THLAWHNA BO HMU, MI 13 CHUANG TE THI VEK!

7th May : Chawlhni tlai dar 3:00 a Las Vegas atanga thlawk chhuak private jet Bombardier Challenger 601 chu nimin khan northern Mexico ah a tla chhia hmuh a ni a, passenger 11 leh crew 2 (pilot+co-pilot) te chu an vaiin an thi vek.

Air-traffic controller te chuan he private thlawhna hi a thlawh chhuah hnuah northern Mexico a Coahulia vel atangin a biak pawh theih loh tih an sawi a, a chin chang an hriat zuih tak loh hnuah Mexico-ah hian a keh them hi nimin khan an hmu a, a kang chhe hneh hle a, chuang zawng zawng chu an lo thi vek a ni.

He thlawhna hi Coahulia bul, Monterrey, Nuevo Leon state lam pana haw tur, Inrinni zana Las Vegas-a Mexican boxer Saul “Canelo” Alvarez leh Daniel Jacobs, US te middleweight title fight en zo an ni an ti a, he fight-ah hian Alvarez hian Jacobs hi a hneh nghe nghe a ni.

Mexican broadcaster Televisa in a sawi danin pilot hian khaw chhiat vanga thlipui hel a tum avangin Mexican city Monclova atanga 150 nautical miles zeta hla thlengin a bo ta a ni.

Thlawhnaa chuang te hi kum 19 mi leh kum 57 inkar an ni a, sumdawng hausa Luis Octavia Reyes Dominguez (55) leh a nupui bakah a fa te 3 an tel niin Diario de Yucatan newspaper chuan a tar lang.

Saihmingliana Sailo

Aside | Posted on by | Leave a comment

GENERAL ELECTIONS TO LOK SABHA, 2019 CHHUNGA POLITICAL PARTY TE COMPLAINT THEHLUH CHUNGCHANGA CEO THUCHHUAH

General Elections to Lok Sabha, 2019 atana Mizoram a vote thlak ni 11th April, 2019 khan Vanglaini Nitin Chanchinbu ah candidate symbol dik lo tihchhuah a nih avang leh Lunglei ah Candidate list chuanna poster tarchhuah ah Sl.No 4 leh Sl.No 5 inthlak thleng a awm avangin CEO office ah complaint pahnih dawn a ni a.

Hemi chungchanga thil awm dan leh hmalak dan te chu hetiang hi a ni.

11th April 2019 a Vanglaini Nitin Chanchinbu ah Candidate symbol dik lo tarlan a ni a, vote thlak ni a nih tawh avangin siam thatna hun a awm tawh lo bawk a ni. Dan tehna atang chuan he thil thleng a mawhphurtu chu a Editor leh Publisher a ni, hei vang hian Returning Officer pawhin Editor lakah hian FIR a thehlut a ni. He FIR ah hian Candidate hming pakhat mah a lang lo.

Amaherawhchu, Pu Lalnghinglova Hmar hi Joint Editor leh Candidate ni bawk anih avang hian thu in chuh (Confict of Interest) a awm lo thei lova, sub section (4) of Section 123 of The Representation of the People Act, 1951 bawhchhiatna a nih avangin ani leh he chanchinbu Editor hnenah hian Show Cause Notice pek a ni.

He thila hriattur pawimawh tak chu Representation of the People Act, 1951 leh Criminal thubuai (Criminal liability) hi thuhmun a ni lo.

Vanglaini Chanchinbu Editor hian Show Cause Notice chhanna hi thehlutin tihsual palh a nih thu a sawi tawh a, a mawhphurhna emaw hremna emaw tun dinhmunah hian pek tumna a awm lova. Returning Officer hian hlei bik nei lovin, dan in a tih angin hma a la a ni.

Heti chung hian Independent Candidate Pu Lalnghinglova Hmar Election Agent Pu Lalhnehzauva chuan 18th April 2019 khan, CEO office ah complaint thehlut lehin Independent Candidate Pu Lalnghinglova Hmar’n Show Cause Notice a hmuh hma hian Social Media ah a copy vawrh darh a ni a tih bakah a laka FIR thehlut angin a tarlang a. Rang taka hmalak niin CEO office chuan RO/DEO, Aizawl District leh ARO/DEO, Lunglei te chu thil awmzia sawifiah turin a hriattir a ni

11th April 2019, vote thlak ni vek khan Lunglei District chhunga Polling Station thenkhat ah Contesting Candidate te tarlanna serial number leh hming Form 7A leh EVM Ballot paper nen a in mil loh avangin Pu K. Hrangthantluanga, Member, Coordination Committee, LDCC& ZPM Coordination Committee chuan complaint a thehlut a, Pu Lalhruaitluanga Kawlni Secretary Joint MPCC &ZPM Campaign Committee pawhin thehlutin, complaint hi hmuh a nih rualin Lunglei District Election officer chu enquiry la turin leh poster dik lo tarchhuah te thlak nghal turin CEO office chuan a hriattir a. Hemi ni vek hian Lunglei DEO chuan chhanna rawn thehlutin, complaint thehluttu Pu K. Hrangthantluanga pawh hian LDCC &ZPM Coordination Committee, Lunglei District hruaitute hriatpuina in ngun taka an ngaihtuah hnuah an complaint hi an hnuhkir thu ziakin a thlen a ni. Lunglei DEO chuan poster dik lo te hi vote thlak ni hma (one day before poll day) khan an hriat chhuah thu a sawi a, hei vang hian Sector Officer kaltlangin Lunglei khaw chhung leh a chhehvela an lo tar tawh te pawh a zan la la hian lak thlak tir leh an nih thu a tarlang a. Thorang Assembly Constituency bika Polling Station pahnih Dengsur leh Rangte te kha biak pawh an harsat avangin 10th April 2019 zan khan an la thla hman lova, amaherawchu vote thlak ni 11th April 2019 khan an lak thlak hman thu a sawi bawk a ni.

18th April 2019-a Pu Lalhnehzauva, Pu Lalnghinglova Hmar Election Agent Complaint thehluh ah khan he thil hi tarlan nawn leh a ni a. A complaint thehluh ah hian RO leh ARO, Lunglei District te hming a lan avang hian an hnenah hian he thil awmzia hi sawifiah tura tih an ni a. Returning Officer chuan ziaka complaint a hnen a thlen loh avangin a tana action lak theih a nih loh thu a tarlang a. ARO, Lunglei District pawhin hma an lakna te leh Thorang Assembly Constituency bika polling station pahnih Dengsur leh Rengte ah te ngei pawh hian vote thlak tan hma khan poster dik lo te chu la thla in, Form 7A photocopy a thlak thleng anih thu a sawi a ni. Hemi chungchang hi ziakin Pu Lalhruaitluanga Kawlni, Secretary , Joint MPCC & ZPM Campaign Committee hnenah pawh hian hriattir a ni tawh a ni.

29th April 2019 khan Pu James Thanghmingmawia, MPCC legal Department Secretary chuan Lunglei Police Station ah Returning Officer leh Assistant Returning Officer te lakah FIR a thehlut tih hriat a ni a. 1st May 2019 khan he FIR chungchang hi Chief Judicial Magistrate, Lunglei District Court-ah ngaihtuah a ni a, he FIR hi CJM, Lunglei District Court chuan ngun taka a zirchian hnuah Section 80 of the Representation of the People Act, 1951 in a tarlan angin “inthlan” (election) chungchang a ni a, hei vang hian he FIR thehluh hi election petition hmanga a ngaihtuah chi a ni a, a ngaihtuah theitu chu High Court a ni tiin, a pawmsak ta lo a ni.

Tum danga inthlan ang bawkin Election Department chuan hlei bik nei lovin, fair takin hna a thawk a, heti chunga an hnathawh te rinhlel awm anga tawngkam chhuak a awm zeuh hi a pawi hle a ni.

-DIPR

Aside | Posted on by | Leave a comment

HARSATNA KARAH MATRIC RESULT ṬHA TAK NEI

He thlalak a rinbial a mi hi Given Lawmnakima, Kharzawl (Bilkhawthlir) a ni a. Thlalaka In lo lang hi an chenna In a ni a, khawsak harsa ve tak an ni tih a rin theih.

Given Lawmnakima hi Bilkhawthlir High School ah a kal a. Kharzawl aṭangin Bilkhawthlir hi km 5 vel a ni awm e, chuta an Sikul ah chuan kein a kal ṭhin. Chutiang karah chuan, tun ţum Matric Result chhuak ah khan Distinction-ah a Pass a, subject zawng zawng ah Letter Mark a hmu vek bawk a ni.

Given Lawmnakima hi, Mizo tlamgval, harsatna paltlanga lehkha zir chhuak, Petroleum Geologist leh MYC Young Achiever Awardee Lalchhuanzela unau hnai (cousin) a ni. Given-a pa hi Zela nu unaupa a ni.

Hetiang dinhmun aṭang hian Subject zawng zawngah Letter Mark a hmu thei hi a chhuanawm tak zet a. Midang kan sawi nepna ni lo se, mi tam tak chu Officer fa, sikul ṭha a kal, zirna kaihhnawih an mamawh hrang hrang pawh lei nghal zel thei te an ni hlawm.

Given-a erawh an chenna In thlalak aṭang hian a dinhmun a hriat mai. Chutiang karah chuan result ṭha tak a nei thei hi a chhuanawm hle.

Source: Lalchhuanzela

Aside | Posted on by | Leave a comment

PAWISA LEM, OIL PAWLH DAL, GAS LEH BUHFAI KHAWIH CHINGPENAH MI CHALLANG LEH KOHHRAN HRUAITUTE AN BANG LO

PAWISA LEM, OIL PAWLH DAL, GAS LEH BUHFAI KHAWIH CHINGPENAH MI CHALLANG LEH KOHHRAN HRUAITUTE AN BANG LO – CYMA President Pu Vanlalruata

2nd May, 2019 zan dar 7 khan Ramhlun North Branch YMA chuan YMA kumpuan 2019 Ram leh Hnam Humhalh hawnna hun Ramhlun Indoor Stadium-ah an hmang a, CYMA President Pu Vanlalruata’n a hawng.

Pu Vanlaruata chuan thu sawiin, “tunlaia Mizorama Oil pawlh dal, Gas/ Bufai buk tlinglo, Pawisa lem, Ruihhlo lo lutah te hian mi challang leh kohhran hruaitute pawh an bang lo a ni” a ti. Ruihhlo vanga thi kuminah mi 19 an awm tawh thu sawiin, Ruihhlo dona kawnga nasa zawka hma la tur leh Khawtlang nun siamtha turin YMA te an pawimawhna a zual zel thu a sawi. CYMA President chuan in thenawm khawven chung changah te tan lak nasat a ngaih thu sawiin, “Kan Mizo nun zemawi kan chhawm nun zel a pawimawh hle a. Ruihhlo vangin Mizo kan thi nasa a, piang kan tlem bawk si, Fa neih tam hi a pawimawh hle a ni” a ti. Kan theitawpa tan kan lak chuan Mizoram hi khawtlang nun leh Rilru chhe mek hi kan siamtha thei ngei ang. Mizoram siamtha tur chuan Nang leh Kei kan pawimawh a. Sumdawn chung changah pawh Mizoten tan kan lak a ngai hle a ni” Pu Vanlalruata chuan a ti bawk.

He hunah hian Hruaitu Intuaitharna lam hawiin hun hman a ni a, Branch Executive Committee, Section leh Sub Committee bakah YMA hnuaia Committee peng hrang hrang Committee member ten he hun hi an hmanga, member 400 vel an kal khawm. Pu Vanlalruata Ralte Vice President Ramhlun North Branch YMA in fuihna thu tha tak tak a sawi bawk a ni.

He inkhawm hi Branch President Pu R Lalrinmawia’n a kaihruai a ni.


COMMENTS

Thil diklo taka titu te hi chu aw,khawvel hi chu a fair hlawl lo

J Lalzahngaia

Kan Christian na leh inkhawm tam hian nun dikah min hruai lo chu a nih hi, inkhawm tlem te hi kan han hmusit ngawt a, inkhawm tam pawh eng an lo ni leh thin si lo

Lalfakawma Afaka Hmar

Hei hi a ni zoram chu….kohhran hruaitu leh mi challang te ah khi chuan eng teh vak an ti leh ngam dawn lo a ni mahna….sorkarin zu an han khap chiah mah nanga,zu zuar mi awm nem leh khawsak harsa ve te te te chu an chan a chau leh viau mai thei a ni…..i lo thlir ang.

Paul Libille Pogba Pogboom

Revolution from yma tunlau chu an sawi huai thei riau mai..yma identity dik tak kha nei leh leh teh se

Angela Khawlhring

Sum nei2 hmelṭha an ti vek tawh tunhma in drugs,zu,khehpuam, etc…zuar in a duhtawk a a inzawrh hausak hnu a in inla piangthar ta ber hi antam lutuk, kristian 100%100 chu khawilamah atak ramah chuan 100%50 pawh kan ni lo
Politician ang maiin mipui hmaah thu an sawi chiam chiam a. Thil diklo ti an hriat chian chu sawi maia duh tawk lovin court ah te pawh khing mai se. Mi challang leh kohhran hruaitute pawh ni se… Sawi ringawtah an duhtawk leh si chuan awmzia a awm.dawn lo em mai…

T Back Kigbwl Sikawfil-a

Heti hi kan ram chu ani sia maw

Hmingsanga Chhakchhuak

Ti hian a tawp chu ani leh mai ang

Emes Sailo

YMA member leh hruaitute pawh an tel ve tho ang.
Aside | Posted on by | Leave a comment

Vellore a kal turte tanpuitu

CMC Vellore ah Online Appointment ti thiamlo tan Kan pui thei che u. Mahse chawpchilh tak chuan kan pui theilo ang che u. Kan peih loh vang nilovin, Kar khat thu ah chuan Appointment a hmuh theih loh thin vang zawkin.

CMC Hospital Number nei tawh chuan Appointment in mamawh in heng a hnuaia mite hi kimchang takin Ka hnenah leh Inba hnenah min rawn message v eve dawn nia
Name:
Hospital Number:
CMC Department rawn duh:
OPD nge Admit turin: (ziak chiang rawh khawi zawk nge?)
Name of the Doctor: (Opd a dr hmu duh tan chauh)
date of Appointment:

CMC Vellore Hospital Number la neilo te, Vellore a inentir duhte chuan a hnuai mite khi kimchang takin min rawn thawn vat dawn nia. OPD a nih dawn ngat phei chuan thla hnih hmalamah minlo hrilh a ngai, In admit duh tan thla khat hmalam pawh a pawilo, in admit theihna chi a nih chuan. A fel nghal mai theih loh avangin min rawn thawn atanga kar khat velah chauh chanchin a hriat theih tlangpui.
I natna ilo sawi chiam kha kan chiang chuang lova,
Inba (Inba – 09442712090 / 008610472889) leh ka hnenah (8415841765) SMS or whatsapp in rawn message ve ve la. Kan lo pui ang che (a hnuaia mi ang hian tlar in dawt in rawn type la, tlar hran hran ah, rawn tih pawlh lola, kan tan edit ngai tawh lo turin)

Patient Name:
Date of Birth:
Father’s Name:
Husband/wife name:
Phone number:
Email ID:
Permanent address:
Refered by (Self/Synod/Mizoram Government/etc):
Diagnose (Natna hming):
In patient or Out Patient ?:
When do I need for Appointment? (Engtik ni vela tan nge appointment ka mamawh?:
Refer nih chuan Refer letter thlalak,
Refer loh chuan Dr in natna an ziah lanna lehkha mumal
Nephro, Medicine, Gastro, vel hi kum 15 chin chunglam hi direct admit chance a awm a, mahse admit dawn chuan risk a damlote lo chhuk hun tur kan rawn hrilh che u hunah inlo chhuk risk a ngai. Admit dawnin Hospital ah Room lo book thei pawh ni ila Hospital ah room a awl loh chuan admit hun a chiang chuang lova. Tin, room chan leh chan loh hi in rawn kal ni ah chauh a chian theih.

Lalbiaksanga Pachuau

Aside | Posted on by | Leave a comment

Chawnglei rul

Hei hi Chawnglei a ni a. Tiangsir ti an awm bawk.. Mizoramah a chuk hlum record/document la awm lo mahse rul tur chak tak a ni.
Rul inchis… ti an awm bawk. A dawlh mek rul pakhat zawk hi Tuirul a ni e.

Indian Kraits- india ah chuan tur hlauhom, lian zual pa4 zingah a tel ve …Bungarus an ti thin bok a ni awm e.

Chawnglei hi rul kawlh lo tak an ni a.rul kolh lo tak an ni. An zakzum phian a. Uchang, sangha leh rul dang an ei. Krait ho zingah chuan an lian deuh ber awm e.
A mei hi a zuih rat lova, a bawng deuh turh.. lu 2 nei emaw tih mai awl tak an ni.
Mizoramah chuan hmun hniam.. lui dung ah an awm duh..

Zanlamah chaw zawng in an chhuak thin a, zanah luidung velah an awm duh khawp mai. A tur a chakin a chuk a na a, zanlama luidung vel a chetla thin tan fimkhur a pawimawh khawp mai.

Aside | Posted on by | 1 Comment

DONALD TRUMP HUMTUA NGAIH AG WILLIAM BARR-AN “IMPEACH” A TAWK MAI THEI !

International news & politics:

May 1, 2019 : US Attorney General William P. Barr chuan Russiagate chhuina-Special Counsel Report phek 488 chu, phek 4 ah tawi fel taka sawifiahna (summary) a siamah, Donald Trump-Russian inzawmnaah fiahna mumal awmlo leh dan bawhchhiatna (no collusion, no obstruction) crime a awm lo, a tih chungchangah Democrats thunun US House Judiciary Comtt hmaah May 2ah thu zawhfiah (testify) a ni dawn a, Democrat Rep. Eric Sawlwell of California chuan, “Amah William Barr hian impeachment a hmachhawn thei dawn a ni” a ti. AG Barr hian President Trump chu tan lutukah an puh a ni.

Special Counsel Robert Mueller pawhin AG Barr hi niminah lehkha thawnin, “Grand Jury Report phek 488 lai, phek 4 leka i sawifiahna chuan mipuiah chiaina leh hriatfiah tawklohna (confusion) a siam sak a ni” a ti.

Entirnan, Congress hnena AG Barr-an a pek luh Mueller report ah chuan, “May contain …protected under Fed. R Criminal.Prod. 6(e)…” tihte phek hrang hrangah a chuang thin a ni. (Google/Internet atangin Mueller report hi a chhiar vek theih tawh e-CT)

Hetih lai hian President Donald Trump-a mimal Ukil hro hrang na zet Rudy Guilliani chuan, “Special Counsel Report siamtu leh thil chhuitu ber Robert Mueller chuan, engah nge hriatthiam loh tur (confusion) awma report a thehluh teh reng ni? Mipui tih chiaina a duh lohte chuan chiang fel takin thutlukna siamin, final report a pe tur alom” tiin, Mueller chu a rawn sawisel ve leh a ni.

CT Lalrinawma

Aside | Posted on by | Leave a comment

CIVIL SERVICES DAY A PU ZORAMTHANGA, KAN CHIEF MINISTER THUSAWI HI….

( Source MSR ; Editor Vanneihthanga Vanchhawng)

Uluk deuhvin kan CM thusawi hi han chhiar chhuak phawt teh….

Chief Minister chuan Sawrkar hnathawkte chu ram sawrkarna ruangama ruhrel pui ber an ni tiin thahnemngaihna leh rinawmna nen thawk turin a chah. Pu Zoramthanga chuan “talent ropui tak mihringte pek kan ni a, chu chu hman tangkai thiam chuan kan tih theih leh nih theih sang ber kan thleng thei ta thin a ni,” a ti. “Mizoramin hmasawnna tura ‘asset’ kan neih hlu tak tak……Hmalak dan tur ruahmanna an siamin ram leh mipui tan eng hlawkna nge awm thei ang a, hmasawnna tluantling a thlen theih dan te ngaihven hmasak a tul” a ti bawk.

He kan CM thusawi hi a thain, a ropuiin a dik ngawt asin…He ama thu leh hla atang hian zawhna i zawt let ve thung ang aw…

  1. Kan sawrkar hnathawkte chu thahnem ngaihna leh rinawmna nen a hna thawk tura a tih hian…Sawrkar hmalakna reng rengah “as per rule of law” angin hna thawh an tumna lamah Undue Political Influence / Vote catching drive / Nepotism ang chi te kan Council of Minister leh MLA rualte, Ruling Party fatu rual te’n an rawlh lui tralh dawn em tih kan lo thlir reng dawn ani.
  2. Sawrkar hmalak dan tur ruahmanna an siamin ram leh mipui tan eng hlawkna nge awm thei ang a, hmasawnna tluantling a thlen theih dan te ngaihven hmasak a tul….dik ropui leh khep khep khawp mai.

Anih entirna hnaivai ….

(i) Zirtirtu 1000 dawn Muster Roll a lak an tum hi Thingtlang lama Zirtirtute indaih lohna a nasat avang an tih chuan Aizawl leh District khawpui a Zirtirtu indaih hle si an tih hote hi Thingtlang lama an indaih lohna ah te chuan an sawn kual thei mai hmasa phawt lo tihna em ni…??? Sawrkar zem zen ve hrim hrim ( Party mi leh sa tih pun nan) insiam tam kan policy ru te anih phei chuan… CHHUNG TIN A SAWRKAR HNATHAWK NEIH policy ka rawt sak thung e. Eng development project mah buaipui hmingchhe buai tawh lo law law ila, kan Budget zawng zawng hi chhungkaw tinin Sawrkar hnathawk hlawh angin insem zo awlsam ta then zel mai zawk ila. Kan Picnic kumtluan anga ni mai alawm…ti rawh u.

Zirtirtu emaw Sawrkar hnathawk hote transfers and posting policy hi mumal tak siamin strict takin implement theih an inringlo em ni…Nge chutiang taka Policy mumal a awm chuan Political Pressure a awm thei tawh dawn silova, sawrkar hnathawk / an chhungte chu Minister leh Ruling Party hruaitute inah len duk duk an mamawh tawh dawn si lova…Effi sawrkar hian chutiang taka Sawrkar hnathawk Transfers & Posting policy chu an nei ngam bik dawn chuang lo…???

(ii)…MIMER hming thlak hian ram leh mipui tan eng nge hlawkna awm thei ta chu le…Mizoram Medical College tih mai tur pawh la nilova Zoram Medical College han tih teh tralh hi kan CM hming chawi emaw ngaihbel theih thil ngaihtuahna a ti an nih ka ring phal lova. Dik tak chuan amah CM…Mizo pa tha lutuk, mi inphah hnuai thiam em em pawh hian a hming nena lo thlunzawm luih theih hram ang chi chu a duh ka ring bau bawk silo. MNF sawrkar hmasain an lo sawp trawp hle hman tawh Congress sawrkarin a rawn tungding leh hram hram te kha lawmpui aia hnawksak, hnara hlit awm ang mai a ngaih deuh roh avanga hming thlak duh ve hrim hrim nia lang te phei hi chu ram leh mipui tan eng hlawkna tak awm ang maw le…Engtin tak chuan nge HMING THLAK policy hian ram leh hnam tan hmasawnna tluantling a thlen dan turte chu mipui min han hrilh fiah ve se maw le…

Nih loh chuan vawiin a kan ram leh hnam kaihhruaina fawng vuantute hi in fel ber vang emaw, in pianthar that ber vang emaw in bright ber vanga tun dunhmun a ding ta hi in ni lova, MNF hian MLA 21 ai tam in neih theih vang mai chauh ani tih te hi hre ve ta khiau ula. Sawrkar hmalakna emaw hmalak lohna emaw reng reng hi chu mimal emaw Political party pakhat tan chauhva hisap kitab nilovin Mizoram ( not Zoram….) leh hnam, mipuite ham thatna tan ni zel zawk rawh se.

Kan CM leh MNF party te hian kum 1966 kan pelhna a rei tawh tih te, tawngkam thiam satliah hi thiam kan ti tawh lo, Thereng kan nilova…inham puar ngawt thei kan ni tawh lo tih te…min lo hriat sak mawlh se. Pathian tih leh rawn chunga he ram leh hnam tan hian Missionary thinlung pua hma la zel zawk tawh turin…keini MIZO DEMOCRACY WARRIOR te leh rilru leh rau thuhmun pute chuan kan ngen tak meuh che u a ni.

Hriata Chhangte

Aside | Posted on by | Leave a comment

MIZORAMA BAILEY BRIDGE HLUI THLAK TUMIN ENDIK MEK

1st May, 2019: Mizorama Thirlei hlui tawh te Lei ngheta thlak vek tura hmalakna kal mekah Thirlei hluite dinhmun enfiah chhoh mek a ni.

Mizoram sorkar chuan thirlei hluite enfiah tur hian ram chhunga Bailey Bridge Manufacturing Company hlun leh lian ber, Garden Reach Shipbuilders & Engineers (GRSE) Engineer-te chah chhuakin, Engineer 2-in nimin atang khan endik hna an tan a. Vairengte-Tuirial (NH 306A) atanga tanin, Bairabi bula Kawnpui luia Lei an endik hnuah Kawrthah Division leh Mamit Division lam an endik leh ang a, Lawngtlai, Lunglei leh Tlabung Division lam panin, Ratu tlang dung leh Khawzawl Division lam an endik zawh hnuah an hmuh dan leh Lei tihchak dan ruahmanna E-in-C hnenah an thehlut ang a, a tul anga hmalak zel dan tur sawrkarah thlen a ni ang.

Lei enfiahtu GRSE Engineer-te hi an lei endik awmna bialtu EE leh SDO ten an lo tawiawm bakah, PWD Bridge Cell-a Bridge Engineer chuan a tanpui reng dawn a ni.

Aside | Posted on by | Leave a comment

CHAMPHAI ZOTLANG-A CONGRESS HRUAITU C.VANLALHMUAKA HNENAH CHENG VAIBELCHHE 13.51 PEK A NI.

CAG in report a tihchhuah ah NLUP thiltum ber chu hlawhchham mahse, he policy hnuaia hmalakna chi hrang hrangah supplier te an hlawk hle niin a tarlang a, an bungrua supply te chu hmundanga an hralhna let li (4) lai a to te’n sorkar-in a leisak tih hmuh chhuah a ni.

Champhai Zotlang-a Congress hruaitu C Vanlalhmuaka hnenah Vawkte supply na tur Cheng Vaibelchhe 13.51 zet chu Prime Minister Special Package nilo Mizoram Budget atangin pek a ni a. Hriat theih chinah a Vawkte supply atang hian cheng Nuai 34.45 man huzet chu an thi tih hriat a ni a, hriatkim vek theih nise hei aia tam zawk hi an boral rin a ni.

Heti khawpa NLUP vawkte an thi hnem tih hi sawi mahse Mizoram sorkar hnuaia NLUP buaipuitute chuan a lo hre miah lo niin CAG a hrilh.

(source : The Frontier Despatch & CAG report)

C Vanlalhmuaka hi vawkte hnuaka an ti mai ṭhin

Aside | Posted on by | Leave a comment