Lehkhathawn Nuihtiza

To, Mama,_
_I dam kan beisei._

_Vawk chaw thleng tur motor ke chhia i rawn thawn kha, kan khaw pa hovin an inlirh chhawk luih luih reng mai a, kan la hmang hleithei lo. I pa Khuala khawmpui kekawr tur i rawn thawn lah kha a țhui a dik lova, țhut pawh a țhu thei lo, a ding reng mai. I ni Zingi te naktuk an rawn kal dawn a, kawnglawng fai leh mai-ban an rawn keng nual a, I pa Huala lahin rit a chawi thei si lova, an bo palh tâkin i lo va hmuak dawn nia._

_Kumin chu Mualkhang lam kha an țheh a, buh kan ngah kan beisei. Tin, kan vawkte budelh kha a thi._
_Taka, kan vau a Pang kung bula chaihchun lianpui kha i hria anga, i Ni Laltuaki fate’n an lawm dawn êm a, i Pu vaithang kamin a rawn phur haw a, remchang hmasa-ah kan rawn thawn dawn nia. Khawnvartui bur hnawhna tur kan mamawh hle a, i pa Roțhuama silipar chhia kha zai bial sa-in rawn thawn hram ta che. Tukin chu i pa Ramnghinga a lo leng a, kawmcharpa arbawm tah chhip țhuai thiam lohzia a sawi a, a nui kar kar mai. Ani tak pawh a chem tuaiin kumtintuai pawh a chhawk zo love an tih ve tho kha._

_I rawn haw hun kan nghakhlel hle, i kenthlak atan hengte hi kan lo buatsaih: Kulikawna i pu Chuaukunga te tan bapui, Bethlehem Vengthlanga i ni Roziki pangla tur, i nu Ruali laduang manah behlawi leh anthur rep, Vaivakawna i ni Thluaii hmuithal pawh hi theihnghilh tawh miah loh tur bawk.Kumin chu buhban kan ngah a, maipawl nen i keng thla nual dawn nia.

_Mama, i awm lo chu kan buai khawp mai, i nghawngkawl kan hmu zo lova, kan chingalthlawrbur lah kan Lalkungi te unau zik zekin an hawh bova, i pu Lalnghaka buhdengkhawl tluanghrui lo chat nen, i thirhipthei lian i roh em em țhin kha a awmna chin pawh kan hre tawh lo. Ih e, hmanni chu pawihte sumdawng a lo kal a, kan kawlphekhawnvar chhia leh khawchhak nula MOMOKO thlalak kan inthleng a, i patea’n banglaiah a tar a, kan hlimpui khawp mai.

tawk phawt teh se.

Advertisements
Aside | Posted on by | Tagged , , , | Leave a comment

Kolasib district leh hmun dangah ruah leh rial

Tukin dar 5:30 vel khan Kolasib District leh Mizoram hmun thenkhatah thli leh ruah nasa takin a thawk a, rial in a rawn zui bawk a, a rapthlak hle mai. Hetiang rial tla hi thil thleng khat ve tak a ni a, engtiklai pawha thleng thei a nih avangin mitin te fimkhur theuh ila a tha ang.

A bikin thingtlang ram lam hna thawk thin te fimkhur leh zual ila, kawl bul en ran chung a feh chhuah a tha ang.


(Pic: Vairengte)

Aside | Posted on by | Tagged , , | Leave a comment

sawrkara hamthatna dawng turin Adhaar Card chu ngai mahse tih ngei ngei tur erawh a ni lo

Union Minister Ravi Shankar Prasad chuan sawrkara hamthatna dawng turin Adhaar Card chu ngai mahse tih ngei ngei tur erawh a ni lo a ti.

Vawiina Parliament tuala chanchinbumite a kawmnaah he thu sawiin Minister chuan identity tih chianna driving license emaw ration cardte pawh hamthatna dawn nan a hman theih a nih thu a sawi a. Adhaar Card kaltlanga hmathatna dawn erawh a him a, a lang tlang bawk a ni a ti.

Puan tawh angin nimin khan Supreme Court chuan Sorkarin mipuite hamthatna tur scheme chi hrang hrang a kalpuinaah Aadhaar Card ngaih tir ngei ngei kher a tul lo tih a lo sawi tawh a. Amaherawhchu bank account hawnna turah leh scheme dangah Aadhar hmang turin sorkar chu khap theih a ni lo, a ti a.

Aadhar hman dan tur chungchanga ngenna chi hrang hrang thehluhte ngaihtuahtu tur, judge 7 awmna bench din a ni ang tih Supreme Court chuan a sawi bawk a ni.

Aside | Posted on by | Tagged , | Leave a comment

TURKEY LEH GREECE INDO NGAM KHAWPIN AN BORUAK A TANG CHHO

Lalna leh thuneih chak lutukna vangin khawvel ram hruaituten indona leh tualchhung buaina-civil war an chawk chhuak fo thin. Tun hnaia Turkish President Recep Tayyip Erdogan-an kum 2029 thlenga a thuneihna chelh chhoh duh vanga Consitution thlakna tur-referendum,April 16 a buatsaih tur kal zelah, Greece ram nen an boruak a chhe hle. Turkey hian Germany leh Netherlands ram hruaitute bakah EU ram thenkhat chu “Hitlera rilru pumi” tiin an tawngkhum a, EU hruaitute thin kheiin an boruak a lo chhe chho hle tawh a ni.

Tun hnaiah Greece nen pawh Turkey boruak hi chhe thar lehin, Panos Kammenos, Greece Defense Minister chuan,”Greece ram chhunga chona (provocation) awm theite bei let turin Greek armed forces te chu an inpeih at reng a ni” tiin Turkey hi a vau let ta. He thu hi Ottoman Empire-Turkish lalramin Greece a awp thinna atanga an chhuah zalenna kum 196na lawmnaah a sawi a ni.

NATO member ve ve Turkey leh Greece ram te hi kum 1974leh 1996 te khan an lo indo ti tih tawh a, he Aegean Isle-eastern Mediterranean Sea ram buaina hi chin fel mai theih a ni lo. Bible a Kupra thliar kar (Cyprus) ram chu Turkish leh Greece ramin an inawp tawm a, indo a chhuah loh nan UN buffer zone siamin UN sipaiten an veng a ni.

Grik mifingho awp lam Greek Cypriot president Nicos Anestasiades chuan, April 16 a Turkish referendum nei tur chuan boruak a ti tang chho hle niin a sawi a, “Thil tha lo (hot incident) thleng thei reng a ni” a ti.

Nikum July thlaa Turkish military ten President Erdogan paih tuma coup an neih khan an hneh leh si lo chu, military officers 12 velin Greece ah asylum dilin helicopter in an thlawk lut a, Turkey sorkarin an rama thawnlet tura a tih laiin Greece Supreme Court in a rem ti lo a ni. Greece tuipuiah Turkish research lawngte leh Greek naval lawng te chuan “dog-fight” te hial neiin an lo buai tawh thin a ni. Kum 1922 ah Turkish forces ten Greek Army te hi an lo bei tawh bawk.

Kum 1960 kuma Kupra thliarkar hi British awpna atanga zalenna an hmuh hnu khan, 1974 ah Turkish sipaite nen an buai tep a, a hnu kum 9 hnuah Ankara/Turkey ram chuan runin, an awp chin chu Turkish Cypriot tih an ni a, a chhim lam Greek Cypriot chu Greece ramin a awp thung a ni.

He buaina ching fel tumin kumin Jan thla khan Geneva ah British Foreign Secy Boris Johnson, UN Secy General Antonio Guterres leh Greek Cypriot president Nicos Anastesiades leh Turkish Cypriot president Mustafa Akincyte chuan inbiakna an nei a, mahse, remna thuthlung ziak fel a la ni lo. Greece chuan Turkish sipai 30,000 in Turkish Cypriot chhuahsan se a duh laiin, Turkey pawhin Turkish Cypriot chu EU full membership pek nise a duh thung.

Turkish President Erdogan chuan referendum ah a chak a nih chuan, Turkey in EU member nih tuma inbiakna kal mek pawh referendum kal tlangin tihtawpah a vau. Turkey hi Middle East region ah nasa zawkin a tha chakna a entir mek a, Syria tualchhung buainaah Russia-Iran-Syria ram chu West ram te aiin a thawh pui tha zawk a ni. Erdogan leh Russia president Putin pawh Moscow ah tum hnih khunkhan takin an inkawm tawh a, Putin pawhin Ankara hi a zu tlawh tawh bawk. Russia hian thiam takin NATO-EU hawlhphel nan Turkey ram politic leh ISIS dona hi hmanruaah a hmang ve a ni.


Author :

Aside | Posted on by | Tagged , , | Leave a comment

TURKEY LEH GREECE INDO NGAM KHAWPIN AN BORUAK A TANG CHHO

Lalna leh thuneih chak lutukna vangin khawvel ram hruaituten indona leh tualchhung buaina-civil war an chawk chhuak fo thin. Tun hnaia Turkish President Recep Tayyip Erdogan-an kum 2029 thlenga a thuneihna chelh chhoh duh vanga Consitution thlakna tur-referendum,April 16 a buatsaih tur kal zelah, Greece ram nen an boruak a chhe hle. Turkey hian Germany leh Netherlands ram hruaitute bakah EU ram thenkhat chu “Hitlera rilru pumi” tiin an tawngkhum a, EU hruaitute thin kheiin an boruak a lo chhe chho hle tawh a ni.

Tun hnaiah Greece nen pawh Turkey boruak hi chhe thar lehin, Panos Kammenos, Greece Defense Minister chuan,”Greece ram chhunga chona (provocation) awm theite bei let turin Greek armed forces te chu an inpeih at reng a ni” tiin Turkey hi a vau let ta. He thu hi Ottoman Empire-Turkish lalramin Greece a awp thinna atanga an chhuah zalenna kum 196na lawmnaah a sawi a ni.

NATO member ve ve Turkey leh Greece ram te hi kum 1974leh 1996 te khan an lo indo ti tih tawh a, he Aegean Isle-eastern Mediterranean Sea ram buaina hi chin fel mai theih a ni lo. Bible a Kupra thliar kar (Cyprus) ram chu Turkish leh Greece ramin an inawp tawm a, indo a chhuah loh nan UN buffer zone siamin UN sipaiten an veng a ni.

Grik mifingho awp lam Greek Cypriot president Nicos Anestasiades chuan, April 16 a Turkish referendum nei tur chuan boruak a ti tang chho hle niin a sawi a, “Thil tha lo (hot incident) thleng thei reng a ni” a ti.

Nikum July thlaa Turkish military ten President Erdogan paih tuma coup an neih khan an hneh leh si lo chu, military officers 12 velin Greece ah asylum dilin helicopter in an thlawk lut a, Turkey sorkarin an rama thawnlet tura a tih laiin Greece Supreme Court in a rem ti lo a ni. Greece tuipuiah Turkish research lawngte leh Greek naval lawng te chuan “dog-fight” te hial neiin an lo buai tawh thin a ni. Kum 1922 ah Turkish forces ten Greek Army te hi an lo bei tawh bawk.

Kum 1960 kuma Kupra thliarkar hi British awpna atanga zalenna an hmuh hnu khan, 1974 ah Turkish sipaite nen an buai tep a, a hnu kum 9 hnuah Ankara/Turkey ram chuan runin, an awp chin chu Turkish Cypriot tih an ni a, a chhim lam Greek Cypriot chu Greece ramin a awp thung a ni.

He buaina ching fel tumin kumin Jan thla khan Geneva ah British Foreign Secy Boris Johnson, UN Secy General Antonio Guterres leh Greek Cypriot president Nicos Anastesiades leh Turkish Cypriot president Mustafa Akincyte chuan inbiakna an nei a, mahse, remna thuthlung ziak fel a la ni lo. Greece chuan Turkish sipai 30,000 in Turkish Cypriot chhuahsan se a duh laiin, Turkey pawhin Turkish Cypriot chu EU full membership pek nise a duh thung.

Turkish President Erdogan chuan referendum ah a chak a nih chuan, Turkey in EU member nih tuma inbiakna kal mek pawh referendum kal tlangin tihtawpah a vau. Turkey hi Middle East region ah nasa zawkin a tha chakna a entir mek a, Syria tualchhung buainaah Russia-Iran-Syria ram chu West ram te aiin a thawh pui tha zawk a ni. Erdogan leh Russia president Putin pawh Moscow ah tum hnih khunkhan takin an inkawm tawh a, Putin pawhin Ankara hi a zu tlawh tawh bawk. Russia hian thiam takin NATO-EU hawlhphel nan Turkey ram politic leh ISIS dona hi hmanruaah a hmang ve a ni.


Author :

Aside | Posted on by | Tagged , , | Leave a comment

CSS HINDI TEACHER TEN CHAWNGHEI AN LA CHHUNZAWM ZEL, MI 364 DAMSAM LO, MI 56 DAMDAWIINAH HRUAI TAWH

Mizoram CSS Hindi Teacher te chuan sawrkar laka an thilphut tihhlawhtlin ngiatin chawnghei an la chhunzawm zel.

Hunger strike nei mek te hi an vaiin 1080 vel niin an hruaitute chuan an sawi a, tun dinhmunah hian CSS Hindi teacher chawngheia nuar mekte hi a tlangpui thuin an chau tawh hlawm hle a, damsam lo 364 an awm a, an zinga mi 56 chu damdawiina hruai tawh an ni a, tlema ziaawm chu chhuahtir leh zel an ni. Tui thianghlim intur mumal a awm loh avangin santen leh kawthalo vei eng emawzat an awm mek bawk niin an sawi.

Nimin chawhnu dar 2:30 bawr vel khan damlo na zual an awm vangin Ambulance chah a ni a, mi 4 chu Aizawl Civil Hospital Casualty lamah phurhphei an ni. Chawnghei zinga damlo tam zawk chuan Doctor checkup pawh an duh lova an thil ngiat a hlawhtlin hma chuan chetsawn an tum tawhlo tih an sawi.

Tun dinhmunah Civil Hospital Aizawl bikah chawnghei zinga damlo mipa 2 leh hmeichhia 9 enkawl an ni.

Author : Vanneihthanga Vanchhawng

Aside | Posted on by | Tagged , , | Leave a comment

BANKING CHUNGCHANGA KAN THUHRIAT/LAMDAN DIKLOTE

  • Bank thumal awmzia
  • Debit card awmzia
  • ATM awmzia

Banking chungchangah hian thil hriatthiam loh leh lam thiamloh, a nihna hriatloh kan ngah mai a. Heti lama thawknihloh chuan hriat vek theih a ni lo bawk a. Chung thil thenkhat chu kan post ve reng reng ang e.

1. CREDIT/DEBIT : “Credit chu Lut, Debit chu Chhuak” tiin sawifiah ila a chiang ber awm e. I account-ah Engzat nge in Credit ? kan tih chuan, I Account-ah pawisa engzat nge lut ? tihna a ni a, chumi lehlam chiah chu Debit (lachuak/cut) tihna a ni mai.

2. ATM CARD/DEBIT CARD leh CREDIT CARD: Hei hi mi tamtakin kan hriatpawlh leh kan hriathmaih thin a ni. Debit chu lachhuak tihna a ni kan titawh a. ATM Card in pawisa kan lachhuak thin a. Chuvangin ATM Card leh Debit Card hi a inang tihna a ni. ATM Card tih chuan a Noun Form-in kansawi a, Debit Card kan tih chuan Verb Form-in kan sawi tihna a ni. ATM Card kha pawisa lakchhuah nana I hman avangin Debit Card tihna a ni mai. Credit Card chungchangchu sawitur tam tak a awm ang. Bank pawisa pukna Card a ni mai ang chu. Thil kan leiduh a, kan account ah pawisa kan lo nei mai silova, Credit Card kan neih erawh chuan, kan Credit limit azirin kan Credit Account a mi kan hmang puk thei a, amaherawhchu, kan lo puk anih pawn huntiam chhunga kan Credit Account-a kan rulh (Credit) leh a ngai ani. Credit Card leh Debit Card hi thil hrang hlak a ni a. Credit Card nei tur hian theihchin (eligibility) a awm avangin duh duh zat Limit kan nei thei lo thung. Kan hlawh/lakluh a zirinLimit hi Bank lamin a siamsak thin a ni.

3. ACCOUNT-A PAWISA AWM :
Mi pakhat chuan, “ATM-a pawisa awmzat engtin nge kan phone atang kan hriat theihang?” tiin zawhna a lo zawt a. ATM-a pawisa awmzat hi mizawng zawng hriat theih a ni lova, ATM enkawltu Bank-te hriat chauh chi a ni. A rawn zawhtum erawh chu, a Account-a pawisa awmzat a ni. Midang leh chuan, “ATM-ah pawisa engzatnge ila neih?” tiin min zawt thin a. ATM-ah hian pawisa kan nei reng reng lova, kan Bank Account zawkah pawisa kan nei a ni. Chuvangin, “Account-ah engzat nge I neih?” tih mai tur a ni. ATM hi chu kan ATM Card nena in Link-a pawisa lakchhuahna maichauh a ni.

4. MOBILE/INTERNET BANKING:
Mobile Banking chu, awlsam zawka Transfer te, Top Up te, Balance-te, Statement en nana hman thin a ni a. Thil tam tak erawh chu a theih loh a. Chutihrualchuan, Bank Account danga Transfer nan a awlsam em em thung a, Offline (iOS leh Windows chu online a ngai) in engkim a tih theih avangin, internet hmang kher lovin, transfer, top up etc. a tih theih vek a ni. Internet Banking atang erawh chuan thil tam tak a tih theih a. Tunlaia mi tamtak buaipui, Aadhaar Card, PAN Card, Gas Subsidy chungchangah te hian Bank-a kal ngai kher lovin awm hmun atang Bank Account nen a link theih vek a ni. Tin, Loan lak nan emaw, thildang tihnan emaw I Bank Statement I mamawh a, I passbook I update bawk siloh chuan Internet Banking atang I duh chen chen Transaction Statement I en in I print chhuak thei bawk. Chu mai a la ni lo, Fix-a pawisa dah te, Recurring Deposit-a pawisa dah te, SBI Insurance Premium pek nan te, ATM Card Block nan te, Cheque dilnan te, Nomination ilo dah lohpalh pawn Nominee Register nan te, tin, Mobile Top up, Bill payment, Online Shopping nante a hman theih vek a ni. Bank-a hun tam tak kan han seng thin hi he Internet Banking hian a chhawk zangkhai em em a ni. Bank-a kal ngailovin thil engkim deuhthaw a tih theih a ni. Tin, Bank dang engpawh Account-a pawisa thawn a awlsam hlei hlei. Sawifiah dan berah chuan, awm hmun atanga Bank dawrna a ni ber a, I account chet dan hrang hrang te I en thei dawn a ni.

Sawitur tam tak a awm ang. Bank I kal dawnin I thiltih tur hrechiang la. Saptawng tlem (Deposit/Transfer/Withdraw)I thiam a nih chuan midang rawn kher lovin Green Channel atang khan I chhiar/en zel dawn nia, a inziah vek kha. Tin, hriattur tul an tar ang chite pawh chhiar nachang hriat a tha. (Entirnan : “Aadhaar Card thehlut turte inchungah” tih a intar mawlh mawlh laia, a hnuai lama hnathawkte va zawh kher khan, annin an lo vin/tawngkam nemlo deuh an lo hmanin in thinrim leh thin sia).

Tin, Bank in Lunch Break an neih hun hi hriat ve tum tur a ni, Bank tam zawkah chuan an tar a, en thin tur. An Break hun tawha dawr kan tum hian, annin Break an lo duh ve bawk si avangin awki ring deuh hlekin min lo be thin a, kan thiamloh anih laiin Customer-te zawk lungawilo ah kan tang leh thin.

Bank hi sumdawng an ni a, mipuiin kan dawr loh chuan sumdawnna an nei dawn lo tihna a ni. Chutihrual chuan, I pawisa kha khawlpun, dahthat nana Bank I hmanglo a nih chuan, khawiah nge him taka I dah ang ? I kawl khan a himloh bakah a pung thei dawn lo a sin!!


Author : El Zeta

Aside | Posted on by | Tagged , , | 2 Comments

VISHAL MEGA MART HAWN A NI TA

Vawiin chawhma khan Vishal Mega Mart Bawngkawn a michu hawn a ni a, dawr duh kal an thahnem hle.

Dawr tura kal an thahnem a, motor a tam hle bawk, traffic a jam nasat em avangin traffic lam an buai hle a, Vishal dawr hi khar hrih mai turin an ngen niin mi thenkhat chuan an sawi.

Aside | Posted on by | Tagged , | Leave a comment

VISHAL MEGA MART HAWN TUM CHUNGCHANG MZP IN AN NGAIHTUAH

27th March, 2017 khan MZP Executive Meeting MZP Pisapui-ah neih a ni a, meeting hi Pu Lalsangzuala Ngente President in a kaihruai a ni. Meetingah hian Aizawl-a Vishal Mega Mart hawn tum mek chungchang an ngaihtuah ho a ni.

MZP executive meeting-ah hian Vishal Mega Mart te ang chi chain store-te hian metro city ni lo mihring tam lohna khuaah nghawng tha lo an nei thei a, tual chhung sumdawnna an tihchhiatsak avangin an khuaah sum lengvak a tlem phah a, economy-ah nghawng tha lo a nei theih thu sawichuah a ni.

Mizoramah hnam dang sumdawng an rawn inbun thei em tih leh kan dan neih laite hi a him em tih MZP-in Mizoram sorkar hruaitute a zawt a, mipui leh pawl hrang hrangte pawh he thil hi ngun taka ngaihtuah turin an ngen a ni.

MZP executive meeting chuan Vishal Mega Mart hian dan leh thil kalphung an zawm em tih pawh ngaihtuah a ngaih thu an sawi a, AMC Licensing Regulation hmanga sumdawn phalna, August ni 24, 2016-a issue-ah Vishal Mega Mart neitu hmingah Mizopa hming a chuang tlat mai a, he Licensing Regulation hi 2015-ah Mizorama tlawmngai pawlte’n tangrualin siamthat an lo ngiat tawh a, an hlawhchhamna kha a ni an ti. Nikum August thlaah license an hmuh tawh laiin dawr hawn dawn tep, mipui an inhnial hnu leh dodal an awm hnu March ni 23, 2017-ah Vishal lam leh license neitu Mizo te’n Franchisee Agreement an siam leh chauh niin an sawi bawk.

Franchise agreement siam a niha franchisee Mizo a nih chuan Mizovin man chawiin Vishal hming hawhin dawr a hawng dawn tihna a ni a, chu chu an indawrna hmasa tur ni awm tak a nih laiin sawisel an awm hnuah an siam chauh si tih an sawi a, Chu agreement awm hma chuan a neitu hmingah Mizo hming a lo awm tawh tlat bawk. Chu agreement chu Haryana Non-Judicial Stamp hmanga tih a ni a, Mizoram lam a lan loh bakah Franchisor tur Mizopa phone number chu 9999999999 a ni mauh mai tih MZP te chuan an sawi bawk. He agreement phuahchawpah hian witness an awm lo niin an sawi a, notarial registration number a awm lo a, stamp duty pek a ni lo a, he agreement hi danin a phut anga register a ni hek lo.

A pawimawh ber laia mi thenkhatin an ngaih VAT registration chu Airplaza Retail Holdings Pvt Ltd (hnam dang ta) hminga tih a ni leh daih thung niin an sawi bawk.

MZP executive meeting chuan Airplaza neitute hian kum hnih daih tur ILP a neih vanga registration hi tih theih a nih thu an sawi a, ILP pek a nih dan pawh sawifiah turin MZP chuan thuneitute an beisei a, ILP hian min la chhan em tih thlenga ngaihtuah thamah MZP chuan a ngai a ni.

He thilah hian thil man to vanga harsatna mipuiin kan tuar nasa tih leh cost of living a san avangin mipuiin rit kan ti tih a lang a, consumer-te venna te, price control leh inflation lamte Mizoram sorkarin a ngaihthah vanga mipuite tawrhnaah MZP chuan a ngai tih an tarlang a. Chuvangin hetiang thilte ngai pawimawha mipuite tana theihtawp chhuah turin Mizoram sorkar kan phut a, chutih rual chuan kan sumdawngte pawh an chungah mipui an lungawi lo tih hriaa insiamthatna kawng dap turin kan phut bawk.

Vanneihthanga Vanchhawng

Aside | Posted on by | Tagged , , | Leave a comment