MUTHI RAMAH SAPEL RAMCHHUAK THIIN CHHAR A NI

Author:
  • Ramvak thiin chhar
  • Muthi ramah inkaphlum
  • 11th November, 2016 zan dar 8 vel khan Pu F Lalthanzuauva (66) chu Muthi ram chhung, Muthi lui chhakah ramhnuaiah thiin hmuh a ni a, a khel/mawngtam bawrah silai mu luhna hmuh a ni.

    Pu F Lalthanzauva te hian Muthi ramah lo an nei a, an buh te chu Sanghalin a khawih fo thin avangin a tupa leh a thianpa (An ina cheng ve tho) Pu Vanlalzarzoliana (51) te nen thlamah riakin an veng thin a. Nimin chawhma dar 11 vel khan Pu Vanlalzarzoliana (Zara) nen hian an vah bak ramah sa pelin silai nen an chhuak a. A thianpa Pu Zara hi en laiin thlam lamah a kir leh hman a. Pu F Lalthanzauva chu a rawn let ve mai ringin thlamah chaw ei turin an tupa nen chuan an lo nghak a ni. Pu F Lalthanzauva chu a rawn let ve tak mai loh avangin ram kal ve tho pa pakhat leh Pu Zara te chuan Pu F Lalthanzauva chu an zawng ta a. Nizan dar 8 vel khan Muthi lui chhak ramhnuaiah thiin an han hmu ta mai niin thu dawnna chuan a sawi.

    Pu F Lalthanzauva hi a mawngtam bawrah silai mu luhna hmuh a ni a, silai mu hi a mawngtam bawr atangin chho zawngin a taksa chhung lamah a lut niin a langa, silai mu chhuahna hnuhma a awm lo niin thudawnna chuan a sawi. Pu Zauva ruang bulah hian ama silai nia hriat chu chhar a ni a, kah puah hnu niin hriat a ni.

    Pu F Lalthanzauva thianpa Pu Zara’n a sawi danin sa pel tura an chhuak dun chu an kal hrang nghal a, silai thawm tak ngial pawh a hriat loh thu a sawi niin thudawnna chuan a sawi. Police ten an la nghal a ni.

    Pu F Lalthanzauva ruang hi Aizawl Civil Hospital-ah postmortem tih turin lak a ni a, postmortem tih zawh a nih hnuah chawhnu dar 3 ah vui a ni ang.

    Aside | Posted on by | Tagged , , | Leave a comment

    RAKHINE STATE THIL THLENG THENKHAT…

  • Rakhine state a Bengali te tuarna
  • Rakhine a Bengali te an phakar
  • Firfiakten Maungtaw township, Yay-khat-chaung-guah-son khua a in an hal.
    He in halnaah hian in 17 zet a kang a ni. Military helicopter in a hmu vat a, sipai petrolling te a hriattir nghal a, chûng sipaite chuan an va thah avangin in 17 chauh a kan phah a ni. In an halte hi Rakhine in nge Bengali in tih ka thu lakna hnarten an tarlang lova mahse a thu kalhmang en chuan Bengali in zawk niin a lang. Firfiak hovin hetia Bengali in an halna chhan ni ta chu khawvel mithmuhah Myanmar sipaite thiltiha lantir a, anmahni chu tihduhdah tuara an lana tanpuina an dawn theihna turin a ni. Chutianga News dik lo phochhuak tur chuan media thenkhat nen an in contact lawk nia hriat a ni.

    Bengali Muslim ho hi an depdein an ngeiawm em em a, an mahniin duh tawka chet an lak hnuah khawvelin an ni chu khawngaihthlak tak angin hmu hlauh se tih hi an tum dan a ni a, Kofi Annan led Commission an lo kal dawn pawh khan khawngaihthlak tak anga an lan theihna tura tah dan (crying style) thlengin an lo zir lawk (rehearse) vek a ni. Tin, Bangladesh atangin an chipuite a tam thei ang ber rawn hruai luha Rakhine State hi dawlh zawh an tum a ni. Heti hi a nih avangin Myanmar sipaite pawhin an depdetna (phakarity) hi an hria a, rinhlelh awm deuh vaiin an veivak reng a ni. Hetia veivak sipai leh Border Security Police te hian tun hnai mai hian Maungtaw township ah rinhlelhawm Bengali 35 lai an man reng a. Chung an mante chu 12.11.2016 tlai lam dar 3:21 vel khan Wat-pyin khuaah 4, zan dar 11 vel khan Te-chaung atanga Aung-min-ga-larkhuaa lo lut 1, tin, nimin 15.11.2016 tlai dar 3 vel khan Yay-dwin-kyun khuaah mi 30 an man a, dan anga an chunga rorel theih nan hmalak mek a ni.

    Kofi Annand pawhin firfiakte chungchang hi a hlauhthawn thu a sawi chhuak hial a. Security te hnenah dan leh hrai ang thlapa chetla turin a fuih a, hnam pahnih inkara inremna chu firfiaka chetnain a hrinchhuah loh tur thu a sawi ve phawng mai a mi.Asian Parliament for Human Right pawhin Myanmar hi an thlaphanpui thu, Human Right palzutna awm ang tea insawi chhiatna a awm avangin enfiahtu pawl rin tlak tak Myanmar hian buatsaih se an tih thu, Myanmar Security te hian thisen chhuahna te hi an tihtawp theih loh palh chuan International lam an inrawlh mai a ngaih tur thu an sawi.

    Myanmar Presidential Office lam pawhin an puhnate hi thil dik a nih leh nih loh enfiah a nih mek thu an puang ve bawk.

    Myanmar Military lam chuan he Rakhine buaina vil vengtuah hian helicopter pakhat hman a nih thu, buai tirh October 9 atang khan firfiak 69 thah an nih tawh thu, talhtum, chem, fei hmanraw lek leh firfiaka rinhlelh 234 man an nih tawh thu, Sorkar sipai officer pakhat leh other rank 7, Police 10 firfiak kut tuara an thih tawh thu an puang.


    Kan Missionary thenkhat sawi danin Rakhine ho hi Buddhist firfiak, Sakhuanaah chuan kum zabi hnih vel khawvelin a tlansan ho, Christian Missionary te tan ISIS tluk hial an ni ve a, Buddhist firfiak Rakhine ho leh Muslim firfiak Bengali ho inkara buaina a ni awm e.

    References:
    1. Thit Htoo Lwin (Daily News)
    2. BBC

    Aside | Posted on by | Tagged , | Leave a comment

    MNF A SORKAR CHUAN MAU LIAN CHI LEH RUBBER KAPLPUI NGHAL A NI ANG, MOTOR ZAWH THEIH FLY OVER BRIDGE SIAM A NI ANG – Pu Zoramthanga

  • Ni 15 November, 2016 Thawhlehni khan MNF Gen. Hqrs. hnuaia Frontal pathum MNSF, MNWF, MNYF te chuan Vanapa Hall ah Aizawl City Joint Conference a nei a. an party President Pu Zoramthanga chu khuallian a ni.

    Pu Zoramthanga chuan thusawiin kum 2018 MLA inthlanpui lo awm turah hian Pathian leh Zoram mipuite zarah MNF chuan sorkarna kan chan ngei kan ring a, MNF in sorkarna a siam huna kan hmalakna hmasa turte chu Ei leh Bar kan intodelh ngei theihna tura Economic Development Programme chak taka kalpui nghal a ni ang ati a. Chawah kan intodelh theihna turte, sum chang thlai tam tak kan tharchhuah theih nan Raw (bamboo) lian chi leh Rubber Plantation kalpui nghal a ni ang a, Sum chang thlai dang ching mektute pawh chhawmdawl an ni bawk ang a ti. Pu Zoramthanga chuan Aizawl khawpui Traffic Jam tihreh nan hun remchang lai apiangah motor zawh theih kawng chhawng (Fly Overbridge) siam a ni ang a, motor parking place changkang tak siam a ni ang a ti bawk.

    Ruihhlo ngai mekte chhanchhuahna hmunpui kan din bawk dawn a ni, Pu Zoramthanga chuan a ti.

    MNF Gen. Secy. Pu TC. Pachhunga pawhin thusawiin Mizorama Political Party awm zawng zawng zingah MNF-in hruaitu kan nei tha ber a, mi taima leh thil ti tak tak peih Central sorkar leh kan thenawm ram te pawhin hruaitu rintlak ni a an ngaih chu Pu Zoramthanga hi a ni a ti. MNYF President Pu K. Vanlalvena’n thu a sawi bawk.

    Aizawl City MNF Frontal Joint Conference hian Resolution 3 an siam a, Kan thenawm ram Myanmar, Bangladesh, India ten remna palai atan leh sorkar ni pawimawhah Pu Zoramthanga an sawm thin hian MNF President hi ram hruaitu tling a nih zia a ti lang chiang hle nia an ngaih thu an tarlang a. Mizoram chhung motor kawngpui hmun tinrenga a chhiat chhan hi PWD changtu CM Pu Lalthanhawla leh Hnamdang Contractor-ten sum an siam tlan thin vang a nih ngei kan ring a, Chief Minister hian PWD a enkawl zo lo niah kan ngai a, midang hnenah hlan phal sea that zawk kan ring, an ti a. Kum 2018 MLA General Assembly lo awm turah hian Pathian leh mipuite zarah MNFchuan Pu Zoramthanga kaihhruaina hnuaiah sorkarna a chan ngei kan ring tlat a, hemi tihlawhtling tur hian Frontal pathumte hian lungrual takin theihtawp kan chhuah dawn a ni tiin an resolution ah chuan an tarlang a ni.

    Aizawl City MNF Frontal Joint Conference hi MNWF President Pi Vanlalbuki’n a kaihruai a ni.

    Aside | Posted on by | Tagged , , | Leave a comment

    FRIDGE-A DAH LOH TURTE

  • A tlangpuiin thei leh thlai kan leite refrigerator chhungah kan chhek khawm hnur a. Dik tak chuan thlai leh thei te hi fridge-a dah kher tur a ni lo. Thlai leh thei thenkhat hi chu fridge-a dah hian a tichhe hma zawk a ni.

    Balhla (Bananas)Balhla hi vawi khat vawtin a hmeh khawng tawh chuan a hmin tha thei tawh lo. Room lum taka dah pawhin a hmin tha thei tawh chuang lo.

    TomatoTomato hi refrigerator-a dah chi a ni lo. Fridge-a kan dah chuan a tuina a bo vek thei a ni.

    AppleTomato ang deuh thoin apple hi fridge-a i dah chuan a tuina a bo thei a. Apple vawt tui tak i ei duh a nih chuan i ei hma minute 30 chhung frig-ah dah ang che. Rei tak frig-a dah reng chi a ni lo.

    Purun Fridge-a purun i dah chuan air circulation a tlakchham avangin a chhe vat thei. Chuan, purun a tihchhiat vek theih avangin alu (potato) bul hnaiah purun dah suh ang che. Purun chhe har tura i duh hmun thianghlim, hul leh thli luh thatna hmunah dah ang che.

    Butter Fruit (Avocado) Balhla ang bawkin fridge-a butter fruit i dah chuan a hmin tha thei ngai lo ang.

    Aside | Posted on by | Tagged , , | Leave a comment

    ZUNG CHAKNA HMANGA KELKANG KHAW TUI LAKNA HAWN A NI.

  • India rama ni zung chakna hmanga tui pump project lian ber pawl, Kelkang Water Supply Scheme chu nimin khan Bialtu MLA Pu JH Rothuama’n a hawng a, PHE Minister PuZodintluanga’n he hawnna inkhawm hi a kaihruai.

    Kelkang Water Supply Scheme (Solar) hawnna hi Kelkang Community Hall-ah buatsaih a ni a, Pu JH Rothuama chuan, ”Harhna-in a awm chilh hnua Kelkang khua mikhualin an chim buai nasatzia ngaihtuahin, Kelkang khaw mipuite dawhtheihna leh inpekna te avangin Pathianin mal a sawm a. Kelkang khaw chhawmdawlna atan NLUP kaltlangin tui dah khawlna tur tuizem, bawlhhlawh bawm, ekin khur leh thildang mamawh zualte ngaihtuah a nih bakah, tui hnianghnar an neih theih nan kawng chi hrang hranga dap a ni,” a ti.

    Kelkang Water Supply Scheme chu India rama ni zung chakna hmanga, tui pump project lian ber a nih thu leh Asia ah pawn a lian ber a nih an rin thu a siamtu company ten an sawi tih a sawi. Kelkang khaw mipuite chu an ro hlu neih thar chu roh tak leh duat taka enkawl turin a chah bawk.

    Inkhawm kaihruaitu PHE Minister Pu Zodintluanga chuan, Kelkang khaw mipuiten Pathian malsawmna an dawng chu a lawmpui thu thu sawiin, malsawmna an dawnna hmanrua atana PHE Department a hmang chu vanneihthlak a tih thu leh lawmawm a tih thu a sawi a. Kelkang Water Supply Scheme ah hian ni zung chakna hmangin, Bangla lui tui lak chhuah a ni a chuta tan chuan Bangla lui chu Litre 20,000 dawng tura khuah a ni.

    Bangla lui atang hian Booster pump hmun thumah siam a ni a, metre 520 a sang Kelkang Vengchunga tuizem lian tui Litre 1,00,000 dawngah lutin, main reservoir bakah Kelkang Thlanmual chungah tui Litre 50,000 dawng zonal tank siam a ni bawk.

    Kelkang Water Supply Scheme hi NABARD kaltlanga cheng Nuai 631 senga siama ni a, mi 2000 chawm thei tura ruahman a ni. Kelkang Water Supply Scheme hi ni zung chakna hmang tura ruahman a nih angin, tui pump khawl chawm turin Solar Plate 204 hman a ni a, kumtluanin nitin tui Litre 82,000 pump thei tura beisei a ni.

    Aside | Posted on by | Tagged , | Leave a comment

    ZUNG CHAKNA HMANGA KELKANG KHAW TUI LAKNA HAWN A NI.

  • India rama ni zung chakna hmanga tui pump project lian ber pawl, Kelkang Water Supply Scheme chu nimin khan Bialtu MLA Pu JH Rothuama’n a hawng a, PHE Minister PuZodintluanga’n he hawnna inkhawm hi a kaihruai.

    Kelkang Water Supply Scheme (Solar) hawnna hi Kelkang Community Hall-ah buatsaih a ni a, Pu JH Rothuama chuan, ”Harhna-in a awm chilh hnua Kelkang khua mikhualin an chim buai nasatzia ngaihtuahin, Kelkang khaw mipuite dawhtheihna leh inpekna te avangin Pathianin mal a sawm a. Kelkang khaw chhawmdawlna atan NLUP kaltlangin tui dah khawlna tur tuizem, bawlhhlawh bawm, ekin khur leh thildang mamawh zualte ngaihtuah a nih bakah, tui hnianghnar an neih theih nan kawng chi hrang hranga dap a ni,” a ti.

    Kelkang Water Supply Scheme chu India rama ni zung chakna hmanga, tui pump project lian ber a nih thu leh Asia ah pawn a lian ber a nih an rin thu a siamtu company ten an sawi tih a sawi. Kelkang khaw mipuite chu an ro hlu neih thar chu roh tak leh duat taka enkawl turin a chah bawk.

    Inkhawm kaihruaitu PHE Minister Pu Zodintluanga chuan, Kelkang khaw mipuiten Pathian malsawmna an dawng chu a lawmpui thu thu sawiin, malsawmna an dawnna hmanrua atana PHE Department a hmang chu vanneihthlak a tih thu leh lawmawm a tih thu a sawi a. Kelkang Water Supply Scheme ah hian ni zung chakna hmangin, Bangla lui tui lak chhuah a ni a chuta tan chuan Bangla lui chu Litre 20,000 dawng tura khuah a ni.

    Bangla lui atang hian Booster pump hmun thumah siam a ni a, metre 520 a sang Kelkang Vengchunga tuizem lian tui Litre 1,00,000 dawngah lutin, main reservoir bakah Kelkang Thlanmual chungah tui Litre 50,000 dawng zonal tank siam a ni bawk.

    Kelkang Water Supply Scheme hi NABARD kaltlanga cheng Nuai 631 senga siama ni a, mi 2000 chawm thei tura ruahman a ni. Kelkang Water Supply Scheme hi ni zung chakna hmang tura ruahman a nih angin, tui pump khawl chawm turin Solar Plate 204 hman a ni a, kumtluanin nitin tui Litre 82,000 pump thei tura beisei a ni.

    Aside | Posted on by | Tagged , | Leave a comment

    “A NUNGCHUNGIN MIN HAL PAWH NISE TAWP MAI MAI KA TUM LO” –PM Modi

  • Nov 13, 2016, Tam takin kan hriatdan ang angin Black Money titawp tura Prime Minister Narendra Modi sorkar thiltih huaisenthlak tak, pawisa note lian tihtawp chungchangah tha kan tihloh dan leh tha kan tihdan te kan sawi laih laih laiin 13 Nov Sunday khan Prime Minister Narendra Modi chuan hnukulh teuhin Rs 500 leh Rs 1000 notes tihtawp chungchanga a sorkar thutlukna a sawi a, a nunnapawhin tuar dawn hial mahsela black money titawp tura beih chu a bansan mai mai dawn lo a ni a ti.

    Vawiina Goa Mopa-a Greenfield airport lungphum phumna-a a thusawina-ah hian Modi hi a thusawi laklawh lai, he thu a sawi lai hian a hnuk a ulh a ni.”Ni e, keipawhin hei hi ka tuar a ni. He thil hi mawlmang taka mahni hmasial avanga thiltihtheihna hmanna a ni lo.” tiin PM Modi chuan pawisa note tihtawp chungchang leh mipui tam takin bank leh ATM an bawhbuai chungchang chu a sawi a.”Retheihna te hi ka hmu vek a, mipuite harsatna pawh ka hrethiam. Office sang taka thutthlenga thu mai mai tura piang ka ni lo…” tiin a hnuk a ulh a.sawi zawm hleithei lovin a chawl det a. “Ka neih zawng zawng, ka chhungkua, ka in leh lo… ka engkim hi ka ram tan ka kalsan a ni,” tiin aw khir deuh der derin a sawi a, mipui lawm au ri a ring hle.”Modi hi harsatna siam sak a, rilru hah taka siam a tihtawp mai theih niin an ngai a. Chuti maia auh zam mai mai chi ka ni lo. A nungchungin min hal pawh nisela heng ka thil tihhi tawp mai mai ka tum lo.” a ti.

    “Ka laka force sang mek zel hi ka hria, min damtir reng lo pawh a ni mai thei. Min tichhia pawh a ni mai thei, a chhan chu kum 70 chuang an lo chheprelh (loot) kha tunah hian buaina-ah a lut mek a ni. Mahse hemi tur hian ka inpeih a, ka inbuatsaih sa vek a ni,” tiin khawng takin a sawi.

    Aside | Posted on by | Tagged , | Leave a comment

    EMONETISATION – BLACK MONEY SURGICAL STRIKES ( Part III-13.11.2016)–

  • pawsa thi leh a nghawng
  • Khawvel ram hrang hrangin an pawisa Currency hlui tawh Cancelled in a tharin an thlak a, mipuiin a hlui kha a tharin kan thleng a, chu chu Demonetisation tih a ni. Thlak a tulna chhan lam chu a inanglo anga, a chhan pawh a tam thei ang. India ramin tuna Black Money tihtawp nana Rs 500 leh Rs 1000 note a thlak thut dan hi Demonetisation chu a ni a, India rama a vawikhatna a ni awm e. Thenawm Burma Sipai sorkar khan pawisa a ti thi thut thut a, a thar a siam a, thleng a phal thin si lo a, a hlui kha lehkha chhia a ni ta ringawt a, mipui chunga ngilneihlohna lam a kawk a, an buai thei hle tih kan hre tlang bawk awm e.

    India pawisa hi khawvela Black Money tamna ber a ni kan tih tawh kha. Black money hian India hmasawnna tur a dal tlat a, International Currency ah India pawisa hlutna a sang thei lo. Income Tax chawi tam hreh avangin, Income Tax declaration ah an zep ru a, Bank a dah bak pawisa an thukru nasa, inchhungah pawisa thuhrukna pindan ruk an siam a, leiah- huanah te tam tak tak an phum bawk a, Foreign Bank lamah tam tak an tlanchhiat tir bawk thin. Heng baka India khawpui hrang hranga underground Blackmoney business hi engtiang taka lian ni ang maw ? Hengte hian India ram chhung leh pawnah India tangka vir vel a tih tlem tlat a, Sorkara Tax lut a tih tlem avang hian India hian economy hmasawnna kawngah harsatna lian tak a tawh phah a ni.

    UPA I & II sorkar ( 2004-2014) chhungah khan Opposition Party ten Parliament chhung leh pawn lamah Black Money chhuichhuak turin sorkar an phut a, Special Investigation Team (SIT) din an phut nasa hle, Sorkarin Black money chhuichhuah a ngaihsak lo tiin Supreme Court ah Ukil thiam leh hmingthang Ram Jethlamani te pawhin PIL an thehlut hial a. SC pawhin 4th. July 2011 khan Central sorkarin Black money chhuichhuahna kawngah thapui chhuah tura ngenna a ti chhuak hial bawk. BJP ( NDA) sorkar a rawn ding a, SIT dinin sorkarin beihpui a rawn thlak ta a, PM Modi hian ramdang sorkar leh UNO ah pawh puihna a dil nasa hle.

    A buaithlak lai chu Politician leh mihausate sam inphiarzawmna leh India ram Political Party te Donation pawisa hmuhna hi mihausa te Black money a nih tlatna lai hi a ni. 22-23 July, 2013 khan Congress Party chhunga Spokesperson te FM P.Chidambaram an India UPA Economics Policy min zirtir a, khatihlai kha India GDP 5.4 tlakhniam lai a ni, India GDP leh Currency tlakhniam chhan chu rangkachak ( Gold) khurte a kangchat vang a ni, a ti a. Black money kha buaipui luih luih a ni tawh a, Congress Party khan Black money lam kha kan sawilang duh vaklo, kan hel deuh niin ka hria. Party lam atangin Congress, TMC, SP leh AAP ten “ Kan pawisa chu kan ta a ni, hetiang hi thil tul ber a ni lo, BJP hian an thiante an hrilhlawk “ tiin nasa vak lovin an sawisel hlawm a, tanhmun tha erawh an nei lem lo, PM Modi leh FM Arun hian an chhang thla hneh viau zel rih. Congress Party hotu Kapil Sibal pawhin BJP khengin “ BJP hian 2014 election leh tun State election UP& Punjab lo awm tura an pawisa hmuhna leh expenditure tawh zawng zawng phochhuak rawh se “ a tih hian Political Party te leh Black money inkungkaihna a sawifiah bawk awm e..Tun dinhmunah GDP 7.6 kan kai chho a, khawvela ram thang chak ber kan ni. GST kalphung thar hi nakum 1st April atanga hman tan a ni dawn a, Central leh State sorkarah pawisa a luang lut hnemin a luangrual tura ngaih a ni, 7th Pay kalpui avang hian thil man hi chu a hniam thla lo mai thei bawk a, mahse GDP 8 bawr kai ngei turin World Bank lam chuan min puang lawk. Tuna Black money majorcheck Union Budget a rawn ti lian nasa lehzual dawn a, GDP 10 double digit kan kai thuai hi mithiamte rin dan a ni.

    Hetihlaiin Mizoram State sorkar leiba erawh a pung sang tual tual a, sorkar sum indaihlohna a nasa tulh tulh a, Development hna lian engmah a thawh theih loh, sorkar pawhin a zep lo. Department tin leiba neihsa a pung sang tulh tulh a, Compensation, Contract & Supply Bill leiba an tlansan zel bawk a. Tunlai India economy insiamthat chhoh rual hian Mizoram State sorkar sum leh pai dinhmunchhia hi insiamthat a va tul tak em aw .

    Vai ram lamah chuan Rs 500 & Rs 1000 note hi an hlau tlat tawh a, dawrah tuman an dawng duh tawhlo hian mipui harsatna a siam nasa, 100 % chuangin Bank a lun a, pawisa Bank deposit pawh a pung sang nasa thung, PM leh FM pawhin mipuiin tuar hram hram turin min chah/ngen nasa. Engzat chiah nge Bank a dahluh ngaihna awmlo, thi dawn tih hi hriat a harsa ang. Mihausa leh Company te chuan an hnuaia hnathawkte thla ruk, kum khat hlawhte an han pe lawk a, bonus te an siam sak a. Laina leh thian tha, an hnathawk Staff & Driver thlengin Account an hman sak a. Income Tax declaration leh Account pawisa chevel dinhmun a lo tlem chuan an dah hnem thei si lo a, Bank hnathawktute lah strict lutuka order pek an nih bakah Bank leh Income Tax Office te Computer a thlun zawm a ni bawk si a, an buai a ni ber.

    Tribals- Mizoram State te hi Income Tax in min huam ve lo a, chumi avang ngawt chuan Bank account Rs 10000/20000 vela ti che thin khan, tunlai hian Rs 500/1000note Rs 10 lakh dahlut ngawt la a him lovang, Bank lam tan pawh lo pawm ngawt ngam a ni lovang. Income Tax Office nen inthlun zawm tho a ni. Income Tax atangin zawhna i dawng nghal ang a, I talbuai thei a nia, Bank hnathawk lo dahsaktu che pawh kha a insawifiah fe a ngai ang.

    ( Kan tlak kual leh ta duah a )

    Aside | Posted on by | Tagged , | Leave a comment

    Selingah sipai chhuti-in a nupui fanaute a sawisa, a fapa kum 5 mi a boral a, a nupui hliam tuar Aizawl panpui a ni.

  • Selling ah ramhuai hnathawh
  • Pa in nupui leh fa charting an vua
  • Pa in a fapa vaw hlum
  • 13th November, 2016 sunday chawhnu dar 4 vel khan Thangboi-a (36) chuan a nupui leh a fate, Seling Field thlanga cheng te chu kut a thlak chiam mai a, a fapa Isaak Lalremruata (5) chu a pa kutthlakna hliam tura lovin a boral a, a nupui Rosy Lalnunsangi (31) chuan hliam na tak a tuar a, Aizawl rawn panpui mek a ni.

    Thudawn danin Thangboi-a hi Kuki hnam a ni a, Assam Rifle tanglai niin Tripura state-a post mek a ni. Chawlh lain a nupui fanaute tlawhin a rawn hawng a. Seling field thlanga Assam Rifle lane-ah a nupui fanau te hi an cheng a ni. Thangboi-a leh a nupui Rosy Lalnunsangi te hian fa mipa ve ve pahnih Jacob-a (11) leh Isaak Lalaremruata (5) mi te an nei a, a nupui leh a fa te zawk te hi vawiin chawhnu dar 4 vel khan kut a thlak ta vak mai a ni.

    Thangboi-a fa u zawk Jacob-a hi thil lei turin a nu leh pa te hian an tir a, he mi hlan hian a nu leh a naute chu a pa hian a lo sawisa ta chiam mai a, Jacob-a thil lei a let leh chuan apain a nu leh a naute a lo sawisa thawm chu hriain thenawm te a pun ta a ni. Thangboi-a hian a nupui leh a fate hi chartin bungin a hlap nasa hle a, Isaac Lalremruata hian a lu leh awm velah hliam nasa tak a nei a, a malpui ruha tliak bawk niin an sawi. Thenawm khawveng tlankhawm te chuan Isaac-a chu Thingsulthliah damdawi In an panpui nghal a, damdawi In thlen hnu lawkah a hliam tuar lovin a boral ta a ni. Isaac-a nu Rosy-i hian a lu leh taksa hmun hrang hrangah hliam na tak a tuar a, chanchin buatsaih lai hian Aizawl lam panpui a ni.

    A nupui leh a fa sawisatu Thangboia hian zu chauh nilo ruih a nei a nih an rin thu thudawna chuan a sawi.

    Aside | Posted on by | Tagged , , | Leave a comment

    Selingah sipai chhuti-in a nupui fanaute a sawisa, a fapa kum 5 mi a boral a, a nupui hliam tuar Aizawl panpui a ni.

  • Selling ah ramhuai hnathawh
  • Pa in nupui leh fa charting an vua
  • Pa in a fapa vaw hlum
  • 13th November, 2016 sunday chawhnu dar 4 vel khan Thangboi-a (36) chuan a nupui leh a fate, Seling Field thlanga cheng te chu kut a thlak chiam mai a, a fapa Isaak Lalremruata (5) chu a pa kutthlakna hliam tura lovin a boral a, a nupui Rosy Lalnunsangi (31) chuan hliam na tak a tuar a, Aizawl rawn panpui mek a ni.

    Thudawn danin Thangboi-a hi Kuki hnam a ni a, Assam Rifle tanglai niin Tripura state-a post mek a ni. Chawlh lain a nupui fanaute tlawhin a rawn hawng a. Seling field thlanga Assam Rifle lane-ah a nupui fanau te hi an cheng a ni. Thangboi-a leh a nupui Rosy Lalnunsangi te hian fa mipa ve ve pahnih Jacob-a (11) leh Isaak Lalaremruata (5) mi te an nei a, a nupui leh a fa te zawk te hi vawiin chawhnu dar 4 vel khan kut a thlak ta vak mai a ni.

    Thangboi-a fa u zawk Jacob-a hi thil lei turin a nu leh pa te hian an tir a, he mi hlan hian a nu leh a naute chu a pa hian a lo sawisa ta chiam mai a, Jacob-a thil lei a let leh chuan apain a nu leh a naute a lo sawisa thawm chu hriain thenawm te a pun ta a ni. Thangboi-a hian a nupui leh a fate hi chartin bungin a hlap nasa hle a, Isaac Lalremruata hian a lu leh awm velah hliam nasa tak a nei a, a malpui ruha tliak bawk niin an sawi. Thenawm khawveng tlankhawm te chuan Isaac-a chu Thingsulthliah damdawi In an panpui nghal a, damdawi In thlen hnu lawkah a hliam tuar lovin a boral ta a ni. Isaac-a nu Rosy-i hian a lu leh taksa hmun hrang hrangah hliam na tak a tuar a, chanchin buatsaih lai hian Aizawl lam panpui a ni.

    A nupui leh a fa sawisatu Thangboia hian zu chauh nilo ruih a nei a nih an rin thu thudawna chuan a sawi.

    Aside | Posted on by | Tagged , , | Leave a comment