Bangladesh aṭangin sawhthing tlemte lei dawn

Mizoram Agriculture Marketing Solution (MAMSOL) Chairman Pi T. Lalmuanpuii chu Mizoram-a loneitute thar chhuah Sawhthing hralhna tur buaipuiin tunhnai khan Bangladesh-ah kalin, Bangladesh sumdawng lian SHAMS Enterprise nen sawhthing in leisak turin thuthlung an ziak a.

Pi T. Lalmuanpuii hian SHAMS enterprise hnen atang hian sawhthing quintal 1000 Leina tur order a rawn hawn a ni. T. Lalmuanpuii chuan sawhthing te chu december thla tir atangin loneitute hnen atangin lei tan an tum thu sawiin, kuthnathawktute’n Krismas bazar na tur an neih ngei theih na’n Krismas hmain a tam thei ang ber sawhthing lei an tum thu a sawi a. Fund awmsa a nih vangin sawhthing leina hi ba a awm dawn lo niin a sawi.

MAMSOL chairman chuan sawhthing an leina tur rate erawh an la duang fel lo niin a sawi a, hetih rual hian loneitute tana na lo takin lei an tum niin a sawi a. Nikum lamah sawhthing an lo lei sak tawh aiin a rate a sang zawk dawn niin a sawi a, loneitute lawmna an thlen ngei a beisei thu a sawi.

Tun tumah hian sawhthing chauh Bangladesh lamah hian thawn chhuah tur ni mahse thlai thar chhuah dangte pawh Bangladesh lam sumdawng ten an lei theih nan hian hmalak mek a nih thu Pi T. Lalmuanpuii chuan a sawi a. Loneitute’n an thlai thar chhuah rate tha taka hralhna an hre thin lo chu tun hnu ah erawh thlen tir tawh loh an tum thu leh loneitute’n tun aia nasa zawka hlawkna an hmuh zel theih nan MAMSOL in tan a lak reng thu a sawi.

Pi T.LalMuanpuii hian Hatkora kawr tla mai mai pawh hralh sum chang thei tura an buaipui mek thu sawiin, UK lama sumdawng te nen pawh Hatkora kawr in lei sak tur hian inbiakna an neih tawh thu a sawi a. Hatkora chingtute’n a tih ngaihna an hriat loh hnawmhnawk chang mai mai chu sum hnar tha takah chantir an tum hle a, an tumna chu a hlawhtlin ngei a beisei thu a sawi bawk.

       • Sawhthing 1000 qtl hi in 20 thar lek a niang.

Advertisements
Posted in Zoram History | Tagged , | Leave a comment

ARGENTINA TUIHNUAI LAWNG (SUBMARINE) MI 44 PHUR A BO

November 15, 2017 Nilaini atanga a chin hriat loh, Argentina military submarine-tuihnuai lawng mi 44 phur chu a chanchin hriat zui a la ni lo. Satellite atanga kohna vawi 7 pawh ala chhang thei lo. US, UK leh Chile ram pawhin an zawn pui mek.

He submarine-San Juan hi Argentina Navy ten tuihnuai lawng3 an neih zinga pakhat a ni. Chubut province atanga San Jorge Bay tuipui a awm laiin biak pawh theih a ni lo. Ni 10 kalta khan Argentina chhim lam Ushuai Naval Base atangin Mar del Plata, Beunos Aires atanga 400km a kal tur a ni. Navy te chuan kangmei chhuaka rinna chu an ring ve lo a ni. He San Juan submarine hian ei tur leh boruak a mamawh tawk a nei, an ti.

Mauricio Macri, Agrentinian President chuan, ram pum huap leh international community te min tanpui turin kan sawm a; theih tawp kan chhuah mek a ni, a ti.

He diesel-powered,meters 66 a sei San Juan submarine hi Class TR-1700 chi niin, Germany atanga kum 1985 a an lei niin, 2007 leh 2014 khan uluk taka endik a ni. Crew member 44 zingah Argentina hmeichhe submarine officer hmasa ber Eliana Krawzycle (35) a tel a ni.

He submarine bo zawng turin US chuan Navy Boeing P-8 thlawhna a thawh a, UK pawhin Falkland bula awm thlawhna lian Hercules a tirchhuak bawk

Author : C.T. Lalrinawma

Posted in World News | Tagged , | Leave a comment

FORENSIC FILES (39): BODY OF EVIDENCE by Bruce Kibby

         Kum 1978, June Ni 21 khan kum 22 a upa Karla Brown-i chu a chenna In, inhnuai pindanah rawng taka thah a ni. A lan dan chuan tualthattu chuan pawi khawihna chhui chhuah thei loh (perfect crime) a siam ta emaw tih mai tur hi a ni a. Police te lah chuan evidence tlem te bak an la khawm thei si lo. Mahse, kum eng emaw zah a vei leh hnuin Investigator te chuan a tira an lo hmuh hmaih, pawi khawihna thlenna hmuna thla an lak ah chuan thil hmuh an nei thar ta.  An chhui chhuah theihna turin tualthattu chuan hnuhma a lo hnutchhiah reng mai a ni !.

            Kum 22 a upa Karla Brown leh a pasal hual Mark Heart te chuan Wood River, Illinois ah In an lei thar ve hlim hlawl a. Hemi te pahnih hi tun hma lamin inkawp rem takin awm chiah loh mahse an thian te leh chhung te chuan in thar an han lei ta chu inlaichinna thar siam nana bul an tanna niin an ngai a ni. Karla Brown hi hmeichhe naupang duhawm tak atangin nula hmel tha taka a rawn thang chho a; Wood River velah chuan hriat pawh a hlawh hle reng a ni. High School ah Cheerleader ah te tangin College a han kai chho a, mitin hriat a hlawh a. Mipa leh hmeichhia te ngainat rawn pawh a hlawh hle reng a ni. Mi bik tak a ni tih chu tu mai pawhin an hria. Tichuan, he thil thlen lai hian Southern Illinios a, University Edwardsville ah a kal mek a ni.

              June ni 21 ni khan Karlai chuan an bungrua te rem fela insingsak a duh vangin a hna atangin chawlh a la a. A thian te zinga pakhat Jamie Hale chu zing dar 9:30 ah phone-in a bia a. Minute rei vak lo inbiain chumi ni chawhnu lama inhmuh khawm chungchang vel an sawi a. Chutia an inbiak mawlh mawlh lai chuan Door Bell lo ri chuan an inbiakna chu rawn pawt chatin Clara chuan, “Tu emaw in kawngka a rawn kik tlat mai, Ka va en lawk ang e aw. Ka rawn be leh thuai dawn che nia” tiin phone chu a dah ta a. Chu chu a thian ten an biak hnu hnun ber chu a ni ta. Tlai dar 2:30 vela Jamie Halei’n Karlai biak tuma a va call chuan chhanna a dawng lo, a reh hmak mai a ni.

image

                Chumi ni chawhnu dar 5: 30 vel chuan Karlai pasal hual Mark Fair leh a thianpa te chu an in ah chuan an lo peng kawi zawk a. Markan Inhnuai pindan a han luh chuan thil rapthlak zet mai a hmu ta. Karlai chu ruak deuh thawin inhnuai, insukna pindana barrel chhunga tui awmah chuan a lu lam tuia inchiahin lo kun chu a va hmu ta a ni. A kut chu extension cord, a hmawr tan chhum hmanga hnung khirh a ni a. Basement ah chuan inchaina hnuhma a awm bawk. A taksa khawng vek tawh chu a kawng chinah inthlepin a lu lam chu barrel chhungah a inhnim phum a. Karla nghawngah chuan fel at hian mipa mawza pahnih suihzawm hmangin a in thlung a, a nghawng inzemna lai ah chuan duk a awm bawk. Chung mawza te chu inchung zawka a pasak hual pawhdawh a mi te an ni. Mawza dang te chu pindan lehlam maia sofa hnuaiah an hmu bawk. Sofa hnuai ah chuan no ah tui a awm a, thisen a kai nual bawk. Sofa cushion chu a huh tlang a, sofa bul lawk chhuatah chuan thisen far a awm bawk. Inchhun karah chuan choka a mi coffee hunna bel a lo awm a, Homicide Investigator te chuan chu coffee hunna bel chu sofa cushion a thisen kai te tihfai nana hman a nih an ring a ni. Karla chuan sofa bulah bei a tawk ni ngeiin a lang a, tichuan a piah maia roomah chuan lak sawn a ni a, barrel chhunga tui awmah chuan hnim a ni ta a ni. Hnuhma atanga a lan dan chuan Pawngsualna a thleng ngei niin a rin theih a. Mahse investigatorte thil hmuh then khat chuan a ngaihna hre lovin a siam hlawm a ni. Karlai nghawnga mawza insuih dan chu dam khawchhuah tuma țan khawhna awm dan thin nen a inphaman zan lo a ni. A chalah kak thuk tak a awm a, a hnar a kak a, a khabe pawh a kak bawk. Tin,  pawngsual tura duh ang thala chet lak theih nana kut hnungkhirh nana hman electric hrui chu dah ang thalin a mar tha tawk lo va. Dul taka phuar niin a kut phuar a nih chung pawhin a taksa hma lamah a kut chu a dah thei a ni. A lan dan chuan chutianga dul taka phuara a kut te eng emaw chen hmang thei a awm chu amah lo beitu nen chuan an inpawh viau te pawh a ni thei a ni. A kawng chin hnuai lam ruaka awm siin kawrlum a ha a. A pasal hual sawi dan chuan chu kawrlum chu nipui ah a ha ngai lo va, thlasika thiante nen punkhawmna nikhua ah bak a ha ngai lo a ni. Kawrkilh chung ber thlengin a inkilh a, kawrkilh chung ber thlenga han kilh mai chu dam khawchhuah tuma tan khawhna nen a inmil lo mai bakah tih dan phung ni lo leh thil inmil lo chu a ni ta phawt mai.

image

                Pawi khawihna hmuna hmunhma awm dan atang chuan pawi khawihtu chuan tual a thah hnuin chu lai hmunah chuan hun tam tak a la khawhral ngei niin investigator te chuan an hria a. A pasal hual chuan tualthahna thlen ni khan Karla Brown chu amah chauhin inah a awm tih chiang takin a hria a. Tualthahna thlen ni khan “Karla Browni chu mahni chauhin inah a awm” tih tu nge lo hria? Chutiang taka hun tam khawhrala hnuhma tifaiin pawi khawihna hmunhma siam chawp thei tur khawp a hunawl nei ta mai chu tu chu nge maw ni teh reng le?. Police te chuan Karlai pasal hual chu ngun taka zir chiangin hnu chhui hna chu an tan ta.

          Karla Browni Autopsy Report chuan rehhlum ngei a ni tih a rawn tarlang a.   A kawng chin hnuai lam ruakin a awm nachungin pawngsual na hnuhma erawh an hmu hauh lo. Investigator te chuan tual a thah hnuin tuathattu chuan tualthahna hmun sawngbawla siam danglam nan chu Inah chuan hun rei tawk tak a la awm khawmuang a ni tih an ring a ni.

              Connie Dykstra, Karla laizawnnu chuan, “Kum eng emaw zah an lo(Karla & John) inzui tawh nachungin Mark hi ka hre chiang lutuk lo va. Inthen-inkawp deuh reng an ni a. An inkar boruak a that vak loh chang te pawh a awm ve thin a ni. Mahse, tichung chuan Karla hian a atchilh bur niin a lang. ” tiin Marka leh a laizawn Karlai te chanchin a hriat chin chu Police te bulah a sawi a.

image

                Police te chuan Karla leh a pasal hual ten In thara an insuan luh ni a an thenawma mi pahnih, kawta lo thu te chu thu an zawt fiah bawk a. In thara an insawn tum chuan mi pahnih zinga pakhat chuan Karla chu a hming hmerha rawn ko in John Prante a nih thu leh school an kal dun thu sawiin amah chu a la hria em tiin a lo zawt a. Karla pawh chuan tha taka biain a dam tha em tiin a zawt let ve nghe nghe a ni. Chung mi pahnih te chuan tual thahna thlen ni in hmun dangah awm angin an insawi a. Anmahni remtihna ngeiin Lie Detector Test pawh an ti a, an paltlang ngei bawk. Hnu han chhui zui mai -a tur a awm loh avangin Police te chuan chu tualthattu Psychological Profile tihsak turin FBI Behaviour Analyst, John Douglas a chu an pun ta a ni.

              John Douglasa thil chhui dan hmangah chuan a bul a tan nan pawi khawihna chu mumal lo (Disorganise) leh mumal (Organise) in a then a. Disorganise Crime chu hnuhma pherh tak, pawi khawihtu chu a inthlahdah viau ang a, thil ti buan buan ang maiin pawi khawihna hnuhma chu a awm rem rum mai thin a ni. Organise Crime ah thung chuan thil sual titu chuan a thil sual tih tur chu a chiang hle ang a,  mumal taka remruatin hnuhma pawh a tlem thei ang berin a hnutchhiah thung a ni. Douglas ngaihdan chuan pawi khawihna thlenna hmun (crime scene) chu Disorganise niin a hria a. Chu chuan tual thattu chu pawi khawihna chungchangah tawnhriat la nei lo leh a hmain tual la that lo niin a lang. Chu inah chuan tual thah tumna neiin a lut lo va, mahse, eng emaw vanga inchai buaina emaw inhnawlna vang emaw in tual a that ta a ni thei tihna a ni. Bakah inchhunga hun rei tak a hman avangin Douglasa chuan tual thattu chuan ami thah tak leh ami thah hun hman dan a hre bel hle ang tih a ring a. Chung lai thenawm hnaiah a cheng a nih loh pawhin hnai vai takah a chen a ring a ni. Douglas sawi dan chuan tual thattu chu mingo, nupui la nei lo, kum 25 atanga kum 30 inkar vel, High School chhuak leh che hnawk tak niin a ring a. Kut hnungkhirh nana electrict hrui a hman avangin tualthattu chu thiam thil lo inzir sil tawh emaw chutiang lam hawi inzirna a nei a ni ngei ang. Douglasa chuan Investigator te hnenah chuan chu tual thattu chu thu an lo zawt fiah tawh pawh a ni thei a, Polygraph Test te pawh a paltlang thei a ni tiin a hrilh bawk a ni. Chutiang thu a han hriat chuan Alva W. Bush, Crime Scene Techician chu a phu zuk mai; Douglasa thusawi chu a ring lo hial zawk a. Douglas a chuan tualthattu in a lo dawnsawn dan tur leh eng motor nge a khalh ang tih te a sawi lang bawk a. Tualthattu chuan Wolkswagen a khalh mai thei a ni tih te leh a sen emaw serthlum rawng emaw a ni theih thu thlengin a sawi a ni. Douglasa Profile sawilawkna eng atangin Karla Brown leh a pasal hual te insuan luh nia pawn lera lo thu mipa pahnih te chu Detective te chuan an thlur bing thar leh ta. Mahse, Detective te chuan Psychological Profile bak eng emaw finfiahna dang mamawh an la nei; evidence fumfe tak an mamawh a ni.

image

               Karla Brown tualthina chuan Alva W. Bush, Crime Scene Techician rilru chu a tibuai tak zet a. Amah leh a thawhpui te chuan Karlai hmai leh khabe a hliam awm te chu eng hmarua hmanga siam  nge tih an sawi fiah thei tlat lo. Vawi khat chu Alva W. Bush a chu University of New Maxico a Imaging Enhancement Seminar a va chhim a. Chu Seminar a telna atangin an Case a hnuchhuinaah hmasawnna hmasa ber chu an hmu ta. Hemi tuma Seminar-ah hian Dr. Homer Campell, Forensic Odontologist chu thusawitu a ni a. Ani hi New Maxico State tana Medical Investigator a thawk lai mek a ni. Dr. Campbell chuan  Photograph Technique pakhat; pawi khawihna hmuna thlalak (Crime Scene Photograph) te mit lawnga hmuh mai thei loh te; camera, monitor leh computer hmanga kimchang taka enfiah thei a siam dan a sawifiah a. He tihdan hmang Technique hi Engineer leh Archeologist ten kum eng emaw zah liam ta atanga an hnathawh kaihhnawiha an lo hman tawh thin a ni. Seminar zawh chuan Bush-a chuan Dr. Campbell hnenah chuan Karlai Case chungchang chu a hrilh ta a. Dr. Campbell hnenah chuan, “I tan case ka nei a. Karla case chungchang a nia, Karlai hmaia hliam thlentu hmanrua kan finfiah thei ngang lo a ni.” tiin Karla hmai a hliam thlentu hmanrua an finfiah thei lo thu chu a hrilh ta a ni. Dr. Campbella chuan, “Khawngaihin thlalak te chu min lo thawn ta che. Autopsy Report pawh i lo thawn tel dawn nia” tiin thlalak thawn turin a hrilh ta a. A chah ang ngeiin Thlalak leh Autopsy Report te chu  Dr. Cambell a hnenah chuan a va thawn ta a.

image

              Dr. Campbella chuan pawi khawihna hmuna Karla Brown thlalak te chu Image Enhancement Equipment hmangin uluk takin a han en a. A hmanrua hman chuan thlalak a contrast awm te a hma aia fiah zawkin a siam thei mai bakah three dimensional views (kil thum atanga thlir theihin) pawh a siam thei bawk a. Chu chuan thlalak chu chipchiar zawka en theihin a siam a ni. Chutianga uluk taka a han en chuan eng hmarua in nge Karla hmai ah chuan hliam lo siam tih chu a hre thei ta. Douglas a hnen ah chuan “TV huna chu Karlai vuak nana hman a ni thei a ni” tiin a hrilh ta a. TV hunna dawhkan chu Karla thah a nih lai khan sofa atanga feet 3 leka hlaa a awm a. Douglasa chuan pawi khawihna hmun a enfiah lai khan a lo hmuh hmaih a ni. TV hunna dawhkan chu tual thahna thlen atanga kum hnih liam hnu pawhin khawi chet lovin bungraw dahna ah a la awm reng a. Tichuan TV dawhkan chu an han enfiah ta a. Vanneih thlak takin Douglasa chuan chu TV hunna ah chuan sam them leh thisen sinte lo la bet reng mai te chu a hmu a ni.
                Dr. Campbella chuan,” Insehna ha hnu hi engtin nge in tih tak” tiin Douglasa chu azawt a. Douglasa chuan hrethiam lo zet hian,”Eng insehna hnu nge i sawi a?” tiin a zawt let a. Dr. Campbell chuan thlalak chu a han tilian a, uluk taka a han en chuan Karlai koki/dara insehna ha hniak lo lang chu a hmuh theih a ni. Chu hliam chu han en pawhin mihring ha hniak a ni tih chiang takin a lang a. Tichuan an rin loh deuh maiin tualthattu chuan hnu han chhui dawn theihna tur hnuhma a lo hnut chhiah reng mai a ni. Investigator te mamawh awm chhun chu “Rinhlelh” neih chauh a ni ta.
             Kum 22 a upa Karla Browni rawng taka thah a nih atanga kum 2 na ah chuan Phographic Enhancement hmanga Karlai dar a insehna ha hnu an hmuh chhuah atangin Investigator ten hnuchhuina kawnga an mamawh em em “Evidence” chu an nei ta. Tichuan Karla-i ten in thara an insuan luh ni a an thenawm In kawta lo thu, mipa pahnih te chu Police te chuan an ngaihven leh ta a. Chumi te pahnih khawsak zia leh FBI ten tualthattu Behavioural Profile an sawi te chuan inmilna tam tak an nei a ni. Police te chuan tualthahna thlen ni a an awmna chin chu an han chhui nawn leh ta a. An pahnihin Polygraph Test an paltlang nachungin Police te chuan John Prante-an midang hnena tualthahna chungchang kimchang takin a sawi a ni tih an hre chhuak a. John Prante a chuan a thian te hnenah tualthahna thlen ni khan Karlai ruang kha a hmu thu a sawi a, inhnuai pindan a Police ten hnuhma an enfiah lai khan Police thenkhat hnunglam atanga lo hmu angin a insawi a ni. Tichuan, Karlai ruang awm dan te a sawi fiah a, Karlai nghawng leh khingkhangruh vela insehna vanga ha hnu awm thu lamin a sawi thlap a ni. Karlai ruang hmuh chhuah a nihin kha In, a ruang bula khan Police te chauh an awm a ni. Chu tianga chipchiar taka Karlai ruang awm dan a sawi thei mai chu Police te chuan mak an ti tak zet a ni. Chung a thil sawi te chu amah ngeiin a tih a ni loh chuan a hriat ve thei ngawtna chhan tur a awm lo va. Karlai ruang awmna leh ruang an hmuh chhuah dan thlengin a sawi thei a. Chutiang zawng zawng a hriat theihna awm chhun chu Investigation ah a inhnamhnawih emaw, a ni loh pawhin amah ngeiin ruang kha an hmuhna ah khan a dah emaw, amah chu tualthattu emaw a nih a ngai a ni. Achhan chu Police te khan vantlang zingah emaw media te hnenah emaw thil thlen dan kimchang tak an puangzar tlat lo a ni. Police te an rawn thlen khan pawi khawihna hmun kha tlawhpawh thei lovin an siam nghal a, Marka leh Thomas Feigenbaum, medical lam leh dan kengkawhtu then khat bak pawi khawihna hmunah khan awm an awm lo a ni.
           Autopsy hmasa khan insehna hnu te kha hmuhmaih a nih vangin Investigator te chuan tun tumah chuan hmuh hmaih nei reng an tum tawh lo. Tichuan June ni 2, 1982 chuan Autopsy vawi hnihna ti leh turin Karlai ruang chu an phawrh ta. Hemi tuma Autopsy hi Marry Case, Chief Medical Examiner, St Louise County in a buaipui ta a. A sawi dan chuan Autopsy hmasa ah khan inrehna vanga nghawnga val hmuh a ni a. A taksa endik a ni a, chhan eng emaw vangin a lu erawh enfiah a ni lo thung. Chuvang chuan Dr. Casei chuan luru inchuktuahna lai granial cavity chu endikin a han hawng ta a. A luah chuan hmun thumah hmanraw bil chi hmanga na tawk taka vuak emaw chhutna vanga duk a awm a. A tukkhum ah chuan ruh keh khawpa chhutna hnuhma a hmu bawk. A awmzia chu Karlai lu ah chuan tu emawin na takin a vua tihna a ni. Zawhna awm ta chu, “A lu a vuakna vangin nikhaw hre lovin a awm ang em?” tih hi a ni. Dr. Casei ngaihdan chuan Karlai kha Barrel a tui awm chhunga dah a nih khan a la dam mai thei a ni, achhan chu a ruang hmuh a nih lai khan a ka leh hnar velah thil phuan (puarpawleng) hmuh a ni. Tui chhunga a lu inhnim vang khan a ka leh hnar atangin thil phuan a ti chhuak a, tui a hak ngei ang a, a nghawnga reh nimahse a la thaw feih feih pawh a ni thei niin a sawi a. Tui tlem a zawng chu a hip luh ngei pawh a ring a ni.
            Autopsy neih a nih lai chuan insehna hnu ni ngeia ngaih thlalak tam fe lak belhin awn lam nei lova enfiah a tan New York State Police, Forensic Unit hnenah an thawn ta a. Prosecutor te chuan Karlai khingkhangruh a hnu awm chu insehna hmuamhma ngei a ni tih chian an duh a ni. An ngaihdan chuan khingkhangruh a hmuamhma awm chu insehna ngei niin an ngai a. Mahse, mithiamte ngaihdan leh thuthlukna an mamawh a ni.
             Insehna hmuamhma leh prosecutor ten halem chi hrang pathum enfiah tura an thawn te nena khaikhin turin Dr. Lowell Levine, D.S.S, Forensic Odontologist chu an ngen ta a. Doctor chuan chung ha lem pathum te chu tu ha ber nge tih a hre hauh lo. Chung halem pathum te chu khawihnunah an thla a han nem kai a, khingkhangruh a ha hniak nen chuan uluk takin a khaikhin ta a ni. Halem a ha len lam tehin thlalak a ha len lam a teh nen a han khaikhin leh thin a. Halem pathum zinga pahnih te leh insehna hmuamhma te chu an inmil lo va. Tichuan halem pathumna a ha te chu a mal te tein a han enfiah a, Karlai nghawnga insehna hnu thlalak a dawn a mi nen chuan uluk takin a han enmil leh a. Tichuan, halem pathumna ngei chu Karla nghawnga seh tu ha chu a ni tiin ngaihdan a siam ta a ni. A tawpah chuan halem te chu dawhkanah dahin a pathumna chu kawkin, “He pa hi in miduh a chu a ni e” tiin Police te chu a hrilh ta a. Ha lem pathumna chu John Prantea ha ngei mai a lo ni a. Mak tak maiin John Douglas an Psychological Profile a sawi leh John Prantea mizia chu an inmil thlap bawk. Kum 30 ral kai tep, hmeichhia te nen inlaichin kawnga harsatna nei, Industrial Art School ah lo zir tawh leh in chei țawp deuh mai a ni a. Prantea chu chung lai chenna hnaivai ah chuan hun tam tak a hmang thin a, Karla Browni thenawm chiaha awm a thianpa a tlawh fo thin bawk. John Douglas-an a lo sawi lawk ang ngeiin John Pantea chuan a hmain Polygraph Test pawh a lo paltlang tawh ngei a ni kha. Douglas an Profile a sawi lawk zinga mak ber chu tualthattu chuan Wolkswagen sen a khalh ang tia a lo sawi kha a ni. A sawi lawk ang ngeiin Prantea chuan Wolkswagen sen a lo nei teh tlat a.

               Prosecutor te rin dan chuan Karla pasal hualin hnathawk tura in a chhuahsan ve leh khan John Prante chuan Karla te in chu a va pan a, kawngka chu a kik ta a. A kawngka kik hun tak chu Karlain phonea a thiannu a biak lai tak kha a ni a. Karlai chuan an kawngka lo kiktu chu a va chhawn a, John Partea a ni tih a hriat chuan eng e a duh tia zawtin inthiarfihlim turin a ngen ta a. Chhuanlam eng eng emaw siamin Karla i chu be buaiin a hnaih hrut hrut a. Hurherh rawng kaia Johna chetlak tumna chu Karlain a lo hnar fithla a, chu chu inchainain a zui chho ta a ni. Tichuan, Johna chuan tharum hmangin Karlai chu inhnuai pindan lamah chuan a nawr thla a. Karlain theih tawpin tan lo khawhin tlawm mai a tum bik lo. Chutia an inchai buai lai chuan Karlai khingkhangruh ah chuan a seh sak a, TV dawhkan chuan Karlai chu a hem ta a. Karlai chu nikhua hre lovin a tlu ta. Tichuan pawngsualna thleng anga a lantir theih nan pawi khawihna hnu hma lem a siam chawp ta a ni. Karlai thawmhnaw chu a hlihsak a, kawr lum haktirin kawrkilh chung ber thlengin a kilh sak a, mahse, chu chu a thil tihsual tak  “pawi khawihna lan tir chawp mai a ni tih hriatna hmasa ber” chu a ni ta. Electric hrui hmangin Karla kut chu dul taka khirh sakin a nghawngah mawza a zem bawk a. Tichuan, tui ah a hnim ta a ni; chutilai chuan Karlai chu nikhua a hre lo pawh a ni thei, mahse a la dam ngei a ni.
           Johna chuan choka a Coffee hunna bel hmangin tui a la a, sofa a Karlai thisen kai chu a silfai a. Coffee bel chu sofa chung chiah a inchhunah chuan a dah ta a ni. Kha tualthahna thlen ni a Karlai thawmhnaw hak erawh hmuh chhuah lovin a awm hlen ta a. Prante khan a hlawhtlinna chhinchhiah nan a la bo ta te pawh a ni mahna.
              1983 July thla khan John Prantea chu First Degree Murder a puh niin a thubuai ngaihtuah a ni a. Thubuai ngaihtuah a nih lai hian Prantea bialnu hlui chuan roreltute hmaa chhechhama a sawi dan chuan mipat hmeichhiatna an hman laiin Prante an a dar a seh sak thin thu a sawi a. Chumai ni lovin nupakhat a thah thu pawh a a hrilh niin a sawi a ni a.
John Prantea chu thiam loh chantir a ni ta. Kum 75 chhung lung in tang tura hremna pek a ni. Kum 5 chhung zet an lo nghah hnuin atawpah chuan Karlai chhungte chu an hahchawl ve thei dawn ta.
            Karla Brown laizawn chuan, “Mi duhawm tak nunna a (Prante) laksak a ni tih hi ka hrilh duh. Karlai kha chhungkua ngaihsak leh chhungkaw tanna thil tam tak ti thin a ni a. Midang nunna zahpah nei lova pawnchhe hnang khai tluk maia a ngai mai hi mahni hma a sial ka ti tak zet a ni.” tiin Karla thihna vanga an tawrhna te a sawi a. John Prantea chu Technique leh Dan kengkawhtuten an fin khalh vang liau liau va man a ni. Atira man a ni mai lo kha a vanneihna a ni a, dan kengkawhtuten chu a vanneihna chu van duainaah an chantir ta a ni. He tualthahna behchhan hian Don Webber leh Charles Bosworth ten “SILENT WITNESS” tih ziakin Best Selling Book a ni pha hial a ni. Karlai chhungte chuan ha hnu hmanga tualthahna chhuichhuah a ni ta mai chu mak an ti tak zet a. A laizawnnu chuan puan thui par siamin Don Webber hnenah chuan nghaihhruihnan leh lawmthu sawi nan a pe nghe nghe a. A puan thui par tlangah chuan John Prantea ha hnu niawm tak siamin a laiah chuan

” YOU CAN LIE
THRU YOUR TEETH…
BUT YOUR TEETH
DONT LIE !!
      
JOHN H. PRANTE

      JULY 15, 1983 ”
tih mawi takin a thui nghe nghe a ni.
                

Posted in Thu Ngaihnawm | Tagged , | Leave a comment

PLOT AI-178, SALT LAKE , KOLKATA BIHCHIANNA.

Tute emaw tlangkam atanga ka hriat ve….Kan Mizoram Chief Minister hian New Town Mizoram house bul lawkah private building lian deuh a sa asin. A sa tute pawh Kolkata Mizoram House thenkhat satute leh enkawl ( maintenance ) mek tute an ni lehnghal a….tih ka hriat chuan ….Thil awmzia dik tak zawn chhuah chu Bhubaneswar atanga Kolkata a Chunglamin min transfer-na chhan , ka Mission hmasa ber turah ka ngai hmiah a.

Mizo Kristian Tribal zingah hausa fu fu , in leh lo ngah fu fu an awm tih ka hre tho va. Marawh chu tuna CASE ka buaipui tur erawh hi chu mi satliah nilo, Mizoram leh hnam PA BER , Chief Minister of the State of Mizoram ( the 23rd State of Indian Union) in helai Kolkata hmun tha, ram leilung to em em na laia chutia in hmun satliah pawh nilo, building ropui tak a sak mek ah chuan Mizoram sawrkar ( Mipuite hamthatna tur atan liau liau va hman tur ngawih ngawih) sum leh pai in kawngte a lo bo ve reng em tih hriat chu ka chak ta tlat a. Public leader ( MLA / Minister rual)  leh Public servant ( Sawrkar hnathawkte) te an han chet velna te leh sawrkar sum an hman dan hi langtlang tak ani tur ani ringawt mai a. Public Interest atan a ni ngei bawk tur ani. Chu chu mite hriat theih tur ani bawk tur ani mai nilovin hriattir ngei bawk tur ani. The public has not just the right to know but are empowered to know….ani tlat mai.

AI-178 CHU …..

A hmunah ka va tlawh a, Works Supervisor  hnenah chuan …an building sak mek chu lei duh ta ila, tu nge ka biak tur ka tih chuan …Mizoram Chief Minister a ti ta deu mai a. Contractor hming, phone no te chu min pe nghal bawk a. Chu chu vai pakhat sawi mai anih avangin documentary proof ka duh ta a. West Bengal sawrkar chu State sawrkar upa leh changkang tak anih avangin Land Records zawng zawng vawngtu hnenah …Land Ownership a zawh chian vek theih a. Ka zawt ta a. Chu office chuan documents nen thlap plot no  AI-178, 3228 sq feet a zau chu Shri LAL THANHAWLA s/o Late H.P. Sailo , Zarkawt, Aizawl, Mizoram hmingin ni 30 August , 2013 khan registered ani a, vawiin ni thlengin chu mi hming chuan a la awm reng ani tih chu a chiang leh ta a. Certified copies min pe thlap bawk a. He Lal Thanhawla hi tuna kan Mizoram Chief Minister ni ngei turah ka’n ngai phawt a.

FORM 26 AFFIDAVIT VE THUNG AH…..

Ni 8 November 2013 a Pu Lal Thanhawla’n Serchhip bial a MLA a in candidate dawn a, Election Commission of India hma a chhechham meuhva a thil neih, moveable leh immovable property chumi ni a a neih zawng zawng a ziah lan ah chuan he AI-178 hi a tel ve ta tlat lo mai le.

LEGAL IMPLICATIONS :

Kan pu hian thla 2 aia tam ral tawh a INHMUN a neih belh hi engti tih a MLA a in-candidate dawna AFFIDAVIT ah hian ziah theihnghilh / ziak lo lui ta tlat nge tih hi ngaihtuah ti kal thui ta chu ani. Helai a Kolkata khawpui a a inhmun neih thar te chu a tuate mahin an la rawn hre turah a ngaih loh vang niin a lang. Mizoram mipuite chu duh thala bum reng thei turah a inngai pawh ani thei. Mipuite min hmangaiha, min duat em em avanga hetia zep ru ta ngawt erawh chu anih hmel loh hle. Mizoram mipuite min ngainep, hmusit, palzam ngawih ngawih vang ani pawh a tih theih bawk ang chu. Tin, hetianga sum pai hmuh/ in leh lo neih ( dan dik emaw diklo pawh) han thup hram hram zel hi Mizoram a kan Public Leaders / Servants ho hian an la thutak hlawm lemlo niin a lang a. Hei hi Income Tax pe lo hnam kan la nih vang ani mahna. Mipui chan tur pawisa min eiruk sak tih tawh nak a laia, a hming a mawiah han zah ve deuh dek awm, chuti chung pawh chuan heng eiru hnam ( Corruption Clan ) hian an eiruk sak mipuite hi min la hmusit zui kher erawh hi chu kan DIGEST thei tawh biklo ani… Tiruuuu…???

Kan CM tan a insawi fel a harsat em em na tur chhan lian tak  chu…..He Affidavit a kan hmuh ang hian…VERIFICATION para ( b) ah hian …KEI leh KA NUPUI hian he affidavit a kan tarlan bak hi engmah ro-thil ( assets) emaw bat / pek let tur ( liability ) kan nei map lo….tia ni 8 November , 2013 ( tuna kan haichhuah sak tak Kolkata khawpui a AI-178 inhmun a nei tawh hnu ni 68 zet ral tawh hnuah pawh) Serchhip hmuna Judicial Magistrate First Class hma ah , Advocate hriatpuina/ nemnghehna nen ngei mai a, Election Commission of India  DAWT a hrilh hi…..Engtin nge ni zel dawn ….tih hi a ni.

MIZO KRISTIAN TRIBAL te’n LALPA  tih chu SUAL HUAT bur hi a ni ti zawngin i nung ve tawh ang u khai…..

Posted in Fifth Column, Zoram History | Tagged , | Leave a comment

Mumbai bank of baroda an rawk

Navi Mumbai-a Bank of Baroda, Juinagar branch chu rukru rual ten leihnuaiah tunnel feet 50 zet a thui verhin an rawk a, locker 27 pawisa fai leh rangkachak leh lunghlu (jewellery) lam chi nen an tlanbo.

He thilthleng hi nimin (Thawhtan) Nov 13, 2017 khan bank hnathawktuten bank an hawn a, treasury room a locker engemawzat a chhia tih an hmuh hnu-ah hriatchhuah a ni.

Heng an thil lak (ornament) hlut zawng hi chiang taka hriat a la nilo a, police lam chuan pawisa fai hi 1crore aia tlemlo tur niin an sawi.

image

Heng rukru te hian he bank bulhnaia dawr pakhat, tu hnai lawka luah hawh atanga lei verhin bank hi an rawk a, bank thleng tur hian dawr 5 zet an verh tlang niin police te chuan an sawi.

image

Navi Mumbai commissioner of police Hemant Nagrale, chuan he thilthleng chungchang hi confirm in, “Bank of Baroda, Juinagar branch chu a chhungah luta rawk a ni a, heng rukru te hian kumin May thla khan he bank bula dawr hi an luah a ni,” a ti.

image

“Heng misualte hian leihnuai feet 50 verh tlangin Bank of Baroda locker room ah hian an lut a. Locker 225 zinga 30 an tichhia a, an thil hlu ruk te nen hian an tlanbo a, an thil ruk hlut zawng hi hriatchian a la nilo,” a ti a, “Hnuchhui zuina tur thil thenkhat a awm a, kan police ten an chhuizui mek a ni. He pawikhawihna hi Sanpada police station ah vide CR No 136/2017 u/s 454,457,380 IPC hnuaiah register a ni,” a ti bawk.

Posted in Uncategorized | Leave a comment

MIPUI LEH SAWRKAR BUMNA – THE FALSE AFFIDAVIT by Hriata Chhangte

I. NI 30 AUGUST 2013 A THIL THLENG….

Pu Lal Thanhawla, Mizoram Chief Minister chuan ni 30th August 2013 ah West Bengal Housing Infrastructure Development Corporation Limited ( HIDCO) hnen atangin Rs 17,61,760 ( Cheng Nuaih Sawmpasarih Singruk Sangkhat Zasarih leh Sawmruk) in Plot Number 178, Block AI, New Town, North 24- Parganas ( Salt Lake , Kolkata kan tih mai ) ah inhmun a lo lei ngei a, ( Documents 1 to 20 hi Certified Copy of DEED OF CONVEYANCE ani )

II. NI 8 NOVEMBER 2013 A THIL THLENG VE THUNG….

Pu Lal Thanhawla chuan a bial hlun Serchhip MLA bial a ( Assembly Constituency no 26 /ST ) a in candidate ve leh na ah thung erawh chuan Form 26 ( See rule 4A) – AFFIDAVIT ah chuan Kolkata khawpui a inhmun a neih hi a thup/ ziak lang duh ta lo thung ani ( Documents 21-30, Pu Hawla affidavit copy Election Comission of India website atanga download ani)

III. Eng nge FALSE AFFIDAVIT chu….??? ( A English hian dah mai ang…. )

Section 125A in The Representation of the People Act, 1951
Penalty for filing false affidavit, etc.—A candidate who himself or through his proposer, with intent to be elected in an election,—
(i) fails to furnish information relating to sub-section (1) of section 33A; or
(ii) gives false information which he knows or has reason to believe to be false; or
(iii) conceals any information, in his nomination paper delivered under sub-section (1) of section 33 or in his affidavit which is required to be delivered under sub-section (2) of section 33A, as the case may be, shall, notwithstanding anything contained in any other law for the time being in force, be punishable with imprisonment for a term which may extend to six months, or with fine, or with both.
IV. Representation of People’s Act pawn lamah pawh FALSE AFFIDAVIT chu CRIMINAL CASE serious tak ani.
It is a criminal offence u/s 191,193,195,199 of IPC ( Indian Penal Code), 1860 to make false affidavit in one’s pleadings or filing false affidavit or false document in evidence before court of law.

V. HE THIL HI ENG VANGA TLANGZARH TA NGE KA NIH..???

Pu Lal Thanhawla chauh hi Mizo Politician te zingah dawt sawi hmang leh sawrkar sum eiruk hmang ani bik lova. ( Kan Cheng Khat mah eiru lo Politician / Chief Minister hian engtin nge hetiang in leh lo ropui tak tak hi a neih thlehthluah theih tih erawh chu kan la buaipui chhunzawm turah ngai ila ). Pu Hawla hi a lo CM ngun tawh deuhva, chuvangin a sum leh pai hrawm a na deuh tawh bik anih mai hmel a. Kan Politician te zingah mi fel, rinawm leh dik tak tak an awm teuh laiin tam tak erawh chuan a theih dan kawng hrang hrang a, a mawi leh mawilo pawh dawn lova, a biling a balang a Sawrkar / Mipui sum lo ei ( a ruk emaw lang pawhin) chu thupui ber a neih an awm ve nual mai niin a lang a. Chutiang bawkin kan Officer then khatte pawh fimkhur lo taka sum leh pai a thang hiam an lo awm ve leh thin. Hei erawh ngaihtuah chiang ila….An tana hmasawnna tur ngawih ngawih a sawrkar sum hman tih kan hriatreng kan han eiruk sak hram mipuite, kan unaute hi zah leh khawngaih tlat tur kan nih laiin chapo leh thawveng takin kan la hmuhsit a, bawl a, kan palzut thin erawh hi chu sim vat chi ani…

Chuvangin he Case kan han tlangzarh chiam nachhan ta ber chu Mipui/ Sawrkar sum chalai tute zawng zawngin tih tak meuhva taima leh rinawm a an chalai loh chuan Mizoram mipuite hian kan ngai thiam tawh dawn lova, kan ngaidam dawn bawk hek lo tih hi lo hria se…. He case hi WARNING BELL ah lo ngai hlawm se tih hi ani. Anihna ah tak chuan ram leh hnam rawngbawl hi Pathian rawngbawlna dik tak chu ani ber zawk a. Thinlung leh tih tak meuhva thawh chi ani thlawt e. Sumdawng rilru pua Picnic style/ Gangnam style a Mizoram sawrkar hi chalai tum fo reng chi ani ta lo. Missionary thinlung pua politics field a zuang lut ve tawh thin zawk tura MIPUITE NGENNA ah i ngai ang u aw….

Posted in Zoram History | Tagged , | Leave a comment

ZU CHHIAH ATANGA SORKAR SUM HMUH Rs.vbc 72.26

Tun dinhmun ah Zu lei theihna permit nei mi 65,653 an awm a, kum 2016-2017 chhunga Zu atanga chhiah hmuh chu Rs 72,26,21,797 hmuh a ni.

Assembly session zawhna leh chhanna hun a Dr. K. Beichhua leh Er. Lalrinawma te zawhna intawm Excise Minister in a chhanna a alan danin, tun dinhmunah Mizoram ah Zu chhekkhawlna (warehouse) 3 a awm a, Zu zawrhna dawr Vendor 53 awmin, sorkar phalna nei a Zu inna hmun (consumption on premised at hotel) 2 awmin, kum kal ta 2016-2017 chhunga Zu atanga Excise duty hmuh zat chu Rs 72,26,21,797/- a nih laiin, kumin 2017-2018 October 2017 thlenga a Zu atanga Excise duty hmuh tawh zat chu Rs 35,04,29,887/- a ni.

Posted in Zoram History | Tagged , | Leave a comment

Pu Hriata Chhangte in a mal loh zia a sawi

Vawiin lamah Congress party a ka unau duh tak te’n an PU ber thil sual tih ( tih sual palh nilovin) ….Mizoram mipuite leh India sawrkar (Election Commission of India) rui lo hai lo, thinlung leh tih tak meuh, urhsun nangiang-in AFFIDAVIT hmang meuhva min bum a tum chu hailan chhoh zel anih avangin Press Release an rawn siam kha kan lo hmu hlawm ngei ang a. Pu berin Kolkata ah in leh lo ram a nei ngei tih an rawn pawm kha kei a tan chuan ka crusade hlawhtlinna a ni nghal tawh phawt a.

image

image

image

image

Khami PR ah khan Mizo mipuite’n kan hriatthiam loh theih dan tur berin….SALE DEED ( thil lei leh hralhna lehkha)  han tih mai tur kha Deed of Conveynce tiin an rawn dah kir vel kha ania. Hei document ka rawn dah chhuah hi lo enchiang u la…This indenture of Sale tih anih kua hi. Deed of Conveyance emaw Sale Deed chu inang rengin , chutah chuan leitu leh hralh tute’n neitu nihna an inthleng ngei ani tih ziah lanna / chhinchhiahna ani a.

Tin, word pakhat an rawn tih lan leh chu MUTATION ani a. Hei pawh hi Mizoram mipuite la bum belh theih an inbeisei avangin Sale Deed emaw Deed of Conveyance a awm tawh hnuah pawh Mutation a la awm hma chu Pu Hawla hian he ram hi a ta a la ti ngawt theilo tiin an han thai kual leh chiam a. Document dang hi en leh la…Date of Registration hi 30/ 08/ 2013 tih i hmu ang a. Mutation min han tihsak vel pawh hi anihna ah tak chuan hming inthlak fel niin , chutah Completion date pawh khi 30/ 08/ 2013 ani leh bawk a. Ni khat chhungin Sale deed ( Mutation an tih ) khi an zo nghal vek ani. He tihfel hun hi mi pangngai tan chuan ni tam tak a duh mahna…. Chutah kan Pu, Chengkhat mah eiru lova kut ah hian ni 02/ 09/ 2013 hian an pe ( delivery) nghal ani. Ni 8 November 2013 ah daih tawh kha chuan kan Pu tan pawh hian Serchhip ah khan a Kolkata ram lei hi  Affidavit a han ziah lan zah thar leh tlatna tur chhan a awm ta lo. A theihnghilh leh ta thut ni ber ah kan ngaihsak mai dawn mi…??? THEIHNGHILH THUT case kan tihsak hrih mai zawk ..??? A Chengkhat mah ei ruk loh erawh chu a theihnghilh lo viau asin maw le…ti ru.

image

image

Chutah thil ti sual chuan dawt an sawi thin tih zawng zawng chang chhovin…. West Bengal sawrkar in mi lar leh ram leh hnam tan a thawk tha te a duhsak zingah ka Pu hi lo telhin he inhmun hi ni 13 April 2013 hian lo pe ( Gift ) ni ta se… hetih hun lai hi West Bengal inthlan ( 18 April to 19 May 2013)  hnaih tawh ( Code of Conduct in a phuar tawh) a lo ni leh bawk si….Kan Congress unaute hian an insawi thiam tumna lamah WB sawrkar hi an va cho thinrim tel mai awm si ve. Tin, Chief Minister hi Sawrkar hnathawk anih ve tlat avangin GIFT hi dawn phal chin a awm bakah, chutiang Gift kan dawn chu Sawrkar ah declare a la ngai zui. Chuvangin kan unaute’n an PR a an sawi mam tum GIFT, keinin Mizoram a lawmthu sawina tia kan sawi mam thin emaw engemaw dang vanga a thlawna thil inpek ang hi chu anih hmel leh si loh. Thil inpek ah inpek man Rs Nuaih 18 dawn petu’n a pek hnen a han inthin leh daih te chu maw….???

image

image

image

image

image

Tin, kan unaute hi an duhthawh bawrh bawrh ta hle a, ( kicks of a dying horse an tih ang chi hi nge niang…) kei lah kha thil hre diklo zawk, diklo taka midangte ( kan MNF unaute) fuihpawrh avanga State sawrkar tan harsatna siam ( SEDITION case ) khan min rawn charged ta daih mai lehnghal a. He thilah hi chuan pawisa ka neih loh deuh hunah DEFAMATION case ka la file keuh duh mai thei…..

A tawp bera ka’n sawi chian duh chu….kei hi Hriata Chhangte, MIZO-KRISTIAN-TRIBAL ka ni ve tawp a. Tuna ka thil buaipui pawh hi a hranpa taka Pu Hawla ka huat em vang emaw ka Congress loh em vang a ti ka ni hauh lova. Pu Hawla anga dawt sawi thei, Sawrkar sum, mipuite chan tur sum leh pai eiruk addict party tin ah an awm kan hre vek a. Pu Hawla hi tuna kan CM anih miau avangin a puipa ber kan han thai lan takah chuan midangte pawhin ram leh hnam hruai hna hi sumdawng rilru pua luhchilh chi ani awzawng lova, Pathian rawngbawlna a ni tih hria a tisa, rilru leh rau va tih tak meuhva bei tawh tura beiseina, ngenna leh vauna ani zawk….

image

image

image

Mi rethei te leh chanvo tha nei thei lova, ril tam, tui hal leh mangang a nitin nun hmang mek te tan KAWL a eng ve tan ni ber hian ka hria a. Keima tan nilovin kan ram leh hnam tan….engkim tak meuh meuh huamin Missionary rilru puin ka rawn in borti ani e. Pathianin a hmanrua chhe te ah min hmang ani ve ringawt. Kan Pathian hian hmanrua a ngah teh mai ania aw..Chuvangin kan Mizoram leh hnam hruaitute u……Mizo Kristian te Pathianin a fapa Isua Krista thisen a lei tawhte hi sawp tum tawh lo hram ru aw…Pathian mit naute in ti na ve palh hlawm ang e aw…

Posted in Zoram History, Zoram Politics | Tagged , | Leave a comment

Mnf ten sorkar ngei an inring

Sawrkar tlu chhe mek thlak thei tur MNF Party lo Party dang an awmlo
– Dr. R.Lalthangliana,
   Vice President, MNF

Ni 15/11/2017 hian Dr.R.Lalthangliana MNF Vice President hovin Lawngtlai  Eastern Block-I Conference leh SEDP Training, Sangau-III Community Hall-ah neih a ni. He hunah hian MNF hruaitu pawimawh tak takte an tel țhahnem hle a, LADC MDC paruk laiin an telpui bawk a ni.

He Programme hi Session hniha țhen a ni a, First Session-ah Block Conference Programme leh Mithar lawmluhna neih a ni a, Dr.R.Lalthangliana chuan Mithar chhungkaw 16, Voters 48-te chu MNF-ah a lawmlut a ni.

   Mithar lawmluhna neih zawh hian thusawi nghalin Pu Thangtea chuan, “MNF kan Sorkar chhung khan Mizoram dung leh vangah hmasawnna nasa tak kan hmu a; chutiang a ni chung chuan tihdik loh leh tih fel tawk loh pawh tam tak kan nei ngei ang tih kan ring, chu’ng kan tih dik lohahte chuan ngaihdam kan dil a, Pathian leh mipuite zarah Sorkar thar kan siam leh a nih chuan kan tihdik loh tam takte hre rengin tihsual loh hram kan tum tawh ang,” a ti a. Tin, kan Sawrkar hrawn mekin kan ram an enkawl dante leh mipuiin sawrkar thlak duhna thinlung an neihna zawng zawngah hian he Sawrkar thlak tur hian MNF Party lo chu Party dang innghahna tlak an awm lova; MNF lo chu thlaktu tur chuang an awmlo a ni,” a ti bawk.

He Block Conference-ah hian Resolution Passed a ni a, hetiangin:-

RESOLUTION

  1. Zu zawrh hi Pathian huat zawng, kan khawtlang nun leh Kristianna tichhe mektu a nih avangin kan duh lo a, Sorkar zu zuar kan nei hi pawi kan ti takzet a ni. Zoram mipuite nunna suat mektu zu zuar sorkar hi rorelna khawl vuan tlakah kan ngai lo.

2.  Sangau SDO (C) Quarters leh Office sak zawh vek tawh, kum 20 dawn a nih hnu pawha function thei lo hi kan ngaimawh takzet a, In 1000 chuang awmna Sangau ah hian SDO (C) hi a lem ni lovin a tak ngeia hmuh kan duh a. Kan Sorkar, sorkar chak taka inchhal hian Pioneer-ho luahlum mai mai tura dah tawh lovin SDO(C) tak leh Staff-te an dah kan phut a ni.

3.  Mihring singkhat chuangte tana Sorkar din Sangau Damdawiin PHC (Primary Health Centre) Sangauah Doctor 1, Pharmacist 1, Lab Technician 1 leh Staff Nurse 2 chauh awm hi mihring sing chuang tan chuan zahthlak khawpin an tlem a, Sangau PHC hi CHC (Community Health Centre)a tilian (upgrade) turin Sorkar kan phut a, India Sorkar danpui anga kan chanvo dik tak chang turin theihtawp kan chhuah zel ang.

4.  Pu Zoramthanga kaihhruai Mizo National Front hi kan ring tawk a, Miretheite leh hna mumal thawh tur nei lote tana inkhaichhuahna tur SEDP kan nei hi thlamuanthlak kan ti tak zet a ni. Kawng engkimah ‘Pathian leh kan ram tan’ tiin ke kan pen zel ang.

Heng Block Resolution-a Sangau SDO(C)Quarter leh Office-te hi Pu Thangtea chuan a hmunah a enfiah nghal a, “Sawrkar hian hetianga Civil SDO țhuthmun leh mumal zawka kalpui theih an hlamchhiah hi a lungchhiatthlakin MNF kan Sawrkar chuan a kal dan tur pangngaiin kan kalpui ang,” a ti a, Tin, MNF Sawrkar laia bul țan tawh Sangau Water Supply Scheme tun thlenga mipui chhawr theiha an la puitlin thei lo leh hawn a nih ațanga kum 3 a liam tawh hnu pawha Connection pakhat pawh an la pe thei lo hi an demawm takzet a ni,” a ti a, “ Sawrkar tharah chuan a rang thei ang bera Mipui chhawr theih leh mimal chhung tinin Connection an lak theihna turin hma kan la ang,” tiin thu a sawi bawk.

   Tlailamah Dr.C.Lalsangzuala kaihhruainain SEDP Training neih nghal a ni a, he training-ah hian Sangau Block pawnlam ațangin mi țhahnem tak an tel bawk a ni.

   Lawngtlai Eastern Block-I Conference leh SEDP Training-a tel zawng zawngte hian tlai lamah ruai an kilho nghal a ni.

(R.LALTHLAMUANA)
Joint Secretary
Mizo National Front
Media & Publicity Deptt.
Memo No. MNF/Media/2017/144
Date 15/11/2017

Posted in Zoram Politics | Tagged , | Leave a comment

MPCC IN pu hawla an chhan

PRESS STATEMENT

Central sawrkar hnathawk mi pakhatin dawt hmanga kan Party President, Chief Minister ni bawk, Pu Lal Thanhawla kum 2013 State Assembly Election-a Affidavit dik lo (False Affidavit) hmanga inthlan chuh anga Election of India-a hekna a thehluh avanga mipui chiaina thlen tir tum hi MPCC chuan pawi a tiin thudik tak Mizoram mipuiin an hriat theih nan thil awmzia chu hetiang hi a ni.

Kum 2011 April 13 khan West Bengal Communist sawrkar chuan West Bengal Housing Infrastructure Development Corporation (HIDCO) Chairman quota-in India a mi langsar zual, film star-te, sports lama hminglarte, IPS-te, High Court judge-te leh politician thlan bikte hnenah Kolkata khaw pawna satellite township New Town-ah inhmun engemawzat a sem a. Chung zingah chuan Pu Lal Thanhawla pawh telin a ni hian he inhmun an pek hi kum 2013 khan tihfel thawkhat chauhin a tifel a. Tichuan August 30, 2013 khan West Bengal Housing Infrastructure Development Corporation nen “Deed of Conveyance” sign-in Pu Hawla hian tax neuh neuh leh chawi tur ngai Rs 17,61,760/- a pek hnuin New Town a ram ruak pakhat chu a hmingin a awm ta a ni.

Hetia a hminga a awm hnu hian Pu Lal Thanhawla hian neitu nihna tak tak a la nei thei lo a. Neitu nihna tak tak nei tur chuan New Town Kolkata Development Authority hnuaiah inziah fel a ngai a, chu chu “Mutation” tih a ni. He a neitu nihna tak tak hi kum 2013 Mizoram Assembly inthlan zawh fel vek hnu, July 25, 2014-ah tih fel a ni chauh a, hei hi tihfel a nih theih nan hearing nei turin April 22, 2014 khan Pu Hawla hi koh a ni chauh a ni.

Pu Hawla ECI-a hektu hian Pu Hawla’n ram a neih dan chungchang a zawh hian neitu nihna famkim New Town Development Authority hnuaia hming thlak/tihdanglam (Mutation) a tihfel hun leh nite pawh a la chhuak tel vek a. Mahse hei hi sawi tel duh lovin mipui fuihpawrh zawngin a che a. Pu Hawla hian New Town Development Authority-ah hian a hming hi a thlak fel hma chuan a inhmunah hian kut a thlak thei lova. Hetiang a nih avang hian neitu a nihna hi a la famkim lo a ni. Hei bakah hian he ram an pekah hian kut a thlak thuai loh chuan chhuhsak leh theih emaw, luahlan theih emaw a nih avangin in hi a theih ang anga sak a lo ngai ta a ni.

Heta thil chiang ta em em chu kum 2013 Assembly inthlan dawn a affidavit siamah khan Pu Lal Thanhawla hian New Town-ah hian inhmun nei angin lo insawi ta se, dawt a sawi a ni zawk dawn a. A chhan chu sawi tak ang hian a neitu nihna tak tak a la tifel lo a, helai ramah hian hmun nei angin lo insawi ngawt se, dawtin affidavit hi a siam dawn tihna a ni zawk a ni.

He thil hi MNF Party chuan Congress sawrkar beihna tur dang an hriat loh zarah thil awmzia chhui chiang tak tak lovin nasa takin an la vung a. Pu Hawla hian a affidavit-ah hian “New Town, Kolkata-ah hian ram ka nei lo,” tiin emaw lo ziak ta se, chu chu ‘false affidavit’ chu a ni zawk a. Helai rama inhmun a neih thu a ziah lan loh hi a tih tur dik tak a ni zawk a ni. He inhmun neitu a nihna hi 2013 inthlan hma khan lo tifel vekin ziak lo ni ta se, “False Affidavit” anga charge lovin “Concealment” anga charge zawk tur a ni a. Chuvangin ECI-a hekna pawh hi a dik lo hrim hrim a, ECI tan thu tlinga pawm chi a ni lo a ni.

Representation of People’s Act, 1951, Section 125A anga charge theih a ni tihte hi awmze nei lo a ni a. Section 125A, sub-section (i) in a kawh pakhat chu Section 33A, sub-section (i) (Right to Information chungchang) a ni a. Hetah hian court-ah kum 2 aia tam tan theihna case a nei neih leh neih loh leh court-ah thiam loh chantir tawh niin kum 1 aia tam emaw lunginah a tang tawh em tih te an sawi tel leh tel loh a ni a. 125A(ii) hi dawt a ni tih hre reng chungin emaw, dawt a ni tia ngaih theih a ziah telin leh 125A(iii) hi thil thup neih a ni a. Hei ber hi ECI-a Pu Hawla hekna hi nia a lan laiin sawi tawh angin New Town, Kolkata-a inhmun neitu nihna tak tak hi Pu Hawla hian a la neih loh avangin helai inhmun hi “Ka ta a ni a, chuti zat man chu a ni,” a lo ti ngawt thei lo a, zep ruk emaw, thup emaw 2013 Assembly inthlan denchhena Affidavit a siamah hian a nei lo a ni.

ECI-a kan party President leh Chief Minister Pu Lal Thanhawla hekna hi dan hnuaiah chuan thutling lo a ni a. Election chungchanga sawi buai tur nei chuan Election Result puan a nih atanga ni 45 chhunga complaint hi thehluh tur a ni a. Hemi vang ringawt pawh hian Pu Hawla hek a nihna hi thutling lo a ni. Heti tak mai a mipui tihchiai tuma, kan Party President, India ram mai ni lo, khawvel pawhin politican tha ni a an hriat, hming tihhliau duhna nei kan awm hi Mizoram Pradesh Congress Committee chuan pawi a ti tak zet a ni.

ISSUED BY MEDIA DEPARTMENT, MIZORAM PRADESH CONGRESS COMMITTEE
15.11.2017

Posted in Zoram Politics | Tagged , , | Leave a comment