Sudden Plays a Hand – 23

SUDDEN PLAYS A HAND 23 (LAST CHAPTER)
A na ti lutuk leh hlau bawk si, awmngaihna hrelo chu a pai ta țawng țawng mai a. Han din ngil leh ngial a tum chung pawh chuan a thei ta hlek lo mai a. Kham koah chuan a pai liam ta nge nge a, a țe tuarh a, chumi hnu chuan a reh ta vang vang mai a.

Sudden a chuan a lukhum chu a han pawt dak awrh a, a hmai a thlan te chu a kut chuan a han nuai thuak thuak a. Țawng ri a hre ta. Yorky, Pilch a leh midang paruk lai hi an lo awm reng tawh mai a.

“I na lo maw, Jim? I rang kher mai!” Yorky a chuan a han ti a.

“Ran a ngai em a ni. A teuh pawh min teuh ther ther kher mai!” tiin Cullin an bum a tum dan zawng zawng te chu a sawi ta vek a.

“A… hruizen a tibawlhhlawh lo a, a țha e. A khaihlum nan chuan hruizen thawh pawh ka huam teh na a,” Pilch a chuan a lo ti a.

Chutah, Mary te chu hmai dang lip lep chung chuan a rawn harh țan ve ta a, a hriat chak ber mai a pasal chanchin chu hlailuthawng deuh tak chung si hian a rawn zawt ta a.
“A na bawk viau a ni. Tunah chuan, Merker a dawrah an dah a. Midway ah doctor an awm loh avangin Rideout a mi koh an tum a ni,” tiin Yorky a chuan a lo hrilh thuai thuai a.

Doctor Bolus a intih teh poh ale… chu, pa valai tak leh cher lam deuh ngil.neih hmel tak hi a ni a. A thiamin mi pawhin an ngaina hle a ni. Chulai hmun kilkhawr a engvanga lo awm teh tlat nge a nih erawh chu tuman an hre lem lo. Hriat lah an tum bawk hek lo a ni.

Merker a dawrah mipui chu an lo pung khawm hlawm a. Drait a dinhmun hriat an chak hle vek a ni. Inchhung ațanga lo chhuak, hmel hlim lo deuh an hmuh chuan an ngai a țhalo hle hlawm mai a.

“A na hle mai. Mahse, vanneih chuan dam chhuak leh thei tur chu a ni ang le. Han lak sawn chi lah a ni si lo a, i khum chu i chang rih dawn lo a ni mai, Merker.”

An han ngawih deuh țhap hnu chuan Merker a chuan, “I thiamna ka ringhlel e tihna ni hlek loin, Doc, i tihdam chuan dollar sawmhnih ka pe ang che a, i tihdam theih loh erawh chuan nangin dollar khat min pe thung ta che,” a han ti a.

Doctor Bolis a chu a inngaihtuah nasa kher mai. Mahse, chumi hnu lawkah chuan a remti ve thei ta a. Chuveleh midang te pawh chuan an rawn thap ve ta sup sup mai a.
Merker a chuan a lo chhinchhiah vel a, a buai nasa mai a.

“Eng chen nge i thap ve ngam dawn le, Doc? Hei, an rawn ti sup sup hlawm mai si a?” a ti a.

Nui chung hian Doctor Bolus a chuan, “Van khi ka tiam chin chu a ni mai. Tin, chung pawisa la tur chuan Midway ah hian ka cham reng dawn,”tiin a lo chhang a.

Tichuan, chawlhkar hnih teh meuh mai chutiang a pawisa inthap pah chuan Drait a dinhmun thlirin Midway khaw mipui te chu an awm ta a. Merker a dawra lo kal apiang chuan Drait a dinhmun tarchhuah țhin chu an rawn enziah țhin a.

Doctor Bolus a lah chuan, “Ka theih tawp ka chhuah zel e. Ka hriat tawh zawng zawngah chuan Nurse hi a la inpe zo ber hial awm e, ka titi pui hial loh phei chuan ” a lo ti a.

Doctor Bolusa cuuan a titi pui ta ngei a. Mahse, a ni lah chuan kiansan a lo tum awzawng lo mai si a. Mahse, “A nih leh, i hriselna hian lo zo ta lo se, engtinnge i tih dawn?” Doctor in a han tih takah chuan insiamrem a, a aia doctor chu a awm duh chuan chhuah a remti thei ta țawk a.

Pawna ava chhuah chuan miten a pasal an lo ngaihven zia te chu Mary chuan a han hria a. A lawm em em mai a. Mahse, mi pakhat hian, “Ka pi, i tihdam ngei a ngai a nia.. a nunna ah sawn tangka tam tak a bet tawh a ni,” a rawn ti ta a.

Chu thu a han hriat chuan Mary chu a thin a rim tak zet a ni. Doctor hnenah chuan ava kal ta nghal a.

Mi tenawm ho, ka pasal nunna ah te pawisa lo han thap hlawm a mawle… a han ti tan tan a.

Bolus a chuan a lo hrilhfiah a, “I hrethiam lo mai mai anih chu. Ka theihtawp ka chhuah ngei nana min fuihna ve a ni a, tukin pawh khan, a țhat deuh thu ka han sawi veleh an thap belh ta sup sup mai zawk zuk nia. An pawisa thap hi hloh an chak zawk asin,” tiin a sawi ta a.

“Khawthlang ho hi ka hrethiam thei dawn hlawm lo a nih hi!” Mary chuan a ti ta hial a.

Chumi tuk tukleh ah chuan Sudden a nen an inhmu a. Mary chuan thil pakhat a lo zawt ta chawt mai a.

“Jim, kan innei tih kha engtin nge i hriat ?”

“Ka hre hleinem. Ka rin tih a nih kha.”

“Chu chu em ni, an hriat loh hriat pawh ka nei mai thei i tih kha?”

“Ni e. Mahse, nangma sawi chhuah ah ka khek a nih kha,” tih pah chuan Sudden a chu a han kiai sak a.

“Engtikah nge maw Nick a pawh chu min hmuh tir ve dawn le?” Sudden a chuan a han ti zui a.

“I hmu thei thuai ang.”

Mahse, chawlhkar khat a ral hnu chauh ah chuan Sudden a chuan a hmu thei ta țawk a. A rin loh takin lukham kam kanah hian a lo mu a, a lo cher em em mai a. Mahse, Drait a chu a lo nui sang mai a.

“Ekhai Jim, kan inhmu chu avan lawmawm ve le. Kei chu ka țha e. Chanchin min han hrilh ve teh le,” a lo ti thuai a.

“Sawi tur teh vak a awm lem lo. Quilt a te nen SP chu kan lo enkawl a. Sturm a leh a hote chu an bo vang vang tawh a ni…”

“Seale a pawhin zin khawthawn a chak a ni ta ve ang, Camort a lah chu judge khan kum sawm tang turin a ti a. Mahse, a nghawng chhanchhuah nan kan chhuah ruk tir a, Cullin a erawh zawng khamah a tla ta.”

“Mary pawhin chutiang deuh bawk chuan min hrilh a. Mahse, chu ai chuan a sawi sei deuh zawk a ni. Ngawiteh, Jim, i laka ka bat hi han chhut chhuah ngial ka tum țhin a..” a han ti dek dek a.

Sudden a chu chhuah tum hian a tho ta uaih mai a, “Anih leh misual pa, ka sawi lo mai ange… Tluma ai chu tunge awh ta?” Drait a chuan a ti ta zawk a.

“Ele… Bardoe an mawle. A danglam tawh viau asin. A țha in ka ring tlat. Dan kengkawhtu nih hi thil harsa tak chu ni. Mahse a hlauhawm dan lah tlang hriat a nih avangin a țha ang.”

Drait a chuan a thil hriat duh țhen țhen te chu a zawt zel a. Cullin a thiam loh an chantir dan te leh amah Sudden a haw hun tur te chu a zawt ta a. Sudden a chuan a dam hunah chauh a hawnsan tur thu chu a hrilh a.

“Ka khua a har dawn teh e,” Drait a chuan a tichhuak ta hial mai a.

Sudden a chhuah hnu a Mary rawn lut leh chuan a pasal chu chau zual ta niawm tak hian a va hmu ta mai a.

Chutah a khum bulah chuan ava țhingțhi a, a pasal chu a hmingin a han ko a. Chumi hnuah chuan Drait a chu zawi zawiin a lo harh a.

“Engnge ni ta?” a rawn ti chhuak ta a.

“Engdang ni… tawh lo e..I thi.. emaw ka ti a.”
“Lo thi ta pawh ni ila chuti emin pawi i ti dawn em ni?”

“Ka thi ve nghal ringawt ang.”

Drait a chu a han hawi deuh vang vang a, chutah, “Tun ang reng rengin ka la hlim ngai lo e ti ila min nuihzat ang em? Ngawi teh Mary, a tir ațang khan ka hmangaih che niin ka hria a, ka hrilh ngam si lo che a. Min lo hmamgaih ve lo pawh ni la, khatiang hnu ah te kha chuan ka dem lo ang che.”

Mary kut zum silsel chuan a ka chu a rawn hup ta a, “Aw… ka chunga i țhat tehlul nen, keimah zawk hi ka inhua asin,” tih pah chuan Drait a koki chu a va nawr ne ne a.

A sam kara a hmui dah chung chuan, “Tunhma chu theihnghilh vekin kan hma lam hi kan pahnih chauhin i han su dun teh ang aw…” a pasal chuan a lo ti ta a.

A TAWP TA

Advertisements
Aside | Posted on by | Tagged , | Leave a comment

Sudden Plays a Hand – 22

SUDDEN PLAYS A HAND 22
Shadow Valley ho an lo thlen ve chuan court chu an khat a ni tawh mai a, SP lalnu pawh chu a lo tel ve bawk a. Mi pawhin an hmu duh kher mai. Mipuiin amah an en duh zia chu hre lo ang maiin a hawi pir vah mai a. Tlar hmasa țhutna awl lam chu Sudden a nen chuan an pan phei ta a. Deputy Well-eye a chu a lo tlan phei a.

“Kha chu thuhretu țhutna tur a nih kha,” a rawn ti a.

“Ka ring reng a ni,” tih pahin Sudden a chu a țhu ta hmiah mai a. Well-eye a pawh chuan hnial chi niin a hre ta lo a.

A hnung lawkah chuan Vasco a leh a foremen leh a cowboy pathum te chu tlarkhatah hian an lo țhu ve bawk a, Sudden a chuan a va pan a.

“Engtizia nge Nick a hi a rawn inpek leh mai?” tiin a lo zawt a.

“Misual chauh alawm tlanchhe țhin le, unaupa. Lungngai suh, a chesual lo ang,” Sudden a chuan a lo ti mai a.

“Ka beisei e. Mahse, thil a fel dawn lo a nih chuan hei panga kan awm hi, a tawp thlenga țang ngam tur. Rin mgam țhalh…”

“Hriat a nuam khawp mai. Ka theihnghilh miah lo ang”

“Mai mai a, nangmah hian a nia min pui nasa. Bull a chu kan la man chiah lo na a, min kiansan tlat asin.”

“Thildangah a buai deuh a, engpawhnise, a tibuai tawh kher lo ang che.”

“A lawmawm a nih chu. Saw saw a ni maw SP neitu chu? Mit ava la deuh ve?”

“Ka lo hrilh dawn nia,”

“I hrilh vaih a nih chuan ka chhuak daih a ni mai. E khai… Greg a pawh a lo kal. Mak tih riau nei a va ang ve mawle.”

“Mak” tih mai chuan Cullin a rilru chu a sawifiah zo lo. Jury ho bul hnai țhutthlengah chuan a han țhu a, a han tho leh dawn zuau a, mahse, Mary a hmuh tak avang chuan a țhu leh vat a. Mary lo endan leh chutia a lo awm ve tlat mai chu ani tan chuan a mak tih piah lam hi a ni reng a. A lum chhuak pup pup hian a inhre reng a ni.

Thil tisuala an puh chu sheriff chuan a rawn hruai chhuak ta a. Mipui kara a hmelhriat te chu chik taka en pah zelin a dinna tur hmun chu a pan ta a. A thiam leh thiam loh roreltu tur jury ho chu chik zet hian a han thlir kual a.
Judge chuan jury ho chu chhia a han chham tir te te a.

“Nicholas Drait, SP bawngrual ru a puh i ni a, ka ru ngei e, i ti dawn nge ka ru lo i ti dawn?”

Tih tak hmel zet hian Drait a chuan, “A eng zawk ti turin nge min rawn, Judge?” a han ti ta a.

“Nang thurawn tur chein hetah hian ka țhu lo,” Towler a chuan a lo ti chhum hmak mai a.

“Lehlam ațang i nih hi ka lo theihnghilh leh țhin alawm mawle,” hrilhhai hmel zet hian Drait a chuan a lo ti a. Mipui zinga mițhenkhat chu an lo nui deuh tat tat a. Towler a erawh chu a thin a rim pap pap kher mai.

“Kh…aw..ilam ațang mah ka ni … lo ve, ka pu. Khatiang țawng mei nei khan a pui dawn teuh lo che a nia aw. . Ka zawhna che chu min chhang rawh.”

“Tihdan tur hriatchian loh chuan țhumvawr mai tur a nih kha maw, tih pah chuan pawisa chu Nick a chuan a han vawrh nalh a. A lo tla chu a han en vang vang a, ‘E… ka ru lo a nih hi. Chubaka țha…? Tunge ru a min puhtu hi min hrilh thei em?”

Judge chuan sheriff lu lo thing mit mut chu hmu hek lo, “E le, i ruksak nu hian,” a ti ta a.

Mary chu a lo ding chhuak ta phat mai a. “Chu nu chu ka ni a, engmah ka hre ve si lo,” a rawn ti ta si a.

Towler a chuan a hmai chu a chuar ta nung nung mai a, thil dik lo bawk an lo hrilh leh ta pek a ni maw? “Ka hriatdan chuan hekna hi i theh lut a, bawhzui vat turin sheriff pawh i ngen a ni.”

“Englaimahin ka la be lo a, lehkha ka thawn bawk hek lo.”

Judge han ngawih tak vang vang danah chuan sheriff chuan chet hun ni ta in a hre ta a.

“Hekna chu ziak ni loin midang ka ațanga lokal a ni,” a rawn ti a.

“A hming… khawngaih takin?” Mary chuan a lo ti thuai a.

Sheriff chuan han sawi mai chu a hreh hle mai a. Mahse, kawng dang awm ta hek lo le, a sheriff chhunga thudik a sawi vawikhatna pawh a ni pah anga, “Gregory Cullin,” a ti ta nge nge a.

Mary chuan Cullin a chu a han melh ang ren rawn a. “Mister Cullin a hian ka chungchang thu sawi theihna pakhatmah a nei lo,” a ti ta a.

Cullin a chu a lo ding chhuak ve ta a. “Miss Darell i hian a bawng bo thu leh a rutu chunga hremna thlak a duh thu min hrilh a. Chuti na na na chu sheriff hnena ka lo sawi chu a duhdan ni turah ka ngai a ni,” a rawn ti ve ta zaih mai a.

Mary chuan Cullin a thusawi chu hre lo ang hrim hian, “Chutiang turin ka remtihna ka pe lo tih ka sawi nawn leh e,” a han ti a.

Judge chuan, “Thubuai a lak hi i duhlo tihna a ni maw?” a lo ti zauh a.

“Hetiang intihduhdahna hi ka remtilo ka tihna a ni. Kal zel tur pawhin ka duh hek lo. Chuvangin a rang a rangin chhuah nghal rawh,” Mary chuan a lo ti leh a. Thinrim sen ap ap leh thawchham dawn hian ama țhutna lamah chuan a țhu leh ta a.

Ngaithla tu te chu mi rothap pui pui ni hlawm mahse, hmelțha bawk si bakah, huaisen lehnghal si chu ngaihsan nachang an hre khawp mai. Mahse, chu ber ai chuan a chungthu an ngaihtuah lai mek in lawm hmel tak maia a rawn en chuan a ti lawm zawk.
Chutah, court chung chu a rehin a reh ta țhuap mai a. Judge chuan sheriff thusawi ngaithla pah chuan Cullin an Jury zinga pakhat a be lai chu a zuk hmu a.

“Mister Cullin, khatin i ti tur a ni lo. I ti leh ka hmuh che chuan ka hnawtchhuak tawh ang che,” a ti ta a. Cullin a chu zak fe hian a tlum ta zuk a. “E… ka tihpalh der a ni. In ti tawp tawh emaw ka lo ti a nia,” a han ti ngawt a.

Judge chuan Mary chu a en ran mai a. “Ka pi, i ngaih ang mai chu a ni thei lo. Nang chuan sual chu i lo ngaidam thei pawh a ni ange. Mahse, kei chuan ka ngaidam thei lo. Mipui hi ka humhim tur a ni tlat,” a ti ta a.

“Thilsual tih a awmin a awm reng reng lo. Mister Drait a hian ka bawng a ru lo,” Mary chuan a la ti ta țalh a.

“Chu tak chu ka ngaihtuah tur chu a ni reng a ni.. thubuai chu a kal zel ang.”

Thinrim zetin Mary chu a țhu leh ta a.

Sudden a chuan a darah chuan a lo beng thak thak a, ani chu a ding chhuak ve ta a.

“A… ka pu, a hrilh a hai hle zawng a nih hi. Thubuai tih khawtlai ka duh hlek lo a, mahse, thil pakhat min han hrilfiah thei em aw ka ti deuh a… mi pakhatin! Hmeichhia hian pasal an neih chuan a neih zawng zawng chu a pasal ta a ni nghal a ni, a ti a, ka awih lova. Kan inchawi a, min han hrilhfiah thei mai lo maw?” A rawn ti ta daih mai a.

“I chawi a nih chu. Chu chu dan a ni,” Judge chuan a ti ta a.

“Ka van vannei ngai lo tak em, ka lawm tho tho ve.”

A țhut pah chuan awmze nei tak hian Sudden a chuan Mary chu a han melh a. Chuveleh chuan Mary chuan, “In mi puha hi chhuah vat turin ka ngen che a ni,” a rawn ti leh ta a.

“Engvangin maw?”

“I sawi zo chauh alawm. Nicholas Drait hi ka pasal a ni a, SP neitu a ni. He court meuh pawh hian mi, ama ta la na na na chu rukru ah in puh thlu thei lo ang. Kan inneihna lehkha pawh hei…” tih pahin an inneihna lehkha chu a rawn lekchhuak ta vah mai a.

Judge chuan a han en a. Sawi tur dang vak awm hek lo. “Engatinge nge tunhma a min lo hrilh loh?” a ti ta rawk a.

“Keima duhdan angin kan inneihna hi kan tlang than lo mai a ni. Hmeichhe â tih takah, a âtthlak pawh in ti ang. Mahse, tuna mister Green a zawhna i han chhan khan ka hrethiam ta chauh a ni. Hriat tlem hi a hlauhawm an ti a, mawl hi a nih hi lo hlauhawm zawk chu,” Mary chuan a ti ta a.

Judge chuan a chhang nghal mai lo. Hnehin a awm leh ta a, na pawh a ti a ni. Mahse, kawng dang a awm ta miau hek lo le, thil awmzia chuan kan thubuai chu a țhiat ta vek ani. Tichuan, ru a puh pa chu a fihlim ta vek a ni e, a ti ta a.

An ngawi țhuap mai a. Nick a chu a dinna hmun ațang chuan a lo chhuk a, a nupui mittui parawl kiang chu na taka hmerin a han chibai a, chutah a țhiante chu lawmthu a han hrilh ta a.

“Mai mai a. Judge khian thubuai a titawp ngawt dawn a ni awm e, a ti tawp tur a ni lo, ” Sudden a chuan a lo ti a. Judge țhutna dawhkan ah chuan a han lawn ve ta a. Makti zet hian, “Engnge nita ka pu?” a lo ti a.

“He thil hi kan la zo lo a nia. Hei hi i hmu duh maithei e,” tih pah hian a lehkha chu dawhkan ah chuan a pharh ta a.

An chhiar nak chuan judge chuan a hlau ta em em mai a. A tawi zawngin chu lehkhaah chuan a lo hmu apiang te hriat atan, a kengtu James Green chu Pavitt a rokhawmtu tur tihfel leh Midway leh a chhehvel a thildang fel lo awm apiang ama duh dana tifel tura tirh a nih zia sawina a ni a. ‘Bleke Governor’ hming ziak ngei hi a chuang kalh mai si a.

Judge chuan han thawk ngawt pawh chu harsa a ti dawn tawh mai a. Governor lah a hming ang maiin thilsual ti tute chungah chuan a che mai țhin si a, a zalenna ngei mai pawh chu hlauhthawnna in a awm ta niin a hria a. Nui chung hian, “Lo inhriattir hma deuh la ka va duh em! Enge tise min tih?” a ti ta a.

“Kan la zo lo tih han hrilh phawt teh.”

Judge chuan Sudden a sawi mai ang lo deuhin puithu tak.mai hian a la tawp loh thu chu a han puang ta a.

“Engtinnnge ni leh ang?”

Sudden a chuan Cullin a kun nguiha țhu a hmeichhe it ber chu a mihring huat ber nupui a lo nihzia leh a thiltum kawng tinrenga a hlawhchham avanga ngui taka țhu chua han kawk a, “Sawpa saw, hetah hian han din tir rawh,” a ti ta a.

Judge chuan a hresual ta emaw a ti hial a,
“Cullina chu helai vela thil ti thei ber asin,” a lo ti a.

“Tunah chuan ni suh e.”

Judge chuan khur hlawk hlawk chung chuan sheriff chu a han hrilh a. Camort a lah chuan a pu chu a â ta emaw lo tiin, “I damlo a ni maw?” a lo ti hu a.

Dam zawng a dam mawlh lo. “Ka sawi ang chuan ti mai rawh,” a ti ringawt a.

Cullin a chu a lo zuang tho thut a, “Engnge ni a awmzia, Towler i á ta em ni?” a rawn ti khur khur a.

“Engemaw ti a puh i ni a, Mister Cullin, nangma tan chhui chian a țul a ni,”

Chutia aw nema a chhan na chuan a tidai leh ta deuh a., “Chuti zawngin ka lo ngaihtuah lo a ni tak e… i tidik e,” ti chungin thilsual ti a puh ho dinna țhinah chuan a rawn chho ta a.
“Khai le, Towler, min puhna chu han chhak chhuak teh le.”

Sudden a zawk chuan a lo chhang a, “Pavitt a rokhawmtu hmu loa a ranch hralh phalna atan khan Seale a kha pawisa engzat nge pek i tiam kha?” a ti ta a.

“Chutiang tiamna ka nei lo. Hriat pawh ka hre lo. Hralh tur a nih erawh chuan ranch chu ka lei duh alawm.”

Seale a office a lehkha an hmuh chu Sudden a chuan a rawn phawrh a, judge chuan ring takin a han chhiar chhuak a.

“Kha kha ka ziak a ni lo. Ka hminga midang ziak a ni.”

“A te tham em mai. Mahse, Little Basin a Drait a kahhlum tura i phiarna kha?”

“Chutiang thilah in hnamhnawihna ka nei lo.”

“A that tu te hlawh tur lo tum sak mai loh chu ti raw? Dollar zahnih țheuh a nih kha. Tomini a kha a thih hmain a țawng a nia aw, Cullin. Mahse, an hlawhchham a, i beinawn leh a, Lukor-a, tualthata eizawng kha dollar sangkhat in i ruai a nih kha,”

“Chutiang hming chu a hriat pawh ka hre ngai lo ile. In inkah hnu chauh lo chuan.”

“Midway a a lo lan hma khan Rideout ah i va hmu ngei tih hretu mi pahnih awlsam takin ka ko thei.”

“Mi dawheh te chu hmuh an awl reng a ni.”

“Drait a pianhmang i lo sawi chiang lo deuh hlek a. Ani lo zawk a bei ta hlauh mai a. Lukor a chu a chesual ta a nih kha. Tichuan, Drait a chu a lo dam ve rih phawt se i ti a ni ang chu SP lam i bei ta thung a. I tihdan pangngai in midang i ruai leh a, bawng i ruk tir a, a neitu in hralh lo thei loa a inhriat a, i hnena a hralh huna lak chhuah turin khawilai ah emaw i dah khawm tir a, mahse, i mi rawihte an fimkhur lo a, chung bawng chu chhui chhuah a, Shadow Valley a lakkir an ni ta a.”

“Thawnthu ziak la a țha ang..”Cullin a chuan a lo ti vel a. Mahse, a ngaih chu a țha zan tawh lo. Sudden a chuan a sawi zawm leh a,
“Chutah… remchang hmu taah a in ngai a, tichuan Drait a chu bawngru a puhin Camory a chu man turin i hrilh a, a lo inrawlh loh nan SP neitu chu i rukbo tir bawk a.”

“Chu zawng dawt buru lutuk a ni. Cullin a chuan intithei fe hian a lo ti a. Engdanga chhang loin Sudden a chuan a hma deuh a sheriff dawhkana a hmuh lehkha kha a phawrh a, judge chuan a han chhiar ri leh lauh lauh a.

“Ka hminga mi ziak bawk.”

“Ni lo. Ka kuta awm nangma kutziak ngei nena khaikhin in, i ziak ngei a ni,” Judge chuan a ti ta mauh mai a.

“Ka ziak a ni hlek lo. Lehkha pahnih leh phuahchawp tam tawk takin thilsual tiah min puh thluk in tum a. Drait a lah a la dam a, SP neitu lah hei kan zingah a la awm bawk a. Ka thilsual tih tumah chuan ka lo va hlawhchham chiang awm ve le,” Cullin a chuan a ti kual ta vel a.

“Hlawhchham lutuk lo e. Vawikhat i hlawhtling a, chu chuan a khaihlum dawn che, Cullin. Eddie Olsen i thah kha a ni ka sawi chu.”

A zam nasa tawh mai a, mahse, “In puh ngawt chu awl tak a ni. Khawnge fiahna chu?” a han ti leh a.

“Gilman an a thih dawn in thu tawp a sawi.”

“A ni te chuan min haw reng reng a, mitthi thu mai mai. Chu chauh chu?”

Sudden a chuan kawngkhar lam chu a han hui zauh a, kawngka bula mi pahnih lo țhu chu an lo thova. Dawhkan lam chu an rawn pan ta a.

Mipui ho chuan mak an ti nasa mai a. Bull a leh Frail a! Engtizia nge ni ta hlawm an ti rilru țheuh a.

“Bardoe, Olsen a tih laiin i hmu a, han sawi teh le.”

“Drait a tih țhaih tumin mi pakua kan kal a, Olsen a chuan, ‘A awmlo’ a lo ti a, Cullin a hian dawt sawi ah a puh ta a…”

“… Thudik reh chhuah tum chuan a rek ta vak mai a. A rekhlum ta mai a ni. Frail a nen hian kan duh lo a, mahse, tualthah chakin a thinrim tawh si a, thu țha a ngaithla duh tawh si lo. A reh hlum hnu chuan mi pahnih te chu thinga khai turin a hrilh a. Drait a hlauh atan a ti a ni….”

Sudden a chuan Frail a hnenah chuan, “Belh tur i nei ve em?” a ti a.

“Nei lo e. Chu chu thil awmdan a ni.”

Cullin a chu a thin a rim em em mai a, mipui chu a han enkual vel țhin a, hmuhsitna hmel chauh lo chu mipui lam ațangin hmuh tur a nei lo.

“Hetiang dawt sawi tur hian pawisa engzat nge an pek che, Bardoe?” a ti a.

“SP rawk tur leh a neitunu ru bo tura min pek i tiam aia tlem daih,” Bardoe a chuan a han ti a, mipui chu a han enkual a.

“Ka sawi zawng zawng hi Pathian thu ang chiah a dik a ni. Min hrem ve dawn mah ula ka phunnawi chuang lo ang. Thil intih fel dawn phawt chuan. Ka nun dan hi a sual a, ka chhuang vak lo e. Mahse, ramtuileilo a kara ralthuam pawh neilo rehhlum em chu ka sualna hian a huam tel ve lo e.”

Mipui ho chuan, “Bull i ti țha e,” tiin an lo au ta nauh nauh mai a.

Chutah zet zawng Cullin a beiseina zawng zawng chu a bo zo ta. Tunhma a a duh duh a a tirhkah țhinte tak ngial pawhin an sahim nan an phatsan zo ta.

A han hawi vel țhin a. Mipui ho hmel ațang chuan khawngaihna hmel a hmuh loh bakah a hmabak tur chu a hmu tlang vek mai si a. A mitthla chuan Olsen a thi tawh lei vei seh tat a an khai tak thla te chu a hmu a.

Chutah, Draita leh a nula lo it ngawih ngawih țhin hmel a han hmuh phei chuan kut vawt nguai nguai hian a thinlung hi a rawn rek ping ta niin a inhria a. Tihngaihna awm ta ngang lo a a lan tak hnu chuan, thil pakhat a ngaihtuah chhuak ta a.

Judge hnenah chuan, “Drait a te nupa khu a ruk in ka titi pui duh e,” a han ti a,. Judge pawn a lo remti ve mai a.

Drait a te nupa zawk chuan an rawn pan ta a. An lo thlen hma chuan a lo kun nguih mai a, en pawh a lo en duh lo a, an lo thlen chuan…
“Engnge ni ta, Cullin?” Nick a chuan a han ti a.

A lo dah chhuah rual rual chuan, “Hei hi!” tih pah chuan a koki a puakruk pai chu a phawi ta thut mai a. A hmetpuak nghal ta țhuai țhuai mai a.

Chutah, Drait a chu a tlu ta riai riai a. Chutihlai chuan, Cullin a chuan a kut veilamin Mary chu a pawm a, Mary lu ah tak mai chuan a puakruk chu a han chuktuah ta a.

“In vai khan ban phar rawh u. Min tihnat rual rualin a thi ve nghal dawn a ni,”a ti ta a.

Chutah Mary chu a hmaah kal tirin kawngkhar chu a hawn tir ta nghal a. Silai chuktuah reng chung chuan a chhuahpui ta mai a. Mipui ho chuan a ngaihna hre loin an thlir țhap ringawt mai a. An chhuah hnu pawh chuan Sudden a tih loh chuan engmah tihna chang pawh an hre lo.

Sudden a erawh chuan țhutthleng pakhat chu a la thuai a. Tukverh pakhat chu a chhu chhe ta a. Chutah a zuang chhuak nghal vat a, a sakawr panin a tlan ta a. Big Clam a pan ngei a rin avangin chumi lam pan chuan a tlan ve ta nghal a.

Rei vaklo ah chuan a va hmu ta reng a, Mary chu nikhaw hrelo niawm takin Cullin a hmaah chuan sakawr zin a bawkkhup hian ava hmu ta a. An inthlau bawk a, a sakawr chu a chau thuaiin a ring a, a hman hmawh duh vak lo a.

A rin ang ngeiin a hma kawng chho ulh deuh ah chuan Cullin a sakawr chau tak chu umphak mai theih hian a hmu ta a. Kawi a va chhuah leh chuan kawng laia Cullin a sakawr lo tlu reng chu a va hmu ta mai a. Cullin a chuan Mary nikhaw hrelo chu a lo pawm a.
“Ngaithla teh, Green. Ka thu awih lo thei lo in la ni tho tho. He hmeichhia hi ka duh em avangin amah nei tur chuan tualthah hial pawh ka lo duh țhin a. Mahse, chu chu ka ni tawh lo a, ka sa him nan ka hmang mai zawk a ni…

“…En la… ka silai pawh a ruak vek a …” tih pah chuan vawi ruk lai hi a han hmet per a.

“Engnge rawt i tum?”

“Ani hi ka nunna lei nan ka hmang ang e. Him taka ka kal i tiam chuan hmun himah a ni hi ka lo dah ang e.”

Sudden a chuan a han ngaihtuah vang vang țhin a, tih theih dang awm vak hian a hre ta lo a ni ang chu, a tawp a tawpah chuan a remti ve ta a.

Inring em em hian Cullin an Mary kawng chhak lam ko bula a dah tur chu a lo en ran mai a. A han dah zawh chuan a kalsan a, a kutdinglam chu a then sang tial tial niin Sudden a chuan a lo hmu a.

A kawnghren a puakruk a zeh chu a hnaih tial tial a, thui pawh a la kal hma chuan a silai chu a phawi ta thut mai a a rawn kap ta mai a.

Sudden a biang chu a rawn thawi thip zawk hman a. Cullin a silai a puah rual rual chuan Sudden a pawh chuan a lo kap ve bawk a. Cullin a chu silaimu den na avang chuan a hnung zawngin a pai ta chawn chawn mai a.

Aside | Posted on by | Tagged , | Leave a comment

Sudden Plays a Hand – 21

SUDDEN PLAYS A HAND 21
Bardoe a ber a tlanchhiat takah chuan a hote pawh chu a thei thei an tlanchhia a ni tawh mai a. Drait a chuan Mary chu a zawng ta vat vat a. An lo dahna pindan chu a han hawng dawn a, a lo inkalh tlat mai a.

Na deuh maiin a han tlawh țhuai a. A kawngkhar chu a chim a, a lut ta a. Mary chu pindan tawpah chuan hlauh nei hmel tak hian a lo ding khur hlak hlak a.

“Nang elo?” a lo ti a.

“Midang beisei i nei em ni?”

A dik tak chuan Cullin an rawn chhanchhuah a tum ta ngeiah a lo ruat a, “Min rutute zinga mi emaw i nih ka lo ti hman asin!”

A lawm hmel loh em avang chuan a thin chu a rim ta deuh a, “Ni lo, a chhanchhuaktu misual ho zing ami zawk ka nia. Kan thenfai hma chu tah hian lo awm rawh.”

Drait a chuan a chhuahsan leh mai a. Mary chu a han inngaihtuah a, a lo tihdan chu mawi lo hle hian a hria a. Mahse, a bawngrual Shadow Valley a tla chu a mitthla in a han hmu nawn leh a, chu chu engmahin hliah theiin a hre lo. Mahse, a tana beih nasat dan leh a bianga thisen luang te chu a han ngaihtuah leh chuan Drait a chuan a tan a nunna hial thap niin a hre ta a.

Thupha chawi a ba a ni. A inti pachang a, a pasal zawng tur chuan a chhuak ve ta a. Mi pakhat, chhuata lum reng bula lo kun hian Cuilt a nen chuan a va hmu ta a.

“Helai chu i awmna chi ani lo,” a lo ti a.

“Tunge ni a?” tih pah chuan a rawn en hnai a, Gilmana a ni tih an han hrilh phei chuan a kun hnaih deuh deuh a. Gilmana chuan intur a lo dil a ni.

Mary chuan tui a han lam a, mahse, Gilmana chuan, “In tur ka tia lawm, ka pi,” a lo ti a. Whiskey chu an rawn la ta a, a han in pawp a, Mary chuan mittui parawl kiang chung chuan a pasal chu a han en a. Gilmana chuan a lo hrethiam a.

“Engtihmah ka tan a sawt tawh lo. I bawng rual thuah pawi ka ti hle mai. Siam țha thei ni ila…. “

“I thei alawm, Jack, Eddie thattu kha min han hrilh teh,” Drait a chuan a lo ti a.

“Cullin a….a rekhlum a nih kha.. amah ngei…in..ni, Eddie a kha… ka ngaihtuah țhin a, tunah chuan ka.. hun a lo th..leng ve ta a nih… i.”

Cuilt a chuan mitthi chu chhuatah chuan a zalh rem te te a, ama lukhum chuan a hmai chu a khuh ta a. Drait a chuan Mary chu a hruaisawn ta a.

“Cullin a chung chang kha a dik ang em le?” a han ti sap a.

“Dik ang. Khatih hun angah kha chuan tuman dawt an sawi duh tawh ngai lo. Kan kalna tur a thui tham si a, lo hahchawl rawh.”

Amah chauha awm chu a duh mah zawk a. A han inngaihtuah a, a țhian neih chhun nia a lo ngaih țhin Cullin a lah chu khawngaihna reng neiloa tual thah ching mi a lo ni si a.
Cullin a a ngaihdan a lo dik lo a nih chuan thildanga a ngaihdan pawh chu a dik lo mai awm mange. Engemaw a awmzia ni ta ber le? A ngaihna reng reng hi a hrethiam thei ta lo a.

Pawnlamah chuan, “I lo kir leh a, a lawmawm e, Jim, Bull a chu?” tih thawm chu a han hria a, a pasal Drait a aw a ni tih a hre mai a.

“A tlanbo ta nge nge”.

“A mi țhenkhat te pawh, Lanty a telin. Pathum chu phum ngai an ni a, Frail a erawh chu a ban a tliak a. Keini lam chu kan țha e,” Drait a chuan a lo ti a.

Darkar khat hnu chuan kal turin an inpeih ta hlawm a. An chau tlang bawk a, ngui nghiai hian an kal a ni. Thim hnuah Valley chu an thleng ta chauh a. Lindy pawh a lo awm kuk a. Choka an lo vawn țawp zia ngawt mai chu Mary lo hrilh a tum a. Mahse, Drait a chuan chaw ei buatsaih rang turin a hrilh ta zawk a. Mary hnenah chuan, “Zanin chu hetah i riak ang,” a ti a, a chhuahsan leh ta mai a.

Han chhang ve dawn mahse chhan ve hman lek lohin a chhuak leh nghal mai si a. Mary chuan a han ngaihtuah a, a tanna pindan a rawn sut hawn ațang khan inbiak mumalna hun reng reng a siam duh lo lui niin a ngai tlat mai a.

Drait a awmdan a han ngaihtuah chuan a mak mange, a ti rilru a, a nuih te pawh a za lek lek a ni. Chutih lai chuan a rilru chu a nuam vak lo bawk si a. A lo luh leh nghakin a lo țhu kar mai a. Pawnah chuan Sudden an Lindy i a be mawlh mawlh thawm te chu a hre thei a, a ko lut ta a.

“Khawiahnge Mister Drait a?”

“Ele… Midway panin a kal a. A hrilh lo che em ni?”

Mahse, Mary chuan a hrethiam lo deuh niin a hria a.

Sudden a chuan, Drait a an rawn man thute, lungina an khung thu te leh a tlanchhuah leh dan te chu Mary a han hrilh a. Ama chet vel dan erawh chu a hmaih deuh zel a. Ngun fahran hian Mary chuan a lo ngaithla a, a sen awp awp mai a.

“Chuti chung chuan i kal tir a maw?!” a lo ti ha mai a.

Nuihza insum chung hian, “Tihah chuan, puitling a ni a, tihtum a neih tawh chu a ti thei zel alawm. I bawng chungchang….,” Sudden a chuan a han ti hman chauh a.

“Aw… bawng mai mai.. min ngaidam rawh, bawng chu engtin maw?”

“A ru lova, mi ruk sa a khalh haw mai zawk a ni. Heta daha barakhaih che a tum zawk a ni.”

“Chuti chu, Yorky a nen khan in lo va hmu ngei ani maw?”

Nui chungin Sudden a chuan, “Hmu e, ka hrilh che chuan Nick a tum dan a khaw lo zo dawn si a, kan la hrilh lo mai che a ni.”

“Lungina kir leh chhan chu ka la hrethiam chuang lo.”

“Tlanchhiat chu thiam loh entirna a ni si a, a tawn tur chu hmaichhana tawng turin a kal a ngai alawm,” a lo ti a.

“Ka hrethiam ta e. Tunge chutiang a lo puh tu chu?”

“Sheriff. Cullin a fuihin a ti a ni.”

“Mahse, chu mihring thiltih in hriatchhuah…”

Sudden a chuan lu thing chungin, “Bawng ruk hi thihna thlenga hrem theih thil a ni a. Cullin a thil lo tih tawh emaw, a la tih turin emaw i bawngrual Shadow Valleya lo awm kha a sawifiah zo lo a ni.”

“Rukpui tu lek an ni. A thu hrimah an hotupa chhan chhuah theihna tur a nih phawt chuan a dum pawh a var a ni an ti duh ang tih hriatsa a ni si a.”

“A nih loh leh kei min han ruk khan enge inzawmna a neih?”

“Ele… a lama i țan palh tak hlauhin an ti a ni mai alawm.”

“Hlauh takin a? Ka țang ang chu, ka țan loh te chuan.. engtikahnge rem an tum reng reng a?”

“Naktuk zingah a ni ang. An khawtlai ngam lo ang. Kan vaiin kan kal dawn a nia. Kan thudang a lai chuan Nick a hi pa pui tak mai a ni na in a chang chuan thil hi a chik lo deuh hlek țhin a ni.”

A mitmeng ațang chuan a khawngaih a ni tih Mary chuan a lo hrethiam mai a, “Jim, ka lawm e. Kan chhanchhuak tur a ni,” a lo ti sap a.

“Teh reng mai. An hriat loh thil engemaw tak pawh barakhaih tur ka nei maithei asin!”

Midway khawlai zan thlaengah chuan pawisak nei awm lo taka Drait a sakawr chung chuang bak chu han hmuh tur pawh an awm mang lo.

Țhenkhat ten an lo hmuh chuan mak an ti a, an mit pawh chu an ring zo lo emaw tih tur hian an han nuai țhin a. Draita a ni ngei a ni tih an hriat hnu chuan a hmu apiang chuan an zui ta zel mai a.

Tanin ațanga a chhuah dan te chu sawi nasat a nih tehlul nen, chutia ama thu a lo kir leh ta mai chu engemaw tak chu a awm dawn a ni ang tih an ring hlawm a. Ani lah chuan min an zui tih pawh hre lo ang mai chuan Merker a dawr kawtah chuan a chhuk a, a dawr chhunga lo awm ho pawh chu Drait a lo luh veleh chuan an lo ngawi țhap hlawm a.

Merker a ngei pawh chuan mipakhat zu thlit tuma um a lo lek lai tak hi a ni a. A um ken lai chu a thlauh țhelh nghe nghe a ni.

“Ta he haw țhin a aw… Nick, i â ta em ni?”

“A nang mawle. Ka tui a hal chauh a ni.
Khawnge Tluma hi?” Drait a chuan a han ti ve a.

“A lo lut chiah a nih hi.”

Inti pawimawh fahran hian Camort a chu a lo lut ve mek a ni. Puakruk chu a rawn hum lut vu mai a, a lawm hmel em em mai lehnghal a.

“Tak tak a lo ni maw le? Drait, i ban phar vat rawh!” a rawn ti nghal a.

“Khanglang a che, Tluma, ka duh lo chung min man ang zia zang a. Keimah ka rawn inpe a, ka rawn zawng che a nih hi. Dollar sangnga chu ka la duh nghal a nia.”

Sheriff chu a han meng pual vel a, “Engah ngawt ngawt maw?”

“Ele, keimah ka rawn inpek vangin mawle. I tan phei chuan a beidawn thlak hle ang chu. Mahse, hetiang hi ka duh dan a ni miau a, a thu hrimah min manna tur lawmman in phal kha tu tum tur nge? Khawtlang nge mimal?”

“Nanga hriat tur a awm lo,” Camort a chuan a lo ti chhum hmuk mai a.

Mahse, Pilch a chuan a lo chhunzawm a, “A ni maithei e. Mahse, vantlang pawisa i hmang a nih chuan kan hre duh e,” a lo ti thuai a.

Sheriff chu a awk ta mai titih si a. “Vantlang pawisa a ni lo. Mimal pawisa a ni a, mahse, inthup…” a ti hman chauh a.

“Cullin a lah hi inngaitlawm ta reng reng,” Drait a chuan a lo tiel a.

Sheriff chu a thinrim ta em em mai a. “Nang teh chai pawh hi eng han sawi ngam tur nge maw i nih le? Nula țanpui anga langa rawk leh si i nih hi,” a ti ta a.

Tun țum chu a hit fuh zek mai. Drait a chu a sa kher mai. A kuttum chu a hum ruh a.
“Tluma, min kahna chhuanlam i zawng reng tih hrelo ila chu, i ha zawng zawng kha ka hnek bal vek anga, i lei kha i hrawkhrawl ah ka nem pil vek tur hi a nia… mahse, ka hah deuh avangin mut ka duh e, ” a ti ta a.

Sheriff chuan a no dawm lai chu a han tlak pup a, a hote hnenah chuan, “A ban a then hlek pawhin kap chik hrup ang che u,” a ti ta a.

Pilch a chuan, “Ngawirawh, Nick, ka rawn thlah ang che. Tluma, thil dik lo deuh i tih vaih chuan naktuk zingah i chungthu ngaihtuah a ni ang… i siamtu in…,” a lo ti a.

Camort a chuan a mitang chu tanina dah fel a, vengtute a dah fel hnu chuan judge hnenah a han leng a. Mak angreng takin a ni pawh chu rui lo hai lo hian a lo awm ve teh tlat a.

“Amah in a rawn inpe a maw? Chhan țha tak a nei a ni ngei ang,” a lo ti a.

“Chutiang chhan țha neih loh tir chu i mawh alawm… Cullin..”

Judge chuan a ban phar meuhin, “Ka mawh chu dan ang taka rorel hi a ni mai. Nanga Cullin a hi ka tan chuan mi tlimpui zinga pakhat ve mai a ni asin. A hming hriat ringawt pawh hi ka ning tawh a, sawi tawh reng reng suh,” a lo ti hlur mai a.

Camort a chuan chutia an pu ber, judge in a han ti ngam ta mai chu mak a ti hle mai a, “Ka lo ngaihdan..” a ti hman chauh a, Towler a chuan a lo pawt chat leh thuai a.

“Mi ti lutuk palh ange. Zingah an thu chu ka ngaihtuah ang. A tlanchhuak tawh em lo ang chu maw…” nangmah pui pawh hi i muhil hi inven tir rawh. Nula erawh chu a awm lo ang.”
“Ni e.”

“Loh theih lohna avanga hren kan ti mai ang chu.”

Aside | Posted on by | Tagged , | Leave a comment

Sudden Plays a Hand – 20

SUDDEN PLAYS A HAND 20

Shadow Valley lamah chuan tukțhuan an ei kham ve chiah a. Drait a leh Sudden a chu gate lam pan chuan an chhuk a. Cuilt a chuan gate chu a lo veng reng a, vei nei riau hmel hi a pu a.

“SP bawng bo hi i kawl rei lo ang chu maw Nick, chaw kan neih tlem bakah ka ngaih a țha lo riau a nia,” a lo ti a.

“Kan kawl rei lo ang. Saw, tute nge ni ta pek?” Drait a chuan a han ti a.

Sakawr chung chuang sawm lai lo kal chu Sudden a chuan a han en vang vang a, “Sheriff a nih saw. A rawn hruai tam danah buaina engemaw a awm dawn a nih saw,” a ti a. Drait a chuan, “Buai thutah midang han ko teh, Cuilt. Mahse, an thu chu kan
ngaithla phawt a ni ang chu,” a lo ti bawk a.

Hote a ngah bawk a, ngampa fe hian sheriff chuan gate chu a rawn hnaih ta a. Drait a chuan a sakawr zin rah chhana chuang sang chung chuan, “Engnge in duh?” a lo ti a.

“Nangmah. Man theihna che lehkha ka nei.”

“Teh fo chuan….a ngai hlira thil tih nawn fo pawh hi ning pawh i ning em em tawh lawm maw ni le?” Drait a chuan a lo ti a.

“Hei hi chu a tawpna a ni tawh ang. Hawng vat rawh. Kan lo lut dawn”

“I ti maiah.. paruk chauh kan ni. Mahse, kan țha tlang e. Tin, pal hi lawn mai har tak a ni bawk. Khawnge, i warrant chu kan lo en teh ang,” Drait a chuan a han ti a.

Sheriff chuan a han entir a, “A ngai bawk maw? SP bawng ru ah maw min puh? Thil thar i rawn phuahchawp leh ta a ni maw?”

“I lo khalh sawn loh nan kan rawn veng dawn.”

Drait a chuamn Sheriff hote chu a han en vang vang a, “Hei, a zatve chu Big C mi an ni maw? Cullin tirh i ni lek maw?” a han ti a.

“Min ti khawtlai mai mai teh suh. Hawng vat la, bawng chu ka duh a ni.”

“Thuhretu atan maw? Thlan tur ka siam sak ang che. Roreltu in thu a tihtluk hma chu bawng chu hetah hian a awm ang a, kei ka inpe thung ang. Chumi a nih loh chuan i uicho chu han chhuah chhin tehreng.”

Camort a chuan a han ngaihtuah vang vang a,. Cullin a bulah kha chuan a țawng pawr hle tak na a, hlauhawm a han hmachhawn meuh chuan a zuai leh ta ruai mai a. Silai kahthiam țhelh țhawlh paruk leh Sudden a hmel, a tu ber hi nge ka thah hmasak ang ti ni awm tak chu a han en a, a dawl ta nge nge a.

“A țha tawk bawk alawm,’ a ti ve ta a.

Drait a chuan a hote chu a han enkual a, “Hei, keima duhthu in ka kal dawn a, hnunglam ațanga min kah vaih chuan….”

“Keipawh ka kal ve dawn…. Thil tenawm tih an tum vaih chuan Midway chuan sheriff an nei lo nghal a ni mai,” Sudden a chuan a ti ta a.

Camort a chu a han meng rum ve tak na a, a bak tihngam tak tak nei chuang hek lo. Duhlo teh mahse, zawm lo thei ni hek lo, Drait a chuan a silai paina kawnghren chu a hlip a, a foremen hnenah chuan a pe ta a.

“Kha kha lo enkawl la, Valley pawh hi lo kal tum apiang lakah lo veng bawk ang che,” a ti ta a.

“Tehreng mai. Mahse, Nick, i thu phei chu a ni na a, kei chuan han nuai deuh mai ka duh a…,” Cuilt a chuan a lo ti a.

Chumi hnu chuan an kal ta a. Drait a te pahnih chu katcheh in sheriff hote chu hmun hnih ah an ințhen a. Drait a chuan, “Tluma nge nge…. fimkhur țhin ngawt mai. Ngawiteh, Jim, i tidik leh ta a nih hi. Ka ât vang vek a nih hi. A thu hrimah tunge maw lo hre hman pek le?” a han ti a.

“Tuin emaw in rawn khalh haw lai an hmu a ni phawt ang. Tun țum chu a pawi thei tlat mai.”

“A dik khawp mai. Bawng ruk hrim hrim pawh a țhat loh tawh nak lai a, ka hmeichhe…. țhian ta ruk leh nghal phei chu a țha lo lehzual…. a diktak sawi ila tun an awih dawn bawk si lo.”

Khua an va thlen chuan mite chuan an lo en duh hlawm viau mai a. Drait a chuan a han en vel țhin a, a hmelhriat țha tam tak chuan a mit takah an en hreh deuh niin a hre hlawm a. Chu chu, thiamloh an chantir rilru niah a ngai a ni. Mahse, Pilch a erawh chutiang a ni ve lova, a vengtu zat chu a han en vung vung a.

“Drait a te ang mi tla dah mai mai man turin sawm chauh a ni maw i hruai, Tlumtherh? Nangmah ber hi kan chan ang che tih a nih hi hlauhawm ber le, nuihzat tur kan nei dawn lo a,” a lo ti lur lur mai a.

Sudden a chuan Drait a chu lungina an han dah fel hnu chuan tan in awmdan te chu hrechiang tawk bawk in a inhre ta a. Valley lam pan chuan a haw leh ta a. Chutah chuan thildang khirhkhan takin a lo hmuak ta a.
A pi, Mary bo thu chu Yorky chuan a rawn sawi ta si a. A tirah chuan a zing leng emaw a ti a. Mahse, a khumte an han en a, zanah mut nan a hmang lo tih te an hre ta a. Tichuan, ranch chhung zawng zawngte an zawng vek tawh a. Yorky a chu foremen pawh hrilh loin a lo tlan hial a lo ni a.

Thil kalhmang a han thlir vang vangin Sudden a chuan a ruka rukbo a nih a ring nghet ta a. Sakawr amah a lo haw tih te kha chu hruaibo tum nan Sturm an emaw a chhuah a nih a ring a.

“Thildang tihtum an nei bawk a nih hi. Yorky, hna kan nei tihna a ni… ni love, Cuilt, i kal a ngai lovang. Pahnih kan nih chuan a tawk e, midang chu lo mu ula, naktuk zingah kan chhuak dawn nia.”

Chumi zan, zan rei lamah chuan sheriff chu a mi man lawmna vel a lo in tam deuh bawk a, nguai bur hian ama pindan ah chuan a zi uan uan mai a..

Chutihlai chuan kawngkhar rawn kik keuh keuh thawm hi a hre ta a. Pai deuh țuang țuang chung chuan kawngkhar chu ava hawng ta a. Puakruk hmawr hian a ha chu a rawn tauh bal lo chauh hi a ni mai a.

“I țe vaih chuan thlain i thlawk nghal mai thei a ni,” hmaituam hian a rawn ti ta mai a.

Eng han sawi thei dinhmunah mah ding tawh hek lo, a kut kawl bun tur te pawh chu a dawh ta zel mai a. Ama rawmawl ngei mai chuan a ka leh a mit chu tuamin a țhuttlengah chuan kalsawn thei lo tura phuar beh tlat a ni bawk a. Dawhkan a chabi bawr a lak pah chuan lehlha hi a lo inpharh a, “Nula chu kan la tawh a, thubuai chu lo tifel rang rawh, C” tih inziak hi a hmu ta a, a ipte chhungah chuab a ak țha ta a.

Pawhdawh chu ahan hawng leh a. Dan bu hi a lo awm a, a han keu a, khawilai emaw chu a en nauh nauh a, a dah leh ta mai a. A țhianpa awmna pindan lam nia a rin kawngkhar chu a han hawng dek dek a.

Kawmchar tawpa kawngka pui chu, thir kawngkhar a inkhar bum hian a hmu a. Kal pheina sir lehlamah chuan Drait a chu a awm a ni. A piah leh deuhah chuan deputy sheriff ho tang veng chu an ri nak nak bawk a.

Dimte chuan a phei a chabi chuan Drait a awmna pindan chu a han hawng a, Drait a chu a lo muhil a, thawm nei hlek lo a a kaihthawh a țul si. Pasalțha ho tih danin a beng veilam hnuai ah hian ava nem a, engmah sawi lo chuan a lo harh ta mai a.

“Jim a ka nia. Thawm dim tein min zui rawh,” Sudden a chuan a han ti a.

Drait a chuan i he loin a zui nghal a. Sheriff awmna pindana phuar hlawm renga Camort a lo awm chu a han hmuh chuan a nui char char mai a. An va chhuah chuan Yorky a chuan Drait a sakawr, sheriff sakawr huanga lo awm chu a zin te lo bel fel diamin a lo nghak a,. Minute nga lekah chuan khua chu an chhuah san ta a.

“Valley kan thlen hunah thil engkim kan la sawi dawn nia,” Sudden a chuan a ti mai a. Hman hmawh takin an tlan ta a.

Valley an thlen a, in an han luh hnu chuan thil awm dan chu a hrilh ta vek a.

“A zawn naah ka tel ve duh in ring a ni maw? Ka lawm kher mai,” Drait a chuan a ti hial a.

“Lung inah i tang rei a, i â zo tawh a nih hi mawle. An duh tak chu, i chungchang an ngaihtuah huna Mary awm loh chu a ni ber a. Chutianga a awm loh ngat chuan nang chu bel chhunga sa ang i ni dawn asin,” Sudden a chuan a lo ti a.

“Chu chu an rukbo chhan a nih i ring a maw?”

“Ni chiah e. I lama a țan an hlau a ni. Court ah chuan mipa deuh vek an awm a. Mary, hmeichhe lo awmchhun tur chu a chhe zawk zawk lo a nia. Nang hi erawh chuan a chhiat a țhat pawh i hre bar awm lo e.”

Chutia a țhianpa han fiam dan kher kher chu a zak ve deuh a ni ang. Drait a chu a lo sen deuh ap ap a, “Tun țum chu i tihdik loh ve țum a ni ang,. Jim, thil dang?”

“Hei hi” tih pah chuan jail dawhkana a lehkha hmuh chu Sudden a chuan a han phawrh a.

“Cullin a a ni pek maw? A lo tihnat vaih chuan a thinlung tak kha a nia ka khei chhuah ang ni!” Drait a chuan a ti ta sak sak mai a.

“I hmuh theih chuan. Engpawh nise, tuna kan hna chu Miss Darell i chhanchhuah a nih tak chu.”

“Inthun puar rawh u le. Kan vaiin kan kal anga, silai kan keng țheuh ang. Ranch chu a awm awmin lo awm mai rawh se,” Drait a chuan a ti ta a.

SP an lo thlen chuan kawl a eng țan det det a. Tumah an lo awm lova. Sudden a chuan midang chu a bihruk tir a, amahin in chu ava hnaih ta a.

Bathlar ațang hniak hnu chi hnih hi a va hmu a, pakhat chu, pheikhawk ke artui te takte a nih avangin hmeichhia a nih a rin theih mai a. Sakawr chungah an chuang a, an kal thui vak hmai meizuk bung paih lo awm ram chu an va hmu ta a. Chuta țang chuan, ho khat in an rawn fin leh a ni tih a chiang a. Sakawr hnu zinga pakhatah chuan kraws lem hi a chuang kalh a.

Tichuan, hnu chu an chhui ta a. Khawilai laiah emaw chuan hnu hmuh hleihtheih hlek lohna lai te a awm avangin an vaia sakawr ațanga an chhuka han kal kual vel te chu a ngai țhin a, an duh angin a hman hmawh hleih theih hlek loh mai a.

Mahse, zawi zawi in an chhui zel a. Chutah, chirhdup hmun an va thleng ta a. An hnu chhui chuan a kawh siah avangin Drait a hmanhmawh chuan han paltlang mai hi a tum a, mahse, Sudden a chuan a lo chelh a.
“Ngawiteh. Sawlai hnim saw a hring dup a, helaia mi hi engvanga ro bik nge?” a lo ti a.
“An ni pawh an kal tho alawm”

“Pahnih chu an kal ngei a., mahse, an kir leh a ni. Hei, Nig a hian a hria a nih hi.”

Sudden a sakawr dum chuan a hlau hle hi a lo ni a, a ke chu a per sek mai a. Nick a chuan, ama sakawr ke chu a han en nak chuan a kheimit thleng lai hian a lo pil tawh mai a, a tawlh chhuak ta vat a. Sudden a chuan hmawlh te takte hi a la a, a han vawm phei a, reiloteah chuan a pil bo ta daih mai a.
“Zan thima kal nan chuan a nawm vak dawn loh hi.”

An han kir leh a, kawngțum an hmu ta mai a. Thui vak an kal hma chuan ngaw kara meikhu lo zam chiai chiai hi an hmu ta a. Kal pah chuan an rifle te chu an en fel sang sang a. An va hnaih deuh phei chuan faifuk thawm te pawh an hre ta hial a.

“Kan sakawr te hi ngaw hnuaiah hian kan kalsan mai ang a, tlanchhiat an tum taka lo dang turin Cuilt a, Shorty a leh Smoky a te hian hnunglam saw va chang ula, in hmun țheuh a in awm fel nan minute sawmpanga țheuh hun kan pe ang che u. A bak chu silai rik dan ațangin in chhui tawh ang. In ngaihdan danin in kal ve tawh mai ang chu,” Sudden a chuan a han ti a.

Minute sawmpanga chu reife hian an hre mai a. A ral hnu chuan, in chu an pan hnai ve ta a. Kawt zawl an lo chhuah dawn chiah chuan Drait a chuan, “In awm em ?” a han ti a.

Rang fahran hian rifle keng chung hian Bardoe a chuan kawngka chu a rawn hawng ta a, a lo lang a, “Tunge ni? Ban phar chungin lo hnai rawh,” a rawn ti ta khur khur mai a.

Drait a chu a lo pen chhuak ta a, “Bardoe, min hria em? Min hria tiraw?” a ti a.

Mak ti tak maiin Bardoe a chu a meng hru mai a, “I tal chhuak leh ta a ni maw? Eng nge i duh?” a han ti hu mai a.

“Miss Darell i mawle. Daw duh ting suh. Hetah a awm tih ka hria, Cullin an a phatsan tawh che,”

“Chuti chu keima thuin ka kal mai ang. Thi puar rawh,” tih pahin Bardoe a chu inchhungah chuan a zuanglut ta nghal a.

A zuan rual chuan a han kap ta nghal țhuai mai a. Drait a beng bulah chuan a thawi fua mai a. Chuveleh, tukverh ațang te chuan an rawn kap țak țak hlawm a.

“Nick, Yorky nen tukverh hi kan tum ang a, Long a nen khan hmun dang lo tum ve ta che u,” Sudden a chuan a han ti tuar tuar a.

An inkap bawk viau chuan lang mahse, pawn lama țang ho te chu an la him zel rih a. Inchhung a țang ho erawh chu an che fuh tehchiam lo. Pahnih chu țangkaina nei thei lova hliam an ni a, a dang pawh an hliam nual bawk a ni.

Bardoe a chu a vei vut vut mai a, Drait an a ban veilam a hliam tawh pa chuan, “Nula hi hrui ula i tlanchhe mai ang. Min rawn um leh kan lo lambun mai ang a, kawmchar lam saw a chhuah theih em kan en teh ang aw?” a rawn ti a.

Himna awmchhun ni a a hriat avangin Bull a chu a bu nghut a, Frail a kal hnu chuan Cullin a chuan a phatsan ta tak tak em ni ang tih chu a ngaihtuah vung vung mai a, “A sahimna tur chuan min phatsan duh em em ang,” a ti rilru a, “A…khawiah kher nge maw Frail a pawh chu a awm le?” a ti a.

Chutih lai tak chuan fimkhur lo zet mai hian Frail a chuan kawmkar kawngkhar chu a va hawng a, ava dak chhuak duk duk a.
Chuveleh, Yorky, pawnlama lo chang reng tu chuan a pistol kawmin a lu ah a lo chhu ta a, Frail a chu nikhaw hrelo in a lum ta hal mai a.
“Pakhat chu… a dang leh…,” tumah an lo lawr leh ta lo a, “Engtinnge kan tih dawn?” Yorky chuan a han ti a.

Silai ri a reh lai tak chuan Cuilt a chuan, “An lo chhuah duh loh chuan kan luhchhuak anga a ni mai lawm. Nick a kan hrilh ang e,” a ti a, silai chu awmze nei takin an lo kap țhuai țhuai bawk a.

Cuilt a tum ber chu kawngka pui ber ațanga luh hrawih mai chu a ni a. Ava su hawng ta hrawk mai a. A han lut chiah chu kun hman lo se chuan rifle kawma lo chhut tum pakhat chuan a luruh chu a chhu keh hman der dawn a lo ni.

Mahse, Cuilt a chu a lo kun hman hlauh mai a. Silai pawh inkah nan a hman hleih theih tawh lo. A kawma in chhut chawrh chawrh chu a ni tawh mai a. Kut leh ke leh silai kawm hmang chuan an inphek sual ta chiam mai a.

Bardoe a chuan Shadow a a lo tihdan kha a hre reng a ni chek ang chu, Yorky a ber kher chu a tum tlat mai a. Taksa ruangam ah khan mawlh hek lo, han țang fe teh mahse, a chau zawkah Yorky chu a țang ta nge nge a ni.

Chutihlai tak chuan Sudden a chuan mi pakhat chu a lo tukthlu fel chiah a. Bardoe chu a rawn pan ta nghal a, “I tiat pui deuh te pawh hi bei ve la,” tih pahin a kuttum ruh zet chuan a rawn hnek ta chawrh mai a.

Bardoe a chu a pai chawn chawn a, a khabeah tak chuan Sudden a chuan a han chhu zui leh bawk a. Bardoe chu a tlu ta ruah mai a. A lo tho leh tur chu a hawi vut vut a, a chan chauh tawh zia chu a hmu ta a.

A khingpui pa chu bawh buai vaka tlanchhua mai chu a tum ta a. A tum ang ngei chuan a tha tawpin a rawn bei a. Tichuan, a bul hnai tukverh ah chuan a zuang chhuak ta a. Sudden a pawh chu a zuang chhuak ve nghal vat a. Mahse, ngaw hnuai lam pana a mi um a tlan danah chuan rilru dang a nei ta a.
Ke a um lo chuan a sakawr lam a pan ta zawk a. 8B lam pana a tlan a rin avangin a lo chang ta zawk a ni.

A rin ang ngei chuan sakawr chunga chuangin Bardoe a chu a lo lang ta ngei mai a. Sudden a chuan a khungpui pa chuan indinchilh a inbeih a ngam beiseiin a han inlan ve ta ngat mai a. Mahse, Bardoe a rilruah chuan inbeih chilh lam awzawng a lo lang lo a, a tlanchhe ta zawk a. A sakawr dum nigger a umphak loha a tlan theih a inring khanglang chu Sudden a chuan a lo nuihzat ru hle a. A um ve ta nghal a. A rin loh takin chirhdup hmun lam chu Bardoe a chuan a pan ta tlat mai a. Sudden a pawh chuan a sakawr chu a tur chak sauh sauh a.
Bardoe an chirhdup hmun a thlen chiah chuan an inkar chu hlamthum zet chauh hi a ni tawh a. Mahse, Nig chuan hlauhawm chu a hriat avangin a ding ta chawih mai a. Bardoe pawh chuan a tihsual chu a hre ve ta chiah a ni.

Chulai hmun ațanga chhuah tuma a sakawr a han khen nasat poh leh chirhdupah chuan a pil thuk ting a ni mai si a. A sakawr phei chu a lu chauh hi a lang tawh a. A mangang lutuk chuan, “Min kap ta che, zawnga,” a han ti ngawt a.

“Olsena thahnaah khan i tel ve em?”

“Cullin a thah a nih kha. Awm chu awm ve a, ka remti lova, mahse, min pawisa duh lo a ni.”

“Chhanchhuak ta che ila, ka thu hriat duhang chu min hrilh vek duh ang em?”

“Engkim ka hrilh vek ang che.,ka tiam che. Hmanhmawh lul teh.”

A sakawr chu lan pawh a lang thei tawh lo a, amah pawh chu a ban phar takah chuan a va phihawk ta chawt mai a. Ani chuan lawm fahran hian a lo pawt thla sawk sawk a. A zakhnuai thlengin a phih thla ta a. Tichuan, zawite hian Nig a chuan a hnukchhuak ta a.

“Ka ti thei ngang lo a ni. Mipa leh mipa chu inhmachhawn chuan tumah ka hlau hran love ka ti țhin a, dawih min ti awm e!” Bardoe chuan a han ti a.

Sudden a chuan a lu a lo thing mai a, “Thihdan rapthlak tak a ni. I vaihlo a huh hmel em mai,” tih pah chuan ama zial sa chu țan sakin a han pe ta a. Lawm tak leh makti takin Bardoe chuan a la a, “Mi mak tak chu i ni e. Nichin lawk kha chuan min thah i duh si a,” a han ti a.

“Hum duhna che ka nei tlat a ni. Ka thutiam chu kei chuan ka ti ta a ni.”

“I ti chiang khawp mai. Nungdama awm hi a țha e. Engnge tise min tih?”

Sudden a chuan a han hrilh a. Bardoe a chuan, “A nih tak chu. Engpawh ka chungah thleng dawn se, ka ti ang,” a ti ta a.

Sudden a chuan a kalsan ta a. A kal hnu chuan Bardoe a chuan a bulah chuan vaihlo bawm hi a hmu a. Sudden a dah a ni tih a hre mai a.

Aside | Posted on by | Tagged , | Leave a comment

Sudden Plays a Hand – 19

SUDDEN PLAYS A HAND 19

“A vau chuan min vau khetr teh suh, Greg. I ngaihzawng chu ka lo la bo ang a, in inneih hunah ka la lam ang chu mawle,”Bull a chuan a ti ta a.

Cullin a kal hnu chuan, “Sangthum mai chuan i va la chhuak dawn lo em! Misualpa!” a ti zui nauh nauh a. A tuk zingah chuan Cullin a chuan tukțhuan pawh ei loin Midway lam a pan ta a. Ama office a Camorta lo zi mai mai chuan Cullin a a lo hmuh chuan a phu deuh zawk a.

“E khai! Greg, thil thar a awm deuh elo?”

“Aw… kan rek fuh ta,”

“Tu maw?”

“E le Drait a. Khawiah nge i thluak i dah țhin?”

Camort a hlau leh inthiam lo bawk si chu a zi nguai nguai a, “Khi mihring khi, rul hnawih nal ang maia man ngheh har leh hlauhawm ania…” a han ti a.

“Hmeichhia ang maiin chutin riat nuah nuah teh suh,” tih pahin Cullin a chuan thil awmdan chu a han sawi vel a.

“Duhthusam in kan rek fuh ta chu a ni a, mahse, nula khian min phatsan leh si chuan….”

“A lo lang lo ang. Ka tifel vek tawh. A bawng ruk thu a rawn report na leh a rutu man tura a ngenna avanga i tih tur chu ti tur i nih chu.”

“Ka va hrethiam….”

“A â ma ta che…. Anin kei min hrilh a, i hnena sawi turin. Chu chu keiin ka hrilh chhawng leh che a nih chu. A awm ve dawn loh avangin pha thei dawn hek lo.”

“A ni dawn tak e. A ni duh dan chu engteh vak a ni lo a. Vantlang tana țha tur thil chu ka tih tur a ni mai tak e….”

“Ni reng ang chu. Zingah Drait a chu man la, lungin ah khung la, chhuak leh mai mai lo turin. I chhuah tir leh vaih chuan i chak lo hle ang.”

“A nih, man chu lo duh lo ta sela?”

“Ka mi te paruk khuaah hian an awm a, chhawr mai rawh. A hnial chu ka ring vak lo a, mahse, a lo hnial a nih pawhin a thiin emaw, a damin emaw i man tho tho tur a ni.”
“A ni dawn tak e. Ka duhdan tak phei chuan khaihlum nghal asin ka duh.”

Cullin a chuan judge Towler a chuba han tlawh leh a, thil kalhmang te chu a hrilh ta vek a.

“Mister Cullin, dan huam chhung chin chauh a ni ka dai dawn ni,” Towler a chuan a lo ti a.

“Chutiang bak ti turin ka tir tawh che em ni?”

“Tir lo e. A sawt dawn lo tih i hriat avangin. Engpawh nise tun zawng kan mihring pa chu dan ang thlap in kan nghaisa thei dawn ta a nih chu.”

“Sheriff nen in kutah a awm ta a nih chu. Tun țum chu a tal chhuak thei tawh em lovang chu maw.”

Zanlai a pel țep tawh tih chuan SP ranch in thlen hma deuh lawkah hian mi palhat hi a sakawr ațangin a chhuk a, sakawr dang a kaih nen chuan a sakawr chu a han thlung dun a. Dim te hian in lam pan chuan a kal phei ta țhem țhem mai a.

Bathlar a han chuang kai a, hla deuh ațanga a lo hmuhdan ang chiah khan pindan khat chauhah khawnvar inchhi chu a lo awm tak tak a. Chu pindan tukverh darthlalang ațang chuan a han bih a, a neitu nu, țhutthleng seia lo mutthlu bam mai leh, chhuata pawisa hmih leh hmanchhuah ziahna bu tla ngat mai chu a hmu thei a. A duh ang takin țhutthleng pakhatah chuan a lukhum leh kawrchung chu a lo inbang lehnghal a.

Kawngka chu a han hawng a, a lut ta a. Mary muhil a lo harh veleh chuan, “Ngawi chip cham la, i na lo mai ang,” a han ti a.

Mary chu a han tho mai dawn a, a hmai bul chetah chuan puakruk hmawr hi a hmu ta mai a. Silai kengtu lah chuan a lukhum chu kum fe hian a khum a, a hmui lah a tuam tlat si a.

“Enge i duh?” a han ti hram a.

“Thuawihna. Chu mai chu. In ha la, kan chhuak vat dawn a ni. Vawikhat pawh i țe chuan i țe tawpna a ni nghal ang.”

Han au tehreng pawh nise Lindy chu tui ti takin a hnar tliah tliah anga, Milton lah choka piah inte a riak a ni bawk si a. A hrepha dawn bawk si lo. Sturm a khan zankhuain bawng vengin a hote chu an chhuak dawn a ti bawk si.

Tichuan, a han inha a, an kal chu a ni ta mai a. Sakawr chungah chuan chupa chuan a han hlang a. Thui lo te an kal hnu chuan kawngsir ațang hian mi pali sakawr chungchuang vek hian an rawn zawm ta a. An hnung chu an rawn dal a.

A thim bawk a, Mary chuan khawilam hawiin nge an kal pawh a hrethei lo. A kawng kawi dan ațang erawh chuan a kal ngailohna kawng chu niin a hria a. A chauin a rilru chu a beidawng ta em em mai a. Mumang ang deuh ruai hian ngawi rengin a kal ve mawp mawp mai a ni.

An kalna kawng chu inzui diah diah a an kal danah a te bawk a nih a ring mai a. Mahse, a bul a kal chu a fimkhur hmel em avang chuan a thlamuang sawt a. Lehlamah chuan chupa chu Bardoe a a nih hmel riaua a hriat avangin a țim deih sung sung lawi a.

Reife mai hnu ah chuan eng hi an va hmu ta a. An han thlen chuan an chhuk ta sang sang a. Mary pawh chu a han chhuk dawn a, a lo khawng em em mai niin. A bula mi chuan lo dawm lo phei sela chuan a tlu ngei tur hi a lo ni a.

“Ka țha e,” tiin a dawm zel tur chu a lo hnar a.

“I ti țha khawp mai. Chaw leh meilum a awm ang,”

“Mut a ni ka duh chu. Khawnge ka tanna in tur chu?”

Pindan te tak te ah hian an hruai ta a. A bang te chu a phui țha em em mai a. Sathau khawnvar an han hal chuan khuma kawmawl intel leh țhutthleng, tui chhawpna bur leh inhrukpuan țet tawh, fai erawh chu fai hmel tak hi a han hmu a. Bangah chuan darthlalang khi ruah tawh hi a lo inkhai bawk a.

“Ka pi, a nawm phei chu a nuam vak lo ang. Chhuah erawh chu tum duh suh. SP leh hemi inkar hi chirhdup hmun a ni a, pindan kalhna chabi hi ka ak dawn a, thlamuang takin mu rawh.”

“Engvanginnge hetia min lak bo mai ?”

“Ka hre lo. Ka sawi theih chhun chu buaina i siam loh chuan keini lam chuan kan tibuai lo ang che tih hi a ni mai,” a lo ti a.

Bardoe a chuan kawngkhar chu a han kalh a. Chaw eina pindan lam chu a pan ta a. Ava kalpui mipa te chuan chaw an lo ei mek a. A va kil ve ta a. Midang pali pawh chu an lo awm ve a, pakhat chu Gilmana a ni a.

“Lal tura insiam sa at in a lo awm maw ni? Bull a hi chu a vannei thei pek asin mawle,” Gilmana chuan a han ti a.

Lamond a chuan, “Chu a chhapah, Bull a chu a enkawltu tura ruat fel a ni lehnghal mawle,” a lo ti a.

Midang te chu an lo nui dar dar a. Mahse, Bull a nuih chu a za ve lo a, “Beau, zankhat chhunga mi â i nih hrilh nawn fo che hi ka duhlo a nia,” a han tifuk a.

Gilmana hnenah chuan, “He nula hi a rothap hrep a nia. Kan lokalna hi mipa tam tak pawh chauhna tham a ni a, mahse, engmah a sawi lo,” a han ti a.

Lamomd a chuan, “Bull, chutia han thinrim na tur a ni hleinem. Tihah chuan, Drait a hi mithianghlim a ni hran bik lo a, nula te chu tunah te pawh hian a khua a har viau maithei asin,” a lo ti a.

Bardoe a chu thinrim deuh mai hian a vir ta vut mai a.

“Ngun deuhin ngaithla rawh. Nula kawngka bula ka hmuh vaih che chuan ka kaphlum nghal phawt ang che nga, ka zawtfiah chauh dawn a ni. In hria em? Cullin a hmenah a phunnawi vaih chuan a thutiamah Cullin a chu a lamlet ang a, Big C nena indo a ngai hial ang.”

“Dan pangngaiin Bull a chu a dik a ni. Kei chu a pawisa lam hi a nia ka duh ni,” Lanty a chuan a lo ti a.

A hote chuan a hrethiam tlang viau chuan a lang na a, Bull Bardoe a chu ama pindan a mu tura a phei hnu chuan muhil mai loin a ngai chang deuh ran a. An hnar bur bur chu a ngaithla ran mai a.

Nakin deuh ah chuan thawm dim taka kal thawm hi a hre ta a. Dimte in a zui ta zel a. Nula kawngkhar kalhna tala khawih ri rak rak chu a hre ta a, a silai a phawi a, a kap ta țhuai mai a.

Silai thawmah chuan midang te chu an lo harh a, an rawn tlanchhuak ta hlawm a.
“Enge ni ta?” an rawn ti nak nak a.

“Tun emaw nula zen an tum a ni,” Bull a chuan a lo ti a. Chutah, eng deuh riai ruaiah chuan Lamond a ruang chu an hmu ta a, a kut dinglam hian chahbi hi a lo hum a.

“Ka hrilh lawk vek che u kha.”

“Kawngkhar dang chahbi a ni ang. Mil pawh a lo inmil mai thei a ni. La bo rawh u, a lo harh ang. Ka pi, engmah a ni law… silai kan ti puak palh mai a nia,” a han tihzawm lung lung a.

“Beau a zawng hmeichhe lamah hian a â tlat alawm mawle,” an ti tliar tliar hlawm a.

Aside | Posted on by | Tagged , | Leave a comment

Sudden Plays a Hand – 19

SUDDEN PLAYS A HAND 19

“A vau chuan min vau khetr teh suh, Greg. I ngaihzawng chu ka lo la bo ang a, in inneih hunah ka la lam ang chu mawle,”Bull a chuan a ti ta a.

Cullin a kal hnu chuan, “Sangthum mai chuan i va la chhuak dawn lo em! Misualpa!” a ti zui nauh nauh a. A tuk zingah chuan Cullin a chuan tukțhuan pawh ei loin Midway lam a pan ta a. Ama office a Camorta lo zi mai mai chuan Cullin a a lo hmuh chuan a phu deuh zawk a.

“E khai! Greg, thil thar a awm deuh elo?”

“Aw… kan rek fuh ta,”

“Tu maw?”

“E le Drait a. Khawiah nge i thluak i dah țhin?”

Camort a hlau leh inthiam lo bawk si chu a zi nguai nguai a, “Khi mihring khi, rul hnawih nal ang maia man ngheh har leh hlauhawm ania…” a han ti a.

“Hmeichhia ang maiin chutin riat nuah nuah teh suh,” tih pahin Cullin a chuan thil awmdan chu a han sawi vel a.

“Duhthusam in kan rek fuh ta chu a ni a, mahse, nula khian min phatsan leh si chuan….”

“A lo lang lo ang. Ka tifel vek tawh. A bawng ruk thu a rawn report na leh a rutu man tura a ngenna avanga i tih tur chu ti tur i nih chu.”

“Ka va hrethiam….”

“A â ma ta che…. Anin kei min hrilh a, i hnena sawi turin. Chu chu keiin ka hrilh chhawng leh che a nih chu. A awm ve dawn loh avangin pha thei dawn hek lo.”

“A ni dawn tak e. A ni duh dan chu engteh vak a ni lo a. Vantlang tana țha tur thil chu ka tih tur a ni mai tak e….”

“Ni reng ang chu. Zingah Drait a chu man la, lungin ah khung la, chhuak leh mai mai lo turin. I chhuah tir leh vaih chuan i chak lo hle ang.”

“A nih, man chu lo duh lo ta sela?”

“Ka mi te paruk khuaah hian an awm a, chhawr mai rawh. A hnial chu ka ring vak lo a, mahse, a lo hnial a nih pawhin a thiin emaw, a damin emaw i man tho tho tur a ni.”
“A ni dawn tak e. Ka duhdan tak phei chuan khaihlum nghal asin ka duh.”

Cullin a chuan judge Towler a chuba han tlawh leh a, thil kalhmang te chu a hrilh ta vek a.

“Mister Cullin, dan huam chhung chin chauh a ni ka dai dawn ni,” Towler a chuan a lo ti a.

“Chutiang bak ti turin ka tir tawh che em ni?”

“Tir lo e. A sawt dawn lo tih i hriat avangin. Engpawh nise tun zawng kan mihring pa chu dan ang thlap in kan nghaisa thei dawn ta a nih chu.”

“Sheriff nen in kutah a awm ta a nih chu. Tun țum chu a tal chhuak thei tawh em lovang chu maw.”

Zanlai a pel țep tawh tih chuan SP ranch in thlen hma deuh lawkah hian mi palhat hi a sakawr ațangin a chhuk a, sakawr dang a kaih nen chuan a sakawr chu a han thlung dun a. Dim te hian in lam pan chuan a kal phei ta țhem țhem mai a.

Bathlar a han chuang kai a, hla deuh ațanga a lo hmuhdan ang chiah khan pindan khat chauhah khawnvar inchhi chu a lo awm tak tak a. Chu pindan tukverh darthlalang ațang chuan a han bih a, a neitu nu, țhutthleng seia lo mutthlu bam mai leh, chhuata pawisa hmih leh hmanchhuah ziahna bu tla ngat mai chu a hmu thei a. A duh ang takin țhutthleng pakhatah chuan a lukhum leh kawrchung chu a lo inbang lehnghal a.

Kawngka chu a han hawng a, a lut ta a. Mary muhil a lo harh veleh chuan, “Ngawi chip cham la, i na lo mai ang,” a han ti a.

Mary chu a han tho mai dawn a, a hmai bul chetah chuan puakruk hmawr hi a hmu ta mai a. Silai kengtu lah chuan a lukhum chu kum fe hian a khum a, a hmui lah a tuam tlat si a.

“Enge i duh?” a han ti hram a.

“Thuawihna. Chu mai chu. In ha la, kan chhuak vat dawn a ni. Vawikhat pawh i țe chuan i țe tawpna a ni nghal ang.”

Han au tehreng pawh nise Lindy chu tui ti takin a hnar tliah tliah anga, Milton lah choka piah inte a riak a ni bawk si a. A hrepha dawn bawk si lo. Sturm a khan zankhuain bawng vengin a hote chu an chhuak dawn a ti bawk si.

Tichuan, a han inha a, an kal chu a ni ta mai a. Sakawr chungah chuan chupa chuan a han hlang a. Thui lo te an kal hnu chuan kawngsir ațang hian mi pali sakawr chungchuang vek hian an rawn zawm ta a. An hnung chu an rawn dal a.

A thim bawk a, Mary chuan khawilam hawiin nge an kal pawh a hrethei lo. A kawng kawi dan ațang erawh chuan a kal ngailohna kawng chu niin a hria a. A chauin a rilru chu a beidawng ta em em mai a. Mumang ang deuh ruai hian ngawi rengin a kal ve mawp mawp mai a ni.

An kalna kawng chu inzui diah diah a an kal danah a te bawk a nih a ring mai a. Mahse, a bul a kal chu a fimkhur hmel em avang chuan a thlamuang sawt a. Lehlamah chuan chupa chu Bardoe a a nih hmel riaua a hriat avangin a țim deih sung sung lawi a.

Reife mai hnu ah chuan eng hi an va hmu ta a. An han thlen chuan an chhuk ta sang sang a. Mary pawh chu a han chhuk dawn a, a lo khawng em em mai niin. A bula mi chuan lo dawm lo phei sela chuan a tlu ngei tur hi a lo ni a.

“Ka țha e,” tiin a dawm zel tur chu a lo hnar a.

“I ti țha khawp mai. Chaw leh meilum a awm ang,”

“Mut a ni ka duh chu. Khawnge ka tanna in tur chu?”

Pindan te tak te ah hian an hruai ta a. A bang te chu a phui țha em em mai a. Sathau khawnvar an han hal chuan khuma kawmawl intel leh țhutthleng, tui chhawpna bur leh inhrukpuan țet tawh, fai erawh chu fai hmel tak hi a han hmu a. Bangah chuan darthlalang khi ruah tawh hi a lo inkhai bawk a.

“Ka pi, a nawm phei chu a nuam vak lo ang. Chhuah erawh chu tum duh suh. SP leh hemi inkar hi chirhdup hmun a ni a, pindan kalhna chabi hi ka ak dawn a, thlamuang takin mu rawh.”

“Engvanginnge hetia min lak bo mai ?”

“Ka hre lo. Ka sawi theih chhun chu buaina i siam loh chuan keini lam chuan kan tibuai lo ang che tih hi a ni mai,” a lo ti a.

Bardoe a chuan kawngkhar chu a han kalh a. Chaw eina pindan lam chu a pan ta a. Ava kalpui mipa te chuan chaw an lo ei mek a. A va kil ve ta a. Midang pali pawh chu an lo awm ve a, pakhat chu Gilmana a ni a.

“Lal tura insiam sa at in a lo awm maw ni? Bull a hi chu a vannei thei pek asin mawle,” Gilmana chuan a han ti a.

Lamond a chuan, “Chu a chhapah, Bull a chu a enkawltu tura ruat fel a ni lehnghal mawle,” a lo ti a.

Midang te chu an lo nui dar dar a. Mahse, Bull a nuih chu a za ve lo a, “Beau, zankhat chhunga mi â i nih hrilh nawn fo che hi ka duhlo a nia,” a han tifuk a.

Gilmana hnenah chuan, “He nula hi a rothap hrep a nia. Kan lokalna hi mipa tam tak pawh chauhna tham a ni a, mahse, engmah a sawi lo,” a han ti a.

Lamomd a chuan, “Bull, chutia han thinrim na tur a ni hleinem. Tihah chuan, Drait a hi mithianghlim a ni hran bik lo a, nula te chu tunah te pawh hian a khua a har viau maithei asin,” a lo ti a.

Bardoe a chu thinrim deuh mai hian a vir ta vut mai a.

“Ngun deuhin ngaithla rawh. Nula kawngka bula ka hmuh vaih che chuan ka kaphlum nghal phawt ang che nga, ka zawtfiah chauh dawn a ni. In hria em? Cullin a hmenah a phunnawi vaih chuan a thutiamah Cullin a chu a lamlet ang a, Big C nena indo a ngai hial ang.”

“Dan pangngaiin Bull a chu a dik a ni. Kei chu a pawisa lam hi a nia ka duh ni,” Lanty a chuan a lo ti a.

A hote chuan a hrethiam tlang viau chuan a lang na a, Bull Bardoe a chu ama pindan a mu tura a phei hnu chuan muhil mai loin a ngai chang deuh ran a. An hnar bur bur chu a ngaithla ran mai a.

Nakin deuh ah chuan thawm dim taka kal thawm hi a hre ta a. Dimte in a zui ta zel a. Nula kawngkhar kalhna tala khawih ri rak rak chu a hre ta a, a silai a phawi a, a kap ta țhuai mai a.

Silai thawmah chuan midang te chu an lo harh a, an rawn tlanchhuak ta hlawm a.
“Enge ni ta?” an rawn ti nak nak a.

“Tun emaw nula zen an tum a ni,” Bull a chuan a lo ti a. Chutah, eng deuh riai ruaiah chuan Lamond a ruang chu an hmu ta a, a kut dinglam hian chahbi hi a lo hum a.

“Ka hrilh lawk vek che u kha.”

“Kawngkhar dang chahbi a ni ang. Mil pawh a lo inmil mai thei a ni. La bo rawh u, a lo harh ang. Ka pi, engmah a ni law… silai kan ti puak palh mai a nia,” a han tihzawm lung lung a.

“Beau a zawng hmeichhe lamah hian a â tlat alawm mawle,” an ti tliar tliar hlawm a.

Aside | Posted on by | Tagged , | Leave a comment

Sudden Plays a Hand – 18

SUDDEN PLAYS A HAND 18
Zingah chuan Sudden a chu SP lam panin a kal a. A thlen chuan Yorky a a sawm a, Sturm a hnenah chuan an ranch fan pui mai mai tura anga insawi in an chhuak dun ta a.

Bawng ruk hnu hnun berna hmun an va thlen chuan Sudden a chuan a han en vel a.

“Bawng sawhnih leh panga vel sakawr chung chuang panga in an khalh a, pakhat sakawr chauh hi a ke a thir kual bel a ni a. A ke hnunglam veilam ah phei chuan Kraws lem a chuang a nih hi.”

An hnuhma ațang chuan, bawng chu an hman hmawh pui hle tih a hriat theih mai a. An chhui ta zel a. Melkhat vel an chhui hnu chuan thlaler, ruam titih hi an va thleng ta a. A zau hrep lehnghal a.

Chutah chuan bawng hnu chu a hmuh hleih theih ta lo a. Tichuan an ințhen ta a, pakhat chu veilamah kalin pakhat zawk chu dinglamah a kal bawk a, chu thlaler ruam chu an hel ta a. An chhuahna hnu chu an zawng a.

Yorky a zawk chuan a hmu ta a. An han chhui leh deuh hret a. Lui kan a lo ngai leh ta a. Chu erawh zawng, harsa vak loin vaukam lehlamah chuan an hnu chu an chhar leh thei mai a.

Lung khawrawk hmun chu an va chhui thleng leh ta a. An hnu hmuh a har leh deuh nain an han kual vel naah chuan khan pakhat hi an hmu leh ta a. Chu khan an han luh phei hnu lawk chuan ruam zau tak mai, hnim țhatna em em mai chu an va thleng ta hlawl mai a.
An han en ngun deuh a. Bawng za rual zet tur hi tuma ven lohin an lo tla chu lo niin. An han hnaih deuh zel a. An panga chhinchhiahna awm chu SP a ni tih an hmu thei ta a.

“Helai hi, Bardoe a hmun ațangin a hla lo bawk a, heta dah tu pawh hi amah a ni ang tih a rinawm a. I haw leh ang khai… Sturm a hriat lohin Nick a hnenah i sawi phawt mai ang.”

Shadow an lo thlen leh chuan khua chu a thim deuh chhalh tawh a. Nick a chuan a han hriat chuan, “Rinhlelh rual lohin Bardoe a nih chu. An dahna in tih chu Devil Packet kan ti mai țhin a, naktukah va khalh chhuah vek tur a nih chu,” a lo ti ta a.

“SP ah kan kir leh mai em ni ang?” Sudden a chuan a lo ti a.

“Ruk leh mai turin maw? Ni lo ve. Hetah a him zawk ang. Miss Darell i hnenah pawh hlawhchham awmin in lo awm rih phawt mai dawn nia. Barakhaih nan kan hmang ang a, a tihchi zek mai tur asin.”

“A ni viau mai. Mahse, bawng ruk heta lo kawl chu a hlauhawm deuh lawng maw?” Sudden a chuan a lo ti a.

“A rei nang. A reng thuah, tunge hria ang?”

A tum ruh ema a hriat avangin Sudden a chuan engmah a sawi zui duh ta lem lo a. A ngaih erawh chua țha lo rilru hle mai a.

A tuk zing varțianah chuan Drait a leh a hote pali chu an chhuak ta a. Sudden a chu Shadow ah a lo awm thung a. Engmah harsatna nei loin tlai thim dawn chuan bawng za zet nen chuan an lo haw leh ta a.

“Tumah kan hmu lo. Tuman min hmu bawk lo.”

Mahse, Shadow an lo thlen hma melkhat vel a an la awm laiin Cullin a hote zinga mi pakhatin a lo hmu hlauh chu niin. A en zui zel a, Shadow an thlen thleng chuan a lo thlir ru reng hi a lo ni a.

Cullin a han hrilh chuan a ngaihna a hre lo viau mai a. Engpawhnise, SP tlawh a ngai a nih hi, a ti rilru ta a. A tuk zingah chuan a va kal ta nghal a. Ni danga a tih dan lo ang takin in pan mai lo chuan a han hel kual a, hmun fianrial deuh ah chuan Sturm a chu a hmu hmasa te te a. Anin bawng za chuang zet a lo ruk tir tawh thu leh a hma ni a Yorky a leh Green an nilenga ranch an fan thu leh amah chauha zana Yorky lo haw thu te chu a lo hrilh a.

Chutia Green a te ang, cowboy thil chinchang hre tawhin a nileng lenga ranch pakhat fan thu chu ni theiin a hre ta lo a. Hnu chhui pawh a thiam ngei ang tih a ring a, an bawng ruk ho pawh chu a chhui a nih ngei ringin a ngaih chu a țha ta hle a.

Chutia an inbiak zawh hnu chuan Mary chu ava hmu ta a. Nidang aiin a lo lawm zawk emaw ni chu aw? a ti rilru deuh a. Mahse, Mary chuan țha tak thoin a lo bia a, a bawng an ruksak țhin em ni tia a han zawh chu lunghnur takin Mary chuan za aia tam a hloh tawh thu te chu a lo hrilh ta a.

“Ava han thinrim thlak ve le aw… kei chu bawng ruk hmang reng reng hi chu khaihlum vek mai ka duh a ni.”

“Chuti em em phei chu țha ka ti lo a, mahse, hrem loha chhuah hi chu niin ka hre lo,” Mary chuan a lo ti ve a.

Chumi hnu chuan Cullin a chuan haw zai a rel ve ta a. Sakawr chung chuang a len khawthawn paha amah chu thlah turin Mary chu lenpuiah chuan a sawm ta nghal a. Mary chuan a lo duh ve mai bawk a.

Shadow Valley hrulah chuan an kal phei a, a lan chian na hmunah chuan a han din pui te te a. A thlirpui ta a. Bawng rual tla lai te chu an zuk hmu ngei a, mahse, an panga chhinchhiahna chu mitlawng chuan a hmuh theih loh avangin a entlang țha tak chu a han pe a, Mary chuan a han thlir vang vang a.
A han enchian nak chuan SP chhinchhiahma pu deuh vek an lo ni reng mai si a, mak a ti a, a thin chu a rim em em bawk a.

Thiam tak mai hian Cullin a chuan a han sawifiah vel a, “Shadow Valley lam panin i bawng tam tawk tak khalh a ni tih miin min hrilh a, i hralh emaw ka lo ti mai a. Mahse, hralh lo a i insawi takah chuan ka țanpui theihna che a ni dah law maw tiin ka han entir mai che ania…..

“…. mahse, Nick Drait a hi ngaihthiam loh lutuk tur a ni law… dan leh hrai awm mumal lohna hetiang ram angah te hi zawng, a ni ang mi thluak lum leh duh zawng zawng ti mai mai chi tan chuan tih awm loh pawh a awm lem lo a nia,” a han ti a.

“A duh thu chu sawi mai se, a duh zat zat a nei thei mai tura, hetia a han ti kher kher hi chu a bawlhhlawh lutuk em mai,” Mary chuan a ti ta hlak hlak mai a.

Cullin a chuan ngaihțha zan lo chuan a kalsan ta a.

Mary rilru chu ana em em mai a. A haw hnu chuan ama pindan a pan ding nghal a. Chutah chuan a han ngaihtuah ta neuh neuh a. A pasal in chutiang thil tenawm deuh mai a ti ni a lang ta chu engtizia nge nita ang? Green a leh Yorky a lah a lo rin ve țhin tehlul vei nen. A lam țang an ni lo tihna chu a ni phawt mai a.

Lidu hnenah chuan sawi dawn se Lindy chuan, a pu, Messa Nick a sawichhiatna chu kamkhat pawhin a ngaithla duh dawn lo tih a hre reng mai si a.

Mary chuan khawvel pumah hian lamțang tumah neita lo hian a inhria a, Cullin a erawh chuan puih a inhuam a, chumai bakah, a bawng rutu chungah pawh chuan rilru a zau a, a ni chu a țhian neihchhun ni berin a hre ta a.

Cullin a chu, SP ațanga a chhuah chuan 8B a pan nal nal a. A va thlen chuan Bardoe a chuan a lawm vel hle a. Pawisa a rawn ken leh ken loh te chu a lo zawt thuai a. Cullin a chuan han tih chiai ve hrim hrim chu nuam a ti bawk a, an bawng ruk khawm zawng zawng chuan Shadow Valley an thlen vek tawh thu te chu vau nan a han hmang te te a.
Bardoe a rilru mangang leh a ngaihna hre lo chu thiam tak hian a han hrilhfiah ta vel a. Green a leh Yorky a chu a lo huat tawh sa belhchhahna tur zawng hlir chuan a han sawi te te a, chutah, a thil sawi tum tak chu a sawi ta chauh a.

Chutin an bawng ruksa chu Shadow Valley ah awm vek mahse, a tir a a sawi ang khan a lei duh tho a. A man te hial a han hlan a. Tichuan, Drait a hek nan hman a tum thu Camort a a va hrilh ang a, a chungthu chu a rang thei ang bera ngaihtuah nghal turin a ti nghal ang.

Tin, a report tuah chuan Miss Darell i chu puh a tum avangin Drait a chungthu ngaihtuahnaah chuan a tel ve a ngai dawn a. Mahse, a tel chuan Drait a lam țang tur a nih a hlau si a, chuvangin, thubuai sawi laia a awm ve loh a țul ta a. Bardoe a chu a lo rubo tu tur atan a sawm ta a ni.

Drait a a huat zia lah chu tlang hriat a ni a. Ani tihchhiatna tur a nih dawn phawt chuan engkim a huam phawt a ni. Chubakah, Cullin a tum dan ngawt chuan thil kaltir chu a tum bik lo. A rilru chuan Mary Darell a rukbo hnu ah tawh chuan Cullin a chuan pawisa a a tlanchhuah loh chuan a kuta pek awzawng a tum lo a ni.

Cullin a rilru ve thungah erawh chuan tlang hriata chhan chhuaktu niha Mary ngaihsan hlawh leh ngaih zawn hial pawh a lo beisei ru reng a ni si a.

Thinlung lamah inrem vak lo mahse, hmui chinah na na na chuan inrem tak angin an ințhațhen ta a. Chumi zan la la chuan Mary chu lak bo tur a ni a. Bull Bardoe a inte pakhat, Black Ridge an tih ah chuan dah tur . Chutah, Drait a an khaihlum hnuah Cullin a chuan a awmna chu ava hmuchhuak hmasa anga, a chhanchhuak dawn a ni.

Chutiang atan chuan Cullin a chuan Bardoe a chu Dollar sangthum pek a tiam a, “Thisen chhuah reng reng suh u. Nula in tihnat phei chuan pawisa aiah suan mum in ka thungrul ang che u,” a han ti zui a.

Aside | Posted on by | Tagged , | Leave a comment

Sudden Plays a Hand – 17

SUDDEN PLAYS A HAND 17

Gunman Lukor a thih thu chuan chawlhkar hnih lai chu a daih a. Chumi hnu erawh chuan mi sawi vel pawh chu a reh ta deuh a.
Cullin a ve thung chu SP ah chuan a leng fo tak a. Țawngkam țha tak taka biak zawng a hlawh na meuh mai. Mahse, chu chu a duhtawk si lo. A lo rin ai mahin Drait a chu Mary rilruah chuan a tlanghet a nih te chu a ring ta a. Tichuan, dahbo chu a pawimawh lehzual ta sauh mai a ni.

Chutiang rilru pu chung chuan BB lam chu a pan ta a. A va thlen chuan Gilman a leh Lamond a pawh an lo awm a, an inbiak thawm a hriat chuan Bardoe a chu a lo chhuak a, leng lut turin a rawn sawm ta a.
An luh hnu chuan, “I tana la țangkai thei tur te tih thinrim loh dan te hi i thiam lo emaw ni le?” tiin a han zilhhau a.

Inhau deuhthaw dawn dawn chung zel chuan an ti ti a. Cullin a chuan SP bawng ruksak zeuh zeuh tura a duh thu chu a hrilh ta a. Bawng pakhat an ruk zelah dolkar sawm pek a intiam a. Mahse, khawilai hmun emaw a lo dahkhawm phawt turin a hrilh a.

“Chu chu engtin nge ni zel ang?” Bull a chuan a lo ti a.

“Chu zawng, i hriat kher a ngai lo.”

“Chuti chu, kei aia â zawng mai rawh,” Bull a chuan a ti ta hmuk mai a.

Chutah zawng Cullin a chuan a hrilhfiah ta nge nge a. SP chu bawng ruk thawl sak vek a, chuta hralh tura nawr a tum a ni tih ye chu a hrilh ta a.

“Sturm chu nangma mi leh sa a ni lawm ni?”

“Ni e. Chuvangin inbawng ruk tur pawh khalhkhawm sa in in hmu mai țhin ang. Amaherawh chu, Green a țhianpa, Yorky an tih hi erawh chu ven deuh a ngai ang.”

Tichuan, SP bawng ru tur chuan an insawi rem ta a.

****************************

Drait a leh a nupui chuan SP chu an fang leh a. Chhinchhiahma pu lo bawng an hmu zeuh zeuh reng a. Tunhma lama chhinchhiah tura a lo hrilh tawh a nih avangin Drait a chuan mak a ti deuh viau mai a.

Sturm a rem tih loh vanga chhinchhiah ta lo an nih pawh a hriat avangin sawisel lam chuan a ti duh lo a. Mahse, a thawh țhat leh țhat loh te chu a zawt a, Mary chuan țha tawk a tih thute a hrilh a.

A cowboy dangte chungthu ah chuan Mary chu a lungawi vak lo. Biak reng rengin a rul tawk chauh zela an chhan țhin zia leh Shadow cowboy ho nena an danglam dan te chu a sawichhuak ta hial a.

An ti ti hmangah chuan Drait a chuan a nupui rilru kaptu awm ni a a hriat chu engnge ni tih a zawt ta chawt mai a. Mahse, Mary chuan rilru kaptu neilo niawm taka han phat mam hi a tum a.

“Tum chhin duh ting suh, Mary. I hmui hi dawt sawi nana siam a ni lo. Ranch enkawl hi thil namai lo tak asin. I ti țha thawkhat hle nain reilotea thiam kim theih mai a ni hleinem. Min hrilh kher phei chu a ngai lo maithei, mahse….”

“Ka bawng a bo zeuh zeuh alawm mawle. Țum khatah sawmhnih lek lek te phei zawng a nia.”

“I foremen in engnge a tih?”

“Zanah hmun khat a mi an ven hlanin hmun dang ami an lo ru leh țhin a ni.”

“Chuti chu, i mite zinga mi hrilh țhintu an awm a nih chu. Mahse, zam lem lo la, hetiang te hi awm ve tur reng ania, mahse, chhui zui chu a ngai ang.”

Yorky a bawng zawng vak vel nen chuan an intawk ta hlawl mai a. Bawng bo chungchang chu Drait a chuan a han zawt a.

“Nimin ah khan hetah ngei hian sawmnga rual an awm a. Hei, tunah sawmthum pawh kan khalhkhawm hlei thei lo. Sakawr hmuhma pawh a chiar dup mai.,” tiin Yorky a chuan a lo sawi ta a.

“Sturm a hnenah i hrilh tawh em?” Mary chuan a lo ti a.

“Hrilh lo ka pi. Keimaha chhui ka lo tum a.”
“Hnu chhui i thiam em ni ?” Drait a chuan a lo ti vat a.

“Thiam tehchiam lo. Mahse, Jim a hi chu Red Indian ang maiin a chhui thiam thung.”

“Chuti chu kan chhin dawn nia. Naktuk zingah a lo chho anga, foremen pawh kan hrilh miah dawn lo nia.”

In an va thlen chuan an pangpar khawina siamțhat chu Mary chuan a han en a, “He thil i rawtna hi lawmthu pawh ka la hrilh lo che a…” a ti a.

Drait a chuan, “Ka rawt a ni hleinem, Jim a rawtna a ni a, min puh mai mai a nih kha. Mahse, hrilh suh aw… tih chhan a nei a ni ang.”

Mary chuan a han ngaihtuah vang vang a. Chumi te pahnih awmdan chu mak a ti a, a ngaisang rilru ta viau mai a.

“Shadow a pangpar khu a bul chawpin ka rawn kar tir țeuh ang e,” Drait a chuan a han ti a.

Mary chu a hlim hmel ta em em mai a, “Chu tluka duh ka nei hleinem,” a lo ti vat a.

“A lawmawm a nih chu.”

Drait a haw dawn chuan an han inchibai a. A kal tak hnu chuan Mary chuan a pasal hmer na chu engemaw ti riau hian a hria a. Green a nena an țhian dun intih hmingțhat tum tawn dan leh an tlawmngaih dan te chu mak a ti zual sauh mai a.

Aside | Posted on by | Tagged , | Leave a comment

Sudden Plays a Hand – 16

SUDDEN PLAYS A HAND 16
Awmho chuan an lo hrilh ta nuaih nuaih mai a. An bengchheng a reh deuh hnu chuan Merker a chuan fel fak hian Sudden an pumpelh hram hram a tum chung pawhin Lukor a chuan a nawr lui tlat a ni tih te chu a lo hrilh ta a.
“Chu, Green a chu a fimkhur hle maw? Dik tak chuan tlanchhiat a tum a ni maw?” Camort a chuan a han ti khanglang a. Rum fe hian Sudden a chuan a lo melh ta kal mai a, Camort a chu a meng khup ta zul zul a.

“Ngaithla teh, phuahchawp pa! Khapa khan kei min tum loh avangin hmachhawn ka chak lo. Chu chu a thu hnuhnung ațang pawh khan a chiang a ni. Tuna i lo luh chiah khan Drait a ruang rawn khawm i beisei a, thil pakhat leh, mi dawthei, mi thu lak kawih ching leh uicho dawihzep lutuk i ni! Engtinnge i tih dawn?”

A vun him na chauh lo chu ngaihtuah ngam tawh hek lo, “Sheriff ka ni asin,” Camort a chuan a ti ta ngawt a.

“I chhuah ran viau loh chuan sheriff thi tawh i ni mai ang!”

Camort a chuan a vau tupa chu a han en țhin a, nuihsawh taka lo thlirtute chu a han en leh a. Ui tlawm ang maiin a chhuak ta zul zul a. An eu zui ta hluah hluah lehnghal a.

A changtupa ber thlen hma chuan Midway a inkahna chu Shadow Valley ah chuan an lo hre hman a. Vasco cowboy, an inkhak laia hmutu pakhat, a thil hmuh a țhiante hrilh hlan nghakhlel deuh a haw chuan Shorty a chu a hmu fuh ta hlauh mai a. A hrilh ta a.

“Kha pa kha chu cho mai mai suh. A hming ang ngawt a ni lo khawp mai, puakruk lah chu a kut nen chher zawm emaw tih mai turin a chelek lehnghal a,” tiin a thusawi chu a lo tlip a.

“Chu, a rang fu elo?”

“Kawlphe chu nep te a ni. Hmuh hman phei chu a ni a. Mahse, kut pakhat silai chuh tum awm taka lang, lehlam hman leh si te kha a hlauhawm tehlul nen, a hneh hrim hrim a ni ber e. Khawinge, kan haw tawh teh ang, min min lo sawi khalh ang e,” a ti a.
“Kei pawh a sawi hmasa ber nih ka tum a ni,” Shorty a chuan a lo ti ve bawk a, an ințhen ta a.

Chumi hnu a Sudden an Shadow Valley a lo thlen meuh chuan Midway thil thleng chu hre lo fa reng an lo awm tawh lo. Gate ah chuan Qullin a chuan a lo hmuak a, gate hawnsak pah chuan, “Khawpui ah chuan thil thar engemaw a awm lo maw?” a lo ti a.

“Han sawi tlak engmah a awm lo e,” Sudden a chuan a ti sam et a.

Qullin a makti chuan, “Kam tam tak chu a nih loh hmel a ni!” a ti rilru ta mai mai a.

A sakawr a thlun fel hnu chuan inlam a rawn pan ve ta a. Drait a chuan a lo be thuai thuai a.

“Midway ah chuan ka ai i lo va awh a ni maw?”

“Mai mai a. Kam tam veng a nih ngawt hi mawle! Merker a dawrah churut ka lei tih te pawh an sawi hial lo maw? Kha… zu ve ta che.”

Nick a chuan a lo la vat a, “A dik a ni tiraw?”

“Engnge i sawi chu ka hrethiam hleinem?”

Nick a chuan a hrilh ta kelh a.

“Chu engtin nge maw keimah emaw a tih theih mai che chu le?”

“A… kan len zawng hi a inang deuh a, ka lukhum ka kai kun deuh bawk si a. Chubakah, i sakawr ka lo hmang kher bawk si.”

Drait a chuan makti fahran hian a en a, “Eng a tinge i sakawr Nigger a i hman loh a?” a ti a.
“A… ka chhawr hah lutuk deuh a, hahchawl ve rih se ka ti a ni.”

“Khawpui kal ka tum kha min dang deuh reng a, buaina a awm i lo beisei reng em ni?”
“Beisei pawh a lo ngai hranpa hleinem mawle.”

Drait a chuan chung zawng zawng chu a han ngaihtuah a. Mi a ni leng lo tan chuan a chiang em lah taka, he a țhian chhar thar chawp mai lakah hian a nunna hial a ba leh ta tih a ngaihtuah neuh neuh a.

“Jim, dawt sawi hi i thiam hran lo a nia aw… Yorky a lah a thiam bik vak hek lo. Lawm lovah chuan min ngai lo la, heti teh fo hi chu a ni tur a ni lo. Nau awma awm fo tur chuan ka upa lutuk tawh a nia,” a ti ta hial a.

“Nick, thil enthlithlai mai tuma kal ka ni chauh a, a tawp kan thlen ka ring lo. Mahse, amahin min nawr chhen zawk si a….”

“Chupa Finger-shy an tih chu i hre reng em?”

“Mi sawi chu hria e. Tualthata eizawng mi, mi sual tak, thei inti tawk tak a ni….”

“…A kutzungte bul min hmuh tir ațang khan a hriat a. Ngawi teh, ka kua chu… sheriff lu ang maiin a nia a ruah tawh ni, ei leh in lam hi?”


Chumi tukah chuan Cullin a chu SP ranch ah chuan a lo leng a. Lukor a leh Sudden a te inbeih thu chu a sawi a. Lukor a chuan a tum loh zawk a bei a ni tih thlengin a hrilh ta vek a.

“Ka hriat dan chuan Lukor a chuan a farnu phuba laktum ni awmin an sawi a. Mahse, tak tak pawh a ni kher lo ang. Heng ho hi zawng chhuanlam hi an siam mai mai a….”

“Mister Drait a thah a tum maw? In hre ngai silo engatinge a tum ngawt a?” Mary chuan a lo ti ha mai a. A pasal chu ngaina vak lo awmin a lo lang țhin na a, chutia hmeichhe chungchang niawm a Cullin an a han sawi meuh chuan Mary hmel chu a lo dur ta khaih khaih mai a. Chu chu Cullin a chuan a lo hmu khiau mai a, chulam hawi chuan atu mah mah chuan engmah an sawi leh ta lo a.

“Kha cowboy Green a kha, vengtu țangkai tak a nih hi mawle, Drait atan reng a țangkai mai!!”

“Kei pawh hian a chungah ka baa nasa asin.”

“Chuti chu keipawh, i chunga a tihțhat avang chuan. Lo țanpui ve thei che ila ka ti ngei mai,”Cullin a chuan a lo ti a.

“Awi… min țanpui alawm… ka lawm ngawt asin.”

“Chu mai chu maw? Tih leh, dawhtheih hi zir tur ka ni reng a…. Mary, min ngaina viau la ka duh asin.”

Chuti a hming bul lama a han ko ve ta mai chu Mary chu a lo zak deuh rum rum a. Mahse, hre lo angin a lang a. Cullin a chu a haw ta mai nghe nghe a. A kal tak hnu chuan a thlir zui vang vang mai a.

Cullin a hi a ngaina nge maw, a rilru a a dah dan chiah te chu a ngaihtuah zui a. A ngaina tak tak nge ni a, pa fel takin nula thil kalhmang la hre mang lo a chhaih buau thiam vang hrim hrima a rilru la ve mai mai em ni ang? A ngaisang rilru hle mai a. A bula awm pawh chu nuam a ti ve ngei mai. Mahse, engemaw tak hian chupa bula a awm apiang rawn khaptu awm ang tlat hian a hre țhin a ni.

Chutihlai tak chuan Yorky a chu phur fe in a lo thleng ta a. A țhianpa, Jim a chezia chu Smoky a khan a lo hrilh tawh niin.

“Ka pi, khawpui lam chanchin i hre tawh em?”

“Hre tawh e. Cullin an min hrilh ni.”

“Chu, Cullin a chu a lo leng elo?”

“Leng e, Mister Green a chu hliam lohin a chhuak a, a lawmawm ngawt mai.”
“Dan pangngaia Jim a khalh thei chu an vang kher ang chu. Lo that palh pawh nise, engemaw ti talin ka that ve tho ang.”

Mary chuan Lukor an Drait a thah a tum chhan te chu a zawt ta a. Yorky a chuan tuin emaw hlawh neiin a ruai a nih a rin thu te chu a sawi ta a. Mary chuan Bull Bardoe a rawih a nih a rin thute, amah ngei pawh chuan chupa chu a hlauh thu te a lo sawi ve bawk a. Yorky a chuan a thiam ang tawk tawk chuan a han thlamuan ve a.

Aside | Posted on by | Tagged , | Leave a comment

Sudden Plays a Hand – 15

SUDDEN PLAYS A HAND 15

Chawlhkar hnih hnu velah chuan Gregory Cullin chu Rideout khuaah chuan ava leng a. Hotel ah chuan a han zawh vel hnuin a chhawng chunglamah chuan a chho ta a. Kawngkhar pawh kik lo in ava lut a.
Inchhung a lo awm chuan a inleng pa chu a hriatchian hnu chuan a silai kawm ata a kut chu a lasawn ta zal zal a. Amah hi pavalai tak, pa vantlang, hmelchhe tak leh mitmeng kal relh relh hi a ni a. Puakruk pahnih a malpuia țawn beh ngai khawpa fuala pai hi a ni a, zu um lah no pahnih hi a lo in chhawp a.
Zu chu a han inthlit a, a țhutfel hnu chuan, “Lukor, mi pakhat hnawksak tih ka nei a,” Cullin a chuan a han ti a.

“Pakhat chauh maw? I phawi rang ve hle țhin khan ka hria a?”

“Ka hming a lan ve hlek loh a ngai tlat a ni”

“A ni maw?”

Chutia a han tihel na chuan Cullin a thin chu a ti thawk ta that mai a, “Chu, dollar zanga i duh lo tihna em ni?” a ti ta a.

“Ni chiah e. Zanga te zawng, a tlem lutuk. Sangkhat hi ka rate hniam ber a ni. I ngam leh i thu, i ngam loh pawhin i thu.”

Cullin a chuan nep thei mawlh hek lo. “A nih leh le, ka ruai mai ang che. Midway ah lo kal la, chhuan lam eng engemaw siamin hun remchang nghakin lo awm phawt mai la. Tin, i hming tak chu hmang suh ang che, min an hria ang che. I mi thah tur hming chu Nicholas Drait a ni a, mi ranch kara tla zep mai a ni a. Bawng ruk hmang a ni bawk. Chutiang mi chu i hua a ni lawm ni?”

“Nung tlak an ni lo. Hman chawp tur sawmnga ka duh a, mahse, advance a ni lo a nia, hre rawh.”

Cullin a chuan sawmnga a han pe a, “Hman hmawh a ngai hle a nia. Awmlo lutuk anga langin thil ti lo la, tin, inkhawih tir reng reng suh. A khawih hman vaih che chuan i chhe nghal a ni mai. Amah chu kei aia lian mah hi a ni a,” a ti a.

“Sialimu dorzen khat a tawn tlang theih a thu a ni ang chu. Thi tawh ah ngai nghal la, i ngaimawh list ațangin tunah chuan thaichhe nghal tawh ang che.”

Tlangval pakhatin a lo thlir reng tih hre hek loin Cullin a chuan Rideout chu a chhuahsan leh ta a. Midway ațanga khawchhak lam pana a kal tur chu Yorky a chuan a lo hmu hlauh mai a. Khawilam pan tur nge a nih hriat tuma a en zui chuan Rideout thlengin a rawn zui ta hi a lo ni a.

Hotel a luh lai chuan Yorky a chuan manager chu a lo va be ru thuai a, mikhual pawh pakhat chauh a neih thu leh a hming pawh Fish in ti a ni a, zu a in nasa a, silai kah rang mi a nih ngei a rin zia te chu a lo hrilh a.
Chumi hnu chuan a bihruk na lamah a kir leh ta thuai a. Cullin a chhuah hnu pawh chuan a la awm ta reng a. A hnu deuh lawkah chuan Lukor a pawh chu a lo chhuak ve ta a. A silai pahnih pai te, a kut ding lam sen bik riau te, hlauh nei ni awm taka a hawi zak zak te chu Yorky chuan a lo chhinchhiah kiau a.

Han hriat leh chuan tur a awm a hriat loh hnu chuan Yorky chu a haw ve ta nghal a. Ranch ava thlen chuan Mary chu pawnah a lo awm a.

“Yorky, kan ngaih a țhalo hman tawh hial asin, khawi lam lamah te nge i kal a?” a lo ti a.

Yorky a chuan nuisang chung hian, “Ngai teh, ka pi, khawvel zawng zawng ka fang chhuak dawn ta emaw ka ti mai a, Midway ațang kawng hnai deuh ka zawng e ka tia, ka bo ta a, ka vak ka vak ta mai a. Noo York ka hnaih thuak awm e. Midway ah bawk chuan ka thleng leh ta hlawl mai a, kawng pang ngaiah ka lo haw leh ta nge nge a ni,” tiin a chhang a.

A riahkhawm naah chuan Sturm a chuan, “Khawiah nge i kal daih?” a lo ti deuh khur khur a, “A neitu nu hnenah i insawifiah ngial a ngai ang,” a han ti zui a.
“Ka sawi daih tawh,” Yorky chuan a ti a, a ngawi ta vang vang a.

A thil va hriat thar chu engtinnge a țhianpa Jim a a hrilh ang tih chu a ngaihtuah ta rauh rauh a. Mahse, a vanneih a siamin a tukah chuan Sudden a zawk chu a lo leng ta hlauh mai a.

“Nick an i pangpar chindan vel a sawi nasa em a, rawn hmuh ve ngei tumin ka lo kal ngawt mai a ni,” tiin Mary hnenah chuan chhuanlam a rawn siam a.

Mary chuan lawm takin a lo dawngsawng a. Sudden a chu a han hawi vang vang a, “Nick a hian i tih a nih vanga fak mai mai emaw ka lo ti a, i lo ti nalh em a nih hi le. Bathlarah hian pangpar bel han hung lehnghal phei la chuh,” a ti a.

“A ni tak e. Rawtna țha tak a nih chu. Ka lawm lutuk.”

“Nick a ngaihdan a nia. Ka han sawi chhawng leh mai mai a nih chu,” a ti a.

“Chuti chu, ka lawm thu pawh i rawn hrilh nghal dawn nia.”

Yorky a chanchin te chu a zawt a, Mary chuan a hma ni lama a bo thu te chu a hrilh a.

“Mi thar ngang hi a nia, a awm viau e,” a lo tihpui a.

A nau Yorky a zawng tura a kal pah chuan, “Nig, pangpar khawina thuah chuan Nick a ka hrilh lawk a ngai ang. Khawnge maw kan ramhuai pa chu le?” a ti bawrh bawrh a.
A bul lawkah chuan a nau Yorky a chuan bawng hnimbuk kara mi khalh chhuah tum hian a lo bei vel a. Anchhia a lo lawh mawlh mawlh mai a.
“Khalaiah khan i bo leh mai ang e,” tiin Sudden a chuan ava fiam a.

Yorky a chuan a țhianpa in a rawn fiam danah chuan a hma ni a a bo dan chu a hre tawh tih a hre mai a, “Ka mi hmuh duh tak ka hmuh che chu le! Ka bo tak tak te chu i ring a maw ni le?” a lo ti a.

“Ring hran lo e. Chhan țha te chu i neih ka ring.”

Yorky a chuan a thil va hmuh leh hriat te chu a hrilh ta vek a. Sudden a chuan lawmthu a hrilh a. Shadow Valley lamah chuan a haw leh ta a.

Shadow Valley a va thlen chuan Nick a hnenah chuan pangpar khawina thu vel chu a han hrilh a. Nick a chuan a en ran ran a, “Ka lawm e, Jim, kei pawhin lo ngaihtuahna chang hriat awm tak a nia,” a ti ta a.

Nihnih nithum hnuah chuan Drait a chuan midway kal a tum thu a sawi a.

“Kei pawh kal ka lo tum chiah asin,” Sudden a chuan a lo ti ve a.

“I thiltih tur chu ka rawn tihsak mai ang che chu.”

“Mahni ngei kal ngai chi a ni tlat. I thil lei tur chu han ziak chhuak la, keiman ka rawn lei zawk mai ange,” a ti a.

“A nih leh aw, ngaihtuah nachang pawh ka lo hre hleinem,” a lo ti a.

Tichuan a ngaihțhat lohna em em pakhat chu ti fel taah Sudden a chuan a inngai a. A sakawr Nigger a chu hmang loin ranch sakawr zinga pakhat chu a hmang ta zawk a.
Midway ava thlen chuan Pilch a chuan a lo lawm hle mai a. A thil lei tur ang ang te a lei zawh hnu chuan khawchjung chanchin te chu a zawt ta a. Pilch a chuan, mi pakhat , sual hmel tak, puakruk pahnih paiin mi pakhat nghah nei niawm in a insawi tih te chu a lo hrilh a.

Lumet tur leh chaw ei turin a chhuak leh ta a. Chung thil a tih zawh hnu chuan Merker a saloon ah a lut phei ta a. Chutia a kal vel chu Lukor a chuan a lo hmu a, a sakawr panga ND tih chuang ațang leh, a taksa pumrua vel ațang chuan a mi thah tum chu ni ngeiin a ring ta a. Mahse, la chian lehzual deuh tumin saloon lam chu a pan phei ve ta a.

A lo nuih lai tak chuan Merker a chuan Sudden a hnenah chuan, “Ka hrilh dawt mai ang che. Nick…,” a aw chu a han ti zawi thut a…,” a tan hian a hlauhawm a ni. Thah tuma zawng an awm a ni,” a han tisap a.

“A ni maithei. Sawlai dawhkan luahtu saw i hria emaw chu? Zaidam hmel tak saw?” nui chungin Sudden a chuan a han ti a, a lehhawi duh chuang miah lo bawk a.

“Tunhnai a lo thleng mikhual a nih saw.”
Lukor a chuan a mizawn chu hmu ta ngei a inngaiin a hna chu thawh zawh thuai thuai a, chu khawchhete chu kalsan mai thei tura inngaiin a ipte puar hnawk tur te chu a suangtuah vel a. A kiai sak a.

Sudden a chuan a mit bawr vel hliah deuh vek khawp aa lukhum a khum luih avangin a hmai chu a lang chiang vak lo a ni. A pa len lam thuah chuan Cullin a sawi ang reng kha a ti rilru reng a ni.
A puakruk pahnih pai ve khanglang chu a intih hlauhawm tumna mai mai ah a puh a. Tichuan, zu sem chhuahna dawhkan lam chu ava pan ta a.

Dollar khat hi zu manah chuan a rawn pe a, a nawi kir dawhkan a mi a han la tur chuan a kut ceilam zungte bul chu rawn tilang lui leh ni hian Sudden a chuan a lo hmu a. Lukor a chuan zu chu a han tem hlek a, inleng dang te ep zawnga ding chungin dawhkan chu a han ngheng a.

“Mi ranch kara tla zep ve ngawt ho hi mi tenawm tak an ni,” a han ti thla rawk a.
A țawng ring bawk a, saloon chhung chu a reh ta țhap mai a.

“Mi bawng an ru an ru țhin lehnghal a. Chutiang mi chu kei ka ni inti ve deuh, khawtlang chuan khaihlum zel tur. Mi dawihzepho!” a han ti leh tun tun mai a.

Chutia a han inhrosak vel pawh chuan tuman an chhang reng reng lo mai a. A tih thinrim tum ber pa lah chuan a thusawi hrelo ang mai chuan a awm mai mai si a.
Sudden a chu a han kawk ang ve vaw a, “Nang kha, engtin nge i ngaih?” a han ti ta a.

“I hre zawk daih ang chu!” ani chuan a lo tihsan mai si a.

A hmai chu a lo sen ta ap ap mai a. A thin chu a rim takzet a ni tih a lang mai a. Chupa chu silai chuh na chang pawh hre hlei lo, thil a ti harsa zo vek dawn… a tihdan pangngai bak sawn a ngai ta tlat a.
“I dawihzep reng reng. Tehlul……”
Chutia a tih pah chuan a han inkhawr vel a. A kut dinglam chu a pistol bul chetah chuan a han dah thla a. Sudden a chuan a kut veilam chu a en ran a, rang fahran maia a silai a han phawi chu a hmu kiau mai a. A phawi fel chiah tih chuan amah Sudden a kawng veilam ațang hian a lo de zawk mai a. Lukor a chu a pai chawn chawn mai a, a han ding sai ngar ngar a, hmalamah a petek phei ta a, a khupin a dawl ta lo a, a tlu sawp ta nak mai a.
Sudden a chuan a han pan phei a. A lu chu a han chawi a, a nghawng bul țhut taka kaw phat hi a hmu a, a thi tawh emaw ti chuan a han thawhsan leh mai dawn a, a lo meng țawk țawk a, a hma a mi chu a hrechhuak ta ni hian a lang a.

“Drait a… i ni lo…Sud..” a ti hman țawk a, a lu chu a thle bak a, Gunman thih dan pangngaiin pheikhawk bun chung ngeiin a thi ta a ni. Sudden a chuan a ruang chu a han dah ngil deuh a, ama lukhum chuan a hmai chu a khuh ta nghal a.

Chutihlai tak chuan sheriff chu a lo lut ve chiah a. Ruang kil tute ho karah chuan a rawn unzep lut tawlh tawlh a.

“Eng thil nge ni leh ta pek?”

“Eng dang ni lo ve, i tihdan pangngaiin ruang khawm tawk chiahin i lo thleng leh ta a nih hi,” Sudden a chuan a lo tihsan mai a.
“A thattu khawm tur pawhin ka lo kal asin! Tunge a nih i hria em?”

“Mi sawi chhawn chu hria e. A hming chu Lukor a ni a, ” Finger.. Shy an ti bawk țhin a ni. Hlawh neia mi thah ching mi a ni a, khawchhak lamah phei chuan sheriff rual hnih rual thumin man tura an beih huai huai a ni a. A kut dinglama a puakruk phawi tur awm takin a ti a, veilamin a kap thut zawk țhin. Chu chuan mi tam tak chu a chhaih buai fo țhin a ni.”

“Chu chu nang chuan i lo hria tiraw?”

“Hre lo. Aman min hrilh a ni. A pawisa nawi han la tur khan ka hmuh loh hlau niawm takin a rawn tilang a ni. Mak ka ti deuh reng a….”

“Tunge buaina siam țan tu zawk che u?”

Aside | Posted on by | Tagged , | Leave a comment