PHUBA LAKNA RUNTHLÀK by Kc-i Pa Khawlhring

Fehrehsan hun vèl chuan tu te emaw chul ramah a chuang chhuak hlawl mai a. Thil tisual, tih takah a phawk hra mai a. Thlawh laia lungpuiah chuan chuangin a hawi kual vèl ruai a, thilnung che eih pawh a hmuh tàk loh avángin mual leh lama chul thlám lam chu a pan phei ta ta nghál a.  Ral atanga a va hmuh dán ang chiahian thlàm kawngka chu rawnal ai lam tawh chuan a lo indo a. Hawi kual vél ruai chung chuan a lut ta a.

Nì lì liam taa chaw kham khawp a ei kha a la chhunzawm miah lo a. A taksa a chauin, chaw a mamawh takzet tawh a ni. A pumpui hnawhpuarna túr bàk ngaihtuah a nei lo. A vánneih asiamin ba-ne tlèm te lo chu a chhum sawk sawk a, a tum dán chuan a ei zawh veleha chu chul thlám ram mék chu tlanchhiatsan leh chu a ni mai.

Mahse, a chauh tawh èm avángin a tum ang chuan a awm thei lo. Ba-ne a ei zo chu tlung ban vèla sazunghawnghlap lo zàm chho vèl te chu delhin a muhil ta bawrh bawrh a, Loneitunu a lo thlen hma chuan.

A lo harh leh chiah chuan hmeichhe perfume rim nam chak mai chu a hre nghàl a. A thil hmuh hmasak ber chu mak ti hmèl taka loneitunu’n a lo en reng chu a ni.

” Tunge i nih? “
” Ka pi, i rimtùi hle mai!” a ti thung a.

” Eng rim mah ka nam lo, buarpui rim a nih nghàl loh chuan! ”

” Kha thil kha ti túr ka ni lo asin mawle!” a ti leh daih a.
” Eng maw, i tih a?”
” A, engmah. Engmah ka ti lo rèng rèng.”

A inthing harh a. Chu chul thlàm chhe tawh tak chu chhuahsan pahin, ” Ka pi, i bal chhetè ka lo ei a, min hrethiam a ni ang chu,” a’n ti zui a.

Túnah chuan a bialnu a thah atang khàn thla thum zet mai a liam tawh a. Chu pawh, a duh réng vàng ni lovin, tih palh thil thu liau liau a ni! Mahse, an thenawmte’n an inhnial buai leh thinrim taka an inhau thawm an hriat ve vek avàngin inpuang ta lovin kha mi zán la la la khàn tukverhah zuang chhuakin a tlanbo zui ta a ni.

A bialnu a thah atanga hapta hnih àwm vèl atang chuan thil mak ang reng tak mai a tawng tan ta a. Chu chu, a mutthilh a, a thanharh tikah a bialnu perfume rim a hre thin chu a ni.

Khuaah pawh lut ngam lovin ramhnuaiah a hmuh hmuh eiin a inhnawhpuar mai a. A vànneih cháng chuan mi thangawk a tawn fuh chàng a awm a, mi thlàm véla nawalh a ruk hmang chuan fimkhur taka meichhemin a hem hmin mai thin a ni.

Chutianga thla sarih zet mai a tal kual vèl hnu chuan zàn khat chu a riahna pùka a mu chu rawn nghengtu awm tlata hriatna a nei a. Mahse, chutiang àwm thilnung engmah a hmu bawk si lo. Reilotèah chuan hlauhnain a rawn tham zui a, a hmulthi te chu a ding ta sung sung mai a. Tlanchhiat ngaihna awm bawk si lo, a tho a, mei chu tinungin a thu tlaivar ta thak a.

Khua a lo èn chuan a hlauhna te chu a reh a. Pùk tolawta lungah chuan a thu vang vang a. Chutia, ngawi renga a thut lai chuan a thlang ruama lungrun taka hmeichhe zai ri chu a hre leh ta thut a. A hla sak erawh chiang fakin a hre thei lo.

Zai ri chu a ring telh telha hriatna a neih rualin a lo hnai tual tualin a hre bawk. A aw lah chu a hriat tawh hnu ni tlatin a hre leh nghàl. Hlauhna nèna a ngaihthlàk lai chuan zai ri chu a tàwp leh ta daih a. A thaw ta huai a. Mahse, chu chu bul tanna tùr chauh a ni si!

Chhunah chuan ei túr zawngin a chhuak thin a. A kaw puarna tùr táwk chu a hmu mai zèl bawk a.

Zàn khat chu thawm a hre leh ta tlat mai le. Pùk pàwn lamah chuan hmeichhe mangang khek ri a awm tlat mai. Kal tùr nge, ngaihthlàk liam mai túr?

A tàwpah chuan a huaisenna zawng zawng sawmkhàwmin meichher a dep kai a, pùk pàwnah chuan a va chhuak a. Inlàk huaisena’n an khek vél chiam a, mahse, thawm ri engmah hre zui lovin a lut leh ta a. Thawm chu thehmeh an sawi ang maiin a reh zui tlawk tlawk a. Mahse, mak tak maiin a bialnu perfume rim bawk chu a hre leh ta a, a ngaihna a hre lo hle mai.

Chumi atanga thla chanve chhúng chu tibuaitu awm lovin chu lai ram palailèng zimtèah chuan a la khawsa a.

Nì khat chu Mizo sairawkherh a siam chawp chu lek chhuakin sa a pel a.  Vánneihthlàk takin Zawbuang muhil lai tawng fuhin a perh let tawp mai a. Tha tho takin a pùk tè lam pan chuan a paw haw ta a. Mahse, ral atanga a pùk a’n hmuh meuh chuan a mengphar ta awn awn mai le! Pùk ko tlànga lungpui to lawta hmeichhe pakhat thu a’n hmuh meuh chuan!

A mit vai mai a ni lo, tih a hrefiah nghàl a. Chutia, a en reng lai chuan perfume rim bawk chu a hre leh ta a.  Túnah chuan chu hmeichhia chu a bialnu thlarau a ni, tih a hai thei tawh lo. Mahse, a hma ang khàn hlauhna rèng a nei tawh lo. Hmanhmawh takin a pan chùk chùk ta zawk a!!

Lungpui chungah chuan a dam laia chawlhnì thuam néna a inthuam ang chiahin a lo thu a. Hmèl runthlàk tak pu chungin, ” Lura, haw vang vang la, Pathian hnèna ngaidam dìl chungin ka chunga i thil tih sual kha va inpuang rawh. Kei paw’n ka ngaidam che a, Pathian pawhin a ngaidam a che! Túnah haw nghàl rawh. Ka hmangaihna che hi chatuan daih a ni, ka tih kha…!” a ti a, meikhu angin a zam ral ta a. Chumi atang chuan a bialnu thlarau pawh chu a reh hlen ta a ni!

Advertisements
Aside | Posted on by | Tagged , , | Leave a comment

HMEICHHE SUMO DRIVER RAWKTU MAN A NI TA

Sapramchhani, Mizo hmeichhe Sumo driver pawisa leh thildang ruksaka tlan bo ta, Isaac Nunhlimpuia(27)s/o. Lalchamliana of Ramthar, Lunglei chu theihtawp chhuaha zawmchhunzawm niin vawiin tlai khan Zotlang lunglei ah Auto-rickshaw a ruk nen Zotlang Y. M. A ten an hmu a police te nen vawin dt 31.10.17 @ 4:00 pm khan an man ta a ni.

He sumo a thil bo hi ama lak ngei a ni tih Police hnenah a puang a; pawisa hi a hmang zo tawh a thil dang, documents, mobile handset, erawh hmuh leh la beisei a ni.

image

Pic: Sumo driver Sapramchhani leh a rawktu Isaac Nunhlimpuia

Aside | Posted on by | Tagged , | Leave a comment

FUR RUAHTUI KARA HMANGAIHNA By: Ar EL Khawlhring

Kha, fur ruahtui han hân ta duk, min hrethiam duh lo fe chunga a rawn tlâk nawn leh zan tak kha kan inhmangaihna par chhuah zan chu a ni.
Engvang nge maw chung khuanu pawh hian fûr lai kherin kan kara hmangaihna hi a pâr chhuahtir kher kher le…!!

Facebook-a group hrang hrangah ka lut lâwr a, Mizo nula bawp sei thlalak group chu ka en duh phian. Chutia ka keu lawr mai mai lai chuan inbox-ah message a lo thleng a. Ka han en nghal vat a;

“Fb hi khawih dan ka thiam lo lutuk, ka khawih ţanna a la rei lo bawk sia, min lo pui teh,” tih hi a lo nia.
“Enge i harsatna, eng browser nge i hman?” Chutih pah chuan a profile picture chu ka han en nghal a. Chhe lo phian mai a!

“FACEBOOK browser pangngai tawp ka hmang.”
“Enge i buaina ber?” tih pah chuan a pp dang chu ka han check chhunzawm nghal zat a. Chutah a han sawi chho va, mutual friend chungchangte, thlalak tag dan…adt..

Ka han hrilhfiah chho malh malh a, hriatthiam nghal mai loh a neih te pawh dawhthei takin ka hrilh zel a, ka phûr viau mai. Min reply leh hmain a thlalak dang dang lo en kual leh a, ka meng ‘Tawka’ hru tawh mai. A profile name ka han en chiang leh a, ‘Gene………’ a lo ni a.

“Tinge kei kher min lo râwn a!?” ka han ti a.
“Midang chu ka râwn hreh alawm, ka zak a, ka thil rawn zawh che hi midang bulah sawi suh aw” a rawn ti a.

Ngaihtuah tham a awm ve tlat. Kei a hmelhriat sa pawh ni bik hlei lo hi tinge min râwn ngam bik! Lawm tur a ni chiah em? Ka hmel hi a rinawm viau zawk nge mawni le…? A, a lawmawm lamah ngai phawt teh ang. Tichuan eng engemaw sawiin leh veng hming te inhrilh-in dar 1 dawn chu kan thleng ve der mai a. Ehe! Ka post siam tur ka lo theihnghilh hmak mai le… Pawi kher mai a, pawi leh lo ve. Zanin chu a nuam vei reuh em a nih kha.

A zan lehah chuan thil pawimawh avangin ka haw hma hman lo va. Dar 11 vel, in ka thlen veleha ka han online chuan ka han bih dek dek a, a lo la hring kiau mai. Ka phûr phah leh deuh sawt.

“I la meng a ni maw?” tih hi ka va thawn a.
“Aw, ka lo nghak che a.”
Ahaaii..a va nuam reuh e, nge ni min bawl a tum khanglang zawk emaw ni le?

“Awihawm lem loh e, chhas nen in inbia a ni maw?”
“Teuh lo, sas ka nei ngai lo.”

“Tinge?”
“Ka nuin neih a phal lo va.”

Chuta a han sawifiah chuan Bsc a zawh hnuah zirlai rei tak engemaw buaina avanga a chawlhsan thu te, a nuin zir zawm tura a tih avanga ngaihzawng neih a phal loh thu te chu min hrilh a. Keimaha a ruka beiseina lo awm ve ringawt kha Chite lui mawnga pêt liam thlak ang vawn vawn a ni ta. Kan inbe ţan dek dek a, ka hnual nghal rawih mai.

Mahse a zan lehah pawh thil min rawn zawt leh a. Mizorama fb a rawn chhuah tirh deuhthaw atanga khawih ve ka ni bawk a, a harsatna tawh chu ka tawn hnu deuh vek anih avangin ka hrilh thei ve zel mai a. Chutah kan inbe chhunzawm a, kan inbiak zawh meuh chuan online hi an lo awm meuh tawh lo.

Chutiang chuan hunawl apiangah hian kan inbia a, hmel tak inhmu si lovin thla 2 dawn lai chu kan inbe ta. Zanah lah kan inbiak zawh a kan han mut ve meuh hi chuan dâr tlemtê hi a lo ri hman ziah.

Zan khat chu ka beisei loh deuhin ‘Live’ a inhmuh a chak thu min rawn hrilh tehmial a. Ka phûr hle mai. Mahse chhun hun awl ţha ka nei lo va, zanah han ti dawn ila, ruah a sur nasa thin si, kan veng a inhlatin kawng chhiatzia an sawi nasa si. Chutah a nuin ngaihzawng neih a phal lo anih chuan ka leng thei lo emaw a ni anga, a buaithlak hmel hle mai.

Chutah kan inhmuh theih hlauh takin tih thu-ah, “Thlalak inthawn lawk ang, tuna kan awm mek dan thlalak,” ka ti a. Ka tih nachhan tak pawh, min hai mai mai a nih ka hlauhthawn thut vang a ni.
Tichuan a awmhmun thlalak chu min rawn thawn a, fb ami aiin a chhe lo emaw tih mai tur a ni. Chutah min han dil ve khauh a, ka han selfie ve sawk sawk a, ka thawn ve ta nghal a.

Reiloteah a message a lo thleng a, “Kei chuan hmelah hian ka en lem lo va,” tih a lo nia, a va lawmawm lem loh tak, ka lo inlak chhiat loh ve nen.

*******
Ni thum lai mai ruah a sur ta lo va, mual min liamsan ta te pawh a ni’ang e.
Hetia ruaha sur  loh lai hi inhmuh a remchan lai anih vei nen, hun remchang a nei thei chuang lo va. Mahse ruah sur loh zan 3-na zan dar 8 velah chuan a chhuah lawk theih tur thu a rawn sawi ta.

Phur tak maiin ka insiam a, uluk takin ka inchei a.  Ka nau fair&lovely ngei mai chu hman sakin ka han inhnawih paw ve deuh phak a, ţan a na teh e.
Dar 8:30 vel chuan scooty la chhuakin ka tlan ta nghal a. Thui pawh ka la tlan hman lo, ruah mal lian fe fe hi a rawn tla ţan ta. Rain coat ka keng si lo, kawng sirah ka han ding zawk a. Mahse a tlai chhe mai dawn. Amah hmu lo va let leh chu ka tum lo nasa mai.

Chutah ka han tlan leh ta a. Kan veng a inhlat avangin lai leh laiah, kawng chanvea inhmuh kan intiam a. Dar 9 a pelh hnu chuan kan sawi hmunah tak, ruah hmi seng seng karah ka ding reng tawh.

Kan han in phone a, “Ka awm tawh a nia,” a rawn ti ta. Keiin, “Ka awm tawh,” ka ti bawk si. Kan inhmu der bawk si lo. Inhmuh hma hma aţangin, “I va mawl tak e aw,” kan inti deuh chhen tawh. Lo awm mai rawh min tihna hmunah chuan ka tlan thleng leh ta a, a lo la thleng ve chuang lo. Mahse reiloteah scooty rawn eng vat vat ka hmu a, chutah ngei chuan a rawn chuang a, rawlthar pakhatin a rawn phur zui.

Ruahin a nan ve lo nge ni, a rawn chhe lo hle mai. Thlalaka ka hmuh ai chuan a takah a tha fe zawk. Kei lah arte tui tla ang chiapin ka thleng ve hram a, ka huh pheng mai bawk si, ka fair&lovely inhnawih lah ţum danga ka inhnawih ka chet fuh loh ang bawk a ni leh ta. Ruah khan a nan, ka hmai ka lo nuai ve bawk si, lovely ka nuai bo zo va, fair chiah ka chang ta, ka fair tawh ţiah ţiah khawp mai. Chutah rawn chhukin scooty rawn khalhtu chu a kal tir a, dar 10:30 a lam leh turin a ti a, kan inhmuh rei loh hmel khawp mai. Tunah dar 10 a ri der tawh a, kan inzawng kual rei deuh a ni.

Sawi tur haihchham dun angreng takin kan han ţhu dun ren rawn a. Hun lah chu kan nei tlem nasa si. Chutah, “Tunge a rawn thlahtu che kha?” ka han ti a.
“Kan ţhenawm nau anih kha, ka driver,” tih pahin a nui sak a.

“I chhunge bulah engtin nge chhuanlam i siam?”
“Ka pute inah chaw kan ei a, ka thiannu damlo tlawh zawk tur angin ka rawn chhuak.”

Tlemin ka han thut hnaih deuh a. Kuah tuma ka ban ka han tihchêt lai takin khawpui a rawn ri dur dur a, ruah a rawn ri ta hum hum mai. Hmanhmawh zetin mi varanda lam panin kan tlan a, kan thlen chuan kan huh deuh hnuang hman tho.

Dar 10:30 a haw tum kha an ni na a, malsawm ruah avang chuan haw thei lovin a awm phah a, ka tan chuan a tihchi zek. Mahse mi varanda current êng hnuaiah awm heki le, a sexy lo khawp mai.

A nauvin a rawn lam leh chuan 11:30 vel niin ruah a bang ta bawk a. Pahnih an ni tho tiin, “Min rawn thlah r’u, kan in pawh rawn hre ve hrim hrim ula,” ka ti a, an hnial lem lo va. Chutah amah Genei chu ka phur a, a nau hruai chu amahin a tlan  a. Chutah a zankhatna leh a vawikhat nan kawng chhe nâl laiah chuan ka han tlukpui ta hram a.

A chhungte bulah chhuanlam a siam fuh cher cher bawk aniang, thlamuang takin zing lam dar 1 velah chuan an haw ta a. Vawikhat inhmuhnaah chuan a lungawithlak thawkhat e.

Chutia kan inhmu ta chu kan invei dun ta riau mai. Inhmuh leh hi kan chak dun thei em em a. Chhunah len nan hunawl ka nei si lo. Zanah lah a chhuak thei bik si lo, an inah lah len chi si loh, buaithlak tak a ni.

Inhmuh tum leh inhmu chak ta nangiang chu le, tihdan phei chu a awm mai. Zanah a chhungte bula dawt sawi keuh, a bâk tihdan tur a vâng tlat.
Mahse buaithlak ta chu a chhuanlam khan hla tak a thleng thei lo. Hla lo tea a ţhiannu kha a chhuanlam ţha ber chu a ni mai. An in hlatah chuan a kal thiang lo, hmeichhia a ni sia.

Ka hmu chak ve tawh bawk a, ruahsur tla phuar phuar hnuaiah chuan ka han inkhalh chhuak leh bap bap a. An veng ţhenawm ka thlen aţanga kawng chhiat dan chu buru tak a ni ringawt. Rei deuh fe ka han tawlh deuh piat piat hnu chuan ka thleng ve mai.

A lo awmna tur a sawi ka’n hre fuh lo lehpek a, kan han inzawng leh zak zak phawt a, hun a neih tlem vei nen.
Kan han inhmu a, ‘Mawl’ kan han inti hmasa leh te te a. Chutah an in hlat si lo, awmna tur ţhaa a hriat chhunah chuan kan han kal ngei a. A fianrial ţhat hmel angreng chuan ka hria. Mahse le, minute 5 kan ţhu chauh tih chuan kan awmna bul chiah chu kawng tih ka hre ta. Motor a rawn êng vu vu a, min chhun pha zel lehnghal, a sesy lo thei ania. Reiloteah ruah a rawn sur leh a, mi hulhliap êng ţha kelhkawlhah bawk tlanchhiat a ngai leh ta.
Chutiang reng reng chuan zanthum vel chu kan awm. ‘Chance’ ţawih zet zet kan nei ve. Hmun dang hre hek lo le, an in aţanga hnaivai a ngai bawk si, a nu-in a rawn phone chuan haw nghal vat theihna remchang kha a ngai sia, a ţhiante inah lah a tihchi chiah bawk si loh, a hahthlak teh e.

Ka haw lam kawng nâl chu thuhran, a chhiat dan hi a turu em avangin zan thim lo ni bawk nen, ka tlu haw leh nge nge ţhin, dettol a hek khawp mai. Ka tlukna a diak deuh phei chuan zan dar 12 velah peih lo tâwka inbual a la ngai zui. Hnathawh thawmhnaw nena chhuahna chi a ni.

Mahse a mi ngaih a zual a ni tehchek ang chu, min rawn phone a, a nu hnena ngaihzawng a neih a hrilh mai tur thu min rawn hrilh a. A pa hi an bulah a awm loh avangin a nu leh a pite nen an ni mai a. Mahse a nu a hrilh ngam lawk ta si lo, thlakhat chu a liam der mai.

Ka tlu zing bawk si, silawng, ning bawk si chuan, “Lo leng ve tawh mai rawh,” te hi ka’n ti leh ngawt ţhin. Amahin chhuak ngam der hek lo le, zankhat chu a sikuti a nau a rawn khalh tir leh a hlawh neiin, an rawn lang ve hlawl a. Mahse midang rawn hruai nei ta chu, kan che ‘Fair’ thei a nia.

Ka ngai a, min ngai bawk a, chhun ka hunawl neih ve chhunah pawh hruaitu neiin a lo len ve kha. Hlim zawng kan hlim dun ve chiang alawm.
Nia, kan hlim, kan hlim lutuk. Hemi chhung hun tlêm leh tawitea kan hun hman hi midang tan thil ho tak tur ni mah se, ka tan chuan chatuana thar leh tur nunhlui a ni ngei ang.


Khua a ţha nileng, ka leng thei dawn chiang. Ka phûr khawp mai, a nu a lo dil vei thlap bawk si, nuam dawn teh e…
Tlai dar 4 vel a rik a kawlkil lam ka han melh meuh chuan khua a lo dur leh ta khuih khuih mai le! Mahse chu ai mah chuan ka hmel a dur zawkin ka ring. ‘Aw Lalpa, i ti buaithlak thei eee.’

Motor chung khuh nei chi awh a na thin ngei mai. Ka lo tiam tawh angin ka len ngei chu a ngai dawn si a. Chhuanlam ka siam zauh zauh a, a nuam bik miah lo. Hlauh ang ngeiin phuba la ni awm hrimin thinrim hmel zet hian a rawn sur leh tak tak ta. Min ti hnual vek alawm le.

Hmn, rain coat thar ka neih kha maw…. Ka chhuak lui khawp ang, ka va tlu tawh kher awm lo, kum 10 chuang two wheeler khalh ve tawh si hi tinge ka tluk bik chhen…

Fimkhur tak chuan ka chhuak a. Chu fur ruah zet chuan min sawisa rethei phei leh bap bap hle mai. He fûr ruah zet hi chu aw, a hân hleithei lo, mihur kekawrtê ang mai a ni, a tla reng mai.Vawi engemaw zat ka din phah.
He kawng zet hi chu metal road a hming chuan a ni ve si, bawng kawngţum ni awm zawka mawi alawm a nih le. Ramhuai an hmu ţhin an tihna hmun tlan pelh ngai ziah bawk si.

Hah hnepin tlu lovin an in piah chu ka thleng ta hram a, ka thaw huai mai. Ruah lahin min hmusit ni awm fahranin, ka nan kim lo palh ang ti ni awm tak hian,  hnuaichhiah hmel tawkin min la nan tluk tluk bawk a.

Inchhung ka lut ang a, a nu ka hmachhawn dawn si, chuvang chuan theihtawpa intih zahawm thiam leh nelawm taka lan thiam a ngai dawn a ni tih ka ngaihtuah mek lai chuan step nâl rap pialin ka tawlh zawt a, an in kawt chu ka thleng fel der mai. Ka dâr leh khûp thip dan atang chuan a pilh tih ka hrethiam nghal mai a, ka kâwng leh ka ngal han nat dan chu(h). Ka han kal tur chu ka ke ka bilh tih ka hre zui bawk a, a va han ‘Hit’ lo ve chai chai tak em.

Bai suih suih chungin kawngka ka kik a, a nu ngei mai chuan kawngka rawn hawngin a tarmit chung atang chuan min han melh vang vang a, “Lo lut rawh,” a ti ta nge nge a.

Amah Gene chuan a nu vengthawng deuh chung chuan min lo nuih sang a. Tichuan hlim tak chuan kan inkawm chho na a, a nu chuan a palang chung aţanga min rawn melh leh rulh ţhin han hmuh chuan awm a tinuam lo.

Dar 10 a rik chuan a nu chu a mu ta hlauh a. Tichuan inţhuthnaihin biahthu di chu  kan inhlan mawlh mawlh a. Thawm a rawn ri rak a, hmanhmawh zetin a sir ve veah kan ţhu hman hram.

A nu chu rawn tho lehin chawhmeh ţhing a rawn chhuang leh… A va ţul lo tak, nichin lawkah a chhuang tawh a, ka hmu reng sia….

Keini Genei nen lah inbe chuang lovin a nu chawhmeh chhuang chu kan nghak ngar ngar a. A tawpa tawpah chuan a so ta, kan thaw huai mai. A mu leh nghal mai dawn emaw tih nakalaiin Agape chanchinbu la chhuakin a chhiar khawmuang leh, Genei nen chuan kan in ‘Signal’ a kan nui tawp.

Chutah a nu vek chuan a palang chunglam aţang bawk chuan sana chu a han melh rulh a, chutah min han melh leh rulh a, awm hi a nuam thei tawh lo reng reng ringawt. Ka tih theih awmchhun chu haw a ni mai. Zum leh hriam karah an in ka thleng a, ka tawrh nasat vei nen chu zawng chu ka chan a ni tih ka ngaihtuah chhuah phei chuan ka thinrim, ka rilru na bawk si chuan, ‘Ka leng tawh malek ang,’ ka ti rilru ţhuai ţhuai a.

Haw kawngah lah a chhe zualpui ka pelh dawn chiahin ka han tlu leh hram a, ka khup pilh sa chu ka han ‘Confirm’ leh sak anih kha. Tlangval a pumpa mah ni ila e, ţah a chhuah duh zia mai chu.


Genei chuan zan leha leng tura min han sawm leh pawh chuan aw ka pawh duh ta rih lo.
Hemi atanga kar 1 a liam leh chuan message-in min ngaih thu min rawn hrilh leh keuh keuh a, kei lahin ngai bawk. Ruah pawh a hmi seng seng chauh a, a hmaa a nu chetdan kha chu hmangaihna thinlung pu chungin ka theihnghilh leh mai tawh.

Rain coat ka ha sauh sauh a, tlûkna ngaia tlûk tum tawh lo tak chungin ka inkhalh chhuak leh bauh bauh a. Ruah a sur nasat loh avangin minute 45 velah chuan tlu lovin ka thleng ve ta hram a.

Ka len hmasak ang lo takin a nu pawh chuan min lo be ve surh surh tawh. Umn, zanin chu a fuh tawh dawn e,.. Ka khi deuh sung mai.
A nuin tv a en lai chuan a sir kilah zawi te tea ţawngin kan lo hlim ve em em a. Dar 10 a rik chuan a nu chuan mut a tum thu leh hlim deuha inkawm turin min ti a, mut pindan lamah min luhsan ta a. Kan lawm lutuk chu kan ‘Hallelui’ lo chauh a ni e.

Mahse kan hlim dawn chauh emaw tih laiin ani Genei, ka laka zêp nei ta lem lo chuan a inbox min han entir chuan ka lawm vak tlat lo. A hmelin a zir bawk a, a lo luck mah mah chu a ni. Mipa-in an biaknate ka chhiar a, ani chuan a rul tawk, beiseiawm  si loh, a mawi tawk chauhin chhang let mahse kei thikthu chhe lutuk  ‘Mood’  chu a ‘Off’ hmak.

Chuta ka lungawi lo min thlem tuma min rawn ţhut hnaih a, min han nghen lai tak mai chuan a nu chu thawm nei hlek lovin pindan aţang chuan a lo chhuak leh hlawl mai, kan va han che lai dun tak. A rawn meng kal rulh rulh a, a vei tau deuh  nghut nghut bawk a. Nichin lawka thingpui in si khan thingpui a rawn siam leh ringawt, a heh awm mange ka ti…

Lungawi lohna a thuahhnih tlat, haw a ngai. Ka haw tur thu ka’n sawi chuan Genei min chhan hma hmain a nu chuan, “A la hma alawm,” lem zet hian a rawn tizui a, ngeiawm mai mai chuan. Engmah sawi lovin ka chhuak nal nal a.

Scooty chuan a kawng ţha lai ka tlan chhuak chiah tihah headlight a thim ta hmak mai le! Kawng chhia ka tlan dawn ţan chiah lehnghal. A thim chung chuan tlan vak ngaihna a awm dawna ka hriat loh avangin tlawm la deuh chungin torch light hawh tur tal an neih takin ti rilru chungin Genei chu ka han phone a. Lehlamah a nuin, “Rawn riak mai rawh se,” a tih ka beisei ru deuh bawk, ti ila, a ti awm chai si lo.

“Lo awm rawh aw, ka scooty hi i hawn mai dawn nia,” a rawn ti ta. Genei hi chu a va fel  reuh tak. Mahse a hmaa ka thinrim kha ka ngaihtuah chhuak leh thut pek a, “A ngai lo,” tih pahin phone ka dah a, kawng chhe lutuk tak mai, ringtute’n vanram kan panna ni awm khawpa bumbohah chuan ka’n tlan tak tak mai a nih kha. Headlight ţhaa ka tlan pawh a tlu bawksawp nuaih nuaih chunga minute 45 vel tlan ţhin khan minute 30 velah harsatna awm miah lovin in chu ka tlan thleng leh der ang lawi a. Genei’n min rawn phone leh chuan in ka thlen tawh thu ka lo hrilh a, a awih hmel vak loh bakah a nuih a zat hmel tehchiam loh.


Chumi hnu chuan kan inbe tam vak ta lo. Ka awmdanah khan a lungawi vak lo te pawh aniang, kei lah lungawi bik hek suh.
Mahse a inbox ka chhiarsak a ka lungawi lo tih a hriat avangin ngaihdam erawh min rawn dil a, a biak leh ngai tawh loh tur thu min rawn hrilh a, ka hlim sawt mai. Min ngaih thute min han hrilh takah chuan kei lo lungleng ve leh tawh bawk nen, kar tawpa ka len tur thu ka hrilh a. Mahse engmah hi ka tiam hleithei lo. Ka tiam berah pawh, ‘Ka lo lenna hi engma’n min dal lovang. Ka lo leng ngei ngei ang, ruah a sur loh chuan,’ tih a ngai tlat.

Diktak chuan ruah sur nal lutuk, bumboh leh khuar chek chuka va insawh leh hrep chu e, keima tan chuan thudang ni se, scooty pawh a ui(h)awm piah lamah a khawngaihthlak reng reng. Ţawng thei ngat phei se chu a hrehawm ti lutuk hian, “Ka pu, min that law law rawh, ka tan a nuam zawk ang,” a tih ka ring tlat.

******

Ka lo tiam tawh ang ngeiin zirtawp zan chuan leng turin ka chhuak leh ta. Hlauh ang ngeiin kawng chanve ka thleng chauh tihih ruahpui vanâwnin min han nan leh nghal a. Chutah thlipui hrâng zet a rawn thawk a, min len tlu thei takngial dawn a ka hriat avangin ka chawl ta nge nge a. Ruah chu a nasat em avangin kal thei lawk lovin ka tâng reng a. Dar 9 a rik chuan a ziaawm ta deuh. Haw leh mai tur zawk nge ni tih ka ngaihtuah lai chuan Genei chuan min rawn phone ta hlauh a, leng tho tura min duh avang chuan an veng lam panin ka tlan leh ta bauh bauh a.

Vanneihthlak takin chesual miah lovin ka thleng thei ta, an step-ah pawh ka tlu lo. Mahse dar 9:30 vel a ni tawh, len luh chu inthlahrunawm tawh tak a ni. An varanda (verandah)-ah chuan rain coat chu phelhin door bell ka han hmet a, a ring ţha duh tawh hle mai. Reiloteah Genei chuan rawn hawngin ka lut ta a. Sitting room ka han lut chu a nu chuan a palang chung aţang ngei mai chuan min lo melh leh ta kur mai. Ka leng tlai bawk a, inbiak ţhat vakna chi pawh a ni lo a ni ang, ka hrethiam khawp mai.

A nuin min melh hruk hrukna karah chuan ţawng ring ngam si lovin kan titi melh melh a. ‘Muah’ te pawh a chakawm ve nen a rem lo nasa mai, a nu zun lawk chhung nghah a ngai zel. Mahse dar 10 a ri ţep e. Chutih rualin a nu ‘Tactic’ ka man ve tawh tho va. Dar 10-ah a mu anga, darkar chanve velah a lo tho leh ang. Eng engemaw ţul lo pui a rawn ti leh ang a, ruah a sur loh lai a nih chuan ka haw ngei a ngai bawk ang.

Dar 10 chu a ri ta ngei a, a tho nulh a, mu tur chuan a phei ta. Thawm a reh fel ta maw tihah Angie nen chuan kan inţhut hnaih seuh seuh a, inthlahlel zetin kan inkeih ta mial mial a. Mahse, kan ngawi rei ta deuh nge, mut pindan lam atang chuan thawm a rawn awm leh hma khawp mai. Rang takin Genei chu a ţhu sawn leh nghal a.

Ka lo rin lawk ang chiahin a nu chu a rawn tho leh chhut chhut a. Eng tak chu ti leh dawn chu ni maw? A rukin Genei erawh a lo nui khur char char tawh.

Chutah le…., ka hriatchian lutuk, nichin lawka chawhmeh ţhing a chhuan kha a va chhuang nawn lehpek a nih kha! Nikhua lo lutuk mai a. Genei ngaihdan pawh a ni chiah bik lo ani’ang, “Nu, nichin lawkah i chhuan kha,” a rawn ti ta. Kei lah nui ţha ngam si lovin ka lo khur ngat ngat thung. A nu lah chuan engdanga chhang ta lo chuan a tarmit chung aţang ngei chuan a rawn melh rulh ringawt a, tihngaihna a vâng.

Chutah a so ta maw tihah Bible a la chhuak a, a han chhiar leh, huiha… A rilruah a lut lo teh ang chu… A phakar em mai, a thu chhiar chu Pathianin mal a sawm paw’n ka ring nek lo ve a.

Ruah lah a hân duh der bawk si lo, dar 11 a ri dawn takngial ta. A nu lah chu a mu duh der bawk si lo.
“Gene, ka haw ang e.”
Genei min chhân hma hmain a nu chuan, “A la hma alawm, hei ruah a sur nasa bawk si,” a rawn ti ve leh khauh mai, nuihzatthlak zawkin… Chuti na na na ka ti rilru a, ka ding uaih tawh chu ka han ţhu fel leh hmak a, tifuh lo chu a inti teh ang chu, a meng leh nghal rulh rulh mai, a khap  fuk fuk bawk a.

Dar 12 a hnai ta ruih mai, ruah lah chuan ban zai a rel der mai si lo va. A nu lah chu nghate rêp ang kar, a meng kar mai.

‘Chûn lungmawli,
Meng ve rengi, meng ve rengi,’
tih hla te kha ka hre chhuak uai uai a.

Ruah a hân duk a, a nu chu a rawn hawi chhuak nghal hrû, min rawn melh nghal rulh bawk. A awmzia ka hre chiang. ‘Chu, ruah bang ta chu i hre ve em?’ min rawn tihna a ni tih ka hai lo, ka muthlu der tlat zawk dawn emaw ni le….

Mawi zawn a ngaih ve bawk si avang chuan ka tho ta a. Tichuan varanda-ah chuan Genei nen kan inzui chhuak a, ka kutah min rawn kai nghal a. Engemaw sawi tuma a kâ a ân zuau lai chuan kawngka a rawn ri rak a, a nu chu a lo chhuak ve leh ta. Varanda-a chair an dah, zan dangah pawh an riah ţhin chu a rawn la ringawt a, a va ţul lo takkk….
Chutah, “Mangţha u aw,” tih pah chuan ka kal ta vang vang a.

Kawng chhe laiah chuan thin tirim tawk tur lekin ka khup pân, la dam lo chu ka han sawh pilh leh hram a. Thinrim insehruh ţeuh chungin in chu ka thleng ta a.

Ni a liam a, he fûr zet hi chuan a daih rei mah mahin ka hre tawh. Chumi piah lamah ka len theih ţum pawha heti taka hun ţha kan nei thei lo ka hmuh hian, ka ngaihzawn loh tawp tur ngaizawng niin ka inhre ta.
Ka inngaihtuah vang vang hnu chuan Genei chu message ka va thawn a.

“Gene, a buaithlak e.”
“Ni ngawt mai.”
A lo hrethiam nghal tih ka hre mai.

Chutah amah vek chuan message min rawn thawn lehin, “Inţhen rih phawt mai ang hmiang,” a rawn ti ta a.
Kei lah chuan inngaihtuah buai eih lovin, “Aw le,” ka lo ti mai bawk a.

Chutah a han reh deuh vang vang a.
“Ngaihzawng dang chu ka nei tawh miah lovang ka zirlai ka zawh hma chuan,” a rawn ti leh a.
“Aw le, aw le,” ka lo ti leh mai a. Tichuan kan inţhen fel chu a ni ta der mai. Ka tawrh âwm pawh ka hre lem lo ve. Kei pawh ka insawhna pân vel chu a reh fel hma chuan ngaihzawng ka nei tawh bik lovang.

A tûk a lo thleng a, kâwlah Sikni êng mawi tak chu a rawn chhuak ta. Nilengin ruah a sur lo va, zanah a sur hek lo. Chumi aţang chuan thlasik rawn inţanin ruah a sur chhunzawm ta reng reng lo va. Mahse kan lo inţhen laklawh tawh si. Lenna tur hre lo chuan ka hawihil ta reng ringawt a. A, ani pawh kha a hawihil ve âwm tho e….

Chutah inngaihtuah chungin chauhthubarawh-ah, “Engati nge ka lên hun chhung zawng ruah a sûr tluk tluk a. Kan inţhen fel chiah a, a sur leh duh tak miah loh!? Umn, ka hre chhuak ta, Vân lam khian Genei nena kan inhmangaihna(?) kha min lo hriatpui a. Tikhan awm ta zel ila, thil ţha lo zawk tiin kan nun kan hmang dun thei. Chuvang chuan a hun takah min lo la chhuak a nih hi,” te ka ti ta vel mai mai a.

Tunah chuan thutlukna ka siam ta, ti ila, thutiam ka nei ta… Chu chu pawh a la ni chuang lo. A,  hei hi a ni e;
‘Tun achinah keimah leh midang reng reng, kan kawmthlang tlangval pawh ni rawh se. Fur lai chuan mi zawng zawng chungah hmangaihna hi a piang chhuak tawh tur a ni lo, a hahthlak,’ tih hi a ni. Mahse ka thu lah chu a ni der mai bawk si lo va.

A hnua ka hriat leh dan chuan khatia sual vang ni si lo va ka tlûk fona kawng bumboh leh nâl zet kha, kawng hluihlâwn deuh tawh, tûma kal zen zen duh tawh lohna a lo ni awm e. Midang tlan ve ka hmu ngai lo rêng a ni. Fin a tlai leh ta. Saw lam venga ngaihzawng ka neih leh vaih chuan kawng ţha hlir ka zawh tawh anga, ka tlu tawh bik lovang mawle.

Mite hmangaihna chuan a sik a sa, a fur a ţhal a sawi lo va, damchhung hial a daih ţhin. Keini inkara hmangaihna kawng bumboh tak erawh kha chuan ‘FÛR’ chhûng chiah a daih….

A TAWP TA

Aside | Posted on by | Tagged , | Leave a comment

ALLERGY : THIL HUAT NEIH

Kan chenna khawvel-ah hian, thil chi hrang hrang leh natna thlentu sawi sen loh te nen kan khawsa tlang a ni a.

Kan mitlawnga kan hmuh tham loh taksa a buaina leh natna thlentu tam tak zi nuaih nuaih karah kan la dam sen lul te hi, Pathian hnenah lawmthu sawi fo hi a pawimawh khawp mai.

Heng kan sawi tak natna hrang hrang kan ei leh in ațanga kan kai te, kan chet velna boruak ațanga kan hip luh hote lo do lettu kan taksa sipaite hian engtik lai pawhin an ral te an lo bei let ve țhin a.

Henga ralte an lo hneh loh hian kan taksaah na te, buaina te kan lo tawk țhin.

Kan taksain a huat tur kan hip luh emaw, kan vun huat tur emaw kan khawih emaw kan lo ei palh khan, kan taksa venghimtu sipai ten an lo beih let ve tak avangin, kan vunte kha a lo thak a, kan vual a, kan chawkawng/thawkna dawt te a vung a, thawk te a lo har ta țhin a. Hei hi Allergy kan tih chu a lo ni.

Tunlaia kan buaipui em em mai, a mi nawlpui in kan hriat, huat kan neih țhin ALLERGY chungchang hi han thailang ve mai mai ila.

Allergy hi Doctor-te chuan chi hrang hrang in an țhen darh a:

Hay fever (Boruaka leng huat):
Thlai chi me thlawk chum chum te, vaivut, buhțhap na khu, ran vulh hmul sin te te boruaka thlawk thei etc.

A landan: Hnar za, dang bawr vel thak, mit sen rum, bui deuh chur, hahchhiau, mit thak, vung deuh bur

FOOD ALLERGY (Ei huat):
Badam, lui lam sa, artui, bawnghnute, chhangphut leh a dang te avanga allergy:

A landan: Hmui vung, Hmai vung, Vual thak, Ka vel chhah tup, Thawk harsa.

INSECT STING/BITE ALLERGY
Hei hi chu khuai zuk vang te, taivang lam emaw rannung dang seh/zuk huat na/Sehna/zukna hmuam hma vual, thak/vung, taksa pumpui vual chhuak:

A landan: Thawk an harsat, an thaw a ri țet țet, an thaw chhuak hlei thei lo. An khuh bawh bawrh bawk. Enkawl vat loh chuan thihpui theih a ni.

Drugs allergy :
Heng penicillin te, sulpha awmna damdawi leh a dang te, sulpha awmna

Tin, heng plastic lam te, lapua zam, puan hmul a zam nei ang te pawh.

Tin, secondhand thing țhin te fimkhur a țha bawk. Secondhand thuamhnaw i leiin, sukfai a, istiri saa nawh vek a nih loh chuan ha suh. Nisa takah pho bawk ang che.

A chunga ziah lan tak nen khian a symptom a in ang.

Heng kan sawi tak te avanga nunna atana hlauhawm (anphylaxis) i hriat dan tur te:

An blood pressure (BP) a tla hniam.

Thawk an harsatin an awm zawn an thawk zawngin ri țet țet (wheszing) a awm ang.

An mar (pulse) a te ang a, a rang em em thung ang.

An uak vak vak ang a, an luak bawk ang.

An vunah vual sen tet tut a awm ang.

An hriatna a buai ang a, an chiang lo em em ang. Biak theih loh pawhin an awm thuai ang.

ALLERGY NEIH VANGA THILDANG BEHBAWM A SIAM THEIH TE:

Sinusitis, Asthma, Vun natna (țhek) leh chuap natna serious tak a siam thei.

Allergy i nei a nih chuan, eng ber nge i allergy tih hre tur khan thil i chik peih a ngai hle a ni.

Aside | Posted on by | Tagged , | Leave a comment

RAMSIAL NGE SIAL?

Kumin kumtir lam atanga Mizorama chanchin nei ngah ang reng tak, Lungzarhtum Ramsial chungchangah tunhnai khan PCCF, Pu Rosiama Vanchhawng chuan ‘Mithiam thenkhat’ a tihte’na thlalak atangin, “‘Sial pangngai a ni mai thei’ an ti,” ti a he Ramsial hlutna leh a (Ramsial) sahimna atan pawha pawi thei tur ang a tawngkam a nei hi a zialo takmeuh a, Chief Wildlife Warden meuh kamchhuak atan chuan awih a har in, he Ramsial hluttu leh Forest Department, LADC lam rilru pawh a hliam palh thei ang tih pawh a hlauhawm hle a ni.

Chumai nilo in he Ramsial avanga harsatna tawkte hnenah Zangnadawmna pek theih anih loh thu leh Zangnadawmna pek theihna dan a awm loh thu a sawi leh zel pawh hi helaia Bawng vulhtute leh he Ramsial avanga harsatna tawktute tan a beidawn thlakin a thinrim thlak viau thei a, he Ramsial nunna atan hial pawh hian a pawi thei ang tih a hlauhawm takzet a ni.

Heti ang a, Sial pangngai ang maia ngaihtheih tura tawngkam nei a, he Ramsial avanga harsatna tawkte zangnadawmna pek theih anih loh thu Mizorama Forest lama Lalberin a sawi si chuan helai ami te hian an harsat a sutkian nan leh an tawrh tawhna te tlem tala alo chhawk ve theih takah tiin he Ramsial hi tihhlum mai duhna rilru an pu mai lovang tih a sawitheih loh a ni.

Nakin zelah pawh hian heti ang a ramsa humhalh ang chi emaw in mihring nunna hial lo la in, mihring tan chhiatna thlen palh ta sela sorkar atanga zangnadawmna pek theihna dan hi kan lo la neilo anih phei chuan thil pawi tak a ni thei a, sorkar leh department ang pawha a ranglama heti ang chi chhiatna thleng palh a zangnadawmna pek anih theihna tur dan changtlung tak zam vat chi niin a lang.
….

LUNGZARHTUM RAMSIAL HI RAMSIAL NGEI A NI E
– Vl Hrima

image

Tunhnaia Lungzarhtum khaw chhunga Ramsial chhuak chungchangah awih har ti pawl kan awm tlat niin a lang.  Lungzarhtum Ramsial hi sial anga chhuah tum ni awm tak tawngkam chhuah an awm ta zeuh zeuh bawk.

“Ramsial = Bos gaurus”hi IWPA danin a humhalh em em laiin, “Sial = Bos frontalis” humhalhna dan a awm ve mumal lo a, tu emaw kuthlei a tuar phah mai ang tih a hlauhawm.  Hei vang hian “Ramsial”leh “Sial” danglamna i han tarlang teh ang.

Zo Bawng (Bos taurus), Phai Bawng (Bos indicus), Sial (Bos frontalis) leh Ramsial (Bos gaurus) te hi Mizorama Bovidae Family hnuaia Bos Genus kan neihte niin a lang. Heng ran/ramsa (species) te hi chi hrang ni mahse ramsa inhnaih tak an ni. An inhnaih em avangin a then hran dan chungchangah pawh hian mithiamte lu a tihai hle thin a, chi (species) hrang ni mahse a chang chuan heng Bos genus hnuaia ran/ramsate hi an inthlah pawlh ve thei.

“SIAL” hi eng nge?

Sial/gayal/mithun/Bos frontalis hi ran dangdai tak mai niin Himalaya tlang chhehvela cheng an ni. A rawn pian chhuah dan hi chiang taka hriat a la ni lova, rin dan chi thum a awm:

  1. Sial hi mihringin ramsial an khawi ngam (domesticaticated Gaur) a ni.
  2. Sial hi Ramsial (Bos gaurus) leh Bawng (Bos taurus/Bos indicus) inthlah pawlh atanga rawn piang a ni.

  3. Sial hi a chi (species) hranpa liau liau a ni a, an thlahtute hi an mang (extinct) tawh.

Heng rin dan chithum hi a finfiahna tak tak a la awm hleithei lova, a DNA (mitochondrial) an zirchianna-ah chuan Bawng (Bos taurus/Bos indicus) leh Ramsial (Bos gaurus) gene a nei ve ve tih erawh an hria. Hetih lai hian khawvela hetiang lama thuneitu sang ber- International Commission on Zoological Nomenclature (ICZN) chuan Sial hi ran/ramsa chi (species) hranpa a ni tih a pawm a, a scientific name atan “Bos frontalis” tih a vuah.

“RAMSIAL”hi eng nge?
Ramsial/gaur/Indian bison/Bos gaurus hi Bos Genus hnuaia ran/ramsa zinga lian ber a ni. India atangin khawchhak lam hawi zawngin Asia chhim-chhak lamah an inzar pharh. An chenna hmun azirin an pianhmang a danglam hret hret a, hei vang hian subspecies-ah then hran leh an ni. Mi hrang hrangin subspecies-a an then dan hi inang lo hret hret mahse tuna khawvelin a pawm dan tlanglawn berah chuan chi hnihah then a ni.

India khawmualpui lama ramsial te hi “Bos gaurus gaurus” tih an ni a, Asia chhim-chhak lam ami te hi “Bos gaurus laosiensis”tih an ni. Mizorama hi heng ramsial sub-species pahnih inthenna laia awm a nih avangin helam zirmite ngaihven leh zir chian chak a ni a, India khawmualpui lama mi aiin Asia chhim-chhak lama ramsialte hi hnaih zawk tura ngaih a ni.

“RAMSIAL”leh “SIAL”danglamna

Sial hi ran (domesticated animal) a ni a, ramsial hi ramsa (wild animal) a ni thung. Ran/ramsa inhnaih tak ni mahse an pianphungah hian danglamna tam tak an nei a, chung zinga thenkhat chu hengte hi an ni:

  1. KI (Horn):

– Sial ki hi mum (conical) a, ramsial ki hi sial ki aiin a phek (flat) zawk.

image

  • Sial ki chu a pumpuiin a dum (black) a, ramsial ki chu a laihawl-ah a eng (yellow) thin.
  • Sial ki aiin ramsial ki hi a kual (curve) nasa zawk a, sial ki chu chhung lamah a kual lut ve ngai lo.

    1. CHAL (Forehead): Sial chal chu a phek/zawl (flat) laiin ramsial chal chu chhung lamah a khuar lut (concave) thin.

    3.  THLUKVUM (Ridge): Sial aiin ramsial hian thlukvum a nei lian/sang zawk.

    1. KE (Limb): A taksa nena khaikhinin sial aiin ramsial te hi an khan a sang zawk.
  • LEN ZAWNG (Size): Sial aiin Ramsial te hi nasa takin an lian thei zawk. Tuna Lungzartum Ramsial hi a Dar (wither)-a tehin feet 6 leh inches 3-5 vel a ni a, sial zingah hetianga sang hi record a la awm lo.

  • image

    image

    Heta thlalak dah vei lam (left side) ami hi sial (gayal/mithun) a ni a, ding lama mi hi Lungzarhtum ramsial chu a ni. Chuvangin, Lungzarhtum ami hi Ramsial ngei a ni e.

    Aside | Posted on by | Leave a comment

    Pasaltha Pualkhawia Thiltawn mak danglam chu by -Andy K Zarzoliana.

    Fanai lal Khawtindala pasaltha huaisente zinga mi hratkhawkheng, Pasaltha Pualkhawia hi a hun hmasa lamah chuan Sailo lal khua leh tui a ni a. Sailo lal Vuta khuaa a awm lai atang tawhin huaisenah hming a chher hman viau a. Țumkhat chu an khuaah sakei sual a tla a. Vahsan lak lai a nih avangin an mangang ru viau mai a, ram riak ngam pawh an awm mang bar lo va. A zan zawna an ran vulh a seh sak bakah, an sialte lamin a keuh thlu fo mai a.

    Lal leh khawnbawl upate chuan, chu sakei chu hual khunga kah hlum mai an rel ta a. An thu rel bawhzuiin an  han hual ta ngei a;nimahse, chu sakei chu an kap hlei thei der lo mai a. Mipui chu an thlabar kher mai. Kar an kam a, a kawlh tawk chauhvin an hliam a. Tlangval tlawmngai leh huaisen ten tihhlum ngei tumin an bawhzui a. A tawpah chuan, chu sakei huaisar zet mai chuan hual chhunga tul pikah chuan țan a khawh ta tlat mai a. Tumahin an luhchilh ngam si lova, hmun him chin atang chuan a lo chhuah hun chu an sakuh ser nghah ta tawp mai a.

    Nakinah chuan, Pualkhawia chuan a ippuia a chempui hriam thap tek tawk chu a chuh lawka ” Khah” tih leh hual chhunga zuan luh a rual ta mai a. Sakei chuan a tawmna atangin a lo rum khum dur dur a. Pualkhawia chuan a chempui chu nghet takin a hum ruh sauh va, sakei tawmna tul pik lam chu a pan zel a. Sakei sual chet lak hma chuan a va bawh phei rawk a, a chem chuan dimna nei miah lovin sakei chu a sat huk ta dum dum mai a, a sat hlum ta der mai a ni.

    Pualkhawia hi Fanai khua leh tuia a luh tak dan chiah hriat a ni lo na-in, Fanai lal Khawtindala, Hlingvawm-a a awm lai leh Thingsai-a a kai lai chuan a tel ve zel tawh a. Amah hi mi huaisen hrat khawkheng anih avangin a thlena chin a piangah lalte’n an hlut em em thin a ni.

    Darzo khuaa Pualkhawia a awm lai hian kum lamah la nau deuh mah se, tlawmngaihna leh dawhtheihna a ngahzia chu mite hrilhfak a tling a. Tin, pasaltha huaisen taka chhal a ni tawh a. Vawikhat chu Hrangzu an in a, upate chuan,” Pualkhawia hi hratkhawkheng, kan daingul a nih hi, lâmah kai ve teh un” an ti a. Ani chuan a thangchhuah puan chu a veng tha sauh sauh va, tihian hla a hril ta a;
    Ka zâng hi lam zâng,
      Ka ban sai man hnang,
      Ka lu hi chhawntual”
    a han ti a. Chutah a bula ngawi renga lo țhu, Khawnglung Run-a an mi huaisen chhuanvawr, amah avanga Manga pawh an man ve hialna, upa Dothâwna chuan tihian a han ti ve ta a;
    Khawnglung phuar vela lawn thei val      
      Ka chai e,
      Belzu kungah chung Pualhrang ang
      Naunawn i rawl a lian e”
    tiin.

    Chutah Pualkhawia chu a lo la nau deuh bawk si a, Upa Dothâwna hla hril chu tlawmah a la duh lova lam lovin a thu ve leh ta mai a ni.

    Darzo khuaa an awm lai hian țumkhat chu, Lungtian lalte leh an pasaltha huaisenhote an lo zin a. Zatura inah an thleng hlawm a. Zu an siak eng nguk mai a. Darbel khap sarih khatin an dah lung a. Pathlawiho chuan, “Vawiin chu Fanai leh Lungtian pasalthate in awm bawk a, thangtharten hriat leh sawi kan duh dawn a. In nun hlui han sawi teh u. In sawi hma loh chu tumahin zu hi in hmasak theih a ni lovang” an ti a. Mahse, pasalthaho chuan tlawm an ngai hle hlawm a. Chawfak hun thleng zakin an nghak ta mai a, a tawpah chuan Pualkhawia chuan,” Ka tawng mi nuihza suh sela, chungleng savaah muvanlai a chungnung ber a. Belthleng-in bel a chhin angin ka awmna tawhah chuan ka chunga leng an awm lo” a han ti a. Mi dang chu an ngawi thap a, zu chu an inho ta a ni. A sawi ang hian a awmna khuaah lal leh mitinin an chhuangin an muan phah thin a ni.

    Pasaltha Pualkhawia hi Fanai lal Khawtindala khuaa a kai hnu pawh hian a chetna a piangah a che hraw hraih zel a. Chutih lai chuan Fanai leh Zahau-ho hi indo reng reng an ni a. Rawl rala an inbeih fo avangin boruak a muang lovin an thlawhhma lak pawh a khaihlak phah hle thin a. Zahau lamah chuan pasaltha huaisen leh chak deuh mai, palian bawk si hi a awm a, bitum ralah tumahin an ngam lo va, se chal tawk tak pawh țan khawh hman lo leka herh thlu tawp thei khawpa chak a nih avangin Zahau-ho chuan an chhuangin an thlamuanpui hle a ni.

    Țumkhat chu pasaltha Puakhawia leh a thian Hrangkunga chuan, chu Zahau pa lian chu thah ngei an tum ruh hle a. Khawhri rama Zahau-ho chet țhina lamah an rawl ta a. Hrangkunga nen chuan a inhlat lutuk lovin an inzui a. Mual kawn an thlen chuan Zahau-ho rawl rala che tur nen an intawng ta a,  Zahau-ho zingah chuan, an mi chak huaisen chhuanvawr pa liana chu an hotu ber a ni a. Chumi hmunah chuan Pualkhawia te thiandun leh Zahauho chu an innuai ta chiam mai a.

    Pualkhawia chuan, chu Zahau paliana chu a bitum nghal chat a. An chak dun thial thial si a, namen lovin an inbei a. An inbeihna hmun vel chu a pe vek vuk mai a ni. Zahau-pa chu silai fung tam tak lo man tawh leh milu vawi tam lo khai tawh anih avangin huhang pawh a nei lian ngang mai. Chutih laiin Pualkhawia erawh pa naran  ruangam tia chauhva lian a ni a. Nimahse, a huaisen em avangin Zahau-pa chuan a tum ang ngawtin a that thei mai bik lo va.

    Rei fê an inbeih hnuah Pualkhawia chuan Zahau pa lian chu a kap hliam ta a. A hliam chung pawh chuan a bân a la vai tlang purh purh mai a. Nakinah chuan, Hrangkunga’n Pualkhawia chu a rawn pui ta a. Mahse, Hrangkunga chuan Zahau-pa sah a tumna lamah Pualkhawia malpuiah tak mai chuan a sat palh ta hlauh mai a. A sat nâ viau mai lehnghal a.

    A tawpah chuan Zahau pa lu chu Pualkhawia chuan a la ta nge nge a. Zahau pa liana lu leh a taksa chu an han dah hrang a. Pualkhawia chu a hliam nat em avangin a che hlei thei tawh si lo. A thianpa, Hrangkunga chu zualkova a tlan haw a țul ta a.

    Hrangkunga zualkova a tlan dawn lai  chuan khua a thim thet thet tawh a. A liam hnu rei lo têah Zahau pa ruangah chuan Tulum a lut ta a. A lu leh a taksa chu inzawm leh tumin a taksa chu a ding ta ur ur mai a. A tlu leh tup thin a, thaw ri sûk sûk chungin a lu nen inzawm leh tumin a ruang chuan a lu chu a nawr vel thin a. Inzawm hlei thei si lovin a ruang chuan Pualkhawia hliam nâ tuar chu thim tham zingah a rawn nawr thut thut thin a.

    Ral ramah pasaltha huaisen niin, mi thinphut nei lo leh milu hial lo la tawh ni mah se, chumi zana a thiltawn chu rapthlak a ti kher mai. Mei han chhem turin a che hlei thei bawk si lo va. Chuachhapah Zahau pa liana ruang chuan a rawn nawr thut thut reng mai si a. A hmulthi a tho sung sung a, a thil tawn danglam tak avang chuan a thlan fimin a bual zawih zawih mai a ni.

    Zankhuain a thiante rawn thlen hma chuan a lo mal tuar ta tlawk tlawk mai a. Pasaltha huaisen hmingthang ni mah se chumi zana a thil tawn zet chu  hlauhawm a tawn zawng zawng zingah țihbaiawm leh a hlauh ber a nih thu a hrilhfak a ni. A thiante an rawn thlen hnu chuan kawng pangngai pawh ni lovah, ralțitna karah an zawn ta a. Tun thlenga Khawhri rama “KHAWIA ZAWN MUAL” an tih tak hi a ni.

    Pualkhawia hi Fanai leh Zahau indo laia Zahau-ho huphurh ber a ni a. Chuvangin, Zahau hovin Fanai-ho an run dawn tum chuan Farkawn khuaa Phunsanga chu an be hmasa ziah thin a. “Phunsang, Pualkhawi an tih mi hi mi ziang maw? A mul sum thum si maw, a ha fangra koh si maw? (Pualkhawia hi mi eng ang nge ni? A hmulte pawh sum thum thum ni awm, a hate pawh fangra tia tia ni awm. Zahau pa lian ber a man bet a, a that thei tlat a lawm)” an ti thin.

    Phunsanga lah chuan Pualkhawia chu pa pangngai, keimah ang vel hiba ni mai, a lian lo” a tih pawhin an awi thei tlat lo a ni.

    Tumkhat chu Darzo-a an awmlai bawk hian zuk chal a kap hliam a, a hnu a chhuina lamah khua-in a thim hnan titih a. Kir san tuma a intintuah lai chuan a dinna thlang deuha phulraw hmun a tang chuan a lawm pana hmeichhia rawn nui chho uar uar thawm a hria a. Mak a ti viau mai a, a rawn thlenchhoh hun nghakin a lo thlir ran a. Nakinah chuan zuk chak ki zar mawi zet mai hi a rawn chhuak ta auh mai a, a hnungah chuan hmeichhe hleitling tak hi a ding bawk a.

    Pualkhawia chuan kah mi nia a hriat tak loh avangin hmanhmawh takin a hawnsan ta a ni.

    Pualkhawia hi Darzo-ah a thi ta a, a thih pawh hian;
      “A pawi mang e, a pawi mang e
       Ka sial dum phaw aichhung dai ngul
       a tlu e”  
    an ti hial a ni.

    Ka thu lakna:
    Pu F.K Rohlira Sep-1999.
    Lalsangzuali Sailo.
    Ka Pû T. Vunga.



    • Comments 
    A pianna khua atanga a pem chhan hi, an khuaah Sakei sual a tam si a, an beih apiangin Pualkhawia hi a hmatawngah a tang ziah a, a pain a hlauhthawnpui vanga Darbilhi khua Darzo a pem an ni, Sakei hi 13 a sathlum. Tunah hian Darzoah a thlan hmuhtheihin a la awm e.

    Aside | Posted on by | Tagged , , , , | Leave a comment

    TEK awmzia leh ṭangkaina

    Ruah a rawn sur a, khawpui ri nen kawl an phe zuai zuai a ring mang khenga tek an tlak un un mai hi chuan patling pui pawh hian pa ka ni tih hi sawi theih tak tak thin tawh loh beng kan hup chawn chawn fo thin chu a nih hi maw. Kan pi pu te pawh khan pu vana thinrim inhrosa in hringfa te min rawn rikrapna hmanrua ah an ngai ni in a lang. Hnam hrang hrang thawnthu ah pawh hian an pathian hmanrua (weapon) chak tak a hmelma te a do nan a hmanraw pawimawh tak ni in an ngai ve tho mai.

    Fur lai a kumtin phe eng zuai zuai a tla ri thuai thuai kan hmuh a kan hriat fo thin hi enge a nih chiah kan mithiam te sawi hi i lo ngaithla teh ang hmiang.

    Kawlphe kan tih hi chhum ruahtui pai hlawm Lian tak tak che vel in electric charge a Siam a tanga lo awm ani a, chhum hnuai lam chu positive charge a lo nia, chhum Chung lam kha negative charge a lo ni ve thung a, entirnan Battery-a negative lam leh positive lam kan in tawh tir a a tek chuai chuai ang hian, chhum Chunglam negative charge leh a hnuailam positive charge te chu an in hip a, an lo inhnaih khan an lo in ep puak ta thina, boruakah a kal a vangin hmuh theihin a lo eng ta zawr zawr thin ani. Hetianga Kawlphe hi van Chung sang deuh chhum hlawm awmna ah a ni deuh ber a. Hetiang pawh hian a in Siam bawk thin, Kan awmna lei hi negative charge a lo ni ve a, chhum hnuai lam positive charge nen khan an inep a, chhum a kal zel pawhin lei lam negative khan a zui zel a. Han pawh tumin lei lama negative chuan in sang leh thing sang deuhte kalkawng ah hman tumin a lawn zuai thin a, an in pawh chuan tek ta chuai a ri ring deuh a Siam a tek a tla kan lo ti ta ni.

    Tek tla hi a rapthlak in a hlauhawm ropui si a, mi tamtak denghlum tu ani a, pathian hian engvanga Siam nge maw nih le enge tangkaina a neih reng reng le? Kan ti mai thei a, ani reng tak bawk a, kum tinin mi maktaduai khat zinga pakhat Deng hlum ziah anga chhut a ni a, chuti nih chuan kumtin mi 5000. vel a Deng hlum ziah ang a ni a, helam zawnga ngaihtuah chuan huatthlala awm ve tak chu ani. Mahse a hnathawh that lam kan ngaihtuah ve thung chuan a mah vanga kan tawrh na te hi chu sawi sawi ngam tur kan lo ni hauh lo mai.

    Mihring leh kan ran vulh ho te hi oxygen tello in kan dam theilo a, oxygen hi thlai ten an chaw Siam laia an tihchhuah a ni a, thlaiin chaw Siam Turin ni eng, ama hrinna leh lei atanga leichi tui nena a hip luh a tul bawk a. Heta leichi hi nitrate ani a, chu chu nitric acid leh thil dang inpawlh a ni a, nitric acid chu ruahin boruaka a rawn tlen thlak ani a. Chu boruak chu nitrous oxide ani. He nitrous oxide hi boruaka oxygen leh nitrogen inbelhbawm a ni a, chumi belhbawm tir thei tu chu tek tla hi a ni tlat mai. Englai pawhin khawvel hmun hrang hrang ah tek hi a tla reng a, second khat ah vawi 300 zel tla ang a ni a. Tichuan tek tla hi kan nunna ber a lo ni ta tlat mai a nih chu. Boruak hip tur kan neih theih nana pathian ruahmanna mak tak mai a lo nih chu.

    Kawl a phet zawk hian a rei lam chu second 1 hmun 1000 a thena hmun 1 chauh a ni a, a phet zawk hian electric tha chakna volt 50,000,000. A ti chhuak a, current 200,000 amperes a pe chhuak a. Power a pek chhuah zat chu 5,000,000,000,000watts vel a ni a(chawhrualin). In ah hian electric watt 1000 darkar khat kan chhit hian Rs.1.50p vel kan chawi a. Chutianga chhut chuan vawi khat Kawlphe zawr hian Rs.2100 man vel a hlu electric current a pe chhuak a nih chu. Kan khawl thiam hun ah chuan a van la hlu dawn em.

    (Source. A. Sawihlira. Finna kailawn)

    Aside | Posted on by | Tagged | Leave a comment

    MANIPUR-AH RANGKACHAK VBCH 15 MAN HU MAN

    Manipur police-te chuan rangkachak cheng vaibelchhe 15 man hu zet an man a, a kawltu mi pahnih an man tel bawk.

    Police-te chuan rangkachakte hi Manipur leh Assam inrina bul Jiribam-ah man a ni thu sawiin, a phurhna lirthei pawh an hreng tih thuchhuah an siam. Heng rangkachakte hi Southeast Asia aṭanga lakluh a nih an rin thu sawiin, Myanmar aṭangin Moreh kaltlanga Manipur-ah lakluh a ni, an ti.

    Tun hnai khan Assam Rifle-te pawhin Myanmar aṭanga rangkachak tawlhruk an lo man tawh thu an sawi. Police-te chuan an mi mante hi thu an sawhfiah thu sawiin, an lo inhnamhnawih fo tawh vangin an hnen aṭang hian thil tam tak hriat theih an inbeisei tih an sawi. An hming leh nihna erawh an puangzar lo thung.

    Aside | Posted on by | Tagged , | Leave a comment

    INDIA IN AIZAWL KHAWPUI – BOMB HMANGA A BEIH DAN TLANGPUI

    (A ngaihnawm emaw ka hre lo, inthlahrung deuhin kan ti ve chhin)

    image

    image

    Pic. Aizawl khawpui Bomb tu Jet Fighter Pahnih Hunter Fighter/Bomber/Ground Attack/reconnaissance leh France Siam Dassault Ouragan (Toofani) Fighter Bomber

    image

    Aizawl khawpui bomb a nih hnu

    Mizo te thinlung a reh tawh hauh lo tur, khawvel a Mizo ten ziaka document kan neih ve hnu a, hnuhma lian leh thawm lian ber chu March Ni 1, 1969 ah Mizo National Front ten India laka tanga Mizo ten mahni a ro inrel hranna nei tura an suala Independence an puan atang khan a lo piang ta a ni a.
    MNF ten India lak atanga independence an puan chiah khan Sawrkar laipui chuan Mizo, Independent suala rammute tudai turin Eastern Command Hqrs. Lt. Gen. Sam Manekshaw a khaihruaina hnuaiah, 101 Communication Zone, Maj. General Sagat a hruaina in Silchar ah 311(Independent) Infantry Brigate) leh a hote dah nghal an ni a. Heng bakah hian Agartala lamah 61 Mountain Brigade(under Brig. R Z Kabraji) te dah an nih bak a Zoram buai lo en thlithlai turin Silchar bul, Masimpur-ah HQ 57 Mountain Division te hi a hnu deuh ah dah leh an ni.

    Heng baka pawimawh ta ber chu Mizoram chhung helna tudai tura hmala ber tura luttate chu 61 Mountain Brigade, the 8th Battalion, Sikh Regiment (8 SIKH) Ni 3. March 1966 ah Mizoram an rawn lut a, kawng lakah MNF lam ten harsatna nasa tak lo siamin blockade te siamin an lo tibuai a, heti chuan hian Ni 6. March ah Aizawl an lo thleng thei a ni. Ni 8. March ah On 8 March, the 2nd Battalion 11 Gorkha Rifles te chuan Champhai lam an pan a. Tin, 3rd Battalion Bihar Regiment (3 BIHAR) ten Lunglei lam an pan veta thung a ni. Ni 15. March 1966 a lo nih meuh chuan 16 Brigade hnuaia Batallion pali te chuan Mizoram pum hi an luah khat hman vek a ni.

    Hetiang dinhmunah hian Zoram chu a lo tluk luh tak a vangin (A tawi zawngin) MNA ten Zoram chhunga hmunpuimawh tam zawk ah te thuneihna an lak tawh bawk si a vangin Prime Minister Indira Gandhi chuan Ni. 5 March 1966 Dar11:30 a.m. ah Mizoram chu Jet Fighter hmanga Bomb turin Kumbhigram- a mi 29 Squadron Toofani Fighter leh 17 Squadron Jorhat atangin Hunter ( A hun laia Fighter tha France leh British siam, Heng Fighter te hi Aviation lam sawi dan chuan First Gen. Fighter an ni), te chu a rawn tir chhuak ta a ni. Heng Fighter pahnih te hi mi sawi dan chuan Rajesh Pilot leh Suresh Kalmadi te khalh a ni nghe nghe.
    He thil thleng hian Indian Democracy lungphum pawh a sawinghing hle nghe nghe niin sawi a ni a. In tamtak bomb chhiat a ni a. Mi engemaw zat hliam leh nunna chan an awm a. Mi tamtak in leh lonei lovin an vak vai a ni. Ni thum chhung zet chu Aizawl khawpui chu Bomb hmanga a beih niin, India sawrkar ropui chuan Aizawl khawpui chu senmei a chan tir ta a ni. Mit a hmutu, Pu Zosangliana chuan tiang hian a sawi. “Hetiang hi kan chenna khawpui chu a nih tak avangin, Aizawl atanga Km 5 a hla, khaw thenawmah ka pa nuphal te hnenah kan tlan chhia a, Aizawl Bomb a nih atanga ni hnih chhung chu kan chunga Jet Fighter thlawk kual kan hmu a, thil puak ri ulh ulh kan hriat bakah kan in awmna thin a tanga van lama mei khu chho ngut ngut chu kan hmu a ni” a ti.

    Tin, Pu C. Lalzama MNA a mi chuan Aizawl bomb chungchang tihian a ziak bawk.
    “Jet fighter a lo thlawk a, .. bomb an rawn thlak ta mai a. machine gun-in an rawn kap bawk a. . Kei chu kupu te in bul a theihai buk hnuaiah ka biru a.Thlawhna thlawkri leh an bomb puak ri te chu ka tan chuan a rapthlak takzet a ni. A thawm raptlak tak ti reh turin ka kutin ka beng ka hup a. Jet fighter te an thlawh kian hnu chuan ka theih tawp a chakin kan in lam panin ka tlan a. Kan ina ka luh chuan tumah an lo awm lo va, ram hnuai lam panin, ram hnuai lam kawng zawhin ka tlan leh nghal a. Ka tlan pah te pawh chuan thlawhna tanga Bomb an thlakna khur te pawh ka hmu bawk a. Ram hnuai lam panin ka tlan thla zel a. Chutichuan ka nu in ka farnu/nau Lalruattluangi a lo pua chu ka zuk hmu a, A hnung atang leh a ban a tang chuan thisen a chhuak nasa hle a, Midang te an lo thlenga ka nu hnen atang chuan ka nau chu laksakin ka nu chu an chhawk a, Ka nau hliam atang chuan thisen a chhuak nasa hle mai a. A hmai dang var lep mai atang chuan a hliam chu a na hle tih a hriat khawp mai. Ka nu chuan a biangah duat takina chul a.
    Kei chuan ka nau hnenah chuan, “Maruat a na em?” Tiin ka zawt a. mitmeng chau tak chung leh harsa tak chunga ka lam lo hawiin, ‘ka taksa lehlam hi a na lutuk, thawk a harsa, a na lutuk, enge an chungah khan tihsual kan neih a, engvanga min bomb nge an nih” tiin min chhanga. A biangah chuan mittui a rawn luang ngiai ngiai a…

    Chutihlai chuan fighter a rawn ri leh a. ‘chu an lo kal leh ta tiin hlauh avangin a mai mitchhinga, a thisen chu a hliam tangin a la chhuak reng bawk a. Mi tlawmngai ten tui an rawn la a, no khat chu a in zo nghal vek a, a ban rawn dah chhuakin, ka ka kutah a vuan a, “Ka lawm lutuk, thlawhna te thalo I ti ve takzet em?’ a ti a, Kumkhua a meng leh tawh ngai lo turin a maimichhing ta a. Awm zawng zawng te chu kan tap a. thlawhna te chu anchhia kan lawh a”

    March 1966 atanga 1967 kum tir lam thleng khan. IAF te hian Mizoram hmun sawm laiah Bomb an thlak niin hriat a ni a. Khawzawl, Pukpui, Mualthuam, Tlabung, Hnahlan Sangau, Bunghmun leh hmuntlangah te.
    Aizawl bomb a nih hian Republic Veng, Hmeichhe Veng, Dawrpui leh hmun engemaw zat chu a chhe hneh hle a ni.

    (Zaninah ka rilruah a awm thut a, documment kah hmuh theih ang ang te kan en thuak thuak a, ka ziak ve mai mai.Mizo tawngin chhiar tur ka hmu lova, English atanga ka lehlin leh chhawn a ni a sawitute tawng kam diktak ang a ni loh pawhin min hrethiam dawn nia.)

    Author : Chuanga Chhakchhuak Kf

    Aside | Posted on by | Tagged , , | Leave a comment

    ISRAEL ARMY TEN PALESTINIAN HEL 7 AN THAT : ISLAMIC JIHAD TEN PHUBA LAK AN TUM

    Nimin October 30, 2017  ah Israel Army te chuan Gaza Strip lam atanga Israel ram chhung luh rukna tura leiverh (tunnel) chu bomb hmangin an tichhia a, a chhunga Sazu ang maia lo tawm ru Palestinian hel, Islamic Jihad hotu-Central Gaza a Armed Wing hotu ber Arafat Abu Marshould leh Hamas hotu 2 an thi tel a, an vaiin 7 an thi. Chubakah, heng tunnel a awm chhanchhuah tum dang Palestinian 9 an hliam bawk.

    image

    Islamic Jihad leh Hamas hote chuan a tul anga che thut thei turin leh phuba la tura inpeih turin an sipaite an hriattir a ni. Israeli PM Benjamin Netanyahu chuan, “Min tihnat tumtu leh tihhlum duhtute chu kan bei let ve a ni. Zawldawh takin inkuangkuah san kan tum bik lo ve” a ti. Hetianga Islamic Jihad ten tunnel an siamna hmun hi Khan Younis chhim lamah niin, Israeli chenna Kissufim khua atanga mel 2 lekah a ni.

    Kum 2014 a Israeli leh Palestinian hote inbeih vak tum pawhin heng tunnel hi an hmang tangkai hle niin an rung. Heng lei hnuai puk, kawng atangin Israel ramah lutin pawi an va khawih zeuhva, Sihal kaw nei tha ang maiin Palestinian hote hi an tawmbo leh daih mai thin a ni.

    Israeli Army Lt Col. Jonathan Conrius chuan, he tunnel hi kum 2014 ah pawh Hamas leh Islamic Jihad hoten an hman tangkai hle a rinawm a;  tun hnai atangin uluk takin en thlak a ni, a ti. Hetianga an va tichhia/ tichim thut hi Israel hian a chhungah mihring an awm an ring ngei anga; engvanga warning pe lawklo nge tih erawh hriat a ni lo.

    Gaza awptu Hamas leh Palestinian Authority inremna angin Hamas hote hian Dec 1 khian an thuneihna chu Palestinian Authority kutah, President Mahmoud Abbas hruai turin an hlan dawn a, Israel erawh chuan Hamas hoten silai tung a, armed wing an din an thiat a nih loh chuan pawmpui an tum lo a ni

    Author : C.T.Lalrinawma

    Aside | Posted on by | Tagged , , | Leave a comment