a ni ngei ang!!

Sheriff chuan chhanna dang vak a hriat a loh avangin a hote chu, severna puakruk laksak rawh u, tiin thu a pe ta a. Mahse a deputy pahnih te chuan Severna puakruk pai lai va laksak ngawt chu an lo chak lo dun kher mai, severna chuan nui chung bawk hian “sheriff hmanhmawh lutuk teh suh, engemaw chenah chuan zaidam tak mai ka ni ve a, dan reng reng chu pawisa tak mai ka ni bawk. Law ka tih chu hre reng la, Sheriff, diklo taka dan kengkawhtu rannung hman tlak lo tak tak hi chu ka ti lo a nia, pawng nek ngawt chu ngaitheilo tak ka ni” a han ti a.

Sheriff chuan “chuti a ni maw? thu ka pek phawt chuan kan kap darh vek thei che tih i hre nange? ram zet hian a han ti ve thung a, Severna chu sawi fe hian a la ding reng a, mahse hmuh chian hman loh khawpa rengina puakruk pahnihte chu a phawi a, sheriff leh a hote chu a tin ta reng mai a. “Tyler, thu chu han pe ta che, nangmah phum tur chein” a ti ta a.

Sheriff chu a phu zawk hman chauh a, a hmaite chu a dang nghal vek bawk a. Chak fahrana mi thenkhat bank chhunga lo lutte pawh chuan silai mu tawn palh hlauvin chak tak bawkin pawnah an chhuak leh ta nghal a, an tlan chhuak lai chu hlim taka enreng chungin, “tlan chhiat a tul lovang, sheriff leh a hote hian ban an phar ang a, an hnena thusawi tur tlem ka neih chu an ngaithla mai dawn a ni” a han ti zui a. Sheriff leh a hote chuan rang takin an phar ta a. Ban pharchhuah pahin Sheriff chuan, “Sheriff man i lo hnial avangin dan i bawhchhiat belh leh ta a ni hi,” a han ti leh hram a.

Severna chuan “Min kahihlum nawn thei chuang nag, han hnial ka tum lova, tlanchhiat pawh ka tum hek lo,, mahse min man hmain thil tih fel tur tlem ka nei a ni. Lazy M ah chuan hotu tumah an awm dawn lova, chuvangin mn man tih an hriat chuan buaina siam tumin an lo thawk chhuak mai ang tih ka hlau a, chuvangin mi pakhat tir ula, engmah rawn ti lo turin va hrilh sela. Tin Desert edge khuaah Judge Emblya kha va hrilh nghal bawk sela, a ni chuan tih tur engkim a lo hre nghal mai ang” a ti a.

Kawngkhar zawna lo dingte chu an tawlh kiang dial a, Bank chhungah chuan pawisak neilo fe hian Snap Lunta chu a lo lut a, Severna pawh chu la hre ngailo niawm tak hian a hnenah chuan, “Mister, Desert Edge ah chuan ka kal dawn tho a, i sawi duh chu min chah nghal mai rawh”, a rawn ti ta a. Severna chuan “a lawmawm ngwt ang a” a han ti hman chauh a. Mahse sheriff chuan “chuti mai tur chu a ni thei lovang” a lo ti leh a. Snapa chuan sheriff chu thip zet mai hian a han mel a, a hnenah chuan “Sheriff, duh duh a ka chet vel hi phal loh tumna rilru te i nei em ni?” a han ti a, sheriff chua ngawi ta reng a. Severna chuan a puakruk paina kawnghren chu a phelh a, sheriff chu pek pahin, “ka tihtur chu ka ti zo ta bawk a, tunah chuan i thuhnuaiah ka intulut e. man loh zawk tur min man a, mahse chutiang thil tenau mai mai te chuan i rilru a tibuai vakin ka ring lo” a han ti leh kher a.

Khua a thim dawn tep tihin severna chu ring zet mai hian a han au va, a vengtupa chuan enge ni i duh? a rawn ti a. Severna chuan “chaw min pe ve dawn lawm ni?” ril a tam nasa tawh asin a lo ti a. Chupa chuan nui chung hian “ka lo theihnghilh daih che ani, ka han ngaihtuah a nge” a ti a a kalbo ta nghal a. Severna chuan a kut an phuarna chu a tui intur in a chiah a leih a, reilo teah a lo zawi a, awlsam takin an phuarna chu a phelh thei ta a. Kawngkhar chu a rawn inhawng a, vengtu chuan chaw thleng keng chungin inchhungah chuan a lo lut a, thleng chu chhuat laiah a han dah a, zawi muangin a dan ding chhuak a. A ding chhuak chiah chu, severna chuan a va zuan thut a, nazet maiin a khabe ah chuan a va hnek sak a. Chupa chu a tlu nghal der mai a. a tlu lai chu severna chuan a phuar bet a, a kaah puanchhe tumtel a hnawh sak nghal bawk a. Chupa puakruk pai lai chu a phawi chhuak a, a mu a inthun tihte a enfiah hnu chuan a kawnghren karah a zep a, a kawrin a khuhbo leh nghal a, reilo te thawm riva a han ngaithla rih a, tah chuan muangchangin pawnah a chhuak ta a.

Severna chu jail a tanga a tlanchhuah hnua a tih tur tul nia a hriat te a tih fel vek hnu Minute 20 hnu velah chuan a sakawrah a chuang a, a kal leh ta zel a, thui vak pawh a la kal hmain sakawr tlan ri a hre leh a, puakruk pheisa rengin kawng sirah chuan a biru ta a, mahse lokal thar chu Larrya a ni tih a hriat veleh, “Engtinnge….” tih pahin a bihrukna atang chuan a lo chhuak a, Larrya chuan Hope khuaa mite chu an buai kher mai, i lu manah Dollar 500 an phal tak kha a han ti a. Severna chuan ” Itawm tham a nih chu mawle?” a han ti a. Larrya chuan “Hlawh ve mai i rilruk deuh em ni?” tia a han zawh chuan “tum pawh chu tum mai e” a han ti leh a.

Severna chuan “enge min hmuh i duh chhan chu”, tiin a han zawt leh a. Larrya chuan “Desert Edge khua ah khan Snap Lunt an Judge Embly a va hmu zo lo, tunhma ni thum velah tawh khan Judge inah chuan mi pali an lokal a, Judge chu an hruai ta a ni awm e, inneitunu chuan chung mi palite chu a lo hmu ve a, mahse a hriat ngai loh mi hlir anni awm e, judge chu a lo kir leh ta reng reng lo” a han ti a.

Judge lo awm lo chu severna tan chuan a pawi em em a, mhse thil dang vak sawi lovin, “an ru bo ve a ni maw? an ngaihtuah kim hle mai,” a han ti chauh a. Larrya chuan “tuten nge ru a, khawiah nge an kalpui tih chu min hrilh i tum lo a ni ang maw?” tiin a han zawt leh hram a. Severna chuan “a ru tute chu tute nge an nih ka hre chiah lo, mahse emblya chu Phili an thuhrukna hmunah bawk an thukru ve a nih ka ring” a han ti a. Larrya chu a han ang nang nang a, mahse severna chuan ” i sawi zawh tawh chuan i kal tawh ang hmiang” a lo ti a.

Larrya chuan khawiah maw? tiin a han zawt thuai a. Severna chuan a kal tumna a sawi veleh Larrya bawk chuan “I a ta em maw ni chu le, khua a mi zawng zawngin an zawng huai huai che a, chutih lai kara va kir leh kher…… ” a han ti hman chauh a, “Khuaah chuan ka awm an ring tawh tawp nang engpawhnise, tih tur ka nei tlat a, ka kir leh dawn” a han ti a. Severna’n sheriff chenna in a va thlen chuan a la hma bawk a, tho chhuak tumah pawh an la awm lova, lung a la lawk a, kawngkhar chu ring fe hi hian a han chhu ri bur bur mai a. Mi reh lai a ni bawk a, thawm a rin duh em avangin a bul vela kawtthlera tukverh te chu a rawn inhawng a, engtizia nge ni ta? tiin mi tam tak chu an lo dak chhuak ta bawk a.

Severna chuan rei pawh a la din hmain sheriff chuan kawngkhar a rawn hawng a, phak fe hian a rawn meng chhuak a, severna chu hmuh pawh hmu ta mumal mang lo niawm tak hian “Enge i duh?’ tiin a han zawt a, severna chuan “Lo luh a ni mai dawn lawm ni?” nui chung hian a han ti phawt a. Tah chuan “ka hah tawh em a, mut ka chak tawh a ni, tin, dollar 500 chu ka duh bawk a, hmanna tur pawimawh deuh mai ka hre tlat a, tunah khan i kawl nghal mai lawm ni. sheriff” a han ti zui a. Sheriff chuan “kawllo, kawl mah ila ka pe chuang lovang che” thinrim fe hian a han ti a. Chutih lai chuan severna thiltih chu hriat chian tumin mi an lo pungkhawm tam hle tawh a, chu chu severna duhthusam a ni zawk a. Thil mak tak, misualin lungina tan leh duh in sheriff a rawn be lai chu, khuaa mite chuan an lo ngaithla ta a nih chu.

Severna hnenah chuan inti thei fahran hian “thu rawh, khaihlum tura kan hruai chhuah leh hma che chuan thlifim dawng turin i vak chhuak tawh kher lovang” a han ti a. Severna chuan “ka chungthu i rel thlu der tawh a ni maw? a lo ti ve thung a. Chutih lai chuan deputy te pawh an lo thleng ve hman tawh a, an hnenah chuan “Lunginah khung leh nghal ula, tin, a ke leh a kutte pawh phuar tel vek tawh ang che u”, tiin sheriff chuan thu a lo pe a, amah pawh chuan a zui ve ta nghal a. Mipui pawh chu an kal darh ve ta a… mahse an kal darh hma chuan pakhat hian, “kha pa kha a aaa a nih loh vek chuan thil a tisual lo tawp a ni ang” a han ti zui hram a.


Bartholomew-an a kalsan hnu khan Phili chu a mangang em em a, Barta mizia chu a hrechiang sawt bawk a, tunah chuan neih a hreh mai ni tawh lovin amah chu a huatin a haw hluah hluah tawh zawk a. Rilru buai taka a awm reng lai chuan puakruk ri tum hnih a han hria a, a pindan kawngkhar chu a rawn ri dawt dawt a, Barta chu a lo lut leh ngei dawna a hriat avangin a huphurh hle tawh mai a, mahse mit khingkhat tuam pa te lam deuh, khabe hmul tham mai chu a lo lut a. Phili chu a kut a rawn hui pahin “lo kal rawh” a rawn ti chawt mai a.

Phili chu hlau in a kimki reng tawh a, chupa hnenah chuan “khawiah maw? thanga awk leh turin em ni min hruai dawn?” a lo ti hu a. chupa chuan, “tunah hian i awm sa reng tawh a, hruai chhuah che ka tum zawk anih hi,” a han ti phawt a. Aw nem deih zawkin “bang phena hrilh tu che kha ka ni a, ka thu i zawm avangin ka lawm ngawt mai”, a han ti leh a. Chu veleh phili chuan “ka rawn zui ve nghal ang che” a lo ti ta thuai a. Phili chu pawnah a hruai chhuak a. Tawite an va kal a, phili tan hmasakna ang chiah bawka sak, in chu an va thleng a, chupa chuan kawngkhar chu a hawng a, phili chu a luh tir ta a. inchhungah chuan kawngkhar lam hawi zawngin mi pakhat hi a lo ding a, chu chu Phili’n a va hmuh veleh, Judge Embly makti tak maiin a ti a, chu chauh chu a sawi chhuak hman a, mahse a han inngaihtuah chiang a, Barta thusawi kha a rilru ah a lo lut thuai a, Emblya erawh chuan “Nang i ni maw? Bar B neitu kan misual pa kha emaw i nih dawn ka lo ti asin” a han ti zet a. Phili rawn hruaitu hnenah chuan “ka thian enge thil awmzia ni ta le?” a han ti leh a.

Chupa chuan “Judge, thil awmzia engmah a awm teh chiam lo, Severna te hovin nimina puk an rawn beih khan mi pakhat an kap hliam a, chupa chu a thi tep a, a thih hmain inpuan tur thu pawimawh tak a nei a, a thusawi chu i lo ziah a, nula hi witness a alo tan duh dawn bawk chuan heta tang hian ka hruai chhuak ang che u” a ti ta a. Emblya chu reilote chuah a inngaihtuah a, “hma chu hruai rawh le” a ti ta thuai a.

Emblya te chu thui fe a hruai hnuin hmun biru fe ah hian in pakhat an lo thleng leh ta a, a chhungah chuan an lut a, pindan pahnih a lo awm a, khumah hian damlo pahnih an lo mu bawk a. An hruaitupa chuan pakhat zawk mutna khum chu a va pan a, Emblya chuan “tunge a nih? tiin a han zawt a. Ani chuan “Slick-a a nih hi, hetah hi chuan hotu ang deuh a ni a, a muhil dawn a nih hi,” a lo ti thuai a. Khum pakhat chu a va pan leh a, chuta mu chuan harsa ti tak chungin, “enge chanchin patch? tiin a lo zawt a, (Patch – mit khingkhat chauh hup turin savun emgaw puan emaw an siam a, chu chu mitko chungah hruiin an hling bet a, chu chu Patch an ti. patch tia a lo kohna chhan pawh chu a mit atuam vang chu a ni mai) Patcha chuan “ka tiam tawh che ang khan Judge leh Nula chu ka rawn hruai a”, a ahan ti zet a. Judge hnenah chuan “in ring thuai rawh khai, rei a daih tawh lovang” tiin a han hrilhru ve thung a. Khuma damlo mu Mobeya chuan
“Hun rei ka nei tawh lo, rilru nuam taka thih ka duh a ni. Desert Edge khaw bula sakawr tawlailir an rawk a, a driver Tug Satters a an thah tum kha in la hria ang a, a rawktu pali te zingah khan ka tel ve a. Sattersa kha keima kah hlum a ni nghe nghe. Tawlailir kan rawk hnu khan lehkha ka ziak a, ka hming nen, sattersa thattu niawm takin midang kan zinga telve hlek lo chu ka puh ta a, chutia ka tih loh chuan lungina khung turin vau ka ni si a. Shattersa thattua ka puh a chu Phillip Mastersa a ni” a ti ta a. Phili chuan “kapa maw?” makti fe hian a lo ti a. Judge chuan “tuin nge vau che a, lehkha chu ziah luih tir che?” tiin a lo zawt ve thung a. Mobeya chuan “Bar B neitu Bartholomew-a” a ti ta a. Emblya chuan chung thu a ziah zawh chuan hming a ziak a, Phili a han ziah tir leh a. Mobeya pawh chuan thei leh thei lovin a han ziak ve hram a. Mobeya chuan “bartholomewa hi a ni…” a han ti leh chauh a, mahse a sawi zawm thei ta lova. Judge chuan kawmawlin a hmai chu a khuhsak ta nghal a. Judge chuan “engtinnge ni zel ang? i hming pawh kan lo hre bawk si lova,” a han ti leh a, Patch chuan “Mobeya min kohna kha ka hming atan chuan a tawk rih mai, mi pali te kha an lo kir leh tep tawh ang hmanhmawh tur a ni” a han ti a. Emblya chuan “tute nge an nih?” tiin a han zawt leh rih a, Patch chuan “anni chauh kha White Masks la dam chhunte chu an ni mai, kei leh slicka tiam lo hian” a han ti a, Emblya te chu a chhuahpui ta nghal a.

Emblya chuan engmah dang pawh sawi lovin, “I hmanhmawh ang u. Phili, Patch leh kei chu Hope khaw lam panin kan tlan nghal ang a, XT lam panin nangni chu tlan nghal bawk ula, in thiante rawn pun khawm ula a tha ang, kan la tlai lutuk lo maithei a ni” a han ti a. Hmanhmawh takin an kal ta nghal hlawm a.

Severna chhanchhuah a inbeisei vanga Emblya chu hmanhmawh a ni tih Phili chuan a hria a, a ngaihsan phah hle bawk a, Judge hnenah erawh chuan, “Hman laiin Severna hi Sudden, Outlaw an tih thin kha a ni maw? tiin a han zawt a. Emblya chuan “Ni e, mahse Outlaw chu a ni lo, Governor hnuaiah Deputy Sheriff hna a thawk mek a ni. Severna hi i haw hle niin ka hria mahse engtikah emaw chuan amah hi ila hre chiang ang a. Chumi hunah chuan a laka i bat nasat zia pawh hi i la hre chhuak ang,” a han ti a. Emblya chu a chungah a lungawi vak lo nia a hriat avangin Phili pawh chu a ngawi ta reng a.

Severna rawn inpek tuk chuan Saloon chhung chu rorelna pindan atan an buatsaih ta chuk chuk a, Judge leh mi pawimawh deuh thut nan chair pathum dawhkan bulah an hung a, dawhkan hmalamah chuan Lungin tang leh Deputy thutna tur, thutthleng pathum an dah leh a, tin, jury thutna tur an ruat leh bawk a, midangte erawh chuan thutna tur pawh an chang ve tawh mang lo, hmun remchang lai apiangah awmhmun an lo siam nghal ve sawk sawk a. Severna chu Saloon chhungah chuan an rawn hruai lut a, a thutna tura an ruatah chuan an thuttir a, a sir tuakah Deputy pahnih te chuan puakruk phawisa rengin an veng nghal bawk a.

Severna chu a han hawi kual vel a, Jury ho chu Forte a awm vek anni tih chu a hre nghal thuai a, in chhungah chuan Benta, Callahana leh Larrya te pawh an lo thu ve a. Mahse Lunta chu a hmuh ve loh avangin a han zawng rilru deuh a, chutih lai chuan Lunta chu Bar B cowboy pali hian inchhungah an rawn chhawm lut ve nghal a. Snapa chu a lungawi loh hmel hle a. Severna chuan “a thiante sawm tuma a kal laiin kawng lakah Bar B ho chuan an lo lambun a, an rawn hruai lut ve ta a nih dawn saw, Barta chu a fimkhur hle maw” tiin a ngaihtuah neuh neuh a.

Judge chuan tuboh in dawhkan chu a han chhu a, inchhung chu a reh ta thup a, tah chuan “Sheriff enge ni in thubuai chu? tiin a han zawt tan ta a, Sheriff chuan ” thil tih sual a ngah mai- Martina hi kahhlum a tum a, Bank a rawk a, Jail atangin a tlan chhuak…” a la tih mek laiin Judge chuan “a tawk e, Bank rawk thu leh tualthah thu chu kan ngaihtuah anga, chung chu a lo ti ngei a nih chuan a thiltihsual dangte chu kan theihnghilh thei ang chu……” a han ti a. Bank Manager Rapsona chuan Bank an rawk dan te, an pawisa ruk sak ngei Severna bawkin a rawn ken leh thu te chu chiang takin a han sawi ta a, Judge chuan “thu zawh chian duh i nei em?” tiin severna chu a han zawt a. Ani chuan “Nei e”, tih pahin Rapsona chu a han ena, a hnenah chuan “A kaptu che chu keimah aia hniam deuh hi a ni thei mai lawng maw?” tiin a han zawt a.

Severna bawk chuan “a kaptu che chuan hmai a tuam tlat avangin tunge a nih i hre thei si lova, chuvangin keimah ang tia vel hi a ani mai thei a. Keimah aia lian deuh zawk pawh hi a lo ni mai thei bawk a,’ tih pahin a han hawi kual a, “ntirnan Bartholomewa te ang tiat vel hi” a han ti a. Rapsona chuan severna thusawi chu a ring lo hle a, “Barta hi chu ka chungah a tha em em a, Bank ah chuan Dollar 5000 a dah ve bawk a, ani hi zawng nih ngaihna a awm lo reng reng” a han ti a. Severna chuan “a rawk che chuan Dollar 5000 pawh chu a hloh dawn chuang hauh lo a ni tirawh?” a la ti leh a, Severna bawk chuan, “keipawhin ka rawk dawn tho si che chuan ka pawisa dah kha lak chhuah kher ngai awm lo tak, buaithlakin” a han ti zui a.

Judge chuan “engvangin nge i lakchhuah a?” tiin severna chu a lo zawt ve ta a. Ani chuan a lak chhuah chhan chu hrilh fiah pahin a lehkha hmuh chu a han phawrh chhuak a, Jury ho chuan an en kual diat diat a, pakhat chuan “I lehkha hmuh hi i zep hle a ni maw?” tiin a han zawt a. Chutihlai chuan benta chu a lo zuang tho a, “Kei leh XT neitu Ridgea te pawh min entir ve asin, Bank atangin kan pawisa dah pawh kan lakchhuah phah ve ta nghe nghe a, chuvang ngawt a, Bank chu rawk hle min ring in awm em ni?” a rawn ti ve ta a. Judge chuan “tumah dang kan puh love” a lo ti thuai a.

Severna chuan “Judge, thil i ti sual palh der a ni, ka dinnaah hian Barta hi ding zawk tur a ni. A nihna chhan pawh chiang takin ka tilang thei ang” a lo ti ve ta a. Chuveleh Bar B atanga Severna thil va lakchhuahte kha saloon neitu chuan a rawn la chhuak ta a, Barta erawh chuan “i duh duh chu han sawi teh le,” tiin severna chu a han cho a. Severna chuan lehkhabu chu pek pahin, “hei hi i ta em ni?” tiin a han zawt a, Barta chuan “Ni e, engtinnge i kuta a lo awm theih?” a lo ti thuai a. Severna chuan Barta zawhna chu chhang lovin, “a chhunga thu pawh kha i ziah bawk a ni ngei ang maw?” a han ti leh a.
Barta chuan “ni e, mahse…..” a la tih mekin Severna chuan “White Masks hovin kan zinga mi pakhat an lakbo tumin lehkha an hnutchhiah a, chu lehkha chu kha lehkhabu atang pawh thlak kha a ni tih a number atangin nang ngei pawhin i hre thei ang. Tin, chumi lehkha a kutziak leh lehkhabu a kutziak hi ziaktu thuhmun chiah ani” a ti a. Lehkhabu leh lehkhate chu judge chuan ngun takin a lo en ve a. Barta chuan “kha lehkhabu ka hlohna kha thla khat lai a ni tawh a. Darbya min hawtu tak, tuna in ranch a thawkte khan a ruk a nih ngei pawh ka ring, kha lehkhaa ziaktu khan ka kutziak a zir thiam hle a ni” a han ti a.

Severna chuan “Shadewella ka rawn hruai tuma ka entir che khan i lo hre chhuak mai lo ani ang maw?” alo ti leh a. Barta chuan “khami tum kha chuan en pawh ka en chiang hman hleinem,” tiin a lo tang ve tlat a. Severna chuan “Lehkhabu bo thu kha chu a dik viau, nizanah Bar B Ranch atangin ka ru bo a nih kha, tin, thil dang tihsual pawh i la nei, i dawhkan atang chuan hengte hi ka la tel bawk a, Rapsona hian enge an nih min hrilh theiin ka ring” a han ti a.

Rapsona chuan severna kuta pawisa chu a la a, nawta number te chu ngun taka a envek hnuin, “heng nawt te hi Severna hnena ka pek chhuah te kha anni” a ti ta a. Judge leh Barta chu an inbe ru leh rih a, tah chuan, “engeni sawi i tum?” tiin severna chu judge chuan a han zawt leh a. Severna chuan a hlawhtling dawn lo tih chu a inhre chiang nghal a, mahse, “Lehkhabua thu inziak leh lehkhabu atang khan Barta hi White Masks hotupa ani tih chu a hriat a. Lazy M atanga Phili an ruk chhuah tum khan ka pawisa an ru a, a aiah Bank atanga an pawisa ruk kha an lo dah ta a. Tin, heng hi va la turin Jail atangin ka chhuak a, keima thu ngeiin ka lo kir leh nghe nghe” a han ti a. A lo kir lai hmutu te pawh chuan “A dik e” an lo tihpui bawk a.
Barta erawh chuan “i fing hle mai, severn thawnthu ziak ve la, lehkhabu ru mai mai lovin a tha ang”, tiin inchhunga mite chu a han enkual vel a. An hnenah chuan “keima pawisa bawk Bank atanga ka ruk chhuah avang chuan duh leh min khailhlum ta mai che u,” a han ti fiam a, anni ho chu an lo nui ham ham a. An jury Mugera chu a lo ding chhuak a, Jury ho chuan “engmah dang hriat tul tawhin ka ngai lo, severna hi a pawisa ruk nen ngei kan man a, rinhlelh tur engmah a awm tawh lo, a ma ruk ngei hi a ni ang tih kan ring tlat” a rawn ti ta a. “A nih leh rukruk thu chu tawk tawh sela tualthah thu chu i ngaihtuah tawh ang u” a han ti a.

Severna chuan “Mastersa ka thah avanga hlawkna ka neih loh tur zia tilang turin kan zingah Emblya a lo tel ve si lova,” a han ti tan chauh a. Judge chuan “nangmah nena inthurual niin embly a chu kan hria a, tunah pawh hian a lo tel ve ngam lo a nih kan ring, amah vang hian a ni lawm ni Mastersa hnenah pawh hna i va hmuh? a lo ti a. Severna chuan “Ni kawngkhat e,” ti chauhin a lo chhang a.

Judge chuan “Lazy M a hna i thawh veleh mastersa chu a bo ta a, a nih leh Masters in a ken ngei a rifle kha engtingne i lo neih? a han ti leh a. Rifle a lo neih dan te chu Severna chuan chiang takin a han sawi a, Ignacio a thah thu te nen, Barta chuan “I daw a nih chu, Ignacio chu Mexico khuaah Pentona’n a va hmu a ni, nimin piah lawk khan” a lo ti leh a. Severna chuan “hei hi Ignacio ipte atanga ka lak chhuah a ni a, Barta kutziak a ang leh pek hle a nih hi,” a han ti a. Judge chuan “Thil ziak i uar hle a nih hi, Mastersa rifle i chhar thu chu tunge i hrilh?” a han ti eh a. Severna chuan “Phili” ti chauhin a chhang a, Judge chuan “Phili chu a awm leh bawk si lova, i thu hretute hi an bo vek a nih awm hi mawle”, deuh sawh deuh tak hian ahan ti phawt a. Tah chuan, “sawi tur dang i la nei em” tiin a han zawt ve thung a.

Sheriff chuan Mastersa thawmhnaw, hnimbuk hnuaia a chhar thu te chu kimchang takin a han sawi a, tin, “puan zingah chuan hei hi ka chhar tel bawk a”, tih pahin silai chu a han phawrh chhuak a. Judge chuan ngun taka a en hnu in, “hei hi i silai em ni?” tiin Severna chu a han zawt a, a ni chuan “Ni e, White Masks hovin min ruk sak a nih kha, chutih lai chuan a kawmah hian ka hming a la inker lo, Bartholomew ziah ringawt pawh duhtawk lovin ker te i lo ching leh zel a ni maw?” a lo ti a. Barta chuan “Phat mar i thiam hle mai a,” hmusit awm fe hian a lo ti a.

Chutih lai chuan Benta a lo ding chhuak a, “ngawi teh u, in puh ang hian Severna hian a lo ti tak tak anih chuan mi aaaa theihtawp ani tihna a ni dawn a, a at lohzia chu in hre chiang hle si a. A pawisa ruk sa chu a rukna Bank ah bawk thleng nawi a tum a. Masters a that a, a kawr a thukru a, chumi zingah chuan ama silai, a hming pawh inker lehnghal chu a hnutchhiah leh bawk a. Jury te hi ka zawt a che u, “Severna hi mi aaa let der niin in hria em ni?” a lo ti ta a. Judge chuan “a thian i nih avangin chu thu chu zawt awm tak pawh i ni, misual reng reng chuan an sual zia an thup hlen tak tak thei ngei reng reng lo, lo lan chhuah hun a awm ziah, an fimkhur zo tak tak thei thin lo. Masters a thah chhan hi chu Ranch a neih sak duh vang mai a ni” a han ti phawt a. Jury ho chu an inpeih tawh em tiin a han zawt let a, Mugera chuan “kan inpeih tawh e” a lo ti thuai a.

Chu veleh Bartholomewa chu a lo ding chhuak a, “Judge, Jury ho hian an hriat tulin ka ring a, tuna severna inti hi tun hma a Sudden-a Outlaw thin kha a ni,” a rawn ti ta daih mai a. Inchhunga mite chu an phun ru mur mur a, Suddena chanchin la hre ngailo chu an zingah tumah an awm bawk si lo, Severna chuan puakruk han keng nase chuan awmsam takin inchhung atang chuan a kal chhuak thei ngei ang a, amah dal ngam tumah an awm dawn loh avangin. Chutiang khawpa hmingthang, leh mite hlauh chu a nih avangin mipuite chuan an hmu duh hle a. Mugera chu lo ding chhuak leh a, “Judge, thu engkim ngaihtuah buai ngai lovin kan peih fel tawh e,” a rawn ti ta mai a. Judge chuan “enge in thu tih tlukna chu’ tia a han zawh chuan “Severna hi a thiam lo let der a ni,’ Mugera chuan a ti ta a.

Judge chuan “chuti a nih zawngin rorelna chu kan zo tawh e, tual a thah avangin Severna hi thih thlengin a nghawngah khai tur ani. Sheriff severna hi khawpuiah i hruai anga, tah chuan an lo khaihlum tur a ni ang” a ti ta a. Martina chu thinrim deuh mai hian a lo ding chhuak a, “Khawpuia thawn kher a ngai lo, kan khuaah pawh amah khaihlum theihna tur thingzar leh hruizen te chu a tam ve tho. Khawpuiah chuan a thian, thil ti thei tak tak ten an lo chhuah leh mai ang” a han ti a. Martina thusawi chu mipui lawm zawng tak mai a lo ni a, tichuan inchhung chu tawng riin a khat leh ta mur mur mai a, Bartholomewa chuan hlawhtling a inti bawk a, a hlim hle mai a.

Judge chuan mipuite chu ngawi rih tura a khap hnuin, “Sheriff, tluang taka dan i kenkawh loh chuan a mawh chu nangman i phur vek ang” a han ti leh a. Sheriff chuan hlauthawng tak chungin Barta chu tanpuitu atan a mit in a va sawm a, ani lah chuan “i hna alawm”, a lo tihsan mai si a. Thenkhat te chuan “Hruizen leh sakawr” ti ringawta auvin Severna chu an rawn bawh a, pawnah an hruai chhuak ta a.

Pawna an va chhuah chuan thenkhatin, “Khawiahnge kan hruai ang?’ an tih laiin Martina bawk chuan “Forgya te in khaina hmunah khan i hruai ang u, Forbya thlarau pawh a lo khawhar tawh anga sin, a lo ti thuai a, Tichuan, severna chu a nghawngah hruiin an hling a, a kut an hnungkhirh bawk a, ti chung chuan Sakawrah an chuantir a, khua atang chuan an chhawm chhuak a, Forbya khaihlumna hmun lam pan chuan an chhawm ta zel a. Barta leh Sheriff leh Judge Luftona te pawh chuan hnunglam deuhah sakawra chuangin an zui ve ta zel a.
A hmasaa kal, Martina chuan a va hmu hmasa ber a, “En teh u, thingkunga saw mi pakhat a inkhai reng mai,” a han ti a. Forbya khaihlumna thingkungah chuan mi pakhat hi a lo inkhai a, thing pangah chuan a lo inreh belh leh tawh bawk a. An zinga pakhat chuan Forbya thlarau chu a lo tul ve hle anih dawn hi, thing panga inker te hi eng tihna nge maw ni dawn reng reng chu le? a han ti a. Ruang chu an lak thlak hnin Barta chuan “Pentona a nih hi, Severna, i hnathawh a ni pek ang maw?” a han ti a. Severna chu a ngawih reng avangin amah bawk chuan “Jail atang khan amah kaphlum tur ngawt hian i va chhuak a ni maw? a pawi love, a ai i awh dawn alawm” a han ti leh a. Sheriff chuan mipuite chu khap a han tum leh dek dek a, mahse a hmaiah puakruk in an lo tina, engmah ti thei lovin a tawlh kir leh ta mai a. Severna chu sakawr atangin an hlang thla a, a nghawnga hlinna hrui hmawr lo uai thla chu sakawr zinah chuan an suih bet leh a, severna chu a han hawi vel a. Larrya a leh benta te ho, beidawng hmelpu tak chunga lo ding rengte chu a va hmu a, an piah lawkah chuan thingkung nghengin Snap Lunta chu kawi fe hian a lo ding ve a, an thiltih laite chu ngaihsak awm lo fe hian a lang a, mahse a thih ve ngawt siloh chuan engmah ti lovin Severna an khaihlum lai chu a en mai mai thei hauh lovang tih Severna chuan a hre chiang em em a, chuavangin, tum engemaw tak a nei ang tih a ring tlat a.

Hope khua atanga Severna an hruai chhuah hnu lawkah khuaah chuan mi pakhat sakawr chung chuang kum 50 mi vel hi a lo lut a, mi an reh em avangin mak a ti hle a, nu pakhat hi a va hmu hlauh a, a hnenah chuan ka pi, engtizia nge, an va reh teh duak ve,? tiin a zawt a, Nu chuan, “Khaihlumna hmun lamah an kal ta anih kha, ka fapa pawh kum 8 mi lek a la ni na a, kal ve a tum sa teh mai a”, a lo ti a.

Chupa chuan “Engvanga khaihlum tur awm ta nge ni?” tia a han zawh chuan “A pu a that a, Bank a rawk bawk a, tih vangin tlangval pakhat khaihlum an tum a nih kha”, nu chuan a han ti leh a, Mikhualpa chuan, “chu zawng thi tlak a nih chu, tunge a hming?” tiin a han zawt leh a, Nu chuan, “Severna ka ni e zawng a inti na a, Mahse Sudden-a Outlaw kha a ni an ti tlat a”, a han ti leh a. Chu veleh sakawr chung chuangpa awm dan chu a danglam nghal vek a, aw danglam tak maiin, ‘khawiah nge khaihlumna hmun tur chu’ tiin a zawt ta a.

Nu chuan Forbya awmna hmun hluiah, hla vak lo, a han ti a, Pa chuan, “I nau chuan min va hruai hram se ka ti ngawt mai, mihring khaihlum lai a hmu hauh lovang tih pawh ka tiam ngam nghal a che,” tih pahin Dollar nga a phawrh chhuak a. Nu chuan pawisa chu lak pahin, a fapa chu a kova, naupang chu Mikhualpa chuan a sakawr hmaah chuan a chuantir ve a, hmanhmawh takin Forbya te inhmun lam pan chuan an tlan ta nghal a. An tlan pahin pa chuan a panna kawng hnai ber zel min hrilh rawh, a huna kan thlen hman chuan Dollar khat i hlawh ang, kan thlen hman loh erawh chuan…. a han ti a, sawi zawm lovin a ngawi hlen ta a.

Severna khaihlum an tumna atanga hla takah chuan sakawr chung chuang pathum hi an lo lang tan mek a. Bartholomewa chuan Severna chu khaihlum thuai thuai turin mite chu alo fuih thuai thuai a, chutih lai tak chuan “Severna hrui in pawhmar tir rual chiah khan i thi ve nghal dawn, Bartholomew, sakawr vaw kaltu paw a thi ve nghal ang” tih ri an hre ta a. An han hawi phei a, Snap Lunt-a chu thing ngheng chungin a lo ding a, Puakruk pahnih a lo keng reng tawh a, Bartholomewa chu kah mai tum hian a lo kau sa vek tawh bawk a. Bartholomewa chuan “Tunge i nih? Engvanga lo inrawlh buai ve nge i nih? thinrim fe chuan a han ti a. A ni chuan “Ka hming chu Snap Lunt-a a ni, dik tak a thiltih ka duh vang chauha lo inrawlh ve ka ni, Sakawra lo tlan te saw lo nghak rih ila, sawi duh enge an neih te pawh hre fiah phawt ila, inkhaihlum hmuh duh ringawt vanga lokal te anvnih chuan khaihlumna hun chu a la tam tho dawn a lawm” a han ti a.

Judge Emblya chu sakawr atangin hman hmawh deuh maiin a zuang thla a, Phili pawh chu a hlang thla ve nghal a. Patch-a pawh chu Sakawr atangin a chhuk ve a, engmah ngaihtuah lo niawm takin mipuite chu a han enkual vel a, Phili leh Emblya chauh chu an ngaihtuah avangin Patch chu tumah pawhin an ngaihsak zui tawh lova. Judge chuan Judge Luftona chu a va pan hnai a, a hnenah chuan “Engtizia nge ni ta mai, Lufton? Dan lo anga inkhai hlumna hmunah ka hmu ta che chu a ni em lovang chu maw?” a rawn ti a. Luftona chuan “Ni aw zawng lo, khaihlum tir lo turin theihtawpin ka bei a, mahse ka hlawhchham a nih hi,” a lo ti a. Emblya chua “A nih leh Bartholomewa hian a hnial nasa ve em?” tiin a han zawt leh a. Luftona chuan “Kawng tinrengah min tanpui zel a ni,” a ti mai a. Bent-a chuan “A dik viau ang, Sakawra in lo tlan lai a hmuh che pawh khan Severna hi khaihlum thuai thuai turin a hote hi a fuih nasa a nih kha,” alo ti ve ta a. Emblya chuan “Chu chu a dik em?” tih pahin Bartholomewa chu a han en a, ani chuan,”Nangmahni in ni tih ka hre lo a ni, amah puitu tur an lokal a nih ka hlauh vang chauh a ni, a eng pawh chu lo ni ta se, in lokal avang ngawtin danglamna engmah a awm chuang lo, kan duh ang leh tum ang chu ti thei turin kan chak tawk a ni,” a han ti leh hram a. Mahse emblya chuan “i hre sual deuh a nih chu, midang lo thleng tur an la awm a, chung ho hnenah chuan thusawi tur tam tak i neiin ka ring” a han ti leh a.

Chutih lai chuan Sakawr tlan ri an hre ta nghal a. XT leh Lazy M Cowboy 12 vel tur hi hmanhmawh zet maiin an lo tlan a. Bartholomewa chu a mangang rilru hle a, mahse a hote chuan tam hneh hle a a la hriat fo avangin Emblya hnenah chuan “Enge ti theia i inrin?” tiin a han cho ta a. Emblya chuan “Hope khua hi ka huam chhunga awm a ni a, chuvangin he thubuai hi a bul atangin ngaihtuah that leh tur thu pawh ka pe thei asin,” a lo ti a. Luftona chuan, “Misual tih hriat sa, a chungthu han ngaihtuah nawn leh kher chu thil tih dan mawi lo tak a ni,” alo ti ve a. Emblya erawh chuan, “Thil tisual hlek lo lo khaihlum ngawt chu a mawi lo leh zual ang,” thinrim deuh mai hian a han ti ve ta a.

Severna thung kha chuan a ngawnga an hlinna hrui kha a hlip thla tawh a, thing nghengin ngawi rengin Embly-a te thusawi chu a lo ngaithla ve reng a. A thiante pawh chu Ridgea’n a hrilh angin sakawra chuang reng chungin an inzar pharh vek tawh a, buai mai inpeih rengin an lo inralring thap tawh bawk a. Bartholomewa hote pawh chu an inpeih ve hle bawk a.

Bartholomea chuan hmusit aw zet maiin,”A nih leh Severna thu chu ngaihtuah nawn leh tur lo ni ta se, tu’n nge a thu chu ngaihtuah ang? A thianpa nangmah hian nge ni ang a, Luftona hian? tiin Emblya chu a han zawt leh a. Chu zawhna chu ka chhan sak thei che u in ka inring, tih pahin Hope khua atanga Naupang rawn hruaia kha mipui hma lamah a lo kal chhuak a. Emblya chuan chupa chu a lo hmuh veleh hlim tak maiin, “Bleke, tun tum tluka i hmel hmuh nuam ka tih hi a la vang hle ang, engtinnge….,” a la tih lai mekin chu pa chuan “Ka lo kal ve mai a ni,” a lo ti thuai a.

Governor Bleke a chuan “Thil hriat thar te pawh in lo nei leh mai thei a, chuvangin, he thubuai hi ngaihtuah that leh tulin ka hria,” tih pahin Governor chu a han hawi kual vel a, tah chuan “heng lai tluka hmun nuam hi a vang hlein ka ring a, chuvangin hetah ngei hian thubuai chu kan ngaihtuah nghal dawn a nia,,” ti chung zel in an piah lawka thing luangah chuan a va thu a. Hei hi rorelna thutphah chu a ni mai ang, nula nen tah hian kan thu anga, midang te erawh chu in din a ngai dawn a nih hi, a pawi ngawt mai a han ti leh a.

Emblya’n a hui avangin Patch chu a lo kal chhuak a, mahse Emblya bawk chuan “Unau, hei hi kan ram Governor a nih hi, rang takin i lukhum kha phawk rawh”, alo tia. Patch chu zak awm tak hian alang a, Governor hnenah chuan “rem i tih theih hram chuan lukhum hi phawk rih lo ila ka duh a ni,” a han ti a. Bleke chuan hmahmawh ti hriat tak hian “a pawi lo, i sawi tur chu sawi mai la, dawt i sawi vaih erawh chuan i chungthu ka la ngaihtuah leh ang” a”lo tia. Patch a chuan “a bul intanna ni chiah lo mahse Bank rawk thu atang khan ka han sawi tan ang e. Bank rawktu pahnihte zinga pakhat zawk kha ka ni a, pawna kan sakawr lo chelhtu kha chu a thi tawh a, Rapsona kaptu kha erawh chu ka nilo,” a han ti a.

Bleke chuan “Tunge a kaptu chu?” a lo ti thuai a, Patch chuan zungchala kawk chungin, “Bartholomew” a ti ta a. A thusawi chu awih lo lutukin thenkhat chu ring fe fe hian an lo nui chhuak a. Barta phei chu a nui ring berah a tang nghe nghe a, Patch hnenah chuan “Mi a… Bank an rawk hnu darkar chanve lekah khan rukru ho um turin Hope khua a mipuite ka sawm khawm kha i hre ta lo em ni?” alo ti a.

Patch erawh chuan,”Hria e, khua atanga mel chanve lekah i thawmhnaw i thlak a, sakawr i lo dah lawk saah i chuang a, kawng dang atangin Hope khuaah i lut leh ta a nih kha, ka zui zel che alawm,” a ti ta deuh deuh mai a. Barta chuan “Dawt muhlum a nih chu, i sawi,” a han ti leh hman chauh a, a sawi zawh hmain, “A sawi tur chu sawi zawh tir phawt la, i thu chu ka la ngaihthla leh ang,” Bleke chuan a lo ti ta a. Account bu leh lehkha te chu pek pahin, ”Heng chanchin hi enge hriat i neih ve?” tiin Patch chu a zawt leh ta a. Patch chuan “Bartholomewa ziak a nih kha, Ignacio chu Severna that tura tirh a ni a, mahse a mah chu a thi ta zawk a nih kha,” a han ti leh a.

“Ignacio chu tunah pawh a la dam reng alawm” Barta chuan a lo ti leh ta a. Mahse Patch chuan “Kahhluma a awm lai ngei ka hmu ani, Severna hi a lo lambun a, a thih phah ta zawk anih kha. Phili rukbo te, Lazy M severna pawisa lo va thlak thleng te pawh kha Bartholomewa thupek zawma tih vek a ni. Severna pawisa an laka pawh Bartholomewa kutah bawk an pe lut a, amah hi White Masks chu a ni” a ti ta a.

Barta chu za lo te hian a han nui a, “He mi bawlhhlawh rukru inpuang hi, i sahimna ngaihtuah in i lo zirtir ngun hle ani maw, Embly? a han ti leh a, Embly chuan Governor hnenah zawk chuan,”He pa hian enge a sawi dawn tih hriat lawkna engmah ka nei lo, min chhan chhuak a, a chhan pawh a sawi hlek lovin min zui ta zel mai a ni,” a han ti a. Bleke chu a bu nghat a, a hmel atang chuan hriat tur leh puak chhuah tur engmah pawh a awm lo, tunah rih chuan roreltu a ni a, thian tha leh hmelma te pawh atan chuan thuhmun vek anni rih a, dik taka engkim ngaihtuah chu a tih tur pawimawh ber a ni.

Bleke chuan Patch hnenah chuan, “Mastersa chanchin enge i hriat?” tiin a han zawt leh a. A ni chuan “Ka hre tawk viau bawk, a nupuiin a thihsan atang chuan a lungleng lutuk a che khawlo hle a, zu te a in a, pawisa khelh te a ching a, thian sual tak tak hlir a kawm ta a. Tin, Desert Edge khuaah sakawr tawlailir an rawk a, a khalhtu an kahhlum nite kha a lo thleng ta zel a, khami chanchin kha in la hre hlawm emaw? a han ti leh rih a, an la hriat reng thu chu an lo sawi thuai hlawm a. Patch bawk chuan, “Tawlailir rawktute kha Masters thian kawm thinte chu anni a, an rawk tuk khan a mutui lutuk chu a lo harhchhuak a, tawlailir rawk tu chang ni lovin, a khalh tupa kaptu pawh kha amah chu ani tih thu an hrilh ta a, chumi thu chu lehkhaa ziah sa, a ruk puite ziah ngei pawh chu an hmuh tir ta zel si a, a ruih em avangin a hma nia a khawsak dan chu a hre reng tawh hek lo. An thusawi te pawh chu a awih ta vek a, tin, an lehkha ziak chu a entirtupa chuan a kawl tlat a, in hriat theuh angin rukru ho chu man chhuah anni ta lo reng reng a.”

“Chutiang thil lo thleng chuan Masters rilru a tiharh thar leh a, a nungchang chu a sim ta a. Thil sual tih te chu a bansan a, mahse ngai a awm thei tawh lo; tual that nia a inhriat tlat avangin a rilru a hah em em a, tin, a that tih ziakna lehkha chu mi pakhat chuan a kawl tlat bawk si a. Reilo te ah lehkha keng tu chuan Mastersa hnen ah chuan pawisa leh thil dang tam tak a phut tan leh ta zel a” a ti ta a.

A sawi zawh chuan mite chu an ngawi thup tawh a, Barta pawh chu a zam hle tawh tih a hmel atang chuan a lo lang chhuak tawh bawk a. A han hawi vel ruai a, mahse a bul velah chuan mi an tam em avangin tlanchhiat chu a theih loh tih a hre nghal mai a, a han inti huai lui hram a. Patch chuan a thusawi chu engtin mah a fiah thei dawnin a ring lova, chu bakah Mastersa chu a thi tawh bawk si a.

Patch bawk chuan, ”A tirah chuan pawisa tlem te te chauh lehkha neitu chuan Masters chu a dil thin a, mahse a dil tam tulh tulh a, a tawpah phei chuan a nei seng zozai ta lova, Bawng rual te a pe ta zel a. Reilote ah a Ranch leh a fanu a pek ngawt loh chuan lehkha neitu chu a lungawi thei dawnlo tih a hrechhuak ta a. Tichuan hei hian a lo inngaihtuah ta a, amah ber chu a bo daih chuan a chunga thuneitu khan engmah a ti thei lo anga, tichuan, a sum leh pa pawh chuan him phah thei zawk dawn nia ngaiin a Ranch Lazy M chu mi pakhat kutah a hnutchhiah a, amah chu a bo ta daih a ni,” a han ti leh a.

Governor chuan “A chunga thuneitu, a neih lo eisak thin tu chu tunge a nih?” alo ti leh a. Patch chuan, zungchala kawk chung bawk in, “Bartholomew-a” a ti leh ta a. Barta chu a lo inring lawk vek tawh a, a lo ding chhuak a. Emblya chu kun meuhin chibai a han buk el phawt a, a hnenah chuan “Embly, thu phuahchawp i thiamin i mi rawihpa pawh hian thu tak angin a sawi thiam kher mai, mahse, sawi mai chu awl tak fiah erawh chu harsa tak ani ang,” a ti zet a. Patcha lam chu a hawi leh a, a hnenah chuan ”Engtinnge Masters chanchin chuti taka i hriat chian theih chu le? Nangmah hian i lo kaphlum a ni zawk ang ka ti?” a han ti ve thung a.
Patch chu reilote a han ngawi a, tah chua, “Kawng engemaw zawnga ngaihtuah chuan ka thah nih theihna lai zawng a awm a lawm!!” a han ti phawt a. Mahse Lazy M Cowboy ho chu an lo inhrosa nasa ta em a, chuvangin, ” lo thinur vak teh suh u, in pu chu nungdamin ka rawn thlen sak leh dawn che u a ni” tih pahin a lukhum chu a phawk a, a mit kingkhat tuamna pawh chu a paih thla a, “Phil” a han ti chhuak ta a.

Phili chuan alo en ngun em em a, mahse thi tawh nia a lo rin tlat avangin a pa a nih tak tak chu a ring ngam lawk lo. Mahse a pa in, “Phil” a han tih takah meuh chuan hai rual a ni ta lo, “Ka pa” tih pahin a va kuah ta chuk chuk a, a lo thlirtute pawh chu an hlim ve hle a ni ang. Thi tawh anga an ngaih, a thattu nia an rin an lo khaihlum dawnlai mek a nungdama lo kir leh ta mai chu an tan thil mak tak a tling ve reng a ni. Severna pawh chu chhuah tur anih tak avanga lawmpuiin thenkhat chuan chibai an rawn buk a, an rawn chul thuak thuak hlawm a. Severna erawh chuan nuihzatna tak a nei, Patcha te kha lo thleng hman ta lo hlauh se zawng, tuna lawmthu rawn hrilhtute ngei hian lawm tak bawkin an lo khaihlum ngei dawn a ni tih a hre tlat a.

Mastersa chu nungdama a lo kir leh tak avangin a tan beiseina engmah a awm tawh lo a ni tih Bartholomewa chuan a hria a, tlanbo mai loh chuan dam chhung lungin tan chauh a hmabak a ni tih pawh a hria. A han hawi vel a, mipuite chu an phili em avangin amah chu tuman an rawn ngaihsak tawhlo tih a hria a, tichuan zawi zawin a tawlh sawn hret hret zel a, mipuite chuan Mastersa te ho chauh an ngaihtuah tawh a, zawng kan ti na a, mahse Masters te pawh ngaihtuah ve mang lo,Bartholomewa chauh ngun taka lo en rengtu mipui zingah chuan a lo awm ve tlat mai. Bartholomewa chu pen tam pawh a la kalsawn hmain “Tum duh suh,” tih ri chu a hre ta mai a.

Bartholomew-a chu a lo leh hawi thuai a, a mah rawn betu chu Snap Lunta a ni tih pawh a hre ta nghal a. Lunta chuan a kut khinghnih chu a puakruk kawm bulah a lo dah thla ve ve tawh a, Barta chu thip zet mai hian a lo en reng mai a, thu tam tak sawi kher lo mahse a hlauhawmzia chu Barta pawh chuan a hai lo. Barta chu a phu deuh zawk a, a ding nghal chawt mai bawk a. A rilru ah ngaihtuahna thar a lo lut leh a, Masters chu chhawr theihna kawng dang la awm leh thei dawnin a hre ta a. Bleke chuan mipui bengchheng chu a han khap reh leh ta rih a, mahse Bartholomewa chuan chance dang nei tawh dawn a a inhriat loh avangin Mastersa leh Severna kahhlum tum chuan a theihtawp a rang chuan a puakruk chu a chuh ta thut mai a, phawi rang hle mahse a aia rang zawk an lo la awm ta fo a ni, puakruk chu a hmeh per hman hmain Severna sir dinglam, kawng zawn vel atangin a lo puak chhuak a, Bartholomewa chu a thingthi ruap a, a tlu zui ta nghal a, a tluk pahin a puakruk chu a hmet puak ve na a, mahse a bula vaivut chu akap khu ta lawih chauh a.

Severna chuan a puakruk ken lai, la khu vat vat chu a neitu, Snap Lunta a han pe kir leh ta a, a kalsawn ta nghal a. Bar B Cowboy thenkhatte chuan Barta chu an va enchiang a. Pakhat chuan “A la hman ngai hauh loh, a bula ding kawnghren atangin puakruk a phawi chhuak a, Bartholomewa mit leh mit inkar takah ala kap fuh thei tho si,” a han ti phawt a. Tah chuan “Sudden-in ti maw kha? a lo rang em kher a nih hi, thihna a cho va, kan pu chuan a ngam ta lo a nih hi,” a han ti leh a, chutiang tak chuan Bartholomewa thlan lungah pawh an ziak ta nghal a.

Chumi ni tlai lamah vek chuan Lazy M Ranch ah Severna chuan a bungrua a siam fel vel a, kawngkharah chuan hlim hmel pu fe chungin Phili chu a lo dak a, Severna hnenah chuan “Ka pain chaw rawn ei ve rawh,” a ti che a sin,” a rawn ti a. Severna chu a han dak chhuak a, “Ka lawm ngawt mai, mahse midang zingah ka ei ve zawk ang e,” a han ti a.

Chu veleh Phili chuan “Ka ti dik zawk a nih chu, Larrya nen hian a hre sual zawkin vawi sawm….” a han ti zet a, mahse sawi chhunzawm lovin, “i lo kal duh dawn leh dawn loh thuah kan inchawi a,” a ti ta zawk a. Severna chu a nui mai a, a meizuk lai chu a paih a, a ui lu chu a chul a, “Naktukah, thiana, naktukah kan haw tawh ang, kan inah,” a han tiri chu pawna Larrya te chuan an lo hre ve reng bawk a, an thil hriat chu sawi chhuak lovin an pai uih tawih ta vel mai mai a.

• A TAWP TA

Aside | Posted on by | Tagged , | Leave a comment

Sudden Law of the Lariat (Mizo Version) 15

SUDDEN LAW O’THE LARIAT CHAPTER-15
Chhun pachanga Phili an ruk bo ngam avang te, Bank an rawk avang te chuan Hope khua mipuite chu an lungni lo hle a, rukru ho hi hneh taka sawisak an hun tawh a ni, tih chu an ti ti tui ber a ni tawh a, Mahse rukru ho chu tihbo tuma beitu an awm thu an hriat meuh chuan mi thenkhatte chu an lo lungawi lo leh tlat lawi si a. An lungawi lohna chhan tak erawh chu Sheriff chuan ngaihdan thar an rilrua a rawn tuh sak vang ani. Hope khuaa mite tumah sawm ve lova, Lazy M leh XT Ranch ho chauhin an lo va bei mai chu Sheriff an pawisak loh vang leh Hope khua mipuite pawh chu eng huah mah an ngaih loh vang nite in a sawi kual vel a, Sheriff thudawi chu thenkhatte chuan dik hlein an lo hre ve tlat a

Chung avang chuan a tuk Zinga Bar B Ranch a Sheriff va leng pawh chu a hlim rilru hle a, Bar B neitu in Sheriff a lo biak dan erawh chu a lawmawm vak lo, a thuhnuai a dah theih tawh te chu Barta chuan a hmusit em em a, biak pawh a be tha duh ngai mang lo reng ani. Sheriff hnenah pawh chuan,”I va han hlim awm ve? eng thu lawmawm nge i rawn thlen tak? tiin a lo zawt a.

Sheriff chuan ti thei inti tak hian, “Severna chu a buai hle ang le !! Rukru ho an va beih avanga fak hlawh inbeisei te a nih zawngin a beidawn thlak hle ang chu,” a han ti a, Sheriff thusawi chu ngaisang lo tih hriat fahran hian Barta chuan “A va lawmawm dawn ve!! Hlau lutuk in a thi dang thei hial ang chu !! Severna chuan engtinnge a tih a i rin? kan ram hi a tlan chhuahsan nghal mai ang em le?” a han ti a.

Barta’n chutia a lo tih tak avang chuan Sheriff pa hmel, hlimawm taka lo lang tawh chu, puan huh a han hruk fai pawk ang mai hian a reh nghal vek a, hrehawm ti tak maiin a thut hmunah chuan ngawi rengin a thu ta a, chu veleh Barta chuan Sheriff lak tlak loh tak zawng i lo nih ngei hi maw le, tiraw? Ka tanpuina tello hian Sheriff hna hi eng chen nge chelh theia i inrin? a ti ta daih mai a.
Sheriff chuan Bart, ka thian tha ber i ni a, chu chu englai mahin ka theihnghilh ngailo reng reng a ni, tiin a han chhang a, Barta chuan I tan chu chu theihnghilh loh a tha ang, i thian neih ve chhun chu keimah chauh ka ni, severna chu eng hunah nge man i tum? a lo ti leh a, Sheriff chuan ka man ang maw? engvangin maw? mak ti tak mai chuan a han ti a.

Bartholomew chuan “I kawtzawla pangpar a lawh vangin mawle,” a han ti el zet a, mahse, thu tak zet hian “Mastersa a thah vangin” a han ti phawng mai a, chu chuan Sheriff pawh chu a ti thinthawng hman viau mai a, Sheriff chuan, “Masters a thah a nih tilang turin fiahna chhete pawh ka nei si lo a?” a han ti a. Barta chuan “I nei nang sheriff i ni miau a, i thawh tur midangin an thawh sak zel che a ngai tlat alawm”, hmusit eltiang chuan a han tih khum leh phawt a, chumi hnuah “I tan ngaihtuah ngai engmah a awm tawh lo, engkim ka ngaihtuah fel vek tawh” a han ti leh a.

Barta thusawi chu makti awm fein Sheriff chuan “Severna’n mastersa a that tih chui fiah thei dawn a maw? ” tiin a han zawt leh a. Ani chuan, “Khaihlum tur a ni sa mai, i sakawrah khan lawn kai la, min zui rawh”, a ti ta a. Darkar chanve hnuah chuan Bartholomewa’n Masters’a thawmhnaw a chharna hmun kha an lo thleng a, a chharna lai hnimbuk chu kawhhmuh pahin, Sheriff hnenah chuan, “tilai hnimbuk hnuai kha han en ve teh,” a han ti a. Sheriff chuan hnimbuk chu a han keu va, Mastersa thawmhnaw chu a mal malin a rawn phawrh chhuak ta a. Lukhum a han phawrh chhuah lai chuan mak ti tak maiin hei hi Mastersa lukhum ngei a nih hi, thawmhnaw dangte pawh hi ama thawmhnaw chu a ni ngei ang, Uai,, hei chu enge ni ta? tih pahin hnimbuk atang chuan silai Winchester Repeater a han phawrh chhuak ta nawlh mai a. Silai kua chu a bal hle tawh a, tin, a kawmah chuan J.S tih hi chiang fe hian a lo inker bawk a, chu veleh sheriff chu a thaw huai a. Thil hriatthiam harsa tak, rei ngial ngaihtuah hnua han hre chhuak ta phut ang mai hian, “Jim Severna silai a nih ngei dawn hi” a han ti a.

Bartholomewa chuan “I va han fing tehlul em, sheriff… Mahse JS tih ngawt kha chu John Smith tihna pawh a lo ni maithei a sin”, a han ti leh a. Sheriff chuan Barta chu en reng chung in, “Severna silai a nih i ring a ni lawm ni?” tiin a han zawt ve thung a.
Bartholomewa chuan “Mi a pa, Severna silai a ni tih chu ka hre sa reng alawm. Tikhan, i thil hmuh zawng zawng kha a awmna ngaiah khan dah leh vek la, keima lo hmuh chhuah a ni tih pawh hi theihnghilh nghal bawk rawh. I Deputy pakhat i hruai ang a, heti lam kawngah hian i kalpui anga sakawr hniak te hi in chhui zel ang a, tichuan, hnimbuk hnuaia thawmhnawte hi in hmu chhuak dawn zuk nia,… i hrethiam em?” a han ti a.

Sheriff chu a hlim ta ngei mai, Hope khuaa miten an lo ngaihsan tur ziate chu a han ngaihtuah a, lar thar leh sawt dawn ni hian a inhria a ni. “Bart, thil i lo ngaihtuah thui hle mai a!! Barta hnenah chuan a han ti a, In lam panin an kir leh ta a, hawn kawngah chuan Sheriff chuan “severna chanchin min hrilh tur dang i la nei em?” tiin Barta chu a han zawt leh a. Ani chuan muangchangin, “Bank rawktu ah leh Rapsona kap hlumtu ah pawh khan i puh nghal thei ang”, a han ti a. Barta thusawi chu mak a tih em avangin, Sheriff chu a sakawr atang chuan a zuang thla lo chauh hi a ni tawh a. “chung thilte pawh chu i fiah thei vek ang maw?” tiin makti tak mai chuan a han zawt let a.

Bartholomewa chuan “kei a rawn tihfiah a ngai lovang, severna chuan a rawn puang chhuak nghal mai ang”, a lo tih san mai a. Sheriff chuan “Mahse, ka lo ngaihtuah ve dan chuan….” a han ti leh tan chauh a, Bartholomewa chuan x I ti dik lo tawp a nih chu, nangni ang hi chuan engmah ngaihtuah ve lo ula a tha, at phah mai a hlauhawm, ngaihtuah tul apiang chu keiman ka ngaihtuah sak zel ang che, i tan a fin thlak zawk ang” a lo tih sak leh thuai a.

Sheriff chu a bu nghat a, a kal ta nghal a, a liam tur chu Bartholomewa chuan nuihzat tak mai hian a en zui reng a, “Suddena man turin ka tir tih chu hre na se zawng mexico khaw lam panin a tlanchhe nghal ngei ang mawle,” a han ti chhuak a. A hnunglam atang chuan “Tlanchhe nghal pawh nise ka dem vak lovang,” tih ri chu hriain rang deuh maiin a han lehhawi a, a hnung lamah Pentona chu a lo ding reng mai a, a hnenah “,E,,, Penton, enge chanchin? tiin a han zawt nghal a. Ani chuan, “Tui in tluk chauh a ni, harsa engmah a awm lo, kan sheriff chu i lo be tawh em?” tiin a han zawt let ve thung a. Barta chuan “be tawh e, mahse tanpui a ngaih thut takin a bul hnaiah awm ve reng ang che, kan che a tha ve dawn tan chauh a, engkim fimkhur taka tih a tul a ni” a han ti a.



Sakawr chungah rei ngial hrehawm taka an chuantir hnu chuan tuna a awmna hmun hi an lo thleng ta a ni, a chenna pindan chhung chu a han en vel a, tlan chhuah harsa tak a ni ngei ang tih a hria a. Tukverh pakhat chauh, feet khat bial vel tur hi a awm a, chung te chu a han enkual vel lai chuan kawngkhar inhawng ri a hria a, rang takin a thutthlengah chuan a va thu a, a thu fel hman chauh tihin mi pakhat, hmai tuam hia lo lut ta a. Chupa chu amah hruaitu palite zinga telve kha chu a ni lo tih Phili chuan a hria.

Phili chuan “engvangin nge hemi hmunah hian min hruai” tiin chupa chu a lo zawt a. chupa chuan, “I la hre mai ang, nakin deuh ah, tunah hi chuan Chance khat chauh i nei tih hrilh tur che a lokal ka ni. Mi pakhatin a rawn tlawh dawn che a, a rawtna anga i tih duh dawn chuan i chhuak leh mai ang” a han ti a.

Phili chuan “a rawtna chu lo pawmpui duh ta lo ila,” tiin a han zawt a. Chupa chuan “Lo pawmpui ngei la a tha ang, i lo pawm sak duh loh chuan kan zingah thum kan vawr anga a vannei ber chuan a chang hmasa dawn che tihna a ni mai” a han ti a. Philli’n chu thu chu a hriat chuan a dang nghal sawp sawp mai a, “min rawn kantu tur chu engtikah nge a lo kal ang,” tiin a han zawt leh a. Chupa chuan “a lo kal mai ang” tia chhan pahin a chhuak leh ta mai a.

Amah rawn kantu tur chu tunge ni ang tih Phili chuan hriat a chak hle a, a chang chuan Severna ni tein a han ring thin a, Bartholomewa khan a rilruah thil tam tak a lo tuh tawh avangin Severna chuan an Ranch neih sak tum niin a ring tlat a. Chuvang chuan thu engemaw tiam tir turin a lo kal dawn niin a ring a, mahse Larrya vangin chu chu ni theiin a ring chiah bawk silo.

Rilru mangang tak chungin tukverhah a va dak chhuak a, kawtlaiah chuan pa tawite, sa tha tak, kun fahrana lukhum khum, khabe tuak var va tawh mai leh mit lehlam puan duam tuam hi a va hmu a. Chupa chu Hope khaw kawtthlera Bartholomewa’n a sut per nawlh kha a ni tih a han hre chhuak a, chupa chuan Phili awmna in pawh chu en chuang lovin a kal pel ta mai a.

Mahni chauha pindan khata khung hi lungin tan danah pawh hrehawm ber pawla an ngaih thin a ni, ni hnih leh zan hnih zet mahni chauha a awm hnu chuan Phili pawh chu a mangang chhe tawh mai a, a khat tawkin pakhat hian chaw a rawn pe thin a, chupa lah chuan tawngkam khat pawhin Phili chu a be duh bawk silo.

A tuk thum tukah pindan kawngkhar chu a rawn inhawng a, kawngkhara lo ding chu a hmuh veleh Phili chu lawm em em in a zuang tho a, “Nang i ni maw, Bart? Midang emgaw lokal dawn ka lo ti a,” a han ti a. Bartholomewa chuan hlim hmel putak chungin Phili chu a han en a, dawhkanah chuan a va thu a, mei a han zial a, “Phil, i dam em? I thian hluite paihthlain mikhual mai mai i lo buaipui a, i hrehawm phah hle a nih hi,” Phili hnenah chuan a han ti a. Phili pawh chuan dik lo inti rilru ve tak chungin “thil awmdan hi hriat thiam engmah ka nei tawh lo”, a han ti a. Barta chuan “hriat loh tur engmah a awm hleinem, a tir atanga ka lo hlauhthawn ang leh nang pawh ka hrilh tawh che ang khan thil a lo thleng ta a ni mai alawm, Embly leh Severna i foreman te hian Lazy M hi neih an tum a. Tuna nangmah mantu che pawh hi Severna hnuaia thawk vek an ni a. Nang hi Severna lung in tang chu i ni a, engtia tih che nge a tum zawng ka hre lo, mhse ka ngaihdanin Larrya kha neih luih tir che an tum ni ngeiin ka ring. Larrya i lo neih hlauh chuan Lazy M chu an thu hnuaia awm tluk a ni tawh mai dawn a. Tin, in inneih hnuah nang hi accident i lo tawh palh hlauh chuan……” a han ti a, sawi zawm zel pawh tul lova a hriat avangin a ngawi leh ta mai a.

Barta thusawi a hriat atang chuan makti deuh maiin Phili chuan “chutiang khawpa mihring an sual theih ka lo ring ngai lova, mak ka va han ti em!!!” a han ti a. Barta chuan “mihring mize hrang hrang i la hre tam lova, awih pawh harsa i ti hle ang, severna hian i pa a that a, Bank a rawk bawk a. Bank neitu Rapsona pawh kha ama lo kah bawk hi ani tih rinhlelh rual lohin tihlan a ni tawh” a han ti leh a. Phili’n a pa thih thu a han hria chu a ngui nghal hnap mai a, nung dama hmuh tawh loh tura anga a lo ngaihna chu rei hle tawh mahse, duham vang ringawta kahhlum a ni tih a han hriat meuh chuan awm ngaihna hre lo khawpin hrehawm a ti a.
Bartholomewa hnenah chuan “heta tang hian min hruai chhuak dawn em? min hruai chhuak tura lokal i ni ngei ang ti rawh? Ka hlau em mai, ka hlau takzet a ni,” a han ti a. Barta chu a lawm rilru hle a, an duh zawng takin Phili chuan a dinhmun hlauhawmzia chu a lo hre tawh a ni tih pawh a hre ta bawk a, Phili hnenah chuan, “Hlau awm tak pawh i ni reng e – mahse hruai chhuah che chu ka tan harsa tak a ni, i chhuah theih dawn leh dawn loh chu nangmah ah a innghat ber zawk a ni,” a han ti a.

Phili chuan “Engtin maw?” a lo ti thuai a, Barta chuan “a man tu che hi misual tak tak hlir an ni a, mahse Black Barta duh loh zawng sawi chu an hlau hle a ni, heti zawng hian sawi ta ila, keima chungchangah leh ka thil neih chungchang reng rengah an rawn inrawlh ngam dawn lo ani, chu chu i hrethiam em?” a han ti a. Phili chuan “ka hrethiam mang lo”, a lo tih veleh Bartholomewa chuan “Innei tura ka sawmna che a ni mai ang chu, hetiang hmun leh huna inneih a sawm che hi ka thil tum ber pawh a ni hauh lova, mahse kan inneih a, ka nupui i nih ngawt loh chuan kan misual ho hian i chhuah an phal dawn silo, Judge emblya kutah kan innei thei mai ang chu, ani pawh hetah hian a awm ve reng tho alawm” a han ti a. Tin, severna khan a thian Larrya kha neih tir che a tum a nih pawhin pasal i lo neih tawh si chuan a thei dawn lo tihna a ni bawk ang, enge i ngaih ve dan?” tiin a han zawt ta phawng mai a.

Phili chu a beidawng hle a ni. Severna leh a thianpa chu haw teh mahse bartholomewa han neih ngawt chu a duh bawk silo, kawng dang chu awmin a hre bawk silo. Reife a ngawih hnu chuan “Judge chuan kan inneih chu rem alo ti kher lo maithei asin” a han ti ngawt a. Barta chuan “ka titi pui phawt chuan a duh ngei ang, a rin ai ngawt chuan a chanchin ka hre chiang tlat si a”, a lo ti a. Phili chu a han maimitchhing a, tah chuan kawng dang a awm tawh hlawl lova a hriat avangin a beidawng lutuk chuan barta chu neih mai a duh thu hrilh a han tum a, mahse chutihlai tak chuan bang pawn atangin mi pakhat hian “A daw a nih kha, duh suh, tih khawtlai tum rawn” tiin phili chu a rawn hrilh ru ta hlauh mai a. Phili chuan a ngaihna a hre lo hle a, mahse a mah rawn hrilh rutu chuan a la puih theih tak hlauhin tih thuah beiseina thar a rilru ah a lo lut a, Barta hnenah pawh chuan “Inngaihtuahna hun tlem tal min pe thei dawn lawm ni?” tiin a han zawt ta zawk a.

Barta chuan lawm lo tih hriat tak chung hian “Hun kan ngah lo teh ania, heta lokal ngawt pawh hi ka tan hlauhawm tak a ni tawh a, han cham leh lek phei chu a hlauhawm tak a ni tawh a. Thil dang pakhat hrilh hmaih che ka la nei, I foreman pa hming kha Severna a ni lo, Suddena tia an koh thin kha a ni zawk, a chanchin pawh i hre ve tawh thinin ka ring.” Phili chu a phu zawk a, Suddena Outlaw, a huaisen zia te, silai a kah thiam ziate, vawi tam tak a mah umtute laka tlan chhuah dan chanchin te pawh Phili chuan mi sawi a lo hre fo tawh thin a, a hriat ve loh erawh chu Suddena chu mi tam takin Outlaw angin sawi thin mahse Law tanpuitu tha tak a nih zia te, ama tih sual anga mi tamtakin an puh thinte chu Suddena tih a nih loh zia te chu a ni. Suddena chu misual theihtawp ni anga a lo ngaih thin avang chuan a chungah pawh chuan khawngaihna nei lo tawp turah a ngai tlat a. Tchuan, phili rilru chu hria niawm takin, Barta bawk chuan “chung zawng zawng chu hre chung siin nghah rih chu i la duh fo a maw?” tiin Phili chu a lo zawt leh ta a.

Phili chuan a chhan hmain pawn lam bang phen atang bawk chuan, “Beidawng suh” tiin mi pakhat hian a rawn hrilhru leh ta a. Phili chuan, “Aw, in ngaihtuahna hun tlem min la pe thei la ka duh a ni,” a ti ta a. Barta chu a dawhthei lo tan hle tawh a, a hma aia vin deuh zawk hian, ngaihtuah tur teh chiam engmah a awm hleinem, “ka nupui i ni a, heta tanga kal chhuah mai nge i duh rukru ho duh duh a sawisak tura la awm tih chu a ni mai lawm” a han ti leh a.

Phili hmel a han hmuh atang chuan thil sawi sual a nei tih chu a hre nghal thuai a, tichuan, a thusawi sual chu tlip mar leh tumin, i chanchin an sawi lai ka lo hre ru hlauh a ni , a han ti leh thuai a. Barta thu lo sawi sual tawh chu tlip mar leh chi rual a ni tawh lo, rukru hovin an lo vauna ang chiaha Phili chu a han vau leh tak avangin Barta rinhlehna lian tak phili chuan a nei ta a. Barta’n phat mar tumna pawh chu a ringhlel zo vek tawh bawk a. Bartholomewa pawh chuan Phili chu chhuahsana Judge Embly-a biak leh chu a tum ta zawk a.

Aside | Posted on by | Tagged , | Leave a comment

Sudden Law of the Lariat (Mizo Version) 14

SUDDEN LAW O’THE LARIAT CHAPTER – 14

Severna chuan chaw te a eikham hnuin ama riahna lam a pan ta a. A ui Quirt chu a hmuh mai loh avangin faifukin a han ko a, mahse ui chu a lokal ta mai si lova. Thil bo dang a awm emaw tiin a pindan chhung chu ngun takin a han enkual leh rih a, mahse engmah bo dang chu awm lovin a hria a, rukru ho chuan Phili ruk bo tum ringawta lokal an nih chu a ring deuh a. An ruk bo chhan niawm te chu a han ngaihtuah leh a, Shade-well-a khan phuba lak a duh vangin a thian te nen lo thawk pawh an ni mai thei, a nih loh vek leh Barta leh a hoten an rawn ru pawh ani mial mai thei. An thil tih chu White Masks ho puh rawh se, tih vangin Barta leh a hote chuan puan varin hmai an tuam pawh chu a lo ni reng mai thei bawk a. Severna chuan thil dang come again saloon a an insual dawn khan Barta kha chhan engmah pawh awm chuang lovin, ‘Masks’ ti khan a ko chawt tawh bawk a, chutih laia Barta rinhlelh rukna a lo neih tawh chu tunah hian a rilruah a lo lut thar leh ta a ni.

A hma niin lo thawk hah hle tawh mahse, a tuk ni a lo chhuah meuh chuan Lazy M cowboy ho chu an inpeih fel hman hle tawh tho a, ni danga hlim em em thin, fiamthu hlira inkawm ho thin an ni a, mahse chumi tuk chuan nui hmel hmuh tur an zingah an awm ta lo. An pi an lo rukbo sak chungchangah chuan thinrimna chhan tam tak an nei. An pi chu an ngainat em em bakah, an rawn rubo ngam ringawt mai chu anmahni rawn pawisa lo leh hlau lo lutukah an ngai a, tlawm an ngai tlat a, ramdang mite ngaihah mahni mi leh sate hum zo lo anga han lan chu an duh lo eltiang a ni. Chuvangin, chumi tuk chuan khuai tawh kawlh laklawh ang maiin an kawlhsen a, an zingah fiamthu a leng tawh lo a ni.

An silai theuhte chu ngun takin an en fel a, a mu tam tawk an pai theuh bawk a, an sakawr zin te pawh chu tuk dang aia ngun zawkin an phah a, an pu, Severna thupek chu nghakin Ranch kawtah chuan an inhawr khawm a. Severna chu a riahna atangin a lo chhuak a, chutih lai chuan ui bauh ri a han hre nghal a, severna chu a han lehhawi thuai a, a ui, quirt chu a lam panin a rawn bai phei a, a pu ke bulah chuan a rawn bawk chawt mai a. Severna chuan a ui nghawng chu chul sak a han tum a, tah chuan ui nghawnga thil var engemaw lo bet chu a hmu ta a, a han enchiang a, lehkha them hi ui nghawngah chuan hruiin a lo inhling bet a. Lehkha chu a la a, a han pawt pharh a, a chhungah chuan hei hian a lo inziak a, “White Masks hovin pukah hmeichhia chu an hruai, hmanhmawh rawh- i thian,” tiin
Lehkha chu tu ziah tak ni maw? Darbya a han tih dawn chuan a hma ni khan severna te ho nen an awmkhawm reng a, ziahna hun a nei bawk silo. Engpawh nise Quirt chuan a pi mantute chu a zui ve a, lehkha rawn thawntu chuan ui chu a lo hmu fuh ta hlauh a ni ngei ang. Severna chuan thil awmdan a hote chu a han hrilh ve a, an ngaihdan te a han zawt nghal bawk a.

“Hope khuaah mi va tirin Sheriff leh a hote va sawm sela?” tiin pakhat chuan ngaihdan a rawn sawi chhuak a. Severna chuan, Lu thin pahin,”Tyler-a chuan keini ho hi min ngaina lo hle a, chu lo rengah kan chunga thil lo thleng hi keimahni ngeiin kan chinfel thain ka ngai – ka ngaih ve dan chuan XT Ranch ah va kal ila. Ridge a leh a hote a hman hman in min pui se, tichuan rukru ho hi va bei zui ila, tha berin ka ring” a lo ti a. Severna ngaihdan chu cowboy dangte chuan rem an ti tlang vek a, ti chuan XT lam chu pan an tum ta a. Larrya chu a kal ve theih loh vangin a khum atang chuan a lo inhrosa ve chiam ringawt a. Severna chuan “I rilru lo tibuai vak duh suh, i lal fanu chu kan rawn hruai haw sak leh ngei ngei ang che, a lo rutu te pawh chu va zilh nghal kan tum bawk a,” larrya hnenah chuan a han ti a, a kalsan ta nghal a.

An hmanhmawh bawk a, XT Ranch chu an thleng thuai a, Ridge a thil awmdan an hrilh ve hnu chuan ani pawh chu a lo thinrim ve em em mai a. Severna te hnenah pawh chuan “min pui thei ang em in ti a ni maw? min thlim thei bik lovang, chhun pachangah lehnghal, mahni in luma lo awm lai han ru bo ngam ngat mai hlawm chu !! Kan misual ho hian kan ramah hian duh duhin an khawsa thei dawn emaw an ti a nih tawh hi, tan lak a hun tawh ani, a han ti zet a, “He mi hi tunge a nih i hria em ?” tiin pawna thutthlenga Snap Lunta thu kun reng chu Severna chu a han kawhhmuh ve a.

Severna chuan “I hote zingah a tel ve em ni?” tiin Ridge a chu a han zawt a, “ani chuan tel ve rih lo, tukin zing khan Ranch ah hian a lo kal a, hna thawh tur a zawng a nih ka ring, enge anga i rin?” a lo ti leh a. Severna chuan “buainate a lo awm palh hlauh chuan a hman tlak viauin ka ring, a puakruk paite hi a tharlam teh chiam tawh lo em a”, a han ti a. Ridge chuan “i ti dik mai thei, tun hi hman tlak dawn nge dawn lo hriat chhuah theihna hun remchang tak chu a nih hi. Mahse ka va sawm chhin mah anga, mi lo hnial lohva leh – Dollar khat inchawi ka ngam” a han ti leh a, Severna chuan “Ka ruksak che a ni ngawt dawn a, mahse inchawi ang hmiang,” nui chung hian a lo ti a.

Ridge-an Snap Lunt-a a sawm zo chu inchhungah a lo lut leh a, Severna chu Dollar khat a rawn pe a. pahin, Severna chuan “kan lo inchawi kha a fair chiah lo reng a ni, ka thian a nia, i hnenah hian hnathawh tur zawng a lokal pawh a ni chiah lo mahse rin ngam ani” a ti ta a.

Ridgea hote panga leh Snap Lunta te chuan severna te cho chu an zui ve ta a, tichuan rukru ho awmna nia an rin lam chu an vai chuan an pan ta nghal a. Bawng tlat theihna phaizawl nuam chin chu an pel thuai a, tlang pangah an lawn chho ta a. An kalna hnu a chhengchhe bawk a, fimkhur a ngai hle a, chhun lai velah tlang pawng pakhatah hian an lo chuang chhuak a. An awmna atang chuan anthlang lam chu a zuk thlir thla a, mual chu a awih bung thla deuh vut a, chumi mual tawpah chuan dil pakhat hi a awm a, an awmna atnaga dil ral lehlam atanga han en ngawt phei chuan han lawn chhoh theih chi rual ni hian a lang lo. Dil kam velah chuan bawng leh sakawr te hmuh tur an tam a, chungte chuan dil kama hnim hnah an lo pet a, an lo tla kual vel a, dil chung lam feet 80 vela sang, lung bangah chuan rukru ho tawmna puk chu a awm a ni.

Severna chuan “An tawmna puk atanga rukru ho hnawh chhuah chu thil huphurhawm tak a ni. Puk han lawn chhohna kawng dang pawh a awm ngeiin ka ring, mahse chu chu khawiah nge a awm kan hre si lo. Ka hriat ve chhun chu dil kam atang lawn chhoh khu a ni ringawt a, kan lawn chho lai min lo hmuh vaih chuan a chhak lam atang khian pakhat chauh pawhin min lo tibuai thei hle dawn bawk si a, heti hian ti ila a that ber ka ring. Pahnih, pathum vel ka hruai ang a, lung bangah khuan lawn chhoh kan tum ang a, a dang zawng chuan dil kam heti lam atang hian min lo veng ula, puk atanga min kah tuma lo chhuak an awm phawt chuan in lo kap zel thei ang a, tichuan a thain ka ring” a han ti a.

Severna remruat ang chuan amah leh Snap Lunt, Gentle Annie leh Big boy te chu an chhuk thla ta a. An kal pah chuan big boy chuan phuba lak duh vanga kal ve a nih thute chu a sawi nghal bawk a, reilote ah rukru hovin severna an lo tih dinna hmun kha an thleng ta a, chuta tang chuan kein an kal ta zel a. Sakawr huang te pawh kha an hmu leh a, a chhungah chuan sakawr tam fe a lo awm a, chungte chu an chhuah nghal a

Puk awmna lam pan chuan tawite an lawn chho hman chauh a, silai ri vawihnih an hre ta mai a, an thiante kah ri a ni lo tih pawh chu an hre thei nghal a. Severna chuan “Min rawn vauna a ni ngei ang, khawi hmunah ber hian emaw vengtu an dah a ni ang” a han ti a. Silai ri chu hriain puk atang chuan an lo chhuak a ni ngei ang, chutih lai chuan severna thiante pawh chuan silai an rawn hmet puak ve tan ta a. Severna te tan chuan puk awmna lam pana lawn chhoh chu thil hlauhawm tak a ni ta a. an chhak lam puk kotlang atang chuan mi pahnih hian bawk chungin severna te lawn chho chu an lo chang reng a, chung lam atanga lang theia an kal lai apiangin chu mite pahnih chuan an rawn kap hman ziah mai si a. Severna chuan lung bang hrulah zel khan kal tum hram ula, chung lam atang rawn lang thei tura in kal lai chuan a hmanhmawh thei ang berin chet tum zel ang che u, tiin a thiante chu a han hrilh a.

Lungbang chu hnung chhawn chungin zawi zawin an lawn chho zel a, a khat tawkin chung lamah chuan silai a ri reng bawk a, puk kotlang atanga yds 20 vela an la awm lai chuan an han chawl rih a. An inkar a hla bawk a, puk kotlanga mi pahnih bawk phek rengte chu kah fuh chi rual an nilo tih an hriat avangin Ridgea te ho pawh chuan an rawn kap tawh rih lova. Severna chuan an piah, lung tohlawt deuh atang chuan a han en chho a, chutih lai tak chuan puk kotlanga rukru bawk pakhat zawk chu fimkhur fe hian a lo ding chhuak a, chutih lai vek chuan severna te awmna piah lam atang chuan rifle alo ri a. rukru lo ding chhuak lai chu a te thawt a, a silai ken lai chu a thlauh a, awih pangah chuan a tla thla ta nghal a. Chu veleh severna chuan “mi rawn zui thuai rawh u, vengtu pakhat chauh a ni tawh” tiin a thiante chu a ko ta a. A sawi lai la la in severna chu a awmna atang chuan a zuang chhuak a, puk awmna lam a pan chho ta nghal a, an awmna leh puk awmna inkar chu kawng mumal lo deuh a lo awm tawh avangin severna te ho pawh chu an kal chak thei hle a. Chutia an chho lai chu puk kotlanga mi chuan a lo hmu a, kah a rawn tum a, mahse anni ho chuan an hnaih chilh tawh em avangin puk chhunga tlan luh tumin a han ding a. Chutih lai chuan silai a han ri leh a, chupa pawh chu puk kotlangah chuan a tlu ve leh ta a.

Severna chuan “A hlauhawm hle dawn a, mahse kan bawh thut ringawt mai loh chuan tih dan dang a awm lo,” tih pahin puk kotlang lam chu a han kawk a, an tum dan chu an inhrilh fiah hnu chuan zawi zawiin puk kotlang lam chu an pan chho hret hret a. Tah chuan thawklehkhatah an awmna atangin an zuang chhuak a, puk awmna lam chu an bawh ta huk mai a. Puk sir tuakah chuan an bawk rawp a, puk chhung chu an rin kah ta chiam mai a, rukruho pawh chuan puk chhung atang chuan an rawn kap ve bawk a, mahse tumah zawng an rawn kap fuh thei chuang lo. Puk chhung chu a thim em avangin severna te pawh chuan an kah fuh leh fuh loh pawh an hre thei bik bawk hek lo. Severna chuan a hote chu thu a han pe leh a, tah chuan thawk leh khatah a rualin puk chhungah chuan an tlan lut ta chawt mai a.

An tlan lut lai chu rukru ho chuan puk chhung atangin an rawn kap a, an silai kah en atangin an tawmna zawn vel nia an rin lai apiang severna te ho chuan an va kap let ve a. Chutihlai chuan XT Cowboy pakhat chu a tlu nghal a, severna pawh chuan puk chhuat a mi pakhat lo tlu reng chu a pal palh hlauh avangin a petek dawrh a, chutih lai chuan a beng zawnah silaimu a ving thuak bawk a, rei vaklo hnuah silai ri chu a reh fel leh ta mai a. Cowboy pakhat hian puk chhungah chuan Laltin a va hmu hlauh a, chu chu a han chhi eng ta a. Severna te ho tam fe chu an inhliam a, mahse na lutuk erawh chu an awm lem lo, chhuat laiah chuan rukru pahnih an lo khirh tawh a, a pathumna erawh chu a lo la dam a, rukru dang erawh chu hmuh tur an awm tawh lova. Severna chuan “khawnvar dang han zawng ula, puk chhung hi ngun takin i dap vel ang u, tlan chhuah theihna khawi laiah emaw hian a awm ngeiin ka ring” a han ti a. Khawnvar an chhit en atang khan Snap Lunt a pawh chu a bo ve nghal daih a, khawnvar an chhit en lai chiah khan puk kil sir leh lama mi pakhat kal liam tur chiah hi a va hmu hman a, chu pa chu a umzui ta nghal a, chupa a umna kawng chu leiverh hi a ang berin a hria a, thui pawh a la kal hmain a hma lamah chuan eng a va hmu a, a va kal hnaih chuan kawngkhar chu a va hmu ta mai a Kawngkhar chu zawite hian a han nam chhin a, a lo inkalh loh avangin a inhawng ta a, a chhung chu lung ker kuak, pindan hrang anga siam a ni a, pindan laiah chuan dawhkanah hian khawnvar a lo inchhi a, a sir khatah chuan khum a awm bawk a, mi pakhat hian khumah chuan a thawmhnaw a lo vawm khawm mek a.

Snpa chu pindan chhungah chuan zawite in a lut a, kawng chu a han khar leh phawt a, tah chuan vawi thum vel ring fe hian a han tlak hlak hlak a. Tlak ri chu a hriat veleh khum bula mi pakhat lo awm chu a rawn lehhawi thuai a, Snapa arawn hmuh chuan a hmel chu a dang nghal vek a, ramhuai pawh hmu se Snapa a hmuh avanga ahlau hmel put ang tluka hlau hmel a put theih chu a rinawm lo a ni. Chupa chuan engmah dang sawi lovin, “Snap” a han ti ringawt a. A ni chuan “Ni e, Snap Lunta pangai bawk kha ka la ni, Shady, i puan tel lai kha chu ngaihtuah duh tawh suh, i kalna turah chuan puanthan i mamawh tawh lovang” a han ti a.

Hun rei tak atanga a lo hlauh ber thin a hmaa lo ding ta chu a han en thin a, shady chu a zam hneh hle mai. Khawvel pumpuiah hian mi pakhat chauh hlauh a nei a, chu chu tunah hian a hmaah a lo ding ta si a, chuvangin Snapa lak atang a beisei theih chhun chu rei na tuar hman lova thih a ni ringawt a. A mangang tih ngaihna hre tawh lo chuan dawhkana khawnvar chu a phiat thla thut a, chutih pah chuan kil lehlamah a zuang per nghal thuai bawk a. Snapa chuan thimtham zing atangin “Shady i zam ta mai a ni maw? a thim tak vang hian beiseina tlem i nei pawh a ni maithei e, mahse damin i chhuak chuang lovang, Nula chu khawiahnge a awm min hrilh la, tichuan ka chhuah ang che – tun tumah hi chuan,”a han ti a.

Shady chuan “Hrilh che ai chuan hremhmun a hmuh che pawh ka duh zawk” a han ti a, Snap chuan nuih pahin “a dik viau ang, mahse hremhmunah chuan i lo va kal hmasa dawn miau a ni”, ahan ti leh a. Shady chuan a chhang duh ta lo a, tichuan an pahnih in reilote an han ngawi leh rih a. Thimtham zingah chuan inthah tum ve ve hun remchang zawngin an ngawi dun ta vang vang mai a, an pahnih chuan inkahna ah an lo tel tam tawk ve ve tawh bawk a, thil tih palh engemaw hlek avangin a thih mai theih tih pawh chu an hre chiang dun em em a.

Shady chu chet pawh che lovin kil khatah chuan a ding reng a, kut pakhatin puakruk a keng a, thawm riva a ngaihthla reng bawk a.
Chutih lai chuan pheikhawk keartui in lung a han rah hrual ri niawm tak hi a hria a, ri lo chhuahna lam chu hriat tumin ngun fe hian a han ngaithla a, reilote ah chutiang ri bawk chu a han hre leh a. Snapa chuan a rawn veh hnai niin a ngai a, a hmulthi a ding nghal sung sung mai a, ri lo chhuahna hmun chu hre ngei nia a inngaih avangin a rinna lai chu a va kap ta ngawt mai a. A silai kahin inchhung a han tih en zawk laia a hmel lo lang chu shady atan chuan hmuhnawm lo tak a ni. Snapa chu va kah leh nghal mai a han tum a, mahse a kah hmain silai a ri thuai a, shady chuan a kut veilam chu sa zawkin a hria a, a banah silaimu a lut tih chu a hre nghal mai a, a ban chu na a tih em avangin a han rum hak a.

Chutihlai chu nuihzat tih hriat deuh maiin snapa chuan “i kut veilam ka kap fuh a ni maw? shady tunah chuan i kut dinglam a ni tawh thung ang, chumi zawhah chuan….?” a han ti a. An awmna chu a thim tehlul nen, snapa’n chutianga a rawn hre thei mai chu a mak hle a ni, aw lo chhuahna zawn nia a rin lai shady chuan a va kap leh a, silai a hmeh puah rual chiahin sir lehlamah a zuang per nghal thuai a, a rin loh ang takin snapa chuan a rawn kap let ve ta hauh lo mai a. A va kap fuh palh ta hlauh em ni ang le? bang ngheng chungin a ding a, thawm ri a han ngaithla leh vang vang a, a ban hliam chu na a ti sawt hle a, a thi duh hle bawk a. Pawn lamah chuan ke pen ri a hria a tah chuan, “Hei, Mikhual, puk chhungah hian i awm em?” tih ri pawh chu a han hre leh ta bawk a.

Snap Lunta chuan thimtham zing atang chuan “awm e, min kalsan rawh, ka buai rih,” tiin a rawn chhang a. A aw atang ngawt pawh chuan a zam lo hle tih shady chuan a lo hre thei nghal a, snap a rawn autu chu a kalsawn leh ta mai a. Chu pa ke pen ri chu a reh fel hnu chuan anni pahnih chu an ngawi leh ta veng veng mai a, thimtham zinga inkah hlum tum ve ve, inhmu thei bawk silo, ngawi renga han awm dun tak reng mai chu shady chuan tuar har a ti em em a, a mangang rilru hle tawh bawk a, chutia an ngawih reng lai chuan, “Shady, Rafe Sanders kha chance i pe hauh lo tih chu ka hria, mahse kei chuan ka pe ang che, tunah hian sathau khawnvar ka keng a, ka chhit en veleh puakruk kan chuh ve ve nghal dawn nia, enge i ngaih dan? Snapa chuan a rawn ti ta a, shadya chuan “A tha bawk alawm,” a lo ti ve thuai a.

Snap an nawalh bawk a han khawih ri te chu a hria a, nawalh a han nawh en lai takin shady chuan a va kap ta a, nawalh chu a thim nghal mai lo. Snap lunta kawng bawr ding lamah silai a lo de chhuak zawk a, shady chu a tlu a, a thluaka silaimu lut chu tuar lovin a thi ta nghal a. Shady a chu fing vervek hle mahse snapa fin chu a lo la chelh lo deuh a ni. A tirah khan shady a lo beisei dan chuan snap Lunta khan a kut dinglamin nawalh chu a nawt ang a, chuvangin nawalh lo dena atanga ding lam hret kha tum i la, a taksa ka va kap fuh ngei ang a lo ti rilru a, chuvangin, nawalh lo enna atanga a man (shady) ding lam zawnah chuan a va kap ta ngei a, mahse Snap Lunta pawh chuan shady rilru tur chu a lo suangtuah lawk ve vek tawh a, chuvang chuan kut ding lam a nawt lovin nawlah chu a taksa a tanga hla feah, kut vei lamin a nawt eng ta zawk a, a kut dinglamin puakruk chu a keng lawk sa reng bawk a. Shady chuan a fin loh zawk man chu a tuar ta a ni.

Snap Lunta chuan khawnvar chu a han hal a, chhuat laia shady a tlu reng tawh chu hmusit tih hriat zet hian a zuk en a, “A tawp thlengin rinawmna i tla chham a ni, ka rin ang chiah i ni reng e, shady, ka lei i batna a rei tawk tawh viau reng a ni,” a han ti a. Shadya chu a thi tih a hriat chian hnu chuan a awmna atangin a chhuak a, a thiante chu ava zawng ve ta a. Ridgea leh severna te chuan puk kotlangah rukru pakhat chu an lo din chilh a, thil eng engemaw an lo zawt vel mek a. Rukru an lo man kher chu luhlul hmel tak mai hi a ni a, severna pawh chu engmah a lo hrilh duh lova.

Severna chuan lehlam hawisan pahin, “engmah a sawi duh loh chuan Ridge khai hlum nghal mai rawh,” a han ti a. Thi mai thei ani tih a lo ngaihtuah chhuak lo ang maiin rukru chu a phu zawk a, “enge ni min zawh?” a rawn ti chhuak ta a. Severna chuan “Khawiah nge Phili a awm,? thudik min hrilh vat loh chuan i thi rang lutuk ang a, hremhmun khua leh tuite pawh an lo inring hman hlek lo mai tur ania” a han ti zui a.

Rukru chuan “bihrukna hmun dangah an hruai leh tawh” a han ti a, severna chuan “chu chu khawiah nge a awm?” tiin a han zawt leh a. Chupa chuan “ka hre lo, kei pawh ka la kal ngai bik lo, an pawl zingah hian rei ka la tel ve hman lo, ka lo tel ta kher kher kha ka inchhir tak zet ani” a han ti zui a. Severna chuan “tunge in hotupa chu? tiin a han zawt leh a. Rukru chuan “ka hre chiah lo, thu min petu ber thin chu pa tawi deuh, shadewell an tih chu a ni mai a, englai pawha hmai kan tuam reng thin avangin tute nge kan nih pawh kan inhre pawh hlawm lo,” a ti a. A thusawi chu severna chuan dikin a ring tlat a, chuvangin, “Eitur keng la, sakawr pakhat nen, he ram hi rang takin chhuahsan nghal rawh, i nunna hi i la ngaihlu ve te a nih zawngin muangchang hlek suh ang che,” a han ti a.
Severna chuan Ridgea leh Snapa te lam chu a hawi leh a, an hnenah chuan, ”Kan chhak lam deuhah khian puk atanga chhuahna kawng dang a awm a, chuta tang chuan rukru ho hi an tlanbo vek tawh a nih ka ring, tuna kan rukru man khan thudik a sawi a nih a rinawm a, chuvangin Phili chu hetah hian a awm tawh lovang,” a han ti a. Ridgea chuan “Shadewella kan hmu ta lo chu a pawi mang e,” a han ti hman chauh a, Snap Lunta chuan, ”Kan hmu lo hleinem,” tih pahin a chhuak ve ta nghal mai a.

Snap Lunta puk kotlanga a chhuak lai chu en reng chungin, Ridgea chuan “A tawng tam lo hle maw?” a han ti a. Severna chu a nui mai a, tah chuan “Engtinnge kan tih tak zel ang le?” tiin Ridgea chu a han rawn a, ani chuan, “Heng lai vel lo en thlithlai tur hian thenkhat awm se, midang chu haw rih mai ila a ni dawn lawm ni?” a lo ti ve mai a. Ridgea rawtna ang chuan, mi tlemte chauh an hnutchhiah a, a dangte chu an haw leh ta a.
—————————–

Aside | Posted on by | Tagged , | Leave a comment

Sudden Law of the Lariat (Mizo Version) 13

Sudden Law of the Lariat CHAPTER – 13

Nui chung hian, Ridgea chuan “Eng teh chiam han sawi tur a awm lo. Barta khabe ah khan i va hnek sak a, a nat leh nat loh ngaihtuah chiang turin Barta chu a mu ta rih a nih kha, engpawh nise, a ngaihtuah zankhuain ka ring, tirawh, Benta inah kal ila, i hmaite pawh kha va phih fai ve ta che, thlipui nuai hrep hnu i ang emai,” alo ti ta a. Tichuan mipui zi mur mur karah anni pathum chu an chhuak ta a, an kal tur chu mikhat ke kual zet, puakruk pahnih pai, hmai ro deuh hil hel hian a enzui reng a. Severna pawh chuan chu pa chu a va hmu ve a, mahse hmelhriat loh enin a en mai a, chupa chuan ‘Thei vei reuh a,’ a han ti a, hlim tak chuan a chhuak ve ta nghal a.

An inbeih hnu, darkar khat velah Severna chu Lazy M lam panin a chhuak leh ta a, a taksa te chu a na vel thum mai a, mahse a mitthlain chhuatlaia Bartholomewa tlu reng chu a han hmu a, a na te pawh chu a hre chang tawh meuh lo. Khua atanga mel khat zet a kal hnuin a sakawr chu a inhrosa ta a, chutih lai chuan kawngsir atangin mi pakhat hi a lo chhuak a, “Ban phar rawh,” a rawn ti ta a. Ti tak tak lo nia a hriat avangin severna chuan, “Ka phar peih lo, i awmna atang khan lo chhuak la, i thil duh chu rawn sawi mai rawh,” a han ti a.

Come Again Saloon-a ke kuala bawk kha a lo chhuak ta a. Nui deuh tha chung hian,”Kan pu hnen atangin thupek ka rawn keng a ni,” a han ti a. Severna chuan “Chu, i pu ka ni tawh lo tihna a ni maw?” YZ Ranch ah khan lo awm reng turin ka hrilh lo che em ni?” a han ti ve thung a. Chupa chuan “Kan pu tih lemah kan hotu ka tihna alawm – Ni chiah e, Miss Norry…..” a han ti zet a. Severna chu a lo nuih tak avangin a han ngawi leh rih a, tah chuan “Kum hnih, kum thum chhung zet pasal a neih tawh tih chu ka hria alawm, mahse Miss Norry tiin a hote chuan kan la ko reng tho a ni, a enga pawh chu lo nise, heti hian min ti a
– “Thiana lehkha ka lo hmu a, engkim a fel vek ni awmin a rawn sawi a, hlauhthawn tur engmah a awm lo ni awmin a rawn sawi bawk a, thudik ni atan chuan a ropui lutuk deuhin ka hria, a in sawi that zawh poh leh a dinhmun a tha lo tih chu ka hre chiang a ni, chuvangin i sakawr buatsaih la, va kal ve tawh” min ti a. Thu i rawn uar lu deuh a nih ka ring, a han ti a, severna chu za fe hian a han nui a, “Hmeichhe mizia hi engtikahmah ka hrethiam ve tak tak in ka inring lo, bum theih pawh anni hrep love, ka dinhmun kha rawn sawi tha lo ta deuh pawh ni ila, nang hi a rawn tir tho chein ka ring a, engmah a sawt chuang lovang, a nih leh, in lam enge an an? a han ti leh a.

Snap Lunta chuan “Engkim a fel vek. In naute pawh kha a thang duh hle mai, a pa aiin a sual zawk daih ka ring, hmanni lawk pawh khan ka puakruk min chhuhsak a tum a, ka pek phal tak loh avangin a bengchheng teh a sin,” a han ti a. Severna chuan “A bengchheng bawkin ka ring, a tap ring thei viau thin reng a nia,” a han ti zet a, tah chuan ,”Hope khuaah hian eng hun laia lo thleng nge i nih?” tiin Snap Lunta chu a han zawt let a. Lunta chuan “In inbei kha ka rawn hmu hman ve chiah a ni. Don, i kuttum i la hmang thiam hle mai,” a han ti a. Severna chuan “Heng lai velah hi chuan Don ka ni lo, ka hming chu Jim Severna a ni, a fala kan awm lai pawhin chu chu theihnghilh suh, leihnuai feet ruk vela thukah min phum thelh a nih kha le ! Barta khan min sawisa hlum dawn ta emaw ka ti hman tawh a sin” a han ti a.

Lunt-a chuan,”A tawp nana Bartholomewa i han hnek kha chu a duhawm kher mai, khatianga hnek ai kha chuan Outlaw ho sakawr khen pawh ka thlang zawk daih ang. ka lo kal chu ka lawm ngawt mai, chuti teh chiam zawngin i dinhmun hi a tha tehchiam lo niin a lang,” a han ti a.

Severna pawh chuan, “Thudik tak sawi duh chuan, Pathianni tuk ang ngawt chu a ni lo alawm,” tih pahin thil awmdan zawng zawng chu Lunta chu a hrilh ve ta vek a. Severna thusawi a ngaihthlak zawh chuan Lunta chuan “I hming han sawi telve chu Shady-a em ni? tiin a lo zawt thuai a. Severna chuan “ni e, bial hmam mai, dung leh vang inchen thuak awma lang a ni nghe nghe a, amah chu i hre ve em ni? a han ti a. “Hre teh reng e, hmanah ka thianpa pawisa a it avang ngawtin a kap hlum tawh a, ka la theihnghilh hleinem, ka lo kal hlauh chu ka lawm tak zet ani. enge ti tura min duh? a ti ta a. Severna chuan “Hope khuaah hian lo cheng ve phawt mai la, tin, min hre ngai lo ang takin awm tum tlat ang che, chu chu theihnghilh suh, XT Ranch neitu, Ridge leh Benta te hi an rin ngam phawt ang a, midang lakah fimkhur lehzual a tha ang, ka rinpuiber tur i ni dawn a, fimkhur hle ang che, kal leh mai tawh, dam takin le,” a han ti a.

Lunta chu sakawrah a lawn kai a, Hope khaw lam pan chuan a kal ta a, severna pawh chu Lazy M lam pan chuan a kal ve ta nghal a. A kal pah chuan Snap, Larry leh kei pahnih ngawt ai chuan a thlamuan thlak ta hle mai a han ti a. A sakawr beng chu han pawh fiam pahin, “thatchhepa, ke khat chauh hmang lovin i ke pali te kha hmang ve bawk ta che mawle, hmanhmawh rawh,” tiin a sakawr chu a han tur hmanhmawh ta a, YZ Ranch atanga Snapa lokal hlauh chu Severna chuan lawmawm a ti hle a, a thlamuan phah hle bawk ani.

A tuk zingah Lazy M Ranch-a chaw kil hote chuan Severna chu ngawi rengin an en a, a hmaiah te chuan a hma nia an insualna hnu hma chu a la lang chiang hle a, mahse chanchin zawt duh erawh pakhat mah an awm lo. Chaw eikham veleh Severna chu Larrya hnenah chuan a va kal a,, Larrya chuan a hmuh veleh, “A tu bera kha nge maw i nih tak le?” tiin a lo zawt fiam hlut a, Severna chuan “United States President pawh ka ni mai thei a, mahse ka ni lo,” Lungni awm lo tak hian a han ti ve a. Larrya chuan severna hmai chu ngun fe hian a han en leh rih a, “Hmuhnawm ka ti lo,” a han ti leh a.
Severna chuan “A enga chu maw hmuhnawm i tih loh chu – tlangval ?” a han ti ve leh a. Larrya chuan “I hmel i tih danglam dan kha mawle, tunhma pawh khan han chapo pui tur hmel i pu e -zawng ka ti hauh lo, mahse i chei mawi chuang vak lo a nih kha, a inchawih mawi tawk lo, hei, lukhum kha la sawn vat rawh,” ring zet mai hian a han ti zui a. A thusawi lai khan thutthlenga a lukhum dah chu severna chuan a lo thut lui ve ngat chu lo niin, muangchangin a ding a, Larrya lukhum chu per chhe zet hian a han la chhuak a, “A thar i mamawh tawh a nih hi, khaih khaih, dam lo i nih kha, insum hram hram rawh, kan lal fanu chuan engtinnge a enkawl che ? a han ti a.

Larya chuan “Don, a duhawm lutuk tlat,” ti chauhin a chhang a, Severna chuan “Don tia min koh leh vaih zawngin Phili hnenah ka thian i ni tih ka hrilh ngei ang,” tiin a han vau ta a. Chu veleh Larrya chuan “chu zawng ni lul suh se, ka theihnghilh palh der a ni, Jim, i hmel i chei danglam chhan pawh kha min la hrilh ve hleinem mawle,” a ti ta chul mai a.
Severna chuan “Ka duhthu a ka chei danglam a nih loh hi, Nizanah Bartholomewa nen kan inhmu fuh lo deuh a ni,” a han ti a. An insual dan chanchin te chu kimchang takin a hrilh ve ta a, a sawi zawh chuan “A nih dawn hrep tak chu ! Reilote ka han enkawl loh che pawh in heti hi a ni zel mai a,” tih pahin Larrya chu za fe hian a han nui a, “Bartholomewa pawh chuan tunah te hi chuan nuam a ti bik vak lovang maw?’ a han ti leh a.

Severna chuan “thian i nei dawn e”, tih pahin a tho a, “taka, khuaa i kal leh theih hunah Hope khuaah Snap Lunta kha i hmuh palh hlauh chuan hre lo angin awm tlat ang che, i hria em?” a han ti zui a. Larrya chuan “engtin a ni? enge i hmanhmawh em em? Mi han hrilh chiang ve teh…..?” a han ti a. Mahse Severna chuan a thusawi pawh chu a hre hman lovin pawnah alo chhuahsan daih tawh a. Larrya thinrim lutuk chu a han enzui chiam ringawt a.

Phili hmu lova a chhuak thei chu Severna chuan lawmawm a ti hle a, mahse chutih lai chuan Phili chu ama pindanah rilru buai deuh tak chungin a thu reng tawh a. Severna te thiandun inbiak lai khan Larrya chu va tlawh a lo tum tawh a, mahse inchhunga mi pahnih tawng ri a hriat avang chuan kawngkhar bulah a dinga, duh lo angreng tak chung si hian Larrya te thusawi chu a ngaithla ve ta reng a, an thusawi atang chuan Larrya leh severna chu tunhma atang tawha lo inhria anni tih te, severna chuan hming dang a invuah chawp tihte chu a hre ta vek si a. Chutianga an chet chhan chu chhui chhuak thiam chiah lo mahse Larrya chuan dawt a hrilh a ni tih erawh chu a hre chiang hle a, chu chuan a rilru a ti hrehawm em em a, ‘khawvelah hian tumah rin ngam ka nei ta lo a nih hi’ a ti rilru a.

Larrya rin ang ngeiin Bartholomewa chu rilru leh taksa lamah pawh a chau hle a. A hmai vung velte chu zahpuiin inchhungah a tawm reng a, chutih lai chu Pentona chuan a rawn hmu a, a hnenah chuan inngaihtuah thinrim ngawt chu a sawt vak lo maithei a ni, chanchin thar ka hria a, a tha vak lo leh nghal” a rawn ti a. Bartholomew chuan “tunlai hi chuan chanchin tha ngaihthlak tur avang deuh a nih hi, eng chanchin nge i hriat chu” a han ti a. Pentona chuan “a hmanhmawhthlak vak hleinem, Bart, Puakruk kha i phawi rang hle an ti thin khan ka hria a?” a han ti leh rih a. Bartholomew chuan “Ka aia rang zawk ka la tawng rihlo chu a ni phawt mai a,” chapo deuh tak hian a han ti leh a. Pentona chuan “Nizan thleng kha chuan tirawh? severna lakah chuan muang lutuk ringawt niin i lang a, mahse nizan ang tluka i phawiran kha chu ka la hmu ngai lo chung chuan severna khan awlsam deuh maiin a phawi khalh ta tho mai si che a,” a han ti leh a. Barta chuan an thusawi chu ning niawm tak hian “engemaw a tirah khan sawi i tum reng reng chu le”, a han ti deuh khu khu a.

Pentona chuan “Hatchet Follya Larmana hote hnawt tiau vektu kha tunge a nih i hria em?” a han ti leh rih a. Chu velah Bartholomew chu a phu deuh zawk a. Pentona thusawi chu ngaihven tih hriat tak hian, “Suddena a nih kha, chu.. Severna hi Suddena a ni ang e tih i tum…….” a han ti hman chauh a, Pentona chuan “rin thil thu ka sawi mai a nia, Suddena hming hmasa kha Donald a ni ve a, Come Again Saloon ah khan a thianpa khan ‘Don’ ti khan a ko tlat bawk si a” a han ti leh a.
Pentona’n Suddena hming a han sawi atangin Barta hmel chu hmuh theih khawp hian a danglam nghal a, Pentona chuan lo ring dik palh ta hlauh anih chuan a hma zana Severna puakruk phawi khum a tum ngawt lai kha chuan thihna kotlang a lo rap mek reng tihna alo ni dawn a, Rukru rual, Tarman hote a tih tiau zawh khan Suddena, Outlaw anga an sawi chu a kalbo ta daih a, mi pangai ang mai in a khawsa zui ta ni awmin an sawi a. Mahse a hlauhawm zia leh a phawiran dan te kha chu tuman an theihnghilh thei tawh chuang lo.

Barta chu reife ngawi rengin a han inngaihtuah rih a, tah chuan, “Suddena ani emaw, nilo emaw mihring ve mai bawk a ni a, chuvangin ka la tibo tho tho ang, a chanchin an sawi thinte hi a dik phawt chuan vawihnih khat chu engtin tin emaw harsa takin thihna a pumpelh hram a ni awmin an sawi a, a vannei seng zozai bik lovang. Engpawh nise, i ngaihdan chu tumah lo hrilh ve rih suh, Hope khuaa mite hian severna hi Suddena emaw an tih vaih zawngin a lamah an tang vek mai ang” a han ti a.

Pentona pawh chuan “chu chu a dik ngei ang, engpawhnise, amah chu kan tihbo theih siloh chuan min tibo zawk dawn tih chu a chiang a, kei ka duh ve dan chu hnunglam atanga kahhlum mai a ni. Nang enge i ngaih ve dan?” tiin a han zawt a. Barta chuan “tuma hriat ve loh tawp tur chet dan kawngkhat ka la hria, hun remchang ka hmuh hunah ka thil tum chu a lo lang mai ang, ka tisual palh tawh dawn bawk hek lo” a han ti a.

Pentona chhuah hnuah pawh barta chu rei ngial a la inngaihtuah a, pawisa lo tak ang khan lo lang mahse Pentona thusawi khan a rilru a ti mangang hle a, mahse lehlamah ve thung chuan Lazy M chu a awt hle a. A neitunu Phili a duhna pawh chu a ni telin a zual zel emaw tih tur a ni bawk si. Phili nena an inhmuh hnuhnun ber lai hnu kha a han ngaihtuah chhuak a, thinrim zet mai hian heti hian a ahan ti a, “A duh emaw duhlo emaw ka nei reng reng dawn, kan misualpa thung kha chu…….


Tlang pangah Big Boy chuan a sakawr chu a tlan kual tir vel a. chutih lai chuan an thlang ruam chu a zuk enthla a, an awmna atanga yds 600 vela hlaah chuan cowboy paruk vel hian Lazy M bawng an lo khalh khawm lai a zuk hmu ta mai a. Cowboy ho te chu tutenge annih zawng a zuk hmu thei lo a, mahse puan vara an hmai an tuam vek avangin hriat kher pawh chu tulna awmin a hre lo. A thil hmuh chu Ranch a va hrilh thuai thuai tumin hmanhmawh takin Lazy M chu a pan a, Severna chuan Big boya thusawi chu ngawi rengin a lo ngaithla phawt a, tah chuan White Masks ho bawk an ni ngei ang maw? Bawng sawmnga vel maw an ruk? a han ti a. Big Boy chuan “a aia tam ruk an tum pawh a ni maithei a, mahse tlang panga ka hmel an hmuh khan an tum a ti bahlah ta aniang e” a ti ve mai a. Severna chuan “engpawhnise naktuk zingah bawng chu lak let leh kan va tum phawt mai ang a, min lo chan palh tak hlauhin a tam thei ang ber kan thawk chhuak dawn nia” tiin a han hrilh hlawm a.

A tuk khua a lo var chian meuh chuan severna te ho chu an inpeih fel hman hle tawh a, Larrya leh an chaw chhum chauh an hnutchhiah a, midangte erawh chu severna chuan kal vek tur a ti tlat a. A tum dan chuan bawng va lak kir leh paha rukru ho chu na tawk taka hrem a ni a, chuvangin kal tur pawh chu a duhthawh em em a.

Severna chuan nuam tih lohna tak a nei tan ta a, rukru ho chuan hnu chhui awlna lai tur tak zelah bawng rual chu an khalh lui zel ni hian a lang a, chungte chu a han ngaihtuah chuan Ranch kha vengtu nei lova an chhuahsan ta vek mai pawh chu pawi a ti rilru hle a. Ni a tla dawn tep tawh tihin ralkhat hla fea bawng bu ri chu an hre ta a. An va kal hnaih nak chuan an bawng bo zawn chu hnim hring hmun nuam deuh maiah hian an lo awm khawm a, tumah hmuh tur pawh an lo awm bawk si lova. Rukru ho chuan an lo chang ang tih hlauvin anni ho chuan an va pawh mai duh lova, reife an nghah hnuin severna, darby leh big boy te chuan an bawng tlatna hmun chu an va pan phei ta a.

Bawng bawhna lai an va thlen chuan “a va mak teh ringawt ve mawle, an hnu chhui atan min duh niawm takin an kalna hnu lah chu chhui a awl hle bawk si a”, Darby a chuan a han ti a. Severna pawh chuan, “a ni viau mai, an thang kamah ka awm chiang hle niin ka hria, Ranch atang min hruai chhuah an duhna chhan chu ka hre lova, mahse hriat thuai ka tum a ni. Pathum chuan bawng hi inkhalh haw thei ang a, midang zawng chuan min zui rawh u”, a ti ta. Tichuan Big Boy leh midang pahnihte chu bawng khalh haw turin an hnutchhiah a, a dang zawng chu Severna hovin Lazy M lam pan chuan hmanhmawh takin an kir leh ta a.

Ranch an va thlen chuan khua a thim tawh a, mahse Ranch inah chuan khawnvar inchhi hmuh tur reng a lo awm lo, cowboy ho chu sakawr atang chhuk pahin an au vel chiam a, an chaw chhum pa chu a lo chhuak mai an beisei a, mahse a lo chhuak ta mai si lova, severna chuan “thil fel lo tak a awm a ni ngei ang, inchhungah i lut teh ang u,” tih pahin amah chuan hma a hruai a, ranch in chhungah chuan an lut ta a.

Inchhung a va luh veleh Severna chuan rum ri a han hre ta a, a thim em avangin severna chuan nawalh a han nawt eng a, Jonah chu a va hmu ta a. Jonah chu thutthlengah hian an lo phuar bet a. a kaah chuan pawnchhia an hnawh tlat bawk a, severna chuan khawnvar a chhi thuai a. Jonah phuarna hrui chu a va zaichah sak a, a ka an hnawhna te pawh chu an han phawrh chhuah sak nghal bawk a, jonah hnenah chuan Engtizia nge ni? tiin thil awmdan a han zawt a.

Jonah chuan “Masks ho khan Phili an ru bo daih a han ti nghal chawt mai a, chu veleh engmah dang pawh zawt tel lovin severna chu inchhawngah chuan a lawn chho nghal thuai a, Phili pindanah chuan Dinahi chu a han hmu leh a, ani pawh chu thutthlengah bawk an lo phuar bet leh a, an phuarna severna’n an phelh sak hnu chuan Larrya zawng turin a chhuak leh ta nghal a. Larrya pawh chu midangte ang bawk chuan an lo phuar bet leh a, a ka te pawh chu an lo hnawh sak ve tho a, a ka hnawhna an phawrh chhuah hnu chuan “vawiin chawhnu lam tawh khan pawnah hian sakawr ke pen ri leh tawng ri ka hri a, nangmahni ho in nih ngei ka ring a. Reilote ah ka pindan kawngkhar hi a rawn inhawng a, hmai tuam pahnih an lo lut a, pakhat zawk chuan silaiin min tin a, a thianpa chuan min phuar bet ta mai, ka ban na vang hian engmah ti thei hek lo, ka han an khum hrep ringawt a. Mahse ka ka an hnawh leh ta zel si a, enge maw an duh reng reng ni dawn le?” a han ti a. Severna chuan “Phili an la bo daih tawh a ni”, a han ti a. Larrya chuan “chu, engmah ti lova awm mai mai em ni i tum? a han ti a. Severna chuan “ni ang chu, ka mu tawh mai dawn a, nang pawh mu nghal la a tha ang” nui chung hian a han ti a, Larrya chuan a chhan ve hmain a chhuahsan ta mai a.
•••••••••••••••••••••••••••••••

Aside | Posted on by | Tagged , | Leave a comment

Sudden Law of the Lariat (Mizo Version) 12

Sudden Law of the Lariat- CHAPTER – 12
Phili’n a chunga a rilru put dan dik tak Barta an a han hre ta chu a lawm lo ngei mai ! Mahni induhtawk leh chapo tak a lo nih bawk avangin pai daih harsa a ti lehzual a. Chumi ni chuan nilengin a hote pawhin a hmel hlim hmuh tur an hre lo. Tlai lamah Pentona’n a rawn tlawh a. Bartholomewa chu a rawn hmuh veleh, engtizia nge, buaina i nei em ni? tiin a rawn zawt nghal chawt mai a.

” Bartholomew, nei teh meuh mai, Devinta chanchin i hria em?” tiin a lo zawt ve thung a. Pentona chuan ka rawn hmu hlim hlawl a ni” a lo ti thuai a, Barta chuan “Engtin a!!!?? Devinta chu a thi tawh a sin, i rui nge maw ni a, i mumang i sawi zawk le? a han ti leh a. Pentona chuan “ka rui lova, ka mumang pawh ka sawi bawk hek lo, ka sawi tawh ang khan devinta a chu ka rawn hmu ngei alawm, Forby a kan khai hlumna thing kungah bawk khan a lo inkhai a, thing pangah pawh chuan an lo kher thar leh bawk a,” a han ti a.
Barta chuan “Severna a che leh ta tihna a niang maw?” lungawi lo zet chuan a han ti leh a. Pentona chuan “a tirah khan ka thu awih la, severna hi lo that daih tawh i la chuan a tha mai tur, Phili pawh khan Judge chu a tih lungawi theih ngei ka ring a, engkim fel vek thei tawh mai tur, tunah pawh a la tlai lutuk love, severna hi chu a theihnghilh leh thuai tho vang” a han ti a. Barta chuan “Severna te chu enga tan mah a ti hleinem, Devinta kap hlumtu kha alawm a lo buaipui nek le”, a han ti a. Zing lama phili nen an inbiak dan zawng zawng te chu a hrilh ve ta vek a.

Pentona chuan “nang chu a hnawl ta der mai che a ni maw? Lazy M Ranch chu ‘Dam takin’ i tih mai a va tul tawh awm ve? An inneihna ah thianah te i tan ve phak chuan a lawmawm hle a ni mai lawm ni?” a han ti a. Pentona, “ka nuih a za lo”, a han ti a, Penton a pawh chuan “thil nuihzatthlak engmah ka sawi bik hl einem, i rilru ni awma ka ngaih ka han sawi chhuak mai mai a nih chu, i thil tih tum tawh i bansan mai mai lai ka la hre ngai lova,” a han ti leh a. Barta chuan “tunah pawh bansan ka tum chuang hleinem, neih ka tum tawh chu englekhawle, ka nei reng reng ang, a tira ka beisei ai khan a lo harsa deuh tihna a ni chauh zawk” a ti ta a.

Pentona chuan “Judge chu kan lam tanga siam dan a awm thei mai dawn lawm ni? ” a han ti leh a. Barta chuan “Pent, ka rilru i hre thei em maw ni hial chu le? Tih theih dan kawng chu a awm ngei a, amaherawh chu ka la ngaihtuah chiang chiah lo ani. Tunah rih chuan Mastersa kha severna thah niawm takin lo than tir tum phawt mai la a tha ber ang” a ti leh a. Pentona chuan “stevena pawh kha severna tihhlum angin a sawi theih nghal mai lawm ni?” tiin a han zawt a. Barta chuan “a rem lovang, kha tih lai vel khan heng laiah a awm lo tih severna chuan a tilang thei mawi awm si a”, a a han ti a.

Pentona chuan “stevena kan dahtha a, a aiah severna a lokal leh ta hlauh si a, kan ti fuh lo ang reng ngawt mai” a han ti leh a. Barta chuan “a dik viau mai, mahse Mastersa khan mikhual a ruai ang tih ngaihna kan hre tlat silo a nih kha, Devinta kha stevensa aiawh atana dah mai kan lo ring ringawt a”, a han ti a. Pentona chuan “kan rin ai daihin Mastersa kha a lo fing zawk a nih hi maw le,” a han ti leh a, Barta chu a rum nghut a, Mastersa chu a rin ai daihin a lo fing zawk ni chuan a ngai ve ta a.

Devinta thih atang ni rei fe hnuah Ridge an a koh avangin severna chu Hope khuaah a lo kal a, kawtthlera a kal lai chuan tun hmaa a thian anga a lo kawm fo thinte pawh chuan hmu lo ang hrimin severna chu an kal pel deuh ngak zel a. Severna chuan mak pawh a ti hle a. Ridgea ava hmuh chuan “rawn tih buai che chu ka hreh hle a, mahse Mastersa kha i kahhlum angin an sawi ri tih hi i hriat ve tul tlain ka ngai a ni,” a lo ti a. Ridge a thusawi atang chuan khuaa miten an lo biak hrehna chhan chu severna chuan a hrethiam ta nghal mai a. Benta pawh chuan “chutiang thusawi chhuak tu chu Barta hote anni a, chuvangin i hriat thuai tul in ka hre tlat a ni ” a lo ti ve a. Severna chuan “chuti a nih chuan kei pawhin sawi duh ka nei ve asin, tunah hian Come Again Saloon ah ka va kal ang, Mister Bartholomewa chu thu tlem ka va fah ve ang e,” a ti a.

Ridgea chuan “mahni chauh chuan i kal hauh lovang,” a lo ti thuai a, Benta pawh chuan “Dawr nghaktu hi nei ila chuan…..” a lo ti ve tan chauh a, mahse severna chuan “ka lawm ngawt mai, amaherawhchu, lo awm mai mai ula, mahniin ka va kal zawk ang e” a lo ti thuai a.

Come Again Saloon ah chuan mihring an lo tam hle a, mahse severna chu pahnih khat lek chauhin an lo be duh a, chuta tang ngawt pawh chuan Ridgea te thusawi kha a dik a ni tih a hrechiang leh zual a. Barta te, Pentona te, Martina te leh an thian thenkhatte chu an lo ding bial map mai a. chu mite chu severna a chuan a va pan hnai a, “Bartholomew, Mastersa thattu angah min sawi tih ka lo hri a,” a va ti chawt mai a. Bartholomewa chuan chutiang teh khawl a severna chuan a rawn sawi chhuah a lo ring lo hle a ni ang, engemaw chhung chu sawi tur hre lovin a han ngawi rih a. Tah chuan a thiante chu a han enkual vel a, severna hmusit awm tak mai hian a han nuih a, a hnenah chuan “I thah ang chuan lo sawi teh reng pawh ni ta ila engtia tih nge i tum?”a lo ti a.
Severna chuan “Ka thah a ni ngei tih tunah hian fiah i tum tur a ni, chu chu i duh loh chuan kan inbei tur a ni” a han ti a. Barta chuan “I thupek anga ti tur ka nihna ka hre lo,” a han ti a. Severna chuan “Chuti a ni maw? tun tuma ka thupek che hi chu i zawm tho dawn – Dawihzep, tenawm pa,” a han ti a. A sawi zawh rual chiahin Bartholomewa biangah chuan na zet mai hian a va beng nghal chawrh mai a, a ben nat em avangin Bartholomewa chu a tawlh kiang dawrh a, a biang pawh chu a sen nghal tul mai a. Bartholomewa thinrim lutuk chuan Puakruk phawi a han tum a, mahse a phawi chhuah hman hmain “Kei chu ni ila, ka phawi hauh lovang,” severna chuan a lo ti a.

Bartholomewa chu a phu zawk a, severna chuan amah chu puakruk in alo tin hman reng tawh a, a phawi chhuah lai hmu pawh tumah an awm lo. Severna kuta puakruk lo awm ta reng mai chu an hmuhin mak an ti hle mai. Barta chu chung lai ram velah chuan phawi rang bera an ngaih a lo ni ve thin a, mahse severna hmaah chuan a che lo hle a ni. Minute chanve vel inchhung chu a reh tlawk tlawk mai a ni. Tawng tum tumah pawh an awm bawk hek lo. A tawpah zawng Severna chuan “Bartholomew, i puakruk i chuh avang khan kap hlum ta che pawh ni ila, ka thiam lo hauh lovang, che lovin ding reng rawh, i chet hlek chuan hremhmun i thleng nghal a ni mai” a han ti a.

Bartholomew chuan a puakruk kawm chu a la vuan reng na a, mahse phawi erawh chu phawi chhuah zawng a tum ngam tawh lo. Severna mitmeng atang chuan a thu anga a tih loh vaih chuan kah mai pawh a hnial dawn hauh lo a ni tih chu a chiang em em si a. Barta chu chet pawh che lovin a ding reng . Severna bawk chuan “Ka tan kahhlum i awlsam zia chu ka entir tawh che a, amaherawhchu chhan tha tak engemaw avangin hun reilo deuh chhung chu i nunna hi ka la zuah sak rih ang che,” a han ti a.
Severna’n chutiang thu a han sawi takah chuan inchhung boruak pawh chu a lo zang ta sawt a, Barta pawh chuan thi dawn lo tih a han hriat chian hnu chuan ngai a rawn awh chhuak leh ta a, a hmaa lo awmdan ang bawkin Severna hmusit awm tak mai chuan a en tan leh ta a. Severna bawk chuan “Bartholomew, mi tawngka atanga ka lo hriat danin min sawisak i chak hle a niawm a, tunah hian mi sawisak theihna tur hun remchang chu pek che ka tum a ni. I puakruk paina kawnghren kha phelh rawh” a ti ta a.
A tirah zawng severna thusawi chu Barta chuan a man fuh chiah lova, mahse a han hriat thiam hnu chuan vannei inti awm tak mai hian a han nui a, kut tuma insual ralah chuan Bartholomewa chu thei tak a ni reng a, chung lai ram velah chuan amah chu ngam pawh an vang hle bawk a. Barta chak zia chu inchhunga mite pawh chuan an hriat theuh avangin severna chu makti awm tak hian an em thup tawh mai a, Ridgea pawh chuan, “severn i ngaihtuah chiang lo a ni. Desert Edge khuaah pawh Barta hian kut ruak ngawtin mi pakhat a sawisa hlum der e an ti a sin” Severna hnenah chuan a han ti a. Severna chuan “min ngaihtuah duh suh,” a tihsan mai a.

Severna te pahnih chuan kawnghren te, Spurs te, leh an kawr hak pawn zawkte chu an phel a, midangte chuan phur tak maiin inchhunga dawhkan leh thutthlengte chu an lo hung sawn thuai thuai a, tichuan pindan lai chu inbeihna tur chuan an dah awl ta huai mai a. An insual lai chu hmuh chian theih loh hlauvin anni pahnih chu an rawn bial hnai a. Chutih lai chuan an inbeih tur chanchin chu hriain Saloon ah chuan mi an lo luh belh zel bawk a.

A entute zinga pakhat chuan, “Barta hian a va han sawisa nasa dawn mai em” a lo ti a, a bula ding ve erawh chuan “i rin ang ngawt chu a ni bik hauh lovang mawle, severna hi han enchiang teh, huphurhawm ve tak a nia,” a lo ti ve thung a. Thu sawitu hmasa zawk chuan, “englekhawle, a lian zawk hi a chak zawk loh vaih chuan a leta inchawi pawh ka ngam ngat mai” a ti a. Chu veleh Ridgea chuan “Hlen chiah, Dollar 50 ka dahkham nghal e”, a lo ti thuai a, severna thian thenkhatte chuan Ridgea thil tih chu an lo zawm ve nghal a. Mahse severna chak zawk tura ring chu an tam loh em avangin an inchawi dan a leh thuma an pun hnuah pawh severna chak zawk ring ngam chu an pung thei ta chuang lova, chu chu a hriatin pawisa hlawhna awlsam tak a nih dawn vei nen, chawipui tur in hmu tlem deuh a ni.
“Lo en reng ula, duhtawkin ka han nghaisa ang e,” a han ti a. Severna chuan “A sawi ngawt chu harsa lo tak a ni, ‘Masks’ zawite hian a han ti a. A tawng zawih em avangin a11 thusawi chu Bartholomew chauh lo chuan an hre ve kher awm love.

Tichuan, engmah dang sawi leh tawh lovin an inveh hnai tan ta a. Severna chuan Barta dulah rang zet maiin vawi thum lai a va hnek a, ani chuan a lo hnek let ve hmain a per sawn leh thuai a. Barta thinrim lutuk chuan severna chu theihtawpa hnek tum hian a rawn bawh phei a, a ban chu a han lek phei a, severna biang zawn velah chuan na fa mai hian a rawn vai kual a, severna chu a per sawn hman hlauh a. Lo insaseng hman lo na se zawng an inbeih zui zel pawh ngai lovin severna chu a tlu nghal maiin a rinawm.
Severna chuan inhel nuai ngawt ralah chuan Barta chu a hneh dawn lo tih a inhria a, chuvangin awmna ngaia awm duh lovin a awm hmun chu a sawn thuai thuai a,hun remchang a hmuh veleh Barta chu a va hnek leh nghek mai thin a. Chutia a tawlh a tawlh sawn chu Barta chuan a hlauh vangah ngaiin a um zui zel a, mahse severna chuan a khat tawkin a lo hnek leh chawrh thin a, an inbeih dan chu barta duh loh zawng tak a ni a, a entute pawh chuan “tlan tlan lovin, mipa angin barta kha lo bei ve ta che”, tiin severna chu an lo au khum ve bawk a.

An thusawi chu Severna chuan a pawisa duh chuang der lo, tunhma pawhin a aia tharum ngah zawk leh lian zawkte pawh a lo bei fo tawh thin a, chutiang beih dan chu a thiam tawh tlat a ni. Hun remchang a hmuh veleh Barta chu a va bawh a, a taksaah vawihnih khat lek a va hnek vak a, rang zet hian, nui chung siin a tawlh kir san leh daih thin a. A entute chuan an insual chu hmuh chian an duh theuh avangin an rawn bawh hnai zel a, barta te pahnih inkar pawh chu a zim sawt hle a, thlan rim leh meizuk khu rimin inchhung chu a khat hle tawh a, a khat tawkin mahni tan lam lam chu an lo fuih sauh sauh reng bawk a.

Ridgea leh a thiante chuan Severna te pahnih chu hmun awl zau zawk pek tumin bei nasa hle mahse a sawt teh chiam lo, chuvangin, a entute chuan an rawn kil hnai zel si a, Severna tan pawh han insasengna tur hmun a awm tak meuh loh avangin barta chuan vannei inti takin a rawn bawh hnai zel a, severna chuan inven tum hle mahse a khat tawkin Barta chuan a hnek fuh ve ta fo mai a. Ani erawh chuan Barta huat lai tur nia a rin a dul zawn velah hlir chuan hnek a tum lui tlat reng a. Chutia hnekna ngai hlira a hnek leh thin avang chuan Barta pawh chuan na ti hle tawh a, Severna’n a dula a va hnek sak apiang chuan na tuar tih hriat tak hian a then deuh suk ziah a.

Severna pawh chuan Barta kuttum chu a pumpelh seng bik lo. Tum khat phei chu Barta chuan na zet maiin a va hnek fuh ta a. Severna chu a thingthi nghal rawp mai a. Chutih lai chu Barta chuan a va hnaih thuai a, pet zui tumin a ke chu a han lek uaih a, mahse a keartui ah severna chuan a lo man sak a, na deuh mai hian a han phih thut mai a, barta chu a leng phei duaia chhuat laiah chuan a tlu a, a tluk zawng chuan na zet maiin a intauh nghal bawk a.

Barta tlu tawh hnu chu severna chuan beih zui tum lovin ngawi reng hian a en a, hah chawlhna hun remchang a hmuh avang chuan a lawm hle a. Amah chu tlu zawk sela chuan Barta chua a tlu lai chu a zuk bei zui duh ngei ang, mahse chu chu Severna chet ve dan a ni tlat lo. Thlirtute chuan ngei rengin Barta chu an lo en a, “mumangah i ngaihzawng i hmu dawn nia” tiin Barta tlu lai chu an lo au el ta a, chu thu chu a hriat veleh Barta chu rang deuh maiin a lo zuang tho a, severna chu a rawn bawh phei leh ta a.
Chumi tum chuan severna pawh in tawlh sawn a tum tawh bik chuang lova, tichuan inhmachhawnin an ding a, an inhnek ta mial mial mai a. A chet dan chu a attthlak hle a ni tih pawh severna chuan a hre reng a, mahse a tlu tawh hnu pawh bei zui duh khawpa mi bawlhhlawh barta chu a hmaah a din tlat avangin a fimkhur peih zozai bik tawh lova, barta a va tih hah ngawt chu a tum ber a ni ta rih a.

Severna hmai te chu a vung vel bur tawh a, mahse Barta pawh chu a him bik teh chiam lo, a mit leh lam phei chu a vung phui lek lek tawh a, a tluk zawnga insawhna khan a tichau hle bawk a ni. Chutihlai chuan Barta ‘Mangtha’ tia lo autu khan “a te zawk hi a chak zawkin ka ring, tunge inchawi ngam?” a lo ti leh a. Chutia amah chu chak lo zawk tura ring an awm ta tih a han hriat meuh chuan Barta chu a so phut a, tha tharin Severna chu a va bei zui leh ta a. Barta chuan rawn hnek a tum tih a hriat avangin severna chu tawlh sawn a han tum a, mahse a entute zinga pakhat chuan a ke a rawn rawlh chhuak a, chu chu a pal avangin severna chu a pai dawrh mai a. Chutih lai chu Barta chuan a rawn nangching a, severna ngawngah chuan a kut hnihin a rek ta tlat mai a. Severna chu a chau hlen nghal mai dawn hian a inhria a, tichuan a tha neih chhun chu hmangin barta biangah theihtawp tak meuh chuan a han hnek ta a. Reilote deuh chhung chu engmah pawh a hre mumal lo, mahse a harh chian hnu chuan Ridgea leh Callahana chuan an lo vuan ding reng tawh a, chhuat laiah chuan Barta chu engmah hre lovin a lo let reng tawh bawk a. A entute zinga thenkhat chuan Severna chu an lo lawmpui hle a, Barta tantute erawh chu an ngawi reng a, Severna chu za lo zet hian a han nui a, tawng harsa ti khawpin a hrawk pawh chu a thip hlur mai bawk a. Ridgea te hnenah chuan “Engtinnge kan tawp?” tiin thil awmdan a han zawt chawt mai a.

CHAPTER – 13

Nui chung hian, Ridgea chuan “Eng teh chiam han sawi tur a awm lo. Barta khabe ah khan i va hnek sak a, a nat leh nat loh ngaihtuah chiang turin Barta chu a mu ta rih a nih kha, engpawh nise, a ngaihtuah zankhuain ka ring, tirawh, Benta inah kal ila, i hmaite pawh kha va phih fai ve ta che, thlipui nuai hrep hnu i ang emai,” alo ti ta a. Tichuan mipui zi mur mur karah anni pathum chu an chhuak ta a, an kal tur chu mikhat ke kual zet, puakruk pahnih pai, hmai ro deuh hil hel hian a enzui reng a. Severna pawh chuan chu pa chu a va hmu ve a, mahse hmelhriat loh enin a en mai a, chupa chuan ‘Thei vei reuh a,’ a han ti a, hlim tak chuan a chhuak ve ta nghal a.

An inbeih hnu, darkar khat velah Severna chu Lazy M lam panin a chhuak leh ta a, a taksa te chu a na vel thum mai a, mahse a mitthlain chhuatlaia Bartholomewa tlu reng chu a han hmu a, a na te pawh chu a hre chang tawh meuh lo. Khua atanga mel khat zet a kal hnuin a sakawr chu a inhrosa ta a, chutih lai chuan kawngsir atangin mi pakhat hi a lo chhuak a, “Ban phar rawh,” a rawn ti ta a. Ti tak tak lo nia a hriat avangin severna chuan, “Ka phar peih lo, i awmna atang khan lo chhuak la, i thil duh chu rawn sawi mai rawh,” a han ti a.

Come Again Saloon-a ke kuala bawk kha a lo chhuak ta a. Nui deuh tha chung hian,”Kan pu hnen atangin thupek ka rawn keng a ni,” a han ti a. Severna chuan “Chu, i pu ka ni tawh lo tihna a ni maw?” YZ Ranch ah khan lo awm reng turin ka hrilh lo che em ni?” a han ti ve thung a. Chupa chuan “Kan pu tih lemah kan hotu ka tihna alawm – Ni chiah e, Miss Norry…..” a han ti zet a. Severna chu a lo nuih tak avangin a han ngawi leh rih a, tah chuan “Kum hnih, kum thum chhung zet pasal a neih tawh tih chu ka hria alawm, mahse Miss Norry tiin a hote chuan kan la ko reng tho a ni, a enga pawh chu lo nise, heti hian min ti a
– “Thiana lehkha ka lo hmu a, engkim a fel vek ni awmin a rawn sawi a, hlauhthawn tur engmah a awm lo ni awmin a rawn sawi bawk a, thudik ni atan chuan a ropui lutuk deuhin ka hria, a in sawi that zawh poh leh a dinhmun a tha lo tih chu ka hre chiang a ni, chuvangin i sakawr buatsaih la, va kal ve tawh” min ti a. Thu i rawn uar lu deuh a nih ka ring, a han ti a, severna chu za fe hian a han nui a, “Hmeichhe mizia hi engtikahmah ka hrethiam ve tak tak in ka inring lo, bum theih pawh anni hrep love, ka dinhmun kha rawn sawi tha lo ta deuh pawh ni ila, nang hi a rawn tir tho chein ka ring a, engmah a sawt chuang lovang, a nih leh, in lam enge an an? a han ti leh a.

Snap Lunta chuan “Engkim a fel vek. In naute pawh kha a thang duh hle mai, a pa aiin a sual zawk daih ka ring, hmanni lawk pawh khan ka puakruk min chhuhsak a tum a, ka pek phal tak loh avangin a bengchheng teh a sin,” a han ti a. Severna chuan “A bengchheng bawkin ka ring, a tap ring thei viau thin reng a nia,” a han ti zet a, tah chuan ,”Hope khuaah hian eng hun laia lo thleng nge i nih?” tiin Snap Lunta chu a han zawt let a. Lunta chuan “In inbei kha ka rawn hmu hman ve chiah a ni. Don, i kuttum i la hmang thiam hle mai,” a han ti a. Severna chuan “Heng lai velah hi chuan Don ka ni lo, ka hming chu Jim Severna a ni, a fala kan awm lai pawhin chu chu theihnghilh suh, leihnuai feet ruk vela thukah min phum thelh a nih kha le ! Barta khan min sawisa hlum dawn ta emaw ka ti hman tawh a sin” a han ti a.

Lunt-a chuan,”A tawp nana Bartholomewa i han hnek kha chu a duhawm kher mai, khatianga hnek ai kha chuan Outlaw ho sakawr khen pawh ka thlang zawk daih ang. ka lo kal chu ka lawm ngawt mai, chuti teh chiam zawngin i dinhmun hi a tha tehchiam lo niin a lang,” a han ti a.

Severna pawh chuan, “Thudik tak sawi duh chuan, Pathianni tuk ang ngawt chu a ni lo alawm,” tih pahin thil awmdan zawng zawng chu Lunta chu a hrilh ve ta vek a. Severna thusawi a ngaihthlak zawh chuan Lunta chuan “I hming han sawi telve chu Shady-a em ni? tiin a lo zawt thuai a. Severna chuan “ni e, bial hmam mai, dung leh vang inchen thuak awma lang a ni nghe nghe a, amah chu i hre ve em ni? a han ti a. “Hre teh reng e, hmanah ka thianpa pawisa a it avang ngawtin a kap hlum tawh a, ka la theihnghilh hleinem, ka lo kal hlauh chu ka lawm tak zet ani. enge ti tura min duh? a ti ta a. Severna chuan “Hope khuaah hian lo cheng ve phawt mai la, tin, min hre ngai lo ang takin awm tum tlat ang che, chu chu theihnghilh suh, XT Ranch neitu, Ridge leh Benta te hi an rin ngam phawt ang a, midang lakah fimkhur lehzual a tha ang, ka rinpuiber tur i ni dawn a, fimkhur hle ang che, kal leh mai tawh, dam takin le,” a han ti a.

Lunta chu sakawrah a lawn kai a, Hope khaw lam pan chuan a kal ta a, severna pawh chu Lazy M lam pan chuan a kal ve ta nghal a. A kal pah chuan Snap, Larry leh kei pahnih ngawt ai chuan a thlamuan thlak ta hle mai a han ti a. A sakawr beng chu han pawh fiam pahin, “thatchhepa, ke khat chauh hmang lovin i ke pali te kha hmang ve bawk ta che mawle, hmanhmawh rawh,” tiin a sakawr chu a han tur hmanhmawh ta a, YZ Ranch atanga Snapa lokal hlauh chu Severna chuan lawmawm a ti hle a, a thlamuan phah hle bawk ani.

A tuk zingah Lazy M Ranch-a chaw kil hote chuan Severna chu ngawi rengin an en a, a hmaiah te chuan a hma nia an insualna hnu hma chu a la lang chiang hle a, mahse chanchin zawt duh erawh pakhat mah an awm lo. Chaw eikham veleh Severna chu Larrya hnenah chuan a va kal a,, Larrya chuan a hmuh veleh, “A tu bera kha nge maw i nih tak le?” tiin a lo zawt fiam hlut a, Severna chuan “United States President pawh ka ni mai thei a, mahse ka ni lo,” Lungni awm lo tak hian a han ti ve a. Larrya chuan severna hmai chu ngun fe hian a han en leh rih a, “Hmuhnawm ka ti lo,” a han ti leh a.
Severna chuan “A enga chu maw hmuhnawm i tih loh chu – tlangval ?” a han ti ve leh a. Larrya chuan “I hmel i tih danglam dan kha mawle, tunhma pawh khan han chapo pui tur hmel i pu e -zawng ka ti hauh lo, mahse i chei mawi chuang vak lo a nih kha, a inchawih mawi tawk lo, hei, lukhum kha la sawn vat rawh,” ring zet mai hian a han ti zui a. A thusawi lai khan thutthlenga a lukhum dah chu severna chuan a lo thut lui ve ngat chu lo niin, muangchangin a ding a, Larrya lukhum chu per chhe zet hian a han la chhuak a, “A thar i mamawh tawh a nih hi, khaih khaih, dam lo i nih kha, insum hram hram rawh, kan lal fanu chuan engtinnge a enkawl che ? a han ti a.

Larya chuan “Don, a duhawm lutuk tlat,” ti chauhin a chhang a, Severna chuan “Don tia min koh leh vaih zawngin Phili hnenah ka thian i ni tih ka hrilh ngei ang,” tiin a han vau ta a. Chu veleh Larrya chuan “chu zawng ni lul suh se, ka theihnghilh palh der a ni, Jim, i hmel i chei danglam chhan pawh kha min la hrilh ve hleinem mawle,” a ti ta chul mai a.
Severna chuan “Ka duhthu a ka chei danglam a nih loh hi, Nizanah Bartholomewa nen kan inhmu fuh lo deuh a ni,” a han ti a. An insual dan chanchin te chu kimchang takin a hrilh ve ta a, a sawi zawh chuan “A nih dawn hrep tak chu ! Reilote ka han enkawl loh che pawh in heti hi a ni zel mai a,” tih pahin Larrya chu za fe hian a han nui a, “Bartholomewa pawh chuan tunah te hi chuan nuam a ti bik vak lovang maw?’ a han ti leh a.

Severna chuan “thian i nei dawn e”, tih pahin a tho a, “taka, khuaa i kal leh theih hunah Hope khuaah Snap Lunta kha i hmuh palh hlauh chuan hre lo angin awm tlat ang che, i hria em?” a han ti zui a. Larrya chuan “engtin a ni? enge i hmanhmawh em em? Mi han hrilh chiang ve teh…..?” a han ti a. Mahse Severna chuan a thusawi pawh chu a hre hman lovin pawnah alo chhuahsan daih tawh a. Larrya thinrim lutuk chu a han enzui chiam ringawt a.

Phili hmu lova a chhuak thei chu Severna chuan lawmawm a ti hle a, mahse chutih lai chuan Phili chu ama pindanah rilru buai deuh tak chungin a thu reng tawh a. Severna te thiandun inbiak lai khan Larrya chu va tlawh a lo tum tawh a, mahse inchhunga mi pahnih tawng ri a hriat avang chuan kawngkhar bulah a dinga, duh lo angreng tak chung si hian Larrya te thusawi chu a ngaithla ve ta reng a, an thusawi atang chuan Larrya leh severna chu tunhma atang tawha lo inhria anni tih te, severna chuan hming dang a invuah chawp tihte chu a hre ta vek si a. Chutianga an chet chhan chu chhui chhuak thiam chiah lo mahse Larrya chuan dawt a hrilh a ni tih erawh chu a hre chiang hle a, chu chuan a rilru a ti hrehawm em em a, ‘khawvelah hian tumah rin ngam ka nei ta lo a nih hi’ a ti rilru a.

Larrya rin ang ngeiin Bartholomewa chu rilru leh taksa lamah pawh a chau hle a. A hmai vung velte chu zahpuiin inchhungah a tawm reng a, chutih lai chu Pentona chuan a rawn hmu a, a hnenah chuan inngaihtuah thinrim ngawt chu a sawt vak lo maithei a ni, chanchin thar ka hria a, a tha vak lo leh nghal” a rawn ti a. Bartholomew chuan “tunlai hi chuan chanchin tha ngaihthlak tur avang deuh a nih hi, eng chanchin nge i hriat chu” a han ti a. Pentona chuan “a hmanhmawhthlak vak hleinem, Bart, Puakruk kha i phawi rang hle an ti thin khan ka hria a?” a han ti leh rih a. Bartholomew chuan “Ka aia rang zawk ka la tawng rihlo chu a ni phawt mai a,” chapo deuh tak hian a han ti leh a. Pentona chuan “Nizan thleng kha chuan tirawh? severna lakah chuan muang lutuk ringawt niin i lang a, mahse nizan ang tluka i phawiran kha chu ka la hmu ngai lo chung chuan severna khan awlsam deuh maiin a phawi khalh ta tho mai si che a,” a han ti leh a. Barta chuan an thusawi chu ning niawm tak hian “engemaw a tirah khan sawi i tum reng reng chu le”, a han ti deuh khu khu a.

Pentona chuan “Hatchet Follya Larmana hote hnawt tiau vektu kha tunge a nih i hria em?” a han ti leh rih a. Chu velah Bartholomew chu a phu deuh zawk a. Pentona thusawi chu ngaihven tih hriat tak hian, “Suddena a nih kha, chu.. Severna hi Suddena a ni ang e tih i tum…….” a han ti hman chauh a, Pentona chuan “rin thil thu ka sawi mai a nia, Suddena hming hmasa kha Donald a ni ve a, Come Again Saloon ah khan a thianpa khan ‘Don’ ti khan a ko tlat bawk si a” a han ti leh a.
Pentona’n Suddena hming a han sawi atangin Barta hmel chu hmuh theih khawp hian a danglam nghal a, Pentona chuan lo ring dik palh ta hlauh anih chuan a hma zana Severna puakruk phawi khum a tum ngawt lai kha chuan thihna kotlang a lo rap mek reng tihna alo ni dawn a, Rukru rual, Tarman hote a tih tiau zawh khan Suddena, Outlaw anga an sawi chu a kalbo ta daih a, mi pangai ang mai in a khawsa zui ta ni awmin an sawi a. Mahse a hlauhawm zia leh a phawiran dan te kha chu tuman an theihnghilh thei tawh chuang lo.

Barta chu reife ngawi rengin a han inngaihtuah rih a, tah chuan, “Suddena ani emaw, nilo emaw mihring ve mai bawk a ni a, chuvangin ka la tibo tho tho ang, a chanchin an sawi thinte hi a dik phawt chuan vawihnih khat chu engtin tin emaw harsa takin thihna a pumpelh hram a ni awmin an sawi a, a vannei seng zozai bik lovang. Engpawh nise, i ngaihdan chu tumah lo hrilh ve rih suh, Hope khuaa mite hian severna hi Suddena emaw an tih vaih zawngin a lamah an tang vek mai ang” a han ti a.

Pentona pawh chuan “chu chu a dik ngei ang, engpawhnise, amah chu kan tihbo theih siloh chuan min tibo zawk dawn tih chu a chiang a, kei ka duh ve dan chu hnunglam atanga kahhlum mai a ni. Nang enge i ngaih ve dan?” tiin a han zawt a. Barta chuan “tuma hriat ve loh tawp tur chet dan kawngkhat ka la hria, hun remchang ka hmuh hunah ka thil tum chu a lo lang mai ang, ka tisual palh tawh dawn bawk hek lo” a han ti a.

Pentona chhuah hnuah pawh barta chu rei ngial a la inngaihtuah a, pawisa lo tak ang khan lo lang mahse Pentona thusawi khan a rilru a ti mangang hle a, mahse lehlamah ve thung chuan Lazy M chu a awt hle a. A neitunu Phili a duhna pawh chu a ni telin a zual zel emaw tih tur a ni bawk si. Phili nena an inhmuh hnuhnun ber lai hnu kha a han ngaihtuah chhuak a, thinrim zet mai hian heti hian a ahan ti a, “A duh emaw duhlo emaw ka nei reng reng dawn, kan misualpa thung kha chu…….


Tlang pangah Big Boy chuan a sakawr chu a tlan kual tir vel a. chutih lai chuan an thlang ruam chu a zuk enthla a, an awmna atanga yds 600 vela hlaah chuan cowboy paruk vel hian Lazy M bawng an lo khalh khawm lai a zuk hmu ta mai a. Cowboy ho te chu tutenge annih zawng a zuk hmu thei lo a, mahse puan vara an hmai an tuam vek avangin hriat kher pawh chu tulna awmin a hre lo. A thil hmuh chu Ranch a va hrilh thuai thuai tumin hmanhmawh takin Lazy M chu a pan a, Severna chuan Big boya thusawi chu ngawi rengin a lo ngaithla phawt a, tah chuan White Masks ho bawk an ni ngei ang maw? Bawng sawmnga vel maw an ruk? a han ti a. Big Boy chuan “a aia tam ruk an tum pawh a ni maithei a, mahse tlang panga ka hmel an hmuh khan an tum a ti bahlah ta aniang e” a ti ve mai a. Severna chuan “engpawhnise naktuk zingah bawng chu lak let leh kan va tum phawt mai ang a, min lo chan palh tak hlauhin a tam thei ang ber kan thawk chhuak dawn nia” tiin a han hrilh hlawm a.

A tuk khua a lo var chian meuh chuan severna te ho chu an inpeih fel hman hle tawh a, Larrya leh an chaw chhum chauh an hnutchhiah a, midangte erawh chu severna chuan kal vek tur a ti tlat a. A tum dan chuan bawng va lak kir leh paha rukru ho chu na tawk taka hrem a ni a, chuvangin kal tur pawh chu a duhthawh em em a.

Severna chuan nuam tih lohna tak a nei tan ta a, rukru ho chuan hnu chhui awlna lai tur tak zelah bawng rual chu an khalh lui zel ni hian a lang a, chungte chu a han ngaihtuah chuan Ranch kha vengtu nei lova an chhuahsan ta vek mai pawh chu pawi a ti rilru hle a. Ni a tla dawn tep tawh tihin ralkhat hla fea bawng bu ri chu an hre ta a. An va kal hnaih nak chuan an bawng bo zawn chu hnim hring hmun nuam deuh maiah hian an lo awm khawm a, tumah hmuh tur pawh an lo awm bawk si lova. Rukru ho chuan an lo chang ang tih hlauvin anni ho chuan an va pawh mai duh lova, reife an nghah hnuin severna, darby leh big boy te chuan an bawng tlatna hmun chu an va pan phei ta a.

Bawng bawhna lai an va thlen chuan “a va mak teh ringawt ve mawle, an hnu chhui atan min duh niawm takin an kalna hnu lah chu chhui a awl hle bawk si a”, Darby a chuan a han ti a. Severna pawh chuan, “a ni viau mai, an thang kamah ka awm chiang hle niin ka hria, Ranch atang min hruai chhuah an duhna chhan chu ka hre lova, mahse hriat thuai ka tum a ni. Pathum chuan bawng hi inkhalh haw thei ang a, midang zawng chuan min zui rawh u”, a ti ta. Tichuan Big Boy leh midang pahnihte chu bawng khalh haw turin an hnutchhiah a, a dang zawng chu Severna hovin Lazy M lam pan chuan hmanhmawh takin an kir leh ta a.

Ranch an va thlen chuan khua a thim tawh a, mahse Ranch inah chuan khawnvar inchhi hmuh tur reng a lo awm lo, cowboy ho chu sakawr atang chhuk pahin an au vel chiam a, an chaw chhum pa chu a lo chhuak mai an beisei a, mahse a lo chhuak ta mai si lova, severna chuan “thil fel lo tak a awm a ni ngei ang, inchhungah i lut teh ang u,” tih pahin amah chuan hma a hruai a, ranch in chhungah chuan an lut ta a.

Inchhung a va luh veleh Severna chuan rum ri a han hre ta a, a thim em avangin severna chuan nawalh a han nawt eng a, Jonah chu a va hmu ta a. Jonah chu thutthlengah hian an lo phuar bet a. a kaah chuan pawnchhia an hnawh tlat bawk a, severna chuan khawnvar a chhi thuai a. Jonah phuarna hrui chu a va zaichah sak a, a ka an hnawhna te pawh chu an han phawrh chhuah sak nghal bawk a, jonah hnenah chuan Engtizia nge ni? tiin thil awmdan a han zawt a.

Jonah chuan “Masks ho khan Phili an ru bo daih a han ti nghal chawt mai a, chu veleh engmah dang pawh zawt tel lovin severna chu inchhawngah chuan a lawn chho nghal thuai a, Phili pindanah chuan Dinahi chu a han hmu leh a, ani pawh chu thutthlengah bawk an lo phuar bet leh a, an phuarna severna’n an phelh sak hnu chuan Larrya zawng turin a chhuak leh ta nghal a. Larrya pawh chu midangte ang bawk chuan an lo phuar bet leh a, a ka te pawh chu an lo hnawh sak ve tho a, a ka hnawhna an phawrh chhuah hnu chuan “vawiin chawhnu lam tawh khan pawnah hian sakawr ke pen ri leh tawng ri ka hri a, nangmahni ho in nih ngei ka ring a. Reilote ah ka pindan kawngkhar hi a rawn inhawng a, hmai tuam pahnih an lo lut a, pakhat zawk chuan silaiin min tin a, a thianpa chuan min phuar bet ta mai, ka ban na vang hian engmah ti thei hek lo, ka han an khum hrep ringawt a. Mahse ka ka an hnawh leh ta zel si a, enge maw an duh reng reng ni dawn le?” a han ti a. Severna chuan “Phili an la bo daih tawh a ni”, a han ti a. Larrya chuan “chu, engmah ti lova awm mai mai em ni i tum? a han ti a. Severna chuan “ni ang chu, ka mu tawh mai dawn a, nang pawh mu nghal la a tha ang” nui chung hian a han ti a, Larrya chuan a chhan ve hmain a chhuahsan ta mai a.
——-;——————

Aside | Posted on by | Tagged , | Leave a comment

Sudden Law of the Lariat (Mizo Version) 11

SUDDEN LAW O’THE LARIAT CHAPter 11

Ni hnih zet a ral hnuin Phil leh Larrya te chu sakawrin an ram chhim lamah chuan an leng dun ta a. An inzah rilru deuh ve ve bawk a, sawi tur an van duh hle a. Larrya chuan White Masks hovin an man dan thu leh Severna’n a rawn chhan dan te chu a han hrilh ve a. Phili chuan “Severna nen chuti takin in inkawmngeih tih ka lo hre lova,” a lo ti a. Larrya chuan “Kan inkawmngeih awzawng lo, mahse min chhan chhuah tuma a rawn beih nasat em avang khan a chungah ka lawm em a ni,” tiin a lo pha mar thuai a. Phili chuan, “a nih leh Barts hi enge anga i hriat?” tiin a han zawt leh a. Larrya chuan “amah hi chu ka hrechiang ve chiah lova, mahse Bar B a thawh chu ka duh lo,” ti chauh in a chhang mai, thu tam tak sawi kher lo mahse Barta chu a ngaina vak lo tih phili tan chuan hriat theih tak a ni thova. Cowboy ho reng reng chuan Barta chu fak ri chu Phili chuan ala hriat ngai hauh loh avangin a ngaih chu a tha thei vak lo. sawisel fawk duh chu an awm chiah lo na a, mahse an ngaina vak lo tih erawh chu a chiang a ni.

Larrya hnenah chuan “A nih, Severna chu Outlaw ni lovin i ring a ni maw?” tiin a han zawt leh a. Larrya chuan “Outlaw a ni lo zawng ka ti ngam hauh lova, a maherawh chu Pinnacles a rukru hote nen kher chuan an thawk ho lovang tih erawh chu ka ring tlat a ni” a lo ti a. Chutia an kal zel lai chuan hmun ruam deuh mai hi an lo thleng a, Lungpui sir vela Pangpar mawi deuh deuh mai Phili’n a hmuh chuan “En teh, a va han mawi em!!” tiin Larrya chu a han hawhhmuh ve a, Larrya chu Sakawr atang chuan rang deuh maiin a chhuk nghal a, Phili pawh chu a chhuk ve thuai a. Thingluang ah hian a han thu a, Larrya chuan pangpar tam tawk fe mai a rawn lova, Phili chu rawn pe a, chutia pangpar an inhlan vel lai tak chuan an piah kawngkawi atang chuan sakawr chung chuang pakhat hi a lo chhuak hlawl mai a, an va en phei a, Devinta alo ni reng mai a.

Devinta chuan a sakawr chu a pawt ding a, Phili te pahnih chu ngawi reng hian a rawn en a, tute nge an nih a hriat veleh nuihzat tih hriat tak chung hian a han nui a, zawi zawiin a sakawr chu a ran kal tir leh a, lukhum chu a han phawk a, a han bu ngaih a, “Ka rawn tihbuai che u avangin min ngaidam rawh u khai!!” a han ti a. A thu han dawi dan atang chuan anni pahnih chu a nuihzat hle tih a hriat nghal a, a chet dan chu a ngeiawm tan hle tawh a. Phili te pahnih chuan an chhan ve tak loh avangin Devinta chuan a sakawr chu a kaltir leh a, a liam dawn tep chuan ban a rawn vai leh a, an piah mualah chuan a kal liam ta nghal a. A liam veleh Larrya chuan “Tunge a nih?” tiin Phili chu a han zawt a. Ani chuan “Devinta a nih kha, mi rawn hmu lo se ka tih tehlul nen, Kan Ranch atangin Severna khan a ban a, a lungawi lo hle nghe nghe a, chuvang min….. dik lo takin min sawi chhuak leh ngei nge ang,” a ti a. Larrya chuan hawn a rawt ta nghal a.

Hawn kawngah chuan Larrya chuan engmah sawia lovin a ngawi reng a, a hmel pawh chu a nelawm lo hle a. Phili chuan, “I thinrim hmel hle mai ka ti. Tualthah duh hial awm hmel i pu e,” a ti fiamthu a, Larrya chuan “ka duh alawm Jonah khan chaw a lo la chhum hmin loh vaih chuan a pawi viau ang” a han ti let ve a.

Ranch an thlen veleh Larrya chuan a sakawr te chu a huangah a thlung nghal a, sakawr dang a la chhuak a, engmah pawh sawi leh lovin khawpui lam pan chuan a chhuak ta mai a. Phili ngaih chu a thalo hle a. Severna leh a hote tlai lama an lo thlen veleh Phili chuan thil awmdan zawng zawng severna chu a lo hrilh ve ta a. Phili chuan Larrya chuan “Devinta chu hria niawm tak leh huatna nei niawm takin a lang a, mahse tunge a nih min zawt tlat si a. Devinta han chet dan chu a ngeiawm hle a, Larrya tan pawh a huatthlala awm hle ang tih chu ka hri a, mahse, chu mai chu a huat chhan nilovin ka ring tlat ani” a lo ti a.

Severna chuan “I thusawi chu a dik maithei a ni, engpawh nise Devinta va hmu tur chuan a kal a nih a rinawm a, a kal chhan chiah chu hre lo mah ila, devinta chu dawihzep tak a ni a, mahse phawirang tak a ni tlat” a han ti a. Phili chuan “Hmanhmawh teh, an va intawh hmain i thleng ve hman lo hlauh ange” tiin severna chu a tur ta a. Severna chuan “Ka va thlen hman loh a, Larrya chu a lo sawisak vaih chuan naktuk ni chhuak tur hi Devinta chuan a hmu tawh hauh lovang,” a han ti a.

Tlai lam a ni ta bawk a, Come Again Saloon-ah chuan mi an lo pung khawm tam sawt hle a, Saloon neitu, Mugera chu a han hawi vel a, “Bartholomew chuan enge maw a ngaihtuah le?” a han ti a. Chutih lai chuan Barta leh Devinta chu a fal deuh hian an ding a, zawite hian an inbe dun a, an thusawi chu Barta lawm loh zawng tak a ni ang tih chu a hmel atang chuan a lo lang chhuak a, a thu hriat chu atan a lawmawm vak loh reng ani. Devinta chuan Phili leh Larrya te pahnih a hmuh thu chu a hrilh lai tak a ni kher a, chubakah Devinta chuan dawt tam fe a sawi belh bawk si a. Phili leh Larrya chu induh ta hle nia ngaiin a lungni lo em em a, “Larrya tibo thei apiang hnenah Dollar 500 ka pe nghal ang, keimah ngei pawh hian tihbo mai pawh ka duh a, mahse, phili nen inhmuh thiam loh phah nan kan hman dawn avangin ka chet chu a rem lo a ni,” a han ti a.

Devinta chu lawm takin a bu nghat a, Mihring nunna laksak chu pawi tihna chhete pawh a nei lova, hlawh tlem zawk hmu tur pawhin mi nunna chu a lo la tawh thin a, a hnu lamah chuan chhete pawhin a vei zui leh tawh ngai lo reng reng nai. Chutih lai vel chuan Larrya a lo lut ve ta hlauh mai a, Barta chuan “Saw, amah pawh a lokal ve alawm,” tiin Devinta chu a han kawhhmuh zet a, a chhuak ta nghal a.

Devinta chuan “Nep lutuk hlawm ! Hmeichhia reng reng chu an inang vek a ni. Mastersa fanu Phili te pawh hi vawin ka lo kal kawngah mi pakhat nen an inpawm a, an lo infawp vel lai ka rawn hmu a. A tlangval lah chu an Ranch a hna thawk, thlakhata Dollar 40 hlawh, cowboy mawl lutuk a ni leh nghal, Chubakah an Ranch ah chuan thla khat pawh a la thawk hman tha thum lo lehnghal,” a han ti a. A han sawi dan, atang chuan a huatthlala nghal hluah hluah mai a. A thusawi lo ngaithlatute pawh chuan thil engemaw tak lo thleng tur awm niin an ring a, an thiltih laite chu theihnghilh in Devinta lam chu an hawi a, inchhung chu a reh ta thup mai a.

Inchhunga chu a reh chian em avangin Larrya an ‘Devint’ tia a ko ri pawh chu a chiang duh ngei mai, silaimu leng vak tawn hlauvin an bul hnai deuha mite chu an insaseng nghal thuai a, tichuan Larrya leh Devinta te chu inhmachhawnin an ding dun ta a. Larrya chuan Puakruk phawi peih sa rengin a kut chu a puakruk zawnah chuan a thlak Mu ke tha a, inchhungah chuan midang an awm ve tih pawh hre chang lovin Devinta chauh chu a en reng a, thil dang engmah a rilru ah pawh awm tawh hek lo, a hmaah chuan thil duhawm lo leh huatthlala engemaw awm niin a hria a, chumi tihbo chu a thil tum lian ber leh a ngaihtuah lian ber chu a ni ta a.

Devinta erawh thung chuan hlawhtling inti awm tak hmel hi a pu a, a beisei ang ngeiin Larrya thah theihna tur “Chhan” tha tawk chu siam ta niin a inngai a, ngaihnobei lo zet hian a han nui a, tah chuan ,”Ka hming i lam a ni maw?” Aw khai, a chanchin ka sawi a ngei kha zuk ni che a mawle. Phili theihna tharlam ber, han en ve mah teh u, a zak a nih ngei hi, a hmai pawh a sen tawn tawn alawm” a han ti a. Larrya hmai chu a sen ngei mai tak a, amaherawh chu zah vanga sen zawng a nilo. Thinrim tawp khawk tih hriat tak hian Devinta chu a en reng a, a hnenah chuan “Devint dawihzep, dawt sawi hmang i ni,” a han ti a. chutianga intih tawh chuan chhan dang kawng khat chiah a awm, Devinta chuan a puakruk phawi pahin, “Naupang luhlul lutuk, zirtir i ngai a ni hi,” a han ti a.

An puakruk ve ve chu a ri rual thawt a, Larrya chu a dar dinglama silaimu luhna hup chungin a petek dawrh a, Devinta erawh chu a awmah Silaimu a tlang a, a puakruk a thlauh a, chhuat laiah chuan a tlu ta a, a la thi lo tih a hriat veleh Larrya chuan a va pan hnai a, chhuat laia Puakruk tla chu a han chhuih per phawt a, Devinta bulah chuan a zuk thingthi a, a beng bulah chuan, “Devint, thil hrilh duh che ka nei,” a han ti a. Tah chuan mite hriat ve tham loh khawpa zawiin engemaw a han sawi ta a, chu veleh Devinta chu makti zet mai hian a lo meng chhuak a, Larrya chu en reng chungin, “Nang hi maw…. nang hi……..” a han ti a., a sawi tum pawh sawi chhuak thei lovin a han thaw kawk kawk a, a chatthla ta nghal a.

Larrya pawh chu harsa ti tak chungin a lo ding chhuak a, thutthlengah a han thu a, Ridge a leh midangte chuan a hliam chu an rawn buaipui nghal a, chutih lai chuan inchhunga mite pawh chu an rawn tawng chhuak leh tan ta a, Devinta a ruang chu an va en a, Larrya chu an rawn en leh a, an inkah dan chanchin te chu an sawiho ta mur mur a, chutih lai chuan Sheriff pawh a lo thleng ve ta bawk a.

Sheriff chu kawng an lo kian a, ani chuan chhuat laia Devinta ruang a han hmuh chuan mak ti awm tak mai hian, “Uai, Devinta ni reng mai ka ti !! midang niawm tak khan an sawiin ka hre si a,” a han ti thla rawk a. Tan lam nei chuang lova lo thlir vetu lo awm palh hlauh se zawng Sheriff chuan Devinta ruang a han hmu chu pawi a ti ani tih chu a hai theiin a rinawm lo. Larrya zawk chu thia rawn hmuh tum a ang hle a ni. An inbeih dan sawi chak fe fe an tam bawk a, Sheriff pawh chu an lo hrilh thuai thuai a, ani chuan duhthusam hmu ta niawm takin Larrya chu a en a. A hnenah chuan Buaina chawh chhuah tumin i bei nasa bawk a, tunah zawng i hmu ta ngei a nih hi. Lungin i tan phah ngei tawh ang chu !” a han ti hmak a.

“I ring sual deuh ang a, Sheriff, han ngaihtuah ngun leh deuh zawk teh, i ingaihtuah fim zawk deuh tawh mahna,” Severna chuan a rawn ti ve ta. Mi hmuh loh laiin Severna chu a lo lut a, Bar nghenchhan chungin a lo ding ve reng tawh a, a kut pahnih chu a Puakruk bulah a thlak thla ve ve a, za lo tih hriat tak si leh Sheriff chu hmusit tih hriat ngawi ngawih hian a nui deuh sang a. Tawng ri chu a hriat veleh puakruk phawi mai tum niawm takin Sheriff chu a rawn lehhawi thuai a, Mahse, Severna bawk chuan, “Tum duh suh, Sheriff. Dam tlak lo i nih ang tho hian thi tlak pawh i nihna ka hre chuang lo,” a lo ti leh a. Sheriff chu a dang vek tawh a, a puakruk pawh kha phawi tum tak tak chu a ni chiah lo, inhrosak nana hman tum a ni chauh zawk a, mahse a thil tum chu severna chuan alo hre thiam leh zel si a. Chutih lai chuan Barta chu a lo lut ve ta a. chu chu a hmuh veleh puitu nei inti fahran hian Sheriff chuan “He khua a Sheriff hi ka ni….” a han ti leh hman chauh a, sawi pawh a sawi zawm hmain Severna chuan “I hlawhchham chiang hle bawk a. Hrilh kher pawh kan ngai lo, kan hre sa vek. Nang chu lo ngawi rih la, hei kan khuaa pa zahawmber Bartholomewa pawh a lo tel ve ta bawk a, a ngaihdan te hi han zawt ve zawk ila,” a lo ti thuai a.

Sheriff chuan thil awmdan zawng zawng chu Bartholomewa chu a han hrilh ve a, ani chuan ngawi rengin a lo ngaithla a. Phili thiantha ber anga a lo awm ve thin avangin amah Phili hming tih chhiat tuma beitu Devinta chu han tam ngam tur chi pawh hi a ni tawh lo bawk a, chuvangin rang takin, “Kan misualpa chu thi tlak a nih chu, hepa hian lo kaphlum ta lo pawh nise kei ngei pawh hian ka kap hlum nghal duh ang,” a ti ta thuai a. A thusawi chu a ti tak tak a ni tih tilang chiang lehzual turin, “Devinta hian dawt a sawi ni tih lo awih duh lo te in zingah hian in la awm a nih chuan lo chhuak nghal ula,” tiin inchhunga mite chu a han cho zui a. Mahse tumah an lo chhuah tak loh avangin, “In cho ve ve, inhmachhawna inbei an ni i ti maw kha?” tiin Sheriff chu a han zawt leh a.
Sheriff chuan, “An inbei lai chiah chu ka hmu ve lova, mahse chu chu min lo hrih dan zawng a nia lawm,” a lo ti a.

Barta chuan chuti a nih zawngin engmah sawisel tur a awm lo a nih chu a ti zet a, nalh lo taka severna chu en reng chungin a hnenah chuan, “I thianpa chu i la bo nghal thei ang, mahse tun hnuah chuan fimkhur hle tawh rawh se, buaina te a awm leh chuan a vannei tawh kher lo mai thei a ni,” a han ti zui a, Severna chuan, “Lazy M ho chu kan inenkawl ve thei bawk ang chu,” a lo tih san mai a.

Severna leh Ridgea chuan Larrya chu an hruai chhuak a, Lazy M lam panin sakawr tawlailir ah an hruai ta nghal a. Ranch an va thlen meuh chuan Phili pawhin insum harsa a ti a ni ang, pawnah a lo tlan chhuak a, Larrya te bul a lo thlen veleh, “Engtizia nge ni?” hlauthawng rilru tak chuan a rawn ti a. Severna chuan “Devinta nen an inhmu thiam lo deuh a, a darah silaimu in a per a ni,” a han ti a. Phili chuan “A nih leh Devinta chu?” a han ti leh a. Severna chuan “A thi tawh,” ti chauhin a chhang a. Phili chu a inthing deuh nawk a, engmah pawh sawi leh lovin a ngawi ta reng a. Larrya chu Ranch inah an zawn lut a, Mastersa khumah an muttir ta a. A tirah phei chuan ama chenna pangaiah zawn luh mai an tum a, mahse phili chuan Ranch a dah chu tha zawk leh enkawl sam zawk dawna a sawi vangin a thu ang chuan an ti ta zawk a ni.

A tuk zingah Phili chu Hope khuaah a va kal a, Callahana dawr kawtah Sakawr atangin a chhuk a, chutih lai chu Bartholomewa chuan a rawn hmu hlauh a, a rawn pan hnai a, “I dam em, Phil? tunah chuan ka thusawi kha a dikzia i hrechiang tawh ang chu, i thil chin atthlak tak, cowboy naran sakawr chung chuanpui that lohzia chu a lo lang chhuak ta a nih hi, Mi pakhat a thi a, pakhat in hliam a tawrh phah ta bawk a,” Barta chuan a han ti a.

Phili chuan “Sakawra midang hruaia ka vah chhuah thin vang ngawta lo intibuai an ni chuang heinem,” a han ti thla rawk a. Mahse Barta chuan “I hre lo zawk a nih chu, Come Again Saloon ah Devinta chu a lo kal a, nang leh mi pakhat lo inpawm a, lo infawp vel lai hmu niawm takin a rawn insawi a, Larrya khan dawt sawiah a lo puh ta a nih kha” a han ti a. Phili chu hmuh theih hian a hlim nghal sawt mai a, Larrya chuan a hming chhiat a hlauvin, Devinta chu a lo bei a ni tih a han hriat meuh chuan Larrya a ngainatna chu a zual sauh a, larrya chuan buaina siam tum sa reng a, Devinta chu va zawng chhuak a ni lo tih pawh chu a hre chiang ta a ni.

Larrya te inbeih chhan ber a sawi vanga Phili hlim hmel hmuh theih a lo lang chhuak chuan Bartholomewa chu a ti thinrim em em a, mahse a insum hram hram a. Phili pawh chuan Ranch lam a pan leh tak avangin Barta pawh chu a kalsawn ve ta a, a thinrim em avang chuan khua a hawi thui lo hle a, mi pakhat a lam pana lokal chu a va su palh a, engmah pawh sawi lovin chu pa chu a theihtawp hian a han nam vak a, a kalsan ta nghal mai a. Chu pa chu vaivut zingah a tlu tawp a, rang zet hian a lo ding chhuak leh a, Bartholomewa chu thinrim zet hian a han melh zui a. amah chu pate lam deuh, khabe hmul tuak phauh phauh tawh, mit khing khat puana tuam hi a ni. Chupa chuan puakruk pakhat a pai ve a, Barta chu kap mai duh awm hmel hi a pu a, mahse phun nang nang chungin engmah ti lo chuan a kal ve leh ta mai a.

Aside | Posted on by | Tagged , | Leave a comment

Sudden Law of the Lariat (Mizo Version) 10

SUDDEN LAW O’THE LARIAT CHAPTER- 10
Mel khat zet a kal hnuin Severna chuan ngai a awm leh chauh a, a thinrimna pawh chu a lo zuai leh ta a. Larrya va chhan dan tur hre lo anga a insawi kha a ti tak tak a, engtia va tih tur nge tih pawh a hre chiah lo reng a ni. A mantute chuan Larrya chu duhna an nei lovang tih a ring tlat a, tin, amah chu pawisa rawn keng tura an phut kher avang chuan an duh tak zawka chu amah a nih ngei a ring tlat bawk a. Thang an kam a, a tawktarhah Larrya an hmang a ni tih pawh a lang nghal a, mahse va awh phawt loh chuan chet dan tur kawng dang a hre rih lo a ni ber.

Chhun lai velah Skull Canyon chu a lo thleng a, sakawr atangin a chhuk a, chutihlai hmunah chuan a nghak ta ringawt mai a. Rei pawh a din hmain a chhak lam atang chuan, “I kawnghren leh i rifle kha paih la, i ban phar nghal rawh, Severn, Silaiin kan tin reng tawh che a nia,” tih ri chu a hre ta a. Severna chuan an thu rawn pek ang tak chuan a ti nghal a, chu veleh a awmna atang Yds 20 vela hla thingbuk phen atang chuan hmaituam pakhat hian sakawr a rawn kai chhuak a, severna awmna lam chu a rawn pan ta a.

Severna bul a lo thlen chuan kawnghren leh rifle te chu a chhar khawm a, sakawrah a lawn kai a, tah chuan vin zet mai hian “mi rawn zui rawh, tlanchhiat duhna rilru te i lo pu palh a nih chuan hnung lamah sawn mi pahnih an awm a, an lo hmuh phawt che chuan kap mai tur che a thupek sa diam anni tih hre reng ang che” a han ti a.

Severna chuan “Mi aaa anga khawsa tura lo kal ka ni hleinem, khawiahnge min hruai dawn?” a lo ti ve thung a, chu pa chuan “nghak rih la, i la hre mai ang,” a tihsan mai a. Severna chuan “Hmanlai thufing hmang ngatin maw kan inchhan dawn?” a lo tiel leh a. Skull Canyon atang chuan kawngpui pangai pawh zawh tawh lovin kawng mumal lo deuh deuh hlirah severna te pahnih chu an inzui ta a. zawi zawiin Pinnacles tlang lam pan chuan an lawn chho zel a, reife an kal hnuin severna chu a han lehhawi a, an hnung lamah chuan hmaithuam pahnih sakawr chungchuang te chu a va hmu ve ta a, chu mite chuan rifle in amah chu an rawn tinreng tih pawh a hre nghal a.

Hmaituama chuan hma a hruai zel a, thui pawh an la kal hmain kawng chu a lo chhuk ta thut a, tah chuan thingbuk hmun, pik zet mai hi an hel leh a, chumi an hel chhuah hnu chuan tlang pang kal tlang theihna hmun rem lai chu an lo thleng ta mai a. hmai tuama chuan “tah hian i sakawr hi thlung rawh, ta tang hi chuan ka kal a ngai tawh ang” tiin severna chu a han hrilh a. an awmna bulah chuan sakawr huang chhe zet hi a lo awm a, severna chuan a sakawr chu a huang ah chuan a dah ta a.. chuta tang chuan kein tlang pangah chuan an lawn chho leh ta thuai a. Hmun zawl awmna atang feet za zeta sang an lawn chhoh hnu chuan an kalna kawng pawh chu a lo zau leh tawh a, an sir lungbangah chuan puk ang tak tak ker kuak hi a awm chuk hlawm a, puk luhna thenkhatah chuan kawngkhar an siam a, chutianga kawngkhar an siamah chuan severna chu hmaituama chuan a hruai lut a, tah hian lo awm rawh, i ril a tam em? a a han ti a.

Severna chuan “chaw ka ei lohna a rei tawh hlein ka hria tih pahin a ipte atangin dollar 5 a han phawrh chhuak a, Whisky mi rawn ngaihtuah sak thei dawn lawm ni? ka zam vang emaw ni, ka tha a khur deuh tlat mai,” a han ti leh a. Chupa chuan nuihzat tih hriat tak hian, “Huaisenna damdawi mamawh chi i ni maw? ka rawn zawng chhin phawt ange” a han ti a.

Pawnah a chhuak a, kawngkhar chu a kalh hnan a, a kalbo a, mahse reilote ah chu pa bawk chu a lo kir leh a, chhang leh zu um a rawn keng a, severna chu pek pahin, “in tam vak suh, i la in ngai lo te anih phei chuan chak tak a nia,” a han ti a, a chhuahsan leh ta mai a. A chhuah hnu chuan severna chuan a awmna chu a han en kual vel a, lungbang ker kuak hi a ni ringawt a, kawngkhar kua tanga eng lo lut tih loh chu eng lo luhna dang pawh a awm alo, boruak lo luh theihna dang pawh a awm hek lo. Severna chuan chhang a ei a, zu erawh chu a han hmuam zet a, a pik chhuak leh ta nghal mai a, zu um chhunga mi pawh chu hmun thuma then a hmun hnih zet a leih bua a, a um chu a bulah a hunga lungbang ngheng chungin mei a zu a, thil lo thleng leh zel tur chu a nghak ta ngawt mai a.

Darkar hnih zet a nghah hnuin pawn lama ke per chu a hre ta a. chu veleh a lukhum chu a pawt kun a, rui lutuk niawm takin leiah chuan kawi chhe zet in a mu ta a. Atira amah hruaitu bawk kha a lo lut a, severna chu a rawn hmuh veleh, “Mi aaa pa, in tam lo turin ka hrilh che kha!!” thinrim zet hian a rawn ti a. “Severna chuan chiang lo ruai hian, ka tha zan, enge i mamawh?” a lo ti a, A awmna hmasa aia puk lian deuh zawkah a hruai leh ta a, chumi puk chu puk dangin a rawn zawm chuk a, puk luhna kawngka pakhatah severna chu a hruaitu chuan a dintir a, puk kawngkhar chu a han hawng ta a.

Puk chhungah chuan thutthlengah mi pasarih an lo thu a, an hmai chu puanvar bal zet hian an tuam theuh a, chung lo thute zinga pakhat chu severna chuan hmu tawh tlat hian a inhria a, chupa chuan “engatinge i phuar loh? tiin severna a rawn hruaitu chu a lo zawt a. Ani chuan, “a chet dan hi en ta che, a in phuar sa reng alawm” a han ti a. A lo zawttu an hotu niawm bera bawk chuan “zu a in a ni maw?” nuihzat fahran hian a han ti phawt a. Severna hnenah chuan “khawiah nge pawisa chu?” tiin a han zawt leh a, severna chu zu rui intih milen tum an tih ang hian a han ding a, a awm han pho a, buh deuh nuaih hian, “Unau, eng ang mi nge nia min hmuh, in thusawi mai mai te kha awih duhin min ring reng em ni naupang chhia ka nih tawh loh hi” a han ti a.

Amah lo be tu bawk chuan “pawisa i rawn ken loh chuan in pahnih in kan khaihlumdawn che u a ni mai lawm”, a lo ti leh a. Severna chuan lu a han thing a, “ho mai mai, kan ruang engatan nge hman i tum dawn? kan vun te lah chu i hralh thei awm chai si lo, ka thian i man tih pawh chu engtinnge ka hriat tak tak theih ang, midang i lo man reng pawh a ni mahna, ka thianpa i man ngei tih ka hriat chuan ‘Ranch ah lehkha ka va thawn anga, pawisa chu an rawn thawn ve mai ang chu, chu chu a dik zaih ani lawm ni” a han ti a.

Severna ding bu lak lak chu a han en thin a, hmusit tih hriat ngawih ngawih hian amah betu bawk chuan, “Mi aa pakhat pawh kha han hruai leh nghal teh u”, a hote hnenah chuan a han ti a. Minute hnih hnu lekah larrya chu hnungkhirh chungin an rawn hruai lut a, severna rui lutuk tih hriat fahrana lo meng phili fe mai a rawn hmuh chuan mak a ti hle a. Larrya chu a hmuh veleh severna chuan ” larrya chu a nih ngei hi maw? mahse tinge pahnih an nih tlat? a han ti a. A chhanna chu amah bawkin a hre chhuak a, “phir an ni tihna a ni mai lawm, a nih loh vek pawhin pianghmun tal anni ang” tih pahin hmaituam ho chu hlim fe hian a han en kual a, “phir nise nu leh pa hrang nei bawk si chu tun hmain ka la hre ve ngai miah lo, ho mai mai!! ” a han ti leh a. Hmaituam ho chu an lo nui ham ham a, severna chu ven ngun ngai lova an hriat avangin an inthlahdah sawt bawk a, chu chu severna beisei tak a ni zawk a.

Severna chuan “phir chu an hlauhawm a sin mawle tu chu nge tu zawk nge pawh kan hre fumfe thei mang si lova pakhat zawk chu tihbo a tul a ni” tih pahin a puakruk chu phawi a han tum chhin a. Mahse a lo pai ta lo tih chu hrechhuak niawm tak hian “Ka puakruk ka lo hloh daih alawm mawle zia lo reh a…” a han ti leh a.. hmaituam ho chu an lo nui leh chiam a. Severna chu hnung lamah a han petek phei a, din ngil leh tum niawm takin a ban te chu a phar kual vel chiam a, mahse a hnung lama ding puakruk pai lai chu a phawi chhuak thut a, chu chuan hmaituam ho chu a tin ta a. Hmaithuam ho hnenah chuan “Hmai mumal lo ho, ban phar thuai ula a ni mai, phir chu an hlauhawm ka tih daih tawh kha, ka puakruk ken te pawh hi phir an ni tih in hmu lawm ni? a ti ta a.

Tunah zet chuan a rui lo tih a lang chiang ta ngei mai. A chet dan leh a mitmengte pawh chu a danglam vek tawh a, chet pawh che eih lovin a puakruk pahnih chuan chung hote chu a tin ta reng mai a. Anni ho pawh chu eng kawng kawngah emaw chuan an huaisen ve theuh hlawm a, mahse severna chu beih an tum phawt chuan an zinga pakhat tal chu a tlem berah an thi ve ngei ngei dawn tih an hri a, a thi a tan chu an hlau theuh si a, chuvang chuan pariat lai pawh ni mahse ban phar mai chu an thlang ta zawk a.

Chuveleh puakruk pakhat chu severna chuan a kawngah a zep thuai a, mi pakhat chemte pai lai chu a va phawi lawk a, larrya an phuarna hui chu a va zai chah sak ta a. Larrya hnenah chuan an ha hi phawi sak la, “an vai hian hnungkhirh nghal rawh” a han ti zui a. Larrya chu phur fahran in a lo zuang chhuak a, hmaituam ho puakrukte chu chhuatlaiah chuan a paih khawm zel a, mi pakhat hruihrual ken lai chu a han bung thliah thliah a, chung chuan hmaituam ho chu a phuar ta nghauh nghauh ami a, an phuar na hlawm bawk a ni ang an phun nang nang hlawm a.

Severna pawh chuan ama puakruk an laksak chu a han chhar leh zet a, tah chuan amah lo betu ber chu a va pan hnai a, hmaituamna puan chu a va phihthlak sak ta a, “ka rin ang tak i nih chiah hi, Mr. Shadewell lo chhuak teh, kan hruai dawn che a nia,” a han ti a.

Reilote ah severna sakawr dahna huang chu an zuk thleng leh a, severna chu sakawr chungah a chuang nghal a, Larrya pawh chuan huang chhunga sakawr tha ber a thlang a, a chuang ve ta a. Shadewell pawh chu a kut phuarna an phelh sak hnuin sakawr pakhatah an chuantir a, a ke erawh chu sakawr zinah chuan an phuar beh sak tlat a. Severna chuan “roreltu in khaihlumna thu an tih thluk hma a lo thih mai thlang zawk te a nih chuan tlan chhuah tum chhin la ni mai” tiin a han vau a. Shadewell chuan chhan pawh chhang lovin severna a chu rum lutuk hian a melh ringawt a, mahse severna chuan melh ringawt chu a lo ngaisang tehchiam si lo. Hope khaw lam panin kal nghal la, “i muangchan deuh vaih chuan kalkawngah nang han khaihlumna mai tur thing kung remchang fe fe a tam tih hre reng ang che” a han ti leh a.

Larrya leh severna te chuan shadewell a chu an chhawm zel a, larrya chuan “midang rawn hruai tur i hre ngang lovem ni? nge, hming that duh vang hrim hrim in i lo mal kal ve zawk?” a han ti a, Severna chuan amah chauha a lo kal chhan chu sawi fiah pahin, “Lo kal ngam lo tur pawh ka ni hleinem, kan Lal fanu reng a thinrim a sin,” a han ti a. Larrya chuan severna thu sawi chu chhang lovin, “hepa hi engtia tih nge i tum? tiin a zawt a, severna a chuan “sheriff kutah kan pe mai ang chu”, a han ti a. Mahse larrya chuan “a chhuah tir leh nghal mai ang” a lo ti a. Severna a chuan “a chhuah leh nghal ang tih chu ka ring ve tho alawm, chutia a chhuah ngawt chuan Hope khua mi tam takin amah chu an ngeih loh phah dawn a sin” a ti ve thung a,

Kalkawngah harsatna engmah tawk lovin ni tlak hmain Hope khua chu an va thleng a, kawtthler an kal lai chuan an lo hmu duh nasa mai a, tichuan Sheriff Office ah an hruai ta a, sheriff chu a lo chhuak bo lo hlauh a, severna te mi rawn hruai chu a lo hmuh chuan a phu zawk a, ”Engtizia nge ni ta mai?” tiin severna te chu a lo zawt a.

Severna chuan “Larrya an man thu leh amahin a va chhan chhuah thu te, shadewell a a va man dante chu tawi kim takin sheriff chu a han hrilh ve a. Severna thusawi chu shadewell chuan lungawi lo zet hian dawt vek a nih chu a sawi ni. chutiang in nula pawh ka hmu lova hepa pawh hi ka hmuh hmasak ber chuan kan piah saloon a ka awm laia a thianpa hian min vau bet a, chumi hma chuan ka la hmu ngai lo reng reng” tiin tan a lo khawh ve a.

Severna te bulah chuan Barta chu a lo kal ve ta a, sheriff chuan severna thusawi chu Barta bulah chuan a han sawi chhawng leh a, “tah chuan a nih leh lehkha an lo hnutchhiah chu i la kawl em?” tiin barta chuan severna chu a han zawt ta a. Severna chuan “lehkha chu a han entir a, shadewell a chu severna lehkhaa thuziak ang chu a han ziah chhawn tir ve a, kutziak pahnihte chu ngun takin an entawn vel a, a inang lo tawp mai, chuvangin engmah a sawt lo a nih hi tih pahin severna lehkha hmuh chu a ak ta mai a, severna chuan a va hnaih a. Barta hnenah chuan “kha kha ka lehkha hmuh a ni a, ka lo kawl leh ang e”, tiin lehkha chu a dil ta a.

Barta chuan “i lehkha chu a ni teh meuh mai, mahse nakin hnuah hmanrua atan a la tangkai dawn a, chuvangin sheriff hian a kawl tur a ni” a lo ti a. Severna chuan “a duh hunah chuan ka hnen atangin a la leh thei tho ang tunah rih chuan ka kawl dawn” a han ti leh a. Reilo deuh chhung Barta chu a han ngawi rih a, tah chuan lungawi lo tak chungin lehkha chu dawhkanah chuan a theh thla thak a, Severna hnenah chuan “leibat i ngah sawt hle mai, a kimin i la rul ngei ang” a han ti a. Severna chuan dawhkana lehkha chu a chhar a, ama lehkha ngei a ni tih a hriat hnu chuan a ipte ah a ak a, ring zet hian a han nui a, “ka la rul teh meuh ang che, kimchang takin” barta hnenah a han ti phawt a. Sheriff lam chu a hawi leh a, “rukru ho chu man i tum ngam dawn a nih chuan midang pun thuai la, an awmna ah ka va hruai ang che” severna chuan a han ti leh a.

Sheriff chuan, thinrim tak mai hian, “i tanpui ka ngaih hunah chuan ka rawn hriattir mai ang che, tin, i mi rwn hruai hi chu…..” a ti zet a, Barta lam chu a han en leh rih a, ani chuan “lo veng rih la, naktuk zingah Miss Phili chu ka va hmu ang a, he cowboy thusawi hi a dik leh dik loh chu kan la hre mai ang. Lazy M a thawk ho thu reng reng chuti maiin ka awih thei lo a ni” a han ti deuh salh a. Severna chu a ngawi mai mai duh bik lo, Barta hnenah chuan “Ni e, Lazy M enthlatu i dah khan ram hla taka a vahbo san atang che kha chuan tumah i ring thei tawhin ka ring lo reng a ni” a lo ti ve hmiah a. Barta chu a phu deuh zawk a, mahse engtinmah a chhang lo.


Cowboy ho hlim au ri chu a hriat avangin phili chu bathlarah a va chhuak a, kawtlai a Severna leh Larrya te rawn inzui phei chu a va hmu ta mai a, a lawm em avang chuan va tlan chhuah ve nghal mai a tum zet a mahse a han inngaihtuah chiang a, inchhungah a lut leh ta zawk a. Reife hnuah Jonahi chuan chanchin a rawn hrilh ve ta a.

Aside | Posted on by | Tagged , | Leave a comment

Sudden Law of the Lariat (Mizo Version) 10

SUDDEN LAW O’THE LARIAT CHAPTER- 10
Mel khat zet a kal hnuin Severna chuan ngai a awm leh chauh a, a thinrimna pawh chu a lo zuai leh ta a. Larrya va chhan dan tur hre lo anga a insawi kha a ti tak tak a, engtia va tih tur nge tih pawh a hre chiah lo reng a ni. A mantute chuan Larrya chu duhna an nei lovang tih a ring tlat a, tin, amah chu pawisa rawn keng tura an phut kher avang chuan an duh tak zawka chu amah a nih ngei a ring tlat bawk a. Thang an kam a, a tawktarhah Larrya an hmang a ni tih pawh a lang nghal a, mahse va awh phawt loh chuan chet dan tur kawng dang a hre rih lo a ni ber.

Chhun lai velah Skull Canyon chu a lo thleng a, sakawr atangin a chhuk a, chutihlai hmunah chuan a nghak ta ringawt mai a. Rei pawh a din hmain a chhak lam atang chuan, “I kawnghren leh i rifle kha paih la, i ban phar nghal rawh, Severn, Silaiin kan tin reng tawh che a nia,” tih ri chu a hre ta a. Severna chuan an thu rawn pek ang tak chuan a ti nghal a, chu veleh a awmna atang Yds 20 vela hla thingbuk phen atang chuan hmaituam pakhat hian sakawr a rawn kai chhuak a, severna awmna lam chu a rawn pan ta a.

Severna bul a lo thlen chuan kawnghren leh rifle te chu a chhar khawm a, sakawrah a lawn kai a, tah chuan vin zet mai hian “mi rawn zui rawh, tlanchhiat duhna rilru te i lo pu palh a nih chuan hnung lamah sawn mi pahnih an awm a, an lo hmuh phawt che chuan kap mai tur che a thupek sa diam anni tih hre reng ang che” a han ti a.

Severna chuan “Mi aaa anga khawsa tura lo kal ka ni hleinem, khawiahnge min hruai dawn?” a lo ti ve thung a, chu pa chuan “nghak rih la, i la hre mai ang,” a tihsan mai a. Severna chuan “Hmanlai thufing hmang ngatin maw kan inchhan dawn?” a lo tiel leh a. Skull Canyon atang chuan kawngpui pangai pawh zawh tawh lovin kawng mumal lo deuh deuh hlirah severna te pahnih chu an inzui ta a. zawi zawiin Pinnacles tlang lam pan chuan an lawn chho zel a, reife an kal hnuin severna chu a han lehhawi a, an hnung lamah chuan hmaithuam pahnih sakawr chungchuang te chu a va hmu ve ta a, chu mite chuan rifle in amah chu an rawn tinreng tih pawh a hre nghal a.

Hmaituama chuan hma a hruai zel a, thui pawh an la kal hmain kawng chu a lo chhuk ta thut a, tah chuan thingbuk hmun, pik zet mai hi an hel leh a, chumi an hel chhuah hnu chuan tlang pang kal tlang theihna hmun rem lai chu an lo thleng ta mai a. hmai tuama chuan “tah hian i sakawr hi thlung rawh, ta tang hi chuan ka kal a ngai tawh ang” tiin severna chu a han hrilh a. an awmna bulah chuan sakawr huang chhe zet hi a lo awm a, severna chuan a sakawr chu a huang ah chuan a dah ta a.. chuta tang chuan kein tlang pangah chuan an lawn chho leh ta thuai a. Hmun zawl awmna atang feet za zeta sang an lawn chhoh hnu chuan an kalna kawng pawh chu a lo zau leh tawh a, an sir lungbangah chuan puk ang tak tak ker kuak hi a awm chuk hlawm a, puk luhna thenkhatah chuan kawngkhar an siam a, chutianga kawngkhar an siamah chuan severna chu hmaituama chuan a hruai lut a, tah hian lo awm rawh, i ril a tam em? a a han ti a.

Severna chuan “chaw ka ei lohna a rei tawh hlein ka hria tih pahin a ipte atangin dollar 5 a han phawrh chhuak a, Whisky mi rawn ngaihtuah sak thei dawn lawm ni? ka zam vang emaw ni, ka tha a khur deuh tlat mai,” a han ti leh a. Chupa chuan nuihzat tih hriat tak hian, “Huaisenna damdawi mamawh chi i ni maw? ka rawn zawng chhin phawt ange” a han ti a.

Pawnah a chhuak a, kawngkhar chu a kalh hnan a, a kalbo a, mahse reilote ah chu pa bawk chu a lo kir leh a, chhang leh zu um a rawn keng a, severna chu pek pahin, “in tam vak suh, i la in ngai lo te anih phei chuan chak tak a nia,” a han ti a, a chhuahsan leh ta mai a. A chhuah hnu chuan severna chuan a awmna chu a han en kual vel a, lungbang ker kuak hi a ni ringawt a, kawngkhar kua tanga eng lo lut tih loh chu eng lo luhna dang pawh a awm alo, boruak lo luh theihna dang pawh a awm hek lo. Severna chuan chhang a ei a, zu erawh chu a han hmuam zet a, a pik chhuak leh ta nghal mai a, zu um chhunga mi pawh chu hmun thuma then a hmun hnih zet a leih bua a, a um chu a bulah a hunga lungbang ngheng chungin mei a zu a, thil lo thleng leh zel tur chu a nghak ta ngawt mai a.

Darkar hnih zet a nghah hnuin pawn lama ke per chu a hre ta a. chu veleh a lukhum chu a pawt kun a, rui lutuk niawm takin leiah chuan kawi chhe zet in a mu ta a. Atira amah hruaitu bawk kha a lo lut a, severna chu a rawn hmuh veleh, “Mi aaa pa, in tam lo turin ka hrilh che kha!!” thinrim zet hian a rawn ti a. “Severna chuan chiang lo ruai hian, ka tha zan, enge i mamawh?” a lo ti a, A awmna hmasa aia puk lian deuh zawkah a hruai leh ta a, chumi puk chu puk dangin a rawn zawm chuk a, puk luhna kawngka pakhatah severna chu a hruaitu chuan a dintir a, puk kawngkhar chu a han hawng ta a.

Puk chhungah chuan thutthlengah mi pasarih an lo thu a, an hmai chu puanvar bal zet hian an tuam theuh a, chung lo thute zinga pakhat chu severna chuan hmu tawh tlat hian a inhria a, chupa chuan “engatinge i phuar loh? tiin severna a rawn hruaitu chu a lo zawt a. Ani chuan, “a chet dan hi en ta che, a in phuar sa reng alawm” a han ti a. A lo zawttu an hotu niawm bera bawk chuan “zu a in a ni maw?” nuihzat fahran hian a han ti phawt a. Severna hnenah chuan “khawiah nge pawisa chu?” tiin a han zawt leh a, severna chu zu rui intih milen tum an tih ang hian a han ding a, a awm han pho a, buh deuh nuaih hian, “Unau, eng ang mi nge nia min hmuh, in thusawi mai mai te kha awih duhin min ring reng em ni naupang chhia ka nih tawh loh hi” a han ti a.

Amah lo be tu bawk chuan “pawisa i rawn ken loh chuan in pahnih in kan khaihlumdawn che u a ni mai lawm”, a lo ti leh a. Severna chuan lu a han thing a, “ho mai mai, kan ruang engatan nge hman i tum dawn? kan vun te lah chu i hralh thei awm chai si lo, ka thian i man tih pawh chu engtinnge ka hriat tak tak theih ang, midang i lo man reng pawh a ni mahna, ka thianpa i man ngei tih ka hriat chuan ‘Ranch ah lehkha ka va thawn anga, pawisa chu an rawn thawn ve mai ang chu, chu chu a dik zaih ani lawm ni” a han ti a.

Severna ding bu lak lak chu a han en thin a, hmusit tih hriat ngawih ngawih hian amah betu bawk chuan, “Mi aa pakhat pawh kha han hruai leh nghal teh u”, a hote hnenah chuan a han ti a. Minute hnih hnu lekah larrya chu hnungkhirh chungin an rawn hruai lut a, severna rui lutuk tih hriat fahrana lo meng phili fe mai a rawn hmuh chuan mak a ti hle a. Larrya chu a hmuh veleh severna chuan ” larrya chu a nih ngei hi maw? mahse tinge pahnih an nih tlat? a han ti a. A chhanna chu amah bawkin a hre chhuak a, “phir an ni tihna a ni mai lawm, a nih loh vek pawhin pianghmun tal anni ang” tih pahin hmaituam ho chu hlim fe hian a han en kual a, “phir nise nu leh pa hrang nei bawk si chu tun hmain ka la hre ve ngai miah lo, ho mai mai!! ” a han ti leh a. Hmaituam ho chu an lo nui ham ham a, severna chu ven ngun ngai lova an hriat avangin an inthlahdah sawt bawk a, chu chu severna beisei tak a ni zawk a.

Severna chuan “phir chu an hlauhawm a sin mawle tu chu nge tu zawk nge pawh kan hre fumfe thei mang si lova pakhat zawk chu tihbo a tul a ni” tih pahin a puakruk chu phawi a han tum chhin a. Mahse a lo pai ta lo tih chu hrechhuak niawm tak hian “Ka puakruk ka lo hloh daih alawm mawle zia lo reh a…” a han ti leh a.. hmaituam ho chu an lo nui leh chiam a. Severna chu hnung lamah a han petek phei a, din ngil leh tum niawm takin a ban te chu a phar kual vel chiam a, mahse a hnung lama ding puakruk pai lai chu a phawi chhuak thut a, chu chuan hmaituam ho chu a tin ta a. Hmaithuam ho hnenah chuan “Hmai mumal lo ho, ban phar thuai ula a ni mai, phir chu an hlauhawm ka tih daih tawh kha, ka puakruk ken te pawh hi phir an ni tih in hmu lawm ni? a ti ta a.

Tunah zet chuan a rui lo tih a lang chiang ta ngei mai. A chet dan leh a mitmengte pawh chu a danglam vek tawh a, chet pawh che eih lovin a puakruk pahnih chuan chung hote chu a tin ta reng mai a. Anni ho pawh chu eng kawng kawngah emaw chuan an huaisen ve theuh hlawm a, mahse severna chu beih an tum phawt chuan an zinga pakhat tal chu a tlem berah an thi ve ngei ngei dawn tih an hri a, a thi a tan chu an hlau theuh si a, chuvang chuan pariat lai pawh ni mahse ban phar mai chu an thlang ta zawk a.

Chuveleh puakruk pakhat chu severna chuan a kawngah a zep thuai a, mi pakhat chemte pai lai chu a va phawi lawk a, larrya an phuarna hui chu a va zai chah sak ta a. Larrya hnenah chuan an ha hi phawi sak la, “an vai hian hnungkhirh nghal rawh” a han ti zui a. Larrya chu phur fahran in a lo zuang chhuak a, hmaituam ho puakrukte chu chhuatlaiah chuan a paih khawm zel a, mi pakhat hruihrual ken lai chu a han bung thliah thliah a, chung chuan hmaituam ho chu a phuar ta nghauh nghauh ami a, an phuar na hlawm bawk a ni ang an phun nang nang hlawm a.

Severna pawh chuan ama puakruk an laksak chu a han chhar leh zet a, tah chuan amah lo betu ber chu a va pan hnai a, hmaituamna puan chu a va phihthlak sak ta a, “ka rin ang tak i nih chiah hi, Mr. Shadewell lo chhuak teh, kan hruai dawn che a nia,” a han ti a.

Reilote ah severna sakawr dahna huang chu an zuk thleng leh a, severna chu sakawr chungah a chuang nghal a, Larrya pawh chuan huang chhunga sakawr tha ber a thlang a, a chuang ve ta a. Shadewell pawh chu a kut phuarna an phelh sak hnuin sakawr pakhatah an chuantir a, a ke erawh chu sakawr zinah chuan an phuar beh sak tlat a. Severna chuan “roreltu in khaihlumna thu an tih thluk hma a lo thih mai thlang zawk te a nih chuan tlan chhuah tum chhin la ni mai” tiin a han vau a. Shadewell chuan chhan pawh chhang lovin severna a chu rum lutuk hian a melh ringawt a, mahse severna chuan melh ringawt chu a lo ngaisang tehchiam si lo. Hope khaw lam panin kal nghal la, “i muangchan deuh vaih chuan kalkawngah nang han khaihlumna mai tur thing kung remchang fe fe a tam tih hre reng ang che” a han ti leh a.

Larrya leh severna te chuan shadewell a chu an chhawm zel a, larrya chuan “midang rawn hruai tur i hre ngang lovem ni? nge, hming that duh vang hrim hrim in i lo mal kal ve zawk?” a han ti a, Severna chuan amah chauha a lo kal chhan chu sawi fiah pahin, “Lo kal ngam lo tur pawh ka ni hleinem, kan Lal fanu reng a thinrim a sin,” a han ti a. Larrya chuan severna thu sawi chu chhang lovin, “hepa hi engtia tih nge i tum? tiin a zawt a, severna a chuan “sheriff kutah kan pe mai ang chu”, a han ti a. Mahse larrya chuan “a chhuah tir leh nghal mai ang” a lo ti a. Severna a chuan “a chhuah leh nghal ang tih chu ka ring ve tho alawm, chutia a chhuah ngawt chuan Hope khua mi tam takin amah chu an ngeih loh phah dawn a sin” a ti ve thung a,

Kalkawngah harsatna engmah tawk lovin ni tlak hmain Hope khua chu an va thleng a, kawtthler an kal lai chuan an lo hmu duh nasa mai a, tichuan Sheriff Office ah an hruai ta a, sheriff chu a lo chhuak bo lo hlauh a, severna te mi rawn hruai chu a lo hmuh chuan a phu zawk a, ”Engtizia nge ni ta mai?” tiin severna te chu a lo zawt a.

Severna chuan “Larrya an man thu leh amahin a va chhan chhuah thu te, shadewell a a va man dante chu tawi kim takin sheriff chu a han hrilh ve a. Severna thusawi chu shadewell chuan lungawi lo zet hian dawt vek a nih chu a sawi ni. chutiang in nula pawh ka hmu lova hepa pawh hi ka hmuh hmasak ber chuan kan piah saloon a ka awm laia a thianpa hian min vau bet a, chumi hma chuan ka la hmu ngai lo reng reng” tiin tan a lo khawh ve a.

Severna te bulah chuan Barta chu a lo kal ve ta a, sheriff chuan severna thusawi chu Barta bulah chuan a han sawi chhawng leh a, “tah chuan a nih leh lehkha an lo hnutchhiah chu i la kawl em?” tiin barta chuan severna chu a han zawt ta a. Severna chuan “lehkha chu a han entir a, shadewell a chu severna lehkhaa thuziak ang chu a han ziah chhawn tir ve a, kutziak pahnihte chu ngun takin an entawn vel a, a inang lo tawp mai, chuvangin engmah a sawt lo a nih hi tih pahin severna lehkha hmuh chu a ak ta mai a, severna chuan a va hnaih a. Barta hnenah chuan “kha kha ka lehkha hmuh a ni a, ka lo kawl leh ang e”, tiin lehkha chu a dil ta a.

Barta chuan “i lehkha chu a ni teh meuh mai, mahse nakin hnuah hmanrua atan a la tangkai dawn a, chuvangin sheriff hian a kawl tur a ni” a lo ti a. Severna chuan “a duh hunah chuan ka hnen atangin a la leh thei tho ang tunah rih chuan ka kawl dawn” a han ti leh a. Reilo deuh chhung Barta chu a han ngawi rih a, tah chuan lungawi lo tak chungin lehkha chu dawhkanah chuan a theh thla thak a, Severna hnenah chuan “leibat i ngah sawt hle mai, a kimin i la rul ngei ang” a han ti a. Severna chuan dawhkana lehkha chu a chhar a, ama lehkha ngei a ni tih a hriat hnu chuan a ipte ah a ak a, ring zet hian a han nui a, “ka la rul teh meuh ang che, kimchang takin” barta hnenah a han ti phawt a. Sheriff lam chu a hawi leh a, “rukru ho chu man i tum ngam dawn a nih chuan midang pun thuai la, an awmna ah ka va hruai ang che” severna chuan a han ti leh a.

Sheriff chuan, thinrim tak mai hian, “i tanpui ka ngaih hunah chuan ka rawn hriattir mai ang che, tin, i mi rwn hruai hi chu…..” a ti zet a, Barta lam chu a han en leh rih a, ani chuan “lo veng rih la, naktuk zingah Miss Phili chu ka va hmu ang a, he cowboy thusawi hi a dik leh dik loh chu kan la hre mai ang. Lazy M a thawk ho thu reng reng chuti maiin ka awih thei lo a ni” a han ti deuh salh a. Severna chu a ngawi mai mai duh bik lo, Barta hnenah chuan “Ni e, Lazy M enthlatu i dah khan ram hla taka a vahbo san atang che kha chuan tumah i ring thei tawhin ka ring lo reng a ni” a lo ti ve hmiah a. Barta chu a phu deuh zawk a, mahse engtinmah a chhang lo.


Cowboy ho hlim au ri chu a hriat avangin phili chu bathlarah a va chhuak a, kawtlai a Severna leh Larrya te rawn inzui phei chu a va hmu ta mai a, a lawm em avang chuan va tlan chhuah ve nghal mai a tum zet a mahse a han inngaihtuah chiang a, inchhungah a lut leh ta zawk a. Reife hnuah Jonahi chuan chanchin a rawn hrilh ve ta a.

Aside | Posted on by | Tagged , | Leave a comment

Sudden Law of the Lariat (Mizo Version) 9

SUDDEN LAW O’THE LARIAT
CHAPTER-9
Severna chuan mahni maia vah vel a phal tlat loh avangin Phili chu a lungawi teh chiam lova. Mahse Larrya nen ni thum vel an inzui chhuah hnuah chuan pawi a ti tawh lo hle a. An pahnih chuan an la tleirawl dun bawk a, an titi sawi duh zawngte pawh chu a inang hle zel a, sakawr chung chuanga an vah velna ah te pawh chuan an hlim dun hle thrin a.

Sakawr atanga an chhuk apiangin Larrya chuan a rifle chu a keng ve ziah mai a, chu chu Phili chuan tul lo ti niawm tak hian, hlauh tur engmah a awm ka ring lo, mahni pawhin ka him tawk thovin ka ring, i tan a hun khawhral thlak mai mai niin ka hria,” Larrya hnenah chuan a han ti a, Larrya chuan awmze nei deuh fe hian, “Chu, lo kal lo zawk se min tihna em ni?” a lo ti deuh ha a. Chutih lai tak chuan an mit leh mit chu a intawng hlauh a, Phili chuan engtin emaw tak a ti deuh huih hian a inhria a, a biang te chu a lo sen tawn tawn mai a, chutah engmah pawh sawi lovin a sakawr Lakam chu Larrya chuan a rawn man leh ta nghal a.

Phili chu a han hawi vel a, an piah ruam mel khat vela la hlaah chuan sakawr chung chuang paruk te chu a va hmu ve ta a. Chung mite chuan an hmai chu puan varin an tuam theuh a, Phili te chu an rawn hmuh veleh an sakawr chu an lam pan chuan an rawn tlan chak tir sauh a, Phili chuan zam tih hriat tak hian White Masks ho an ni maw? a han ti ha a. Larrya chuan an nih dawn saw, min um tum chiah pawh an lo ni lo maithei a, mahse tlanchhiat thuai chu a tha berin ka ring” a lo ti a. Tichuan an sakawrte chu Ranch in lam panin theihtawpa chak chuan an tlan tir ta nghal a.

An hnung lamah chuan au thawm a hriat avangin Larrya chu a va lehhawi a, hmaituam ho chuan theihtawpa chakin an rawn um zel a ni tih chu a hre ta a. Rei teh chiam pawh an la rawn um hmain hmaituam ho chuan an rawn umpha ngei dawn tih Larrya chuan a hre ta bawk a. A rilru chuan Sakawr an nei tha zawk si a, in chu kan thleng hman dawn lo a nih hi a ti a, mahse Phili hnenah chuan engmah a sawi duh hlek lova. Phili nen chuan a rualin an tlan dun zel a, an sakawr te pawh chu an hah hle tawh a, Larrya chu vawikhat a lehhawi leh a, a hma ai mah khan a umtute chuan an rawn hnaih tawh a, chutih lai chuan silai a han ri ta a. Amah ni lovin Phili chu an duh vanga rawn um anni ang tih larrya chuan a hre reng a.

Silai vawikhat a han ri leh a, chu veleh Larrya sakawr chu mamal lo tak hian a tek kual a, a tlu ngei dawn tih larrya chuan a hriat veleh sakawr atang chuan rang deuh maiin a zuang thla ta nghal a, a sakawr pawh chu a awp rawp a, reilote a han tal kual a, a thi ta nghal mai a. Phili chuan a sakawr chu a han pawt ding a, mangang beidawng tih hriat tak hian, “Larry an rawn kap ang che” a han ti a. Larrya chuan “Ranch lam panin tlan nghal thuai thuai rawh, reilo deuh chhung chu ka lo ti muang thei ang” a han ti a. Mahse Phili chuan “an rawn kap hlum mai ang che’nga sin ka hnung lamah hian lo zuang kai ve mai rawh” a han ti a. Larrya erawh chuan “kan chuan dun zawngin ranch kan thleng zo lovang kei chu engatan mah min ti lo, nangmah a ni an duh che ni. Ranch chu va thlen thuai tum la, tin, Severna hnenah khan theih tawk chuan ka bei ve e – tih han hrilh ang che” a han ti leh a.

Phili chuan hreh tak chungin Larrya chu a tlan san ta a, a tlansan hma chuan “Larry i thil tih hi ka hre reng ang engtikah mah ka theihnghilh ngai lovang” a ti te te a, a tlan ta nghal a. Phili sakawr chua tlan liam veleh larrya chuan a rifle chu a phawi chhuak a, sakawr ruang sirah chuan a han bawk a, a mah rawn umtute sakawr pakhat chu a kapthlu ve pang mai a, chung ho te chu Larrya awmna atanga yds 600 vela hlaah chuan an ding khawm a, Larrya chu vawi hnih zet an rawn kap let ve a. Phili pawh chu um tum awm pawhin an lang tawh lova. Pahnihte chuan Larrya chu an rawn kal hual tum niawm tak hian an sakawr chu Larrya sir tuakah chuan hla fe atangin an rawn hel phei ta a.

Larrya chuan chu chu a hmuhin hnung lam atang mi rawn leh beih an tum a ni maw? a han ti a. Mahse a tan chet sawn leh ngaihna a awm tawh silo, a chhak hnunglam deuhah chuan tlangpawng te tak te hi a awm a, chumi phen atang chuan an rawn bei dawn a ni tih larrya chuan a ring nghal mai a, Mahse engmah tih theih a neih tawh loh avangin mei a han tan kai a, a chunga thil lo thleng tur chu a nghak ta ngawt mai a. Darkar chanve zet a ral hnuin a chhak tlang atang chuan “I Rifle kha paih la, i ban phar thuai rawh,” tih ri Larrya chuan a hre ta a. Larrya chu a ding a, a rifle chu a dah nghal a, a kawnghren pawh chu a phelh a, leiah chuan a han thlauh thla nghal a, mahse ban phar mai lovin mei pakhat a han zial leh rih a, thupetu hnenah chuan “Lo chhuak ta che” a han rin tih ngawt a.

Tlangpang atang chuan hmai tuam pahnih hi an lo chhuak a rifle-a tin reng chungin Larrya chu an rawn pan thla ta a. A hmaa thu rawn petu bawk chuan “Ban phar turin ka hrilh tawh che a ni lawm ni?” a rawn ti leh a. Larrya chuan nui chung hian, “ka lo theihnghilh tawh a ni”, tunah pawh ka la hre chhuak chuang lo, engtinnge i tih tak ang?” a han ti a. Hmaituam pakhat zawk chuan, phun nang nang chungin Larrya rifle leh puakruk paina kawnghren te chu a chhar a, a thianpa chu an sakawr rawn kai turin a han ti a. Chutih lai chuan an thiante pali pawh chu an lo thleng ve a, pahnihte chu sakawr pakhatah an rawn chuang dun a, an zinga hotu ber niawm chu sakawr atang chuan a han chhuk a, tiang hmawrah hian lehkha them a tar a, chu chu leiah chuan a han vit phun a.

A thiltih dan chu mak ti takin Larrya chuan alo en reng a, chu pa hnenah chuan “Ka sakawr thlan lunga thu ziah tur i ngaihtuah te a nih chuan a hming chu ‘Bouncer’ a nia” alo ti fiam a. Chupa chuan Larrya thusawi chu chhan pawh chhang lovin, ‘Sakawr pakhatah khan phuar bet ula, pahkhatin chuanpui nghal rawh u’ a han ti a. Tichuan Larrya chu a sakawr zinah an phuar bet a, pakhat chuan a chuanpui a, Pinnacles ram lam pan chuan an kalpui ta a. Larrya chuan chuti teh chiam chuan hrehawm a ti lo, Phil thusawi hnuhnung ber kha a bengah a la cham reng a, chubakah amah phili chu him takin a tlan chhuak thei tih a hriat avang chuan lawmna tak a nei tlat ani.

Sakawr chau tawh tak mai chunga chuangin Phili chu Ranch in a lo thleng a, Severna leh chutih hun laia Ranch a awmte chu rang deuh maiin an lo tlan khawm thuai a, Phili chuan thil awmdan chu a han hrilh hlawm a, Severna chuan engdang mah sawi lovin, “Sakawr buatsaih thuai ula, in silaite pawh endik nghal rawh u,” Cowboy ho hnenah chuan a han ti a, Phili chuan “Darby Sakawr pakhat min buatsaih sak ve nghal ang che” a lo ti thuai a. Severna chuan Phili chu en reng chungin “I va kal ve chu a tha….” a han ti tan chauh a, mahse Phili chuan “Ka kal ve dawn, ka tan….” a han ti zet a, a sawi zawm theih tak loh avangin a ngawi leh ta mai a, Severna pawh chuan a hnial zawm duh ta bik lova, an vai chuan hmanhmawh takin Larrya te an lo beihna hmun lam pan chuan sakawrin an tlan chhuak nghal a.

Larrya sakawr tlukna bul chu an lo thleng dawn ta a, tah chuan , “Tah hian min lo nghak rih rawh u, min lo chang reng pawh a ni mai thei a, kan vaia a ruala kal vek chu a tha lovang” tiin severna chuan a hote chu a han hrilh a, amah chuan a kal ta mai a. Darby an “Black Barta chu ni na se kan zinga tu emaw ber hi kal hmasa turin min tir ngei ang chu” a tih ri Phili chuan a han hria a. chutih lai chuan Darbya thusawi vang chuan cowboy ho chu an lo nui a, an thusawi chu dik thawkhat hlein a hre ve a. Severna chuan duh se chuan a hote zinga tu emaw ber hi kal hmasa turin a tir thei reng tih pawh a hre ve vek a, mahse tumah tir lovin amah ngeiin hlauhawm chu ava tawn dawn avangin severna a ngaihsan phah ve hle a. Mahse chutih lai chuan a rilruah thil dang a lo lut leh a, Bartholomewa’n a lo hrilh tawh thin avangin Severna tan chuan hlauhawm engmah a awm lo tur leh ama thiante zinga va kal tur ang leka ngaihna Phili chuan a han nei leh a, chutiang lam hlir a ngaihtuah lai chuan Severna chu a lo kir leh ta mai a.

Severna chuan Larrya sakawr ruang chu ka va hmu a, mahse a zin leh a lakam te chu a awm tawh lo, Larrya pawh ka va hmu bawk hek lo, he lehkha chiah hi ka thil va hmuh chu a ni mai a rawn ti a. Lehkha chu a han chhiar nghal a, heti hian a lo inziak a.
“Severn i thian chu kan kutah a aw, nungdama hmuh leh i duh chuan naktuk chhun lai velah Skull Canyon ah lokal la, Dollar 2000 rawn keng bawk ang che, I lokal lohin emaw min tihder tumna rilru i put vaih chuan Larry hi khaihlum a ni nghal ang”

The Mask.

Chu thu inziakna chu pawisa lam chhinchhiahna bu atanga pawhthlak niawm tak hian a phek zat leh number te a inziak tel nual a, lehkha a han chhiar zawh chuan Phili leh Cowboy ho chu an lo thinrim em em mai a, an lo phun nang nang hlawm a. Severna chuan lehkha chu ngun fe hian a han en a, Ignacio ipte atanga a lehkha phawrh nen khan inang hlein a hria a. Tichuan, hreh tak chungin Cowboy te chu Ranch in lam a kir leh turin thu a han pe a. Chu veleh Phili chuan “Engmah tih i tum nange? thi mai tura kalsan ngawt chu em ni i tum,” a lo ti ta a. Severna chuan “tunah rih chuan tih theih engmah kan nei lo, an hnuhma va chhui thei tehreng pawh ni ila, min lo leh chan ang a, a pawi thui mai mai zawk ang, kan um zui mai thei tihte chu an ngaihtuah hlawm ve ngei awm si a,” a han ti a.

Phili chuan thinrim tih hriat tak hian severna chu a en reng a, a hnenah chuan “Dawihzep vang ni berin ka hria, kan mite hi i hruai ngam lo a nih chuan keiman ka hruai mai ang,” a han ti tau deuh hmak a. Severna chuan chhan pawh chhang lovin cowboy ho chu a han en kual a, anni pawh chuan Phili chu zui an tum lo tih an chet dan atang chuan an hriat theih nghal mai a. chutia ngawih reng lai chuan, “Miss Phil, kan foreman thusawi chu a dik a ni, sawt lovah kan inngaihtuah hah mai mai dawn niin a a lang, kan va hmuh theih chiah chu ka ring lo tawp a, mahse lo va hmu palh ta hlauh pawh ni ila. Larrya chu rang lutukin an khaihlum nghal mai thei asin, kan tan chet ngaihna a awm rihlo a ni berin ka hria,” Darby a chuan a lo ti ve ta a.

Phili chuan cowboy ho chu hmusit awm tak mai hian a han enkual leh te te a, tah chuan a sakawr chu a pawt her salh a, Ranch in lam pan chuan a tlan tir leh ta nghal a. An hawng kawngah te chuan Larrya hlir chu Phili chuan a ngaihtuah a, a tan nun a han pek ngam dante chu mak ti tak leh lawm rilru tak chung si chuan a ngaihtuah zawm zel a. Ranch an thlen hnuah pawh chumi zan chuan a rilru a chawl tak tak thei chuang lova, a mutna ah te pawh Larrya hlir chu a ngaihtuah zui zel a.

A tuk khua a lo var a, Phili chu pawnah a va chhuak a, Severna chuan amah chu hmuh tumin a lo nghak reng tawh a. Phili chu pawisa pek pahin a hnenah chuan “Hei hi bawng ka hralhna pawisa la awm chu a ni a, cowboy ho hlawh leh thildang mamawhte chu ka pe chhuak vek tawh a, a bang hi chu him takin lo kawl la a tha ang,” a han ti a.
Phili chuan “Engatinge pawisa hi min pek?” a han ti a. Severna chuan kalna tur ka neih kha i theihnghilh ta mai em ni? a han ti ve thung a, Phili chuan makti awm takin, “Skull Canyon ah chuan va kal i tum a ni maw? Chu tite a nih phei chuan pawisa i va mamawh awm ve? a han ti leh a. Severna chuan “va kal ngei chu ka tum a, mahse pawisa chu ken ka tum lo. Naupang chhia ka ni tawh hleinem” a tihsan mai a. Phili chuan “chuti te a nih si chuan enge va tih i tum reng reng? a han ti leh hram a. Severna chuan “Ka hre bik lo, thil awmdan in a zir zel ang chu” a ti mai a.

Chutia a han sawi zawngte pawh chuan hlim awm tak hmel hi a pu tlat reng a, a va kalna tur hlauhawm zia te chu a hai bik pawh a ni bawk si lova, chutiang thil te a han ngaihtuah lai chuan severna a lo rinhlehna chu Phili rilruah chuan a lo lang thar leh a. “Tih leh, i tan chuan hlauh tur teh chiam a awm ve lo pawh a ni ang chu, an zingah chuan thiante pawh i lo nei ve reng mai thei asin,” deusawh tak hian severna hnenah chuan a han ti leh kher a.

Chutah zet zawng hun reilote chhung severna chuan a insum theihna a hloh ve a, rum lutuk a meng chungin Phili hnenah chuan, “Hmeichhia, ngun takin lo ngaithla te, Pathianin i koki ah khan lu duhawm tak a rawn dah sak che a, a chhungah pawh chuan thluak a dah ngeiin a rinawm – chu chu hmang ve tawh rawh,” a ti ta khawl mai a. Thudang engmah pawh sawi leh tawh lovin pawnah a chhuak a, a sakawrah a zuangkai a, Ranch atang chuan a tlan chhuak ta nghal a.

Phili chuan makti rilru tak chungin severna liam tur chu a enzui reng a, tah chuan chau lutuk niawm takin thutthlengah a thu hnawk a, bang lam chu a en ta reng mai a, tun hmaa a la hriat ngai loh, tawn pawh a la tawn ngai chiah loh chu a lo tawng ta a. Chumi ni chuan a hma lam kawtchhuah chu a khat tawkin a thlir reng a, a thlir chhan a han ngaihtuah chiah pawh chuan Larrya vang a ni tih chu a hre reng a.

Aside | Posted on by | Tagged , | Leave a comment