Sudden Law of the Lariat (Mizo Version) 13

Sudden Law of the Lariat CHAPTER – 13

Nui chung hian, Ridgea chuan “Eng teh chiam han sawi tur a awm lo. Barta khabe ah khan i va hnek sak a, a nat leh nat loh ngaihtuah chiang turin Barta chu a mu ta rih a nih kha, engpawh nise, a ngaihtuah zankhuain ka ring, tirawh, Benta inah kal ila, i hmaite pawh kha va phih fai ve ta che, thlipui nuai hrep hnu i ang emai,” alo ti ta a. Tichuan mipui zi mur mur karah anni pathum chu an chhuak ta a, an kal tur chu mikhat ke kual zet, puakruk pahnih pai, hmai ro deuh hil hel hian a enzui reng a. Severna pawh chuan chu pa chu a va hmu ve a, mahse hmelhriat loh enin a en mai a, chupa chuan ‘Thei vei reuh a,’ a han ti a, hlim tak chuan a chhuak ve ta nghal a.

An inbeih hnu, darkar khat velah Severna chu Lazy M lam panin a chhuak leh ta a, a taksa te chu a na vel thum mai a, mahse a mitthlain chhuatlaia Bartholomewa tlu reng chu a han hmu a, a na te pawh chu a hre chang tawh meuh lo. Khua atanga mel khat zet a kal hnuin a sakawr chu a inhrosa ta a, chutih lai chuan kawngsir atangin mi pakhat hi a lo chhuak a, “Ban phar rawh,” a rawn ti ta a. Ti tak tak lo nia a hriat avangin severna chuan, “Ka phar peih lo, i awmna atang khan lo chhuak la, i thil duh chu rawn sawi mai rawh,” a han ti a.

Come Again Saloon-a ke kuala bawk kha a lo chhuak ta a. Nui deuh tha chung hian,”Kan pu hnen atangin thupek ka rawn keng a ni,” a han ti a. Severna chuan “Chu, i pu ka ni tawh lo tihna a ni maw?” YZ Ranch ah khan lo awm reng turin ka hrilh lo che em ni?” a han ti ve thung a. Chupa chuan “Kan pu tih lemah kan hotu ka tihna alawm – Ni chiah e, Miss Norry…..” a han ti zet a. Severna chu a lo nuih tak avangin a han ngawi leh rih a, tah chuan “Kum hnih, kum thum chhung zet pasal a neih tawh tih chu ka hria alawm, mahse Miss Norry tiin a hote chuan kan la ko reng tho a ni, a enga pawh chu lo nise, heti hian min ti a
– “Thiana lehkha ka lo hmu a, engkim a fel vek ni awmin a rawn sawi a, hlauhthawn tur engmah a awm lo ni awmin a rawn sawi bawk a, thudik ni atan chuan a ropui lutuk deuhin ka hria, a in sawi that zawh poh leh a dinhmun a tha lo tih chu ka hre chiang a ni, chuvangin i sakawr buatsaih la, va kal ve tawh” min ti a. Thu i rawn uar lu deuh a nih ka ring, a han ti a, severna chu za fe hian a han nui a, “Hmeichhe mizia hi engtikahmah ka hrethiam ve tak tak in ka inring lo, bum theih pawh anni hrep love, ka dinhmun kha rawn sawi tha lo ta deuh pawh ni ila, nang hi a rawn tir tho chein ka ring a, engmah a sawt chuang lovang, a nih leh, in lam enge an an? a han ti leh a.

Snap Lunta chuan “Engkim a fel vek. In naute pawh kha a thang duh hle mai, a pa aiin a sual zawk daih ka ring, hmanni lawk pawh khan ka puakruk min chhuhsak a tum a, ka pek phal tak loh avangin a bengchheng teh a sin,” a han ti a. Severna chuan “A bengchheng bawkin ka ring, a tap ring thei viau thin reng a nia,” a han ti zet a, tah chuan ,”Hope khuaah hian eng hun laia lo thleng nge i nih?” tiin Snap Lunta chu a han zawt let a. Lunta chuan “In inbei kha ka rawn hmu hman ve chiah a ni. Don, i kuttum i la hmang thiam hle mai,” a han ti a. Severna chuan “Heng lai velah hi chuan Don ka ni lo, ka hming chu Jim Severna a ni, a fala kan awm lai pawhin chu chu theihnghilh suh, leihnuai feet ruk vela thukah min phum thelh a nih kha le ! Barta khan min sawisa hlum dawn ta emaw ka ti hman tawh a sin” a han ti a.

Lunt-a chuan,”A tawp nana Bartholomewa i han hnek kha chu a duhawm kher mai, khatianga hnek ai kha chuan Outlaw ho sakawr khen pawh ka thlang zawk daih ang. ka lo kal chu ka lawm ngawt mai, chuti teh chiam zawngin i dinhmun hi a tha tehchiam lo niin a lang,” a han ti a.

Severna pawh chuan, “Thudik tak sawi duh chuan, Pathianni tuk ang ngawt chu a ni lo alawm,” tih pahin thil awmdan zawng zawng chu Lunta chu a hrilh ve ta vek a. Severna thusawi a ngaihthlak zawh chuan Lunta chuan “I hming han sawi telve chu Shady-a em ni? tiin a lo zawt thuai a. Severna chuan “ni e, bial hmam mai, dung leh vang inchen thuak awma lang a ni nghe nghe a, amah chu i hre ve em ni? a han ti a. “Hre teh reng e, hmanah ka thianpa pawisa a it avang ngawtin a kap hlum tawh a, ka la theihnghilh hleinem, ka lo kal hlauh chu ka lawm tak zet ani. enge ti tura min duh? a ti ta a. Severna chuan “Hope khuaah hian lo cheng ve phawt mai la, tin, min hre ngai lo ang takin awm tum tlat ang che, chu chu theihnghilh suh, XT Ranch neitu, Ridge leh Benta te hi an rin ngam phawt ang a, midang lakah fimkhur lehzual a tha ang, ka rinpuiber tur i ni dawn a, fimkhur hle ang che, kal leh mai tawh, dam takin le,” a han ti a.

Lunta chu sakawrah a lawn kai a, Hope khaw lam pan chuan a kal ta a, severna pawh chu Lazy M lam pan chuan a kal ve ta nghal a. A kal pah chuan Snap, Larry leh kei pahnih ngawt ai chuan a thlamuan thlak ta hle mai a han ti a. A sakawr beng chu han pawh fiam pahin, “thatchhepa, ke khat chauh hmang lovin i ke pali te kha hmang ve bawk ta che mawle, hmanhmawh rawh,” tiin a sakawr chu a han tur hmanhmawh ta a, YZ Ranch atanga Snapa lokal hlauh chu Severna chuan lawmawm a ti hle a, a thlamuan phah hle bawk ani.

A tuk zingah Lazy M Ranch-a chaw kil hote chuan Severna chu ngawi rengin an en a, a hmaiah te chuan a hma nia an insualna hnu hma chu a la lang chiang hle a, mahse chanchin zawt duh erawh pakhat mah an awm lo. Chaw eikham veleh Severna chu Larrya hnenah chuan a va kal a,, Larrya chuan a hmuh veleh, “A tu bera kha nge maw i nih tak le?” tiin a lo zawt fiam hlut a, Severna chuan “United States President pawh ka ni mai thei a, mahse ka ni lo,” Lungni awm lo tak hian a han ti ve a. Larrya chuan severna hmai chu ngun fe hian a han en leh rih a, “Hmuhnawm ka ti lo,” a han ti leh a.
Severna chuan “A enga chu maw hmuhnawm i tih loh chu – tlangval ?” a han ti ve leh a. Larrya chuan “I hmel i tih danglam dan kha mawle, tunhma pawh khan han chapo pui tur hmel i pu e -zawng ka ti hauh lo, mahse i chei mawi chuang vak lo a nih kha, a inchawih mawi tawk lo, hei, lukhum kha la sawn vat rawh,” ring zet mai hian a han ti zui a. A thusawi lai khan thutthlenga a lukhum dah chu severna chuan a lo thut lui ve ngat chu lo niin, muangchangin a ding a, Larrya lukhum chu per chhe zet hian a han la chhuak a, “A thar i mamawh tawh a nih hi, khaih khaih, dam lo i nih kha, insum hram hram rawh, kan lal fanu chuan engtinnge a enkawl che ? a han ti a.

Larya chuan “Don, a duhawm lutuk tlat,” ti chauhin a chhang a, Severna chuan “Don tia min koh leh vaih zawngin Phili hnenah ka thian i ni tih ka hrilh ngei ang,” tiin a han vau ta a. Chu veleh Larrya chuan “chu zawng ni lul suh se, ka theihnghilh palh der a ni, Jim, i hmel i chei danglam chhan pawh kha min la hrilh ve hleinem mawle,” a ti ta chul mai a.
Severna chuan “Ka duhthu a ka chei danglam a nih loh hi, Nizanah Bartholomewa nen kan inhmu fuh lo deuh a ni,” a han ti a. An insual dan chanchin te chu kimchang takin a hrilh ve ta a, a sawi zawh chuan “A nih dawn hrep tak chu ! Reilote ka han enkawl loh che pawh in heti hi a ni zel mai a,” tih pahin Larrya chu za fe hian a han nui a, “Bartholomewa pawh chuan tunah te hi chuan nuam a ti bik vak lovang maw?’ a han ti leh a.

Severna chuan “thian i nei dawn e”, tih pahin a tho a, “taka, khuaa i kal leh theih hunah Hope khuaah Snap Lunta kha i hmuh palh hlauh chuan hre lo angin awm tlat ang che, i hria em?” a han ti zui a. Larrya chuan “engtin a ni? enge i hmanhmawh em em? Mi han hrilh chiang ve teh…..?” a han ti a. Mahse Severna chuan a thusawi pawh chu a hre hman lovin pawnah alo chhuahsan daih tawh a. Larrya thinrim lutuk chu a han enzui chiam ringawt a.

Phili hmu lova a chhuak thei chu Severna chuan lawmawm a ti hle a, mahse chutih lai chuan Phili chu ama pindanah rilru buai deuh tak chungin a thu reng tawh a. Severna te thiandun inbiak lai khan Larrya chu va tlawh a lo tum tawh a, mahse inchhunga mi pahnih tawng ri a hriat avang chuan kawngkhar bulah a dinga, duh lo angreng tak chung si hian Larrya te thusawi chu a ngaithla ve ta reng a, an thusawi atang chuan Larrya leh severna chu tunhma atang tawha lo inhria anni tih te, severna chuan hming dang a invuah chawp tihte chu a hre ta vek si a. Chutianga an chet chhan chu chhui chhuak thiam chiah lo mahse Larrya chuan dawt a hrilh a ni tih erawh chu a hre chiang hle a, chu chuan a rilru a ti hrehawm em em a, ‘khawvelah hian tumah rin ngam ka nei ta lo a nih hi’ a ti rilru a.

Larrya rin ang ngeiin Bartholomewa chu rilru leh taksa lamah pawh a chau hle a. A hmai vung velte chu zahpuiin inchhungah a tawm reng a, chutih lai chu Pentona chuan a rawn hmu a, a hnenah chuan inngaihtuah thinrim ngawt chu a sawt vak lo maithei a ni, chanchin thar ka hria a, a tha vak lo leh nghal” a rawn ti a. Bartholomew chuan “tunlai hi chuan chanchin tha ngaihthlak tur avang deuh a nih hi, eng chanchin nge i hriat chu” a han ti a. Pentona chuan “a hmanhmawhthlak vak hleinem, Bart, Puakruk kha i phawi rang hle an ti thin khan ka hria a?” a han ti leh rih a. Bartholomew chuan “Ka aia rang zawk ka la tawng rihlo chu a ni phawt mai a,” chapo deuh tak hian a han ti leh a. Pentona chuan “Nizan thleng kha chuan tirawh? severna lakah chuan muang lutuk ringawt niin i lang a, mahse nizan ang tluka i phawiran kha chu ka la hmu ngai lo chung chuan severna khan awlsam deuh maiin a phawi khalh ta tho mai si che a,” a han ti leh a. Barta chuan an thusawi chu ning niawm tak hian “engemaw a tirah khan sawi i tum reng reng chu le”, a han ti deuh khu khu a.

Pentona chuan “Hatchet Follya Larmana hote hnawt tiau vektu kha tunge a nih i hria em?” a han ti leh rih a. Chu velah Bartholomew chu a phu deuh zawk a. Pentona thusawi chu ngaihven tih hriat tak hian, “Suddena a nih kha, chu.. Severna hi Suddena a ni ang e tih i tum…….” a han ti hman chauh a, Pentona chuan “rin thil thu ka sawi mai a nia, Suddena hming hmasa kha Donald a ni ve a, Come Again Saloon ah khan a thianpa khan ‘Don’ ti khan a ko tlat bawk si a” a han ti leh a.
Pentona’n Suddena hming a han sawi atangin Barta hmel chu hmuh theih khawp hian a danglam nghal a, Pentona chuan lo ring dik palh ta hlauh anih chuan a hma zana Severna puakruk phawi khum a tum ngawt lai kha chuan thihna kotlang a lo rap mek reng tihna alo ni dawn a, Rukru rual, Tarman hote a tih tiau zawh khan Suddena, Outlaw anga an sawi chu a kalbo ta daih a, mi pangai ang mai in a khawsa zui ta ni awmin an sawi a. Mahse a hlauhawm zia leh a phawiran dan te kha chu tuman an theihnghilh thei tawh chuang lo.

Barta chu reife ngawi rengin a han inngaihtuah rih a, tah chuan, “Suddena ani emaw, nilo emaw mihring ve mai bawk a ni a, chuvangin ka la tibo tho tho ang, a chanchin an sawi thinte hi a dik phawt chuan vawihnih khat chu engtin tin emaw harsa takin thihna a pumpelh hram a ni awmin an sawi a, a vannei seng zozai bik lovang. Engpawh nise, i ngaihdan chu tumah lo hrilh ve rih suh, Hope khuaa mite hian severna hi Suddena emaw an tih vaih zawngin a lamah an tang vek mai ang” a han ti a.

Pentona pawh chuan “chu chu a dik ngei ang, engpawhnise, amah chu kan tihbo theih siloh chuan min tibo zawk dawn tih chu a chiang a, kei ka duh ve dan chu hnunglam atanga kahhlum mai a ni. Nang enge i ngaih ve dan?” tiin a han zawt a. Barta chuan “tuma hriat ve loh tawp tur chet dan kawngkhat ka la hria, hun remchang ka hmuh hunah ka thil tum chu a lo lang mai ang, ka tisual palh tawh dawn bawk hek lo” a han ti a.

Pentona chhuah hnuah pawh barta chu rei ngial a la inngaihtuah a, pawisa lo tak ang khan lo lang mahse Pentona thusawi khan a rilru a ti mangang hle a, mahse lehlamah ve thung chuan Lazy M chu a awt hle a. A neitunu Phili a duhna pawh chu a ni telin a zual zel emaw tih tur a ni bawk si. Phili nena an inhmuh hnuhnun ber lai hnu kha a han ngaihtuah chhuak a, thinrim zet mai hian heti hian a ahan ti a, “A duh emaw duhlo emaw ka nei reng reng dawn, kan misualpa thung kha chu…….


Tlang pangah Big Boy chuan a sakawr chu a tlan kual tir vel a. chutih lai chuan an thlang ruam chu a zuk enthla a, an awmna atanga yds 600 vela hlaah chuan cowboy paruk vel hian Lazy M bawng an lo khalh khawm lai a zuk hmu ta mai a. Cowboy ho te chu tutenge annih zawng a zuk hmu thei lo a, mahse puan vara an hmai an tuam vek avangin hriat kher pawh chu tulna awmin a hre lo. A thil hmuh chu Ranch a va hrilh thuai thuai tumin hmanhmawh takin Lazy M chu a pan a, Severna chuan Big boya thusawi chu ngawi rengin a lo ngaithla phawt a, tah chuan White Masks ho bawk an ni ngei ang maw? Bawng sawmnga vel maw an ruk? a han ti a. Big Boy chuan “a aia tam ruk an tum pawh a ni maithei a, mahse tlang panga ka hmel an hmuh khan an tum a ti bahlah ta aniang e” a ti ve mai a. Severna chuan “engpawhnise naktuk zingah bawng chu lak let leh kan va tum phawt mai ang a, min lo chan palh tak hlauhin a tam thei ang ber kan thawk chhuak dawn nia” tiin a han hrilh hlawm a.

A tuk khua a lo var chian meuh chuan severna te ho chu an inpeih fel hman hle tawh a, Larrya leh an chaw chhum chauh an hnutchhiah a, midangte erawh chu severna chuan kal vek tur a ti tlat a. A tum dan chuan bawng va lak kir leh paha rukru ho chu na tawk taka hrem a ni a, chuvangin kal tur pawh chu a duhthawh em em a.

Severna chuan nuam tih lohna tak a nei tan ta a, rukru ho chuan hnu chhui awlna lai tur tak zelah bawng rual chu an khalh lui zel ni hian a lang a, chungte chu a han ngaihtuah chuan Ranch kha vengtu nei lova an chhuahsan ta vek mai pawh chu pawi a ti rilru hle a. Ni a tla dawn tep tawh tihin ralkhat hla fea bawng bu ri chu an hre ta a. An va kal hnaih nak chuan an bawng bo zawn chu hnim hring hmun nuam deuh maiah hian an lo awm khawm a, tumah hmuh tur pawh an lo awm bawk si lova. Rukru ho chuan an lo chang ang tih hlauvin anni ho chuan an va pawh mai duh lova, reife an nghah hnuin severna, darby leh big boy te chuan an bawng tlatna hmun chu an va pan phei ta a.

Bawng bawhna lai an va thlen chuan “a va mak teh ringawt ve mawle, an hnu chhui atan min duh niawm takin an kalna hnu lah chu chhui a awl hle bawk si a”, Darby a chuan a han ti a. Severna pawh chuan, “a ni viau mai, an thang kamah ka awm chiang hle niin ka hria, Ranch atang min hruai chhuah an duhna chhan chu ka hre lova, mahse hriat thuai ka tum a ni. Pathum chuan bawng hi inkhalh haw thei ang a, midang zawng chuan min zui rawh u”, a ti ta. Tichuan Big Boy leh midang pahnihte chu bawng khalh haw turin an hnutchhiah a, a dang zawng chu Severna hovin Lazy M lam pan chuan hmanhmawh takin an kir leh ta a.

Ranch an va thlen chuan khua a thim tawh a, mahse Ranch inah chuan khawnvar inchhi hmuh tur reng a lo awm lo, cowboy ho chu sakawr atang chhuk pahin an au vel chiam a, an chaw chhum pa chu a lo chhuak mai an beisei a, mahse a lo chhuak ta mai si lova, severna chuan “thil fel lo tak a awm a ni ngei ang, inchhungah i lut teh ang u,” tih pahin amah chuan hma a hruai a, ranch in chhungah chuan an lut ta a.

Inchhung a va luh veleh Severna chuan rum ri a han hre ta a, a thim em avangin severna chuan nawalh a han nawt eng a, Jonah chu a va hmu ta a. Jonah chu thutthlengah hian an lo phuar bet a. a kaah chuan pawnchhia an hnawh tlat bawk a, severna chuan khawnvar a chhi thuai a. Jonah phuarna hrui chu a va zaichah sak a, a ka an hnawhna te pawh chu an han phawrh chhuah sak nghal bawk a, jonah hnenah chuan Engtizia nge ni? tiin thil awmdan a han zawt a.

Jonah chuan “Masks ho khan Phili an ru bo daih a han ti nghal chawt mai a, chu veleh engmah dang pawh zawt tel lovin severna chu inchhawngah chuan a lawn chho nghal thuai a, Phili pindanah chuan Dinahi chu a han hmu leh a, ani pawh chu thutthlengah bawk an lo phuar bet leh a, an phuarna severna’n an phelh sak hnu chuan Larrya zawng turin a chhuak leh ta nghal a. Larrya pawh chu midangte ang bawk chuan an lo phuar bet leh a, a ka te pawh chu an lo hnawh sak ve tho a, a ka hnawhna an phawrh chhuah hnu chuan “vawiin chawhnu lam tawh khan pawnah hian sakawr ke pen ri leh tawng ri ka hri a, nangmahni ho in nih ngei ka ring a. Reilote ah ka pindan kawngkhar hi a rawn inhawng a, hmai tuam pahnih an lo lut a, pakhat zawk chuan silaiin min tin a, a thianpa chuan min phuar bet ta mai, ka ban na vang hian engmah ti thei hek lo, ka han an khum hrep ringawt a. Mahse ka ka an hnawh leh ta zel si a, enge maw an duh reng reng ni dawn le?” a han ti a. Severna chuan “Phili an la bo daih tawh a ni”, a han ti a. Larrya chuan “chu, engmah ti lova awm mai mai em ni i tum? a han ti a. Severna chuan “ni ang chu, ka mu tawh mai dawn a, nang pawh mu nghal la a tha ang” nui chung hian a han ti a, Larrya chuan a chhan ve hmain a chhuahsan ta mai a.
•••••••••••••••••••••••••••••••

Advertisements
Aside | Posted on by | Tagged , | Leave a comment

Sudden Law of the Lariat (Mizo Version) 12

Sudden Law of the Lariat- CHAPTER – 12
Phili’n a chunga a rilru put dan dik tak Barta an a han hre ta chu a lawm lo ngei mai ! Mahni induhtawk leh chapo tak a lo nih bawk avangin pai daih harsa a ti lehzual a. Chumi ni chuan nilengin a hote pawhin a hmel hlim hmuh tur an hre lo. Tlai lamah Pentona’n a rawn tlawh a. Bartholomewa chu a rawn hmuh veleh, engtizia nge, buaina i nei em ni? tiin a rawn zawt nghal chawt mai a.

” Bartholomew, nei teh meuh mai, Devinta chanchin i hria em?” tiin a lo zawt ve thung a. Pentona chuan ka rawn hmu hlim hlawl a ni” a lo ti thuai a, Barta chuan “Engtin a!!!?? Devinta chu a thi tawh a sin, i rui nge maw ni a, i mumang i sawi zawk le? a han ti leh a. Pentona chuan “ka rui lova, ka mumang pawh ka sawi bawk hek lo, ka sawi tawh ang khan devinta a chu ka rawn hmu ngei alawm, Forby a kan khai hlumna thing kungah bawk khan a lo inkhai a, thing pangah pawh chuan an lo kher thar leh bawk a,” a han ti a.
Barta chuan “Severna a che leh ta tihna a niang maw?” lungawi lo zet chuan a han ti leh a. Pentona chuan “a tirah khan ka thu awih la, severna hi lo that daih tawh i la chuan a tha mai tur, Phili pawh khan Judge chu a tih lungawi theih ngei ka ring a, engkim fel vek thei tawh mai tur, tunah pawh a la tlai lutuk love, severna hi chu a theihnghilh leh thuai tho vang” a han ti a. Barta chuan “Severna te chu enga tan mah a ti hleinem, Devinta kap hlumtu kha alawm a lo buaipui nek le”, a han ti a. Zing lama phili nen an inbiak dan zawng zawng te chu a hrilh ve ta vek a.

Pentona chuan “nang chu a hnawl ta der mai che a ni maw? Lazy M Ranch chu ‘Dam takin’ i tih mai a va tul tawh awm ve? An inneihna ah thianah te i tan ve phak chuan a lawmawm hle a ni mai lawm ni?” a han ti a. Pentona, “ka nuih a za lo”, a han ti a, Penton a pawh chuan “thil nuihzatthlak engmah ka sawi bik hl einem, i rilru ni awma ka ngaih ka han sawi chhuak mai mai a nih chu, i thil tih tum tawh i bansan mai mai lai ka la hre ngai lova,” a han ti leh a. Barta chuan “tunah pawh bansan ka tum chuang hleinem, neih ka tum tawh chu englekhawle, ka nei reng reng ang, a tira ka beisei ai khan a lo harsa deuh tihna a ni chauh zawk” a ti ta a.

Pentona chuan “Judge chu kan lam tanga siam dan a awm thei mai dawn lawm ni? ” a han ti leh a. Barta chuan “Pent, ka rilru i hre thei em maw ni hial chu le? Tih theih dan kawng chu a awm ngei a, amaherawh chu ka la ngaihtuah chiang chiah lo ani. Tunah rih chuan Mastersa kha severna thah niawm takin lo than tir tum phawt mai la a tha ber ang” a ti leh a. Pentona chuan “stevena pawh kha severna tihhlum angin a sawi theih nghal mai lawm ni?” tiin a han zawt a. Barta chuan “a rem lovang, kha tih lai vel khan heng laiah a awm lo tih severna chuan a tilang thei mawi awm si a”, a a han ti a.

Pentona chuan “stevena kan dahtha a, a aiah severna a lokal leh ta hlauh si a, kan ti fuh lo ang reng ngawt mai” a han ti leh a. Barta chuan “a dik viau mai, mahse Mastersa khan mikhual a ruai ang tih ngaihna kan hre tlat silo a nih kha, Devinta kha stevensa aiawh atana dah mai kan lo ring ringawt a”, a han ti a. Pentona chuan “kan rin ai daihin Mastersa kha a lo fing zawk a nih hi maw le,” a han ti leh a, Barta chu a rum nghut a, Mastersa chu a rin ai daihin a lo fing zawk ni chuan a ngai ve ta a.

Devinta thih atang ni rei fe hnuah Ridge an a koh avangin severna chu Hope khuaah a lo kal a, kawtthlera a kal lai chuan tun hmaa a thian anga a lo kawm fo thinte pawh chuan hmu lo ang hrimin severna chu an kal pel deuh ngak zel a. Severna chuan mak pawh a ti hle a. Ridgea ava hmuh chuan “rawn tih buai che chu ka hreh hle a, mahse Mastersa kha i kahhlum angin an sawi ri tih hi i hriat ve tul tlain ka ngai a ni,” a lo ti a. Ridge a thusawi atang chuan khuaa miten an lo biak hrehna chhan chu severna chuan a hrethiam ta nghal mai a. Benta pawh chuan “chutiang thusawi chhuak tu chu Barta hote anni a, chuvangin i hriat thuai tul in ka hre tlat a ni ” a lo ti ve a. Severna chuan “chuti a nih chuan kei pawhin sawi duh ka nei ve asin, tunah hian Come Again Saloon ah ka va kal ang, Mister Bartholomewa chu thu tlem ka va fah ve ang e,” a ti a.

Ridgea chuan “mahni chauh chuan i kal hauh lovang,” a lo ti thuai a, Benta pawh chuan “Dawr nghaktu hi nei ila chuan…..” a lo ti ve tan chauh a, mahse severna chuan “ka lawm ngawt mai, amaherawhchu, lo awm mai mai ula, mahniin ka va kal zawk ang e” a lo ti thuai a.

Come Again Saloon ah chuan mihring an lo tam hle a, mahse severna chu pahnih khat lek chauhin an lo be duh a, chuta tang ngawt pawh chuan Ridgea te thusawi kha a dik a ni tih a hrechiang leh zual a. Barta te, Pentona te, Martina te leh an thian thenkhatte chu an lo ding bial map mai a. chu mite chu severna a chuan a va pan hnai a, “Bartholomew, Mastersa thattu angah min sawi tih ka lo hri a,” a va ti chawt mai a. Bartholomewa chuan chutiang teh khawl a severna chuan a rawn sawi chhuah a lo ring lo hle a ni ang, engemaw chhung chu sawi tur hre lovin a han ngawi rih a. Tah chuan a thiante chu a han enkual vel a, severna hmusit awm tak mai hian a han nuih a, a hnenah chuan “I thah ang chuan lo sawi teh reng pawh ni ta ila engtia tih nge i tum?”a lo ti a.
Severna chuan “Ka thah a ni ngei tih tunah hian fiah i tum tur a ni, chu chu i duh loh chuan kan inbei tur a ni” a han ti a. Barta chuan “I thupek anga ti tur ka nihna ka hre lo,” a han ti a. Severna chuan “Chuti a ni maw? tun tuma ka thupek che hi chu i zawm tho dawn – Dawihzep, tenawm pa,” a han ti a. A sawi zawh rual chiahin Bartholomewa biangah chuan na zet mai hian a va beng nghal chawrh mai a, a ben nat em avangin Bartholomewa chu a tawlh kiang dawrh a, a biang pawh chu a sen nghal tul mai a. Bartholomewa thinrim lutuk chuan Puakruk phawi a han tum a, mahse a phawi chhuah hman hmain “Kei chu ni ila, ka phawi hauh lovang,” severna chuan a lo ti a.

Bartholomewa chu a phu zawk a, severna chuan amah chu puakruk in alo tin hman reng tawh a, a phawi chhuah lai hmu pawh tumah an awm lo. Severna kuta puakruk lo awm ta reng mai chu an hmuhin mak an ti hle mai. Barta chu chung lai ram velah chuan phawi rang bera an ngaih a lo ni ve thin a, mahse severna hmaah chuan a che lo hle a ni. Minute chanve vel inchhung chu a reh tlawk tlawk mai a ni. Tawng tum tumah pawh an awm bawk hek lo. A tawpah zawng Severna chuan “Bartholomew, i puakruk i chuh avang khan kap hlum ta che pawh ni ila, ka thiam lo hauh lovang, che lovin ding reng rawh, i chet hlek chuan hremhmun i thleng nghal a ni mai” a han ti a.

Bartholomew chuan a puakruk kawm chu a la vuan reng na a, mahse phawi erawh chu phawi chhuah zawng a tum ngam tawh lo. Severna mitmeng atang chuan a thu anga a tih loh vaih chuan kah mai pawh a hnial dawn hauh lo a ni tih chu a chiang em em si a. Barta chu chet pawh che lovin a ding reng . Severna bawk chuan “Ka tan kahhlum i awlsam zia chu ka entir tawh che a, amaherawhchu chhan tha tak engemaw avangin hun reilo deuh chhung chu i nunna hi ka la zuah sak rih ang che,” a han ti a.
Severna’n chutiang thu a han sawi takah chuan inchhung boruak pawh chu a lo zang ta sawt a, Barta pawh chuan thi dawn lo tih a han hriat chian hnu chuan ngai a rawn awh chhuak leh ta a, a hmaa lo awmdan ang bawkin Severna hmusit awm tak mai chuan a en tan leh ta a. Severna bawk chuan “Bartholomew, mi tawngka atanga ka lo hriat danin min sawisak i chak hle a niawm a, tunah hian mi sawisak theihna tur hun remchang chu pek che ka tum a ni. I puakruk paina kawnghren kha phelh rawh” a ti ta a.
A tirah zawng severna thusawi chu Barta chuan a man fuh chiah lova, mahse a han hriat thiam hnu chuan vannei inti awm tak mai hian a han nui a, kut tuma insual ralah chuan Bartholomewa chu thei tak a ni reng a, chung lai ram velah chuan amah chu ngam pawh an vang hle bawk a. Barta chak zia chu inchhunga mite pawh chuan an hriat theuh avangin severna chu makti awm tak hian an em thup tawh mai a, Ridgea pawh chuan, “severn i ngaihtuah chiang lo a ni. Desert Edge khuaah pawh Barta hian kut ruak ngawtin mi pakhat a sawisa hlum der e an ti a sin” Severna hnenah chuan a han ti a. Severna chuan “min ngaihtuah duh suh,” a tihsan mai a.

Severna te pahnih chuan kawnghren te, Spurs te, leh an kawr hak pawn zawkte chu an phel a, midangte chuan phur tak maiin inchhunga dawhkan leh thutthlengte chu an lo hung sawn thuai thuai a, tichuan pindan lai chu inbeihna tur chuan an dah awl ta huai mai a. An insual lai chu hmuh chian theih loh hlauvin anni pahnih chu an rawn bial hnai a. Chutih lai chuan an inbeih tur chanchin chu hriain Saloon ah chuan mi an lo luh belh zel bawk a.

A entute zinga pakhat chuan, “Barta hian a va han sawisa nasa dawn mai em” a lo ti a, a bula ding ve erawh chuan “i rin ang ngawt chu a ni bik hauh lovang mawle, severna hi han enchiang teh, huphurhawm ve tak a nia,” a lo ti ve thung a. Thu sawitu hmasa zawk chuan, “englekhawle, a lian zawk hi a chak zawk loh vaih chuan a leta inchawi pawh ka ngam ngat mai” a ti a. Chu veleh Ridgea chuan “Hlen chiah, Dollar 50 ka dahkham nghal e”, a lo ti thuai a, severna thian thenkhatte chuan Ridgea thil tih chu an lo zawm ve nghal a. Mahse severna chak zawk tura ring chu an tam loh em avangin an inchawi dan a leh thuma an pun hnuah pawh severna chak zawk ring ngam chu an pung thei ta chuang lova, chu chu a hriatin pawisa hlawhna awlsam tak a nih dawn vei nen, chawipui tur in hmu tlem deuh a ni.
“Lo en reng ula, duhtawkin ka han nghaisa ang e,” a han ti a. Severna chuan “A sawi ngawt chu harsa lo tak a ni, ‘Masks’ zawite hian a han ti a. A tawng zawih em avangin a11 thusawi chu Bartholomew chauh lo chuan an hre ve kher awm love.

Tichuan, engmah dang sawi leh tawh lovin an inveh hnai tan ta a. Severna chuan Barta dulah rang zet maiin vawi thum lai a va hnek a, ani chuan a lo hnek let ve hmain a per sawn leh thuai a. Barta thinrim lutuk chuan severna chu theihtawpa hnek tum hian a rawn bawh phei a, a ban chu a han lek phei a, severna biang zawn velah chuan na fa mai hian a rawn vai kual a, severna chu a per sawn hman hlauh a. Lo insaseng hman lo na se zawng an inbeih zui zel pawh ngai lovin severna chu a tlu nghal maiin a rinawm.
Severna chuan inhel nuai ngawt ralah chuan Barta chu a hneh dawn lo tih a inhria a, chuvangin awmna ngaia awm duh lovin a awm hmun chu a sawn thuai thuai a,hun remchang a hmuh veleh Barta chu a va hnek leh nghek mai thin a. Chutia a tawlh a tawlh sawn chu Barta chuan a hlauh vangah ngaiin a um zui zel a, mahse severna chuan a khat tawkin a lo hnek leh chawrh thin a, an inbeih dan chu barta duh loh zawng tak a ni a, a entute pawh chuan “tlan tlan lovin, mipa angin barta kha lo bei ve ta che”, tiin severna chu an lo au khum ve bawk a.

An thusawi chu Severna chuan a pawisa duh chuang der lo, tunhma pawhin a aia tharum ngah zawk leh lian zawkte pawh a lo bei fo tawh thin a, chutiang beih dan chu a thiam tawh tlat a ni. Hun remchang a hmuh veleh Barta chu a va bawh a, a taksaah vawihnih khat lek a va hnek vak a, rang zet hian, nui chung siin a tawlh kir san leh daih thin a. A entute chuan an insual chu hmuh chian an duh theuh avangin an rawn bawh hnai zel a, barta te pahnih inkar pawh chu a zim sawt hle a, thlan rim leh meizuk khu rimin inchhung chu a khat hle tawh a, a khat tawkin mahni tan lam lam chu an lo fuih sauh sauh reng bawk a.

Ridgea leh a thiante chuan Severna te pahnih chu hmun awl zau zawk pek tumin bei nasa hle mahse a sawt teh chiam lo, chuvangin, a entute chuan an rawn kil hnai zel si a, Severna tan pawh han insasengna tur hmun a awm tak meuh loh avangin barta chuan vannei inti takin a rawn bawh hnai zel a, severna chuan inven tum hle mahse a khat tawkin Barta chuan a hnek fuh ve ta fo mai a. Ani erawh chuan Barta huat lai tur nia a rin a dul zawn velah hlir chuan hnek a tum lui tlat reng a. Chutia hnekna ngai hlira a hnek leh thin avang chuan Barta pawh chuan na ti hle tawh a, Severna’n a dula a va hnek sak apiang chuan na tuar tih hriat tak hian a then deuh suk ziah a.

Severna pawh chuan Barta kuttum chu a pumpelh seng bik lo. Tum khat phei chu Barta chuan na zet maiin a va hnek fuh ta a. Severna chu a thingthi nghal rawp mai a. Chutih lai chu Barta chuan a va hnaih thuai a, pet zui tumin a ke chu a han lek uaih a, mahse a keartui ah severna chuan a lo man sak a, na deuh mai hian a han phih thut mai a, barta chu a leng phei duaia chhuat laiah chuan a tlu a, a tluk zawng chuan na zet maiin a intauh nghal bawk a.

Barta tlu tawh hnu chu severna chuan beih zui tum lovin ngawi reng hian a en a, hah chawlhna hun remchang a hmuh avang chuan a lawm hle a. Amah chu tlu zawk sela chuan Barta chua a tlu lai chu a zuk bei zui duh ngei ang, mahse chu chu Severna chet ve dan a ni tlat lo. Thlirtute chuan ngei rengin Barta chu an lo en a, “mumangah i ngaihzawng i hmu dawn nia” tiin Barta tlu lai chu an lo au el ta a, chu thu chu a hriat veleh Barta chu rang deuh maiin a lo zuang tho a, severna chu a rawn bawh phei leh ta a.
Chumi tum chuan severna pawh in tawlh sawn a tum tawh bik chuang lova, tichuan inhmachhawnin an ding a, an inhnek ta mial mial mai a. A chet dan chu a attthlak hle a ni tih pawh severna chuan a hre reng a, mahse a tlu tawh hnu pawh bei zui duh khawpa mi bawlhhlawh barta chu a hmaah a din tlat avangin a fimkhur peih zozai bik tawh lova, barta a va tih hah ngawt chu a tum ber a ni ta rih a.

Severna hmai te chu a vung vel bur tawh a, mahse Barta pawh chu a him bik teh chiam lo, a mit leh lam phei chu a vung phui lek lek tawh a, a tluk zawnga insawhna khan a tichau hle bawk a ni. Chutihlai chuan Barta ‘Mangtha’ tia lo autu khan “a te zawk hi a chak zawkin ka ring, tunge inchawi ngam?” a lo ti leh a. Chutia amah chu chak lo zawk tura ring an awm ta tih a han hriat meuh chuan Barta chu a so phut a, tha tharin Severna chu a va bei zui leh ta a. Barta chuan rawn hnek a tum tih a hriat avangin severna chu tawlh sawn a han tum a, mahse a entute zinga pakhat chuan a ke a rawn rawlh chhuak a, chu chu a pal avangin severna chu a pai dawrh mai a. Chutih lai chu Barta chuan a rawn nangching a, severna ngawngah chuan a kut hnihin a rek ta tlat mai a. Severna chu a chau hlen nghal mai dawn hian a inhria a, tichuan a tha neih chhun chu hmangin barta biangah theihtawp tak meuh chuan a han hnek ta a. Reilote deuh chhung chu engmah pawh a hre mumal lo, mahse a harh chian hnu chuan Ridgea leh Callahana chuan an lo vuan ding reng tawh a, chhuat laiah chuan Barta chu engmah hre lovin a lo let reng tawh bawk a. A entute zinga thenkhat chuan Severna chu an lo lawmpui hle a, Barta tantute erawh chu an ngawi reng a, Severna chu za lo zet hian a han nui a, tawng harsa ti khawpin a hrawk pawh chu a thip hlur mai bawk a. Ridgea te hnenah chuan “Engtinnge kan tawp?” tiin thil awmdan a han zawt chawt mai a.

CHAPTER – 13

Nui chung hian, Ridgea chuan “Eng teh chiam han sawi tur a awm lo. Barta khabe ah khan i va hnek sak a, a nat leh nat loh ngaihtuah chiang turin Barta chu a mu ta rih a nih kha, engpawh nise, a ngaihtuah zankhuain ka ring, tirawh, Benta inah kal ila, i hmaite pawh kha va phih fai ve ta che, thlipui nuai hrep hnu i ang emai,” alo ti ta a. Tichuan mipui zi mur mur karah anni pathum chu an chhuak ta a, an kal tur chu mikhat ke kual zet, puakruk pahnih pai, hmai ro deuh hil hel hian a enzui reng a. Severna pawh chuan chu pa chu a va hmu ve a, mahse hmelhriat loh enin a en mai a, chupa chuan ‘Thei vei reuh a,’ a han ti a, hlim tak chuan a chhuak ve ta nghal a.

An inbeih hnu, darkar khat velah Severna chu Lazy M lam panin a chhuak leh ta a, a taksa te chu a na vel thum mai a, mahse a mitthlain chhuatlaia Bartholomewa tlu reng chu a han hmu a, a na te pawh chu a hre chang tawh meuh lo. Khua atanga mel khat zet a kal hnuin a sakawr chu a inhrosa ta a, chutih lai chuan kawngsir atangin mi pakhat hi a lo chhuak a, “Ban phar rawh,” a rawn ti ta a. Ti tak tak lo nia a hriat avangin severna chuan, “Ka phar peih lo, i awmna atang khan lo chhuak la, i thil duh chu rawn sawi mai rawh,” a han ti a.

Come Again Saloon-a ke kuala bawk kha a lo chhuak ta a. Nui deuh tha chung hian,”Kan pu hnen atangin thupek ka rawn keng a ni,” a han ti a. Severna chuan “Chu, i pu ka ni tawh lo tihna a ni maw?” YZ Ranch ah khan lo awm reng turin ka hrilh lo che em ni?” a han ti ve thung a. Chupa chuan “Kan pu tih lemah kan hotu ka tihna alawm – Ni chiah e, Miss Norry…..” a han ti zet a. Severna chu a lo nuih tak avangin a han ngawi leh rih a, tah chuan “Kum hnih, kum thum chhung zet pasal a neih tawh tih chu ka hria alawm, mahse Miss Norry tiin a hote chuan kan la ko reng tho a ni, a enga pawh chu lo nise, heti hian min ti a
– “Thiana lehkha ka lo hmu a, engkim a fel vek ni awmin a rawn sawi a, hlauhthawn tur engmah a awm lo ni awmin a rawn sawi bawk a, thudik ni atan chuan a ropui lutuk deuhin ka hria, a in sawi that zawh poh leh a dinhmun a tha lo tih chu ka hre chiang a ni, chuvangin i sakawr buatsaih la, va kal ve tawh” min ti a. Thu i rawn uar lu deuh a nih ka ring, a han ti a, severna chu za fe hian a han nui a, “Hmeichhe mizia hi engtikahmah ka hrethiam ve tak tak in ka inring lo, bum theih pawh anni hrep love, ka dinhmun kha rawn sawi tha lo ta deuh pawh ni ila, nang hi a rawn tir tho chein ka ring a, engmah a sawt chuang lovang, a nih leh, in lam enge an an? a han ti leh a.

Snap Lunta chuan “Engkim a fel vek. In naute pawh kha a thang duh hle mai, a pa aiin a sual zawk daih ka ring, hmanni lawk pawh khan ka puakruk min chhuhsak a tum a, ka pek phal tak loh avangin a bengchheng teh a sin,” a han ti a. Severna chuan “A bengchheng bawkin ka ring, a tap ring thei viau thin reng a nia,” a han ti zet a, tah chuan ,”Hope khuaah hian eng hun laia lo thleng nge i nih?” tiin Snap Lunta chu a han zawt let a. Lunta chuan “In inbei kha ka rawn hmu hman ve chiah a ni. Don, i kuttum i la hmang thiam hle mai,” a han ti a. Severna chuan “Heng lai velah hi chuan Don ka ni lo, ka hming chu Jim Severna a ni, a fala kan awm lai pawhin chu chu theihnghilh suh, leihnuai feet ruk vela thukah min phum thelh a nih kha le ! Barta khan min sawisa hlum dawn ta emaw ka ti hman tawh a sin” a han ti a.

Lunt-a chuan,”A tawp nana Bartholomewa i han hnek kha chu a duhawm kher mai, khatianga hnek ai kha chuan Outlaw ho sakawr khen pawh ka thlang zawk daih ang. ka lo kal chu ka lawm ngawt mai, chuti teh chiam zawngin i dinhmun hi a tha tehchiam lo niin a lang,” a han ti a.

Severna pawh chuan, “Thudik tak sawi duh chuan, Pathianni tuk ang ngawt chu a ni lo alawm,” tih pahin thil awmdan zawng zawng chu Lunta chu a hrilh ve ta vek a. Severna thusawi a ngaihthlak zawh chuan Lunta chuan “I hming han sawi telve chu Shady-a em ni? tiin a lo zawt thuai a. Severna chuan “ni e, bial hmam mai, dung leh vang inchen thuak awma lang a ni nghe nghe a, amah chu i hre ve em ni? a han ti a. “Hre teh reng e, hmanah ka thianpa pawisa a it avang ngawtin a kap hlum tawh a, ka la theihnghilh hleinem, ka lo kal hlauh chu ka lawm tak zet ani. enge ti tura min duh? a ti ta a. Severna chuan “Hope khuaah hian lo cheng ve phawt mai la, tin, min hre ngai lo ang takin awm tum tlat ang che, chu chu theihnghilh suh, XT Ranch neitu, Ridge leh Benta te hi an rin ngam phawt ang a, midang lakah fimkhur lehzual a tha ang, ka rinpuiber tur i ni dawn a, fimkhur hle ang che, kal leh mai tawh, dam takin le,” a han ti a.

Lunta chu sakawrah a lawn kai a, Hope khaw lam pan chuan a kal ta a, severna pawh chu Lazy M lam pan chuan a kal ve ta nghal a. A kal pah chuan Snap, Larry leh kei pahnih ngawt ai chuan a thlamuan thlak ta hle mai a han ti a. A sakawr beng chu han pawh fiam pahin, “thatchhepa, ke khat chauh hmang lovin i ke pali te kha hmang ve bawk ta che mawle, hmanhmawh rawh,” tiin a sakawr chu a han tur hmanhmawh ta a, YZ Ranch atanga Snapa lokal hlauh chu Severna chuan lawmawm a ti hle a, a thlamuan phah hle bawk ani.

A tuk zingah Lazy M Ranch-a chaw kil hote chuan Severna chu ngawi rengin an en a, a hmaiah te chuan a hma nia an insualna hnu hma chu a la lang chiang hle a, mahse chanchin zawt duh erawh pakhat mah an awm lo. Chaw eikham veleh Severna chu Larrya hnenah chuan a va kal a,, Larrya chuan a hmuh veleh, “A tu bera kha nge maw i nih tak le?” tiin a lo zawt fiam hlut a, Severna chuan “United States President pawh ka ni mai thei a, mahse ka ni lo,” Lungni awm lo tak hian a han ti ve a. Larrya chuan severna hmai chu ngun fe hian a han en leh rih a, “Hmuhnawm ka ti lo,” a han ti leh a.
Severna chuan “A enga chu maw hmuhnawm i tih loh chu – tlangval ?” a han ti ve leh a. Larrya chuan “I hmel i tih danglam dan kha mawle, tunhma pawh khan han chapo pui tur hmel i pu e -zawng ka ti hauh lo, mahse i chei mawi chuang vak lo a nih kha, a inchawih mawi tawk lo, hei, lukhum kha la sawn vat rawh,” ring zet mai hian a han ti zui a. A thusawi lai khan thutthlenga a lukhum dah chu severna chuan a lo thut lui ve ngat chu lo niin, muangchangin a ding a, Larrya lukhum chu per chhe zet hian a han la chhuak a, “A thar i mamawh tawh a nih hi, khaih khaih, dam lo i nih kha, insum hram hram rawh, kan lal fanu chuan engtinnge a enkawl che ? a han ti a.

Larya chuan “Don, a duhawm lutuk tlat,” ti chauhin a chhang a, Severna chuan “Don tia min koh leh vaih zawngin Phili hnenah ka thian i ni tih ka hrilh ngei ang,” tiin a han vau ta a. Chu veleh Larrya chuan “chu zawng ni lul suh se, ka theihnghilh palh der a ni, Jim, i hmel i chei danglam chhan pawh kha min la hrilh ve hleinem mawle,” a ti ta chul mai a.
Severna chuan “Ka duhthu a ka chei danglam a nih loh hi, Nizanah Bartholomewa nen kan inhmu fuh lo deuh a ni,” a han ti a. An insual dan chanchin te chu kimchang takin a hrilh ve ta a, a sawi zawh chuan “A nih dawn hrep tak chu ! Reilote ka han enkawl loh che pawh in heti hi a ni zel mai a,” tih pahin Larrya chu za fe hian a han nui a, “Bartholomewa pawh chuan tunah te hi chuan nuam a ti bik vak lovang maw?’ a han ti leh a.

Severna chuan “thian i nei dawn e”, tih pahin a tho a, “taka, khuaa i kal leh theih hunah Hope khuaah Snap Lunta kha i hmuh palh hlauh chuan hre lo angin awm tlat ang che, i hria em?” a han ti zui a. Larrya chuan “engtin a ni? enge i hmanhmawh em em? Mi han hrilh chiang ve teh…..?” a han ti a. Mahse Severna chuan a thusawi pawh chu a hre hman lovin pawnah alo chhuahsan daih tawh a. Larrya thinrim lutuk chu a han enzui chiam ringawt a.

Phili hmu lova a chhuak thei chu Severna chuan lawmawm a ti hle a, mahse chutih lai chuan Phili chu ama pindanah rilru buai deuh tak chungin a thu reng tawh a. Severna te thiandun inbiak lai khan Larrya chu va tlawh a lo tum tawh a, mahse inchhunga mi pahnih tawng ri a hriat avang chuan kawngkhar bulah a dinga, duh lo angreng tak chung si hian Larrya te thusawi chu a ngaithla ve ta reng a, an thusawi atang chuan Larrya leh severna chu tunhma atang tawha lo inhria anni tih te, severna chuan hming dang a invuah chawp tihte chu a hre ta vek si a. Chutianga an chet chhan chu chhui chhuak thiam chiah lo mahse Larrya chuan dawt a hrilh a ni tih erawh chu a hre chiang hle a, chu chuan a rilru a ti hrehawm em em a, ‘khawvelah hian tumah rin ngam ka nei ta lo a nih hi’ a ti rilru a.

Larrya rin ang ngeiin Bartholomewa chu rilru leh taksa lamah pawh a chau hle a. A hmai vung velte chu zahpuiin inchhungah a tawm reng a, chutih lai chu Pentona chuan a rawn hmu a, a hnenah chuan inngaihtuah thinrim ngawt chu a sawt vak lo maithei a ni, chanchin thar ka hria a, a tha vak lo leh nghal” a rawn ti a. Bartholomew chuan “tunlai hi chuan chanchin tha ngaihthlak tur avang deuh a nih hi, eng chanchin nge i hriat chu” a han ti a. Pentona chuan “a hmanhmawhthlak vak hleinem, Bart, Puakruk kha i phawi rang hle an ti thin khan ka hria a?” a han ti leh rih a. Bartholomew chuan “Ka aia rang zawk ka la tawng rihlo chu a ni phawt mai a,” chapo deuh tak hian a han ti leh a. Pentona chuan “Nizan thleng kha chuan tirawh? severna lakah chuan muang lutuk ringawt niin i lang a, mahse nizan ang tluka i phawiran kha chu ka la hmu ngai lo chung chuan severna khan awlsam deuh maiin a phawi khalh ta tho mai si che a,” a han ti leh a. Barta chuan an thusawi chu ning niawm tak hian “engemaw a tirah khan sawi i tum reng reng chu le”, a han ti deuh khu khu a.

Pentona chuan “Hatchet Follya Larmana hote hnawt tiau vektu kha tunge a nih i hria em?” a han ti leh rih a. Chu velah Bartholomew chu a phu deuh zawk a. Pentona thusawi chu ngaihven tih hriat tak hian, “Suddena a nih kha, chu.. Severna hi Suddena a ni ang e tih i tum…….” a han ti hman chauh a, Pentona chuan “rin thil thu ka sawi mai a nia, Suddena hming hmasa kha Donald a ni ve a, Come Again Saloon ah khan a thianpa khan ‘Don’ ti khan a ko tlat bawk si a” a han ti leh a.
Pentona’n Suddena hming a han sawi atangin Barta hmel chu hmuh theih khawp hian a danglam nghal a, Pentona chuan lo ring dik palh ta hlauh anih chuan a hma zana Severna puakruk phawi khum a tum ngawt lai kha chuan thihna kotlang a lo rap mek reng tihna alo ni dawn a, Rukru rual, Tarman hote a tih tiau zawh khan Suddena, Outlaw anga an sawi chu a kalbo ta daih a, mi pangai ang mai in a khawsa zui ta ni awmin an sawi a. Mahse a hlauhawm zia leh a phawiran dan te kha chu tuman an theihnghilh thei tawh chuang lo.

Barta chu reife ngawi rengin a han inngaihtuah rih a, tah chuan, “Suddena ani emaw, nilo emaw mihring ve mai bawk a ni a, chuvangin ka la tibo tho tho ang, a chanchin an sawi thinte hi a dik phawt chuan vawihnih khat chu engtin tin emaw harsa takin thihna a pumpelh hram a ni awmin an sawi a, a vannei seng zozai bik lovang. Engpawh nise, i ngaihdan chu tumah lo hrilh ve rih suh, Hope khuaa mite hian severna hi Suddena emaw an tih vaih zawngin a lamah an tang vek mai ang” a han ti a.

Pentona pawh chuan “chu chu a dik ngei ang, engpawhnise, amah chu kan tihbo theih siloh chuan min tibo zawk dawn tih chu a chiang a, kei ka duh ve dan chu hnunglam atanga kahhlum mai a ni. Nang enge i ngaih ve dan?” tiin a han zawt a. Barta chuan “tuma hriat ve loh tawp tur chet dan kawngkhat ka la hria, hun remchang ka hmuh hunah ka thil tum chu a lo lang mai ang, ka tisual palh tawh dawn bawk hek lo” a han ti a.

Pentona chhuah hnuah pawh barta chu rei ngial a la inngaihtuah a, pawisa lo tak ang khan lo lang mahse Pentona thusawi khan a rilru a ti mangang hle a, mahse lehlamah ve thung chuan Lazy M chu a awt hle a. A neitunu Phili a duhna pawh chu a ni telin a zual zel emaw tih tur a ni bawk si. Phili nena an inhmuh hnuhnun ber lai hnu kha a han ngaihtuah chhuak a, thinrim zet mai hian heti hian a ahan ti a, “A duh emaw duhlo emaw ka nei reng reng dawn, kan misualpa thung kha chu…….


Tlang pangah Big Boy chuan a sakawr chu a tlan kual tir vel a. chutih lai chuan an thlang ruam chu a zuk enthla a, an awmna atanga yds 600 vela hlaah chuan cowboy paruk vel hian Lazy M bawng an lo khalh khawm lai a zuk hmu ta mai a. Cowboy ho te chu tutenge annih zawng a zuk hmu thei lo a, mahse puan vara an hmai an tuam vek avangin hriat kher pawh chu tulna awmin a hre lo. A thil hmuh chu Ranch a va hrilh thuai thuai tumin hmanhmawh takin Lazy M chu a pan a, Severna chuan Big boya thusawi chu ngawi rengin a lo ngaithla phawt a, tah chuan White Masks ho bawk an ni ngei ang maw? Bawng sawmnga vel maw an ruk? a han ti a. Big Boy chuan “a aia tam ruk an tum pawh a ni maithei a, mahse tlang panga ka hmel an hmuh khan an tum a ti bahlah ta aniang e” a ti ve mai a. Severna chuan “engpawhnise naktuk zingah bawng chu lak let leh kan va tum phawt mai ang a, min lo chan palh tak hlauhin a tam thei ang ber kan thawk chhuak dawn nia” tiin a han hrilh hlawm a.

A tuk khua a lo var chian meuh chuan severna te ho chu an inpeih fel hman hle tawh a, Larrya leh an chaw chhum chauh an hnutchhiah a, midangte erawh chu severna chuan kal vek tur a ti tlat a. A tum dan chuan bawng va lak kir leh paha rukru ho chu na tawk taka hrem a ni a, chuvangin kal tur pawh chu a duhthawh em em a.

Severna chuan nuam tih lohna tak a nei tan ta a, rukru ho chuan hnu chhui awlna lai tur tak zelah bawng rual chu an khalh lui zel ni hian a lang a, chungte chu a han ngaihtuah chuan Ranch kha vengtu nei lova an chhuahsan ta vek mai pawh chu pawi a ti rilru hle a. Ni a tla dawn tep tawh tihin ralkhat hla fea bawng bu ri chu an hre ta a. An va kal hnaih nak chuan an bawng bo zawn chu hnim hring hmun nuam deuh maiah hian an lo awm khawm a, tumah hmuh tur pawh an lo awm bawk si lova. Rukru ho chuan an lo chang ang tih hlauvin anni ho chuan an va pawh mai duh lova, reife an nghah hnuin severna, darby leh big boy te chuan an bawng tlatna hmun chu an va pan phei ta a.

Bawng bawhna lai an va thlen chuan “a va mak teh ringawt ve mawle, an hnu chhui atan min duh niawm takin an kalna hnu lah chu chhui a awl hle bawk si a”, Darby a chuan a han ti a. Severna pawh chuan, “a ni viau mai, an thang kamah ka awm chiang hle niin ka hria, Ranch atang min hruai chhuah an duhna chhan chu ka hre lova, mahse hriat thuai ka tum a ni. Pathum chuan bawng hi inkhalh haw thei ang a, midang zawng chuan min zui rawh u”, a ti ta. Tichuan Big Boy leh midang pahnihte chu bawng khalh haw turin an hnutchhiah a, a dang zawng chu Severna hovin Lazy M lam pan chuan hmanhmawh takin an kir leh ta a.

Ranch an va thlen chuan khua a thim tawh a, mahse Ranch inah chuan khawnvar inchhi hmuh tur reng a lo awm lo, cowboy ho chu sakawr atang chhuk pahin an au vel chiam a, an chaw chhum pa chu a lo chhuak mai an beisei a, mahse a lo chhuak ta mai si lova, severna chuan “thil fel lo tak a awm a ni ngei ang, inchhungah i lut teh ang u,” tih pahin amah chuan hma a hruai a, ranch in chhungah chuan an lut ta a.

Inchhung a va luh veleh Severna chuan rum ri a han hre ta a, a thim em avangin severna chuan nawalh a han nawt eng a, Jonah chu a va hmu ta a. Jonah chu thutthlengah hian an lo phuar bet a. a kaah chuan pawnchhia an hnawh tlat bawk a, severna chuan khawnvar a chhi thuai a. Jonah phuarna hrui chu a va zaichah sak a, a ka an hnawhna te pawh chu an han phawrh chhuah sak nghal bawk a, jonah hnenah chuan Engtizia nge ni? tiin thil awmdan a han zawt a.

Jonah chuan “Masks ho khan Phili an ru bo daih a han ti nghal chawt mai a, chu veleh engmah dang pawh zawt tel lovin severna chu inchhawngah chuan a lawn chho nghal thuai a, Phili pindanah chuan Dinahi chu a han hmu leh a, ani pawh chu thutthlengah bawk an lo phuar bet leh a, an phuarna severna’n an phelh sak hnu chuan Larrya zawng turin a chhuak leh ta nghal a. Larrya pawh chu midangte ang bawk chuan an lo phuar bet leh a, a ka te pawh chu an lo hnawh sak ve tho a, a ka hnawhna an phawrh chhuah hnu chuan “vawiin chawhnu lam tawh khan pawnah hian sakawr ke pen ri leh tawng ri ka hri a, nangmahni ho in nih ngei ka ring a. Reilote ah ka pindan kawngkhar hi a rawn inhawng a, hmai tuam pahnih an lo lut a, pakhat zawk chuan silaiin min tin a, a thianpa chuan min phuar bet ta mai, ka ban na vang hian engmah ti thei hek lo, ka han an khum hrep ringawt a. Mahse ka ka an hnawh leh ta zel si a, enge maw an duh reng reng ni dawn le?” a han ti a. Severna chuan “Phili an la bo daih tawh a ni”, a han ti a. Larrya chuan “chu, engmah ti lova awm mai mai em ni i tum? a han ti a. Severna chuan “ni ang chu, ka mu tawh mai dawn a, nang pawh mu nghal la a tha ang” nui chung hian a han ti a, Larrya chuan a chhan ve hmain a chhuahsan ta mai a.
——-;——————

Aside | Posted on by | Tagged , | Leave a comment

Sudden Law of the Lariat (Mizo Version) 11

SUDDEN LAW O’THE LARIAT CHAPter 11

Ni hnih zet a ral hnuin Phil leh Larrya te chu sakawrin an ram chhim lamah chuan an leng dun ta a. An inzah rilru deuh ve ve bawk a, sawi tur an van duh hle a. Larrya chuan White Masks hovin an man dan thu leh Severna’n a rawn chhan dan te chu a han hrilh ve a. Phili chuan “Severna nen chuti takin in inkawmngeih tih ka lo hre lova,” a lo ti a. Larrya chuan “Kan inkawmngeih awzawng lo, mahse min chhan chhuah tuma a rawn beih nasat em avang khan a chungah ka lawm em a ni,” tiin a lo pha mar thuai a. Phili chuan, “a nih leh Barts hi enge anga i hriat?” tiin a han zawt leh a. Larrya chuan “amah hi chu ka hrechiang ve chiah lova, mahse Bar B a thawh chu ka duh lo,” ti chauh in a chhang mai, thu tam tak sawi kher lo mahse Barta chu a ngaina vak lo tih phili tan chuan hriat theih tak a ni thova. Cowboy ho reng reng chuan Barta chu fak ri chu Phili chuan ala hriat ngai hauh loh avangin a ngaih chu a tha thei vak lo. sawisel fawk duh chu an awm chiah lo na a, mahse an ngaina vak lo tih erawh chu a chiang a ni.

Larrya hnenah chuan “A nih, Severna chu Outlaw ni lovin i ring a ni maw?” tiin a han zawt leh a. Larrya chuan “Outlaw a ni lo zawng ka ti ngam hauh lova, a maherawh chu Pinnacles a rukru hote nen kher chuan an thawk ho lovang tih erawh chu ka ring tlat a ni” a lo ti a. Chutia an kal zel lai chuan hmun ruam deuh mai hi an lo thleng a, Lungpui sir vela Pangpar mawi deuh deuh mai Phili’n a hmuh chuan “En teh, a va han mawi em!!” tiin Larrya chu a han hawhhmuh ve a, Larrya chu Sakawr atang chuan rang deuh maiin a chhuk nghal a, Phili pawh chu a chhuk ve thuai a. Thingluang ah hian a han thu a, Larrya chuan pangpar tam tawk fe mai a rawn lova, Phili chu rawn pe a, chutia pangpar an inhlan vel lai tak chuan an piah kawngkawi atang chuan sakawr chung chuang pakhat hi a lo chhuak hlawl mai a, an va en phei a, Devinta alo ni reng mai a.

Devinta chuan a sakawr chu a pawt ding a, Phili te pahnih chu ngawi reng hian a rawn en a, tute nge an nih a hriat veleh nuihzat tih hriat tak chung hian a han nui a, zawi zawiin a sakawr chu a ran kal tir leh a, lukhum chu a han phawk a, a han bu ngaih a, “Ka rawn tihbuai che u avangin min ngaidam rawh u khai!!” a han ti a. A thu han dawi dan atang chuan anni pahnih chu a nuihzat hle tih a hriat nghal a, a chet dan chu a ngeiawm tan hle tawh a. Phili te pahnih chuan an chhan ve tak loh avangin Devinta chuan a sakawr chu a kaltir leh a, a liam dawn tep chuan ban a rawn vai leh a, an piah mualah chuan a kal liam ta nghal a. A liam veleh Larrya chuan “Tunge a nih?” tiin Phili chu a han zawt a. Ani chuan “Devinta a nih kha, mi rawn hmu lo se ka tih tehlul nen, Kan Ranch atangin Severna khan a ban a, a lungawi lo hle nghe nghe a, chuvang min….. dik lo takin min sawi chhuak leh ngei nge ang,” a ti a. Larrya chuan hawn a rawt ta nghal a.

Hawn kawngah chuan Larrya chuan engmah sawia lovin a ngawi reng a, a hmel pawh chu a nelawm lo hle a. Phili chuan, “I thinrim hmel hle mai ka ti. Tualthah duh hial awm hmel i pu e,” a ti fiamthu a, Larrya chuan “ka duh alawm Jonah khan chaw a lo la chhum hmin loh vaih chuan a pawi viau ang” a han ti let ve a.

Ranch an thlen veleh Larrya chuan a sakawr te chu a huangah a thlung nghal a, sakawr dang a la chhuak a, engmah pawh sawi leh lovin khawpui lam pan chuan a chhuak ta mai a. Phili ngaih chu a thalo hle a. Severna leh a hote tlai lama an lo thlen veleh Phili chuan thil awmdan zawng zawng severna chu a lo hrilh ve ta a. Phili chuan Larrya chuan “Devinta chu hria niawm tak leh huatna nei niawm takin a lang a, mahse tunge a nih min zawt tlat si a. Devinta han chet dan chu a ngeiawm hle a, Larrya tan pawh a huatthlala awm hle ang tih chu ka hri a, mahse, chu mai chu a huat chhan nilovin ka ring tlat ani” a lo ti a.

Severna chuan “I thusawi chu a dik maithei a ni, engpawh nise Devinta va hmu tur chuan a kal a nih a rinawm a, a kal chhan chiah chu hre lo mah ila, devinta chu dawihzep tak a ni a, mahse phawirang tak a ni tlat” a han ti a. Phili chuan “Hmanhmawh teh, an va intawh hmain i thleng ve hman lo hlauh ange” tiin severna chu a tur ta a. Severna chuan “Ka va thlen hman loh a, Larrya chu a lo sawisak vaih chuan naktuk ni chhuak tur hi Devinta chuan a hmu tawh hauh lovang,” a han ti a.

Tlai lam a ni ta bawk a, Come Again Saloon-ah chuan mi an lo pung khawm tam sawt hle a, Saloon neitu, Mugera chu a han hawi vel a, “Bartholomew chuan enge maw a ngaihtuah le?” a han ti a. Chutih lai chuan Barta leh Devinta chu a fal deuh hian an ding a, zawite hian an inbe dun a, an thusawi chu Barta lawm loh zawng tak a ni ang tih chu a hmel atang chuan a lo lang chhuak a, a thu hriat chu atan a lawmawm vak loh reng ani. Devinta chuan Phili leh Larrya te pahnih a hmuh thu chu a hrilh lai tak a ni kher a, chubakah Devinta chuan dawt tam fe a sawi belh bawk si a. Phili leh Larrya chu induh ta hle nia ngaiin a lungni lo em em a, “Larrya tibo thei apiang hnenah Dollar 500 ka pe nghal ang, keimah ngei pawh hian tihbo mai pawh ka duh a, mahse, phili nen inhmuh thiam loh phah nan kan hman dawn avangin ka chet chu a rem lo a ni,” a han ti a.

Devinta chu lawm takin a bu nghat a, Mihring nunna laksak chu pawi tihna chhete pawh a nei lova, hlawh tlem zawk hmu tur pawhin mi nunna chu a lo la tawh thin a, a hnu lamah chuan chhete pawhin a vei zui leh tawh ngai lo reng reng nai. Chutih lai vel chuan Larrya a lo lut ve ta hlauh mai a, Barta chuan “Saw, amah pawh a lokal ve alawm,” tiin Devinta chu a han kawhhmuh zet a, a chhuak ta nghal a.

Devinta chuan “Nep lutuk hlawm ! Hmeichhia reng reng chu an inang vek a ni. Mastersa fanu Phili te pawh hi vawin ka lo kal kawngah mi pakhat nen an inpawm a, an lo infawp vel lai ka rawn hmu a. A tlangval lah chu an Ranch a hna thawk, thlakhata Dollar 40 hlawh, cowboy mawl lutuk a ni leh nghal, Chubakah an Ranch ah chuan thla khat pawh a la thawk hman tha thum lo lehnghal,” a han ti a. A han sawi dan, atang chuan a huatthlala nghal hluah hluah mai a. A thusawi lo ngaithlatute pawh chuan thil engemaw tak lo thleng tur awm niin an ring a, an thiltih laite chu theihnghilh in Devinta lam chu an hawi a, inchhung chu a reh ta thup mai a.

Inchhunga chu a reh chian em avangin Larrya an ‘Devint’ tia a ko ri pawh chu a chiang duh ngei mai, silaimu leng vak tawn hlauvin an bul hnai deuha mite chu an insaseng nghal thuai a, tichuan Larrya leh Devinta te chu inhmachhawnin an ding dun ta a. Larrya chuan Puakruk phawi peih sa rengin a kut chu a puakruk zawnah chuan a thlak Mu ke tha a, inchhungah chuan midang an awm ve tih pawh hre chang lovin Devinta chauh chu a en reng a, thil dang engmah a rilru ah pawh awm tawh hek lo, a hmaah chuan thil duhawm lo leh huatthlala engemaw awm niin a hria a, chumi tihbo chu a thil tum lian ber leh a ngaihtuah lian ber chu a ni ta a.

Devinta erawh thung chuan hlawhtling inti awm tak hmel hi a pu a, a beisei ang ngeiin Larrya thah theihna tur “Chhan” tha tawk chu siam ta niin a inngai a, ngaihnobei lo zet hian a han nui a, tah chuan ,”Ka hming i lam a ni maw?” Aw khai, a chanchin ka sawi a ngei kha zuk ni che a mawle. Phili theihna tharlam ber, han en ve mah teh u, a zak a nih ngei hi, a hmai pawh a sen tawn tawn alawm” a han ti a. Larrya hmai chu a sen ngei mai tak a, amaherawh chu zah vanga sen zawng a nilo. Thinrim tawp khawk tih hriat tak hian Devinta chu a en reng a, a hnenah chuan “Devint dawihzep, dawt sawi hmang i ni,” a han ti a. chutianga intih tawh chuan chhan dang kawng khat chiah a awm, Devinta chuan a puakruk phawi pahin, “Naupang luhlul lutuk, zirtir i ngai a ni hi,” a han ti a.

An puakruk ve ve chu a ri rual thawt a, Larrya chu a dar dinglama silaimu luhna hup chungin a petek dawrh a, Devinta erawh chu a awmah Silaimu a tlang a, a puakruk a thlauh a, chhuat laiah chuan a tlu ta a, a la thi lo tih a hriat veleh Larrya chuan a va pan hnai a, chhuat laia Puakruk tla chu a han chhuih per phawt a, Devinta bulah chuan a zuk thingthi a, a beng bulah chuan, “Devint, thil hrilh duh che ka nei,” a han ti a. Tah chuan mite hriat ve tham loh khawpa zawiin engemaw a han sawi ta a, chu veleh Devinta chu makti zet mai hian a lo meng chhuak a, Larrya chu en reng chungin, “Nang hi maw…. nang hi……..” a han ti a., a sawi tum pawh sawi chhuak thei lovin a han thaw kawk kawk a, a chatthla ta nghal a.

Larrya pawh chu harsa ti tak chungin a lo ding chhuak a, thutthlengah a han thu a, Ridge a leh midangte chuan a hliam chu an rawn buaipui nghal a, chutih lai chuan inchhunga mite pawh chu an rawn tawng chhuak leh tan ta a, Devinta a ruang chu an va en a, Larrya chu an rawn en leh a, an inkah dan chanchin te chu an sawiho ta mur mur a, chutih lai chuan Sheriff pawh a lo thleng ve ta bawk a.

Sheriff chu kawng an lo kian a, ani chuan chhuat laia Devinta ruang a han hmuh chuan mak ti awm tak mai hian, “Uai, Devinta ni reng mai ka ti !! midang niawm tak khan an sawiin ka hre si a,” a han ti thla rawk a. Tan lam nei chuang lova lo thlir vetu lo awm palh hlauh se zawng Sheriff chuan Devinta ruang a han hmu chu pawi a ti ani tih chu a hai theiin a rinawm lo. Larrya zawk chu thia rawn hmuh tum a ang hle a ni. An inbeih dan sawi chak fe fe an tam bawk a, Sheriff pawh chu an lo hrilh thuai thuai a, ani chuan duhthusam hmu ta niawm takin Larrya chu a en a. A hnenah chuan Buaina chawh chhuah tumin i bei nasa bawk a, tunah zawng i hmu ta ngei a nih hi. Lungin i tan phah ngei tawh ang chu !” a han ti hmak a.

“I ring sual deuh ang a, Sheriff, han ngaihtuah ngun leh deuh zawk teh, i ingaihtuah fim zawk deuh tawh mahna,” Severna chuan a rawn ti ve ta. Mi hmuh loh laiin Severna chu a lo lut a, Bar nghenchhan chungin a lo ding ve reng tawh a, a kut pahnih chu a Puakruk bulah a thlak thla ve ve a, za lo tih hriat tak si leh Sheriff chu hmusit tih hriat ngawi ngawih hian a nui deuh sang a. Tawng ri chu a hriat veleh puakruk phawi mai tum niawm takin Sheriff chu a rawn lehhawi thuai a, Mahse, Severna bawk chuan, “Tum duh suh, Sheriff. Dam tlak lo i nih ang tho hian thi tlak pawh i nihna ka hre chuang lo,” a lo ti leh a. Sheriff chu a dang vek tawh a, a puakruk pawh kha phawi tum tak tak chu a ni chiah lo, inhrosak nana hman tum a ni chauh zawk a, mahse a thil tum chu severna chuan alo hre thiam leh zel si a. Chutih lai chuan Barta chu a lo lut ve ta a. chu chu a hmuh veleh puitu nei inti fahran hian Sheriff chuan “He khua a Sheriff hi ka ni….” a han ti leh hman chauh a, sawi pawh a sawi zawm hmain Severna chuan “I hlawhchham chiang hle bawk a. Hrilh kher pawh kan ngai lo, kan hre sa vek. Nang chu lo ngawi rih la, hei kan khuaa pa zahawmber Bartholomewa pawh a lo tel ve ta bawk a, a ngaihdan te hi han zawt ve zawk ila,” a lo ti thuai a.

Sheriff chuan thil awmdan zawng zawng chu Bartholomewa chu a han hrilh ve a, ani chuan ngawi rengin a lo ngaithla a. Phili thiantha ber anga a lo awm ve thin avangin amah Phili hming tih chhiat tuma beitu Devinta chu han tam ngam tur chi pawh hi a ni tawh lo bawk a, chuvangin rang takin, “Kan misualpa chu thi tlak a nih chu, hepa hian lo kaphlum ta lo pawh nise kei ngei pawh hian ka kap hlum nghal duh ang,” a ti ta thuai a. A thusawi chu a ti tak tak a ni tih tilang chiang lehzual turin, “Devinta hian dawt a sawi ni tih lo awih duh lo te in zingah hian in la awm a nih chuan lo chhuak nghal ula,” tiin inchhunga mite chu a han cho zui a. Mahse tumah an lo chhuah tak loh avangin, “In cho ve ve, inhmachhawna inbei an ni i ti maw kha?” tiin Sheriff chu a han zawt leh a.
Sheriff chuan, “An inbei lai chiah chu ka hmu ve lova, mahse chu chu min lo hrih dan zawng a nia lawm,” a lo ti a.

Barta chuan chuti a nih zawngin engmah sawisel tur a awm lo a nih chu a ti zet a, nalh lo taka severna chu en reng chungin a hnenah chuan, “I thianpa chu i la bo nghal thei ang, mahse tun hnuah chuan fimkhur hle tawh rawh se, buaina te a awm leh chuan a vannei tawh kher lo mai thei a ni,” a han ti zui a, Severna chuan, “Lazy M ho chu kan inenkawl ve thei bawk ang chu,” a lo tih san mai a.

Severna leh Ridgea chuan Larrya chu an hruai chhuak a, Lazy M lam panin sakawr tawlailir ah an hruai ta nghal a. Ranch an va thlen meuh chuan Phili pawhin insum harsa a ti a ni ang, pawnah a lo tlan chhuak a, Larrya te bul a lo thlen veleh, “Engtizia nge ni?” hlauthawng rilru tak chuan a rawn ti a. Severna chuan “Devinta nen an inhmu thiam lo deuh a, a darah silaimu in a per a ni,” a han ti a. Phili chuan “A nih leh Devinta chu?” a han ti leh a. Severna chuan “A thi tawh,” ti chauhin a chhang a. Phili chu a inthing deuh nawk a, engmah pawh sawi leh lovin a ngawi ta reng a. Larrya chu Ranch inah an zawn lut a, Mastersa khumah an muttir ta a. A tirah phei chuan ama chenna pangaiah zawn luh mai an tum a, mahse phili chuan Ranch a dah chu tha zawk leh enkawl sam zawk dawna a sawi vangin a thu ang chuan an ti ta zawk a ni.

A tuk zingah Phili chu Hope khuaah a va kal a, Callahana dawr kawtah Sakawr atangin a chhuk a, chutih lai chu Bartholomewa chuan a rawn hmu hlauh a, a rawn pan hnai a, “I dam em, Phil? tunah chuan ka thusawi kha a dikzia i hrechiang tawh ang chu, i thil chin atthlak tak, cowboy naran sakawr chung chuanpui that lohzia chu a lo lang chhuak ta a nih hi, Mi pakhat a thi a, pakhat in hliam a tawrh phah ta bawk a,” Barta chuan a han ti a.

Phili chuan “Sakawra midang hruaia ka vah chhuah thin vang ngawta lo intibuai an ni chuang heinem,” a han ti thla rawk a. Mahse Barta chuan “I hre lo zawk a nih chu, Come Again Saloon ah Devinta chu a lo kal a, nang leh mi pakhat lo inpawm a, lo infawp vel lai hmu niawm takin a rawn insawi a, Larrya khan dawt sawiah a lo puh ta a nih kha” a han ti a. Phili chu hmuh theih hian a hlim nghal sawt mai a, Larrya chuan a hming chhiat a hlauvin, Devinta chu a lo bei a ni tih a han hriat meuh chuan Larrya a ngainatna chu a zual sauh a, larrya chuan buaina siam tum sa reng a, Devinta chu va zawng chhuak a ni lo tih pawh chu a hre chiang ta a ni.

Larrya te inbeih chhan ber a sawi vanga Phili hlim hmel hmuh theih a lo lang chhuak chuan Bartholomewa chu a ti thinrim em em a, mahse a insum hram hram a. Phili pawh chuan Ranch lam a pan leh tak avangin Barta pawh chu a kalsawn ve ta a, a thinrim em avang chuan khua a hawi thui lo hle a, mi pakhat a lam pana lokal chu a va su palh a, engmah pawh sawi lovin chu pa chu a theihtawp hian a han nam vak a, a kalsan ta nghal mai a. Chu pa chu vaivut zingah a tlu tawp a, rang zet hian a lo ding chhuak leh a, Bartholomewa chu thinrim zet hian a han melh zui a. amah chu pate lam deuh, khabe hmul tuak phauh phauh tawh, mit khing khat puana tuam hi a ni. Chupa chuan puakruk pakhat a pai ve a, Barta chu kap mai duh awm hmel hi a pu a, mahse phun nang nang chungin engmah ti lo chuan a kal ve leh ta mai a.

Aside | Posted on by | Tagged , | Leave a comment

Sudden Law of the Lariat (Mizo Version) 10

SUDDEN LAW O’THE LARIAT CHAPTER- 10
Mel khat zet a kal hnuin Severna chuan ngai a awm leh chauh a, a thinrimna pawh chu a lo zuai leh ta a. Larrya va chhan dan tur hre lo anga a insawi kha a ti tak tak a, engtia va tih tur nge tih pawh a hre chiah lo reng a ni. A mantute chuan Larrya chu duhna an nei lovang tih a ring tlat a, tin, amah chu pawisa rawn keng tura an phut kher avang chuan an duh tak zawka chu amah a nih ngei a ring tlat bawk a. Thang an kam a, a tawktarhah Larrya an hmang a ni tih pawh a lang nghal a, mahse va awh phawt loh chuan chet dan tur kawng dang a hre rih lo a ni ber.

Chhun lai velah Skull Canyon chu a lo thleng a, sakawr atangin a chhuk a, chutihlai hmunah chuan a nghak ta ringawt mai a. Rei pawh a din hmain a chhak lam atang chuan, “I kawnghren leh i rifle kha paih la, i ban phar nghal rawh, Severn, Silaiin kan tin reng tawh che a nia,” tih ri chu a hre ta a. Severna chuan an thu rawn pek ang tak chuan a ti nghal a, chu veleh a awmna atang Yds 20 vela hla thingbuk phen atang chuan hmaituam pakhat hian sakawr a rawn kai chhuak a, severna awmna lam chu a rawn pan ta a.

Severna bul a lo thlen chuan kawnghren leh rifle te chu a chhar khawm a, sakawrah a lawn kai a, tah chuan vin zet mai hian “mi rawn zui rawh, tlanchhiat duhna rilru te i lo pu palh a nih chuan hnung lamah sawn mi pahnih an awm a, an lo hmuh phawt che chuan kap mai tur che a thupek sa diam anni tih hre reng ang che” a han ti a.

Severna chuan “Mi aaa anga khawsa tura lo kal ka ni hleinem, khawiahnge min hruai dawn?” a lo ti ve thung a, chu pa chuan “nghak rih la, i la hre mai ang,” a tihsan mai a. Severna chuan “Hmanlai thufing hmang ngatin maw kan inchhan dawn?” a lo tiel leh a. Skull Canyon atang chuan kawngpui pangai pawh zawh tawh lovin kawng mumal lo deuh deuh hlirah severna te pahnih chu an inzui ta a. zawi zawiin Pinnacles tlang lam pan chuan an lawn chho zel a, reife an kal hnuin severna chu a han lehhawi a, an hnung lamah chuan hmaithuam pahnih sakawr chungchuang te chu a va hmu ve ta a, chu mite chuan rifle in amah chu an rawn tinreng tih pawh a hre nghal a.

Hmaituama chuan hma a hruai zel a, thui pawh an la kal hmain kawng chu a lo chhuk ta thut a, tah chuan thingbuk hmun, pik zet mai hi an hel leh a, chumi an hel chhuah hnu chuan tlang pang kal tlang theihna hmun rem lai chu an lo thleng ta mai a. hmai tuama chuan “tah hian i sakawr hi thlung rawh, ta tang hi chuan ka kal a ngai tawh ang” tiin severna chu a han hrilh a. an awmna bulah chuan sakawr huang chhe zet hi a lo awm a, severna chuan a sakawr chu a huang ah chuan a dah ta a.. chuta tang chuan kein tlang pangah chuan an lawn chho leh ta thuai a. Hmun zawl awmna atang feet za zeta sang an lawn chhoh hnu chuan an kalna kawng pawh chu a lo zau leh tawh a, an sir lungbangah chuan puk ang tak tak ker kuak hi a awm chuk hlawm a, puk luhna thenkhatah chuan kawngkhar an siam a, chutianga kawngkhar an siamah chuan severna chu hmaituama chuan a hruai lut a, tah hian lo awm rawh, i ril a tam em? a a han ti a.

Severna chuan “chaw ka ei lohna a rei tawh hlein ka hria tih pahin a ipte atangin dollar 5 a han phawrh chhuak a, Whisky mi rawn ngaihtuah sak thei dawn lawm ni? ka zam vang emaw ni, ka tha a khur deuh tlat mai,” a han ti leh a. Chupa chuan nuihzat tih hriat tak hian, “Huaisenna damdawi mamawh chi i ni maw? ka rawn zawng chhin phawt ange” a han ti a.

Pawnah a chhuak a, kawngkhar chu a kalh hnan a, a kalbo a, mahse reilote ah chu pa bawk chu a lo kir leh a, chhang leh zu um a rawn keng a, severna chu pek pahin, “in tam vak suh, i la in ngai lo te anih phei chuan chak tak a nia,” a han ti a, a chhuahsan leh ta mai a. A chhuah hnu chuan severna chuan a awmna chu a han en kual vel a, lungbang ker kuak hi a ni ringawt a, kawngkhar kua tanga eng lo lut tih loh chu eng lo luhna dang pawh a awm alo, boruak lo luh theihna dang pawh a awm hek lo. Severna chuan chhang a ei a, zu erawh chu a han hmuam zet a, a pik chhuak leh ta nghal mai a, zu um chhunga mi pawh chu hmun thuma then a hmun hnih zet a leih bua a, a um chu a bulah a hunga lungbang ngheng chungin mei a zu a, thil lo thleng leh zel tur chu a nghak ta ngawt mai a.

Darkar hnih zet a nghah hnuin pawn lama ke per chu a hre ta a. chu veleh a lukhum chu a pawt kun a, rui lutuk niawm takin leiah chuan kawi chhe zet in a mu ta a. Atira amah hruaitu bawk kha a lo lut a, severna chu a rawn hmuh veleh, “Mi aaa pa, in tam lo turin ka hrilh che kha!!” thinrim zet hian a rawn ti a. “Severna chuan chiang lo ruai hian, ka tha zan, enge i mamawh?” a lo ti a, A awmna hmasa aia puk lian deuh zawkah a hruai leh ta a, chumi puk chu puk dangin a rawn zawm chuk a, puk luhna kawngka pakhatah severna chu a hruaitu chuan a dintir a, puk kawngkhar chu a han hawng ta a.

Puk chhungah chuan thutthlengah mi pasarih an lo thu a, an hmai chu puanvar bal zet hian an tuam theuh a, chung lo thute zinga pakhat chu severna chuan hmu tawh tlat hian a inhria a, chupa chuan “engatinge i phuar loh? tiin severna a rawn hruaitu chu a lo zawt a. Ani chuan, “a chet dan hi en ta che, a in phuar sa reng alawm” a han ti a. A lo zawttu an hotu niawm bera bawk chuan “zu a in a ni maw?” nuihzat fahran hian a han ti phawt a. Severna hnenah chuan “khawiah nge pawisa chu?” tiin a han zawt leh a, severna chu zu rui intih milen tum an tih ang hian a han ding a, a awm han pho a, buh deuh nuaih hian, “Unau, eng ang mi nge nia min hmuh, in thusawi mai mai te kha awih duhin min ring reng em ni naupang chhia ka nih tawh loh hi” a han ti a.

Amah lo be tu bawk chuan “pawisa i rawn ken loh chuan in pahnih in kan khaihlumdawn che u a ni mai lawm”, a lo ti leh a. Severna chuan lu a han thing a, “ho mai mai, kan ruang engatan nge hman i tum dawn? kan vun te lah chu i hralh thei awm chai si lo, ka thian i man tih pawh chu engtinnge ka hriat tak tak theih ang, midang i lo man reng pawh a ni mahna, ka thianpa i man ngei tih ka hriat chuan ‘Ranch ah lehkha ka va thawn anga, pawisa chu an rawn thawn ve mai ang chu, chu chu a dik zaih ani lawm ni” a han ti a.

Severna ding bu lak lak chu a han en thin a, hmusit tih hriat ngawih ngawih hian amah betu bawk chuan, “Mi aa pakhat pawh kha han hruai leh nghal teh u”, a hote hnenah chuan a han ti a. Minute hnih hnu lekah larrya chu hnungkhirh chungin an rawn hruai lut a, severna rui lutuk tih hriat fahrana lo meng phili fe mai a rawn hmuh chuan mak a ti hle a. Larrya chu a hmuh veleh severna chuan ” larrya chu a nih ngei hi maw? mahse tinge pahnih an nih tlat? a han ti a. A chhanna chu amah bawkin a hre chhuak a, “phir an ni tihna a ni mai lawm, a nih loh vek pawhin pianghmun tal anni ang” tih pahin hmaituam ho chu hlim fe hian a han en kual a, “phir nise nu leh pa hrang nei bawk si chu tun hmain ka la hre ve ngai miah lo, ho mai mai!! ” a han ti leh a. Hmaituam ho chu an lo nui ham ham a, severna chu ven ngun ngai lova an hriat avangin an inthlahdah sawt bawk a, chu chu severna beisei tak a ni zawk a.

Severna chuan “phir chu an hlauhawm a sin mawle tu chu nge tu zawk nge pawh kan hre fumfe thei mang si lova pakhat zawk chu tihbo a tul a ni” tih pahin a puakruk chu phawi a han tum chhin a. Mahse a lo pai ta lo tih chu hrechhuak niawm tak hian “Ka puakruk ka lo hloh daih alawm mawle zia lo reh a…” a han ti leh a.. hmaituam ho chu an lo nui leh chiam a. Severna chu hnung lamah a han petek phei a, din ngil leh tum niawm takin a ban te chu a phar kual vel chiam a, mahse a hnung lama ding puakruk pai lai chu a phawi chhuak thut a, chu chuan hmaituam ho chu a tin ta a. Hmaithuam ho hnenah chuan “Hmai mumal lo ho, ban phar thuai ula a ni mai, phir chu an hlauhawm ka tih daih tawh kha, ka puakruk ken te pawh hi phir an ni tih in hmu lawm ni? a ti ta a.

Tunah zet chuan a rui lo tih a lang chiang ta ngei mai. A chet dan leh a mitmengte pawh chu a danglam vek tawh a, chet pawh che eih lovin a puakruk pahnih chuan chung hote chu a tin ta reng mai a. Anni ho pawh chu eng kawng kawngah emaw chuan an huaisen ve theuh hlawm a, mahse severna chu beih an tum phawt chuan an zinga pakhat tal chu a tlem berah an thi ve ngei ngei dawn tih an hri a, a thi a tan chu an hlau theuh si a, chuvang chuan pariat lai pawh ni mahse ban phar mai chu an thlang ta zawk a.

Chuveleh puakruk pakhat chu severna chuan a kawngah a zep thuai a, mi pakhat chemte pai lai chu a va phawi lawk a, larrya an phuarna hui chu a va zai chah sak ta a. Larrya hnenah chuan an ha hi phawi sak la, “an vai hian hnungkhirh nghal rawh” a han ti zui a. Larrya chu phur fahran in a lo zuang chhuak a, hmaituam ho puakrukte chu chhuatlaiah chuan a paih khawm zel a, mi pakhat hruihrual ken lai chu a han bung thliah thliah a, chung chuan hmaituam ho chu a phuar ta nghauh nghauh ami a, an phuar na hlawm bawk a ni ang an phun nang nang hlawm a.

Severna pawh chuan ama puakruk an laksak chu a han chhar leh zet a, tah chuan amah lo betu ber chu a va pan hnai a, hmaituamna puan chu a va phihthlak sak ta a, “ka rin ang tak i nih chiah hi, Mr. Shadewell lo chhuak teh, kan hruai dawn che a nia,” a han ti a.

Reilote ah severna sakawr dahna huang chu an zuk thleng leh a, severna chu sakawr chungah a chuang nghal a, Larrya pawh chuan huang chhunga sakawr tha ber a thlang a, a chuang ve ta a. Shadewell pawh chu a kut phuarna an phelh sak hnuin sakawr pakhatah an chuantir a, a ke erawh chu sakawr zinah chuan an phuar beh sak tlat a. Severna chuan “roreltu in khaihlumna thu an tih thluk hma a lo thih mai thlang zawk te a nih chuan tlan chhuah tum chhin la ni mai” tiin a han vau a. Shadewell chuan chhan pawh chhang lovin severna a chu rum lutuk hian a melh ringawt a, mahse severna chuan melh ringawt chu a lo ngaisang tehchiam si lo. Hope khaw lam panin kal nghal la, “i muangchan deuh vaih chuan kalkawngah nang han khaihlumna mai tur thing kung remchang fe fe a tam tih hre reng ang che” a han ti leh a.

Larrya leh severna te chuan shadewell a chu an chhawm zel a, larrya chuan “midang rawn hruai tur i hre ngang lovem ni? nge, hming that duh vang hrim hrim in i lo mal kal ve zawk?” a han ti a, Severna chuan amah chauha a lo kal chhan chu sawi fiah pahin, “Lo kal ngam lo tur pawh ka ni hleinem, kan Lal fanu reng a thinrim a sin,” a han ti a. Larrya chuan severna thu sawi chu chhang lovin, “hepa hi engtia tih nge i tum? tiin a zawt a, severna a chuan “sheriff kutah kan pe mai ang chu”, a han ti a. Mahse larrya chuan “a chhuah tir leh nghal mai ang” a lo ti a. Severna a chuan “a chhuah leh nghal ang tih chu ka ring ve tho alawm, chutia a chhuah ngawt chuan Hope khua mi tam takin amah chu an ngeih loh phah dawn a sin” a ti ve thung a,

Kalkawngah harsatna engmah tawk lovin ni tlak hmain Hope khua chu an va thleng a, kawtthler an kal lai chuan an lo hmu duh nasa mai a, tichuan Sheriff Office ah an hruai ta a, sheriff chu a lo chhuak bo lo hlauh a, severna te mi rawn hruai chu a lo hmuh chuan a phu zawk a, ”Engtizia nge ni ta mai?” tiin severna te chu a lo zawt a.

Severna chuan “Larrya an man thu leh amahin a va chhan chhuah thu te, shadewell a a va man dante chu tawi kim takin sheriff chu a han hrilh ve a. Severna thusawi chu shadewell chuan lungawi lo zet hian dawt vek a nih chu a sawi ni. chutiang in nula pawh ka hmu lova hepa pawh hi ka hmuh hmasak ber chuan kan piah saloon a ka awm laia a thianpa hian min vau bet a, chumi hma chuan ka la hmu ngai lo reng reng” tiin tan a lo khawh ve a.

Severna te bulah chuan Barta chu a lo kal ve ta a, sheriff chuan severna thusawi chu Barta bulah chuan a han sawi chhawng leh a, “tah chuan a nih leh lehkha an lo hnutchhiah chu i la kawl em?” tiin barta chuan severna chu a han zawt ta a. Severna chuan “lehkha chu a han entir a, shadewell a chu severna lehkhaa thuziak ang chu a han ziah chhawn tir ve a, kutziak pahnihte chu ngun takin an entawn vel a, a inang lo tawp mai, chuvangin engmah a sawt lo a nih hi tih pahin severna lehkha hmuh chu a ak ta mai a, severna chuan a va hnaih a. Barta hnenah chuan “kha kha ka lehkha hmuh a ni a, ka lo kawl leh ang e”, tiin lehkha chu a dil ta a.

Barta chuan “i lehkha chu a ni teh meuh mai, mahse nakin hnuah hmanrua atan a la tangkai dawn a, chuvangin sheriff hian a kawl tur a ni” a lo ti a. Severna chuan “a duh hunah chuan ka hnen atangin a la leh thei tho ang tunah rih chuan ka kawl dawn” a han ti leh a. Reilo deuh chhung Barta chu a han ngawi rih a, tah chuan lungawi lo tak chungin lehkha chu dawhkanah chuan a theh thla thak a, Severna hnenah chuan “leibat i ngah sawt hle mai, a kimin i la rul ngei ang” a han ti a. Severna chuan dawhkana lehkha chu a chhar a, ama lehkha ngei a ni tih a hriat hnu chuan a ipte ah a ak a, ring zet hian a han nui a, “ka la rul teh meuh ang che, kimchang takin” barta hnenah a han ti phawt a. Sheriff lam chu a hawi leh a, “rukru ho chu man i tum ngam dawn a nih chuan midang pun thuai la, an awmna ah ka va hruai ang che” severna chuan a han ti leh a.

Sheriff chuan, thinrim tak mai hian, “i tanpui ka ngaih hunah chuan ka rawn hriattir mai ang che, tin, i mi rwn hruai hi chu…..” a ti zet a, Barta lam chu a han en leh rih a, ani chuan “lo veng rih la, naktuk zingah Miss Phili chu ka va hmu ang a, he cowboy thusawi hi a dik leh dik loh chu kan la hre mai ang. Lazy M a thawk ho thu reng reng chuti maiin ka awih thei lo a ni” a han ti deuh salh a. Severna chu a ngawi mai mai duh bik lo, Barta hnenah chuan “Ni e, Lazy M enthlatu i dah khan ram hla taka a vahbo san atang che kha chuan tumah i ring thei tawhin ka ring lo reng a ni” a lo ti ve hmiah a. Barta chu a phu deuh zawk a, mahse engtinmah a chhang lo.


Cowboy ho hlim au ri chu a hriat avangin phili chu bathlarah a va chhuak a, kawtlai a Severna leh Larrya te rawn inzui phei chu a va hmu ta mai a, a lawm em avang chuan va tlan chhuah ve nghal mai a tum zet a mahse a han inngaihtuah chiang a, inchhungah a lut leh ta zawk a. Reife hnuah Jonahi chuan chanchin a rawn hrilh ve ta a.

Aside | Posted on by | Tagged , | Leave a comment

Sudden Law of the Lariat (Mizo Version) 10

SUDDEN LAW O’THE LARIAT CHAPTER- 10
Mel khat zet a kal hnuin Severna chuan ngai a awm leh chauh a, a thinrimna pawh chu a lo zuai leh ta a. Larrya va chhan dan tur hre lo anga a insawi kha a ti tak tak a, engtia va tih tur nge tih pawh a hre chiah lo reng a ni. A mantute chuan Larrya chu duhna an nei lovang tih a ring tlat a, tin, amah chu pawisa rawn keng tura an phut kher avang chuan an duh tak zawka chu amah a nih ngei a ring tlat bawk a. Thang an kam a, a tawktarhah Larrya an hmang a ni tih pawh a lang nghal a, mahse va awh phawt loh chuan chet dan tur kawng dang a hre rih lo a ni ber.

Chhun lai velah Skull Canyon chu a lo thleng a, sakawr atangin a chhuk a, chutihlai hmunah chuan a nghak ta ringawt mai a. Rei pawh a din hmain a chhak lam atang chuan, “I kawnghren leh i rifle kha paih la, i ban phar nghal rawh, Severn, Silaiin kan tin reng tawh che a nia,” tih ri chu a hre ta a. Severna chuan an thu rawn pek ang tak chuan a ti nghal a, chu veleh a awmna atang Yds 20 vela hla thingbuk phen atang chuan hmaituam pakhat hian sakawr a rawn kai chhuak a, severna awmna lam chu a rawn pan ta a.

Severna bul a lo thlen chuan kawnghren leh rifle te chu a chhar khawm a, sakawrah a lawn kai a, tah chuan vin zet mai hian “mi rawn zui rawh, tlanchhiat duhna rilru te i lo pu palh a nih chuan hnung lamah sawn mi pahnih an awm a, an lo hmuh phawt che chuan kap mai tur che a thupek sa diam anni tih hre reng ang che” a han ti a.

Severna chuan “Mi aaa anga khawsa tura lo kal ka ni hleinem, khawiahnge min hruai dawn?” a lo ti ve thung a, chu pa chuan “nghak rih la, i la hre mai ang,” a tihsan mai a. Severna chuan “Hmanlai thufing hmang ngatin maw kan inchhan dawn?” a lo tiel leh a. Skull Canyon atang chuan kawngpui pangai pawh zawh tawh lovin kawng mumal lo deuh deuh hlirah severna te pahnih chu an inzui ta a. zawi zawiin Pinnacles tlang lam pan chuan an lawn chho zel a, reife an kal hnuin severna chu a han lehhawi a, an hnung lamah chuan hmaithuam pahnih sakawr chungchuang te chu a va hmu ve ta a, chu mite chuan rifle in amah chu an rawn tinreng tih pawh a hre nghal a.

Hmaituama chuan hma a hruai zel a, thui pawh an la kal hmain kawng chu a lo chhuk ta thut a, tah chuan thingbuk hmun, pik zet mai hi an hel leh a, chumi an hel chhuah hnu chuan tlang pang kal tlang theihna hmun rem lai chu an lo thleng ta mai a. hmai tuama chuan “tah hian i sakawr hi thlung rawh, ta tang hi chuan ka kal a ngai tawh ang” tiin severna chu a han hrilh a. an awmna bulah chuan sakawr huang chhe zet hi a lo awm a, severna chuan a sakawr chu a huang ah chuan a dah ta a.. chuta tang chuan kein tlang pangah chuan an lawn chho leh ta thuai a. Hmun zawl awmna atang feet za zeta sang an lawn chhoh hnu chuan an kalna kawng pawh chu a lo zau leh tawh a, an sir lungbangah chuan puk ang tak tak ker kuak hi a awm chuk hlawm a, puk luhna thenkhatah chuan kawngkhar an siam a, chutianga kawngkhar an siamah chuan severna chu hmaituama chuan a hruai lut a, tah hian lo awm rawh, i ril a tam em? a a han ti a.

Severna chuan “chaw ka ei lohna a rei tawh hlein ka hria tih pahin a ipte atangin dollar 5 a han phawrh chhuak a, Whisky mi rawn ngaihtuah sak thei dawn lawm ni? ka zam vang emaw ni, ka tha a khur deuh tlat mai,” a han ti leh a. Chupa chuan nuihzat tih hriat tak hian, “Huaisenna damdawi mamawh chi i ni maw? ka rawn zawng chhin phawt ange” a han ti a.

Pawnah a chhuak a, kawngkhar chu a kalh hnan a, a kalbo a, mahse reilote ah chu pa bawk chu a lo kir leh a, chhang leh zu um a rawn keng a, severna chu pek pahin, “in tam vak suh, i la in ngai lo te anih phei chuan chak tak a nia,” a han ti a, a chhuahsan leh ta mai a. A chhuah hnu chuan severna chuan a awmna chu a han en kual vel a, lungbang ker kuak hi a ni ringawt a, kawngkhar kua tanga eng lo lut tih loh chu eng lo luhna dang pawh a awm alo, boruak lo luh theihna dang pawh a awm hek lo. Severna chuan chhang a ei a, zu erawh chu a han hmuam zet a, a pik chhuak leh ta nghal mai a, zu um chhunga mi pawh chu hmun thuma then a hmun hnih zet a leih bua a, a um chu a bulah a hunga lungbang ngheng chungin mei a zu a, thil lo thleng leh zel tur chu a nghak ta ngawt mai a.

Darkar hnih zet a nghah hnuin pawn lama ke per chu a hre ta a. chu veleh a lukhum chu a pawt kun a, rui lutuk niawm takin leiah chuan kawi chhe zet in a mu ta a. Atira amah hruaitu bawk kha a lo lut a, severna chu a rawn hmuh veleh, “Mi aaa pa, in tam lo turin ka hrilh che kha!!” thinrim zet hian a rawn ti a. “Severna chuan chiang lo ruai hian, ka tha zan, enge i mamawh?” a lo ti a, A awmna hmasa aia puk lian deuh zawkah a hruai leh ta a, chumi puk chu puk dangin a rawn zawm chuk a, puk luhna kawngka pakhatah severna chu a hruaitu chuan a dintir a, puk kawngkhar chu a han hawng ta a.

Puk chhungah chuan thutthlengah mi pasarih an lo thu a, an hmai chu puanvar bal zet hian an tuam theuh a, chung lo thute zinga pakhat chu severna chuan hmu tawh tlat hian a inhria a, chupa chuan “engatinge i phuar loh? tiin severna a rawn hruaitu chu a lo zawt a. Ani chuan, “a chet dan hi en ta che, a in phuar sa reng alawm” a han ti a. A lo zawttu an hotu niawm bera bawk chuan “zu a in a ni maw?” nuihzat fahran hian a han ti phawt a. Severna hnenah chuan “khawiah nge pawisa chu?” tiin a han zawt leh a, severna chu zu rui intih milen tum an tih ang hian a han ding a, a awm han pho a, buh deuh nuaih hian, “Unau, eng ang mi nge nia min hmuh, in thusawi mai mai te kha awih duhin min ring reng em ni naupang chhia ka nih tawh loh hi” a han ti a.

Amah lo be tu bawk chuan “pawisa i rawn ken loh chuan in pahnih in kan khaihlumdawn che u a ni mai lawm”, a lo ti leh a. Severna chuan lu a han thing a, “ho mai mai, kan ruang engatan nge hman i tum dawn? kan vun te lah chu i hralh thei awm chai si lo, ka thian i man tih pawh chu engtinnge ka hriat tak tak theih ang, midang i lo man reng pawh a ni mahna, ka thianpa i man ngei tih ka hriat chuan ‘Ranch ah lehkha ka va thawn anga, pawisa chu an rawn thawn ve mai ang chu, chu chu a dik zaih ani lawm ni” a han ti a.

Severna ding bu lak lak chu a han en thin a, hmusit tih hriat ngawih ngawih hian amah betu bawk chuan, “Mi aa pakhat pawh kha han hruai leh nghal teh u”, a hote hnenah chuan a han ti a. Minute hnih hnu lekah larrya chu hnungkhirh chungin an rawn hruai lut a, severna rui lutuk tih hriat fahrana lo meng phili fe mai a rawn hmuh chuan mak a ti hle a. Larrya chu a hmuh veleh severna chuan ” larrya chu a nih ngei hi maw? mahse tinge pahnih an nih tlat? a han ti a. A chhanna chu amah bawkin a hre chhuak a, “phir an ni tihna a ni mai lawm, a nih loh vek pawhin pianghmun tal anni ang” tih pahin hmaituam ho chu hlim fe hian a han en kual a, “phir nise nu leh pa hrang nei bawk si chu tun hmain ka la hre ve ngai miah lo, ho mai mai!! ” a han ti leh a. Hmaituam ho chu an lo nui ham ham a, severna chu ven ngun ngai lova an hriat avangin an inthlahdah sawt bawk a, chu chu severna beisei tak a ni zawk a.

Severna chuan “phir chu an hlauhawm a sin mawle tu chu nge tu zawk nge pawh kan hre fumfe thei mang si lova pakhat zawk chu tihbo a tul a ni” tih pahin a puakruk chu phawi a han tum chhin a. Mahse a lo pai ta lo tih chu hrechhuak niawm tak hian “Ka puakruk ka lo hloh daih alawm mawle zia lo reh a…” a han ti leh a.. hmaituam ho chu an lo nui leh chiam a. Severna chu hnung lamah a han petek phei a, din ngil leh tum niawm takin a ban te chu a phar kual vel chiam a, mahse a hnung lama ding puakruk pai lai chu a phawi chhuak thut a, chu chuan hmaituam ho chu a tin ta a. Hmaithuam ho hnenah chuan “Hmai mumal lo ho, ban phar thuai ula a ni mai, phir chu an hlauhawm ka tih daih tawh kha, ka puakruk ken te pawh hi phir an ni tih in hmu lawm ni? a ti ta a.

Tunah zet chuan a rui lo tih a lang chiang ta ngei mai. A chet dan leh a mitmengte pawh chu a danglam vek tawh a, chet pawh che eih lovin a puakruk pahnih chuan chung hote chu a tin ta reng mai a. Anni ho pawh chu eng kawng kawngah emaw chuan an huaisen ve theuh hlawm a, mahse severna chu beih an tum phawt chuan an zinga pakhat tal chu a tlem berah an thi ve ngei ngei dawn tih an hri a, a thi a tan chu an hlau theuh si a, chuvang chuan pariat lai pawh ni mahse ban phar mai chu an thlang ta zawk a.

Chuveleh puakruk pakhat chu severna chuan a kawngah a zep thuai a, mi pakhat chemte pai lai chu a va phawi lawk a, larrya an phuarna hui chu a va zai chah sak ta a. Larrya hnenah chuan an ha hi phawi sak la, “an vai hian hnungkhirh nghal rawh” a han ti zui a. Larrya chu phur fahran in a lo zuang chhuak a, hmaituam ho puakrukte chu chhuatlaiah chuan a paih khawm zel a, mi pakhat hruihrual ken lai chu a han bung thliah thliah a, chung chuan hmaituam ho chu a phuar ta nghauh nghauh ami a, an phuar na hlawm bawk a ni ang an phun nang nang hlawm a.

Severna pawh chuan ama puakruk an laksak chu a han chhar leh zet a, tah chuan amah lo betu ber chu a va pan hnai a, hmaituamna puan chu a va phihthlak sak ta a, “ka rin ang tak i nih chiah hi, Mr. Shadewell lo chhuak teh, kan hruai dawn che a nia,” a han ti a.

Reilote ah severna sakawr dahna huang chu an zuk thleng leh a, severna chu sakawr chungah a chuang nghal a, Larrya pawh chuan huang chhunga sakawr tha ber a thlang a, a chuang ve ta a. Shadewell pawh chu a kut phuarna an phelh sak hnuin sakawr pakhatah an chuantir a, a ke erawh chu sakawr zinah chuan an phuar beh sak tlat a. Severna chuan “roreltu in khaihlumna thu an tih thluk hma a lo thih mai thlang zawk te a nih chuan tlan chhuah tum chhin la ni mai” tiin a han vau a. Shadewell chuan chhan pawh chhang lovin severna a chu rum lutuk hian a melh ringawt a, mahse severna chuan melh ringawt chu a lo ngaisang tehchiam si lo. Hope khaw lam panin kal nghal la, “i muangchan deuh vaih chuan kalkawngah nang han khaihlumna mai tur thing kung remchang fe fe a tam tih hre reng ang che” a han ti leh a.

Larrya leh severna te chuan shadewell a chu an chhawm zel a, larrya chuan “midang rawn hruai tur i hre ngang lovem ni? nge, hming that duh vang hrim hrim in i lo mal kal ve zawk?” a han ti a, Severna chuan amah chauha a lo kal chhan chu sawi fiah pahin, “Lo kal ngam lo tur pawh ka ni hleinem, kan Lal fanu reng a thinrim a sin,” a han ti a. Larrya chuan severna thu sawi chu chhang lovin, “hepa hi engtia tih nge i tum? tiin a zawt a, severna a chuan “sheriff kutah kan pe mai ang chu”, a han ti a. Mahse larrya chuan “a chhuah tir leh nghal mai ang” a lo ti a. Severna a chuan “a chhuah leh nghal ang tih chu ka ring ve tho alawm, chutia a chhuah ngawt chuan Hope khua mi tam takin amah chu an ngeih loh phah dawn a sin” a ti ve thung a,

Kalkawngah harsatna engmah tawk lovin ni tlak hmain Hope khua chu an va thleng a, kawtthler an kal lai chuan an lo hmu duh nasa mai a, tichuan Sheriff Office ah an hruai ta a, sheriff chu a lo chhuak bo lo hlauh a, severna te mi rawn hruai chu a lo hmuh chuan a phu zawk a, ”Engtizia nge ni ta mai?” tiin severna te chu a lo zawt a.

Severna chuan “Larrya an man thu leh amahin a va chhan chhuah thu te, shadewell a a va man dante chu tawi kim takin sheriff chu a han hrilh ve a. Severna thusawi chu shadewell chuan lungawi lo zet hian dawt vek a nih chu a sawi ni. chutiang in nula pawh ka hmu lova hepa pawh hi ka hmuh hmasak ber chuan kan piah saloon a ka awm laia a thianpa hian min vau bet a, chumi hma chuan ka la hmu ngai lo reng reng” tiin tan a lo khawh ve a.

Severna te bulah chuan Barta chu a lo kal ve ta a, sheriff chuan severna thusawi chu Barta bulah chuan a han sawi chhawng leh a, “tah chuan a nih leh lehkha an lo hnutchhiah chu i la kawl em?” tiin barta chuan severna chu a han zawt ta a. Severna chuan “lehkha chu a han entir a, shadewell a chu severna lehkhaa thuziak ang chu a han ziah chhawn tir ve a, kutziak pahnihte chu ngun takin an entawn vel a, a inang lo tawp mai, chuvangin engmah a sawt lo a nih hi tih pahin severna lehkha hmuh chu a ak ta mai a, severna chuan a va hnaih a. Barta hnenah chuan “kha kha ka lehkha hmuh a ni a, ka lo kawl leh ang e”, tiin lehkha chu a dil ta a.

Barta chuan “i lehkha chu a ni teh meuh mai, mahse nakin hnuah hmanrua atan a la tangkai dawn a, chuvangin sheriff hian a kawl tur a ni” a lo ti a. Severna chuan “a duh hunah chuan ka hnen atangin a la leh thei tho ang tunah rih chuan ka kawl dawn” a han ti leh a. Reilo deuh chhung Barta chu a han ngawi rih a, tah chuan lungawi lo tak chungin lehkha chu dawhkanah chuan a theh thla thak a, Severna hnenah chuan “leibat i ngah sawt hle mai, a kimin i la rul ngei ang” a han ti a. Severna chuan dawhkana lehkha chu a chhar a, ama lehkha ngei a ni tih a hriat hnu chuan a ipte ah a ak a, ring zet hian a han nui a, “ka la rul teh meuh ang che, kimchang takin” barta hnenah a han ti phawt a. Sheriff lam chu a hawi leh a, “rukru ho chu man i tum ngam dawn a nih chuan midang pun thuai la, an awmna ah ka va hruai ang che” severna chuan a han ti leh a.

Sheriff chuan, thinrim tak mai hian, “i tanpui ka ngaih hunah chuan ka rawn hriattir mai ang che, tin, i mi rwn hruai hi chu…..” a ti zet a, Barta lam chu a han en leh rih a, ani chuan “lo veng rih la, naktuk zingah Miss Phili chu ka va hmu ang a, he cowboy thusawi hi a dik leh dik loh chu kan la hre mai ang. Lazy M a thawk ho thu reng reng chuti maiin ka awih thei lo a ni” a han ti deuh salh a. Severna chu a ngawi mai mai duh bik lo, Barta hnenah chuan “Ni e, Lazy M enthlatu i dah khan ram hla taka a vahbo san atang che kha chuan tumah i ring thei tawhin ka ring lo reng a ni” a lo ti ve hmiah a. Barta chu a phu deuh zawk a, mahse engtinmah a chhang lo.


Cowboy ho hlim au ri chu a hriat avangin phili chu bathlarah a va chhuak a, kawtlai a Severna leh Larrya te rawn inzui phei chu a va hmu ta mai a, a lawm em avang chuan va tlan chhuah ve nghal mai a tum zet a mahse a han inngaihtuah chiang a, inchhungah a lut leh ta zawk a. Reife hnuah Jonahi chuan chanchin a rawn hrilh ve ta a.

Aside | Posted on by | Tagged , | Leave a comment

Sudden Law of the Lariat (Mizo Version) 9

SUDDEN LAW O’THE LARIAT
CHAPTER-9
Severna chuan mahni maia vah vel a phal tlat loh avangin Phili chu a lungawi teh chiam lova. Mahse Larrya nen ni thum vel an inzui chhuah hnuah chuan pawi a ti tawh lo hle a. An pahnih chuan an la tleirawl dun bawk a, an titi sawi duh zawngte pawh chu a inang hle zel a, sakawr chung chuanga an vah velna ah te pawh chuan an hlim dun hle thrin a.

Sakawr atanga an chhuk apiangin Larrya chuan a rifle chu a keng ve ziah mai a, chu chu Phili chuan tul lo ti niawm tak hian, hlauh tur engmah a awm ka ring lo, mahni pawhin ka him tawk thovin ka ring, i tan a hun khawhral thlak mai mai niin ka hria,” Larrya hnenah chuan a han ti a, Larrya chuan awmze nei deuh fe hian, “Chu, lo kal lo zawk se min tihna em ni?” a lo ti deuh ha a. Chutih lai tak chuan an mit leh mit chu a intawng hlauh a, Phili chuan engtin emaw tak a ti deuh huih hian a inhria a, a biang te chu a lo sen tawn tawn mai a, chutah engmah pawh sawi lovin a sakawr Lakam chu Larrya chuan a rawn man leh ta nghal a.

Phili chu a han hawi vel a, an piah ruam mel khat vela la hlaah chuan sakawr chung chuang paruk te chu a va hmu ve ta a. Chung mite chuan an hmai chu puan varin an tuam theuh a, Phili te chu an rawn hmuh veleh an sakawr chu an lam pan chuan an rawn tlan chak tir sauh a, Phili chuan zam tih hriat tak hian White Masks ho an ni maw? a han ti ha a. Larrya chuan an nih dawn saw, min um tum chiah pawh an lo ni lo maithei a, mahse tlanchhiat thuai chu a tha berin ka ring” a lo ti a. Tichuan an sakawrte chu Ranch in lam panin theihtawpa chak chuan an tlan tir ta nghal a.

An hnung lamah chuan au thawm a hriat avangin Larrya chu a va lehhawi a, hmaituam ho chuan theihtawpa chakin an rawn um zel a ni tih chu a hre ta a. Rei teh chiam pawh an la rawn um hmain hmaituam ho chuan an rawn umpha ngei dawn tih Larrya chuan a hre ta bawk a. A rilru chuan Sakawr an nei tha zawk si a, in chu kan thleng hman dawn lo a nih hi a ti a, mahse Phili hnenah chuan engmah a sawi duh hlek lova. Phili nen chuan a rualin an tlan dun zel a, an sakawr te pawh chu an hah hle tawh a, Larrya chu vawikhat a lehhawi leh a, a hma ai mah khan a umtute chuan an rawn hnaih tawh a, chutih lai chuan silai a han ri ta a. Amah ni lovin Phili chu an duh vanga rawn um anni ang tih larrya chuan a hre reng a.

Silai vawikhat a han ri leh a, chu veleh Larrya sakawr chu mamal lo tak hian a tek kual a, a tlu ngei dawn tih larrya chuan a hriat veleh sakawr atang chuan rang deuh maiin a zuang thla ta nghal a, a sakawr pawh chu a awp rawp a, reilote a han tal kual a, a thi ta nghal mai a. Phili chuan a sakawr chu a han pawt ding a, mangang beidawng tih hriat tak hian, “Larry an rawn kap ang che” a han ti a. Larrya chuan “Ranch lam panin tlan nghal thuai thuai rawh, reilo deuh chhung chu ka lo ti muang thei ang” a han ti a. Mahse Phili chuan “an rawn kap hlum mai ang che’nga sin ka hnung lamah hian lo zuang kai ve mai rawh” a han ti a. Larrya erawh chuan “kan chuan dun zawngin ranch kan thleng zo lovang kei chu engatan mah min ti lo, nangmah a ni an duh che ni. Ranch chu va thlen thuai tum la, tin, Severna hnenah khan theih tawk chuan ka bei ve e – tih han hrilh ang che” a han ti leh a.

Phili chuan hreh tak chungin Larrya chu a tlan san ta a, a tlansan hma chuan “Larry i thil tih hi ka hre reng ang engtikah mah ka theihnghilh ngai lovang” a ti te te a, a tlan ta nghal a. Phili sakawr chua tlan liam veleh larrya chuan a rifle chu a phawi chhuak a, sakawr ruang sirah chuan a han bawk a, a mah rawn umtute sakawr pakhat chu a kapthlu ve pang mai a, chung ho te chu Larrya awmna atanga yds 600 vela hlaah chuan an ding khawm a, Larrya chu vawi hnih zet an rawn kap let ve a. Phili pawh chu um tum awm pawhin an lang tawh lova. Pahnihte chuan Larrya chu an rawn kal hual tum niawm tak hian an sakawr chu Larrya sir tuakah chuan hla fe atangin an rawn hel phei ta a.

Larrya chuan chu chu a hmuhin hnung lam atang mi rawn leh beih an tum a ni maw? a han ti a. Mahse a tan chet sawn leh ngaihna a awm tawh silo, a chhak hnunglam deuhah chuan tlangpawng te tak te hi a awm a, chumi phen atang chuan an rawn bei dawn a ni tih larrya chuan a ring nghal mai a, Mahse engmah tih theih a neih tawh loh avangin mei a han tan kai a, a chunga thil lo thleng tur chu a nghak ta ngawt mai a. Darkar chanve zet a ral hnuin a chhak tlang atang chuan “I Rifle kha paih la, i ban phar thuai rawh,” tih ri Larrya chuan a hre ta a. Larrya chu a ding a, a rifle chu a dah nghal a, a kawnghren pawh chu a phelh a, leiah chuan a han thlauh thla nghal a, mahse ban phar mai lovin mei pakhat a han zial leh rih a, thupetu hnenah chuan “Lo chhuak ta che” a han rin tih ngawt a.

Tlangpang atang chuan hmai tuam pahnih hi an lo chhuak a rifle-a tin reng chungin Larrya chu an rawn pan thla ta a. A hmaa thu rawn petu bawk chuan “Ban phar turin ka hrilh tawh che a ni lawm ni?” a rawn ti leh a. Larrya chuan nui chung hian, “ka lo theihnghilh tawh a ni”, tunah pawh ka la hre chhuak chuang lo, engtinnge i tih tak ang?” a han ti a. Hmaituam pakhat zawk chuan, phun nang nang chungin Larrya rifle leh puakruk paina kawnghren te chu a chhar a, a thianpa chu an sakawr rawn kai turin a han ti a. Chutih lai chuan an thiante pali pawh chu an lo thleng ve a, pahnihte chu sakawr pakhatah an rawn chuang dun a, an zinga hotu ber niawm chu sakawr atang chuan a han chhuk a, tiang hmawrah hian lehkha them a tar a, chu chu leiah chuan a han vit phun a.

A thiltih dan chu mak ti takin Larrya chuan alo en reng a, chu pa hnenah chuan “Ka sakawr thlan lunga thu ziah tur i ngaihtuah te a nih chuan a hming chu ‘Bouncer’ a nia” alo ti fiam a. Chupa chuan Larrya thusawi chu chhan pawh chhang lovin, ‘Sakawr pakhatah khan phuar bet ula, pahkhatin chuanpui nghal rawh u’ a han ti a. Tichuan Larrya chu a sakawr zinah an phuar bet a, pakhat chuan a chuanpui a, Pinnacles ram lam pan chuan an kalpui ta a. Larrya chuan chuti teh chiam chuan hrehawm a ti lo, Phil thusawi hnuhnung ber kha a bengah a la cham reng a, chubakah amah phili chu him takin a tlan chhuak thei tih a hriat avang chuan lawmna tak a nei tlat ani.

Sakawr chau tawh tak mai chunga chuangin Phili chu Ranch in a lo thleng a, Severna leh chutih hun laia Ranch a awmte chu rang deuh maiin an lo tlan khawm thuai a, Phili chuan thil awmdan chu a han hrilh hlawm a, Severna chuan engdang mah sawi lovin, “Sakawr buatsaih thuai ula, in silaite pawh endik nghal rawh u,” Cowboy ho hnenah chuan a han ti a, Phili chuan “Darby Sakawr pakhat min buatsaih sak ve nghal ang che” a lo ti thuai a. Severna chuan Phili chu en reng chungin “I va kal ve chu a tha….” a han ti tan chauh a, mahse Phili chuan “Ka kal ve dawn, ka tan….” a han ti zet a, a sawi zawm theih tak loh avangin a ngawi leh ta mai a, Severna pawh chuan a hnial zawm duh ta bik lova, an vai chuan hmanhmawh takin Larrya te an lo beihna hmun lam pan chuan sakawrin an tlan chhuak nghal a.

Larrya sakawr tlukna bul chu an lo thleng dawn ta a, tah chuan , “Tah hian min lo nghak rih rawh u, min lo chang reng pawh a ni mai thei a, kan vaia a ruala kal vek chu a tha lovang” tiin severna chuan a hote chu a han hrilh a, amah chuan a kal ta mai a. Darby an “Black Barta chu ni na se kan zinga tu emaw ber hi kal hmasa turin min tir ngei ang chu” a tih ri Phili chuan a han hria a. chutih lai chuan Darbya thusawi vang chuan cowboy ho chu an lo nui a, an thusawi chu dik thawkhat hlein a hre ve a. Severna chuan duh se chuan a hote zinga tu emaw ber hi kal hmasa turin a tir thei reng tih pawh a hre ve vek a, mahse tumah tir lovin amah ngeiin hlauhawm chu ava tawn dawn avangin severna a ngaihsan phah ve hle a. Mahse chutih lai chuan a rilruah thil dang a lo lut leh a, Bartholomewa’n a lo hrilh tawh thin avangin Severna tan chuan hlauhawm engmah a awm lo tur leh ama thiante zinga va kal tur ang leka ngaihna Phili chuan a han nei leh a, chutiang lam hlir a ngaihtuah lai chuan Severna chu a lo kir leh ta mai a.

Severna chuan Larrya sakawr ruang chu ka va hmu a, mahse a zin leh a lakam te chu a awm tawh lo, Larrya pawh ka va hmu bawk hek lo, he lehkha chiah hi ka thil va hmuh chu a ni mai a rawn ti a. Lehkha chu a han chhiar nghal a, heti hian a lo inziak a.
“Severn i thian chu kan kutah a aw, nungdama hmuh leh i duh chuan naktuk chhun lai velah Skull Canyon ah lokal la, Dollar 2000 rawn keng bawk ang che, I lokal lohin emaw min tihder tumna rilru i put vaih chuan Larry hi khaihlum a ni nghal ang”

The Mask.

Chu thu inziakna chu pawisa lam chhinchhiahna bu atanga pawhthlak niawm tak hian a phek zat leh number te a inziak tel nual a, lehkha a han chhiar zawh chuan Phili leh Cowboy ho chu an lo thinrim em em mai a, an lo phun nang nang hlawm a. Severna chuan lehkha chu ngun fe hian a han en a, Ignacio ipte atanga a lehkha phawrh nen khan inang hlein a hria a. Tichuan, hreh tak chungin Cowboy te chu Ranch in lam a kir leh turin thu a han pe a. Chu veleh Phili chuan “Engmah tih i tum nange? thi mai tura kalsan ngawt chu em ni i tum,” a lo ti ta a. Severna chuan “tunah rih chuan tih theih engmah kan nei lo, an hnuhma va chhui thei tehreng pawh ni ila, min lo leh chan ang a, a pawi thui mai mai zawk ang, kan um zui mai thei tihte chu an ngaihtuah hlawm ve ngei awm si a,” a han ti a.

Phili chuan thinrim tih hriat tak hian severna chu a en reng a, a hnenah chuan “Dawihzep vang ni berin ka hria, kan mite hi i hruai ngam lo a nih chuan keiman ka hruai mai ang,” a han ti tau deuh hmak a. Severna chuan chhan pawh chhang lovin cowboy ho chu a han en kual a, anni pawh chuan Phili chu zui an tum lo tih an chet dan atang chuan an hriat theih nghal mai a. chutia ngawih reng lai chuan, “Miss Phil, kan foreman thusawi chu a dik a ni, sawt lovah kan inngaihtuah hah mai mai dawn niin a a lang, kan va hmuh theih chiah chu ka ring lo tawp a, mahse lo va hmu palh ta hlauh pawh ni ila. Larrya chu rang lutukin an khaihlum nghal mai thei asin, kan tan chet ngaihna a awm rihlo a ni berin ka hria,” Darby a chuan a lo ti ve ta a.

Phili chuan cowboy ho chu hmusit awm tak mai hian a han enkual leh te te a, tah chuan a sakawr chu a pawt her salh a, Ranch in lam pan chuan a tlan tir leh ta nghal a. An hawng kawngah te chuan Larrya hlir chu Phili chuan a ngaihtuah a, a tan nun a han pek ngam dante chu mak ti tak leh lawm rilru tak chung si chuan a ngaihtuah zawm zel a. Ranch an thlen hnuah pawh chumi zan chuan a rilru a chawl tak tak thei chuang lova, a mutna ah te pawh Larrya hlir chu a ngaihtuah zui zel a.

A tuk khua a lo var a, Phili chu pawnah a va chhuak a, Severna chuan amah chu hmuh tumin a lo nghak reng tawh a. Phili chu pawisa pek pahin a hnenah chuan “Hei hi bawng ka hralhna pawisa la awm chu a ni a, cowboy ho hlawh leh thildang mamawhte chu ka pe chhuak vek tawh a, a bang hi chu him takin lo kawl la a tha ang,” a han ti a.
Phili chuan “Engatinge pawisa hi min pek?” a han ti a. Severna chuan kalna tur ka neih kha i theihnghilh ta mai em ni? a han ti ve thung a, Phili chuan makti awm takin, “Skull Canyon ah chuan va kal i tum a ni maw? Chu tite a nih phei chuan pawisa i va mamawh awm ve? a han ti leh a. Severna chuan “va kal ngei chu ka tum a, mahse pawisa chu ken ka tum lo. Naupang chhia ka ni tawh hleinem” a tihsan mai a. Phili chuan “chuti te a nih si chuan enge va tih i tum reng reng? a han ti leh hram a. Severna chuan “Ka hre bik lo, thil awmdan in a zir zel ang chu” a ti mai a.

Chutia a han sawi zawngte pawh chuan hlim awm tak hmel hi a pu tlat reng a, a va kalna tur hlauhawm zia te chu a hai bik pawh a ni bawk si lova, chutiang thil te a han ngaihtuah lai chuan severna a lo rinhlehna chu Phili rilruah chuan a lo lang thar leh a. “Tih leh, i tan chuan hlauh tur teh chiam a awm ve lo pawh a ni ang chu, an zingah chuan thiante pawh i lo nei ve reng mai thei asin,” deusawh tak hian severna hnenah chuan a han ti leh kher a.

Chutah zet zawng hun reilote chhung severna chuan a insum theihna a hloh ve a, rum lutuk a meng chungin Phili hnenah chuan, “Hmeichhia, ngun takin lo ngaithla te, Pathianin i koki ah khan lu duhawm tak a rawn dah sak che a, a chhungah pawh chuan thluak a dah ngeiin a rinawm – chu chu hmang ve tawh rawh,” a ti ta khawl mai a. Thudang engmah pawh sawi leh tawh lovin pawnah a chhuak a, a sakawrah a zuangkai a, Ranch atang chuan a tlan chhuak ta nghal a.

Phili chuan makti rilru tak chungin severna liam tur chu a enzui reng a, tah chuan chau lutuk niawm takin thutthlengah a thu hnawk a, bang lam chu a en ta reng mai a, tun hmaa a la hriat ngai loh, tawn pawh a la tawn ngai chiah loh chu a lo tawng ta a. Chumi ni chuan a hma lam kawtchhuah chu a khat tawkin a thlir reng a, a thlir chhan a han ngaihtuah chiah pawh chuan Larrya vang a ni tih chu a hre reng a.

Aside | Posted on by | Tagged , | Leave a comment

Sudden Law of the Lariat (Mizo Version) 9

SUDDEN LAW O’THE LARIAT
CHAPTER-9
Severna chuan mahni maia vah vel a phal tlat loh avangin Phili chu a lungawi teh chiam lova. Mahse Larrya nen ni thum vel an inzui chhuah hnuah chuan pawi a ti tawh lo hle a. An pahnih chuan an la tleirawl dun bawk a, an titi sawi duh zawngte pawh chu a inang hle zel a, sakawr chung chuanga an vah velna ah te pawh chuan an hlim dun hle thrin a.

Sakawr atanga an chhuk apiangin Larrya chuan a rifle chu a keng ve ziah mai a, chu chu Phili chuan tul lo ti niawm tak hian, hlauh tur engmah a awm ka ring lo, mahni pawhin ka him tawk thovin ka ring, i tan a hun khawhral thlak mai mai niin ka hria,” Larrya hnenah chuan a han ti a, Larrya chuan awmze nei deuh fe hian, “Chu, lo kal lo zawk se min tihna em ni?” a lo ti deuh ha a. Chutih lai tak chuan an mit leh mit chu a intawng hlauh a, Phili chuan engtin emaw tak a ti deuh huih hian a inhria a, a biang te chu a lo sen tawn tawn mai a, chutah engmah pawh sawi lovin a sakawr Lakam chu Larrya chuan a rawn man leh ta nghal a.

Phili chu a han hawi vel a, an piah ruam mel khat vela la hlaah chuan sakawr chung chuang paruk te chu a va hmu ve ta a. Chung mite chuan an hmai chu puan varin an tuam theuh a, Phili te chu an rawn hmuh veleh an sakawr chu an lam pan chuan an rawn tlan chak tir sauh a, Phili chuan zam tih hriat tak hian White Masks ho an ni maw? a han ti ha a. Larrya chuan an nih dawn saw, min um tum chiah pawh an lo ni lo maithei a, mahse tlanchhiat thuai chu a tha berin ka ring” a lo ti a. Tichuan an sakawrte chu Ranch in lam panin theihtawpa chak chuan an tlan tir ta nghal a.

An hnung lamah chuan au thawm a hriat avangin Larrya chu a va lehhawi a, hmaituam ho chuan theihtawpa chakin an rawn um zel a ni tih chu a hre ta a. Rei teh chiam pawh an la rawn um hmain hmaituam ho chuan an rawn umpha ngei dawn tih Larrya chuan a hre ta bawk a. A rilru chuan Sakawr an nei tha zawk si a, in chu kan thleng hman dawn lo a nih hi a ti a, mahse Phili hnenah chuan engmah a sawi duh hlek lova. Phili nen chuan a rualin an tlan dun zel a, an sakawr te pawh chu an hah hle tawh a, Larrya chu vawikhat a lehhawi leh a, a hma ai mah khan a umtute chuan an rawn hnaih tawh a, chutih lai chuan silai a han ri ta a. Amah ni lovin Phili chu an duh vanga rawn um anni ang tih larrya chuan a hre reng a.

Silai vawikhat a han ri leh a, chu veleh Larrya sakawr chu mamal lo tak hian a tek kual a, a tlu ngei dawn tih larrya chuan a hriat veleh sakawr atang chuan rang deuh maiin a zuang thla ta nghal a, a sakawr pawh chu a awp rawp a, reilote a han tal kual a, a thi ta nghal mai a. Phili chuan a sakawr chu a han pawt ding a, mangang beidawng tih hriat tak hian, “Larry an rawn kap ang che” a han ti a. Larrya chuan “Ranch lam panin tlan nghal thuai thuai rawh, reilo deuh chhung chu ka lo ti muang thei ang” a han ti a. Mahse Phili chuan “an rawn kap hlum mai ang che’nga sin ka hnung lamah hian lo zuang kai ve mai rawh” a han ti a. Larrya erawh chuan “kan chuan dun zawngin ranch kan thleng zo lovang kei chu engatan mah min ti lo, nangmah a ni an duh che ni. Ranch chu va thlen thuai tum la, tin, Severna hnenah khan theih tawk chuan ka bei ve e – tih han hrilh ang che” a han ti leh a.

Phili chuan hreh tak chungin Larrya chu a tlan san ta a, a tlansan hma chuan “Larry i thil tih hi ka hre reng ang engtikah mah ka theihnghilh ngai lovang” a ti te te a, a tlan ta nghal a. Phili sakawr chua tlan liam veleh larrya chuan a rifle chu a phawi chhuak a, sakawr ruang sirah chuan a han bawk a, a mah rawn umtute sakawr pakhat chu a kapthlu ve pang mai a, chung ho te chu Larrya awmna atanga yds 600 vela hlaah chuan an ding khawm a, Larrya chu vawi hnih zet an rawn kap let ve a. Phili pawh chu um tum awm pawhin an lang tawh lova. Pahnihte chuan Larrya chu an rawn kal hual tum niawm tak hian an sakawr chu Larrya sir tuakah chuan hla fe atangin an rawn hel phei ta a.

Larrya chuan chu chu a hmuhin hnung lam atang mi rawn leh beih an tum a ni maw? a han ti a. Mahse a tan chet sawn leh ngaihna a awm tawh silo, a chhak hnunglam deuhah chuan tlangpawng te tak te hi a awm a, chumi phen atang chuan an rawn bei dawn a ni tih larrya chuan a ring nghal mai a, Mahse engmah tih theih a neih tawh loh avangin mei a han tan kai a, a chunga thil lo thleng tur chu a nghak ta ngawt mai a. Darkar chanve zet a ral hnuin a chhak tlang atang chuan “I Rifle kha paih la, i ban phar thuai rawh,” tih ri Larrya chuan a hre ta a. Larrya chu a ding a, a rifle chu a dah nghal a, a kawnghren pawh chu a phelh a, leiah chuan a han thlauh thla nghal a, mahse ban phar mai lovin mei pakhat a han zial leh rih a, thupetu hnenah chuan “Lo chhuak ta che” a han rin tih ngawt a.

Tlangpang atang chuan hmai tuam pahnih hi an lo chhuak a rifle-a tin reng chungin Larrya chu an rawn pan thla ta a. A hmaa thu rawn petu bawk chuan “Ban phar turin ka hrilh tawh che a ni lawm ni?” a rawn ti leh a. Larrya chuan nui chung hian, “ka lo theihnghilh tawh a ni”, tunah pawh ka la hre chhuak chuang lo, engtinnge i tih tak ang?” a han ti a. Hmaituam pakhat zawk chuan, phun nang nang chungin Larrya rifle leh puakruk paina kawnghren te chu a chhar a, a thianpa chu an sakawr rawn kai turin a han ti a. Chutih lai chuan an thiante pali pawh chu an lo thleng ve a, pahnihte chu sakawr pakhatah an rawn chuang dun a, an zinga hotu ber niawm chu sakawr atang chuan a han chhuk a, tiang hmawrah hian lehkha them a tar a, chu chu leiah chuan a han vit phun a.

A thiltih dan chu mak ti takin Larrya chuan alo en reng a, chu pa hnenah chuan “Ka sakawr thlan lunga thu ziah tur i ngaihtuah te a nih chuan a hming chu ‘Bouncer’ a nia” alo ti fiam a. Chupa chuan Larrya thusawi chu chhan pawh chhang lovin, ‘Sakawr pakhatah khan phuar bet ula, pahkhatin chuanpui nghal rawh u’ a han ti a. Tichuan Larrya chu a sakawr zinah an phuar bet a, pakhat chuan a chuanpui a, Pinnacles ram lam pan chuan an kalpui ta a. Larrya chuan chuti teh chiam chuan hrehawm a ti lo, Phil thusawi hnuhnung ber kha a bengah a la cham reng a, chubakah amah phili chu him takin a tlan chhuak thei tih a hriat avang chuan lawmna tak a nei tlat ani.

Sakawr chau tawh tak mai chunga chuangin Phili chu Ranch in a lo thleng a, Severna leh chutih hun laia Ranch a awmte chu rang deuh maiin an lo tlan khawm thuai a, Phili chuan thil awmdan chu a han hrilh hlawm a, Severna chuan engdang mah sawi lovin, “Sakawr buatsaih thuai ula, in silaite pawh endik nghal rawh u,” Cowboy ho hnenah chuan a han ti a, Phili chuan “Darby Sakawr pakhat min buatsaih sak ve nghal ang che” a lo ti thuai a. Severna chuan Phili chu en reng chungin “I va kal ve chu a tha….” a han ti tan chauh a, mahse Phili chuan “Ka kal ve dawn, ka tan….” a han ti zet a, a sawi zawm theih tak loh avangin a ngawi leh ta mai a, Severna pawh chuan a hnial zawm duh ta bik lova, an vai chuan hmanhmawh takin Larrya te an lo beihna hmun lam pan chuan sakawrin an tlan chhuak nghal a.

Larrya sakawr tlukna bul chu an lo thleng dawn ta a, tah chuan , “Tah hian min lo nghak rih rawh u, min lo chang reng pawh a ni mai thei a, kan vaia a ruala kal vek chu a tha lovang” tiin severna chuan a hote chu a han hrilh a, amah chuan a kal ta mai a. Darby an “Black Barta chu ni na se kan zinga tu emaw ber hi kal hmasa turin min tir ngei ang chu” a tih ri Phili chuan a han hria a. chutih lai chuan Darbya thusawi vang chuan cowboy ho chu an lo nui a, an thusawi chu dik thawkhat hlein a hre ve a. Severna chuan duh se chuan a hote zinga tu emaw ber hi kal hmasa turin a tir thei reng tih pawh a hre ve vek a, mahse tumah tir lovin amah ngeiin hlauhawm chu ava tawn dawn avangin severna a ngaihsan phah ve hle a. Mahse chutih lai chuan a rilruah thil dang a lo lut leh a, Bartholomewa’n a lo hrilh tawh thin avangin Severna tan chuan hlauhawm engmah a awm lo tur leh ama thiante zinga va kal tur ang leka ngaihna Phili chuan a han nei leh a, chutiang lam hlir a ngaihtuah lai chuan Severna chu a lo kir leh ta mai a.

Severna chuan Larrya sakawr ruang chu ka va hmu a, mahse a zin leh a lakam te chu a awm tawh lo, Larrya pawh ka va hmu bawk hek lo, he lehkha chiah hi ka thil va hmuh chu a ni mai a rawn ti a. Lehkha chu a han chhiar nghal a, heti hian a lo inziak a.
“Severn i thian chu kan kutah a aw, nungdama hmuh leh i duh chuan naktuk chhun lai velah Skull Canyon ah lokal la, Dollar 2000 rawn keng bawk ang che, I lokal lohin emaw min tihder tumna rilru i put vaih chuan Larry hi khaihlum a ni nghal ang”

The Mask.

Chu thu inziakna chu pawisa lam chhinchhiahna bu atanga pawhthlak niawm tak hian a phek zat leh number te a inziak tel nual a, lehkha a han chhiar zawh chuan Phili leh Cowboy ho chu an lo thinrim em em mai a, an lo phun nang nang hlawm a. Severna chuan lehkha chu ngun fe hian a han en a, Ignacio ipte atanga a lehkha phawrh nen khan inang hlein a hria a. Tichuan, hreh tak chungin Cowboy te chu Ranch in lam a kir leh turin thu a han pe a. Chu veleh Phili chuan “Engmah tih i tum nange? thi mai tura kalsan ngawt chu em ni i tum,” a lo ti ta a. Severna chuan “tunah rih chuan tih theih engmah kan nei lo, an hnuhma va chhui thei tehreng pawh ni ila, min lo leh chan ang a, a pawi thui mai mai zawk ang, kan um zui mai thei tihte chu an ngaihtuah hlawm ve ngei awm si a,” a han ti a.

Phili chuan thinrim tih hriat tak hian severna chu a en reng a, a hnenah chuan “Dawihzep vang ni berin ka hria, kan mite hi i hruai ngam lo a nih chuan keiman ka hruai mai ang,” a han ti tau deuh hmak a. Severna chuan chhan pawh chhang lovin cowboy ho chu a han en kual a, anni pawh chuan Phili chu zui an tum lo tih an chet dan atang chuan an hriat theih nghal mai a. chutia ngawih reng lai chuan, “Miss Phil, kan foreman thusawi chu a dik a ni, sawt lovah kan inngaihtuah hah mai mai dawn niin a a lang, kan va hmuh theih chiah chu ka ring lo tawp a, mahse lo va hmu palh ta hlauh pawh ni ila. Larrya chu rang lutukin an khaihlum nghal mai thei asin, kan tan chet ngaihna a awm rihlo a ni berin ka hria,” Darby a chuan a lo ti ve ta a.

Phili chuan cowboy ho chu hmusit awm tak mai hian a han enkual leh te te a, tah chuan a sakawr chu a pawt her salh a, Ranch in lam pan chuan a tlan tir leh ta nghal a. An hawng kawngah te chuan Larrya hlir chu Phili chuan a ngaihtuah a, a tan nun a han pek ngam dante chu mak ti tak leh lawm rilru tak chung si chuan a ngaihtuah zawm zel a. Ranch an thlen hnuah pawh chumi zan chuan a rilru a chawl tak tak thei chuang lova, a mutna ah te pawh Larrya hlir chu a ngaihtuah zui zel a.

A tuk khua a lo var a, Phili chu pawnah a va chhuak a, Severna chuan amah chu hmuh tumin a lo nghak reng tawh a. Phili chu pawisa pek pahin a hnenah chuan “Hei hi bawng ka hralhna pawisa la awm chu a ni a, cowboy ho hlawh leh thildang mamawhte chu ka pe chhuak vek tawh a, a bang hi chu him takin lo kawl la a tha ang,” a han ti a.
Phili chuan “Engatinge pawisa hi min pek?” a han ti a. Severna chuan kalna tur ka neih kha i theihnghilh ta mai em ni? a han ti ve thung a, Phili chuan makti awm takin, “Skull Canyon ah chuan va kal i tum a ni maw? Chu tite a nih phei chuan pawisa i va mamawh awm ve? a han ti leh a. Severna chuan “va kal ngei chu ka tum a, mahse pawisa chu ken ka tum lo. Naupang chhia ka ni tawh hleinem” a tihsan mai a. Phili chuan “chuti te a nih si chuan enge va tih i tum reng reng? a han ti leh hram a. Severna chuan “Ka hre bik lo, thil awmdan in a zir zel ang chu” a ti mai a.

Chutia a han sawi zawngte pawh chuan hlim awm tak hmel hi a pu tlat reng a, a va kalna tur hlauhawm zia te chu a hai bik pawh a ni bawk si lova, chutiang thil te a han ngaihtuah lai chuan severna a lo rinhlehna chu Phili rilruah chuan a lo lang thar leh a. “Tih leh, i tan chuan hlauh tur teh chiam a awm ve lo pawh a ni ang chu, an zingah chuan thiante pawh i lo nei ve reng mai thei asin,” deusawh tak hian severna hnenah chuan a han ti leh kher a.

Chutah zet zawng hun reilote chhung severna chuan a insum theihna a hloh ve a, rum lutuk a meng chungin Phili hnenah chuan, “Hmeichhia, ngun takin lo ngaithla te, Pathianin i koki ah khan lu duhawm tak a rawn dah sak che a, a chhungah pawh chuan thluak a dah ngeiin a rinawm – chu chu hmang ve tawh rawh,” a ti ta khawl mai a. Thudang engmah pawh sawi leh tawh lovin pawnah a chhuak a, a sakawrah a zuangkai a, Ranch atang chuan a tlan chhuak ta nghal a.

Phili chuan makti rilru tak chungin severna liam tur chu a enzui reng a, tah chuan chau lutuk niawm takin thutthlengah a thu hnawk a, bang lam chu a en ta reng mai a, tun hmaa a la hriat ngai loh, tawn pawh a la tawn ngai chiah loh chu a lo tawng ta a. Chumi ni chuan a hma lam kawtchhuah chu a khat tawkin a thlir reng a, a thlir chhan a han ngaihtuah chiah pawh chuan Larrya vang a ni tih chu a hre reng a.

Aside | Posted on by | Tagged , | Leave a comment

Sudden Law of the Lariat (Mizo Version) 8

SUDDEN LAW O’THE LARIAT CHAPTER-8
Lazy M Ranch a Phili tan chuan hun te chu engemaw zawng tak chuan kal muang hle in a hriat a, a pa nungdama hmuh leh a inbeiseina te pawh chu a ni telin a zuai tial tial a.

Ranch chu dan pangaiin a kal zel a, a pa awm ta lo pawh chuan Ranch chuan chhiat phah nan a hmang chuang lo tih pawh hai rual hi a ni lova, Severna chuan a hna chu tlin hle niin a lang a… An Foreman kawt zawn a thlen laiin kawngkhar chu a lo inhawng hlauh a, duh mang lo tak chung hian inchhung chu a va bih hram a, kil khata Rifle lo intung chu a va hmu ta hlauh mai a, a phu zawk. Va luh mai hi a han tum a, mahse Severna ui chuan a lo ngur chhar chhar a, chutia ui nen an inhmachhawn reng lai chuan a hnung lamah thawm ri a hria a. Phili an lehhawi chuan Severna chuan “Min zawng em ni” a rawn ti a.

Phili chuan “zawng e, mahse i ui hian min duh vak lo a ni ang? a han ti a. Severna chuan “a lu hi han chulsak la a thian i ni tih a hre tawh ang che, a theihnghilh tawh bawk hek lovang” a lo ti a. Phili chuan hreh deuh tak chungin Ui lu chu a han chul sak a, ui awmdan chu a danglam ta nghal mai a. Phili chuan a neitupa Severna a huatna chu a zual sauh zawk ni hian a lang a, A duh ang apiang chu mi a tihtir thei zel niin a lang a, amah Phili ngei pawh chuan a thu chu zawm loh harsat tih chang a ngah tlat si a. Engdang sawi leh lovin Phili chuan “Hei hi ka pa Rifle a ni si a, heti laiah hian eng ti tiha lo awm thei nge a nih? tiin Severna chu a han zawt ta chawt mai a.

Severna chuan a chhang lawk lo, hmuh theih mai tura a silai a lo dah chhuah avangin ngaihtuah kim lo a inti rilru hle a. Phili hnenah chuan “XT Ranch a bawng kan va pek hma ni chiah khan ka chhar a ni. A hma ni khan bawng kawng chin chang lo va en thlithlai turin ka lo va kal a, chutih lai chu mi pakhatin min rawn kap a, mi rawn kaptu ruang bula ka chhar chu a ni” a han ti a. Phili chuan “chupa chu i that em Ni? a lo ti thuai a, Severna chuan “that e, ka thah loh chuan min that mai dawn si alawm” a han ti ve thung a. Phili chuan “tunge anih? a han ti leh a. Severna chuan “Mexican pa Ignacio kha a ni” a ti ta a.

Phili chuan mak ti awm tak mai hian “Ignacio maw? chu chuan ka pa chu a lo that tihna em ni ang? Engatinge a tirah khan min hrilh ve nghal loh?” te chu a la ti ta deuh deuh mai a. Severna chuan “Tul lova i rilru hahna mai mai ni dawna ka hriat vangin ka hrilh ta lo che a ni. I pa silai hi a chhar emaw a ruk emaw pawh a lo ni maithei a, a that a ni tih hriatna tur engmah a awm chuang lo,” a han ti ve thung a.

Phili chuan “Ignacio ruang chu khawiah nge a awm tak? tiin a han zawt leh a, Severna chuan “Ka hre lo, ka kalsanna ah chuan a awm tawh lo, a bo ta daih mai a ni,” a han ti a.
Phili chuan “i thusawi chu ring mai thei tur chuan min beisei hauh lovang tiraw? a han ti leh a. Severna pawh chuan “Beisei love, ka thusawi reng reng hi a engamah ring ve turin ka beisei lo reng reng che ani. A ni lo zawng hlira hrilhtu che an awm ve tlat avangin. Amaherawh chu i awih leh awih loh ngawt vangin thudik a nihna a danglam chuang lo” a ti ve ta a.

Ranch ina luh dawn tepin Phili chu a han hawi let a, uiin a pu a lo liak lai chu a va hmu kher a, Severna lakah chuan a thinrim thar leh phat a, “A va han sual em, Bartholomewa khan a lo ti dik a nih hi, Severna te hian engzawngin emaw min phiarru ngei mai, kapa a lo kaphlum a nih teh chuan an khai hlum ve hma chu ka awm mai mai lo tawp ang” a han ti a.

Severna Hope khuaa a va kal hnu ni reilote ah lehkha pakhat chu a hmu leh ta a, A lehkha te leh a thuziah kalhmang te pawh a hmasa nen khan a inang em em a, lehkha ah chuan heti hian a lo inziak a.
“BANK-AH I PAWISA I DAH CHUAN I HLOH VEK ANG,”
-I ṭhian.

Severna chuan tu rawn thawn nge ni ang tih chu a ngaihtuah nasa hle a. Darby a rawn thawn a nih te pawh a ring deuh rum rum a, A ziaktu chu hre lo mahse fimkhur a tha tih chu a hriat avangin Hope khaw lam pan chuan a chhuak ta nghal a.

Benta saloon a va thlen chuan Ridgea a lo awm ve a, an lo nui dun piap piap mai a. Ridge chuan Severna alo hmuh veleh chuan chibai a lo buk a, “Bartholomewa te ho i lo sawisak dan bent a’n mi lo hrilh zo chiah a ni” a lo ti a. Severna chuan hnunglam atang puakruka intin ngawt mai hi chu ka ngaih theih loh zawng tak a ni ve reng thin a, ka duh tui deuh pawh ani mai thei”a han ti ve a.
Benta chuan mipui hmuh laia sawisak hrep aiin Barta tan chuan a pawi thui zawk daih ang, mite lah chuan an sawi duh nasa mai si a. Tylera tak pawh khan hrehawm a ti nasa mai, a kalna apiangah mi’n Card phawh puiah an lo sawm fiam zel mai si a. Severn, engtizia nge khuaah i va rawn kal leh hma ve?” a lo ti ve thung a.

Severn chuan a lehkha hmuh chu a entir ve a, a hmaa a lo hmuh tawh chanchinte pawh chu a hrilh ve nghal a, tu rawn thawn nge a nih a, engvanga rawn thawn nge a nih pawh ka hre lo, mahse min thawn hmasak pawh khan a sawi dik tawh avangin tunah pawh hian a thu ang hian tih tum ka ni a. Bank chu tunge a enkawltu tiin a han zawt nghal a. Benta chuan “a neitu an manager Rapsora hi a ni ber ang. He khuaah hian a lo awm rei ve hle tawh a, pa tha tak pawh niin ka hria. Mahse Bank-ah chuan pawisa tlem ka dah ve a keipawh ka la chhuak ve nghal teh ang” a lo tia. Ridge chuan “keipawh ka la chhuak ve ang, a nih leh Severn White Masks ho chuan an lo ambush che ni maw?” tiin a lo zawt ve a. Severn chuan “kawng lakah mi pahnih hmai tuamin min lo tiding zawk a ni ber a, engmah pawh min laksak lo, heng lai velah hian slick hming pu hriat in nei em?” tiin a han zawt let ve thung a.
“Hmanah chuan mi pakhat Slick Renny tih barta’n a ruai thin mahse kumkhat zet a ni ta a hmel kan hmuh loh na chin” a lo ti a. Severna a pawh chuan a zawt chhunzawm duh ta bik lova.

Chumi hnu chuan Severna te chu rei vak lo an la thu khawm a. Ani chu Ranch lam panin a chhuak ta thuai a, a hmanhmawh vak lo bawk a, Ranch a va thlen chuan khua a thim dawn tep tawh a. Sakawr huang bulah chuan cowboy hote chuan an sakawr zin te chu an lo phawk vel mek a. Chutih lai chuan ralkhata sakawr tlan ri chu an hria a, alo tlanna lam chu an va hawi phei a. Sakawr chungchuang chu lo hnai zel a, Bones chuan Gentle Annie a nih saw, mipa hlauin a lo tlan a ni ngei ang a han ti fiam a, midangte chu za fe hian an lo nui hak a. Linley chuan an bul a lo thleng a, “engtizia nge Annie. i va han hmanhmawh ve min an rawn um che em ni? tiin an lo zawt fiam vel a. Linley chuan lu a thing mai a, chutah Laryy bawk chuan “i hmanhmawh thlawn a nih chu chaw ei an la peih hleinem” a lo ti leh a.

Linley-a chuan sakawra thu reng chungin a thiante chu a han enkual vel a, “hrilh tlak pawh in nih hlawm loh hi, tute tak chu tel ve ang maw?” a han ti a, engmah sawi chiang duh silo chuan a ngawi leh ta mai a, Severna chuan Gentle i sawi thuai loh zawngin i thiante hi i ngam leh si lovang e, a lo ti ve ta a. Linley chu a nui mai a, thudang engmah sawi chuang lovin, Hope khua Bank kha an rawk a, Rapsona pawh an kap, ti chauh in a han dawi chhuak ta a. Cowboy ho chuan chanchin chiang lehzual hriat chakin linley a chu engemaw an lo zawt ta sup sup a, mahse chutih lai tak chuan ṭin chhe vuak ri, Jonah chuan chaw ei a hun ta e tia a rawn hriattirna ri chu an hre ta nghal a. Severna chuan “Tirawh u, chawei in kal ila, chaw kan ei laiin Linley hian thil awmdan chu chiang takin min hrilh dawn nia,” a lo tia. Tichuan chaw ei chu an pan ta dial a.

Chaw an eikhawm lai chuan Linley chuan hetiang hian thil awmdan chu a sawifiah ta a
– “Chawhnu her hret, Cowboy hovin ‘Zu tum thum in hun vel’ an tih ang hun laiah Hope khaw hmawrfem deuh a Bank in kawtah chuan Cowboy 3 hi sakawr atangin an chhuk a, an 3 chuan Cowboy inchei pangai vek in an inchei a, lukhum hniam fe hian an khum a, an hmai chu puan varin an khuh theuh bawk a. Silai an keng theuh bawk a, 2 te chu Bank chhungah chuan an lut a, 1 chuan pawnah a lo nghak a.”

“Bank chhunga han lutte chuan Manager chauh a awm tih an hriat chuan puakrukin an tin ta nghal a, Manager chuan “Enge in duh?” tiin a lo zawt a, pakhat zawk chuan, “I neih zawng zawng, rang takin,” ti chauhin a chhang a. Manager chuan hnial chi an ni lo tih a hriat avangin pawisa dahna thingrem chu a hawng ta a. Chutih lai chuan rukru pakhat zawk chuan savun ip a rawn khai chhuak a. ipah chuan a khatin pawisa chu an khung a, chutia an tih vel laite chu Rapson-a chuan mangang tak leh tihngaihna hre lo tak chungin a lo en reng a. A neih zawng zawng a chan vek dawn tih a han ngaihtuah meuh chuan a tuar zo ta lo a ni ang, a rilru chuan an Cashier pa dawhkan hnuaia puakruk awmte chu a han hre chhuak a. Vawikhat tal a hmeh puah hman chuan puitu an lo kal maiin a ring a.”

“Rukru te chuan Rapsona chu an lo en ngun vak lo bawk a, tichuan ani chu zawi zawin a hnungtawlh hret hret zel a, rukru pakhat zawk chuan safe ah chuan pawisa a la awm em tiin a en mek a, a thianpa erawh chuan pawn lamah thawm a hriat avangin a han hawi sawn lawk a. Chutih lai chu hun remchanga hmangin Rapson-a chuan dawhkan chu a va pan hnai thuai a, pawhdawh atang chuan Puakruk chu a la chhuak a, a han hmetpuak hman a, rukru te chu kahhlum tum ni lovin, pawn a mite hriat atan tia Puakruk chu hmet puak mai a ni zawk a. Rukru pakhat chu a inher thut a, Rapsona chu hmun leh hmun atang chuan a kap ta pawp mai a. Rapsona chu chhuat laiah chuan a tlu nghal a, rukru te pawh chu an tlanchhe thuai a.”

“Inchhunga puakruk kah ri a hriat veleh pawna rukru pakhat lo awm chuan a Rifle a phawrh chhuak a, tukverh atanga thil hriat tum ni awm tak, mi pakhat lo dak chhuak lai biangah chuan a va kap thawi thuak mai a. Chupa chu rang deuhin inchhungah a tlum lut leh ta a. Chutia silai a rik tak chhan avang chuan khuaa mite pawh chu pawnah an lo chhuak khawm a. Bank atanga mi pahnih tlanchhuak lai chu an rawn hmu ve nghal a. Pakhat zawk chuan savun ip a khai nghe nghe a. Rukru te chu sakawrah an zuangkai thuai a, khua atang chuan hmanhmawh takin an tlan chhuak ta a. an lo hmu tute pawh chuan engmah anti hman ta lo a ni.”

“Linley-a chuan “Heng lai ram velah hi chuan Hope khua mipui tluka thinrim mihring hmuh tur an vang viauin ka ring a ni. Rapson-a chu a thi lo, mahse eng a an dawn erawh Desert Edge khua atanga Doctor a lo thlen phawt loh chuan engmah a hriat theih rih loh” a han ti zui a.

“Severn-a chuan “Khuaah chuan Bartholomewa a awm ve em?” tiin a lo zawt a. Linleya chuan, Darkar chanve hnu velah khuaah chuan sakawrin a lo tlan lut a, a thinrim nasa mai leh nghal. Sheriff Tylera pawh chu White Masks ho a man theih loh avangin a vau hrep bawk a. Bara sawi dan chuan a hma niin Bank ah chuan pawisa Sangnga lai lo dah ve niawm in a insawi a, chungte pawh chu rukru ho chuan an ru bo ta vek a nih chu. Khua atanga ka lo chhuah dawn lai kha chuan Barta chuan mi a pun khawm mek a, rukru ho chu a va hmuh phawt chuan nung chunga hem hmin vek tum niawmin a insawi nghe nghe kha mawle a han ti leh a.

Linleya thusawi ngaihthlatute chu an tawng ta nuai nuai a. Chutih lai chuan Severna ve thung chu a ngawi reng a, lehkha rawn thawntu chu tu tak ni ang maw – tiin a ngaihtuah neuh neuh a. A rawn thawntu chuan Hope khua a Bank chu an rawk dawn tih a hre lawk chu a ni phawt mai a. Tu tak chu ni ang maw? chutiang thil hlir ngaihtuah reng chungin a pindanah chuan a kal ta a.

Rei pawh a la awm hmain Larrya chu a lo lut ve ta a. I kal hnu khan kan vaiin kan inhmu khawm a ngaihdante kan sawi ho a Banka i pawisa dah i hloh tak avanga harsa deuh turte i nih chuan hlawh chu kan la rih lo mai ang a, i remchan hun hunah min la pe mai dawnnia tih thu hi rawn sawi turin min tir ta ani. Severna hnenah chuan larrya chuan a rawn ti a.

Severn-a chu a nui sak a, a hmelah chuan a hote thil rawn tih dan chuan a rilru a khawih hle a ni tih pawh a lo lang chhuak nghal a, Larrya hnenah pawh chuan, “In thil rawn tih dan chu ka lawm ngawt mai, mahse, pawisa chu Bank atangin tukinah khan ka la chhuak vek asin,” a ti ta a. Larrya chuan mak ti tak maiin i lo la chhuak a maw? a va han vanneihthlak kher ve le, a han ti chiam a. Mahse Severna chuan “ka vanneih vang ngawt a ni lo, hei hi han en ve mah teh,” tih pahin a ipte atang chuan a lehkha hmuh chu a phawrh chhuak a, Larrya chu a entir ve ta a. A lehkha hmuh hmasak zawk pawh chu han entir pahin a hmuh dante chu chiang takin a han hrilh ve nghal a.

Larrya chu a han faifuk raih a, ”A mak hle mai a, khawi laiah emaw vengtu Angel tha tak i nei a ni phawt ang,” Jim, i mamawh viau reng e, tunge nia rin deuhte i nei em? a han ti a. Severna chuan, Darbya a rinhleh deuh thute chu a han sawi a, mahse Larrya chuan Darbya chuan Barta chu a haw hle pawh a ni mai thei.Mahse, chu chuan White Masks ho nen inzawmna engmah a nei chuang si lo, chu lo rengah hlawh nghak rih tura rawtna pawh kha Darbya sawi chhuah a ni nghe nghe a sin a lo ti a.

Severna chuan, ”A tua pawh chuan min rawn thawn ni ta se, mi thawntu chungah chuan ka ba nasa hle a nia, ka leibat chu ka rul ṭhin,” a han ti zui a. Larry-a chuan, ”Rulhna hun remchang tak pawh chu i la hmu mial mahna, engpawhnise, i Angel pawh chu mihring a lo ni ve mai thei a, a chang chang chuan a lo muthlu ve mai thei asin,” a han ti leh hram a. Severna chuan, ”Ka chunga thil lo thleng chu engpawh nise, theihtawp chhuaha beih zel ka tum phawt a. Tin, i thiante hnenah pawh chuan an chunga ka lawmzia hi han hrilh la, an thil rawn tih dan hi engtikah mah ka theihnghilh lovang tih han hrilh nghal bawk ang che,” tiin Larry-a chu a chah ta a.

Phili muhil lo thangharh chuan a khum bula mihring ding reng chu phawk fe hian a han en a. Tawng pawh a tawng chhuah hmain inchhunga mi chuan “Bengchheng miah lo la, i na lo mai ang,” a lo ti ta a. A aw atang chuan tunge a nih phili chuan a hre nghal mai a, chuvang chuan “Geevor enge ni i duh? eng ti tiha ka pindanah….?” a han ti hman chauh a, Geevora chuan “min vau ringawt chu i tan sawtna engmah a awm lo. Pawisa chu khawiah nge a awm min hrilh mai la, ka kal leh nghal mai ang,” a lo ti ta thuai a. A thusawi chu Phili chuan a hrethiam meuh lo tih a hmelah chuan a lang nghal a, chuvangin Geevora pawh chuan “XT Ranch hnena in bawng hralhna man, Dollar sanghnih kha mawle, Bank an rawk hma chiah khan Severna’n a la chhuak tih ka hria a, Bank kha an rawk dawn tih engtingnge a hriat theih kha a mak viau nghe nghe a ni” a lo ti leh thuai a.

Phili chuan “Severna’n a la chhuak a nih te chuan aman a kawl ang chu, engmah ka hre ve hleinem” a han ti a. Geevora chuan “a kalna pianga a ah zel ka ring si lova, chuvangin i kawl a ni ngei ang” a han ti leh a. Phili chuan “Misualpa, pawisa chu khawiahnge a awm pawh ka hre lo, hre mah ila ka hrilh bawk hek lovang che” a ti ve ta hmak mai a. Geevora chuan “chuti a ni dawn maw? kan hre mai ang chu,” a han ti deuh hmak a, Phili koki ah chuan a va tham ta thut mai a, Phili chu a lo tal deuh avangin a kawr hak lai Geevora chuan a han pawt vak mai a, Phili mutkawr chu a thler ta a, a kawr tet kara a taksa lo lang Geevoran a han hmuh meuh chuan thildang a ngaihtuah chang ta mang lova, Phili chu a ban leh thuai a, fawh mai tumin a han kuah bet dawn a, mahse Phili chu theihtawpin a lo inveng ve a, chutia an in beng be rek buai lai chuan a thaw rim atangin Geevora chuan zu a in a ni tih a hre thei ta a.

“I thiltih dan hi Bartholomew an a hriat hun chuan a sawisa nasa ang che mawle,” tia vau pahin Geevora hmaiah chuan a tinin a ham ta vak mai a, Geevora chuan Phili chu a thlah a, thinrim deuh maiin, “I va han kawlhsen reuh ve!! Ṭawng chhuak leh ngai tawh lo turin kan siam nghal law law teh ang che” a ti ta a. Thildang zawng chu theihnghilh in Phili tihhlum tum in a bei ta a, a kut dinglam in a kawngbawra a chemte pai chu a han phawi chhuak a, Phili chu chiu mai tumin a han lek ta uaih mai a. Phili chuan chemte a han hmuh meuh chuan thi ngei dawn hian a inhre tawh a. Geevora hmel pawh chu tualthah duhna hlirin a khat tawh bawk si a, chutih lai tak chuan kawngkhar atangin puakruk a lo ri a, Geevora chemte lek uaih tawh chu a eu awrh a, makti awm tak hmel pu reng chungin chhuat laiah chuan a tlu ta nghal a. Phili pawh a te thawt a, khumah chuan a tlu ta hnawk mai a.

Severna chu ngawi rengin inchhungah chuan a lo lut a, khuma Phili tlu reng pawh chu en chuang hauh lovin chhuat laia Geevora chu a ke pahniha vuan chungin pawnah a hnuk chhuak ta mai a, inchhunga a lo luh leh meuh chuan Phili pawh chuan kawr dang a lo ha leh hman tawh a. A hnenah chuan “A tina hman lo che maw? tiin a zawt thuai a. Phili chuan engmah sawi lovin lu a thing ringawt a. Severna chuan “Hlauh tur engmah a awm tawh lovang, amah chauha lokal a nih ka ring, mahse in vel hi chu ka ventir vek tawh tho ve” a han ti leh a.

Chhuatlaia chemte tla chu Severna chuan a la lawk a, engmah dang pawh sawi leh tawh lovin pawnah a chhuak leh ta mai a. Kailawn bulah Dinah-i chuan thlaphang hmelpu tak chungin Geevora ruang chu a lo en reng tawh a, silai ri kha a hriat avangin engtizia nge ni ta tiin a pi awmna lamah chuan chhoh a lo tum ve mek a. Severna chuan “I pi pindanah chho thuai la, lo han awmpui rawh” tih pahin Geevora ruang chu a koki ah a pu lawk a, a lo luhna tukverhah bawk chuan a chhuah pui leh ta nghal mai a.

A tuk zing chaw eikham lokir chu a pindan bulah Severna chu Phili chuan a lo nghak reng tawh a, “nizana min tanpui avang khan lawmthu hrilh che ka duh a,” a lo ti a. Severna chu zak awm tak leh nuam ti lo tak hmel hi a pu nghal mai a, Phili hnenah chuan Lawmthu sawi a ngai lo, a han ti a, chu bakah pawh a thawh tur ve reng a ni tih thu te chu a sawi tel nual a, Phili chuan Nizan khan engtizia a lo thleng ve thei nghal mai nge i nih chu le? a han ti leh a.

Severna chuan Ranch in lam pana mi pakhat kal lai niawm tak kha ka hmu a, ka rawn zui ve ta nghal mai a ni, a han ti zet a, chutih lai chuan a ui chu a bulah a lo kal kher a, Quirta hnenah hian lawmthu sawi i ba ber zawk a ni, a mah hian min tiharh lo sela chuan….” a han ti leh tan chauh a, Phili chuan chuti a nih chuan ui i rawn hruai ta kha lawm hle tur ani tihna a nih chu a lo ti thuai a, Severna chu nui sak a, a han nuih meuh chuan a hmelte pawh chu dang lam ta vek hian a hriat a.

Phili hnenah chuan tun tum hi a thil tha tih vawikhatna pawh a ni tawh lo nghe nghe a, chuvangin Quirta chungah hian lawmthu sawi kan ba ve ve a niin ka hring, a han ti ve a. A pindan chhunga rul an rawn vawm luh thute chu phili chu a hrilh ve ta a. Phili chuan a va han sual thlak em!!! chutiang khawpa thil sual ti duh chu dam tlak pawh a nih chiah loh chu a lo ti a. Tah chuan “tunge a titu chu i hria em?” tiin severna chu a han zawt leh a. a ni chuan “Hria e, Ignacio kha a lo ni reng a,” tiin a chhang a.

chuveleh phili awmdan chu a lo danglam leh thut a, Severna hnenah chuan “Mi pakhatin min hrilh dan chuan Ignacio hi a kal bo daih tawh niawm in a sawi a,” a lo ti leh a, Severna chuan “A dik thawkhat bawk ang chu, mahse a sawi nep deuh hlek a ni ka hrilh tawh che ang khan a thi tawh a lawm” a han ti ve thung a. Phili chuan “a thi tawh tih chu i fiah thei lo ani lawm ni” tiin a han zawt leh kher a, Severna chuan “thei love, mahse ka thusawi chu a dik a ni” ti chauh in a chhang mai a.

Engemaw chhung chu an ngawi dun vang vang a, a thusawi chu phili chuan a ringhlel a ni tih severna chuan a hre reng a, severna’n a lo chhan vanga a chunga a lawmna pawh chu a chuai sawt hle tih pawh a hre bawk a. Mahse severna chuan thu dang daih, “inah hian mahni chauh chuan awm tawh lo la thain ka ring” a han ti a. Phili chuan “Dina hi ka awmpui reng tho a, a pasal pawh” a lo ti thuai a.

Severn-a chuan “I duh leh Quirt hi i riahpui dawn nia,” a han ti leh a. Philichuan chhan leh mai hi a han tum a, mahse a chhan hman hmain Severn-a hmel chu a va en kher a, lo danglam leh ta daih hian a va hmu a, a han hawi thui deuh a, Ranch in kawta Sakawr atanga Bartholomew-a chhuk lai chu a va hmu ve ta a. Tah chuan, ”Ka lawm tak zet a ni, Quirt-a chungah pawh,” a han ti sap a, inchhungah chuan a lut ta nghal a.

Aside | Posted on by | Tagged , | Leave a comment

Sudden Law of the Lariat (Mizo Version) 7

SUDDEN LAW O’THE LARIAT CHAPTER-7
A pindan chhung thutthlenga thu chungin Bartholomewa chuan mei a han tan kai a. Pindan chhung chu a han en kual vel a. Chumi ni chuan a pindan ṭawp te pawh chu a ngaimawh thar hle a. A hma lam chuan pawi a lo ti vak ngai mang lova, Phili chu neih a, Lazy M Ranch ina insawn mai chu a lo beisei rilru thin a, mahse tunah chuan chu chu a beisei awm ta lo hle hian a hri a. Lazy M ho chuan Foreman thar an neih bakah an pu, Mastersa chu a bo ta daih bawk si a. Masters-an thurochhiah a siam a, Phili kum tlin hma a pasal neih a rem tih sak lohna chhan te pawh kha a hrechiang em em bawk si a.

Chutia a ingaihtuah lai chuan Pentona chu a lo lut a, “engtizia nge ni le, Bart? Phili kha Desert Edge ah ka hmu asin,” Bartholomew a hnenah chuan a rawn ti a. Bartholomew chuan “A Pa’n tirawh a tih angin Judge Embly hmu turin a va kal nih kha. Kan masters mi aa pa lah chuan Phili enkawltu atan Emblya chu a lo ruat khanglang a, a remtihna lo chuan Phili’n engmah tih theih a nei ta bawk si lova,” a lo ti a. Pentona chu a faifuk raih a, “chuti chu, in la innei thei lawk dawn lo tihna a va ni mai awm ve? Phili chuan Emblya remtih lohvin nei lui ta che sela engtin nge ni ang?” tiin a han zawt a. Bartholomew chuan thinrim deuh maiin “Ranch hi a hloh ang a, engkim a chan vek ang” a lo ti hmuk a.
Pentona chuan, “a nih hrep tak chu, Masters chu a va han fing vervek ve mawle, Phili chu a hmel pawh a tha hle a, mahse sum tel lo chuan hmelthatna ngawt chu a famkim tawk lo deuh a ni. Lazy M hi han rochun chiah sela zawng a hmel thatna pawh a famkim deuh tur, a han ti a. Bartholomew chuan “chanchin hriat thar enge i neih? tiin a han zawt leh a. Pentona chuan “Judge chuan a hmangaih lo hle che, tih mai loh chu hriat thar engmah dang ka nei lo” a han ti a.

Bartholomew chuan “chanchinthar zuk hre thei hrep che a le, ka hnen atanga va kal i nih te i va insawi elaw?” lawm mang lo zet hian a han ti leh a. Pentona chuan “Ka hrilh kher pawh ngai lovin a lo hresa vek a ni.” “Tin, Severna chanchin chu ka han sawi tan dawn chauh a, ‘Severna chanchin hre duh te i nih chuan heng heng a lokal a ngai hleinem, in bul hnaiah amah severna ngei pawh a awm a, zawt la ni mai lawm’ mi lo tihsan mai si a,” a han ti a. Reife a han ngawi leh rih a, tah chuan “Desert Edge khuaah chuan Severna chanchin hria an awm manglo, Judge hmu turin a kal zeuh zeuh a, mahse khawi atang lokal nge a nih hria an awm lo,” “tin mikhual pakhatin Fallana a kap hlum tih thu kha i hre tawh emaw? a kap hlumtu kha severna hi a lo ni reng alawm. Sawi buai theih engmah pawh a awm lo, sawi buai tum pawh an awm bawk hek lo. Fallena khan hmangaihtu a ngah teh chiam lo, a boral ta mai pawh kha a leibatna te chauh lo chuan pawi ti an awm lo. Engpawh nise amah hi a kal hmasa ber chu a ni phawt mai” a han ti leh a.

Bartholomew chuan “enge maw i sawi tak daih chu le?” a ngaihna hre mang lo tak hian a han ti a. Pentona chuan hmanhmawh lo fe hian, “ka tum chhan chiah pawh hre chuang lovin, Forbya in hmun lam kawngah khan ka lo hawng a, Forbya kan khaihlumna thingkung ah khan mi pakhat a lo inkhai reng mai a. Chu pa chu thingkung atang chuan ka han la thla a. Ignacio kha a lo ni reng mai a. a nghawngah an kaphlum zeta thingzarah chuan an khai leh ta tih a hriat nghal mai a. An sawisak dan kher chu a mak viau a ni. Mak i ti ve em?” Bartholomew a chu a han zawt a, ani chuan chhan pawh chhang lovin a lo rum nghut a.

Pentona bawk chuan “Thingkunga 4B inziahna chungah khan hmun hnihah thar zetin a lo inrek leh tawh bawk a. Tin, Fallana leh Ignacio te chu kan thiltihna a tel ve ve kha an ni a, tichuan mi 5 kan la awm a, Kei, nang, Darby, Devint, leh Geevora te; kan zinga tu ber hming hian nge thing kung chu reh a nih leh dawn tih chu ngaihtuah tham tak a ni” a han ti leh a. Bartholomew chu za lo zet hian a han nui a, “I zam leh lutuk a, thil hmuh sual te pawh i ṭan a nih chu. Kum sawm zet a ni tawh a, chumi chhung chuan kan zinga mi tupawh boralna hun chu a awm tho alawm. Han ngaihtuah chiang la, Ignocio kha pa langsar lo tak leh hmelma ngah tak a ni a, amaherawh chu a thattu in khami thingkung kher kher a, a lo khai kang erawh chu a mak deuh hlek pawh a ni mai thei. A khai a, ngaihtuah thui vak lo teh ang, a aia pawimawh zawk ngaihtuah tur a awm; Severna chuan Ridge a hnenah bawng chu a va hralh tawh a, a man pawh him takin a thlen leh tih thu ka lo hria a, chuti a nih chuan Lazy M ah chuan thuneitu ah a thu nghet hle tawh tihna a ni si a, engtinnge kan tih tak zel ang?” a han ti a.

Pentona chuan “Shady hi a phawirang bawk a, Hope khuaah hian hmel hriat a nei lo bawk a, kan tirh a ni tih pawh hriat chhuah harsa tak a ni dawn a, chuvangin severna that tur chuan tir mai la, a tha lawng maw” a ti ta a. Bartholomew chuan “Shady hi chu a phawi rang ve hle a, mahse severna chu a tluk dawn em ni? a thah mai chuan a uihawm viau dawn bawk si a” tiin pentona chu a hnial a. Pentona thung chuan Shady chu lo phawi rang lo deuh zawk pawh nise fair taka inbeih tir kher a ngai heinem, khaw chhungah te chuan thu i nei ve bawk a, chuvangin i thil tih theihna i hmang mai ang chu a lo ti leh a.

Pentona rawtna chu Bartholomew chuan a han ngaihtuah vung vung a, “i sawi ang chuan ti ila a tha ang. Severna hneh theih dan tur chu keiman ka lo ngaihtuah ang. Tin, Mastersa bo dan ah hian severna hian thil hriat engemaw a nei niawm takin lo sawi kual vel la a tha ang” a han ti a.

Chawhnu tlailam deuh hlek tawhah Hope khuaa an Bank kawtah chuan Severn leh Larry te chuan an sakawr tiding in Bank ah chuan an lut a, Dollar 2000 zet Bank ah chuan an dah lut a, an chhuak leh ta mai a, bentona Saloon lam panin an kal leh ta zel a. Saloon chhung an va luh chuan Benta chuah lo chu tumah midang pawh an lo awm ve lova, severna te chu a lo hmuh veleh in tur te a lo pe sawk sawk a, “in dam zel maw? enge Lazy M chanchin” a lo ti luam a. “Ridge a Ranch thlenga Bawng i va khalh theih dawn leh dawn loh thuah te an lo inchawi nak nak asin, i theih loh ring an tam zawk nghe nghe a,” a han ti leh a, Severna chuan Benta a thusawi chu a chhang lo nain a beng lut zawng tak a ni a.

Severna te thiandun chu Ranch mamawh thil lei turin Callahana dawrah an lut leh a. Mahse Callahana chuan “Masters-a thil rawn leina ber chu kan ni a, mahse engmah leitir tawh lo tur chu u in min hrilh tlat a,” a lo ti a. Severna chuan “chuti te a nih leh Wintera kan va dawr anga ni mai alawm” tiin dawr neitu hming dang chu a han sawi a, Callahana chuan “ngawi rih teh, Barta chuan thu min pe tih thu ka sawi mai a nia, zawm ka tum tih thu ka la sawi heinem” a han ti a. An thil mamawh te chu a tuka rawn thawn turin an hrilh a, dawr atang chuan an chhuak leh ta a.

Mugera saloon Come Again chu a awmna khaw tet ngaihtuah chuan ropui ve tak hi a ni a. Saloon chhung a thutthleng leh dawhkanin a khat a, kil tinah chuan darthlalang lian fe fe a inhung thluah bawk a, bar sei fe mai chu a inhung a. Bar hnung lamah chuan zu um a inhung tlar tuarh mai bawk a. Severna chu amah chauh in saloon ah chuan a va kal ve a, Bar ah chuan a va ding a. Saloon chhungah chuan mi an tam bawk a, severna chuan chung mite chu muang changin a han thlir kual vel a. Severna sir leh lamah chuan Bartholomew leh Pentona leh Martina te chu an ding hova, reilote ah martina chu a chhuak leh ta nghal mai a. Saloona a luhna chhante chu a han ngaihtuah a, Bartholomew a leh a hote chen khawmna ber a ni tih pawh a hre reng si a, chuti chung pawh a akalna chhan chu thil pawimawh engemaw te hriattur a awm palh tak hlauhvin tih thu mai mai vang a ni ber a. Larry a pawn ho a tih em vangin a kalpui ve duh ta lo kha ani nghe nghe a, mahse a han hawi vel chuan Larrrya lo lut lai chu a va hmu hlauh va, a nuih a za rilru hle a.

Hmun ralmuang lova awm thangte chuan thil hlauhawm lo thleng tur hriat lawk theihna mak tak an nei thin a. Saloon chhungah chuan rei pawh a la awm hmain severna pawh chuan thil engemaw lo thleng tur awm nia hriatna mak tak chu a nei ve ta mai a. Bar dawhkan a sir zawng deuha ngheng chung in severna chuan Bartholomewa te pahnih chu a en ru deuh reng a, buaina engemaw pawh lo thleng se chu mite pahnih chu a chawk chhuaktu an nih ngei a ring tlat a, a ngaihtuahna chu a dik thawkhat hle a, mahse Bartholomewa fin kherek zia a la hre chiang lo deuh a ni.

A kawr awma Sheriff chhinchhiahna badge chiang fahrana intar chungin Sheriff chu a lo lut a, a hnungah chuan Martina leh midang pakhat in an rawn zui lut nghal bawk a, anni pahnih chuan Bartholomewa te awmna chu an pan nghal a, chu veleh bart chuan Bar nghaktu hnenah chuan “In tur min han peh teh, Sam” a han ti a. An panga chuan Bar bula an din ve tak avangin Severna a chu insaseng tumin a han hnungtawlh deuh a. Severna chuan a hnunglamah ding an awm tih pawh chu a la hre lova, chupa bul lawkah chuan a va ding ta a, chutih lai chuan no tla keh ri chu a han hre ta mai a. A hnung lam atanga “Bawng veng, mi nikhua lo lutuk, mi tihbuai lova awmdan ka han zirtir ang che,” tih ri severna chuan a hre ta a. Chutihlai la la chuan a hnungzangah Puakruk ngulin a rawn hawlh reng tawh a ni tih pawh chu a hre nghal a, “I chet hlek chuan ka kap darh vek che a ni nghal mai,” awm chuan a han ti zui a.

Severna chu a din ngaiin a ding reng a, a inring lo lai an nangching ani tihpawh chu a hre chiang hle a, a rawn vautu chuan a ti mai mai lo ani tih pawh chu a hre chiang em em bawk a, han che hlek se chuan thih pawh a thi nghal mai dawn reng a. Chutih lai chuan “Che suh, Pathum ka chhiar thlen hmaa i puakruk kha i paih loh chuan ka puakruk hi ka hmet puak a ni nghal mai- Pakhat-Pahnih tih ri chu a han hre leh ta a. Severna puakruka tintu chu a han lehhawi a, a hnung lamah chuan tlangval pakhat hian amah chu a rawn tin ve reng tawh mai a. A rawn tintu hmel chu a rum em avang leh ti mai mai hmel a put loh em avangin a puakruk ken lai chu a thlauh ta a. chuveleh amah tintu chuan “Khaile.. Don a ha ka phawisak ta bawk a, i duh duhin han che ve tawh teh” a han ti a.

Chuveleh Severna chu rang lutukin a inher a, a inher pahin chu pa khabe ah chuan nna lutuk tak mai hian a han hnek ta a, a hnek na kher bawk a, chupa chu a leng phei nawlh a, an piah lam a, dawhkanah chuan a va inbang kuai ta reng mai a. Severna chuan puakruk pahnih chu phawi mai inpeih rengin a kut a thlak thla a, chupa chu a va pan hnai a, mahse sheriff chu a rawn inrawlh ve ta a.

Aw ring zet mai hian sheriff chuan enge ni tih i tum chu le? heti laiah buaina i rawn siam a, mi zahawm tak takte i rawn khawih vel a, engtih tih tur….? a han ti hman chauh a, Severna chuan “Sheriff i inngaihlu lutuk deuh a nia nge? eng teh chiam han ti thei tur hmel pawh i put loh hi mawle” a lo ti a, inchhung amite chu an lo nui huk a, chu chuan sheriff chu a ti thinur zual sauh a. Severna bawk chuan , “hepa hi i thian a ni ang tih ngaihna ka lo hre lo bawk a ni” a han ti leh a.
Sheriff chuan ka thian a ni awzawng lo , amah hi tun hmain hmuh pawh ka la hmu ngai bawk hek lo, mahse dan kengkawhtu ka ni….? a han ti leh a, severna chuan hmusit tih hriat tak hian i rawn in rawlh tlai lu deuh a ni lo maw? He pa hian puakruka ka hnunglama mi rawn tin lai kha chuan chirhdiak hlawmkhawm ang mai khan i awm mawl ve ringawt a, mi rawn tin laite pawh kha i hmu ve reng tho si a, a han ti leh a.

Sheriff chuan a ke i rah sak a, a no dawm lai i tihbuak luih sak bawk a, ka hmu ve reng che alawm, lo kap ta che pawh nise i chawh ka ti hle zawk ang a han ti vel leh a. Severna chuan inchhunga mite chu nui chungin a han enkual zet a, tah chuan “sheriff i mit a dik meuh tawh lo a nih ka ring, Doc entir thuai la a tha ang, chuti lo chu i la buai thui phah viau ang tih a hlauhawm” a han ti zet a, chumi hnu chuan thu tak zet mai hian, “Sheriff leh Marshall hi ka lo hmu ve zeuh zeuh tawh thin a, ka hmuh zingah chuan a lak tlak loh ber i la ni. he khuaa mite hian engvangin nge laiking tur nei chu va man a, a awm a sheriff badge an lo vuah sak ngawt mai hi mak ka ti viau a ni” a han ti a.

Sheriff thinur lutuk chu a dang nghal sawp sawp mai a, a biangte pawh chu a puar deuh uk tawh hian a lang a, a men pawh chu a meng zau hlei thei tawh mang lova, a maimitchhing deuh sur tawh a, a lo entute pwah chuan laiking tur nei chi te pawh chu ang thei dawn dawnin an hria a, severna hnenah chuan thinrim tawp khawkin “sheriff hmusit takin i hau a, dan kalh zawngin thil i ti ani, a han ti ngawt a, mangang tawh tak maiin a puakruk chu phawi tum chungin i ban phar rawh ka man nghal dawn che a ni” a han ti leh a,
Severna chuan “i va han mawl tak em !!! ka duh phawt chuan i puakruk phawi hma hma khan ka kap darh vek thei che tih i hre lawm ni?? a han ti zet a, tah chuan, “ AA ni lo ve, Sheriff, rem ka han ruat pui zawk teh ang che. Lehkhaden thar hlak kan la ang a, kan phawk ve ve ang a, a phawk huai zawk chuan kal hmasak tur a ni ang a, pen hnih vela inkar hlatin kan ding anga, a phawk huai zawk chuan a phawk dawih zawk chu a kap hmasa mai dawn a nia. Chutianga khawpa hnaiah chuan nang meuh pawh hian i hlah tawh bik em lovang chu maw?? Chutia kan tih chuan i tan pawh beiseina pawh a awm ve deuh dawn a sin” a han ti a.

Chutih laia Sheriff hmel chu hmuhnawm tak a ni. Inchhunga mite chu a han enkual vel a, anni lah chuan engtin tak chhang ang maw? ti niawm tak hian amah hlir chu an lo en thup mai si a. Severna chu man tuma midang tanpuitu a sawm vaih chuan amah chu a thi hmasa ber tur ani tih a hre chiang nasa mai si a. Lehkhaden phawh ringawta nunna han dahkham mai tur chu a ngaingam chiah bawk si lo. Lo phawk ngam tehreng pawh nise a phawk dawih zawkah a tan ngei a inring tlat mai a. A han inngaihtuah vung vung a, tah chuan “Mi han vau der dan i thiam zet mai. Hemi hi vuan reng chung chuan min chona chu ka pawm thei lo tih i hrechiang hle a ni lawm ni?” tih pahin a awma Badge chu a han khawih a.

Severna erawh thung chuan I vunah a inthui bet lo ani lawm ni? a han ti zet a. “A enga pawh chu nise ka rawtna chu lawm taka i pawm nghal mai zawng ka lo beisei ngam lo reng a ni. phat mawina tur i zawng chungin ka ring reng a ni. mahse ka thil rawt chu ka ti mai mai lo ani tih hriat nan i aiah i thiante tupawh lokal se ka pawm tho ang, hemi thian hi emaw” ti chungin a hnek thluka kha a han kawk leh a, a mit erawh chuan Bartholomew a chu a en reng thung a. Bartholomew chuan dar a han chhin a, “hepa hi ka hre ngai lo tawp mai, chu lo rengah ka hmelmate chu keimah ngeiin ka bei mai thin, keima duh ve dan kawng zawngin” a lo ti thuai a.

Severna chuan nui deuh reng chungin, “Mi sawi ka lo hriat ve danin chu chu a dik hlein ka rin,” a han ti phawt, Bar enkawltu hnenah chuan,”He pa hia lo harh chhuah leh hunah mi rawn zawn hmuh theihnan ka lo awmna tur chin lo hrilh ang che,” tih pahin a inher a, inchhunga mite chu pawisa lo tih hriat fe hian a kal chhuak ta nghal a.

Khaw pawn a thlen hnuin Larry-a chuan a rawn umpha ve a, lawmthu lo hrilh a tum a, mahse engmah a sawi hman hmain Larrya chuan “Saloon chhungah khan thil kha ka lo en ngun hle a, thil zawng zawng kha an lo ruat lawk vek niin ka hria, a zu no pawh kha i va khawih sak lo reng reng a ni. Tunge a nih pawh kha tunah chuan ka hre chhuak tawh, Gunman a ni a, a phawi rang em em bawk a, a hming chu Shadewell a ni a, mahse shady tiin an ko ber thin, a reng rengah engvangin nge khatiang thil atthlak te kha i han rawt chhuah reng reng ni? Sheriff khan lo ngam ve ta tak tak se engtia tih nge i tum dawn?” a han ti ha a…

Severna chu a han nui vak phawt a, tah chuan “a dawih em a, a ngam dawn chuang lo tih ka hre tlat a ni. Sheriff kha ka tum ber pawh a ni bawk lo reng reng a. Lehkhaden phawh ringawta thi tur leh dam tur zawk han zawn ngat mai chu huaisen ngai tak a ni tih pawh ka hria, dan pangai anga hmachhawna inbeih hi chuan beiseina a tam hle zawk a ni. Saloon chhunga mite khan kan thusawi kha an hre vek a, Bartholomewa ka han cho ta pawh kha thenkhat chuan lo pawm ve mai turin an lo ring ngeiin ka ring a. Chu chu ka han duhna chhan tak pakhat pawh a ni zawk nghe nghe a” a han ti a.

Larry-a chuan,”I at-mu len vang mai maiin tul lovah i nunna hlauhthawnawm takin i siam ta ni maiin ka lo ngai asin,” a han ti ve a. Severn-a chuan,”Bartholomew-an a hming thatna a hloh tur kha kan tan chuan thil hlu tak a ni. Mihring rilru lam Psychology ngaih pawimawh a tul ber a ni,” a han ti leh a. Larry-a chuan, ”A lo nih hrep hlawm tak chu – Professor,” a ti ta deuh salh a.

Aside | Posted on by | Tagged , | Leave a comment

Sudden Law of the Lariat (Mizo Version) 6

SUDDEN LAW O’THE LARIAT 6
Lehkha chuar tawh tak maiah hian pencil in “Skull Canyon kal tlanga XT Ranch bawng pek i tum chuan i hloh vek ang….. i thian” tih ringawt hi a lo inziak a. Phili-n Desert Edge a va tlawh atang ni hnihna tukah Severna chuan chu lehkha chu a kawngka bulah a chhar a. Lehkha ipte ah a ak a, Darby chu a va zawng chhuak a. A hnenah chuan Skull Canyon ah hian XT Ranch panna kawnga awm em ni? tiin a han zawt a. Darby chuan Awm e, kawng chanve vel a ni ang. Chuti lai velah chuan XT Ranch a kalna kawng chu a peng ta a, Pinnacles lam panin kawng chu a chhuk ta nghe nghe a, a lo ti a. Severna chuan Kan hote kha hrilh la, vawiin a kal lovin naktukah hian XT bawng chu pe turin kan kal zawk ang a han ti leh a. Darbya chuan a pawi chuang hleinem a ti ve mai a, a hmelah pawh chuan hmuh tur severna chuan engmah a hre lova.

Severna chuan XT panna kawng chu amah ngeiin va hmuh a duh avangin sakawrah a chuang a, a ui nen an inzui chhuak dun ta a. XT Ranch leh Lazy M inkar chu mel sawmhnih vel a ni a, kawng chanve vel an kal lai chuan an kalna kawng chu a lo chhuk ta thut a, thing hmun a lo ni ta a, tin a ram pawh chu a lo khawkrawk ta hle a.

Kawng chhuka an kal tan lai chuan an piah hnim buk atang chuan an rawn kap ta thut mai a, an kalna lai tak chu tlema ruam deuh hi a ni a, ruam kam leh lamah chuan sakawr chu a tlantir thuai a, thingbuk zingah chuan a chhuak ta thuai a, sakawr atanga a chhuk lai chu a lukhum an rawn kap thlawk lawp a, sakawr chu a thlung thuai a, ui pawh chu a awmna ngaia awm turin a han hrilh zet a, Rifle keng chungin a langsar lai deuh ah chuan a han chhuak chho leh ta a. Hmun khuar deuh hlek hi a lo awm a, tah chuan a han bawk lut a, silaia an rawn kahna hmun nia a hriat lai chu a han kap chhin ve ngat a, a han kahna atanga Yds 20 zet, sir lam atangin amah chu an rawn chhawn leh ta a, Severna chuan amah rawn kaptu chu a lo awm sawn hman tawh ni tih chu a hre nghal mai a.

Severna chuan ‘E… i la awm maw? Khawnge trick tlem i han thawh hlek teh ang, i lo fing var teh chiam lo pawh a ni maithei asin’ a han ti a, tah chuan zawitein a hnungtawlh a, a sakawr zina hrui chu a va la, a awmna bula thingbuk bulah chuan a han thlung a, amah chu a pian deuh ah chuan a insawn phei a, kap maithei turin a silai chu a tin chhuak sa a. Tah chuan hrui chuan thingbuk chu a han pawt che laih mai a, chu veleh a bul lawk atang chuang thingbuk awmna lai chu an rawn kawp leh ta a, silai kahna hmawralo khu laih chu a hmuh veleh severna chuan rang lutukin chuti lai hmun chu vawi thum a va kap nawn ta a, reilote a han nghak leh a, thingbuk te chu a han pawt che leh thin a, mahse tumah chuan an rawn kap ta lova, amah rawn kaptu chuan bum let a tum ve a nihte a rin vangin a che chhuak duh lawk lova, vawikhat a va kap leh chhin a, mahse a reh rei tak deuh avangin sakawrah chuan a va lawn kai a, muangchangin silai lo chhuahna lam pan chuan a kal phei ta a.

A kal tumna chu a pan ding nghal mai lo, zawi zawin a hnaih phei hret hret zel a, a va thlen dawn tep chuan sakawr hram ri a han hria a, a va hawi phei a, an piah lawkah chuan mi pakhat hi bawkkhupin a lo tlu reng mai a. Severna chuan a va pan thuai a, chupa pheikhawk dinglam hnuai chu a hmuh veleh a pindan chhunga rul an rawh theh luh tuma kawtlaia hniak a hmuh pa kha a ni tih a hre nghal mai a. Severna chuan chupa chu a han kai zangthal a, Ignacio a lo ni reng maia, a nghawngah chuan silaimu luhna chu a lo kaw phur mai a. Severna chuan ‘Mastersa khan a lo ti dik a nih hi, tun chinah zawng rul man tur i vai fo tawh lovang, mi lo chang ve reng nge i nih anga, tum lawkna nei lovin min lo hmu palh mai?’ a han ti a. Ignacio ipte chu a han dap vel a, pawisa tlem, leh vaihlo lehkha them hi a han hmu a, lehkha chu a chanve pawh bun tawh hi a ni a. mahse a bung lehlamah chuan
I hun remchang hnuhnung ber
thil tih sual ching chu chhawrna ka nei lo
the masks

ti hian a lo inziak a.

Severna chuan White Masks ho pawi ka lo sawi palh a nih dawn hi, a kut ziak chu a danglam bik hle mai a, a han ti a. Lehkha chu a ak ta a. Tin, ruang bula rifle lo tla reng chu a han chhar a, a kawmah chuan tangkarua a siam perek hi P.M ti chuan an lo chhu lut a.. chu chu a hmuh veleh Severna chuan ‘Phillip Masters engtinnge kan Mexican pa hian he rifle hi a lo neih theih chu le? a han ti leh a. a ngaihna hre lo tak chungin sakwrah a lawnkai a, a kal ta zel a.

Skull Canyon pawh chu a lo thleng ta a, chuti lai hmun chu mite lo ambush na tana remchang fahran mai hi a ni a, chung lai vel chu duhtawka enchian hnuin in lam pan chuan zawiin a kir leh ta a. In a va thlen hnuin Severna chuan Larrya chu thil awmdan a han hrilh ve a, Ani lah chuan “mi aa chu a vannei chawk a ni an ti reng asin,” a lo tihsan lek fang a. Severna pawh chuan “a dik ngawt mai, Vannei lo se chuan nang pawh hian angel anga thla i neih vena a rei tawh ang chu” a han ti let ve a.

Larrya chuan “i lan theih laiin vawihnih ngawt mai maw a han kah thelh che chu, tih leh vawihnih a kah nawnna ah che chuan i zuang per hman ta a ti rawh,” a han ti leh a, severna chuan “min rawn kah lai chuan pangpar lawr tum zawngin ka muangchang bik hauh lo le,” a han ti ve a. Larrya chuan “rawn kaptu che chu tunge a nih i hria em? a han ti leh a. Severna chuan “Ignacio kha mawle, a tih veleh larrya chu a faifuk raih a, severna hnenah chuan “a ruang chu i hnutchhiah mai a ni ngei ang maw?” a han ti leh a.

Severna a chuan “hnutchhiah mai love, i pa an khaihlumna thing bulah khan ka zalh a, thingkung kha ka han kher belh hlek bawk a, an buai phah viau ang chu” a han ti a, Larrya chuan “4B hnathawh pahnihna a nih tak chu, i chungah ka lawm ngawt mai, Jim” a han ti a. Severna chuan “mai mai a, mi rawn kah vang chauh a nih kha kan hote chanchin hriat theih enge i neih le?” ahan ti ve thung a.
Larrya chuan “Geevora tih chauh loh mi dangte chu an tha em em tih ka hria, Geevora erawh chu Bartholomewa rawn tirh a nia, hmanah pawh ka hmu tawh,,” awmze nei tak hian a han ti a. Severna chuan a lo hre thiam nghal mai a. Larrya bawk chuan naktukah chuan mi engzatnge hruai i tum? a han ti leh a. Severna chuan Kei nen paruk kan ni ang a ti mai a.

A tukah chuan ZT Ranch lam panin bawng chu an khalh ta a, Skull Canyon an thlen dawn tepin Severna chuan chawlh a rawt ta a, chaw te an eikham chuan an kal leh a, tah chuan Severna a chu a hmasa fal ta a, Skull Canyon bulah chuan XT Ranch panna kawng kual lam zawkah Severna chu a peng ta a, chu chu Geevora chuan a hmuh veleh a sakawr chu a rawn tlan hnaih tir thuai a, Severna hnenah chuan Boss, kawng dik lovah i kal e, XT Ranch kalna chu heti lam zawk hi a ni a rawn ti a, mahse severna chuan ka hria lawm, heti lam kawng hi a him zawkin ka ring a ni, a lo tihsan ta mai a, chutia a lo tih pah chuan Geevora mite chu a lo en ngun hle a, pawiti hmelpu hle hian a hre bawk a.

Geevora chuan ” i thu alawm le, mahse heti lam kawng hi chu a hrehawm teh ania” a han ti leh hram a. Severna chuan “Skull Canyon lam chu nuam zawk dawnin i ring em ni?” Awmze nei fe hian a lo ti a, Geevora chu a ngawi ta a. An kalna lam kawng chu a lo nuam lo viau reng a, ram chhengchhe zual an pelh fel hnuah an kalna kawng chu a lo nuam leh ta deuh a, hmun nuam lai deuh an va thlen lai chuan puakruk vawihnih a han ri ta a. Severna chuan puakruak rikna lam chu rang deuh maiin a va pan a, Geevora’n ngaihna hre lo tak niawma a puakruk a lo en reng lai chu a va hmu ta a. A hnenah chuan Engtizia nge ni mai? Bawng te hi tihthaih, Stampede tir i tum em ni? severna a chuan thinrim deuh mai hian a va ti a.

Geevora chuan “ka puakruk hi nghet mang lovin ka hria a, siamṭhat ka han tum a, ka phawi chhuah zawng chuan a puak ta mai a ni, a ngaihdan ka hre lo hle mai,” a lo ti a. Severna chuan puakruk chu a tih luih niin a ring tlata Geevora chu rukru ho tana thawk a ni thei ang em? tih te a ngaihtuah a, tichuan Geevora chu a mitmei rilru ta reng a, reilote ah Geevora sakawr chu a lo bai leh ta nghal a, Geevora chuan “ka sakawr ke a na tlat mai, ka rawn umzui ang che u”, midangte hnenah chuan a han ti a, mahse severna chuan thinrim deuh maiin “Geevor kan rualin i kal ve ngei tur a ni. Sakawr nak hnuaiah khan i pheikhawk chhip zum kha va rawlh lo la, a ke bai pawh kha a dam nghal mai ang” a lo ti a.
Geevora chuan phat a han tum dawn a, mahse severna chuan “Lazy M kan zir leh veleh i bang nghal ang. Tunah rih chuan kan zingah hian i tel ve zel tur a ni” a lo ti ta tlat mai a. Buaina dang engmah tawk lovin XT Ranch chu an va thleng ta a, tah chuan kawng kual lama an kal chhan chu heti hian severna chuan a hote a hrilh ve ta a. Ka lehkha hmuh chu a dik lo pawh a ni maithei a, mahse ngaihthat chi niin ka hre tlat si lova, Phunnawi lova in kal zel avangin in chungah ka lawm ngawt mai a han ti a.

XT neitu, Ridge-a chuan an bawngte chu a lo lei sak fel ta bawk a, Severna pawh chuan a hote hnenah Chaw in ei zawh veleh haw leh nghal mai ula, kei chu tlemin ka la rawn muang deuh ang a han ti a. Severna’n chaw a eikham chuan a bulah Larry-a chu a lo kal a, “Kan thiante chu an inpeih tawh a, mahse kei chu i rualin ka haw ve ang,” a rawn ti a.

Severna chuan “An rual chuan haw ve la a tha ang, Geevora kha a haw tawh em?” a han ti a. Larrya chuan “Haw tawh e, darkar chanve zet a ni tawh ang” a han ti a. Severna chuan “Hei, lo hawn ang che Bawng kan hralhna pawisa kha” tih pahin Larrya chu pawisa ip a han pe a. Larry chuan pawisa chu ah bo pahin “Jim, an hriat chhuah a hlauhawm lovang maw? a han ti a. Severna chuan, “Khawvel hi hlauhawmin a khat tho alawm, kal mai la, engmah sawi lo turin i ka kha theihtawpin chip hram hram ang che” a han ti a.

Larrya te kal hnuin Severna leh Ridgea chu an la inkawm muangchang a, Severna chuan Ridgea chu rin ngam chi ni chuan a hre na a, mahgse Ignacio a kah hlum thute kha chu a hrilh chuang lo va. a hriat chian phawt hma chu ngawih rih thain a hre tlat a. khua a tlai ta bawk a, Severna pawh chu an Ranch lam panin a chhuak ve ta a. Skull Canyon chu a lo thleng dawn ta a, kawng kual lama kal tawh lovin Skull Canyon ah chuan kal tlang ve ta a. a hmanhmawh teh chiam lova, thui pawh a la kal hmain kawng sir lungpui atanga “I ban kha phar thuai la, i sakawr atang khan chhuk nghal rawh,” tih ri chu a han hre ta a.

Severna chu a han hawi chho a, thimtham zingah chuan chiang lo zet hian mi pahnih puan vara hmai tuam a han hmu a amah chu puakrukin an rawn tin reng tawh a, an rawn hmu chiang thei lo bawk a. Severna chu a han nui sak a, ban a phar a, sakawr atang chuan a zuang thla a, chu veleh amah rawn tintu pakhat zawk chu a lokal hnai a, “kan hmu ta ngei che alawm” a rawn ti chawt mai a.

Severna chuan “enga sawi i tum? a lo la ti a, chu pa chuan “eng dang ni love, Ridge an bawng man tur pawisa a pek che kha kan nei dawn ta tih thu mai mai mawle” a han ti a. Severna chu ring fe hian a han nui a, “pawisa ka keng awzawng hleinem, ka hote zinga pakhat ka kentir daih tawh alawm, in lo hmu nghe nghe lawm ni?” a han ti a. Hmaituam pakhat zawk chuan “a daw mai mai a nih kha, Slick, a ipte te kha han dap vel teh” a lo ti a, a thianpa chuan “ngaihtuahna pawh chu i va nei chau reng reng ve mawle?” a lo ti ta hlur mai a. A tirtu ve thung chuan “a ipte kha han dap vel teh, uluk takin”. Severna chu za deuh mai hian a han nui a, “fing ve hle mai a, tu’n nge pawisa chu ka rawn keng tih thu hrilh che u? Geevora’n em ni?” a han ti a. Pakhat zawk chuan ngaihtuah mang lo tih hriat fe hian “Ni lo a han ti zet a, tah chuan Geevora chu tunge a nih pawh kan hre lo” a han ti leh a.

Severna chuan “phat marna chu i hre leh rang viau zel a, i chemkalna zawng tak a nih awm che maw?” a lo ti leh a. Chupa chuan chhan pawh chhang tawh lovin a puakruk chu a khung tha a, severna ipte chu ngun zet hian a han dap ta vel a, chutih lai chuan severna chu pakhat zawk chuan puakrukin a lo tin reng bawk a, severna ipte ah chuan engmah a hmuh tak loh avangin a sakawr Jean vel te chu a va dap leh chiam a, tah chuan thinrim deuh mai hian, “engmah a awm lo”, a han ti a. Severna chuan “ka keng lo ka ti reng alawm, dawt phamar thiam pa, i thian kawm duh zawng te’n thu dik an sawi khat ve bawk a nih ka ring,” hmusit deuh mai chuan a lo ti leh a. Chupa thinrim lutuk chuan puakruk a han phawi a, “severna chal dar chu tin reng chungin, chutiang thu i sawi leh vaih zawngin ka kap darh vek che a ni nghal mai,” a ti ta a, thinrim lutuk avanga chuti khera thil a han ti chu a ti sual der a ni.

A ipte an dap lai atang tawh khan severna chuan a ban chu a phar sang vak tawh lova, zawi zawin a lo thlak hniam hret hret zel a. Chutia a hmaia puakruka a rawn tin lai chu a kiu vei lamin a han nghawk zui nghal a, a nghawk na kher a ni ang, chupa chu a tlu nghal der mai a. A thianpa erawh chuan severna chu a rawn kap a, mahse mihring che lai va kap a nih avangin a fuh lova, severna ve thung chuan rang lutukin a puakruk a phawi a, amah kaptu chu a han kap let ve nghal a, ani thung chuan a thelh ve ta lo a ni. Severna chu rang deuh in sakawr chungah a zuang kai a, chu mite pahnih chu a tlansan ta nghal a.

Tlai lamah a pawisa hawn tir chu pe turin Severna hnenah Larrya chu a lokal a, a hnenah chuan “Skull Canyon a kal tlang tur khan min duh em avangin Geevora kha ka ringhlel ta reng a, a puakruk vawihnih zet a han ti puak palh a, chutah a sakawr ke a han ti bai leh ta zel a, ta tang kha chuan ngaihdan ka nei tawh mai a. A sakawr ke na kha chhuanlamin a lo va kal hmasak kha ka ring tlat a, kan bawng khalh kha min chhuhsak theih tak siloh avangin a hralhna man tal kha neih an tumin ka ring tlat a. Chuvangin a fala hawn tlai ka tum thute kha Geevora chuan a thiante a hrilh ka ring bawk a, tin, pawisa chu tumah dang ka kentir duh an ringin ka ring lo bawk a, chuvangin nangni ho kha chu him taka in kal tlang theih mai kha ka beisei tlat a, ka beisei ang ngeiin in kal tlang thei mai reng a”, a han ti a. Severna chuan a chanchin chu tumah dang a hrilh duh lova, a chet dan pawh chu a sawi chhawng leh tawh bawk hek lo, mahse a va kalpuite chuan an lo sawi chhawng leh a, chuvang takte pawh chuan severna hming chu a tha ta hle zawk a.

A tuk zingah chuan Phili leh Geevora te inbe lai chu Severna chuan a va tawng fuh a, Geevora hnenah chuan “Engtizia nge, nizan kha?” a han ti ringawt a, Geevora chuan “ka sakawr ke kha a nat leh ka hlau a, ka lo kal hmasa ta a ni, ka rin ang ngeiin a ke chu a na leh ta a, chuvangin Ranch pawh ka lo thleng ve zo ta lo a ni” a han ti a.

Geevora thusawi chu a awih lo hle tih hriat tak hian Severna chuan “I thawmhnaw la khawm la, i bang nghal dawn nia”, a han ti a. Phili chuan “Engatinge Geevora hi ban i tum a? Sakawr ke nat te chu ama thiam loh em ni?” a lo ti ve ta a. Severna chuan ” Thiante zinga inlan ve hi zah tlat chang a nei a, chu chu ban a duh chhan ber a ni zawk a, a ni lawm ni kha’h?” Geevor a han ti a. Geevora chu rum fe hian a han meng a, tah chuan “Min duh lo tu bulah chuan awm reng ka peih bik awzawng lo” a han ti a.

Severna chuan “A dik alawm Lazy M Ranch ah hi chuan rawn inlan leh tawh lo la, chuti lo zawng kal bo leh tur i awm tawh lo palh ang e,” a han ti zui a. Phili chu lungawi lo tak chungin a in her nghat a, inchhungah a lut ta nghal a, a naupan tet atanga hrehawma tih chang apianga a lo pan thin Dinah-i bulah chuan a va thu a. Negro nu chuan “Mami hrehawm ti duh suh. Mister Phillip chu a lo kir leh ka ring tlat. Tin, ka pasal tlaktlai lo tak pawh hian ‘Mister Severn hi pa tha tak a ni’ a ti ve tlat asin. Sual hle mahse ka pasal hian thil a hre ve hle a nia,” tiin Phili chu a lo hnem leh ta nghal a. Phili beidawng lutuk chu a pindanah a tlan lut a, khawvelah chian thian pakhatmah nei ta lo niin a inhre hial a.

Aside | Posted on by | Tagged , | Leave a comment