2018-A PUITLING S.S. ZIRTUR: 1 CHRONICLES BOOK OVERVIEW:

A HMING: Chronicles tih hi Jeromea’n “Chronikon” / “Words of days” tih a ziak atanga phuah zui a ni a.

Septuagint chuan, “Things omitted” “Thil hmaih then” tiin a dah ve leh a. A bu hnih hi tun hma chuan Bu khat a ni thin a. Samuela Bu leh Lalte Bua an hmaih then chu Chronicles hian a kim thei ang ber leh indawt dan dik thei ang berin a ziak a ni.

A ZIAKTU: Chronicles ziaktu hian Judate Babulon sala an tanna atanga an rawn kir leh hnua Judai rama lalte leh an thlahte chanchin a ziak tel nual avangin, Judate leh Kristiante chuan, Zawlnei Ezra ziak niin an ngai a. Jewish Babylonian Talmud paw’n Ezra ziak ngei angin a tar lang a. A ziak dan, tawng kau chheh leh thlah kal zel chhuina (style, vocabulary, and genealogies) atang hian (450 – 400 BC) vela Ezra ziak ngei nia ngaih a ni. Chumi hmaa ziak chu a nih pawhin, 538 B.C vela Persia in Babulon an hneh hnua lal Kuran Judate Jerusalema kirtir vek a, Jerusalem temple sa tha tura a tih lai vel ni tura ngaih a ni. (2 Chronicles 36:20-23)

Talmudists chuan, Haggaia, Zakaria leh Malakia te pawh Chronicles ziaknaah hian an tel ngei a ring a. Kimchi leh mi dang dang paw’n ngaih dan hrang an nei thluah a ni.

A CHHUNG THU: Chronicles hi Adama atanga tanin, Israelte thawnthu ziakna bu a ni a. Judate Babulon sal tanna atanga an rawn kir leh thleng chanchin kan hmu a ni.

LEHKHA BU DANG NENA AN INLAICHINNA: Genesis-a Mihring thlahtu bul chhuina atanga Judate Babulon sal tanna atanga Jerusalema an kir leh thleng chanchin chu Samuela leh Lalte bua kan hmuh ai maha kimchang leh indawt dan fel zawka ziak a ni.
SAKHAW THILA A PAWIMAWHNA:
(1) Pathianin a mite a ngaih pawimawh zia leh anmahni kal tlanga a chatuan remruat tih hlawhtlin a tum dante kan hmu a.
(2) Pathian an biakna atana Jerusalem Temple a saktir pawimawhna kan hmu a.
(3) Israel lalte zinga Pathian nung be tha duh tute leh milem biakna hmun ti chhe thin tute chunga Pathianin a duhsakna a lantir dan kan hmu a. Chumi rual chuan, Pathian nung be duh lo a, milem leh pathian lem biak ching ho a hrem dan kan hmu bawk a ni.
(4) Isua Krista chu Pathian chatuan remruat anga rawn piang a nih dan pawh Chronicles atang hian kan hre thei a. Juda thlah kal zel atanga Davida a rawn pian dan leh Isua Krista chu Judate Messia ngei a nih dan kan hre thei a ni.
(5) Chronicles hian, Israel lalte hun laia Zawlneite ai maha Puithiamte an pawimawh dan min kawhhmuh a. Mimal leh chhungkua te, ram pum hmasawnna tur chuan engkima Pa Pathian thupek kan zawm a tul zia min zirtir a ni.
A bu chhunga zir ngawrh atana tha te:
(1) Davida mi ropuite chanchin te,
(2) Davidan Pathian tanpuinaa hnehna ropui a chan dan te,
(3) Solomonan Temple a hlan leh a tawngtaina ropui zia te,
(4) Solomona hausakna leh a thil tih sual te,
(5) Pathian hminga inpawl khawm hovin a THU an zawm a tpawimawhna te,
(a) Lal Asa’n Lalpa maicham leh Bungbel thianghlim a din thar dan te,
(b) Jehoshaphatan Israel mipuite hnena Lalpa Dan zirtir tura Puithiamte a tirh dan te,
(c) Joasa’n Lalpa chenna In a siam that dan te,
(d) Josia’n Pathian ropuina tura thil a siam that dan te,
(6) Manassea rorel dan te,
(7) Judai rama Pathian an biak dan te,
(8) Israel fate ram dang Sala an tan chanchin te,
(9) Ram pum huapa sakhaw dik zui a pawimawhna te,
(10) Milem betute chunga thil tha lo a thlen dan te kan zir thei a ni.

INTRODUCTION TO 1 CHRONICLES

Chronicles: Chronicles hi Adama atanga thlahtu chhuina a nih rualin, Israel fate Kanaan rama lal neia an awm laia thil thleng pawimawh chanchin kimchang leh indawt thei ang bera ziakna (a factual written account of important or historical events in the order of their occurrence) a ni a.

1 & 2 Chronicles hi Mosoretic Note atanga a lan dan chuan, Bu hnihte hi Judate chuan bu khat angin an lo nei thin a. Chu chu Origena leh Jeroma te sulhnu atangin a hriat theih a. 1&2 Chronicles-ah hian Pa Pathian kaihhruainain 1&2 Samuela leh 1&2 Lalte Bua inziak famkim tawk lo te chu Genesis atanga chhui chhovin, kim zawka ziakin, a thlen dan indawt thei ang berin a ziak a.

1&2 Chronicles hi Hebrai tawng chuan, “Divrei Hayamim,” tih a ni a. Greek tawng chuan, “Ephemerides / Ephemeris” an ti a. Arabic chuan, “the Books of Annals;” a ni a. Chu chu: Thil thlen tawh dan kimchang leh indawt thei ang bera ziakna tihna a ni.

Targum-ah chuan, Chronicles hi “Thlahtu chhuina,” “the Book of Genealogies, the Words of Days,” tiin kan hmu a. A chhan chu Bung hmasa 10-ah hian Adama atanga mihring inthlah chhawn dan a inziak vang a ni.

Chronicles hi Latin tawng chuan, “Paralipomena” tih a ni a. Greek tawng chuan, “paraleipomena” tia hriat a ni ve leh a. Chu chu: Thil thleng tawh chanchin ziaknaa kimchang tawk lo lai kimchang zawka ziak belhna, (things omitted from a work and added as a supplement) a nih vang a ni.

By Thanhlira, 9436360646.

Advertisements
Aside | Posted on by | Tagged , , , | Leave a comment

TANPUINA TUR SUM HREK A NIH HNU-AH PAKISTAN-IN JAMAT-UD-DAWA BLACKLIST-AH DAH by Kiddy Vanchhawng

A tawng pang pang a, a tal laih laih takna-in US meuhin a theihna chin china tanpuina tihtawp sak a vau a, a sum hmuh tur thenkhat an tihtawpsak meuh chuan rei a tang hleithei meuh dawn lo a ni ang nge, nimin (Inrinni) khan Pakistan chuan UN-designated terrorist leh 26/11 Mumbai attacks a a meizanghlaptu, Hafiz Saeed leh a pawl, Jamat-ud -Dawa chu Blacklist-ah a dah ta phawt e.

Hei hi Pakistan sorkarin Afghan Taliban leh Haqqani Network te a ramchhunga duhthuthla a him yaka an chetvel a hrek duhloh avanga US in tanouina $ 2 billion a tihtawp sak hnu a Pakistan sorkar chet lakna hmasaber a ni.

Kan hriat leh tarlan tawh thin angin Donald Trump-an Pakistan chu theihtawpa sum leh paia a puihna-ah engkawng mah a dolet lova Dawthei leh bumhmang mai ni a a puh hnu-ah heng ram pahnihte inkar hi a sang hle a nih kha.

Trump chuan, “United States chuan atthlak takin kum 15 kalta chhung khan Pakistan hi $33billion chuang tanpuina alo a pe tawh a, anni erawh chuan kan hruaitute hi mawl takah ngaiin dawt leh inbumna bak engmah min pe lo a ni,” tiin Tweeter-ah a sawi a.

“Afghanistan-a terrorist kan beih te tan a ramchhungah inhumhimna a pe a, tunah chuan a tawk ta, kan pui tawh lo ang,” a ti anih kha.

Trump hian nikum August thla a South Asia Policy thar duan a puanna-ah Pakistan hian terrorist beihna kawngah US hi a thawpui duhlo a nih chuan na zawka hrek a nih tur thu a lo puang daih tawh a, Trump hi a tawng mai mai lo viau a ni.

Hetiai hian nimin khan US chuan Pakistan duhthlan tur (option) chhawpchhuah a ni a, US thawhpuia a ramchhung a Afghan Taliban leh Haqqani Network te him taka an inkulhna leh an chetvelna tihtawp emaw chumi a nih loh chuan US hnen atanga tanpuina a hmuhtur zawng zawng chan vek emaw thlang mai turin US chuan option a chhawpchhuah sak a, Pakistan hian a sarhu laiin pawr takin, ‘Khawvel hi a zau tawk a, US hian kan hrawk min chawm lo…” han ti ve pang oang mahsela US hnen atanga tanpuina a dawn tur tawp mai tur hi Pakistan hian a tawrh ngam hi a rinawm loh reng a ni.

Aside | Posted on by | Tagged , , | Leave a comment

MYANMAR KALTLANGA RAM DANGA HNATHAWKA CHHUAK AN AWM THIN, HEI HI A HIMLO TIH MIZORAM POLICE TEN THUCHHUAH AN SIAM

Tunhnaiah Mizo thalaite Mizoram chhuahsanin Myanmar kaltlangin ramdang – Singapore, Malaysia, Macau etc-ah inhlawh turin an kal thin tih hriat a ni a. Hetianga inhlawha kal hi thil itawm leh tha tak angin lang mahse, a himlo hle a. Hemi chungchangah hian mipuite kan fimkhur zawk nan Mizoram Police chuan thil kalhmang sawifiahin thuchhuah an siam.

1) Agent te hian an sawm chhuah laiin kal man/riah man/chaw ei man a thlawn vek turin an sawi tlangpui thin a, mahse an sawi angin a thlawn a ni ngai reng reng lova, an hnathawhna tur hmun, ramdang an thlenin service charge atan an thla hlawh, thla 6/ thla 7 hlawh atang tein an rulh tir leh thin.

2) Myanmar an thlen hian an hna zawn chhung training an neih tir a, hemi chhung hian document lem hmangin agent ten Myanmar passport an siamsak thin niin hriat a ni. Hei hi Myanmar ram dan kalh a ni a, a hremna chu kum 7 lungin tan theihna a ni a. Myanmar Police ten an man pawhin inbuaipui theih a ni lo.

3) Ramdanga hna an thawh hian harsatna lo tawkin, haw leh mai pawh duh leh thin mahse, agent ten an lo senso tawh kha an rulh let tir thin a, inlama chhungte tan phurrit, leiba nasa tak an insiam thin a, rawn haw thla mai theilovin Myanmar-ah te an tangkhang ta thin a ni. Mizoram rawn let a harsa hle tawh thin.

4) Myanmar khua leh tui anga an kal tawh avangin harsatna leh buaina an tawh palh pawhin, Mizoram khua leh tui anga inbuaipui a harsa tawh thin. Thihna hial an lo tawk a nih pawhin an ruang hi Mizoram a lakluh theih a ni tawh lo.

5) Agent te’n thawk tur anga an sawi apiang thawk lo theilo dinhmunah an din avangin, an tum lawk miah lohin mipat hmeichhiatnaah humsual an dai phah thei.

6) Dan ang thlapa in Register, Placement Agent hi an la awm lova, Agent te hian thiam tak leh kal chakawm thei ang berin an sawi fo thin.

7) Ram pawna hnathawka kal dawn pawhin Indian Passport chauh hman tur a ni.

Aside | Posted on by | Tagged , , , | Leave a comment

SANGHAL SA HMANGA RUAI ṬHEH

Champhai district a Diltlang (NE Diltlang) khua a UPC (NEI) kohhranin sanghal sa hmanga Kum Thar ruai an ṭheh nia hriat a nih avangin Environment, Forests & Climate Change department chuan enfiah turin officer an tir.

Diltlang khua a UPC (NEI) kohhranin kum thar ruai atana sanghal sa an hmang ni a puhna enfiah tur hian Champhai DFO leh Hnahlan RO hovin department mite chu tun hnai khan an kal a. An thil hmuh dan report hi sorkarah an thehlut ang.

Thudawn danin Diltlang UPC kohhran hi chhungkaw 15 vel an ni a. Sanghal tlaw 2 an chhar niin an insawi a. E,F & CC department hotute erawh chuan kah hlum niin an hria a. Sazuk an kap bawk niin an sawi.

Aside | Posted on by | Tagged , , | Leave a comment

KUM 3 LEH A CHANVE TANG TURIN LALU PRASAD YADAV HREM A NI TA

Kan tarlan tawh ang in Ranchaw buaina pahnihna (Second Fodder Scam) avanga thiamloh chantir, a hriselna lam chian loh avanga hun eng emaw chen a hremna tur puan lohva pawh hlat, Bihar Chief Minister hlui, Lalu Prasad Yadav chu vawiin chawhnu dar 4 khan a hremna tur puan a ni a. Lalu hi CBI Special Court chuan Kum 3 leh a chanbe lungina tang tur leh Rs 1p lakh chawi turin a hrem ta.

Lalu hian he thubuai (scam) pahnihah hian pakhatah Rs 5 lakh ve ve a chawi a, Specifically, hei hi a pe theilo anih chuana tan hun chhung hi thla 6 dang a pawhsei dak a ni ang.

Hremna puan a nih hma lawk hian Lalu fapa, RJD hruaitupa, Tejashwari Yadav chuan dan rorelna-ah a rinna a nghah thu, a rin tawk thu a sawi a, “Dan rorelna chuan a tihtur (duty) a ti mai a ni. Hremna a pek te kan zirchiang ang a, chumi hnu-ah chuan high court-ah kan kal ang a, bail pawh kan dil bawk ang,” a ti.

Lalu hremna thu hi vawithum zet pawh tlai a nih hnu-ah video confernce hmanga puan a ni. Vawiina Fodder Scam case a hremna thu te puan a ngaihthlak zawh hnu hian Judge Shivpal Singh chuan,”Bawngvulh lamah tawnhriat an lo ngah tawh a chuvangin thiamloh chang misualte tan chuan lungin (an open jail) hi a tha ber,” a ti hul hak.

Nimin lama kan tarlan tawh ang in Rashtriya Janata Dal (RJD)hotupa leh Bihar chief minister hlui leh midang 15 te hi kum 1990 leh 1994 a Deoghar district treasury atanga dan diklo a Rs 84.5 lakh lakchhuah thubuai avangin December 23 khan thiamloh chantir alo ni tawh a ni.

Lalu hi kum 2013 khan Fodder Scam 5 zinga a hmasaberah pawh thiaml9h chantir alo ni tawh a, hetah pawh hian kum 5 Lung In tang tura hrem a ni bawk. Bihar Chief minister hlui hi tunah hian Birsa Munda Central Jail, Ranchi-ah a awm mek a ni.Nimin khan Lalu hiam a hriselna dinhmun avangin hremna nep thei ber pek dan tur a dap a, a lawyer, Chitaranjan Sinha pawhin Lalu hian natna eng eng emaw a nei tih a sawi bakah a kum avang pawh hian Lalu hian a case pahnihna-ah hian hremna nep thei ang ber a hmuh a beisei thu alo sawi tawh bawk.

Lalu chuan hremna nep thei angber a dilna ah chuan, “He scam-ah hian direct a inrawlhna ka nei lova, ka hriselna leh ka kum te ngaihtuah pawhin hremna nep thei ber min siam sak turin ka ngen,” a ti a ni.

Author : Kiddy Vanchhawng

Aside | Posted on by | Tagged , , | Leave a comment

KAH ANIH ATANGA KUM 4 HNU-AH A AWM ATANGIN MUSEP 97 ZAICHHUAH A NI

Mihring hi vannei bik deuh hi chu kan awm a ni maithei. He tlangval, kum 24 mi hi kum 4 kalta khana muthilh laiin a awm (chest)-ah hmun leh hmunah kah a ni a, a awmah hian musep (pellets) 100 dawn a lut a, mahse vanneih thlak takin heng silaimu te hian a taksa chhunlamah a Lung emaw a chuap emaw a khawilo hlauh mai a, a damchhuak tlat a ni!

Kum a liam zel a heng musep 97 zet te hian a infection eng eng emaw siamin a Lung leh a Chuap tan a hlauhawm chho tan ta a a, time-bomb an ni ta deuh ngawt mai a ni.
He pa hi Moradabad, Uttar Pradesh tlangval, Arif Hussein a nia, vawi tam heng Musep te lachhuak tur hian an khua mai bakah Meerut leh Delhi pawh a pan tawh thin a. Mahse doctor ten an han en hian a bul vela taksa peng pawimawh tihchhiat palh an hlauh avangin an zai mai ngam lo a ni.

Engemawlai atang khan a awmah hian tennis ball leng dawnin pan khuar (cavity) a rawn awm a, hnai rawn chhuakin a rimchhe hle bawk a. AIIMS Trauma Centre a doctor, Awm chhung lam hliam leh taksa peng pawimawh zai leh enkawl lama mithiam, Dr. Biplap Mishra chuan, “Zai a nih thuai loh chuan infection hi a taksa peng pawimawh (organs) dang dangah a taidarh zel dawn a. A nunna atan pawh a hlauhawm a ni,” a ti a. Risk a la ta a ni.

Hetia han ngaih mai chuan thil tihtheih ni oawhin a lang lova. Ama hnenah pawh inzaina dawhkanah pawh thih mai theih anih thu ka hrilh a mahse amahin chance lak hrim hrim a duh a, chu chuan keimah pawh inrintawkna min pe nasa hle a ni, tiin amah zaitu doctor chuan a sawi a, awm bawr pan kua (chest cavity) atanga silaimu, Nuhnun mu tiat lek lek 97 zet mai lakchhuah chu thil awlai tak a nilo a ti.

Heng silaimu te hi inhnaih tak tak, a hlawm ang deuh te a awm niin a then chu Lung leh Chuap hnaih em em, si deuh thaw te an ni a, vawi engemawzat CT Scan an tih hnu ah an zai ta a ni. An zia lai pawh hiam Flouroscope in an en reng niin doctor chuan a sawi.

A hmasaberah a awm ruh zai hawngin infected area te paih a ni a, chumi hnuah a aia thuk zawkah silaimu te lachhuak turin zai chhunzawm a ni a, hetah hian lapua (deposited cotton), hmun leh hmun (point blank) a kah anih avanga silaimu in a luhpui alo awm a, a buaithlak ta deuh tlat mai a. Kum 4 lai a lo inchiah tawh avangin heng lapua te hi tisa nen a lo inchar titih tlat niin doctor chuan a sawi.

Fimkhur leh uluk takin lapua leh silaimu chu zawi zawiin an lachhuak zel a, hlawhtling takin an zai zo a, plasctic surgeon in a awm an zaina kua te chu uluk takin a enkawl sak a, an zai atanga ni 4 hnu-ah tha takin damdawiin atangin a chhuak theia ni.

Hussein hi a nupui neih hma ni 17 ala awm tihah kah a ni a, a chhungte sawidanin kah a nih chhan hi ram inchuh vang a ni. Hussein chuan hlim takin, “Tunah chuan ka tha tawh hle a, AIIMS doctor te chungah ka lawm tak zet a ni. Nun thar min siamsak a, tunah chuan hna te thawkin a tha thei ang bera nun hman ka duh a ni,” a ti.

Kum 2008 khan Dr Mishra leh AIIMS Trauma Centre a surgeon dangten tlangval pakhat kum 23 mi, Supratim Dutta, rod feet 5 a seiin a taksa a thiltlang chu hlawhtling tlaka zaiin an lo lakchhuahsak tawh bawk a. Hei phei hi chu internatiinal journal tam takin an ziak chuai chuai a, TV Show lar tak, ‘Ripley’s Believe It or Not’ pawhin an show-ah an tilang nghe nghe a ni.

Author :

Aside | Posted on by | Tagged , , , | Leave a comment

Mizo Tboard v5.0 download rawh le

Mizo Ṭboard V5.0 Universal chu kan han siam ve leh hram e.

• Thiam ang tawk tawkin Android version hniam ah Crash fixed a ni.
• Keypad height tihdanglam vanga crash fixed a ni.
• Small capital letter (ʜᴇᴛɪᴀɴɢ ʜᴀᴡʀᴀᴡᴘ ʜɪ)  dah a ni. Zoone kha language ah select rawh
• ᴄʜᴀʀᴀᴄᴛᴇʀ  siksawi zeuh a ni a, a danglam tamlo.
• Mizo dictionary siam zawh a la ni lo bawk.
• ɢᴏ ᴋᴇʏʙᴏᴀʀᴅ ᴘʀᴏ  tidanglamin Go Ṭboard siam a ni nghal bawk. A hrana post a ni .

HETAH HIAN DOWNLOAD RAWH LE

Tunlai hian kuhva khehna khawl patent chungchangah an buai neuh neuh bawk a. Hei kei pawh Ṭ hi android keyboard a dah hmasa ber ka ni a. Ka patent a, ka patent number chu 00008652114567+90097643112457890009765311235688900000876678$%&##’+%-:-7+-:%5790-%#@2580?/*68+’$#379?;’#$ A ni a.

Heti a nih takah chuan a hmang ve te hian min ṭanpui tihna a nia, a hmang duhlo te hian min ṭanpuilo tihna a ni hlauh thung. Ha ha ha

Aside | Posted on by | Tagged , | 2 Comments

Engvanga eirukna hi hluar viau nge a nih? by Lalremliana Pachuau

PC sawrkar aţangin eirukna kha a inţan tih history kan chhiar chuan kan hre thei ang. Reh lam reng pan lovin eirukna a hluar ta tulh tulh mai a nih hi.

Politiciante’n an theih ang anga an eirukna kawngah hian officer an tel ve lo thei lova. Chu chu an hnuaia sawrkar hnathawkte’n an hmuha an hriat ve reng a ni si a.

Nimahsela, dân hnuaiah an him tlat tih an han hmu a. Tin, sawrkar hna rinawm taka thawh khan awmzia a nei lo tial tial tih an hmu reng bawk a.

Entirna pakhat chauh, khehpuam mantu police chu chawimawi ahnekin hmun hla zetah transfer a hlawh daih tih kan hriat kha! Hetiang tihna hian thil ţha lo lehzual a thlentir phah ta a ni.

Sawrkarin a tak taka ram hmasawnna hna thawh tumna a nei lo tih an hmuh tak sup supah leh eirute hrem an nih tak tak ngai bawk si loh avangin mahni ţanghma hai theihna hmuna awm apiang mai hian an eiru ta sup sup mai a ni.

Kan dân lahin anmahni sehna tur ha a nei map lova. Sawrkar tâna ţhahnemngaihna chuan awmzia a nei tak tak lo tih an hmuh piahlamah dept tin pawisa chu NLUP atâna pawhpen nghawng, dept ro ngawih ngawih hlawmah hian a thei theiin an eiru a ni ta ber.

Hnathawh tak takna tur sum a awm miau loh avangin hlawh an la ngawr ngawr a ni ta ber a. Mipui pawisa a tam thei ang bera min eisak tumin dân mumal lo tak tak an siam ta mawlh mawlh a, min rawk nasa ta mai a nih hi!

Contractor lahin bill lak dawna sum hum a ngai tih an hriat avangin a tam thei ang ber hlep tumin hna an thawk ta bawk a. Thil ţha tihin nghawng ţha reng a neih tak loh avangin eiruk tumna nei ngai lote pawh khan eiruk an ching ta a nih hi.

Eiruk hluarna ramah reng reng hmasawnna hnathawh a mumal ngai lova. Eiruk hluarna hmunah chuan hmeichhiat mipatna a hluar ziah piahlamah ruihhlo an inlar nasa ziah bawk ţhin. Heng ang chiah hi kan ram dinhmun chu a ni ta mek a nih hi.

Sawrkar hnathawkte pawh hi an khawngaihthlak lutuk bawk. Thuneihna pakhatmah nei lo ang maiin kawng engkimah Minister an inrawlh chikim peih a. Director piahah Secy thlengin Block President tih vel ai pawhin an thu lo zawk a nih hi!

Inthlang ram kan ni a, heti lutuk hi chu a tawk kan ti ngam tur a ni. Heng zawng hi MNF leh Congress Party ten min thlenpui theih zawng a ni. Mi nuai 10 bawr vel lek pawh enkawl zo lo chu hnawl an hun ve ta a ni lawm ni?

Aside | Posted on by | Tagged , | Leave a comment

KUMTHAR RUAI EISUAL VANGIN CHEURAL-AH MI 100 CHUANG DAMLO

Nimin (Jan 2) lama BCM, Cheural te Kumthar ruaitheh hnu-ah mi 100 chuang chu Kawthalo, luak leh khawsik in an damlo zui a, hei hi nimin lama an kumthar ruai thehnaa an ei leh in vang ni ngeia rin a ni.

Nizan la la khan Siaha atangin emergency medical team ten Cheural hi an pan nghal a, Bualpui ‘Ng’ PHC a nurse te pawh hruai an niin kan thudawnna chuan a sawi a, tin, tukin lam khan Sangau doctor, Siaha-a kumthar hmang pawh Cheural pan hian a kal ve leh nghal niin kan thudawnna chuan a sawi bawk.

Medical Team te hian tukin zing lam dar 4 vel khan Cheural hian thleng a, damlote hi enkawl nghal char char in, damlo chau zualte chu an inah an kal chilh a, vawiinah Cheural khawtlang tan Open Clinic an hawng ang.

Kan thudawnna chuan he an sa ei sual hi chemical lam nge a nih biological lam tih zirchian tur niin a sawi bawk.


Cheural hi Lawngtlai district chhunga awm, Siaha leh Sangau inkar, Sangau thlen hma, Sangau atanga 10kms vel, Phawngpui tlang hnuaia awm a ni.

Author :

Aside | Posted on by | Tagged , , | Leave a comment

US-IN UN TANPUINA US$ MAKTADUAI 258 A PE DAWN TA LO: RAM 10 DAWNIN JERUSALEM LAM AN HAWI TAN TA

US Ambassador to UN Nikki Haley chuan, kum 2018-2019 UN Budget atan an pek thin US$ maktaduai 258 lawih chu pek an tum ta lo tih a puang chiang ta. US chuan UN Budget 22% zet a pe thin a ni.

UN Gen Assembly meeting chuan President Donald Trump-an Israel khawpui atan Jerusalem a puan chu ram 128-9 in anpawmpui thei lova, hei hian Trump Admin a tilungawi lo nasa hle a ni. Nikki Haley chuan hetianga UN Budget a cut chungchang sawifiahin, “American mipuite thilpek phalna chu hlawkna atana lo hman tum thinte tan kan phal tawh bik lo. He UN sum hmang ral nasa lutuk leh hna thawk thalo tak (ineffiency and over spending) tan hian kan sum sih chhuah fo hi kan tum tawh bik lo a ni” a ti.

UN Assembly a Trump Admin thutlukna thlawp vanga vote thlak duhlo ram 56 zet te chu Jan 3, 2018 khian Nikki Haley chuan New York khawpuiah “Friendship Party” neih pui tumina ko khawm dawn a ni. Ram 56 zet chu UN member ram zat ve dawn an ni. Enge an sawiho dawn erawh puan a ni lo.

UN Assembly-in Jerusalem chungchanga vote an lak dawn khan Trumpuia khawnbawl upa ho-fatute chuan uluk takin Donald Trump a thutlukna do zawnga hmala a vote thlak ramte hming an chhinchhiah tur an sawi lawk sa reng a; hetianga US berin budget cutting a neih chuan UN pawh a chaklo sawtdawnin a lang.

US hian Annual Budget 2017-2018 atan US$ tluklehdingawn 1.2 a thawh a, UN Peace Keeping Force atan 28.5% lawih sum a thawh a, a vaia sum a chhun luh hi US$ tluklehdingawn6.5 lawih a ni. A theuneu lo, mai mai lo hle.

Hetih lai hian Thawhtanni khan Israeli PM Benjamin Netanyahu chuan, ram 10 zetin Tel Aviv atangin Jerusalem khawpuiah Embassy dah tum an awm tih sawiin, a then chu Europe ram atangin an ni, a ti. US tih lohvah Guatemala raminan Embassy chu Jerusalem ah dah an tum tih Dec 24 khan an lo puang tawh bawk.Israeli Dy Foreign Minister Tzipi Hotovely chuan Israel Radio “Reshet Bet” a hrilh danin, PM Netanyahu thusawi tawmin, ram 10 chuan Jerusalem ah Embassy an suan lut dawn, a ti bawk.

Reuters chanchinbu chuan Turkey leh Lebanon leh Malaysia ve thung chuan East Jerusalem ah Embassy hun an tum a ti ve thung. East Jerusalem lam chu Palestinian-Muslim chan pual a nihzia tihlan nan hetiang hian ruahmanna an siam ve niin alang, tiin The Daily Star chuan a sawi a; Lebanese Foreign Minister Gebran Bassil chuan Turkish Foreign Minister a biak hnuah thutlukna a siam niin a lang.

Malaysian Foreign Minister Ahmad Zahid Hamidi pawhin, East Jerusalem ah Embassy hawn ngei an tum niin, The Independent chanchinbu chuan a sawi. South Africa ram erawhin Tel Aviv hmuna an Embassy chu Liason office-Consulate ang chauhva tih tet chhoh an tum niin, Al-Jazeera TV chuan a puang thung. Chuti a nih chuan Jerusalem lamah Embassy tukverh hawn an tum ve a ni mai thei e.

Author : CT Lalrinawma

Aside | Posted on by | Tagged , , | Leave a comment