Kan ram hi harh a hun

(Insûm thei tawh lo…kan au ve chiam teh ang..Post-na ber tur pawh ka hre lo ve)
Reality Shaw hrang hrang :
• Youth Icon
• Mizo Idol
• Praise On
• Zo Star
• Fiamthu Fest
• Commedian Search
• Man Hunt
• Miss Contest
• Talent Hunt
• Inlâm siak..Leh a dangte pawh a tam âwm e.

Hêng thilte hi a hnam ang zâwng pawh hian a lâwm leh a hrât pâwl kan ni tawh hial awm e. A chintâwk kn neih thiama hun hle tawh. Kan hnam leh kan ram hian a țhatpui em? A lâr chu kan lâr phah ve ngei e. Nimahsela, huau huau leh lâr ringawt hian kan ram hi siamțha lêmlo chu a ang viu mai. Hengte hi mimal hlâwkna leh hamțhatna mai an ni. Chutihlai chuan kan ram dinhmun thlîr ila, economic ah leh development ah kan hniam zêl a. Kan hnuai en ten min lehpêl mêk zêl a nih hi.
• Fashion-ah kan sâng em em a.
• Lâm kan thiam em em a.
• Kan pian a nalh em em a.
• Korean kan ang tulh tulh a.
• Kan sek phiar fut tawh a.
• Zaithiam kan pung thûr thûr a.
• Lirthei kan inneih changkân siak a.
• Phone neih changkânah kan inel a. Kan ngaihsân zâwng diklo hian kan hnam leh kan ram hi min hnûkhniam zêl chu a ni ta si. Ram hruaitu ațang rêng hian han en ila..Chakai nufa kal inzirtîr pawh kan tluk lo țep tawh a ni.

A thlâkna tur țha neih tum leh nih tum si lo hian kalphung dikloah kan buai khawhnu leh a. A hun laia veia, mutmawh hnarmawh a neih tum silo hian, hlimhlawp leh huau huauahkan tha kan sêng ral a. Innghahna tlâk mihring nih kan tum si lo. Kan hriatchhuah meuh chuan a lo tlai tawh si. Mahni inthiamlohna nei hauh lovin midang kan la mawhpuh kual leh ta nghâl a.

Lâr kan khêl a, intodelh lam ngaihthahin mahni khawsak phû lovin kan fashion/khawsak kan tisang a. Hnamdang entawn rêng rêngin kan buai a, a țhalai entawn si lo hian..zo-korean/zo-sâp…mi anglovah kan chhuak zo takngial dâwn a nih hi.

Nuamtâwl leh huau huau kan thlahlel êm êm a. Eng Fest Fest emaw ni, eng Kût Kût emawni lah kan intihhmuh a, a buatsaih kan thiam êm êm a. Thilțha leh dik kan hriat reng pawh hmachhawn peih lovin hlimhlawp thatchhiatna RAU hian kan tha a tițhum zo ta.

Hetihlai hian kan ram dinhmun hi han thlîr teh:
• Sualna a pungin sual a huangtau zêl a.
• Chîmral mai hlauhthâwnawmah kan ding ta.
• Duhâmnain Pathian hlau theilo lêkin min ti â zova.
• Dikna a bo zova, rinawmna an râlți a, Takna fîr tak pawh a dal zo ta.
• Malsâwmna min petu aiin a malsâwmna kan thlahlel a, kan chhe zo țep chu a nih tâk hi.

Hemi kawngah hian tumah indem tur kan awm lo. Keimah/nangmah kan pawimawh a, mawh kan phur vek a ni. Hlemhlêtna, duhâmna, nawmchenna, hnâwlin Pathian hnênah, kan ram kan hnam dam lehna turin i kîr ang u.(Ka sawi hnem ta hle mai…sawi ve tawh ru le..)

Robert Varte

Advertisements
Aside | Posted on by | Tagged , | Leave a comment

SELAM KHUAAH ȚAM A THLENG: Sept 20, 2017: Robert Varte

Selam Champhai Dist. Retailer in Kawng chhiat avanga Buhfai a phurh theih loh avangin Selam khua chhungkhat nu/pa buhfai/mizo buhhûm pûk tur zawngin kan zi huai huai mai. Buhfai ei tur neih loh vanga Vaimin chaw a ring kan awm nawk mai !

Buhfai bag 2/1 lo nei te pawh kan in sem kual a, tun anga kan kal zel chuan kanin ei țam vek thei a. Chaw ei tur mumal neih loh vanga natna hrileng (malnutrition) kan hlat lo. Tunah pawh naupang/puitling hritlang khawsik a dam lo kan tam hle! Mihring nunna hial chân kan awm ang tihpawh a hlauhawm hlel love. Khawtlang hruaitu tan a luhai thlak hle mai. Selam motor setvice tan kal ngaihna awm bawksi lo ! Selam khua hian Favang țangțam kan tawk mêk a ni ! Selam khuaah țama thleng !

Aadhaar Card siam tura Champhai/Ngopa a zin ngai chhungkaw tam tak kan awm bawk. Kan Motor Service ho tan kal ngaihna awm bawk silo. Internet nena thlunzawm (link)ngai lah tam. Thingtlangpa lu a hai e.

Aside | Posted on by | Tagged , , , | Leave a comment

AL-QAEDA TEN MIZORAMAH BU KHUAR AN TUM

Myanmar rama Rohingya Muslim te tawrhna chuan khawvel a dengchhuak mek zel a, hetihlai hian khawvela Muslim sakhaw zuitute zingah heng Rohingya Muslim te tana bei tura inpe tepawh an awm chho mek zel niin a lang a, tun Pathianni tlai lama New Delhi a British national Al-Qaeda terrorist an man chu Mizoram, Manipur leh NE state, Myanmar ramri-ah te bu khuar tum a ni.
.
Police te sawidanin he an mi man thiltum ber chu Mizoram leh Manilur-ah te bu khuar (set up base) leh Myanmar a Rohingya Muslim te radicalise a Myanmar sipai te bei tura fuihpawrh a ni.
.
Deputy Commissioner of Police P.S. Kushwah chuan tun Pathianni tlailam khan Delhi khawpui chhak lama Shakarpur bus stand bulah Shami Rehman (27) hi man a ni a, Voter’s ID lem (fake voter identification card) Shumon Haq, Bihar lam mi hminga siam a kawl a ni a ti.
.
Rehman hi tun kum 4 kalta chhung khan Al Qaeda thiltihnaa tel thin a ni a. Syria ram thla 3 chhung ralthuam hman zir, Allepo inbeihna pawh a lo tel hrep tawh niin Kushwah chuan a sawi.
Police te chuan a kut atang hian pistol leh cartridge 4 an man tel bawk.
.
Kushwah chuan Rehman hi a hma in Bangladesh ah hna thawk thin niin, taninah pawh alo tang tawh niin a sawi a, amah hi “hardcore terrorist” a ni a ti.
.
Rehman hi thla 2 chhung India-ah cham tawh in, south India, West Bengal bakah Jammu and Kashmir lama mi chi hrang hrang nen an inbepawp reng a, a chhungte hi central London-ah in leh lo neiin an cheng niin officer chuan a sawi.
– Kiddy Vanchhawng

Aside | Posted on by | Tagged , | Leave a comment

SBI A ACCOUNT NEITE TANA HRIATTUR

•SBI PIN siam dan

He thil ka post tur hi SBI a account nei chuan lo vawng tha khiau ang che u. Tun hnaiah SBI chuan Green Pin a hman tak avangin ATM Card alo thlen hnua, PIN No SBI Branch a thleng thin chu a ti tawp ta a. Chuvangin mahnia PIN in siam chawp a ngai tawh.

Chumi tur chuan SMS thawn a ngaia, amaherawhchu a thawnna tur SIM Card kha account i hawna, i mobile No dah ngei kha a nih a ngai. I mobile No i thlak a nih chuan Bank ah i thlak tir vat a ngai ang. I register mobile no chuan heti hian sms i thawn ang PIN XXXX CCCC (XXXX aiah i ATM Card hma lama No in ziak tlar digit 16 a a tawp lam pali kha chhut tur. CCCC aiah i Account No digit 11 a tawp lam pali Number kha chhut tur) hi 567676 ah i thawn ang a. Temporary PIN alo thleng ang a, chu chu darkar 24 chhungin ATM Booth ah thlak tur. ATM Booth ah ATM Card i rawlh lut ang a, BANKING tih menu ah lutin, PIN Change ah i lut ang a, i Pin thar tur chu i chhu lut tawh mai ang, confirm turin a ti ang che ang a, i chhu nawn leh ang a, ATM PIN/secret code i nei a ni mai. (PIN Change tih hma khian PIN No a ngai dawna chutah chuan temporary pin kha hman phawt tur) I ATM hman lai PIN i theihnghilh palh a nih pawhin hemi ang hian a thar a dil theih tho.

Aside | Posted on by | Tagged , , | Leave a comment

Mizoramah pum cancer a tam ber

Public Health Foun­dation of India (PHFI)-in Development of North East Region (DoNER), Sikkim sorkar leh STNM Hospital-te nen ṭanghoa Gangtok, Sikkim-a North East Health Care Summit an buatsaih chu Sept 10 khan zawh a ni. He hunah hian Hospital & Medical Education department deputy director Dr Eric Zomawia chuan Mizorama cancer hluar ber chu pum cancer a nih thu a sawi.

Dr Eric Zomawia chuan, Mizoram cancer dinhmun sawiin, “Mizo­rama cancer a hluar ber chhan chu zûk leh hmuam bakah, saum leh sa rêp kan ei nasat vang a ni,” a ti a; saum leh sa rêp chu Mizo chawhmeh duh ber zinga mi a nih avangin thunun harsa tak tur a nih thu a sawi tel.

Zûk leh hmuam kawngah Mizoramin hma nasa taka a lak thu sawiin Dr Eric Zomawia chuan, “Tunah hian anti tobacco squad ṭha tak neiin, an thawkrim em em a, hma kan sawn zel a ni,” a ti.

Summit kaihruaitute zinga mi Dr Lalrozama, NHM mission director chuan, thingtlanga awm duh doctor an váng chu Mizoram harsatna a nih thu sawiin, “Hmanni lawkah NHM hnuaia lak thar doctor chu Aizawl páwnah kan sawn a, a chhanna chu bànna lehkha a ni. Hetiang thil hi chinfel vat ṭul tak, a tih dan tur váng tak si a ni,” a ti.

Thingtlanga awm tur doctor hmuh a nih theih nan hmarchhak state-te’n inthuruala hmalak dan ngaihtuah a ṭul thu a sawi.

Aside | Posted on by | Tagged , | Leave a comment

YMA GENERAL CONFERENCE 2017, CHAMPHAI ZOTLANG THLEN DAN TURTE

COUNTER NO – I Nazareth Veng ‘Y’ Sec

1. Buarpui Group
2. Sakawrhmuituai Group
3. Vaisam Group
4. Taitesena Group
5. Kawlkulh Group

*AIZAWL*

1. Aizawl Venglai Branch
2. Bungkawn Vengthar Branch
3. Chite Veng Branch
4. Durtlang North Branch
5. Kanan Branch
7. Maubawk Branch
8. Nausel Branch
9. Ramthar Veng Branch
10 Saron Veng Branch
11. Tanhril Vengthar Branch
12. Tuikhuahtlang Branch
13 Zemabawk Branch
14. ITI Branch
15. Lungverh Branch

*KOLASIB*

1. Kolasib College Veng Branch
2. Khuangpuilam Branch
3. Thingdawl Vengthar Branch

*LUNGLEI*

1. Farm veng Branch
2. Salem Branch
3. Zotlang Branch

*SERCHHIP*

1. Chhiahtlang Chhim veng Branch
2. New Serchhip North Branch
3. Hriangtlang Branch

*MAMIT*

1. North Sabual Branch

*MIZORAM PAWN*
1. Silchar

*CHAMPHAI*

1. Vengthar Branch
2. Dinthar Branch
3. Vengthlang Branch

*COUNTER NO – 2 Rajput Veng ‘Y’ Sec*

1. Chalfilh Group
2. Serlui Group
3. Saiha Group
4. Vanva Group
5. Shillong Group
6. Vanhnuailiana Group

*AIZAWL*

1. Armed Veng Branch
2. Central Jail Veng Branch
3. College Veng Branch
4. Edenthar Branch
5. Khatla Branch
6. Melthum Branch
7. Nursery Veng Branch
8. Ramthar North Branch
9. Sairang Branch
10. Thakthing Branch
11. Tuithiang Branch
12. Zemabawk North Branch
13. Lengpui Branch
14 Muthi Branch
15. Ramhlun Vengthar Branch

*KOLASIB*

1. Tumpui Branch
2. Venglai Branch
3. Sethawn Branch

*LUNGLEI*

1. Hauruang Branch
2. Sazaikawn Branch

*SERCHHIP*

1. Chhiahtlang Hmarveng Branch
2. New Serchhip Venglai Branch
3. Serchhip Pro & Electrict Branch

*MAMIT*

1. Dampui Branch
2. Phaizau Branch

*CHAMPHAI*

1. Bethel Branch
2. Vengthlang N Branch
3. Zote Branch

*COUNTER NO – 3 Dinthar Veng ‘M’ Sec*

1. Hmuifang Group
2. Tuirial Hydel Group
3. Sertlangpui Group
4. Zobawk Group
5. Pangzawl Group

*AIZAWL*

1. Armed Veng South Branch
2. Chaltlang Branch
3. Damveng Branch
4. Electric Veng Branch
5. Khatla South Branch
6. Mission Veng YMA North Branch
7. Phunchawng Branch
8. Rangvamual Branch
9. Sairang Dinthar Branch
10. Thuampui Branch
11. Tuivamit Branch
12. Zemabawk Airfield Branch
13. Lengpui Model Branch
14. Salem Veng Branch

*KOLASIB*

1. Electric Veng Branch
2. Vengthar Branch
3. New Builum Branch

*LUNGLEI*

1. Hrangchal kawn Branch
2. Serkawn Branch

*SERCHHIP*

1. Chhiahtlang kawnveng Branch
2. Serchhip bukpui Branch
3. Serchhip Kawnpui North Branch

*MAMIT*

1. Luangpawl Branch
2. Suarhliap Branch

*CHAMPHAI*

1. Tlangsam Branch
2. Electric Veng Branch
3. Zion Veng Branch

*COUNTER NO – 4 Synod Mual ‘M’ Sec*
*& ‘Y’ Sec*

1. Saitual Group
2. Zampuimanga Group
3. S.Vanlaiphai Group
4. Airport Group
5. Tuichangral North Group
6. Tawitlang Group

*AIZAWL*

1. Bawngkawn Branch
2. Chaltlang North Branch
3. Dawrpui Branch
4. Falkland Branch
5. Kulikawn Branch
6. Mission Veng YMA South Branch
7. Ramhlun North Branch
8. Republic Veng Branch
9. Sairang Sihhmui Branch
10 Tlangnuam Branch
11. Upper Republic Branch
12. Zonuam Branch
13. Tanhril Branch
14. Tuikual South Branch

*KOLASIB*

1. North Kolasib Branch
2. Rengtekawn Branch
3. Diakkawn Branch

*LUNGLEI*

1.Luangmual Branch
2. Chanmari Branch

*SERCHHIP*

1. Bungtlang (Bazar) Branch
2. Chhiahtlang “Zotuithiang Veng” Branch
3. Serchhip Chanmari Branch
4. Serchhip Kawnpui South Branch

*MAMIT*

1. Lungsir Branch

*MIZORAM PAWN*

1. Lumding Branch

*CHAMPHAI*

1. Ngur Branch
2. Kahrawt Branch
3. New Champhai Branch

*COUNTER NO – 5 Bazar tual ‘Z’ & ‘A’ Sec*

1. Tuisual Group
2. Chhimphei Group
3. Tawipui Group
4. Chhawrpial Group
5. Vantawng Group
6. Khawzawl Group
7. Tuichangral S
8. Khuangchera Group

*AIZAWL*

1. Bawngkawn Chhimveng Branch
2. Chanmari West Branch
3. Dawrpui Vengthar Branch
4. Govt. Complex Branch
5. Laipuitlang Branch
6. Mission Vengthlang Branch
7. Ramhlun South Branch
8. Selesih Branch
9. Republic vengthlang Branch
10 Tlangnuam West Branch
11. Zotlang Branch
12. Vaivakawn Branch
13. Lungleng I Branch
14. Zarkawt Branch
15. Mualpui Branch

*KOLASIB*

1. New Diakkawn Branch
2. Gosen Branch

*LUNGLEI*

1. Lunglei Bazar Veng Branch
2. Lunglawn Branch
3. Theiriat Branch

*SERCHHIP*

1. Bungtlang Chhimveng Branch
2. Serchhip Hmarveng Branch
3. Serchhip Chhimveng Branch
4. Serchhip Saron Branch
5. Chhiahtlang Chanmari

*MAMIT*

1. Mamit Bazar Branch
2. Mamit Venghlun Branch

*MIZORAM PAWN -*

1. Sazek Branch

*CHAMPHAI*

1.Kanan Branch
2. Neihdawn Branch
3.Ruantlang Branch

*COUNTER NO – 6 Fartlang ‘A’ Sec*

1. Tuivai Group
2. Chawngte Group
3. Thorang Group
4. Dampa Group
5. Manipur Group
6. Tuipuiral Group

*AIZAWL*

1. Bethlehem Veng Branch
2. Chawnpui Branch
3. Dinthar Branch
4. Hlimen Branch
5. Lawipu Branch
6. Model Veng Branch
7. Ramhlun Sport complex Branch
8. Saikhamakawn Branch
9. Sihphir Branch
10 Tlangnuam Vengthar Branch
11. Venghlui Branch
12. Zuangtui Branch
13. North Lungleng Branch

*KOLASIB*

1. Project Veng Branch
2. Thingdawl Chhimveng Branch
3. Thingdawl Venglai Branch
4. Tuitha Veng Branch

*LUNGLEI*

1. Sethlun Branch
2. Pukpui Branch
3. Venghlun Branch
4. Lunglei Electric Branch

*SERCHHIP*

1. Bungtlang Venglai Branch
2. Keitum Branch
3. Serchhip Darnam Branch
4. Serchhip Vengchung Branch
5. Serchhip Field Veng Branch
6. New Serchhip IOC Branch

*MAMIT*

1. Mamit Chhimveng Branch

*CHAMPHAI*

1. Venglai Branch
2. Mualveng Branch
3. Jailveng Branch

*COUNTER NO – 7 Field Veng ‘Z’ Sec*

1. Zawlbuk Group
2. Hnahthial Group
3. Tuichawng Group
4. LangkaihGroup
5. Tripura Group
6. Tuiphal Group

*AIZAWL*

1. Bethlehem Vengthlang Branch
2. Chawlhhmun Branch
3. Durtlang Branch
4. Hunthar Branch
5. Luangmual Branch
6. Muanna Veng Branch
7. Ramhlun Venglai Branch
8. Sakawrtuichhun Branch
9. Sihphir venghlun Branch
10. Tuikual North Branch
11. Venghnuai Branch
12. Samtlang Branch
13. Chanmari Branch

*KOLASIB*

1. Saidan Branch
2. Thingdawl Hmarveng Branch

*LUNGLEI*

1. College Veng Branch
2. Rahsi Veng Branch
3. Venglai Branch
4. Ramthar Branch
5, Zohnuai Branch

*SERCHHIP*

1. Bungtlang Vengsang Branch
2. New Serchhip Bazar Branch
3. Serchhip Dinthar Branch
4. Vanchengte Branch

*MAMIT*

1. Mamit Hmarveng Branch

*MIZORAM PAWN -*

1. Haflong (Assam )

*COUNTER NO – 8 Tuipui ral ‘Z’ Sec*

1. Awithangpa Group
2. Lungsen Group
3. Tuiphai Group
4. Khuangchera Group
5. Sialkal Group
6. Vanapa Group

*AIZAWL*

1. Bungkawn Branch
2. Chhinga Veng Branch
3. Durtlang Leitan Branch

*CHAMPHAI*

1. Ngur Vengsang Branch
2. Hmunhmeltha Branch
3. Vengsang Branch

*CHAMPHAI*
1.Tuipui Branch
2. N Khawbung Branch
3.Chhungte Branch

Aside | Posted on by | Tagged , , , | Leave a comment

TUNG’E KA TIL MAN!? (Zankhatah Til Pahnih Ka man!)by Chhantea Pautu, Paradise Logde

“Pa pakhat hian chakai a khawrh a, lung a phawk a, a lung phawh hnuai chu a zen ngar ngar a, a tâwpah thil nêm nùak hi a va man a, chupa chuan, ‘Tung’e ka t*l man…tu t*l nge ka man!!’ a ti a!”.

Pa Mawia nen kha chuan lui kan kal dun leh tawh lo reng reng a, min sawm tawh ngai lo! ‘Râwlthar’ tia sawi theih kan han ni chho a, luikal nuam timi tih takah midang nen kan kal leh fo thin; a hnung ka zui tak ber chu U Taia a ni a(hming chu ka thlâk mai teh ang) kei aia kum 3 vela upa a ni.

Tumkhat chu ani hnung ka zui hmasak ber tumin mi pathum hi chakai meichher chhit tur bawkin Ngamalung mûal leh Buanzâwl mûal inrina lui, Buanzâwl lui kan tih, chhengchhe zetah chuan kan kal a; U Taia, Thuama leh Keikan ni a! (Buanzâwl mûal leh Ngamalung mûal hi Hualtu ram chhunga awm a ni; Ngamalung mûalah hian Ngama lem leh a nupui lem te, Nghalphusen a kahhlum tâk âwm len zawng leh a ngho sei zawng inkerna lung a awm a, kawngpui atanga péna hla deuh hlekah, kea kalna kawng bul maiah hmuh theihin a awm a ni.)

Kan kal lam chuan Pa Mawia nena kan luikal chanchin kha ka sawi a, min hruai duh tawh loh dànte chu ka hrilh a, U Taia chu a then tha mai a, “I nêp sazu êm a nih chu!” min ti a. Thuama lah chuan a lo la fuh mah mah a, che hlek leh thawm awm hlekah, “Rul a niang!” a ti chhèn lehnghal; chuti ang thil ka sawi zawhah Thuama chuan khita pa pakhat chakai khawrh chanchin ka tarlan tâk atanga sawi tanin thilmak tak tak leh nuihzatthlâk pui pui hi a sawi a, kan nui kan nui a!

Kan thianpa Thuama chungchang hi remchangah kan la sawi leh dawn nia; mahse hemi lai vel, a naupan lai chungchang ni lovin a tlangval tawh hnua a chanchin leh a thilsawi vel atangin a ni thung ang a, ama sawi dàn a ni deuh ber bawk ang!

KEITE NENA INHMACHHAWN!-
Kan luikal chanchin lamah lût tawh ang aw. Khatih hun lai kha chuan Hualtu leh Chhingchhip inkarah khan Keitè a awm thin; Motor kawng kha Jeep-road mai a la ni a. Buanzâwl kan thlen chuan kawngpui lai takah Keite hrawl ang reng tak hi a lo uithut vang mai a, keini pathum chu minlo en kar a.

A upa ber U Taia chuan, “Shiit…shiit…siiik…siiik…” tiin hnawh kian a han tum a, a kal kiang duh hauh lo, a luhlul kher mai! Hmalamah ke kan pên ngam tawh lova, hnunglama lêt turin kan che mai ngam hek lo; kan tlân chuan min um kha kan hlau ru vek a nih a rinawm. Kawnglaiah Keitè leh Keini pathum chu kan inen ta reng mai a, inen laih kan tum pawh a ni chuang lo; kan tihngaihna hre lo chuan, “Hei, bawnga…siala…ui…hei…kal rawh…” tiin kan kut kan han phar zuau zuau thin a, chemtum te pawh kan lek; mahse Bawng emaw, Sial emaw, Ui emaw ni ta lo na na chu a kal duh der si lo! Tin, hlau deuh chunga ti kan nih kha a hre ve a nih hmel.

Minute 10 chuang zet chu kan inen tawh; U Taia chuan, “1 2 3…ah aw…” a rawn ti sup a, kei chuan a ruala tlânchhîat tur a tihna a ni tih ka man thiam nghal a…a rualin number chu kan han chhiar a…Kei leh U Taia chu 2 kan chhiar thlen, 3 kan chhiar dâwn chuan hnunglamah kan tlân lêt ta chîam a.

Thuama ve thung chu ring deuha, “Three…” tih pahin Keite awmna lamah chuan a tlân phei ta nulh rauh a! U Taia ne’na thui fê kan tlân hnuah U Taia chuan,”Khawng’e Thuama hi…!?” a han ti a; kan han ding a. Kei chuan, “Ka hre lo…Keite awmna lamah khan a tlân a niang…” ka lo ti a.

U Taia chu pawi tih hmel zet leh ngaihthat loh hmel zet hiana awm a, “Va zawng ang…” a tih paha lêt leh kan tum lai tak chuan Thuama chu chak zet hian a rawn tlân phei ve taa; Keini pahnih chuan Keitein a rawn ûmah ngaiin kan bul a rawn thlen hma hma chuan kan tlân ve nghal a…thui fê kan tlân hnu chuan kan han ding a, kan thaw hluam hluam hlawm a.
U Taia chuan, “Ngati nge Keite awmna lamah khan i tlân daih!?” tiin Thuama chu a han zâwt a.
Ani chuan, “A ruala va beih tur in ti emaw ka tia!” a lo ti mai a.
UTaia chuan, “A nih, nichin khan a rawn ûm che mi!?” a han ti leh a.
Thuama chuan, “Um nang aww…khatia ka tlân pheikhan a tlânchhia a, kawngthlang lamah a pêng bo daih a lawm…” a ti leh a.
U Taia bawk chuan, “Tinge chak deuha i rawn tlânchhiat si…!?” a han ti leh a.
Thuama chuan, “Ka han ding kha ka hmu si lo che u a, min hawsan ka hlau a, karawn ûm che u lawm…in lo tlânchhe ringawt a nih khaaa…”a han ti leh a; kan nui ta tha hlawm a. U Taia chuan, “Keite awmna vel chu hlau ve deuh tawh rawh…” a han ti ringawt a, Thuama chu a bu nghut nghut a.

Hlau leh ti ang reng takin Buanzâwl lui lam chu kan pan leh ta tho a, lui kan thlen thlâk chuan kan peih tâwka thui kan zawhthla a, mei chhemin khua kan nghâk thim ta a ni. Hetih lai hi khawnvartui van lai a ni a, maubati hmang lovin dapin meichher kan siam a, khawnvartui chu damdawi bur ruak lian vak lo khat chiah kan keng a.

TIL MAN VAWIKHATNA!-
Kan innghahna hmun atang chuan lui mawng lamah thui lotè tal chu chakai vaia kal lawk U Taia chuan a rawt a,kan meichhemna kalsanin meichher pakhat chauh ne’n kan kal ta a. Meichher dang chu kan hnutchhiah vek a ni.

Rin aiin chakai a lo tam a, kan man zauh zauh tan a; chutah, Thuama chu chîang zet hian a tawlhthlu a, a hnunga U Taia chu a tleng pahin a kerekah a tlawh sak a, U Taia pawh chu a tlu ve ta a, a tlûk pahin a meichher ken a thlauh darh ta vek mai a; a lo tawnkhawm nghet lo chu niin!

Thlamang lai a ni a, aimitthlawn ang maiin a thim chhah mup a, tumah kan inhmu thei lo; Thuama inthiam lo chuan,”Awiah eee…a va na eee…!” a ti deuh sek a, U Taia erawh a ngawi reng thung!

Thimthama chuan kan meichhemna lam panin kan vâk chho ta hlawm a, Thuama nge hmasa U Taia tih pawh ka hre tawh lo, an thawm atang erawh chuan ka hnuhnung ber niin ka inhre ve ringawt a. A hnungbera kal nia inhriat chuan hnunglam thil a ngaihtuah loh theih loh a, mawng hi a za chem chem mai a ni. A ngaw a dur tha si, lui a chhengchhe si, hlauh vang pawh ni em em lovin hmanhmawh a awl ang reng riau a, kan hnunglam kha a tenawm thar deuh tlat! Chak ang reng tak hian ka indap chho a, ka kechheh a pelh leh phat phat thin, a hnu deuah chuan puan ni ngei nia lang chhanah hian thil nêm deuh nûak hi ka han man fuh a, chutih pah chuan ka luin thil sakhat hi ka su chawrh bawk; ka hmanhmawh deuh a niang!

Ri deuh vut zawhah thil ri thlawp hi ka hre zui a, U Taia aw ni ngei tur hi a ‘awiah’ thawt a, second rei lote a reh hnuah,”Tunge ka til man!?” a rawn ti ta mai! Keini chu kan ngawi kar mai a. “Tu zâwkin nge man!?” a han ti leh a, tumah mah kan la tawng lo! U Taia lah chuan, “Maw u…tunge ka til man…tu zâwk nge!?” a ti khur khur tawh mai bawk si! “Ka mawngah a la tauh zui…ka tlûk bawkkhup thlawp phah…ka khabe a na teh a nia!” a ti nai nai a mai a!

Ka rilru te te chuan, “E heee…” ka ti a. U Taia til kher kher ka han man chu pawi ka tiin ka inthiam lo em em mai a. Chutah, ka inngaihtuah harh ta thut a, “Kei chu ka ni lo!” ka ti ta vat a. Chu veleh Thuama pawh chuan, “Kei pawh ka ni lo!” a lo ti ve nghal vat a!

Khatih lai khan Thuama kha khawng’e a awm ka hre lova; mahse ka bul lawkah a lo awm chu niin, a lo hmasa ber lo tawp mai. Rei lotè thawm a han reh a, a thim chhah si, engmah a hmuh theih miau loh avangin U Taia tân pawh tihngaihna vak a awm lo. “Ka til man chu in awm a ni…khati taka rawn thâm nat a ngai ami!?” a han ti leh ringawt thin a! Chuti taka ka thâm nat pawh chu ka hre mang si lo!

Thuama chuan, “Ramhuai a niang, a thim emai!” a lo ti a; U Taia’n a awih lo kher a sin! Keimah tak pawh chuan ramhuai zâwk chu a nih ka ring ta mah mah a; a chhan chu, ka han man, thil nêm nûak kha chu ka thâm nat vak âwm pawh ka hre miah lo!

A thim chhah em mai a tihngaihna awm miau hek lo, indap chawpin kan vák chho leh ta nawk nawk a. U Taia til kher kher man leh mawlh chu ka hlau tawh a! Ka han ngaihtuah a; khatih laia U Taia awmdàn tur kha ka han suangtuah chhin a, mitdel serh khawihsak an sawi ang tak tak hi a nih ka ring! A til man saktu Keimah kha min hmu thei si lova, a inher deuh vutin ka ring tlat! Kawng leh lamah chuan vannei ka inti hle; min hmu thei miau si lova.

Kan meichhem êng kan hmuh har dàn em em zia chu, a lo thi rêm hman a ni ngat ang. Kan indap chho zel a, kei chuan kan meichhemna lung, la lum vat vat chu ka khawih fuh ta hlauh a, khawnvartui bur kan han dap fuh leh hnuah mei kan han chhem a, U Taia chuan, “Tunge ka til kha man!?” a ti leh thin a, Thuama nen chuan kan hriat loh thu rang deuhin kan lo sawi vat zel bawk. Meichher chhîin chakai chu kan man chho tan leh ta a, kan hlawhtling hle nghe nghe a, kan man teuh mai!

TIL MAN VAWIHNIHNA!-
Lui atanga hawin kawngpui kan chhûak chho têp tawh a, kan chhuah chhoh chuan Keitè kan hmuhna hmun kha a ni nghal tawh mai dawn a ni. U Taia chuan Kàwi kâwm tha zet pakhat hi a chhar a, a naute tâna hawnah chemin chhu pawp a, a kheh malh malh a.

Kawngpui chu kan han chhuak chho a, Keitè kan hmuhna kan thlen chuan U Taia chuan a Kàwi kheh lâi pakhat chu athlauh palh a, kawngah a lir teng teng a, chhar turin a kûn zauh a, hmalamah tlân titih hian pên nga vel a pên a

Chutih lai chuan rin lâwk loh tawpin Thuama chu hlauh nei ang mai hian a tlânchhe ta phut a, keiin hlauhawm a hmu emaw tiin ka ûmzui a, ka tlânchhe zui ve nghal vat a; chutah, “Eng’e…eng’e…!?” tih pahin U Taia a rawn tlânchhe zui ve nghal bawk. Kan tlânchhe ta char char a; kei chuan thingbung ka pal palh a, ka tlu bawkkhup thlawp a, Thuama’n mi rawn pal a, min delhin a tlu zui ve nghal a, U Taia lah chuti bawk! A hnuai berah ka tang ta rân mai a, “Aiah…a na nia…tho rawh u…min man hman ang’e aw…” kati tuarh tuarh a!

Thla mang lâi si engtin nge kan tlân theih tiin in lo ngaihtuah ngeiin ka ring- khûa hi thimchhah viau mah se kawngpui vel hi chu khaw that lai chuan a êng deuh uau thin tih in hre ve châwk ang a; chubâkah, mihring hi hlauh kan neih tawh chuan kan lo turu khawp mai a lo ni. Kawngpui chu a êng uau naa, kan han tlûk buai tâkah chuan mit a vai zo a, tuma’n meichher kan keng tawh bawk si lo…kan intàl chingchivêt kual nasa ta mai si! A tâwpah ka têt bîkna hmang tangkaiin ka tho thei dawn ta; ka tho tur ka han inbengkhalh chu thil nêm nûak bawk chu ka beng fuh leh ta tlat mai; U Taia til a nih loh hrâm ka beisei takzet!

Vanneihthlâk takin Thuama aw mawi ngei chuan,”Awiah…awihah…a na…a na…tung’e ka til man!?” a rawn ti ta tâwk tâwk a; chu thil nêm nûak chu U Taia til a ni lo tih ka han hriat chuan ka lawm ngei mai!

Kan han thawh kim zawh meuh chuan thaw a sa hluam thei a. U Taia chuan, “Eng’e in hlauh aaa…in tlân vak a!?” a han ti a.
Kei chuan, “Ka hre miah lo…Thuama hi a rawn tlânchhe vak sia…ka tlân ve tawp…” ka lo ti a,
Thuama chuan, “Keite awmna kha a niang!” a rawn ti bauh a!

U Taia’n, “Keitè chu in hmu a mi!?”.
“Hmu chuang nang…a awm ka ring aaa…”
“Hmu si lo, nge khati vaka in tlân!?”
“Nangma’n, ‘Keite awmna chu hlau rawh’ min tia nih khaaa…!” Thuama bawk chuan a lo ti thèn a!

“I va han mâwl tak…i hmuh lohte chuan tlânchhìat kher a ngai a mi!?”

“Nangmah kha i tlânchhia emaw ka tiaaa…”
“Ka Kàwi thlauh ka chhar a nih khaaa…”
“E…” Thuama chuan a han ti ta ngawt a, “Nichin khan tunge ka til kha man le?” a han tihzawm nghal daih a.

Kei chuan, “Ka hre miah lo” ka lo ti vat a, ka inpuan chuan UTaia’n a til mantuah min puh dik kha ka hlau tlat si a!

U Taia chuan, “Nangmah leh nangmah kha i inman sak rauh a niang…pa pakhat chakai khawrh i sawi ang khan nangma’n nangma til i man a nih kha…luia ka til mantu pawh kha i ni hrim hrim ang…” a lo ti ta chiah a; ka fihlimin ka hria! “A ni hrim hrim…” ka lo ti thuai a; min hriatchhuah a hlauhawm tlat!

Thuama chuan han chhàn leh dàn tur a hre mai lo a niang, a ngawi vung vung a; mahse ani hi phawk tak leh, boruak siam zangkhai pawh thiam tak a ni thung. Chutia a ngawih vung vung hnu chuan, “Rul a niang!” tiin a rawn nui ruh ruh a. Kei chuan ka lo ngei kher kher hle mai; rulin tu til mah a man lo ang’e a!

U Taia chu a rawn nui phuh thut thut a, chu chu remchângah lain Thuama chuan U Taia awki ang deuh chiah hian, “Tunge ka til man…tu til nge ka man!?” a rawn tizui zat a, chu veleh, “Mâwla…” tih leh Thuama hnungzang rikawng chu a inzui nghal a.

Meichher nei miau tawh hek lo, thimtham zingah chuan kan haw chho ta thâm thâm a ni.
Xxxxxxxxxxxxxxxxxxxxxxxxxxxxxx

Aside | Posted on by | Tagged , , | Leave a comment

SIM CARD LEH AADHAAR THLUN ZAWM HNA FEBRUARY NI 6, 2018 HMAA ZO FEL TURIN SUPREME COURT IN THUPEK A CHHUAH

Supreme Court thupek angin sim card pe chhuak tu company hrang hrangte chuan an sim card hralh chhuah sa te Aadhaar nena thlunzawm hna an thawk mek a. February 6, 2018 hmaa thlunzawm hna zo hman turin Supreme court hian thu a pe a ni.

Airtel chuan sim card pek chhuah chanve Aadhaar nen an la thlunzawm tling lo deuh niin an ngai a. Thingtlang lamah Airtel hmang an tam avangin Aadhaar nena thlunzawm hna hi kal chakpui a harsat thu an sawi. Airtel company hotute chuan nakum February 6-a zo hman turin an theihtawp an chhuah zel niin an sawi bawk.

Supreme Court thupek anga sim card leh Aadhaar hi thlunzawm vek a nih chuan, mobile phone hmanga mi bumthin mi sualte manchhuah a awlsam dawn a, ram chhunga hel pawl firfiak a che thin ten sim card hman mai mai tur an nei thei dawn lo a ni. Mimal nihna (Indentity) chu humhim a ni dawn a, mobile service provider te hian mipuite chanchin kimchang (Unique Identification) Aadhaar a awm chu an kawl ve dawn lo niin thuneitute chuan an sawi.

Telecom Company te hian UIDAI-ah an thil lak khawm te hi an thehlut vek ang a, mipuite Aadhaar-a an mimal thil kimchang lo kawl an awm chuan service provider te hi Aadhaar Act 2016 hmangin kum 3 lung in tan thlenga hrem theih an ni dawn niin thu dawn a ni bawk.

Airtel bakah hian service provider hrang hrangte hian Aadhaar nena an sim card thlunzawm hna hi Mizoram chhungah an thawk mek a, mipui an intlar hnem thin hle a ni.

Posted by Vanneihthanga Vanchhawng @ 18th September, 2017

Aside | Posted on by | Tagged , , | Leave a comment

Kan Gospel Singer te hi inenfiah teh se!!

Mihringte chuan chak lohna zawn kan nei theuh, chutih lai erawh chuan kan nihna leh thiltih mila kan nun ve angai thin a ni. Pathian rawngbawltu leh rawngbawltu tan lo pawh thlemna a inang fo thin, mahsela Pathian rawngbawltute chu heng thlemnate hi do hneh tura ngaih, mi entawn an ni.
.
Chutiang a nih lai erawh chuan, kan Gospel Singer ngaihsan em emte zingah, Thianghlim taka nupui pasal nei an khat ta pharh mai, kan lengzem sa thinte ai paw’n an mualpho ngun ta khawp mai.
.
Laldinkimin Sex video a nei a, Stewarta (Magdalene) in sawn thlakin nupui hman kum deuh tawhah a nei a, chu a nupui nen chuan inthenin, tunah puk lawk bawkin nupui a nei leh a.
Feli Thangluah lahin Rai luahin pasal a nei a, chutiang zelin BKa leh BoBoihi dan khatnaa inneiin a hnu lawkah phuar nawn leh ngai khawpin sual an lo zep a.
Chu mai a la ni lo, Freddy, thangthar zaithiam em em lahin puk lawk bawkin a nei leh a.
Tunah, Kelkang hla nung taka satu Zoremi Ralte lah an ru leh daih leh nghal a!
Youth icon a kan hriat lar tak leh pathian hla nung tak2 a sathin icon hnulam pawh a sa zui zel thalai te entawn tura kan ngaih Rualthanchhingi(nonoi) lah puk lawk bawkin pasal nei leh ta bawk a.
Kan gospel singerte hian inenfiah deuh chu an ngai a ni!.

E, ka sawi hmaih, Joseph Zaihmingthanga paw’n gospel hla a sak hnuah a ni maw khah, puk lawka nupui a neih bawk kha!
.
Thlemna tawk thei vek kan ni, kan hrethiam viau, mahsela Pathian rawngbawla zai thinte chu kan endan a dang tih hria sela, kan gospel singer dangte pawn hei hi inenfiah nan hmang sela, lo fimkhur phah sela, a tha khawp ang le!

Source: Zo-Troll Page

Aside | Posted on by | Tagged , | Leave a comment

Gippeumjo – North Korea President-te Hlimna Siamsaktu Nula Hmêlțha Pâwlho (Pleasure Squad)

Nazi Germany Adolf Hitler-a tih loh Khawvel Sawrkara thuneihna pumhmawmtute reng reng hian nuam an tâwl nasa țhîn em em a, an zîngah hian North Korea tia khawvelin a hriat lâr Democratic People’s Republic of Koreapresident-te pawh an bâng bik lo. Mahse, mi tinin mahni mawi lohna chu kan thup zêl ang hian anni pawh an inthup ve nasa hle a. Hetianga hmeichhiate nuam tawl nana an hman chungchang khawvel hriata tlangzarh hmasa bertu chu Japanese mi Kenji Fujimoto a ni.

Kenji Fujimoto hi 1988-2001 thleng khan North Korea (NK) president Kim Jong-il-a tan Japanese ei leh in Sushi siamsak țhintu a ni.

Kenji Fujimoto dawta he mi nuam tawlna chungchang sawi chhuak lehtu chu South Korea tia kan hriat lar Republic of Korea rama râltlân NK nula a ni. A thil hmuh leh hriatte chu ‘Marie Claire Magazine’ hnenah a puang fai leuh a ni.

Chu mi 2010 kum ațang chuan NK tlan chhuahsantuten he mi chungchang hi an sawi belh ta zel a, South Korea Tv Interview-ah a lâr vet vet hle a ni.

Pleasure Squad pawlah hian nula hmêlțha thlan țhiau 2000 chuang an awm a, an hna ber chu NK president tihhlim a ni. Tin, NK-a Sawrkarna chelh mêk Worker’s Party of Korea thuneitute an tihlim țhin bawk.

He ‘Pleasure Squad’ hi president Kim Jong-il-a’n a pa Kim il Sung-a tihhlim nana 1978 kum khan a din a ni a, heta nulate hi NK-a a nalh nalh, a tuihnai hnai thlan khawm țhiauan ni.

President Kim Jong-il-a hian a pa duh zawng ngei tur Lasi nula tluk țhiau a thlansak a ni. NK hian president pathum an nei tawh a, president mawhphurhna chelh mêkin a duh dan azirin Pleasure Squad-a tel tur nula an thlan dan pawh a dang hret hret.-

President Kim Jong-il
hmai bial pum lam, nula duhawmte a thlang;
*160cm-170cm a sâng;
*Ria chum bat (slim) body nalh;
*Kum 16-17 inkar mi.

Pleasure Squad-a tel tur thlangtu pawlhovin Middle School-a kalin hmeichhiate an thlang țhin. Hmeichhe hmêlțha en hmaih palh an awm palh loh nan pakhat tê têin an en chhuak dap țhin. An mithlante chuan ‘ka duh lo’ tia hnial theihna an nei lo. A châng chuan amah president ngeiin Sikula va kalin a thlang țhin.

Tuna president ni mêk Kim Jong-un-a hian 2011 kum khan a pa Pleasure Squad pawl chu a țhiahsak a, 2015 kum khan ama tan a din țha leh ta a.-

President Kim Jong-Un-a duh zâwng
*Hmai tung lam nula duhawm.
*170cm aia sâng;
*Ria chum bata body nalh;
*Kum 16 leh 17 inkar.(Mahse, kum 13 mi lek hmeichhe pakhat chu a thlang mauh mai).

Kim Jong-Un-a hian tuna a nupui Ri Sol-ju pawh hi Pleasure Squad pawla mi a thlana a neih niin an sawi.

An nula thlante chuan exam chi thum an paltlang țhin.-

First Step Exam
Mi zawng zawng aia hmêlțha anga chêt vêl dan an thiam tawkin an show phawt. Mi tihhlim nana an thiam ber țheuh an show. Zãi, lâm, rimawi tih ang chi neuh neuh a ni ber. Thlahtute ațanga mițha chhûngkua an ni tur a ni. An thlahtute ațangin Jail tâng leh NK ațanga râltlân an awm tur a ni lo. An awm chuan hnawl nghal an ni ang.-

Second Step Exam
First Step Exam paltlanga tlingte chuan thla khat hnuah Exam vawi hnihna an hmachhawn leh. He exam-ah hi chuan nula hnahkhat nih leh nih loh ‘Virginity’ an endik ber. Heta tlâte chu an zak ngawih ngawiha an Sikul kal lehnaah pawh an dâk chhuak ve ngam tawh țhin lo, a rûka nuthlawi an ni miau a. (Kan Mizo nulate hi tel ve ta se, an zingah hiantla an tam âwm! mahse, țhenkhat hi chuan zak baksak lovin ‘Ka virgin loh avanga min iaitu chu….dededeiii’ an ti leh thovin a rinawm).

Third Step Exam
Chhîp ațanga ke lêr thlengin SER an nei tur a ni lo. Natna benvawn leh inkaichhawn theih natna an nei tur a ni lo. Hriselna țhat tâwk leh tâwk loh endikna a ni ber mai.

Exam chi thum paltlanga tlingte chuan eng nge an tih leh tur hmabak ni ang? Ele, Middle Sikul an zawh chuan NK khawpui ber Pyongyang-a thawn an ni a, chuta țanga anmahni kum 27 mi an nih thlengin an chhŭngte nên inbiak pawh khap tlat a ni.

He’ng nulate hian president pathumte biography chipchiar takin an zir hmasa ber a. President te nena inkungkaih lehkhabu a tam thei ang berin an chhiar a. Essay an ziak anziak a, lawmthusawina lehkha an inziahsiak bawk țhin. Hetiang hi an pass hnuah chauh training tak tak chu an hmachhawn thei chauh țhin.

An train deuh berte chu:
*Hmeichhiat-mipat hman kawnga zei;
*Zâi, lâm, rimawi tum thiam.
*In malis thiam;
*Ram dang mikhualte lo chhâwn thiam;
*Zu leh a kaihhnawih thil thlit thiam;
*Basic Nurse.

Hetiang training hi an paltlang hnuah, an thiam zawng a zirin, pawl thuma țhen an ni a:
1. Manjokjo an tih hmeichhiat-mipatna lama hlimna siamsaktu pawl;
2. Haengbokjo an tih president malis-tu pawl;
3. Gamujo an tih zâi leh lâma president tihlimtu pâwl (a chang chuan saruak ngal ngat tein an inphelh țhin).

President-in mutpui atana a thlante phei chuan president duh dan hre chiang turin an zir belh leh nasa țhin. Tui luma bual dan ațanga kawr haktir dan thlengin an zir țhin.

Nula hmelțha țhenkhat chu ram dangah lehkha zir te pawhin an thawn chhuak ve a. Ram danga an va hriat chhuah thar thiltein president an tihlim țhin.

Kum 27 an lo tlin chuan an upa tawh a, president-in a duh tawh lo (Bâwng tar pawhin luang no tho tho a duh ni awm tak a ni). Chu’ng mite chu sipaiah an lut țhin. Sipai an țan ațang chiahin an chhungte an be pawp ve thei țhin a ni. Sipaiah chuan direct-in arsi an bel tlêp nghal tuar țhin. Kawng danga sipai țang ve hmeichhiate chuan, engti khawpin bei ngawrh ve mahse, an kaisang ve tak tak thei lo.

Kum 27 an tlin hmaa (entirna’n, thil hriat theihna tha vak lo, hliam avanga ser nei…etc avanga) hnawlte pawh an nu leh pa, an chhungte hnena hawn phalsak an ni chuang lo. An tana ruat chamber-ah an chêng a, kum an lo tlin hun chuan ‘Sawrkara thunei ber berte thlalak an hmuha an zinga an duh ber’ pasal atan an thlantir țhin. An mi thlan nen an inhmuhtira nulain a duh chuan pasal atan a nei thei. An duhzawng pasal tur an hmuh loh chuan kum 27 an tlin thlengin Pleasure Squad-te an pui țhin. Kum 27 an tlin veleh sipaiah an lut a, an chhungte an be pawp ve thei chauh a ni.

Pleasure Squad-te hian eng hamțhatna nge an neih?

Mak ve deuh mai chu NK-ah hian Pleasure Squad-a thlan hmeichhiate chu an induh larh a ni. A ram puma nula hmêlțha leh nalh nia an thlan an nih tlat vang a ni (Nalh nih hi hmeichhiaten an lo châk a nih ber hi). An hmalam hun a êng (future bright) riau. Dam chhûngin retheih harsatna ata an fihlîm tawh dawn. Sawrkarin thla tin hlawh Won 4,700,000 a pe ziah a, president lung a tihawi viau phei chuan sum țhahnem tak leh present duhawm tak tak an dawng nawlh nawlh fo bawk a ni. Tuna president Kim Jong-un-a phei chuan a lawm zawng deuhte chu Number plate Special vuah ngat Mercedes Benz motor a leisak riap zel mai a ni. Ram danga zin khawthawn pawh a phalsak.

Kum 27 tlinga sipai țangte chu a hun laia president-in a khawsakpui dan azirin an rank a inthlau ve țhin. President-in a mutpui zak zak ho phei chu an hamțha ber. Kum 27 an tlin pawha president-in ala duh tlatte chuan sipai țan an ngai ve lova president hnaihah an awm a, a tan eirêl leh in lam hna neuh neuh an thawksak țhin.

Pleasure Squad-a mite reng reng hi NK rama tumahin an hmusitin an en hniam ngam lo hrim hrim. A ram chhungah thu an nei êm êm tlat mai a ni. Kum 27 tlinga an khaw lamaan haw leh pawhin miin an zah êm êm a, nupuia neih chak tak tak an kat nuk țhin. An luck êm êm zel mai a ni.

He’ng nula hmelțha pension-te hi an dam loh pawhin Sawrkara thuneitu lawk zual deuh deuhte chauh inenkawl theihna hospital-ah a thlawna enkawl an ni țhin. President leh thuneitu dangte nen an inchul nel avangin an induh a, an hawi sang a, an biak a har țalh a ni. An tar hnuah pawh tumahin an be nawmnah ngam lo hrim hrim.

Mak deuh mai thil pakhat a la awm cheu. Second Class Pleasure Squad pawl hi a ni. He pawl hi kum 30 chuang lêngleh, hmeithai, fa nei tawh hmêlțha tak takte an ni. Anni hi chuan president hnuaia thuneitute an dam lohin an buaipui țhin a, a țul chuan a mutpui pawh an mutpui mai țhin. Anni pawh hian thla hlawh țha tak an dawng a, an fate pawhin eng entrance test mah paltlang lovin NK-a University țha ber berah Sawrkar chawmnain an kai theih phah țhin.

NK Pleasure Squad pawlah hian ram dang mi hmêlțha leh nalh tak tak (a bik takin Russian nulate) pawh an tel nia sawi a ni tlat mai.

Reference: Wikipedia (pleasure squad), Korea TV Interviews.

Author :

Aside | Posted on by | Tagged , | Leave a comment