KUM 10 CHHUNG LEIHNUAIAH HREN NIIN,KUM 10 CHHUNG TEH MEUH SAWISAK LEH PAWNGSUAL A NI.

Italian police te chuan nu pakhat lei hnuai a hren beh chu an chhanchhuak. Kum 10 chhung pawngsual leh sawisak niin amah sawisa tu fa, pahnih hrin sakin, a fapa te pawh chu apa chuan an nu chu a sawisak tir thin.

Police lam chuan he nu hi a fa kum 9 mi mipa leh kum 3 mi hmeichhia nen Gizzeria, southern Italy ah an hmuh thu Nilaini khan an sawi. He Romanian nu a hming tarlan loh hi Italy ah kum upa tawh tak La Repubblica enkawl turin kum 19 mi a nihin a kal a. Amaherawhchu a enkawl nu ber chu thiin, afapa hian awmpui zuiin a hreng bet tlata,nasa tak takin sawisa thin in leihnuai tuma tlawhpawh theihloh ah a khungbo ta a ni.

Leihnuai a a awm hma hian apartment hrang hrang ah hna a thawk kualin ve thin.

Kum tam tak hnuah chuan he nu hian fa pahnih a hring a. A awmna hmunah chuan doctor te tel lo a nau neiin treatment pakhat te pawh dawng lo in nitin sawisak a tawk zawk a ni. Naupang te chuan sawisak a nih lai chuan an en thin a, amah man tu hian a fate chu an nu sawisa ve turin a ti lui thin ani.

Mipa naupang zawk hi school kalin apa hian ke in a hruai thin a. Hetia an kal vel na ah hian police te mit ala tan a. Naupang chu a balh theih em avangin a nu awmna leh a balh em em chhan te an zawt a,vawi khat an zawhna ah chuan a chhang mailo nidanga bal tak maia alo kal tak fo ah chuan police te chuan lo zawt nawn leh thinin ,a tawpah chuan anu awmna leh awmdan chu a sawi ta a,chu thu an hriat veleh chuan police lam chuan rang takin an bawhzui nghal thuai. Chupa in chu police ten an va dap chuan leihnuai verk chu an hmu chhuak ta a, a chhungah chuan hmeichhia kum 29 mi kutthak hnawih nan leh nawmchen nana a hman thin hmeichia khawngaihthlak tak mai chu an hmu ta ani.he pawikhawih tu nunrawng takhi man nghal niin a chungthu ngaihtuah tura kawl mek a ni.

Advertisements
Aside | Posted on by | Tagged , , | Leave a comment

THLAI LEH THEI THENKHAT, A KAWR VEL LOH TUR TE

Mi thenkhat chuan thlai leh thei thenkhat a pil/kawr( peel) kheh/vel chi ho hi vel ngei ngei tur leh ,natna hrik awmna leh hriselna atana tangkai lovah kan ngai hmiah mai thin.Amaherawhchu a ni hauh lo thung, tun tumah hian thlai/thei a kawr(peel) vel miah lo va ei tha zawk,kan hriselna atan pawha tangkai em em leh sum kan save na pawh ni ve thei tho kan rawn tarlang dawn a ni.

1.APPLE : Apple hi thei hrisel tak a ni tih kan hre theuh ang ,mi tam zawk chuan a kawr(peel) khehin kan ei ngei ngei ang.Amaherawhchu,Apple kawrah hian mi thiam te chuan a tak pumpui nena khaikhina 50% a chakna pai chu a awm an ti mauh mai.Apple hrim hrim hian Vitamin ,A,Vitamin K leh potassium tam tak paiin kan taksa leh vun(skin) hrisel nan thei hrisel tak a ni.Tin ,a kawr(peel) bikah hian antioxidant chi khat ‘ quercetin’ an tih hi a pai tam em em a,hei hian chuap hnathawh nasa taka puiin ,thawhah leh thawkna dawt lam buaina nei tan damdawi tha tak a ni bawk.

2.ALU(POTATO) : Alu hi chawhmeh atana kan hman lar pawl tak chu a ni ang,mi tam zawk chuan a kawr a balh thin em avangin kan vel ngei ngei thin.Mithiamte chuan vel kher lo vin silfai(wash) hi a tawk mai an ti a,a kawr (peel) hian,Iron,Calcium,potassium,magnesium,Vitamin B6 leh Vitamin C a pai tam em avangin a tak ei ringawt aiin a hrisel zawk an ti.

3.CARROT :Carrot hrim hrim pawh a hrisel tawh em em laiin ,a kawr leh zel pawh chaw tha tak a lo ni.Carrot kawr(peel) ah hian heng chemical compound,anti-inflammatory,anti-bacterial leh anti-fungal te neiin Cancer natna lakah min veng thei a ,tin vun a tihrisel-in upat vanga hmel lang upa tur a lo veng thei reng a ni.

4.FANGHMA(CUCUMBER): A pil ei chi ho hi vun tan a lo hrisel tlangpui vek a nih hmel ,a bikin fanghma ‘ hi vun(skin) tan chaw tha tak a ni leh zual ,thenkhat chuan hmai chiah nan te kan hmang fo ang ,make up chhah tak taka inbel ai chuanthil tha tak a nih thu mithiam ten an sawi tlat.

A kawrah hian antioxidant chi hrang hrang awmin,vun tinunga ,timamtu atan a pawimawh hle.Tin,fibre,potassium leh Vitamin k’ a pai tam em em a ni.

5.LIMBU(LEMON) : Limbu kawrah hian Vitamin ‘ A,Vitamin C ,Magnesium,potassium ,Calcium leh folate a tam em em a,hengte hian hnute cancer leh vun cancer tur vengin ,ruh tichaktu atan an tha hle a ,tin,a kawr(peel) tui luma chhuan so tui in hi thisen sang tih hniam nan a tha hle bawk.

(Lalkrossmawia Khawlhring)

Aside | Posted on by | Tagged , , | Leave a comment

SAINIK SCHOOL IN ANNUAL DAY AN HMANG HMEICHHE NAUPANG TAN SAINIK SCHOOL AH LUH PHAL A NI DAWN

Sainik School Chhipchhip chuan Nov. 25 (inrinni) 2017 khan Annual Day hmasa ber an hmang a, Governor Lt. Gen. Nirbhay Sharma in a hmanpui.

Governor chuan Chhingchhipa Sainik School dinna tura ram petu chhungkaw 60 te chu chhuanawm a tih thu sawiin, ”Mizo khawtlang nun thatzia tilangtu an ni a ti a, India rama school awm tawh zinga Chhingchhipa Sainik School 26 -na a ni chu lawmawm a tih thu a sawi”
Larsap chuan Sainik School principal leh thawktu dangte chu fakin, zirlai naupangte nen bultantu annih angin hun pawimawh tak an hmang mek tih a hrilh a, midangte entawn tura nundan tha leh hriselna vawng tlat turin a chah. Sorkar laipuiin hmeiche naupangte Sainik School ah luh a phal dawn tih thu a sawi bawk. Chhingchhipa Sainik School ah hian hmeichhe naupangte an luh ve theihna turin Mizoram Chief Minister Pu Lal Thanhawla chuan Sainik lam thuneitute a lo sawipui tawh bawk a ni.

Lt. Gen. Nirbhay Sharma Mizoram Governor chuan Mizo sipai officer te chu, khawtlang tana tangkai an nih thin thu a sawi a, mahse Mizo zingah sipai officer an tlem tual tual thu sawiin, Sainik School Annual Day lawmnaa kalkhawmte chu ruihhlo leh zuk leh hmuam do tura chahin, ”Kan rilru leh khawhawi tih zauh angai a ni” a ti. Governor hian zirlai naupangte hnenah infiamna hmanrua pe in, school a thawk mi paruk hnenah proficiency certificate a hlan bawk.

Principal Lt. Col. Inderjit Singh pawhin Sainik School chanchin tlangpui sawiin, tunah hian zirlai naupang 60 an awm mek a, officer pahnih leh thawktu dang mi 21 in an enkawl tih a sawi a. School aiawhin inelna hrang hranga an fehchhuah thin thu leh India ram hmun thenkhat te an fankual tawh thu a sawi bawk.

Tarlan thin tawh angin Chhingchhipa Sainik School hi Congress sorkar Pu Lal Thanhawla kaihhruaiin a din a ni a, tunah hian zirna tha tak neiin tluang takin an kal tan mek a, he school atang hian zirlai tha leh Mizote tana chhuanawm tak ni chho tura beisei ten bul an tan chho mek a ni.

Aside | Posted on by | Tagged , | Leave a comment

FORENSIC FILES : SOILED PLAN by Bruce Kibby

Fa naupang te te pahnih nei, nu pakhat chu khawpui pawna an chenna In atangin chin hriat lovin a bo ta tlat mai. A hnu ni tlem a liam ang tihin a thian hnai tak leh a hnathawhpui ni bawk chu pakhat chu mak taka motor accident-naah a thi ve leh a. Mi thenkhat chuan chung thihna pahnih te chuan inkungkaihna an nei mai lo maw tih an ngaihtuah a. Kum 20 a ral hnuin ruang chu phawrh a ni a; Forensic Science chuan thu dik chu a rawn hailang ta.

Ohio ah chuan thlasik a ni mek a, Charles Mill Lake pawh a muanawm tan ta bawk. Nipuiah thung chuan engkim mai hi an phusa mur mur emaw tih tur a ni. A karthlaka Lawng khawl rum ri vut vut leh naupang tualchai hlim țe chel chul thawm hriattur a awm reng thin a ni.

LeRoy leh Melody Bruce te chuan chung huna an hlim lai ni te chu ngaiin an hre reng thin. Chung hun lai chuan lawngah chuangin lawng hmalam ah te chuan bathlar bawhin an hawi kual a, tui chunga thing hnah leh rannung te manin tu nge man tam ber tiin an in el thin a ni. Melody pahrawn Larry Bruce-a chu RoadWay Trucking te hnuaiah driver hnathawk a ni a. A nu Judy thung chuan in lam hna thawkin in lamah a awm thung a ni. Thian a kawm tam lova, achhan chu tawng lamah harsatna a neih vang a ni. Hun harsa tak a paltlang a, midangte’n a thusawi an hriat thiam theih nan theih tawp a chhuah a ngai a. Tawng a harsat chhan tak hi a dang a kak vang a ni a, chuvang chuan a inkiltawih em em a ni. Mahse, a dangkak zai that a nih hnuin a nunphung pawh a rawn danglam ve ta a. Diver License neiin ama pualin car pawh a nei ve ta a. General Hospitalah House Keeping hna a hmu a, chutah chuan thian thar a siam ve ta nual bawk.

Judy chuan Hospitala a hna chu nuam a ti zawng tak a ni a. Mahse, kum 1978, November ni 2 tuk chuan a hnathawhna a kal thei lo khawpin a dam lo a. A nuamsam lo tak zet a ni. A fanu Melodyi’n a school kai tur insiam tura a pindan atanga a lo chhuah chuan a nu leh pa te pindan kawngkhar inches 6 vela zaua inkau chu a hmu a. Chuta tang chuan Room chhung chu a hmu thei a, a nu Judyi khuma mu reng chu a hmu thei a ni.

Melody te unau chu school kai turin pawnah chhuakin bus stop lam an pan a. An rual chuan pa ber pawh a hnathawhna lam pan ve turin carin a rawn inkhalh chhuak ve bawk. School bana in an rawn haw chuan an nu chu inah a lo awm hauh lo mai. Melody nutapa chu in thleng hmasa zawk a ni a. Kawngka a Melody a lo luh rual chuan an nu awm lo thu sawiin pindan hran hranah chuan an han zawng a, mahse an hmu zo lo. A hnathawk bang rawn hawin an nu awm lo thu a hriat chuan Larrya pawh chuan ngaihthat lohna a nei ve nghal a. A nupui bo thu hrilhin Police te chu a call ta a ni.

Detective ten Larry-a te inchhung chu an han enkual a, a lan dan chuan chu inchhung atanga thil bo awm chhun chu Pi. Judy Bruce-i leh a thawmhnaw inbel te chaih chu a ni. A car a awm a, a purse pawh a awm bawk. A damdawi ei lai te pawh a awm thlap a ni. Tharum hmanga inchhunga luhna hnuhma emaw inchaina hnuhma ang chi engmah hmuh tur a awm lo va. Damdawi Inah admit a ni thei a, hnathawk turin a kal te a ni lo maw tiin hospital lam an han call a. Mahse, tuma’n an lo hmu tlat lo. A thian emaw chhungkhat laina tuman Judy lo hmu an awm lo a ni.

Zankhuaa Judyi an zawn hnuin Police te chuan thil lawmawm lo zet hmuh chhuah an nei ta. Police te chuan Pu. Larry te inah chuan kalin an nu, Judyi an hmuh thu an va hrilh a. Mahse, Judyi chu thiin an hmu a ni. Scout ten camp an neihna, hmun finrial tak mai, tuipui peng te tak te dungzuiah Judyi ruang chu an hmu a, a ruang awmna hi kawngpui sial thar atanga hla lo teah a lo awm a ni. Pyjamas a ha a, blanketin a lo intuam a ni. Pheikhawk a bun lova, a ke thiah te chu a fai han bawk. A ke fai dan atang chuan a ruang an hmuhna hmuna thah a ni lo tih a rin theih a ni.

Police ten Larry Bruce chu thu an han zawtfiah a. Larrya sawi danin a nawmsam vak loh avangin Judy chuan nilenga khuma mut a rilruk a; khawiah nge a kal tih rin dan a nei lo thu a sawi bawk a ni. An fa te chuan an nu bo tuk khan Larrya chuan an rualin In a chhuahsan ngei thu an sawi a. Larrya hnathawh hunbi inziahna (time sheet) atangin a hnathawhna hmunah a kal ding nghal ngei a ni tih a chiang a. Hemi ni a a hnathawh hunbi pakhat mah a hmaih lo va, dan pangai piahlam thil thleng engmah a awm lo bawk. A hnathawh hunbi atang chuan tual thah hmanna tur khawp hunawl a nei lo tih chiang takin a lang a ni.

Inchhung an han enfiah a. Police te chuan Larry pheikhawk hnuaia lei țhil kai chu an hmu a. Chu lei țhil chu Judy ruang an hmuhna lai vel a mi lei țhil a ni thei mai ang em tih an ngaihtuah a. Chuvang chuan Larrya pheikhawk leh ruang an hmuhna bul vela mi, lei țhil chu lain enfiah a tan FBI hnenah an thawn ta a ni. FBI te enfiahna result atang chuan chiang fakin thu tawp a siam thei tlat lo. Mahse, Judy autopsy chuan hnu thar tam tak a rawn hailang a, zawhna tam tak a rawn hring chhuak ta bawk a ni.

Judy Bruce ruang chu Cuyahoga County Coroner hnenah autopsy ti turin an thawn a. Medical Exminer chuan Judy thihna chu “Inthahna ngei a ni” tiin thu a titlu ta a. A thih chhan chu boruak tlachhama thi (asphyxiation) a ni a, thaw thei lova siamin thah a ni. A thih hun dik tak erawh science hmanga dik taka chhut chhuah thei a ni lo va. Mahse, Larry leh a fa ten in an chhuahsan hma emaw hnu lawka thleng niin an chhut a ni. Autopsy atangin Judy phing chu a ruak a ni tih a lang bawk. Mi tu emaw thawchhama a thih hian duh reng vang ni lovin phing chu a intiruak ta thin a ni. Investigatorte chuan Judyi ruang an hmuhna bul velah chuan zun tih tham an hmu lo va, chu chuan Judyi chu hmun danga thah ngei a ni tih entirna dang leh chu a ni.

Naupang te chuan Judy bo hnu lawkin an khum khuhna a bawlhhlawh kai avanga an pa phun nawi thu Police te an hrilh a. LeRoy sawi dan chuan a pa chuan bed sheet chu bawlhhlawh bawmah paihin a hal a, “Eng vanga hal nge a nih?” tia a zawh chuan a pa chuan “uiin a zunkhum a” tiin a lo chhang a ni. Chu thuthar an hriat ve leh Police te chuan Larry te nupa mutna pindana awngphah leh puanthuah la awm te chu an la ta nghal a ni.

Police te chuan awngphah leh puanthuah an lak te chu ngun takin an han enfiah a. Lukham pakhat zawkah chuan thisen a kai a, puanthuah ah chuan eng e ni chiah tih la hriat loh bawlhhlawh kai a awm bawk a ni. Mahse, vanduai thlak takin he thil thlen lai hi chuan Forensic Test hmangin tu thisen nge ni a tu zun nge tih finfiah thei a la ni lo va. Heng hun lai hi chuan ran thisen nge mihring thisen zawk tih finfiah thei turin thiamna a la awm lo a ni. Thiamna awm chhun chu eng ang blood type nge tih finfiah chauh a ni a. Dik tak chuan lukham atanga thisen sample an lak chu a tlem tham em avangin blood type hmanga finfiah pawh an ti thei lo a ni.

Larrya car chu an han belchiang leh ta a. Car hnung savawm bawmah chuan investigator te chuan sasua thing hnah tam vak lo an hmu a. Joel Moroney, Reporter, Mansfield Journal News sawi dan chuan Investigatorte chuan Evidence tih tham an nei lo va, an evidence neih chhun tlem te te lah Forensic Science thiamna a la san loh avangin an chhawr tangkai thei lo a ni.

Judyi ruang chhar a nih atanga ni tlem a liam leh hnuin Mansfield ah chuan thihna dang a thleng leh ta. Judy thawpui te zinga pakhat James Isaaca chu traffic accident na ah a thi a. Larry Brucea chuan thu ngialngan deuh puanchhuah a nei ta bawk. Policete a hrilh dan chuan Isaac leh a nupui Judy chu a rukin an inkawp a; Isaac-a chuan a nupui thatin amah pawh a intihlum ve ta a ni ang tiin a sawi a ni. Judy thihnaah chuan Isaaca chuan eng emaw kawng zawngin mawhphurhna a nei niin Larry chuan a sawi a, mahni inthiam lohna vangin a intihlum ta ah a ngai a ni. Mahse, Larrya thusawi chu a dik ngei a ni tih tuman an finfiah thei bik si lo a ni. An mi ngaihven bul ber chu Larry Brucea chu a la ni ta tho a. Tichuan Police te chuan Larry a lakah chuan dan pangai taka hekna siam lo turin thuthlukna an siam a, achhan chu a hun laia finfiahna an neih te chu thil thleng nena hmehbel thil vek a ni. Hun a liam zela Judy Bruce tualthihna chu unsolved case file mawngphah lamah a awm ta a ni.

Detective chuan,” Kha case kha ka theihnghilh ngai reng reng lo. An chenna in bul velah ka inkhalh chang a awm thin a. Roadway Trucking bul hnaia ka inkhal chang te hian chu laia hnathawk te chu ka zawt thin a,”Larry khan khami case chungchangah khan eng e sawi a neih?”tiin. Achhan chu Larrya khan a nupui thih hnu pawhin Roadway ah chuan hun rei tak a la thawk a ni. An hnen atang ahriat awmchhun chu Larrya chuan intihtheih nan a hmang zawk zamah emaw tih tur hi a ni.

Judy thah a ni atang kum khat leh a chanve ah chuan Larry Bruce chuan nupui a nei leh ta a. Tichuan an nupa chuan Mansfield-a an Inah chuan an khawsa chhunzawm ta zel a. Cold Case Unit ten Judy Bruce tualthihna chu chik lehzuala an enfiah hma zawng, kum 20 chhung chu Judy tual thihna Case chu chhuichhuah lovin a awm ta reng a ni.

Kum 2000 ah chuan Ohio a Mansfield Police te chuan an File zingah tual thahna case chhui chhuah theih loh 17 lai an nei a; tualchhung Official te chuan chutiang zat ngawt mai tual thahna chhui chhuah lova awm ta chu an pawmzam thei lo tan ta a ni. Khawtlang dangin an chin tan angin Prosecutor te chuan an han ti chho ve ta a. Prosecutor-te chuan County Commissioner hmuin Case la chhui chhuah loh te enfiah turin Homicide Unit din nan $.25000/- an dil ta a ni. Case an ennawn hmasak ber chu kum 20 aia rei chhui chhuah thei lova lo awm tawh Judy Bruce tualthihna Case a ni. Dan kengkawhtu thenkhat chuan pawi khawihtu chu Larrya ngei chu niin an ring a. Mahse, an finfiah thei mai si lo a ni. Tichuan, Cold Case Unit thar te chuan an hnuchhui hna chu a hma kum 20 liamta a Larry Bruce a motor savawm bawma an hmuh Sasua hnah atangin an tan ta a ni. Larry-an savawm bawm hawng a ruang a lak chhuah lai khan sasua hnah thenkhat chu savawm bawmah chuan a tla lut ta a ni tiin ngaihdan an nei a ni.

Forensic Files pakhatah chuan chutiang hnah them Test dan thar awm thu tarlan a ni a. Scott Reinbolt, Cold Case Detective chuan,”Zan khat chu Forensic Files episode ka en a, mithiam ten Plant DNA case chungchang an sawi a.” tiin Forensic Files atanga ngaihtuahna thar a neih dan a sawi a. Chu hnuchhuina a a pawimawh lai ber chu an mi rinhlelh ipte a seedpod (behlawi ang tak thingrah) awm chu a ni a. Chu Seedpod chu tualthi ta ruang awmna bula thingkung ding Palo Verde Plant DNA nen an inang tih an hmu chhuak a ni.

Scott Reinbolt, Cold Case Detective chuan Plant DNA Analysis lama sulsutu Scientist te chu be pawpin Larrya car savawm bawma an hmuh Sasua hnah te chu Judyi ruang bula Sasua thing a mi a ni em tih finfiah a Test ti turin a ngen ta a ni. Scientist te chuan Judy Bruce-i ruang an hmuhna bul hnaiah Sasua thing dum chi emaw a sen chi emaw a țo em tih hre turin Scout Camp ah chuan an kal ta a. Ruang an hmuhna bul velah chuan Sasua thing eng emaw zah a lo ding ngei a. Mahse, vanduai thlak takin kum tam a vei tawh a Scientist te chuan Sasua hnah atang chuan eng DNA mah an lachhuak thei lo a ni. Mahse, Police te chu an la beidawng duh mai lo, an va ngaihsanawm tak zet!.

Investigatorte chuan Judy Bruce-i te mut pindan a mut puana bawlhhlawh kai te chu Test tinawn turin thuthlukna an siam leh ta a. Chung bawlhhlawh kai te chu mipa chi ngei a ni e tih finfiah turin Kum 1978 kha chuan DNA Analysis hi a la awm lo a. Mahse, tunah chuan a finfiah thei tawh a. Tichuan, uluk takin an han enfiah a. Mut puana mipa chi kai hmun khat a mi chuan Judy pasal Larry Bruce-a DNA a mil a; hmun khat dang a mi chuan a mil lo thung. Judy-i thah a nih lai khan Larry Bruce-a chuan a nupui leh Judy thih tuk lawka rinhlelhawm taka Traffic accidenta thi ta, a hnathawh pui James Isaac te chu an inngaizawng niin a sawi a. Mut puana mipa chi awm chu Isaac a DNA a ni em tih hre turin Investigatorte chuan James Isaac-a ruang phawrh phalna Court atangin an la ta a ni. Tichuan, Isaac-a ruang chu an phawrh ta a. Isaac-a DNA leh puanthuaha DNA te an han khai khin chuan an inmil lo tih hmuh chhuah a ni. Puanthuah a mipa chi a DNA chu hriat chhuah lovin a awm hlen ta a. Investigatorte chuan Judy Bruce leh James Isaac te chu thian satliah an ni tih bak evidence dang an hmu zo ta lo a ni.

Tichuan, Dick Bisbing, Senior Research Microscopist chuan Evidence an la kawl that a mi, Bruce Larry-a pheikhawk chhuat hnuaia lei țhil kai chu enfiah turin an han ngen leh ta a. Chumi enfiah nan Bisbinga chuan Polarised Light Microscope a hmang a. Chumi hmanga enfiahna chu Polarised sun glasses hmanga en ang mai hi a ni a. Mahni duh ang zawng a Eng zung an han thunun chuan lei țhil a zia hrang hrang awm te chu an hmuh thei a, lei țhil a mineral awm te hmelhmang bik te te te chu a hriat hran theih vek a ni. An lan dan te, an rawng te leh an pian zia te atangin eng mineral nge an nih tih chiang takin a hriat theih a ni.

Larry Bruce-a pheikhawk hnuaia lei țhil kai te leh Judy Bruce-i ruang an hmuhna bul vela lei țhil te a han khai khin chuan an lo inmil ta hauh lo mai. Mahse, Polarised Light chuan a tira an lo hmuh hmaih tawh, hriat loh thil chhui chhuah theihna hmanrua pawimawh tak a rawn hai lang ta a. Chu chu lei țhil zinga mineral tle set set lo awm te chu a ni. Pheikhawk hnuai a lei țhil ah chuan Calcite a tel a, chu chu Calcium Carbbonate tihna a ni. Chinai lunga mi a ni ngei ang. Chutiang leilung chu kawng siam nan emaw kawng chhuat phah nana hman thin a ni. Judy-i ruang bul lawkah chuan Judy-i ruang paih a nih hma lawka chinai lung te hmanga kawng phah thar hi a awm a. Hei hi Larry Bruce leh Judy ruang an hmuhna hmun thlunzawmna ni thei tur thil hmuh chhuah an neih hmasak ber chu a ni ta a ni.

Tichuan, Investigatorte chuan Larry Bruce-a Cadillac (car model pakhat) hnung lam bawm tuamtu puan leh Judy ruang tuamna blanket te chu Forensic Analysis ti turin Cuyahoga County Coroner Office lamah an thawn leh ta a. Larry Bruce-a car chhungah khan Judy Bruce-i ruang emaw a ruang tuamna blanket emaw a inkhung ngei a ni tih finfiahna awm thei ang ang hmuh tumin uluk takin evidence an zawng ta a ni. Forensic Scientist, Curtiss Jones-a chuan Tape hmangin Judy ruang tuamna blanket a lazai tla hlang awm te chu a han lakhawm a. Tichuan Comparison Microscope hmangin Jones chuan Car hnunglam bawm tuamna lazai nen thuhmun an ni nge ni lo hriat tumin uluk takin a han enmil ta a. Car hnunglam bawm tuam nana hman la zai inang lo vek chi thum ang chu blanket ah chuan a bet ngei a ni tih a finfiah ta a ni. Mahse, Larry Car bawma lazai te leh Judy ruang tuam nana hman blanketa lazai an hmuh te chu thuhmun ngei an ni em?. Chumi hre thei tur chuan Jones-a chuan kum 1978 a Technology la awm lo Fourier Transform Infrared Spectroscopy (kan sawifiah tawh kha maw) chu a hmang a. FTIR hian Infrared Energy a hmang a, chu infrared chuan lazai emaw hmanrua enfiah lai mek chu a chhun tlang a, hmanrua enfiah a chemical awm chuan infrared energy chu a lo hip lut emaw hip lut lo in a awm ta thin a. Chu chuan eng zung dangdai bik tak (spectrum) a rawn ti chhuak ta a. Chumi hmang chuan lazai ah chuan eng chemical nge awm tih a finfiah theih a ni. Chutianga a han enfiah chuan blanket a lazai pathum awm te chu Synthetic Rayon an lo ni a, car bawm chhunga lazai pathum an hmuh te pawh Synthetic Rayon ngei an lo ni ve bawk tih a hmu chhuak ta a ni. A sawi dan chuan Evidence te hian dawt an sawi lo va; thawnthu inang lo pahnih awm ta se thawnthu dik dawt sawi lo zawk chu Evidence chauh hi a ni.

Judy thihna atanga țhang khat lian zet liam hnuin Larry Bruce-a chu man a ni a, Judy that a puh a ni ta. Prosecutor-te chuan an hnuchhuina atangin Judyi khan thuruk tui hnai lo zet mai zep ruk a nei tih an hre chhuak a; chu thil chu Larryan midang te hriat ve a tana a duh lo thil a ni.

Judy thih atanga kum 23 ral hnuin a pasal Larry Brucea tualthah thubuai chu ngaihtuah a ni a. Prosecutor lam witness hmasa ber chu an fapa LeRoy Bruce a ni. LeRoya sawi dan chuan a nu thih tuk khan school a mi tur Permission Slip sign tir turin a nu leh pa te mutna pindanah chuan a va lut a. A pa’n permission slip a sign lai chuan ani chu a bulah chuan a ding a, a nu Judy chuan eng thil nge thleng tiin a lo ngaihven ngei a ring a, mahse chechang hauh lovin anu chu khumah chuan a mu a ni. Prosecutor-te chuan LeRoyan Permission Slip a va sign tir lai khan Judy Bruce-i chu a thi daih tawh a nih an ring a. An rin dan chuan Larryan naupang te school kai tura a chhuah tir hnuin Judy ruang chu blanketa tuamin a car hnung kam bawmah chuah a khung ta a.

Hnathawhna hmun lam pana a kal kawnga Bus Stop a bus lo nghak mek a fate lam hawiin a ban a vai a, a fate te chuan a awmna chin an la sawi ngei dawn tih a beisei a ni. Tichuan, a hnathawh pangai chhunzawm turin a hnathawhna hmun chu a pan ding ta nghal a. Tlailam hnathawh ban chuan hmun fianrial tak, Scout te Camp-na ah chuan va inkhalhin a nupui ruang chu a theh thang ta a ni. Larry car bawma tuamna a mi synthetic rayon lazai chu Judy ruang tuamtu blanket ah chuan a kai a, Larry phei khawkah chuan kawng phah thar nana hman chinai lung țhil te chu a bei ta bawk, chung chinai lung te chu Forensic Scientist fimkhur tak te chuan kum 20 liam hnuin a hmuchhuak ta a ni.

Prosecutor Mayer-a chuan a witness zinga Jury te hmin thei ber tura a rin chu a hnuhnung berah a han ko ta a. Chu a witness chu tu dang ni lovin Melody a ni. Melody hi Larry-a fahrawn a ni a. Melody sawi dan chuan kum 5 a nih atanga kum 14 a tlin thlengin Larrya chuan Melodyi chu a lo khuaikhem thin a. A sawi zelnaah chuan a nu Judy chuan an chhungkuaa thil thleng chu a hria a, chuvang chuan a nu chu tawng chhuak lo tura thah duhna chhan tur Larryan a nei tiin a sawi bawk ni. A nu thah a nih hma, hmeichhe naupang te a nih laiin pindanah a pahrawnin a lo khuaikhem laiin a nu chuan tihpalh thil thuin pindan ah chuan a va lut a. Inkhuaikhemna chu a mit ngeiin a hmu a, a pasal Larry Brucea chungah chuan a thin a ur nasa hle a. Nasa takin an inhau zui nghal a, tawng bawlhhlawh hmangin ring tak takin an inankhum a. Chumi tum chuan Larry Bruce chuan Judy i hnek tumin a kut vai a, a kut vai thelh chuan bang a hnek a, a kut a tiulh nghe nghe a ni.

Larrya te lam ve thung chuan witness koh chhuah an nei lo va, mahse Prosecutor lamin case chu ‘rinhlelh tur awm hauh lovin an finfiah lo ve’ tiin an hnial a. Finfiah tur tak awm lovin thil thleng nen an hmehbel mai chauh zawk a ni tiin tan an khawh a ni.
Jury te chuan thubuai chu dar kar 2 aia tlem hret an ngaihtuah a. Larry Bruce chu a nupui Judy Bruce thah thubuaiah thiam loh chantir a ni ta. Kum 15 atanga damchhung lung bang zut tura hremna pek a ni.

Melody chuan, “Thiam loh an chantir avangin Ka lawm tak zet a ni. Mahse, chuti rualin hremna an pek laia lo awm ve erawh ka duh lo. Achhan chu heng thil te hi a thleng ngei a ni tih thudik tak hmachhawn kha ka duh lo a ni.” tiin Larry thiam loh chantir a nih tak avanga a lawm thu a sawi a ni.

Kum 20 aia tam a liam hnuin Old Fashioned Police te hnathawh leh Modern Forensic Science te hmangin a tawpah chuan Judy Bruce chhungte tan rorelna dik chu an hlenchhuah sak a ni ta. He case bikah hian Forensic Evidence te kha an pawimawh hle a. A chhan chu Forensic Evidence te kha awm lo se chuan Jury te khan Larry Bruce kha a thiam lohna hmu zo lovin a chhuah zalen thei tlat a ni. Hun liamta ah khan let leh theih nise, kum 1978 a Police te kha tunlai thiamna hmanga thil tih theih chin hrilh ni ta se, an ngaihtuah phak bak thil chu a ni ve ngei ang le.
************

Aside | Posted on by | Tagged , , | Leave a comment

KHAWVEL A TUALTHAH CHING BER BER MI PARUK TE CHANCHIN

1 : John Wayne Gacy :
John Wayne Gacy, hi “The Killer Clown,” tia hriat a ni bawk a, amah hi nupui leh fa pawh nei lai ani,a damchhung hian mi tamtak a that in, a mi thah te hi sex a hman luihpui hnu a rawng tak a thah anni vek bawk, maktak maiin mipa it na a neih bak ah a bikin mipa naupang a it tlat hi mak ve tak a ni, 1968 khan mipa naupang kumtlinglo 2 khawih vanga man a ni a, hemi vang hian kum 10 chhung zet tang tura tih ani nghe a, mahse jail a tan chhung hian a nungchang in a zir vang nge thl 18 chauh atang tih ah a chhuak ta mai a.
Jail atang a a chhuah hnu hian a nupui chuan ‘Gay’ ( Mawngkawhur) ani tih a hriat vangin a then a, nupui dang anei ve zui ta nghe nghe a, khawtlang ah pawh nasa zawk a in hmang chhovin clown lem ah te insiam in in tihhlimna hmun ah a inlan fo thin nghe nghe a, naupang ho in clown an lawm em thin vangin naupang punkhawm na ah te sawma hlawh thin viau reng ani, sumdawnna lam ah te pawh a hlawhtling chho viau a thenawm khawveng te pawh in an ngaina thawkhat viau in a lang.

Jail atanga a chhuah hnu kum 6 na ah man a tawk leh ta tlat mai a, hemi tum hi chuan mipa naupang/rawlthar 33 lai khawihchhia a that ah rihlelh ani ta tlat mai, a inpung ta nge nge a, a mi thah tamzawk chu ama in a abiktak a a siam leiverh ah chuan a dah thin a, mahse dahna hmun in a zawh tak loh hnu ah tihngaihna dang a hriat loh vangin, lui ah te a mi thah ruang chu a paih ta mai thin, hei hi an man chhuahna bul ber a ni ta nghe nghe a ni, a thah dan tlangpui chu, mipa naupang inringlo lai man te, an kawngkal lai “ka thlah ang che” tih te a thlem in, ama in ah a hruai hawng a a pawngsual hnu ah chuan that zui in, a in a leiverh ah chuan a dahtha ta mai thin a ni.

Man anih hnu hian ama in ah chuan ruhro tamtak haichhuah a ni ta bawk a ni. Tihhlum a nih hma hian mak ve tak maiin, a thiam loh zia te a puang nasa hle na in, 1994 khan a thil tih a vang a thiamloh changin dan (law) hmanga tih hlum a ni ta a ni.

2 : Ted Bundy
Ted Bundy hi a hmel afai in ngainatawm tak hmelpu ania, serial killer dang te ang bawkin a thinlung chhung erawh chu tualthah chakna hlir in a khat tlat mai thung, 1974 atanga 1978 chhung khan Bunty hian U.S nula 30 lai rubo in a that a,chung ho pawh chu finfiah theih chiang tak chauh an ni. Expert ho chuan heng chhuichhuah bakah hia midang 40 bo na chungchang ah pawh mawhphur tu ah an ngaitlat a ni. Amaherawh chu mi 30 an hriatchhuah bak hi chu a inpuang duh thak lo thung.

mi thah te a thlem dan ve thung hi chu, police ang te a in cheiin a changin piangsual tanpuingai angte in a inlan thin a. Achang chuan an in te pawh a luhchilh thn bawk in a a luhchilh te hi a tlangpuiin a that phawt a a pawngsual chauh thin, chutianga a tih hnu chuan a mithahte taksa peng engmawlai chu a la leh kher thin bawka, entirnan an kut te, ke te, leh an lu te tanchhumin a in ah thlakhat chhung a kawl thin.

Amah hi police ten man tuma reife an beih hnu ah 1979 khan an man ta chauh a, achungthu an ngaihtuah fe hnu 1989 khn Florida ah Electric chair a tih hlum a nita a ni.

3 : Henry Lee Lucas
Thawkkhat lai kha chu Henry Lee Lucas hian America rama tualthat tu rapthlak ber nihna a hauh ve reng nghe nghe. Henry Lee Lucas hian kum 20 chhung khan mi 350 vel lai a that a, a inpuanna ah phei chuan a viin mi 600 vel lai thahna ah a in hnamhnawih a ni. Ama nun behchhan hian film te pawh siam ani nghe nghe.

Amah hring tunu ngei a thah hnu ah kum 10 chhung a tang phawt a, hemi a chhuak leh hi U.S chhim lam ah a khawsa zui ta a, mi 108 thah na ah a inhnamhnawi zui ta bawk a. 2001 khan a jail tan na ah kum 66 mi niin a thi ta nge nge a ni.

4 : Ed Gein
Ed Gein hi mi 2 chauh that ania, Serial killer tih huang ah chuan a tel pha lo nain, hmaih chi ani hauh lovang le. A tualthah dan rapthlak uchuak tak mai hi tunlai kan en fo thin Norman Bates a nunchan PSYCHO ah te, Hmaisavun kawr vuah a rawng taka that thin The Texas Chainsaw Massacre te leh Silent of the lamb ah te hian lantir a nia, a tualthah dan behchhan a heng film te hi siam an ni hlawm.

Ed Gein hi Wisconsin ah anu leh a unaupa te nen a cheng anni a, A unaupa hi ahnu ah that ni in ansawi nghe nghe. Mahse police ho pawhin an hrechiang chiah thei chuang lo,Anu boral hnu hian thlanmual ah akal fova, thlan pakhat a nutling ruang chu a laichhuak leh a, an veng a ni 2 pawh a that nghe nghe, an vun chu hikin a ruangphawrh ah chuan a bel a, anu ang ah angai tlat mai a ni.

Police ten a in an dap tum pawh hian, mihring taksa peng hrang hrang a let rum mai a ni.

Police te hian mihring hnar te, zahmawh te, luruh a tang a siam no ( bawl) te, ami thahte vun a tanga siam hmaikawr te, buara a mihring lubung dah khawm te, khawnvar te leh thuthleng bukthei a miruang rawp tawh tak te, a fridge a mihring taksa peng dahthat te, kawnghren, mihring hnute hmur belkhawm te e.t.c an hmuh thu report a ni.

1957 khan Ed Gain chu man ani ta a, mi a dahna ah a nunpum chu a hmang ta ani. 1984 khan kum 77 mi niin cancer leh lungphu chawl vangin aboral ta a ni..

5 : Aileen Wuornos
Hmeichhia serial killer tlem te zing ah a hming hi sawi lan loh theih ani lo, Aileen Wuornos hi nawhchi zuar ani a, 1989-1990 chhung khan mipa alober ah 7 vel a that ni a hriat ani, Charlize Theron in Academy Award ( Oscar award ni bawk) alakna film kha Aileen Wuornos i chanchin behchhan ani nge nghe.

Aileen Wuornos i hi damdawi ti thin leh mi ngaihsam tak ania, kum 15 mi anih in nau a hring der tawh a, a naute hi hnuchham dahna a seilian turin a dah ta nghe nghe ani. A unaupa nen an inkawp thin thu sawi ani bawk. Pasal a nei deuh reng bak ah vawi tam tak chu ruk ruk leh mi tihthaih/vau thin vang te injail bang pawh a zut ve a, ama anpui(hmeichhia) ve tho a kawp a chutih rualin pasal erawh anei reng bawk a, hemi avang hian ei zawnna kawng ah harsat namen lo a tawh chuan a inzawrh tir a ni deuh ber mai. A inzawrh chhung hian mi 7 vel lai a kaphlum a, amah chuan tihnat (she claimed were trying to harm her during their sex sessions) an tum thn vang a that a nih thu a sawi.

Wournos i hi 1991 khan man ani a, man anih hnu ni 3 ni ah a tualthah hi a puang zui ta bawk a, 2002 khan damdawi hmang a jection hlum ani ta a ni.

6 : Jeffrey Dahmer
Jeffrey Dahmer hi U.S a tual thattu rapthlak ber ah kum 13 chhung an puang. Dahmer hian mipa puitling leh naupang 17 lai a that a, a that mai pawh ni lovin, pawngsual, chansawm, leh a then te phei chu an sa te hial a ei a ni. ani hi an manchhuak lo teuh hle a, a mi thah tur 1 chu a tlanchhuak hlauh maia, kawngpui dung ah tlan in police car a hmu hlauh mai a, chuta tang chuan an manchhuak ta chauh a ni.

A inchhung an han luh chuan, thil mak leh rapthlak tak mai hmuhchhuah annei ta a, a mi man te chu an damlai ngeiin, an luruh verh sak a, a experiment tih nan hmang in, an ngaih tuah na chu hmeichhiat mipat na kawng ngawt ngaihtuah (“mindless sex slave”) tura thlak tir theih a beisei a lo ni.
Chutianga a mi sawisak te chu an thih chuan, an ruang te chu a mutpui ta thin a. Thenkhat te phei chu an sate a ei ta thin a ni.

Dahmer chu manchhuah a nih hnu, jail a tan hnu ah hian November 28, 1994 khan a tanpui vek (inmate) in a vawhlum ta nghe nghe a ni

Posted in Thu Ngaihnawm, True Story | Tagged , , | Leave a comment

CHINA-IN NUCLEAR WARHEAD 10 PAI THEI MISSILE A ENCHHIN : 2018-AH RALVEN NAN HMAN THEIH TAWH ANG

November 24, 2017 khan South China Morning Post chanchinbu chuan, China-in Inter-Continental Ballistic Missile (ICBM) 12,000km a thui kap pha, nuclear warhead 10 zet pai thei chu a test hlawhtling a, kum thar 2018 ah chuan ram venhim nan hman theih a chhawp chhuah a ni ang, a ti.

He ICBM hi Chinese tawngin Dong Feng-41 tia koh niin, a tlawh chak zawng hi Mach 10 a ni, an ti. Xu Guangyu, China Arms Control & Disarment Association hotu chuan, “Dong Feng-41 hian nuclear warhead 10 a pai thei a, a tum te chu a rualin an kap thei dawn a ni. China chuan a ram chhung atangin khawi ram pawl awlsam takin a kap pha tawh anga; mahni a inveng thei ang” a ti.

Song Zhongping, People’s Liberation Rocket Force hlui chuan, “He Dong Febg-41 hi siam peih tawh a ni a; a hna thawh theih dan enchhin (test) mai tur a ni tawh e” a ti thung.

image

Dong Feng-41 intercontinental ballistic missile hi kum 2012 ah enchhin tawh niin, hemi tum hian China khawtlang lam, thlaler hmun biruah niin, US satellite chuan kum 2016 April thlan an test lai hi a lo man (detect) tawh a ni.

Russia chuan kumin October thla khan ICBM chi, nuclear warhead 12 pai thei chu hlawhtling takin a lo enchhin tawh bawk niin, South China Morning Post chuan a ziak.

C.T.Lalrinawma

Posted in Uncategorized | Leave a comment

7ᵗʰ Pay hmang lo turin Sawrkar ţang rawh se

(Zirtirna dik lo thehdarh chiam ho thu thehdarh chhanna)

Central hnuaia thawkte chuan tiin central lama sawrkar hnathawkte nen an inkhaikhin chiam a. Nimahsela, an inkhaikhinna erawh a khingbai hle si a. I han khaikhin ve teh reng ang u hmiang.

Kumin 2017-18-a Mizoram budget hi Rs 8,803.10 crores a ni a. Heta ţang hian hlawh (salary)-ah Rs 2,851.73 (32.39%) awmin hlawh (wages) Rs 129.68 crores (1.47%) awmin pension hlawhah Rs 846.66 crores (9.61%) a awm a.

Heng hlawh belhkhawm hi Rs 3,828.07 crores niin 43.48 % zawk a ni a. Kan budget a mi Rs 2,560.14 crores hi sorkar hnathawkte facility hrang hrang leh sorkar inrelbawlnaa sen tur a ni a. – Vanlalruata

Hlawh leh inrelbawlna atâna sen tura dah zawng zawng hi Rs 6,951.43 crores a ni a, kan budget atanga 78.97 % a ni. Chuti laiin central lamah chuan budget aţanga 10% pawh tling mang lo hi hlawhah hman a ni chauh lawi a!

Central-a thawk, tuna 7th Pay late hian an hlawh aţanga 30% aia tam income tax-ah chawiin mipui tân sorkarah an pe let a. Chu mai ni lovin professional tax, thla khata Rs 2,500 vel an la pe zui bawk a. Keini sawrkar hnathawkte erawh chuan he Rs 2500 bak hi chawi a lawi an nei lo thung!

Eng chena rei nge kan ram economy hi sawrkar hnathawkte hlawhah kan nghah ang a, engtikah nge mi ram anga loneitute leh kuthnathawktu leh mimal sumdawngte kutah kan economy hi a innghah ve theih nân mipuiin ro kan rel ve dawn?

A nih leh heng kan sawrkar hnathawkte hlawh leh budget-a pawisa awm zawng zawngte hi khawia mi nge kan tih chuan State tina mipuiin chhiah kan chawi tlingkhawm central chan leh state chan an ni a. Chung pawisa zawng zawng zinga 80% dawn, Mizo mipui za-a 20% vel lekin an eizo tur hi thil kalhmang tur a ni thei thlawt lo a ni.

Mipui lam hian thil kan la chhut thiam lovin kan la chhut chîk lo hle a. Han chhui chian tak tak chuan budget eizotu hi tu an nih hai rual a awm lo. An hlawh piahlamah an inrelbawlna sensor uchuak tak maite thleng hian kan thik a va hun tawh zawk ngai em.

Agriculture dept hian thawktu a ngah khawp mai. Mahse, ei leh barah kan intodelh em ni? An hlawh phuin hna an thawk lo phawt. Education dept-a thawktu tamzia ngaihtuah hian kan zirna output a chhe lulai hle si, hna an thawk chhe hle tihna a ni.

Trade & Commerce lamah pawh thawktu an tam ang huin industry leh sumdawnna lian tham khawih pakhatmah an neih loh danah hna an thawk chhe hle tihna a ni a. PWD thawktu an tam ang huin hmun tinah kawng a chhia a, an thawk chhe hle.

Health dept lamah thawktu an phu mur mur a, nitina inentir erawh kan pun tual tual danah hna an thawk ţha tawk lo hle tihna a ni bawk. Ni e, heng bakah hian dept tin hi kan teh chuan thawk ţha a lawi an awm lo tih kan hre ngei ngei ang.

A engvang teh hrep chuan nge Central hnuaia thawkte leh State hausa hnuaia thawkte output ang chanve pawh nei mang si lovin hlawh sang hi kan phu ve e, tingam nge an nih zawk chu le? Mahni hmasialna ramah kan ram hi a chhuak ta mek a nih hi! 7 Pay hi inphu hlawl lo kan ti a ni e.

Aside | Posted on by | Tagged , | Leave a comment

Burma aṭangin raltlan an lo lut

Mizoram Chhim lam ramri bul Myanmar ramah Arakan Army(Hel Pawl nia hriat) te leh Myanmar Sipai te nasa takin an inkah avangin Mizoram chhungah mi tam tak raltlan an rawnlut tih hriat a ni a, OC leh a ho te nimin khan a a hmunah kalin an zu enfiah a.

Tukin khan OC Pu Khuma hnena atang thu dawn danin, Ramribul Mizoram chhungah sahimna zawngin mi thahnem tak an lo tlanlut a.

Nimin khan heng Raltlan te hi a hmunah SDPO Lawngtlai leh a ho te, BDO Bungtlang(s) leh OC Bungtlang(s) Out Post leh a ho te chu a hmunah kalin an enfiah a ni.

Mizoram chhunga lo lut tawh te hi Mi 1146 lai niin ramri bul khaw hrang hrangah an insem darh a ni. Thudawn danin hetiang hian khaw hrang hranga an tlan khawm dan a ni a, a lan danin raltlan te hi an pung zel hrih dawn niin a lang.

1. Zochachhuah-ah mi 401
2. Laitlangah mi 495
3. Dumzautlangah mi 121
4. Hmawngbuchhuahah mi 129
Hetiang hian thudawnna chuan a sawi.

He buaina hi Myanmar Sipai te’n Arakan Army te hi luhchhuah an tum a, Arakan Army te hian an lo lambun ve thung niin thudawnna chuan a sawi a, Myanmar Sipai te hi a zat chiah hriat a ni lo nain an thi nual nia hriat a ni a, Arakan Army te pawh thi leh hliam an awm a, hliam te phei chu Mizoram lama enkawl tura lo luhpui te pawh an awm niin thudawnna chuan a sawi a ni.

Chhawmdawlna hi engtia kalpui tur nge tih erawh thu dawnna chuan ala hriat mai loh thu a sawi bawk a ni.

Heng an raltlanna khua te hi harsa tak tak te anni a Sorkar lam an chet vat loh chuan harsatna lian tham an tawk thuai mai thei a ni.
Heng an raltlanna khua te hian School leh Lui dunga Silpoulin zar sakin an lo buaipui niin thu dawnna chuana sawi a ni.

Aside | Posted on by | Tagged , , , | Leave a comment

BILLERICAY TOWN FC AH PASTOR RUAL. A CLUB NEITU ISUA HMUTU? MITHI THOLEH??

Billericay Town hi Isthmian League Premier Division, England a khel an ni a. English seven division ang vel an ni. Danglamna tak an neih chu player bakah pastor rual street pastor engemawzat an ruai hi an ni. An home match ah heng pastor te hi vakkualin fans zinga hasatna neite kawm kualin Pathian thu te an hrilh thin.

He club neitupa hi “Glenn Tamplin” niin AGP Steel neitu a ni. A chanchin a sawidan chuan damlohna avangin thi a puan a ni hman tawh a, mahse mak tak mai a Isua nen an intawn avanga damleh anih thu a sawi.

Tamplin chuan a thih tum hian kawrfual ha ISUA a hmuh bakah an inbiak thu a sawi. Isua chuan “I thiltih tum I ihlawhtling dawn nge? I nunna hi lak i duh? tiin min zawt a, keichuan “Ka thiltum ka tihlawhtling ang” tiin a chhang a. Ka thutiam zawh minutes 4 hnu velah ka damleh ta a ni a ti.

Vawikhat chu fan pakhat chuan Tamplin a te chhungkaw background chhe ve tak hmangin Twitter ah Tampli hi a tih el a. Tamplin thinrim hian “intihlum rawh” tih hawi zawngin a chhanglet thung. Mi sawizui a hlawh hle. A hnuah hemi chungchang hi Tamplin chu an zawt a, ani chuan Christian piangthar chu ka ni mah se an duh duh a an ketahna (doormat) ka ni biklo. Min tihdan a lungawithlak loh em a ni tiin a chhang.

October thla khan Tamplin an stadium bula chenna tur neilo kutdawh pahnih chu chenna in tur a pek bakah hna a pe.

Author : Mafela Ralte

Aside | Posted on by | Tagged , | Leave a comment

EGYPT-AH MUSLIM MOSQUE BEIHNAAH MI 235 AN THI : HLIAM 130 AN AWM BAWK

Nimin November 24, 2017 Muslim Friday Prayer neihna, Al-Rawdah Mosque, Bir al-Abid, Sinai province, Egypt ah silai keng mi thenkhatin bomb tipuakin, silaiin mi an kap chiam bawk a, thi 235 leh hliam 130 an awm. Tu pawl mahin an tih a ni tih an la puang lo. ISIS ho nena inzawm Islamic firfiakte an nih an ring.

Nimin chhun dar 10:45am ah he thil hi thlengin, hetianga pawisawilo thahna hi French President Emmanuel Macron, British PM Theresa May leh US President Dinald Trump te pawhin an demthu sawiin, mi dawihzep thiltih, an ti.

Al-Arabya news chuan, El-Arish khawpui atanga mel 40 a hlaa thil thleng a ni a, Sufi Muslim worshipper te an ni, a ti. Pakistan ah pawh Sufi Muslim hi beih fo thin an ni.

Sinai hi Israel leh Egypt inrina kam hnaih niin, he laia helho inkulhte chuan Egypt military te, Coptic kristian leh kum 2015 October thla khan Russian passenger phur thlawhna pawh an lo kapthlain, mi 224 in an thih phah a nih kha

Author : C.T Lalrinawma

Aside | Posted on by | Tagged , | Leave a comment