Tuikuk-Chskmate hi misual an ni

NGAIHTUAH RAWH LE.

  1. TUIKUK te hi Vawi tamtak hruai hawn tumin Mizoram sorkar chuan hma ala tawh a, Chuanlam hrang hrang siam in anlo kir duhlo.
  2. Tripura ah raltlan angin an awma Central sorkar in a chawm tawp, anlo kir vaih chuan an hruaitu ten pawisa hlep ruk tur annei dawnlo va an mi leh sa te chu Mizorama kirlo turin an fuih char char.
  3. Sakhua bulbal neilo anni Mizoram a an awm in kristian anni a, Mizoram a pelh veleh Hindu anni leh mai.
  4. Mizo ten lehkha te kan zirtir a, anlo fing ta a, tunah chuan Mizo te aiin anfing tawhzawk. Central ah min hek in kan chhiatna tur ngawt an zawng ta,
  5. Ngaihthiam na sang tak nen kan enzui zela , an awmna Mizoram state pawn daih Tripura ah Vote annthlak pawh in kan hrethiam zel.
  6. Mizoram NGO ( tlawmngai pawl in zawmkhawm ) ten *ani ta em em lo ve * tiin Election commission of India ( inthlan chungchanga thu neitu sangber) hnen ah Tripura atanga lokir duhlo te chu an awmna hmun ah vote thlak tir tawhlo turin an ngen.
  7. Heng thu vel avang hian Mizo tlangval diktak IAS Mizoram NGO te Duhdan kaltlang pui tumtu chu, Vai Dum phakar hmel zet chuan a mil ta tlat lo. Keimah ni ramchhung ah ngei lehnghal.
  8. He Vai pa hi Central YMA chuan 5 November 2018 ral hma ngeia Mizoram chhuahsan turin Warning anpe ve ta meka,

Central YMA hmalak dan hi khawvel huap Zofa zawng zawng te hian kan thlawp tlat dawnlo mi? He thil ah hi chuan Party sawilo va Mizo mipui zawng zawng kan țan tlan a ngai ta takzet, ani lawmni, Naga land leh Arunachal ah te pawh Chakma antam em em maia Khua leh Tui nihna anpe duh reng renglo, Engvang in nge kanram ah hian kan hlauh bik em em mai le?. MIZO te hi hnam huaisen kanlo ni reng em? Tih te pawh ngaihtuah tham a tling ta. Nge ni, kan hruaitu te hi an dawihzep thin lutuk a kanlo dawihzep zota zawk ? Sate dang ah chuan hnam sipai ( hel pawl chikhat ) annei deuhvek ani. Mizoram ah chuan hetiang hi kan awm miahlo, tuna Mizoram thilthleng ang hi Nagaland leh Manipur vel ah chuan Central sokar hian a tih ngam a lekkkahhhh, kanram ah chuan Central mi pawimawh lozin pawh Vengtu awmlo leh free takin an lengkual vel mai mai thei ani.
Central Sorkar hian kanram a ralmuan bik avanga hetia min chawk kual vel mai mai dawn anih chuan State ralmuang hlutzia an hrelo ava nimai awm emm.

Zoram leilung fate u, Enge kan tih tak ang le, Ralthuam kan lek ngam nganglo a nih pawh in tun ṭum inthlan hi kan Boycott ngam tal dawnlo mi….

Aside | Posted on by | Leave a comment

BJP in candidate an puang.

BJP Pawhin an puang leh ta rup mai le! Sorkarna siam theih ngei an tum thu an sawi…

  1. Hachhek –
  2. Dampa – Er. K Lalrimawia
  3. Mamit – Malsawmtluanga
  4. Tuirial – Jacob T Vanlawma.
  5. Kolasib – B Lianthlira.
  6. Serlui – Vanlalhmuaka
  7. Tuivawl – Judy Zohmingliani
  8. Chalfilh – P Sanghmingthanga

  9. Tawi – Prof. JV Hluna

  10. Aizawl North I – David L. Sailo
  11. Aizawl North II – C Lalnunziri
  12. Aizawl North III – VL Awia
  13. Aizawl East I – Laldinliana Sailo
  14. Aizawl East II – C Malsawmi
  15. Aizawl West I- Malsawmliana
  16. Aizawl West II – LR Colney
  17. Aizawl West III – Lalhmingmawia
  18. Aizawl South I
  19. Aizawl South II – Lalniliana Hauhnar
  20. Aizawl South III – F Lalremsangi

  21. Lengteng – Laldinngheti

  22. Tuichang – Lalduhpuii
  23. Champhai North– Hrangsatkima
  24. Champhai South – Ronghaka Colney
  25. East Tuipui – Dr VL Zahawma Chawngthu
  26. Serchhip – C Lalchunglura
  27. Tuikum – C Lalnunmawia
  28. Hrangturzo – K Sangzuala
  29. South Tuipui – Lalnunpuia Chawngthu

  30. Lunglei North – Ramdinzauva

  31. Lunglei East – H Lalruata
  32. Lunglei West – CS Chawngchhuma
  33. Lunglei South – Dr Aichhinga
  34. Thorang – Joseph Lalzawmliana
  35. West Tuipui – Dr. Kina Ranjan Chakma
  36. Tuichawng – Buddha Dhan Chakma
  37. Lawngtlai West – JB Rualchhinga
  38. Lawngtlai East – Vanupa Zathang.
  39. Siaha – S Vadyu
  40. Palak –
Aside | Posted on by | Leave a comment

Pawl pathumte MANIFESTO KHAIKHINNA

David Sailo on 2nd November

A taka an bawhzui dan chu hunin a la hril dawn a, an ziah lan chinah hian mipui nghawng deuh chin chauh i han khaikhin teh ang.

KAWNGPUI CHUNGCHANG –
Kawng chhia avanga harsatna kan tawh nasat ang hu in an ziak uar lo vekin a lang a, Congress phei hi chuan kawngsiam that beihpui lam hawi an sawi lang lo. Kawnglaih ah mipui inhlawhna tur siamsak tur zawngin an tarlang. MNF leh ZPM hian kawngpui cheithat an sawi ve ve a, MNF in kawngpui siam belh an sawi laiin ZPM chuan kum tam tak daih kawngpui siam chungchang an tarlang.

THLAI THAR HRALH CHUNGCHANG –
Congress hian an hmaih palh nge Manifesto ah hian an tarlang miah lo. MNF hian a tarlang thuak thuak a, thlai thar sawngbawlna leh hralhna an ngaihtuah tur thu an ziak. Sawhthing pawh thlai zinga a hming an lam chhuah chhun a ni. ZPM hian an tarlang chiangkuang bera, Sawhthing Kg ah 50 leh Hmunphiah Rs.100 a an lei phawt tur thu leh Rate hre sa vekin thlai an chin tur thu an sawi.

ZIRNA LAMAH –
Congress hian sem Policy an rawn tawktarh a, HSLC Pass thar zawng zawng Laptop an pek tur thu an sawi a, Result hnuhnung ber 2018 ah khan mi 13563 an Pass a, Compartment pass belh an awm bawk. 13500 ah pawh hisap ila, Laptop Quality vak lo Rs.20000 man theuh pe dawn se Vbc.28 chuang senna tur a ni. An ziah zel danin Matric chhuak tawh hna nghet la neilo te pawh huam vek an tum a, hetiang nih phei chuan 1980 chho a Pass tawh hna nghet neilo zawng zawng nen chuan Vbc engngemaw zat thehthangna tur a ni ngei ang. Hei bakah hian Maths leh Science tel lova Matric Pass dan tur an duang bawk ang. He Subject a harsatna nei tan chuan hnara hlit phawina huai tur a ni ngei ang.

MNF hian Sikul tan hun leh Calendar an thupui ber a, Kohhran leh Private Sikul zirtirtute hamthatna an sawilang bawk. Sikul Building cheithat leh Zirtirtu semrual an tarlang bawk. ZPM hian Politics inrawlh theih lohna turin khawtin leh veng tinah Committee an din dawn thu an sawi a, Competitive Exam leh Technical lam zirna an uar dawn thu an sawi bawk.

Kan vei em em, aikal la zawn chhuaha hrem emaw lam sawi ri tumah an awm lo.

ZU CHUNGCHANG –
Zu zawrhna hlih chungchang ah MNF chiahin chiang takin an tarlang a, ZPM phei chuan Ruihhlo zuarte chungchang Court a rang taka chinfel an sawi daih thung. MNF leh Congress hian Ruihhlo avanga buaite chhawmdawlna lam an tarlang ve ve bawk.

RAMRI BUAI CHUNGCHANG –
Congress in an tarlang lo hrim hrim a, ZPM hian an tum dan an sawi chiang ber a, Boundary Commission an din tur thu an tarlang a, MNF hian ramri a chengte hmasawnna lam an tarlang hlauh thung.

DOCTOR INDAIH LOHNA –
Kan buaina fo pakhat, Sorkar lirtheite pawh kan hal chum chumna ah hian MNF hian an ziak chiang ber a, Doctor leh Nurse indaih lohna sutkian an tum thu an tarlang. Congress hian heti lam lo zawngin Doctor awmlohna hmun atanga Ambulance Network an siam tur thu an sawi thung. ZPM hian an Manifesto ah an tarlang ve lo.

INFIAMNA –
Congress hian an hmalak mekna bakah Motor Sports lam an uar dawn thu an sawi a, Racing Track pawh siam an tum thu an sawi a, infiamna lam hawiah hi chuan Congress Party hmalakna hi hun kal tawh nena khaikhin chuan a chungnung hle. MNF hian Olympic Charter zulzuiin Sport Policy an siam dawn thu an sawi a, ZPM hian Sport Discipline tinah ruahmanna fel tak hmangin eizawnna tlak tura Incentive an pek dawn thu leh Sport Budget tih pun a, District tina semrual an sawi bawk.

Thingpui inpui ngawt lo deuh a ni ve tawh turah ngai ang.

EIRUK DONA LAM –
Congress hian chiangkuangin tarlan an nei lova, a teuh ber chu Sorkar hna kal mek endiktu thunei tak, Conmittee an din dawn tih an sawi. MNF hian Corruption dotu tur Vigilance/Lok Ayukta an din tur thu an sawi. ZPM hian Vigilance Comission an din tur thu leh CM pawh chhui thei tur Lok Ayukta an din dawn a, Social Audit an uar tur thu an sawi bawk.

Hengte hi a ni hlawm a, hei lo pawh hi a awm. Kan hriattura tul leh mipui nghawng thei chin ni a lang ka han tarlang mai a ni. Congress hian Point 21 hmangin an ziak a, MNF hian an ziak chipchiar ber. ZPM ah hian inrelbawlna kawngah thil thar a tam ber thung. Thil tha tak tak vek an ziak a, an in ziah that siak mai mai lo turah ngai ila, hetiang hmang hian i han in chapchar leh ang u hmiang.

Aside | Posted on by | Leave a comment

MLA PU S. LALDINGLIANA KAN CHAN TA

Pu S. Laldingliana MLA (HPC Vice Chairman) kum-64, Chanmari-I chu hun rei tak cancer natnain a bawhbuai hnuin tun maiah khan a chenna in Lungleiah a boral.

Pu S. Laldingliana hi Lunglei pa hlun, Govt College a zirtirtu tha tak, Sub Hqrs YMA hruaitu hlun a ni a, kum 2009 atangin ram rawngbawl hna luhchilhin Lunglei South Bialtu MLA a ni a, vawiin thlengin HPC Vice Chairman a ni.

Hun engemawtilai atang khan Cancer natnain a bawhbuai a, vawi tam tak inenkawla phai lama an liam hnuin min lo peihlohsan ta a ni.

A kalsan tak a chhungte Lalpan awmpuiin hnem rawh se.

-Gilbert Renthlei

Aside | Posted on by | Leave a comment

NGO CO-ORDINATION COMMITTEE (CYMA, MUP, MHIP, MZP, MSU)

Dated Aizawl the 2nd November, 2018

NGO CO-ORDINATION COMMITTEE THUCHHUAK

NGO Co-Ordination Committee meeting 2nd November, 2018 tlai dar 4:00-a Central YMA Committee Room-a neih chuan, kan hma lawk 28th November, 2018-a Mizoram MLA Inthlanpui lo awm tur atan a Pu S.B. Shashank, IAS, CEO-in inthlan a buatsaih dan leh a kalpui dan hi tha a ti lova. NGO-in Inthlanna him leh muanawm, zalen leh felfai tak neih a duh laiin, he lam hawi hian a kalpui lo niin a hmu a, Inthlan kaihhnawih buaipui zel tlakah a ngai lo a ni.

Chuvangin, 5th November, 2018 ni tlak hma ngeiin a hna chhunzawm tawh lova, lo inthiarfihlim tur leh Mizoram chhuahsan turin Pu S.B. Shashank, IAS, CEO hi a ngen a. Mizoram mipui ten Inthlan buaipui tura kan rin ngam ngei dah zawk turin thuneitute NGO Co-Ordination Committee chuan a ngen a ni.

Sd/-
LALHMACHHUANA
Secretary,
NGO Co-Ordination Committee

Sd/-
VANLALRUATA
Chairman, NGO Co-Ordination Committee

Pic : Pu S.B. Shashank, IAS, CEO, Mizoram

Hepa hian Mizoram hi chhuahsan vat rawh se – A nih loh chuan kutthlak mai chi a niang.

Aside | Posted on by | Leave a comment

MPF LEH POLITICAL PARTY-TE THAWHHONA THUTHLUNG 2018

Mizoram chhûnga inthlanna hrang hrang- Mizoram Legislative Assembly General Election 2008, 2013; MP Election 2009, 2014; Village Council Election 2009, 2012, 2015; Aizawl Municipal Corportion Election 2010, 2015; Aizawl Local Council Election 2012, 2015 leh District Council Elections-hrang hrangah Political Party hruaitute nen ‘Thawhhona Thuthlung’ kan siam ṭhin a. Mizoram chhûnga Political Party hrang hrang leh Mizoram People Forum te hmalâkna chuan rah ṭha a chhuah zêl a. Kan inthlanna pawh a ṭha thawkhatin, ram chhûng leh ram pâwn lam thlengin mite hriat leh ngaihven a hlawh ta hle a. Hei hi kan zavaia ṭan tlânna leh thawhhona rah a ni.

Kum 2018-a Mizoram Legislative Assembly General Election lo awm tûrah pawh hian inthlanna thianghlim, dik leh felfai tak a awm ngei theihna tûr leh Sawrkâr Inrelbawlna ṭha (Good Governance) kan neih ngei theihna tûrin Mizoram People Forum hruaitute leh Political Party hrang hrang hruaitute chuan ṭan lâk ho dân tur kan ngaihtuah a. A hnuaia thawhhona tur târ lante hi zawm ṭheuh ṭha kan ti a. He thawhhona thuthlung hi tun aṭanga hman nghal nise kan ti a, kan siam thar leh hma chuan inthlanna chi hrang hrangah hman zui zel tur a ni ang.

1. Inthlan chungchâng

1) Inthlanna thianghlim, dik leh felfai tak a awm ngei theihna tûrin mi tinin theihtâwp chhuah ṭheuh ni se.

2) Inthlanah hian khua leh tui dik tak, vote neite chuan vote thlâk ṭheuh tur a ni.

3) Vote thlâk tura hmun dang aṭanga anmahni khaw lama kalna leh hawna tur ngaihtuahsak leh inthlanni a vote thlak tura motora inhruaite hi Election Dan in a phal loh avangin tu mahin ngaihtuahsak loh ni se.

2. Inthlan sênso chungchâng:

ᅠ Election Commission of India chuan MLA Candidate pakhat inthlan senso atan Rs. 20,00,000 (Nuai sawmhnih) aia tam hman a phal lova. E.C.I-in a phal bak an hman lohna turin ṭan lak ṭheuh ni se.

Hetiangin:-
1) MPF-ten Candidate-te leh party-te hnenah pawisa dil emaw, dawn emaw khap tlat a ni.

2) Candidate ten house to house campaign neih an duh chuan MPF Local Forum hruaitute nen neih ṭhin tur a ni.

3) Sum leh therhlo dang hmanga vote lei leh hralh hi Election Dan in a phal loh avangin tih hauh loh tur a ni. Mipui, pâwl hrang hrang leh kohhrante pawhin party leh candidate-te hnênah thil phût neih tur a ni lo. Chutih rualin thil chi hrang hrang sem, (Entîr nan- Silpouline, Jersey, Football, Mobile handset etc.) leh sawrkar development kallai leh thil dang sem te, buh leh thil dang inphurhsak te hi Election Model Code of Conduct-in a phal loh avangin tih loh tur a ni.

4) Mipui vantlang tana ruai ṭheh leh picnic hi a hautak em avangin tih loh ni se.

5) Candidate-te rulh tura dawr leh hmun danga thil lo lak leh pukte pawh hi tih hauh loh tur a ni.

6) Candidate-te tana inthlan tihautaktu, hêng- banner, flag leh poster-te hi vêng tina târ zât tûr hetiang hian bithliah a ni a. Election Model Code of Conduct hman a nih aṭanga hman nghal tur a ni ang:

* VC/ LC member pasarih nei chinah Banner – 5, Flag – 50 leh Poster – 30 thleng.

* VC/ LC member panga nei chinah Banner – 4, Flag – 40 leh Poster – 30 thleng.

* VC/ LC member pathum nei chinah Banner – 3, Flag – 30 leh Poster – 20 thleng

* Banner hi ft. 4 x 8 aia lian lo ni se.
Poster hi ft. 3 x 4 aia lian lo ni se.

* Flag siam dan tur:
Two wheelers – Flag 1, ft 1 x 2 aia lian lo.
Three wheelers leh four wheelers
– flag 1, ft. 2 x 3 aia lian lo.
Flag san zawng hi ft 3 aia sang phal a ni lo.

Note : Central/State dang aṭanga party hruaitute campaign a an lokal pawhin flag leh banner te hi meeting na hmun bakah tar loh tur a ni.

3. Inthlan Campaign chungchâng

1) Sawrkar dan dinglai angin, vote la nei theilo te chu inthlan kaihhnawih thilah hman phal a ni lo.

2) Party ten ṭul an tih chuan Election Information Centre neih theih a ni ang a. Aurinna (Loud speaker) hman phal a ni lo.

3) Inthlan puan hnuah kawngzawh hi tih loh tur a ni.

4) Public entertainers te reng reng man neia campaign nan hman loh tur a ni.

5) Social Media hmanga dik lo taka thu thehdarh hi Sawrkar dan in a phalloh avang leh a thehdarhtute chu na taka hrem theih an nih avangin tih hauh loh tur a ni. Dik lo taka thu thehdarh an awm chuan rang taka bawhzui nghal a ni ang a, a ṭul anga puanzar a nih bakah Election Commission-ah emaw CID-Cyber Crime-ah emaw hriattir nghal zel a ni ang.

6) Zu leh ruihhlo (drugs) hmanga vote zawn hi Election Commission of India phal loh a nih avangin tih hauh loh tur a ni a. Election Information Centre-ah leh Polling Area bul hnaiah zu leh ruihtheih thilin a tih buai mek te awm phal a ni lo.

7) Vote nei zawng zawng ten zalen taka vote an thlak vek theih nan theihtawpa ṭan lak ṭheuh tur a ni.

4. Zalên taka inthlan leh vênhimna chungchâng

1) Invau leh inrîkrâp awm lo tûrin theihtâwp chhuah ṭheuh tur a ni a, security duty-te chauh lo chuan silai leh puakthei thil ken loh tur a ni.

2) Helte hmanruaa hman leh râlthuam chelekna awm thei te huai taka dodâl ṭheuh tur a ni.

3) Border leh sensitive area-ah te a ṭûl leh mamawh anga vênhimna a awm theih nân hmalâk tur a ni.

4) Vote thlak hi secret ballot a ni a, Dan dinglai angin tuman Polling Booth chhungah mobile phone ken luh loh tur a ni.

5. Policy siam chungchang

1) A tak ram thleng thei tur leh tihhlawhtlin theih tur chauh – manifesto, policy leh programme duan ni se.

2) Mimal chungchâng leh tualchhûng thil chauh ni lovin, party policy leh programme hi campaign-na leh inzawrhna atân hman ni se. Dâwt leh thu belhchian dâwl lo leh finfiah nghâl mai theih loh hmanga inbeih hi tuman tih loh ni se.

6. Candidate chungchâng

Political Party tinin candidate an siam laiin hetiang mi hi candidate atân ruat tûra beisei an ni.
1) Mi hmingṭha, mize nghet leh rilru puitling.
2) Mi taima leh rinawm.
3) Dik lo leh kut tling lova sum leh thil dang hmuh tum lo mi.
4) Zû leh ruihtheih thil dang laka fihlim.
5) Mipat hmeichhiatna kawnga sawisêl kai lo.
6) Ram leh hnam Dân pawisa mi leh dikna ngaisâng mi.
7) Khawtlâng leh mahni mihring puite ṭhatna tur duha, chumi atâna inhmang peih mi.
8) Mahni sakhua leh kohhran zah thiam a, pâwla mi hmingṭha leh rinawm.

7. Thawhhona chungchâng

1) Inthlan puan a nih hnuah chuan Joint Platform hi neih loh ni se. MPF-in ṭul a tih chuan state level-ah neih theih a ni ang a. MPF buatsaih a nih loh chuan Joint Platform ah hian eng party mah tel tur a ni lo.

2) Party malin public meeting neih an duh chuan MPF kaihhruaina hnuaiah neih a ni ang a. State pawn lam aṭanga Campaign tura lo kalte pawhin public meeting an koh pawhin MPF-in an
kaihruai zel ang.

3) Vantlâng tâna thingpui lum loh ni se; polling booth area bul hnaia electoral roll en leh number pek chhuah hi Political Party ten a mala buaipui lovin, MPF kaihhruainain, fîmkhur taka buaipui ni se.

8. Tlângkawmna

1) A chunga ‘Thawhhona Thuthlung’ târ lan piah lamah hian MPF District Forum, Constituency Forum leh Local Forum ten ruahmanna hran siam loh ni se.

2) Heng ‘Thawhhona Thuthlung’ hi bawhchhia an lo awma, finfiah ngei a nih chuan, MPF-in an bawhchhiatna constituency/ Area huam chhûngah a puangzâr ang.

3) He ‘Thawhhona Thuthlung’ hi MPF leh Political Party tinin a zau thei ang berin theh darh ni se.

4) Inthlanna thianghlim kan neih theihna tura MPF leh Political Party-te thuthlung hian Independent Candidiate te pawh a huam ang.

Thawhhona Thuthlungah hian Political Party tin President ṭheuhte leh MPF hotuten hetiangin hming an ziak.

(LAL THANHAWLA)
President, MPCC
General Headquarters

(ZORAMTHANGA)
President, MNF
General Headquarters

(LALHMANGAIHA SAILO)
President, MPC President,
General Headquarters

(LALDUHOMA)
ZNP
General Headquarters

(J.V HLUNA)
President, BJP
General Headquarters

(REV. LALZUITHANGA)
President, MPF
General Headquarters

(REV. DR. R. LALBIAKMAWIA)
Gen. Secretary, MPF
General Headquarters

Politics siam ṭha tura Mizorama
mi zawng zawng thawhhona
“He ramah hian awm la,
Rinawmna um zel rawh”. (Sam 37:3)

Published by –
MPF Gen. Hqrs. Aizawl, 2017

Aside | Posted on by | Leave a comment

STATUE OF UNiTY chanchin

Dylan B.Khiangte

Khawvela milim (statue) sang ber nitur in Vallabhbhai Patel a lim chu nimin khan Pm Modi an a hawng ta rup mai.

He statue hi Indian sculptor Ram V Sutar a design ani a. Narmada lui khuah (dam) thliarkar ah 182mt (597ft) a sang in a ding toh lurh mai a ni. Narmada district Gujarat , Vadodara city chhimchhak 100km a hla a awm ani a. He milim hian Steel structure neiin concrete a siam bronze a luan chhuah leh vek a ni.

Tunge Vallabhbhai Patel-a Chu

Sardar Patel tia hriat lar, Iron man of India’ tih leh ‘Unifier of India’ ti a hming lem an vuah hi Pa ropui leh rorum a ni. Lawyer hlawhtling tak niin India ram Home minister leh Deputy Prime Minister hmasa ber ani. Kum 1875, 31Oct ah Gujarat thingtlang khua ah a piang a, a seilian bok ani. Kum 22 mi a nih in pawl 10 a pass a, zirtirtu hna thoh pah in Sap ram(england) kalna tur a intuak ve lauh2 a. CHumi hnu kum 36 mi a nih in London a Middle Temple inn (law lam zirna ani awm e a) ah seat a chang ve ta hlauh mai a. An course 36months zirtura an tih chu 30months ah a zir zo a. An class ah top niin, college kal miahlo a zir a nih vangin Sap ho mak tih poh a hloh renga ni. India ram ah ron kir leh in Ahmedabad ah Lawyer hna thok in a hming a chher hle a. Heng hun lai hian M Ghandi an Zalenna sual a boruak a neih tantirh lai kha ani a. Gandhi duh dan te hi a ngaisang lo hle thin ani. Mahse 1917 oct ah Gandhi nen hian inkawm in heta tang hian a rilru a thlak danglam ta vek a ni.

1920 ah Gujarat Pradesh Congress comittee President hmasa ber niin 1945 thleng a chelh a, Indian national Congress ah a meizang hlaptu ani chho ta ani. India ram zalen kan lo nih dawn khan India ram ah Lal 565 (princely state) awm in heng ho hi India union ah boruak tang tak kar ah a hruailut thei vek a ni.

Kum 1950, 15 dec ah heart attack neiin Birla house ah 9:37 am ah a chatthla ta ani. A birthday vawi 143na ah chiah he a lim hi an hawng ta ani…..umm

Aside | Posted on by | Leave a comment

Octber 1 tualchhung politics thlirna

Vawiin tualchhung Politics thlirna
CONGRESS IN MANIFESTO TLANGZARH, MSU HRUAITU HLUI CONGRESS AH AN LUT, CONGRESS UNIT ZPM AH IN CHHUNGLUT, BANNA LEH LAWMLUHNA, CAMPAIGN A HAUTAK, MANIFESTO KHAIKHINNA NAKTUKAH
1st October

David Sailo

CONGRESS IN MANIFESTO TLANGZARH –
Vawiin khan Congress Party chuan Manifesto tlangzarhna hun Vanapa Hall ah an hmang a, MPCC President, Pu Lalthanhawla chuan a tlangzarh a ni. He hunah hian Party hruaituten thusawina hun an hmang a, Manifesto sawi zauna hun hman a ni bawk. Vanapa Hall a lenglo in a kawtah te pawh thu an thahnem hle a ni.

MSU HRUAITU HLUI CONGRESS AH –
Vawiin khan Mizo Students Union hruaitu kalchhuak tate chuan a hu hovin Congress Party an zawm a, Vanapa Hall ah lawmluh an ni. He hun ah hian MSU President ni lai chuan thusawina hun a hmang bawk.

CONGRESS UNIT ZPM AH –
Aizawl West III bial, Khatla South a Congress Unit II te chuan 30th October zan khan ZPM ah an in chhunglut tih an tarlang a, ZPM Candidate, Pu VL.Zaithanzama ho in ZPM Steering Committee II an din nghal a ni.

BANNA LEH LAWMLUHNA –
Thawhlehni khan C.Malsawmdawngliana MPCC Communication Dept Member, Pu Remruata EM, MPCC, Pu H.Vanlalnuna, Organiser MPCC leh Nl.Lalnunmawii EM, ADCC te chuan Congress chhuahsanin MNF an zawm.

Siaha biala Na-aotlah khuaa Congress VC Vice President chuan Congress chhuahsanin MNF a zawm a, bialtu Dr.Beichhua in a lawmlut.

Hnahthial Block Congress President hlui leh kum 29 zet Congress Unit, Group leh Block a hruaitu lo ni tawh, Hnahthial khawchhung chanchinbu Galathea News a Editor ni bawk Pu F.Zosangliana chuan Congress chhuahsanin MNF a zawm bawk.

Chamohai North Bial, Selam khua VC Member pathum, D.Thangngaihliana Treasurer, VTK Munga leh Chingsuanvungi te chuan Congress chhuahsanin BJP an zawm a, an chhuah chhanah hian bialtu Congress MLA hnathawh Selam khuaah hmuh tur a awm lo niin an sawi.

CAMPAIGN A HAUTAK –
Thlalak ah hian kan hmu anga, kumin chu Aizawl khaw pawn lam bial khawi hmun pawh kawng duh thu a sam loh avangin Campaign feh chhuah a hautak hle niin an sawi a, Ruling leh Ruling lo Campaign Motor a bal thei hle a, Aizawla Party Flag rawn tarlut, Campaign haw lam lirthei a bal uluk hlawm hle a ni. Eng Party pawh Campaign rawn haw te thu hawn ber zinga pakhat chu kawng a chhe lutuk a tih a ni tel ve deuh zel.

MANIFESTO KHAIKHINNA NAKTUK AH –
Tualchhung Politics Thlirna(TPT) lo tuipuitute tan liau liau ka phak tawka Party hrang hrang Manifesto khaikhinna rawn buatsaih ka tum a, naktuk lam beisei chhin ang.

Aside | Posted on by | Leave a comment

Ronaldo a ropui zel- Juventus record a nihrual

Ronaldo a ropui zel.
CR7 chuan Juventus tan record thar a rawn siam leh ta pek a Juventus player an game khelh hmasa 10 aṭanga goal 7 thun theitu pahnihna niin, 61 chhung record lo ding tawh chu a rawn nihrual ta.

C.Ronaldo hian a game hmasa ah Chievo Verona, Lazio leh Parma te khelin italian league(serie A) a man chiah lo tih a hriat a, goal zawnah a pet hleithei lo. A game 4 na ah Sassuolo an khelh aṭang chuan box chhungah a rawn nghal ta em em mai a. Assist leh goal a neih loh pawhin defence a tibuai nasa thin hle.

Wales football player, Milian nunnema an tih ṭhin, John Charles an 1957 a Juventus a zawm kuma a thun bak kha game 10 chhunga goal 7 thun thiam an la awm lova. Kum 61 zet a tluktu an awm theih loh hnuah C. Ronaldo hian a rawn tluk ta chiah a ni. Charles hian a luh kumin goal 28 ngawt a thun zui a.

Chu chu C.Ronaldo hian a tluk thei ang em.

Juventus hian mi turu tak tak an lo lalut ṭhin a, Gonzalo Higuain, Carlos Tevez leh Filippo Inzaghi te pawh lalutin game 10 ah goal 6 bak an khung thei lova. Alessandro Del Piero leh Zlatan Ibrahimovic te pawhin goal 5 bak an thun thei bik lo.

Ronaldo hi Premier league ah pawh a ṭha tawk tih a lantir tawh a. Spain ah kalin Real Madrid tan no mawi a pet chhuak nghek a. A hun hnuhnung kum 8 chhung khan season tinah goal 40 aia tam a pet goal ziah. World cup zawh hnuah Real in Juventus hnenah an hralh a. An tifuh lo nasa hle. Real Madrid in goal an thun thei lo nghal a. Fans thinrimin an president an au el luih luih mai a. An coach Lopetegui thiamloh ah ngaiin an ban ringawt. Lopetegui pa chuan Real madrid in Ronaldo an hralh chu a ngaithiam lo hle a. “Ka fapa goal 50 an ruksak a ni ringawt” a ti hial a ni.

Ronaldo hi kum 33 a ni tawh a, a tlan chak dan a la ngai reng. Zu in duh miah lo, Tattoo chhu duh miah lo, a khat tawka thisen pe ṭhin a ni a. Mite ṭanpui nan a sum a thawh nasa hle a. Training a tlai ngai lova, a ṭhiante haw hnuah darkar khat te a bei leh tlauh tlauh ṭhin. A taksa a uluk em em a. An training leh inkhelh zawh apiangin tei kual lovin inah a haw a. Tuilum leh vawta a inchiah hnu ah darkar khat tal a mu hahdam vang vang ṭhin. A lar aiin bar a tlawh tam lo.

Juventus hian Inrinni hian Cagliari an tum ang a. A ropui zual zel ang nge a zuih dawn a hriat ang.

Aside | Posted on by | Tagged , , | Leave a comment

Rulrial chanchin

Mizo hming : Rulrial
Common name : Green cat snake
Scientific name : Boiga cyanea
Mildly venomous/ Tur Hlauhawm loh

Rul zen leh sei tha tak an ni a.. 6. 2 ft laia sei te an ni thei. Rul dang nen an danglamna leh hriathran awlna chu an ka chhung hi a dum ani a bakah rul hring ve tho anglo takin an lu chung leh hnungzanga phuhlip te hi a hraw bik hle.

Rulrial hi a hlauhawm lem lo

Ramhnuai thing leh hnim thatna leh hmun hnawng deuhah an awm tlangpui a, mihring khawsakna hnaih deuhah leh hnimah an kawsa tlangpui. Chhunah chuan thing kawrawng leh thing zarah te inzial hlawm tlat in an hahchawl thin a , a tleng chakin a chuk pawh a rang hle a ni. Mi a chuk dawnin a taksa hi hawrawp ‘S’ ang deuha in pawt khawm in a ka chhung dum huam hi a ti lang bawk thin. Tui chi (oviparous ) ni in a nu hian vawi khatah tui 4-11 te a pai thin. Kum khatah vawi khat aia tam a tui thin a, a tui hi ni 64 atanga ni 90 ah a keu thin a, a note keu hlin hi 1.2 ft vela sei an ni.

Rulrialin a ei ṭhin te
Uchang ,sava leh a tui , laiking ,rul dang leh sazu lam chi an ei thin.

Phelly Pachuau

Aside | Posted on by | Leave a comment