MHIP General Conference ah hruaitu thlan a ni dawn lo

MHIP General Conference neih niin Vawiin ah hruaitu thlan theih a ni dawn lo
By Zonuna Kawlni (LENKAWL) – April 17, 2019

Mizo Hmeichhe Insuihkhawm Pawl (MHIP) chuan nimin khan Aizawl-a Vanapa Hall-ah General Conference vawi 22-na an hmang a. He Conference hi Vawiin-ah chhunzawm tura tih a ni a, kum 2019-2021 chhunga Office Bearer turte thlan tur a nih laiin, thil diklo a awm nia hriat a nih avangin Court-in inthlang lo turin a hriattir.

Nimin a MHIP General Conference hi MHIP Gen. Hqrs. Vice President, Lalthlamuani’n a kaihruai a, Khuallian nia he hun hmanpuitu Horticulture Department Director, Dr. Elizabeth Saipari chuan, hmeichhiate’n ram siamṭha turin tih theih tam tak an neih thu sawiin, “Ram rorelna sanga tel thei turin theihtawp i chhuah ang u. Tun dinhmunah ram rorelna sang berah tel lo mah ila, a hniam zawkah hmasawnna hna thawk turin hmeichhiate kan awm ṭeuh a ni,” a ti. Khuallian chuan, Mizo hmeichhiaten puanbih an uar lehzual chu lawmawm a tih thu sawiin, “Sawrkar pawhin puanbih hi a ngai pawimawh a, kar khata a bih hun tur an bituk a ni. Nu ber te’n puanbih kan uar tlat chuan kan tu leh fate’n an uar zel ang,” a ti a; Mizo hnam incheina te chu hnam dangin an chawisan sak dawn loh avangin, mahni ngeiin chawisan a pawimawh thu a sawi.
He hunah hian MHIP General Hqrs. President Saipuii chuan, Mizoram, khawtlang leh chhungkua a him theihna atan MHIP member zawng zawngte’n tih tur tam tak an neih thu a sawi a, “Hmasawnna rahbi thar chuangkai turin kan thiamna te, kan finna te, kan chaknate mi dang te’n malsawmna an dawn theihna atan i hlan nawn leh ang u,” a ti bawk.

MHIP General Conference hi Vawiin ah chhunzawmin kum 2019-2021 chhunga hruaitu turte thlan tur a ni. Mahse, inthlan tur chungchang ah hian Court-ah thubuai thehluh a awm avangin Aizawl District Court chuan inthlang lo turin MHIP chu nimin khan a hriattir a. Aizawl District Court-a thubuai thehluttute Ukil tarlan danin, MHIP Gen.Hqrs. OB tur thlan turah MHIP Gen. Hqrs. hruaitute’n thil dik tawk lo an ti a, Secret Ballot tihchingpen a awm nia hriat a nih avangin, Aizawl District Court chuan MHIP chu inthlang rih lo tura hriattirin Order a tichhuak a ni.

MHIP General Secretary, T. Lalthangpuii tarlan danin, MHIP-ah hian Sub-Hqrs. pasarih (7), Block 26, Joint 24 leh Branch 729 awmin, Member 2,89,300 a awm mek a ni.

Aside | Posted on by | Leave a comment

LOK SABHA INTHLAN THLIRLETNA 2

  • Matana Pachuau

Thlirletna 1-naah khan Vanglaini tih dikloh leh Editor leh Jt Editor ten an tihdikloh kan sawi a, an dawnsawn leh respond dan diklo pawh kan sawi a. Ti dik tura hma an lak zel chuan tihsual atanga inzirna tur tha tak a ni anga, Mizorama journalism hrim hrim pawhin hma kan sawn ngei ang.

Vanglaini hian MNF chhinchhiahna chauh kha a chhu diklo lova, independent candidate dang pakhat chhinchhiahna pawh a ti diklova. April 11, zing dar 8:30-a ngaihdam dilna tihchhuahah khan a tel lova, a tukah erawh a tel. PRISM party candidate in CAB do letnana a auchhuahpui Right to Secession Bill chungchanga mi pakhatin “thu dik ziktluak lo hmang a mipui nawlpui thluak suk a mi rilru hruai pen vak theih”-naa puha article a ziah kha Vanglaini khan inthlan tukah a chhuah bawk a. Ngaihdan huang ami a ni nain party chhinchhiahna diklovin mipui rilru a tibuai thei ang thovin khatiang thuziak chhuah khan mipui rilru leh a vote tum dan a tibuai thei a. Thuphachawina emaw acknowledgement tal a awm lo khan Vanglaini lamin professionalism lama tan an lak a tulzia a tilang bawk awm e. Right to Secession Bill chungchang hian sawi a hlawh a, sawizui tur reng pawh a ni a. Amaherawhchu, PRISM tan chuan Vanglaini in inthlan tuka khatiang article an chhuah kha thil lawmawm loh tak a ni ang. April 11 tuka chhuak turah khan tu emawin Congress leh ZPM party boruak, miin an candidate an vote chakloh phah theihnan bihchianna ziak ta vak se, lo chhuah ta bawk se a bias tiin ZPM leh Congress lam chuan an lungawilohna an lantir ngei a rinawm.

Sawi tawh ang khan Vanglai chuan a ti diklova, thupha an chawi a. An insawifiahna hi kan pawm emaw pawm lo emaw an official-a an insawifiahna a ni a. Ngaihtuahna ti thui deuh zawk erawh chu hetiang “political sin” ni-a langah MNF lamin dan hmanga an bei chiam hi a ni. Vanglaini editor leh joint editor te hian dan bawhchhiat an nei a nih pawhin hetiang politics boruak chhe thlenna thil hi politics veka chinfel atana tha zawk a ni a. ZPM candidate chungchanga thudiklo leh intihhmingchhiatna thuziah zawng zawngte hi dan hmanga chinfel tum ni dawn se MNF lam hian an zo lo zawk mai thei a ni.

In lo chik chuan inthlan tuka MNF President an kawm khan a thinrim (hmel) hle a. Thinrimlohna chi pawh a ni lova. Mahse, khami darkar-a a sawi thenkhat kha amah ngei pawhin a dik nge diklo tih a hriatloh, a ngaihdan thudik anga a sawi te a ni a. A pawlte thinrim tizual tur ang maia Vanglaini lamin an sual vanga tiluia a puhna khan FIR thlengin a nghawng ta a ni ber awm e. A ti diklo tu lam an demawm a, a tuartute lamin an lo dawnsawn dan leh an react dan pawhin buaina a ti punlun a tihloh theih loh. Ram hmasawnna lam a la kawklo zel tihna a nih chu.

MNF MP candidate election agent in FIR a thehluh khan an party hruaitute hriatpuiin a ti nge tilo kan hre mai lova, party hruaitute hriatpui leh pawmpuinaa hmalak lo ni tase an thuah a dah theih anga. Returning Officer in FIR a thehlut erawh kha chu thil mak ve tak chu a ni. Mizorama inthlan kan lo neih tawhah hian tihdikloh tam tak a awm anga, mahse RO in police hnena FIR a thehluh hi a la awm kher lovang. (A lo awm a nih mial chuan khawngaihin min han hrilh hria ula)

Vanglaini in an tan lam tana hlawkna tura ngaih theihin inthlannia an thil chhut diklo leh article an chhuah te kha ZPM leh Congress lam bias-na a ni kan tih chuan MNF sorkar-na hnuaia Aizawl DC (RO ni bawk) in sorkar lai party candidate khingpui tana thalo thei tur zawnga hma a la kha mi tam tak chuan an dem ang. RO-in FIR a thehlut phei kha chu RO kha political activist a ni ta emaw tih mai turin MNF lam tana thil ti ang maia ngaih theih tura sorkar official hmalakna a ni a. MNF thlantlin an nih, sorkar an la siam hmaa Mizoram sorkar official ten Congress sorkar hmalakna NLUP an “suspend” te ngaihtuah phei chuan RO Pu Vanlal Ngaihsaka hian MNF party hruaitute atangin “thupek” a dawng emni tia zawhna pawh a awm thei awm e. Mizoramah sorkar hnathawkten an political boss te an hlauh thinzia kan hria a, Pu Michael Lalmanzuala te anga Chief Minister meuh pawh hnial fithlathak ngam an nih vek loh chuan kan sorkar hnathawkte hi an “vulnerable” thin viau a ni.

Mak lehzel chu kan police officer in charge in politically motivated FIR a lo ngaipawimawh em em kha a ni. Kan police te hi chhuan tur an ni a. An inpekna te pawh a zahawm. Kan khawtlang min venghimtute an ni. Amaherawhchu, sorkar hmasa ah te pawh kan lo hriat tawh angin dan bawhchhiatna lian tak tak thila FIR thehluh a zuzi thin te kan ngaihtuahlet chuan ruling party in dan hmanga hrem an duh candidate leh Vanglaini editor te hremna tur dan bung leh chang phawrh tur an hre hma lutuk te kha a mak a tih loh teih loh. He thuziakthu hian FIR hi a lo thehlut ve tawh a, police hotu lian ber ber te pawh be pawpin dan bu meuh keuvin FIR register tur an nihna te hrilhnawnin a lo bei ve tawh thin a. An man NGAMLOH chu danin a phut anga man an TUM LOHZIA hi chiang takin a lang tawh thin a ni. Chu’ngte avang chuan kan police te hi rin duh viau pawhin rin an har thin hle a ni. An inenlet a ngai a nih chu.

Vanglaini thil tih dikloh hi a kual thui ta khawp a, a lantir chu Mizote hian politics kan hmelhriat tirh atanga politics hman dan dik leh tha kan la zirlohzia a ni awm e. Pu Zoramthanga berin a hote thinrimna “exploit”-a a political opponent te dawt nge thudik tih pawh a hriatloh hmanga a puh atanga khan a punlun tawh a, “Hetiang hian lo ti rawh u” pawh ti miahlo mah se kan Aizawl RO leh Aizawl PS OC te tan chuan Pu Hawla laka FIR thehluh tih zuzi ang mai mai anga lo tih zuzi chi a nilo a ni.

Vanglani hi an bias bakah an professional lova, bias lo leh professional taka an in din chhoh leh a pawimawh. An thil tih dikloh leh an article chhuah te pawh a thalo. Mahse, hetiang hi politic bawhchhiatna a ni a, politic vek hmanga chinfel chi a ni. Sorkar lam atanga bias taka thil tih kan hmuh mek erawh hi chu thil thalo leh hlauhawm tak a ni. Ruling party pawisawi laka sorkar official leh police lamin action an lak zat zat bik chuan equal justice a awmlo tihna a ni.

Aside | Posted on by | Leave a comment

May 27, 2019 thleng zu zuar leh dawn

Gauhati High Court, Aizawl Bench chuan, zu khapna tur dan Mizoram Assembly House-a pass, Governor-in a pawmpui tawh ‘The Mizoram Liqour (Prohibition) Act, 2019’ hman theih loh hun chhung, May 27, 2019 thleng zu zawrhna dawrte hawntir leh turin Mizoram sorkar a hriattir.

Bonded warehouse pathum – Raphael Bonded Warehouse, RTP Bonded Warehouse leh SS Enterprise-te chuan a hrang ṭheuhin Gauhati High Court, Aizawl Bench-ah writ petition an thehlut a ni. Warehouse neitute ukil hnen aṭanga thu dawn danin, High Court hian writ petition hi April 12 khan a ngaihtuah a, Inrinni khan thutlukna tih chhuah a ni.

High Court chuan, Mizoram sorkar chu The Mizoram Liqour (Prohibition) Act, 2019 hman theih a nih hma, May 27 thleng emaw, The Mizoram Liqour (Prohibition) Act, 2019 hman theih a nih hma chu zu zawrhna dawrte hawntir leh turin a hriattir a; zu zawrhna dawr (wine shop) neitute pawh order an hmuh aṭanga kar khat ral hmaa an licence renew sak turin thutlukna a siam.

The Mizoram Liquor (Prohibition) Act, 2019 chu Mizoram Assembly-in pass tawh mah se, Lok Sabha inthlanpui kal mekah Model Code of Conduct-in a phuar avangin Election Commission of India chuan dan thar hi inthlan zawh fel ni tur, May 27, 2019 hma chu hmang ṭan rih lo turin March 28, 2019 khan Mizoram sorkar a hriattir tawh.

Hetih lai hian, Mizoram sorkar chuan zu zawrh phalna a pek, bonded warehouse neitute leh a zuar chhuaktu vendor-te hnena license a pek, March 31, 2019-a tawp tawh chu tihnun zel (renew) a remtih loh avangin bonded warehouse neitu pathumte chu Gauhati High Court, Aizawl Bench-ah an zualko a; zu an kawl sate tihral theihna hun siamsak turin an ngen a ni.

Mizoram sorkar chuan March 8, 2019 khan thupek siamin, sorkarin April 1, 2019 aṭanga zu khapna dan hman ṭan a tum avangin zu zuartute chu an zu khawl khawm sate March 30 ral hmaa tiral vek turin a lo hriattir tawh.

Bonded warehouse neitute hian zu khawl khawm sa an neih tihralna hun sorkarin a pek, ni 18 chhung chu rei lo lutuk a ni, an ti a; sorkarin state páwn aṭanga zu lak luh phalna permit chu February 26, 2019-ah pawh a la pek chhuah avangin zu dah khawl sa tam tak an la nei tih Court-ah an thlen a ni.

Aside | Posted on by | Leave a comment

Whatsapp ban pumpelh dan

Whatsapp banned block pumpelh dan.

  1. App pakhat i install ṭhat sek a, number i verify mawlh mawlh chuan i account an temporary block ang.
  2. Mi ṭhenkhatin ‘Report Abuse or Spam.’ etc. hmanga i account an report chuan a buai thei bawk.
  3. Whatsapp mod i hman thlak sek chuan rinhlelh i hlawh nghal ang.
  4. Message i forward tam lutuk chuan i account an chhui vat ang. Daily limit kha 5 a nia.
    ̲̲̲̲̲ᅠ ᅠ ᅠᅠᅠᅠᅠ
    Whαtsαpp mod ho αh hiαn forwαrd tαg α pαih theih α, Forwαrd limit αn pαih bαwk α. Duh zαt zαt post α forwαrd theih vαng leh Forwαrd tih α lαn loh vαng hiαn Hetiαng hmαn hi news αdmin tαn chuαn α nuαm hle.

Mαhse hei vαng hiαn gb leh yo hmαng ten temporαry block αn tαwk nαsα α. Hetiαng i tαwh loh nαn whαtsαpp messαge te forwαrd lovin copy- pαste tαm lα α fuh αng.

Online αpps kαn hmαn reng reng hi dαtαbαse αh α en theih tho tho α. Chuvαngin kαn sulhnu khα αn en ve thei tho tih hriαt α ṭhα. Whαtsαpp hi web-bαsed ni lo mαh se, dαtαbαse α nei tho α, αn check ve thei reng tho α ni.

Kα hmαng kαwp α, kα forwαrd ngαilo bαwk α. Engmαh problem α αwm lo.

꧁͜͡࿇͜͡ ℳᥲꪦᥙᥲƭᥲ࿇͜͡꧂ ꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋ:

Aside | Posted on by | Leave a comment

COURT IN ZU ZAWRH PHAL SAK LEH DAWN

13.04.2019: Bonded Warehouse neitu pathum te’n Zu khawl khawmsa an la ngah avang leh zu khapna dan thar hman tan theih a la nih loh bawk avanga an licence renew sak leh tura Court hmala tura an ngenna chu Court in a phalsak.

12, april, 2019 khan an ngenna hi Gauhati High Court Aizawl Bench Judge, Justice Michael Zothankhuma chuan a ngaihtuah hnuin vawiin 13, april khan thuthlukna hi tih chhuah a ni ta a, Thla thar May ni 27 thleng emaw, sorkar zu khapna dan The Mizoram Liquor (Prohibition) Bill, 2019 a hman hma chu zu hi zawrh chhuah phal ni se a ti a, Warehouse neitute chu kar khat chhungin an liscence renew a phalsak bawk.

Puan tawh thin angin nikum December ni 18-a Mizoram Sorkar Council of Minister thukhawm chuan MLPC Act hmanga zu zawrh chu tihtawp relin Sorkar Department kaihhnawih zu zawrh chu a ti tawp nghal a, December ni 21 atanga kumin January ni 14 thleng Dry Day puan zui a ni a, hei hi sorkar-in pawhsei a tum laiin zu zuartuten Court-a an khin avangin zu chu zawrh lailawk leh a ni a, Zu zawrh phalna license pek chhuahte a thih ni March ni 31 atang khan zu hi zawrh chhuah a ni ta rih lo a ni.

Hetihlai hian, Mizorama zu khapna tura dàn duan, The Mizoram Liquor (Prohibition) Bill, 2019 chu Mizoram Legislative Assembly-in March 20 khan a pass a, Governor pawmpuina pawh lak fel a ni tawh ni a thudawn a ni a, amaherawhchu inthlan vuakvetah Model Code of Conduct hman laia dan thar hman phalloh thu Addl CEO in a chhuah avangin, zu khapna dan hi hman a la ni lo a ni.

(AIR News)

Aside | Posted on by | Leave a comment

Hmangaihna dik tak chu hei ngei hi.

Nupa leh Nulat Tlangval kawngah hian Hmangaihna antih hi a awm takzet anih chuan heihi ani ngei ang .

PIANSUALNA HNEHTU HMANGAIHNA CHU

  • H . Zate

April 13, 2019: He khawvel, Nupui pasal chu sawi loh, ngaihzawng atan pawh ‘nei ve tin ten lo chu’ tia mi tam takin an tawhna ramah leh makpa atan phei chuan mi neinung ngei an duh thinna ramah hian, tu hmeichhe kutke kim, pian ken dik, nu pangngai tak hian nge maw amah heltu Mipa hleitling leh neinung zawk hnawlin pian tirh ata zeng, mahni pawh inbawihsawm thei lo chu kumtluang kawppui atan thlang tehlul ang le? Thil ni thei a ni dawn em ni? Ama’n lo duh pawh nise, nuleh pa chuan an fanu pasal a tan an duh dawn em ni? Makpa che hlei thei lo neih chu an duh meuh ang maw?

Thlalak a darh a, miin mak an ti a, thenkhatin an awih loh hial laiin thenkhatin an lawmpuiin an fak tawn mawlh mawlh a. A hmeichhia fak mawlh mawlh an awm laiin, a mipa zawk lawmpui mawlh mawlh lah an tam.

He piansualna hnehtu hmangaihna chanchin hi thenkhatin an awih lova, rin har an ti a. Mahse, a tak a ni miau si. April 16, 2019 a lo thleng anga, chu thil chu a takin BCM West Saizawh Biak In, W. Saizawh khua-ah kan hmu ang. Vawiin khan a thawmhnaw chuan a in tur a pan tawh a, naktuk April 13 khian amah leh a thenrualte nen kumtluanga a in tur lam an pan ve ang.

Hruaia Vandiau Tlanglau (Emmanuel V Lalhruaizela) leh Zobiakremi Pautu (tebawihi) kum 2014 khan kum tawp lam-ah an inhre tan a. Chutih hunlai chuan thian mai an ni a, an inkarah inthian thatna a inkawmna bak engmah a leng lo. Mahse, chu inkawmna chuan inngainatna a siam a, kum 2019 a lo nih meuh chuan kum tluang atana kawppui ni turin an inkarah thu an thlung ta a ni.

Zobiakremi Pautu (tebawihi) hi Hrangsavunga leh Zaihmingthangi te fanu niin, Khawzawl khua, Darngawn venga awm thin an ni. kum 2003 khan pasal a nei a, 2014 October ah inthenin, a fa pathum te nen Bethlehem vengthlang Aizawl ah a hmeithaipui ta a ni.

Hruai Vandiau Tlanglau hi VL Piangenga leh Tuahpuii te fa pali zinga a naupang ber a ni. An upa ber hi hlamzuiin a boral a, a hnuaiah hian V Kungtea rairahtea tia hriat thin hi a awm a, V Kungtea leh Hruaia inkarah hian pakhat awmin a ni chu 1995 khan a boral tawh bawk. Hruaia te unau hi zeng leh kut leh ke duh anga hmang thei lo ve ve an ni chungin thu leh hla-ah chuan an ril hle a. Mite ngainat leh ngaihsan rawn an ni.

Hruaia hi 1992 December 18 khan lo piangin, pawl hnih thlenga a zir hnuin a taksa harsatna vangin zirna a chawlhsan a. AIR Lunglei Drama inziahsiak-ah te chhuak thinin, Kum 2017 khan a lehklhabu ziah ‘Hrignun Hling Bawm’ chu a tichhuak a. 2018 khan second edition tihchhuah leh a ni.

Hruaia Vandiau Tlanglau hian a lehkhabu-ah hian Kristian Drama ngaihnawm tak tak panga; “Kristian Chhungkua i din ang u”; “Krismas kawr mawi”; “Vanram”; “Krismas danglam” leh “Ranthleng” tih te chu lehkhabu pakhatah a rawn khung khawm a. A lehkhabu hi Van lal nau phena hmangaihna leh phuba lakna chanchin a ni. Heng a lehkhabu chhutna man hi ama thawhchhuah liau liau a ni.

A hmaa inkawm thin chu Pianphunga rual ban lo a nihna, zun leh ek thiar ngai a nihna zawng zawng a hriat hnu-ah a khawngaih lehzual a, chu khawngaihna chu hmangaihnaah a rawn inlet ta a. Hmangaihna chuan dam chhunga cheng dun zai rel turin a urin a ur tlu dun ta a ni.

“Duhthu pawh ka sâm ngam ngai loh, Mihring nuna pawimawh leh ngaih hlutawm ber, dam chhûnga ka kawppui âwm mi ka tawng hi ka phu loh, Lalpa malsâwmna chu a ni chiangbâng. Chutah pawh, Kristian ṭhalai ka nih angin, ‘biak in hawng ngeiin’ kohhran hmaah inneih thu tiam ka chham tur hi keia tân chuan a ropuiin mite tih tur chauha ka ngaih ṭhin chu keimah ngeiin ka han ti ve dâwn a ni a, mumang te pawh a ng rum rum mai. Ka nuna thil thlengah hei aia ropui leh lâwmawm hi ka la tawng ngai lo va, ka tawng leh tawh kher lo vang.” tiin Hruaia chuan a sawi a.

Facebook lama sawmna card a post ah chuan heti hian a ziak bawk, “He, ka tâna hun ropui min hriatpuia min lâwmpui turin ka ṭhenrual ṭha zawng zawng ka sâwm che u a, sâwmna (card) hranpa kan siam loh avangin he post hi “Inneih Sâwmna” puitlinga min lo ngaihsak ṭheuh turin ka ngên a che u.”

“Kum 2017 December khan Hruaia lehkhabu ‘Hringnun hling Bawm’ a release a. Chung lai chuan a zawrh leh hralhna lamah ka pui nasa em em a. 2018 March khan W. Saizawh-ah ka fa te ber nen kan zuk zin a. Amah ka hmuh khan a tuarchhel zia, a tum ruh zia te ka hmuhin ka rilru a hneh a, khatiang chunga lehkhabu a ziak hi ropui ka ti a. 2018 khan 2nd edition tihchhuah niin, chutah chuan a lehkhabu ah thuhmahruai ziakin, ‘Hringnun Hling Bawm Ngei Mai Chu’ (i hmeh kauh chuan thuziak hi i chhiar thei ang) tiin ama chanchin ka ziak chhuak a.” tiin Tebawihi chuan an chanchin a sawi a.

Aizawl a zin tumin Tebawihi leh a fate nen an leng

Zeng leh pianphunga rualban lo vekin an unau hi an piang a. He nun tak mai hi a lehkhabu, “Hringnun Hling Bawm’ chu niin, ama hringnun ngei mai hi a ni hlingin a bawm chu tiin thuhmahruai pawh chu ka ziak a. Ka khawngaihna leh lainatna chu hmangaihna-ah a lo chang ta zawk a ni.

Mi inngaizawng chu lirthei nalh tak takah an inphur a, anni erawh a mipa zawk nawr a ngai si…

Tebawihi chuan “Ka thinlung hian zeng enin a en lova, dam lo enkawl ngai enkawl angah ka inngai a, a dinhmun ka khawngaih a, amah hian hmangaih a phu hliah hliah a, mahnia intunnun tum, tumruh leh tuarchhel, a ni a. Amah-ah rinna ka nghat ngam a, hmangaih a phu ngawih ngawih a ni. Keiin hmangaih taka ka enkawl lohin tuin nge enkawl chuang ang?” tiin Hruaia chungchang hi a sawi.

Heng bakah hian, a fate’n chhuang taka an pa anga an pawm thu leh, mi hnenah pawh an sawi zel thu a sawi
– H . Zate

Aside | Posted on by | Leave a comment

Saza hliam tuar chhanchhuah a ni

Tukin 13th April, 2019 zing dar 5 vel khan Chawngte lama zin tur, Bethlehem veng mi Pu Zaithanga leh a thiante chuan, Melthum Silaimual, Zampuimanga lungphun bul kawngpui kamah, Saza hliam na tak tuar an bula lo chhuak hlawl mai chu an hmu a, Pi Margareth Lalramchhuani Forest Department DFO Bethlehem veng phone in an hriattir nghal a. A ni hian hma la nghalin Wildlife Division lam thuneitute a pun ta a ni. He Saza hliam tuar hi Evironment Forest & Climate Change leh Vety department tangkawp ten buaipuiin an enkawl mek.

He saza hi thang awk chhuak ni ngeiin a langa, thang hrui niawm tak a la awrh nghe nghe. A thluk leh a zak vei lamah thang hruia a awhna hliam ni awm tak, hliam na tak a awm a. A hliamte hi a lung nasa hle.

Chanchin buatsaih lai hian he Saza hliam tuar hi Khatla Vety Hospital lamah first aid tih mek a ni a, Vety College Selesih lamah enkawl chhunzawm tura ruahman a ni.

Hliam a tuar rei hle tawh tih a hriat theih a, a taksa pawh a chak lovin a cher hle tawh a ni. A mangan tawpah tanpuitu zawngin mihring awmna a pan ta mai niin a rinawm.

Vanneihthanga Vanchhawng

Aside | Posted on by | Leave a comment

ISRAEL Inthlan

Binyamin Netanyahu. lawm pui nan le

ISRAEL LEH ARAB INDO THU.

1973 Yomkipur war.

Tunlai khawvel politics leh Indo thu thang han thlir hian, Indo na rapthlak zet mai hi kan hmachhawn dawn ni hian a hriat leh ta a, tunhma 1973 kuma Israel Sorkar tereuh te mai Arab ram tangrual ten an dorawn dan hi chhiar peih kan awm takin hanziak thuak thuak ila.

1948, Israel in independent ahan puan chiah Khan a lawmpui na ni awm fahran hian Jordan ho chuan Laipui za tamtak hmang in anhan kap nghal chur chur mai phawta, Israel ramthar lopiang chu nuai chimih leh nghal vek mai kha anhan tum sateh tak na a, zahthlak deuh mai hian an tlawm leh zawk si. Anzak thinrim lutuk chu in hawrkhawm in 1956 ah nasa deuh mai in anhan in khuainuai leh chiam mai a, Arab ram tangrual bawk an tlawm leh a, Niruk indo tia kan hriat 1967 ah a siruk la tak meuh hian an rawn beihrawn leh ta a, mualpho lutuk mai hian anhan tlawm leh tabawk nen , a bik in Egypt ram kantih bik ah khu chuan, anram inthlan pui alo awm tawh hi chuan Israel ram ka nuai chimit vek ang ti theitu a piang chu tling tur anni mai. Pakistan inthlanpui a India do ngam tur apiang an tling thin ang deuh khuan Aigupta ram politics pawh Israel do politic ani ber mai.
Heng hunlai hian Sipai General hlui ralrel thiam leh hrohrang nazet mai, Anwar Sadada chu Egypt president atan thlan a rawn ni ta a, alo intiam ang ngei in, chhuanlam hrang hrang siam in Israel do chu a phiar ta char char mai a, USSR (Russia ) lah chuan alo phurpui em em mai a, Aigupta leh a lamtang te hnen ah chuan an Ralthuam chhuakthar tha ber ber chu a thlawn deuhthaw hian , thawnlut ruih ruih mai a, Arab ram te lah chu khawvel huapa oil Supply tu lian anni fur maia . an Oil man te chu Ralthuam lei nan chuan anhan uilo nasa mai si a, ape tu Russia lah chuan ” Israel nen inlo Indo anih pawhin in Ralthuam chhia apiang chu a thar in kanthlak zar zar dawn ania” tiin alo tiam bawk nen an phur ngang mai a, ramdang Ambassadors ho hnen ah te chuan * lo ngai reng mah rawh u tuntum zawng Israel ram hi kan chhu chimit ngei dawn ani* tih pah te chuan mit anhan siaikhum sak sak thin a,

1973 October thla ni 6 a ni a, khua a thiang in nichhuak pawh a Khawchhak lamah a rawn sen phut mai a, mahse hemi ni hi Juda ten anni serh ber mai Yom Kippur antih, sual thupha chawina ni, chaw leh tuisik takngial pawh an nghei hmiah na Ni leh , Sorkar leh mimal hna reng reng chawlh hmiah na ni ani. Thenkhat phei chuan hnathawh chu sawiloh Lehkha thawn takngial pawh an chhiar duhlo hrim hrim , hemi ni hi chuan Israel ram hi athi ani ber mai. Radio leh Television te pawh in program pawimawh eltiang pawh nei mahse an titawp thuap mai ani.

Hemi ni ber kher hian Arab ram tangrual te chuan beihpui thlaka Israel sipai leh mipui te chu Meditaranian Tuipui a nawrliam vektur chuan arukin anlo phiar ru ngat ngat mai chu ni in, he In dona beitur hian Egypt Suria, Iraq. Saudi Arabia. Libya. Tunisia. Algeria. Morocco. Cuba. jordan, te chuan Sipai leh Ralthuam an rawn thawh khawm luih luih mai a. Hetih lai a, Egypt Defence minister chu Haffez AL Assad ani a, Egypt ringawt hian Sipai 800,000. Tanks 1700. Motor awmkhauh Armoured Vehicle antih Tank tluk thuak ho hi. 2400. Laipui lian,1120. Thlawhna 400 Bak ah Russia siam chhuahthar thlawhna kahna bom mitnei kah chhuahna 150, lai mai chu indo peih diam in an in ralring thup tawh mai a,

Hmarlam atang rawn nawr turin Expeditionary force antih Arab trangrual sipai Syria kaihhruai 250,000. Tanks 1300. Laipui lian 600. Motor awmkhauh 700, lai mai chu indo turin an lo in singsa mup mup mai bawka, heta Arab ram tangrual sipai zawng zawng hi sipai, 1,067,500, leh Tank 3600. Laipui lian 1720. Motor awm khauh ( heng Armoured vehicles, antih hi tanks tluk tho Machine gun leh Laipui lian tawktaka thuam anni) 4000 . thlawhna 452. Helicopter 150, bakah Meditaranian Tuipui atang Israel ram rawn beitur in, indo lawng tenau deuh 104 lai anrawn chhawp bawka . heta an Ralthuam leh sipai zawng zawng hi Indopui ll laia El Alamein hmuna, German general Rommel sipai leh British General huaisen Montgomery sipai te Ralthuam belhkhawm ai pawh khan antam zawk daih ani. Hetih lai hian Israel ram ah hian Mihring 5,000,000. Pawh anla awm tling lova, chung zinga nuaih tamtak chu an mahni haw ngawih ngawih tu Palestin Arab anla inzui, Juda bik ral kap thei chin kum 18-50 inkar a tho kap a anhan inphut chhuah vek pawh in, 400,000, an tling thei hram hram ani.mahse prime minister hmeichhe luhlul zetmai Golda Meier annei meka, Defence minister lah chu Israel sipai general Chawl tawh, fing phakar thiam zet mai leh Arab ho diriam thiam tak Moshe Dyan ani bawka , Tin, Tanks Indopui lai a an hman hlui an Tuaihnum that te , Russia in Arab ho hnena apek an man khawm sak bak ah Amerika ta anlei belhkhawm 1700 dawnlai annei ve bawka heng bak ah Motor awmkhauh 3000. Laipui lian 950. Thlawhna France leh Amerika siam 400 zet annei ve ani.

1973 October ni6 ni Israel te niserh ber ni ah ngei chuan hmar lam atang in Suria sipai rual chu troruah hawtur ang mai hian anrawn thawk thim ta hum hum mai a, chhimlam atang lah chuan Egypt Sipai rual chu le khaupuang an sawi ang mai hian an rawn tleh phei luih luih mai bawk a heng zinga sipai 200,000, leh Tanks 1200 phei chu Sueze canal kan thla a israel sipai ralven buk zawng zawng man nghal vek tura tih anni a, Sinai thlaler hi niruk indo khan Israel sipai ten an laksak a an awpzui ta kha ani a, Sueze canal anrawn kan chuan Israel awp ram an rawn lut ta tihna anih chu. Khawvel ram dang langsar taka Israel lam hantang ngam chu Amerika chiah ani a, UNO member ram tamzawk te chuan Israel ram chu khawvel Map atang in abo hlen tawh ngei dawn in an hria a, ngawireng in anlo thlir thuap mai a,

Mahse hetia Israel ram in ralrin loh lai ber hi, an enthlatu pawl mossad antih ho beng chhit ngun ber ni alo ni tehreng g aniang chu , khatia Arab indo thlawhna leh Tank rual anhan che chhuak chiah kha, a darkar leh a minit nenlam anlo hre fai vek mai si a, Israel ram TV leh Radio zawng zawng bakah Sipai Ralthuam thlawhna leh Tanks pu te chuan an khawl te chu anti nung ve nghal ta vut vut mai a, Israel ram thi tluk hial khawpa reh thrup mai chu an phusa nghal sung sung a. Hotel leh Restaurant neitu te chuan Israel sipai kalvel tan chaw a thlawn vek a anpek tir thu anpuang nghal sup sup a, Mimal Car leh Bus te chuan Israel sipai in report tur te phurhkual vel
an inpeih nghal vek , Radio atang te chuan Thuruk in hriat tirna niawm tak tak ri danglam maksak tak tak hi ari chuai chuai mai bawk a, Sipai pension tawh leh chhutri mek kohna ni awm tak tak * len cheh pa rawn hawrawh * tih angreng te hi an rawn puang leh thut thut thin a, sipai hmunpui tin mai ah chuan Nula hmeltha leh biang no tak tak te chu Mipa ralkap chhawk tura in report in an intlar nghal petput mai a, Damdawi in zawng zawng te chuan damlo leikang deuh chin chu an chhuah zung zung a, Sipai hliam enkawl nan khum te chu anti ruak nghal sawk sawk a , darkar 20, aliam meuh chuan Israel sipai leh Tanks rual te leh Golan rama Suria sipai leh chhimlam a Aigupta sipai rual te chu, Thih ngam lupu in an inbei nasa hman tawh hle ani.

Sinai thlaler nisen sa huam mai pan chuan Egypt sipai rual te chuan , Sueze canal chu anrawn kan ta chur chur mai a, sipai 200,000, leh Tanks 1200 chuang fe in an rawn kan ta, canal ral a Israel sipai ralveng tlemte awmte chu an rawn phingchil ta buaih buaih mai a, Israel sipai ralveng tlem te lo awm tan chuan lo dan ngaihna awm heklo, Egypt sipai te chuan anman ta a, Israel Flag te chu diriam tak tak pawt thler in chil te anchhak Khum vel a. Mahse Israel sipai bubit rual chuan Sueze canal chu an thleng phei ve ta Arab tank rual tenen chuan an inkap tawn ta siah siah mai a , silai khu nen Bom khu nen vaivut khu nen van sang takah khian par a chhuang khuding chho luah mai a, Jet fighter te pawh vansang ah an inbei leuhkual zuaih zuaih mai a, Russia siam thlawhna kahna chu a tha in, Israel thlawhna ten an tuar nasa ngei mai, Amerika lah chuan hetiang Ralthuam hi Israel hnenah ala peve hman silo, mahse Aigupta thlawhna te chu anla hek zawk tho mai nia, Israel te chu Pathian in pui tlat hek. Mahse a til tam a tam hneh ta chu Israel ho kulh rinawm ber Berlev line antih pawh chu Aigupta sipai te chuan an rawn tawntlang ta, Aigupta sipai general pakhat Gen, Shazli chuan a lar phah vet vet ngei mai, Aigupta radio te chuan an puang dum dum mai a, “Berleve line kha kan sipai huaisen ten anla ta asin ” tiin Cairo leh Arab ram mipui te chu an lawm em em mai a, Kawt thler tin ah te chuan an au a, Israel ram chu anchhia anlawh zui chiam chiam hlawm a, hnehna an chang vetawh ngei dawn hian anhria a, Hmar lam ah pawh Goland chuanchung ah te chuan Suria sipai te nen chuan an inbei mup mup mai a.mahse Israel sipai te hian an nawr let thei ta tlat October ni 16 alo herchhuah meuh chuan Suria tanks 800 lai chu Israel in an chhuchhiat sak tawh a hmun tin mai ah chuan an kang khu luih luih tawhmai a, Tin, Chhim lam atang a lo thawk, Aigupta sipai te hian Hmun thum atang in an rawn nawr kha ani a, Berlve line an hloh tawh, Mitla pass antih kalkhan pawimawh takah chuan lo dan theih an beisei viau na a. Mitla pass pawh Aigupta sipai ten anrawn su tlang leh ta, Israel sipai te chuan Tawlhkir an tum tabik ikhaw lo, Hlamnga dan lek lek ah chuan Tanks te chu an inkap puak alh ta zuai zuai mai a, Aigupta Tank tamzawk chu hmuntin mai ah chuan an kang khu vung vung tawh a , Israel tanks te pawh an chhe nasa vetawh ngang mai, chutia an inkah bur bur lai chuan General Sharon ho te chuan Egypt sipai rual chu an tawntlang ve ta hrawih mai a, Sueze canal chu an kan ve ta thung , Aigupta sipai te tan a pawithui ta ngei mai , hetia Canal kan chho tur Israel Tanks leh Motor te chu Aigupta ho Ralthuam rawng (rawng Eng) hi an hnawih vek mai lehnghala Aigupta thlawhna te chuan an lam sipai emaw tiin an khawih ta miah silo, Gen.Sharon hote chuan Cairo anpan ding ta ngat ngat mai a, Suez canal Chhaklam a Aigupta sipai te Ralthuam leh eitur Supply kawng zawng zawng pawh an dang ta hmiah mai le,
Israel chan chu alo tha leh ta em em mai a, Suez canal kan thla ta Aigupta sipai rual 3rd Army antih te chuan Ralthuam la ngah viau in a chhia pawh Russia in thlak zar zar lo tiam mahse Chaw leh Tui annei talo Hmar lam ah lah chuan Israel sipai te chu Damasks khawpui atang a km 70 emaw lek ah hian anlo va in chhawp hnai tawh bawk nen, Suria tanks leh thlawhna te chu a chithlah tur takngial pawh anzuah dawnlo emaw tihtur hian anlo chhuchhe vektawh mai hi alo ni a, Aigupta sipai rual 200,000, zet mai chu an inpek loh vaih chuan dangro dangchar a thih mai chu an hmabak alo nita bawk, a hmalawk a General hmingthang Sahzli pawh a kun ta ngawih mai Sueze canal anhan kan ta kher kher chu an inchhir ngawt ang le. Aigupta Sorkar hotu te chuan, Israel hnena an sipai te tan a tui leh chaw pek phalna dilpui turin UNO bawk an trah awh leh talo theilo. Hemi tum hian alawm Israel defence minister, Pawisak neilo zetmai Moshe Dyan chuan General, IsraelTal a hnen ah heng sipai an dan char te hi That mang vek tura thu alo pek tak ni. Mahse Gen.IsraelTal, hian , he thupek hi alo hnial tlat mai pawh a,
He indo ah hian Arab lam hi 18000 zet an thi a an Ralthuam tamzawk chu tihchhiat leh mansak anni bawka Tanks 2500 chu kahchhiat vek anni a, thlawhna phei chu an chan deuh vek, Israel pawh 2800 vel thi in tanks 1000 leh thlawhna 350 dawnai an chan vebawk ani.
Indo Result kimchang Russia in anhan hriat meuh chuan an rilru ana ngei mai an ralthuam tha ber ber te te chu Israel sipai ten Diriam tak tak mai hian an chhutchhiat sak nasa em em mai a, Russia thinrim chuan Thapui hmanga sipai tirhluh mai te an tum hial a, an Helicopter Gunship rualkhat phei chu an thawk chhuak hman hial niin an sawi Amerika pawh in an lawng sipai leh thlawhna sipai pawl te chu In ralrinna number hmawrtawng ber ah an awmhman niin an sawi US secretary of State Henry Kissinger chu Moscow ah thlawklut in Russia hruai tu Mr Brezhnev chu ava vau dai thei ani awm e, tlem ah tlem ah Nuclear Indopui a chhuah phah trep ani. Israel prime Minister Golda Meiar lah chuan * a tul anih chuan Russia pawh kan beizui mai ang* a han ti mai peka , Atom bomb nei ve tho anni a Russia pawh hlaubik chai heklo.
Tunlai hian Jerusalem ah ram thenkhat chuan an sawrkar hmunpui ( embassy’ chu sawn luh anlo tum ta tak tak hlawm a, Suria buaina bak ah Iran te hian Israel hi an vau reng bawk nen, Russia lah hian an tihdan hlui chhawm in tuinut laia Len den phet alo tum rawl nen Amerika lah chuan an president neih tawh zawng zawng a fing ber mai leh huaisen pawisak nei bawk silo anei mek bawk si, Benjamin Nathanyahu Pm arawn nihleh vaih chuan Khawvel hian Indona Rapthlak pui mai hi kan hmachhawn ta takzet ni te hian ka hria. Mifing thluak nem rorum ru zet , Xi jin Ping, leh politics a mahni khingpui te nalh deuh deuh a dahbo thiam leh KGB Agent hlui Tualthah dan training chhuak ngat Vladimira te Vauna mai mai hi tuisik a phuh tluk pawn a ngai lo niin ka hria. Christian te thlavang hauh tlat tu Donald Trump a hian.
Israel lamtang reng reng an tlawm ngai dawnlo tih hi a hria ani pek.ang chu. Pathian in a hrilh ru a niang.

Tka Zote Thankhuma

Aside | Posted on by | Leave a comment

Israel prime minister Netanyahu a chak

ISRAEL ELECTION: PRESIDENT TRUMP-AN BENJAMIN NETANYAHU TLIN A LAWMPUI NASAApril 11, 2019 (MSR) : Thawhlehnia Israeli Parliament (Knesset) election-a vote tla 98% chhiar zawh tawhah majority chuan chak fal bik an awm lova, mahae, PM Benjamin Netanyahu (Bibi) a kaihhruai leh thawhpui Rightwing Block chuan seat 120-ah seat 65 an lak phak vangin, a vawi 5na atan PM nilai Benjamin Netanyahu chu Prime Minister ah thlan leh a ni ang. Party tenau a thawhpui thinten PM atan an rawt tih an puang tawh a ni.Hetih lai hian Israeli Military Chief of Staff hlui Brig. Gen. Benny Gantz chu Labor party leh a thawhpuiho, Rightwing sawhchiar sorkar paih tumin Blue and White Block dinin, election ah an tanghova, heng Leftwing Block te erawh chuan Benny Gantz chu PM atan vawrh an tum thung.PM Netanyahu hruai party Likud chuan seat 30 atangin 35 an la thei a, Benny Gantz leh Yair Lapid a hruai party te pawhin seat 35 an la bawk a ni. Mahse, Leftwing Block tangho ngial mahse 55/120 bak an tling zo lova. Rightwing Block hian 65/120 an neih avangin, President Reuvin Rivlin pawhin Rightwing Block hi sorkar siam turin a sawm tura ngaih a ni. Mahse, Rivlin chuan party hrang hrang hruaitute chu karlehah hmaichhanah kawm vek a tum a ni.Benny Gantz chuah election ah an chakloh tih a pawm thu sawi tawh mahse, sorkar siam turin theihtawp a chhuah tur thu leh, “inbeihna chu a la tawp fel lo ve,” tiin amah thlawptute ala fuih a ni. Vote 98% chhiar zawh tawh niin, Israeli sipai leh damlote leh diplomats ho vote chhiar zawhah thil a chiang tawh ang. Mahse, PM Benjamin Netanyahu chuan an party office ah “Hnehtu” an nih thu puang tawhin, “Israeli khualehtui tu tan pawh ka thawk dawn a ni” a ti.US President Trump pawhin PM Netanyahu chakna chu a lawmpui thu sawiin, “Bibi chakna chuan nasa takin Middle East Peace Plan ah kawngro a su dawn a ni” a ti.PM Benjamin Netanyahu hian West Bank a Juda pemkhawm cheng mi 600,000 dawn leh Gaza Strip a mi 200,000 chengte chu pakhatmah sawn chhuah a tum loh thu leh West Bank phei chu Israel rama belh/ behtir a tum tih sawiin, Palestinian ho Independence pek tumna “Two State Solution” pawh a duhlo. Hei vang hian Palestinian hote leh anmahni thlawptu ramte chu an beidawng rilruin, an hnual phah hle.Benjamin Netanyahu chuan voter ho hnenah, tun hma aia amaha rinna an nghat zawka an thlang tling chu lawmawm a ti hle. Israeli sipaihotu pathum ten Likud party leh amah Benjamin Netanyahu paih tuma an beihna chu a hlawhchham leh ta a ni. Gen. Benny Gantz chuan sorkar siam tumin, “Hnehna kan chang a, mipuiten beiseina thar an nei a, Blue and White block ten sorkar an siam tur a ni. Kawng zawh tur a la thui hle a, PM ka lo nih chuan mi tin tan ka thawk ang. Vawiinah hian Israeli ram chu Blue and White a ni ang” tiin, Rightwing Block rorelna chu chhem kian a tum hle a ni.Likud party hian kum 2015 aiin seat 5 laiin an lak belh a, Benjamin Netanyahu (69)tan chuan lawmawm tak a ni ngei ang. Tun tum election ah hian Arab-Israeli te chuan vote an thlak chhe hle a, 46% chauh tlaon, 2015ah khan 63% a tla thung.Palestinian voters ten vote an thlakna Polling Station ah Likud party lamin Camera thuhruk 1200 hmangin voters chet vel dan an lo record a sawina chu Election Commission chuan enfiah a tum a, mi thenkhatin police an hrilh, tih a ni.Kumin Feb 28 khan Attorney General Avichai Mandelblit chuan PM Natanyahu hi eiruk thubuai neiin, indictment siam a tum a, mahse, a thutlukna chu election hmain tichhuak lovin, July ah puan a ni ang. Mahse, heti chunga mipuiten Netanyahu an la duh em em hian “politics thila inphiar rukna” ah an ngaih phah niin alang.98% vote chhiar tawhah hetiang hi an tlin dan a ni: Likud-35, Blue and White-35, United Torah Jeiwsh-8, Shas-8, United Right Party-8, Yisrael Beytenu-5, Kulanu-4. Hengho hian Benjamin Netanyahu chu PM atan an duh vek a, Yisrael Beytenu hotu Avigdor Liberman chuan result puan kimah an awm dan tur a sawi chauh ang. Tel Aviv airport ah Holiday tura a kal an hmu. Tin, Kulanu hotu Moshe Alan chuan Benjamin Netanyahu chu eiruk thubuaiah hrem a nih chuan, a sorkar kan chhuah san ang, a ti.Black and White lam Gen. Benny Gantz leh Yair Lapid hruaite chuan seat 35 chang mahse, Labor & Hadesh ten seat 6 ve ve, Merats leh United Arav List an tih Balad nen seat 4 ve ve chauh an hmu.New Right leh Zehut leh Gesher te chuan Electoral law angin vote 3.25% an hmuh phak a ngai a, chumi a nih loh chuan Knesset ah thu leh hla an nei pha lo vang.Knesset tharah hian LGBT (mawngkawhur-thiangzau) ho aiawh an tling nual a, MK’s Itzhik Shmuli (Labor), Amir Ohana (Likud), Eitan Ginburg, Idan Roll (Blue & White), Lahov Yarai (Hertzanu), Hertzanu hi Yesh Atid thalai pawl, Ginburg hi ual au taka “Gay” a nih inpuang, Mayor hlui a ni. Idan Roll hi model hlui niin, LGBT activist leh a pasal hi Eurovisiob contestant lo ni tawh Avel Skaat a ni@CT Lalrinawma

Aside | Posted on by | Leave a comment

GbWhatsapp v6.85 download

GBWhatsapp chu ni khat lek hnu ah version 6.85 ah update a ni a. Bug a neih vanga update leh nghal a ni.

GB mod hian an dan pangngai tein Whatsapp plus, GbWhatsapp leh GbWhatsapp3 ti tein an rawn dah chhuak leh a. Hengte hi package hran nei niin an install kawp vek theih a. Whatsapp pakhat ṭheuh hian phone built a thuin an hman theih nan chi 3 zel an dah bawk.

[ New ] Base Updated to 2.19.17
[ Added ] New Emojis
[ Added ] You can call Participants in groups
[ Added ] Reply in Private from Group (Select any Message in group – Open Options – Reply Privately)
[ Fixed ] Crash when search in themes
Many More Fixes

📌 WhatsApp+ & GBWhatsApp features te chu :-
🔹 Based on 2.19.17
🔹 Ban proof
🔹 supports calls
🔹 hide your ( last seen )
🔹 privacy mods
🔹 themes mods
🔹 DND Mod
🔹 AutoReply
🔹 Ability to Schedule a Message (Message Scheduler)
🔹 Ability to Hide Chats (using Pattern)
🔹 Ability to Send Message or Call to Unknown Nos.
🔹 Ability to Translate Messages in Different Languages.
🔹 Ability to Download Status/Stories
🔹Ability to Send Broadcast to Groups
🔹 Theme Server ( to download/apply themes )
🔹 Change ticks/bubbles Style Mod
🔹 (17) Ticks & (13) Bubbles Styles to choose
🔹 counter statistics for groups
🔹 Show Online/last Seen in Main Screen
🔹 send video with size 50MB instead of 16MB
🔹 send 90 images at once instead of 10
🔹 change your status and add to 250 characters instead of 139 characters
🔹ability to press on links on chat screen without save sender number or group admin number
🔹 ability to press in links on your friends’ status
🔹 ability to distinguish between normal messages and Broadcast messages
🔹 hide the name and the date when copy more than one message
🔹 ability to copy friends’ status
🔹 ability to change the app icon and notifications
🔹 and many many other features .. discover it by yourself

Download Link te

GbWhatsapp Plus (GBWhatsapp+)
package name: com.whatsapp
Armeabi v7a
(hei hi Whatsapp pangngai nen package name a inan vangin a install kawp theih loh).
https://www.mediafire.com/file/ziusf3n82m41frk/GBWAPlusv6.80-2.19.17_armeabi-v7a_@atnfas_hoak.apk/file

GbWhatsapp Plus (GBWhatsapp+)
package name: com.whatsapp
Arm64 v8a
(hei hi Whatsapp pangngai nen package name a inan vangin a install kawp theih loh).
https://www.mediafire.com/file/kimpevuozw1raq6/GBWAPlusv6.80-2.19.17_arm64-v8a_@atnfas_hoak.apk/file

GbWhatsapp Plus (GBWhatsapp+)
package name: com.whatsapp
x86
(hei hi Whatsapp pangngai nen package name a inan vangin a install kawp theih loh).
https://www.mediafire.com/file/un4cn2en6bl4v5s/GBWAPlusv6.80-2.19.17_x86_@atnfas_hoak.apk

GbWhatsapp
package name: com.gbwhatsapp
Armeabi v7a
(hei hi Whatsapp pangngai nen package name a inang lova, a install kawp theih).
https://www.mediafire.com/file/yt8t693r3qbxfz9/GBWAv6.80-2.19.17_armeabi-v7a_@atnfas_hoak.apk/file

GbWhatsapp
package name: com.gbwhatsapp
For Arm64 v8a
(hei hi Whatsapp pangngai nen package name a inang lova, a install kawp theih).
https://www.mediafire.com/file/dz3a57u5qhn7dgz/GBWAv6.80-2.19.17_arm64-v8a_@atnfas_hoak.apk/file

GbWhatsapp Plus (GBWhatsapp+)
package name: com.whatsapp
For x86
(hei hi Whatsapp pangngai nen package name a inan vangin a install kawp theih loh).
https://www.mediafire.com/file/a4d82na5ct7km3h/GBWAv6.80-2.19.17_x86_@atnfas_hoak.apk/file

GbWhatsapp3
Package name: com.gbwhatsapp3
Armeabi v7a
(hei hi Whatsapp pangngai nen package name a hran vangin a install kawp theih ve bawk).
https://www.mediafire.com/file/c82v5cq2yg3fnkk/GBWA3v6.80-2.19.17_armeabi-v7a_@atnfas_hoak.apk/file

GbWhatsapp3
Package name: com.gbwhatsapp3
Arm64 v8a
(hei hi Whatsapp pangngai nen package name a hran vangin a install kawp theih ve bawk).
https://www.mediafire.com/file/z1h6h5z98vro66o/GBWA3v6.80-2.19.17_arm64-v8a_@atnfas_hoak.apk/file

GbWhatsapp3
Package name: com.gbwhatsapp3
For x86
(hei hi Whatsapp pangngai nen package name a hran vangin a install kawp theih ve bawk).
https://www.mediafire.com/file/vvjaxmoj1d1k57a/GBWA3v6.80-2.19.17_x86_@atnfas_hoak.apk/file

Xiaomi phone ah a crash zeuh ṭhin a. A chhan chu MIUI vang a ni.
GbWhatsapp hi hman a nuam a. Whatsapp modified ah chuan YoWhatsapp nen an ṭha ber.

Gbwhatsapp hi version sang pui pui v6.89 te a awm tawh a. Heng hi official ni lovin Gbwhatsapp an mod leh chhawn mai mai a ni a. Official GBwhatsapp v6.85 hi April 9, 2019 ah release leh a ni.

Aside | Posted on by | 1 Comment