Battle for the White House-35: HILLARY CLINTON “EMAIL SCANDAL” CHHUI ZEL AN TUM : ELECTION RESULT KIMCHANG PUAN A NI TA

Author: Tun tum US Presidential election chu khawvelin kan awm ve a ni tih a la hriat meuh loh “Mizo” mipuite pawhin kan ngaihvenin, kan tuipui tlang hle mai a; thil lawmawm lam a ni. US politics atanga Mizoram politic-in a zir chhuah turte pawh ngaihtuah pha awm turah ngai ila. International politics leh National level politic ngaihven a tuipui pha chin chuan, Mizoram tereuh te a politic inlumlet dan leh “Ram leh Hnam” hi vei pha ngei turah ka ngai a ni.

US Election Results kimchang chu

President tlin nana mamawh Electoral College vote 270 hmuh ngaiah Trump chuan 279 hmuin, Hillary chuan 228 ahmu a ni. Popular (mipui) vote hi Trump-an maktaduai 58.87 hmuin (47.5%) a ni a; Hillary hian maktaduai 58.88 (47.7%) a hmu thung a; mipui vote hrim hrim chu a hmu tam zawk hlek a ni.

Republican party hian State 33 ah Governor 33 an thlang tling a; Democratic party hian Governor 15 chu State 15 ah an la thei hram a ni. House of Representive/ Congress ah Republican 239 neiin, Democrat hovin 193 an nei thei a; Senate (Upper House) seat 100-ah Republican 51 niin, Democrat 48 an ni. He tihian Congress leh Senate leh WhiteHouse/ Oval office chu Republican hovin an thunun hmak tihna a ni.

Hillary Emails 650,000 chhui that tum !

FBI Director James Comey khan inthlan hma ni lawkin, Hillary emails 650,000 zet chu review zawh a nih thu leh”criminal charge” pek a ni lovang, tiin a puang na in Republican lung a dam thei mawlh lo. Hillary kha thlan tlin pawh lo ni se, Republican chuan House ah a chungchang ngaihtuahna “impeachment” kal pui turin ruahmanna an neih thu an lo puang chhuak diam tawh a ni. Ni 8 chhung lekin emails 650,000 kha review zawh hman turah an ngai thei lo.

Hillary emails vek chu a ni bik lova. A top aides Huma Abedin leh a pasal ensan Anthony Weiner te emails vel pawh a tel nuk a; he emails hi State Dept chuan kum 2022 daih khian mipui hriatah pho chhuah an tum dawn a ni ! Eng tak ni hlawm ang maw? America chu ram zalen tih takah thuruk awm hi an duh meuh lo. Bill Clinton-an President a nih laia White House intern Monica Lewinsky a lo khuaikhem chungchanga Independent Counsel Kenneth Starr chhuina pawh kimchang zetin phochhuah niin, Bill Clinton khan Monica serh te kha a cigar-velin a lo tat zauh zauh ni awm a nih kha! Ani Monica lah a lo inpe thuk fu si a. Kha lehkhabu kha a ngaihnawmin, khawvel bengkhawn a tling. American mipuite chuan “sex” hman khawloh an ngaihdan te Time magazine ah kimchang takin an ziak chiai chuai a ni.

US Top House Republican hotupa Jason Chaffetz (Utah) chuan, “Hillary emails scandal hi kan chhui tha vek dawn a ni,” tiin a puang. He thu hi Democrat hotute chuan an duh lo hle a; “Amah Hillary ber chu President ah a tling zo tawh lova, he bung hi khar fel tawh tur a ni” an ti. Hillary hian jail bang a la zut tak tak mai awm mange tih hi mi thil chik mite ngaihdan a ni. Jason Chaffetz hi Committee pakhat chak zet mai, “House Oversight and Gov’t Reform Committee” ah Chairman a ni. Chaffets chuan, “He emails scandal hi State Dept a security thila thil diklo lian ber (latgest breaches) a nih vangin, he mi chungchanga ka mawhphurhna leh tihtur (duty) chu ka hlen chhuah a ngai a; House chu thil awmzia hrilh hriat a ngai a ni” a ti.

Trump lahin a tlin chuan a Attorney General hnenah Special Prosecutor ruatin, chhui tir a tum tih Debate ah, hmaichhanah hrilhin, “Jail ah i lut ang” a tihkhum a nih kha.Chutih rualin a chak tih hriat hnua victory speech ah “cometogether as united people” tiin, thinlung hliam te thawi dam a, “Mi zawng zawng tan Pa nih tling takin ka thawk ang” a ti a; Hillary te reuh hi hrem zui tak ang maw?

He committee hian State Dept a thawktute chu thil awmzia zawtfiahin, House Committee hmaah thu zawt fiah turin anko dawn a ni. Justice Dept nena inzawm “Judicial Watch” chuan heng emails 650,000 zo zai hi kum 2022 ah mipui hriatah puan chhuah theih an tum. Mipui hriatah America security atana himlo a awm tak meuh em tih an enfiah vek hnuah, tarchhuah an tum a ni. Engtak awm ang maw?

Inthlan results puan a nih meuh chuan, thenkhat lawm leh hlim taka an awm laiin, thenkhat mittui erawh a tla zawih zawih thung! Mizo hmeichhe zingah pawh Hillary tlin loh vanga “Ka chauvin ka zawi vek, ka chaw ei a tui lo” ti te leh, Trump thlawptute zingah a chak lawm nan “Uisa ka eikhawm dawn” titute an awm nawk mai !

  • Advertisements
    Aside | Posted on by | Tagged , , | Leave a comment

    Engvangin nge pawisa note, Rs 500 leh Rs 1000 hlutna tihbo a nih thut ?

  • PM Modi sawi angin Pawisa biru, firfiaka chetna, eirukna etc ten Indian Economy lama nghawng an neih tihtawp nân leh sual beih nâna pawisa hlutna hi tibo an nih thu a sawi kan hre tawh a. BBC lam chuan nizan la la khan heng pawisa note hlutna tihbote hi Rs 500 leh Rs 2000 note thar hlaka thlak a nih tur thu an tarlang bawk a ni.

    Nimin tlaia PM-in thu a puan aṭang chiah khan khawchhak leh Pakistan ramria pawisa lem an chhut ṭhin chu an chawlhsan nghal ngeiin a rinawm ta phawt a. Black Marketlama sumdawng, Bank lama pawisa dah lo rual pawisa hlutna kha (an pawisa kawl tam ber kha 500 leh 1000 a nih tlat avangin) bank aṭanga thleng chauha neih theih a ni ta nghal tihna a ni ta bawk a ni.

    Chutiang zelin an hnathawh leh sum lu hriat loha pawisa ngah tak mai rual tân buaina a lo awm nghal dawn bawk a.Tunah hian State Bank lamah hian pawisa lem hi han deposit tum teh. An khawl pakhat sawn pawisa lem ngei kha a lo thurchhuak nalh mai ang. Mizoram erawh kan vannei phian lawi a, chiahpuama sum lalut kha check-tu nei lek lovin an zalen a nih lawi si hi.

    Tichuan, vairam, Income Tax uisathiamho mit lenna hmunah thung chuan a pawisa lakluhna mumal hriat loh, Bank lama deposit tam tham tak deposit tumtu chu awlsam takin an lo rek chat thei dawn tihna a ni a. Kan hriat ṭheuh angin India sumdawng lian tam tham takin Tax pumpelh duhin Swiss Bank lamah pawisa tam tham lutuk tak mai an chheprelh mek tih kan hria.Tunah chuan khang pawisa, Rs 500 leh Rs 1000 note hmanga deposit an neih kha a Theory ang chuan hlutna neilo, lehkhamawi mai mai an ni ta tihna a ni. Chuvang chuan Indian Bank nen Transaction an tih a ngai ta reng a ni. Chu transaction hmang ngei chuan heng Indian mi, hausa pui puite chetla hi chhui a awl sawt dawn ta bawk a ni.

    India beitu lian ber Pakistan firfiakho tân pawh India beihna tura an pawisa kawl khan hlutna a nei ta mauh lo tihna a ni a. Cash transaction tihtheihna chance an hloh nghal tihna a ni. He hmalakna huaisen tak hian Indian Economy lama nghawng a neih tur hi a ṭha zawngin a nih dawn avangin Mizoram State tê lutuk, Indian Economy nghawng thil liantham nei lo hi India hian min ngai pawimawh tehchiam lovang.

    I thluak hmang la, sumdawng i nih chuan pawisa lem a lêng tam sawt ang tih hriaiin fimkhur ang che. Chumi avang ngawt chuan sumdawn ṭhulh hlek thung suh. Pawisa lem kha ngun takin lo endik la, miin an lak ngam loh laiin he hun hi i tân malsawmna a ni daih thei tih hria la, chiai hlek suh ang che.

    Heng ang hun ṭhate hi hmang ṭangkai thei ve tur kan ni zawk a! Black Marketer manna hun, pawisa lem hmanga sum peipung manna hun, eiruk hailanna hun remchang a nih vei nen, tihian dawihzep tak maiin system ṭha Legislate ngam lohna hmunah hian kristian hlauh ngahte chuan a hma zawng aiin hlauh kan ngah belh leh ta sawt a nih hi!

    Aside | Posted on by | Tagged | Leave a comment

    New Serchhip MRB ten IFSC diklo hmang, Serchhip Consumer Assn ten siamtha turin ngen

    Author: Da Peks Tvf
  • Mizoram Rural Bank New Serchhip Branch te chuan an Bank Passbook print ah (Indian Financial System Code)IFSC diklo an lo hmang char char tih hriatchhuah a nia, hei hi tunlai khawvelah document engkim computerised vek tawh anih avangin hawrawp diklo Bank document pawimawha lo awm hian mipuiteah harsatna nasa tak a siam dawn ni a ngaiin Serchhip District Consumer Association te chuan thalo an tih thu leh Bank lam thuneitute chu a rang thei ang bera siamdik tura an ngen thu an tarlang..

    New Serchhip Rural Bank te hian an IFSC print chhuahah SBINORRMIGB ti hlirin an print a, hei hi a dik turah chuan SBIN0RRMIGB a ni a, 0 leh O inkar te a diklo a nih lai hian computer lamah enter naah erawh chuan a inperhsan thei hle a, hei hi Computer in IFSC diklo angin a hmu thin a ni. Bank IFC dikloh avang hian tunah hian naupang Scholarship dilna tam tak pawh system lam hian a defect nghe nghe a ni. Hetiang a nih avang hian IFSC diklo passbook a awm reng a hi customer te tan nakina document atana an hman turah harsatna a siam mai an hlauh thawn thu Consumer hotute chuan an sawi.

    Hemi chungchangah hian vawiin(7.11.2016) khan Serchhip District Consumer hruaitute chuan New Serchhip MRB Manager Pu Vanlalthlana chu a office ah lenchilhin IFSC diklo chungchang chu an sawipui a. Pu Thlana chuan IFSC diklo chu anmahni tihthat mai theih a nih loh thu leh hmunpui lam atanga a set dikloh palh a nih a rin thu a sawi a, a rang thei ang bera siamthat anih theih nan hma a lak nghal tur thu pawh a sawi bawk. Consumer hruaitu lam te pawhin IFSC diklo chu a rang lama siamtha tur leh chumi piah lamah IFSC diklo a passbook an lo print sak tawh zawng zawng te chu lakir vek a, a dik a print thatsak leh vek turin an ngen thu an sawi bawk.

    Aside | Posted on by | Tagged , | Leave a comment

    RBI in cheng 500 leh 2000 note thar a tlangzarh.

    Sawrkar laipui thupek anga ram pumah ni 8 zanlai atanga cheng 500 leh cheng 1000 note tih thih a nih chungchangah Mizoram sawrkar chuan kalphung mumal tak a kalpui nghal avangin tumah lo chi-ai lo turin Chief Secretary Pu Lalmalsawma’n mipuite a ngen.

    Pu Lalmalsawma chuan he thil avang hian ni 2 ni 3 chu mipui ten harsatna engemaw tawk an awm pawhin hei hi ram pumin a thatpui tur thil a nih avangin mipui tan manganna tur a awmlo tih a sawi a. Ram chhunga pawisa lem virvel leh chumi in a hrin chhuah ralthuam, drugs dan lova India rama tawlh luh leh sum chheprelh tibo tura sawrkar laipui hmalakna a nih thu sawiin heng thil thalo avang hian sawrkarin a hmuh tur ang chhiah a hmu thei lova, chu chuan mipui mimir in an tangkaipui tur hmasawnna sum a dal tlat a ni, a ti.

    Cheng 500 leh cheng 2000 note thar RBI in a siam chuan Mizoram a lo thleng thuai dawn tih Chief Secy chuan a sawi bawk a ni.

    Pawisa thi avang hian Bank te chu an inpuahchah fel nan vawiin khan khar a ni a, naktuk ah erawh hawn a ni leh nghal dawn a, ATM zawng zawng, Cash Deposit Machine leh Cash recyclers, pawisa lut/chhuak sawngbawlna hmunte te erawh naktukah pawh hawn a ni lo anga, Pawisa note hlui cheng 500 leh cheng 1000 te chu thlaleh December ni 30 thleng Bank account-a dah emaw, note danga thleng tur a ni a. Identity Card kengin Bank-ah leh Post Office ah te cheng 4000 aia tamlo pawisa a thleng theih ang. Ni 15 ral hnuah pawisa thleng theih zat cheng 4000 chu thlirnawn a ni ang a, a tul chuan tihsan a ni ang.

    Mi pakhatin ATM atanga pawisa a lak chhuah theih zat hi ni 1-ah cheng 2000 a bituk a ni a, November 19 atang chuan card pakhat in ni 1 ah cheng 4000 a lakchhuah theih ang.

    Pawisa fai tawh chet ngailova account khawih entir nan cheque, demand draft, credit/debit card, mobile wallet leh electronic fund transfer te chu a ngaiin a kal reng thung ang a, Mipui ten harsatna an pumpelh theih nan sawrkar damdawiin ah te, damdawi zawrhna, railway ticket lakna, sawrkar enkawl ticket counter,airport consumer, co-operative society, milk booth, public sector oil marketing company enkawl petrol/diesel leh gas station ah te chuan pawisa hlui hi naktuk thleng pawm tura tih a ni.

    He thil inthlak danglam avang hian khawpui dang ai chuan Mizoramah nghawng a nei nep rih niin kan corr chuan a sawi a, sumdawng ten cheng 500 leh cheng 1000 note an la dawng zui thei a, amaherawhchu phai lam company nena inzawm sumdawng te erawh chuan pawisa thi hi an dawng duh tawh lo nghal a ni.

    Hetihlai hian, hriat lawk loh thil thleng a nih avangin, damdawiin leh a kaihhnawih thila inentir tur te pawhin pawisa fai kawlsa an neih loh avang leh ATM khar a nih bawk avangin, inentir thei ta lo te pawh an awm a, thenkhatah chuan inhriatthiamna nen ba thlaua thil lei leh indawr te pawh an awm tih kan corr chuan a sawi a ni.

    RBI chuan cheng 500 leh 2000 note thar a hmaa aia tha zawk leh hmelhmang danglam zawk a tlangzarh a. He pawisa note thar hi mitdelte tan pawha hman awlsam tur leh hriathran awlsam zawk tura duan a ni.

    RBI thuchhuah danin cheng 2000 note thar hi a hmingah ‘Mahatma Gandhi (New) Series’ tia vuah a ni a, a phekah hian Mars-a thlalem kahchhuah , Mangalayan thla a chuang a, a rawng atan rawng sen dang hman a ni. Cheng 500 note chu vutbuak rawng niin Delhi Red Fort tihlan a ni bawk.

    Sawrkar laipui chuan cheng 500 leh 1000 note tih thih a nih vanga mipuiten hun reilote chhung harsatna an tawh chu tiziaawm turin theihtawp an chhuah thu a sawi. Vawiina New Delhi-a thuthar lakhawmtute a kawmnaah Finance Minister Arun jaitley chuan cheng 500 leh 2000 thar chu naktuk atangin bank leh post office-ah thleng theiha a awmtawh tur thusawiin, pawisa hlui thleng chungchangah harsatna a awm loh tur thu leh mipuite indaih pawisa dah anih tur thu a sawi bawk. Hei bakah hian sawrkarin cheng 500 leh 1000 note ti thi tura thutlukna a siam chu hmun tinrengah mipuiten an thlawp a, India hmasawnna tura ke penna ropui tak ani a ti a. Sum chheprel leh danlova sum leh pai che vel a tihtlem dawn avangin India sum dinhmunin hma a sawn ngei dawn a, kan ram GDP pawh a san phah dawn ani a ti. Ram chhung eibar zawnna kawngahmasawnna pawimawh tak ani a, state leh sawrkar laipuiinchhiah a dawnna kawngah pawh hlawkna nasa tak a thlen ngei ang Pu Jaitley chuan a ti bawk. India ram chu pawisa fai tawhchet ngaih tawhlohna ramah a hruai ngei dawn a ni ati bawk.

    Hetihlai hian Congress party chuan sawrkar thutlukna chu a thlawp thu a sawi a, mahse pawisa dik kawltu mipuiten harsatna leh buaina an tawh erawh chuan hlawkna a awm loh tur thu a sawi.

    Vawiin khan Finance Minister hlui P Chidambaram chuan New Delhi-ah thuthar lakhawmtute kawmin pawisa hlui leh thar thlengnaah mipuite tana awlsam leh harsatna awmlo thei ang bera kalpui a tul thu asawi a. naktuk hi sawrkar leh bankte tan he thutlukna chungchangah hian fiahna ni pawimawh tak a ni dawn a ni a ti bawk.

    Prime Minister Narendra Modia’n sum chheprel dona tura cheng 500 leh 1000 note a titawp chu ram chhung hmun hrang hrangah thlawp tu a neih that thu leh PM Modi fakawm an tih thu an sawi. A thlawptu zingah hian milar engemawzat an tel a, Rajinikanth, Amitabh Bachchan, Karan Johar leh Anurag Kashyap-te chu a langsar zual an ni.Sawrkarin huai taka thutlukna a siam chu tha an tih thu lehsum chheprel tam lutuk a tihtlem bakah ram sum leh pai dinhmun a siamthat ngei an beisei thu an sawi a.

    Bihar CM Nitish Kumar pawhin sawrkar thutlukna chu a thlawp thu a sawi a, mipuiten tunah harsatna reilote tawk hrih mah ila sum chhep rel leh pawisa lem leng vel tam lutuk tih tlem nan a that tur thu a sawi.

    (DIPR & CORR)

    Aside | Posted on by | Tagged , , | Leave a comment

    Donald Trump chu US President 45-na turin thlan tlin a ni

    Sumdawng mi hausa Donald Trump chu US President 45-na turin thlan tlin a ni a, Democrats candidate Hillary Clinton hnehin kum 8 chhunga Democrats rorelna titawpin United States-in kawngthar a zawhna tur bul a tan dawn a ni.

    US President thlannaah hian hnehna chang turin mipuiten vote an thlak hnua state tin atanga electoral college vote zawng zawng 528 atangin 270 hmuh tlin a ngai a. Donald Trump hian 288 hmuin Hillary Clinton hian 215 a hmu thung a ni.

    Kum 70 mi Trump a hian nakum January ni 20 ah Presidenthna chelh turin thutiam a la dawn a, America President thlan zinga a upa ber a ni dawn a ni. The Trump Organization chairman leh president a ni a, a organisation hian office building sang tak tak, hotel changkang leh inkhelhna hmunpui casino te, golf course leh thil dang changkang tak tak te an din a, US President a nih hnuah erawh he hna hi a chawlhsan tur thu a lo puang tawh a ni.

    Tun tuma President a chuh hma hian, party awn lam bik a nei lova, a changin Republican a changin Democrat lam campaign naah te sum a thawh thin a ni. Trump-a hian an ram chhunga dan lova lut ru Mexican te dan a tum thu a sawi te, Mosolman firfiak laka him tura hmalak a tum te chuan sawisel hlawh viau mahse, President ah America mipuiin an thlang tling chuan, a au hla ber ram ropui leh thiltitheia America dah let leh chuan mipui thinlung a hneh ni a hriat a nih thu thuthar thehdarhtu tamtak chuan an sawi a ni.

    Thlan tlin a nih hnuah Donald Trump chuan thusawiin American tupawhin an theihna sang ber thleng turin hun tha an neih tur thu a sawi a. A hnuaia inrelbawlnaah chuan mi tupawh pawh dik tak leh fel taka dawr an ni ang a, buaina pumpelha inremna zawng tura hmalak zel a ni ang a ti bawk.

    American maktaduai tam tak hna nei lo te tan hna pek leh an ram chu din thar leh a tiam bawk a. Inthendarhna avanga an hliam tawrh te tidama inpumkhatna nen mipuitechu tangho turin a sawm bawk a ni.

    PM Narendra Modi chuan Donald Trump hi a lawmpui thu thawnin India nena an inlaichinna chhawmnun a nih zel a beisei thu a sawi bawk a ni.

    AIR NEWS

    Aside | Posted on by | Tagged , , , | Leave a comment

    Mizoram Baptist Kohhran (BCM) in Grape tui sawr Sacrament atan an hmang dawn

    Author:
  • Mizoram Baptist Kohhran (BCM) chuan Champhai Grape Growers’ Society te Grape tui sawr chhuah chu an KohhranSacrament atan an hmang dawn.

    Champhaia kan corr. hnen atanga thu dawn danin, Champhai Grape Growers’Societyleh Baptist Kohhrante hi inbe fel tawhin, tunkar Inrinni khian Lunglei Serkawna Baptist Kohhran hmunpuiah inremna thuthlung an ziak dawn a, inremna thuythlung ziak tur hian naktukah Champhai Grape Growers’ Society hruaitute’n Lunglei an pan dawn a ni.

    Hetihlai hian Champhai Grape Growers’ Society hian an Grape tuifir sawr chhuah chu inremna an lo siampui tawh Guwahati-a hmunpui nei ‘Radiant Manufacturer Ltd.’ hnenah an la hralh tluang zel tih kan corr. chuan a sawi bawk.

    AIR NEWS

    Aside | Posted on by | Tagged , , | Leave a comment

    Engvangin nge pawisa note, Rs 500 leh Rs 1000 hlutna tihbo a nih thut ?

  • PM Modi sawi angin Pawisa biru, firfiaka chetna, eirukna etc ten Indian Economy lama nghawng an neih tihtawp nân leh sual beih nâna pawisa hlutna hi tibo an nih thu a sawi kan hre tawh a. BBC lam chuan nizan la la khan heng pawisa note hlutna tihbote hi Rs 500 leh Rs 2000 note thar hlaka thlak a nih tur thu an tarlang bawk a ni.

    Nimin tlaia PM-in thu a puan aṭang chiah khan khawchhak leh Pakistan ramria pawisa lem an chhut ṭhin chu an chawlhsan nghal ngeiin a rinawm ta phawt a. Black Marketlama sumdawng, Bank lama pawisa dah lo rual pawisa hlutna kha (an pawisa kawl tam ber kha 500 leh 1000 a nih tlat avangin) bank aṭanga thleng chauha neih theih a ni ta nghal tihna a ni ta bawk a ni.

    Chutiang zelin an hnathawh leh sum lu hriat loha pawisa ngah tak mai rual tân buaina a lo awm nghal dawn bawk a.Tunah hian State Bank lamah hian pawisa lem hi han deposit tum teh. An khawl pakhat sawn pawisa lem ngei kha a lo thurchhuak nalh mai ang. Mizoram erawh kan vannei phian lawi a, chiahpuama sum lalut kha check-tu nei lek lovin an zalen a nih lawi si hi.

    Tichuan, vairam, Income Tax uisathiamho mit lenna hmunah thung chuan a pawisa lakluhna mumal hriat loh, Bank lama deposit tam tham tak deposit tumtu chu awlsam takin an lo rek chat thei dawn tihna a ni a. Kan hriat ṭheuh angin India sumdawng lian tam tham takin Tax pumpelh duhin Swiss Bank lamah pawisa tam tham lutuk tak mai an chheprelh mek tih kan hria.Tunah chuan khang pawisa, Rs 500 leh Rs 1000 note hmanga deposit an neih kha a Theory ang chuan hlutna neilo, lehkhamawi mai mai an ni ta tihna a ni. Chuvang chuan Indian Bank nen Transaction an tih a ngai ta reng a ni. Chu transaction hmang ngei chuan heng Indian mi, hausa pui puite chetla hi chhui a awl sawt dawn ta bawk a ni.

    India beitu lian ber Pakistan firfiakho tân pawh India beihna tura an pawisa kawl khan hlutna a nei ta mauh lo tihna a ni a. Cash transaction tihtheihna chance an hloh nghal tihna a ni. He hmalakna huaisen tak hian Indian Economy lama nghawng a neih tur hi a ṭha zawngin a nih dawn avangin Mizoram State tê lutuk, Indian Economy nghawng thil liantham nei lo hi India hian min ngai pawimawh tehchiam lovang.

    I thluak hmang la, sumdawng i nih chuan pawisa lem a lêng tam sawt ang tih hriaiin fimkhur ang che. Chumi avang ngawt chuan sumdawn ṭhulh hlek thung suh. Pawisa lem kha ngun takin lo endik la, miin an lak ngam loh lain he hun hi i tân malsawmna a ni daih thei tih hria la, chiai hlek suh ang che.

    Heng ang hun ṭhate hi hmang ṭangkai thei ve tur kan ni zawk a! Black Marketer manna hun, pawisa lem hmanga sum peipung manna hun, eiruk hailanna hun remchang a nih vei nen, tihian dawihzep tak maiin system ṭha Legislate ngam lohna hmunah hian kristian hlauh ngahte chuan a hma zawng aiin hlauh kan ngah belh leh ta sawt a nih hi!

    Aside | Posted on by | Tagged , , , | Leave a comment

    ‘State of the States Award 2016’-ah Mizoramin chawimawina pahnih a dawng.

    India Today chanchinbu-in kawng hrang hranga state hnathawk tha chawimawina a ‘State of the States Award 2016’-ah Mizoramin chawimawina pahnih a dawng.Press Secretary to Chief Minister Pu L.R. Sailo hnena\anga thudawn danin Mizoram hian Economics lehhriselna lama state tenau zinga hmasawn ber chawimawina a dawng a. Heng chawimawinate hi Delhi-a ITC Maurya-ah Finance Minister Pu Lalsawta’n Mizoram aiawhin a dawng a ni.

    Kum engemawzat a\ang khan India Today hian state sorkar hrang hrangte hnathawh dan leh hmasawn dan hi tehna hrang hranga tehin chawimawina a lo siam tawh \hin a. State lian zingah hnathawk \ha ber leh hmasawn ber thlangin chutiang bawkin state tenau zingah thawk \ha ber leh hmasawn ber a thlang \hin a. Chumi kawngah chuan tehna hrang hrang 11 hmangin teh leh an ni a. A pumpui-a ti\ha bakah hmasawnna peng hrang hrang kalpui dan endik a ni leh bawk.

    State tenau hmasawn ber zinga a pumpui-a ti \ha ber chu Puducherry a ni a, law and order leh agriculture-ah lawmman an dawng bawk a. Peng hrang pahniha chawimawina dawng awm chhun chu Mizoram a ni.

    Hnathawk \ha ber state thlanna atan hian kum 2013-14 chhunga an hnathawh dan en a ni a. State hmasawn ber thlanna-ah chuan kum 2012-13 leh 2013-14 chhunga an hmasawn dan chu tehfungah hman a ni thung a ni.

    Aside | Posted on by | Tagged , , | Leave a comment

    Khawvel Sunday School Ni Presbyterian Kohhran leh Baptist Church of Mizoram in urhsun takin an hmang.

    Vawiin hi Khawvel Sunday School Ni a ni a, Presbyterian Kohhran leh Baptist Church of Mizoram chuan urhsun takin an hmang.

    Sunday School-ah hian puitling lamah Upa Dr. Laltluangliana Khiangte ziah Pu Muka chanchin an zir a, naupang lamah Pu Lalhruaitluanga Ralte ziah C.T Studd-a chanchin an zir thung.

    Baptist Kohhran tualchhung kohhran tinah Pathianni chawhma inkhawm-ah Headquarters atangin program duan saa nih bakah thupui thlan sa hmangin thuchah ngaihthlak a ni a. Kuminah hian thupui atan “I thu chu thutak a ni” tih thlan a ni.

    Khawvel Sunday School Ni hi Dr. George W. Bailey, Tabernacle Presbyterian Church, Philadelphia Kohhran Upa rawt chhuah a ni a. Kum 1907-a World’s Sunday School Association Convention Rome-a neih tumah leh kum 1910-a Washington-a Convention neih tuma an sawihona bawhzuiin Kum 1910 May ni 22 atang khan Khawvel Sunday School Ni hi hman \an a ni. Khawvel Sunday School Ni hmasa ber programme hi tawng chi hrang hrang za chuanga lehlin niin copy maktaduai tam tak khawvel ram hrang hrangah thawn darh a ni. Mizoramah chuan Khawvel Sunday School Ni hi kum 1944 atang khan serh tan a ni a. Kum 1949 atangin Khawvel Sunday School Ni chu Thupui neiinNovember Pathianni hmasa berah hman thin a ni ta a ni.

    India ramah chuan kum 1800, August thla khan William Carey-a leh a țhianten Serampore-ah Sunday School an din a, Mizoramah Sap Upa leh PuBuanga’n 1896 March ni 1 khan Aizawl-ah Sunday School an din ve bawk a, chu chu Mizoram Kristiante tan chuan Sunday School in\anna a lo ni ta a ni.

    Aside | Posted on by | Tagged | Leave a comment

    Kaskau relief camp, Tripura-a Bru awmte endik hna zawh fel a ni.

    North Tripura district-a Bru awmte Mizorama haw tir tura ruahmanna kal mekah Kaskau relief camp, Tripura-a Bru awmte endik hna chu nimin khan zawh fel a ni.Nimin thleng khan chhungkaw 578-a mi 3,849 te chu Mizoram mi diktakah pawm an ni a, Kaskau camp-a Mizoram Official-te hmaa lokal engemaw zat chu Mizoram mi an nihna finfiah theih loh an awm bawk niin Mamit District Bawrhsap Pu Lalbiaksangi chuan a sawi a. Mizorama cheng thin finfiahna atan hian kum 1995 electoral roll-a an hming chuang tawh leh an thlahte chu hman a ni a. Pi Lalbiaksangi sawi danin Kaskau Relief Camp-a Bru awmte a hmuna enfiah hna hi Nilaini atang khan official 30 rualin an thawk a. Ruahman lawk anga Zirtawpni-a an zawh fel hman loh avangin Inrinni khan chhunzawm a ni.

    Inrinni bika Mizoram mi an chhinchhiahte zinga chhungkaw 95 a mi 683 te hi an lokir huna Mamit district-a inbengbel tur an ni a, chhungkaw khata mi 5 te chu Kolasib district-ah dah an ni thung ang. Nimina Mizoram mi an chhinchhiahte hi chhungkaw 96-a mi mi 688 an ni.

    Bru laklet dan tur duan lawk ang chuan Thawhtanni,November ni 7 khian Khakchangpara relief camp-a awmte enfiah hna thawh a ni ang a, Nilaini leh Ningani-ah Hamsapara relief camp a awmte enfiah hna thawh chhunzawm chhoh leh tur a ni ang. Ruahman lawk ang chuan relief camp-a Bru awmte enfiah hna hi tun thla ni 21-a zawhfel tur a ni a; a taka laklet hna hi ni 30 atanga tan thei tura ruahmanna siam a ni.

    Aside | Posted on by | Tagged , | Leave a comment