ZOPLAST YOUTH ICON TAN A NI TA NIMINAH MI 120 AN ZAI

  • 3rd November, 2016.
    Zoplast LPS Youth Icon 2016 chu nimin chhun dar 12 atang khan tan a ni a, mi engemawzatin Icon nih tum an zai a ni.

    Puan tawh angin tun tum LPS Youth Icon hi Zoplast in an sponsor a, Zoplast Youth Icon 2016 tih a ni a. October thla bul lam khan form pek chhuah tan aniin Oct 28 khan khar a ni a, October 31 ah zai dan tur tar chhuah a niin mi 570 in icon nih tumin hming an pe a, nimin Nov 2 chhun dar 12 khan Archives Hall, PWD tlang, Zarkawtah tan a ni a, Elimination Round atang hian LPS 10 ah Live a pek chhuah a ni. Nimina zai zingah thiam tak tak an awm a, pahnih thum phei chu thiam tak, a tawp thleng tur pawha beiseiawm tak an awm niin a buaipuitute chuan an sawi a ni.

    Tun tum Icon thlannaah hian Judge tura tih zingah rokhawlhna nei an awm avangin tlema tihdanglam ani a, tunah hian Pu Laltea, Joy Zairemmawia leh Rosy K.Remsangpuii te an thu a, Daisy in a host a ni.

    Nimin atang khan ni 4 chhung inrinni thleng hian elimination round nitin Session thum a awm a ni. A ni khatna niminah session tinah hian mahni huna thleng hman lo engemawzat an awm thin a, mahni zai huna awm lo leh thleng hman lo te chu tihsan hmiah hmiah zel an ni a, nimina zai tura tih mi 143 zingah 120 vel an zai a ni. Vawiin chhun dar 12 hian a hmun ngaiah chhunzawm leh a ni anga, zai turte chu an zai hma darkar khatah in report turin a buaipuitute chuan an ngen a ni.
    Zoplast Youth Icon 2016 thlanna hi 3rd Round atanga a tawp thlengin LPS Auditorium, Zarkawtah neih a ni thung ang. Zoplast Youth Icon hian cheng nuai khat leh sing 5 a hlawh dawn a ni.

    Advertisements
    Aside | Posted on by | Tagged , | Leave a comment

    LPG REFILL BOOKING KALPUI DAWN

    Author: Puitei Mary Vanchhawng On 3rd November 2016
  • Eirawngbawlna Gas hmangtute’n Gas an mamawh huna mobile phone leh internet hmanga Gas an book theih nana sorkar laipuiin kalphung thar a duan ‘Refill Booking’ Mizorama hman ve dan tur relin nimin khan Food, Civil Supplies & Consumer Affairs Director Pu R. Lalramnghaka hovin a pisaah Indian Oil Corporation Limited (lOCL) hotute leh Mizoram Consumer Union hruaitute bakah Zoram lndane Service, Chaltlang, LPG Distributor area huam chhunga Local Council-te leh YMA aiawhte an țhukhawm.

    Gas Booking tih theih dan hrang hrang – Online Booking, Interactive Voice Response System (IVRS), SMS leh Telephone hmanga Distributor-te hnena mamawhna thlen dante chu chipchiar zawka mipuiin an hriat theih nan veng tinah vantlang inkhawm huaihawt a, inzirtir ni se tih meeting hian a rel a. Ram pum huapa mipuite’n Refill Booking an hmelhriat dan a inchen loh avang leh, inbiakpawhna Internet, telephone leh thil dang hmanrua neih dante a in-an loh avangin, a enchhin nan distributor thlan bik hnuaiah kalpui phawt rel a ni a. Thil fel lo awm palh theite siam țhat a nih hnuah state pum huapin Refill Booking hi hman zui a ni ang.

    Aside | Posted on by | Tagged , , , , , | Leave a comment

    Battle for the White House-24

    OBAMA’N HILLARY VOTE TLING HRAM TEH U A TI : HILLARY TLING MAHSE BUAINA-IN A HMUAK
  • November 3: President Barack Obama chuan North Carolina state ah Hillary campaign puiin, a chi pui African-American hote chu a sulhnu (legacy) vawnghim turin Hillary Clinton vote tling hram turin a ngen. Trump chuan a lo tling a nih chuan Obamacare (Affordable Act Care) ennawn a tihtawpah a vau a ni. Obama chuan Hillary emails scandal chungchangah FBI thiltih dan chu demin, “Rin thu mai maiin thil kan chhui ngai lo” tiin, FBI Director James Comey thiltih dan a sawisel a ni.

    Joe Biden, Vice President pawhin North Carolina ah Hillary campaign puiin, “North Carolina chu Hillary Clinton tan tlin ngei a ngai a, a tling a nih chuan President a ni thei a ni,” a ti.

    Hillary email scandal vangin tunkar chhungin Hillary boruakin a chhiat phahin, a hniam phah dawrh dawrh a; a hma zawnga 5-7% inkara hmahruai kha Poll paruk chuan 1.7% chauhvin a sang tawhin an sawi. Chutih laiin Poll pakhat chuan Hillary chu 3% zetin Trump aiin a la sang, a ti. Kha US political history-a thleng zen zen lo, “October surprises” an tih mai, Hillary emails 650,000 zet hmuh chhuah thar thu vangin American hrilh a haiin, an phawklek phah hle a ni. Mahse, hetianga inthlan hma lawka thu barakhaih deuh hriatna hian chuti lutukin mi thinlung a her danglam lutuk lo a ni thei. Kum 1968 ah Lyndon B.Johnson chuan North Vietnam an bomb thin tawp thu a puang thut a; kum 2000 khan George W.Bush Jr pawhin “Zu rui chungin motor a khalh” tih thu barakhaih a lo awm tawh a ni.

    Bush leh Al Gore te inbeih tum khan ABC News/Washington Post chuan 3% in Bush-an hma a hruai a ti a. An pahnih khan 48% ah awm ve ve in, boruak intluk (too close to call) tih a ni. Mahse, vote chhiarah Bush 48.4% niin, Gore 47.9% a ni a, a tawpah vote tla zawng zawng belhkhawmah Bush chuan Electoral college vote 271/538 atangin a hmu a, tlingah puan a ni ta. Electoral college votes 538 ah tlin nan 270 hmuh a ngai.

    Tun tumah thenkhat chuan Hillary hi Electoral college vote 287 hmu turin an chhut a, Trump chu 174 hmu turin an hrilh lawk. Tu zawlnei puan tak dik ber ang maw?

    Tun dinhmunah Trump hi Florida, Ohio, Iowa a chak chuan tling tura chhut a ni. Hillary hian Virginia, Pennsylvania, Michigan states-ah hmahruaiin, Democrats vote a tlak chhiat hloh chuan Hillary boruak hi a chhe thei a ni.

    WikiLeaks lamin Democratic National Committee emails hack an tlangzarh atangin Hillary campaign chairman John Podesta (private practice lawyer) thin chu tax chungchangah President Bill Clinton khan a lo ngaidam (pardon) a, kum 1998 ah Independent counsel Kenneth Starr chuan Bill Clinton leh Monica Lewinsky chungchang chhuiin, Podesta hi thuk takin a lo inrawlh a. Sept 8, 2008 ah President Obama aide Cassandra Butts hnenah lehkhathawnin “Fantastic lawyer. Keep me out of jail” tiin a lo ngen a ni. Hei vangin John Podesta chu man tura ngaih a nih laiin, a fihlim niin WikiLeaks in an tlangthan Podesta Gmail account atangin a lang a ni.

    Trump campaign team an hlim thar
    Indiana Governor Mike Pence, Trump running-mate chuan, Valley Forge, Philadelphia-ah”Ram pum huapin Donald Trump thlipui a tleh mek a. Revolutionary War ah rah bi thar (turning point) a thleng mek a ni” a ti. Trump pawhin Twitter ah, “States 6 ah i vote i tidanglam thei e. Tunah Hillary chuan thil lian tak a lo tisual a; i vote chu MAKE AMERICA GREAT AGAIN ah pe mai teh!” tiin a ziak kuau.

    Jason Chaffetz (Utah state) Republican chuan, “Ni khatna (Day One) pawh a thlen hma in, kum 2 zet daih tur thil chhui ngai kan nei ta. Hillary chu lo tling teh reng pawh nise, emails scandal vangin investigation tih chhoh a ngai dawn a ni” a ti. Congress leh Senate hi Republican hoten an thunun a nih zel chuan Hillary leh Capitol Hill lam chu an inthrethu hle dawn niin a lang. FBI leh Justice Dept lam lah Hillary emails chungchangah an ngaihdan a in hmu thei tawh lo a ni.

    FBI lam pawh an lo hnawk ve nuaih mai ! FBI Dy Director Andrew McCabe nupui chuan US $ maktaduai chan ve dawn tur Hillary campaign contribution sum Terry McAuliffe hnen atangin a lo dawng tih a ni, Hillary mirin zawng tak a ni. Chuck Grassky of Iowa, Senate Judiciary Comtt chairman chuan, Justice official ten investigation tihnaah kut phuarsak an nei em ni? tiin a zawt. Benghazi Committee chuan Libya thil thleng a khar zo ta, mahse, Email scandal leh Clinton Foundation a State Dept inrawlh dan chhui a ngai leh ta a ni. Clinton Foundation ah eirukna thil leh Hillary kha Secy of State a nih laiin, Clinton Foundation tan mimal thila inrawlh leh sum tuaka puh a ni.

    Senator Jim Jordan (Ohio) chuan, Hillary chief of staff Cheryl Mills leh a Deputy Heather Samuelson te khan FBI hmaa an intiam angin an Laptop tihchhiat te thuneitute kuta hlan tura tih chu, FBI hoten an tichhia nge, Hillary emails chu engtinge an tih zel tih a zawhna chu FBI lam hian chhanna an pe rih lo bawk.

    The Oath Keepers ten election ven an tum.
    Neo-Nazi hruaitu Andrew Anglin chuan States 50 ah election tihchingpen loh nan duty an tum tih sawiin, “the Right Stuff” website ah an tarlang. Heng The National Socialists, Ku Klux Klan, leh White Nationalist-American Freedom Party te chuan anmahni thahnemngaihna in, election thlir zui turin khawpui leh thingtlangah duty siam an tum. The Oath Keepers hi law enforcements leh military member hlui, ralthuam inbel thin te niin Polling Place thenkhatah leh Donald Trump rally ahte Trump tan theihtawp an chhuah thin.

    Anglin hi Editor of “neo-Nazi Daily Stormer” website niin, Alt-Right nationalist te chu Poll veng turin an inring chheu mai. Alt-right website ‘TheRightStuff.Biz” ah a ziak. Tun tum an inthlang tur chu an nasa dawn e!

    Hengho vang hian Election Day ah tharum thawhna a awm an hlau thawng hle. White nationalist “Alt Right” militia movement hian buaina an chawh chhuah mai an hlau a ni. Heng hian Trump an election rigging/fraud awm theih thu a sawi thin vangin, ven tumin an inralring hle a ni.

    Rudy Giullani, New York Mayor hlui chuan, “Hillary hian FBI Director James Comey a bei a ni lo, FBI a bei (against) zawk a ni. Comey chu Bill Clinton a khawih Monica Lewinsky ang maiin an tehkhin a nih hi!” a ti.

    Soap Opera actress hlui Timberlin Brown chuan CNN hnenah, “Donald Trump chu President ni tur a tlin ber (most qualified man) a ni. A tana theihtawp kan chhuah hun a ni,” a ti. Wrestler Hulk Hogan pawhin Mizo mipa tam tak angin Trumpuia a thlawp bur.

    Aside | Posted on by | Tagged , , , , | Leave a comment

    Battle for the White House-24

    Author:
    OBAMA’N HILLARY VOTE TLING HRAM TEH U A TI : HILLARY TLING MAHSE BUAINA-IN A HMUAK
  • November 3: President Barack Obama chuan North Carolina state ah Hillary campaign puiin, a chi pui African-American hote chu a sulhnu (legacy) vawnghim turin Hillary Clinton vote tling hram turin a ngen. Trump chuan a lo tling a nih chuan Obamacare (Affordable Act Care) ennawn a tihtawpah a vau a ni. Obama chuan Hillary emails scandal chungchangah FBI thiltih dan chu demin, “Rin thu mai maiin thil kan chhui ngai lo” tiin, FBI Director James Comey thiltih dan a sawisel a ni.

    Joe Biden, Vice President pawhin North Carolina ah Hillary campaign puiin, “North Carolina chu Hillary Clinton tan tlin ngei a ngai a, a tling a nih chuan President a ni thei a ni,” a ti.

    Hillary email scandal vangin tunkar chhungin Hillary boruakin a chhiat phahin, a hniam phah dawrh dawrh a; a hma zawnga 5-7% inkara hmahruai kha Poll paruk chuan 1.7% chauhvin a sang tawhin an sawi. Chutih laiin Poll pakhat chuan Hillary chu 3% zetin Trump aiin a la sang, a ti. Kha US political history-a thleng zen zen lo, “October surprises” an tih mai, Hillary emails 650,000 zet hmuh chhuah thar thu vangin American hrilh a haiin, an phawklek phah hle a ni. Mahse, hetianga inthlan hma lawka thu barakhaih deuh hriatna hian chuti lutukin mi thinlung a her danglam lutuk lo a ni thei. Kum 1968 ah Lyndon B.Johnson chuan North Vietnam an bomb thin tawp thu a puang thut a; kum 2000 khan George W.Bush Jr pawhin “Zu rui chungin motor a khalh” tih thu barakhaih a lo awm tawh a ni.

    Bush leh Al Gore te inbeih tum khan ABC News/Washington Post chuan 3% in Bush-an hma a hruai a ti a. An pahnih khan 48% ah awm ve ve in, boruak intluk (too close to call) tih a ni. Mahse, vote chhiarah Bush 48.4% niin, Gore 47.9% a ni a, a tawpah vote tla zawng zawng belhkhawmah Bush chuan Electoral college vote 271/538 atangin a hmu a, tlingah puan a ni ta. Electoral college votes 538 ah tlin nan 270 hmuh a ngai.

    Tun tumah thenkhat chuan Hillary hi Electoral college vote 287 hmu turin an chhut a, Trump chu 174 hmu turin an hrilh lawk. Tu zawlnei puan tak dik ber ang maw?

    Tun dinhmunah Trump hi Florida, Ohio, Iowa a chak chuan tling tura chhut a ni. Hillary hian Virginia, Pennsylvania, Michigan states-ah hmahruaiin, Democrats vote a tlak chhiat hloh chuan Hillary boruak hi a chhe thei a ni.

    WikiLeaks lamin Democratic National Committee emails hack an tlangzarh atangin Hillary campaign chairman John Podesta (private practice lawyer) thin chu tax chungchangah President Bill Clinton khan a lo ngaidam (pardon) a, kum 1998 ah Independent counsel Kenneth Starr chuan Bill Clinton leh Monica Lewinsky chungchang chhuiin, Podesta hi thuk takin a lo inrawlh a. Sept 8, 2008 ah President Obama aide Cassandra Butts hnenah lehkhathawnin “Fantastic lawyer. Keep me out of jail” tiin a lo ngen a ni. Hei vangin John Podesta chu man tura ngaih a nih laiin, a fihlim niin WikiLeaks in an tlangthan Podesta Gmail account atangin a lang a ni.

    Trump campaign team an hlim thar
    Indiana Governor Mike Pence, Trump running-mate chuan, Valley Forge, Philadelphia-ah”Ram pum huapin Donald Trump thlipui a tleh mek a. Revolutionary War ah rah bi thar (turning point) a thleng mek a ni” a ti. Trump pawhin Twitter ah, “States 6 ah i vote i tidanglam thei e. Tunah Hillary chuan thil lian tak a lo tisual a; i vote chu MAKE AMERICA GREAT AGAIN ah pe mai teh!” tiin a ziak kuau.

    Jason Chaffetz (Utah state) Republican chuan, “Ni khatna (Day One) pawh a thlen hma in, kum 2 zet daih tur thil chhui ngai kan nei ta. Hillary chu lo tling teh reng pawh nise, emails scandal vangin investigation tih chhoh a ngai dawn a ni” a ti. Congress leh Senate hi Republican hoten an thunun a nih zel chuan Hillary leh Capitol Hill lam chu an inthrethu hle dawn niin a lang. FBI leh Justice Dept lam lah Hillary emails chungchangah an ngaihdan a in hmu thei tawh lo a ni.

    FBI lam pawh an lo hnawk ve nuaih mai ! FBI Dy Director Andrew McCabe nupui chuan US $ maktaduai chan ve dawn tur Hillary campaign contribution sum Terry McAuliffe hnen atangin a lo dawng tih a ni, Hillary mirin zawng tak a ni. Chuck Grassky of Iowa, Senate Judiciary Comtt chairman chuan, Justice official ten investigation tihnaah kut phuarsak an nei em ni? tiin a zawt. Benghazi Committee chuan Libya thil thleng a khar zo ta, mahse, Email scandal leh Clinton Foundation a State Dept inrawlh dan chhui a ngai leh ta a ni. Clinton Foundation ah eirukna thil leh Hillary kha Secy of State a nih laiin, Clinton Foundation tan mimal thila inrawlh leh sum tuaka puh a ni.

    Senator Jim Jordan (Ohio) chuan, Hillary chief of staff Cheryl Mills leh a Deputy Heather Samuelson te khan FBI hmaa an intiam angin an Laptop tihchhiat te thuneitute kuta hlan tura tih chu, FBI hoten an tichhia nge, Hillary emails chu engtinge an tih zel tih a zawhna chu FBI lam hian chhanna an pe rih lo bawk.

    The Oath Keepers ten election ven an tum.
    Neo-Nazi hruaitu Andrew Anglin chuan States 50 ah election tihchingpen loh nan duty an tum tih sawiin, “the Right Stuff” website ah an tarlang. Heng The National Socialists, Ku Klux Klan, leh White Nationalist-American Freedom Party te chuan anmahni thahnemngaihna in, election thlir zui turin khawpui leh thingtlangah duty siam an tum. The Oath Keepers hi law enforcements leh military member hlui, ralthuam inbel thin te niin Polling Place thenkhatah leh Donald Trump rally ahte Trump tan theihtawp an chhuah thin.

    Anglin hi Editor of “neo-Nazi Daily Stormer” website niin, Alt-Right nationalist te chu Poll veng turin an inring chheu mai. Alt-right website ‘TheRightStuff.Biz” ah a ziak. Tun tum an inthlang tur chu an nasa dawn e!

    Hengho vang hian Election Day ah tharum thawhna a awm an hlau thawng hle. White nationalist “Alt Right” militia movement hian buaina an chawh chhuah mai an hlau a ni. Heng hian Trump an election rigging/fraud awm theih thu a sawi thin vangin, ven tumin an inralring hle a ni.

    Rudy Giullani, New York Mayor hlui chuan, “Hillary hian FBI Director James Comey a bei a ni lo, FBI a bei (against) zawk a ni. Comey chu Bill Clinton a khawih Monica Lewinsky ang maiin an tehkhin a nih hi!” a ti.

    Soap Opera actress hlui Timberlin Brown chuan CNN hnenah, “Donald Trump chu President ni tur a tlin ber (most qualified man) a ni. A tana theihtawp kan chhuah hun a ni,” a ti. Wrestler Hulk Hogan pawhin Mizo mipa tam tak angin Trumpuia a thlawp bur.

    Aside | Posted on by | Tagged , , , , | Leave a comment

    HEROIN LALNU SRS IN AN MAN E

    Aizawl:Central YMA hnuaia ruihhlo dotu pawl, SRS miten Pathianni zan khan mi pathum an man zingah thilti thei tak, heroin lalnu an tih mai man telin,an hnen atangin ruihhlo, Heroin No. 4, Hawng 4 leh tlem an man.

    Tun hma atanga Heroin No.4, Proxyvon leh Parvon Spas thlenga lo zuar tawh leh Khehpuam pawh nasa taka lo khawih tawh thin, tun thlenga ruihhlo la zuar nia an sawi, Lalnunmawii, kum 43, Tuirial Airfield-a cheng hnen atangin No.4 Hawng 3 an man bakah, Pathianni vek hian Lalramena, kum 24, Matupui, Myanmar hnen atangin No. 4 Hawng 1 an man bawk a, Lalhruaipari, kum 43, Tahan, Myanmar mi hnen atangin No.4 an man bawk a ni.

    Lalramena leh Lalhruaipari hi Airfield-a mi in luaha khawsa mek ve ve an ni a. SRS mite hian an vai hian Excise & Narcotics Department hnenah an hlan nghal a.

    Mi pathum hnen atanga SRS ten No.4 an man hi Rs. 2,50,000 chuang hu nia chhut a ni.

    Heroin Hawng 3 an mansak, Manuni tia hriat, Lalnunmawii hi sum leh pai ngah tak a nih tawh avangin thil ti thei tak niin an sawi a. Chhan hrang hrang avangin man pawh a harsa hle a, Airfield leh Zokhawthar velah in leh lo tha tak tak a neih bakah Truck lian leh motor dang pawh a nei nual tawh a.

    Tun tuma SRS ten man tuma an veh pawh hian a fimkhur thei ang berin an veh a. Man a nih hian amah mantute chu nasa tak taka vauin, Pathianni zan khan Excise Officer duty-te hmaah pawh a inhrosa nasa hle niin SRS hruaitute chuan an sawi bawk.

    Aside | Posted on by | Tagged , , , , , | Leave a comment

    Mi rêl hi SIM DAIH TLÂK A NI

  • Nu hausa tak, mi thianghlim nih châk tak pakhat hian țum khat chu Mi thianghlim Philip-a (St. Philip) hnenah a harsatna a thlen a. Ani chuan,”Ka fanu, miin an thil tihsual sim tuma a beih tak tak chuan an hneh ngei țhîn. Engnge i harsatna chu ni ta?” tiin a lo zawt a. Nu chuan a nuna sim a duh em em, a duh anga a sim theih si loh chu mi rel a nih thu chu a sawi ta mawlh mawlh mai a. A tawpah chuan,”Ka sim theihna tur a nih phawt chuan i thu eng pawh ka zâwm ang” a ti ta hîal a.

    Philip-a chuan,”A țha a nih chu! Bazârah va kal la, ar va lei rawh. Tichuan in lam i panna kawng tluanin ar hmul chu thlauh zel la, ar hmul i pawh kâwn zawh vek hnuah min hmu tûrin i lokal leh dawn nia,” a ti a. Mi hausa nu chuan a thurawn chu mak a ti hle mai. Amah lah mifing tak a ni tih a hrereng bawk si a. A thurawn ang chuan engkim a ti ta vek a. A tukah chuan Philip-a inah chuan a va kal leh ta a, a thupek anga engkim a tih tawh thu a va hrilh ta a. Philip-a chuan, “Tih tur ka ruatsak che țha taka i tih avângin ka lawm e. Tunah hian a vawihnihna turin bazarah chuan va kal leh ang che. Nimina i kalna apiangah khan va kal leh la, i ar hmul pawh thlak zawng zawng kha va chhar khawm leh vek rawh le.” a ti ta a. Nu chuan,”A theih tawh lovang. Thliin hmun hrang hrangah a chhêm darh vek tawh ang, chhar khawm tûr reng a awm tawhin ka ring lo,” tiin a chhâng ta a.

    Philip-a chuan, “A ni rêng a ni. Nang pawhin tuemaw i rel chuan i thusawi chu midangin an hrilh chhâwng leh ang a, an inhrilh kual zel dawn a ni, khap tum teh mah la, i khap thei hauh lovang. Vawikhat sawi tawh chuan kan sawi zawm zel duh a, a țha ber chu tumah rel miah loh hi a ni ringawt mai a ni.” tiin a hrilh ta a. Mi hausa nu rilru chu a hneh hle mai a, a haw vang vang a, tumah a rel zui ngai ta lo a ni.

    Mi rel hi chin dawklak theih tak niin a lang. A lo ti nasa tawh phei chuan mi rel tih an inhriat hma hauh pawhin nasa takin an lo rel hman hial maithei. Kan insûmna tûr țul tak a ni ngei ang. Mi rel hian thil țha aiin thil țha lo a thlen tam zawk a, midang nena kan inkâr boruak a tichhia a, pâwl ho, kohhran leh chhungkuaa kan inpumkhatna nasa takin a tichhe țhîn. Mi rêl ching tak chu dâwt sawi hmang an ni duh châwk nia!!

    “LALPA, i puan inah chuan tunge lo mikhual ang?
    I tlâng thianghlimah chuan tunge lo awm ang?
    Dik taka awm a, fel taka tia,
    A rilrua thu tak tak sawi mi chu;
    A leia mi rêl ngai lova,
    A țhian chung pawha thil sual ti ngai lova,
    A vêngte hming pawh sawichhe ngai lo mi chu.” (Sam 15:1-3)

    Aside | Posted on by | Tagged | Leave a comment

    Sorkarin Aizawl – Churachandpur Helicopter Service turin hma la thuai rawh se.

    Author:
  • PRESS RELEASE NO. 11 OF 2/11/2016.

    Aizawl leh Imphal inkar thlawhna service chu Dt. 30.10.2016 (Chawlhni) atang khan tih tawp a lo ni ta a, tunah chuan Manipur atanga Mizoram leh Mizoram atanga Manipur thlawhna a zin tur hian Guwahati kaltlang (via Guwahati connecting flight) chauha kal theih a ni.

    Hemi avang hian thlawhna a zin duh Manipur-a cheng Zohnahthlakte leh Mizoram mipui te damlohna avanga Imphal-a damdawiin pan duh te, MZU, RIPAN, NIT, Vety College zirlaite leh Manipur-a Mizo Doctor zirlaite tan a buaithlak ta hle a ni. Manipur leh Mizoram inkalpawhna kawng (by road) lah hi Silchar kaltlang leh Ngopa road chauh a kal theih a ni a, Silchar lam kawng lah hi sipai check gate a tam hle a, Ngopa road lah hi kawng a chhe em em bawk si a, zin vel a hahthlak takzet a ni.

    Hei hi thil awmdan a nih avangin Mizoram sorkar hian Civil Aviation Ministry leh Air India hnenah a rang thei ang bera Aizawl – Imphal thlawhna service a awm leh thuai theihna tura chak taka hma la turin kan phut a, thlawhna service hi chhunzawm leh mai a harsa a nih pawhin Aizawl – Churachandpur Helicopter service tir tura hma la nghal turin kan phut a ni.

    ZNP hian Pathian leh mipui zara sorkarna kan chang anih chuan Aizawl – Shillong leh Aizawl – Churachandpur Helicopter service siam ngei kan tum a ni tih Zoram mipuite hriatah kan puangzar bawk a ni.

    (LALHNEHZAUVA)
    Secretary
    Information & Publicity Dept.
    ZNP Thalai Gen. Hqrs

    Aside | Posted on by | Tagged , , | Leave a comment

    PRISM IN CORRUPTION DO KAWNGAH SORKAR LEH COURT RING ZO TAWH LO, MIPUI COURT AH THUTLUKNA DAH MAI NI TAWH SE AN TI

    Author:
    Special Court (Prevention of Corruption Act) in Kau-Tlabung Mini Hydel Project leh Tuipanglui Mini Hydel Project-a eirukna thubuai a tihtawp chungchang uluk taka an ngaihtuah hnuin PRISM chuan corruption ven leh dona kawngah sorkar leh Court an rin zawh tawh loh thu an sawi a, thawhpui tawh rih loh zai an rel tak thu an sawi.

    Nimin Nov 1 khan PRISM chuan Aizawl-a awm an Office Bearer, Advisory Board Member leh Executive Member huap Emergency Meeting an nei a. October 27, 2016-a Special Court (Prevention of Corruption Act) in Kau-Tlabung Mini Hydel Project leh Tuipanglui Mini Hydel Project-a eirukna thubuai a tihtawp tak chungchang an ngaihtuah a. Meeting kaihruaitu an President Pu Vanlalruata chuan heng Mini Hydel Project thawhnaa vawi 3 ve ve estimate tihpun a nih thu sawiin Kau-Tlabung MHP estimate hi a tira Rs 482 lakhs chu Rs 3,253.03 lakhs-ah tihsan a nih thu a sawi a, Tuipanglui MHP estimate chu a tirah Rs 980 lakhs niin Rs 3,721 lakhs-a tihsan a nih dan te a sawifiah a, chutih laia hna a that si loh dan te sawiin, “A hmuna kan ena hna tha lo leh khawl chhia te hmuh phei chuan kan thinrim kan puakkeh lo chauh a ni,” a ti.

    Pu Vanlalruata chuan “Heng hnah te hian eirukna awm ngei nia a lan bakah hna thawh zawh tawh hnua revised estimate siam leh hi chhuifiah ngai nia hriain kum 8 kalta October 3, 2008 khan ACB-ah FIR kan thehlut a. ACB chhuina report behchhanin May 13, 2010 khan Vigilance Department chuan ACB hnenah Engineer 16 laka criminal case ziaklut turin thu a pe a ni” a ti.

    Thubuai kal chhoh dan sawiin Pu Vanlalruata chuan, “Mipui tithinrim em emin July 2, 2010-ah sorkarin criminal case withdraw turin ACB a hriattir a ni” a ti. PIL file chhoh dan leh harsa taka hnehna an chan dan te sawifiahin Sorkarin Supreme Court-a a khinlet dan te a sawifiah bawk a ni.

    Meeting-ah hian he thilthleng leh he case chungchanga sorkar thil lo tih tawh hrang hrang an sawizauna atangin Mizorama corruption case hrang hranga thutlukna awm tawh leh tuna corruption thubuai ngaihtuah lai tea thilthleng hrang hrang avang hian, corruption ven leh dona kawngah sorkar leh Special Court (Prevention of Corruption Act) chu an rin zawh tawh loh thu PRISM chuan an sawi a. Mipuiin an chhia leh tha hriatnaa thutlukna an siam turin corruption dona hi kalpui tawh rih mai ni se, Special Court (Prevention of Corruption Act) a Corruption thubuai kal laiah te pawh hian prosecution witness-ah din chhunzawm tawh rih loh ni se, He thubuai kal dan chipchiar hi India Prime Minister hnenah thlen nise, Thubuai kal dan hi ziakin a nasa thei ang bera thehdarh ni bawk se tiin thutlukna an siam ta a ni.

    Member kokim zawka la thlir ho leh erawh nise tiin thu an dah bawk.

    Aside | Posted on by | Tagged , , , , , , | Leave a comment

    SAPHUN CHUNGCHANG BAWK

  • Vanglaini chanchinbuin a tarlan David’s Kitchen neitu Gorkhali in Aizawl DC office atanga ST certificate a neih Home department-in an hnawl sak chungchang kha ngaihtuah tur 2 lian deuh deuh a awm.

    1) Mizo hnamah sâ a phun niin a insawi a, mahse hei hi Mizo hnam dan kalh a nih avangin Home department pawhin hnam dangin Mizo hnama sa an phun theih loh thu an sawi a, a awmna veng Local Council leh NGO-te zawkin “Mizo anga ngaih tur” tia an ziahsak hi thil mak tak a ni.

    2) David’s Kitchen neitu hi Zo hnahthlak niin sa lo phun duh pawh ni ta se harsatna lian tak a awm niin a lang. Mizoram Bar Association Asst General Secretary Pu C.Lalrinchhunga sawi dan chuan “hnam dan hi hman lova kum 50 vel a awm tawh a nih chuan ‘hnam dan thi’ a ni a, hman leh ngawt a rem tawh lo. Saphun pawh kan pi leh pute khan an nei ngei a, “SA” an biak dan pawh Rev Liangkhaia lehkhabu Mizo Sakhua tihah khan a awm kha. Khatiang khan saphun chuan an ti thin a; mahse chungte chu Kristian kan nih atang khan a bo vek tawh a, kha kan hnam dana SA PHUN kha a thi tawh a ni. Chuvangin Mizo Kristian dan ah chuan saphun a awm tawh lova, phun theih a ni tawh lo. Kan la duh a nih chuan legislate (dan siam) a ngai tawh a ni.”

    Saphun hi Mizo/Zo hnam inkara practice a ni a. Mizo/Zo hnam nilovin an rawn hmang ve thei lo. Pu Chhunga sawi anga saphun theih dan hi a thi tawh a nih chuan kan hmang thei tawh lo a ni. Kan la duh a nih chuan Assembly House ah Pu R.Romawia’n bill a putluh a ngai dawn niin a lang.

    Comment
    Richard Zongte
    “SAPHUN” chungchang a awmzia a chiang viau tawhin ka hria. India ramah hian ST/SC hmeichhia leh General mipa (Vai) kara naupiang chungchangah hian Court Case te pawh a lo awm tawh thin a. Court thuchhuah ka chhiar pakhatah chuan “ST/SC hmeichhia leh Vaipa kara naupiang hi a nu leh pa an inneih loh a, a nu bula seilin, tribal disadvantage zawng2 tuar ve a nih phawt chuan ST/SC certificate pek tur a ni. A pa bula seilian emaw a pa enkawl emaw a pa te community a awm ve a nih erawh chuan General category a awm tur a ni”. David’s Kitchen neitupa hi thlahpawlh a ni em ka hre lo.

    Engpawhnise hnam hming (title/surname) hi affidavit hmang emaw a thlak ngawt theih a ni lo.

    Aside | Posted on by | Tagged | Leave a comment

    BUHFAI SUPPLIER TE BUHFAI TIH CHINGPEN LAI NANCHIN ANI

    dt. 1.11.2016 khan MNYF, Gen. Hqrs ten kan thudawn bawhzuiin kan feh chhuak a.

    He kan fehchhuahna ah hian Mizoram Sorkar Supply Department a Buhfai Supplier, Pi Zampuii ta ngei ni a an sawi Buhfai Bag tam tak a chhia leh tha an pawlh lai nanchin a ni.

    A hmuna kal MNYF hruiatute hnenah hian alo thawktute hian heng Buhfai Bag tam tak a chhia leh tha anlo pawlh mek te hi Pi Zampuii ta anih thu an sawi.

    Supply Department atanga Mipui hnena pek chhuah thin Buhfai chhia kan dawnfo leh dawn mek hi Sorkarin duhsak uchuak tak a a duhsak Supplier te vang a ni tih hi MNYF hian a ringnghet hmiah a.

    Godown pui ber Zuangtui thlen hma a hetia buhfai tam tak unload a khawih chingpen a ni mai hi mak kan ti hle a. A ngaihthat thlakloh hle bawk a ni. Zuangtui a an thlen hma in an chawhpawlh thin a ni tih hi a chiang hle ah kan ngai nghet tlat a ni.

    Buhfai Supply hna hi Mizoram Sorkar in MIZOFED hnenah chauh Buhfai Supply order a pek laiin Pu Lalrindika Ralte, Pi. Zampuii leh Vai pakhatin vawiin thleng a Buhfai anla suuply reng hi mak kan ti hle a. Sorkar hian a mi duhsak zawngte supply hna pek nan MIZOFED hming hi mipui bum nan a hmang mai ni ah MNF Thalaite chuan kan ngai a ni.

    A department enkawltu ber Minister Pu John Rotluangliana hian hetiang taka mipuite min hmusit reng hi a na kan tiin a pawi kan ti tak zet zet a. Mahni enkawl Department zolo leh hnehlo a ni tih hi inpawm ngamin he hna atang hian bangngam sela, Mizo mipuite hian kan chanvo diktak leh eitur tha kan dawng ve thei ang tih hi MNYF ngaihdan leh hmuhdan nghet tak a ni.

    Sd/-
    Lalzahawma Khiangte
    General Secretary
    Publicity Department
    MNYF Hqrs: Aizawl.
    Memo No. MNYF/Pub/ 2016/98 Dated : Aizawl The 1st November, 2016.

    Aside | Posted on by | Tagged , | Leave a comment