PUBLIC PROSECUTOR DIRECTORATE

PUBLIC PROSECUTOR DIRECTORATE
By Maṭana Pachuau

Sorkar nghet tak kan nei thei dawn hi a lawmawm khawp mai a. MNF sorkar thar tur hi mipui sorkar tha tak ni ngei se a duhawm hle. Amaherawhchu tu pawh sorkar se Mizorama kan buaina lian ber chu eirukna-in kan political system leh sorkarna a fanchhuak hi a ni a. Hei hi kan nekcheploh chuan Pathian hming hi nitin kan sorkar thar neih tur hian lam pawh nise kan ramah hian hmasawnna tak tak kan hmu ngai dawn lo a ni.

Mizoram hmelma lian ber eirukna hi a do-a do ngai a ni a. Tuna kan sorkar kalphung-ah hi chuan do ngaihna a awmlo thung. A chhan chu eiru-a puhte dan hmanga hrem an nih theihna tura theihtawp chhuah tur sorkar ukil (Public Prosecutor) te hi sorkar in a ruat zel vang a ni. Hei hian prosecution lamah bias nasa tak a siam niin a lang a. Kan rama politician suaksual te hrem an nih tak tak ngailoh chhan hi he kan inrelbawl dan kalphung vang hi niin a lang.

Aizawl ukil Pu Lr Chhunga hian hemi chungchang hi a veiawmzia hriain a ziak thin a. Sorkar thar lo piang tur kan thlir lai hian kan hmalama eirukna dona kawnga hma kan sawn theihnan Pu Chhunga’n Kau Tlabung behchhana public prosecutor leh Directorate chungchang a ziah hi I lo chhiar leh ang u.

Zawhna: MNF sorkar hian eirukna donan 25A Criminal Procedure Code(Cr.P.C) hmangin Public Prosecutor Directorate hi a siam dawn em?

EI RU HUM KAN TUM LO, ANTI MAW!
– C.Lalrinchhunga

Kan ram hruaitute chuan eiru hum kan tum lo tiin sawi sawi ve mahsela kei zawng ka ngaih a ngam chuang hauh lo mai. Anni lam chuan Kau-Tlabung case a inhnamhnawihte chargesheet siam sak tura High Court-in Order a siam, Supreme Court-a an appeal chungchangah khan an hriatpui lo niin an sawi ni awm a ni a, Mizoram Sawrkar-in Prosecution a kalpui dan enchuan thil awiawmloh tawp leh ni theilo a ni tlat a ni.

Tamil Nadu CM Jayalalitha, Karnataka High Court-in thiam a chantir leh High Court Order Supreme Court a appeal tum a nih chungchang nen khan chhiartu lam hian kan lo ngaihfin ang tih ka hlau khawp mai. Criminal case-ah hian sawrkar tana Court a ding tur hian sawrkar ukil (Public Prosecutor) an awm a, chu mite chuan thubuai neitu’n thiamloh a chan ngei theihnan theih tawp an chhuah thin a (an mamawh lakhawmtu erawh chu Police-te an ni a, Police-ten Investigation an lak taimak leh taimak loh chu thudang), chu chu sawrkar leh public a an mawhphurhna (duty) a ni. Hetiang taka hna pawimawh a nih avang hian Public Prosecutor-te hian sawrkar mi pawimawh, heng Chief Minister, Minister etc…ten thubuai an neih pawha zalen taka an hna an thawh theihnan Section 25A Criminal Procedure Code(Cr.P.C) hian Prosecutor hi Directorate hrana awm turin Criminal Procedure Code Amendment 2005 atang khan siam a lo ni tawh a ni. Mizoramah erawh chuan kan sawrkar hian he dan siamthat hi a hman duh ta tlat lova, tun thleng hian Public Prosecutor hi Directorate hrana dah a la nilo a ni. Public Prosecutor (sawrkar ukil) hna zahawm leh pawimawh tak hi duhsak zawng leh ruling party ten an mi leh sa dahnan a la hmang tlat a ni. Directorate hrana an awm chuan sawrkar hna nghet ang kha an ni tawh dawn a, recruitment pawh mumal taka kalpui a nih dawn avangin sawrkar lai tan pawh duh duha khawih chet an rem tawh dawn lova, hei hi ruling party tan chuan a hnawk viau reng a ni.

Public Prosecutor leh Advocate General–te hi kan State ah chuan ruling party thuhnuaiah an la awm a ni. Sawrkar ukil-te hian an case khawih hi anmahni thubuai a nih loh avang hian Court order appeal tur pawhin sawrkar atangin Instruction an hmuh a ngai kher thin a ni.

State tam takah chuan Prosecutor te hi Directorate hrana dah an nih tawh avangin Jayalaitha thubuaia High Court-in thiam a chantirna sawrkar-in appeal an tum chungchang pawh hi ka lo ngaihdan chuan Karnataka emaw Tamilnadu Sawrkar appeal pawh nise a rintlak ang tih ka ring a, a chhan chu Supreme Court Ukil, Politician-te an duh duh a an control theih an awm ka ring lo, chutih rualin kan Public Prosecutor-te duh duh a Sawrkar-in a kuaiher thei leh theih loh chungchang erawh ka sawi tum a ni lova mahse administrative set up avang hian Sawrkar-in a duh duh a kawihher theih din hmunah an ding ka tihna mai a ni.

Hetiang hi a nih avangin High Court in Kau-Tlabung thubuaia Engineer-eiru a puhte thubuai a siam sak tura Mizoram sawrkar a rawn hriattirna Order Supreme Court a appeal chungchangah pawh khan sawrkarna chelhtu hian a hriatpuilo nia an sawi hi chu thil theih lo tawp leh awiawm loh tawp niin ka hria, vangtlang mipui bum tumna mai niin a lang a ni. Mahse, mi thenkhat chuan kan sawi sak viau ni awm tak a ni.

He Kau-Tlabung Case bakah hian tun hnaiah Lai Autonomous District Council huam chhungah Zirtirtu lem chang chungchangte mipui lam chuan kan lo hria a, Kau-Tlabung chungah hian Supreme Court-in Mizoram Sawrkar appeal-na a hnawl sak atang khan ACB/Sawrkar hian Engineer-te hi man duh sela chuan Anticipatory Bail an lak hma hian manna hun a va tam tak em!!!! Thla khat dawn hun a liam hman a, mahse, he thubuai hi an tuipui lo tih chu a chiang, chawlhkar thum vel hun an neih chhung hian tumah an man lova, tichuan tumah man theih loh turin Anticipatory Bail an dil hman ta vek a ni. Chutiang chiah chuan LADC huam Chhunga zirtirtu lem chan case chungchangah pawh hian a ni, anticipatory bail an lak hma khan thubuaia inhman hnawihte manna hun an ngah lutuk tlat, mahse, tumah an man hman lo nia!!!! Hetiang hi kan ram hruaitute tih dan a nih vang hian kei zawng eiru kan do kawngah hian kan kal dan hi ka mang a ti ang tak zet a ni.
Thubuaia in man (Arrest) kher hi enge a tulna? Khawm Case kan tihah pawh khawlaia zurui leh beng chheng siam chu kan Police-ten an man khawm a, Court an hruaia Court chuan dan angin Rs 50/- chawitirin a chhuah mai thin a ni. Rs 50/- chawitur mah man an nih chuan heng thubuai lian tak neite hi eng vangin nge man an nih loh bik teh lul ang? Corruption case bikah hian thubuai neitu man leh Suspend hian pawimawh bikna riau a nei. A chhan chu “Thuhretu tam tak hi an hnuaia mi an ni thin”. Chuvangin man leh suspend an nih loh chuan an hnuaia mite tan an pu-te lakah thuhretu a tan chu thil chakawm a ni lo tawp ang a, an hriat ang ang pawh dik taka sawi a harsa khawp ang tih chu hmuh thiam a ngai a ni. Chuvangin eiruk thubuaiah chuan thubuai neitu man emaw suspend an nih nghal vat loh chuan investigation emaw thubuai ngaihtuah(trial) tibuai thei tam tak a awm a, chu chuan hrem tur ngei ngei pawh awlsam takin a chhuahtir thei thin a ni. Kan Sawrkar erawh chu a muang luitlat zel a, thubuai neitute bail phal sak an nih hnuah, an hmai bal tur phih fai nan Court leh Sawrkar Ukil-te an mawh puh leh daih thin!!!! Hengte avang hian mipuiten Sawrkar-in Corruption chungchanga a rilru put dan dik tak hi kan hriat thiam a ngai tak zet a ni..

Aside | Posted on by | Leave a comment

THE OLDEST TEMPLE – GOBEKLI TAPE

THE OLDEST TEMPLE – GOBEKLI TAPE by Atea Thihlum

Gobekli Tape (Turkist for “Pot belly hill”) hi, Turkey ram bial pakhat Analolic aṭang a, chhimchhak lam a awm hmasang chanchin hriatna leh zirna hmun (Archaeological site) a ni. Samliurfa khawpui aṭang a, hmarchhak lam 12km (7mi) a hla a awm a ni a, sea level a ṭangin 760m (2,490ft) a sang a awm a ni. He hmun hi hmanlai mihring ten, thir leh hlum aṭang a, eng ilo an siam thiam hma daih a mi, lungphun lian leh hrawl tak tak awm na a ni.

He hmun hi hmasang mihring hmasa te lo din a ni a, ṭhenkhat chuan kum 11,000 vel zet a upa niin an ngai. He hmunah hian, lungphun hrawl tak tak engemaw zah an awm a, heng zinga ṭhenkhat chu, kum 6,000 vel liam ta,a mi te an ni. An zing a sawm rual ai a tam zet tur te chu, khawvela temple hlui leh upa ber ruhrel la ding te an ni. He lai hmun a thil laihchhuah lian ber chu, lungphun lian leh hrawl pui pui, ding kual te chu an ni a. He lai hmun aṭang a tlang piah ah chuan, hetiang ang lungphun ding kual hi, hmun 4 zet ah, lungphun a ṭhen a zar, la ding te an awm bawk a ni. Hetiang lungphun a huho a ding kual zing ah hian, a lai takah, lung lian pui pui ṭitoh tak pahnih chu, T pianzia (shape) in,an awm zel a ni.

Heng lungphun ding kual chhungah hian, lung tenau zawk ṭhenkhat te pawh an ding ve bawk a. Heng zing a lungphun sang ber, ding toh lurh mai chu, 16ft a sang niin, 7 – 10tons a rit a ni. Heng lungphun ah te hian, thil tenau ker, sihal, sakeibaknei, khawmual kaikuang leh mulukawlh te, lem tam tham tak a in ker chek chuk mai a ni.

Hetiang lungphun ding kual zing a, ropui ber pakhat chu, 65ft asang mah a pel a. He lai hmun hi, mihringin hmun thianghlim an siam hmasak ber a ni.

He lai phairuam aṭang a, chunglam 1,000ft vel a kawlkil hmuh phak chin zawng chu, hawina lam a piang a lang hnai kuar vek mai a ni.

Kum zabi awm hma daih, kum 11,000 zet liam tawh ah khan, helai mihring hmasa te ram luah leh inbenbel na hmun ni ṭhin kha, tunah chuan ram hmelhmang lan dan mumal pawh neilo, hmun sen uk khukah a lo chang zo ta a ni.

Location :
Orencik, samliurfa
Province Turkey

Coordinates :
37°13’23″N 38°55’21″E

Type :
Sanctuary

Founded :
10th Millenium BCE

Periods :
Pre-pottery Neolithic
A to B

Condition :
Well preserved.

Aside | Posted on by | Leave a comment

MNF LEGISLATURE PARTY DIN A NI

Mizo National Front
General Headquarters
Mizoram : Aizawl

Press Release

MNF LEGISLATURE PARTY DIN A NI

Ni 11.12.2018 (Thawhlehni) tlai dar 3 khan MNF MLA thlan tlin thar 26-te chu Mizo Hnam Runah an inhmukhawm a. He hunah hian MNF Legislature Party an din a, Leader atan lungrual takin Pu Zoramthanga thlan a ni. Deputy Leader atan Pu Tawnluia thlan a ni a, Secretary atan Pu Lalruatkima thlan a ni bawk.

MNF MLA thlan tharte hian tlai dar 6-ah Mizoram Governor hmuin sorkarna an siam theih thu an thlen nghal a ni.

(LALLENMAWIA JONGTE)
Joint Secretary
Media & Publicity Dept
Mizo National Front
Memo No.MNF/Media/2018/01/380
Dt.11.12.2018.

Aside | Posted on by | Leave a comment

Mizoram Election 2018 result

Mizoram 2018 Assembly General Election Result:

Kum 2018 MLA Inthlan result kan hre kim thei ta a. Hetiang hi Party hrang hrang MLA neih dan a ni.

MNF- 26
ZPM- 8
INC- 5
BJP- 1

NPP, PRISM, ZORAMTHAR, NCP, INDEPENDENT aṭanga tling an awm ta lo a ni.

Hetiang hi vote tlak dan sang zual 4 te vote hmuh dan tlangpui a ni.

MIZORAM 2018 ASSEMBLY GENERAL ELECTION RESULT

1. HACHHEK
INC – Lalrindika Ralte (6202) ✔️
MNF- Lalrinenga Sailo- 5836
ZPM- H. Lallianzuala- 1373
BJP- Vanlalruata Pachuau- 4399
ZT- Lalzenghaki-1373
PRISM- Eddy Zosangliana Colney-250
NCP- C. Ramkinlova-78
Ind. – J. Lalsailova (xx)(91)
Nota- 250

2. DAMPA
MNF – Lalrintluanga Sailo (5770) ✔️
‌INC – Lalrobiaka (4164)
‌BJP – K. Lalrimawia (3031)
‌ZPM – Lalrintluangi (1587)

3. MAMIT
MNF – Er H Lalzirliana (6874) ✔️
‌INC – John Rotluangliana (6467)
‌BJP – Malsawmtluanga (4528)
‌ZPM – Zothansanga (1122)

4. TUIRIAL
ZPM – Andrew H Thangliana (4488) ✔️
‌MNF – Sailothanga Sailo (4240)
‌INC – Joseph L Ralte (3731)
NPP – Hmingdailova (1181)

5. KOLASIB
MNF – K Lalrinliana (5940) ✔️
‌ZPM – Lalfamkima (5661)
‌INC – Dr Ngurdingliana (5232)
‌BJP – Lianthlira (504)

6. SERLUI
MNF – Lalrinsanga Ralte (6128) ✔️
‌INC – Anggu Lalhmachhuana (5201)
‌ZPM – Lalmuanpuia Punte (1995)
‌BJP – Vanlalhmuaka (1959)

7. TUIVAWL
MNF – Lalchhandama Ralte (5207) ✔️
‌INC – RL Pianmawia (5204)
‌BJP – Judy Zohmingliani (1607)
‌ZPM – K Romawia (1083)

8. CHALFILH
MNF – Lalrinliana Sailo (5541) ✔️
‌ZPM – F Rualhleia (4534)
‌INC – LT Hrangchal (4144)
‌BJP – Sanghmingthanga (678)

9. TAWI
‌MNF – R Lalzirliana (4940) ✔️
‌ZPM – Lalthatluanga (4756)
‌INC – Rosiamngheta (2630)
‌BJP – JV Hluna (714)

10. AIZAWL NORTH I
ZPM – Vanlalhlana (7094) ✔️
‌MNF – Lalringliana (5929)
‌INC – C. Lalhlimpuia (3595)
‌BJP – David Lalfakzuala (770)

11. AIZAWL NORTH II
ZPM – Dr Vanlalthlana (7565) ✔️
‌MNF – Laltlanzova Khiangte (5079)
‌INC – Liansailova (4179)
‌BJP – C. Lalnunziri (69)
ZRT- LALHRILZELI HLAWNDO – (93)
PRISM- ROCHUNGNUNGa- (37)
NOTA- 51

12. AIZAWL NORTH III
MNF – C Lalmuanpuia (5041) ✔️
‌INC – Lal Thanzara (4645)
‌ZPM – C Lalhmingthanga (4517)
‌BJP – VL Awia (73)

13. AIZAWL EAST I
MNF – Zoramthanga (6019) ✔️
‌ZPM – K Sapdanga (4545)
‌INC – K Vanlalrawna (3335)
‌BJP – Laldinliana Sailo (203)

14. AIZAWL EAST II
‌MNF – Robert Romawia Royte (5598)✔️
‌ZPM – B Lalchhanzova (4241)
‌INC – Lalsawta (3685)
‌BJP – T. Lalmalsawmi (36)

15. AIZAWL WEST I
ZPM – Lalduhoma (7709) ✔️
‌MNF – K Sangthuama (6646)
‌INC – PC Laltlansanga (4982)
‌BJP – Lalrodinga Colney (282)

16. AIZAWL WEST II
MNF – Lalruatkima (7626) ✔️
‌INC – Dr Lalmalsawma Nghaka (4906)
‌ZPM – Lalhmangaiha Sailo (4070)
‌BJP – C. Lalchawimawia (106)

17. AIZAWL WEST III
ZPM – VL Zaithanzama 6934 ✔️
‌MNF – Vanlalzawma 5659
‌INC – CT Tluanga 3521
‌BJP – R. Lalzamliana

18. AIZAWL SOUTH I
ZPM – C Lalsawivunga (6808) ✔️
‌MNF – K Liantlinga (5759)
‌INC – R Vanlalvena (4208)
‌BJP – Dr Zonuntluanga (177)

19. AIZAWL SOUTH II
ZPM – Lalchhuanthanga (7294) ✔️
‌MNF – Denghmingthanga (7115)
‌INC – Lt Col. Zosangzuala (4836)

20. AIZAWL SOUTH III
MNF – Prof. F Lalnunmawia (7558) ✔️
‌INC – KS Thanga (5479)
‌ZPM – RD Lalrammawia (3175)
‌BJP – Lalremsangi (1046)

21. LENGTENG
MNF – L Thangmawia (6430) ✔️
INC- H. Rohluna- 4627
ZPM- Er. Ginzalal -2623
BJP- Laldinngheti- 204
ZT- Lalhrilzeli Hlawndo- 72
NOTA ——- 23

22. TUICHANG
MNF -Tawnluia (5146) ✔️
‌ZPM – W Chhuanawma (4407)
‌INC – James Thanghmingmawia (3171)
‌BJP – Lalduhpuii (174)

23. CHAMPHAI NORTH
MNF – Dr ZR Thiamsanga (6057) ✔️
‌INC – TT Zothansanga (4962)
‌ZPM – Dr Lalrinthara (2278)
‌BJP – Hrangsatkima (980)

24. CHAMPHAI SOUTH
MNF – TJ Lalnuntluanga (5212) ✔️
‌INC – Lalthanhawla (4163)
‌ZPM – C Lalremliana (3957)
‌BJP – Ronghaka (847)

25. EAST TUIPUI
MNF – Ramthanmawia (4384) ✔️
‌ZPM – C Laltanpuia (3797)
‌INC – T Sangkunga (3421)
‌BJP – Dr VL Zahawma (100)

26. SERCHHIP
ZPM – Lalduhoma (5481)
‌INC – Lalthanhawla (5071)
‌MNF – C Lalramzauva (4313)
‌BJP – Lalchunglura (211)

27. TUIKUM
MNF – Er Lalrinawma (5439) ✔️
‌INC – Sangzela Tlau (4042)
‌ZPM – PC Vanlalruata (3810)
‌BJP – Lalnunmawia (140)

28. HRANGTURZO
MNF – Lalchamliana (4572) ✔️
‌INC – Vanlalawmpuii Chawngthu (3815)
‌ZPM – Lalthansanga (3766)
‌BJP – K. Sangzuala (307)

29. SOUTH TUIPUI
MNF – Dr R Lalthangliana (6126) ✔️
‌INC – John Siamkunga (4657)
‌ZPM – Phairothanga (1359)
‌BJP – Lalnunpuia (151)

30. LUNGLEI NORTH
MNF – Dr Vanlaltanpuia (5022) ✔️
‌ZPM – Malsawmtluanga (4627)
‌INC – PC Lalthanliana (4466)
‌BJP – Ramdinzaua (66)

31. LUNGLEI EAST
MNF – Lawmawma Tochhawng (4063) ✔️
ZPM – Lalrinpuii (3991)
INC – Joseph Lalhimpuia (3836)
BJP – H. Lalruata (274)

32. LUNGLEI WEST
MNF – C Lalrinsanga (4093) ✔️
‌INC – Chalrosanga Ralte (4016)
‌ZPM – Lalnuntluanga Sailo (3587)
‌BJP – CS Chawngchhuma (142)

33. LUNGLEI SOUTH
MNF – Dr K Pachhunga (6245) ✔️
‌INC – Lalnunthara (3804)
‌ZPM – Rev Dr K Thanzauva (3492)
‌BJP – Dr Aichhunga (920)

34. THORANG
INC – Zodintluanga (4499) ✔️
‌MNF – Er R Rohmingliana (3259)
‌BJP – Joseph Lalzawmliana (1629)
‌ZPM – Lalrinzuala (1101)

35. WEST TUIPUI
INC – Nihar Kanti Chakma (5943) ✔️
‌MNF – Robert Hmingthansanga (3558)
‌BJP – Kina Ranjan Chakma (3243)
ZPM – B Vanlalauva (103)

36. TUICHAWNG
BJP – Dr BD Chakma (11419) ✔️
‌MNF – Rasik Mohan Chakma (9825)
‌INC – Kali Kumar Tongchaya (4353)

37. LAWNGTLAI WEST
INC – C Ngunlianchunga (10678) ✔️
‌MNF – C Ramhluna (9883)
‌BJP – JB Rualchhinga (973)

38. LAWNGTLAI EAST
MNF – H Lalbiakzauva (8656) ✔️
‌INC – H Zothangliana (7712)
‌ZPM – MC Lalramchhana (1086)
‌BJP – Vanupa Zathang (209)

39. SIAHA
MNF – Dr K Beichhua (8109) ✔️
‌INC – S Hiato (5641)
‌BJP – S Vadyu (2315)
‌ZPM – Thangchhuaha (171)

40. PALAK
INC – KT Rokhaw (5492) ✔️
‌MNF – M. Chakhu (4648)
‌BJP – Hiphei (4431)


Hetiang hian post ila a chiang deuh awm e.

MLA 2018 INTHLAN RESULT HRIAT A NI TA

2018 Mizoram MLA inthlan November 28 a neih chu December 11, 2018 ah vote chhiar a ni a, MLA a thlantlin leh an bial te –

  1. Hachhek –
    Lalrindika Ralte (Cong)
  2. Dampa
    Lalrintluanga Sailo (MNF)

  3. Mamit
    Er. H. Lalzirliana (MNF)

  4. Tuirial
    Andrew H. Thangliana (ZPM)

  5. Kolasib
    K. Lalrinliana (MNF)

  6. Serlui
    Lalrinsanga Ralte (MNF)

  7. Tuivawl
    Lalchhandama Ralte (MNF)

  8. Chawlfilh
    Lalrinliana Sailo (MNF)

  9. Tawi
    R. Zirliana (MNF)

  10. Aizawl N-I
    Vanlalhlana (ZPM)

  11. Aizawl N-II
    Dr. Vanlalthlana (ZPM)

  12. Aizawl N-III
    C. Lalmuanpuia (MNF)

  13. Aizawl E-I
    Zoramthanga (MNF)

  14. Aizawl E-II
    Robert Romawia Royte (MNF)

  15. Aizawl W-I
    Laldunoma (ZPM)

  16. Aizawl W-II
    Lalruatkima (MNF)

  17. Aizawl W-III
    VL Zaithanzama (ZPM)

  18. Aizawl S-I
    C. Lalsawivunga (ZPM)

  19. Aizawl S-II
    Lalchhuanthanga (ZPM)

  20. Aizawl S-III
    Prof. Dr. Lalnunmawia (MNF)

  21. Lengteng
    L. Thangnawia (MNF)

  22. Champhai N
    Dr. ZR Thiamsanga (MNF)

  23. Champhai S
    TJ Lalnuntluanga (MNF)

  24. Tuichang
    Tawnluia (MNF)

  25. East Tuipui
    Ramthanmawia (MNF)

  26. Serchhip
    Lalduhoma (ZPM)

  27. Tuikum
    Er. Lalrinawma (MNF)

  28. Hrangturzo
    Lalchamliana (MNF)

  29. South Tuipui
    Dr. R. Lalthangliana (MNF)

  30. Lunglei N
    Dr. Vanlaltanpuia (MNF)

  31. Lunglei E
    Lawmawma Tochhawng (MNF)

  32. Lunglei S
    Dr. K. Pachhunga (MNF)

  33. Lunglei W
    C. Lalrinsanga (MNF)

  34. Thorang
    Zodintluanga Ralte (Cong)

  35. West Tuipui
    NK Chakma (Cong)

  36. Lawngtlai E
    H. Lalbiakzauva (MNF)

  37. Lawngtlai W
    C. Ngunlianchunga (Cong)

  38. Tuichawng
    Dr. BD Chakma (BJP)

  39. Saiha
    Dr. K. Beichua (MNF)

40. Palak
KT Rokhaw (Cong)

MNF – 26
ZPM – 8
Congress – 5
BJP – 1

Aside | Posted on by | Leave a comment

MZP INTER HIGH SCHOOL QUIZ TAN A NI DAWN TA

Nimin ni 10th December,2018 (thawhtanni) chawhnu dar 1:00 khan MZP Conference hall-ah MZP buatsaih MZP Inter high School Quiz 2018 fixture Draw neih a ni a, he hun hi Pu Andrew F. Lalramnghaka, Finanace Secretary chuan kaihruaiin, Jacob Lalmuanpuia Secretary i/c Information chuan Fixture Draw hi a kaihruai a, Pu B. Vanlaltana, Vice President hnen atangin thusawi ngaihthlak a ni bawk.

He huna thusawitu Pu B. Vanlaltana chuan, “MZP-in Inter High School Quiz kan buatsaih thin a, mipui leh zirlai ten kan hlut hle thin hi MZP lawmna a ni. Quiz-a rawn tel zirlaite hi kan lo chhui zui in theih ang angin kan lo chik ve thin a, pawl sawm(10) result chhuakah te kan lo zawng ve thin a ni, kan beisei leh rin ang ngeiin TOP TEN ah thahnem tak an lang thin, hei hi MZP chuan Quiz hlawhtlinna ah kan ngai a, kan lawm hle a ni” a ti.

MZP Vice President chuan sawi chhunzawmin, ” Inter High School Quiz min hlutsak a, thahnem min ngaihpuitute chungah MZP chu kan lawm em em a, Mipui te leh nu leh pa te pawhin tun ai hian thahnem min ngaihpui ula, kan fate lehkha zirna kawngah tun aia pui nasa lehzual turin tan la theuh ta ila, Mizoram chauh nilo, India ram pum huapah kan fate zirna lama lang pha turin tan ila theuh ang u. Fate theihtawp chhuaha enkawl hi nu leh Pa te mawhphurhna a ni” a ti bawk.

MZP Inter High School Quiz,2018-ah hian School sawm pahnih(12) an tel dawn a, chungte chu:
1. Govt. Mizo High School.

2. Govt. Republic High School.

3. Greenland Higher Secondary School.

4. Tiny Tots Higher Secondary School.

5. Neuhof english Medium School.

6. Synod Higher Secondary School.

7. St. Joseph Higher Secondary School.

8. St. Pauls Higher Secondary School.

9. Royal Standard School.

10. Mount Carmel School.

11. Calvin Higher Secondary School, leh.

12. Govt. Thentlang High School te an ni.

Intihsiaknaa tel turte hi Group li(4) ah then niin group khat (1)ah School pathum (3) zel an awm a, Group tina pakhatna leh Best loosers pahnih (2) ten Semi-final an lut nghal dawn a ni. Intihsiakna hi ni 11th December, 2018 (Thawhlehni) zan dar 8:00-ah tan ani ang a , ni 14th december 2018 (Zirtawpni) ah final a ni ang, MZP Inter High School Quiz hi ZONET Cable TV leh LPS-ah te LIVE a pekchhuah a ni bawk ang.

Sd/-
(ROTHANLIANA)
Secretary i/c Publicity

Aside | Posted on by | Leave a comment

NE KHAWDUNGSEI BULA WAGON R CHESUALA THITE VAWIINAH VUI

Aizawl atanga Churachandpur a an chhungte thi ruang nan hman tuma Inrinni zana kal mi 5 (panga) te chuanna Wagon R car, NE Khawdungsei thlen hma km 1 vela nimin zinga chesualah mi 4 (pali) an thi a, thi lo awmchhun pawhin hliam na tak a tuar. He chetsualnaa thite chu –

  1. Pu Lalramthara Hmar (61) H/o Thanthuami (L), Bethlehem Veng, Aizawl
  2. Pi Neihkimi (70) W/o Lalenga (L), Bethlehem Veng, Aizawl
  3. Pi Demhnuni (60) W/o. Biakchhawna, Bethlehem Veng, Aizawl
  4. Pi S. Zamawii (50) W/o Thangzathuama, Saron Veng, Aizawl

te an ni a, an chuanna car khalhtu Lalchhuanawma (44), Khatla Kawltheihuan, Aizawl chuan hliam na tak a tuar a ni. Thite hi inchhung kual vek an ni a. Pi Neihkimi, Pi S. Zamawii leh Pu Lalramthara nupui Pi Thanthuami (L) te hi Pu Biakchhawna farnu te vek an ni a, Churachandpur a Pu Biakchhawna farnu pakhat fa thi ruang nang hman turin December ni 8, 2018 Inrinni zan dar 8 khan Pu Lalramthara Hmar Wagon R motor-in an chhuak a. Khawkawn khuaa nimin zingchaw ei tur kha an ni a, an thlen har tak em avangin tlai dar 3 velah Khawkawn a an chhungte chu anmahni ngaihven hian an che chhuak a. Nimin zing dar 7 rik hma deuh khan Ngopa Police Check Gate an kal pel tih an hria a, Ngopa Police Check Gate hi Aizawl lam atanga kala Ngopa khaw tawntirha awm a ni.

An chhungte hian Ngopa atang hian an zawng let leh ta a, an hmuh tak mai loh avangin NE Khawdungsei mi engemawzat chuan an zawnpui ta a, nimin tlai dar 5 hnu deuh khan Ngopa atanga NE Khawdungsei thlen hma km khat vela hlaah an chesual tih hmuh an ni ta a ni. NE Khawdungsei Branch YMA hruaitute hnen atanga thudawn danin, an chetsualna lai hi kawng zau tha lai a ni a, kawngsira tlak dal Parapet chu su chhiain kawngthlangah an tlan liam ta niin a lang a. Motor hi a insawh chhe hneh hle a, kawngpui atanga motor lum tawpna hi metre 300 chu a tlin an ring. Ngopa leh NE Khawdungsei inkar hi minute 30 vel tlan niin sawi a ni a, Ngopa Police Check Gate an pelh hun hi zing dar 6:50 vel ni ta se, an chetsual hun hi zing dar 7:30 bawr vel emaw, a hma hret emaw a nih rin a ni.

Henglai chhehvel Ngopa, North East Khawdungsei leh Khawkawn atanga mi tlawmngai kalkhawm ten chetsualna hmun an zuk thlen hian he Wagon R a chuang mi panga zinga pali te chu an lo thi tawh a, an zinga dam awmchhun, motor khalhtu Lalchhuanawma (44), Kawltheihuan chu a nakruh 5 (panga) a tliak a, theih anga rangin NE Khawdungsei damdawiinah lak a ni a. A hliam hi a nat em avang leh, a rang thei anga X-Ray ngai a nih avangin Ngopa Damdawiinah lak phei leh a ni.

Mitthite ruang kawngpuia an lakchhuah kim theih hun hi nizan dar 7:15 vel kha a ni a. Mitthite ruang hi NE Khawdungsei YMA Hall ah zalh an ni a, NE Khawdungsei Branch YMA te hian Kuang siamsa 2 (pahnih) chauh an lo neih avangin, pahnih dang siam belh a ni a, Kuang siam zawh hnua thlahna hunserh te hman a nih hnuah Aizawl panpui tura ruahman chu, Death Certificate tihfel nghal an han tum a, NE Khawdungsei a Registrar of Birth & Death chu a zinbo lai a lo ni a; tihdan tur kawng dang ngaituah chhungin hun a liam zel si a, Death Certificate tel lovin nizan dar 11:45 vel khan NE Khawdungsei atang hian Aizawl pana chhuahpui an ni ta a ni.

Bethlehem Branch YMA te chu an veng mite ruang lo hmuak tur hian nizan khan Bus in an kal a, Saron Veng Branch YMA te pawh an veng nu ruang hmuakin a hranin an kal bawk. Hliam tuar Lalchhuanawma pawh nizan la la khan Aizawl panpui tura tih a ni a, Ngopa Damdawiin Ambulance a chhiat avangin Sumo-in nizan dar 11:30 vel khan Aizawl panpui a ni a, Aizawl atangin a chhungte chu nizan khan Ambulance nen an thawk chho bawk a, kawngah an inlachhawng a. Tukin dar 9:30 khan Aizawl Civil Hospital thlenpui a ni a, doctor ten ngun takin an enfiah nghal a. An lumna lamah a thluak a chet nasat avangin a la biak tlak lutuk lo niin sawi a ni a, a hliam hrim hrim chu hlauhthawnawm lutuk chu a ni lo niin sawi a ni bawk.

Bethlehem Veng mi pathum – Pu Lalramthara Hmar, Pi Neihkimi leh Pi Demhnui te leh Pi S. Zamawii, Saron Veng te ruang hi hi tukin dar 9 hma hret khan Aizawl thlenpui niin, Aizawl Civil Hospital ah post mortem an ni a. Pi S. Zamawii hi vawiin chawhnu dar 1 hian vui a ni a. Bethlehem mi pathumte hi vawiin tlai dar 3 hian Bethlehem Presbyterian Kohhran Revival Centenary Hall ah a rualin vui an ni a, bialtu Pastor Lalchhawnkima’n a vui a ni.

Aside | Posted on by | Leave a comment

STROKE TENAU (Transient ischemic attack, TIA)

STROKE TENAU
(Transient ischemic attack, TIA)

Transient Ischemic Attack hi TIA tiin a lam tawiin dah zel mai ila. TIA hi stroke ang tho a ni a, a lan chhuah dan pawh stroke ang tho a ni a. TIA erawh minute reilote chhung chauh a awh a, hei vang hian thluak a tichhe hman lo a ni.

TIA hi ministroke tih a ni bawk a. TIA hi stroke a thleng thei tih hriattirna, warning sign pawimawh tak a ni a, TIA nei pathum zinga pakhatin a hnu-ah stroke an nei tlangpui bawk a. TIA hi warning a nih rualin stroke thleng tur lo inven lawk theihna hun remchang a ni thei bawk ang.

TIA hi minute reilote chhung a awh a, darkar khat chhungin a reh leh vek tlangpui a. A lan chhuah dan tlangpui…

Chak lohna, kut leh ke emaw, hmai emaw hit, chawmawlh leh mu cherh churh, a bik takin taksa pangkhing khat chauhah a awm duh a.

Ţawng fiah lo, ţawng harsatna, mi dangte hriatthiam lohna.

Mit pahnih emaw, pakhat emawa khaw hmu thei lo.

Luhaina, kal emaw, din emaw ţhat theih lohna, etc.

TIA awm chhan hi ischemic stroke awm chhan nen a inang reng a. Thluaka thisen lut tur dan chah a nih vang a ni a, TIA-ah chuan a rei lo va, thluak a khawih chhe hman lo mai a ni.

Cholesterol level sang vangin thisen zâm bang chhungah bawlhhlawh a bet a, hei hian thisen zâm a tikhawng a. Bawlhhlawh, plaques, thisen khang, blood clots te’n thluak chawmtu thisen zâm a hnawh a, thisen zâm khawng vangin a fân ţha thei tawh si lo va, TIA a awm ta ţhin a. Enkawl mumal loh chuan stroke neih theihna remchang a tam tawh tihna a ni.

Thlahtute-a TIA nei te’n TIA neih ve theihna remchang an ngah a.
Kum a tamin, a bik takin kum 55 pelh hnu-ah TIA neih theihna remchang a tam a.
Hmeichhia aiin mipain TIA an nei duh zawk a.
TIA nei tawh ten neih leh theihna remchang an ngah a.
Thisen natna chi khat sickle cell disease nei teah hian thluakah thisen leh oxygen a lut tlem duh a, hei hian TIA a awmtir duh a.
Mi hang zingah thisen sang natna leh zunthlum natna nei an tam avangin TIA nei pawh an awm duh bik a.

Nunphung hrisel taka nun hian TIA awm theihna remchang a titlem thei a.
Blood pressure sang enkawl ţhat a pawimawh a.
Cholesterol sang tihniam tura inenkawl a pawimawh a.
Lung lam natna hrang hrang enkawl ţhat a pawimawh a.
Thisen zâm natna enkawl ţhat a pawimawh a.
Zunthlum natna enkawl ţhat a pawimawh a.
Taksa rit lutuk tan intih cher a pawimawh a.
Meizial zûk loh a pawimawh a.
Taksa chettir tam leh insawizawi a pawimawh a.
Chi al leh sa thau mawm insum a pawimawh a.
Zu in loh emaw, nasa lova in emaw a pawimawh a.
Ruihhlo laka fihlim a pawimawh a.
Naupai lo tura indannna damdawi ei fimkhur a ngai bawk a ni.

Thei leh thlai hnah ei tam a pawimawh a. TIA veng thei ram hnim damdawi a awm nual bawk a, hei hi ka lehkhabu tlangzarh tumah ka dah hlawm a ni.

Aspirin hian thisen zâm chhunga thisen khang, blood clots insiam tur a veng thei a, TIA atan hman ţhin a ni.

Kan hma lawkah Krismas kan thleng dawn a, he hunpuiah hian mi tinte ei leh in lamah kan intuituah a. Thisen sang, cholesterol sang leh zunthlum natna nei tan insum a ţul hun a ni ve thung a. TIA lo nei tawh tan pawh insum a ţul hun a ni. Kan tarlan fo tawh angin, engkim hi a tawk leka tih thiam a pawimawh hle a, thil ţha tak pawh a lutuk chu thil ţha lo a chang mai ţhin a ni.

Dr. Lalkhawngaihsanga
HRISELNA, MI TIN TAN
(Gilead Thinghnai)

Aside | Posted on by | Leave a comment

MIZORAM SYNOD THU REL… CENTRAL SERVICES A LUH HNEM

MIZORAM SYNOD THU REL… CENTRAL SERVICES A LUH HNEM

Tih hi sawi zawm ka chak ve tlat mai. Synod hian Central Services ti angin an rawn sawi awlsam mai tak na chungin… MIZORAM PAWN A HNA THA CHITIN thawk tura in fuih a ah ngaihsak bawk ila.

UPSC kal tlanga hna an lak te hi Central sawrkar ( Union Government hnuai a hna chi hrang hrang) Gazetted Group A leh B officers te anni tlangpui a, hna tha, hna pawimawh leh zahawm a ngaih anni reng a. Chung zingah chuan All India Services ( AIS) an tih bik heng IAS, IPS leh IFS ( Forest) ho Cadre State nei hote bakah a tawpa ‘ S’ awm chi…. UPSC Combined Examination kal tlanga AIS rual an lak te rual a lak ve tho, heng IA&AS, IRS, IRTS, ITS…. etc etc hi an awm leh nual a. Heng ho hi Central Services Officer an tih ho deuh bik, Cadre State neilo, Central sawrkar mi leh sa bik ngawih ngawih te niin On Deputation in Central sawrkar Ministry / Department hrang hrang ah te leh State sawrkar ah te pawh an thawk kual ve nasa mai. Heng hote hi Organised Services an tih ho chu anni a.

Heng bakah hian Central sawrkar hnuaiah hian hna tha tak tak, Ministry leh Department bik tana lak, Specialized Services an awm hrang leh a. Entir nan keini Ministry of Mines hian All India Geologist Examination a nei hrang ve ngat a, hemi a exam thei tur erawh chuan Graduate zawng zawng nilovin mahni line a MSc ( Geology) chin kher te a ngai ta bik thin. Chutiangin Indian Statistical Services ( ISS), IES ( Indian Engineering Services) ang chi Central Services tha tak tak a la tam mai. Heng bakah hian Department / Office hrang hrang hian a khat mawi tawkin Department mamawh dan a zirin UPSC kal tlangin Group A & B officer a la reng bawk. Keini Department pawh hian Assistant Controller of Mines emaw a sang lamah pawh Lateral Entry te siamin direct recruitment-in Regional Controller of Mines ( Central sawrkar a Director puitling level, Level 13 ang chi…) te pawh an la fo mai.

Tin, heng Central sawrkar hnuaia Group A & B posts UPSC kal tlanga lak bakah hian Non Gazetted B leh C posts te pawh tam tham tak tak Staff Selection Commission ( SSC) State/ Region hrang hrang a Centre te kal tlangin an la miah miah reng bawk. Entir nan SSC hnuaiah Income Tax Inspector Group C hna I hmu a, Departmental Exams kal tlangin I ti chho zel a, Assistant Commissioner of Income Tax I kai meuh chuan IRS nihna an pe chho che a. UPSC hnuaia direct a IRS tling hote nen khan future promotion ah in dang ta lo. Chuvangin Jt. Commissioner / Addl. Secretary level thleng a han kai ve leh te pawh heng SSC kal tlanga hna hnuai deuh zawk a zawm te zingah pawh sawi tur an awm thin.

A bak zawng Group D, Central sawrkar hnathawk ho hi chu an State emaw District Employment Exchange kal tlanga lak an nih avangin chumi State mi leh sa nilo tan chuan beisei chi ani vak lo.

Ti khian, Central Services kan tih mai, a zau thei ang bera huam tir hna chi hrang hrang chu kan hrethiam tawh mai ang a. UPSC/ SSC hote hi an fair thawkhat hle a, PURELY ON MERIT a hna hi hmuh ani tlangpui a, Political Fitness a ngai lo tlangpui. Zawm tawh hnua kaisan chhoh kawngah erawh Eden huan effect te chu a awm ve fo ani awm e.

Heng Central Services hna chi hrang hrang kan sawi bakah hian Central sawrkar hnuai a PSU an tih, Public Sector Undertakings tam lutuk tak mai, Ministry leh Department hrang hrang hnuaiah khan an ther leh fup bawk a. Pay & Allowances te phei chu a Sawrkar hna tak tak aia tha anni fur hlawm. Petroleum Ministry hnuaia ONGC, OIL, HPCL etc te hi chu an hna hi mawm tha ve tak ani. (Kum 1992-97 chhung khan ONGC, Ahmedabad ah ka thawk ve zan tawh bawk, chutah tang chuan tuna ka thawhna/ ka bansan leh chiah tak IBM, Indian Bureau of Mines, Ministry of Mines hi 1997 khan UPSC kal tlangin ka zawm ve leh kha ania). Tunhma kha chuan PSU hrang hrang te hian anmahni Company / Corporation duh angin hna an la mai a. Tunah chuan transparent lehzualin GATE ( Graduate Aptitude Test in Engineering) emaw chutiang ang chi Common Test a mark score hisapin hna hi an pe tlangpui. PSU Bank hote pawh hian chutiang Common Test te chu an nei chho ve tawh.

Heng Central sawrkar hnuaia hna chi hrang hrang Organised Sector kan tih bakah hian HNA tha leh ropui em em chu SIPAI hi ani leh. Indian Army, Airforce leh Navy ah te Commissioned Officer leh Non Commissioned officer hna tam mang keng a awm zui. Chu lam ah chuan Mizo thalaite an harh mek bawk.

Mizoram pawn ah hi chuan hna hi a lo va tam tak em. Heng sawrkar zem zen hna tha tak tak kan sawi bakah pawh hian Private Sector a hna a la tam teh asin le. Sawrkar leh sawrkar hnuai company emaw Sipai ah te khi chuan TRIBAL QUOTA kan la nei zui. India rama TRIBAL nih nawmna em em chu Tribal min ti hote hi VAI CHHE ho kan ti let ngat vel. Tribal / ST ( Scheduled Tribe) kan nihna hi hna hmuh nan leh promotion nan te kan hmang a, chu bakah chuan India ram a Tribal kan nih hi kan lo theihnghilh leh thin ni berin ka hria. Mahse Private company a ngah hi chuan Tribal Quota a awm ve tawh lo thung.

Kan thalaite ka fuih duhna area ve leh chu ….Mizoram pawn India ram ringawt chu sawi loh India ram pawn…. khawvel pum hua Global Employment hi ani. Kan thalaite vanneihna em em chu India mi niin Indian Passport an hum a, hmel, che zia leh smartness/ hawihawmna lam ah Chinese an ni leh thung si hi ani. Heng MNC ( Multi National Company) zawnga kal ngam phei hi chuan Mizo thalaite tan hian hna zawn kawng hi chu HUAU ani ringawt.

Dik tak chuan tuna kan sawrkar thar lo piang tur hian NEDP/ SEDP pelin ngaihtuahna seng se, vote ❎ hmanga Lal leh hrim hrim ringawt ngaihtuah lo ngam bawk se chu…. SELF EMPLOYMENT / Enterprenuership te hi HNA tha filawr asin. Hna hmuhna ni mai lo, midangte thlenga HNA THA siamsak ve theih hi kan Mizo Kristian Thalaite birth right ani ve tho asin.

Han sawi tak tak chuan HNA chu a lo va tam hmel si em…. Ngati nge hna kan hmuh harsat em em si kan tih chuan kan HNA tih leh kan hna zawnna area hi kan zauh a ngai ani ber mai. Keimah ang talin Mizoram leh hnam hmangaih vangin Mizoram pawn ah rawn feh chhuak ve rawh khai. Mizoram State te reuh te, sum harsa tak hian hna min pe thei mumal lo anih hi. Mizo tan Mizoram tluk a nuam a awm lo, a awm tak tak dawn chuanglo. Chu kan ram neih chhun, kan pianna Zoram nuam chhawrpial I ang ngei mai chu KHAWVEL LAILI nih tir thei turin….. I FEH CHHUAK VE HLAWM TEH ANG U. India Rupiya chu sawi loh Dinar, Dollar, Pound tih vel khawvel zau zawk atangin I han pump lut tak tak ang u hmiang maw le.

Kei takngial pawh kum 1992 a hmangaih leh ngai em em a ka pemchhuah san luih ( Mizoram sawrkar ah khan Group A Officer hna ka thawh mek lai ania….) chu hmangaih lehzual thei turin ka rawn haw hlen dawn ta anih hi le. Kan Mizo Kristian thalaite TALENT nei tha lutuk hote hi Fine Tuning saka, Mizoram pawna India ram leh khawvel zau zawk a kan Pathian, Ram leh Hnam tana Tent Maker Missionary ni thei tura buatsaih tu, heti lam zawnga FATU 1 ni ve turin……. there i come home…. ka rawn ti vei chu anih chu…

Mizoram SYNOD thurel chu a rel tute hisap aia thuk leh nasa in ka lo phur pui ta anih hi. MIZO KRISTIAN TRIBAL ang hian a va changkan theihin , thil tha leh ropui hi kan va ti ve thei tak em…. Ka unau, Mizo Kristian I nih chuan harh rawh, zuang rawh…..

Author: Hriata Chhangte

Aside | Posted on by | 1 Comment

Kan la chiang thei lo maw?

Author: Rev Dr Ramengliana, Secretary NEICC

Mi tam takin Hindutva movement that
lohzia leh Mizo Kristian rilru leh nihna nena a inhalzia an ziah tawh laiin thenkhat chu kan la ṭang ṭâng ṭâng mai. Kan hre duh lo lui hrim hrim nge hre tur khawpin ngaihtuahna leh hriat thiamna kan nei lo? An nihna tha lo kan tih lai pawh hre renga BJP leh RSS te hi kan pawmchilh duh a nih chuan kan thu a ni, mahse an nihna leh an zia hi mi vengva chin lakah chuan zep mawi rual a ni lo.

1. Hindutva leh Hinduism danglamna
Ṭhenkhat chuan Hindutva movement leh Hindu sakhua hi zuk ngaih pawlh tlat a. A nih lohzia chu Hindu tam takin Hindutva an duh loh danah hian a chiang. Hindu sakhua chu sakhaw zau tak, eng sakhua pawh pawm thei, ‘religious pluralism’ kan tih ṭhin ang chi, chhandamna leh sakhua sawi kawp lem lo sakhua a ni a. He sakhua hi chuan midang a nek na lo khawp mai. Hinduism hi politics taka do pawh a ṭul lem lo. Hindutva erawh chu Hindu identity, Hindu sakhua leh culture chunga chuang a, politics leh khawtlang nuna Hindu culture chawi nun tumna leh midang hnawlna boruak na tak nei a ni. Hindutva zirtirna hian Hindu zirtirna a kalh hle zawk a ni.

2. BJP hi Hindutva pawl pakhat a ni
BJP hian RSS chhungkua member a nih hi a zep ngai miah lo a. Anmahni hi zawt ila, an sawi mai a. An website-ah bjp.org ah pawh en theih rengin a awm. A chiang em mai! An political front a ni. RSS blessing hi dawng lo se an tling zo ngaiin a rinawm loh zawk a ni. Politics tui miah lovin hetiang sawi a ṭul ta hi politics piah lam a inphum tih hriat thiam tur a ni ngei ang. BJP hi party dang kan hriat larte nen danglamna ril tak a neih chu Hindutva hi a ni a. Party dangte hi chu an ṭhat dan leh nih dan danglam viau mah se ‘Indian secularism’ hi an pawmchilh vek tih theih a ni. Hei hi keini hnam tê zawk leh sakhaw zuitu tlem zawk ṭe humhalhna a ni si a. Congress, MNF, ZPM, etc., te hi hemi kawngah an inang vek. India rama Communist party-te pawh hi Pathian lam chu uar lo teh mah se ‘Secularism’ uartu ber ber an ni tlat.

*3. BJP leh Secularism
Ṭhenkhat chuan BJP hian Secularism (sakhaw zalenna, ti mai ila) sawi ve tho leh kalpui ve thoah an sawi ṭhin a. An secularism kalpui dan hi keini secularism hriat dan nen a dang daih tih hria ila. ‘India ram hian secularism changchawiin sakhaw te zawk Muslim, Christian, etc., hi a vulh lutuk…Hindu chanvo min humhalh sak tha tawk lo… a secular tawk lo’ tih hi an kalpui dan zu ni miau a. Hindu chanvo chu ‘India ram hi Hindu ram a
ni’ tih kha an ngaihdan a ni leh mai si a. Beng nei chuan hre rawh se!

4. ‘Secular’ tih hi India constitution atangin a paih theih em?
Constitution expert chu ka ni hauh lo nang a ‘a theih loh’ titute thu sawi hi a mak ka ti zawk a. An ‘dream world’ ah an cheng niah ka ngai. BJP hian he mi policy hi ziaka an neih ka hre hauh lo a. Amaherawhchu, Hindutva
pawl thenkhat leh BJP sorkar hruaitute ṭhenkhatin an sawi kan hre tawh. Sangh Parivar pawl pakhat Sanatan Sanstha chuan hmanni lawk khan press conference kovin, “ ‘Secular’ tih tawngkam hi India constitution atanga paih kan phut a…chu kan demand chu ‘constitutional’ tak a ni. He tawngkam ‘secular’ hi a tira Indian constitutiona awm miah lo amendment hmanga thun luh mai a ni a, thun luh a nih angin a lak chhuah leh theih… Constitution-ah hian Hindu ho tan humhalhna a awm lo…” tih te an sawi piap piap mai. BJP MP Ananth Kumar te, RSS Chief Mohan Bhagwat te, BJP General Secretary lai lo ni tawh KN
Govindacharya te pawhin paih an duh thu an sawi kha hre duhte tan chuan hriat tur a awm.
Constitution hi Lok Sabha leh Rajya Sabha-a majority neih ṭhat chuan amend (siam ṭhat) theih a ni. Majority neih ṭhata palzut tum chuan a harsat loh hmel ngawt mai. Tunah hian BJP hian Lok Sabha-ah majority nei tawh a, Rajya Sabha-ah majority
an neih ve ve vaih chuan eng nge thleng ang kan hre lo.

5. BJP tan zawhna
Vote zawng political party an nih miau avangin voter-te mil zela an inzawrh a ngai tih chu chiang sa a ni. Lo iakpui ak aktu Mizo Kristian ṭhenkhat hi phai lama an hotute chuan an nuihzat awm mang e, ka ti hial thin. An hotuten, ‘Suma lei theih an ni, kan huphurh lo,’ an tih thu BJP hotu pakhatin min hrilh ka hre reng mai. Nagaland kohhran hruaitu pakhatin Nagaland-a seat 11 lai an hmuh thu a sawi ṭum a, “BJP te ngei pawhin MLA 2/1 bak an tlin an inrin loh laiin 11 lai an han tling chu, anmahni ngei pawhin mak an ti,” tiin zahthlak a tihzia a sawi ngawih ngawih a ni.

BJP hi Mizo Kristiante tana a hlauhawm leh awm loh chungchangah chuan heng
zawhnate hi zawh a ṭha ang ka ring:
(i) Hindutva hi an la kalpui em?
(ii) RSS member an la ni em?
(iii) Kristianten Hindu te hnena Chanchin ṭha kan hril ṭhin hi engnge an ngaihdan?
(iv) Hindu ṭhenkhat Kristiana inlette
hi eng nge an ngaihdan?

Dawt sawi lova an chhang a nih chuan thil awmzia chu a chiang kuar mai ang.

6. BJP Sorkar
Kum 2014 khan centralah BJP chu hneh takin a tling a. Mahse, Hindutva vanga tling ni lovin Development beiseina avanga tling an ni kan ti thei ang. Modi kha miten an ring tlat a, ani pawh hian India ram hi siamṭhat a tum tak tak ni chuan a lang. Mahse, a tum ang chuan a ti thei bik lo. Ram pum huap min tibuaitu Demonetisation te kha chu a fail dera ngaih a ni tlangpui a, GST hian sawisel a hlawhin (nitinin siamremna lehkha an thawn chhuak a ni ringawt, an ti), RBI nena an inkar a fuh lo a, CBI an enkawl danah pawh sawi an hlawh hle. Foreign policy lamah an hlawhchhamin an sawi bawk. Election hmaa an thutiam ropui tak tak atanga teh phei chuan an hlawhtling lo nasa awm asin.

Hei vang hi emaw ni dawn ni hmanni deuh khan Hindutva movement-in an uar ber pakhat Ram Mandir Ayodhyaa sak chungchang hotu ṭhenkhatin an rawn sawi leh hlut mai a. Ayodhyaah hian Muslim biak in vaw chhiain Ram Mandir sak an tum a nih kha. Khaw hming tam tak Hindu hminga thlak lamah an ram ṭang a. Uttar Pradesh CM Yogi Adityanath chuan Muslim hming chawi deuha ngaih Allahabad tih te pawh Prayagraj tiin a thlak fel der tawh a, Mughalsarai chu Pandit Deendayal Upadhayay Junction, Urdu Bazar chu Hindi Bazar, Ali Nagar chu Arya Nagar, tih te. Yogi hian Taj Mahal pawh Ram Mahal, Azamgarh pawh Aryamgarh, Faizabad pawh Ayodhyatia thlak zel a tum tih an sawi. Sakhaw dang zahna hi a tlem a nia. Yogi phei hi chuan “Secularism is a big lie,” a lo ti hial a ni awm e (Mainstream Nov 9-15).

Central BJP sorkarin Krismas ni hi ‘Good Governance Day’ tia a puan tak tlat te, Yoga Day hi Govt. institutions ten hmang tura a tih dan te, nikum Good Friday ni taka Manipur BJP sorkarin program pawimawh tak a siam tlat te, Pathiannia kan officer liante an koh buai ṭhin dan leh an career pawhin a tuar hial dan
te, January – October 2018 chhunga Kristiante tuarna tum 195 lai record theih a nihzia te, tun thla hnih(Sept-Oct) chhung chauhah pawh tum 71, Uttar Pradesh bika 44 a awmzia te, tun kum 6 chhunga India ram NGO pawl 18000-in
foreign tanpuina an dawn thin tih tawpsak an nih dan te, GST leh FCRA hmanga Kristiante hnung khirh an tum nasat dante hi i hria ang u.

7. Thangtharte tana chona
Mizote chak lohna ber pakhat chu kan ram chhung chauh kan hmu thiam ṭhin hi a ni a. ‘Min rawn tibuai teuh lo’ tia mena thlak kan tum ṭhin. Heta kan buai loh lai hian Kristaa kan unau, Chanchin Ṭha vahvaihpuituten nun thapin an rawng an bawl a ni tih hria ila. Harsatna an tawh ṭhinte pawh ngaihven mi tan chuan a chiang. Keini chu kan him mai thei, mahse kan Kristianpui him tir lotu chu kan hnawl ngam pawh a ṭul ang. Duh duh vote theia inngaih ringawt hi ringtu tan a dik chiah em? Rilru hmangin mahni hmasialna tel hauh lovin kan ram tana ṭha tur kan vote tur a ni zawk dawn lawm ni? Chu chu kan mawhphurhna, kan koa Pathianin a dah a ni lo maw? Kan chunga roreltu tur a ruatna hmanrua kan ni si a. Mahni duh duha her mai mai chi a ni lo. Hetih lai hian kan hotu liante chuan mipui hi bawl theihah min ngai a ni chek ang chu:
‘kawng chhawng traffic jam awm lohna khawpui’ thu te, ‘BJP zawmpui hreh loh’ thute, ‘kawng chhia a awm loh’ thute an sawi zuah zuah chu a ni si a. Ram hruaitu, ṭhangthar, rilru thar, sum leh paiin a tihbuai loh, Pathian leh mipui ṭih, mithiam leh midang thiamna sawr chhuak thiam, mi rinawm kan va mamawh tak em! PM Modi te, UP CM Yogi Adityanath ten Hindutva tana an inpek pumhlum theih chuan kan ram leh hnam leh Krista tana ding thei kan awm ve tho dawn lawm ni? ‘Kan ram Krista kan pe’ kan ti tawh si a.

Aside | Posted on by | Leave a comment

ZU KHAP CHUNGCHANGA KA NGAIHDAN

(vote duh vanga zu haw der-ho pawn dik an ti ve tho ang)

Zu hi piangthar dak lehna hmanraw pui ber, nupa tang then tirtu, naupang tam tak fahraha siamtu, insual buaina chawk chhuaktu, heng lo pawh hi a tam mai, hetiang a nih avang hian MLTP act Assembly house in a pawm hlim khan ka lawm em em a, kha tih hunlaia Excise leh Prison changtu Minister ka phone nghal a, a tan ka lo tawngtai thin dawn a ni tih ka hrilh a, “Khawvel ram ropui ber ber te lo hlawhchham tawhnaah hian Pathian leh a Kohhranho baka YMA te zarah, he ramah hi chuan kan hlawhtling ngei ang tih hi ka ring tlat a ni” tiin ka sawi nghe nghe. Hun a lo kal zel a, tih tak zet a beihpuithlaka tihrem tuma dona tak tak kha eng sorkarah mah khan a awm lo va, khap reng chungin zu a tam a, a chhe bawk a, a to bawk a, a hminga Branch YMA-ah RUIHHLO DO kumpuana chairman vawi thum leh vice chairman vawi khat ka nih chhung khan a hre chiang bertute zinga mi ka nih ka ve ring. Khap si, tam si, zalen si, chhe si, to si, ai chuan Dan hnuaiah fel taka zawrh mai hi kei chuan tha ka ti ta a ni. Kan in thiam ve hret hret pawhin ka ring. Kan khap loh vek chuan, permit ngai lo va, a duh apiangina an leih theih tura zawrh hi tha ka ti bawk.

Zu ruih erawh hi chu khap bur mai se la, a hremna pawh zathlak angreng takin ti bawk se. Kan hnam hi a zahawm zawk bawk ang.

Party thenkhat an sorkar lai pawha MLTP Act tihhlawhtlin tuma thapui thawh chuang reng reng loin, mipui vote duh avanga zu an han haw thar leh ngawt mai te hi, zia lo lam deuh chu a ni.

KHAP HNEH THEI DAWN ILA CHU KHAP DUH BERTE ZINGA MI KA NI VE. MAHSE, ZU HI POLITICS KHELH NANA HMANA LEMCHAN HI NINAWM TAWH, KA TI

Author: Rosanga Chawngthu

Aside | Posted on by | Leave a comment