PAWL BEHCHHANA MIDANG BEIH CHIN HI SIM A HUN TA

AMFU lamin Mini Oil Expeller chungchanga Pu Joseph Lalhimpuia Lunglei East bialtu MLA an beihna hi dawt a ni tih finfiah a ni.
.
Pu Mahima’n HPC a chan laia Oil Expeller install na atana sum Rs 3 lakhs awm hi executing agency Agriculture Department ah 15.3.2010 leh 31.3.2010 ah te Rs 1.5 lakhs ve ve release a ni a, pawisa bo thlau a awm lo. A in sak hmuh tur a awm lo an tih hi hmuh tur a awm ngei a ni.

Agriculture Dept hian Hrangchalkawnah he Oil expeller khawl awmsa bunna tur ram an neih mai loh avangin Farmer’s Inn building hnuaia dah tura in sak nan hman a ni a. Oil Expeller hi Agriculture Kudamah dah niin a tantirah chuan rei vak lo an hmang hman a, a chhe zuia. Siam that theih mai anih loh avangin a dahna tura an sakah hian an suan chho ta lo a ni.
.
LDCC chuan hetianga mimal intihhmingchhiat tuma inbeihna hi tenawm a ti a. AMFU hotupa kan party a din ve beisei lang pha ve ta lo thiltihawm tawkah a ngai a ni. Kum 10 zet liam tawh a mi an rawn tuipui thar leh hian chu chu a tichiang a. HPC sum kalphung pawh zirchiang lova, a thawktu Department lam zawhfiah nachang pawh an hre lo hian an insawi angin kut hnathawktute an vei vanga he thil hi lo sawichhuak an ni lo tih a tarlang a ni. Kum 10 chhunga an zawn hmuh loh kha LDCC Media Department chuan darkar hnih chhungin a chhui chhuak a ni.
.
Issued by
Communication Department
Lunglei District Congress Committee

Aside | Posted on by | Leave a comment

Motor neitu hriat dan

Khawi hmun ah pawh, Motor accident emaw a lo awm emaw a neitu hriatloh a lo awm a, a Motor neitu i hriat duh chuan,
VAHAN type la, space, chuan Vehicle No type leh la, 7738299899 ah hian sent rawh, SMS in a motor neitu leh sddress thlengin i hmu mai ang..

Ti hian

VAHAN MZ01-H3245 tih i type ang a, 7738299899 ah i thawn ang.

Aside | Posted on by | Leave a comment

ZPM in chakma leh tuikuk thianfai dawn

FOREIGNER CHAKMA LEH TUIKUK TE ZPM SAWRKAR IN KAN THIANFAI DAWN.
RASHIK MOHAN CHAKMA LEH BD CHAKMA TE HIAN INDIA KHULEHTUI AN NIHNA HI FINFIAHNA RINTLAK MIZO MIPUITE AN HMUHTIR KAN PHUT .

ZPM Vigilance Department

Kan hriat theuh angin Foreigner chungchangah kan thenawm State Assam chuan National Registration of Citizen (NRC) 1951 kalpuiin, an state chhunga Foreigner Nuai 40 zet hmuchhuakin, an zingah hian MLA leh MP nilai mek te pawh an tel hial tih kan hriat kha.

Mizoram pawh heng Chakma leh Tuikuk Foreigner te vang hian harsatna kan tuar mek a, NGO Coordination Committee in Hnam chhan chhanchhuahna kawngzawh te, Mizo Hnatlang te koh hial a lo ngai ta a, Sawrkar hnathawk te zingah dan lova heng mi Electoral Roll a lo thunlut duh mai te an lo awm bawk vang te, Kan Politician te’n ram hmangaihna tellova Lalna duh vang ringawt a Hnam, Ram aia an Party ah dah chungnun zawk fo thin vangin, zep rual lohin kan Ram leh Hnam chu a him ta lo a, kan Kristianna lungphum thlengin a nghing ta a ni.

Hengte kan nih vangin, NGO Coordination Committee chuan Political Party tinte Chakma Candidate dah lo tur hial a min ngen a lo ngai ta hial a, heti chung hian Congress, MNF leh BJP te chuan Chakma Candidate an dah lui ta zel a, ZPM chuan NGO te ngenna zahawm kan tih piah lamah, Ngenna an siam hma hauh hian Chakma Candidate dah loh te, an zingah Local Steering Committee takngial pawh din kan remti lo reng a ni. Chakma leh Tuikuk, dan ang thlap a Mizoram mi nihna neite hi kan hua in kan do lova. Dan ang ni lova Foreigner Chakma leh Tuikuk te hi a ni umchhuah kan duh leh kan tum chu.

Chakma te hi March thla kum 1900 vel bawr atang khan Mizo lalte hnenah chhiah pe in an lo lut tan zeuh zeuh a. 1901 Census ah 198 an awm a. 1933 ah Debi Chandra SDO Lunglei kha khawdin phalna a pe a. 1972, April ni 29 ah Chakma District Council piangin, PC a lo Sawrkar khan Chakma District Council hi thiah tumin hma a la ta a. June ni 5, 1980 ah Opposition Congress Party khan hei hi titawh lo turin leh MNF Emissary te khan he an hmalakna hi titawp turin an hriattir in vauna te an tawk bawk a . 1984 ah phei chuan he thilah inrawlhna thuk tak nei ni a ngaiin, Chhawrpial Editor Pu Thawmvunga chu kahhlum a ni hial a. Heng te vang hian PC Ministry khan hma a la chhunzawm thei ta lo a ni. Hemi hmalamah pawh PC MLA Pu Zadinga chu, 1979 khan a bial Phuldungsei ah ngei kahhlum a ni bawk. June ni 10, 1982 khan Brig T Sailo kaihhruai PC Sawrkar khan ECI ah Chakma Foreigner te Electoral Roll atanga paih turin a, India Prime Minister hnenah Memorundum a thehlut bawk.

1947 a India a lo indan khan, 26 January, 1950 a India Dan hman a lo nih atang khan, hemi ni 26, January, 1950 a India rama lo awm tawhte leh an thlah kal zelte chu India mi diktak, Indian Citizen ang a India Danpui pawhin a lo pawm thlap te an ni.

Heng mite hi September ni 7, 1994 khan Joint Chief Electoral Office, Mizoram Aizawl Memo No H-11011/5/’94-CEO chuan Electoral Roll ah thun tur a thuchhuah siamin, hei hi Chief Election Commissioner, Delhi thuchhuak a ni nghe nghe.

Hemi kawnga hma latu awmchhun chu Brig T Sailo CM lai PC Sawrkar khan Chakma Foreigner 11169 zet chu Indian Army leh BSF te nen tangkawpin a lo hnawtchhuak tawh a. Heng Document kan neihte hi, khatih lai 1979-84 a PC Ministry a Mizoram Assembly Speaker Dr Kenneth Chawngliana, Kawnpui bial atanga MLA ah tum 2 thlantlin ngeiin a record neih leh amah ngeiin a ziak te te pawh a ni a. A source te hi,
1. Important Political Records for Easy Refererence – Dr Kenneth Chawngliana 294 a chhah te.
2. Speeches and Writtings of Brig T Sailo – Dr kenneth Chawngliana 140 a chhah te
3. A Soldier’s Story – Brig T Sailo 264 a chhah te ani.
PC Ministry in Chakma Foreigner a lo hnawhchhuah dan te chu
Kum Hnawhchhuah zat
1978 151
1979 8897
1980 978
1981 204
1982 678
1983 261
1984 kum a hnawhchhuah Record hi kan nei ta hrih lova, Hemi kum May thla ah PC Sawrkar hi inthlanna ah a tling zo ta lo nghe nghe anih kha.

April ni 30, 1983 khan PC Sawrkar ruahmanna in Mizoram Political Party zawng zawngte chu Aijal Club ah Foreigner te hnawhchhuah leh Electoral Roll atanga paihchhuah dan tur rel in an inhmukhawm hial nghe nghe a. 3rd May, 1983 khan CEO hnenah Joint Memorundum an thehlut ta nghe nghe a ni.

PC Sawrkar khan Chakma chenna khua 55 chu zirchhuak vek turin Dy Speker Pu C Chawngkunga chu ruatin. ‘CHAKMA SETTLEMENT IN MIZORAM’ phek 73 zet a chhah a buatsaih ta nghe nghe a ni.

Hetiang taka Chakma Foreigner te hnawhchhuah mek lai hian, MNF President’s Emissary Pu Aichhinga (L) chuan PC President leh Mizoram CM Brig T Sailo (L) chu lehkha thawnin, India sawrkar leh MNF Ramhnuai Sipaite inremna kawng zawng a hma an lak mek thute, MNF in an lallukhum rawn hawn ngei tur ni a chu CHAKMA DISTRICT COUNCIL Dissolve leh Chakma lo lut tharte hnawhkir lehna a ni a. Hemi tihlawhtling tura PC Sawrkar in nasa taka hma a lakte leh Prime Minister hnenah Memorundum hial te a thehlut tih MNF in an hriat vangin, MNF te hamthatna tur hmalakna zawng zawng chu titawp nghal tura hriattirna leh ngenna an pe hial a ni.
Mahse, Chakma Foreigner pakhat pawh MNF hian a hnawtchhuak lo mai a ni lo. CADC inthlan hnuhnung berah ah phei chuan Congress nen BJP thawhpui inchuhin, an pahnih hian CADC ah Sawrkarna an siam ngei tur thute hai rual lohin Mizoram mipui leh khawvelin kan hriat kha.
Kha CADC inthlan dawn ah phei chuan, vawi tam tak Home Ministry a Union Teritory hial lo dil tawhtu Chakma te chu MNF chuan, MNF Promise Vibrant Chakma nation, MNF hian Chakma te thuneihna sang zawk pek an tum thu hial te chu an Campaign auhla leh banner te hial an siam ta a nih kha.

Congress hi chu Mizo Hnam Party ni lovin, Central Fachuam, Vai Party an ni a, heng kawngah hian fakna tur pakhatmah an awm lova. Lalna bak engmah he ram leh mipui, kan Kristianna atan hian an nei lo tih chu sawi nawn a ngai lo.

Mahse, Mizo Hnam Party hmingchhal a, Pathian leh Kan ram tan ti a au thin, an Office pawh HNAM RUN titute khawsak dan en hian, Chinghne Beram vun sin tih loh rual an ni lo.
Kum 1995-96 ah Chakma Foreigner chungchang C Lalkhawliana Highlander Editor, V Laichhinga, C Liansanga leh R Thangpuia chuan chhuizuina an nei a, 1955 Citizenship Act tlawhchhan a CEO Mizoram in Chakma leh Tuiukuk Roll a awm te, India khualehtui an ni ngei tih finfiahna thehlut tura a tihin, Document nei te chu Roll ah thunluh a Indian ang a pawm an ni ta vel mai mai a. Lehkha siamchawp tam tak a awm ngei ni a an hmuh bakah, Citizenship Document show thei zingah pawh Chakma mipui induhsakna vangin a ruk a lehkha pawimawh nei te pawh an awm ngei niin, Hetih hun laia buaipuitute bakah, MZP hruaitute’n an chhui zauna ah pawh an hre nghe nghe a ni. Chakma Nula Lunglei District a Zirtirtu Registration of Birth & Death ah, Borapansuri mi phei chu man hial a lo ni tawh a. Tin Boundary hnaih ah, Ramri dep, Bangladesh ram chhung a mi Chakma te chu, an bul hnaia ah Damdawiin dang a awm loh vangin, Medical Staff te’n Human Ground atangin nau lo chhar sakin, an hnenah hian Birth Certificate te an lo pek ve zel bawk vangin, Foreigner tam tak chuan India khualehtui nihna an neih phah bawk a ni. He incident Serious lutuk hi Mizoram Sawrkarin a chhinchhiah loh tlat vangin, mimal he thil thlen dan hretute atang chauhin Information hi hmuh theih a ni thung a ni. Heng zawng zawng hi MNF kum 2 leh a chanve bakah, Zoramthanga kaihhruai MNF kum 10 Sawrkar khan hemi kawngah hian hmalakna a nei duh lo hrim hrim a, a vulh liantu ah a tang ta hlauh zawk a ni.

Mizo Zirlai Pawlin 1952 Mizoram Electoral Roll behchhan a, BRITISH HUNLAI ATANG CHAKMA CHENGTE LEH AN THLAHTE CHHINCHHIAHNA BU (Under CADC) a chhinchhiahna bu te hial a siam ta a. Mahse, he lehkhabu ah ngei pawh hian, finfiahna awlai taka hmuh a remchan loh avangin Dan lova India rama lo lut ni ngei a ngaih pawh an awm niin a lang a. A chhan chu, Chakma te Mizoram Electoral Roll a thunluh an nih lai khan, khatih laia Congress Ministry Pu Lal Thanhawla CM kaihhruai khan Lalna leh Thuneihna ringawt umin, Vote Bank siam nan Chakma Foreigner tam tak an thun niin a lang bawk a ni. Heng zingah hian vawiin a MNF in Tuichawng bial a an Candidate, CADC a CEM anih lai pawh a Mizote’n CADC Area chhungah inhmun, huan lo ram an neih theih loh nan a sulsutu ber Rashik Mohan Chakma leh BJP Candidate BD Chakma te hi an tel nghe nghe a. An pahnih pawh hi India khualehtui diktak an ni lo ngei a ngaih theih turin Off Record atang a hriat a niin, Sawrkar inrelbawlna felfai loh em vang leh Dan lova lo lutten awlsam tak a Document pawimawh an neih theih zel vangin, tunah chuan Foreigner Chakma kan ngah ta a ni ngawt lova, Kan ram ngei hi min chuhpui ngam in, kan ramah ramneitute ngeiin Inhmun leh Huan Lo ram kan nei h ve theih lohna tur dan te an siam ta hial a ni. Chuvangin, ZPM Sawrkar in Dan lova din CADC hi Dan ang thlapin, Mizo mipuite chakna nen kan thiat theih lohna tur kan hre lova. Kan ram kan chan tawh te zawng zawng kha kan nei let leh ek dawn a ni.

Tuichawng (ST) AC a MNF Candidate Rashik Mohan Chakma leh BJP Candidate te hi, chu 1994 a MZP Long March a kal ngei MZP te khan, Sotlang Bazar Bangladesh atanga rawn pemlut chhungkua ni ngeiin an ngai nghe nghe a. Boruak punlun zelah Chakma te fuihpawrhna vangin BSF te chuan Kan Zirlai Pawl Zahawm tak hruaitu thenkhat phei chu Damdawiin lian ah Helicopter a phurh hawn ngai hial khawpin, he kan pi leh pu, kan thlahtute’n Luchhum Banchhum huam ram min sualchhuah sak, Zofate Jerusalem Mizoram ah ngei hian an thisen a far a nih kha.

Chuvangin, Kan ram leh Hnam, Kan Kristianna lungphum pawimawh tak tak 3 a nghin mek laia, All NGO Coordination Committee te’n Chakma Candidate dah lo tura Party tinte min ngenna, sirah hnawl a, An Sawrkar theihna tur anih dawn phawt chuan He Mizo, Mizoram tlukchhiat pawiti miah lo tu te hi hnawl ngam tur in Mizo mipui, Mizo ka ni ti tawh phawt chu ZPM chuan a sawmin a ngen tak meuh meuh che u a ni.

I ram leh Hnam hi a boral chuan. nang leh i chhungte kha an him bik dawn lo.Mizoram hi Mizo ten kan ram neih chhun anih vangin, remleh rem lo chung te, NGO Coordination Committee in kan dinhmun hi chiangtaka an hriat vanga , All Party te Chakma Candidate dah lo tur a min ngenna ah, A nupui Mizo, Christian Chakma dah theih an ti lova, Chakma chu Chakma, Mizo chu Mizo, Sap chu Sap, Vai chu vai tih ang deuh a, Chakma Candidate dah lo tur a min ngenna pawh zah zo lova, he ram hi ral raih mahse, thuneihna an chan dawn phawt chuan pawi ti miah lo tih hriat tak a, Chakma Candidate nei lui, MNF, Congress leh BJP te hi Mizoram leh Mizo mipuite himna engahmah ngai lotute an ni tih hi Mizo mipuite’n i hre theuh ang. MNF leh Congress Kum 30 chuang Sawrkarna inchan chhawk zak zaktute hian, Heti taka Foreigner Chakma leh Tuikukte huangtau chhan te leh an pun chak em em chhan ah hian mawh an phur Full thak a, tunah an zia an la sim thei chuang lo tih Mizo mipuiten hriat a hun tak zet a. Hetiang a Lalna leh thuneihna ringawt umtute hi Mizo mipuite hian huaisen taka hnawl ngam turin Zoram People’s Movement (ZPM) General Headquarters chuan khawvel a Zofa zawng zawng te a sawmin a ngen a ni.

India Sawrkar pawh hian hei hi lo hre rawh se. Dan lova khawsa mikhual chamrei Foreigner Chakma leh Tuikuk te’n ram neitute min that chamchi a, min hek reng a. Kan ram min chuhpui reng bawk a. Mizo hi Kristian kan nih vangin kan Bible thurin anga hmelma te tawngtai sak a, biang leh lam a vengtute chu lehlam pawh dawh leh rawh tih zirtirna vuantute kan nih vangin kan ngawi reng thin. Mahse, Mizo mipuite dawhtheihna in a tlin tawh lova. Ram neitu , ram leilung fa Mizote hi rem leh rem lo pawh a, Rorelna dik aia Foriegn Intruder te thu thlen zawk India Sawrkar hian a ngaichang zel anih chuan, Mizoram leh Mizo mipuite hian Khawchhak lam kan lo hawi ta anih chuan, India Sawrkar thiamloh a ni tawh ang.

Mizo mipuite aiawhin ZPM chuan khawvel hriat ah hei hi kan puang bawk a. He kan ram , khawvel Zofa zawng zawngte tana kan ram neih ve chhun, kan Jerusalem kan tih hial hi. Inches khat pawh kan chan hlen dawn lova. Kan chan tawh pawh Dan ang thlapin kan la let leh vek dawn a. Pathian leh Mizo mipui ram hmangaih tak tak tute zarah, ZPM hian Sawrkarna kan lo chang ta anih phawt chuan, Mizoram chhunga Dan lova lo lut Foreigner Chakma leh Tuikuk te hi lo insaseng vek turin kan hriat tir lawk che u a. Sawrkar leh Sipai chakna hman kher ngai lova min lo tin san turin kan ngenin kan hriattir lawk che u a ni.

District Council atanga UT leh State kan nih thlengin MNF leh Congress hi kan ram hmasawnna hnathawhna kawngah Sawrkarna chelhin, hmasawnna hnathawh lian ber ber tur hi puitling thei lovin, an tikhaw lo deuh vek a. Eirukna thubuai ah te Case an nei a, Hemi vangin vawiin thlengin banphahta anawm hriat a ni lo. Hetiang ang ram hruaitu tlak lo te thlan chhuah leh hi Mizo mipuite hian kan ba tawh lo.

Tunah pawh Supreme Court inCandidate ni a MLA chuhte thubuai, Criminal Record neihte Campaign theih hun chhung ah vawi 3 tal an bial ah leh ram pumhuap Chanchinbu darhzau ber ber 3 ah leh TV ah te anmahni leh an dinna Party ten a hrang ve ve in Mipuiten an hmuh theih ngei turin, langsar laiah tarlang tura tih anih laiin, MNFchuan Mizoram Leading Newspaper 3 zingah an la chhuah lo tih kan finfiah thlap tawh bawk. Hei hi ram mipui hriat ah an fihlim loh zia inthup chung si a tarlan tumna ah ZPM chuan kan ngai tlat a ni.

Thup ngai thubuai nei CM bawk thlang tawh lo tur leh, a hun zawng zawng he ram tana hlan a, a vision te Mizote tana a that leh that loh Zofate’n kan hrait theih nan a Pu Lalduhoma hi Mizo mipuite CM anih ngei theih nan ZPM Candidate te lo vote vek turin Mizo mipuite ZPM chuan a ngen vek che u a. Amah ngeiin tun tumah hian kan thlang tling lo anih chuan Mizo mipuite hian Pu Zoramthanga leh Pu Lal Thanhawla te an la duh zawk fo ani tih a pawm tawh dawn a, Politics pawh chawlhsan a tum tawh dawn a ni. Pu Lalduhoma ang a vision nei tha hi tun dinhmunah chuan Zofate zingah kan neiin kan hre lova. Hetiang a Zofate Arsi lian rilru na ngawih ngawih a a chawlh hial ngai a Mizo mipuite’n kan siam anih ngat chuan, ZPM General Headqurters chu kan rilru a na dawn hle a, hetiang tho hian Mizo mipui ram hmangaih tak tak tute pawh an ni ve tho in kan ring a. Chuvangin, tun tum chauh tal hi chu Pu Lalduhoma CM anih ve ngei theih nan Mizo mipui zawng zawng te’n in Vote hlu tak hmang khan Kalphung thar (Change), Mipui Sawrkar siam tura ZPM Vote vek turin kan sawm che u a ni e.

Vigilance Department
Zoram People’s Movement (ZPM)
General Headquarters
Treasury Square, Aizawl, Mizoram

Aside | Posted on by | Leave a comment

US-CHINA TRADE WAR-AH CHINA RAMIN AN TUAR ZAWK: G20 SUMMIT-AH TRUMP-XI AN INBIA ANG

EconPol Europe-networks researcher European Union chuan “US-China Trade War” chu US aiin China’s Companies leh Consumers ten an tuar zawk, a ti. US-ah US $ tluklehdingawn 250 a chhiah (tariff) 25% lak avanga tuartu companies leh consumers ten 4,5% chauh an pek laiin, China bungrua (goods) leh Chinese products in 20.5% in a tuar zawk niin an sawi.

Nov 30-Dec 1 khian G-20 meeting chu Beunos Aires, Argentina ah neih a ni dawn a, hetah hian President Donald Trump leh President Xi Jinping te chuan inbiakna an nei ang. Trump chuan, “Nasa takin ka inbuatsaih tawh a, ka nun hman dan chu inbuatsaih a ni reng mai. China laka US$ tluklehdingawn 200 ah chhiah lakna tura thil ruahman a nih khan, China chuan an duh chhe (very bad) tak meuh a ni,” a ti.

Wang Chao, Vice Chinese Foreign Minister chan, Xi-Trump meeting chuan rah duhawm tak a chhuah kan ring tak zet a, beiseina sang tak nen kan thlir a ni, a ti. Xi Jinping hi BRICS meeting ah tel nghal anga, Spain, Portugal leh Panama ram te tlawhin, insumdawn tawnna kawnga thawh hona tur thuthlung a ziak fel nghal ang.

China hian G20 Meeting ah WTO reforms a sawi lan rin a ni a, US chuan World Trade Organization te hian US lakah hleih nei takin hma a la, tiin a sawisel thin a ni@CT Lalrinawma

Aside | Posted on by | Leave a comment

ZIRTIRTU HLAWHA IN PUHMAWHNA LT.HRANGCHAL VS DR.NGURDINGLIANA

(A ziaktu hi Kananthara Hmar, Suangpuilawn khaw mi leh a tuartu hi a ni)

“A hmasain eng paty mah ka demin ka tan lo tih ka sawi hmasa duh a, chutih lai erawh chuan thudik erawh sawi lan ka tum a ni.”

ZIRTIRTUA RAWIH DAN –
“Govt Suangpuilawn High School ah hian Zirtirtu indihlohna avangin nu leh pa te thawh khawm hmangin ka thawk hmasa phawt a, a nihna takah chuan hlawh pawh beisei lova in volunteer in, khawtlang hmangaihna vangin ka thawk a ni.”

“Kan MLA zahawm tak Dr.Ngurdingliana hian Suangpuilawn Student Union in zirlai ti thate chawimawina an neihna Aizawlah Suangpuilawn High School zirtirtu indaih lohna hriain thla tin high school zirtirtu hlawhah Rs 15000 pek a in tiam a, chu chu kan ho tu ten sawi khawmin -Tv. Lalnunmawia (Suangpuilawn bawk) salary 6000 per months leh kei Kananthara salary 9000 per months in kum 2014 tawp lam atang khan min ruai chhunzawm ta a ni.”

HLAWH AH BUAINA –
“Khata tang khan kum khat leh chanve vel chu hlawh kan dawng tha a, he mi hnu atang hi chuan min pek kim loh hi a nei leh zauh thin a, a hnuah phei chuan thla 5 chhung kan hlawh-Tv Lalnunmawia 30000 leh kei Kananthara 45000, avaiin Rs 75000 chu min bat tan sak ta a ni.”

Amah dawr hian kei leh ka pa hi vawi engemaw zah Aizawlah kan kal tawh a, kan khuaah a lo kal chang te pawh hian ka pe ang che u tiin beiseina min siam reng thina, mahse kum khat leh chanve lai lo liam leh ta reng mai hi hrilh hai tak zet a ni. MLA ka hmuh hnuhnun ber hi thla hmasa(October) bul lam kha a ni a, Suangpuilawn Congress Unit President nen hian kan ni nghe nghe. Hetah pawh hian thla tawp lamah pek min tiam a, Order leh List nen tih fel vek a nih thu a sawi bawk. Mahse vawiin ni thleng hian chengkhat mah kala hmu lo a ni.
HLAWH MIN PEK A TUM KHA KHAWNGE AWM TAK???”

INPUHMAWHNA CHU –
“Dr.Ngurdingliana MLA Secretary Pu Samuela chuan List nen Pu LT. Hrangchal bulah a dah vek tawh thu a sawi a((MLA hi Kolasib bialah din dawn Vangin).Mahse Pu LT. Hrangchal chuan list ah ka tel loh thu a sawi mauh mai bawka. (TUNGE DIK ZAWK ang?)”

“Pu Samuela hi chuan List(hlawh lak tur ziahna) chu Pu LT. Hrangchal a pek thu leh “Thla lak tir la a List chu, ti chuan a chiang mai ang” ti khawpin a tang ngam a, chu tih laiin Pu LT.Hrangchal erawh chuan a List chu Campaign naah a ken loh thu leh a Copy chhuah thu min hrilh a, hetiang a nih chuan Pu LT.Hrangchal kutah hian a tawpn a tawp tih a rin theih a, enge dik zawk pawh hriat thiam har khawp mai.”

“Ka tih theih tawk chu ka chhuah tawha, Suangpuilawn Congress unit hruaitute bulah pawh vawi tam ka sawi tawh nain tih ngaihna vak an hrelo niin a lang. Kan hlawh lak loh hi Suangpuilawn VCP, Congress Unit hruaitute leh School-a ka thawhpuite hi min hriatpui tute an ni e.”

TLANGKAWMNA..
“Heng hlawh tâng hi keini mi reithei tan chuan a hlu lutuk a, kan thawh hlawh a nih vang min pe ngeise tih hi kan duh dan a la ni reng a ni.”

NOTE
Dr.Ngurdingliana hi Congress MLA, Chalfilh (Suangpuilawn) Bialtu niin inthlanna lo awm turah hian Kolasib bialah a Campaign mek a, Zirtirtu lo ruaitu ber hi a ni.

LT.Hrangchal hi inthlan lo awm tura Chalfilh Bial Congress Candidate tur a ni mek thung. Thla 5 hlawh an bat sak hi Pu Ngurdinga hian a pe tak tak lo nge, Pu LT.Hrangchal hian a lo hupbeh sak reng zawk tih hi an buaina a ni a, intunnunna bera hmang, chhangchhe pa tan chuan dinhmun phetna khawp chu a ni ve tawh a ni.

Aside | Posted on by | 1 Comment

JUSTICE FOR ZOTHANSANGA…NO GIVING UP MARCH

  • Hriata Chhangte

Heng ho AU RAWL hi Justice pe thei tu, Mizoram Police leh Court lamin an lo hre pha ve em ang chu maw…

Heng kan thalai kawng zawh te hi eng NGO mah hui khawm anni lo, Party anga kal khawm pawh an ni lo… An MIZO KRISTIAN THALAI pui ZOTHANSANGA chu ni 7 September 2018 zan reh tawh khan diriam, hnehsawh leh mualpho tawpin tute emaw nin an lo sawisa kha… a sawisa tute hi tun thleng a dan anga hrem nilo nia an hriat avangin tu fuihpawrh hranpa mah ngai lovin hetiang hian an kal khawm thei zu nia.

An AU HLA lah chu Zothansanga sawisa/ nghaisa tu te an phu tawka hrem ni rawh se…. tih ringawt ani lehnghal. Kawng tha naktukah kan duh nghal tih emaw Pu Hawla sawrkar bang rawh se… tih lam lah ni bawk si lo.

Hetia kan thalaite’n a hranpa a nawr vak vak ngai lo hian JUSTICE chu State / Central sawrkar pawhin a thlen tir mai tur ani dawn lawm mi…Chu chu India ram a mitin te Fundamental Right anih si. ( Article 23 of the Constitution of India… Right to Life with dignity). Thil ngiat tih sak harsa ( extra ordinary demand) lah nilo, Sawrkar dan awmsa kenkawh mai tur ni bawk si…. TIH HLAWHTLIN SAK VAT NI RAWH SE…. nih loh chuan pawi thui zawk ang.

Vawiin nia kan tu leh fate hi i tawngpawng pal zut ngawt tawh lovang u. Thil an hre ve lutuk tawh, thil an duh ulukin an duh dik ve tawh…. Ho lam deuhva pal zut chi an ni tawh lo. Sawrkar hi an ta, an tana thil tha leh dik ti tu tur an ni tih hi an chiang ve hlawm tawh khawp asin.

WAKE UP MIZORAM STATE GOVERNMENT. JUSTICE FOR ZOTHANSANGA MEANS JUSTICE FOR ALL….
Cp

Aside | Posted on by | Leave a comment

VAWIIN ZOTHANSANGA THLAVANG HAUHNA KAWNGZAWHAH MIPUI AN TAM

September ni 7 zana Zarkawt tlangval Zothansanga chunga thil thleng avangin vawiin khan Zofate Insuihkhawm Pawl huaihawtin Aizawl khawpuiah kawngzawh a ni a, nizan khan Zarklawt Thalaiten kawng kawng an lo zawh tawh bawk a ni.

Kawng zawh tan a nih hmain Zofate Insuihkhawm Pawl te hian Khatla YMA Run-ah Federal Emergency Meeting an nei a. September ni 7 zana Zarkawt tlangval Zothansanga chunga thil thleng chungchang an ngaihtuah a, meeting neih zawh hian Khatla atangin kawng an zawh a, placard te kengin Zothansanga dikna humhim tur leh thil tisualtua puhte hremna pe turin an au rual. Aizawl PS kawtah kawng zawhtute hi an aurual hnuah Zar Zarkawtah Zothansanga te in bul thleng mipui pungkhawmte hian kawng an zawh. Vawiina Zothansanga thlavang hauhna kawngzawhah hian mi an tam hle a ni.

Zarkawt thalaite chuan nizan khan Zothansanga dikna leh chanvo humhalh a nih theih nan hnatlang an lo nei tawh bawk a. Dikna an duh tih lantirnan Posters te kengin Stickers te an sem a, Zarkawt thalai te hian an veng tlangval tawrhna hi an tuarpuiin, rapthlak an ti a. An veng mi mai pawh ni lo, Mizo mipuite he ramah hian kan him a, kan lo zalen a, Dikna a lal zel theih nan he hnatlang hi an huaihawt tih an sawi.

Nizana kawngzawhtute hian kan ramah dikna tundin a nih theih nan theihtawp an chhuah zel tur thu an sawi a, an thil duh leh phutte ziakin an tarlang.Zarkawt veng mipuite hian an veng tlangval tawrhna avanga FIR thehluh bawhzui a nih danah thil felhlel a awm niin an hria a. Vawin thlengin thil tisualtu nia puh hi charsheet a la ni lo chu hriatthiam har an tih thu an sawi a, he thil thleng hian Zarkawt veng mai ni loin Mizoram hmun hrang hrang leh Mizoram pawn thlengin Social Media lamah nghawng a nei lian hle a. Zarkawt Veng Thalaite thiltih thlawptu hi an tam hle niin an sawi.

Zarkawt Thalaite hian an mahni sum sengin hma an la a, Mizoramah dikna a lalber theih nan hetiang hnatlang hi an huaihawt tih an sawi. An veng tlangval tawrhna avanga an thiltih hi tlawmsan mai an tum loh thu sawiin a tawp thlenga kal an tum tih an sawi.

Aside | Posted on by | Leave a comment

MI HAUSA RAM NEI VAK ZEL MAI HI….

Ka thil vei nat ve em em thin sawi fiah nan tun tum a candidate hausa ber 4 na, Pu K. Sapdanga Election Affidavit a in leh lo ram a neih ngah dan ( ama in puan duh dan tawk chauh te pawh a la ni mai thei) hi zir chian nan ka’n hmang hlauh dawn ani.

Amah ang tho hian Aizawl a kan hausa ho tam ber hi chuan an sum khawl / tihpun dan ( investment) lar ber chu hetianga RAM lo neih ve vak vak hi ani. Kan mi hausa te hian in leh lo ram hi an mamawh zau nasa em em bik a, an enkawl uluk chak thei lutuk a, ram leh hnam tan a hman tangkai dan an lo hre em em bik pawh a lo ni chuang hlei law… Hetiang taka ” Wrongful Locking of Land Assets/ Public Property” hi kan ram leh hnam tan a tenawm zia, kan thanmawh bawk lian ber pakhat anih chhoh tur zia te pawh hre ve tho mahse dan ken kawh lama kan State sawrkar a chak loh zia hria in an lo Nuthuri zuam ve ngawt hlawm ani ber mai. Dik tak chuan kan mi hausa hote hian Public Leader ( Sawrkar chelhtu) te nen kan ram leh hnam hi an lo rawk/ suasam miah miah hi ani ber mai.

Hetiang a an hotupa ve ber Pu Sapa’n ram a lo ngah si chuan ZPM hi lo sawrkar ta hlauh pawh nise… Mizoram Land Ceiling Act…. mi pakhat in ram neih theih chin dan siam tih te chu an buaipui ve ngam ngai dawnlo tihna tluk ah a ngaih theih nghal. Sawhthing hralh lamah tluang eng ang pawh nise…. kan ram leh hnam future chu a va bright dawn rua lo em aw…

Hei, tun tum a Pu Sapa Election Affidavit atanga lan dan chuan ani hi candidate hausa ber 3na niin ama hmingin ( Non agricultural land) ram LSC 4 a nei a, a nupui hmingin ram LSC 5 an nei bawk. Chumai a la ni lova, an fate hmingin ram LSC 5 dang an nei bawk. Heng an ram zauh dan, an market value te pawh chu screen shot ah hian anmahni hisap ngeiin, an duh dan ngeiin an rawn tarlan hi. Dik tak chuan…. K. Sapdanga ni lovin K. LALRAMLAWMA te chhung niawm tak zawk an lo ni.

RAM THANMAWH BAWK ANIH NA : Pu Sapa ang bawk hian kan hausa dangte pawh hian ram neih vak vak hi SUM INVESTMENT tha berah ngaiin nakin hnu lamah to over a hralh leh ( huge returns) tur kha an intih hmuh thiam thin vang ani ber mai . Nakin a Sawrkar hmalakna atan an la rawn mamawh anga, COMPENSATION ( Zangna dawmna) hmuh la beisei avang te ani bawk. Compensation lah hi Sawrkar hian chulai ram neitu te chuan an ramah khan an engtin mah hma lo la la lo mahse a nei tute hralh ngamna aia sang rate ten zu compensate ngam a. Vawiin a kan mi hausa te ngaihtuahna level sang ber, advanced ber pawl pawh hian COMPENSATION LEVEL hi la pel thei meuh lo chu anih hmel . Ram ngaw lo awm mai mai sa te thleng hian compensation kan claim/ inpe hreh lo thin zu nia.

ENG NGE RAM NGAH CHU A PAWINA: Ram hi a thang emaw a pung ve ngai lova. Hnam, mihring erawh kan pung chak nasa mai. Thangthar fing zawk, ram leh hnam hmangaih avanga eng eng emaw kan ramah pawh mipui tan a tha leh hmasawnna tur project leh thil tha tih duh an rawn awm chho zel dawn a. Chung mite chuan ram awl tha leh industry dinna tur an han melh anga, Sawrkar record ah chuan chumi ram…. LSC no…. date 1997 tih a lo ni vek tawh dawn sia. A ram inti neitu te hnen atangin han lei / lease dawn se, to uchuak lutukin an lo chhiar anga, Compensation/ ram leina/ land acquisition sum tam lutuk ringawt avang pawh khan PROJECT tha lutuk tur chu a fail thin dawn tihna ani.

SMART LAND LAW KENKAWH NGAM KAN MAMAWH : Mizoram hian Land Law tha tak chu kan nei ve ngei a, mahse chuta dan ( provisions) te erawh chu duh thalin kan hmang ta lo thin ani. Entir nan… ram hi Sawrkarin a pek reng rengin eng emaw tih nan, mimal tan a tha tur ni mai lo, kan ram leh hnam tan a tha tel tur ngei a hmalakna turin a pe thin. Chutiang tak chuan kum 2 chhungin hma a la nghal tur ani. Hmalak loh chhan tha tak a awm chuan thunei tute’n an ngaidam leh hret thei.

Tuna kan dinhmun ah chuan kan LSC ( Land Settlement Certificate) hi kan ram inpekna / neihna innghahna legal document tling awm chhun ve ber chu ani. LSC hnung lam a inziak terms and conditions ah pawh kan ram chu anih tur ang taka kan hman loh chuan lak let sak leh theih kan nih dante a awm vek ania. Chuvangin engtin tin emaw LSC neiin I duh chen chen I dah veng vengin, I nei ve satliah ngawt thei lo tih I hre ngei tur ani.

Chuvangin kan Pu Sapa te ram ngah ang chi hi an ram neih ( LSC) chhan ang taka chet an lak loh chuan an tawngpawng sahuai thing vawn ngawt thei dawn lo tih hi lo hre fiah hlawm ta phawt ila, an dil chhuah anga hmang tangkai thei leh silo tur an nih phei chuan State sawrkar ah pek let leh fel et mai kha a fuh ber dawn ani. Pathian ram zauh nan, Mizoram leh hnam tan…..

Anih loh chuan Mizoram a ram nei ve lo… MIZO KRISTIAN ram mamawh, hman tangkai na tur hre em em ho te’n an la rawn ZIMTAWT tho tho dawn a ni.

Author: Hriata Chhangte


COMMENT
ᅠPu K. Sapa ram ngah dan hi ka hriatpui chin a awm a. Ṭhianpa Hriata sawi tum hi a dik rualin, Pu Sapa hi ngaihsual palhlohna’n sawifiah hlek ila.

Residential School din nana tawk tura
ka ngaih, mi Periodic patta pahnih ram inzawm ka lei kawp a.

Hun lokal zelah khawpui chhunga puan a nih tak
avangin Periodic patta 2 chauh kha LSC20 chuang daihah min thensak ta mai. LSC panga vel huam phei chu min Ia
surrender-luihtir ta nghe nghe, ka lei liau liau kha.

Pu K. Sapa pawh hian Vanglani Press
hmun at5n mi ram Periodic patta khattho a lei ve a. A laih hnuah thenawm
pakhatin a min hlauh chhuanlamin a leibelhtir a, a awm tho. Khawpui chhung area-ah chhiar a nih tak avangin LSC,
Area zim zawkah an thendarhsak ve ta
a. Anni pawh hian ram Pass khat ni thin kha, LSC-a ṭhendarh takah chuan a nei ta nual a nih hi. Hman sen loh ni lovin an
hmang deuh vek lehnghal. LSC-a then hian a Area an tite si a, Pass khat lek
ram ni thin kha LSC tam takah an
chhuah tak vangin ram ngah tak nih
phahna a ni ta thin a ni.

ᅠChhawnṭhuama Khawlhring


Hriata chhangte
Land Ceiling Act in a tum zawk chu ram dah locked and idle ani…. Mi in 1 sq km neih theih se… a surface rent kha Rs 1000 per year nise…. chu ram chu kum 5 chhung an ram hmuh chhan ang khan la hmang lo se… Kum 6 na atang chuan Surface / Dead rent kha Rs 15,000 per year an ti dawn alawm. Tin, ram 1 sq km aia tam 1sq km plus ah chuan a rare kha an san dawn ani… 1 sq km Rs 1000 per year kha 2 sq km chinah Rs 5000, 5 sq km chin ah Rs 10000 per sq km ti angin an siam thin ngai… Ram neih zau vak kha phalloh ani lo… mahse tumahin tawngpawng neih zau kha an ngam dawnlo ani… hman tangkai silo chuan a hautak thlawn dawn em avangin… Hetiang taka ti thei tur chuan…. ram hruaitute pawhin Political Will, Deep Commitment neih erawh a ngai thung ang…

Aside | Posted on by | Leave a comment

MNF media cell in ek an cheh

MNF media cell te chuan inthlan vuakvetah ZPM tihmualphona turin hetiang hian thu-mu-hnu an chhuah a.

ZPM Leader Pu K Sapdanga-te chhiah awlruk hriatchhuah a ni

Aizawl East–I-a Independent Candidate Pu K Sapdanga, ZPM Leader leh a thawhpui Pu Vanneihtluanga, ZPM star campaigner-te ta Zonet hian Mizoram mipui sum bawma lut tur cheng tam tak chiah an lo chhung lo thin (awl ru) tih RTI Act hmanga Information atangin hmuhchhuah a ni a; a hria apiangin mak an ti em em a ni.

Zonet hian Mizoram Value Added Tax Rules hnuaiah chhiah (Entertainment Tax) chawi tur an nei a. Chhiah chawi tur zat hi Zonet TV pawttu (Subscriber) zat atanga tehkhawng siam a nih avangin Zonet Cable TV neituten anmahni TV pawttu zat an thehluh tam leh tlem a zirin Chhiah an chawi tamin an chawi tlem a.

Pu K Sapdanga te’n Sorkara Zonet TV pawttu an report dan chuan kum 2005 leh 2006 khan mi 1200 tling loin an pawt a, 2007 atanga 2013 chhunga Zonet pawt zawng zawng zat an report chu a tam lai berin mi 1930 in an pawt a ni. Thil ni thei lo hulhual a ni tih mipuite’n kan chiang awm e.

2014 atang hian Taxation office North Zone chauha chhhiah chhung thin kha South Zone lamah an chhung tan ve ta a. Kum 2014 atang 2016 chung hian Taxation Office – North Zone, South Zone leh Central Zone (belhkhawmin) atangin mi 5000 bawr velin Zonet an pawt angin an report a. Kum 2017-ah chuan Zonet pawttu nasa taka tlahniam angin an report a, mi 3138 chauhin an pawt angin an insawi a, chhiah pawh an chhung tlem ta duai a ni. Heng an chiah chawi dan kimchang RTI Act hmanga Information hi comment lamah a duh tan en theih a ni ang.

Hetianga chhiah awl ruk duh vanga Sorkar dawt hrilh hi sual lian tak Corruption a ni a, he an thil sual tih avang hian Sorkar atangin insawifiah tura tihna leh dik taka chhiah pe tura tihna lehkha pawh vawi khat mai ni lo an dawng tawh a (Document comment-ah). Sorkar thu pawh pawisa lo leh chhan pawh chhang tha duh loa chhiah awl ruk duh vanga dawt an sawi hi a zia lo hle a ni.

Heti khawp hian Zonet TV a lar a, pawttu (subscriber) sing tel an nei tih a chian em em laia hetianga dawt hmanga chhiah an awl ru duh hi a makin a tenawm takzet a. ZPM hotu Pu K Sapdanga leh a thiante corruption-a an lo inhnamhnawihna hi a nep lo hle.

Issued By Media,
Publicity & IT,
MNF General Hqrs.

<

p style=”border:1px solid #a00;text-align:center;padding:2px;”>He thil chungchang a rik mek lai hian ti hian Pa Vanneihtluanga chuan a rawn ziak ta a
TV CHHIAH BAT CHUNGCHANG
Kum 2004 aṭanga kum 12 chhung, Mizoram cable operator ten, Mizoram hi India ram pumah TV en man tlawm berna state-a kan chantir theihna chhan min rawn phawrhsak avangin Mizoram Cable Operator te hian MNF chungah lawmthu kan sawi a ṭul ta hial awm e.

Mizoramah Entertainment Tax 20% hi a sang lutuk a. Subscription fee Rs 200 atanga Mizoram cable operator ten kan chan chu Rs 160 chauh a ni. Hetiang hian eng eizawnna mah kalpui theih a nih loh avangin Skylinks phei chuan an tawp phah hial a. Taxation Minister apiang hnenah leh official te hnenah, Mizoram Cable Operator-te harsatna hi kan thlen thin a. Mipuite tana kan service min hriatthiampui a, an ruahmanna min siamsak milin Mizorama Cable operator-te hi min chingfel ta a ni.
MNF document rawn phawrh ang hi, Zonet chauh ni lovin, Mizoram Cable operator lian zawng zawngte harsatna paltlang tawh, document hlui a ni. Thu tling ni se, Cable operator lian tamzawkte hi dan bawhchhiatna case awrh tur kan ni a, man vek tur kan ni. Cable operator-te inchinfelna document phawrh duh si lova, harsatna an tawh lai document chin chiah inphawrhsak duh party an awm a ni tih Mizoram Cable operator zawng zawngten lo hria ula, in lo fimkhur dawn nia.

Mizoram cable operator-te hi, hetiang thilah hian fihlim lo ni ta ila, kan zinga tam zawk hi vawiinah hian TV chhuah chunzawm thei lova a tihtawpsak vek kan ni tawh ang. Harsatna paltlangin kan inchingfel tawh a ni tih lantirtu document chu: tuna i TV en lai kha a ni e.

Pu.Vanneihtluanga

Aside | Posted on by | 1 Comment

ISUA KRISTA vs BJP PATHIAN

Tûn ṭum MLA thlan lo awm tûr atan hun tlêm tê chauh kan nei ta. Party tin an campaign ngawrh êm êm a. Congress leh BJP phei chuan campaign-pui tûrin lam hla tak ata kaichhan sâwmin vai paho an chah chhuak a; ṭhenkhatte phei chu chah ngai loa rawn âr kawh chhuah ve ringawtte pawh an ni mahna! Kâr leh Nilaini-ah chuan i duh duh i vote thei; mahse i vote khân ram leh hnam hnuk a khawih tih hria la. A bîk takin i sakhua a khawih thûk lehzual ang. Tu lakah nge i rinawm? Pathian leh kohhranah nge, i duh apiang i vote tûr politicial party-ah tih erawh chu i kut i hman hmain ngaihtuah chiang ang che. Pathian laka i thihna tûr i vote palh hlauh ang e!

‘DEVELOPMENT’ tih hi BJP àu hla lian ber pakhat a ni. A dik khawp mai. Mizoram hian development kan mamawh tak meuh. Tûn kum 2 chhûng leka kan kawngpui dung chhiatzia kan ngaihtuah phei chuan kum 10 ve ve sawrkarna lo chelh tawh party pahnihte hi thiam chantîr an harsa tak zet a ni. An dik lo a, an thiam lo a ni. Anmahniho erawh chu an in-develop nasa hle thung. Inthlan leh inthlan inkâra an neih sum leh pai neih ṭhan nasatzia ngaihtuahin ‘lian tual tual’ an ni ringawt; pheichham an man kan hre bîk lo; mahse ‘ṭha sâwta’ tih ngam vek khawpin an lian chak si.

Ram hruaituten an zir chuan hmasâwnna khawp hi chu hman thiam phawt chuan sum a awm thei zêl a; a bîk takin Chief Minister-in a zir a ngai zual. Central-ah eng party pawh sawrkar se States chan tûr hi hrêk ngawt theih a ni lo; hai chhuah thiam leh thiam lohah a innghat thui hle zâwk. State revenue tam lutuk lo mah se, Central aṭanga hai chhuak thiam leh hmang thiam tân chuan hmasâwnna khawp sum hi chu sum a awm hrim hrim. DONER leh NEC hnuaiah state hrang hrang chan tûr ruahman ṭhin a ni bawk. Sawrkar lu ber Chief Minister-in a zir phawt chuan sum hi chu hmuhna tûr a tam hle. State sawrkara sum hmangtuten an thiam loha mahni inhai vûr nân ringawta an hman chuan Central aṭangin belte phai thei lo sum dawng ṭhin mah se, Mizoram hian hma a sâwn tak tak chuang lo ang. Chuvàngin Central sawrkar chelhtu party zawm kher hi thil ṭha ber leh ṭûl ber a ni lo.

Chu bákah tûna Central-a sawrkarna chelhtu party phei chu India ram hi Hindu ram HINDUTVA-a chantîr tum tlat party a ni a; Mizoram tân hian inthlun zawm ngamna chi a ni lo bur. Mizo Kristianten BJP hi chu kan malmák ngam tûr a ni; chutianga BJP kan hnãwl ngam loh chuan kan inchhîrin bân a chen thuai ang a, kan ṭahna khua a sei thlàwn mai a ni ang. BJP member-te pawh hi an tân khua a tlai hma hian harh chhuak hrâm teh sela âw. A hriain kan sawi a, kan ziak a, zawm ve mai tawh tûr a ni. India ram hmun dang chu sawi loh, North East States-a an chêt dàn kan hria; sawrkar siam tûr chuan eng ang hmanrua pawh an hmang hreh lo. Mi ṭhenkhatin Mizo zîngah MLA lei theih an awm dâwn em ni an tih hi chu BJP chêt duh dàn tûr an hriat chian loh vàng a ni.

Tûn ṭum inthlanah hian party mal khaia chak bîk tak a awm loh chuan MLA Bazarpui a inhawng ngei ang a, State dangah pawh thil thleng ṭhin, MLA thuhrûk (kidnap) tih angreng thlengin kan ramah hian a thleng lo ang tih a sawi theih loh. Politics-a lal châkna hi a na êm mai a; chumi rual chuan sum lama ṭàmna hi a na lehzual a. State danga an tih ang bawkin BJP hian chêng vaibêlchhe eng emaw zâtin MLA pakhat hi an lei hreh miah lo ang. Tûnah pawh hian an chetla hi en chiang teh, tûn hmaa an neih ngai loh eng engte nge an neih tawh tih chu kâr loah a lo lang chhuak vat ang. Mizote chu mahni thil neih thup thiam lo kan nih hi. ‘Next Christmas with BJP Government’ tih hmachhuana ṭan an lâk tak tak chuan sum thlîra politics khèlho chu an tlu duai duai ngei ang.

Chuvàngin tûn ṭum MLA thlan hi a pawimawh tak zet a; kan thlan tlinte azirin kan ram dinhmun chauh ni loin Mizoram—Kristian State tih ang hiala thang chhuak tawh hi a danglam dâwrh ang a. Gospel Centenary kan lawm aṭanga kum 25-naah hian Hindu pathian beho hnuaiah kan kûn mai dâwn em tih hi inbih chian a ngai. BJP party hnuaiah lo pawh kan ram hruaituten an chal min hnawih sensan tawh a, kan phun luai luai a ni lâwm ni kha? BJP hian min zuam sual ang nge sual lo ang tih chu vote i thlákna azirin a lo lang chhuak thuai dâwn. Christmas lo thleng tûr hi Krista nèn nge i hman dâwn Pathian tak tling zo lo, BJP pathian suak nên tih chu i kuta innghat a ni e. BJP pathian suak nêna development neih ai chuan Krista nèna retheih rih deuh pawh a thlan nahawm zâwk.

Tu nge Mizoram CM ah i duh ber? Zaichhàwna hoa làm del del hi a nuam mai thei; mahse a fanute nèn ‘Cabinet Minister’ an ni ṭhup mai ang tih a hlauhawm! Rau riai lutuka ram hruai tum hi chu a fuh tak tak ngai lo. Mizoram tidanglam thei tûra beiseina i nghah ngamna chu eng party ber nge ni? Kum 2005-a Nitish Kumar-a Bihar Chief Minister a lo nih khân term khat ral hmain Bihar State hmêl a tidanglam hman asin. Mizoramah pawh CM ṭha nei ila chuan term khat ral hmain Mizoram hmêl a danglam hman ve ngei ang. Chutiang thlen thei tûr chuan tu nge i rin ber? Chu mi ngei awmna party candidate chu vote mai teh. (24.11.2018)

Author- Revd Chuauṭhuama

Aside | Posted on by | Leave a comment