LUNGLEI DISTRICT JAIL CHHUNGAH THI

Aug 20 zan khan District Jail Lungleia tang mek LC. Lalromawia kum 37 Saiha Tlangkawn a mi chu Jail chhungah a thi. LC Lalromawia hi kar Nilaini kal ta khan zuruih avangin Excise in an man a, hemi ni vek hian Court chuan Jaila dah luh turin a thawn a, nasa taka zu in thin a nihavangin a taksa leh a rilru a buai hle a, zan dar 8:51 khan a thi ta tih Zohnuaia a chhungte chuan an sawi.

Chief Judicial magistrate Lungleiin kan correspondent a hrilh danin LC Lalromawia hian a hma pawhin zu chungchangah tho thubuai a nei tawh a, bail a a chhuah hnuin zu nam chunga court ah a inlan avangin tun tumah hian tan tir leh a nih thu a sawi a, dan angin Custodial Death Inquiry an lak nghal thu a sawi bawk.

Jail-a thi ta LC Lalromawia pu Zohnuai-acheng mek chuan a tupa, ni 3 chhung zet a nunna atan pawha hlauhthawnawm harsatna a tawk chhung a, enkawlna tha zawk pe tur a damdawiin lama hruai a ni lo chu mak a tih thu a sawi.

LC Lalromawia ruang hi vawiin khan Civil Hospital Lungleiah Postmortem a nih hnuin an khua Saiha lamah phurh phei nghal a ni.

DD News

Aside | Posted on by | Tagged , , | Leave a comment

Hindi zirtirtute hlawh pek thuai beisei a ni

Parliamentary Se-cretary (Education) Jo-seph Lalhimpuia chuan CSS hnuaia Hindi zirtirtute hlawh chu pek thuai an beisei tih Zalen a hrilh a. Hlawh pek har an nih chhan chu Central in budget ah an hlawh daih tur a dah loh vang niin a sawi.

Zalen palaiin a biak naah Parliamentary Secretary chuan CSS Hindi zirtirtute hian January 2016 atangin hlawh an la tawh lo tih a sawi a. Hindi zirtirtute hlawh hi Financial year khat chhung zel atan siam thin a ni tih sawiin kum hmasa lam 2015-2016 khan an hlawh daih tur hi budget ah dah a nih loh avangin January & February, 2016 hlawh tur chu HRD Ministry ah an dil leh nia sawiin Ministry lamin an hlawh daih tur a pek theihloh avangin harsatna an tawk ta tih a sawi.

Mahima chuan Hindi zirtirtute chu sawrkarin a ngaihsak tih sawiin an hlawh chung-chang hi Education Minister, Secretary leh Director te pawhin vawi tam tak thuneitu sang hnenah an thlen bakah Delhi a Mizoram sawrkar aiawh Resident Commissioner Ar-vind Ray leh a nupui, HRD Ministry a Additional Secretary hna chelh mekte pawh theihtawp chhuah turin an ngen tih a sawi a, thla hnih (January & February) hlawh chu reilote ah a chhuah an beisei tih Zalen a hrilh.

Parliamentary Secretary chuan Hindi zirtirtute thla hnih hlawh hi hmuh anih veleh audited statement leh utilization certificate siam nghalin a dang March-August hlawh pawh buaipui nghal a ni dawn nia sawiin Mi-nistry lam pawh an inhawng hle niin a sawi. CSS Hindi zirtirtute chu kum 2017 a tawp tur an ni chungin an thawh chhunzawm zel theihnan Chief Minister leh Department lam pawhin hma an la tih a sawi a, “Chief Minister in tum hnih Prime Minister hnenah chhunzawm tura ngenna a thlen tawh a, beiseina sang tak kan nei a ni,” a ti bawk.

RMSA leh SSA hnuaia zirtirtute hlawh lak hun tur Zalen zawhna chhangin Parliamentary Secretary chuan, “Mizoram sawrkarin a tum ve tur matching share tihfel a ni tawh a, sum hi account ah a luh veleh central in an chanpual tur min rawn pe ve ang a, chumi zawhah kan pek thuai kan beisei,” a ti bawk.

SSA leh RMSA sum hi hmarchhak state te tan 90:10 in Central leh State ten an intumsem a ni.

Aside | Posted on by | Tagged , , , | Leave a comment

Zu zawrh tihtawp phût nan MNF-in kawngzawh an rêl

MNF National Exe­cutive Meeting, August 19 a Vanapa Hall-a neih chuan, sorkarin zu a zawrh titawp tura nawr nan kawngzawh huaihawt an rél.

MNF meeting reso­lution chuan, “Congress sorkarin zu a zawrh titawp tura nawrna atan kawngzawh neih kan remti a, a hun leh ní erawh chu General Headquarter-in ruat se la, Aizawl khawpui bakah a theih leh remchanna khaw hrang hrangah kawngzawh ni se kan ti,” an ti a ni.

Vanglaini.

Aside | Posted on by | Tagged , , , | Leave a comment

‎SAKEI SEH PUMPELH by Pu CHHUNTHUAMA

AUTHOR : Vanlaldika

Kum 1969 khan Serchhip Zuangleng ram chu lo atana theh a ni a. Ri pawh nei mumal lovin ka lo chu a bing angreng hle mai a. Chutih nak alai chuan Upa duh loh danin thlam ka’n sa kher leh nghal a.( thlam chhuat chanve lei ring, a dang dawh kan tihna a ni).

Thitin thla ni 30 a ni a, dan pangngaiin mite aia zawh tlai bik hlauvin riak turin ka in-ak chhuak leh ta a. Kawtchhuah ka thleng chu ruahpui vanawn a lo sur ta ngheng mai a. Kal luihna chi a nih loh avang chuan ka kir leh ta a. Chumi zan chuan mumang mak tak mai ka nei ta a ni.

Ka mumang hmasa berah chuan ka lovah chuan ka lo riak leh a, thlam kawtah ka lo ding a. Thlam kawtah chuan thlanlung thar sur mai, a chunga ha siam thar rapthlak tak mai hi ka lo hmu a. “Tu ha tak ni ang maw?” tia ka thlir reng lai chuan hmana thi tawh ka puzawn Nikhuma chu ka bulah a lo ding reng niin. Ani lah chuan,” Ka ha a nih kha” a lo ti a. Kei chuan,”I ha a nih loh kha, i ha te chu a nalh em kha” ka ti a. Ani chuan,” Thlan vungin a chhilh vang a nih kha; i ha pawh ni se hetiang tho hi a ni ang, Chhunthuam, ramah hian nangmah chauh chuan riak tawh suh, i riah fo chuan he thlan thar hi i luah mai tur a nia” mi lo ti a. Kei lah chuan,” Luah lo vang, hlauh tur a awm lo” ka tihsan mai a. Ani chuan,” Chutiangin ti ngawt suh, tunah pawh ka ngaihtuah em che a, ka lo kal a nih hi” ti chungin mi liamsan ta a. Ka harh nghal a, mak ti tak leh ngaihtuah reng chung chuan zunram ka thiar a, ka mu leh ta a.

Ka muhil leh chauh tihah chuan mumang ka nei leh ta nghal mai a. Ka mumangah chuan kan vau tui ka lo chawi a, ka thal lai mek chuan ka pu Nikhuma bawk chu ka hmu leh a.”E khai, riak tawh suh ka tih kha, engah nge i la riah fo? Tunah haw nghal la i tan a tha ang” tih pahin a ha siamthar bawk chu mi entir leh a. Ama ha pawh ni lovin sakei ha a lo ni a, a chungah sâr a lo zam kulh mai bawk a. Kei chuan,” Hlauhawm a awm lo ve, ka khua pawh a har lo khawp asin” ka tihsan leh mai a. Ka pu chuan,” Ni lo, thlanvung sen kha i luah ka hlauh em vang alawm, ka awmna atangin buai chung chungin ka lo kal a nih hi” a ti leh a. Ka harh chhunzawm ve leh a. Kan nu pawh harhin,” ka mumang hlawm tak chu…!” ka tia, zunram thiarin ka tho leh ta a. A ruk tak chuan ngaih a ngam lo angreng hle mai.

Ka’n mu leh chuan mumang hmasa ang deuh bawk ka mang leh ta a. Ramah ka lo riak leh a, kan thlam kawtah chuan thlanvung tharlam em em mai hi ka hmu leh ta. Chutah chuan pu Nikhuma bawk chu a lo thu leh vang a. Ka en reng lai chuan,” aw haw haw, a va’n mak zo zai tak em! Engah nge i la riah luih fo aw? Haw vang vang la, i la him hman ang, hmun hlauhawm a nih hi, i vangvat thah zante khan sakeiin i lu zawna i tukverh hawnah khan a rawn hnim thin che a. Engmah i hre der si lo. Hman zana sanghar sazu man thawm emaw tia,’ Nghara seh tak rawh’ i tih te kha sakei asin. Khami zante khan sakeiin i thlam hi lungthilin a rawn vawm uaih uaih a, i mut duhin engmah i hre si lo, haw vat rawh, tun bak chu ka lo kal hman tawh lo vang, ka thu awih rawh, i nupui fanaute an ngaihtuahawm e” a ti hlur a.

Kei lah chuan,” Hlauhawm a awm lo ve” ka lo tihsan zel a.A tukah chu phur lo ru angreng, mumang vanga tlawm hreh tak si chuan riak tur chuan ka insiam ta a. Mahse kan nu’n ka thil sawi avang chuan a phal ta tlat lo va, kal luih ka’n tum pawn mittui nen mi uai bet tlat si a, chuti na na na tiin ka thulh leh ta a.

A tuk lehah chuan ka unaute ka puzawnte nen kan lo zo tur chuan kan thawk chhuak ta a. Thlam kan zu thleng chu kan han chian chu le, thlam vel chu sakei hnu hian a lo chiar dep dup mai a. Thlanvung thar ka hmuhna hmun velah te chuan a bawhna hnua lo bel hnum hen hun mai a nih chu. Ka thlam tukverh bul ka chian ngat a, sakei hnu a lo lang kelh kulh bawk a.Vau tui chawi turin dân ûm ka pu chhuak a, hman zana sanghar sazu umna nia ka hriat te chu ka en vel a, sanghar hnu ni lovin sakei hnu hlir a lo nih chu. Thil thlen dan ka ngaihtuah a, ka rilru te te chuan,” E khai, a va’n mak em! Ka puzawn thi tawh hian a tu leh fate hi mi a va ngaihtuah ve leh aw’ ka ti rilru vawng vawng a.

Ka tui thal lai chuan kan khaw pasaltha pakhat hi silai puin a lo kal ngauh ngauh a.” Chhunthuam, Ropuii pa, i huai roh mang e aw. Hetiang ram pilrilah mahnia ram i riah fo mai, nizan maiah pawh i lo mawnga khu sapuiin sanghal a bei nih awm khu..” a ti leh ta mai a. Mak ka ti ta deuh deuh va, engmah ka sawi lo nain ka mumang erawh ka hrereng thung a ni.
( Pu Chhunthuama hi kohhran upa niin VC menber pawh a ni tawh a, he lehkhabu ziaktu hian kum 1980 khan a kawm a, chuta a kawm tuma a sawi ang diakdiak a a ziah a ni.)
( Zopa fiamthu leh titi. By Sena Tlau & edited)”

Aside | Posted on by | Tagged , , | Leave a comment

Mobile browser atanga Playstore atanga download dan.

Google Playstore ami file te hi playstore application lo chuan download a harsa a, mahse Softwares emaw games emaw i duh duh apkleecher.com atang hian Google Playstore ah Account nei kher lo pawhin i Download thei.

http://apkleecher.com/
ah hian lut la,i app duh hming kha Enter la. Genarate Download Link ah khan lut leh rawh. Proceed to download Page tih ah khan lut leh la.tichuan i download a ni mai.

Chuan heng i download a te hi a Installer file an ni a,i duh chen chen i dah tha thei. Google Playstore atanga Download erawh chuan,a Application Software a kha download lo in,phone a Direct in a in download/Install nghal pawp a. apkleecher.com atanga download erawh chuan Direct a phone a in Install nghal pawp lo in, a Apk file kha a in download a ni.

Ti khian Playstore tho i hmang a,a link an lo Convert sak mai che a ni.
Tichuan, a Installer file a kha i duh duh huna i phone a Installed mai thieih turin, i Computer ah emaw,i memory Card ah emaw i dah tha tawh mai dawn a ni.

Aside | Posted on by | Tagged | Leave a comment

GOLD IN BOLT A BAWM : TRIPLE TRIPLE GOLD

AUTHOR :
  • Usain Bolt a turu.
  • Usain Bolt a Olympic gold medal lak tawh te.

Bolt-a telna Jaimaican tlan chak rual ( Asafa Powell, Yohan Blake leh Nickel Ashmeade) chuan Rio Olympic 4x100m relay ah 37.27sec ah tlan zo in gold an la leh ta a, Usain Bolt hian Olympic ah a zawnin 100m, 200m leh 4x100m ah te gold la vekin Olympic gold medal pakua a lakna a ni ta.

Pahnihna ah Japan tlan chak rual ho awm ve in an ni hian 37,60sec ah an thleng a, pathumna 37.62sec a thleng USA te chu first leh second runner in ‘baton’ an in pass dik loh avangin an disqualified a, Canada in bronze an la ve thung.

Usain Bolt hian nakum (2017) World Championship zawhah chawlh a tum tawh thu February thla khan a lo sawi tawh a ni.

Bolt’s Olympic ‘triple triple’ :
Beijing 2008 : 100m, 200m, 4x100m
London 2012 : 100m, 200m, 4x100m
Rio 2016 : 100m, 200m, 4x100m

Aside | Posted on by | Tagged , , | Leave a comment

SIALHAU PA SAVAWMIN SEH

AUTHOR :

Nimin (Ni 20. Aug., 2016 Saturday) chawhma lam khan Sialhau khua a awm Pu K.Lalthanpuia S/O K.Thanțhuama chua Aiáwt en Savawmin a seh.

Pu Thanpuia hi a Fapa Zonuntluanga nen Sialhau ram Charngaw Luiah Aiawt enin an kal a. A fapa ai hian tlemin a kal hmasa a ni awm e. Savawm chu hmulawk deuh mahse Sanghal emaw a tih a vangin a hlau vaklo a ni mai thei. Savawm nen chuan an inpawm chilh a ni ta mai a.

Savawm hian a bek dinglam a seh hîk a, a ka chhunglam a tlang hial a ni. Heilo pawh hi a lu hmun dangah a ham sak nual bawk. A fapa hian a chhan vata Savawm pawh chu a insaseng ta a ni.

Engtin tin emaw an pafa hian in an thleng thei hram a, Health Sub-Centre ah silfai sak niin Serchhip Damdawi in lam panpui a ni.

Aside | Posted on by | Tagged , | Leave a comment

ISINBAYEVA A CHAWL TA. PATHIAN IN IAAF CHUNGTHU A REL ANG -ISINBAYEVA

AUTHOR : Mafela Ralte

2 time Olympic pole vault gold medalist and world record holder Yelena Isinbayeva, 34 chuan pole vault a chawlhsan thu a puang.

International Olympic Committee’s athlete’s commission atan thlan tlin a nih hnuiin pole vault a chawlhsan thu a puang.2016 olympic ah Russian track and field te chu doping bawhchhiat vangin olympic ah tel thei lo tura hrem a nih avangin damdawi positive ve lo leh hrem la tawk lo Isinbayeva pawh hi a tel theih loh phah a, IAAF lakah hian a lungawilo hle nghe nghe ani.

Tuna a chawl thu a puanna a tawngkam hman tel ah chuan “IAAF hi ka ngaihdam, mahse pathianin an chungthu a rel ang” tiin a sawi.

CARRER HIGHLIGHT.

‪#‎Olympic
‬2004 GOLD
2008 GOLD
2012 BRONZE.‪

#‎World ‬Championships
2005 GOLD
2007 GOLD
2013 GOLD
2003 BRONZE.

#World Indoor Championships
2004 GOLD
2006 GOLD
2008 GOLD
2012 GOLD
2003 SILVER.

#World Cup
2006 GOLD.

#World Athletics Final
2004 GOLD
2005 GOLD
2006 GOLD
2007 GOLD
2009 GOLD.‪

#‎European‬Championships
2006 GOLD
2002 SILVER.

#European Indoor Championships
2005 GOLD.

#European U23 Championships
2003 GOLD.

#World Junior Championships
2000 GOLD.

#European Junior Championships
2001 GOLD.

#World Youth Championships
1999 GOLD

Aside | Posted on by | Tagged , | Leave a comment

INKHAWM PROGRAMME TAM LUTUK HI KAN ȚHAT PUI NGE KAN CHHIAT PUI? SAWIHO TEH ANG U

  • Kohhran inkhawm a tam lutuk.
  • Inkhawm tlem a tha zawk em.

Mizo Kristiante hi khawvel ram dang Kristianho laka kan filawr lakna awmchhun chu kohhran programme ngah lamah hian aniha rinawm. Kar tluanin kan biak-in in awl ni a nei meuh lo a tih theih awm e. Kohhran pui inkhawm ringawt pawh Sunday Sikul nen chhiar tel chuan kar khatah vawi nga ngawt kan nei hem mai–Pathianni(Sunday sikul, chhun inkhawm leh zan inkhawm), Nilai Zan leh Inrinni Zan inkhawm. He’ng bakah hian a ni kar awl ho lah pawl tesep, țhalai pawl, nu pawl, pa pawl etc hovin anmahni group puala inkhawm nan an lo luah khat ve bawk. Kohhranpui hruaitu leh pawl hruaitu tan ngat phei chuan committee leh meetings tih velah telna tur a la tam êm êm bawk a ni. Salvation camping, inkhawmpui, fehchhuah, beirual etc kan la nei chamchi bawk.

Kan Bible-ah “chawlhkar khatah ni chuti zat chu lo inkhawm țhin rawh u” tih kan hmu lova, ringtute chu intichak tawn turin, infuih tawn turin an inhmukhawm țhin tih erawh kan hmu.

Pathianin chawlhkara a ni sarihna(Inrinni) chu Chawlhni-ah a puang a, chu nî chu a malsawm a, serh turin a phut bawk a, a bâk ni zawng chu hnathawh nana hmang turin min ti a ni. Keini chuan a ni khatna Chawlhni atan kan hmang thung a, Amâ tan kan hlana kan serh a nih phawt chuan rimtuiah min pawmsak a rinawm êm êm a ni.

Ka rawtna ni ta ber chu ramdang kohhran tam zawkte tih dan anga kar khata ni khat inkhawm hi a tawk viau lovem ni? Programme tam lutuk hian kan zirlai-ah, kan hnathawh-ah leh kan chhungkaw enkawlna kawngah a țhalo lamin nghawng a neih phah em? Nu leh pa, pi leh pu, chhungte damlo bawihsawm ngai kalsanin kan inkhawm san a țul fo em? Kan zaikhawm san a țul fo em? Hla kan zir san a țul fo em? Kan committee san a țul fo em? Chhungkaw enkawl țha hman lêk lovin kohhranah kan inhmang buai phili em? Zirnaa inthlahdul nan kan hman phah em? Kan exam result hmuh tur ang kan hmuh loh phah em? Kelkang zirlai pawl 10 board exam ho an fail deuh vek an tih te kha tak tak ni maw? Thutak a nih ngat chuan a zialo hle a ni. Rinawm takin kan hna kan thawh theih loh phah em? Zan inkhawm tlai kan hlauh vangin țhiante aiin kan ban hma bik a țul fo em? Kohhran programme avangin i hnathawh i țhulh phahfo em?

Kan ramah hian inkhawm hi ‘mifel’ leh ‘zahawm’ kan tehna ber pakhat a ni. Mahni hna(duty/profession) rinawm leh dik taka thawk țhin te hi mifel leh zahawm chu anni zawk mai lovem ni? Pathian rawngbawlna hi enge? Biak-in pan tlut tlut lam ai mahin nitina kan nun hman dan zawk hi niin a lang. Kan hnathawh, kan zirlai, kan thiltih nitina rinawm taka kan hlenchhuah hian kan nûnin amah kan chawimawina a lo ni. Inkhawm hi kan hna ti sukuk buaitu atan kan hmang tur a nilo.

ZANLAM PROGRAMME:

Țhailai tana zan chhuahna tur tam lutuk te hi a him ber em aw? “Lei hmun thim laite chu nunrawnaawmna in a khat si a”(Sam74). Thim tham hi Setana(Thim Lalpa) chet thiamna ber a ni a, kan khingpui Diabola chu sakeibaknei rum țhin angin a seh tur zawngin a phi ruai țhin, chuvangin ngaihvena fimkhur turin Petera pawhin min chah mawlh mawlh ani. Kan inveng zo lo fo țhin. Fanu pahnih ka nei ve a, naupang an la ni a, nula puitling mahni invên nachang hre chin, kum 25 tal an tlin hma chu zan inkhawm leh hla zir etc phalsakloh ka titlu bur a ni. Țhalai tam tak tihtakzeta inkhawm țhin an awm laiin, zan thim boruak remchanna atan hmangtu pawh an kat nuk a, ‘a zan inkhawm kal haw tawh lovin a bialpa nen an inru ta daih alawm le’ ti-a sawi tur pawh khaw tin deuh thawh-ah an awm. “Inkhawm” tih thumal chu thil țha-ah mawl takin kan pawm tawp a ni ber.

Kan inkhawm “chhan” hi a pawimawh ber chu a ni. Kan inkhawm chhan chu Krista vang anih loh chuan kan hun leh tha kan khawhral thlawn mai a ni. Tisa leh thlarau-ah hlawkna tel tur pakhat mah a awmlo. Awmze neilo ‘vanity’ mai a ni. Nu leh pa pawhin kan fate inkhawm chhan uluk taka kan zira, a chhan ‘Krista’ nilova kan hriat chuan kan țhulh tir ngam mai tur a ni. A nihna taka sawi râwt râwt chuan, țhalai tan zanlam biakin programme hi a him tawk lo a, thil țul tak a ni lemlo.

CHAWLHNI(SUNDAY) AH HIAN PROGRAMME A KHAT MAH MAH EM?

Hnathawhna leh zirna avangtein kartluanin chhungkua kan buai tlanga, hun kan inpe tawn thei meuh lova, Chawlhni hi chhungkaw bila ‘family time’ kan hman ho theih ni awm chhun chu a ni mai. Vaiho chuan an hlut hle a, chhungkaw inzawmna tihngheh zual na’n, an fate public park ah te hruaiin hlim takin hun an hmang ho țhin a, chhungkaw inhmangaih tawnna tuaithar na’n an hmang țangkai hle.

Mizo erawhin chutiang hun chu kan nei thei meuh lo, zing ațanga zan thlengin, inzawm zatin’kohhran programme’ in a luah khat fai phiar tih theih a ni. Hemi avang hian Mizote hi vaiho angin chhungkua pawh kan in pawh tawn tâwk loh phah niin a lang. ‘Family time’ hmanna hun kan nei ngai meuh lova, kan tlat tlatin kan tla a, chhungkaw kehchhia pawh kan tam reng a ni. Chhungkuaa hun hman ho hi chungkaw insuihngheh zual nan a pawimawh êm êm a, chawlhni programme tihthawl deuh dan ngaihtuah hi a țul takzetin ka hria.

Inkhawm hi kan sawisel a ni lova, amaherawhchu inkhawm tam hi ringtu leh kohhran chak tehfung a nilo tih erawh kan sawi ni teh se. Kar khata Sunday zing leh zan inkhawm programme siam hi a tawk thawkhat viauin ka hria.

Han ti ve ngial ila, Calcutta-a ka zir laiin Carey Baptist Church-ah ka lawi a, Sunday zing lehzan bak inkhawm programme a awmlo. Kan pastor Ashok Andrew-a kha thusawi thiam leh nung tak a ni a, Calcutta-a kohhran chak pawl zinga chhiar erawh a ni thung. Isua pawh khan Sabbath-ah tih loh chuan biak inah a zirtir kan hre lemlo. Thil țha awm taka lang “inkhawm programme tam hleiluak hi” kan nun programme vawchhetu atan kan lo hmang reng em? Ngaihtuah a țul.

Han sawi chhunzawm ve tawh teh u.

Aside | Posted on by | Tagged , , | Leave a comment

Usain Bolt a champion zel

Jamaican sprinter Usain Bolt chuan Rio 2016 Olympic 200m intlansiakah 19.79sec ah tlan chhuakin pakhatna a ni a, gold a la leh ta.

Usain Bolt hian a zawnin Olympic vawithumah 100m leh 200m ah gold a la vek a ni.

Aside | Posted on by | Tagged , , | Leave a comment