MIDDLE EAST CHHUNGA MUSLIM 3000 TE CHUAN BAPTISMA AN CHANG A, SAKEIBAKNEI PATHUM TEN MUSLIM FIRFIAK LAK ATA PASTOR PAUL LEH KRISTIAN TE AN CHANHIM

He thu lawmawm tak mai hi March 13 – May 14 2017, chhunga thil thleng a ni e. Director of BFM Pastor Paul chuan a team te nena an dinchhuah The Assembly of Loving God (ALG) Church kohhran member te chu “Prayer can change the world” Tawngtainain khawvel a tidanglam/thlak danglam thei” tih thupui hmangin rawngbawl turin a sawm.

He rawngbawlna hi March 13 2017 atanga tan a ni a, tun thlengin chawnghei tawngtainate neiin muslim te awmna hmun hrang hrang ah pawh Pathian thu hrilhin an fehchhuak thin a, Pathian awmpuina leh a thil tih mak tak tak te pawh an hmu.

Hetianga Pathian rawngbawl tura an inhlan hnuah an nunna pawh chan ngam khawpa Muslim te chenna Asia, Africa, Middle East leh hmun hrang hrang ah fehchhuaka Pathian thu an hrilh avangin muslim 3000 te chuan Isua chu an Lal leh chandamtu ah pawmin Baptisma an chang. Heng mi 3000 lai mai te baptize thei turin Pathianin thil tihtheihna min pe a ni tiin rawngbawlna hruaitu Pastor paul Ciniraj chuan a sawi.

Hetihrualin, rawngbawltute tawrhna leh hlawhtlinatenitina kan chhiar leh hmuh thin angin Pastor Paul leh a team te pawhin an Parhian rawng an bawl chhungin harsatna khirh tak tak tam tak an tawk thina ni. Thla hmasa chhung pawh khan Piangthar hlim te a baptize mek laiin muslim firfiak hoin silaiin an bei a, Pathian thu an hrilh lai te pawh hian lungin an lo vawm fo thin niin tarlan a ni bawk.

Thla liam ta chhung bawk khan Pastor paula chu lungin alu a vawm fuh avangin hun engemaw chhung chu damdawiin ah te en kawl a ni a, atan damdawiin a him tawk loh chang te pawh hian a himna tur hmun zawngin hmun hrang hrang ah kal kual pui thin niin electricity leh tui awm lohna hmunah te pawh an lo awmpui a, Pastor chuan beidawng miah lo leh theih tawp chhuahin Pathian thu a hrilh chhunzawm zel a ni.

SAKEIBAKNEI PATHUM TEN PATHIAN FATE CHHANHIM
Pastor paula thawhpui tho Pastor Ayyoob’s chuan April 16, khan Easter Sunday service kaihruaiin hun hlimawm tak an hman mek laiin muslim ho bawkin ralthuam hrang hrang hmangin an lo bei leh a, firfiak te chuan biakin chu an lo hual vek tawh avangin tlanchhuah dan tur kawng a awm tawh lo, beiseina engmah an neih loh laiin mak tak maiin Pathian thil tih a ni ngei ang, Sakeibaknei pakhat ramhnuai atanga rawn tlan lutin muslim firfiak pakhat a bei nghal a, chu sakeibaknei chu firfiak hoin beih an lo tum leh chiah khan sakeibaknei dang pahnih an rawn zuang lut leh a, firfiak ho chu an tlanchhe vek. Tichuan Pastor te leh kohhran member te chu chhanhimin an awm ta a ni.

Firfiak ho an tlanchhiat vek hnuah sakeibaknei te pawh an awmna hmun lam panin a haw leh ta vang vang niin an tarlang.

Author : Vanlalruata Pautu

Advertisements
Aside | Posted on by | Tagged , , , , , | Leave a comment

CHINA A ROPUI ZUAL ZEL DAWN : “PROJECT OF THE CENTURY – BELT & ROAD INITIATIVE” AN PUANG TA RUP MAI

“Sakeibaknei muhil, Dragon Muhil” an lo tih thin, Mizo thenkhatin “Khawchhak Lungpui lo lum tur” an tih vanga an hlauh em em, a delh hlauva khawchhak lam pan ta deuh deuh, hmmm…”
Khawbung an ti ta deuh deuh!” tih ang mai lah ni!

China chuan May 14-15 chhungin Beijing khawpuiah tun kum Zabi 21na (21st Century) khawvel insumdawn tawnna turu buru tura hmalakna “Project of the Century: Belt and Road Initiative” an tih Development project chu President Xi Jinping chuan a hawng ta rup mai. Hemi atana senso tur hi US$ tluklehdingawn 900 dawn a ni. Ram 29 atangin ram hruaitu lu ber an tel bawk

President Xi Jinping chuan, “Khawvel inpumkhatna hun bi thar (new era of globalization) chu a lo inher chhuak mek a, he Belt & Road Initiative hian Asia, Europe, Africa leh America ram te a thlun zawm vek dawn a ni” a ti. China hmalaknain Pakistan lam atanga tuipuia China thil thar chhuahte thawnchhuahna tur hi Pakistan-China Economic Corridor tiin, US$ tluklehdingawn 62 zet manin super highway leh seaport te chei that an ni ang a, chung seaport ah chuan Chinese Naval base chu venhimna kal pui turin dah an ni ang. Hetianga hmalakna ropui tak hi tunhmaa “SILK ROAD” an lo tih thin zui zuia siam niin, Mongolia ram chhengchhia te, Malaysia, Thailand, Turkishstan, Iran leh Indonesia etc a thlun zawm dawn a ni. China hian Russia ram pawh super fast-train thlun zawm turin, US$ tluklehdingawn engemawtin project a kal pui muah muah a ni.

China hmalakna hi a ropui em avangin “Khawvela Development thila hmalakna ropui ber (greatest global development project) tih a ni a, mahse, he thilhi ngun taka chikin tun hmaa British Colonized period angin, thil tha tur a ni ang em? Nge ram rethei zawkte chu China thuhnuaiah sum hausakna vangin an tlulutin, China-in ram rethei zawk a tham behna tur a ni thei mai ang em tih chu ngaihtuah tham tak a ni. President Xi Jinping hian an hmalak tum dan chu 45min zet a sawi a ni.

He “Belt and Road Inniative” summit ah hian Russia President Putin, Turkish President Erdogan, Philippines President Duterte, Italian PM Paolon Gentiloni te leh ram dang hruaitu pawimawh an tel teuhva, palaite bakah mi pawimawh 1,000 chuang an fuankhawm mup mup. US leh UK pawhin palai an tir a, G-7 ram hausa ho zingah ram hotu lu ber chu Italy PM Gentiloni chauh a tel thung.

He economic globalization lo awm tur hi engtin nge Mizoten kan lo chhawr ve ang aw?

Author :

Aside | Posted on by | Tagged , | Leave a comment

FRANCE PRESIDENT ATAN “EMMANUEL MACRON” LAK LUH A NI TA : FRANCE-EU CHAK ZAWK SIAM A TIAM

Nimin may 14 ah khan French President turin, Em Marche hruaitu Emmanuel Macron (39) chu ropui takin Presidential Palace-Champs Elysee hmunah lakluh a ni ta. Kum 3 kalta khan Macron hi mipuiten an hre lo. President kal chhuak ta Francois Hollande chu a Economic Minister leh EU Economic Adviser ah a ruat tirhin, media-hoten “Tunge Macron chu ?” tiin an zawt a ni. Hollande nen an honeymoon chu reiloteah tawpin, Socialist party chhuahsanin France rama political system chhe lutuk siamthat tumin “En Marche” (I kal zel ang aw) tih pawl a din a, he En Marche pawl hian French mipuite nin em em Rightwing-Conservative leh Leftwing-Socialist party (Mizorama MNF leh Congress ang chu ni chiah lovin!) thawm nei na tak Far-right National Front party candidate chu a rawn bin bingbilet khaikhum thal vek a! hneh takin Macron chu French mipui vote thlaktu 64.4% zet President ah an thlang ta a ni.

Macron lakluh inkhawm hi security a khauh hle a, security forces 1,500 an duty a ni, Champs Elysee hmunah chuan Red Carpet 60m (200ft) chuang phah zui niin, President kal chhuak tur Francois Hollande chuan a rawn tawiam a, a nupui Brigitte Macron (64) pawh a inchei nalh hle. He lakluhna inkhawmah Macron chuan suit pawh Euro 450 man nalh zet ha in, a nupui “First Lady” tur pawhin khawvela fashion industry a lar Louis Vuitton thui ngat a inbel a ni.

Macron chuan mipuite hnenah, France ram tluchhe mek, hnam leh EU tihchak tiamin, European Union chak zawk a kaihhruaina hnuaiah awm tura beisei a ni. Vawiinah Germany ah German Chancellor Angela Merkel hmu turin leh EU chungchang sawi pui turin a zin nghal ang. UK chuan EU a chhuahsan “Brexit” mek avangin, President Macron a hnuaiah inthenna biahthu sawi hi a khirh talh turah an ngai a ni. Macron hian EU chak zawk, Euro pawisa chak zawk siam a tiam a ni. Chutih rualin Parliament-National Assembly ah MP a la nei mumal lova, June 18 ah inthlan tur niin, chutah chuan a kut ke tur Prime Minister a ruat dawn a, Conservative leh Socialist party lamin MP seat an lak tam chuan President Macron kut chu phuar ang chauh a ni thei a ni

Author : Ct Lalrinawma

Aside | Posted on by | Tagged , , | Leave a comment

TRECRUITMENT RULES SIAMTHAT NGIATIN HMSA NUAR DAWN

Mizoram Health Multipurpose Service Association chuan an recruitment rules siamthat nawr nan vawiin atangin nawrh an rel.

HMSA thuchhuah tarlan danin May ni 15-19 chhungin lungawiloh lantirnan badge dum bel an tum a, May 22-26 chhungin hna thawh loh (pen down strike) leh nise, hei hian awmzia a neilo a nih chuan May 29-31 chhungin a huhoa chawlh lak (mass casual leave) nise an ti.

An lungawiloh chhan tarlangin Recruitment Rule an neih mek hi an hnathawh kawngah lungruallohna siamtu a nih avangin siam tha turin General Assembly kum 2014-2015-2016 a neih chuan tunhma a an lo hman reng thin kum 1982-2011 thleng an lo hman tawh atang hian siam that sak leh turin an ngen a, mahse chu an ngenna chu vawiin thleng hian awmzia a nei lovin Dec 9, 2016 a assembly chuan March 2017 thleng a an ngenna in awmzia a neih loh cheu chuan hreh tak chungin lungawilohna nen nawr chhunzawm zel nise tia a lo rel angin lungawilohna lantir an tum ta tih an tarlang a ni.

Author : Vanneihthanga Vanchhawng

Aside | Posted on by | Tagged , | Leave a comment

TEKIN IN A DENG..

Tukin zing dar 6:30 vela ruah nasa tak sur lai khan Sevenday tlang, Vaivakawn area-a Pu Remsangpuia In assam type chu tekin a deng a, in bang tile nasa taka a den pawh mai bakah thil kang chhia a awm nual.Pu Remsangpuia te chhungkua hi chhungkaw dam lohna thil avangin nizan khan Bethlehem veng lama an chhungte inah an riak a, an inhnuai luah te pawh an zinbo lai a nih avangin tek tlak lai hian inchhungah mihring an awm lo a ni.

Tek tlak hnu darkar khat vel-ah an kawmchhaka awm te chuan Pu Remsangpuia te In atanga mei rawn khu chhuak vung vung chu an hmu-a, kawng khar kalhna tichhiain inchhungah an lut a, inchhung bungraw thenkhat lo kang mek chu tui-a thehin an thelh rem thei hram a ni. Pu Remsangpuia te inchhung bungrua hi a kang chhe nasa hle a, TV leh Set Top Box bakah cable TV hrui a kangchhe nasa a, keyboard pahnih leh electric guitger (Bass Guiter)cheng singhnih chuang man a kang chhe vek bawk. An sitting room sofa set a kang chhe nasa a, an mutbu thlengin kangmei hian a man hman a ni.

Tek tla hian Pu Remsangpuia te kawmchhak-a Pu R.Sangkunga In assam type pawh a deng tel a, an electric hrui leh cable TV hrui le Set To Box te pawh kang chhe nual a, kangmei erawh a chhuak ve lo a ni.

Author : Vanneihthanga Vanchhawng

Aside | Posted on by | Tagged , , | Leave a comment

TIGHT LEH LOOSE by Francis Vielara

(Thalaite hian kan mamawh a, group dangah pawh lo chhiar tawh in awm ang, kan la mamawh zel dawn avangin a phalnain ka han post chhawng a nih hi).

An/kan innei rei tawh a a thawl huau tawh. Fa a nei tawh a nau luin a tawn tawh chu a thawl huau tawh. A zan a tin a ti tluk tluk ta fo chu thawl ngei tawh tur a ni a lawm. Hetiang țawngkam hmang țhin hi kan tam hle ang a, fiamthua hmang an awm ang a, ring tak tak leh, ni ngeia ngai leh ni ngei a hria ‘inti’ hi kan kat nuk awm e.

Lei leh van siamtu themthiamzia hi kan ringhlel a ni zawk lo maw!? Van khawvel ropuizia leh zauhzia hi hrephak tur pawhin kan hriatna hi a tlem lulai em a sin! Hnapkhawn hian khawvel hi luah ta se a hriatsen loh tluk ai hian Siamtu thilsiam makzia leh ropuizia hi keini pawh hian kan hre seng awm lo e. Thluak hnathawh ropuizia mihring finnain a chhui sen loh zia ngaihtuah hian danglam taka a siam hmeichhe thei thuhruk hi rindan chauh mai bak chuan kan hre tawk lo a ni lo maw!

Zirna leh chhuizauna nei hawt lo hian mak leh danglam taka siamtuin mipate tana min chhawpsakni mai awm tak hmeichhe thil ni si hi ‘risk’ sang tak lain a ‘thawl’ huau/a thawl ngawt ang chu i lo ti țhin chiang a lawm.

Hmeichhiate serhkaw zauh zawng hi bithliah neiin siamtu hian a duang a sin! Mimal tinah danglam ve thei chu a ni ngei e. Mahse hmeichhe puitling hian dan tlangpuiah chuan a kaw tawntirhah hian a zim, a laihawl a zau deuh leh a kaw tawp a zim leh deuh pianhmang hi an nei a. Mahse mipa hawlhrawk danglam deuh ang bawk hian a thukzawng leh zauhzawng hi a danglam hret hret ve a. Mihang (African black) ho hi an vaginal duct pawh a thui deuh niin an sawi.

Michael Castleman, hetiang lam zirtu chuan 16. 8.2011 khan Psychology Today-ah ‘hmeichhiate hian nau an neih hian, an neih ațanga ni 30-60 chhungin a size pangngai a awh leh vek a ni’ a ti. Tin, Psychology Today-ah bawk Dr. Cadell chuan ‘hnam leh chi a zirin hmeichhiate hian serhkaw zauhzawng leh thukzawng an neihdan a danglam hret hret a, African mipate thilneih a danglam ang bawkin an hmeichhiate pawh chutiang lo dawngsawng tur chuan a zauin a thuk zawk deuh bawk’ a ti ve chiah mai.

Zirmiten Caucasian hmeichhia an zirchianna ah chuan hmeichhe puitling hian an vaginal opening-lamah hian 1.88 inches a zau leh a tawpah 2.48 inches a zau an nei a. A laiah hian a kua a zau leh deuh hlek bawk. Zirtu țhenkhat erawh chuan a kaw tawntir lam hi 1.03 inches vel niin an sawi thung. A inthlau vak lo e, a fan theih vang a ni.

Tight kan tih hi engnge a awmzia? Țhatna a awm em i han thlir leh teh ang. Hmeichhia hian kan sawi tak ang vel hi an neihdan a ni a. Mahse Siamtu’n mak taka a siam miau avangin a fan a țha em em mai a. Tin, serhkaw chhung hi tihrawl/duar nem em em maiin a hnawhphui chun mai a. Chuvang chuan zangthalin tuichhungah pawh mu mahse tui a lut thei miah lo! Heng tisa nem tak takte hi an fan thei vek a. Hmeichhiain inpawl chakna a neih veleh heng a kawchhunga taksa nem te te te hi fan mai thei turin an inring țhin. Michael Castmeman bawk hian ti hian a sawi ‘hmeichhia sex hmang tura a inpeih loh chuan a serhchhunga tisate chu fan thei turin a inpeih lo a, mipain thun ta se a la fan vak hrihloh avangin a ‘tight’ ang. Mahse chu chuan hmeichhe chak lo chung a tih leh a la inpeih tawk loh avangin hmeichhe tan a nuam thei lo. Hmeichhiain sex hman chakna (sexual arousal) a neih tawh chuan mipa thil hi tawt takin a lut thei tawh lo. A chhan chu hmeichhe serhchhunga tisa techu sex hmang tura inringin a lo fan țan der tawh a ni. A tawt reng țhin a nih ngat phei chuan doctor rawn vat rawhse’ a ti daih mai!

Virgin ah hian a tawt țha lutuk i ti a ni mai thei. Ni e, a tawt deuh ngei ang. A chhan chu sex hmang tur khan virgin serhkua chu a la inring țha tawk lo a, tin, a serh chhunga tisate kha contraction a la awm ngailoh vang a ni. A kua hrim hrim chu sawi tawh ang khan a inang tlangpui vek. Mahse virgin serhkua chu a kua luahkhattu tisa kha a la fan țhat ve tawk hrih loh vang mai mai a ni. Virgin pawh nise, thiam taka a chakna haichhuahsak a inpeih at a siam chuan hymen thler tur na bak kha na a awm chuanglo a, châkna (arousal) a lo neih nasat tawh avangin a chhunga tisate pawh chutiang dawngsawng tur chuan an inpeih a, fan thei turin an insiamrem thlap țhin. Tlema a tih rei deuh hnuah a tawt tawh vak lo i tihna chhan pawh chutianga fan thei tura a lo insiamrem tawh vang a ni.Serhkaw chhunga tihrawl nemte te awm te hi an kiam ngai lo a. Nau neih hnu ni 30-60 velah nauneih hma size-ah a kir leh vek avangin nau neih vangin a thawl huau ngai lo. Fa 10 pawh hring se he serh chhunga tihrawl danglam tak nitura siamtu siam hian nau neih hma ang ngai kha a awhtir leh hmak zawk a ni. Tin, mipain zantin ringawt mai pawh hmang tluk tluk mahse, sex hmang ve turin a lo insiamrem a fan ve mai turin a lo intintuah a, a fan hnuah a ngai te bawkin tui pawh lût thei lo khawp a chipin a insiamrem leh mai. Hetiang hian a lo dawnsawn tur mipa thil seizawng/lenzawng a zirin a lo insiamrem ve zung zung țhin. Lian deuh pawh ni se, lian deuh dawng turin a insiamrem mai. A tawt ûl lem lo. A tawt viau a nih chuan ‘eng emaw’ a awma ni thei kan tih tawh kha. Monster cock kan tih mai țhin khawpa lian turu pawh an dawng hram hram thei zel a nih hi. Mahse hetiang em em hi chu mihring nihphung piahlam a ni tawh tlat. Mi pangngaiah kan ti zel a nih hi.

Dr. Tamar Nichole, relationship and intimacy specialist chuan ‘hmeichhia hi kum 40 ral an kai chhoh dawnah hian an nei ‘tight’ zawmah tlat mai. A chhan chu, kumkuruh a chip letling tawh a. Chu chuan vaginal duct pawh a sawrzim a, a tight sawt zawk țhin. Nau pawh an har deuh phah sawt țhin. Mahse ngaia neih a lo hmang reng țhin tan a hriat lem loh mai a ni’ a ti bawk.

Serh kawchhung a tihrawlte hi nem hle mahse, thildang nen a a innawh tam vanga ral thei a ni lo bawk a, thawl ta huau tur a ni tlat lo. ‘Tur a ngaihna’ neih vang mai mai a ni zawk e. Nang, mipa, tihlen pawh i mamawh hran lo. Hmeichhe serh chhunga danglamna thleng tur khawp leh an serhkaw bungrua fantawp thleng dawn dawn a chawm țha khawpin i siamlian ve chuang lo ang, Asian/Indian i nih ve tho nghe nghe kha! I neih tawkah lungawi la, insit hek suh.

Aside | Posted on by | Tagged , , | Leave a comment

PRESIDENT DONALD TRUMP “IMPEACHMENT” A THLENG MAI THEI ANG EM?

Harvard University a Constitutional Law scholar lar tak, Prof. Laurence Tribe chuan US President Donald Trump chu FBI Director James Comey a ban chungchangah leh “National security chungchanga chhuinaa a inrawlh” vangin, Congress ah amah chungchang sawihona (impeachment) neih tur a ni, tiin The Washington Post chanchinbuah a ziak. Tribe chuan Trump hian ama thu thu (authoritarian style) a thil tiin, hei hian kan sorkar system a tikhawlo thei a ni, a ti.

Trump a impeach duhtute hian legal advisory board “Impeach Trump Now” tih siamin, Comey a ban thut hnu khan he online zawmtu hi an tam tawh hle. Tribe pawhin a zawm ve a ni.

James Fallows, journalist chuan The Atlantic News-ah”Trump thiltih dan chu Watergate Scandal aiin a chhe zawk ani” tiin, President Richard Nixon angin impeach duhtu an tam chho hle. Democrat hote chuan “Russia nena sam inphiarzawmna thil, puan hnuai thil awma hriatna chu” FBI lam ni lovin, Special Prosecutor/Investigator ruat an phut a ni.

He tih lai hian Twitter hmang uar tak, Donald Trump chuan Inrinni zing khan thutawite “We” (Kan) tih ringawt a tweet pek a! President Trump hian Twitter ah zuitu maktaduai 29 a nei a ni. Thenkhat chuan he a thuziak hi lo ziah zawm sakin “We are Doomed” (Kan chhe zo ta) tiin an lo tihsak vel! A thenin, “we are fu***ed?” Tih te, thenkhatin “Will We will Rock You” tih te, “We need help” tih te, “we…are never, ever, ever/ getting back to political stability in this country”, Vladimir Putin nen kawr ruaka sakawr chunga an chuang thlalak chungah “We Belong Together” te an tilang bawk.

Aug 9, 1974 khan President Nixon chuan Watergate Scandal vangin “impeach” a hlauh vangin banna a thehlut thut a, chutah chuan engvak ziak lovin, “Dear Mr. Secretary: I hereby resign the Office of the United States. Sincerely, tiin, a hnuaiah a hming a sign tawp a ni. A ban chhan engmah a ziak lang lo.

Trump hian Comey a ban hnuah US Christian University lian ber Liberty Univ, Lynchburg ah Inrinni khan thusawiin, mipui 50,000 vel an ni a, Comey a ban chhan hi a sawi miahlo. Zirlaite chu tum ruh tak nei a, mi sawiselna zawng bengkhawnlo turin a fuih a, chutiang chu hlawhtlin nan a pawimawh a ni, tiin, “Mi tu mahin hlawhtlinna chu mi sawiselna ri lui luih (chorus of critics) karah, engvanga lo thleng nge tih an hrilhfiah vek ngai lo” a ti.

Trump chuan campaign laia a lo sawi thin angin, anti-establishment a nih ang takin, “Kal dan phung kehchhia (broken system) chuan, i thil tum tihlawh tling tura i nawr nasat poh leh, i diklo tih a hrilh thin ang che” tiin, amah thlawptute chu lawm thu a hrilh a ni.

FBI Director tur ruat thuai a tum thu leh, mi 11 zingah chuan Acting Director ni mek Dy Director Andrew McCabe, Republican Senator John Cornyn, New York Appeal Court judge Michael Garcia emaw, Asst Attorney General hlui Alice Fisher emaw a ruat an ring

Author : Ct Lalrinawma

Aside | Posted on by | Tagged | Leave a comment

NORTH KOREA-IN MISSILE TURU DEUH A TEST LEH TA : CHINA-IN US LEH NORTH KOREA BORUAK TILUM LO TURIN A NGEN

North Korea chuan US tihthaihna tam tak karah, tukin Sunday zing 5:27am khan missile tha zet mai a test leh ta thawr mai. He missile hming hi a sawi lova, mahse, a kap thui hle a ni. Pyongyang hmar thlang lam Kusong atangin a kap chhuak a, Japan leilung aiin Russia lam hnaiah a tla a ni. Inter-Continental Ballistic Missile (ICBM) a nih leh nih loh an puan loh vangin, eng ang missile chi nge tih an inrin siak laih laih mai.

US Pacific Command leh Japan Military te chuan North Korea missile test thar hi lo hmu vekin, Japan chuan 800km zet chu chet buaina nei miah lovin, 30 min chhungin chak takin a thlawk vawn vawn a, Japan ram leilung atanga 400km dawnah a tla niin a sawi.

Nikumah North Korea chuan Musadan missile, 3500km kap phak a lo test tawh a ni. Japanese Defense Minister Tomomi Inada chuan “He North Korea missile hi 2000km attitude ah a thlawk a ni” a ti. Shinzo Abe, Japanese PM chuan thinrim zetin, “Hetianga North thiltih dan hi UN Security Council resolution bawhchhiatna a ni a, engti zawng mahin ngaihthiam chi a ni lul lo mai” a ti.

Australia Defense Minister M. Payne pawhin, “North Korea thiltih dan leh luhlul chhuah dan chu thil tha lo tak a ni” tiin, a dem thu a sawi.White House chuan, “North Korea missile test thar chuan Japan ram aiin, Russia ram a hnaih zawk a, hetianga Russia ram hnaih a va deng hi Russia a ti lawm dawn em nile?” tiin comment a pe. China chuan US leh a thawhpui ramte leh North Korea chu Korean Peninsula boruak ti lum zual zawnga che lo tura ngenin, inbeng dai turin a phut.Beijing a “One Road, One Belt” tih Silk Road insumdawn tawnna tura inhmuhkhawmnaa tel Vladimir Putin leh Chinese President Xi Jinping te pawhin “Korean Peninsula” boruak hi an sawi dun a ni.

North Korea hian South Korea President May 9 a thlan thar Moon Jae-in chibai buk nan, office a luah hnu ni 4 ah missile a test khum a ni. President Moon hian a tul chuan North Korea zin a hreh loh thu leh inbiakna hmanga Korean ram 2 te insuihfin a duh thu a lo sawi a ni.

Moon hi North Korea leh South Korea inzawmna tura hmalakna “Sunshine Policy” thlawptu leh duhtu a ni

Author : Ct Lalrinawma

Aside | Posted on by | Tagged , | Leave a comment

TLAWNG KALTE HRIATTUR

Khua a lum leh tana Tlawng lui bul hnaia awm khua te tan inchiah dai tura thianhoa Tlawng lui kal kan ching leh ta viau a, chesual kan awm palh thin avangin kan fimkhur tlanna tur tlem tarlang ila.

Tuna ka rawn sawi tur hi Tuikual tlangvalte tlak hlum ni a ka thianpa nen Tlawng luia ka lo chen ve na atanga kan experient ve a ni.

Hriatturte ;-
* Tlawng lui tui hi achak em avangin tui thiam hle leh rilru fim pu lo tan chuan dul chena thuk dai loh a tha.

* Dul chena thuk chin tawhah chuan mipa chak tha pangngai tan pawn chho zawnga apen hlei theih tawh loh avangin tuikhuah dang leh swimming pool anga intihuai loh tur.

* Chesual tam ber hi athuk laia cheng annih kher loh avangin athuk lo lai hi kan fimkhurna tur a ni tel.

* Athuk lo lai,kawng chen velah chengin tui inlen tir pahin chhuk zawngin kan han hleuha,chutah chiah chuan kan hleuh chin tur kha kan pelh palh chuan rilru fim pu lo tan chuan buaina tham atling nghal..Chhuk zawnga kan inlentir duh anih pawhin tawng pawng inlentir tawp lo ila,thlang lam athuk lo lai atanga ngil taka kal chhoin chumi zawn chiahah chuan hleuh thlak tumin kan kal tannaah chiah chuan ding leh ila kan chesual lo deuh ang.

* Tui chhuk zawnga kan hleuh khan tui achak em avangin hleuh chak a awl em em a,anuam em em bawka,chutah din kan tum khan tui chhung lei alo dup ve deuh vang leh tui force achak em avangin kawng china thuka kan awm tawh chuan ding chat ahar tawh thin.A thuk lo lai malpui chena awm a him ber.

* Tui hleuh thiam over kan ni anih loh chuan ke a lei rah reng atha..Sawi tawh angin tui hi achak em avangin lei kan rah loh zeuh chuan min len zo em em maia,kan hriat loh laiin kan duh lohna hmunah min dah thuai mai a ni.Kei hi 62 Kg vel ka ni a,ka kawng pawh pil lova thuk laiah thu chunga ka ke ka tih kangin duhtawkin min len zo tlat.

* Ke a lei kan rah reng chuan athuk lam kan hre reng thei dawn avangin ahim hle a ni..

* Tui chak zawng test tura ral lehlam kal tlang ve hrim hrim tum loh tur.Asir malpui chenah pawh tui achak anih chuan,alai awm chen vel chu a hlauawm hle ang tih rin mai tur.

Aside | Posted on by | Tagged , , | Leave a comment

MNF ten Lottery leh Mizo Carbon sum chungchangah inbumna a awm an ti

MNF chuan MPCC President Pu Lal Thanhawla leh a thurualpuite eiruk sum chu an Party Fund-ah an mamawh lo tia chhang letin, a thusawi chu mipui bum tumna a ni an ti.

Vawiin khan MNF Party hian thuchhuah siamin, Lottery sum cheng vbc 1 leh nuai 18 chuang chingpen chungchang leh M/S Mizo Carbon Pvt.Ltd. hminga Central Transport Subsidy (CTS) cheng vbc 2 leh nuai 24 leh Central Capital Investment Subsidy vbc 9 leh nuai 39 chuang chungchanga MNF tawnga a thusawi chu Mizoram mipuite bum a tumna a ni an ti a, Lottery sum bo hi MNF-in a puhna a ni lova, CAG Report-in chiang taka ziaka a dah fel a ni a; CBI chhuitir ngai lo khawpa chiang a ni, an ti.

M/S Mizo Carbon Pvt.Ltd. hminga document phuahchawp hmanga sorkar sum lak leh cheng nuai 1034 lak leh tuma peihfel vek tawh chu Central YMA-in an chhui tak avangin an la ngam ta lo tih sawiin, Pu Lalthanzara eirukna chungchanga ACB-a FIR a thehluh pawh tihtawp a nih chhan leh vang ACB Director zawh a nihin a hriat loh thuin a chhang tih an sawi a. hei hi Chief minister chu ACB hotu lu ber a nih vangah MNF chuan a ngai tih an sawi bawk.

Aside | Posted on by | Tagged , , , | Leave a comment