TEDIM-AH MIZORAM-A KHUAREL CHHIATNA TAWKTE TANPUI DAN TUR AN NGAIHTUAH

Mizorama ruah sur nasa vanga chhiatna thlengte tanpui theih dan dapin Tedim, Chin State,Myanmar-ah tlawmngai pawl hrang hrang an thukhawm.

Meeting hian Ruahsur nasa vanga Mizoram mipuite tanpui dan tur an sawiho a, tanpuina pek ngei ni se, hemi atan hiancommittee “Zomi Donghu Kipawlna” tih hman ni se tiin an rel a, hma latu an inruat nghal. Meeting-ah hian tanpuina pawisa fai Ks.1,03,500/- hmuh nghal a ni. Tanpuina hi -1) Tedim khawpui chhung,
2) Kohhran hrang hrang,
3) Myanmar a khawpui then khat leh
4) Ramdanga awm Zomite hnenah khawn khawm an rel a, tanpuina hi Zomi Innkuan, Aizawl kaltlanga pek nise tih an rel bawk.

Meeting-ah hian Tedim khaw chhunga tlawmngai pawl hrang hrang – Tedim Youth Fellowship (TYF), Zomi Youth Association (ZYA), Shalom Youth Club (SYC), Zomi Development Foundation (ZDF); kohhran thalai inzawmkhawm – Tedim Town Baptist Youth Union (TTBYU), leh political party lam a tangin Zomi Congress for Democracy (ZCD) youth wing aiawhte leh mi thahnem ngaithenkhat an tel.

Author : Vanneihthanga Vanchhawng      

Advertisements
Aside | Posted on by | Tagged , , | Leave a comment

MELBUK AH RANGKACHAK NUAI 598 MAN HU MAN

Land Custom Station Zokhawthar leh Champhai Customs te tangkawp chuan an thudawn bawhzuiin Melbukah Rangkachak Nuai 598 man hu an man.

Report an dawn veleh Champhai Customs te chuan bawhzui nghalin an mi rinhleh chu Melbukah nangchingin an man ta a ni. Rangkachak neitu hi C.Lalpekhlua s/o C.Lallawmzuala Zokhawthar niin a insawi a, Rangkachak tlang 20, tlang 1 kg 1 theuh a vaiin kg 20 chu a hnen atangin man niin sawrkar thuchhuah chuan a tarlang.

Saihmingliana Sailo

Aside | Posted on by | Tagged , | Leave a comment

Michael Lalmanzuala’n PU VANLALNGHAKA CHHAWNCHHEK open letter a thawn let.

Pu Vanlalnghaka Chhawnchhek,

            Open Letter min han thawn, Mizo Aw chanchinbu July 10-a chhuak hi ka lo hmu ve a. Tihdan pangngaiah chuan Open Letter hi kan mi thawn hnena pek hmasak a ni ţhin a. Chutianga i tih loh avangin ka lo hmu tlai deuh a ni. I duh dan zawk ni-a a lan avangin tun ţumah hi chuan kei pawhin chanchinbu/social media-ah ka han chhuah ve mai a ni.

NECS-in chhiah Cheng Nuaih 126 a âwl thu Chief Managing Director, Pu Robert Romawia Royte-ina a puanzar thu ka lo hriatin hetiang hi ram leh hnam inrelbawl dan phung tibuai thei thil a nih avang leh chhiah inâwltir dan pawh hi dan kalh a nih avangin ngawihbopui chi-a ngai lovin chanchinbu-ah ka ngaihdan ka chhuah a, Open Letter-in ka rawn chhuzui a ni.

Hemi chungchang hi ka ‘article’ leh ‘open letter’-ah chiang takin ka sawi tawh a, sawi belh tur tehchiam pawh a awm lo. A pawimawh zual lai erawh ka’n sawinawn leh ang e.

Chhiah pek tur Sawrkarina a bituk ang ang chu khua leh tui ţhate chuan kan pek ngei tur a ni a, chu chu kan Pathian thu pawhin a sawi dan a ni. Chhiah pe lo chuan ram inrelbawl dan pawimawh leh Pathian thu a bawhchhia tihna a ni. Tunlai kan ram kalphungah chuan a hausa apiangin chhiah an pe hnem a. Mi hausate berina chhiah an pek loh chuan ram leh hnam inrelbawlna a tichhe thei a ni.

Tun ţuma kan Sawrkarin NECS chhiah a âwltir dan hi a dik lo. Mizoram Value Added Tax Act, 2005, Section 47(1)-ah chuan a huhova thil ti ţhin(class of dealers or persons)-ten an thil lei emaw hralh emaw-ah vantlang ţhatna tur a nih chuan Sawrkarin chhiah a âwltir thei tih a ni a. Chutianga a tih dawn chuan, a âwltir chhan chiang taka ziakin Official Gazette Notification a chhuah tur a ni, tih a ni a. Company mal emaw, mimal emaw chhiah âwltir theihna dan a awm lo. Tun thlenga hetiang Official Gazette Notification chhuaha la ni loh avngin, chhiah awltirna ber pawh hi dan hma-ah a ding lo vang.

Company pakhat emaw, mimal pakhat emaw Sawrkarin chhiah a awltir chuan a tidik lo va, dan a bawhchhia tihna a ni.

Democracy kalphunga inrelbawlnaah chuan Dan(Rule of Law) a lal ber a, dan chunga lêng thei tu mah an awm lo. Mizorama kan Sawrkar neih ve ţhinte hian dan ngai pawimawh lovin an palzutin an bawhchhe fo ţhin a. Hetiang tih hi dik lo leh ţha lo ka tih thu ka auchhuahpui fo tawh thin. Chuvang chuan tun ţumah pawh hian ka rawn auchhuahpui leh a ni. Ram leh hnam tana pawi thui thei thilni-a ka hriatah chuan thil dangah pawh ka auchhuak ţhin a ni.

Tun ţuma ka thu khel ber(subject) chu dan kalha chhiah âwltir sawisel a ni a. Aizawl Football Club chungchang hrim hrim sawina a awm lo. Pu Robert Romawia Royte hi NECS leh AFC neitu a nih avangin leh amah berin he chhiah awl chungchanga NECS leh AFC te a rawn sawipawlh nawk nawk avangin AFC hi a rawn lang ve mai a ni.

AFC-in Mizoram leh Mizote tana hmingţhatna leh ngaihsan hlawhna a rawn thlen hi Mizo tawh phawt tan thil lawmawm a ni a, kei pawhin lawmawm ka ti a ni. Amaherawhchu Football-a kan hmingthanna te hi Chhiah nena inzawmtir chi a nih loh avangin chutianga inzawmtir a nihna hi a dik lo va, ka sawisel mai a ni. Pu Robert Romawia Royte hian AFC kaltlanga Mizoram leh MIzo mipuite hming thatna a thawh chhuah avangin cheng nuaih 126 a chhhiah pek ngei ngei tur awltir ni berin a lang a. Pu Robert Romawia Royte hian heti zat hlawkna a tel a nih chuan AFC player-te hi chuan a hmuh aia tam hamthatna pek ve hi an phu ngawih ngawihin ka hria a ni.

Hetianga hmingthanna leh hming ţhatna te hi AFC leh Football ngaisangtute tan chuan a hlu lehzual tih pawh kan hria a. Amaherawhchu hnam pum dinhmun kan enna kawngah chuan thil pakhata kan hmingthanna ringawt khan min awihmut a thiang lo thung a ni.

Kan Sawrkar hruaitute hi chu hnam pum thil ngaihtuaha, chutiang thila mi kan an vena tura min kaihhruai hi an tih tur leh an bat a ni. Ei leh bar leh thil pawimawh dang pawhaneih alawi kan neih lohnaah a mawhphurtu liau liau an ni. Kum hnih khat thil thu ni lova, kum 50 chhung zet pawha chawmhlawm leh kutdawh ti tih dinhmuna min dintir-ah hian an tih turah an hlawh chham a ni.

Chutiang ram leh hnam tana thil pawimawha tih alawi nei lo va, Football thil ngaih pawimawh bera nei anga an awm hian hruaitu tling an nih lohzia leh an tih tur an tih lohzia a lantir a ni. Tun ţumah pawh hian he thu hi kan rawn ngaih pawimawh ber chu a ni.

Hetiang dinhmun zahthlak taka min dintirna chhan ber chu PAWISA A HMANNA TURA HMANG LOVA, A HMAN LOHNA TURA AN HMAN ţhin vang a ni. Hetianga kan Sawrkar kalphung ţha lo hi NECS nena an kalphung hian a chhunzawm zel niin ka hria a. Chu chu kan ram leh hnam tana hlauhawm ni-a ka hriat avangin ka rawn auchhuahpui a ni.

Ka nihna dik tak chu ka ‘open letter’ tlangkawmnaah khan ka sawi tawh a. Mahni kea ding ka ni a, chutiang dinhmuna ding chuan mi dang kan itsik ngai lo. An dik lohna ni-a kan hriat chu ram leh hnam thil khawih pha a nih phei chuan kan sawi chhuak ţhin a ni.

Mi dang rinna reng reng nei lo ni-a min ngai hi ka dem lo che a. Ka sawi tawh ang khian kan politician neih tawh tam berte hi chu mahni hmasial luat vanga ram leh hnam thil pawimawh ti lova, kan ram hi mimal hmasawnna chauha awmtirtu an nih avangin rintlakah ka ngai lo va. Chutiang deuh vek chu an nih avangin eng political party mah hi zawm tlakah ka ngai lo a ni. Kan tun dinhmunah chuan kan Chief Minister te ber pawh hi kutdawh an ni deuh ngawt mai a. Kutdawh tura Chief Minister nih chu ka duh ve loh thu te pawh ka lo sawi tawh ţhin a ni.

Chawmhlawma awm te hi a thim ka ti a, ka hmu êng ve theilo va. Corruption kairualna ber nih te hi a thim a, ka hmu êng ve thei lo va. Natna chi hrang hrangina a bawm nasat ber kan nih te hi a thim ka ti a, ka hmu êng ve thei lo a ni e.Ka nihnaah hian ka chiang a. Chhia leh ţha hriatna leh dan kalha thil ka tih ve ngaih loh te hi a hrechiangtu ber ka ni a. Ka nihnaah hian ka lawm tawk e. Ngaihdan dang i neih ve erawh kan ram Danpuiina zalenna a pek che i hmanzai venaah ka ngai mai a ni.

I rin tlak,
11.07.2017
M. Lalmanzuala
Chaltlang, Aizawl.

Aside | Posted on by | Tagged , , , , | Leave a comment

VICE-PRESIDENT ATAN EPTU PAWLTEN MAHATMA GANDHI TUPA, GOPAL KRISHNA GANDHI THEHCHHUAK

Vawiin July 11, 2017, khan kan hma lawk, August thla a India ram Vice- President thlanna lo awm tur atan Congress Party kaihhruai, Opposition party 18 te intelkhawm chuan Parliament Library building, Delhi-ah meeting neiin lungrual takin India Hnam Pa, Mahatma Gandhi tupa, kum 72 mi, IAS officer chawl ta, Gopal Krishna Gandhi chu candidate intawm atan an thehchhuak ta.

Tuna kan Vice-President,Hamid Ansari hi August 11, 2007 atang khan Vice-President a la ni a, tun August 10 hian a hun hi a tawp dawn a ni.

A tir takah kha chuan Gandhi hi eptu party te hian President candidate thlanna lo awm tura an candidate atan an vawrhchhuak ni a sawi a ni a, mahse eptu party te hian President candidate atan hian Hindu hnam hnuaihnung, Dalit, Pi Meira Kumar chu Presidential candidate atan hian an thehchhuak ta zawk a ni.

Vawiina eptu party 18 meeting-ah hian Congress President Sonia Gandhi, vice-president Rahul Gandhi, former Prime Minister Manmohan Singh, LS a Opposition leh Congress party leader, Mallikarjun Kharge, RS a Opposition party leader, Ghulam Nabi Azad ten an telpui.

Vice-president thlanna tura nomination file theih ni hnuhnung ber hi July 18 a ni a, July 19 hian scrutiny neih a ni ang a, July 21 thleng hian inhnuhdawh theih a ni ang.

Hetihlai hian rorel lai, BJP te chuan July 13 hian an nominee hi an final tura beisei a ni.

Author :      

Aside | Posted on by | Tagged , , | Leave a comment

California ram kang a nasa

United States-a California state-a ram kang chu thelh mih theih a la ni lova, chak taka a kan belh zel avangin mi za tel, hmun him lamah sawn chhuah an ni tawh a ni. Khaw lum lutuk leh lei ro lutuk avangin kang thelh hna hi a thawh chakhleih theih loh niin sorkar hotuten an sawi a ni.

Kangmei hi California state chhung hmun 17 velah a chhuak a, Santa Barbary County-ah kang nasa zualin ram, sq.km 93 chuanga zau a kang mek a, mi sang telin a thelh hna, ngawrh takin an thawk mek a ni.

Ram kangah hian chenna in engemawzat a kang chhe tawh a, in engemawzatin hliam an tuar bawk. Mithiamte chuan khaw lum hian ziaawm lam a la pan rih dawnlo tih sawiin kum upa lam leh naupangte tan a hlauhawm zual a ni, an ti.

Aside | Posted on by | Tagged , , | Leave a comment

Malabar exercise an tan ta

Ram 3 – India, US leh Japan navy-ten tuipuia indo nunchanan zirhona prog chu nimin khan Chennai Port-a Indian navylawng lian, INS Jalashwa-ah tan a ni a, Malabar Exercise tia vuah, he nunchan zirhona hian tun thla ni 17 thleng a awh ang.

India Eastern Naval Command-a Flag Officer Commandingin Chief, Vice Admiral HCS Bhisht-a’n thuthar lakhawmtute a hrilh danin, nmin atanga ni li chhung chu vaukam lam nunchan zir a ni ang a, tun tumah hian indo thlawhna phur thei Indian navy lawng lian, INS Vikramaditya pawh a vawi khatna atan tel tir a ni ang.

Ram 3 navy-te indo nunchan zirhonaah hian khawvela indothlawhna phur thei indo lawng lian ber, USS Nimitz telin indo lawng 16 an tel dawn a, indo thlawhna 90 chuang leh tuihnuai lawng 2 an tel bawk dawn a ni.

Aside | Posted on by | Tagged , , , | Leave a comment

Ramri chungchang sawiho

Mizoram Legislative Assembly Subject Committee-I member-te’n july 9 khan New Delhi-ah Minister of State for Home Affairs Kiren Rijiju hmu-in Mizoram, Bangladesh leh Myanmar ramri chungchanga harsatna awm tawh te leh la awm thei leh thil dangte sawipuiin memorandum an theh lut.

Pu Kiren Rijiju hian Subject Committee-I member-te hi lawm taka lo dawngin an thil thlente lo enzuipui a tiam a. Border Management High official-te chu siksawi mek an ni chungin thil tihdan tur a hrilh nghal a, Committee-in an hmuh zui dan tur rem a ruatpui nghal a ni.

Union Minister hmutute hi Subject Committee-I Chairman Pu P.C. Zoram Sangliana, member MLA panga – Pu Nihar Kanti Chakma, Pu Vanlalzawma, Pu T. Sangkunga, Pu John Siamkunga leh Pu Lalruatkima te an ni.

Aside | Posted on by | Tagged , | Leave a comment

CADC Congress sorkar, CEM Kali Kumar Tongchangya-a kaihhruai paihthlak a ni.

Chakma Autonomous District Council (CADC)-a Congress sorkar, Chief Executive Member (CEM) Kali Kumar Tongchangya-a kaihhruai chu fiahna pal tlang zo loin, nimin july 10 khan paihthlak a ni.

Hun engemawti chhung CADC sorkar a buai hnuah Governor thupekin nimin khan CADC sorkar hi ding zui zel thei a nih leh nih loh ‘Special Session’ koin buk a ni a. Session-ah hian mipui thlan member 20 leh ‘ruat seat’ luahtu member 4-te an tel kim thei a. Amit Kumar Chakma-a’n sorkar rintawklohna ‘no confidence motion’ a pu lut a. Vote laknaah vote nei thei member 20 zinga 15-in sorkar rintawklohna motion hi an thlawp a, MNF MDC H. Amaresh Chakma-a erawh chu vote lak lai hian house chhungah awm duh loin a chhuak a ni.

Hetianga sorkar dinglai a tlak tak avang hian Chakma Autonomous District Council (Constitution, Conduct of Business, etc.) Rules, 2002-a inziak angin CADC-a member ngah ber Congress Legislature Party chuan an hruaitu tur thlangin, ani hian Governor hnenah sorkar a siam theih thu a thlen ang a, Governor-in Chief Executive Member atan lo ruatin a thurawn angin Executive Member 7 a ruat bawk ang.

Puan tawh angin CADC sorkar a buai avang hian kar hmasa Thawhlehni khan Governor chuan CADC sorkar thuneihna zawng zawng a kutah lain, chawlhkar khat chhunga sorkar a chak tawk leh chak tawk loh finfiah turin CADC Chairman a hriattir a. Governor-in a aiawha hma la tura a ruat Lawngtlai DC chuan Governor duhdan hi tihlawhtlingin nimin khan CADC sorkar fiahna atan SpecialSession hi koh a ni ta a ni.

Hetihlai hian MNF Dist. Hqrs. Kamalanagar huaihawtin MNF Party mite chu nimin khan CADC Assembly House kawtah pungkhawmin CADC sorkar a la chak tawk leh chak tawk loh fiah a ni ringawt chu an duhkhawp loh thu an sawi a, Special Session nei tura kohna lehkha an hal. MNF Dist. Hqrs. Kamalanagar President Rasik Mohan Chakma-a chuan CADC sorkara eirukna chhui turin ‘floor test’ neih ringawt chu a tawk lo a, Inquiry Commission dina chhui chian ngei an phut thu Governor hnenah an thlen thu a sawi a ni.

Aside | Posted on by | Tagged , , , | Leave a comment

HSA leh Vairengte Check gate Police te an inrem

• HSA leh Police te an inrem.
• HSA in an thuchhuah a hma aia nemin an chhuah leh dawn? 😀😁😁

Tunhnaia Assam-a Hmar zirlai pawl hruaitu pakhat hnena Vairengte Police Check-gate duty-in Inner Line Permit (ILP) a lo dil nia sawi chungchang chu lungawi tlang taka chinfel a nih thu dawn a ni.

Vairengte Police Station hotute hnen atanga thudawn danin he thilah hian engemaw thu inbat sual palh leh inhmuh fuhloh palh vanga lo punlun ta hluai a ni a. Hmar Students Association (HSA) hruaitu pakhat hi ILP an dil ni lovin an nihna tih chianna tur ID Card an lo dil a, chumi pah chuan ILP pawh a lak theih tih Police pakhatin a sawi chuan thil a ti punlun ta niin an sawi a.

HSA hruaitute leh Vairengte Police hotute hi inhmu-in engkim an sawi fel tawh thu leh Social Media lama thuchhuah lo awm tawhte pawh a nem zawnga puanzar leh tum a nih thu dawn a ni.

Aside | Posted on by | Tagged , , | Leave a comment

Saichal thi tur nena inthianna.

• Saichal zaidam tak chu.
• Sai te hi khawnge an thih thin.
• Sai intihhlum dan.

Tun tuma ka sawi leh tur thung chu ramsa lam chanchin a ni a, hei hi mitdawivaih leh misualte nen engmah inkungkaihna neilo a ni. Saipachal pakhat danglam bik em em mai ka hmuh thu a ni. He Saichal hi ka hmuhna hmasa ber chu tlai lam dar 4:30 velah Anaikutta Forest Bungalow atanga mel sawm vela hla, motor kawngpui bul tawkah ka motor a kan tlan laiin a ni. Helai hmun hi a hma lama temple ram tawh ka sawina bul lawkah a ni nghe nghe.

Kawngpui atanga ding lam yard 50 vel ramhnuaiah chuan lungmuang takin a lo tla a. Ka car chu ramfang ho leh thlalaka eizawng la zeilo tak tak ho nen kan khat tuai mai a Saichal thla chu vawi engemaw zat chu an la a. Chu Saichal chuan keiniho leh kan car vu ri pawh chu engahmah a ngai duh hauh lova. A awmdanah chuan a bul vel mel khat bial velah chuan tumah an awm love. ti niawm tak leh tumah hmu hauhlo, mahni chauh va awm niawm in a lang a.

Kan thianpain car chu a khalh a, kei chu a hnung ding lam sirah ka thu a midangho chu ramdang mi India ramhnuai leh ngaw vel fang tura lo zin khawthawngho an ni a. Khualzin zinga pakhat Circus-ah leh sahuanah chauh Sai la hmu hi a awm ve bawk a. Sai hlau tura kan hrilhruk pawh pawisa lovin car atang chuan zuang chhuakin Sai awmna lam pan chuan kawng chanve lai a va tlan phei ta mai a. Thil hlauhawm leh tih chi hauh loh a nih avangin lo kir leh vat turin kan au zui ta tuar tuar a. Chutah kan nauva chu a ding ta chut a, Saichal thla chu a la ta mawth mawlh mai a. A ban te chu a vai khum vel a, a tawpah phei chuan Sai chu lungin a vawm ta mai a. A lung vawm hmasa ber chuan Saichal chu a va thawi thuak mai a. A vawihnihna chuan Sai dinna ding lam thingzar chu a va fuh a, a tla leh lam chuan Sai hnungzangah chuan a va fuh ta a. A lung vawm vawithumna chuan Sai hnuaiah tak fuhin a nawn hmawr lamah chuan a tla thla a, a ngho vei lam chu deng zuiin leiah chuan a tlalhla ta a.

Chutihlai chuan Saichal chuan lunga vawmna chu thungrulh tum awmin a lang lova. A hnung lam min chhawn a, thingkung phen lamah chuan a lut ta a. Chu Saiin min rawn thlir danah chuan, ‘Lungmuangin min kalsan thei lawm ni ?’ rawn ti hi a ang hle mai. A awmdan han en mai chuan tawng nachang pawh kan hre mang lo hial zawk a ni. Ramsa dang nise chutianga tih mai mai chu a dawh hauh lovang Ie. Sai dang pangngai chu nise min hmuh hmasakna berah mm tihthaih phawt a tum ngei ang. Ka lo ngaihdan ve mai mai chuan chu gentleman at huai tak mai chu rawn phinin a rawn chil hlum nghal ang a, keini pawh kan chuanna car chawpin min rawn phin tel ngei ang. Sai ramtla lunga vawm tu leh an awm hle hle tihbuai ngawt chu kan nunna atan pawh hlauhawm thei thil a ni a, a bik takin Sai hian a thinnrimna a tih lan vaih phei chuan mihring tan ‘chance’ a awm ngai lo. Mahse he laia Saipachal erawh hi chuan engmah min tih let a tum hauh lo mai.

Kan thianpa chu kan car chuannah chuan kan pawt lut lui hram a, tichuan ramsa dang thla la tur chuan kan ka) zut leh ta a.

T!ai lam dar 6 vela kan kir leh lam chuan Saipachal kha kan hmu ang em aw ? tia suangtuah chungin a hmaa kan hmuh tawhna lamah chuan kan kir teh ta a. Hemi tum hi chuan kawng hnaih fe tawh zawkah leh kawng ep lamah keimahni hmachhawn zawngin a lo ding a. Chutah Sai enchian turn chuan kan chuanna car chu kan tiding leh ta a. Muangchangin a thil ei lai chu a thial a, a ka chu thingtang atanga thinghnah a pehthlak te chuan a lo inhnawh puar a. A thil peh thlak leh ei dan kan han enin thingzar atanga a peh thlak thing tang te chu a hnah a ei pah chuan a va ei tel duh mai awm em’ kan ti a.

Chu Sai chu chiang deuh zawkin kan han bel ta a. A la hrisel hmelin amah pawh a la tar sawwng hauhvin a lang lo a. A chet dan tidanglamtu ni thei awm hliamna hnuhma leh damlohna awm han hmuh mai tur a awm bawk hek lo. Amah atanga lang thei chiangsa erawh chu a upa hle tawh tih hriat nan a beng chung lam hmawr thlep tawh a chala kawrawng awm chu a ni mai.

Kan thianpa chu car atanga zuangchhuak lehin vawikhat dang chu lungin Sai chu a han tawng leh rih a. Sai chu a hmaa kan hmuh lai ai chuan kan hnaih ta deuh reng reng tawh mai bakah kan awmna lampang lo hawia a awm lai a ni a, Chutia a han vawm chuan thil engemaw chu lo thleng ngei tawh tura ngaih a ni. Nimahse chu Sai chuan a hnung lam min chhawn san leh ta mai a. Chutia tihbuai chu a ning hle ang tih chu a hriatsa reng mai a. Sai khawingam tawh pawhin chutia a hriat ngai hleih loh mikhualin a tihbuai sek ang chu a thlawna tuarin a dawh mai mai hauh lovang- A tawpah phei chuan Sai chu ka! bo mai tum niawm tak hian a che sawn ta a. Kan thianpa at huai tak mai chuan umzui chhoh zel a tum lai chuan keiniho chuan kan auh tuar tuar bakah kan han pawt kir lui ta a. A dik tak phei chuan kan vaiin motor atanga chhukin kan han man bet a, motor-ah kan hnuk lut lui a ni ta ber mai. Chutihlai te chuan Sai chuan a chaw thial chu muangchangin a la thei nuau nuau reng mai a ni.

Kan thian ât huai tak mai chuan, “India ram Sai hi Sazu ang chauh an nih hi, Sazupui takngial pawh an tluk zo lo,” ngaihnep hmel zet hian a ban ti leh nghal a.

Chumi tlai chawei lai pawh chuan ka chhan hleihtheih loh zawhna zawtin min ‘kap ‘deuh reng ta mai a. Kei pawh chuan hriatthiam harsa ka ti ve hle. Chutiang khawpin Saichal ramtla an hlauhawm loh ngai dawn em ni Ie ? Ka mut hmunah te chuan chu Saichal mak tak maia a nunnem em em mai chu ka ngaihtuah a, ka mut a lo chhuak ta bawk a, a tuk lama ngaihtuah chhunzawm atan ka dah ta a.

A tuk zing chawei khamah chuan Karumbas hnam zinga mi hnuchhuithiam pahnih hruaiin a hma ni-a Saichal kan hmuhna lam chu ka pan pui leh ta ngat a. Car chu kawngah hnutchhiahin Sai hnu chu ramhnuai a kalna lamah chuan kan chhui ta a, A hnu chhui chu Kammbas pahnihte tan chuan chhui harsa hek lo, met chanve pawh tling lovah chuan kan va hmu leh ta a Anajkutta ‘ui lam a lo pan mek lai a ni a Chu lui chu met khat leh a chanve ve’a hla tur a ni Hnim pet tawh lovm thingbuk hnuaiah chuan a chaw thial eisa thial nuau nuau chung hian a to ding a Karumbas pahnih te chu fimkhur takin an che a, mahse a hma ni tlaia kan fo dan te an lo hnat ve tawh avangin an huai ru phian a Saichal lam pan chuan zawrte ?e hian hma lam chu ka pan ve ta hnau hnau va Karumbas pahnih te chuan hla deuh f6 a tangin min rawn zui ve zel a engemaw hlauhawm a lo thleng phut anih pawha inUiiarfihlim thuai thei tunn ka to inkau ru ve ran a ni Engmah phei chu a thleng ta lem lova A hma nia kan thianpain Saichal but a va hnaih ang chen vela hnaiah chuan ka han pan hnai ve (a a Chu Saichal chuan min hmu awm ang pawhin a tanglo Saichal chu hnai tawk atang chuan ka han bel chiang vel ta a Damfohna leh hliam a tuar ngei ang tih chu ka ring ((at a ni Ka nlru pakhata a lo luh danah phei chuan a mit lehtam emaw a khinghnihin emaw a del a nih tal loh pawhin a beng emaw a rim hriatna tal emaw chu a tha tawh lo a nih ka ring a. Engemaw thil namailo tak a chungah a lo thleng ngeiin ka beisei ru tlat a ni. A vawihnihna atan chuan ka han kal hual tha leh ta a. A mit te takte chuan ka che vel chu min lo thlir reng a ni tih chu ka hmu thei ta a Mahse a mit chu a sen hauh lo tih ka hria a. Saipa ten an tawrh thin ‘Musth’ a tawrhna awm ang engmah a taksaah chuan ka hmu ve hauh lo. A mit lah chu a del hauh lo tih a hriat a. A nawn chu ka awmna lamah chuan tlemin a rawn tisawn a, a rim hriatna lah chu a chhe hauh lo tih pawh chu a hriat theih ta bawk si a. Eng thil diklo nge a chungah chuan lo thleng ta niang Ie? Thatchhe awm zet hian a chung lama thing tangte chu a nawn chuan a han thliak a, a kaah chuan a hnawhlut zel a. Damlohna leh hliam tuama engmah nei lovin a chawei erawh a tui lemlo niin a lang a. Ka thil hmuh te atang chuan chu Saichal chu a tar tawh hle a ni tih hriat theih turin a chal leh a bekah chuan kawrawng a awm a. A beng chung lampang chu a inthleh (thlep) mai bakah a ngho pahnih bul lam te pawh chu a tar tawh tih hriat nan rawng dumin a kap tawh bawk a ni.

Karumbas pahnih te chu Sai ka belh kual lai vet chuan a him tawka hlaah hian an lo ding dun a. Pakhat zawk chuan. ‘Dorai. engmah thilmak leh danglam bik a awm love. Sai kha a tar tawh em a, he khawvela a hun a lo tawp dawn tawh avangin lungmuanga a thihna hmun turin he luipui hi a pan a nih hi,” a rawn ti a. Kan camp awmna chu kan pansan leh ta a.

A tukah chuan met 19 laia hla a awm chumilai hmun district khawpui Gudalur chu ka eizawnna avangin ka va tlawh a. Kawtthlera ka kal lai chuan bawngtawlailir pakhat FU tlawn tam tak phur hian min rawn lehpel a, chutihlai tak chuan Saichal kha ka hrechhuak ta phut a. Enchhinna atana pek tuinn FU chu feet 6 vela sei tlawn sawm ka lo lei sak ta a.

A tukleh zingah chuan Anaikutta panin ka kal leh ta a. Hemi tumah hi chuan Karumbas mi pathum ka hruai ve ta thung a Karumbas mi pahnih te chuan Fu tlawn chu an keng a. Chutichuan Sai putar hnu kan hmuh hnuhnung berna atang chuan kan chhui tan ta a. A tawpah chuan Anaikutta luipui kama Theihmu kung buk hlim hnuaia a lo ding lai chu kan zu hmu ta a. Karumbas ka hruai zinga pakhat chu Fu tlawn 6 ken tirin Sai awmna lamah chuan fimkhur takin a hreh chung chung chuan ka pan phei tir ta a. Sai chuan min lo hmuh veleh kan awmna lam hawizawng chuan a rawn inher ta a. Ka mi tirhpa chu a ding ta a, a Fu tlawn kenlai 2 chu ka kut vei lama kengin ka ding lamah ka rifle kau sa ka hum tel bawk a. Muangchang leh fimkhur takin Sai awmna chu ka pan ta a. A mit en ran chung chuan ka hnaih phei ta hret hret zel a. Mitkhapkar emaw hnuah chuan chu Sai chuan hmelma engin nge min en thian enin tih a hnat theih tawh mai dawn a ni.

A awmna hmun chu feet tlemtea ka va thlen hma deuhah chuan chu Sai chu a lo zam hle mai tih ka va hmu thei a. Ka kutthlak mai hlau chuan a nawn chu chung lamah tivial chhovin boruak a phit chhuah tir ta hulh hulh mai a. A beng chu a hnung lam leh hma lamah a zap che vak a. Min rawn chil a tum ta mai em ni? tih tur hi a ni a. FU chu ka kut chuan a lamah ka va hawlh phei a. Ka tawngchhuak duh hauh lova, a chhan chu mihring tawngri hi ramsate hian an hlau em em tlat a ni. Sai pawh chu tlemin a inti ngeng ta to deuh a, ka ban chu FU ka kenna lamah chuan a kham ru ve tawh khawp mai. Minute reilote hnuah chuan FO hnah hlai a zik lam a mi chu a nawna a lak phak ngei tura hnaiah chuan ka han dahhnai leh ta a. Chutia thlem titiha FU pek tuma ka ken reng lai chuan zam hmel takin a nawn chuan Fu tlawn chu a rawn la ta fua mai a. Chhei’ lei vuak nan a hmang anga, a thlawh bo mai dawn nge ni ang ‘ tiin nghakhlel angreng takin ka lo thlir ve reng a. Fimkhur takin chu Sai chuan FU chu a kaah barh lutin a ei tan ta a. A vawikhat eina a ni ngei ang. Henglai velah hian FO hi hmuh mai tur a awm si lova. A FU ei lai chuan a mitah tak ka lo en a. A la hlauhthawn hmel viau nain engmah min hmelmakna awm ang chu a awm lo a ni. FU tlawn khat a feh zawh hnuah chuan a tlawn hnihna tur chu ka han barh leh ta a. Rangtakin a lo la thuai a. a fep zui leh ta nghal a. FU la awm zawng zawng chu Karumbas pathumte chuan an la keng a, Sai han ei tir ve chu an hlauh tlat avangin kei chuan an FU ken lai chu Sai pek atan ka thiar ta a. Anni chuan ka chet dan chu atthlak an lo ti hle a. Sai bul hnaiha kal chu an ngam ve hauh lo mai a ni.

Chutia FU tlawn sawm lai ka han barh theih tak hnuah chuan Ramsai tar tawh tak nen chuan kan inkarah inthian thatna a lo awm zui ta a ni.

A tuk lehah chuan mel 21 a hla Gundlupet khua, FU tamna hmunah chuan ka va kal ta a. Sai chaw tur atan tiin tawlailir phur khat teh meuh mai FU tlawn ka va lei a, ka motor hmangin ka phur haw ta nghal a.

Ka haw lampang chuan ka thianpa Mudumalai Game Sanctuary bialtu Range Officer (R 0), Mr Chandran-a chu ka tlawh haw nghal a. Chulai hmun chu Sai tar tawh chenna bul lawk a ni nghe nghe a. Chu Sai chanchin ka han hrilh chuan Forest Department-a a hun hman tawh zawng zawng chhungin chutiang anga thitmak a lo hriat ngai loh thu min hrilh ve ta a. Mr Chandran-a hian a hma kum hnih kal ta a Sai sual pawh nilo Sai ramtlain kan kalna kawng mau hmuna min phingchil nghek mai tumte chu a sawi chhuak a. Hemi tuma Saiin kan chuanna Jeep a sawisak dan te chu kan sawi dun mai bakah, Sai no hnruaiin min phindarh dante chu kan sawi thleng bawk a. Tuna Saichal chet dan chanchin ka sawi nen hian kan han khaikhin dun thin a, a mak kan ti dun angreng hle mai a ni. A tuk lehah chuan FU pe leh turin Sai awmna lamah chuan ka va kal leh ta a. Fu chu tha deuh hian a lo la ve ta mai a. Riltam vak awm pawhin a lo lang lem lova. FU chu tlawn hnih bak a lo (a duh ta lova. A tlawn thumna leh tlawn lina chu a nawn hmawr chuan a lo khawih de de duh chauh tawh a ni.

Chumi tuk lehah chuan kan va tlawh leh a. Hemi tum hi chuan kan FU pek pakhatmah chu a lo la duh ta hauh lo mai a. A mitah chuan mittui a to tling kiau va. a lungngaih zia chu a lang thei hial mai a ni. ‘Ka kalsan dawn lai tak te pawh chuan min mangtha nan a nawn chu tlemin a ti che duh hlek chauh a ni. Engemaw remchan lohna avangin a tukah chuan a hma angin ka va tlawh leh thei ta mai lova. Ni li a liam hnuah chuan Karumbas hote nen FU kengin kan va pan leh ta a. Amaherawh chu Sai hmel awm reng reng chu hmuh tur a awm ta hauh lo mai a. A awmna tur awm ang chu kan rin hriat thei ta mai a. Karumbas hovin anmahni tawnga ‘Dil lian’ an tih hmunah ngei chuan a awm kan ring ta nghal a. Chu chu luipui hnar lam mel chanve vela hlaa awm a ni. Chulai hmunah chuan Sai te chu thi turin an kal thin a ni. Chu mi hmunah ngei chuan Saipachal ruang chu kan va hmu zui ta a ni.

Thal lai a ni a, dil chu feet 4 vet chauhva thuk a ni a. Sai chu dil tuiah chuan a saisir zawnga muin a ka leh a nawn chu tui chim chin hnuai lamah chuan phum bovin tui hakin a intihhlum ta hi a lo ni a. A pang sir lehlam chu tui chungah chuan a rawn lawr chhuak phak vek a ni tih pawh chu kan va hmu ta a.

Heta tang hian thuruk mak tak chhanna chu ka chhar chhuak ve ta a ni. Engtinnge Sai hi an lo upat hnua an thih thin dan tih chhanna chu tuiah an lo inchiah hlum thin a lo ni. Thilmak tak mai chhanna ka hriatchhuah rualin hun reilote chhung chu Ramsai (Saichal) nena inthianna hun danglam tak kan nei hman a. Ramsai thankin ngat lehnghal a ni a. A hun chhung erawh a reilo ta deuh mai pawh a ni.

A TAWP TA

Retold from Mihrang leh Sahrang by Kenneth Anderson.      

Aside | Posted on by | Tagged , , , | Leave a comment