VANZÊMA LI HÛAI by Alfred Renthlei Pieces

Kum 1999 kum september thla kan chuan kai chuan ka thianpa uvaltea nen zanriak a mat lui a nghakuai kam a sangha man tur in kan thawk chhuak a.

Buhfai zan thum tla tur kan keng a kan hlim hle mai. Mi motor remchang ah kan chuang thla ve a vanzema lipeng kan thlen chuan muang chang in titi pah in kan kal bek bek a,kan phur in hlawhtlin pawh kan in ring viau mai. A hlat vakloh avang in vanzema li chu kan thleng thla thuai a riahbuk han sual chawp vak kan peihloh avang in zobawk khua pu rama te fu huan lam kan pan phei a a mah pawh alo riak ve nghe nghe a, uvaltea nen an in hmel hriat tawh sa avang chuan pu rama thlam ah chuan riah ve mai kan dil ani. Pu rama chuan phal takin minlo dawngsawng a mahni chuan a khawhar thlak a lawm tiin ui loin a thlam a kan riah ve a phal chu a tih zia in kan zangkhai phah viau bawk.

Mutbu te kan phawrh fel chuan pu rama chuan huan sam tur in min chhuah san a,kan in singsak fel deuh hnu chuan tabawng leh len nen nghakuai a tawktarh tur sangha man tur in mat lui fin tu sawn ngai lui chu kan zawh chho a lengphar leh nghadawl leh sangha chi hrang hrang kan man nual mai kan hlim hle a khua ala tlai lo bawk a tabawng khat dawn kan man chuan zan lam a den chhunzawm tur in kan haw thlak san ta a.

Thlam kan thlen thla a len te kan ban fel hnu chuan uvaltea chuan vanzema li kama pum hlui chhe ve deuh tawh chu thawm tha in mau te a sah belh a kei chuan kan nghakuai kam na tur hrui vel te lo buatsaih in ka che nasa ve hle a ni a tlak fel chuan hruizen pawh zam kual theih in ka peih fel a hruizen ah chuan tawng hnih dan zel ah nghakuai chu kan thlung vek a,lui dung zui zawng chuan pum a in kar in thui fe in hruizen chu kan zam thla a kan tih zawh hnu chuan lengphar leh nghadawl te chu nghakuai tin ah kan tarh leh ta vek ani. Kan tih zawh chuan khua a thim zui a ni deuh mai a,pum te kan thlun zawh chuan thlam lam pan in kan chho a thlam thlen hma deuh chuan luiruam khawk rum rum khawp chuan hmeichhe nui ri fiah zet mai in a rawn nui awr awr a uvaltea nen chuan kan phuzawk nghe nghe,vanzema li ah hian mi an tla hlum ngun hle mai a hetia ena li dam dup ang a lang si hi a li mawng lam erawh chu tui a chak in a hlauhawm em em ani. Hemi anih vang tak pawh hian ani ngei ang mi an tlak hlum fo thin.

Thlam kan thlen chuan purama chu alo awm lova mak kan ti ang reng hle mai. Uvaltea chuan a thim tawh sia enga tinge pu rama hi ala rawn haw lova a tih chu kei chuan a riah chilh ve sia hna a am deuh te pawh a niang a rawn lang ve tep ang tiin kalo chhanga. Eirawng bawl ka siam zung zung a thuk hnih a nih avang in a bawl zung zung theih ani. Uvaltea chuan len tet te chu bati eng ah alo thui tha ve mawlh mawlh bawka. Kan ti ti bawrh bawrh a,kan awh that a rin thu te uvalte an a sawi lai chuan thlam leika bul a kang damdawi kung bul vel atang chuan mihring in be ri ni awm tak mahse engmah an sawi hriattheih si loh hian a ri bul bul zel a,uvaltea chu a nui suk a.

Uvaltea hi sa pawh kap ve nual tawh ani a ramvah luikal tihvel hi a peih in anuam tih ber pawh ani reng a. Hlawh chham hian a rawn haw ngai meuhlo mahse ka pa hian kawm aphal vak thinlo a a chhan chu luikal leh ramvah ringawt hi tih tur ah ka ngaih phah a mahni hna tul pawh ka thawk tha peih ngailo a heivang hian kapa hian kawm aphal vak thinlo ani. Mahse nuam tih zawng in ang na na na chu kan in kawm reng tho a,hlim pawh kan hlim thin reng a. Uvaltea hi tawngduh leh kawm nuam tak mai mi tlawm ngai tak pi leh pu te nun dan in a alunglen chu puithuna ngai thutak fahran mai hi ani a. Nupui neiin fate nei tawh mahse in lam ah hi chuan thatchhe vetak ani.

Chu thawm chu ngaihthlak a nuam chiah lo hle mai. Kei hi ka dawih ve em avang leh hlauthawng hma chi ka nih ve hrim hrim avang hian uvalte chu chu enge ka tih chuan enge maw mai mai anih chu a ti liam mai a a mah lah chu a khi tak ang vur vur a. Ka ngei lek lek,
Uvalte putama hi a van rei tawh chaw te pawh a hmin vek tawh ania ka tih chuan a tho thut a ka theinghilh a lom le ti a a sahmim ban pah chuan ti teh an huan ah iva en teh ang atih chuan hmeh en (torch light) keng chuan kan chhuak zui nghal a. Pu rama te thlam hi an huan chhung a awm ani lova an huan a tang hian hla chu anilo pen zahnih vela hla ani a tui lak a remchang avanga huan chhung nilova sa anih ka ring.

An huan chhung ah chuan hnathawh hah deuh a han thut chawlh na tur bêk te an zar ve a,kan han thlen chuan tumah an awm silo kan han au deuh tuar tuar a chhang tu awmlo a lui luang ri tih loh chu hriat dang kan neilo huan chhung ah chuan kan han vak kual thuak thuak a kan hmuh tak siloh ah chuan kan kir san ta a haw pah chuan ava tiho reuh e aw a haw te hi aniang kan ti thla ta vel mai mai a.

Thlam kan thlen thlak chuan alo la reh thiap a angaihna kan hriat loh em avang in zanriah ei phawt ila khaw lam ah a haw aniang tiin kan in hnem ve ta tawp a a haw nih kan rin deuh bur avang in thla pawh amuang huai a. Chaw kan ei kham chuan len deng lo a nghakuai kam en phawt kan rilruk a sana ka en a alo la hmat em avang in len deng phawt ang tiin lui mawnglam zawh in lui kam vel ah chuan lwn kan deng a kan man mumal lo hle mai rei ngial kan den hnu pawh a kan man tlem engvang chuan a tlai deuh tawh nen kan nghakuai kam chu en mai ang tiin kan let chho leh a. Pum a in kar in chho zawng in kan en chho zel a a tarh chiah an lo ei te chu kan tarh tha zel a pakhat mah kan la awh loh avang in ka hnual deuh rawih nghe nghe a tawp na ber ah chuan ngharul patling chawnpuar aia lian deuh tur hi pakhat kan awk ve hlauh mai a. Rilru a hlim deuh veng veng mai.

Ip a kan khung fel hnu chuan kei pum mei lam ah ka thu a uvaltea chu pum hmalam ah chuan a ding a tuipui suhlah kung a in pawt tang pah zel in kan chhuk thla ta zel a,ka hnung lam atang chuan min kotu awm tlat a ka hriat vang in ngaih thalo zet chuan ka hawi kir a engmah ka hmuh loh avang in ka hawi let thuai a,kan thleng thla tep tih chuan min rawn ko leh thin a ka han hawi let leh chiah chu eng thil nge ka hmuh tak hi le kum 1 kal ta a saiha a tanga kan veng a rawn zin vanzema li a tla hlum ta manga ngei mai kha ka hmu anih chu a hmel te chu a ruang kan hmuh ang hmel chiah kha pu in kan pum mei hmawr chu vuan in minlo ban anih chu lei uai hnuang chung chuan zawi sap hian min pui teh a rawn ti anih chu.

Ka hlau lutuk chu ka te thawt a a ral zui ve mai a. Vau kam kan thlen chuan uvaltea chuan tinge i rak vaka min tia, dawih min tih ka hlauh avang in ka tla tep a tih bak in ka chhang tawhlo. Pum kan thlung fela thlam kan pan chu thlam luhka bula kang damdawi kung a tang chuan thawm a rawn chhuak leh ta bul bul mai a. Hmeh en a kan chhun chu tuitu sava hi alo ni a. Mai mai a ka man dawn ka tia man ka tum chu a hma a nung meng kuau si kha a rawn tla thla a ka zuk chhar chuan a khawng reng anih chu mawle. Hauhna in min man a hreawm ka ti takzet tawh ani. Uvaltea pawh chuan ava mak em em ati ve vawng vawng mai. Thlam ah lut in sangha chu kan chan a kan rep sawk sawk a ka awm anawm loh em avang in ka tluzal nghal a,chutih lai chuan mat lui luang ri hum hum chu thawk leh khat ah a reh duk mai.

Tawng tum a ka an zuau lai chuan uvaltea chuan tawnglo tur in zaizir in min rawn hrilh a kan han ngaithla vang vang a chiang lutuk lo hian thawm a rawn awm a,chu thawm chu amak in a rapthlak takzet ani patling natuar rak ri kar ah chuan hmeichhe mangang thlabar rak ri nen naupang tap ri chiah chiah nen kan awmna ruam vel boruak chu a rit takzet ani. Uvaltea bulah hlau anga lan ka duh loh vang chauh a in sum hram hram ka ni. chu thawm rapthlak chu darkar chanve hial a rei a ni a. Ka tah a chhuak in kan in ka ngai takzet ani. Chutia thawm a reh tak ah chuan mat lui chu rawn lian ni awm tak hian lui luang ri chu rawn awm in a ring tial tial bawk a,ka hlau tawh lutuk ka vai ruai in ka hria ka hmulthi a ding sung sung a ka mumal vaklo. Mahse ala in tan dawn chauh ani si a. Kan riah na thlam chu thli thaw in a rawn chhem sang sang a thli lah chu a na tial tial leh nghal chutih rual chuan uvaltea chu a let tawp a ameng rang nasa mai amah leh amah a in rek a a au ruai bawka,mahni mah hlauh tawh sa na kalai in ka in thlamuan na ve ber chutia a awm chuan min ti hreawm in min ti mang ang zual ngawih ngawih mai.

Uvaltea chu kava pan a ka ko a ka sawi chiam mai a. A zawi raih raih a amit a chhing a amuhil ni ber in alang uvalte uvalte ti a ka koh a ka sawi chuan duli tiat kek kawk a rawn meng in min rek a a rak teng tung mai a,amit mu chu a rawn sen vek a min thawh pui a chunglam a min char chho in zau mang kheng a ang in “kan ram chhung ah engvang in nge in lokal ka thah hma che u hian haw rang rawh u” min tia aka rim thang ngher nghur rim chhe em em mai mawlh kha ava han chhe tak em!! Ka thawk that theih loh avang in ka theih tawp in ka tal a ka thaw a chham tan tih chuan a rak vak a a thaw chuan ka hmai a tuam hlup a a zawi hnawk a keipawh chhuat ah chuan ka tla thlawrh a chau tak chungchuan ka tho a thawk kan la te te a uvaltea chu kava pan a alo harh ve chiah bawk a, ” enge a?” tih chhiah a sawi a,kei chuan engmah nilo haw ang ka tia uvaltea chuan enge i hlauh kha tiang te chu a ho emai a tih tlat mai si. Engmah i hre nang e? Ti a ka zawh pawn i pa lo e i hlauh a ho ltk a ti deuh tawp a,sarep hi in sem ila kei chu ka haw dawn ka tia ka sem nghal zung zung a ka in siam a aphallo chung chu ka hawsan ta a. Zing dar 8 vel ah kan khua ka thleng ve hman hram ani.

Ka awmdan mak lutuk avang in ka pa ngaih athalo takzet a chutianga ka kalpui ber ka hawsan mai chu alo ngaithiamlo viau bawk a, thil awmdan ka hrilh hnu chuan uvaltea chu angaihtuah hle mai a chhun eng ani bawk a zuk hruai leh ru a tih chuan midang in hruai rawh se ka kal dawnlo ka bur avang in min nawr lui duh bik lova, uvaltea hruai tur a ka thian te nghaktea leh krossa an kal ta a.

Anni chuan enge an tawn tih te pawh kan la ziak leh dawn nia.

~~~~~~~~~~~~~~~~~~~~~~~~~~~~~~~~

kha tia nghaktea leh krossa an kal hnu darkar khat vel ah khan sarthli a rawn thaw vuk vuk a,ka pa chuan ngaihthalo zet hian kan riah buk teh leh kan thlen chin te min zawt nawn leh a, mahse ka hrilh tha duh lemlo anlo haw ve mai ang ka ti tlat mai si a. Hrilh chu khawilam ani ringawt ka room a ka mu chu ka in ngaihtuah nasa mai a, a pa chhiat thlak hle mai hetianga lui riah pui te han haw san mai chu ramhuai tih vel hlauh vang in tiin keimah ah chuan in rintawkna tam tak a rawn awm thar a mahse ka in ngaihtuah chuan kala hlau tho mai. Hreawm ti chung chung chuan ka in siam mawlh mawlh a,ka rauh san tawh ram chu pan leh tur in ka in puah chah leh ta ani.

Sahmim ah chem tum ka ak a bike dah na ah kalin bike chu ka rap nung a,hlauhna chuan min man leh ta, keimah ah hian eng rau emaw chu a awm tlat ani. Hreh ru tak chung chuan bike chu ka rap nung a mat lui lam pan chuan ka tlan thla ta vang vang a, minutes 30 vel ah chuan vanzema li chu ka thleng thla a, hmeh en nen chuan hman hmawh tak in mat lui pawh vat tur chuan ka tlan thla hlawk hlawk a. Thlam ka zu then chuan thlam chu alo reh thiap a,tlam ka luh hma chuan ngaih thalo zet chung chuan uvalte tiin ka ko a min chhangtu chu an awmlo. Thlam kawngka chu ka hawnga ka thil hmuh chuan min ti khawng lek lek ani. Thil dang thim vek siin ka thil hmuh zawn chu a eng chiang em em lawi si a. Pu rama chu ril uai hnuang hian khan chhuk ah chuan alo in khai. Ka rak vak a engtik laiin nge pawn a ka thlawh chhuah ka hre hauh lo. Vanzema li am pan chuan ka tan thla chiam mai a. Uvaltea ka hmuh chuan ka hlim sawt mai. Kawng lai tak ah chuan kalo thu a, uvaltea a rawn chho chuan min hmu thut chu an phu chiang kher mai.

Uvaltea chuan min rawn pan in BD i tha em? I haw tawh maw ka tia!! A rawn tih chuan ka harh suai suai in ka hria,pu rama a thi tih bak sawi ka neilo chutah uvalte an pu rama a awmlo BD a rawn tih chuan thinrim tak chuan a awm ril uai hnuang in thlam khan chhuk ah alo in khai alom ka tih chuan mak an ti chu an ka ho mai a,uvaltea chu rang tak a tan chho in a hnung ah chuan ka um zui nghala,leika ah chuan alo thu a BD tumah an awmlo reng reng a tih chuan mak ka ti takzet ani. Thlam chhung chu ka va en a bungraw darh deuh nuai bak chu engmah reng hmuh tur a awmlo. Ka hrilh hai hle maia,uvaltea bula ka thil hmuh ka sawi chuan mak a ti em em a,zing a thawh a pu rama a bula a alo mut reng thu leh a hriat loh kara a lo bo daih thu min hrilh lai chuan thil ka hre chhuak zawk amai a. Uvalte nghaktea leh krossa kha anlo kal sia iin hmu lo mi khawnge? Tiin ka zawt a, uvaltea chuan kan in hmulo hrim hrim an rawn kallo tiin min chhang a kei chuan ka rawn kal hma daih hian an rawn kal alom rawn hruai tur che in ka tih chuan uvaltea chuan angaihna a hrelo hle mai si a,ka bangbo hle mai.

Uvaltea chuan enge hruai ka ngaihna mipa ka nih hi tiin lungawi vaklo chuan a phun nang nang a,a hma zan a thil awmdan ka hrilh chuan mak a tiin a mangang hle reng bawk ani. Uvalte haw ang ti a ka sawm chuan a duh bau lo mai le. BD mipa ka ni a hetiang hi ka fiah duh tak ani bawk tiin ain hrosa chheu chheu mai si han hawsan lah a ani thei tawh silo,rilru buai tak leh nghaktea leh krossa mgaihtuah reng chung chuan zanin chu riak ve leh chawt ang hmiang a hma ang em em chuan thil a thlengtawhlo mah na ti a in hnem leh rilru a tawngtai pah chuan ka rilru ka siam fel a. Tlai dar 5 a apel fel awrh tih chuan u valtea chuan BD hawh tukin a ka sumsi awh ka khawi a i zuk en ang hmiang a tih chuan rilru a phurna nei miahlo chung chuan ka zui thla a,alo lian ngang mai thlangra chu a tiat lo na in lian tak chu ani ngei e. A nghakuai dawlh chu a lem thuk em avang in a phawrh chhuah sak thei tawhlo a,a ring ah chuan parachute hrui in alo thlung bawk a, rei riallo in kan let chho leh ta a. Thlam kawt kan thleng chho chu kang damdawi kung hnuai ah chuan nghaktea leh krossa meng pual hru chung a anlo thu khur zawih zawih chu kan han hmu chu uvaltea meuh paqh chuan a hlauh deuh ani kei phei chuan an mahni an nilo amg ka ti hial nghe nghe a. Mahse anlo ni ngei si ani kan va pana kan sawngbawl fe pawh chuan an harh thei lawk lova an khur deuh ngawr ngawr mai chuan mi rap takzet ani. Reife kan sawi a kan bawihsawm hnu chuan nghaktea chu a rawn harh a, krossa erawh ala harh lo a mu kawm ngul mai a,thaw suk suk e tilo chuan a khawng em em mai bawk si tih ngaih na ber pawh kan hre tawhlo.

Nghaktea chuan meilum ai pah a melh kual hruk hruk chung chuan an thil tawn chu ti hian a sawi a. Khatia an kal ta kha vanzema lipeng an thlen khan hman hmawh taka kalin belpui lui chhuah an rawn thlen khan thli thaw vuk vuk thli lum uap churh chuan a rawn tuam vela ka thil tawn hre sa a kal anilo hrim hrim bawk ani. Belpui lui (mat lui fintu)an han kan tur chu hlauh na mak tak chuan a man a, an chhak tlang sairil bawn kar atang chuan naute tap ri rawn chhuak chuan ati chi ai ani ber mai. Hreawm ti chung chung in an rawn kal lui zela vanzema li an rawn thlen thlak hma a pu rama te fu huan an thlen chuan patling in min puiru ti a mangang taka au thawm an hriat avang in lui lam pan chuan an tlan thla ta chiam mai a. Vau an zuk thlen chuan tiau pho ah chuan putar khabe hmul sei tawk hian hnang alo hlai malh malh mai a. Biak tuma a alam pan a an va kal a an va biak chuan chu putar rawn hawi chu ava rapthlak em!! A hmel chu rapthlak thei ang bera thuam ni mai hmel pu a khabe te chu a bal veka a mit ko ah te chuan ruang tawih lung an vak nuai nuai bawk a,amit sen rum chuan thinrim tih hriat taka rawn melh in rig tawk in” HAW RU” tin bak a sawilo tlan let tur a an in her chiah chu chu putar chu rawn thlawk phei in rapthlak thei ang bera in siam chhiat khum in a ei zo dawn che u nangni mi luhlul ho iin an hma ah chuan ruang tawih lung lung vut vut nen chuan zau taka ang in a aia hlauhawm awm.leh tawh chuang lo tur chuan min in siam chhiat khum a, a hnar te chu a thlawn a hlau leh kimki chawih chawih a ka awm hmu chuan muang chang in a ral ve raih raih mai ani.

Mahse rei a riallo kawng pangai kan thlen chhoh hma chuan mihring hmel pu silo mahse naupang nisilo te reuh te te hian min rawn tlan hual a hrui a min hling in tlang lam ah chuan min hnuk chho ta a,krossa phei chu a meng tawhlo. Tal chhuah tuma theih tawp ka chhuah pawh in a ngheh em avang in engmah awmzia a awm thei silo. Chutia rilru mumallo tak chung a ka tal fat fat lai chuan kum kalta a manga vanzema li atlahlum ta leh ka thianpa adawnga vanzema li a tla hlum tho a an ruang kan hlawm dan ngai ngai khan kan hma ah chuan an rawn kal a tawng thei hmel pawh pu silo khan lei uai hnuang chung in fiah lo tawk in an ohun bul bul a an thusawi phei chu ka hre thei hauh lo.ka hlauh luat avang in ka khawhmuh a fiah lova ka hlauh em avang khan ka thih phah dawn hial hriat na ka nei ani. Chu tih lai chuan putar hnang hlai rapawm em em mai kha rawn lang in krossa chu a phuar a,mahse a ma taksa nilovin a mah tho pakhat chu a hnuk chhuak nawlh a. Tun ah chuan kanta in ni tawh ti a a sawi zawh rual chuan engmah ka hre tawhlo ka harh leh chuan minlo sawi harh chiah kha ani a. Mahse i hmel ka hmuh khan ka hlau na a rehlo ka hlauh na ala ngai reng ani. A chhan chu khua ah i awm ni a ka hriat vang ani. Ti a a sawi lai chuan krossa chu a rawn tal awk awk a, ka duhlo ka duhlo tiin a rak chiam chiam mai a.

A meng pual hru hru mai a uvaltea chuan a rek bet a zawng ramhuai chhuak rawh tiin a vo ta khar khar mai. Chu veleh krossa chuan u val tea chu a reka a ring ah chuan a seh ta bawrh bawrh mai le, enge kan tih ang tih pawh hrethiam loin a rem chan dan ang ang chuan krossa chu kan chelh bet ve na a chelh beh rual anilo chutih lai chuan thlam hnuai atang chuan hmeichhe nui ri awr awr kan hria a, chutih rual chuan krossa chu a zawi nghal rawih rawih a lui lam pan chuan min pui ru tiin a au thla ta rawng rawng a. Krossa chu kan han sawia nunna reng anei talo. Uvaltea chuan nangni ramhuai ho ka rawn hma chhawn leh ang che u ti pah chuan krossa chu a pu a kawngpui lam pan in a tlan chhoh pui ta dawr dawr a. Nghaktea nen chuan kan um zui vat a, hman hmawh tak a kan tlan lai chuan kan hma zawn ah chuan pu rama chu ril awrh hnuang hian alo then thu mai a ka rak thawt nghe nghe ka mit khap kar in a lo bo hman chu niin hah hluam a kawngpui kan thleng chho chu uvaltea rilru hreawm ti taka krossa a lo kuah ka hmuh chuan ka thin a rim thar thut mai le.

~~~~~~~~~~~~~~~~~~~~~~~~~~~~

Uvaltea ka en reng lai chuan uvaltea chuan lei a chum vak vak mai a,a au khek tuarh tuarh mai bawk a. Keimahni vanga krossa’n nunna a chân hi ka duh theilo khûng li hûai ho khu ka chhuah tir vek anih loh pawh in ka thih chilh ve dawn min hawsan mai ru ti pah chuan a ding hlûai a. Kei chuan nunna in chan belh kher a țullo tiin uvaltea chu ka chhang vat a.

Nghaktea pawh chuan haw tur in han sawm ngial mahse a duh lo bur ani tawp mai. Tih luih chi anilo tih ka hriat avang in nghaktea hnen ah chuan, hei hetiang anih tlat chuan i taksa ah hian krossa hi kan phuar bet anga, bike hian lo han haw phawt teh u. He buai na hi uvaltea nena kan cho chhuah ang anih miau avang in a tawp thleng in ka bei ve dawn ani. Ka thinlung nâ leh thinrim na chuan min bual â ani deuh ber e.

Nghaktea duh lo chung chu ramhrui chhat in kan phuar zung zung a, kan tlan haw tir thuai a. Kawng kawi a an pil hnu rei vaklo ah chuan uvaltea chuan van lam hawiin “ka nu i fapa hi min pui ang che” tiin a au chiam a. Uvaltea nu hi khuavang ten an awmpui tlat hi ani a,uvaltea nen chuan kan han thu ren rawn a in belova minute 5 vel kan thut hnu chuan ruah thimpui rawn sur tur ang mai in kan thlang a vanzema li chung zawn ah chuan chhum dum chhah tak chu an in let tup tup mai a thli a thaw vuk vuk a, mahse chung chhum hlawm awmkhawm te chu an awm na ngai ah bak chuan an so let but but lo a.

Khua a thim khuih khuih a kawl a rawn phe zawr zar a, țek ring tak a a rawn tlak rual chuan chung chhum dum li chung a in let tup tup te chu thawk leh khan ah li chhung ah chuan an in khawh lut suau mai. Thli chu a aia nasa in a rawn tleh chiam a, mahse thawk leh khat ah a reh leh thuap ang lawi si. Ka thinrim in hrosa ve te kha chu hlauhna in a rawn luah lan leh tan der mai, ka rilru chuan dawih-a leh ka in ti mawlh mawlh a. Uvaltea chuan i thawm hnaw kha phelh rawh chhuk ila tui ah khuan lut ang a ti bul hmuk a. Phur lo fahran chuan ka in phelh ve mai a, vanzema li lam pan chuan au thla ruai ruai pah in kan tlan thla ta chiam a.

Kan tlan chak bawk a kar lovah vaukam chu kan thleng thla thuai a, uvaltea chuan thlam ah kal phawt ang chempui lak angai a ti a. Thlam lam pan chuan kan tlan phei leh ta nghal a. Thlam kan thlen phei chuan thlam kawt ah chuan pu rama chuan thing a lo ek kan hmuh chuan kei chuan mak ka tiin purama anih ka ring theilo ani. Uvaltea chuan nang ramhuai kha tih pah chuan tlan pah in ava zuan a mahse uvaltea chu amah chauh chuan lei ah chuan a tla thum tawk asin le. Keimah hi lo hi chu i chem khan vai hmiah hmiah ang che. Purama a awmlo kan riah luh ni a kan hmuh pawh kha purama anilo, an huan ah pawh in sam na engmah a awmloh kha. Amah zawng a kan kal avang khan huan sam na hnuhma awmlo kha i hmulo anih kha kei chuan ka hmu vek alom. Hlau lo in in bei ve tak tak ang aw a ti a,ka hawsan zana a thil tawn te chu a sawi tha duh hauh lo thung a.

Nghakuai kan kam na kan hruizen hman bang zawng hlam 20 tur awm vel hi a kawng ah chuan a vet kual a, a in veh zawh chuan kal ang li mawng ah lut ang a tih leh kal a rual nghal a. A tlai tawh hle na in tlang let liam lam kawl erawh ala sen phut mai. Luiruam anih avang in a thim hma deuh mai pawh a khua chu ala eng ruai tho a,vanzema li kam tiau pho ah chuan kan ding reng a li chu uluk em em a kan en chuan mermaid nih duh hmel tak an rawn in lâr zuau zuau tih kan hmu thei a lui hnar lam kan awm na atanga pen 20 vel ah chuan kangțek kung a awm a chulam pan chuan kan chho ta a. Uvaltea chuan kangțek kung ah chuan a hruizen ken chu a lai tak ah a thlung sauh sauh a nghet tak in a hmawr lam kha i kawng ah thlung bawk ang che. “A țul leh VANZEMA ang pawn kan thi mai ta lawng iin huam em” min tih chuan ni rawh se. Tih leh zuan thlak kan rual a, li thuk lam pan chuan theih tawp chhuah in ka in hai lut a awmzia ava neilo ve ka kawng hrui ka in thun na chu ana em em a,tha chak tak hian min pawt kual ta vak vak mai le. Mi mah hlauh ruk nen tui chhung ah phei chuan chi ai ana kher mai. Pawn ah min hnuk chhuak emaw ka tih laiin li thuk lam min pan pui ta vang vang mai le. Ka chem ken chu ka vai vel chiam a thaw a rawn chham tan ta.

Theih tawp a in sang mar in hrui chu ka ban a ka theih ang ang chuan ka chem ken chu awmze nei hauh lo in ka tawng pawng vai ta chiam mai ani. Ka tha a zo a ka thaw a chham tui ka hak bawrh bawrh a, chutih lai chuan enge maw ni hian ka ban ah vuan in khawmual lam min pan pui tih chauh chu ka hriat chhun ani. Ka harh leh chuan vau kam ah chuan kalo mu a puan kalo sin hlun nghe nghe. Ka bulah chuan uvalhte a chuan mei lum alo ai a, ka thu chhuak a enge awmzia ka thi tawh emaw ka tia ka tih chuan uvaltea chuan thi suh e. Thi la chuan i rawn harh tawh nang ati bung nghut a. Chau tak chung chuan uvaltea chuan saw han en teh a tih rual chuan kan piah deuh a ruang 4 let reng chu ka en phei a, ka va pan hnai chuan ava mak teh reng em! Mihring hmel pu chiah silo sangha ni bawk silo beng nei ang dawn dawn ngho sei tak tak nei chu tawng 2 vel a sei tur mahse bawng tut si mihring vun ang a an vun awm si ruang 4 chu ka en dauh dauh a thineim na in ka khat a. Chem pui la in a rem lai lai ah chuan ka sat sawk sawk mai a. Chutih lai chuan eng in nge min su tih hriat siloh hian boruak rit tak ani mai in ka hria tiau pho ah chuan min su thal tawp mai le. Ka rak thawt a.

Uvaltea chu rawn zuang tho in chempui nen chuan boruak chu vaiin a rak teng tung mai a. Thawh ka tum chuan ka tho thei derlo mai. Eng in emaw min bawh bet tlat a, tal chhuah tuma rak vak pah a ka tha neih zawng zawng nen a kan tal chuan ka tal chhuak phut a ka zuang tho a ka hma zawn a thil dum rawn thlawk phei nauh nauh chu ka vai phei hmiah hmiah a. Patling na tuar chiau vawng vawk leh rum tuah tuah thawm chuan kan awmna ruam chu a tuam a,a so bulh bulh ani ber mai. Uvaltea chuan BD that vek ang heng ho hi nuai chimit ang aw ti a min rawn fuih chuan chakna thar min pe in a aia nasa chuan bul bel a eng eng emawni rawn thlawk chu ka vai bian bian mai a. Ka hnung zang chu chem a sah thler duai ang mai hian a thip zawk a,ka mit nghal sulh mai thei leh theilo in ka hnung zang chu ka dap a thisen a chhuak tih ka hre thei ka zawi hnawk a, ka chauh tawh zia ka in hria mahse chau hman rual ka ni silo. Thawk leh khat ah kan piah tlang pang per atang chuan thil var an rawn thlawk nauh nauh a, chuveleh kan thil beih te chu thawm nasa tak rapthlak tak tak a au leh khek rawng rawng pah chuan li mawnglam pan in tui ah chuan an in khawh lut zawk zawk hlawm a.

Chung thil var enge an nih hriat theih siloh te chuan kan vel ah chuan an thlawk kual a,rilru ah thawven na a rawn lut a hah pawh a dam sawng sawng mai. Uvaltea nen ngawi renga kan thlir lai chuan ngaihtuahna la peng tur in vanzema li chu livir ah chang in a vir muai muai a a phul bulh pulh bawk a. Min pui ruu ti thawm leh hreawm ti leh mangang aurawl ri rawng rawng te chu tui phul bulh bulh atang chuan boruak dum hlawm nen chuan van lam ah chak lutuk mai in a in vawrh chho siau a, tui in khawh chho chu a san em avang in lei lam a an rawn tlak leh chuan lui ruam chu ruah sur ang mai ani. Thawm chu a reh rual chuan krossa aw ngei mai chuan HAW TAWH ANG U TIH fiah taka rawn sawi in tui fawn nasa tak pawh chu a reh zui a. Chung thil var thlawk chiah chiah te chu thusawi nei awm tak hian an tawng chiah chiah a,an thusawi erawh ka hre theilo. Muang chang in an ral ta raih raih a, ka chau lutuk chu ka thu hnawk a,uvaltea chuan tirawh i haw tawh ang kawite(krossa) pawh a haw tawh e a ti a kan in siam a, muang chang in ke in ka haw ve ta bek bek a. Kan in be tlem hle mai. Kawngpui kan thlen hma chuan kan khaw ho. Duata,patea,marama leh pa ro-a(ka nu u pasal) te min hruai tur in an rawn kal a, tichuan khawlam pan in kan haw ta ani.

A TAWP TA.

heng mi hming ka hman hawh ho hi ka hmel hriat te vek a nia in hawlo tur ah ka ngai ani.a felhlel lai a awm teuh tih ka hria hna thawk pah a ziak ka nia min hrethiam hram dawn nia.
Ka thu ziah min chhiarsak tu te in chung ah DARA hming in lawmthu ka sawi e. KA LAWM E.

Alfred lalbiakdika (dara pu).

Aside | Posted on by | Tagged , , , | Leave a comment

PU SAPCHHUNGA THINGDAWL VENGLAI TEKIN DENG HLUM

21 September, 2016 tlai dar 4:30 ruahsur lai vel khan Thingdawl venglai a Pu Sapchhunga chu a huan, khua atanga hnaiteah, a fehnaah tekin a deng hlum.

YMA hruaitute hnen atanga thudawmn danin Pu Sapchhunga kum 84 mi leh a nupui Pi Biakkungi te chu an huanah hian an feh a, tlai ruahsur lai khan thlamah an awm a, hetih lai hian tekin Pu sapchhunga chu a deng a, ka chhawn lohin a boral nghal a ni. A nupui Pi Biakkungi pawh tek hian manin a tlu tawp a, a ni hi chu a na lutuk lo hlauh. Phone in an chanchin khua amite a hrilh a, tlai thim hma khan Pu Sapchhunga ruang hi an la fel a, vawiin lamah vui a ni. Pu Sapchhunga taksa lang theiah hian pem leh hliam engmah a lang lo niin thudawnna chuan a sawi.

Pu Sapchhunga te thlam banah hian khiang thing dinglai, kit lova ban atanga rin an nei a, hei hi tekin a rawn deng a, Pu Sapchhunga a bul hnaia lo awm chu a deng tel ta niin hriat a ni.

Pu Sapchhunga hi Rev. R.Lalrinliana, tuna Bangalore-a MTh zir mek pa a ni a, amah hi Rev. R.Vanbela U a ni bawk.

Aside | Posted on by | Tagged , , | Leave a comment

ONE DAY HANDYMAN by R Zonuna RL

AUTHOR :

HANDIMAN KA NI CHAK
Khatia zir tha duh chuang si lova pawl 10 ka failed khan ka rilru a na ve em em a, ka bei te kha a dawng ve khanglang a. Kan kawmthlang tlangval thla thum chiah handiman-ah a tang a, motor a khalh nghal mai kha ka awt em em a. Ka pa chu handiman tanna tur zawng tur khan ka tur tlut tlut mai a nih kha. Aizawla ka u awm chu a be ta hial a.
.
Kar hnih hnuah chuan ka u chuan, “Lo kal sela,” tiin min rawn chah a. Phur em emin Aizawl chu ka pan ta a.
.
Ka thlen zan chuan ka u chuan a hma lak dan min hrilh a.
.
Ka u chuan an office-a a thawhpui thian, Khatla a mi a nei a, a hming chu Remi a ni. Remi chuan nau mipa nupui neia indang tawh Sawma a nei bawk a, Tuikualah an awm a. Sawma chuan thianpa Thana a nei a, Chhinga vengah an awm a. Thana patea fapa Vunga chu Truck Driver a ni a, Chammari West-ah an cheng a. Chu driver Vunga chuan Handiman a nei lo a ni awm e.
.
Chuti kual duah a nih avang chuan Handiman hna ruak chu ka u chuan a zawng kual ve fe ni turah ka ngai. “Sunday-ah kan va leng dawn nia,” a ti a.
.
INTERVIEW DUAH DUAH
Sunday chawhma inkhawm banah ka u in luah Kulikawn atangin kan chhuak a. Khatlaa U Remi kan sawm phei a. Khatla atangin Tuikuala U Remi nau U Sawma kan sawm phei leh a. U Sawma chuan, “Thana hi kei ai chuan thianpa Dawnga nen an inkawmngeih zawk a, sawm kual phawt ang u,” a ti a.
.
U Dawnga chu an in Dawrpuiah kan sawm phei leh a. Chhinga venga U Thanate in kan pan leh a, kan zuk sawm leh a. Kan vannei dawn a ni maithei, kan sawm apiang an lo awm a; an lo hman hlauh zel bawk a. Chanmaria driver Vunga te in chu kan pan ta a.
.
Handiman hna pakhat dil tur chuan Khawhbawk inkhawmpui palai zah zet chu kan inzui kawi ta duah duah mai a nih chu. U Remi leh ka u chu an nuih a za ngei mai. Kei lah ka lo zam ve khanglang bawk a.
.
U VUNGA KAN DIL
U Vunga chu tlangval phanchang lam tawh, satha leh chak hmel zet mai a lo ni a. Tawng tlem chi a ni. Kan lut khup khup mai chu mak ti hmel a pu deuh a. U Thana chuan kei, a hmelhriat dan ler lutuk tak mai tan chuan a han sawi kual zar zar a. Midang hual sa a neih loh chuan handiman atana kei la mai tur chuan a nawr a; ka u chuan a lo tuihnih bawk a.
.
U Vunga chu rei fe a ngawih vang vang hnu chuan, “Tunah chuan ka motor workshop-ah a awm hrim hrim a, kar lehah an peih dawn chauh a. Ka pu pawh ka lo be ve phawt ang a, a rem dawn chuan Thana hi ka lo hrilh mai dawn nia,” a ti a. Kan hawsan ta a.
.
Ka Handiman hna dil chu a rem dawn chuan U Vungan U Thana a hrilh ang a. U Thanan U Dawnga, U Dawngan U Sawma, U Sawman U Remi, U Remin ka U, ka Uin kei min hrilh lehchhawng dawn a nih hmel chu.
.
KA TLING
Ka interview atanga Ningani hmasa berah chuan thu a lo thleng ta a. Handiman atan chuan lak ka ni a, Zirtawpni tlai dar 4-ah Driver U Vunga hnena Joining Report pe tura tih ka ni. Blanket pakhat leh thawhnaw hak thlak ken tur a ni bawk. Ka phur lutuk chu ka chaw ei a tui lova, ka mut te a tui lo vel!!
.
KAN FEHCHHUAK TA
Zirtawpni tlai dar 4 ah chiah Handiman ni turin driver U Vunga hnenah ka in-report ta a. Tlai dar 5 ah motor-ah chungin Rengtekawna bufai phur turin kan liam ta a ni.
.
Kawng lakah chuan kan inbe lo khawp mai. Mi tawng tlem U Vunga bulah chuan emngmah ka sawi ngam lo. Zawhna pahnih chiah min zawt a. “Nu leh pa i la nei em?” tih leh, “I u kha nu nge nula?” tih zawng a ni. A khat tawk a, “Meizial kha han tan leh tawh la,” a tih chu a tawng awm chhun a ni.
.
LUHAI VAWI 1-NA
Kolasibah chaw kan ei dawn a, chaw ei dang pawh an lo awm nual a. Motor ka kalh that lai chuan U Vunga chuan a lo ei tawh a. Ka thutna tura stool awmsa chu a ke kim lo, ding ve thei tho si a ni tih hre miah lo chuan ka’n thu thawr mai a. Hnung lamah ka let tawp a, ka ke chhip chuan chawei dawhkan hnuai ka pet chho a, plastic dawhkan zang tak chu a kang lawp a; min rawn delh zui a.
.
Chhuat laiah chuan chaw nen, vawksa nen, maian bai nen, dawlrep bai nen, antam chhum han nen, chi leh hmarcha nen, purunsen zai lep nen, tui nen kan kawi ta nuaih mai a. Ka hlauh ber chu U Vunga hauh a ni. Rang takin amah chu ka han en a. Che map lo hian a lo nui vur vur mai. Ka lawm ngei mai, a thin a rim si lova.
.
Hotel nei tupa chuan an tlangval chhawr chu a beng a. “He stool hi dah tawh suh ka ti che a ni lawm ni,” a ti a, a thin a rim kher mai! Ka inthlak chhungin a dang an siam tha leh a, hlim tak leh puar takin ka ei a ni. U Vungan min hauh loh avang leh Hotela chaw ka vawikhat eina a nih avangin.
.
THLAHRANG? KA HMU VE
Rengtekawnah chuan kan riak thla a. U Vunga chu mi inah a riak a, kei motorah ka riak thung. Ka mawza thar bun phelh lo chuan ka mu mai a.
.
Zanlai velah chuan palian em em mai hi kan motor lam pan chuan a lo kal ta chhut chhut mai a. Kudam hnung lam atanga lo kalin Kudam chu a rawn kar run mai a. Ka hlau lutuk chu ka tho chhuak rang ngei mai. Ka han hawi vel a, Kudam pawh chu ka hmu thei tawp si lo. Ka mumang a nih ringin ka mu leh a.
.
Ka muhil leh siar siar tih chuan a ngai bawkin palian chu a lo kal leh ta. Ka tho leh a, ka mu leh bawk a. Chutiang hlira vawi thum ka hmuh hnu chuan motor atanga chhuakin ka va zung a. Ka mawza chuan min phuar riauva hriain ka phelh a, ka mu leh a. Heta tang hian palian hmu leh lovin ka muhil hlen ta a. Ka mawza kha ka puh ta ber.
.
LUHAI VAWI 2-NA
A tuk zing dar 9 ah load la turin kan indawh ve dawn a. Back zawnga luh a ngaih avangin ka lo vai ve lauh lauh a. “A tha, a tha, a zau, tawlh zel rawh… A tha, a tha…” A ri ta bur mai!! Kan motor hnung kil lam chuan vai truck hnung sir lam bawk a lo tauh der tawh chu niin. Hrehawm ka va’n ti tak em!!
.
U Vunga chu a lo chhuk a. Ngawi rengin min rawn kal pel a. A hmelah lawm hmel ka hmuh loh laiin thinur hmel pawh ka hmu chuang lo. Vai driver nen chuan an en dun a. Motor pahnih chu a chhiat dan leh chhiat loh dan a inang chiah. An inbe rem thuai a. Kan chawi dawn lo. Ka lawm em em a ni. Kan chawi loh bakah U Vungan min hau lo.
.
LUHAI VAWI 3-NA
Kan buhfai phurh chu Serchhipa dah tur a ni a, Chhinhchhipah kan riak chho dawn a ni awm e. Full-load chuan tlan chak a lo har khawp mai a. Thingdawlah U Vunga chuan thingzai pathum lek a lei a. Load chungah chuan dahin hruizen te deuh leh hlui deuh tawh chuan ka phuar bet a. Kawnpui kan pel hret tih chuan kan thingzai phurh chu a inkhak ri ta ruk ruk a.
.
U Vunga chuan motor chu kawng thlang lamah a dintir a, “Phuar tha lawk ang aw,” a ti a. Kawng sir chep angreng tak atang chuan a thlir chho vung vung a, “A tawnna khi a dul deuh a nih khi, han pawt nghet deuh la, a tha mai ang,” a ti a. Kei chu ka lawn nghal a. A ni chu kawngthlang lam a hawi a, a kap a dap nuap nuap a, a zung dawn tih ka hre mai. Kawng thlang chu a awih phian lehnghal a.
.
Hruizen dul chu nghet taka pawh ka tum a. Thingzai chu ka ke pahniha tlawh meuhin ka’n pawt sawk a, a chat ta hmawk mai. Ka inring hman der si lova, motor a tang chuan a hnung zawngin ka thlawk thla ni berin ka hria. Ka vanduai nge ka vannei? U Vunga zunglai hnungzangah tak mai chuan ka zuk deng ta dawp mai a!
.
U Vunga lah lo inring bik hek suh; kawngthlang awihah chuan kan tla thla dun ta mai a. Kan lum vir thla nawk nawk a, a hing thla hum hum mai a. U Vunga khan a zunna hmanrua kha a khung hman bik lo a ni chek ang chu, a thil khan ka hmai a hru thla nawk nawk mai a. Ka hmuamsak lo chauh a ni. A rei lo na vang vangin ka va han hmu hnai kher em! A rawng pawh a dum a ni. Feet 15 vel lai kan lum hnu chuan Hmunphiah hung hian min lo dang dun a.
.
U Vunga chuan, “I na em? I na em?” a ti a. “Na lo e,” tih pahin kawng lam pan chuan ka vak chho zawt zawt a, eng rilru nge ka put chiah pawh ka hre lo. Hrehawm ka ti takzet a ni.
.
Kawng ka vak chhuak chiah chu ka zuk hawi thla a. U Vunga chuan che lo chang lo hian min lo thlir reng a. A hmelah engmah ka chhiar thei lo. Lawm hmel a pu lova, thinrim hmel hmuh tur a awm bawk lo. Motor-ah ka lawn leh nghal a.
.
Hruizen chat ka zawm mawlh mawlh lai chuan U Vunga chuan kawng a rawn thleng chho ve a. “Hruizen kha a hlui tawh em a ni,” a ti a. Kei chu ka ngawi reng a, a ni paw’n engmah a sawi zui lo. Ka zak em em a; ani lahin min hau duh der lova.
.
LUHAI VAWI 4-NA
Kan tlan leh ta vang vang a. Aizawl kan thleng tep tawh tih chuan ka che suakbak palh leh ta.
.
Min tawk zawngin Bus sei pui pui pathum leh motor dang an rawn inzui duah duah mai a. Inpelh mai theih a ni lo. Chho zawnga kal zawk mah ni ila loh theih lovin hnungtawlh a ngai ta tlat mai. Inti bengvar fahranin ka zuangthla tharh a, ka au leh ta lauh lauh a.
.
“Aw a tha, tawlh zel rawh. A tha, a tha….” A ri leh ta rup mai!
.
Ka’n en chian nak chuan kan motor ke hnung lehlam chu tuiluankawr thuk ang reng takah hian a lo tla der tawh a. A hnung lam chuan a buk hneh zawk deuh avang chuan a ke hma leh lam chu a kang deuh vu bawk a.
.
“A pawi leh ta. A pawi tak zet a ni. Hei hi chu ngaihzam chi a ni tawh lo. U Vunga pawh a ngawi mai mai tawh bik lovang.”
.
U Vunga chu a lo chhuk a, min en lo. Kan motor chu uluk takin a en kual a. Motor dang kan dal lo hlauh. U Vunga chuan eng dang sawi lovin, “Tih ngaihna a awm lo. Aizawl kan thlen phawt a ngai,” tih chiah a sawi a.
.
FAREWEL
A thiante motor-ah Bawngkawn thleng kan chuang ta a. A thiante bulah chuan kei min dem zawngin eng thu mah zuk sawi miah lova! Bawngkawn atang chuan Bus-ah kan chuang leh a. Conductor hnenah chuan pawisa pek pahin, “Pakhat Kulikawn, pakhat Chanmari,” a ti a.
.
Chanmari kan thlen chuan chhuk turin a tho a, min rawn en a. “Ka rawn koh leh hunah che i lo kal leh dawn nia,” a ti a. Ka aw a chhuak thei lova, ka lu ka bu nghat a. U Vunga chhuk chu ka en reng a, a liam ta a. Chu chu U Vunga ka hmuh tawpna a ni. Sana ka en a, Inrinni tlai dar 5 chiah a ni.
.
U VUNGA HNIAK
Tichuan, tun thleng hian U Vunga kohna nghakin ka la awm ta reng a ni. U Vunga hnuaiah darkar 24 vel chiah Handiman hna ka thawk a, ka va han kham lo tak em!! Handiman nih kha chu ka duh tawh hauh lova, U Vunga bula khawsak erawh ka la duh a ni. Hringnun zirtirtu a ni si a.
.
Miten driver mai mai nia an sawi thin lak atanga finna ka dawn hi mihausa leh intivei te lak atang hian ka dawn ve awm ka hre lo. Tawng miah lova U Vunga thu min hnutchhiah chu tun thlenga ka hringnun thufing ala ni ta reng a. A hringnun thufing, zirtir nei kha ka tan a hlu em em a. Zir tham leh nunpui tham a ni.
.
Rei lote chhunga vawi tam ka chet chhiat lai khan ani chuan thluak a lo hmang a ni. Ka thiltih leh chet dan kha ka duh reng vang leh ka sual vang hrim hrima ti ka nilo tih kha a hre chiang em em a. Hriatthiamna leh ngaihdamna mit khan min lo thlir reng thin a lo ni. Hlu ka va’n ti tak em!!
.
Mite chunga rilru kan siam dawn rengin rengin an dihmunah kan inchantir fo a tul a ni tih hi U Vunga khan a hre chiang a ni. Pawi tak khawih nia ka inhriat lai khan ani chu ka dinhmunah a rawn ding chhin phawt a, thuthlukna a siam ta chauh kha a lo ani. Tawng miah lovin thufing, ka dam chhung daih min lo hnutchhiah reng a lo ni si.
.
U Vunga te ang mifing, lehkhathiam si lo hi khawvel hian engzat tak up bo tawh ang maw? Mite ngaihsan an hlawh ngai lo. Mihringten Lei
malsawmna kan tih dawng tamah lah an tang ngai hek lo. Ka ui a ni.
.
“Mahse, U Vung, nang chu, Malsawmna tam tak dawng mawlh ang che.”

R Zonuna RL
Kawrkam Cabin
(Vawksa Street Outfit)

Aside | Posted on by | Tagged , , | Leave a comment

Mizo Chak Chawngsavunga

AUTHOR :

Mizo mi chakte chanchin sawi a pianga sawi rik ngai ziah, Mizo pa chak Chawngsavunga chanchin tlemazawng han tarlang teh ang.

ᑕ Chawngsavunga chak vanglai hi kum 1850 ațanga 1865 bawr vel a ni a, a chak vanglai chuan Zoram chhungah amah han ter pha tur an awmloh avangin Zorama chak ber nihna hauhtu a ni. Amah hi Tlau hnam niin Leng khua(Saihnuna piana)a pian ni-a sawi a ni bawk.

ᑕ Chawngsavunga hi a piantirh atang rengin a chak danglam bik hle a, a pa chuan Dungtlang mi chak Chula ang tur niin a ring tlat mai a, a tlangval hun a nghakhlel em em thin a ni. Thing delh loh lung delh lohvin a rawn țhanglian zel a, a pumrua a lianin a mi dip a na viau a. A țhiante chuan,” Ramse chal nghawngah hling ila, Chawngsavunga nen inpawt se tunge chak zawng ang le?,” an ti laih laih țhin a ni.

ᑕ Ni khat chu a țhiante nen an ramvak a, puk pakhat an thlen chuan an kiang lawkah saza chal hi a lo bawk vang mai a. A țhiante hnenah chuan,”Lo kap suh u, ka va man ta’nge e,”a ti a. A ke hnung lam pahnihah chuan a va man chat mai a, saza chal chu a tal nasa ngang mai a, a leng awrh awrh a, Chawngsavunga pawh chu a nghing lawih lawih mai a. Chutah țan a han la ve ta tak tak a, puk kotlangah chuan che thei miah lovin a nawr bet ta reng mai a, tichuan a țhianten an rawn vawhlum ta a ni. Saza chal hi zukchal aiin a chak daih zawk a ni an ti thin. Zukchal thanga a tan der der theihnaah chuan saza chal chu a chhuak daih zel a ni an ti. Chawngsavunga saza chal manna puk hi Maite daiah hmuh theihin a la awm nghe nghe a ni.

ᑕ Vawi khat pawh a thiante nen an ramvak leh a, hruipui țhan kin tawh, fim rul mai hi theivawkpui zarah a inzem ngun mai a, a țhinte chuan an thlir vang vang a,”Chawngsavung, han pawt thla teh, thulah kan tah dawn nia, a țha em mai,” an ti a. Chawngsavunga chuan,”Thingzar a bal loh chuan hrui hi a chat ang,” a ti a, a kianga thingzung thlar chu a tlawhchhan sauh sauh a, an phih vak mai a, theivawkpui zar chu a bal ta hlawk mai a, leiah chuan a rawn tla hnuk mai a, chu thingzar chu ui chal tiah zeta lian hi a lo ni a, a țhiante chuan chak an tihzia chu hahipin an sawi a ni.

ᑕ Chawngsavunga chakzia an sawi leh pakhat chu, a thiante nen an ramvah tumin an hawn lamah ruah a sur a, tui a lian ta vak mai a. Khua a tlai tawh si a, hlauthawng rilru angreng takin a thiante chu vaukamah a ding țhap mai a. Chutah Chawngsavunga chuan,”Thlaphang suh u,”a ti a, a chempui a phawrh lawk a, phulraw tlawn lian zet mai hi a sat sawk sawk a. Lui lai tak, tui a zak thleng hmawka thukah hian a va ding a, a raw tlawn chu a țhiante awmna lamah a lek phei a, “A hmawrah khan uai rawh u,”a ti a, a țhiante chu pakhat te tein vaukam lehlamah raw tlawnin a thiar kai ta vek mai a ni. He chanchin hi Chawngsavunga chanchinah chuan mite sawi hlawlh ber a ni hial.

ᑕ Hualtu khua chhuahsanin Lenchim khuaah a pem a, Lenchim khaw thlen hma hian Satelsih tia an sawi mai thin tuihna tha tak awmna hmun ațangin, a lungtat tura a hawn chu Lenchim khelmual bulah a dah a, tun thlengin hmuh theihin a la awm a ni. He lung pawh hi tlangval chak tawk tak tan lo chuan chawizawh mai mai chi a ni lo an ti. Chawngsavunga hian a vanglai hun zawng zawng chu Lenchimah a hmang zo a tih theih a. A upat deuh tawh hnuah Lenchim ațangin Tlungvel Hmunpuiah a pem chho leh a, hetih hun laia an lal chu Vanhnuailiana fapa Buangtheuva kha a ni.

ᑕ Mizo mi chak Saizahawl’n a naupan tet ațanga a mi hmuhchak ber Chawngsavunga hmu turin Tlungvel Hmunpui chu a pan vang vang a. Chawngsavunga chu leikaah a lo țhu run mai a. Saizahawla chuan,”Ka pa Chawng, nangmah hmuh chakin ka lo kal a nih hi,” a han ti a. Chu valeh, Chawngsavunga chuan a kianga thu turin a ko hnai a, “I kawr kha han hlip la, kei pawhin ka kawr ka hlip ang,”a ti a, kawr phelh chung chuan an han țhu dun a. Mipuiin an țhlir țhup mai a, Saizahawla chuan,”Eng angin kan lan ?,” a ti a. Mite chuan,”Patling kianga naupang țhu angin i lang,” tiin an chhang mauh mai.

ᑕ Chawngsavunga chuan vawkchaw tur bapui lian pui pui chu khoah a dah a, a kut khing khatin a hmet per hmiah hmiah mai a, Saizahawla chuan hmuhnawm a ti hle a ni. Tlangval hovin Saizahawla chu lungdenah an cho a, mahse tlangvalho chuan Saizahawla chu an pha thei ta reng reng lo mai a. Chuvangin Chawngsavunga chu an pun ve ta tawp mai a. Chutah Chawngsavunga chuan Saizahawla denna chu a khum ve ta daih mai a, chu chu, Saizahawla chuan a el ngat ngata a phak ta lo a ni an ti. Saizahawla chuan,”Ka pa Chawnga chu lo la țhalai deuh ni la, inbuan a chakawm mang e,”a ti a. Chawngsavunga chuan,”I puan han veng la han ti chhin ila,”a ti a. Chutah puan an han veng a, Chawngsavunga chuan,” Ka kapkarah hian lut la, ka’n phih chhin teh ang che aw,”a ti a. Kawng pil hmek hmawk hian a han lut a, Chawngsavunga chuan,”khai aw, ka țang dawn a nia, lo inring ang che aw,!” a ti a, a phih vak mai a, Saizahawla chu a chhuak ta zawk zawk mai a ni. Saizahawla chuan,”Ka mi hmuh chak ber ka hmu ta,” tiin a hlim hle a ni. Chawngsavunga hi a dam rei hle a, tar kunin a dam a, a chak vanglaia a lung put zawh tawk mite hmuha dah nachang a hre lo chu a inchhir thu a sawi thin a ni.

ᑕ Chawngsavunga’te chhung hi an chak hle a, a farnu Pi Ngumi tia an koh fiam chu nu lian tak a ni a, chak pawh a chak hle a ni. Darbel khap rukin chaw an chhum a, a kut lehlam chuan suankualin a rawngah a chep bet a, a khaikhup zawngin a tikáng a, a kut lehlama buhtlei kengin a hawlh fai vek thei a ni. Țum khat pawh buh țin thum phur haw chungin kawng kama thangțung hi a hmu a, “Mipate hian eng tin nge maw thangțung hi an lak țhin le,” tih pahin a kut khing khat hian a kauah a vuan a, a phih thla zat zat mai a ni, an ti. A chak thial thial hle mai.(Thangțung hi thil lak harsa tak mai, khauh fuh mai a ni a, hmeichhe tan chuan thil lak harsa tak zawng a ni ngei ang.)

ᑕ Chawngsavunga chanchin hi K C Vanlalruata Lehkhabu ațanga ka lakchhawn a ni.
(Andy K Zarzoliana)

Kris L Pachuau
I thu ziah hi KC vanlalruata ziah i chhiar a nih hmel a Belhchian dawllo a awm zeuh zeuh. Saizahawla nen an inbuan thu khi a dik chiah lo. An inbuan lai ngei mit a hmutu hi ka piantirh a min chhartu a nia. Chakzawk an awm lo an inhneh tawk tihin min hrilh a dik pawh ka ring.

Lungtat atan a lung hawn i tih pawh khi Tuirini hnar Tlungvel ram chin atanga a zakzeh chhoh a ni a. Tuirini Lui atangin 1km vel a zakzeh chho a, 1990 kum khan ka han teh nghe nghe a a sei zawng 48 inchees a nia… a hlai lai berah 22 inchees a nia. A chhah lai berah 13 inchees a ni. A zuih te lai berah 13inchees tho a ni. Tunhnuah Lenchîm ho in an zawn chhuak a an Field sir thlanlung bulah an dah a kum 2014 khan ka han en leh a , a lo bung then tawh nghe nghe a ni.
Tlungvel khaw hmasa tih pawn a sawi theih awm e, Tlungvel khawbul lawk Hmunpuiah a thi nghe nghe a ni.

A tunu hi Biakthangi a nia. Kapi hi 1906 a piang a nia …a tunu nen chuan an inkawm fo thin.

Pi Biakthangi fapa Fangzauva pawh hi a chak ve khawp mai. Truck( TMB) kan tih thin ke pump puar hi Truck hnung ah a theh kai ve lap lap thei.

Saizahawla nen a an inchai hian an inhnehtawk khawp mai ka pian hlima min chhartu Pi Khuangi min hrilh thin danin , an inchaina lai vaivut a tam deuh nge ni , a khu nasa lutuk a hmuhchian pawh a har khop mai …an inhnehtawk chiah tiin a sawi thin. Tin Palian em em a, KC Vanlalruata’n a sawi hi a dik loh hmel bawk… pa Bem lampang a ni tiin min hrilh thin… Saizahawla aia lian viau a sawi khi ka pawm thak lo mai kei chuan.

Tin kum 1850 tih vel lai khian Lenchim a la awm ka ringlo tlat. Lamtual emaw Thingkhuangah maw Lenchim khaw ho kha an awm ka ring zawk mah.

Aside | Posted on by | Tagged , | 1 Comment

AIZAWL-AH KA ZIN VE DAWN

Kuthnathawh ngaisang mi ni mah ila kumtluana a sur a sa hnuaia lo lama liam zut reng hi chu ka chakin nuam ka ti ber pawh a ni chuang hauh lo. Furpui hun lo thleng tur nen hmabak hi a ko satliah mai a ni lo, a er hian a er ngawk a ni ber e.

ᑕ Diktak chuan țhelretpuan nena intuama vangvat kara sadai-ek hampherh hlawih hlawih reng ai chuan Sofa dup nuam tak chunga țhut awn diai paha kuthnathawh țhat zia te, a hlawk zia te leh thlai chin tur țha chi hrang hrangte sawi paha thawh lem loh hlawh bakah hlawh bak piahlama a liam lo dawh ve keuh keuh te chu chakawm tak a ni a, enghelh nei hauh loa Țhutthlengseia mut paha Babul-gum han țhial țalh țalh te chu chakawm ve tak a ni.

ᑕ Chawlhni chawhma inkhawm banah kuhva khawr cheng hnih man kan han lei ve hram a, ruahsur nghah daih pahin Pu Thangsiama te bathlarah kan han țhial sen ve ngial a. Mitthla-a hlo thlawh hmabak lang zut zut chungin Pi Rotei zozial zial, hlep țha thei tur ang bera duhtawka a zial chu ka’n fawp khu ve ngial a, fawh mawlh mawlh lai pawh chuan a thi hram zel pek a. Tleirawl hi la ngaizawng chiah lo mah ila, ‘Zozial zuk leh tleirawl ngaihzawn chu fawh nun sek an ngai’ an lo tih hi he Pi Rotei zozial ațang ngei hian a dik zia hmu ve chuan ka inhria.

ᑕ Aizawla ka Ni; hmunphiata inhlawh țhin chu kar eng emaw zat a damsam tak loh avang leh a fate sikul kal buaipui an ngaih avang chuan awmpui turin min rawn chah a ni tih ka hriat chuan ka lawmna hian van a tawng dawn a ni ber a. Mahse, van hi engtiang chiaha sang nge a nih tih ka hriat mai loh avangin Pa Ramthlira te huana Tawitaw kung chen zet erawh anih ka ring ta zawk.

ᑕ Lawm si, chhungte bula phur hmel fahrana lan duh bik si lo chuan hna țul zia leh hlo thlawh hmabak laklawh zia te chu ka’n sawi kawi vel luam a. Diktak chuan hna laklawk tih vel hi chu chhungte zah vang leh mawihawih ka zawn vang mai mai a ni. Țawngkam thiamna leh dawt tlem țangkawpin fur chhiat chhung chu Aizawl lamah ka tawm hul thek theih ka inring a. Rilru chhungrila lawmna leh hlimna hlira khat chuan zanriah chu ka han kil ve a, Maian bai te chu ka Vawksa tui háng hawp hmiah hmiah mai a. Mahse, maian bai chu a al a ni tih ka han hrechhuak leh hnuhnawh a, chumi hnu chuan ka vawksa tui al hawp leh ta zawk a.

ᑕ Kamțhuahna tui Vawkchaw bela pik luh puat pah chuan kawmchar lamah ka lim phei zak a. Chaw ei kham apianga khel loa thleng țhin a turtu zawng zawng chu chal chuar nang nang leh khup sai ngar ngar chung chuan ka nawr chhuak hlawl hlawl hlawm a. Ka ek khal em em reng mai hi ka buaipui rukna a rei tawh fu a, hmanah kan khua-ah mar dek thiam a lo kal paw’n ka mar ka lo deh tir tawh a, ani chuan ka kal lam fel loh vang a ti tlat pek a, ka awih chuang hlei lo a. Mizopa ek in khur laih thar ngei maiah chuan theihtawp chuan țan ka khawh vel a, a chang leh ka mawng te chu ka’n tisawi kual vel a, a tawpah chuan a tur na bertu chu a chhuak ta hlawl a, ek in khur laih thar ni bawk si, a tum a khal țha bawk nen, a zuk insawh khi phak thei nia.

ᑕ A tuk maia kal nghal tur ka nih avang chuan Sumo ticket ngaihven chuan ka chhuak ta a. Kan khaw Sumo hi a tlan regu tehchiam lo a, tunang hunah phei chuan chuang tur mang pawh hi an awm meuh lo.

ᑕ U Marobert-a chu kan khaw sumo driver a ni a. Thingtlang khawte Driver tihtakah a induh ve deuh larh a. Rinlawk ang ngeiin biak pawh a lo har țalh mai. Thingpuisen vei tlak karh pah chuan Diesel a neih loh thu chuan min chhang ta mauh mai reng a. Mahse, a pawimawh zia leh chuanman ka bat loh tur thu te, kal kawngah eng eng emaw kan lam phei ang a titea ka han thlem kual hnu chuan naktuk daih Diesel chu a nei leh ta hram a, ka lawm ngei mai. A kal dawn ngei a ni tih a chian hnu chuan remchang chuhin dawrkai U Thanveli’n Chini Kg 50 leh Hajmola packet lian a rawn chah a, Pu Rualaua te pafa leh Nl.Alawmi te pawh chuan ba leh ba lo deuh reuh chuan kal chu an rawn tum ve leh ta bawk.

ᑕ Ka Phone hmanlai a chhiat si avang chuan Ka Patea phone hluihlawn tawh chu a siamțhat theih tak mialin tiin ka la a. Ni e, Aizawl awm tur meuhin phone neih loh chu a fuh chiah lo reng a ni. Engtin tin emaw chuan ka Patea phone hlui chu tel te hnawih nalin ka’n remkhawm vel a, a nghet lo lai deuh te chu hruizen chuan ka’n țawn khawm vel a, ken chu a ken pum ve theih ta mai. A hmehna sen chu ka’n hmet vang vang a, a rawn eng ta phet phet a ngaihțha tak chuan ka ak ta hmak a.

ᑕ Zing dar nga-ah chuan Sumo-a chuang turte chu U Marobert-a te kawtah chuan kan kim țhap tawh. U Marobert-a chu towel var, a hlui tawh em avanga uk vek tawh bat chuan a rawn chhuak a, motor chu a’n thlek kual vel thuak thuak a, hnuailam a bih ngar ngar hnu chuan ner nang nang chungin Inchhungah chuan a lut leh a, engthil nge ni ang le aw tia kan lo ngaihchan țhap lai chuan chaicheh kengin a rawn chhuak leh a. Tuman zawhna kan zawt ngam lo, Driver ber a ngawih reng si chuan passenger mai mai tan țawng ngam a ni lo. Kan zinga upa ber Pu Rualaua chu ka va melh zawk a, a ni chuan a sahdah hmuam lai chu a lo paih mek a lo ni a.

ᑕ U Marobert-a chuan chaicheh chuan motor hnuai chu a han hawlh ngar ngar a, ți deuh dák chung chuan kan lo thlek dauh dauh hlawm a. A tawpah chuan sazu note pakhat hi a rawn chep chhuak ta va va a, chumi rual chuan Sazupui pawh a rawn tlanchhuak chai chai bawk . A motor chu tlanchhuak loa a din rei tawh em avang chuan Sazu-in a hnuaiah bu lo chhepin no a lo hring hi a lo ni a. .
Engkim peih anih hnu chuan U Marobert-a chu driver țhutna-ah chuan a țhu ta vang a, a chuang tur zawngte chuan motor chu kan nam ta laih laih a. Nu Biakmawii te In thleng kan nam hnu chuan a vu ve ta hlurh hlurh a, a tlan sawt phei auh auh a, Pu R.Lawma te In kawtah chuan a ding ta a. Mahni seat țheuhah chuan kan țhu ta far mai le, Aizawl ka kal dawn chu a ni ta reng mai si, ka tha te chu a khur der der thei hial.

ᑕ Kawng chhia-ah chuan kan insawh phei ve laih laih reng a, ruah a lo sur nal tawh nen, kawng a khuar nasain tuihawk a tling nasa bawk si a, tlanchak a har khawp mai. U Marobert-a chuan a motora tape a dah chu a han tinung a, khawvela zaithiam a tih ber mai leh a duh ber, Mél li Sainas (Miley Cyrus a sawi ve dan) chu a zai tir ta viah viah mai a, boruak a nuam țan viau mai. Mahse, a tape pawh chu a lo thar tawh bik chiah lo a ni ang, kawngkhuar kan daia a han insawh dawtah hian Lalsangzuali’n, ‘Kumhlui Kumhlui Kumhlui’ a rawn ti awl awl zel a, kawngkhuar kan han chhuak a, a ri țút a Mêl li Sainas chu a rawn zai ve leh mai bawk a. Kawng biboh laiah kan han insawh leh deuh bauh bauh a, a tape chu a rawn kiui ruai ruai a radio a man leh tlat pek zel a. Ding lama a kawi a piangin zai chu a tawp daih zel lehnghal. Kawngpheiah Mêl li Sainas, kawngkhuarah Lalsangzuali ‘Kumhlui’, a sawh nasat deuhin radio-a vai zai, dinglam kawngkawia zai tawp daih, chutiang zel chuan thui fe chu kan lo tlan ve ta reng mai.

ᑕ Titi hrang hrang vawrh pah chuan khaw țhenawm chu kan tlan pel ve ta reng mai. Mahse, hriat lawk leh beisei lawk loh deuh thil a thleng ta, kan motor chu a thi ta buk a, a tape erawh a la zai uar viau thung. A chhan kan hre lo tlangin Driver ber U Marobert-a chu a hawihaiin a ngaihna a hre lo hle mai a. Kei; a steering pawh Sap Țawnga hre lo tan phei chuan a ngaihna hi a awm lo leh zual. Pu Rualaua chu ka va melh zawk a, sahdah a lo hmuam dawn mek a.

ᑕ Chutia a ngaihna hre loa U Marobert-a hoa kan hawi lawl lawl lai chuan khaw țhwnawm sumo a rawn tlan hlauh mai a. Driver chuan a hma te chu a’n hawng a, a’n khawih kual vel hnu chuan a vu ve leh ta hlat hlat a kan lawmin kan hlim tlang teh e. Pu Rualaua chu ka va melh leh kher a, a sahdah hmuamna hnarkaw insawi hleih bawih chung chuan a lo nui ve țha a. Tichuan, kan zinkawng chu kan zawh leh ta bauh bauh a. Mahse, thui pawh kan la tlan hma chuan kan hma-ah chuan motor pathum an lo ding țhap a, leiminin kawng a lo hnawh a, an lo tang hi a lo ni a. Leimin lah chu a nasa phian mai a, han thenfai mai chi rual a ni lo. Let leh mai loh chu tihdan a vang ta hle mai.

ᑕ Hrilhai ru angreng tak, tihtheih nei bawk si lo chuan ka phone pai ve chu ka’n hmet eng vei pup a, battery low tih leh thih a rual nghal mai bawk si. Let leh ta ila; ka hmabak hlo thlawh tur mitthla-ah a rawn lang zut zut a, thosi leh vaihmite vi rite chu ka hre thei hian ka inhria. Ka pa, kawngherhpui vei dam leh, a tluksual leh avanga che țha thei ta lo, ka zin tur pawh huphurh em em tu khan lo lamah khel loin mi tir liam leh ngei dawn si. Suangtuahna ramah Aizawl khawpuia ka len nasat zuai zuai tawh tehreng nen le. Bei a dawngin a ngaihna avang ta takzet mai.

ᑕ Kir leh mai loh chu tihtheih awm si lo le, U Marobert-a pawh chuan a motor chu a her rem a, kan khaw lam pan chuan kan tlan leh boh boh a. Beisei loh deuh kan chungah a thlen tak siah chuan kan nguai hlawm hle mai a, țawng peih pawh kan awm meuh lo. Pu Rualaua chu va melh ka’n tum leh deuh a mahse, ka melh peih thlawt ta lo a.

ᑕ Khaw țhenawm kan tlan luh mek lai chuan ka ngaihtuahna-ah thil pakhat a lo lut zawr a, sumo chu din tirin ka Bag ka la a, ka chhuk ta thauh a. Midangte chuan mak tiawm fe hian min melh hlawm a. Pu Rualaua phei chu a sahdah hmuamna a hnarkua a insawih hleh tawh bakah mak ti hmel zet chuan a tihsawih belh leh kher a.

ᑕ Engmah sawi hran lo chuan kan chawl lawk ang e tih leh kal ka rual mai a, an ni pawh chu an tlan zui ve mai bawk. Motor tukverh ațang chuan Nl. Alawmi chuan mi rawn thlek veng veng reuh a, ka lung a ti leng dawn dawn a mahse, hlo thlawh peih lohna rau chuan mi rawn țham harh zawk a, ka lung chu a leng leh ta lo a.

ᑕ Aizawlah zin theih ta bawk si loh, khua-ah lah țhelretpuan nena hlo thlawh hnabak ni bawk. Chutiang tehhrep ai chuan kan khaw țhenawmah chuan mihlim lemchangin ka hlim zin ta hmiah mai a. An kohhran hlim boruak kal chhoh lai a ni bawka a boruak a fuh viau mai. Tunlaiah thim thuah hnih chu a common deuh tawha ka hriat avangin thim thuah thum ka tlangaupui a, “Thim thuah hnih lo thleng tur hi engahmah ngai lo kan tam avangin Lalpa thinurna berhbu chu kan tawngbaw zual zel a, thim thuah thum a rawn thlen dawn ta anih hi.” tiin ka’n au vel a, mihlim chansan duh zual ho thinlung a khawih mawih chiang ve teh e. .

ᑕ Nuthlawi hlim thar Nuthlawi Roboihi chu ka bitum nghal chat a. Ani țawngkam thiam leh mi hip khawm thiam tih takah a inah chuan kan bawrkhawm țaih reng a, min support țha bawk nen, ka thu ken a fuh bawk nen ngaihsan ka hlawh chak viau. Nuthlawi Roboihi Inah chuan a chhun a zanin ram thuthlung kan sawi a, thim thuah nga lam lam te kan sawi kai ta mai. Thlarau thianghlim lah chuan a pawl hian min rawn pawl zawt zawt hlawm a, kan chhah tlang tawh hle.

ᑕ Mihlim rual kan han awmkhawm a, thlarauin min han pawla kan che tak tak mai hi chu Thlarau Thianghlim hnathawh mah ni se thianghlim lo taka chet mai te chu a chakawm duh rum rum mai zel țhin. Kan zai a, kan lam a. A țhen sahdah, khaini, tuibur lo tibawk nen, țhenkhat zakkha nei, thlan rim nen, thingthupui rem lam, hmuh chhun âm taka ei te kan ni nawk bawk nen, chutiangho kalkhawm thlarauin min han pawl tak tak mai chu Nuthlawi Roboihi Inah chuan kan su hing thang uih huam huam hi a ni hawt mai.

ᑕ Khaw țhenawmah chuan thla thum tehmeuh rawngbawlin ka hlim zin ta a. Aizawl chu kal ta chiah lo mah ila tum ruk ang tho chuan fur chhe zual leh hlo thlawh hautak vanglai chu ka pumpelh ta tho a ni.

An Idea Can Change Your Life

Aside | Posted on by | Tagged , | Leave a comment

NEIH TIGHT RENG DAN : HMEICHHE TAN by Christophar Renthlei

(Hmeichhia Pasal nei tawh te leh nei mai tur te
tan bik aw)
A hur zawngin ngai ngawt suh ang che,
education vek a ni e.

Step angin ziak ang aw:
1. ᑕ Kegel exercise: (A tihdan chauh ka ziak
dawn, sei lutuk in duh silo)Dr Arnold Kegel a
design chhuah a ni. Kegel exercise hi zun
(urinate) lai a tih tur ani (zun lai chauh ka sawi dawn,in tih peihloh tur sawiin awmzia a neilo).

ᑕ Zun laklawh laia tawp thut thut tur(eg, 3sec
dan zelah), hei hian i pelvic muscles exer a pe
ani. I zun tawh phawtchuan apply thin ang
che, side effect a awmlo, nitin i tih chuan
automatic in a tight nghal ani mai
Kegel exercise hi hmeichhia bik tan a ni lo a,
mipa ho pawh khan tih theuh i tumang u,
nupa nun hmanna kawngah nasa takin a pui
tih hriatchhuah a ni.

2. ᑕ Vagina tightening pills:‘Aabab’ tablet hi hman lar ber pawl ani. He damdawi hian chhu biang tha leh a landan a ti nung. Thenkhat chuan an fak khawp mai (mahse, kei tehlul hi chu engmah min zawt suh u, doctor rawn a tha
fo thin).
3. ᑕ Vaginal tightening creams:‘Lady secret
serum’ – chhu tight nan a cream hman thin
atni. Regular taka hman a nih chuan thla reilote ah tight tha tak a ni thei. ‘Lady secret serum’ chauh hi cream awmchhun ani lo a dang tamtak pawh ala awm e.

4. ᑕ Vaginoplasty, a surgical option:Chhu tight taknei tur a operation tih ani, mahse hei erawh hi chu operation man a to mai bakah hmeichhe tam zawk tan thu benglut ani lo.

5. ᑕ Neuromuscular Electrical Stimulation
(NMES):He technology hi tunlai a mi tam takin an hman mek ani. Chhu tih tight-na kher niloin, thazam (muscles) tichaktu a ni, a tam zawk a an hmanna pawh a ni bawk. Electrical current na lo tak a pe chhuak ve a, pain reliever atan a hman thin a ni bawk.

6. ᑕ Insert light weighted tampons:
Tampons hmeichhia ten an hmanin chhu muscles kha control a, tampon kha cheh vaktur. Entirnan, object nem lam deuh lian lutuk lo kha i chhukua ah khan thun la, i inbual chhung emaw khan tla miahlo turin chep bet tlat ang che.

Aside | Posted on by | Tagged , | Leave a comment

I Hriat Ngai Loh JF-a Chu (The JF you never knew)

  • JF Laldailova chanchin.
  • JF Laldailova taimak zia.

A hnampuite’na chhuang em em a, “Mizo Shakespeare-a” kan tih hial khawpa thu leh hla thiam, mi bâk sâwna Zotawng lama diau lo leh mi bâk chhama Sâptawng lama duai lo, a hawina lam apianga Zofate min thlek rualtir dial dial thei khawpa huhâng leh huvâng ngah, tawng lettu (translator) themthiam tâwpthang, fakselna (criticism) lama hmahruaitu ropui, critic chhuanawm chungchuang, chanchinbu enkawltu (editor) tha eltiang, dictionary siamtu (lexicographer) duhawm filawr JF Laldailova (1925 – 1979) hi chu, “Mizo ka ni,” ti a inchhâl ngam chin, ziak leh chhiar thiam ve êk êk tawh phawt chuan kan hre fur awm e. Chuvangin, tun tumah chuan a nâwlpuiina kan hriat lem loh a mizia leh a nun lairil kan luhchilh dawn a ni.
ᑕ Tam tak chuan a thu thiam zia te, Mizo fate tana a hnathawh ropui tak tak leh a rohlu min hnutchhiah zozaite hi hmuh kân a, enkhûmin a zu in thin te, a tâlpâwl ve deuh hun lai te hi sawi chîk tehah kan nei a. JF-a nun kha ngunthlûk taka kan bihchian chuan entawntlâk thil tam tak a awm a. Sum leh pai ngah, mi thiltithei leh ropuite ngaihsânna boruak chhia ringawtina a chiahpiah, Pathianina mitin thinlunga a dah mihring thatna leh ze duhawm lanchhuahtir nachang hre tawh miah lo khawpa kawng bote tan a nunah khan zir tur a kuh tul a ni.
ᑕ JF Laldailova kha mi taima leh tumruh rum rût, a thil tih tawh kha chu âtchilh khawpa hlawhtling tlâka bei zel mai mi a ni a. Chuvangin a huang dai tawh chinah reng reng kha chuan “a ber” a kai thei zel a ni.
Kum 10 mi âwrh a nihin an unau zinga a berh ber chu St. Placid’s School, Chittagong-a kal turin Fr. Godfrey-a’n a thlang a. Saptawng emaw Vaitawng emaw pawh kawi khat mah hre lova sikul kal kha a ni bawk a, Vai naupangho khan an lo hmusit ngang mai a. “Lusei Hnam mawl” (Wild Lushai) ti te leh “Ramhnuai mi” (Jungly Man) ti tea chhaih nawmnahin an ûm dûl dûl a. Pûm tiat tiat hian an bâwr lut lut reng mai a. A tlân hah tâwpah tan khawhin a rawn khawih hmasa apiang a lo thuai let ve ta thin a. An zirtirtute’n an chhan a ngai fo thin. Mittui nena nî a vuiliam châng lah a tam thin narawh e.

ᑕ Chu’ng avang chuan a rilru tipaukhauhin Vaiho chunga lêng thei tur chuan zirna lamah theihtâwpin tan a han khawh ta tak tak a. Saptawnga an classic thawnthu bu leh hriatna tizau thei science, mathematics leh literature lam tumahina chhiar tina an tin lohte chu library atanga hawhin a bûr ngar ngar a. Khaw thian that deuh zân te hian an hostel enkawltu (warden) mut pindana entlang lian an dah te chu ru chhuakin sikul inchung zâwlah a bun a, zankhua khua hian arsi te a thlir ru thin a. Zing thawh hmain a dah kir leh thin. Chutiang chiah chuan an sikula science laboratory te chu tukverh pakhat darthlalang keh atanga hawng rû-in zanah te hian a luhkhung ta thin a, an science kit man to pui pui, an zirtirtute pawhina chhawrbawl ngaihna an hriat lohte chu inzir nan a hmang thin a ni. Chutianga ngawrh taka a beih hnuah chuan an zirtirtute mit a tlun bâkah a zirlaipuite ngaihsan a lo hlawh ta a. A hmaa hmusit taka chhaih nawmnahtute ngei khan “Khawchhak mifing” (Wise man of the east) an ti ta hial a. “Lersia se chi tha” ang maiin a hmel en ai khan a lo lâktlâk a, zirna lamah pawh vawi 22 exam-ah vawi 17 lai pakhatna a ni.

ᑕ Indopui Pahnihnain zualkai lam a pan zel avanga an sikul khar a nih a, Mizorama a lo haw leh hnuah Royal Indian Air Force-ah air craftman-in a lût a. Sipaia a luh rualpuite hrilhfâk kai khawpin a hming a chher a. Lawmman chi hrang hrang: silai kah thiam ber, music instrument chi hrang hrang chelek thiam ber, sipai lâm zei ber tih ang reng lawmman kha a hui chho mawlh mawlh a; War Medal leh Independence Medal pawh a dawng a ni. Kar lovah Sergeant-ah kaisangin Assistant Bandmaster-ah dah a ni a. Zofate zinga band instructor hmasa ber a ni ta hial a ni. Bandmaster a niha rimawi hnamraw chi hrang hrang a kuta a han awm tâkah chuan thiam kim vek tumin a han zir leh ta tlauh tlauh va, program an neih dawna an band member zinga damlo an awm palh pawhin a tu ai mai pawh kha a awh thei ta zel a, an pute lawm a hlawh phah hle.

ᑕ A hun laia natna tihbaiawm ber pawl TB natnain a tlâkbuak avanga Sipai atanga chawlhtir a ni a, thorax plasty operation- a, a nâkruh pakua lai paihsak a nih hnua a lo haw leh chuan, a natna avangin sawrkar hna lamah a hnawng tawh si a, huan siam lamah hma a’n keu tan a. Mizo chin dan anga lo neih ai chuan agriculture science hmanga huan siam kha a tuipui zawk a. Amah ngei pawhin fiamthuin, “Tuthlawh chelek hi ka chemkalna zawng tak a ni a; chem chelek erawh hi chu ka tuthlawh kalna lam a ni lo,” a ti nghe nghe. Tlangnuam tuikhur kamah chuan terrace laiin England lane, France lane, Denmark lane leh ama lane bik liau liau te siam hrang thliahin experiment a bei a. Mizorama lei tihthatna ‘chemical fertilizer’ ching chhuak hmasatu a ni nghe nghe. Mi kâwmkâr chhiar hnuaia ar-êk lei leh khawlai vawk-êk te chu, mi dawrâwn paih mawng a thawm that leh nên a awi liam ni tin ta mai a. A huan bul kawnga pa losûl haw te ani lei lai hriat phâk ngei tûra ringa an tawng a hriatte chu:
“Khu eng nge maw a tih le?”
“Bawng leh khau chaw tûr a siam a nih khu!”
“Ni lo, antam zîkhlûm chîn a tum a nih khu. Tlangnuam ramah zîkhlûm a hlûm ve thei lo tih a la hre lo a nih khu. Vai rama sei lian a ni a, ram chinchâng a la hre ve lo a nih khu!”
Khatianga an han tawngkhum pawh khan a tihnual chuang lo va. A taimak leh a thawhrim zarah thlai a thar hlawk hle a Mi dangina kum tluana an buh chin atanga an hlawhchhuah chu thla nga chhung lekin zikhlûmin a lei thei der a. Mizoram sawrkarina thlai entirsiakna (Community Project Exhibition) tum hnih a buatsaih (1954 & 1955)-ah pawh lawmman awm zawng zawng a hui fai pak deuh thaw a ni. A antam thar te chu thlangra tiat tiata hlai te a ni a, a ‘knol khol’ thar pakhat pawh inches 23 hawlhtlang a tling hial.

ᑕ A hriselna a that loh chho zel avangin thahrui hmanga eizawn chu a chhunzawm hleithei ta lo va, thluak hmanga eizawnna lehkhabu ziah leh chhuah lamah a pakai ta a. Press hrang hrang (Khuma Printing press, Zoram Printing Press, etc.)-ah te Manager-cum-editor-in a awm a. A Zotawng thiam that tawk loh avangin mi ngawichawi leh zakzuma an sawi thin a ni a. Zotawng chu thiam tumin a han zir ta ngar ngar a. Pitar, putar te kâwm kualin, naupang inkhualtelem te hi a rei iak a thut chilh a, mi titi kotlângah dâkin an tawngkam hman te a chhinchhiah ru zel a. Mû-in an âr a lâk tum pawh a, a chhungte hnena, “Mû-in kan âr a phur bo daih,” ti te, ruah a tla dawn ni a a hriat avanga puan pho a seng pawh a, “Ka hriat danin ruah a sur vak a, kan puan sûk kha inah ka hruai haw vek,” ti te mai maia Zotawng hmang thin kha a han inzir tak tak chuan kum 6 chhung lekin Zotawng thiam berah a thang hman ta hial a ni.

ᑕ Thil reng reng kha thiam tumin a chîk uluk peih a. An sikul kal laia Vai magician-ho magic tricts te kha uluk takin a en a, “Ngunthlûk taka ka chîk thin avang khan an trick ka man hman loh hi a awm ngai mang lo,” a ti hial a. Sipai atanga a chawlh hlimchhawn khan Aizawla sikul hrang hrang (Sikulpuiah te, Dawrpui M.E. School, etc.) -ah te, YMA hall leh hmun pawimawh tak takah mitdawivaih (magic) chu an chhuahtir ta sup sup a, hetiang magic show hi a hmain Mizo mipuite’n la hre ngai hlawm tehchiam hek lo, lar namen lohin a larpui a, Aizawl mipuiin an âtchilh a ni hawt mai. Kum 1951 kumhlui thlah zana a “magic show” lo chhim vetu Sâp Monsigner Bleen, CSC phei chuan, “A hmanrua leh an stage-in duhthu a sâm lo deuh mai pawha Sâpramah pawh hei aia hmuhnawm chu an chhuah bik lo,” a ti hial a ni.

ᑕ Mi tumruh a nihzia chu, “A tâwk ta e,” a tih chuan kum 25 zet thian bera a lo neih tawh zu kha a thlah fel hmiah thei a. Chumi chen deuh thaw chhum lo chat lova a lo zûk thin meizial pawh a nghei fithla hmak thei a ni. “TB natna pawh ka ngam tawh a, cancer natna pawh hi ka hneh theih ka ring a ni,” ti ve ngam ngat mai kha a ni a. Mak angreng tak mai chu khatih laia TB natna avanga “thoracoplasty”-a nâkruh an paihsak zinga dam rei ber record-a an dah French pa kha a nâkruh 7 an paihsak hnu-ah hriselna dan engkim – ei leh thuhlaah te, taksa sawizawi chungchangah te – a zawm that avang khan kum 20 lai a dam a. JF-a kha chu a nâkruh 9 an paihsak hnu-ah kum 31 zet zu han dam a. “TB natna ka ngam,” a ti pawh hi a âwm lo hran lo ve.

ᑕ Amah kha mi paukhauh, chhel leh huaisen tak a ni a. Kan hranghlui mual liam ta R.Vanlawma’n a sawi dan phei chuan TB avanga a nâkruh pakua an paih dawn pawh khan, “Nâkruh paih hi engtiang chiaha nâ nge a nih ka hre ve duh reng reng,” tiin nachhâwkna – hnimhlum emaw, kahhitna emaw – pawh hman duh lova hel tawrh ngat ngam kha a ni.

ᑕ Chutih lai vêk chuan amah kha mi lung no tak leh mi lungleng thei em em mai a ni mauh mai bawk a. Lehkha zira Chittagong-a vai zinga a awm laite khan a lung hi a a han lêng thei êm êm khawp a. Khawthlang Tuipui (Karnaphuli) luangte chu, “Hetah hian Zoram thlî a tel ve ngei ang,” ti tein hmai phih nân a hmang thin niin a sawi.

ᑕ Dârbu tum te kha pa upa lam chauh thiam tura ngaih a nih laiin kum riat mi a nih laiin an unau thumin an thiam tawh a. Gauhati Radio Station atanga Mizo Programme-a darbu tum an tihchhuah thin pawh kha an unau thuma an tum a ni. Chittagong sikula lût tûra a pa nen Sairanga an chhuk tum khan. Tlawng kamah Pâwih sumdawng dar-bêl phur an tâwk a. Sai thing la Tlawnga inbual an hmu bawk a, chuta a unaute hnena a lehkhathawn hmasak berah chuan, “Vawiin chu Haulawng ka ngai ngawt mai! Kan darbu hlaa, ‘Kal rawh, kal rawh, sai kal rawh.
Tlawng dûng zawh rawh,
Haulawng chil rawh.
Pâwih chil rawh,’
tih thu kha a famkim teuh hle mai,” tiin a ziak a ni.

ᑕ A phai kal hmaa lênkhâwm zai a hriat zawng zawngte chu theihnghilh lovin a vawng tlat a. A puitlin hnuah pawh a hriat belh zel bawk a. Zaipui tur a hmuh kha chuan tlaivar kha a peih deuh reng a. Catholic kohhranah lawi ni mah sela, Presbyterian kohhran lênkhawmnaah te kha a tel ve reng peih a. Mizorama a lo chhuah hlimchhawna zaikhâwmnaa a kal ve fo mai kha Pi Mûmi pawhin mak a ti thin hle a, “Dungtawi, hla pawh i hre ve mang âwm si lo va, engtin nge i zaikhâwm i zaikhâwm peih a?” ti a a lo zawh chuan, “A thu leh a thlûk tih loh chu ka hre vek alawm,” a ti mai thin. Khatia a han tuichilh tak tak hnuah kha chuan a hunlaia Mizote zinga, eng ang zai pawh hre tam ber pawla an sawi a nih phah thei ta a ni. Amah ngeiin hei hi mi lunglêng chi a nih vang niin a sawi a, “Lunglêng mi ni suh ila khawiah tehlul nge hla chang khat pawh fumfêa ka by-heart theih ang?” a ti thin.

ᑕ Mite’na, “Engati nge Mizo tawng theihnghilh thak khawpa Vai rama seilian si, tûn kum ruk chhung emaw leka Mizo tawng thiam bera i than leh theih tak ?” ti a an zawh chang pawhin, “In mi fakderna hi tak tak ni se ka va han ti êm! Engpawh ni se, in rin aia ka thiam chak pawhin, mi lunglêng thei mi ka nih vang chauh a ni ang,” tiin a chhâng thin a ni.
ᑕ Pathian thilsiam, khuarel te, hun inthlâk te, hunpui lo her chhuak te hian an lung an lên thei em em a, a lehkhathawnah pawh: “December thla thar ni te hian Krismas hla sa hian ka zai ka zai thin a. “Lal pian hun pangpar a vul leh ta,” tihte hi ka tuipui êm êm thin a. December ni khatah chuan nihawi hi chuan vul lai a tawng hman na meuh mai a. Mahse enchet dâwl zawk tlângsâm hi chu nghâkhlel takin ka lo thlir thin,” a ti a.
“Krismas chawhnu her, nî-ina tlâng pang a chhun tleu te hi ka ngai thiam lo. Tlai ni tla kâwl êng te hi hmu hreh chung chungin ka hmu ning lo. Pawm lai neih leh neih lohva î pawh a ni lo va, zan thla êng tak mai hnuaiah te hian ka muhil hleithei lo va, fianrialah hnah te ka va tum leh ringawt thin. Mi la mu nghet lote pawh an lunglêng ve thei a ni chêk ang chu, “Tû nge ni ta ngai?” ti ni âwm takin tukverhte hi an rawn hawng sap sap thin asin. Tlangsâm par, hlonuar leh theite par te hi enchet dâwl ka ti a, a par mal tê pawh hi rei fê ka bih peih thin,” ti têin a lunglen thin zia a sawi bawk.

ᑕ Mahni hmasial lo, mi rilru tha a ni a. Thei leh thlai – âlû, serthlum tih angreng a lei dâwn te khan a tha tha a thlang ve duh ngai lo va, a lâk awlsam apiang kha a lei mai thin. “Duh han thlan zut zut chu a mahni hmasial thlâk ka ti a, keiin a tha tha nei ila, midangin a sawrbawl chhe tê tê nei se tihna ang thei dâwna ka hriat avangin duh ka thlang duh ngai lo,” a ti. Mi chuhhelh leh huamhauh a nih lohzia chu Mizo Academy of Letters-a a inhman ve lai pawh khan Assam sawrkar atanga lehkhabu chhuah tanpuina ( publication grants) kum tina lo kal thin te kha duh ni se chuan lo pusum têl ve awk thei a ni nachungin a lehkhabu chhut nân pawisa sen pawh a dil ve lo va; mi dang erawh chu a sawi hlawhtlinsak hnem viau lawi si a ni.

ᑕ TB veite tana sawrkarina tanpuina a sem thin te kha amah duhsaktute’n dil ve tura an nawr chang paw’n, “Kei aia mamawh zawkte’n an chan loh phah palh dah ang nge,” tiin a hnial fithla thak thin. Khatia cancer a han vei zui lehzel tâkah kha chuan an chhungkaw khawsak a hniam lulai tawh bawk nen, tlawmngai thei leh mi dang hmakhawngaia khawsa hlei theiah a inngai ta lo va India Air Force lamah tanpuina a dil ve ta chawm a. Chuta a dilnaah pawh chuan, “Kei aia mamawh zâwk leh tanpuina pek âwm zâwk mi dang rawn dil an awm a nih chuan chu’ng mite chu pe zâwk ula, he ka dilna hi chu engmah lova ngaiin lo hmet hlâwm mai rawh u,” a la ti thei fan a ni.

ᑕ Mi zaidam, hmangaihna ngah leh thuawih thei tak a ni a. A ti alawm, a û L. Biaktluanga chuan, “Unau mipa rual kan ni chung khan vawi khat mah a naute a velh emaw âwka vîna a hrâwk emaw ka hre ngai lo. A chhang chiahin a han khin ve arh arh tum te khan, ‘Liante, khatiang tur a ni ngai lo,’ tiin a zâwldawh zâwkah tangin a inbengdai hrâm thei zel.” Unau mipa ruala khawsak chuan thu chhia hla chhia neih châng a awm châwk a, han insual bap bap leh han invelh khat khat a tul thin hi.
ᑕ An unau hi 14 zet an ni a, a zaidamin a thinnel thawkhat ang tih chu a ngaihruat theih âwm e. A û vêk hian, “Tum khat chu ka inkhêl en tur hi mi a zui a, “Lo kal ve suh,” tiin lungin ka vawm a, phunnawi miah lovin, ngawi rengin a hâw ve mai bawk a. Ina ka hâw ve leh hnu chuan lungawi lo hmêl pawh hi a lo pu miah lo va. Inkhêl a en châk ve zia kha ka hre chiang si a, keimah leh keimah hi ka inthiam lo ru ngawih ngawih a. Khami tuma ka hruai ve ta lo kha tun thlengin ka la inchhîr tâwp thei lo va, thuâwih taka a hâw hnak hnak lai te kha ka mitthlâ-ah hian a châm reng thin,” tiin kum 1998 khan mittui parawl kuang chungin min hrilh a ni.

ᑕ Lainatna ngah, mi khawngaih thei tak a ni a. Dibrugarh AMC Hospital, Cancer Ward-a sumpai lama harsa ve êm êma a awm lai te khan a bula cancer ve tho Vai putar dam lo, thih a hlat tawh lo vang tih tur hi an dah a. Chu vai damlo chuan neih hi a nei mang lova, han intuituah thei ziazâng a ni lo. JF-a chuan a khawngaih thei êm êm a, han tanpui turin eng ruai a nei bik si lo. Chu Vaipa hmui-hmai vel thovin a bâwm changte chuan chau chung chung pawhin a tho va, tho chu a va vai kiansak thin a. A nachhâwkna eiin hna a thawh lai, khawsikin a thlah lai chuhin, ama thawmhnaw a sû a, thawmhnaw sûktirna man tura a pawisa dah hran chuan a bula vai putar damlo chu serthlum a va leisak zu nia. Chu pa chuan lâwm mitmeng pu chung hian mi hriat chian tum ni âwm takin mi a han melh tâwk tâwk mai a ni, a ti.

ᑕ Cancer Ward-a a awmlai vêk hian a chhungte lo enkawl tura a chah Chhingliana Hauhnar hnena a lehkhathawn-ah (31.1.1979) heti hian a ziak: “Kar hmasa Manipur naupang kum 9 mi vel beidawnga haw ta te pafa chu ka khawngaih khawp mai a. A û tlangval PU 2nd yr. mangang lutuk chuan an Tlângmi pui tiin ka khumah mi rawn bêl leh chawt thin a; lo hnema lo tawng thlamuan vak ngaihna ka hre si lo va. Khawibêl bu vantlâng tiat ngawt mai hian naupang bawpkhing lehlam chu a malpui bul atang hian a bâwk paw hruah mai a. Thla 6 vêl ni tawhin an sawi a. Vawi 30 hem hnu-ah pawh chhe tê mahin a la kiam chuang lo va; a thak erawh a reh tawh ni chauhin a sawi a. An han hâw tur chu ka khawngaih lutukin neih bîk loh nâk alaiin Rs 10/- chuan ka han thlah ta ringawt mai.

ᑕ “Mizo biak-in bula inkulh khum chang lote pawh ka lainat avangin ka tlawh apiangin hmawmsawm, chini sêr khat tih anga duang leh chhang ka la kensak deuh ziah hlawm a. Hmân ni khaw that ni lan nî te khan pawisa chawia dhobi sûktir lovin ka silhfen bâl zawng zawng ka su e, ka ti a. Rs. 4/- vêl zawng ka hum phah ta ve ang,” tiin. Mite chu an cancer-in an chhungte’n an hrilh duh lo thin a; ani erawh chuan nâ an tiha an tuar thiam loh a hlauh avangin a chhungte a hrilh duh lo zawk a ni. Chhingliana hnenah tho hian, “Chhinga, ka cancer thu hi chu tumah lo hrilh suh ang che. Duh leh ka Pû leh Pa Ênga kha lo hrilh-ru chauh ang che,” tiin thu a chah a ni.

ᑕ Tanpui ngaite a phâk ang tâwka tanpui tura inkau reng mai mi a nih avang khan Durtlang Damdawi-Ina “nurse” hnathawk (tuna Bilkhawthlira awm ta) Sawilaii hnena, Sâptawnga a lehkhathawnah (8.10.1978) pawh, “Tanpui ngai na tuarte zinga awmin hna i thawk a. I hmangaihna chhâng lêt thei lo che leh chhân lêt ngaihna che pawh hre lo hnena hmangaihna lantîr theihna remchang i nei bîk a, i awhawmin i thîkawm ngei mai. Hmangaihna chhân lêt loh emaw, phût lêt nei lo rawngbawlna emaw hi chu amah ngau ngau pawh hian malsawmna a ni sa reng si a,” a lo ti tawh a ni.

ᑕ Khatiang taka “nun tam nei” a nih vang kha ni hmiang amah hnîmhnaitu James Lian Mawia pawhin, “Ani tluka Pathian hria leh nun ngîl kha kan pulpit bêng dum dumtute zingah pawh hian an tam vak ang em aw? ka ti thin,” a ti hial reng a ni.

Aside | Posted on by | Tagged , | Leave a comment

CHHIAH IT VANGA ZU AN ZUAR HI, CHENG SAWM BO ZAWN NANA CHENG SAWMNGA HMAN ANG CHAUH A NI : Pu Zoramthanga, President, MNF.

Sept 15 khan Mizo National Front (MNF) huaihawtin Aizawl leh Mizoram District khawpui hrang hrangah ‘Zu zawrh duh lohna kawngzawh’ neih a ni a. Aizawl bikah chuan kawngzawh hi Chanmari kawnah a hawnna hun hman a ni.

Kawngzawh bultanna Chanmari kawnah hian PC Lalhmingthanga Mayor, AMC chuan hunserh a hmang a, MNF Treasurer Pu Vanlalzawma’n a kaihruai a. Chanmari kawn atanga Vanapa Hall kawt thleng kawng hi an zawh a ni.MNF President Pu Zoramthanga chuan Israel Point-ah thusawiin, “Congress sorkar hian zu zawrh atangin chhiah vaibelchhe 80 chuang a lalut tawh a, chutih lai chuan vaibelchhe 500 chuang Mizoram pawnah zu manah sum a luangchhuak thung a. Kan zu man phaia liam thla Vaibelchhia 500-te hi khawi budget emaw a mi a ni hran lova, chhungkaw tinte sum bawm atanga zu mana an phawrh a ni a, a uiawm tak zet zet a ni. Chuvangin, chhiah it vanga zu an zuar hi cheng 10 bo zawn nana cheng 50 hman ang chauh a ni” a ti.

Pu Rama chuan kumin thla riat (8) chhungin Aizawl khawpui bikah mi 500 chuang zu avangin an thi tawh tih a sawi a, “thla tin mi 60 thi ang kan ni a, a rapthlak tak zet a ni. Police zu zawrhtir an ni te hi a pawi tak zet a, ral kutah kan police te an thi lova, kan sorkar ral siam chawp kutah an thi a ni” a ti bawk.

MNF President chuan “tualthah, rukruk, pawngsual leh sualna dangte hi tihrem vek kan inrin avanga do kan ni lo ang bawk hian Zu hi tirem vek thei lo mah ila theih tawpa do hi kan tih tura ni. Zu zuar sorkar Congress hi a dintu vaiho pawhin tha lo tia an hnawl tawh a ni a, an zu zawrh nen hian an pi leh pute hnenah nam liam thlak vek a hun tawh a ni” a ti bawk.

Chanmari kawna thusawitu MNF Sr Vice President Pu Tawnluia chuan “Congress sorkar hi an zu zawrh titawp turin kan ngen thin a. Mahse, min ngaihthah avangin vawiin hian zuin a tihchhiat tawhte leh a tihchhiat mek mimal leh chhungkua zawng zawngte chhanchuah nan kawngzawh a lo ngai ta a ni. Zu hripui Congress-in an lentir mek avanga thihna nasa taka thleng mek hi a tawp theih nan MNF chuan hma kan la zel dawn a ni” a ti a. “Zu chhiah it vangin zu an zuar a, zu chhiah atangin sum engemaw zat an la lut a, chuti chung chuan kan kawng a chhe em em a, mipuite kawng engkimah kan harsa reng tho bawk si te hi a mak tak zet a ni” a ti bawk.

MNF Vice President Dr R Lalthangliana, pawhin Vanapa Hall kawtah thu sawiin “zu hi a intu tan mai ni lo, khawtlang tan pawh hnawksak tham a tlin avangin bungrua ti-a chhiar tlak lohan tih zing ami a ni a. Zu atanga chhiah (tax) lak pawh hi thil sual rah lawh ang chauh a ni” a ti a. “MNF chuan engtik lai mahin zu zawrh kan duh ngai lovang” a ti. Dr Thangtea chuan”Mizoram Presbyterian-inkohhran 269 a zirchianna atanga a landan sawiin, 2014-ah zu avanga thi 267 an awm laiin kum 2015-ah meuh chuan 404 a kai a. 2014-a zu vanga tualthahna 7 a awm laiin 2015-ah chuan 23-ah a kaichho dawrh a ni’ a ti bawk.Zarkawt kawna thusawitu Lalruatkima MLA chuan “kan fel vang leh that bik vanga kawngzawh hi huaihawt kan ni lova, zu avang hian kan ram, hnam leh sakhua a him tak loh avangin kawngzawh hi a lo tul ta a ni” a ti a. “Congress sorkar hian chiang takin mipui min bum a, Election Manifesto 2008 & 2013-ah te Zu zawrh an tum thu hi an zep tlat a, 2018 MLA election-ah erawh chuan he an zu zawrh hi an tlak phah dawn a ni” a ti. “Zu avanga thalaite an thi mek zel leh an hriselna tihchhiata a awm mek zel hi Congress-in ‘thalaite khawvel thar kan siam dawn’ tia an lo sawi thin chu em ni?,” tiin a zawt bawk.Kawngzawh kharna inkhawm hi Vanapa Hall kawtah neih a ni a, Pu R Tlanghmingthanga, Vice President-in a kaihruai a, Pu R Khawpuithanga PAC Member-in hunserh a hmang.Kawngzawh hi District khawpui hrang hrang; Lunglei, Serchhip,Kolasib, Champhai leh Mamit-ah te neih a ni a, MLPC Act hman lohna khawpui pahnih Saiha leh Lawngtlaiah pawh District MNF hmalaknain Poster tar leh zu dona punkhawm huaihawt a ni bawk.

Aside | Posted on by | Tagged , , | Leave a comment

VENGHNUAI KTP TEN KHAWPUI CHHUNGA ZAN VAK THIN TE HNENAH EI TUR AN SEM

: September ni 14, Nilai zan khan Venghnuai Branch KTP te chuan Diamond Jubilee puala fehchhuah programme hmangin Aizawl khawpui chhung hmun remchang laiah khawlaia zan vak thinte hnenah eitur an sem.Venghnuai Branch KTP buatsaiha Aizawl khawpui hmun remchang laia ei tur sem hun hman hi Y.M.A. Joint operation; Dawrpui, Tuikual South, Tuikual North leh Venghlui branch te chuan lo buaipuiin an ni kaihhruuaina hnuaiah hian ruihhlo vanga tal buai khawlaia riak mai thinte chu zawn chhhuah beihpui an thlak a, zan vak thin te hnenah ei tur an sem kual a ni. Vanapa Hall kawt atanga bul tanin khawpui chhung lun lai leh ruihhlo ti thinte tawm thinna hmun te fang kual a ni.Venghnuai Branch KTP te buatsaiha Fehchhuah bul tanna hi Vanapa Hall Choka Y.M.A. Joint operation te duty na hmunah hunserh tawi te hman a ni a, he hun hi Pu H. Sangkhuma LeaderVenghnuai Branch KTP chuan kaihruaiin, Venghnuai Branch KTP Diamond Jubilee lawmna denchhenin a theih anga mi dang tana insengso a dai kil kar zawkte pawh hrut chhuah an duh avang leh mi hla zawk te hnuh hnaih theih beiseina avanga buatsaih an nih thu a sawi a. Branch Leader chuan an thil tih chu bei tham viau mahse mi hla zawk, Biak In thleng phak lo ten Pathian thu an lo dawn ngei an beisei thu a sawi.Y.M.A. Joint operation Chairman Pu R. Laldinpuia pawhin thusawiin, Y.M.A. Joint Operation chu kum 2015 August thlaah din tan a nih thu a sawi a, an huam chhunga ngawrh taka an duty hnuah ruihhlo ngai tam tak home-ah te an dah tawh thu te,an huam chhung hmun tawp lai ni thin te chu a thianghlim tawh thu a sawi a, an mi mante chu kut an thlak ngaih loh thu leh thu tha an hrilh a an ruih a reh hunah an haw tir mai thin thu a sawi bawk.Venghnuai Branch KTP an branch Diamond Jubilee puala fehchhuakte hian ei tur bakah Pathian thu ziahna pen te an sem kual a ni.

Aside | Posted on by | Tagged , , , , | Leave a comment

DUHAWMA BAWNG

Pu Mawitea chu in hre lovang, kan khua a mi a ni a, Field thlangah an awm, Bawng za dawn a nei. A thupuia Duhawma bawng ka tih khi Pu Mawitea bawng zawk a ni a, Duhawma chuan bawng a nei lo zu a in thin a, zahmawh sawi a hrat bawk. FB a a status-ah Aizawl ek in leh zun in banga thu ziah chingah te min puh thin.
..
Pu Mawitea Bawng chu a sen te, a dum te an ni a, a pui no hruai pawh an awm nual. Pu Kapsanga thingpui huan kawngah Bawng inzui diah diah an awm chuan Pu Mawitea bawng an ni ngei ngei ang, a nih lo pawhin midang bawng a niang; Bawng nei hi an awm nual a.
..
Pu Mawitea Bawng chu a pa chal tak tak awm nual a, insik pawh an ching a, insik tum a an han inchote hi an bu ul ul a, an kein lei an phiat a, an kiten lei an pir vak vak thin. Bawng insi hi a hmuhnawm em em a, kei leh upeka pawhin hmuhnawm kan ti. Kan pastor chuan hmuhnawm a ti thova, mahse a en tha duh vak lo. Ran insual hi a hmuhnawm a niang Zadenga pawhin arpa a neih loh pawhin arnu a pawm a khawlaia mi arpa bulah a thutpui hruah hruah thin.
..
Vawikhat pawh Lamzawlah Pastor bial fang kan zui a, Kohhran hlim lai a nih a vangin inkhawm banah an zaikhawm a, Pu Lianzama an hruai tir a, inkhawm tanna hun kan hmang zo chiah a, hmanhmawh em emin a tlan chhuak a, ban thlengin a rawn lut tawh lo, Zaikhawm ban chuan sikul kawmthlang a Bawng insi chu lo enin a sen zawk a lo au lauh lauh. Pu Mawitea bawngah chuan a pa sen, Buangliana, ki bawng het hawt, nghawng lian zet mai kha ka duh deuh ber.
..
Bawnghnute hi a tha em em a, in ei ve thin em? Keini pawh kan ei thin. Tlangval bawnghnute in chu an fit sawtin an inhria a, a chak viau a niang. Mizopain dal tuihang leh bawnghnute an hawpho chuan nula an sep zui ngei ngei thin. Bawnghnute chu thingpuiah pawh an pawlh thin.
..
Rinchhana pawh a nauin sikul tlanga a awm,”Ka u, ka nuin lo haw rawh a ti” a rawn ti a, Rinchhana chuan,” Bawnghnute ka bar ru lo, ka haw awm lo” a lo ti a, kan nui vak vak.
..
Primary kan kal lai chuan kan sikul bulah Assam rifle an awm a, helicopter-in an ration an rawn thlak a, bawnghnute hlawhin an camp-ah kan zawn chho thin a, kut lehlam khatin Bawnghnute kan hlawh thin. Kut lian deuhin an hlawh tam a,kut te deuhin an hlawh tlem a nimai.
..
Pa Zuala pawh sipai tui chawiin a inhlawh thin a, ”Pa Zual, vaitawng i thiam tawh awm” an ti a,” Bahut dur se” tih bakin a chhang duh lo.
Pu Mawitea pawhin Bawnghnute a sawr thin a, bawnghnute hi a then chuan tui an pawlh a, a then chuan an pawlh duh lo. Bawnghnute zawng zawngah Thingpui dawr nei leh Hotel siamho Bawnghnute a dal ber.
..
Bawng chu lo nei mi tan buh phurh nan an tangkai em em. Keini pawh kan naupan laiin Zoa te bawngpa kan khalh a, lo awmna kan hriat hnaih ber kan pan a, buh kan va phurh tir a, Zoa te in kan va thlen chuan a pain min vaw hrep a, Buh neitute inah min va hruai a min lo hau hrep bawk. Kan khuaah Pu Rawna bawng ki a sei ber a, Pu Vanluaia Bawngin buh a phur hnem thei ber.
..
Bawngsa hi a tui em a, ruai theh nan pawh an hmang nasa hle, pawl nga kan nih kumin kan khuaah Lugphun an awm a, Bawng an talh a, kan ei ve a, kan thin zinga pakhat Ngura chu a ei tam lutuk a, vawi nga a dawh nawnnaah fatu pakhatin fianpuiin a luah a khawng a, ”Naupangin tiang zat zat an ei ngai lo” a ti a, dawh a phal tawh lo, ruaitheh zawhah tlangah kan chho a, Ngura chu a puar lutuk a,”Ka hrawkah min hnawh, ka haw peih lo” a ti a, a mu tawp a kan haw san. Pu Mawitea hian a bawng zawng zawng hi talh se, a sa hralh vek se, a man a tam ngawt ang.
..
Keipawh Bawng ka neih hunah a hmingah ‘DUHAWMA’ ka ti ang.

Aside | Posted on by | Tagged , | Leave a comment