Kum 2018 Chhunga Musicians Sum Lalut Hnem Zual 30

Kum 2018 Chhunga Musicians Sum Lalut Hnem Zual 30
by OmOmz Hauhulh
December 05, 2018

Music ngaina tu te tan chuan heng List a hming lang te hi mithar vak an awm lo. An mahni tawk ah boruak an nei lian in an hraw hlawm theuh a, rimawi khawvel hi an thunun hneh hlawm hle.

Forbes chanchinbu chuan List hrang hrang a tihchhuah hnu ah kum in chhunga Musicians bika sum huilut hnem zual tarchhuahna a nei leh ta.

The World’s Highest-Paid Musicians Of 2018 List tarchhuah tak ah hian Irish lam chhuak Rock Band, U2 te chu an bawn ber a, June.1,2017 leh June 1, 2018 inkar ah khan cheng maktaduai 118 zet thawk chhuak in Musicians zinga sum huilut hnem ber nihna an hauh. U2 te hian “Joshua Tree” world tour an neih chu an hlawhtlinpui hle a, an sum lakluh na ah hian an Tour thar , “Experience + Innocence.” a sum lut pawh chhiar tel a ni.

Pahnihna ah hian British Band, Coldplay te chu an lang a, cheng maktaduai 115.5 an lalut. ColdPlay te hian “A Head Full Of Dreams” tour an neih atang a sum te hi an huiluh a ni tlangpui hlawm. British zaithiam kum 27 a upa Ed Sheeran chuan cheng maktaduai 110 lalut in Top 3 hi a khar ta thung a ni. Ed Sheeran hian a hla te Billion chuang lai Stream tu a neih khan tun dinhmun chelh pha tur hian a pui viau.

Kum 2018 chhunga Musicians sum lalut hnem zual 30 te chu heng te hi an ni:-

  1. U2 ($118 million)
  2. Coldplay ($115.5 million)

  3. Ed Sheeran ($110 million)

  4. Bruno Mars ($100 million)

  5. Katy Perry ($83 million)

  6. Taylor Swift ($80 million)

  7. Jay-Z ($76.5 million)

  8. Guns N’ Roses ($71 million)

  9. Roger Waters ($68 million)

  10. Diddy ($64 million)

  11. Beyoncé ($60 million)

  12. Kendrick Lamar ($58 million)

  13. The Weeknd ($57 million)

  14. The Eagles ($56 million)

  15. Depeche Mode ($53 million)

  16. Pink ($52 million, tie)

  17. Luke Bryan ($52 million, tie)

  18. Jimmy Buffett ($51 million)

  19. Lady Gaga ($50 million)

  20. Calvin Harris ($48 million)

  21. Paul McCartney ($47.5 million)

  22. Drake ($47 million, tie)

  23. Jennifer Lopez ($47 million, tie)

  24. Foo Fighters ($47 million, tie)

  25. Elton John ($46 million, tie)

  26. Metallica ($46 million, tie)

  27. Garth Brooks ($45.5 million, tie)

  28. The Chainsmokers ($45.5 million, tie)

  29. Billy Joel ($43.5 million)

30. Rolling Stones ($39 million)

Ref : Forbes Magazine

Aside | Posted on by | Leave a comment

Tennis player hausa zual te by Enzet Chongthu

Lawn Tennis game ah hian player ṭha tak tak rawn chawr chhuak kan hmu ṭhin a ,hêng zingah hian ropui tak taka inlan zui thei an awm laiin ,a ṭhen erawh an daih reilo hle thung .

Players lar taktak te hian an chet ṭhat zui chuan inkhelha an hlawh mai bâkah fakna aṭang te in sum tam tak an hui lut ṭhin ani .Game an khelh tam pauh leh sum an lalut hnem ti ila ,dikna chen a awm anga mahse an sum lakluh tam zawk hi chu company lian taktak aṭanga sponsorship an hmuh aṭanga an lakluh ani a,heng bâkah hian fakna chi hrang hrang leh media (TV rights)lam aṭang te pawhin sum tamtak an huilut ṭhin bawk ani .

Tennis player hausa taktak an awmlai in tunge hausa ber ang tih hi ngaihtuahna a lang tel lo theilo a ,tun ṭuma kan tarlan tur hi active player ngawr2 lam kan en dawnlo a professional tennis player lo ni tawh phawt chu a huam vek dawn ani .

1. Ion Tiriac : $2 Billion

Tiriac hi tunlaia Roger Federer te nena khaikhin râlah chuan singles player ropui tak ani lemlo a, mahse doubles player ṭha zet mai ani thung a ,a tennis career chhung khan title 22 zet ala hman a, hêng zingah hian French Open pawh a tel ani. A khelh ve hunlai kha chuan pawisa thap ngamna tur khawpa ṭha ani ve.

Tennis a chawlhsan hnu ah sumdawnna lam a luhchilh nghal a, sumdawng hlawhtling tak ani zui thei a ni. Kum 2007 a Forbes in Billionaire list an tarchhuah ah khan Romanian mi he list a tel thei hmasa ber leh awmchhun a ni. Tunah hian sumdawnna chi hrang bâkah insurance company,banking leh travel industries te a nei mêk ani.

2. Roger Federer :$450 Million

Kan hriat ṭheuh angin Roger Federer hi tennis player zinga ṭha ber leh ropui ber ala ni a, an indona muala vawi tam Rafael Nadal nen chungnung zawk nih tuma an inbei kan hmuh ṭhin hian ,tennis pawh an ti hlu bîk rêng ani.

Federer hi tennis player ropui ber anih bakah hian active tennis player zinga hausa ber ani bawk a.A professional career ah Federer hian Grand singles title 20(record) zet ala tawh a ATP singles title hi 99 zet a la tawh bawk a ni.

3. Serena Williams : $180 Million

Williams unau te hi an tennis career an hmang ropui dûn hle mai a,a bîkin a naupang zawk Serena hi chu a chêt ropui dân ngaihtuah chuan a hausakna hi thil mak ani lemlo .

Fa a hrin hnu khan WTA rankings ah khan 183 na ah a tlathla hman a ,fa a neih hnu a tournament a hmachhawn hmasak ber US Open ah final thleng leh nghal in tunah hian WTA rankings ah 16 na ah a inhlang kai leh tawh ani .

Kum thara Grand Slam tournament hmasa ber tur Australian open ah a tel theih tur thu a puangchiang leh tawh a ,fa a hrin hnu hian eng ang chiaha dinhmun sangah nge a la in vawrh kai leh theih hriat a chakawm phian mai.

Aside | Posted on by | Leave a comment

PENSION SCHEME ENNAWN DAWN?

PENSION SCHEME ENNAWN DAWN?

J.Thangchungnunga

Kan hriat theuh angin, India rama sawrkar hnathawk pension lo tam chho zel avanga sawrkar pawisa hmanral a nasat chhoh zel avangin, Central sawrkar chuan 2004 hnu lama sawrkar hna zawm te chu pension pangngai pek tawhloh turin a rel a, New pension Scheme kalpui a ni ta kha a nia.

Chu dan thar chu Mizoramah pawh October 2010 atang khan hman a lo ni ve ta a. Hemi hnu a sawrkar hna a lut te reng reng chuan pension pangngai kha an dawng thei dawn talo a nih kha.

He Central sawrkar thutlukna siam hi Employee te chuan an duh lo hle a, theihtawpin kalphung hlui pangngai a kalpui leh turin sawrkar chu an nawr zui reng a. Tun thawhtanni kalta, Dt 4.12.18 pawh khan New Delhi khawpuia Jantar Mantar ah sawrkar hnathawk intelkhawm te chuan nawrhna huaihawt in an pungkhawm a. Thawhtan zan khan Cabinet Secretary P.K.Sinha chuan an hruaitute chu ko khawmin, an thilphut te chu a sawipui ta hlawm a. He an inhmuhkhawmna ah hian Pu Sinha chuan Central sawrkar chuan Cabinet meeting neih leh ah he thu hi a ngaihtuah dawn a, hnathawktute chu Old pension Scheme a hamthatna, benefits zawng zawng chu a pe leh dawn niin a puang ta rup mai.

He thupuan hi tih puitlin a nih chuan, Old pension dan chu, hming thar puttir in sawrkar chuan a hmang leh dawn niin an sawi. Joint Platform Public Service Employees Federation of India a President, BO Mishra pawhin Cabinet Secretary nena an inhmuhkhawm na chuan rah tha a chhuah dawn niin a sawi bawk. Pension chungchang bakah hian thildang tam tak pawh an sawiho nia sawi a ni bawk.

Pension dan hlui ang hi hman leh a nih chuan sawrkar hnathawk thar ho tan chuan thu lawmawm tak a ni ngei ang. Mizoram pawhin Central Pay kan hman ve avangin kan hmang chho ve leh ngei turah a ngaih theih ang chu.

Aside | Posted on by | Leave a comment

India rama infiammi zinga sum la lut hnem ber Virat Kohli

Virat Kohli chu India rama infiammi zinga sum la lut hnem ber niin, India ram puma milar zingah pawh pahnihna a ni.

Forbes Rich List an tih chhuah tharah hian infiammi zingah Virat Kohli aia sum la lut hnem an awm lo a, Mahendra Singh Dhoni leh Sachin Tendulkar te ai pawhin a sang zawk a. India ram puma milar zingah chuan Kohli hi pahnihna a ni a, Salman Khan chu a pha lo a ni.

Kumin chhungin Virat Kohli hi a che tha hle mai a, record eng eng emaw pawh a siam nual a. India team a chet thatpui piah lamah hian fakna lamah pawh a che fuh chho hle a, sum tam tham tak la lut thei tura betu a nei nasa hle a. South Africa hmachhawnin kum a hmang chho tan a, India captain zingah Australia rama Test series-a chak thei hmasa ber ni chunga kumin khar a tum mek a ni.

Kum 30-a upa Kohli hian nikum chhung khan 100.72 crores vel zet a la lut a, kuminah chuan a lak luh hi nikum lama a lak luh let aia tam niin, 228.09 crores zet a tling chho a. Hengah hian BCCI central contract leh Royal Challengers Bangalore-a a hlawh te chu a la tel lo lehnghal a ni.

Kohli hnuai chiahah hian India captain hlui Mahendra Singh Dhoni chu a awm a, cricket khelh chawlhsan daih tawh Sachin Tendulkar chu pathumnaah a la awm bawk a. Badminton star PV Sindhu chu palina niin, hmeichhe shuttler tho Saina Nehwal chu 10-naah a awm a, anni pahnih hi Top 10 a hmeichhe lang thei awm chhun an ni.

  1. Virat Kohli – Rs. 228.09 crores
  2. Mahendra Singh Dhoni – Rs. 101.77 crores
  3. Sachin Tendulkar – Rs. 80 crores
  4. PV Sindhu – Rs. 36.5 crores
  5. Rohit Sharma – Rs. 31.49 crores
  6. Hardik Pandya – Rs. 28.46 crores
  7. Ravichandran Ashwin – Rs. 18.9 crores
  8. Bhuvneshwar Kumar – Rs. 17.26 crores
  9. Suresh Raina – Rs. 16.96 crores
  10. Saina Nehwal – Rs. 16.54 crores
  11. KL Rahul – Rs. 16.48 crores
  12. Jasprit Bumrah – Rs. 16.42 crores
  13. Shikhar Dhawan – Rs. 16.26 crores
  14. Ravindra Jadeja – Rs. 15.39 crores
  15. Manish Pandey – Rs. 13.08 crores
  16. Ajinkya Rahane – Rs. 12.02 crores
  17. Anirban Lahiri – Rs. 11.99 crores
  18. Srikanth Kidambi – Rs. 10.5 crores
  19. Vijender Singh – Rs. 6.4 crores
  20. Shubhankar Sharma – Rs. 4.5 crores
  21. Rohan Bopanna – Rs. 3.27 crores

Inkhel.c‌om

Aside | Posted on by | Leave a comment

India rama infiammi zinga sum la lut hnem ber Virat Kohli

Virat Kohli chu India rama infiammi zinga sum la lut hnem ber niin, India ram puma milar zingah pawh pahnihna a ni.

Forbes Rich List an tih chhuah tharah hian infiammi zingah Virat Kohli aia sum la lut hnem an awm lo a, Mahendra Singh Dhoni leh Sachin Tendulkar te ai pawhin a sang zawk a. India ram puma milar zingah chuan Kohli hi pahnihna a ni a, Salman Khan chu a pha lo a ni.

Kumin chhungin Virat Kohli hi a che tha hle mai a, record eng eng emaw pawh a siam nual a. India team a chet thatpui piah lamah hian fakna lamah pawh a che fuh chho hle a, sum tam tham tak la lut thei tura betu a nei nasa hle a. South Africa hmachhawnin kum a hmang chho tan a, India captain zingah Australia rama Test series-a chak thei hmasa ber ni chunga kumin khar a tum mek a ni.

Kum 30-a upa Kohli hian nikum chhung khan 100.72 crores vel zet a la lut a, kuminah chuan a lak luh hi nikum lama a lak luh let aia tam niin, 228.09 crores zet a tling chho a. Hengah hian BCCI central contract leh Royal Challengers Bangalore-a a hlawh te chu a la tel lo lehnghal a ni.

Kohli hnuai chiahah hian India captain hlui Mahendra Singh Dhoni chu a awm a, cricket khelh chawlhsan daih tawh Sachin Tendulkar chu pathumnaah a la awm bawk a. Badminton star PV Sindhu chu palina niin, hmeichhe shuttler tho Saina Nehwal chu 10-naah a awm a, anni pahnih hi Top 10 a hmeichhe lang thei awm chhun an ni.

  1. Virat Kohli – Rs. 228.09 crores
  2. Mahendra Singh Dhoni – Rs. 101.77 crores
  3. Sachin Tendulkar – Rs. 80 crores
  4. PV Sindhu – Rs. 36.5 crores
  5. Rohit Sharma – Rs. 31.49 crores
  6. Hardik Pandya – Rs. 28.46 crores
  7. Ravichandran Ashwin – Rs. 18.9 crores
  8. Bhuvneshwar Kumar – Rs. 17.26 crores
  9. Suresh Raina – Rs. 16.96 crores
  10. Saina Nehwal – Rs. 16.54 crores
  11. KL Rahul – Rs. 16.48 crores
  12. Jasprit Bumrah – Rs. 16.42 crores
  13. Shikhar Dhawan – Rs. 16.26 crores
  14. Ravindra Jadeja – Rs. 15.39 crores
  15. Manish Pandey – Rs. 13.08 crores
  16. Ajinkya Rahane – Rs. 12.02 crores
  17. Anirban Lahiri – Rs. 11.99 crores
  18. Srikanth Kidambi – Rs. 10.5 crores
  19. Vijender Singh – Rs. 6.4 crores
  20. Shubhankar Sharma – Rs. 4.5 crores
  21. Rohan Bopanna – Rs. 3.27 crores

Inkhel.c‌om

Aside | Posted on by | Leave a comment

Bus conductorin vai hnek, suspend a ni

Nimin tlailam dar 1:00 vel khan Bawngkawn atang Ngaizel lama tlan city bus MZ 01, B-5418 ah ka chuang a.
Bus pawh kan tawt ṭha khawp mai.
A hnungber seat hmaah chuan ka ding a.

Ka hma chiahah chuan vaipa te ve lam hi a ding bawk a.A masala rim pawh ka la feel veng veng thei.

Kan han tlanchhuak a. Conductor chuan, ”Lo inphawrh lawk ang aw” tia au lauh lauh chung chuang fare chu a rawn khawn phei zel a.
Ka hmaa vaipa chuan “Isarael point” tiin cheng 20 a pe a.
Conductor chuan “Nawi awm lo” a ti hmuk a.

Vaipa chuan ,”Pu cheng nga” a tih chuan conductor pa chuan “A nawi a awm lo ka tih chu” vin deuhin a ti leh a.
Vaipa chuan a ipte chu zenin cheng thir hi a rawn la chhuak a.
“Pu cheng nga” tih pah chuan conductor chu a pe a.
Conductor pa chuan chengthir chu la in “I va ninawm reuh e” tiin cheng sawm chu a kir a.
Vaipa in a la chiah tihah chuan a biangah chuan a hnek ri nghal chawrh a.
Ka phu zawk nghe nghe.

A hnunglama mi ho chuan mak kan tih em vang chuan ngawi reng chuan kan thlir thap ringawt a.
Vaipa chuan amah puitu tut melhin a hawi kual ruai a. Mahse tumah puitu a hmu lo.

Kei ngei pawhin ka pui bik lo.
A chhan chu tuna I thu chhiar mek lai hi evidence awm ngei nena buaipui ka duh vang a ni.

Vai hi ka haw tak zet.
Kan ramah pawh hian ka duh ai an tam tawhin hnawksak pawh ka ti.
Mahse vawiin a vaipa erawh ka haw thei der lo. Huat a hnekin ka khawngaih tlat zawk.

Ka pu vawiin a ka puih nghal loh vang che khan min ngaidam dawn nia.
Hei hi ka ngaihdam dilna chikhat ah min lo pawm sak dawn nia.

MZ 01, B-5418 conductor khan hei hi lo hria ang che.
Vawiin a vai i hnek khan nangmah chauh i mualpho lo.
Kan hnam i timualpho tel asin.
I vai hnek vang khan i conductor pui fel tak tak te pawh an mualpho tel tih hria ang che.

Vawiin a bus a Mizo tlangval chuang ve, hmeichhia leh tar chak lo zawkte kian hram hram ho, vai pawhin a ruka an ngaihsan em em te kha, nangmah vangin an thil tih te kha engmah lo ah an chang zo asin.
Tin, i bus fare khawn kha midang khawn zat chiahin khawn ve ang che.
Nangma thu in bus fare ti to ve ngawt tawh suh ang che.

Tin Bawngkawn atanga Treasury thlenga cheng 5 thir pakhat mah neih loh kha chu ka awih chiah lo. Ka hmuh lai ngei pawhin vawi tam chu i dawn reng kha. I ei zo nghal zel a nih ka ring.

Khawngaihin pu conductor i hna kha bansan mai teh, kan hnam i tih mualpho nasat lutuk hma hian.

ACBOA lama kan hruaitute kha a bus number nen thleng thlenga ka tarlan vangin pawi ka ti, mahse vai thlavang hauh ngaia min siamtu MZ 01, B-5418 hi hremna a phu tawk in pek ngei ka duh vang mai a ni.
A pha a nih pawhin awih suh ang che u.
A hnek chhan kha awmzia pakhat mah a awm lo tih hi ka hming ka chian tlukin ka chiang a ni.

Pu Conductor vawiin a vaipa hnunga ding kha ka ni e aw, engmah ka sawi loh vang khan i in la chapo viau a ni lawm ni, lo inla chapo zel ang che.

Hnam Hmangaiha


Tun hnai Social media a ,sawi hlawh tak pakhat, City Bus Conductor chungchang chu Vawiin khan Aizawl City Bus Owners Association chuan ngun takin a ngaihtuah a. Thil awm dan te ngun taka zir chian a nih hnu ah Bus Conductor chu Suspend a ni ta e.

ACBOA hian inkaihhruaina fel tak a nei a, Action rules a nei a ni.

Aside | Posted on by | Leave a comment

MANIPUR-A RAWNG TAKA RAN THAH A NIH CHUNGCHANGAH CM-IN HIGH LEVEL MEET A KO

Thawhtanni khan Manipur Chief Minister N Biren Singh chuan Wildlife Institute of India(WII) lama mithiamte leh State Forest Department lama officials-te nen high level security meeting neiin he hunah hian tunlaia ran thahna thleng mek chungchang chu an sawiho.
Hetianga thla hnih kalta atang tawha an ran vulhte beih a’n nih chhoh tâk zel hnu hian tunhnai deuh khan news site hrang hrangin a tarlan danin hmeichhe pakhat chu Dec 1st zan dar 6:30 velah khan Imphal East-a Khurai Heikrumakhong ah eng sa nge a nih hriat lohin a inthiar tur chu a bei(allegedly) a. JNIMS, Imphal-ah enkawl niin report atanga a lan danin a bânah hamna(scratch mark)hnuhma niawm hmuh a ni.
Heng thil thleng zozai avang hian mipui an raltiin an chiai hle a, a huhova duty-te insiamin a thenin he thila a mawhphurtu nia an rinhleh ramsa thenkhat (keite/sanghar lam) chu thah tumin silai leh hriamhreite nen an veh bawk a. Heng thil avang hian mi tam takin zan an chhuah ngam loh phah a, a thenin he pawikhawihtu ramsa hnawh kian nân halpuah te an hal bawk a.

Hetih lai hian CM Biren chuan mipuite chu chiai lo tur leh he thil chhuia zirchiang tur mithiamte an lo thlen tawh thu a hrilh a. Tin, CCTV camera leh thang te kam a nih thu a sawi bawk.

He thil chhuitu WII leh Forest Dept. lama officials-te chuan Zirtawpni khan Chingmeirong ah kalin he pawikhawihtu ke hniak leh êk nia an rin te chu lain an zirchiang a. Tuna a lan danah rih chuan heng pawikhawihtu hi Candidae family lam (ui,sihal, chinghnia, ram ui etc) emaw Cat (keite,sanghar, sazaw etc.) lam a nih an ring a ni.

Hetih lai hian hmun thenkhatah chuan pawikhawihtu ramsa nia rinhlelh hmuh nia report a awm nual a. Imphal East lama Khongman leh Pebiya Pandit Leikai inkâra leilet buh hmunah pawikhawihtu nia rinhleh ramsa an hmuh thu dawn a nih hnuin hetah hian he sa hi khaw chhung mite’n an chang/veh a. Thu dawnna pakhatin a tarlan danin Ragailong khuaah ramsa pahnihin vârak seh an tum lai chu tualchhung mite’n hmufuhin a bul Lampak Sports Complex lamah an um lut a, amaherawh chu an man hman ta lo a ni. Heng ramsa pahnihte kehniak nia an rin te chu Bangaluru, ATREE lama scientist, hetiang ramsa lam zirchiang mi Dr. Abi Tamin hnenah zirchian tura thawn a nih hnuin Dr.Abi pawh hian an sa rinhlelha hi cats(sanghar, keite, sazaw etc.) family lam a nih a ring ve tho a ni.

Heng bakah hian Bishnupur District, Toubul Bazar bula in pakhatah chuan ramsa, eng sa nge a nih hriat chian loh pakhat chu mi inah lûtin, report an dawn hnuah Forest Dept. Officials, police leh tualchhung mite’n man tumin an bawh zui nghal a, amaherawh chu an hlawhchham a ni. Chutihrual chuan he inchhunga chhuat carpet-ah hian ramsa tina(claws) hamna ni ngei tura ngaih hnuhmâ(scratch marks) hmuh a ni.

Heng boruak kârah hian social media velah mipui tichiai zâwng leh ramsa humhalh ngai thenkhat(endangered animals) te tâna pawi thei tur thuthang dik lo vawrh darh a tam avangin State Police Dept. cyber-wing te chu hemi kaihhnawiha thudik lo vawrh darhtute manchhuak zung zung tura thupêk an ni.

SourceNortheast Now,
The Sagai Express

Aside | Posted on by | Leave a comment

ISREAL-IN “OPERATION NORTHERN SHIELD” TIIN, HEZBOLLLAH HELTE THEN FAI A TUM TA

Dec 4, 2018 Tuka Israel Army Radio atanga Israeli Defense Force (IDF) thupuangtu Brig. Gen. Ronen Manelis chuan, nizan atangin Israel leh Lebanon ramri hrula Hezbollah (Shia muslim) hoten leiverh (tunnels) hmanga Israel beih an tumna te chhuchhe turin beih an chhuah ta tih puangin, “Operation Northern Shield” tia vuah a ni. Kum 2014 khan Israel civilian thenkhat chuan leiverh ri an hriat thu an lo sawi tawh thin a, mahse, IDF lam hian an bengkhawnlo deuh thin a ni awm e.

IDF Media Arabic tawng a thupuangtu Avichay Advaree chuan, Twitter ah Hezbollah leh Lebanese Army vauna tichhuakin, “Kha le, kan rawn kal e, lo inthiar fihlim rawh u. Dinhmun hlauhawmah in awm mek a ni” tiin. Tukin lama thupuan hi Hezbollah leh Labanese Army ten an la chhanglet lo a ni. An la ngawi reng!

Hezbollah helte hian Gaza Strip lama Hamas helte hnen atangin leiverh tactics hi an inhrilh tawn niin an sawi. IDF lam chuan Hezbollah hoten Sazu ang maia kua (tunnels) siama Israel ram chhung lut a, Israel community leh Army te a theih ang anga sih hlawk tuma an beihnate chu a zung nen lam phoro an tum urh hle a ni. Lebanon leh Israel ram inrinna “Blue Line” an tih, international crossing line thlengin IDF hian chhut chhiat an tum dawn a ni.

He “Operation Northern Shield” hi IDF Northen Command hotu Maj. Gen. Yoel Strick hovin siruk lain an thawk a, Combat Engineering Corps, Intelligence Branch Defense Ministry’s Administration for Development Weapons & Technology Infrastructure (MAFTA) te nen an thawkho a ni. Lebanon ramri “Security Fence” thlengin “Military Zone” tiin an puang a, Hezbollah hoten an lo beih theihna chhanglet nghal thei turin ralthuam famkim nen an inring sa nghal vek a ni.

Southern Lebanon lama Metula vela Hezbollah hote chet dan chuan UN Resolution #1701 a bawhchhia niin, IDF te chuan an sawi. Hezbollah hote hi Lebanon mipui Shia muslim hote chuan an thlawp tha hle niin an sawi thin. Kum 2006 a Israel nen an inbeih khan Iran chuan ralthuamin leh sumin a tanpui nasa hle a ni.

2014 kuma IDF ten Hamas ho beihna “Operation Protective Edge” ah pawh khan Hamas hote chuan leiverh hmangin Israel ram an lut a, an va Sanghal lo suasam vak a, tichuan leiverh ah chuan an Sihal puk tawm leh daih zel a, IDF lam pawhin an hrechhuak lawk theilo a ni.

2015 kumah Lebanese chanchinbu As-Safir daily chuan, Hezbollah hote chuan nasa taka Israel beih tumin an inbuatsaih a ni, tiin a lo ziak tawh a ni. Hezbollah ho hi Iran chuan missile leh rocket tam tak an supply a, missile thenkhat hi Israel ram chhung chu duh lai lai va den theihna tur (precision guided missiles) te a tel a ni.

Israel Army te hian Lebanon nena an inrinna bul Sulam Ridge, Metula, Misaav Am-East Blue Line thlengin Hezbollah hote sulhnu hi tihchhiat vek an tum tih a ni. Hezbollah Gen.Secy Hassan Narallah chuan kum 2012 khan, “Operation Conquering the Galilee” neih an tum tih a lo sawi tawh thin a ni.

Hezbollah hote hi Iran chuan sum leh ralthuam hmangin, Middle East region a thunun theih nan a thlawp tlat a, hei hi Israelte mit timimtu leh mut tituilotu pakhat a ni.

Tunkar tirah khan Israeli PM Benjamin Netanyahu leh Shin Bet leh Mossad Spy hotute chuan NATO Hqrs awmna Brussels ah thlawk lutin, US Secy of Secy Mike Pompeo chu, tun hnaia Tehran atanga Beirut a Iran ralthuam phurluh chungchangte leh, khawvelin Iran leh Hezbollah chet tum dan an titawplo a nih chuan “Israel-in an beih tur thu” khunkhan takin an sawi pui a ni. Mahse, Israel left party chanchinbuah erawh PM Benjamin Netanyahu chu eiruk thubuai cases No. 1000, 2000 leh 4000 ah Police ten an chhui mek a, hrem tura charge sheet (indictment) mai tura an tih vangin, boruak dang siam duh vanga zin chhuakah an puh a ni.

Author: CT Lalrinawma

Aside | Posted on by | Leave a comment

LAWNGTLAI DISTRICT-A 36-TUICHAWNG (ST) AC HNUAIA AJASORA PS-AH TLUANG TAKIN VOTE THLAK ZAWH A NI

November ni 28, 2018-a Mizoram MLA Inthlanpui 2018 buatsaiha vote thlak zawh hman a nih loh avanga Election Commission of India (ECI)-in fresh poll buatsaih leh tura a tihna, Lawngtlai District chhunga 36-Tuichawng (ST) Assembly Constituency hnuaia polling station pakhat, 36/35-Ajasora PS-ah nimin khan tluang taka vote thlak zawh a ni.

36/35-Ajasora PS-ah hian vote nei mipa 543 leh hmeichhia 537, an vaiin mi 1080 an awm a. Tukin zing dar 7 aṭang khan vote thlak ṭan niin, harsatna awm lovin tluang taka vote thlak theih a ni a. A khar hun pangngai tlai dar 4-ah vote thlak hi khar niin, vote 940 a tla a. Mipa 445 leh hmeichhia 495-in vote an thlak a ni.

Lawngtlai District chhunga constituency pathuma polling station 161-ah hian voter 80221 an awm a. Heti hian vote 64841 (81%) a tla ta a, mipa 32582 leh hmeichhia 32259 te’n vote an thlak a ni. Polling station 59 awmna 36-Tuichawng (ST) Assembly Constituency-ah voter 30584 awmin, vote 25969 (85%) a tla a. Polling station 68 awmna 37-Lawngtlai West (ST) Assembly Constituency-ah voter 26124 awmin, vote 21393 (82%) a tla a. Polling station 34 awmna 38-Lawngtlai East (ST) Assembly Constituency-ah voter 23513 awmin, vote 17354 (74%) a tla bawk.

Hei bakah hian tun thlengin Lawngtlai District-a constituency pathumahte hian postal ballot vote 996 a tla tawh a. 36-Tuichawng-ah vote 147, 37-Lawngtlai West-ah vote 331 leh 38-Lawngtlai East-ah vote 518 a tla tawh a ni. Postal ballot vote hi inthlan kaihhnawiha duty, mahni vote neihna polling station-a vote thlak hman lote tan vote chhiar hma thlengin la thlak theih zel a ni.

DIPR

Aside | Posted on by | Leave a comment

Archangkawm

Archangkawm hian Flavones pathum – Bicalein, Oroxylin A leh Chrysin a pai a

Alkaloids- tannic acid, sitosterol leh galactose a pai a

Hengte bakah hian tetuin, oroxindin, emodin, p-coumaric acid, scutellarein-7-rutinoside, prunetin, B-sitosterol etc. a pai bawk a ni.

Archangkawm thatna te:

🌳 *lflavones pathum, Bicalein, Oroxylin A leh Chrysin a awm avangin cancer damdawi atan, a bik takin thin cancer tan hman thin a ni a, cancer veng theia ngaih a nih bakah natural antibiotic niin natna hrik a that thei a, nachhawkna atan pawh an lo hmang fo thin.

🌳. *lA zung hi ruhseh leh ruhchuktuah nâah te, zun kawng tha lovah te, kawthalo-ah te, chaw ei tui nan te, chaw pai tawih (digestion) puitu atan te leh hritlang awm nãah te hman thin a ni

🌳 A rah hi lung tan a tha a, thisen a tithianghlim thei a, chaw pai tawih a pui a, pån leh hliam tan a thain a tidam hma a. Vun a tinung a, hmeichhe lam that lohna hrang hrangah pawh hman fo a ni bawk a.

🌳. Taksa chak lohna hrang hrang, a bik takin kum upa lam tan thluak leh taksa tihchak nan a tha a, parkinson’s natna leh alzheimer’s natna enkawl nan pawh an hmang thin.

🌳 Naupang rilru lam buaina nei enkawl nan te, khawsik, asthma, la vůng (spleenomegaly), khuh, tháwkna dâwt natnaah khâk tihchhuah tam nan te leh ruh leh taksa nãa bel atan te an hmang bawk thin.

🌳. A zung, a hnah leh a rah hi damdawi atan a hman theih vek a, a phuta siam hi ni khatah 3gm atanga 6gm vel ei tur a ni a, a tuiin ni khatah gm khat, ni khatah vawi hnih thum eia hman tur a ni. Taksaa nghawng tha lo, side effects a neih hriat a ni lo va, naupai tan erawh mithiamte ráwn hmasak a tha ber ang.

🌳. chawhmeh atan hmangin kan ei thin a, bazarah pawh lei tur a tam thei hle mai a. Kan duh luatah hian a kung te kitin he ramhmul damdawi (medicinal plant) tha leh tangkai tak hi kan ti rêm zo vang tih erawh a hlauhawm hle mai. A tiremtu ni lova a humhalhtu kan nih a pawimawh hle mai.

Pathianin kan chhehvela thing leh thlaiahte hian damdawi a dah a; humhalh a, a thatna hmu chhuak a, hman tangkai hi kan mawhphurhnaah a dah ve thung niin a lang.

Mizoram Medicinal Plant Board hian chak takin hma la se, Chawhmeh atana hmang ringawt lo hian damdawi atana ei theihin min chhawpchhuahsak thuai se a nghahhlelhawm khawp mai.

Chawhmeh atana hman ringawt hi chuan a thatna kan hmang tangkai tak tak lo mai thei a ni.

HMANGCHANG GROUP
TBC. MARENGA

Aside | Posted on by | Leave a comment