Bilkhawthlir ah wine shop doin tawngtai rual

Ni 23 Pathianni chawhnu khan Joint YMA huaihawtin Bilkhawthlir khawtlang mipuiten Bilkhawthlira khua a zu zawrh duh loh vangin Joint YMA Park-ah tawngtai rualna hun an hmang.

Bilkhawthlir khuaah hian tunhnaiah dan phalnaa zu zawrh tum an awm nia hriat a nih avangin Joint YMA Bilkhawthlir kaihhruaina hnuaiah ni Oct Ni 18 zan khan NGO leh Kohhran hrang hrang hruaituten joint meeting an lo nei tawh a, meeting-in a pass angin Vawiin tlai khan Bilkhawthlirah zu zuar an awm lohna turin Pathian hnenah tawngtaiin an ngen a ni.

He hun hi Joint YMA chuan kaihruaiin, zu in khawtlang leh chhungkuaa harsatna a thlen nasat zia tarlangin, dan phalna pawh nise zu nena kan inchiahpiah chuan kan hmalam hun tur hi ngaihtuah ngam pawh a nilo an ti a ni.

Tawngtairualna hunah hian khawtlang mipui thahnem tak an pungkhawm a, Pathian hnenah Bilkhawthlir khuaa dan phalnaa zu zawrh a nih lohna turin thahnemngai takin an ngen a ni.

Aside | Posted on by | Tagged , , | Leave a comment

Sawhthing Qtl. nuai 2 thar beisei

MCAB Share holder Society 19 zinga Firm 10 Champhai District a awmte chuan Champhai District chhunga khaw hrang hrang Sawhthing chingtute an zawhfiah danin kumin hian Sawhthing Quintal Nuai 2 chuang thar beisei a ni.

Mizoram Co-operative Apex Board in Agriculture Marketing lama hmala tura a din Mizoram Agriculture Marketing Solution (MAMSol) chuan Mizoram chhunga Aieng leh Sawhthing thar chhuahte hralh chhawng turin hma a la mek a. MAMSol kutke tichak tur hian MCAB chuan Share Holder Society zinga Firm 19 te chu thlang chhuakin, heng Socity-te hian kumina khaw hrang hrang Sawhting thar chhuah dan an zawt fiah mek a. Kumin hian Sawhthing thahnem tak thar beisei niin, khaw mal Sawhthing Quintal 10000 (singkhat) chuang thar thei tura beisei an awm nual dawn ni a thu dawn a ni.

MCAB chuan MAMSol kaltlanga phai lama Sawhthing leh Aieng hralh chhawn dan kawng dap mekin, kumin chhunga Sawhthing thar chhuah theih beisei zat tlangpui hre lawk tur leh kut hnathawktute thlai thar chhuah chu a chingtute hnen atanga man zawk a lei sak tura ruahmanna a siam bakah sawhthing hralhna man mumal taka bithliah anih theih nan chak takin hma ala chhoh mek a ni.

DD NEWS

Aside | Posted on by | Tagged , , , | Leave a comment

Meilawng hmangin Buhfai thiar

Lunglei district huamchhung chhim thlang lama inkalpawhna kawng thatloh vangin, Chawngte-ah meilawng hmanga buhfai thiar a ni.

Hun eng emaw chen kal ta atanga lirthei lian luh tawh lohna Chawngte-ah buhfai a awm loh avangin, meilawng hmangin Tlabung Sub-division huamchhung Tuichawng buhfai lak luh a ni a, tun kar chhung khan a mamawh zualte hnena sem tur quintal 226 pek chhuah a ni.

Meilawng hmanga Tuichawng atanga Chawngte thlen na’n hian darkar 8 vel sen a ngai a, sorkar-in buhfai quintal khat phurh manah Rs 200 zel bithliah mah se, meilawng hmanga buhfai phurh man hi a let deuhthawin a tam zawk tih, Tlabunga kan corr. chuan a sawi.

Hetih lai hian hmun thenkhatah tui a tlem deuh tawh avangin meilawng a kal tha thei lo va, Chawngte leh a chhehvela phurh tur buhfai bag thenkhat pawh a aia khaw hnai zawk Thanzamasora leh Ukdasury-ah te sem an ni.

DD NEWS

Aside | Posted on by | Tagged , , | Leave a comment

Neutral leh Phase enge ni

  • Enge neutral chu ni a, enge Phase chu?

    Kan inah plug kha tester in hawlh ta la, Phase zawk i hawlh chuan alo eng va anga. Neutral i hawlh chuan a eng lo anga, Earth emaw Ground emaw i hawlh pawhin a eng lovang. (Three pin Socket a chung a kaw khat awm hrang nalh kha Earth/Ground an tih chu ani e.

    Phase hi Live tih leh Line tih te pawh in an sawi bawk thin. Phase hi a theory anga luhkhung vak ka tum lova. Kan hlawkpui ber pawh ka ring lo. Mahse, Load a hna ava thawh dan hi ani. In vengah tlangval sual huai deuh, à bawk si in nei em? Khatiang ang kha phase chu ani. A chak (strong) em em ani. Mahse, chu tlangval sualhuai chu a muhil lai va en chhin teh, engmah ani bik lo tih i hmu ang. Phase hi a awm mai mai lai chuan a awm mai mai ani tawp mai. Sawi vak ngaihna awm lo, mahse, insualpui tur a hmuh hun hun chu a chet chhuah hun ani mai. Kan house wiring syatem ah chuan neutral hi a insualpui tur chu ani a, load (eg Bulb, tv, fridge, light, etc) hi an insualna hmun chu a ni. Nutral hi load ho zawng zawngah a lut sa (lo awm sa) vek a, in Switch i ON chiah kha chu tlangval sualhuai (PHASE) chu load lam panin a tlan chho ta zek zek mai a, Load chhungah khan an insual ta a ni. An insual rei deuh chuan alo lum a, alo sa hial a, an insual nasat ltk phei chuan a load kha A puak pawp tih i hriat kha. Tlangval sualhuai pawh a hmai vel a vungbur in, a thi hnuang thin kha. Haha.

    Nih leh, tinge current in a man thin che a? phase i khawih a, bang i ngheng vung vung bawk si a. Bang kha neutral (neutral chak lutuk lo) anih vang ani. Nang chu Load ah ilo tang ta anih kha. Current i in man tir khan In electric bill i ti sang ve tho tih in hria la aw. Light ho nen in inang reng. Load in ni ho vek tihna ani.

    Nih leh tinge a then a load a san a, a then hi a hniam hle si. In veng tlangval bawk kha, kawt zawl zau taka insualpui tur a hmuh chuan Posi a la a, a inhrosa a, a chet velna a zau thin a ni lawm ni?? Kha kha Load sang ani a.

    Thingzai pakhat chungah insual tir teh, chet pawh a che hleithei lovang, load hniam a ni tihna ani. Kan hriat tak chu, phase chet nat tir thei tu chu Load a lian (figure alian ni lovin) a, tin, a insualpui neutral a chak em? Tih hi ani ta ni. Neutral hi a hniam ve thei fo a nia.

    Kan hmuhchhuah chu, thil in anglo a insualna hmun ah Load alo awm theih tihna ani. Chuti anih chuan, Phase sualpui atan Earth/Ground pawh hian hna a thawk dawn tho tihna anih chu (0 potential). Chuan, a hming phuahtu te chuan He thil kan sawi hi Potential Difference emaw, Voltage tiin emaw an sawi thin a. Thahrui inang lo insualna tih pawh in a hriat theih tho awm e.

    Chuan, India a kan Voltage hi 230 or 240 ani a. America rama an voltage khu 110 a ni thung a. Foreign khawl i lei in, India ramah i hmang dawn a nih chuan step down angai tih hria la aw.

    Nidangah Curren leh voltage inlaichinna te, 3 phase awmzia leh nihphung te kan sawi ho leh dawn nia.

    Aside | Posted on by | Tagged , | Leave a comment

    KARNATAKA KAWNGKAM THINGPUI DAWRAH CHENG 5 IN THINGPUI NO KHAT LEH UNLIMITED FREE DATA INTERNET MINUTE 30 DAIH LEI THEIH

  • Karnataka-a khawpui(town) pakhat, khawpui kilkhawr leh tetakte Siruguppa(Ballari dist) hmuna kawngkam thingpui dawr hawngtu kum 23 mi Syed Khadar Basha-a chuan customer hip dan țha zet mai a ngaihtuah chhuak hlawla, a dawra thingpui no khat cheng 5 man chu ‘free unlimited data internet’ minute 30 chhung daih a thlawnin a ken tel tira, a tifuh cher cher hle.
    .
    Pa thluak țha tak Basha-a hian Wi-Fi router leh unlimited data plan chu local cable operator te ațangin a lei a, a dawra thingpui lei apiang chu wi-fi password inziahna ‘coupon’ a pe tel ta țhin a, a hmangtu-in minute 30 chhung a hman hnuin amahin a rawn in disconnect mai zel a ni. Dawrtu a ngah luatah bituk a siam chawt a, customer pakhat tân nikhatah vawikhat bâk a hman theihloh thung a ni. Thingpui lam nawn sekin awmzia a nei thui lua lo anih ber chu!
    .
    Kumin September thla-a he ngaihtuahna țha zet mai a hman țan ațangin dawrtu a ngah chak hle a, țhalaiin an bawh nasa êm êm a, țhutna in chan lovin thui tak tak an intlar pût renga, a hma-a nikhata thingpui no 100 hralh chhuak țhin khân, a lêt 4 lawih, a lo berah no 400 a hralh chhuak zat zat tawh a ni.
    .
    Siruguppa hi khawpui tetakte leh la hnufual ve angreng tak a ni a, khawpui lian hova ‘free wi-fi zone’ an pekchhuah ang chite an la nei pha ve lova, hei hi a dawr lunna chhan ber pakhat a ni a, a customer tam zawk chu he khawpui bulhnaia thingtlang khaw hnufual ve tak tak ațanga lo kal, internet pack thunna nei zolo, zirlai rethei harsa ve tak tak te anni hlawm a ni.
    .
    “Bengaluru ang khawpui lianah chuan hetia free data pekchhuah hi thil lian tham vak a ni kher lovang. A chhan chu free wi-fi zone a awm thluah a, tin mobile operator te’n free data an pechhuak țhin bawk a ni. Mahse, Siruguppa ang khawpui chengkerah erawh internet pekchhuah a la hniam êm êm a ni. Tunlaiah chuan mitam takin smartphone an nei thluah tawh a, social media ngawl an vei a, an mail an check reng duh bawk” a ti.
    .
    Sawi zawmin, “Min dawrtu țhalaite ka kawmna ațanga ka hmuhchhuah chu, he’ng thingtlang ațanga lehkha zira lo khawsa te hian thla khat atan cheng 100 bak pocket money an nei ngai meuh lova, internet pack thunna tur an nei zolo. Tichuan, he’ng zirlai retheite țanpuina ni pah fawma ka sumdawnna-in a hlawkpui dan bawk tur kawng ka ngaihtuah zui ta chawt a, ka țhiante ka rawn kual hnuin free wi-fi pekchhuah chu ka titlu ta ráwih a ni” a ti.
    .
    Wi-fi router lei na’n cheng 3,000 vel a hmanga, unlimited data pack thla khat dam lei nan thla tin 1,700 a insengral ziah bawk a, a internet speed 1 to 2 mbps chuan vawikhatah phone 10-15 vel a pechhuak zo bawk a ni. Tunhmaa customer 10 ațanga 15 bawr vel nei ve lauh lauh țhin kha, tunah chuan a dawra țhutna chang turin nileng lengin thui tak tak an intlar pût reng tawh a, a kawngkam dawr tetakte chu customer 100 bawr velin nitin an dawr ziah țhin ang a ni.
    .
    Pawl 10 thleng bak lehkha zirlo mahse zirlaite țanpui thei-a a awm chu a lawm thu leh, chutihrual chuan a sumdawnna in kawng dik lam a zawh chho mêk bawk chu a lawmna tizualtu anih thu Bashar-a chuan a sawi a ni.
    Aside | Posted on by | Tagged , , , , | Leave a comment

    TLAWNGLUI REIEK KAIA CHESUAL PC ZOTHANSANGA , CHAWLHHMUN VENG A MI RUANG CHU HMUH A NI

  • Niminpiah chawhnu 3:30 bawr vela Tlawnglui Reiekkaia chesuala tuia tla zui ta, Pc Zothansanga (31) S/o Vanlalsawma Chawlhhmun Veng Aizawl a mi ruang chu Chawhma dar 10:00 vel khan hmuh a ni ta.

    Kan tarlan tawh angin, PC Zothansanga te hi a hnathawhna hmun Aizawl New Market a puanthui a thian mi pali te nen niminpiah khan luiah hian chawei a tuia in chiah dai turin an kal a. Lui kama an eirawngbawlna luipui bul maiah tlai lam dar 3:30 bawrvel khan chesualin tuiah hian a tla ta niin thu kan dawng.

    Tui a tla tih hriat a nih rualin, A ruang zawn hna hi mi tlawmngaite’n an thawk nghal a, nizan leh zan hmasa pawh khan tlaivarin ruang hi zawn a ni a, a tlakna atanga hla vak loah hmuh a ni ta a ni.

    He thu buatsaih lai hian a ruang hi lak chhuah tawh a ni a,thil tih fel ngaite tih fel anih hnuah an chenna pan pui nghal a ni ang.

    Aside | Posted on by | Tagged , , , , | Leave a comment

    PHUNCHAWNG BULAH TRUCK CHESUAL MI PAKHATIN NUNNA CHAN

    Author:
  • Tukin zing dar 9 vel khan Phunchawng mel ruk, zu kudam bulah Gas phur truck pakhat silchar lam pan a tlan chu chesualin kawngthlangah a tlanliam a, a hmunah motor khalhtu hi a thi nghal nia thu dawn a ni.
    Truck-ah hian hnam dang vek mi 3 an chuang a, truck hian Sairang atanga Aizawl-a class kal tur scooty pakhat Eddie Lalremruata khalh chu a su a, scooty khalhtu hi a hliam na lutuk lo a, a hnar a thi bakah a malpui na a ti a, amah chu a harh tha viau a, Aizawl Civil Hospital-ah enkawl mek a ni.
    Motor hi a chetsual chhan hriat mai theih a ni lo a, a side a a tlan tluang lai chu kawn tan zawngin a tlan ta thut a an tlan liam ta ringawt mai a ni awm e

    Motor hi a chhe hneh hle a. A khalhtu a hmuna boral hnamdang ruang hi endik turin Civil Hospital-ah lak a ni a, tih tur tulte tih fel anih hnuah an khawlamah phurh a ni ang.
    Aside | Posted on by | Tagged , , , , | Leave a comment

    Cheural leh Sangau inkar Cheului bul Motor kawngpui dangping

    Author:
  • Saiha leh Sangau inkar panna kawngpui ber Cheural leh Sangau inkar Cheului bul Motor kawngpui chu danpin a ni.

    He kawngpui kaltlangna ramneitu Pu.Nohranga Cheural khua chuan aram kut an thlak atanga Kum 10 hnu, vawiin thlenga Motor kawngpui in a tih chhiat a ram compensation tihfel anih loh avangin kawng hi a dang a, Pu Nohranga hian Thuneitute hnenah lehkha pe in October ni 15 ral hmaa he a ram compensation hi tihfel phutin, hmalakna engmah a awm lo anih chuan a ram china kawngpui chu danpin a tum thu ziakin thuneitute hnen ah a lo thlen tawh a. Mahse Thuneitute lam atangin engmah hmasawnna leh hmalakna langthei a awm zui tak loh avangin vawiin tlai atang khan a ram chhung a Motor kawngpui lut chu dangpingin, a ramchhunga kawngpui kal pawh a lai chhe nual ni a thudawn a ni.

    Hetih lai hian Pu.Vanlaltanpuia, Sangau SDO (C) chuan Road block in mipuite a tih buai lutuk lohna atan tiin Sangau leh Saiha inkar kawngpui Road block siamna Pu Nohranga ram sira kawnghlui tawh tak awm chu Hlawhfa engemaw zat lain a siamthat tir a, chei hnum leh a nih hnu hian harsa takin Motor te leh Lian te chuan short cut kawng hi an zawh thei a, amaherawhchu bungraw phur tan chuan zawh theih a ni lo.

    Aside | Posted on by | Tagged , , , , , | Leave a comment

    B MALSAWMDAWNGLIANA THIHNAA MAWHPHURTU DAN ANGA HREM NGIATIN A CHHUNGTE COURT TUALAH AN PUNGKHAWM

  • B Malsawmdawngliana, Venghlui kutthlaktu leh a thihna a inhnamhnawih mi pahnih te chu vawiin khan Court ah hruai an ni a, hremna na zawk pek phut in B Malsawmdawngliana chhung te mi engemawzat Court tualah an pungkhawm.

    Thla hmasa September ni 25 khan B Malsawmdawngliana, chu an In bul Venghlui Tuikhur bulah uite zun tir tuma an in atanga a chhuak zawk chu zan dar 8 :40 bawr velah Tlanghmingmawia(19) East Lungdar khua leh Vanlalhruaia (24) Tlangsam Champhai khua inti te chuan an lo sawisa a, an sawisakna avang hian B Malsawmdawngliana hi a thluakah thi a tlin bakah a pumpui lam a chhe tel bawk a, Sept. ni 27 zing dar 1:45 bawr vel khan a hliam tuar lovin a boral zui ta a ni.

    Thu kan dawn danin he vanduaina thleng avanga an man B Malsawmdawngliana kutthlak tute hi nimin chawhma lam khan Pu T.LalhmachhuanaJudicial Magistrate First Class hmaah inlanin mi tihbuai leh tualthat thubuai awrh tir an ni.

    Court tuala B.Malsawmdawngliana chhungkhat laina pungkhawm te chuan thil tisualtute chu an phu ang tawk hremna pe turin thuneitute an ngen a ni

    Aside | Posted on by | Tagged , , | Leave a comment

    side drain-ah NAUTE RUANG CHHAR

  • Vawiin tlai dar 3 leh dar 4 bawr vel khan Ramhlun venglai biakin bul side drain-ah nau thla 4/5 mi vel chu tui in a rawn len thla, tui chhe paihna pipe atanga rawn luang chhuak ngei nia rin a ni, tiin kan thu dawnna chuan a sawi.

    Zanin tlai a, Zoram khawvwl Social media luah khat tu chu he thlalak hi a ni awm e.Hetiang thil a thlen thu hriattur thawm a khat tawka a awm ta fo mai hi a pawi tak zet a thu neitu lamin ngaihven se, hrem ngai an awm anih pawha an hrem ngam hi a hun tawh tak zet a ni.

    Kan ramah hian Dan lo anga, Nau tih tlak hi a hluar hle ni pawhin a hriat a, kan Doctor thenkhat leh kan nurse thenkhat te pawh hetiang kawnga inrawlh nasa tak an awm thin nia sawi tur mipui lam hian an hre fo thin a nih hi.

    Heng tih ching nia mipui lamin an sawi doctor leh nurse te mai bakah hetianga hman chi Damdawi hralh chhuak thin te hi enthlak a an chunga hremna lek kawh hi ahun tawh viau mai thei a ni.
    Sum kan duh luatah mihring nunna kan zah zo lo a nih pawhin nunna min petu Pathian tal zahna chang hi I hre thar teh ang u.

    Aside | Posted on by | Tagged , | Leave a comment