OPEN LETTER TO PU HRIATA CHHANGTE

To,

Pu Hriata Chhangte
Subj : Mizoram CM social media a i beih nasat em em chhan dik tak.

Pu Hriat, Chibai le.
A hmasain mimal takin kan inhre lova, FB leh whatsap lama i thu post zaa sawmkua pakua leh point pakua vel hi kan Chief Minister Pu Hawla i sawichhiatna leh i deusawhna niin ka lo hmu a. Ka hmu dik em aw?

Hetiang taka kan ram luber, CM meuh i beih reng fo takah chuan’chhan tha tak’ i nei ngei ang tih ka ring a. Chu ka rin dan chu zawh chian che ka duh a, min chhang ngei turin ka ngen hmasa ache.

Tunhnaia i post siam thenkhat ah mai pawh hian, St. Mother Teresa, mithianghlima puan, Canonisation programme Kolkata a neihah, ‘Helai khawvelah SAINTHOOD an lo inpek ve ang chi hian VANRAM a kawk lo hian ka hre khawp a. Ka ngaisanglo mai pawh nilovin, ka theng ka thawngah hian a lutlo hrim hrim’ i ti hmiah a. CM Pu Hawla khualliana a țang phei chu i nuihzat mai nilovin, ‘Kan CM ber zawk hi an Cannonisation ve hun ka nghakhlel thar tlat’ i ti hial a. Pu Hawla hi thi thuai thuai se i tihna chu a ni em law’ng chu maw?

Tin, Post dang i siam ah CM te nupa chungchang i sawiin, ‘An duhsakna beiseilo ngama Pathianin ka dinhmun min siam hi ka lawm khawp mai reng a…’ i ti bawk a.

He thu ka chhiar phei hi chuan, Pu Hriata hian engvanga dawt hulhual vantlang hmaah sawi duh nge a nih? A â zo ta em ni aw ka ti hial che a. Helai thu tak hi ka han ‘Open Letter’ na chhan che pawh a ni nghe nghe. Heng a hnuai point te hi i hre tawh lo anih ringin ka han remind pah duh che a:

1. Dt. 25th November, 2011, Bangalore a i awmlai khan CM hnenah ziakin ‘Deputation a Mizoram sorkar hnuaia thawh dilna’ lehkha i thehlut a.

2. Chu i lehkha ah chuan, 1989 daih ah tawh, CM Pu Hawla duhsakna che avangin Geology & Mining wing, Industry ah Asst. Mining Engineer atan lak i nih thu i sawi a. Chumi hnu, kum 20 hnuah daih Mizorama Deputationa awm dilna i thehlut leh chu chunglam Plan a ang i ti hial a nih kha.

3. ‘Directorate of Geology & Mining enkawl tur chuan ahminga Head Office nih ve ngei ka phut nghal bawk e’ i ti bawk a. Director nih i dil tihna a ni a. Heti khawpa chianga i duh sawia Chief Minister hnena i dil, Geology & Mining Dept a Director ah dah i nih tak loh vang hian, i thinrimin CM hi social media ah i bei vak vak a ni tih hi ka hmuhdan che a ni a. Ka rindan che ka han sawi ve a ni e.

Thil pakhat, CM hian i dil ang hian Geology & Mining Dept ah hian dah che a duh ve viau mai thei a. Mahse, tute emaw in an lohrawn huphurh viau vang che a. Head Office, Director ah hian dah ta lo che a ni ve thei tho, ka hre thui lem lo a.
Chuvangin Pu Hriat, nangma țanghma i hai vang leh, i nih chak tak dept. head i nih theih tak loh mai vanga CM bei vak vak nia ka hriatna che hi a dik em tih min chhang turin ka ngen a che.

Note:- ‘An duhsakna beiseilo ngama Pathianin ka dinhmun min siam hi ka lawm khawp mai reng a…’ i tih hi chu a lo ni chiah lo ah ka ngai.

I Rintlak,
Para Khiangte
Dt. 14.9.2016

Aside | Posted on by | Tagged , | Leave a comment

OPEN LETTER TO PU HRIATA CHHANGTE

To,

Pu Hriata Chhangte
Subj : Mizoram CM social media a i beih nasat em em chhan dik tak.

Pu Hriat, Chibai le.
A hmasain mimal takin kan inhre lova, FB leh whatsap lama i thu post zaa sawmkua pakua leh point pakua vel hi kan Chief Minister Pu Hawla i sawichhiatna leh i deusawhna niin ka lo hmu a. Ka hmu dik em aw?

Hetiang taka kan ram luber, CM meuh i beih reng fo takah chuan’chhan tha tak’ i nei ngei ang tih ka ring a. Chu ka rin dan chu zawh chian che ka duh a, min chhang ngei turin ka ngen hmasa ache.

Tunhnaia i post siam thenkhat ah mai pawh hian, St. Mother Teresa, mithianghlima puan, Canonisation programme Kolkata a neihah, ‘Helai khawvelah SAINTHOOD an lo inpek ve ang chi hian VANRAM a kawk lo hian ka hre khawp a. Ka ngaisanglo mai pawh nilovin, ka theng ka thawngah hian a lutlo hrim hrim’ i ti hmiah a. CM Pu Hawla khualliana a țang phei chu i nuihzat mai nilovin, ‘Kan CM ber zawk hi an Cannonisation ve hun ka nghakhlel thar tlat’ i ti hial a. Pu Hawla hi thi thuai thuai se i tihna chu a ni em law’ng chu maw?

Tin, Post dang i siam ah CM te nupa chungchang i sawiin, ‘An duhsakna beiseilo ngama Pathianin ka dinhmun min siam hi ka lawm khawp mai reng a…’ i ti bawk a.

He thu ka chhiar phei hi chuan, Pu Hriata hian engvanga dawt hulhual vantlang hmaah sawi duh nge a nih? A â zo ta em ni aw ka ti hial che a. Helai thu tak hi ka han ‘Open Letter’ na chhan che pawh a ni nghe nghe. Heng a hnuai point te hi i hre tawh lo anih ringin ka han remind pah duh che a:

1. Dt. 25th November, 2011, Bangalore a i awmlai khan CM hnenah ziakin ‘Deputation a Mizoram sorkar hnuaia thawh dilna’ lehkha i thehlut a.

2. Chu i lehkha ah chuan, 1989 daih ah tawh, CM Pu Hawla duhsakna che avangin Geology & Mining wing, Industry ah Asst. Mining Engineer atan lak i nih thu i sawi a. Chumi hnu, kum 20 hnuah daih Mizorama Deputationa awm dilna i thehlut leh chu chunglam Plan a ang i ti hial a nih kha.

3. ‘Directorate of Geology & Mining enkawl tur chuan ahminga Head Office nih ve ngei ka phut nghal bawk e’ i ti bawk a. Director nih i dil tihna a ni a. Heti khawpa chianga i duh sawia Chief Minister hnena i dil, Geology & Mining Dept a Director ah dah i nih tak loh vang hian, i thinrimin CM hi social media ah i bei vak vak a ni tih hi ka hmuhdan che a ni a. Ka rindan che ka han sawi ve a ni e.

Thil pakhat, CM hian i dil ang hian Geology & Mining Dept ah hian dah che a duh ve viau mai thei a. Mahse, tute emaw in an lohrawn huphurh viau vang che a. Head Office, Director ah hian dah ta lo che a ni ve thei tho, ka hre thui lem lo a.
Chuvangin Pu Hriat, nangma țanghma i hai vang leh, i nih chak tak dept. head i nih theih tak loh mai vanga CM bei vak vak nia ka hriatna che hi a dik em tih min chhang turin ka ngen a che.

Note:- ‘An duhsakna beiseilo ngama Pathianin ka dinhmun min siam hi ka lawm khawp mai reng a…’ i tih hi chu a lo ni chiah lo ah ka ngai.

I Rintlak,
Para Khiangte
Dt. 14.9.2016

Aside | Posted on by | Tagged , | Leave a comment

CHAMPHAI -AH BUNGRUA ENGMAH CHUH HMAN LOHIN CHENNA IN KANG RAL

  • Champhai ah inneih hlanin inkang.

Vawiin chawhnu dar 3:40pm vel khan Champhai , PHE Veng a Pu pakunga(L) te In , chhungkaw hnih luah lai chu bungrua engmah chuh hman lohin a kang a, an chhungkua hi Bethel Presbyterian Biakin a an fanu Tetei te inneihna a inkhawma an kal hlan a nih avangin in awm an awm loh lai a ni a, vanneihthlak takin mihring thi leh hliam an awm lo hlauh a ni.

Kan thu dawn danin, pu Pakunga(L) te in hi Assam type , mizo pa chhiar a chhawnghnih a ni a ,a hnuai zawk hi a fanute’n an luah a , kangmei chhuah lai hian in awm an awm loh avangin a chhan hriat mai theih a ni lo.

Thenawm khawveng te’n kangmei a chhuak tih an hriat meuh chuan mei alh hi a lo nasat tawh avangin thelh mih mai theih a ni lo a, In dang a kang kai tur erawh vanneihthlak takin an veng thei hram a ni.

Aside | Posted on by | Tagged , , | Leave a comment

TUIRUM BIAK IN SUASAM

27/9/16 chhun khan Tuirum Presbyterian Kohhran Biak In, Damparengpui Pastor bial chhung ami chu mi tu tih hriatloh ten an suasam a, Misual-te hian bungrua tih chhiat an neih awm hriat a ni lo a, typewriter hlui Biakin Vestry lam a dah tawh te,maicham thuthleng zawng zawng leh lehkhabu leh thil dang dang an la khawm a, chung te chu lamtualah an dah hnawk vek a ni.

Aside | Posted on by | Tagged , , | Leave a comment

Lushai Soap industry in Lushai soap Siam chhuak ta.

Lushai soap industry chuan inbualna sahbawn a release ta e.

Hun rei tak research tih avanga mipuite nghahhlelh em em tih khawtlaia a awm hi gaihdam kan dil nghal nise. duhthusama thaa siam tur leh mipuiten a him ngei ani tih an hriata ngaihngam taka an hman theihna tur a hun duhrei a ni tih min hriat sak kan duh e. Zawhna pawimawh tak Chu:

ENGE SAHBAWN DANG NEN A DANGLAMNA tih hi ani.

Ni ee…unau duhtak, hei hi I hriat loh kan duhlo e.tih tak meuhvin tih tak meuhvin kan hrilh ang che …

1. Lushaisoap hi pure vegetables oil (palm oil,castor oil,kernel oil,soybean oil) atanga Siam ani.

2. Khawl chhuak soap kan hmuh hohi a va tlawm bik vee…a chhan dik tak Chu glycerine la chhuak in a hranpain hralh chhuak in a hlawkna an tel fe hnuah glycerine awm tawh lohna Chu soap ah siam in a lo tlawm ta hle a ni. glycerine hi vun tana thil tha tinreng paitu ani.. glycerine hi Siam danglamin an telh leh thin bok. Lushaisoap hi tianga natural glycerine hlang Pai Chu ani..eem2 anaaa.

3.soap thenkhat aloe vera, neem, honey etc. telh ani tiin company lamin an sawi thin. An telh ngei a mahse taksa tana thatna tham an telh tawk thinlo fo. Chini fiante khata thingpui no 5 thlum tum Chu engvak a ni hauh lo ang. ka sawi awmzia Chu I man thiam ang Chu.l
ushai soap ah hian aieng(turmeric)hi vun tana that puina tham telh ani.
Tin mizoram Ami ngei aieng hi hman ani. Aieng thatna Chu in hre leh bok e.

3.Expert te’na real soap an tih method atanga Siamchhuah a ni. U.S leh U.K velah chuan luxury soap an Siam Dan technique a ni. Mizoram a an la apply ve thiam loh, Delhi a a zirna bik atanga zir chhuak in a duhthala a duan a ni. Chu method Chu cold process leh hot process technique kaihkop atanga duan ani.vegetable oil chhuanso burh2 a awmve loh avangin oil a athatna a bo velo a, oil a atichhe har tu om hi chhe velo in soap bar titha reitu ani.

4. Soap expert tena an zir chian ah chuan lushaisoap technique ang hi khawl Siam sahbawn ai hian a tlo bik hle a ni tih an hmu chhuak bok.

5. Bawlhlo(a ti changtu, a ti rimtui tu, ati phuan tu,ati faitu,etc)Heng atan hian eng Synthetic bawlhlo mah hman a nilo bok.

6.Sahbawn bawm ah poh chhuang takin handcraft soap tih a chuang ngat ani.

7. Mi Fing apiangin thil tha leh organic thil an ngai sang.

8. A that bikna hi soap bawmah chhiar theih in tarlan a ni bok e.

9. Pawl leh mimal tan a sumtuakna tha tur tak ani. Tin pawl tan special discount kan pe thei. Wholesale/retail pawhin kan pe chhuak e. 8974915953 ah hian han be ta che.

Heng bakah hian a DANGLAMNA bik hi soi tur tam tak a awm a mahse soi vek sen a nilo ang..

Nangmah ngei in hmang la a athatna hi ihre ngei ang, chu Chu huaisen takin kan tiam ngam che .

Aside | Posted on by | Tagged | Leave a comment

Supreme Court in Custody a dah te kutthlak chungchang Sorkar a ngaichang

Custody-a dahte sawisak leh nghaisak venna tur dan sawrkar siamtir anih theihna tura Supreme Court-a petition thehluh chungchangah Supreme Court chuan sawrkar thuchhuak a ngaichang mek.

Chief Justice T S Thakur leh Justice A M Khanwilkar awmna bench chuan nimin khan Ministry of Home Affairs-ah hriattirna a thawn a, custody-a sawisak tuarten chhawmdawlna, tanpuina leh zangnadawmna an dawn theihna tura PIL thehluhah Home Ministry chhanna an nghak mek a ni. PIL hi senior advocate leh law minister hlui Ashwani Kumar chuan a thehlut a, heng ang harsatnate vil turin National Human Rights Commission (NHRC) ang chi te tih chak a phut a. PIL ah hian dan mumal zam a nih loh avangin custody-a awmte tan tharum thawhna leh nghaisakna laka venna a awm lo a, mimal dikna chanvo nasa taka bawhchhiat a ni thin thu tarlan a ni a.

Hemi chungchang hi thuneituten an ngaihthah thin avangin dan puiin mimal dikna chanvo a pekte dinhmun thaloah an awm fo ani ati bawk.

AIR NEWS

Aside | Posted on by | Tagged , , | Leave a comment

Chakma Autonomous District ah kawngzawh

Chakma Autonomous Dist Council hnuaia dan kalha hna lak leh eirukna hrang hrang awma an hriat duh loh lantir nan nimin khan Kamlanagar-ah Mizoram Chakma Students Union leh Young Chakma Association huaihawtin mipuiin kawng an zawha,Heng pawl 2 leh CADC sorkar chuan dan diklova hnalak sut turin an inrem tawh a, amaherawhchu tun thlengin hmalakna a awm loh avangin kawng an zawh ta tih Mizoram Chakma Students Union President Jagadish Chakma chuan a sawi a, pawl 2 te hian kum 2015 atang khan hnalak dan dikhlel an tih thu hi an auchhuahpui tawh a, hemi kum August thla khan total bandh an huaihawt naah zirlai 1 chu kahhlum a ni a, hetichung hian kuminah hian Pu Kali Kumar Tongchangya kaihhruai sorkar ah danlo bawkin mi 40 vel lak an ni a ti a ni.

Pu Tongchangya hian nikuma an lungawilohna hi thlawpin, MNF leh BJP te nasa takin a bei ni a sawiin, tuna thuneihna a chan takah chuan khatihlaia CEM party-a pawha a thawhpui Pu Buddha Lila Chakma paihthlak a tumna mai a ni tih an hre chhuak tawh tih pawl 2 thuchhuah intawmna an tarlang a, hetianga chetna hi an do zel dawn tih sawiin, CADC sorkar chuan ni 7 lo awm tur chhungin, an inrem tawh angin dan dik lova hnalak zawng zawng an tihtawp an phut tih an kawngzawhnaah hian an sawi a, hei mai bakah hian personal Assistant leh personal secy te pawh ban turin an phut a, tunhnuah PA leh pS te hi contract ni lovin Co-terminus a lak ni tawh se an ti bawk a, hna lak chungchanga thuneitu tur Recruitment Board siam ni se tih an phut tih an sawi bawk.

AIR NEWS

Aside | Posted on by | Tagged , | Leave a comment

Lunglei DC suspend tur sut leh

Lungleia Court Bldg leh Judicial Quarter suasam chungchanga thu kalzelah Chief Minister hova Emergency Meeting in Lunglei DC Abhijit Vijay Chowdhury a hna atanga suspend tur a Home Ministry a rawtna thlen an tum chu sut leh a ni a. Lunglei DC hi a hna kalsana Principal Secretary DP&AR Pi Reenu Sharnma hnenah in report tur a tih a ni a, he thupek hi nimin khan sorkarchuan a chhuah a ni.

Hetihlai hian, Lunglei hi Lawngtlai DC Pu A Mathamma chu hmui tura tih a ni a, Lunglei DC hian zaninah Lawngtlai DC hnenah charge zanin hian a hlan ang.

Nimin tlai khan DC Office chhehvela Deptt hrang hrang Officer te nen hmanhmawh takin inthlahna thingpui an in ho a ni.

Hetihlai hian PWD(Bldg Div) chuan Court Bldg chhia thawmthat hna nimin atang khan an thawk tan a ni.

Police te chuan Bldg khawihchhiat kaihhnawihah mi 30 an man bak vawiin lamah man belh an nei lova, a tul angin pawikhawihtu te man zel an tum tih an sawi a. Man tawh zinga kumtling lo mi 3 an tel a, heng mi te hi Remand Home Lunglei-ah dah mek an ni.

AIR NEWS

Aside | Posted on by | Tagged , , , , | Leave a comment

THUAMPUI VENG THLANMUAL THLANGAH RUANG CHHAR

Nimin ni 26.09.2016 chawhma dar 10:00 khan Thuampui veng Thlanmual thlang Upa Pawl Tuikhur thlangah Pu Lalramnghaka (K-27) S/o Lalthomthang Zokhawthar ruang chhar a ni.

Amah hi Thuampui venga a chhungte tlawhin ni 24.09.2016 (inrinni) khan a kal a, chumi hnu chuan hmuh chhunzawm ni talova, nimin chawhma khan a ruang hi chhar a ni ta mai a ni.

Pu Lalramnghaka ruang hi Pu Saihmingthanga Thuampui vengthar chakai khawrhin a hmu a, YMA hruaitute a hriattir hnuin lakchhuah a ni. A thih chhan hi hriat a ni lova, a taksa pawn lam lang theiah hliam nasa a awm lo niin ruang buaipuitute chuan an sawi a, mi kut tuara boral a nih a rinawmlo niin thu dawn a ni. Thuampui YMA in puana tuama Kuangah dahin Bawngkawn Police ten Posmortem leh tul dangte an tih hnuah an khua Zokhawthar panpui a ni.

Pu Lalramnghaka hian a nupui leh a fate 3 a kal san a ni.

Aside | Posted on by | Tagged , | Leave a comment

MNF hian Martar te a hmangaih tak tak em

Martar day hmangtu MNF te khan rawn chhang rawh u le

OFFICE OF THE
MIZORAM MARTYR FAMILY ASSOCIATION (MMFA)
GENERAL HEADQUARTERS
AIZAWL MIZORAM
Ph : 0389 2300367

Date 21st September 2016

PRESS RELEASE

MNF Party in kum tin September ni 20 a Martyr te ni an hmang thin hi lawmawm kan ti a, tun aia urhsun leh ropui zawka hmang zel turin duhsakna kan hlan a, kan beisei bawk.

Amaherawhchu, Mizo hnam Pasalthate leh Rambuai avanga nunna hlu tak chan tate, hemi ni chauh a an hmangaih a an hrethar thin hi sim tawh se kan ti hle.

MNF Movement avangin Fahrah leh Hmeithai tam tak Mizoramah kan awm phaha, Mizoram buai avanga Nunna chan chhungte ngaihsaka tuam hlawm tura kan beisei em em, MNF in kum tam tak sawrkarna an chan chhungin ngaihsak leh tuamhlawm kan hlawh lova, chumai nilovin Nungdama an rawn chhuahpui, hnam pasalthate pawh an chanvo tur dik tak ngaihsak lova an sawrkar chhung hun an hmang ral kha, MMFA General Headquarters chuan NA kan ti hle, Sawrkarna an chan chhung pawh khan hemi ni ah chauh hian Tawngkam thiam takin Martyr-te an hmangaiha, Tawngkam chauh a hmangaih hi MMFA General Headquarters chuan rem kan ti tawh lo, a tak tak a hmangaihtu kan mamawh zawk.

Martyr-te Thisen hlu tak hi, Politics a hamthatna lak tuma hman fo hi Martyr chhungkua ten rem kan ti tawh lo a, Hmangaihtu leh Duhsaktu kan mamawh zawk ani tih hi min lo hriatsak se kan ti hle.

Sd/-
(PB LALBIAKSANGA)
General Secretary
Information & Publicity
MMFA General Headquarters

Aside | Posted on by | Tagged , , | Leave a comment