SAI KAWLHIN “ROHINGYA MUSLIM” 4 A CHILHLUM

October 14, 2017 zingah Bangladesh chhim lama Burma/Myanmar atanga tlanchhia Rohingya Muslim te riahna-tarpoulin leh mau rap in a sak chu Ramhnuaia cheng Sai kawlh (wild elephant)in a bei a, naupang 3 leh hmeichhe 1 an thi. Midang hliam an awm nual a, Sardar Hospital, Cox’s Bazar ah enkawl an ni.

Rohingya Muslim te hi Myanmar atangin um chhuah bakah, an tlan darh nasa hle a; UN meuh pawhin buaipuiin, UN chuan chi inthen thianghlimna (ethnic cleasing) ah an puh hial a ni. Myanmar atanga Bangladesh a tlanchhia hi mi 350,000 an tling. Heng Rohingya ho hi India rama North East States ah pawh an tlan luh hlauvin India Sorkar pawhin a ngaihven hle. Myanmar leh Bangladesh thenawma awm MIZORAM pawhin heng Rohingya Muslim refugee tlanchhia te hi a ngaihven a tul hle.

C.T.Lalrinawma

Advertisements
Aside | Posted on by | Tagged , | Leave a comment

RALVAWNG KHAW BULA TRUCK CHESUALAH A KHALHTU RUATFELA BORAL, A NUPUI LEH A FA NAUSEN A BORAL SAN

13th October, 2017 zan Dar 10:00 vel khan Ralvawng khaw bula Ashok Leyland truck chesualah a khalhtu Lalruatfela chu a hmunah a boral.

Thudawn danin truck chesual MZ 01K 7002 hi Haulawng atanga Ralvawng lam pan a ni a. Ralvawng khaw thlen dawn km-2 velah chesualin kawngthlangah a lum a, ft 145 vel lumin, a khalhtu Lalruatfela kum 32 mi, Pi Muansangi Zobawk Venghlun fapa chu a hmunah a boral nghal a ni.

Motor neitu hi Pu Malsawma Siaha Meisatla ta niin, Aizawl atangin AAC Block leh tel a phur a, Driver hi amah chauhva chuang a nih thu Hrangchalkawn police te chuan an sawi.

Motor chetsual thu an hriat hian Ralvawg khawtlang mipuiten theihtawpa buaipui nghalin a ruang hi an lachhuak a, vawiin tlai khan Lunglei Civil Hospital-ah postmortem a nih hnuin zanin hian tlaivarpui a ni anga, naktukah vuiliam a ni ang.

Lalruatfela chetsual hun hi hriat chian a ni lova, nizan Dar 10:00 vel khan Haulawng dai atangin a chhungte a bia a nia sawi a ni a, kawng lakah a riah peih loh thu sawiin, a tlan zel thu a sawi a, a accident thu an hriat hi a chanchin an hriat leh chu a ni mai ta a ni tih Hrangchalkawn Police te chuan an sawi.

Lalruatfela hian a nupui leh a fa nausen a kalsan a ni.

Aside | Posted on by | Tagged , , , | Leave a comment

KHUAI ZUK VANGIN BORAL

Ni 13/10/2017) Khan, Khawlian khuaah thil duhawm loh tak a thleng a, Pu Taia(Pasena) Kum 88 mi chu vanduai thlak takin khuai ( khuaiVanrial ) in an zuk avangin a boral !.

Chhun dar 1 bawr vel khan, Pu Taia hi inthiar turin a chhuak( In atanga ek in awmna a hlat deuh vang a ni )tichuan khuai hi a va tawn/su darh ta a ni !. khuai tam takin an bawr a, a taksa hmun hrang hrangah an zuk rawn a ni. A na ti lutuk au thawm chu an in bul lawk a awm Pu BJa ( BJ Ngurnunsanga) chuan hriain, Pu Taia na ti au thawm ” A na lutuk ” ti a, a te vawn vawn chu a ngaihven nghal a, a fapa chu en zu turin a tir a, khuaiin a bawr a ni tih a hrilh ve leh Pu BJa chuan buara/saiip chu khawnvartuia chiahin a hal a, chu chu kengin Pu Taia chu theihtawpin a zu tanpui ta a ni. khuai hian Pu Taia ngawr ngawr hi an buaipui niin a lang a, tichuan leiah a mu chu Pu BJa chuan meikhu in a zap ringawt mai a ni. An thawm hriain Pu Sangneihthanga pawh hmunphiah nen rawn thawk chhuakin khuai chu theih ang anga hnawh bo tumin an bei a. A zualpui an rem hnuah Pu Taia chu Pu BJ-a chuan pawmin inah a luh pui a, Pu Taia hi a khawngaihthlak hle a ni.

Hetia theih ang ang a an bawisawm lai hian Pu Taia chuan, “In ka thleng thei dawn lova, kan inah min dah rawh u aw; ka lo kal kher kher a ni” tiin a inthlahrun thu a sawi bawk a ni. Pu Taia hi țhutthlengseiah ( Long Chair) mut tir a ni a, a na ti tal vel chu thutthlengseiah hian a leng meuh lo a ni. khumah an muttir leh a, khumah pawh hian a leng lo lam a ni. “Na a ti hle a , a na tuar au leh tal vel chu en hreawm tak a ni” tiin a hmutute hian an sawi bawk.

Hetihlai hian Pu Taia fapa, amah awmpuitu Pu Lalzawmliana chu lo lamah hna tul tak avangin a riak a, mi dang hmun danga an lo chhuah bo hlan a lo ni bawk nen, Pu Rinkima ( Pu Taia nau fapa) chu hrilh hriat niin , a theih ang angin a buaipui a. Pi Zonunmawii H/W in thurawn a pek angin Phuaibuang PHC an pan nghal a ( Phuaibuang hi Khawlian atangin 11 km vel a ni) , kawnga an tlan lai hian Pu Taia chuan, “Motor chuan man hi pe rawh u aw” a ti a, a natna chu tawrh hreawm tak nimahse a inthlahrung em em a ni.

PHC- an thlen hnu chuan Doctor leh Nurse ten theihtawp chhuaha an buaipui chung pawhin an chhan zo ta lo a, Tlai dar 5:15 khan min boral san ta a ni. !

Pu Taia zuktu khuai hi Mizo ten khuai zuk na ber pawla kan sawi Khuaivanrial a ni a. Pu Taia taksa a khuai zukna hmuamhma hi chhiar a harsa ang reng hle a, țhenkhat sawi danin ‘za bawr vel a ni ang’ an ti. Mihring chak pangngai tan pawh tuar chhuah har tak tur a ni e.

Aside | Posted on by | Tagged , , | Leave a comment

A NUPUI ZOHMANGAIHI A THAH HNUA SAKAWRHMUITUAIKHAMA A RUANG PAIHTU LALREMRUATA RALTE DAMCHHUNG LUNGIN TANG TURIN COURT IN A REL

13th October, 2017
Zohmangaihi (49) d/o Ramfangzauva (L) Zarkawt, Kum 2013 August ni 10 a thattu a pasal Lalremruata Ralte chu thiamloh chantir niin damchhung lungin tang tura tih a ni.

Zohmangaihi thattu a pasal Lalremruata Ralte S/o Lalchunglura Zarkawt Veng leh a thurualpui a unaupa Lalmuampuia S/o Lalchunglura Kolasib Hmar veng te chu vawiin chhun khan Pu Vanlalenmawia MJS Addl. Dist. & Session Judge chuan thiamloh chantirin an mahni hremna tur pawh a puang nghal a. Tualthattu Lalremruata Ralte chu damchhung tang tur leh cheng singkhat chawi turin a ti a, pawisa chawi tur hi a neih loh chuan thla li dang a tan belh ang. Pu Vanlalenmawia MJS Addl. Dist. & Session Judge hnen atanga thu kan dawn danin damchhung tang tura tih hi kum bithliah awmlovin a dam hun chhung zawng tihna a ni.

Lalremruata thurualpui a unaupa LalthalmuanpuiaS/oLalchunglura, Kolasib Hmar Veng chu kum hnih chhung tang tur leh cheng 5,000/- chawi turin court chuan a chungthu a rel a, pawisa hi chaiwtur a neih loh chuan thla hnih dang a tan belh leh ang.

Vawiina Lalremruata Ralte leh a unaupa Lalthlamuanpuiate courtin hremna a puan lai hian kut tuara thi ta Zohmangaihi chhungkhatte leh a khawchhuahna Biate Welfare lam hotu thenkhat te an pungkhawm a ni.

Zohmangaihi ^

Puan tawh angin Lalremruata Ralte hian a nupui Zohmangaihi (49) d/o Ramfangzauva (L) Zarkawt chu kum 2013 August ni 10 khan an chenna In Zarkawtah a that a, a luah tubohin vawi li vel a chhu a, a thih hnuah buara ipah thunin, santro car-a phurin Sihphir dai bawlhhlawh paihna khamah a paih a. A nupui ruang a paih hnu hian Lalremruata hi zin bovin a nupui a thah atanga ni 8 hnuah Delhi atanga a lohawng chu, kum 2013, August ni 18 khan Lengpui Airport-ah Police ten an lo man a ni. Police te hmaa a inpuan angin a ruang hi a zan a zanin zawn nghal a ni a, a tuk ni August ni 19,2013 khan Bawlhhlawh paihna kham sang leh thuk tak atangin zohmangaihi ruang hi lakchhuah a ni ta a ni.

Tualthattu Lalremruata Ralte leh a thurualpui a unaupa hi court-in an mahni hremna tur a pek hnuahah Central Jail lamah phurhliam nghal an ni.Pu Vanlalenmawia MJS Addl. Dist. & Session Judge chuan Zohmangaihi hringtu nu Pi Lalhmingthangi chu Mizoram State Legal Service Authority in compensation cheng nuai hnih an pektheih nan hma a lak sak nghal bawk.

Aside | Posted on by | Tagged , , , | Leave a comment

GEORGE MULLER-AN INTHAH TUM A CHHANCHHUAK

“Mi fel tak te lam tura lo kal ka ni lo va, misualte zawk lama simtir tura lo kal ka ni zawk,” Luka 5 : 32.

Grorge Muller-a hi kan hre țheuh tawh awm e, “fahrahte pa” tia hriat lar tak a ni a, tawngțai tam mi, kum khata Bible vawi li chhuar chhuak țhin, Pathian ring tlut mi a ni a. Pathian laka a beiseina chu hlawhchham ngai lo, a hlawhtlinna pawh hmuh nghal thin mi a ni. Chutiang mi a nih vang chuan a rawngbawl dan a ropui thei hle a ni.

A chanchin dang chu ni dangah sawi ila, tunah chuan misual inawhhlum tum a chhanchhuah dan i han chhiar teh ang u.

A haw turin turin rel a nang lo :
Nikhat chu khawpuiah a kal leh a. Rel chu tlai dar 3 : 30-a chhuak țhin a ni a. Hemi ni hian dar tum leh a chanve rik hmain Rel Station chu a han thleng a, duty te chuan, “Vawiin chu minute sawm leh panga laia hmaah rel chu a kal chhuak a,” tiin an lo hrilh a. Muller-a chuan a kal pah chuan, “Lalpa, engti turin nge mi duh a, rel chu a kal hun lo va a kal tak?” a ti a. Dawr lianpuiah hian a va lut a, a neitupa hnenah chuan, Diary țha deuh lei tur in nei em?” tiin a va zawt a. Dawr neitupa chuan makti âwm deuh mai chuan rei fe chu a en reng a. “Diary i lei dawn amaw?” tiin a lo zawt a. Muller-a chuan, “Aw lei dawn e,” tiin a chhang a. Muller-an chu pa chu a han kawm chian takah chuan chumi ni tlai lamah chuan Dawr neitupa chuan inawhhlum a lo tum sa diam tawh tih a han hrilh chuan Muller-a chu lawm em emin, “Lalpa, hei hi a ni maw tih tura min pek chu?” a ti a. Muller-a chuan Pathian thu hrilhin a kawm zui ta. Dawrkai hausa tak chuan, “Ka tan ngaihdamna a awm thei tawh lo,” a ti a.

Dawrkai pa a piangthar :
Muller-a chuan a chhu zui zel a, Dawrkai pa chuan an dawr hnuai pindan zaupuiah chuan a hruai lut a, Muller-a hnenah chuan, “Heng zawng zawng hi han en teh,” a ti a. Silai chi hrang hrang țha tak tak mai te chu an lo tung tuar mai a. Chung silai chu kawk reng chungin “Heng zawng zawng hi han en teh a ti a. “Silai țha pui pui te hi mi rawk nan leh mi tam tak kahhlum nana kan hman a ni a. Relte kan suam a, mi inte kan rawk a, mi tam tak nunna kan la a, an ro thil țha pui pui te chu kan ru khawm a. Chutiang pawisa ațang chuan ka lei a, dawr ka kai ta a ni. Mahse, ka thil tihsualah te hian Pathian pawhin min ngaihdam theih loh tur a ni a, Pathian duh loh thil tam tak ka lo ti țeuh tawh a, ka tan beisei tur a awm tawh lo. Thuhriltu, min kalsan tawh mai rawh, ka hun tiam pawh a thlen dawn tawh hi,” tiin țap țeuh chung chuan a sawi a. Muller-a chuan Pathian ngaihdamna thu, Kross-a atan Lal Isuan a tawrhsaka, chu chu a rina sima a hnena thupha chawia a pan chuan a lo ngaihdam theihzia a hrilh hnu chuan Dawrkai pa chu a lo piangthar ta a. Thuhriltu ropui tak a ni ta nghe nghe a. Amah anga mi sual, mi beidawng te chhanchhuaktu țha tak a lo ni ta a ni.

George Muller-a chuan eng pawh ti se Lalpa nen an awm dun zel avangin, a tum anga a hlawhtlin loh pawhin “Pathianin min hruai tumna a nei a ni ang” tih hi a ngaihtuah dan a ni țhin. Hemi țum pawh hian rel a nan loh chhan hi chhan țha tak a neih a ring nghal a, a rin ang ngeiin thuhriltu ropui tak ni mai tur chu Setana’n a pianthar hmaa tihboral a tumna laka chhanchhuak turin a lo duh avangin rel pawh chu a hun hmain a lo kaltir a, rel chu a nang ta lo a ni a. Kan duh loh ang taka thil kan tawh te hian “Lalpa, engnge ti tur min duh?” tih hi kan zawhna ni ve thei thin se a țha hle mai.

He thu ațang hian eng anga sual leh bawlhlawh pawh lo ni tawh mah ila, misualte tana thi a, tho leh Lal Isua hnena kan sualna nen kan pan chuan min lo ngaidam duh a ni tih a tilang chiang hle. Amah ngeiin, “Mi fel tak te lam tura lo kal ka ni lo va, mi sualte zawk lama, simtir tura lo kal ka ni,” tiin a sawi a ni. “Kan sualte thupha kan chawi chuan kan sualte ngaidam tur leh kan fel lohna zawng zawng tlengfai turin ani chu a rinawmin a fel a ni,”

Aside | Posted on by | Tagged , | Leave a comment

ALTO CAR ACCIDENT Mi 2 THI

Vawin ni 11.10.2017 dar 1:00 pm vel khan Alto Car accident in a hmunah Pi Zasiami a boral nghal.

Car accident hi Pi Zasiami kum 70 w/o Upa H.Liantluanga (L)Tlungvel Gate veng nupui motor neitu ni bawk chu a tunu Lalrinnungi kum 15 (Mami) Donbosco School Seling a an hruai hawng lam chu Darlawng thlen hma lawkin a brake fail vangin kawng thlangah a tlan liam a, motor hi 200 feet vel a lum a, a hmunah hian Motor neitu Pi Zasiami hi boral nghalin a tunu Lalrinnungi leh Driver Lalmanga Sailo kum 51, Tlungvel Gate Veng chuan hliamna tak an tuar a. Thingsulthliah Damdawiin ah hliamte hi hruai nghal an ni a, Damdawiin thlen pui an nih hnu reilo teah Lalrinnungi kum 15 hi a boral ve leh nghal. Lalrinnungi hi Class-X zirlai mek a ni.

Mitthi te hi Thingsulthliah Damdawiinah Postmortem nghal an ni ang a, Zanin lumen puiin, naktuk ah vui liam an ni ang.Lusun chhung te leh vanduaina tawk te Lalpan awmpuiin thlamuan mawlh rawh se, kan tawrhpui tak meuh meuh ani.

Aside | Posted on by | Tagged , , | Leave a comment

ZORAM THAR CHUNGCHANGAH A THLING BAW HAWKA THUTAK PUAN CHHUAH A HUN TA!

Zoram thar chungchanga kan hriat reng tûr chu- Pathianin leilung siam thar hi a tum ber a ni lo va, a ti boral zawk dáwn a ni. Lei thar leh vân thar (Jerusalem thar) erawh chu Bible sawi angin a lo thleng ang. He kan Zoram hi Pathian khawngaihna avângin a lo changkang ve zêl a, a lo la changkang zêl bawk ang a, hmasawnna ropui tak lo thlengin ram nuam tak pawh a la ni zêl dáwn. Lalpan siam tharin la siam țha tûrah kan ngaih a, chu Zoram thar chungchang chu thupui berah kan neih a, kan tlángaupui a nih chuan, Tirkkoh Paula’n, “ânchhe dawngin awm rawh se,” a tih Chanchin Țha dang kan hril a ni ang (Gal 1:8-10). Pathian thiltum Chanchin Țha buaipui lo va, Zoram thar thupui bera nei tute hian, Chanchin Țha ni lo, Chanchin Țha dang an buaipui a ni.

Zoram hian nasa takin hma a sawn zêl ang a, a la changkang êm êm ang a, a la nuam hle dáwn a ni tih hi thu dik a ni a, thutak erawh chu a ni lo. Pathian khawngaihna avángin Zoram hi hmasawn zêl rawh se. Zoram tâna thawktu mi thiam leh fel tak tak pawh an la awm zêl dâwn a lawm. Lo sawi lo sawi ve lo mah ila, a la changkang zêl tho dâwn a, tin, ngaih dân sawhngeh nâna zawlnei tu tute emaw thusawi mahni ngaih dân sawhngheh nâna lo hman vak zêl pawh hi hlauhawm tak a ni. Zoram thar duhawm tak Chanchin Țha ni lovin, Krista Lalram Chanchin Țha hi i hril ang u (Mat 24:14). Pathian thuin ram Chanchin Țha a sawi hi, he Zoram zimte hi a ni lova, engkim huap Krista Lalram Chanchin Țha a ni zawk a ni.

Mimal tinte hnêna Krista lalna ram din hi Pathian thiltum a ni a. Vánram chu in zing-ah (chhûng-ah) a awm tih a ni a (Luk 17:21). Pathian ram chi chu lo țhanglian a, tam taka lo rah chhuak tûrin Pathianin a duh a. Chu ram thar , Pathian ram Chanchin Țha, felna te, thianghlimna te, dikna te, rinawmna-te leh hmangaihna chauh awmna thinlung thar zawk chu a ni puang tûrin a mite min tirh ni. Ram puanzar lo hal lam a ni lo.

Bible tluana Pathian mite zawng zawng zawng hi ring lo mite mit hmuhah â tak leh máwl takin an che ngai lo va, a thang mawi apiangte zawngin duhawm tak leh nungchang mawi taka awmin pangpar angin an chetzia an lantír țhin a. Pathian dang be tûra phut luih an nih erawh chuan Lalpa avângin thih an ngam thung a. Flag hal tih vêl hi zawng, mi tam leh zual ka lak luh theih nán “mi zawng zawng bawihah ka insiam ta. Juda te ka luh theih nân Juta-te hnênah Juda mi angin ka awm țhin a, Dan hnuaia awmte ka lâk luh theih nân Dân hnuaia awm angin , Dân nei lote ka lâk luh theih nân dân nei lote hnênah dân nei lo angin ka awm țhin” titu Paula rilru nên chuan a va inpersan teh lûl êm!! Hnehtu Daniela leh a țhiante nunchang nên pawh a inpersan hle.

Pathian thiltum ber chu Chanchin Țha hril a ni zawk a, Lal Isuan a zirtîrte hnênah, ” he ram Chanchin Țha hi mi zawng zawng hnênah puang tûrin thu a pe a nih kha (Mat 24:14; 28:19-20).” Chanchin Țha dang hriltu emaw buaipuitu/ lo tuipuitu ka ni em, tih hi ngun taka inngaihtuah tûrin , Zoram mipuite ka sawm a che u. (Rom 10:18-a ‘Chia sawi tham loh’ tih pawh hi Mizo-te ah bel loh a him ang)Pathian thiltum chu keimahniah Krista’n lalna pumhlum a chan hi a ni a, Kristan lalna pumhlum nangmah a la chang lo anih chuan , tuipui sen kán tawh mah la, Kanan ram țha la lut lovin thlalerah i la vak kual mai mai tihna a ni a. Kanan ram țhaa i luh chuan Kristan nangmahah lalna a chang tihna a ni ang.

Mizo zawng zawng thinlungah hian Krista’n lalna chang ni ta sela, Zofate hian Zoram thar kan thleng tihna a ni ang. Leilung changkanna Zoram thar nge, Krista lalna Zoram thar inghahhlelh zawk? Kanan ram chu, a leilung hrut zawnga leilung changkanna Zoram thar ni lovin , Krista lalna Zoram thar zawk a ni e. Chu hmun chu i thleng thei reng a nia, i duhthlanna-ah a in nghat e.

Author : Challianthanga Challianthanga

Aside | Posted on by | Tagged , , | Leave a comment

Tedim leh Kawlpi inkar Taingen bus accident, hriat theih chinah mi 5 thi.

Myanmar, Laaitui khaw lam pan, Kale road a tlan, mi 30 chuanna chu nimin october 10, tlai dar 3:00 bawr vel khan Taingen khaw bul ah a chesual.

Hriat theih chin ah hian mi 5 ruang hmuh ani tawh a, helai chhehvel khaw mipuite leh khualzin dang te’n hliamte leh ruangte hi an buaipui a ni.Motor-a chuangte hi thalai ho October 5-8 Laaitui Khua a “Khuado Tuukpeng” (Chin Kumthar) hmanga kal niin, Kale(Kawlpi) pan a haw lam niin an sawi.

Phualva Lungtuak Media in nizan dar 8:05pm a reports a pek danin Motor accident a thi mi 5 te hi:
1. Nu Niang Sian Cing(55) : Chyan Myae veng
2. Nu Vung Khen Kim(65)- Tat Oo
3. Nu Hau Ngaih Lun (22)- Chyan Myae veng
4. Lia Go Lun Niang(17) – Chyan Myae veng
5. Nu Nang Za Mang (58)- Laitui
(Driver: Man Man s/o Pa Thawng Za Suan)

Hliam tuarte hi Kalay General Hospital ah a then chu thlenpui an ni tawh a, midang an hliam/thi an la awm em tih zawn mek an ni.

Aside | Posted on by | Tagged , | Leave a comment

ONLY 15 SECOND ! Pu Hawla thusawi tawi

Thusawi tawi hmingthang tak tak hi a awm nual mai. 1994 kuma World Cup Opening Ceremony huna thusawi pawh kha a tawi viau nia sawi a ni. Chutiang bawkin ‘ Tryst with Desnity ‘ tia lar ta zawk – Aug 15 1947 zanlai-a Indian Constituent Assembly hmuna Nehru thusawi pawh a lar viau mai. Chutiang zelin US President Abraham Lincoln-a’n 19 Nov 1863 a Gettysburg hmuna a thusawi te pawh minute 3 chauh niin thumal 246 chiah a ni. George Washington thusawi pawha tawi ve viau mai – thumal 135 chiah a ni. Neil Amstrong thusawi te President and CEO of Coca-Cola Enterprises – Brain G. Dyson-a’n 6 Sept 1996 a a thusawi pawh an lar viau mai. Pathian thu thiam zingah pawh Bishop John Albrecht ( Lake Orion, Michigan-a Episcopal Kohhran a mi) thusawi pawh a thui lem lo viau mai a ‘ Love ‘ tih chiah a ni. Nimahsela, tun thleng hian sawizui an la hlawh thung.Chutiang zelin, Saitual hmuna Saitual leh an chhehvel mipui leh School naupang ten kawng dunga intlar hiala an lo hmuahKan Chief Minister – Lalthanhawla chuan thusawi tawi fel tak neiin thu a han sawi ta a, mipui tam tak hmaah chuan
“ Mipui leh thian duh takte, duh nei phut welcome in lo siam avangin ka lawm a, kan awm rei theih dawn loh avangin ka kalna turah kan kal mai anga min hrethiam dawn nia, ka lawm e “
tih chiah sawiin thu khawmuang loin an kal lehnghal ta a nih kha. He thu sawi tur hian Second 15 chiah a hmang a ni. He thusawi hian zoram mai niloin Khawvel a deng chhuak nghal a, hriat reng a hlawh tawh bawk ang. Saitual leh an chhehvel khaw mipui tan chuan Chief Minister thusawi hi theihnghilh chi a ni hauh lo mai. A ṭhen chuan ‘a hmanhmawh deuha a sawi mumal hman lo a ni ‘ an ti ang a, a then chuan ‘CM meuhthusawi chu leh’ an ti ang a, a then chuan ‘ a zahthlak lutuk ‘ an ti bawk ang a, chi hrang hrangin an sawizui tawh ngei ang.

Aside | Posted on by | Tagged , | Leave a comment

BIATE IN ASIA A SMALL TOWN FAI BER NIH AN TUM-Zonunsanga Khiangte

Mizoram khawpui fai ber intihsiaka lawmman pakhatna dawngtu Biate chuan Faina kawngah hma la chhunzawm zelin, India ram mai ni lo Asia khawmualpuia small town zinga fai ber nih tumin theihtawp chhuahin tan an la chho mek.

Biate khawtlang hian tunah hian cleanliness week an hmang mek a, kum danga an lo tih thin angin Biate a Veng hrang hrang 14 te chuan Veng fai ber nih tumin inelna an buatsaih leh mek a, Veng fai lawmman te hi UD&PA Department, Champhai ten an tumsak leh dawn a ni.

Mizoram khawfai ber an nihna turah pawh khan Biate khawtlang hi an tangrual hle a, tualchhung miten theihtawpa sum leh pai leh tha tam tak an sen bakah, Biate Welfare Society, Aizawl hmalaknain sum tam tak nuai chuang lai an thawhkhawm a, hengte hi Biate Town Faina Committee ten khawtlang faina atana a ṭula an hman turin Biate Town Faina Committee te hnenah an hlan a ni. Aizawl mai bakah Mizoram hmun hrang hrang leh Zoram pawn thlenga Biate mi leh sa ten sum leh pai hi hnatlan nan an thawh hlawm a ni.

VC kaihhruaina hnuaia din, Biate Town Faina Committee te chuan theihtawpin hma an la chho mek zel a. Biate chu Mizoram khawpui fai ber an nih chu duh tawk mai lovin India rama Town fai ber mai bakah Asia khawmuala Small Town Fai ber nih tumin hma an la chho mek a, Asia khawmuala Small Town fai ber ni tur hian Mizoram sorkar chuan ruahmanna a neihpui mek bawk. Faina week an hman mekahBiate a Veng hrang hrangte chuan veng fai ber nih tumin mahni veng chhung theuhah theihtawp chhuahin hma an la a, hnatlang an ngawrh thei hle. Biate a veng hrang hrang te chuan mahni veng chhung theuhah kawngpui, kopang, side drain leh kawrpui thenfai tawh sate chu chan insemin an enkawl zui mek hlawm a. Khawchhung kawng mai bakah kawrpui zawng zawngah pawh bawlhhlawh hmuh tur a awm tawh lo. Mahni veng theuhah faina mai bakah a cheimawi hna leh pangpar huan siamin an in-el mek hlawm a, Vengfai intihsiakna hi tukin zing atang hian endik hna thawh tan a ni nghe nghe a ni.

Mizoram hmun hrang hrang atangin Mizoram Khawpui fai ber Biate hi tlawhtu an awm chho mek a, Biate khaw mipuite chuan an khua tlawh duh te chu lawm takin an lo mikhual theih thu Biate Branch YMA President Pu R. Lalremkunga chuan kan palai a hrilh a ni.

Aside | Posted on by | Tagged , , | Leave a comment