Mobile browser atanga Playstore atanga download dan.

Google Playstore ami file te hi playstore application lo chuan download a harsa a, mahse Softwares emaw games emaw i duh duh apkleecher.com atang hian Google Playstore ah Account nei kher lo pawhin i Download thei.

http://apkleecher.com/
ah hian lut la,i app duh hming kha Enter la. Genarate Download Link ah khan lut leh rawh. Proceed to download Page tih ah khan lut leh la.tichuan i download a ni mai.

Chuan heng i download a te hi a Installer file an ni a,i duh chen chen i dah tha thei. Google Playstore atanga Download erawh chuan,a Application Software a kha download lo in,phone a Direct in a in download/Install nghal pawp a. apkleecher.com atanga download erawh chuan Direct a phone a in Install nghal pawp lo in, a Apk file kha a in download a ni.

Ti khian Playstore tho i hmang a,a link an lo Convert sak mai che a ni.
Tichuan, a Installer file a kha i duh duh huna i phone a Installed mai thieih turin, i Computer ah emaw,i memory Card ah emaw i dah tha tawh mai dawn a ni.

Aside | Posted on by | Tagged | Leave a comment

GOLD IN BOLT A BAWM : TRIPLE TRIPLE GOLD

AUTHOR :
  • Usain Bolt a turu.
  • Usain Bolt a Olympic gold medal lak tawh te.

Bolt-a telna Jaimaican tlan chak rual ( Asafa Powell, Yohan Blake leh Nickel Ashmeade) chuan Rio Olympic 4x100m relay ah 37.27sec ah tlan zo in gold an la leh ta a, Usain Bolt hian Olympic ah a zawnin 100m, 200m leh 4x100m ah te gold la vekin Olympic gold medal pakua a lakna a ni ta.

Pahnihna ah Japan tlan chak rual ho awm ve in an ni hian 37,60sec ah an thleng a, pathumna 37.62sec a thleng USA te chu first leh second runner in ‘baton’ an in pass dik loh avangin an disqualified a, Canada in bronze an la ve thung.

Usain Bolt hian nakum (2017) World Championship zawhah chawlh a tum tawh thu February thla khan a lo sawi tawh a ni.

Bolt’s Olympic ‘triple triple’ :
Beijing 2008 : 100m, 200m, 4x100m
London 2012 : 100m, 200m, 4x100m
Rio 2016 : 100m, 200m, 4x100m

Aside | Posted on by | Tagged , , | Leave a comment

SIALHAU PA SAVAWMIN SEH

AUTHOR :

Nimin (Ni 20. Aug., 2016 Saturday) chawhma lam khan Sialhau khua a awm Pu K.Lalthanpuia S/O K.Thanțhuama chua Aiáwt en Savawmin a seh.

Pu Thanpuia hi a Fapa Zonuntluanga nen Sialhau ram Charngaw Luiah Aiawt enin an kal a. A fapa ai hian tlemin a kal hmasa a ni awm e. Savawm chu hmulawk deuh mahse Sanghal emaw a tih a vangin a hlau vaklo a ni mai thei. Savawm nen chuan an inpawm chilh a ni ta mai a.

Savawm hian a bek dinglam a seh hîk a, a ka chhunglam a tlang hial a ni. Heilo pawh hi a lu hmun dangah a ham sak nual bawk. A fapa hian a chhan vata Savawm pawh chu a insaseng ta a ni.

Engtin tin emaw an pafa hian in an thleng thei hram a, Health Sub-Centre ah silfai sak niin Serchhip Damdawi in lam panpui a ni.

Aside | Posted on by | Tagged , | Leave a comment

ISINBAYEVA A CHAWL TA. PATHIAN IN IAAF CHUNGTHU A REL ANG -ISINBAYEVA

AUTHOR : Mafela Ralte

2 time Olympic pole vault gold medalist and world record holder Yelena Isinbayeva, 34 chuan pole vault a chawlhsan thu a puang.

International Olympic Committee’s athlete’s commission atan thlan tlin a nih hnuiin pole vault a chawlhsan thu a puang.2016 olympic ah Russian track and field te chu doping bawhchhiat vangin olympic ah tel thei lo tura hrem a nih avangin damdawi positive ve lo leh hrem la tawk lo Isinbayeva pawh hi a tel theih loh phah a, IAAF lakah hian a lungawilo hle nghe nghe ani.

Tuna a chawl thu a puanna a tawngkam hman tel ah chuan “IAAF hi ka ngaihdam, mahse pathianin an chungthu a rel ang” tiin a sawi.

CARRER HIGHLIGHT.

‪#‎Olympic
‬2004 GOLD
2008 GOLD
2012 BRONZE.‪

#‎World ‬Championships
2005 GOLD
2007 GOLD
2013 GOLD
2003 BRONZE.

#World Indoor Championships
2004 GOLD
2006 GOLD
2008 GOLD
2012 GOLD
2003 SILVER.

#World Cup
2006 GOLD.

#World Athletics Final
2004 GOLD
2005 GOLD
2006 GOLD
2007 GOLD
2009 GOLD.‪

#‎European‬Championships
2006 GOLD
2002 SILVER.

#European Indoor Championships
2005 GOLD.

#European U23 Championships
2003 GOLD.

#World Junior Championships
2000 GOLD.

#European Junior Championships
2001 GOLD.

#World Youth Championships
1999 GOLD

Aside | Posted on by | Tagged , | Leave a comment

INKHAWM PROGRAMME TAM LUTUK HI KAN ȚHAT PUI NGE KAN CHHIAT PUI? SAWIHO TEH ANG U

  • Kohhran inkhawm a tam lutuk.
  • Inkhawm tlem a tha zawk em.

Mizo Kristiante hi khawvel ram dang Kristianho laka kan filawr lakna awmchhun chu kohhran programme ngah lamah hian aniha rinawm. Kar tluanin kan biak-in in awl ni a nei meuh lo a tih theih awm e. Kohhran pui inkhawm ringawt pawh Sunday Sikul nen chhiar tel chuan kar khatah vawi nga ngawt kan nei hem mai–Pathianni(Sunday sikul, chhun inkhawm leh zan inkhawm), Nilai Zan leh Inrinni Zan inkhawm. He’ng bakah hian a ni kar awl ho lah pawl tesep, țhalai pawl, nu pawl, pa pawl etc hovin anmahni group puala inkhawm nan an lo luah khat ve bawk. Kohhranpui hruaitu leh pawl hruaitu tan ngat phei chuan committee leh meetings tih velah telna tur a la tam êm êm bawk a ni. Salvation camping, inkhawmpui, fehchhuah, beirual etc kan la nei chamchi bawk.

Kan Bible-ah “chawlhkar khatah ni chuti zat chu lo inkhawm țhin rawh u” tih kan hmu lova, ringtute chu intichak tawn turin, infuih tawn turin an inhmukhawm țhin tih erawh kan hmu.

Pathianin chawlhkara a ni sarihna(Inrinni) chu Chawlhni-ah a puang a, chu nî chu a malsawm a, serh turin a phut bawk a, a bâk ni zawng chu hnathawh nana hmang turin min ti a ni. Keini chuan a ni khatna Chawlhni atan kan hmang thung a, Amâ tan kan hlana kan serh a nih phawt chuan rimtuiah min pawmsak a rinawm êm êm a ni.

Ka rawtna ni ta ber chu ramdang kohhran tam zawkte tih dan anga kar khata ni khat inkhawm hi a tawk viau lovem ni? Programme tam lutuk hian kan zirlai-ah, kan hnathawh-ah leh kan chhungkaw enkawlna kawngah a țhalo lamin nghawng a neih phah em? Nu leh pa, pi leh pu, chhungte damlo bawihsawm ngai kalsanin kan inkhawm san a țul fo em? Kan zaikhawm san a țul fo em? Hla kan zir san a țul fo em? Kan committee san a țul fo em? Chhungkaw enkawl țha hman lêk lovin kohhranah kan inhmang buai phili em? Zirnaa inthlahdul nan kan hman phah em? Kan exam result hmuh tur ang kan hmuh loh phah em? Kelkang zirlai pawl 10 board exam ho an fail deuh vek an tih te kha tak tak ni maw? Thutak a nih ngat chuan a zialo hle a ni. Rinawm takin kan hna kan thawh theih loh phah em? Zan inkhawm tlai kan hlauh vangin țhiante aiin kan ban hma bik a țul fo em? Kohhran programme avangin i hnathawh i țhulh phahfo em?

Kan ramah hian inkhawm hi ‘mifel’ leh ‘zahawm’ kan tehna ber pakhat a ni. Mahni hna(duty/profession) rinawm leh dik taka thawk țhin te hi mifel leh zahawm chu anni zawk mai lovem ni? Pathian rawngbawlna hi enge? Biak-in pan tlut tlut lam ai mahin nitina kan nun hman dan zawk hi niin a lang. Kan hnathawh, kan zirlai, kan thiltih nitina rinawm taka kan hlenchhuah hian kan nûnin amah kan chawimawina a lo ni. Inkhawm hi kan hna ti sukuk buaitu atan kan hmang tur a nilo.

ZANLAM PROGRAMME:

Țhailai tana zan chhuahna tur tam lutuk te hi a him ber em aw? “Lei hmun thim laite chu nunrawnaawmna in a khat si a”(Sam74). Thim tham hi Setana(Thim Lalpa) chet thiamna ber a ni a, kan khingpui Diabola chu sakeibaknei rum țhin angin a seh tur zawngin a phi ruai țhin, chuvangin ngaihvena fimkhur turin Petera pawhin min chah mawlh mawlh ani. Kan inveng zo lo fo țhin. Fanu pahnih ka nei ve a, naupang an la ni a, nula puitling mahni invên nachang hre chin, kum 25 tal an tlin hma chu zan inkhawm leh hla zir etc phalsakloh ka titlu bur a ni. Țhalai tam tak tihtakzeta inkhawm țhin an awm laiin, zan thim boruak remchanna atan hmangtu pawh an kat nuk a, ‘a zan inkhawm kal haw tawh lovin a bialpa nen an inru ta daih alawm le’ ti-a sawi tur pawh khaw tin deuh thawh-ah an awm. “Inkhawm” tih thumal chu thil țha-ah mawl takin kan pawm tawp a ni ber.

Kan inkhawm “chhan” hi a pawimawh ber chu a ni. Kan inkhawm chhan chu Krista vang anih loh chuan kan hun leh tha kan khawhral thlawn mai a ni. Tisa leh thlarau-ah hlawkna tel tur pakhat mah a awmlo. Awmze neilo ‘vanity’ mai a ni. Nu leh pa pawhin kan fate inkhawm chhan uluk taka kan zira, a chhan ‘Krista’ nilova kan hriat chuan kan țhulh tir ngam mai tur a ni. A nihna taka sawi râwt râwt chuan, țhalai tan zanlam biakin programme hi a him tawk lo a, thil țul tak a ni lemlo.

CHAWLHNI(SUNDAY) AH HIAN PROGRAMME A KHAT MAH MAH EM?

Hnathawhna leh zirna avangtein kartluanin chhungkua kan buai tlanga, hun kan inpe tawn thei meuh lova, Chawlhni hi chhungkaw bila ‘family time’ kan hman ho theih ni awm chhun chu a ni mai. Vaiho chuan an hlut hle a, chhungkaw inzawmna tihngheh zual na’n, an fate public park ah te hruaiin hlim takin hun an hmang ho țhin a, chhungkaw inhmangaih tawnna tuaithar na’n an hmang țangkai hle.

Mizo erawhin chutiang hun chu kan nei thei meuh lo, zing ațanga zan thlengin, inzawm zatin’kohhran programme’ in a luah khat fai phiar tih theih a ni. Hemi avang hian Mizote hi vaiho angin chhungkua pawh kan in pawh tawn tâwk loh phah niin a lang. ‘Family time’ hmanna hun kan nei ngai meuh lova, kan tlat tlatin kan tla a, chhungkaw kehchhia pawh kan tam reng a ni. Chhungkuaa hun hman ho hi chungkaw insuihngheh zual nan a pawimawh êm êm a, chawlhni programme tihthawl deuh dan ngaihtuah hi a țul takzetin ka hria.

Inkhawm hi kan sawisel a ni lova, amaherawhchu inkhawm tam hi ringtu leh kohhran chak tehfung a nilo tih erawh kan sawi ni teh se. Kar khata Sunday zing leh zan inkhawm programme siam hi a tawk thawkhat viauin ka hria.

Han ti ve ngial ila, Calcutta-a ka zir laiin Carey Baptist Church-ah ka lawi a, Sunday zing lehzan bak inkhawm programme a awmlo. Kan pastor Ashok Andrew-a kha thusawi thiam leh nung tak a ni a, Calcutta-a kohhran chak pawl zinga chhiar erawh a ni thung. Isua pawh khan Sabbath-ah tih loh chuan biak inah a zirtir kan hre lemlo. Thil țha awm taka lang “inkhawm programme tam hleiluak hi” kan nun programme vawchhetu atan kan lo hmang reng em? Ngaihtuah a țul.

Han sawi chhunzawm ve tawh teh u.

Aside | Posted on by | Tagged , , | Leave a comment

Usain Bolt a champion zel

Jamaican sprinter Usain Bolt chuan Rio 2016 Olympic 200m intlansiakah 19.79sec ah tlan chhuakin pakhatna a ni a, gold a la leh ta.

Usain Bolt hian a zawnin Olympic vawithumah 100m leh 200m ah gold a la vek a ni.

Aside | Posted on by | Tagged , , | Leave a comment

UPA DR PC BIAKSIAMA CHU PULPIT KAL TLANG RAWNGBAWLNA A NEIH KHAP LAI LAWK SAK A NI

  • Pu Biaksiama phuar a ni.
  • Biaksiama parallel Bible vanga buaina.

Aside | Posted on by | Tagged , , , | Leave a comment

ZAHMAWH RAWNG KAI THAWNTU Gogo Lalremtluanga LAKAH FIR THEHLUT

Lunglei nula fel Ph.D nih tuma bei mek Nl.Remi Bawihtlung d/o Siamthangi Hauhnar, Bazarveng Lunglei, TKP Unit Chaltlang tan a Active em em chu, mi tu tih hriatlohin ni 10.Aug.2016 tukthuan ei kham hlim khan Captain Larry a ni a inchhal in Whatsup Message ah Zahmawh rawng kai tak tak a thawn avangin Nl. Remi Bawihtlung hian Vaivakawn Police Station ah min zawn chhuah sak rawh u tiin FIR a theh lut a. Police ten an zawn chhuah hnu chuan MNF High Command a thlantlin zing ami Gogo Lalremtluanga S/o J.Thanghuama MNF Gen Hqrs Secretary ni lai a ni tih hmuh chhuah a nih hnu ah Police ten an man a. Gogo Lalremtluanga hi Anticipatory Bail a chhuah zui a ni.

Gogo Lalremtluanga case hian MNF a ti mualpho hle dawna an hriat avang ni tak maw? a chhung te bak ah MNF Gen Hqrs hruaitu tam takin “MNF i nih ve tho kha” tiin Pi Siamthangi Hauhnar chu a fanu FIR thehluh hnukkir turin an ngen sak ni a thudawn a ni. MNF Sub Hqrs Vice President ni lai Pu F.Lalsawmkima pawhin Siamthangi Hauhnar hi a nawrna hle ni awm a thu dawn a ni.
He an nawrna vang hian Pi Siamthangi Hauhnar chuan Thawhlehni ni 16.2016 a MNF Hnam Run a OB Meeting ah pawh a tel loh phah ni a thudawn a ni.

`Remi Bawihtlung chuan hetiang hian whatsapp ah a thenrual tha te tanpuina a ngen. “Morning thiante leh u duhtakte u. Harsatna ka tawk ka ti dwn nge.. Ni 10 Aug thla tuk truan ei kham hlim vel khan tu tih hriat loh, Capt Larry a inchhal in min rn whatsapp message a.. Ka no hi an thiante Col Rajat tih atanga nei angin a insawi a.. Chutiang hmelhriat ka neihloh thu ka sawi a. Khatla range ah rn post thar a nih thu leh thian a neihloh thu rn sawiin, thianah min rn sawma.. Chutianga Capt mahni nihna rn sawi thlap te chu tiin, ka lo reply a… Zahmawh rawngkai leh picture message ama private part te min rn thawna.. A tukah min rn la biak zawm zela.. Warning ka pe a a rn la sawi chhunzom zel vangin, VVk pS ah FIR ka thehlut a.. Amah min zawn chhuah sak turin.. Tichuan a hnuah chu Captain Larry chu Mizo mipa, keima hmelhriat ngei alo ni tih kan hre chho taa, tamlo tak leh la serious lo takin message in ngaihdam leh thian inkar infiamna nih kha fir nge i lo thehluh te rn tia.. Ka inhnuk dawk duh lova, hetiang Mizo hmeichhia hnamdangin min zahlo ltk emaw tih laia Mizo mipa in min lo ti hi ka la na em em a.. FIR chu ai strong in kan buaipui ta a.. Ka inluahah te an thiante leh unau te rn kala, mn rn biaa.. Ka scooty khalh lai te mn uma.. Biak min tumin ka kalna hnuah min lo zawnga.. Tunah hian ka nu cousin bulah ka awm meka.. Misual chuan a sual man hmu se ka duh a.. Khawngaihin min lo ttp ve ru.. Ka mal ve angreng sia… He mizo tlangval min zah baksakna neilova min rn be tu hi Gogo Lalremtluanga, Mission veng.. MLA ah te pawh lo in candidate ve tawh a ni. tiin a a a FB Status ah a lo post a ni
( Remi Bawitlung post dan hi kan siam dang lam ngam loh avangin, a ngai ngaiin kan rawn tarlang a ni e-Editor)

Aside | Posted on by | Tagged , , | Leave a comment

Central Young Lai Association in MCS ASSOCIATION chhang let

CENTRAL YOUNG LAI ASSOCIATION
LAWNGTLAI
No 2/2016 of 16th Aug 2016
MCS ASSOCIATION PR CHHANLETNA

Remna Ni Champha 2016 lawm chungchanga Central YLA leh Lawngtlai DC Office-a thawk MCS Officer 2-te inkara inhriatthiam lohna awm chungchang ah, MCS Association-in Press Release an siam hi thudik ziktluak lo leh thu belhchian dawl tawk lo a nih avang in; Mizoram mipuite hriatah thudik puan chhuah leh a țul tak tlat avangin thudik tak kan han puangchhuak nawn leh a ni.

Remna Ni 2016 hman chungchanga Central YLA leh MCS Officer2-te inkara inhmuhthiam lohna kal zelah, Lawngtlai District ațanga sawn chhuak tur hian hun bi nei leh hun tiam awmin sawrkarah kan nawr lo tih hi Zoram mipuite hian hre nawn leh se kan duh hle. An châk vang leh an duh vanga Lawngtlai-a awman ni lo tih hi mak kan ti hle a, Sorkar chuan a hnuaia hnathawk tupawh hi a duhna hmun apiangah dahin a sawn kual thiang a ni. Hetiang a nih laia an duh vang leh chak vanga awm an nih loh thu an lo tlangaupui ta mai hi, Central YLA chuan mak a tiin MCS Association thiltih atan chuan mawi lo a tiin pawi a ti hle a ni.

Remna Ni hi District Administration bultumin mi tlem tein an hmang hi mipui min huap lo va, Sorkar hmalak tumna leh Sorkar rilru ang taka hman tumna pawh a ni lo va, kan boruak kal zel pawh dai zui mai tura kan ngaih laiin MCS Officer 2-te hian vawiin thleng hian remna kawng zawng tura hma an la duhmiah lo hi, Central YLA thawhpui duh lo leh hnam in hmusitna tawpah kan ngai a, an thiltih dik lovah hian inchhirna engmah an neih lohzia a tilang chiang hle a ni. Tin, Sorkar hmalakna tithuanawp zawnga hma an la leh Remna Ni hmang thei lova Lawngtlai District mipuite min siam hi Lawngtlai District-a Political Party hrang hrangte pawn an dem takzet a, Press Release hial siamin kan Chief Minister zahawm tak hnenah Lawngtlai District atanga sawn chhuak turin hma an lo la tawh bawk a. Chuvangin, Vawiin thlengin Central YLA chuan zawl dawh takin Sorkar hmalakna kan ngaichang reng zawk a, thil tha lo zawk a thlen zui zel loh nan Central YLA chuan kan thiam ang tawkin hma kan la zui zel a, kan sorkar chak tak pawh hian kan harsatnate hi min hriatthiam pui se kan duh hle a ni.

Mizoram Civil Service Association-te hi Mizo mipui ngaihsan leh rin em em an nih laia Central YLA President “Pi” tia an lo “Address” ta mai hi an tihsual ve reng nge an tilui? He thil hi an tilui a nih ngat chuan hetiang baka Hnam in hmusitna hi a awm thei tawh ngai lovang.

Tun hnu zela MCS Officer ten neitu rilru pu chunga thahnemngai taka Lawngtlai District mipuite tana rilru na lo lehthlamuang taka an thawh zel theih nan, Central YLA chuan thawhpui kan inhuam a, kan inhawng reng a ni. Amaherawhchu, dik lo taka hnathawh tum leh Lawngtlai Disrict-a NGO te thawhpui thei lo Officer-te erawh chu Central YLA leh Lawngtlai District mipuite hian kan lawm ngai lovang.

Issued by:
Central Young Lai Association, Lawngtlai

Aside | Posted on by | Tagged , , | Leave a comment

Dr. JV Hluna leh Dr. Tluangtea lim hal dawn

Mizo pasaltha Khuangchera India tana zalenna sualtu anga chhuaha chawimawina Ailawng khuaah neih tum a ni hi MZP leh MSU te chuan a duh lo tak zet a, he programme hmang tur hian Mizo tumah kal lo tura ngen an ni a. Kal lui chu hnam phatsantu ah ngaih an ni ang.

He hun hman a nih theih nana ngaihtuahna leh tha leh tui sengtu Dr. JV Hluna, BJP Mizoram state President leh Dr. Laltluangliana Khiangte, HOD, Mizo deptt. MZU te chuan he programme hi thulh lova an kaltlang pui lui a nih chuan MSU, MZP leh College SU leader te chuan hnam phatsantu ah ngaiin an lim a hal dawn a ni.

Pasaltha Khuangchera hi Mizo khua leh tui tana nunna hlan a ni a. A hriat ngai loh leh a khua leh tui a nihna ngai loh India zalenna sualtu anga ngaih Engtik ah mah zirlai leh Mizo hnam hmangaihtute chuan an duh ngai dawn lo a ni.

Vawiin dar 10:00 ah Vanapa Hall kawtah zirlaite leh Mizo hnam hmangaihtu zawng zawngte kim vek tur a ni a. Kan hmalakna min tawiawm tur hian Mizo mipui zawng zawngte MSU leh MZP te chuan a sawm vek bawk a ni.

Aside | Posted on by | Tagged , , , , , | Leave a comment